ကောန်မှေအ်၊ တၞံ

တၞံကောန်မှေအ်
မပါ်ဂကူ အတိုင်နဲသိပ္ပံ
လောက:	Plantae
ဗဳဇဂကူ:	Melastoma
လစှ်ေဂကူ:	malabathricum; L.
ယၟုတၞဟ်
	Melastoma affine D. ; Melastoma candidum D. Don ; Melastoma cavaleriei H. Lév. & Vaniot ; Melastoma esquirolii H. Lév. ; Melastoma malabathricum var. normale (D. Don) R.C. Srivast. ; Melastoma malabathricum subsp. normale (D. Don) K.Mey. ; Melastoma normale D. Don ; Melastoma polyanthum Blume ;

တၞံကောန်မှေအ် နကဵုယၟု ရုက္ခဗေဒ Melastoma malabathricum မကော်ဗွဲဓမ္မတာ နကဵုဘာသာအင်္ဂလိက် Malabar melastome, Indian rhododendron, Singapore rhododendron, senduduk နကဵုဘာသာဗၟာ (ဆေးအိုးပုတ်ပင်၊ အိုးဗုတ်ပင်၊ လျှာမဲသီးပင်) ဒှ်တၞံဂကူ မၞုံကဵုပ္ကဴမွဲတုဲ လုပ်လၟိဟ် ပ္ဍဲဂကောံကၟိန် Melastomataceae ၊၊ တၞံဏအ်ဂှ် တမ်မူလဗဳဇ ကၠုင်နူ ဒေသအေန်ဒဝ်မလေယျာ၊ ဂျပေန် ကေုာံ အဝ်သတေလျာ မဂွံဆဵုကေတ် ပ္ဍဲတိချာဲ ကေုာံ ရာပ်ခြုံ မၞုံသမၠုင် အကြာ ၁၀၀ - ၂၈၀၀ မဳတာရ၊၊ ^[၂] တၞံဏအ်ဂှ် နဒဒှ်တၞံဂဥုဲမွဲဂှ် မၞိဟ်တအ် စကာကၠုင်ကီုလေဝ် ပ္ဍဲအမေရိကာန်မ္ဂး မၞိဟ်တအ် စၟတ်သမ္တီ တၞံရာပ်ဂျိ မွဲရ၊၊^[၃] တၞံဏအ်ဂှ် ညးစၟတ်သမ္တီလဝ် မတိုန် ပ္ဍဲဒၞာဲတိ မၞုံကဵုဓါတ်အလူမဳနဳယာမ်ဂမၠိုင်တုဲ မလေပ်ဇြောတ်ကေတ် ဓါတ်ဂမၠိုင်တအ် နူကဵုရိုဟ်ဍေဟ်ရ၊၊ ဟိုတ်ဂှ်ရ တၞံဏအ်ဂှ် နဒဒှ် မသအးတိ နူဓါတ်ဂမၠိုင်ဂှ် မလေပ်တဵုစဒှ်ကီုရ၊၊^[၄]

ဂဥုဲ

တၞံကောန်မှေအ်ဝွံ နကဵုဂဥုဲဂြိုပ်ဂှ် ပတှ်ေကေတ် ယဲဗွဲမဂၠိုင် ဗလးကဵုမာန်ရ၊၊ ဆဂး စမ်ၜတ်လဝ် နကဵုနဲသိပ္ပံစှ်ေစှ်ေဂှ် ဟွံဂွံဆဵုကေတ်ရ၊၊ ယဲမဗၠးမာန်တအ်ဂှ် ဗွဲတၟေင် ယဲမဆေင် ကဵုပါင် ကေုာံ ၚေက်တအ်ရ၊၊

ယဲကေန်သာ လတာ်၊ ယဲကေန်သာကအ်၊ ယဲၚေက်ဒှ်စၟ၊ ယဲၚေက်ဂိ ယဲသရ ပ္ဍဲပါင်နာနာတအ် ဗၠးမာန်ရောင်ဂှ် ဟီုလဝ်ရ၊၊

ဗီုကၠောန်ဂှ်

ကေတ်တၞး ကောန်မှေအ် မွဲကေမ်တုဲ ကြာတ်သအးတုဲ သ္ၚာဲတုဲ ခၜမ်လဝ် ပွိုင် ၅ မိနေတ် မွဲတ္ၚဲ ပိအလန် ဒးပရ၊၊
မွဲနဲပၠန်ဂှ် ကေတ်တၞးကောန်မှေအ် ညိညတုဲ တၞးကီု သီုကဵုပဉ္စလိန် (တၞံ၊ တၞး၊ ရိုဟ်၊ ပကဴ၊ သတ်) စုတ်ဍာ်ပိ ၜိုဟ်ကဵုသှ်ေ ဍာ်မွဲတုဲ ဍာ်ဂှ် သုင်ညိ၊၊ ခၜမ် ၜဴပါင် ၜိုတ်ပမာန် ပဂွံရ၊၊

ဗီုရုပ်ဂမၠိုင်

နိဿဲ

↑ http://www.theplantlist.org/tpl/record/tro-20302081
↑ Melastoma malabathricum - Flora of China
↑ "Melastoma malabathricum". Germplasm Resources Information Network (GRIN). Agricultural Research Service (ARS), United States Department of Agriculture (USDA). Retrieved 12 January 2018.
↑ Distribution and chemical speciation of aluminum in the Al accumulator plant, Melastoma malabathricum L. By Toshihiro Watanabe, Mitsuru Osaki, Teruhiko Yoshihara and Toshiaki Tadano. In journal “Plant and Soil”. Ed. Springer Netherlands, Volume 201, Number 2 / April, 1998. pp. 165-173. ISSN 0032-079X (Print) 1573-5036 (Online). DOI 10.1023/A:1004341415878.

[1] ttp://www.theplantlist.org/tpl/record/tro-20302081

[2] Melastoma malabathricum - Flora of China

[3] "Melastoma malabathricum". Germplasm Resources Information Network (GRIN). Agricultural Research Service (ARS), United States Department of Agriculture (USDA). Retrieved 12 January 2018.

[4] Distribution and chemical speciation of aluminum in the Al accumulator plant, Melastoma malabathricum L. By Toshihiro Watanabe, Mitsuru Osaki, Teruhiko Yoshihara and Toshiaki Tadano. In journal “Plant and Soil”. Ed. Springer Netherlands, Volume 201, Number 2 / April, 1998. pp. 165-173. ISSN 0032-079X (Print) 1573-5036 (Online). DOI 10.1023/A:1004341415878.

[၁]

[၂]

[၃]

[၄]