ခဍောၚ်ပရောက်၊ တၞံ

တၞံခဍောၚ်ပရောက်
မပါ်ဂကူ အတိုင်နဲသိပ္ပံ
လောက:	Plantae
(unranked):	Angiosperms
(unranked):	Eudicots
(unranked):	Asterids
လၟေင်ဂကူ:	Solanales
ဇာတ်ဂကူ:	Solanaceae
ဗဳဇဂကူ:	'Solanum'
လစှ်ေဂကူ:	''S. torvum''
ယၟုရုက္ခဗေဒ
Solanum torvum Sw.
ယၟုတၞဟ်
Solanum ferrugineum Jacq. Solanum mayanum Lundell Solanum verapazense Standl. & Steyerm. List source : For more see "Synonyms and systematics" section below.

ခဍောင်ပရောက်(အၚ်္ဂလိက်: Turkey berry / pea eggplant) နကဵုယၟုသိပ္ပံ Solanum torvum ဝွံ ဒှ်ဂကူတၞံရာပ် မၞုံကဵု ဇလတုဲ ဒှ်တၞံ မဂျိုင်ဂၠိုင်ကဵုသၞာံတုဲ သတ်ဍေဟ် ညံင်ကဵုခဍောင်ဂှ်ရ ညးကော်စ ခဍောင်ပရောက်၊ ကွာန်လ္ၚဵု ကော် ခဍောင်မတ်စာင်၊ ခဍောင်သ္ၚိတူ ရ၊၊ ညံင်ရဴ ဗီုမန် မၞုံကဵု ယၟုဗွဲမဂၠိုင်ကီု ပ္ဍဲကဵု ဘာသာအင်္ဂလိက်လေဝ် ကော်စ နာနာသာ် turkey berry, prickly nightshade, shoo-shoo bush, wild eggplant, pea eggplant, pea aubergine ရ၊၊

ဗမံက်ထ္ၜး

တၞံခဍောင်ပရောပ်ဂှ် ဗွဲမဂၠိုင် နွံသမၠုင် အကြာ ၂ ကဵု ၃ မဳတာ ထ္ၜောမ်တၞံဍေဟ် နွံၜိုတ် ၂ သေန်ဒဳမဳတာ၊ ဆဂး ယဝ်ရ တၞံဒှ်သမၠုင် ၜိုတ် ၅ မဳတာမ္ဂး ထ္ၜောမ်တၞံဍေဟ် ဒှ် ၈ သေန်ဒဳမဳတာရ၊၊ ဗွဲမဂၠိုင်မ္ဂး တၞံဍေဟ် တၞံၝောအ်ဍေဟ် နွံမွဲတၞံတုဲ နူကဵုသၟဝ်သဝ်ဝ်ဂှ် နွံကဵု ကၞာင်ဗာင်ရ၊၊ ၝောအ်တၞံဍေဟ်ဂှ် ဒှ်အသာ်ပတေင်တုဲ ကၞာင်ဍေဟ်ဂှ် ဒှ်အသာ်တ္ၚေက်ရ၊၊

ကၞာင်ဍေဟ်ဂှ် ဒှ်အသာ်ပတေင်-တ္ၚေက်တုဲ နွံကဵုကသော် ဗီုကဵုခဗိုက်ရ၊၊ တုဲပၠန် ဇလကေက်က် တိတ်ဒၟံင် အကြာကၞာင် ကေုာံ တဝ်တၞးတအ်ရ၊၊ တၞးဂှ် တိတ်ဒၟံင်ပ္ဍဲတဝ် မွဲမွဲတၞးတုဲ တၞးဍေဟ်လေဝ် နွံကဵုကသော် ညံင်ခဗိုက်ကီုရ၊၊

ပ္ကဴဍေဟ်ဂှ် ဒှ်အသာ်ဗု မၞုံကဵု ထာင်မသုန်တုဲ ကသဵုလဒေါဝ်ဂှ် ဒှ်အသာ်ဍာ်မိတ်ရ၊၊ သတ်ဍေဟ်ဂှ် ဒှ်အသာ်တၚေက် မတိတ်ဒၟံင် ပ္ဍဲတဝ်ကြံင်င်ရ၊၊ ကာလဍုဟ်မ္ဂး ဒှ်အာ အသာ်ဍာ်မိတ်၊၊ မၞုံကဵု ခၞေက်မကြံင်တုဲ ခဍမ်ဒၟံင်ရ၊၊