ဂလာန်အာစာပဏ္ဍိတ
| အစာကဝိ | နာဲယှိုဲထာၚ် |
|---|---|
| က္ဍိုပ်လိက် | ကဗျလၚ်္ကာ သိရိန္ဒထေရ် (နာဲယှိုဲထာၚ်) |
| ဘာသာ | ဘာသာမန် |
| ပရူပရာ | လိက်ပတ် သာသနာ, ကဗျလၚ်္ကာ, ပရေင်ဒ္ဂေတ်လၟေတ် |
| ဂကူလိက် | ကဗျ, လင်္ကာ |
| ညးမပ္တိတ် | ကျာ်ဇၞော်အာစာ အကုၚ်္ၚထေရ် (ဘာကျာ်သြဳမည်၊ ဍုၚ်မတ်မလီု) |
| စၟတ်တ္ၚဲမပ္တိတ် | သက္ကရာဇ်ဍုၚ် ၁၃၁၃ |
| ဗီုမပ္တိတ် | လိက်ကၞပ် |
ကဗျလၚ်္ကာ သိရိန္ဒထေရ် (ဝါ) နာဲယှိုဲထာၚ် ဝွံ ဒှ် လိက် ကဗျ လင်္ကာ မန် မွဲ မချူ ခၞံ လဝ် ရန်တၟံ သွက်ဂွံ ဒၠောအ်ဗ္တောန် ညးဍုင်ကွာန် တအ် ညံင် ဂွံ တီ ဓရ် ကုသဵု ကေုာံ ပရေင် ဒ္ဂေတ် လၟေတ် ပြဲပြဲ ရ။ လိက် ဝွံ မဗၟံက် ထ္ၜး လဝ် ပရူ မၞိဟ် မွဲ မဟွံမွဲ ကု ဓရ် ကုသဵု တုဲ ကာလ စိုပ် အာ ဇရေင် သၟိၚ်ယီု မ္ဂး ဒး ဒုင် သၟာန် စၟဳစၟတ် ဗီုလဵု ဂှ် နကဵု ဗီုပြင် သၟာန် သွဟ် (Dialogue) ရ။ လိက် ဏအ် ဝွံ တက် ပတိတ် လဝ် နူကဵု ဇရေင် ကျာ်ဇၞော်အာစာ အကုၚ်္ၚထေရ်၊ ဘာကျာ်သြဳမည်၊ ဍုၚ်မတ်မလီု ပ္ဍဲ သက္ကရာဇ်ဍုၚ် ၁၃၁၃ ရ။
၁။ အဓိပ္ပါယ် ကေုာံ ရန်တၟံ (Introduction)
[ပလေဝ်ဒါန် | ပလေဝ်ဒါန် တမ်ကၞက်]လိခ် ဝွံ ရန်တၟံ ကဵု ကျာ် ဓရ် သၚ် တံ ညးဂမၠိုၚ်၊ ဍုၚ်မၞိသ် ကျဝ် မူ ဓရ် နၚ် ပ္ဍဲ ပၠန် ထဲ သွက် ပ္တီ ပြဲ မူ ဓရ် ဟၟဲ ရ။ ဓရ် ကုသိုလ် ပြဲ မမိက် မွဲမွဲ ဂွံ ပ္တုဲ နၚ် ကီု လေဝ်၊ သၟိၚ်ယီု ပ္ညုၚ် ခါ သၟာန် ကၠုၚ် ဍေံ ၚုၚ် တုဲ မံၚ် တဴ ရ။
၂။ ခဏ် သၟာန် သွဟ် အဓိကဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]၂.၁။ ခဏ် သ္ပ ခမဳ
[ပလေဝ်ဒါန် | ပလေဝ်ဒါန် တမ်ကၞက်]ဗုဒ္ဓ ကျာ်တြဲ သာသာနာ ပြဲ ဟၟဲ ဂဵုလဟဵု ဟာ၊ ပ္ဍဲ ကွာန် ပိုဲ ကၠာ သာသနာ ဟွံမှာ ဂဵုလဟဵု တဴ ရ။ ပဗ္ဗဇိတ ဒုလ္လဘ တၠအဲ ဟွံဂွံ နၚ် ဟာ၊ သာသနာ ပၠ လ္လာ် ခမဳ ရ ညိည စိုတ် ဟွံပါ၊ ဒဒှ် ခမဳ ပြဟ် အာစာ ဗှေ် ဂှ် ညိ ဟွံတွံ ကဵု ဟာ။
