ဂကောံသၚ်သၟတ်မန် - ကွာန်ကအ်ဍောတ်
| တင်ဂၞင် သဇိုင် | |
|---|---|
| ဂကူ ဂကောံ: | ဂကောံသာသနာ ကေုာံ ပရေၚ်ပညာ |
| စဒက်ပ္တန်: | သက္ကရာဇ် ၁၃၇၀ သၞာံ၊ ဂိတုစဲပေၚ် |
| ဌာန်ဒတန်: | ကွာန်ကအ်ဍောတ်၊ ပွိုၚ်ဍုၚ်ရေဝ် |
| ပရူပရာ အဓိက: | ပရေၚ်ဂကူ၊ ပရေၚ်ဘာသာ၊ သာသနာ ကေုာံ ပရေၚ်ပညာ |
ဂကောံသၚ်သၟတ် ကွာန်ကအ်ဍောတ် ဝွံ ဒှ်ဂကောံသာသနာ ကေုာံ ပရေင်ပညာ မဒက်ပ္တန်လဝ် ပ္ဍဲကွာန်ကအ်ဍောတ်၊ ပွိုင်ဍုင်ရေဝ် ရ။ ဂကောံဝွံ ဒုၚ်သ္ဇိုၚ် ကု ပရေၚ်ဂကူ, ပရေၚ်ဘာသာ, ပရေၚ်သာသနာ, ပရေၚ်ညဳသၟဟ် ကေုာံ ပရေၚ်ပညာတုဲ စဒက်ပ္တန်လဝ် နူကဵု သက္ကရာဇ် ၁၃၇၀ သၞာံ ဂိတုစဲပေင် ရ။
အဓိဌာန်ဂကောံ (၄) တၚ်
[ပလေဝ်ဒါန် | ပလေဝ်ဒါန် တမ်ကၞက်]ဂကောံသၚ်သၟတ်ဝွံ ဒက်ပ္တန်လဝ် နကဵု အဓိဌာန် (၄) တင် အတိုင်ဗွဲသၟဝ်ဏအ်ရ-
- ဂကောံဝွံ ဒုၚ်သ္ဇိုၚ် ပရေၚ်ဂကူ, ပရေၚ်ဘာသာ, ပရေၚ်သာသနာ, ပရေၚ်ညဳသၟဟ် ကေုာံ ပရေၚ်ပညာတုဲ မ္ဒးရေၚ်တၠုၚ်ဒတုဲဖိုလ် သွက်ပရေၚ်ဂကူ, ပရေၚ်ဘာသာ, ပရေၚ်သာသနာ, ပရေၚ်ညဳသၟဟ် ကေုာံ ပရေၚ်ပညာဟေၚ်။
- ဂကောံ အတိုၚ်မချူဖျေဟ်လဝ် တၚ်ရန်တၟအ် အလုံအိုတ်သီုတအ်ဂှ် ကောန်ဂကောံဂမၠိုၚ် မ္ဒးဆက်ယိုက်ဂၠေၚ်ကေတ်အာတာလျိုၚ် စဵုကဵုဍိုက်ပေၚ်ဟေၚ်။
- ဂကောံဝွံ ဒက်ပတန်လဝ် သၟဝ်ဓရ်သၠးပွး၊ ဗၠးၜးတအ်တုဲ ကုညးလဵုမွဲ အခေါၚ်အုပ်ဓလီု ဟွံမွဲဟေၚ်။
- ဂကောံဝွံ ဍိုက်ပေၚ် မၞုံကဵုဓရ်ညဳသာ ကေုာံ ရေၚ်သ္ကအ်တုဲ ကုညးမလုပ်ပၠီုပၠာ်ကၠေံ ဓရ်ညဳသာတအ်ဂှ် မ္ဒးဒုၚ်တးပါဲကၠေံဟေၚ်။
တၚ်ရန်တၟအ်ဂကောံ (၅) တၚ်
[ပလေဝ်ဒါန် | ပလေဝ်ဒါန် တမ်ကၞက်]တၚ်ရန်တၟအ် အဓိက ဂကောံဝွံ နွံ (၅) တင် ရ-
- သွက်သ္ဂောံဒက်ပတန်အာ ဓရ်ညဳသာ ကေုာံ ရေၚ်သ္ကအ်မာန်။
- သွက်သ္ဂောံထံက်ပၚ်အာ ပရေၚ်ပညာမာန်။
- သွက်သ္ဂောံထံက်ပၚ်အာ ပရေၚ်ဘာသာ၊ သာသနာမာန်။
