ဂကောံအ္စာကၞေဟ်မန်
| မဒက်ပတန် | ၃၀ ဇာန်နဝါရဳ ၂၀၁၇ |
|---|---|
| ဗီုပြင် | ချဳဓရာင် သွက်လိက်ပတ်မန် |
| တင်ရန်တၟအ် |
|
| ဂကူကမၠောန် | ပရေင်မၞိဟ်၊ ပရေင်လိက်ပတ် |
ကောန်ဂကောံ | အစာချူလိက်ဂမၠိုင် |
| မထံက်ပင် | နကဵုစေတနာ (စိုတ်ဓါတ်) |
ဂကောံအ္စာကၞေဟ်မန် (အၚ်္ဂလိက်: Mon Writers Association)ဝွံ စပ္တံနူ အသေအဟာန် တ္ၚဲအ္စာကဝိမန် ကၠောန်ပ္ဍဲဘာဓာတ်ကျာ် ဍုင်ကၟာဝက် ၁၃၇၈ သၞာံ၊ ဂိတု မာ် ၃ မံက် (ဂိတု ဂျာန်နဝါရဳ ၃၀ သၞာံ ၂၀၁၇) ဂှ် စဒက်ပ္တန်ကၠုင် ဂကောံအ္စာကၞေဟ်မန် (ယာယဳ) မွဲဂကောံရ။[၁]
ဂကောံအ္စာကၞေဟ်မန် (ယာယဳ) ဝွံ ချဳဒရာင် စန်ဒက်ကၠုင် ဂကောံအ္စာကၞေဟ်ဒေသ၊ အ္စာကၞေဟ်ပွိုင်ဍုင်ဂှ် ပေင်ဗၞတ်မွဲသၞာံတုဲ ပ္ဍဲ ၁၃၇၉ သၞာံ၊ ဂိတုပုဟ် ၆ စွေက်၊ ဂျာန်နဝါရဳ ၇ သၞာံ ၂၀၁၈ ဂှ် နူကဵုဂကောံအ္စာကၞေဟ်မန် (ယာယဳ)တံ ကၠောန်သ္ပကောံဓရီုဇၞော်ဂကောံအ္စာကၞေဟ်မန် ပ္ဍဲဘာဓာတ်ကျာ် ဍုင်ကၟာဝက်ပၠန်ရ။ ဂကောံအ္စာကၞေဟ်မန် တန်ဒှ်ကၠုင်တုဲဂှ် ပ္ဍဲ ၁၃၇၉ သၞာံ ဂိတုမာ် ၂ မံက် ဂျာန်နဝါရဳ ၁၈ သၞာံ ၂၀၁၈ ဂှ် ကၠောန်သ္ပကောံဓရီုအလန်ကိုပ်ကၠာအိုတ် ပ္ဍဲဘာဓာတ်ကျာ်၊ ဍုင်ကၟာဝက်တုဲ ကလေင်သ္ၚဳဂၠိပ်ရုဲစှ်ဏာ စပ္တံနူဂကောံနာယက ခမဳသင်ခရှ်ဂမၠိုင်ကီု၊ ဂကောံကဵုကသပ်သွာင်ခမဳသင်ခရှ်ဂမၠိုင်ကီု၊ ဂကောံကမ္မတဳ ကေင်ကာအဆံင်ဆံင်ကီု ရုဲစှ်ဒက်ပတန်ဏာရ။
တင်ရန်တၟံ
[ပလေဝ်ဒါန် | ပလေဝ်ဒါန် တမ်ကၞက်]- သွက်ဂွံထိင်ဒဝ်မင်မွဲဇၞော်ပၟဝ်အာ လိက်ပတ်ဘာသာမန်
- လိက်ပတ်မန်ချူဇန်လဝ် နဗီုပြင်လိက်ပြကိုဟ် လိက်မဂ္ဂဇြေန်၊ လိက်ကဗျ၊ ဒွက်၊ လိက်လၟေင်၊ လိက်ပရိုင်၊ လိက်ဂျာနေဝ်တံ သွက်ဂွံတြးစိုပ်အာ အလုံညးဍုင်ကွာန်မန်တုဲ သွက်ဂွံသၠုင်ပ္တိုန် အသိင်ဗှ်လိက်မန် အကြာညးဍုင်ကွာန်
