ကၠာမသုန်ကၠာ

ကဗျကၠာမသုန်ကၠာဏအ်ဝွံ တၠဂုဏ်အာစာဃေသဂကူအိန်စွံစေတနာကဵုသွက်ဂကူမန်တုဲချူလဝ်သွက်မုလိက်အုပ်အနာဂတ်မန်ရ။

နူတံကဝ်ဆက်	သက္ကရာဇ်တၞံ	ကၠံပိသၞာံရေၚ်
ကော်ဗဳဇြဳဟေၚ်	ဗွဲတၟေၚ်စၟတ်အဴ	တြဴဗွဝ်ကၠံရ
ဍုၚ်အိန္ဒိယ	ဂေါတမမြဟ်	က္တဵုဒှ်ကျာ်ရ
ကောန်မန်ၜါတၠ	တပူတဗဝ်	လ္ၚောဝ်လဝ်ကၠာဟေၚ်။
ကောန်မန်ၜါဂှ်	တၞဟ်နကူဗၞိက်	ဘိက်ကော်ဂွံကၠာ
ကောကဵုဒေံၜါ	အာစိုပ်ရးစိ	မဇ္ဇျိမဋ္ဌာန်၊
နူရးမန်ကၠာ	ကေတ်ဏာမြဳသာဲ	ဆက်ကွာဲသွံရာန်
ဆဵုကျာ်တၠညာဏ်	ဒါန်မြဳသာဲတၟေၚ်	မန်ဟေၚ်ကဵုကၠာ။
တုပ်လျးသၟိၚ်တ္ၚဲ	ကျာဲတြဲသၟိၚ်ဓဝ်	အမ်သဝ်ပြာထာ
သွက်ကောန်မန်ၜါ	ဒုက္ခာဂွံပဲါ	အန္တရာဲဝေၚ်၊
ဗုဒ္ဓဉ္စကီု	သီုဓမ္မဉ္စါ	ၜါပြကာဟေၚ်
သရဏတၟေၚ်	ဇရေၚ်ကျာ်ပၠန်	မန်ဟေၚ်ဒ္ဂိုန်ကၠာ။
ဂွံရှေ်သှေ်အာ	လၟိုန်ကာလစိ	ထံက်ပၚ်ညိကၠာ
ကောန်မညၜါ	တဲၜါပၚ်ကၞာတ်	ပ္တီအာတ်အခေါၚ်၊
ဓာတ်သော်ဒ္စာံတၞုၚ်	ကျာ်ဒုၚ်ကဵုဏာ	မေတ္တာဟွံယောၚ်
မန်ၜါစိုတ်သၠောၚ်	ဍောၚ်ၜိုတ်ပြေအိုတ်	ဟိုတ်ဂွံဓာတ်ကၠာ။
နူမဇ္ဇျိမ	ဒေသရးအဴ	ကလေၚ်စဴအာ
နွံစိုတ်သမ္မာ	ကောန်မန်ၜါတၠ	တပူတဗဝ်၊
သုဝဏ္ဏတိ	ဘုမ္မိကော်ပ္ညုၚ်	ဍုၚ်မန်တိထဝ်
စိုပ်လ္ဂုၚ်တုဲကျဝ်	စေတဳထဝ်တၟေၚ်	မန်ဟေၚ်ပ္တန်ကၠာ။