အစာ အဲ ဂှ် ၜိုန် ဟီုတွံ ဟွံမြတ် ပ္ဍဲ ကတောဝ် ကၠာ၊ စိုတ် အဲဍိက် ထဲ ခါ ဂှ် ပြဲ အာစိုပ် ပ္ဍဲ ကွာန် ဏီ၊ တြုံ စၟတ် ဍာံပြ က္တဵုဒှ် ရ ဂိုဟ် ဘဝ တၠအဲ ရောၚ်။
၂.၂။ ခဏ် သၟာန် ဒါန
[ပလေဝ်ဒါန် | ပလေဝ်ဒါန် တမ်ကၞက်]သဒ္ဓါ တပ်တး ဒါန သၟး ဟီုထ္ၜး ကဵု ညိ ကၠာ ကောန်ဇၞော် ပထပိုဲ အဲ တၟုဲ တ္ၚေတ် တုဲ ကဵု ဒါန် ရ၊ ကာလ ကဵု ဒါန် စေတနာ ဟာန် ပိဋ္ဌာန် ညဳသာ ဟာန်၊ စေတနာ ပိဋ္ဌာန် အောန် လောန် ဟာန် ကွေံကြာန် ဂရၚ်ပ္တီ ရ။
ကုသိုလ် အဲ တန် ခတှ် နွံ ပၠန် ကၟဳသြန် ပရီု ညး ရ၊ သြန် ပရီု ဟေၚ် အဲ ကဵု ရေၚ် ကလေၚ် ဂွံ ပၠန် ခိုဟ်သန် ရ အဲ တုန် ကၠာ သာ်ဝွံ မာ ကၟိုန် ကာလ ဗၞုဟ် ဒး ရောၚ်။ ပ္ဍဲ ကွာန် ပိုဲ နၚ် ကဵု ဒါန် ရေၚ် သာ်ဝွံ ဟေၚ် စဳရေၚ် ဂၠိုၚ် ရောၚ်။ ယုတ် ပြဲ ဟွံဟီု ညးစ ကီု အိုဿီု ဇြုၚ်သ္ဍိုက် ဟာ၊ သြန် ပြီု ဂၠိုၚ် တိုက် ညးသိုခ် ကၠာ ရံၚ် မုက္ခဝါ တုဲ ဗ္စ တဴ ရောၚ်။ မုက္ခဝါ ဍောတ ညးဒိုဂ္ဂတ် ပဲါ မှတ် ဟွံဂွံ တုဲ ဗ္စ တဴ ရောၚ်။ ညးသိုက် တဴ ထဝ် လုပ် ကၞာ ကျဝ် လး ကဵု သကဝ် ပြဲ ရောၚ်။ လ္ပာ် တေံ လ္ပာ် ဏံ ကၠုၚ် ညိ ဂဇအ် ရန်တၟံ ကော်ခဴ ရောၚ်။
ဂဥုဲ ဇဗၠု လက်ဖက် ကၠေၚ် သက်သက် ဖက် ကၠိက် စာၚ် ပရာၚ် တုဲ ဗ္စ တဴ ရ၊ ညးပြီု သြန် ဂၠိုၚ် ပိုဲ ညးဂမၠိုၚ် သဒ္ဓါ ဂၠိုၚ် တဴ ရောၚ်။ ကုသိုလ် ဗှေ် မှာ သြန် ဂှ် ကၠာ ဂိုဟ် အာ ကွေံကွေံ ရ။
၂.၃။ ခဏ် သၟာန် ပရိက္ခရာ
[ပလေဝ်ဒါန် | ပလေဝ်ဒါန် တမ်ကၞက်]ပရိက္ခရာ ကဵု ဒါန် ကၠာ သမ္ဓာ ဒးရး ညိ ဟာ၊ ပရိက္ခရာ ကဵု ဒါန် ကၠာ ၚုဟ် သက်သာ ဂှ် ကဵု ဂၠိုၚ် ရ။