- သွက်သ္ဂောံရေၚ်တၠုၚ်ဒတုဲဖိုလ် ထိၚ်ဒဝ်မၚ်မွဲကွာန် နဒဒှ်မွဲအခန် မွဲကဏ္ဍ။
- သွက်သ္ဂောံပံက်မတ် သၠုၚ်ပ္တိုန်လညာတ် သၚ်ကေုာံကောန်ဂကူမာန်။
လၟေၚ်ကမၠောန်ချဳဒရာၚ်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]၁၃၇၀ သၞာံ
[ပလေဝ်ဒါန် | ပလေဝ်ဒါန် တမ်ကၞက်]- ဂိတုစဲပေၚ်: ဂကောံသၚ်တအ် ကၠောန်ဗဒှ်အသေဟာန် သလှာဲဂတးလညာတ် သၚ်သၟတ်ကွာန်ကအ်ဍောတ်တုဲ သၚ်ဇၞော်ဍောတ်တအ် ဗွဲမဂၠိုၚ် မွဲဟာန်ကေုာံ သၚ်ပွဳဗွိုၚ်တအ် တိုန်စိုပ်သဳကၠဳကၠုၚ်မာန်အိုတ်တုဲ ဒက်ပတန်ကၠုၚ် ဂကောံမွဲ မနွံယၟု ဂကောံသၚ်သၟတ် ကွာန်ကအ်ဍောတ် သၟဝ်ဓရ်ညဳသာမွဲမာန်ရ။
- ဂိတုစဲ (၁၂) စွေက်: ဂကောံသၚ်သၟတ် ဒုၚ်စဳရေၚ်သၞောဝ် ကေုာံ မူဒမျိုၚ်တအ် ဇရေၚ်သၚ်အာစာ မဟာနာယက၊ နာယက ကေုာံ ကျာ်ဇၞော်အာစာဘာ ပွဳဗွိုၚ်တအ်တုဲ သၚ်အာစာ၊ ကျာ်ဇၞော်အာစာဂမၠိုၚ်၊ ဒါယကာဂမၠိုင် ကေုာံ ဂကောံသၚ်သၟတ်တအ် စိုတ်တုပ်ရေၚ်သ္ကအ်အိုတ်တုဲ သ္ပဒတန်ကၠုၚ် ဂကောံသၚ်သၟတ် ကွာန်ကအ်ဍောတ် မွဲမာန်ရ။
- ဂိတုပသာ် (၈) စွေက်: ဂကောံသၚ်သၟတ် ဒုၚ်သ္ဇိုၚ်တုဲ စကၠောန်ဗဒှ်ကၠုၚ် တ္ၚဲဍုၚ်မည်ဟံသာဝတဳလီု ပေၚ် (၂၅၀) သၞာံ၊ အလုံပွိုၚ်တိုက်ဍုၚ်လၟိုၚ် ပ္ဍဲဌာန ကျာ်မၚ်ဝ ကွာန်ကအ်ဍောတ် ရ။
၁၃၇၂ သၞာံ
[ပလေဝ်ဒါန် | ပလေဝ်ဒါန် တမ်ကၞက်]- ဂကောံသၚ်သၟတ်တအ် က္ဍိုက်က္ဍိုပ် ကေတ်တာလျိုၚ်တုဲ ကလေၚ်ထပ်ပံက်ဘာ ပ္ကတ်ပ္ကေၚ်ကွတ်ခမ်ပျူတာ မွဲဝါပၠန်။
- ကၠောန်ပ္တိတ်လိက်အုပ် မူဒမျိုၚ် ဂကောံသၚ်သၟတ် ဗွဲမသလှဲလး။
- ထံက်ပၚ်ကဵုဒါန် သဘၚ်အန္တိမအဂ္ဂဇျာပန ကျာ်ဇၞော်အာစာတၠ ဘဒ္ဒန္တကောသလ္လ (ဗဳအေ)၊ ဘာသုခကာရဳ ဍုၚ်ဗဂေါ။
- ပတိုန်စရာဲ ကွးဘာဥတုကညၚ်သ္ကေက်သ္ကာ ညးမကလိဂွံလာဘ်ဂုဏ်တၟေၚ် နူပွိုၚ်တိုက်လၟိုၚ်ဂမၠိုင်။
