ကၠအ်ကြုက်၊ ဘာဂိုဏ်ရာမညနိကာယ ကွာန်ပါင်ကၟာ
ဘာကၠအ်ကြုက် ဂိုဏ်ရာမညနိကာယဝွံ နွံပ္ဍဲ ကွာန်ပါင်ကၟာ၊ ပွိုင်ဍုင်မုဟ်ဍုင်၊ တွဵုရးဍုင်မန်။ အတိုင်စရင်လုပ်ဒဂိုန် နူရုင်ရာမညနိကာယမ္ဂး ပ္ဍဲဘာဝွံ သင်မလုပ်ဒဂိုန် သၞာံ ၂၀၂၁ ဂှ် နွံ ခမဳ ၄ ဇကု၊ ထပိုယ် ၄ ဇကု။[၁]
ဝင်
[ပလေဝ်ဒါန် | ပလေဝ်ဒါန် တမ်ကၞက်]အတိုင်ညးဇၞော်ဇၞော်တအ် မလဴထ္ၜးမ္ဂး ဘာကၠအ်ကြုက်ဝွံ မွဲအခိင်တေအ် နွံ လဒေါဝ်ကွာန်၊ နူဂှ် ပြံင်အာ ဇိုင်ကၟာ ဇရေင် ဒၞာဲလၟုဟ်ရ။ သွက်ဂွံပြံင်ပ္တိတ်ဘာ မ္ၚးကွာန် ဇရေင်ကၟာ မဒှ်ဒၞာဲ မဒးရးသပ္ပါဲ ကုဘာလကျာ်ဂှ် နာဲလတ်၊ မိကောန်နတ် ကောံ ကု မိချိန် ကဵုဒါန် သြိုင် ဘာတိုက်မွဲရ။ ဘာတိုက်ဂှ် ဒှ် ဘာမစဳဒ္ၚောဝ်ဖျေဟ်ထဝ်မွဲရ။ မိချိန်ဂှ် ဒှ် ဂကောံၝောဲဒေအ် ကုနာဲလတ် ဒှ်မာန်ရ။ နာဲလတ် မိကောန်နတ် တအ် က္လိဂွံလဝ် ကောန်ဇာတ် ၄ တၠ မနွံယၟု နာဲင္ၚိုယ်သိင်၊ မိအိင်ဗျေအ်၊ နာဲမံင်၊ မိအိင်ဇာ။ နာဲမံင်ဂှ် ဒှ် ပါနော် နာဲသုန်ဓန်တအ်ရ။[၂]
ဗွဲကြဴ နူဘာတိုက်ဂှ် ဒါယကာအဟော ဆက်သြိုင်ပ္တိတ် ဘာဆုတုဲ ဘာစဟက်ဂှ် ဒှ် သီုဇြပ်သဘင်ဓရ်ရ။ ဘာတိုက်တြေံဂှ် လီုလာ်ကၠုင်တုဲ သက္ကရာဇ် ၁၃၄၆ ဂှ် ညးမဒှ် ကောန်၊ ကောန်စဴ နာဲလတ် မိကောန်နတ် တအ် ပ္ကောံရေင်သကအ်တုဲ ကလေင်လဟဵုပလေဝ်လဝ်တၟိရ။[၂]
သိမ်ဍာ် ဘာကၠအ်ကြုက်ဂှ် နွံ လတူကၟာ။ သိမ်ဂှ် ဒှ် သိမ်မကၟဳသောတ် မနွံကုကအ်ကၠတ် ဗဒင်ဆု ဒစေင်ဓလူတိတ်လပါ်မ္ၚး ဗၞတ် ၄၅ ဒဳဂရဳ၊ ဗဒင်သကုတ်သၟဝ်ဂှ် စဵု ကမၠက်၊ သကုတ်လတူဂှ် စဵုလဝ် တဝ်ကၞိက် ရံင်အာ လပါ်မ္ၚး ညာတ်ဒၟံင်ရ။ ဒယိုင်သိမ်ဂှ် ဒှ် ဆုအနာင် မနွံ ဗွိုက် ၂ မိန်မၞိဟ်ဇၞော်။[၂]
ကျာ်ဇၞော်မနွံပိုန်ဘာဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]ကျာ်ဇၞော် ဘဒ္ဒန္တဖုပ္ဖရမ္မ စဴသွဝ် ပ္ဍဲသက္ကရာဇ် ၁၃၄၆။[၂]
ကျာ်ဇၞော်ဘဒ္ဒန္တစန္ဒောဘာသာ[၁] ကလိဂွံ အာယုက် ၇၂၊ သိက္ခာဝှ် ၅၂ သၞာံ ၂၀၂၄ ဂိတုဨပြဳ ၁၂ (သက္ကရာဇ် ၁၃၈၅ ဂိတုစဲ ၅ မၟံက်) အခိင် ၁၈း၁၀ စုတိစဴအာသွဝ်။[၃]
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ၁.၀ ၁.၁ စရင်သင်လုပ်ဒဂိုန် ရာမညနိကာယ. Open (September 22, 2021).