၂.၄။ ခဏ် သၟာန် ဝတ္ထု ဒါန်
[ပလေဝ်ဒါန် | ပလေဝ်ဒါန် တမ်ကၞက်]ကာလ ကဵု ဒါန် ပစ္စယ် ပန် ဋ္ဌာန် သၟး ဇၚး မာန် ကီု ဟာ၊ ကဵု ဒါန် ပစ္စယ် ပန် ဋ္ဌာန် လီပါန် ကၠတ် နၚ် ရောၚ်။
၂.၅။ ခဏ် သၟာန် နိမန် ခမဳသၚ်
[ပလေဝ်ဒါန် | ပလေဝ်ဒါန် တမ်ကၞက်]ဗီု နိမန် သၚ် ဒးဗီုပြၚ် ဂရၚ်ပ္တီ ဟီု ညိ ကၠာ၊ ဒ္ဂေတ် သိက္ခာ ရုဲစှ် ကၠာ ဟွံမှာ နိမန် နၚ် သေၚ် ဟာ၊ ဗီု နိမန် ဂှ် ဟွံရုဲစှ် ဆဒှ် ကဵု ဒှ် နိမန် နၚ် ရ။ ပါၚ် ဟီု တိုန် ကွာဲ မုခ် ဍာတ် ဆာဲ ကောန်နာဲ ဂှ် မိနၚ် ရ၊ အ္စာ ဗီု ဏံ ထဲ အဲ ပြဲ ဗွဲမဂၠိုၚ် နိမန် နၚ် ရ၊ ကလော ပိုဲ အ္စာ ပိုဲ ကျာ်ဇၞော် ပိုဲ နာဲကွာန် ပိုဲ နိမန် နၚ် ရ။
သြောံ ကဵု သတ်ဂန် ဗှေ် တံ ပၠန် မူစိ တန် ကဋ္ဌိ ဂွံ ရော၊ တိတ် အာ ဘာ ဝွံ ဂြိုၚ် ဝေၚ် ဂြုဂြု စ ဇဗၠု သုၚ် ဍာ် ရောၚ် ယွံ ဒကာဇၞော် ပြာတ် သတ်ဗြဴ ဗော် ကော် တုဲ စစမ် ညိ၊ ဗီု ဏံ ကော် ခဲါ မုခ် ရာၚ် ဆာဲ ကောန်နာဲ သာ်ဏံ တၟံ နိမန် ရောၚ်။ ပ္ဍဲ ကွာန် ပိုဲ ဟေၚ် ကဵု ဒါန် ရေၚ် သာ်ဝွံ ဟေၚ် နိမန် တဴ ရ၊ အမာံ ကဵု ဒါန် ကၠာ သၟးသၟး မှာ တန် ကၠာ ဆဝွံ ရောၚ်။
၂.၆။ ခဏ် သၟာန် သဳမသုန်
[ပလေဝ်ဒါန် | ပလေဝ်ဒါန် တမ်ကၞက်]- မဉ္စသဳ တုန် အၚ်္ဂ မသုန် ဖ္ဍုန် လဝ် လၟိုန် ကီု ဟာ၊
သဳ မသုန် သာ် ဒ္ဂေတ် ဓရ် ကျာ် လီုလာ် ဂၠိုၚ် တဴ ရောၚ်။ ဂစိုတ် ကၠတ် သ္ကဲ ကာမေ ထဲ မွဲ ဟွံသှေ် လီု တဴ ရ၊ မုသာ ဒှ် ဒွက် အရက် ဒှ် ဍာ် လီုလာ် ဂၠိုၚ် တဴ ရောၚ်။ ဒှ် ကၠုၚ် တုဲ ဟာန် ဘဝ မၞိသ် သြာန် ဆာန်ဍူ လောန် ကွေံ ရောၚ်။ ဆ အဲ ဓဝ် ဟွံသေၚ် ကျဝ် မၞိသ် ဗဝ် သၟဝ် လီုလာ် တဴ ရောၚ်။ မၞိသ် ဗြ တံ ဂှ် လီုလာ် ပြဟ် ရာန် ဖျာ ဂှ် ဒှ် ဆ ဆဵု ရောၚ်။
၂.၇။ ခဏ် အာ လ္ၚောဝ် ကျာ်
