ဂိုဏ်ယှိုယ်ကျေန်

နူ ဝဳကဳပဳဒဳယာ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
ဂိုဏ်ယှိုယ်ကျေန်
ရွှေကျင်နိကာယ
Shwekyin.jpg
ဇမၠေအ် Shwegyin
မဒက်ပတန် လဒေါဝ်-၁၈၀၀တအ်
ဗီုပြင် ဂကောံဂိုဏ်ဗုဒ္ဓဘာသာ (ဍုင်ဗၟာ)
ဂအုပ်ဌာန ဍုင်ဗၟာ
ညးကိစ္စဇၞော်ဂမၠိုင်
ကျာ်ဇၞော် ဥူးဇာဂရ

ဂိုဏ်ယှိုယ်ကျေန်(အၚ်္ဂလိက်: Shwegyin Nikāya ) (မြန်မာ:ရွှေကျင်နိကာယ) ဟွံသေင်မ္ဂး ယှိုယ်ကျေန်နိကာယ ဂှ် ဒှ်ဂကောံဂိုဏ်သင် ဇၞော်အိုတ် မရနုက်ကဵု ဒုတိယ ပ္ဍဲကၟိန်ဍုင်ဗၟာတုဲ သီုဖအိုတ် ပ္ဍဲလကျာ်ဍုင်ဗၟာ သီုဖအိုတ်မ္ဂး လၟိဟ်သင် နွံၜိုတ် မသုန်က္ဍိုပ်ကၠံ (မသုန်လက်) ရ။[၁] တုဲပၠန် ဂိုဏ်ယှိုယ်ကျေန်ဝွံ ပၞောဝ်ကဵု ဂိုဏ်သင် ဒစိတ်ဂိုဏ် သၟိင်ဍုင် မပၠုပ်လဝ် ပ္ဍဲသၞောဝ် အတိုင်သၞောဝ်ဂိုဏ်သင် ၁၉၉၀ မ္ဂးဂှ် ပါလုပ်မွဲဂိုဏ်ကီုရ။[၂] ခမဳသင် ပ္ဍဲဂိုဏ်ယှိုယ်ကျေန်တအ်ဂှ် မံင်စံင်အာကၠုင် ဗီုအခိုက်တြေံ ဂၠိုင်နူ ဂိုဏ်သုဓမ္မာညိ[၃] တုဲပၠန် ပရေင်ဒက်ပတန်ဂိုဏ်ပၠန်လေဝ် ပရေင်ဗဟဵုမရပ်ဇုက် ကေုာံ ဗက်ကဵု အခိုက်အလိုက် ကဆံင် နူလတူစှ်ေသၟဝ် ဂၠိုင်ရ။[၄] ဂဥုပ်ဂိုဏ်ဂှ် ညးကော်စ "သံဃာသမ္မုတိ" မဒှ် ညးမကလိဂွံလဝ် အဝဵုသြဇာ သွက်ဓွံဖျေဟ် သၞောတ်ဂၠံင်တရဴဂိုဏ် ကေုာံ ဒ္ဂေတ်လၟေတ်ဂိုဏ်ရ။[၅]

တမ်မူလ[ပလေဝ်ဒါန် | ပလေဝ်ဒါန် တမ်ကၞက်]

ဂိုဏ်ယှိုယ်ကျေန်ဝွံ စဒက်ပတန်လဝ် ပ္ဍဲအခိင် လဒေါဝ်-စှ်ဒစိတ် ဗွဝ်ကၠံ နကဵု ကျာ်ဇၞော်နွံပိုန်ဘာ ကွာန်ယှိုယ်ကျေန် (အခိင်လၟုဟ် နွံပ္ဍဲပွိုင်ဍုင် ဗန်းမောက်၊ ရးစကိုင်း၊ ဒေသဍုင်ဗၟာ ဒကုတ်လတူ)ရ။ ဂိုဏ်ဝွံ နူတမ်မူလ ပါ်တိတ် နူကဵု ဂိုဏ်သုဓမ္မာ ပ္ဍဲလက်ထက် သၟိင်ဗၟာ မင်းတုန်းမင်း၊ စိုပ်လက်ထက် သၟိင်ဗၟာလက္ကရဴအိုတ် သၟိင်သဳပေါ ဂှ် ၜိုန်ရ ဂစာန် ညံင်ဂွံ ကလေင်ကောံရေင်သကအ်ကီုလေဝ် ဟွံအံင်ဇၞးရ။[၁] ပ္ဍဲကဵု ခေတ်အင်္ဂလိက် သၞာံ ၁၉၀၀တအ် လပါ်စဂှ် ခမဳသင် နူကဵု ဂိုဏ်ယှိုယ်ကျေန်တအ် ဟွံပါလုပ် ပ္ဍဲဂကောံညးစိုတ်ဓါတ်ဂကူဇၞော်တုဲ မဒစဵုဒစး ကုသၞောဝ်ကဝ်လဝ်နဳ အင်္ဂလိက်တအ်ရ။

ပ္ဍဲသၞာံ ၁၉၆၀တအ်ဂှ် ဂဥုပ်ဗိုလ်ဇၞော်/သမတ နေဝင်း ကလိဂွံ အဝဵုဍုင်တုဲ ဂိုဏ်ယှိုယ်ကျေန် ဂွံကၠုင် အဝဵုလပါ်သာသနာ ပ္ဍဲကဵုဍုင်ဗၟာရ။ သမတနေဝင်း ခပတိုန် သင်မွဲဇကု နူ ဘာမဟာဓန္ဓာရံ မဒှ်ဂိုဏ်ယှိုယ်ကျေန် ပ္ဍဲကဵု အမရပူရ နဒဒှ် ညးမကဵုကသပ် လပါ်သာသနာရ။[၆]