- သွက်ဂွံသၠုင်ပတိုန်ဍာ်ဒကေဝ် အ္စာကၞေဟ်မန် ကေုာံ လိက်ပတ်မန်ဂမၠိုင်။
လက်က္ချန် ဂကောံအ္စာကၞေဟ်မန်
[ပလေဝ်ဒါန် | ပလေဝ်ဒါန် တမ်ကၞက်]- အာစာခၞံပြကိုဟ်
- အာစာချူလိက်ဝင်
- အာစာကဗျ
- အာစာချူဒွက်
- အာစာချူဝတ္ထု၊ ပုံအာဂီု
- အာစာချူလိက်ပရေင်
- အာစာပရိုင်
- အာစာကၠာဲဘာသာ
- အာစာ ကသူ
စၟတ်သမ္တီလုပ်ဂကောံ
[ပလေဝ်ဒါန် | ပလေဝ်ဒါန် တမ်ကၞက်]စၟတ်သမ္တီလုပ်ဂကောံဂှ် အ္စာကၞေဟ်မွဲမွဲ ဒးချူလဝ်ကဏ္ဍ
- လိက်ပရေင်
- လိက်ဝတ္ထု
- ကဗျ
- လိက်ဒွက်
- ရုပ်ဗျံက်
- ပုံအာဂီု
တအ် အတိုင်ဓမံက်ထ္ၜးစၟတ်သမ္တီလဝ် ဒးပေင် ၃ ပိုဒ်တုဲ ကာလပတိုန်လိက်အာတ်အခေါင်လုပ်ဂကောံမ္ဂး မ္ဒးချူဓမံက်ထ္ၜးကဵု ဍိုပ်လိက်ကဏ္ဍ အ္စာကၞေဟ်ချူလဝ်ဂှ်ရောင်။ တုဲမ္ဂး နူကဵုဂကောံသွာင်စန်ဒက် ဂကောံအ္စာကၞေဟ်တံသ္ၚဳဂၠိပ်တုဲ သ္ပဒတန် လုပ်ဂကောံအ္စာကၞေဟ်မာန်ရ။
ကောံဓရီုဂကောံအ္စာကၞေဟ်
[ပလေဝ်ဒါန် | ပလေဝ်ဒါန် တမ်ကၞက်]ကောံဓရီုဂကောံအ္စာကၞေဟ်ဂှ် ဖျေံလဝ်ဗွဲလၟေင်လၟေင်နွံရ။
- ကောံဓရီုလၟေင်လၟေင် (ပွိုင် ၃ ဂိတု)
- ကောံဓရီုပွိုင်သၞာံ (ကောံဓရီုဇၞော်)
တင်စၟတ် - လဆောဝ်မ္ဂး ကောံဓရီုပွိုင်သၞာံဂှ် ဟွံဒှ်ကၠောန်တုဲ ကၠောန်အာ ကောံဓရီုသဳကၠဳ ပ္ဍဲအသေအဟာန် "တ္ၚဲအ္စာကဝိမန်" နွံရ။
ကောံဓရီု
[ပလေဝ်ဒါန် | ပလေဝ်ဒါန် တမ်ကၞက်]ကောံဓရီုဂကောံအစာကၞေဟ်မန် လၟေၚ်(၁/၂၀၂၅) ဝွံ နူတနေံတေံ ဂိတုမာ်(၁၁)စွေက်(၂၃၊ ၂၊ ၂၀၂၅)ဂှ် ကၠောန်သ္ပလဝ် ပ္ဍဲဘာဗ္ဂောသၟဝ် ဍုၚ်မတ်မလီုရ။
ပ္ဍဲကောံဓရီုဝွံ ဂကောံနာယက ကီု၊ ဂကောံညးကဵုကသပ် ကီု ရုဲစှ်ဏာတုဲ သွက်ဂွံကေတ်ဆက်စၠောံ ကဵုသမ္တီ သၟာန်ကလးအာနွံရ။