[ပလေဝ်ဒါန် | ပလေဝ်ဒါန် တမ်ကၞက်]- နူ ဝွံ မွဲ ခဏ် ဂတ ဂှ် ပၠန် သၟာန် တန် စမ် အာ ရ၊ ကျာ် ဓရ် သၚ် ပြဲ ရတ် ပိ ထဲ လ္ၚောဝ် ဗွဲမရှေ်သှေ် ကီု ဟာ၊
ညး လ္ၚောဝ် ကျာ် ဂၠိုၚ် မိက် ဝေၚ် ဂြိုၚ် တသိုၚ် ဗက် အာ ကီု ရ၊ ကာလ ဗက် အာ သဘၚ် ကျာ် ကၠာ စေတနာ ဇြုၚ်သ္ဍိုက် လ္ၚောဝ် တဴ ဟာ၊ ဗုဒ္ဓ ဂုဏော စိုတ် ဟၟဲ အဴ ဝေၚ် သုၚ် စ နှဴ စဴ ကၠုၚ် ရောၚ်။
၂.၈။ ခဏ် သၟာန် ကၠောန်ၜိုတ် မိမ
[ပလေဝ်ဒါန် | ပလေဝ်ဒါန် တမ်ကၞက်]- မာတာ ပိတ မိမ ရ ပြာပ် ခစ ကီု ဟာ၊
ဟွံခစ ဂွိုၚ် အဲ ရိုၚ် တ္ၜေဟ် တိုၚ် တ္ၜေဟ် လက် ဏီ၊
- မှာ ရ မှာ ရ မာံဗာလ ဆာန်ဍူ ယ ကွေံ ရ။
၂.၉။ ခဏ် သၟာန် ကလၚ် ဓရ်
[ပလေဝ်ဒါန် | ပလေဝ်ဒါန် တမ်ကၞက်]- ဓရ် ကျာ် သၟိၚ်သၚ် ဒေသနာ က္ဍၚ် ဂွံ ကလေၚ် နၚ် ကီု ဟာ၊
စိုတ် ဟွံပါ ညိ ဂွ လောန် စိ ဖေက် ညးဗျိ ဗက် ကလေၚ် ကီု ရ၊ ကာလ ကလၚ် ဓရ် စိုတ် ဗှေ် ကျဝ် နွံ ဓရ် သဒ္ဓါ ကလၚ် တဴ ဟာ၊ ကလှ် လဖှ် ဂၠိုၚ် စိုတ်တ် ဂွိုၚ် ပ္ဍဲ ဂြိုပ် တိုၚ် ဍေံ အာစိုပ် ဏီ။ ခမဳ အာစာ တွံ ဓရ် ကၠာ မွဲ ဝါ ဓဝ် တွံ တဴ ဟာ၊ အဲ တုန် မာ မွဲ ဝါ ကၠာ ရံၚ် မုက္ခဝါ တုဲ ဗက် အာ ရ၊ ဗှေ် ကလၚ် ဓရ် ကၠာ လန် ဏံ မှာ နွံ သဒ္ဓါ တုဲ ကလၚ် တဴ ဟာ၊ ဓရ် လေဝ် စှေ် ပြဲ တိက် လဝ် ဖဲ သဝ်တ္ၚဲ က္တဵု တုဲ ကလေၚ် စဴ ရ။
၂.၁၀။ ခဏ် သၟာန် ရှေ်စံၚ် အာစာ
[ပလေဝ်ဒါန် | ပလေဝ်ဒါန် တမ်ကၞက်]- ဘာ ပရိယတ် တိုက် ပိဋကတ် သၚ် ပြဲ မှတ် ဂၠာဲ လ္ၚတ် ကီု ဟာ၊
ကွာၚ် ဗြာတ် ဂၠိုၚ် တဴ ဘာ ဂှ် အဴ နှဴ တုဲ ဗက် အာ ကရောမ် ညး ရ၊ ကာလ ဗက် အာ သၚ်ထေရ် ဖျုၚ် စေတနာ လ္ၚောဝ် ကီု ဟာ၊ ဇရေၚ် ခရ်သၚ် ဟွံစိုပ် ပၚ် အောပ် သတၚ် ဒၟံၚ် ပၟံၚ် ဂရာ် ရ၊ ကာလ သတၚ် ပြဟ် စိုတ် ဗှေ် ဂှ် ဇြုၚ်မြဟ် တဴ ကီု ဟာ၊ ပြုၚ်မြတ် ဂှ် သ္ၚောဲ အဲ ထဲ သ္ၚေဝ် ဂၠာဲ မွဲ စၞစ ရောၚ်။