ဂိုဏ်ယှိုယ်ကျေန်မန်[ပလေဝ်ဒါန် | ပလေဝ်ဒါန် တမ်ကၞက်]

ပၞောဝ်ကဵု ဂိုဏ်ဒစိတ် သၟိင်ဍုင် မစၟတ်သမ္တီလဝ်ဂှ် သင်မန်တအ် နွံပ္ဍဲ ဂိုဏ်သုဓမ္မာ၊ ဂိုဏ်ယှိုယ်ကျေန်၊ ဂိုဏ်မဟာယျေန် ရ။ ဂိုဏ်မန် ရာမညနိကာယဂှ် ဟိုတ်နူ ဟွံကလိဂွံအခေါင် ပ္ဍဲစရင်ဂိုဏ်ဗဗွဲဓဝ်တုဲ ဒးဒုင်ပၠုပ်လဝ် ပ္ဍဲဂကောံဂိုဏ်သုဓမ္မာ၊ ဂိုဏ်မဟာယျေန်ဂှ် စောန်ဆက်ကၠုင် နူကဵု အခိင်ခမဳသင်မန် နူဍုင်သေံ နူဂိုဏ်ဓမ္မယုတ္တိနိကာယ မကလေင်စဴကၠုင် ဍုင်မန် သွက်ဂွံကလေင် ဗဂဵုလဟဵုပတိုန် သာသနာမန် ပ္ဍဲဍုင်မန်တုဲ ပတၟေင် ကုယၟုအစာတၠကိုပ်ကၠာအိုတ် နာဲယျေန် တုဲ ဒှ်အာ ဂိုဏ်မဟာယျေန်။ ခမဳသင်မန် နူကၟာဝက်ပိဇကု နွံတမ် ခမဳစန္ဒောဘာသ၊ ခမဳသဳလဝန္တ၊ ခမဳပညာဒဳပ နူကဵု ဂိုဏ်မဟာယျေန်ဂှ် စ္ဍးတိတ် နူဂိုဏ်မဟာယျေန်တုဲ လုပ်ဂိုဏ်ယှိုယ်ကျေန် (အခိင်ၜိုတ် အကြာသက္ကရာဇ်ဍုင် ၁၂၈၁တအ်)တုဲ ဂိုဏ်ယှိုယ်ကျေန် ကတဵုဒှ်ကၠုင် ပ္ဍဲကဵုသင်မန်တအ်ရ။ [၇]

အခိင်လၟုဟ်မ္ဂး သၟဝ်ဂိုဏ်ယှိုယ်ကျေန်ဂှ် နဒဒှ် လစှ်ေဂဥုပ်ဂိုဏ်ဂှ် ခမဳသင်မန် ပ္ဍဲဂိုဏ်ယှိုယ်ကျေန်တအ် ခပတိုန်လဝ် ကျာ်ဇၞော်အစာတၠ ပါလိတထေရ် နွံပိုန် ဘာဓါတ်ကျာ် နဒဒှ် ဂဥုပ်ဂိုဏ်မွဲဇကုတုဲ ပ္ဍဲစရင်လုပ်ဒဂိုန် သက္ကရာဇ်ဍုင် ၁၃၇၇ ဂှ် လၟိဟ်သင်မလုပ်ဒဂိုန် ပ္ဍဲဂိုဏ်ယှိုယ်ကျေန်မန် နွံ ၈၈၁ ဇကုရ။[၈]

ဆက်ဗှ်[ပလေဝ်ဒါန် | ပလေဝ်ဒါန် တမ်ကၞက်]

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. ၁.၀ ၁.၁ Archived copy. Archived from the original on 2008-12-17။ Retrieved on 2009-04-12
  2. "Law and Religion in Burma" (2001). Legal Issues on Burma Journal (8). Burma Legal Council. 
  3. "Of Monarchs, Monks, and Men: Religion and the State in Myanmar" (2009). Working Paper Series No. 127 (18). Asia Research Institute. 
  4. Jordt, Ingrid (2007). Burma's mass lay meditation movement. Ohio University Press, 50. ISBN 978-0-89680-255-1 
  5. Carbine, Jason A (2011). Sons of the Buddha: Continuities and Ruptures in a Burmese Monastic Tradition 50. Walter de Gruyter. ISBN 978-3-11-025409-9 
  6. Matthews, Bruce (1986). Religion, values, and development in Southeast Asia, Canadian Council for Southeast Asian Studies, Institute of Southeast Asian Studies, 61. ISBN 9789971988203 
  7. စန္ဒကုမ္မာ (ရးဇြာ) ဘာဇာဒိသိုင်၊ လိက်ကၞပ် သဘင်ပူဇဴ ဘာတိုက်ဇၞော် ပေင်ကၠံသၞာံ၊
  8. လိက်ကၞပ်စၟတ်သမ္တီ သဘင်ရတ်ဗိုတ် ကလေင်လိက်ဓမ္မဝိနယ ဘာဂြိုပ် ပါင်ကၟာ မုက်လိက် ၂၇


[[Category:]] [[Category:]] [[Category:]]