လၟေၚ်ကမၠောန်သဳကၠဳဖျေံလဝ်ဂမၠိုၚ်ဂှ် စပ်ကဵု ချူခၞံ တက်ပ္တိတ်လိက်ကၞပ် ဝၚ်ကျာ်ဒဵုတၟံဗြာတ် ကီု၊ လၟေၚ်ကမၠောန်သ္ဂောံစန်ဒက်အာ အစာကၞေဟ်တြေံ တၟိ သွက်ဂွံလုပ်အာဂကောံအစာကၞေဟ်မန်ကီု၊ လၟေၚ်ကမၠောန် လိက်ကၞပ်မဂ္ဂဇြေန် လၟေၚ်(၅) ကီု၊ လၟေၚ်ကမၠောန် စပ်ကဵု လာဘ်လိက်ပတ် သၞာံ (၂၀၂၃-၂၀၂၄) ကီု၊ လၟေၚ်ကမၠောန် ညးစၞးဂကောံအစာကၞေဟ် ပါလုပ်သွာၚ်ဂကောံတၞဟ်တၞဟ်ဂမၠိုၚ်ကီု သ္ၚဳဂၠိပ် သဳကၠဳတုဲ ထပ်ဖျေံဏာ ပရေၚ်ကမၠောန်ဂမၠိုၚ်ရ။[၂]
အစဳအဇန်ဂကောံ
[ပလေဝ်ဒါန် | ပလေဝ်ဒါန် တမ်ကၞက်]- အစဳအဇန်ပတိုန်စရာဲအ္စာကၞေဟ်မန်
- အသေအဟာန် တ္ၚဲအ္စာကဝိမန်
နာယကဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]ဂကောံအ္စာကၞေဟ်ဝွံ ပ္ဍဲသွာင်နာယကဂှ် သွာင်နာယကသင် ကေုာံ သွာင်နာယကခရှ် ပါ်စွံလဝ်ဂွံဆဵုကေတ်ရ[၁]။
| လၟေင် | ယၟု | ဌာန် | ဍုင်-ကွာန် |
|---|---|---|---|
| ၁ | ကျာ်ဇၞော်အ္စာပါလိတ | ဘာဓါတ်ကျာ် | ကၟာဝက် |
| ၂ | ကျာ်ဇၞော်အ္စာ ကေတုမာလာ | ဘာကအ်ပလိုင် | ကအ်ပလိုင် |
| ၃ | ကျာ်ဇၞော်ပါင်ကၟာ | ||
| ၄ | ကျာ်ဇၞော် ကဏ္ဍည | ဘာကၟာဆီ | လ္ဂုင် |
| လၟေင် | ယၟု | ဌာန် | ဍုင်-ကွာန် |
|---|---|---|---|
| ၁ | နာဲမိုင်တဝ် | လ္ဂုင် | |
| ၂ | နာဲဇၞူမန် | မတ်မလီု | |
| ၃ | နာဲဟံသာ | ဗော်ဍုင်မန်တၟိ | |
| ၄ | နာဲဗညာသာင်မန် | ကအ်ဗိန် | |
| ၅ | နာဲထောန်ဝေ | ၜါသွာင် |
ဂကောံကဵုကသပ်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]ဂကောံညးကဵုကသပ် ပ္ဍဲဂကောံအ္စာကၞေဟ်ဝွံပၠန်လေဝ် ဂွံဆဵုကေတ်သွာင်သင်၊ သွာင်ခရှ် သာ်ဝွံ ၜါပလန်ရ[၁]။
| လၟေင် | ယၟု | ဌာန် | ဍုင်-ကွာန် |
|---|---|---|---|
| ၁ | တၠဂုဏ် ဗာကုလ | ဘာဓါတ်ကျာ် | ကၟာဝက် |
| ၂ | တၠဂုဏ် ခေမာနန္ဒ | ဘာနန္ဒာဝိုန် | ဇြပ်ဗု |
| ၃ | တၠဂုဏ် ကေလာသ | ဘာကၠအ်ပၞဟ် | မုဟ်ဍုင် |
| ၄ | ကျာ်ဇၞော် ပညိန္ဒိ | ဘာဓာတုမာလာ | မတ်မလီု |
