ဂၠံင်ကျာ်ပိ

နူ ဝဳကဳပဳဒဳယာ
ပါင်ဂၠံင်ကျာ်ပိ
ဍုင်
Skyline of ပါင်ဂၠံင်ကျာ်ပိ
ပါင်ဂၠံင်ကျာ်ပိ is located in Myanmar
ပါင်ဂၠံင်ကျာ်ပိ
ပါင်ဂၠံင်ကျာ်ပိ
ဒၞာဲပါင်ဂၠံင်ကျာ်ပိ မနွံ
ဒတန်ဒၞး: 15°10′50″N 98°13′52″E / 15.1806°N 98.2312°E / 15.1806; 98.2312ဒတန်: 15°10′50″N 98°13′52″E / 15.1806°N 98.2312°E / 15.1806; 98.2312
ကၟိန်ဍုင်  Myanmar
တွဵုရး တွဵုရးဍုင်ကရေင်
ခရိုင် ခရိုင်ကအ်ကြိက်
ပွိုင်ဍုင် ပွိုင်ဍုင်ကျာ်ပိ
ဒၞာဲအပိုင်အခြာ အခိင် UTC+6.30 (အခိင်ကၟိန်ဍုင်ဗၟာ)
ကျာ်ပိ

ဂၠံင်ကျာ်ပိအၚ်္ဂလိက်: Three Pagodas Pass ကရေင်:ကၠံင်သိုင့်ဖၠုံးလါင့်ဆေါတ်ဖိုင်သာ့ ဗၟာ: ဘုရားသုံးဆူ တောင်ကြားလမ်း, ရမ်သာင်ဗၟာ : [pʰajá θóʊɰ̃ zù tàʊɰ̃ dʑá láɰ̃]; သေံ (ด่านเจดีย์สามองค์), ရမ်သာင်သေံ: [dàːn tɕeːdiː sǎːm ʔoŋ]) ဂှ် ဒှ်ဂၠံင် ပ္ဍဲဓမြံင်ဒဵုတၞင်သဳ မနွံအကြာ ရးနိဂီုသေံ ကေုာံ ရးနိဂီုဗၟာ၊ ပ္ဍဲကဵု ဒၞာဲကုန်ဒဵု မနွံသမၠုင်လတူဗလးမုက်ၜဳ 282 မဳတာs (925 ft) ဂှ်ရ။ ဂၠံင်ဂှ် လပါ်ရးနိဂီုသေံ ဆက်လဝ် ကဵုကွာန်ဝင်က၊ လပါ်ရးနိဂီုဗၟာဂှ် ဍုင်ကျာ်ပိ၊ တွဵုရးဍုင်ကရေင်။

နိရုတ်[ပလေဝ်ဒါန် | ပလေဝ်ဒါန် တမ်ကၞက်]

ယၟုမ္ဂး ကျာ်ပိဂှ် ပတၟေင် ကုကျာ်စေတဳပိတၞုင်တုဲ ခုတ်လဝ်ယၟု နကဵု ဘာသာမန် ကျာ်ပိ၊ နကဵုဘာသာဗၟာ ဘုရားသုံးဆူ၊ နကဵု ဘာသာသေံ စေဒဳသာမ်အောင်။ အတိုင်ဝင်မန်မ္ဂး စေတဳဝွံ ပတၟေင် ကုဂကူမန်ပိတုဲ မဒက်လဝ် စေတဳပိတၞုင်[၁]၊ လပါ်သေံတအ်ဂှ် ညးတအ် စှ်ေစိုတ် ဒက်လဝ် ကျာ်စေတဳပိတၞုင် ပ္ဍဲခေတ်ဒျူဒျာ သွက်ဂွံပစၟတ်သမ္တီ ဓဝ်ၜိုဟ်လလံရ။ ကျာ်စေတဳပိတၞုင်ဂှ် နွံလပါ်သြင်သေံတုဲ၊ ပယျဵုသေံ ကဵု ဗၟာဂှ် စဵုကဵုလၟုဟ် ဟွံတုပ်စိုတ် ရေင်သကအ်ဏီဖိုဟ်ရ။[၂] စေတဳတြေံဂှ် နွံဒၞာဲဂှ် ဟွံသေင် နွံဒၞာဲကွာန်ဝင်ကတြေံဂှ်လေဝ် ဟီုလဝ်နွံကီုရ။[၃] ဗီုရုပ်ကျာ်ပိဂှ် ဒှ်ရုပ်တဆိပ်ခရိုင်ကာန်ချနဗူရဳဂှ်ရ။[၄]

