ကေသရ၊ ကျာ်ဇၞော်ဘာဝင်စိင်
| ဘဒ္ဒန္တကေသရ ကျာ်ဇၞော်ဘာဝင်စိင် | |
|---|---|
| သၠးဂၠံဂဝ် |
မာံပိန် (မောင်ပိန်) ဇာန်နဝါရဳ ၂၂၊ ၁၉၂၂ ကွာန်လတက် |
| စုတိ |
ဨပြဳ ၂၆၊ ၂၀၁၅ (အာယုက် ၉၃) အာရှတော်ဝင် ဆေးခန်း ဍုင်လ္ဂုင် |
| ဟိုတ်မစုတိ | ယဲကောန်ကၟအ် |
| ဒၞာဲမဖျေဟ်ကမ္မဌာန် | ဘာနိဗ္ဗာန် ပ္ဍဲအရှာံဘာဝင်စိင် |
| ဂကူ | ဂကူမန် |
| မဒယှ်တဴ | နမပတန်သာသနာ ဒက်ကျာ် |
| ကောန်ဇာတ် | ၅ တၠ၊ ကောန်စဴ ၁၀ တၠ၊ |
| အံက် | နာဲဖေ၊ မိကောန်ကြုက် |
| မဒုင်အဲပရဲ |
(မအဲပရဲ) တဆိပ်ကြာဒံက်တာ၊ နူ မဟာစူဠာလံင်ကောန် အယုဒ္ဓယဗုဒ္ဓတက္ကသိုလ်၊ ဍုင်သေံ၊ (၂၀၁၄) |
| ဂယိုင်လမျီု | နွံပိုန် ဘာဝင်စိင် |
ကျာ်ဇၞော် ဘဒ္ဒန္တကေသရ နွံပိုန် ဘာဝင်စိင် ညးဂမၠိုင်မကော်ခဴ ကျာ်ဇၞော်ကျံက်တလုမ် (ကျောက်တလုံး) ဝွံ ဒှ်မၞိဟ် မပတန်လဝ် ဒတန်သာသနာ ပ္ဍဲဘာဂြိုပ်ဝင်စိင် မၞုံအရှာံတိသာသနာ သီုဖအိုတ် ၄၉၉.၆၂ ဨကတုဲ ပ္ဍဲအရှာံဂှ် ဒက်ပ္တန် စေတဳ ၆၀၀ တၞုင်၊ ရုပ်ကျာ် ကေုာံ တၠအရှန် ၅၀၀၊ စမြိုင်သာသနာ ၃၀၊ ပၞောဝ်တအ်ဂှ် ကျာ်နိဗ္ဗာန်သတိက် မၞုံဇမၠိင် ၄၀၀ ဟတ် (၆၀၀ ပေ) မဒှ် ကျာ်နိဗ္ဗာန်သတိက် မဇၞော်အိုတ် လတူဂၠးတိဂှ်လေဝ် ဒက်ပ္တန်ကၠောန်လဝ်ကီုရ၊၊ ကျာ်ဇၞော်ဝွံ ညးဒေသတအ် ပတှ်ေကေတ် ဒှ်မၞိဟ်မဂြင်တီကေတ် အနာဂတ်တုဲ ပ္ဍဲလဟီုညး မဟွံမဲ ကုအဓိပ္ပါတ် မဟွံတီသတ်ဒတ်ဂှ် မၞိဟ်တအ် ကံက်အဓိပ္ပါယ် မဂၞန်ချေဝ်ရ၊၊ နကဵုဟိုတ်ဏအ်တုဲ ကျာ်ဇၞော်ဘာဝင်စိင် ဝွံ ပိုန်ဇၞော် ယၟုမြဟ်တမ္ညဝ်တဴ အလုံဍုင်မန်ဗၟာမွဲရ၊၊
ကတဵုဒှ်မၞိဟ် ကေုာံ ဘဝအိန်ထံင်