| ၅ | ကျာ်ဇၞော် ဣန္ဒလင်္ကာရ | ဘာကျာ်သြဳမန် | လ္ဂုင် |
| လၟေင် | ယၟု | ဌာန် | ဍုင်-ကွာန် |
|---|---|---|---|
| ၁ | နာဲသိုက်လှိင် | ညဳသာ | |
| ၂ | နာဲကသုမန် | ပယျဵု | |
| ၃ | နာဲအံင်ဇၞး | ကၟာဝက် | |
| ၄ | နာဲယက္ခ | မတ်မလီု | |
| ၅ | နာဲတၠဗန် | မတ်မလီု |
ကမ္မတဳကေင်ကာ သၞာံ ၂၀၂၅ - ၂၀၂၇)
[ပလေဝ်ဒါန် | ပလေဝ်ဒါန် တမ်ကၞက်]သၞာံ ၂၀၂၅ ဂိတုဇာန္နဝါရဳ ၃၁ ဂှ် ကၠောန် ကောံဓရီုဇၞော်ဂကောံ အလန်စတုတ္ထ ပ္ဍဲ ဘာဝေဠုဝန် ကွာန်ဖအံက်၊ ပွိုင်ဍုင်မတ်မလီုတုဲ ရုဲစှ်လဝ် ကမ္မတဳကေင်ကာ ပွိုင်ၜါသၞာံ အတိုင် ဗွဲသၟဝ်ဝွံရ။[၃]
- အစာကၞေဟ် ဗညာဥု ဥက္ကဌ
- အစာကၞေဟ် မန်သဵုနဲ ဒုဥက္ကဌ
- အစာကၞေဟ် ဝဏ္ဏမာန် ညးအုပ်ကာနာနာ
- အစာကၞေဟ် အံင်သူ ဖက်ဆောညးအုပ်ကာ(၁)
- အစာကၞေဟ် မိသာယျာမန် ဖက်ဆောညးအုပ်ကာ(၂)
- အစာကၞေဟ် (ကျာ်ဇၞော်အစာ) သဳလတေဇ ဂကောံကေင်ကာ
- အစာကၞေဟ် တၟးဖၠင် ဂကောံကေင်ကာ
- အစာကၞေဟ် စဴစေက်နာဲ ဂကောံကေင်ကာ
- အစာကၞေဟ် နာဲအံင်ဇၞး(ဂဳတ) ဂကောံကေင်ကာ
- အစာကၞေဟ် မိလေဝ်မန် ဂကောံကေင်ကာ
- အစာကၞေဟ် နာဲခိုင်နန် ဂကောံကေင်ကာ
- အစာကၞေဟ် နန်တၠနာဲ ဂကောံကေင်ကာ
- အစာကၞေဟ် နန်လွဳမာန် ဂကောံကေင်ကာ
- အစာကၞေဟ် သံယောဇိုန် ဂကောံကေင်ကာ
- အစာကၞေဟ် မာံပ္ကဴ ဂကောံကေင်ကာ
ဆက်လ္ၚတ်
[ပလေဝ်ဒါန် | ပလေဝ်ဒါန် တမ်ကၞက်]နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- ↑ ၁.၀ ၁.၁ ၁.၂ ဂကောံအ္စာကၞေဟ်မန်၊ မဂ္ဂဇြေန် (၂၀၁၉) ကၞပ် (၂) ဂကောံအ္စာကၞေဟ်မန်၊ ကၞပ် (၂) အံက်တိုဘာ ၂၀၁၉။
- ↑ https://www.facebook.com/100050202232308/posts/1168901921459871/?rdid=VKwiyUlL72dxXRfO#
- ↑ ကၞေဟ်မန်, ဂကောံအ္စာ (February 1, 2025). " ကောံဓရီုဇၞော်. Open.