ကဏ္ဍ:သုတ္တန္တပိဋကတ်

သုတ္တန္တပိဋကတ် (ပါဠိ: Suttanta Piṭaka) ဟီုမ္ဂးဂှ် ဒှ်စွံပကောံလဝ် ဓရ်ဒေသနာ ကျာ်တြဲမတွဟ်လဝ် ကုခမဳသင် ကေုာံ ဒါယကာတအ် ပ္ဍဲဌာန်နာနာ၊ အခိင်နာနာ ရ။ ဍေဟ်လုပ်လၟိဟ် ပ္ဍဲပိဋကတ်ပိတုဲ ဒှ်ဌာန်နိဿဲ မဇၞော်ကဵုဒြဟတ် သွက်ဂွံလ္ၚတ်နဲကဲဒ္ဂေတ်ပဋိပတ် ညံင်ဂွံမ္ဒးရး ရ။ သုတ္တန္တဝွံ ဗဒှ်ကဵုနဲကဲသောင်ကလး ဓရ်ဗွဲမလောဲသွာ ညံင်သတ္တအ်ဂွံဆိုက်ဗ္ဒက်ကဵု ဓရ်ကျာ် တုဲ သွက်ဂွံပ္တုဲကဵုကမၠောန်ဒးဒးရးရး ပ္ဍဲအရာမမင်မွဲသာသနာ ရ။

ပ္ဍဲသုတ္တန္တပိဋကတ်ဝွံ ပါ်ခြာလဝ်နကဵု နိကာယ (၅) ပြကိုဟ် ညံင်တင်ယောင်ယာဂွံဟၟဲ အတိုင်ဗွဲသၟဝ်ဏအ်ရ -

၁။ ဒီဃနိကာယ (Digha Nikaya)

• ပကောံလဝ် သုတ်မနွံကဵုလဟီုမဂၠိင်ဇြိုဟ် (၃၄ သုတ်)။

၂။ မဇ္စျိမနိကာယ (Majjhima Nikaya)

• ပကောံလဝ် သုတ်မနွံကဵုလဟီုမဒှ်အကြာ (ဟွံဂၠိင် ဟွံဂၠေံ) (၁၅၂ သုတ်)။

၃။ သံယုတ္တနိကာယ (Samyutta Nikaya)

• ပကောံလဝ် သုတ်မဆက်စပ်ဒၟံင်ရေင်သကအ် နကဵုက္ဍိုပ်လိက်တုပ်ပ် (၇,၇၆၂ သုတ်)။

၄။ အင်္ဂုတ္တရနိကာယ (Anguttara Nikaya)

• ပကောံလဝ် သုတ်မပါ်ခြာလဝ် နကဵုလၟေင်ဂၞန် (၁၁ နိပါတ်၊ ၉,၅၅၇ သုတ်)။

၅။ ခုဒ္ဒကနိကာယ (Khuddaka Nikaya)

• ပကောံလဝ် သုတ်ဂၠေံဂၠေံ ကေုာံ ပြကိုဟ်သ္အာင်ဂမၠိုင် (ဥပမာ - ဓမ္မပဒ၊ ဇာတ်၊ ဝိမာနဝတ္ထု)။

• ပွမသောင်ကလး: သုတ္တန္တပိဋကတ်ဝွံ ဟီုတွဟ်လဝ် ဗွဲဒေသနာဝေါဟာရ (ညံင်မၞိဟ်တအ်ဂွံကၠိုဟ်) တုဲ ထ္ၜးလဝ်နဲကဲပွမဒးဇွောတ်သ္ပေါတ်ကဵု ဓရ်သစ္စာ။
• ပွမရပ်ဗိုန်စောဲစပ်: လ္ၚတ်သုတ်တအ်ဏအ်မ္ဂး ဗဒှ်ကဵုစိုတ်လျိုင်ပတှ်ေ ညံင်ဟွံဂွံစောဲစပ် ပ္ဍဲကာမဂုဏ်။

• ဖဵု ခိုင်ကၠိုက် - ကၠိုဟ်ခၠင်ကေတ် နဲကဲဒ္ဂေတ်ဘဝ ညံင်ဂွံၜိုဟ်လလံ။
• အာယုက် သာသနာ - ပွမလ္ၚတ်သုတ်မ္ဂး ထိင်ဒက်မင်မွဲကဵု သာသနာကျာ်တြဲ ညံင်ဂွံတန်ကြန်ဗိုန်ဗတ် ဗွဲမမ္ဒးရး။