[ပလေဝ်ဒါန် | ပလေဝ်ဒါန် တမ်ကၞက်]ကျာ်ဇၞော် ဘဒ္ဒန္တကေသရဝွံ ကတဵုဒှ်မၞိဟ် ဇရေင်မိမ ဂကူမန်ၜါတၠ နာဲဖေ၊ မိကောန်ကြုက် ပ္ဍဲသက္ကရာဇ် ၁၂၈၃ ပုဟ် ၁၀ စွေက် (ဇာန်နဝါရဳ ၂၂၊ ၁၉၂၂) ပ္ဍဲကွာန်လတက် ပွိုင်ဍုင်မုဟ်ဍုင် မကဵုလဝ်ယၟု မာံပိန် (မောင်ပိန်) ရ၊၊ မာံပိန် ဝွံ ပၞောဝ်ကဵုကောဒေအ် သီုဖအိုတ် ၈ တၠဂှ် ညးဒှ် ကောန်မရနုက်ကဵု ပိ ရ၊၊
မာံပိန်ဝွံ စှ်ေဒၞာဲ ဒက်ဘဝအိန်ထံင် ကုမိ-- တုဲ ကလိဂွံ ကောန်ဇာတ် မသုန်တၠရ၊၊ ဟိုတ်နူ မဗၜူဒၟံင် အရက်တွဵုတုဲ ရဲကွာန်တအ် ကော်စ အဘိင်ရ၊၊
အာစိုပ် ဘဝခမဳ
[ပလေဝ်ဒါန် | ပလေဝ်ဒါန် တမ်ကၞက်]ကောန်ဇာတ်ဂမၠိုင် ဇၞော်ဂေါဝ်အိုတ် ကာလ ညးကလိဂွံအာယုက် မသုန်စှ်ော ပ္ဍဲသက္ကရာဇ်ဍုင် ၁၃၃၃ ဂှ် အာပခမဳ ပ္ဍဲဘာဇောတိကာရာမ် ပ္ဍဲဍုင်မတ်မလီုရ၊၊ ညးမဒှ် အစာဥပ္ပဇ္ဇျာဲဂှ် နွံပိုန် ဘာဇောတိကာရာမ် ဘဒ္ဒန္တသောဘိတ ရ၊၊
အာစိုပ်ဘဝခမဳတုဲ ဒ္ဂေတ်ဗက် ဂၠံင်တရဴဝိဿနာ ပၟဝ်ကမ္မဌာန် ပွိုင်စှ်သၞာံပေင်င် ပ္ဍဲတိပယျဵုဍုင်မန်တြေံ နူဍုင်သရက် စဵုစိုပ် တၞင်သဳ ပ္ဍဲသုဿာန် ၁၃၃ ဂှ် ဇၞော်ပၟဝ်လဝ် ဓဝ်ကမ္မဌာန်ရ၊၊ ဗွဲကြဴ ပ္ဍဲခေတ်ထဳဍုင်သေံ မကော်ဂး ချေဝ်ဂှ် မၞိဟ်တအ် အာကဠအ်ပူဇဴတုဲ အာတ်မဂၞန်ချေဝ်ရ၊၊ ဟိုတ်မကဵုဂၞန်ချေတ်ဒး ဂးတုဲ ယၟုမြဟ်တမ္ညဝ် ပိုန်ဇၞော်ကၠုင်တုဲ ကလိဂွံ တိသာသနာ ဗဒါဲကွာန်ကျောက်တလုံ ပ္ဍဲဗွိုင်ဒဵု ဝင်စိင်တုဲ ယၟုမြဟ်ကၠုင် နကဵုယၟု ကျာ်ဇၞော်ဘာဝင်စိင် ရ၊၊
ဒၞာဲမပ္တန်လဝ် သာသနာဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]
ဘာဝင်စိင် ပ္ဍဲဘာဂြိုပ်ဝင်စိင် မၞုံအရှာံတိသာသနာ သီုဖအိုတ် ၄၉၉.၆၂ ဨကဂှ် ဒက်ပ္တန်လဝ် စေတဳ ၆၀၀ တၞုင်၊ ရုပ်ကျာ် ကေုာံ တၠအရှန် ၅၀၀၊ စမြိုင်သာသနာ ၃၀၊ ပၞောဝ်တအ်ဂှ် ကျာ်နိဗ္ဗာန်သတိက် မၞုံဇမၠိင် ၄၀၀ ဟတ် (၆၀၀ ပေ) မဒှ် ကျာ်နိဗ္ဗာန်သတိက် မဇၞော်အိုတ် လတူဂၠးတိဂှ်လေဝ် ဒက်ပ္တန်ကၠောန်လဝ်ကီုရ၊၊