- ကၠောန်ဗဒှ် တ္ၚဲဍုၚ်မည်ဟံသာဝတဳလီု မရနုက်ကဵု (၃) ဝါ။
- ကၠောန်ဗဒှ် ဂကောံသၚ်ဂမၠိုင် ကလအ်ပူဇဴအာစာ ကေုာံ ဒုၚ်ဂိုၚ်ကေတ်ဩဝါဒ။
၁၃၇၃ သၞာံ
[ပလေဝ်ဒါန် | ပလေဝ်ဒါန် တမ်ကၞက်]- ဂကောံသၚ်သၟတ် ကၠောန်ပ္တိတ်လိက်ကၞပ် ‘ထ္ၜးဂၠံၚ်နဲသုၚ်စောဲအေန်တာနာတ်’ တုဲ တြးပတိတ်လဝ် ပ္ဍဲတွဵုရးဍုၚ်မန်။
- ဂကောံသၚ်သၟတ် ကှ်ေချူပ္တိတ်လိက်ကၞပ် လျးအရံၚ် ပါရာဇိကဏ်ကှ်ေ သွက်တန်ဓမ္မာစရိယတုဲ ဂွံအခေါၚ်ရီုဗၚ် သၚ်မန်ကတ်လိက်ပရိယတ္တိ တန်ဓမ္မာစရိယ။
- ဂကောံသၚ်သၟတ် ကေတ်တာလျိုၚ်တုဲ စပံက်ဗ္တောန်ကၠုၚ် ဘာမန်ဥတုကညၚ်အခိၚ်ဗ္တမ်တုဲ မိမညးဇၞော်ညးဍုၚ်ကွာန်ကီု သီုကဵုညးဟွံကလိဂွံ အခေါၚ်ဗ္တောန်လိက်မန် ပ္ဍဲအခိၚ်တ္ၚဲတအ်ဂှ်လေဝ် ဂွံအခေါၚ်ဗ္တောန်လ္ၚတ်မာန်ကၠုၚ်။
- ဂကောံသၚ်သၟတ် ကေတ်တာလျိုၚ်တုဲ ဆက်ပံၚ်ဗ္တောန်အာ ပ္ကတ်ပ္ကေၚ်ကွတ်ခမ်ပျူတာ ဗွဲလၟေၚ်သၞာံ။
- ဂကောံသၚ်သၟတ်အာက္ဍိုပ်တုဲ ကၠောန်ဗဒှ်ကၠုၚ် တ္ၚဲဍုၚ်မည်ဟံသာဝတဳလီု မွဲဝါပၠန်။
၁၃၇၄ သၞာံ
[ပလေဝ်ဒါန် | ပလေဝ်ဒါန် တမ်ကၞက်]- ဂကောံသၚ်သၟတ် ထပ်ချူကှ်ေ တက်တြးပ္တိတ်လိက်ကၞပ် ပါဠိမူကှ်ေ လျးအရံၚ် ဓမ္မသၚ်္ဂဏဳကှ်ေ သွက်တန်ဓမ္မာစရိယတုဲ ကဵုဒါန်ဓမ္မဒါန သွက်သၚ်အလုံဂကူမန် ညးမကတ်မံၚ်လိက်ပရိယတ် တန်ဓမ္မာစရိယတအ် စဵုကဵုပွိုၚ်တ္ၚဲဏအ်။
- ဂကောံသၚ်သၟတ် ကလိဂွံအခေါၚ်ဇရေၚ်တၠမူ အာစာနာဲအံက်ပိုၚ်တုဲ ကၠောန်ပ္တိတ်ကဝး (DVD) ဗ္တောန်လိက်မန် ဗွဲမဂၠိုၚ်ဂၠၚ်မာန်။
- ဂကောံသၚ်သၟတ် ကၠောန်ပ္တိတ်လိက်ပလး (Exercise Book) ထံက်ပၚ်ပရေၚ်ပညာဂကူမန် လ္ၚီအုပ်ပြၚ်ပြၚ်တုဲ ကဵုဒါန်ပါ်ပရအ်ကဵု ကုကွးဘာမန်ဥတုကညၚ် ကွာန်ကအ်ဍောတ်၊ ကွာန်ကအ်ချ ကေုာံ ကွာန်သၞေဟ်ဂဒိုအ် ကီု၊ ပါ်ပရအ်ဏာ သီုလ္ပါ်ဘာကောန်ဂကူမန်တအ်ကီုရ။