- ပိုန် ဒြပ် ဘာ ဂၠိုၚ် အမာံ ဂွိုၚ် ဟွံစသိုၚ် တုဲ ပဲါ တဴ ဟာ၊ စ ပုၚ် ဘာ ဂၠိုၚ် ဗုၚ် အဲ ဇြိုၚ် နူ ဘာ တိုၚ် စှေ် ဟွံမာန် ရ၊ စ ပုၚ် တုဲ ပြဟ် ပ္ဍဲ ဘာ ဂှ် ဗှေ် ကွဟ် ကၟဟ် ကီု ဟာ၊
ညိ ဟွံကွဟ် ကၟဟ် အဲ ဂှ် စ တုဲ ပြဟ် ကလေၚ် စဴ ကၠုၚ် ရောၚ်။ ပ္ဍဲ ကွာန် ပိုဲ ပ္ညုၚ် အိုတ် မၞိသ် စုၚ် စသုၚ် တဴ သာ်ဏံ ရောၚ်၊
- အမာံ တြုံ မာ ဗှေ် ဒှ် ကၠာ ဆာန်ဍူ အာ ဗွဲမလောန် ရ။
၂.၁၁။ ခဏ် သၟာန် ဂၠာဲ အာစာ
[ပလေဝ်ဒါန် | ပလေဝ်ဒါန် တမ်ကၞက်]ယွံ အမာံ ကၠာ မွဲ ပြကာ သၟာန် အာ ဗှေ် ပၠန် ရ၊ အာစာ ပဏ္ဍိတ ဗဟုသုတ တၠအဲ ဂၠာဲ ကီု ဟာ၊ အာစာ ပဏ္ဍိတ အဲ ဆဵု ရ သ္ပ ကၠေံ မဇ္ဇျဟ် ရောၚ်။ ပဲါ နူ အာ ဂၠာဲ အာစာ ဂှ် ဆာဲ အပဲါ ဓလ်ေ ကၠေံ ဏီ၊ သဒ္ဒါ သုတ် စန် ဇရေၚ် အာစာ ပၠန် ဗှေ် တန် ဂွံ ကတ် နၚ် ကီု ဟာ၊ ဂွံ ကတ် ဂှ် သ္ၚောဲ စ ဟွံဖဲ ဒှ် ယဲ စိုတ် ဏီ ရောၚ်။
ဂါထာ လ္ၚောဝ် ကျာ် ဂၠိုၚ်ကဵုသာ် မွဲ သာ် ဟွံဂွံ ဟာ၊ ဂါထာ လ္ပဟီု ၜိုန် ကျာ် ကီု သီု အဲ ဟွံလ္ၚောဝ် ရ။ အမာံ တြုံ ကၠာ ဂရၚ်ပ္တီ ဏာ မှာမှာ ဟေၚ် ဂၠိုၚ် တဴ ရ၊ သွက် ဂွံ နိဿယ် ကုသိုလ် ပြဲ မူ ဂှ် လေဝ် ဟၟဲ ရောၚ်၊ သၟာန် တဴ ကွေံသန် မွဲ ဟွံဂွံ ပၠန် အောန်စိုတ် လောန် ကွေံ ရောၚ်။ ဗီု မာံ ဒှ် ကီု ပွ အိုဿီု ဆာန်ဍူ သီုဖအိုတ် ရောၚ်။ သၟိၚ်ယီု ပ္ညုၚ် ခါ သၟာန် ကၠုၚ် ဗှေ် သ္ဒး ၚုၚ် တဴ ရ၊ ကာလ ဂှ် ဆံၚ် နရက် ထံၚ် တံၚ် ဂြဲ ဖျေံ ဏာ ရောၚ်။ သရာံပါပ် စိ နရက် ဂိ ဒမၠိ ဒုၚ် တဴ ရောၚ်။ ဗီု သၟိၚ်ယီု သၟာန် ဒွက် ဂလာန် စၟတ် ဟာန် ဆဝွံ ရောၚ်။
နိဿဲ
[ပလေဝ်ဒါန် | ပလေဝ်ဒါန် တမ်ကၞက်]- သက္ကရာဇ်ဍုၚ် ၁၃၁၃၊ လိခ်ကျာ်ဇၞော်အာစာ အကုၚ်္ၚထေရ် (ဍုၚ်မတ်မလီု၊ ဘာကျာ်သြဳမည်)