ကျာ်၊ ဘာဂိုဏ်ရာမညနိကာယ ကွာန်ဓမ္မသ

ဘာကျာ် ဂိုဏ်ရာမညနိကာယဝွံ နွံပ္ဍဲ ကွာန်ဓမ္မသ၊ ပွိုင်ဍုင်ကျာ်မြဟ်။

ဝင်ပရိယတ္တိ ဘာကျာ်

ပ္ဍဲသက္ကရာဇ် ၁၃၃၉ သၞာံ၊ ဂိတုပသာ် ၅ စွေက်၊ တ္ၚဲသိုက်ဂှ် ကျာ်ဇၞော်အ္စာ ဘဒ္ဒန္တသာသန စပ္တန်ကၠုင် တိုက်လိက်မန် ပ္ဍဲဘာကျာ်၊ ခုတ်တင်လဝ် ယၟုဂကောံ "ရာမညနိကာယပရိယတ္တိသာသနဝိပုလ" ရ။ နူသက္ကရာဇ် ၁၃၃၉ သၞာံ ဒဵုစိုပ် သက္ကရာဇ် ၁၃၄၈ သၞာံ ဗၞတ်လုကဴစှ်သၞာံ တၠဂုဏ်အ္စာ ဇဋိလ (လၟုဟ် ဒှ်ညးမၞုံပိုန်ဂဇံဘာဗၟက်၊ ကွာန်ကံဇြဲ) ဖျေံကၠုင်လဝ် လိက်ပရိယတ်ရ။ နူသက္ကရာဇ် ၁၃၄၉ သၞာံ ဒဵုစိုပ်သက္ကရာဇ် ၁၃၅၇ သၞာံ တၠဂုဏ်အ္စာ ဝိဓူရ ဆက်ဖျေံအာ လိက်ပရိယတ်ပၠန်ရ။ နူဂှ် ကျာ်ဇၞော်အ္စာ ဘဒ္ဒန္တသိပ္ပံ ဆက်ဖျေံကၠုင်လိက် ဒဵုတ္ၚဲဏံတုဲ လၟိဟ်သၞံာတိုက်လိက်ပေင်အာ ၃၉ သၞာံရ။