- ဂကောံသၚ်သၟတ် ပတိုန်ဂုဏ်စရာဲ ကွးဘာဥတုကညၚ်သ္ကေက်သ္ကာ ညးမကလိဂွံလာဘ်တၟေၚ် နူစာ (ပွိုၚ်တိုက်) ဂမၠိုၚ်။
- ဂကောံသၚ်သၟတ် ပံက်ဗ္တောန်ဘာပ္ကတ်ပ္ကေၚ် ကွတ်ခမ်ပျူတာ ကုကွးဘာမန်ဥတုကညၚ် ကေုာံ သၟတ် ပ္ဍဲကွာန်ဂမၠိုၚ်။
၁၃၇၅ သၞာံ
[ပလေဝ်ဒါန် | ပလေဝ်ဒါန် တမ်ကၞက်]- ဂကောံသၚ်သၟတ် တက်ပ္တိတ်တဆိပ်ကြာအံၚ်ဇၞး သဘၚ်သၟာန်သွဟ်လိက် ဂကောံသဒ္ဓမ္မဓဇဝိနယာဓိက မၞုံလၟိဟ်လ္ၚီပြၚ်ပြၚ်တုဲ ကဵုဒါန်ဂကောံဂိုဏ်ပဝါရဏာ။
- ဂကောံသၚ်သၟတ် ထံက်ပၚ်ကဵုဒါန် ဂကောံဗ္တောန်လိက်ပတ်မန် ဥတုကညၚ် အလုံစာ(ပွိုၚ်တိုက်)လၟိုၚ် ဌာန - ကွာန်သၞေဟ်ခရေၚ်။
- ဂကောံသၚ်သၟတ် ကှ်ေချူပ္တိတ်လိက်ကၞပ် လျးအရံၚ် သုတ်သဳလက္ခန် ပါဠိမူကှ်ေ သွက်တန်ဓမ္မာစရိယတုဲ ကဵုဒါန်ဓမ္မဒါန ကုသၚ်မန် ကတ်လိက်ပရိယတ် တန်ဓမ္မာစရိယဂမၠိုၚ်။
- ဂကောံသၚ်သၟတ် ကေတ်တာလျိုၚ်တုဲ ဆက်ပံက်အာဘာ ဗ္တောန်ပ္ကတ်ပ္ကေၚ်ကွတ်ခမ်ပျူတာ ကုဂကောံသၚ် ကေုာံ ကွးဘာသၟတ်ဂမၠိုၚ်။
- ဂကောံသၚ်သၟတ် ပတိုန်ဂုဏ်စရာဲ ကွးဘာဥတုကညၚ်သ္ကေက်သ္ကာ ညးမကလိဂွံလာဘ်ဂုဏ်တၟေၚ် နူစာ (ပွိုၚ်တိုက်) ဂမၠိုၚ်။
- ဂကောံသၚ်သၟတ် ထံက်ပၚ်ကဵုဒါန် ကုသၚ်မကတ်ပညာဍုၚ်သ္အာၚ် ပိဇကု (တၠဂုဏ်အာစာ အဂ္ဂသာရ၊ တၠဂုဏ်အာစာ ကောဝိဒ၊ တၠဂုဏ်အာစာ နန္ဒိယ)၊ မွဲဇကုမ္ဂး သြန်ဒဝ်လာ ၂၀၀ ရ။
- ဂကောံသၚ်သၟတ် ထံက်ပၚ်ကဵုဒါန် ကုသၚ်မဂိယဲၜါဇကု(တၠဂုဏ်ဇၞော် ဩဘာသ၊ တၠဂုဏ် အရဳယာနန္ဒ)၊ မွဲဇကုမ္ဂး ၅၀၀၀၀ ဒ္ကေဝ်။
ပ္တိုန်ဂုဏ်စရာဲ သၚ်အာဇာနဲအံၚ်လိက်
[ပလေဝ်ဒါန် | ပလေဝ်ဒါန် တမ်ကၞက်](သၚ်အာဇာနဲအံၚ်လိက်များ၏ အချက်အလက်များကို ဤနေရာတွင် ဆက်လက်ဖြည့်စွက်နိုင်ပါသည်။)
ပွမတြးပ္တိတ်လိက်ကၞပ်ဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်](ထုတ်ဝေခဲ့သော စာအုပ်စာရင်းများကို ဤနေရာတွင် ဆက်လက်ဖြည့်စွက်နိုင်ပါသည်။)