ပ္ဍဲအရှာံဘာဂှ် သီုကဵုလဝ် ဒၞာဲမစွံဂိုဟ် က္ဍိုပ်သကိုပ်ကောန်ဂကူမန်တုဲ ဂိုဟ်နာဲယှိုဲကျေန်၊ ဂိုဟ်နာဲထေန်တအ်ဂှ် နွံပ္ဍဲအရှာံဘာဝွံရ၊၊
ပွိုင်ဍုင်ဘာအင်၊ ဒတန်သာသနာ ကွာန်ဇာသပၠင်၊၊
ပ္ဍဲပွိုင်ဍုင်မုဟ်ဍုင်၊ ဒတန်သာသနာ ခပ်ရခပ်ယူ၊၊ ဒၞာဲဘာတြေံတြဟ် ပ္ဍဲအကြာဝါဂမၠိုင် မပ္တံ ဘာကၟာဆေက်၊ ဘာကၟာတာ၊ ဘာကၟာခရေဟ်၊ ဘာကအ်ဗဗေင်၊ ဘာကွိက်ဝါန်၊ ဘာကွာန်နာင်သၠုင်၊ ဗၟံက်ကွာန်လတက် ရုပ်ကျာ်ထဝါဲ မၞုံသမၠုင်၁၈၀ ဟတ်ဂှ်ကီု ဒက်ပ္တန်လဝ်ရ၊၊
တဆိပ်ကြာဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲသက္ကရာဇ်ခရေတ် ၂၀၁၄ နူကဵုအလဵုအသဳကၟိန်ဍုင် ဇိုန်နှင်ကဵု အဘိဓဇအဂ္ဂမဟာသဒ္ဓမ္မ ဇောတိက ၊၊ ပ္ဍဲသၞာံဂှ်ပၠန် ပ္ဍဲဂိတုမေ ၁၀ ဂှ် နူကဵု မဟာစူဠာလံင်ကောန် အယုဒ္ဓယဗုဒ္ဓတက္ကသိုလ် ဍုင်သေံ ဇိုန်နှင်ကဵု တဆိပ်ကြာဒံက်တာ မအဲပရဲ၊၊
ပ္ဍဲသက္ကရာဇ်ခရေတ် ၂၀၀၁ ဂှ် နူကဵု အလဵုအသဳကၟိန်ဍုင် ဇိုန်နှင်ကဵု တဆိပ်ကြာ အဂ္ဂမဟာသဒ္ဓမ္မဇောတိကဓဇ၊၊
စုတိ
[ပလေဝ်ဒါန် | ပလေဝ်ဒါန် တမ်ကၞက်]၂၀၁၅ ဂိတုဨပြဳ ၂၆ အခိင် ၜိုတ် မွဲနာဍဳကလေင် လဒေါဝ်တ္ၚဲဂှ် ကလိဂွံအာယုက် ၉၅ ဝှ် ၄၅၊ စုတိစဴအာသွဝ် ပ္ဍဲရုင်ဂဥုဲ (အာရှတော်ဝင် ဆေးခန်း) ပ္ဍဲဍုင်လ္ဂုင် နကဵုယဲကောန်တၟအ်ရ၊၊ ပ္ဍဲအခိင်မစုတိဂှ် ကျာ်ဇၞော်ဝွံ ကလိဂွံလဝ် ကောန်မသုန်တၠ၊ ကောန်စဴ ၁၀ တၠတုဲ ဒတန်သာသနိ မပ္တံ ကျာ်ပဋိမာရုပ်၊ ဘုတ် ဘာဗွဲမဂၠိုင်ရ၊၊ ကလာပ်ရုပ်ညးဂှ် ဖျေဟ်စွံလဝ် ဘာနိဗ္ဗာန် ပ္ဍဲဘာဝင်စိင်ဂှ်ရ၊၊ ကၠာညးဟွံဂွံ စဴသွဝ် ကောန်ညးဍောတ်အိုတ်ဂှ် ကဵုပခမဳတုဲ ဂွံဒုင် မဟိမုသောဟုလာတုဲ ဒတန်သာသနာဂှ် ခမဳနာဲသောဟုလာဂှ် ဆက်မင်မဲအာရ၊၊