ကလျာဏမဟာထေရ်
| အစာလိက်ပရိယတ်၊ အစာဓမ္မကထိုက်၊ ဘဒ္ဒန္တ ကလျာဏမဟာထေရ် အစာဓမ္မကထိုက် ကေုာံ နွံပိုန် ဘာပုဗ္ဗာရီု၊ ဍုင်မတ်မလီု | |
|---|---|
| သၠးဂၠံဂဝ် |
မာံဘဝေန် ဂျူလာင် ၁၅၊ ၁၉၄၃ ကွာန်ဝါဂျဳ၊ ပွိုင်ဍုင်ပံင် |
| စုတိ |
အဝ်ဂေတ် ၁၂၊ ၂၀၂၁ (အာယုက် ၇၈) ပ္ဍဲဘာပုဗ္ဗာရီု၊ ဍုင်မတ်မလီု |
| ဟိုတ်မစုတိ | ယဲ |
| ဂကူ |
 Monမန် |
| ကောန်ဍုင် |
 Myanmarကောန်ဍုင်ဗၟာ |
| ကဆံင်ပညာ | ဓမ္မာစရိယ |
| အံက် |
|
| လာပ် | အဂ္ဂမဟာသဒ္ဓမ္မဇောတိကဓဇ |
| ဂယိုင်လမျီု | နွံပိုန်ဘာ |
ဘဒ္ဒန္တတကလျာဏ (ဓမ္မာစရိယ)(၁၉၄၃၊ ၀၇၊ ၁၅ - ၂၀၂၁၊ ၀၈၊ ၁၂)ဝွံ ဒှ်အစာလိက်ပရိယတ္တိ၊ အစာဓမ္မကထိုက်၊ အစာဝိပဿနာ မဒယှ်တမ္ညဝ် အလုံဒေသရးမန်တုဲ ဒှ်ကျာ်ဇၞော် နွံပိုန် ဘာပုဗ္ဗာရီု ဍုင်မတ်မလီုရ။ ကျာ်ဇၞော်ဝွံ သီုချူလဝ် လိက်ကၞပ် မဆေင်ကဵုဗုဒ္ဓဘာသာ ကေုာံ ကွတ်ဂၞန်သင်္ချာ သွက်ဂွံစကာ ပ္ဍဲလၟိုန်တ္ၚဲကီုရ။
ဘဝသၟတ် ကေုာံ ပရေင်ပညာ
[ပလေဝ်ဒါန် | ပလေဝ်ဒါန် တမ်ကၞက်]ဘဒ္ဒန္တကလျာဏဝွံ က္တဵုဒှ်မၞိဟ် ပ္ဍဲ ကွာန်ဝါဂျဳ၊ ပွိုင်ဍုင်ပံင်၊ ခရိုင်သဓီု ပ္ဍဲသက္ကရာဇ်ဍုင် ၁၃၀၅ ဂိတုဒဂိုန် ၁၄ မမံက် တ္ၚဲစန် အခိင် နူဂယး ၉ နာဍဳ၊ မဒှ်ကောန် အစာသဝ်ဗိန္ဒောဇၞော် နာဲမှာန်၊ အစာသဝ်ဗိန္ဒောဇၞော် မိရီု။ ပၞောဝ်ကဵု ကောဒေအ် သီုဖအိုတ် ၇ တၠ၊ မၞိဟ်တြုဟ် ၆ တၠ မၞိဟ်ဗြဴ ၁ တၠဂှ် ဒှ်ကောန် မရနုက်ကဵု ၅။ ညးဝွံ ဒှ်ကောန်ကမာ၊ ကောကမာညး မကဵုလဝ်ယၟု ဘရ ဂှ် ချိုတ်အာ နူဍောတ်တ်။ နူဍောတ်တ် မိမၜါ ခုတ်ကဵုလဝ်ယၟု မာံဘဝေန် (ဘဝင်)။ အခိင်မံင်ဘာစိုပ် ညးမံင်ဘာတန် ပ္ဍဲကွာန်ဂျဳ ဂွံအံင်ဇၞးကေတ် တန်စတုတ္ထတုဲ ညးပထပိုယ် ပ္ဍဲဘာတၟိ ကွာန်ဝါဂျဳ ဇရေင်ကျာ်ဇၞော်ဝါယမ (ဇာတိကွာန် ခရှ်ေ)။ ကျာ်ဇၞော်ဝါယမ အာအပ်ကဵု ဗ္တောန်လိက် ကွာန်ထဝ်ပၠင်၊ ဘာစိင်ဂၠက် ဇရေင်ကျာ်ဇၞော်နန္ဒိယ။ နူဂှ် ညးပြံင်အာမံင် တိုက်လိက်ကအ်နှာတ် ဇရေင်ကျာ်ဇၞော်အစာတၠ ဘဒ္ဒန္တဥတ္တမရမ္ဘမဟာထေရ်။ သၞာံ ၁၃၂၇ ဂှ် ဂွံအံင်ဇၞး တန်ဍောတ်၊ ပ္ဍဲဘာကအ်နှာတ်။ နူဂှ် သၞာံ ၁၃၂၈ ပြံင်အာ ကတ်လိက် ပ္ဍဲတိုက်လိက်ဘာကၠအ်ပၞဟ်၊ ဍုင်မုဟ်ဍုင်၊ ဂွံအံင်ဇၞးကေတ် တန်ဒေါဝ်၊ သၞာံ ၁၃၂၉ ဂွံအံင်ကေတ် တန်ဇၞော် ပ္ဍဲကဵု ဘာကၠအ်ပၞဟ်။ သၞာံ ၁၃၃၁ ဂှ် အာကတ်လိက် ပ္ဍဲဘာစိန်မမ ဍုင်မတ်မလီု ဇရေင်ဘဒ္ဒန္တသူရိယ၊ သၞာံ ၁၃၃၂ ပြံင်အာ ပဒတဴ ဘာကျာ်သြဳမန် ဍုင်လ္ဂုင် ဇရေင် ကျာ်ဇၞော်ကုသလ၊ ဘဒ္ဒန္တတိဿ၊ ဘဒ္ဒန္တညေယျတအ်။ ပ္ဍဲအခိင် မပဒတဴ ပ္ဍဲကျာ်သြဳမန်ဂှ် အာတိုန်လိက် ဘာညောင်တုန်း အရာပ်ဗဟာရ် (ဗဟန်) ဍုင်လ္ဂုင် ဇရေင် အစာလိက် သြဘာသ။ သၞာံ ၁၃၃၄ ဂှ် အာပဒတဴ ပ္ဍဲဘာပဇ္ဇောတာရီု ဍုင်မၠံင်မၠ (မြောင်းမြ) ဇရေင် ကျာ်ဇၞော်ဉာဏိက ကေုာံ အစာဝိမလဗုဒ္ဓိ။ နူဂှ် အာဇူ ပ္ဍဲကွာန်ကအ်လှာ၊ ဘာဂြိုပ်။ နူဂှ်ပၠန် သၞာံ ၁၃၃၅ ပြံင်အာ ပဒတဴ ပ္ဍဲဘာသံဃာပိုင်၊ သွက်ဂွံ ပအစာလိက်ရ။
ဘဝအစာလိက်
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲအခိင် ဘဒ္ဒန္တကလျာ မကလိဂွံ ၁၂ ဝှ်၊ အာယုက် ၃၂ သၞာံဂှ် စဖျေဟ်လိက် ပ္ဍဲဘာသံဃာပိုင်တုဲ လုကဴ ပွိုင် (၆) သၞာံ ပလဝ် အစာလိက် ပ္ဍဲဘာဂှ်ရ။ နူဂှ် အာပအစာလိက် ဘာကအ်နှာတ် ပွိုင် (၆) သၞာံပၠန်။ နူဂှ် ကလေင်စဴ ဌာန်တၟုပ်သုက်ဇကု ကွာန်ဝါဂျဳ။ ပ္ဍဲအခိင် မပဒတဴဒၟံင် ပ္ဍဲကွာန်ဇာတိဇကုဂှ် ဂွံသြိုင်ခၞံဘာ၊ စေတဳ၊ ကၟာ၊ ကၟာင်၊ ဂၠံင်ဍာန်သဗာန်ဂမၠိုင်ကီု သီုကဵု ဘာအလဵုအသဳ စဵုကဵု စိုပ်တန်ဒေါဝ်ဂှ် အာဂတပၠတရဴတုဲ ကၠောန်ဗဒှ်ကၠုင် ကမၠောန်ဇၞော်မောဝ် ဌာန်ဇာတိဇကု ပွိုင် (၆) သၞာံရ။ စိုပ်သၞာံ ၁၃၅၅ ပြာပ်အာ ပဒတဴ ပ္ဍဲဘာပုဗ္ဗာရီု ကွာန်(၆)မိုင် ပ္ဍဲဍုင်မတ်မလီု။ ပ္ဍဲကဵု ဘာပုဗ္ဗာရီုဂှ် ပံက်လဝ် တိုက်လိက် ပွိုင် ၁၀ သၞာံပြင်င်၊ ဗွဲကြဴ လပါ်တိုက်လိက်ဂှ် ဒြဟတ်ဍိုန်စှ်ေတုဲ နဒဒှ် အစာဓမ္မကထိုက်မွဲ ဟီုတွဟ်ကၠုင် တဝှ်ဍောင်ဓရ် ကုဥပ္ပးတြုဟ် ဥပ္ပးဗြဴတအ် စဵုကဵုလအိတ်လမျီုရ။
လအိတ်ဘဝ
[ပလေဝ်ဒါန် | ပလေဝ်ဒါန် တမ်ကၞက်]ကျာ်ဇၞော်ဘဒ္ဒန္တကလျာဏဝွံ ပ္ဍဲသၞာံ ၂၀၂၁ ဂိတုအဝ်ဂေတ် ၁၂ ဂှ် စုတိစဴအာသွဝ် ပ္ဍဲကဵု ဘာပုဗ္ဗာရီု ဍုင်မတ်မလီုရ။
လိက်ကၞပ် မပတိတ်လဝ်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]- ပြကိုဟ်ဂၠံင်အာတရဴဍုင်ဇၞော်နိဗ္ဗာန်၊ ၁၃၇၅
- လိက်ဂၞန်၊ ဂတာပ်ခေတ်
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]ဘဒ္ဒန္တကလျာဏ (ဓမ္မာစရိယ) ကွာန်(၆မိုင်) ဍုင်မတ်မလီု၊ ပြကိုဟ်ဂၠံင်အာတရဴဍုင်ဇၞော်နိဗ္ဗာန်၊ ၁၃၇၅။