- ↑ ၂.၀ ၂.၁ ၂.၂ ၂.၃ Sripangern, Sunthorn (September 21, 2024). " ဘာကၠအ်ကြုက် ကွာန်ပါင်ကၟာ. Open. “ဘာကၠအ်ကြုက် ကွာန်ပါင်ကၟာ လောန်ကၠုင်အခိင် ၅၀ သၞာံတေံ ပိုယ်ဂွံအယုက် ၁၇ သၞာံ ဒှ်ထပိုယ်၊ အခိင်ဂှ် အစာတၠ ဘဒ္ဒန္တဖုပ္ဖရမ္မ မဟာထေရ် ဒှ်ကျာ်ဇၞော်၊ တၠဂုန်အစာ စန္ဒောဘာသ ဒှ်ဂဒင်ဂြဳ၊ အစာတၠ ဘဒ္ဒန္တဖုပ္ဖရမ္မ စဴသွဝ်တုဲ တၠဂုန်အစာစန္ဒောဘာသ ဒှ်ကျာ်ဇၞော်၊ ပ္ဍဲစၟတ်တ္ၚဲ 12 April 1024 ဂိတုစဲ ၄ မံက် တ္ၚဲသိုက် သက္ကရာဇ်ဍုင် ၁၃၈၅ ဂှ်တၠဂုန်အစာ စန္ဒောဘာသ စဴအာသွဝ်တုဲ ပ္ဍဲစၟတ်တ္ၚဲ 7 February 2025 စံင်ဇွဂြဇုတ်ရောင်။ ကွာန်ပါင်ကၟာ ဝွံမဒှ်ကွာန်တြေံတြဟ်မွဲ နွံကၠုင်ဒၟံင်နူအခိင်လဵုရောဂှ်ပိုယ်ဟွံတီရ။ အတိုင်အပါပိုယ်ညးလဴထ္ၜးမ္ဂး ပ္ဍဲလက်ထက်ပါနော်ညး(ပါနက်ပိုယ်)ဂှ် ဘာလကျာ်ဂှ်နွံဒၟံင်အဒေါဝ်ကွာန်တုဲ ညးတအ်ပြံင်ဏာသြိုင်ပ္တန်လဝ်ဒၞာဲလၟုဟ်ဏအ် နွံဒၟံင်ဇိုင်ကၟာ ဒၞာဲဒးရးသပ္ပါယ်။ သီဥပုဟ်နွံလတူဍာ်ကၟာ ကၟဳသောတ် နွံကအ်ကၠတ် ဗဒင်ဆု ဒစေင်ဓလူတိတ်လပါ်မ္ၚး ဗၞတ် 45 ဒဳဂရဳ၊ ဗဒင်သကုတ်သၟဝ်ဂှ်စဵုကၠက် သကုတ်လတူဂှ် စဵုလဝ်တဝ်ကၞိက် ရံင်အာလပါ်မ္ၚးညာတ်မံင်ရောင်။ ဒယိုင်သီဂှ်ဆုအနာင် ဇၞော်ဗၞတ် ၂ မိန်မၞိဟ်ဇၞော်။ ဘာကအ်ကြုက် နူတမ်ဝါဒိ ဘာတိုက် ၂ ထပ် စဳဒ္ၚောဝ်ဖျေဟ်ထဝ်(မှန်စီရွှေချ) တုဲဗွဲကြဴသြိုင်ဆက်ပ္တိတ်ဘာဆုဒှ်သီုဇြပ်သဘင်ဓရ်။ ညးတၠဒါန်ဘာတိုက် စဳဒ္ၚောဝ်ဖျေဟ်ထဝ်ဂှ်မၞုံယၟု နာဲလတ် မိကောန်နတ် ကေုာံ မိချိန် မဒှ်ရ။ နာဲလတ် မိကောန်နတ် ဂှ်မဒှ်ပါနက် မိနက် လပါ်အပါပိုယ်တုဲ မိချိန် ဂှ်မဒှ်ၝောဲဒေံညးမွဲတၠရောင်ထေင်ကေတ်ရ။ ပါနက် မိနက်ပိုယ် ကောန်ဇာတ်ညးနွံ ၄ တၠမၞုံယၟု နာဲင္ၚိုယ်သိင်၊ မိအိင်ဗျေအ်၊ နာဲမံင်(ပါနော်ပိုယ်)၊ မိအိင်ဇာ။ လောန်ကၠုင်ဗၞတ် ၄၀ သၞာံတေံ ဘာတိုက်တြေံဂှ်လီုလာ်ကၠုင်တုဲ ကလောမသ လပါ်အပါပိုယ်ညးတအ်ပကောံညးသကအ်တုဲ ကလေင်ပလေဝ်လဟဵုပတိုန်လဝ်ဘာတိုက်ဂှ်တုဲ သီုကဵုသ္ပထပိုယ်ပယျင်ကဵုကောန်ဇာတ်ညးတအ်။ ကလေင်လဟဵုပတိုန်ဘာတိုက်တြေံဂှ်လေဝ်တုဲ ကျာ်ဇၞော်အစာတၠ ပုပ္ဖရမ္မ မဟာထေရ် စဴအာသွဝ်ပ္ဍဲသၞာံဂှ်ရ။ ရုပ်ဗီု တၠဂုန်အစာပုပ္ဖ ဘာကၠအ်ကြုက်”
- ↑ " ကျာ်ဇၞော်စဴသွဝ်. Open (April 12, 2024).