ဝင်[ပလေဝ်ဒါန် | ပလေဝ်ဒါန် တမ်ကၞက်]

ဂၠံင်ကျာ်ပိဂှ် ဒှ် ဂၠံင်ဇၞော် နူကဵု အခိင်တမၠာတေအ်ရ။ အစာဝင်တအ် ပတှ်ေကေတ် လိက်သာသနာကျာ်ဗုဒ္ဓ နူအိန္ဒိယဂှ် ပ္ဍဲအေဒဳ ၃ ဗွဝ်ကၠံတေအ် နကဵုဂၠံင်ကျာ်ပိဂှ် စိုပ်ကၠုင်ဍုင်သေံရ။

ပ္ဍဲအခိင် အကြာ ၁၄-၁၈ဗွဝ်ကၠံ မဒှ်ခေတ်လပါ်သေံ ခေတ်ဒျူဒျာဂှ် ဂၠံင်ဂှ် ဒှ်ဂၠံင် မဆက်ကဵုဍုင်ဗၟာတုဲ ပ္ဍဲကဵုဂၠံင်ဂှ်ရ သေံတအ် ဗတိုက်လဝ်ကဵုဗၟာကီုရ။ ပၞာန်ဗၟာ မလုပ်သီ ဍုင်သေံ အလန်ကိုပ်ကၠာအိုတ်ဂှ် ဒှ်ပ္ဍဲသၞာံ ၁၅၄၈။[၅]:15–16

ပ္ဍဲအခိင်ကာလ ပၞာန်ဂၠးတိဒုတိယဂှ် ဂျပေန်ကၠောန် ဂၠံင်ကွဳပၟတ် နူဇြပ်ဗု ဗစိုပ် ကာန်ချနဗူရဳရ။ ပ္ဍဲအခိင်ဂှ် ကောန်ပၞာန် နူဒပ်မဟာမိတ် ဗွဲတၟေင် ပၞာန်အဝ်သတေလျာ ဗွဲမဂၠိုင် မဒးဒုင်စကာကဵုကၠောန်လဝ် ဂၠံင်ကွဳပၟတ်ဂှ်ရ။

ပ္ဍဲဒေသဂှ် လပါ်သြင်ရးနိဂီုဗၟာကီု သီုကဵု ရးနိဂီုသေံဂှ် ဒှ်ဒတန် ဂကူမန်၊ ဂကူကရေင်တအ် မပဒတဴဒၟံင်တုဲ ညးလ္ၚဵုကလိဂွံလဝ် ကောန်ဍုင်သီုၜါလပါ်၊ ညးလ္ၚဵု ကောန်ဍုင်လဵုလေဝ် ဟွံဒှ်။ ဂၠံင်ကျာ်ပိ ကေုာံ ဍုင်ကျာ်ပိဂှ် ကေင်ဒှ်လဝ် ဗဒိုပ်ဗဟဵု ဗော်ဍုင်မန်တၟိ စဵုကဵုသၞာံ ၁၉၉၀ မဒှ်သၞာံ ပၞာန်ဗၟာမသီကေတ် နူမန်တုဲ လၟုဟ် ဒပ်ပၞာန်ဗၟာ အုပ်ဓုပ်ဒၟံင်ရ။

ကရိ (ညးမအာတရဴ)[ပလေဝ်ဒါန် | ပလေဝ်ဒါန် တမ်ကၞက်]

ပယျဵုကျာ်ပိဂှ် ဒှ်ဒၞာဲ ကရိတအ် မကၠုင်ဝေင်မွဲဒၞာဲရ။ နူကဵု လပါ်သေံ ပ္တိတ်ကဵု ဝဳသာ ပွိုင်မွဲတ္ၚဲ၊ အာဝေင် ဍုင်ကျာ်ပိဂွံရ။ ပ္ဍဲကျာ်ပိဂှ် ဖျာနာနာ မပ္တံကဵု ကပေါတ်စၟတ်သမ္တီနာနာတအ် ရာန်ကေတ်ဂွံရ။[၆][၇]

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. ဝင်မန်ဒဴလုပ်ဍုင်သေံ
  2. Thailand Highlight Archived ၂၀၁၃-၀၃-၁၈ at the Wayback Machine
  3. ဝင်??
  4. Seals of The Provinces of Thailand Archived ၂၀၀၇-၀၉-၃၀ at the Wayback Machine
  5. Rajanubhab, D., 2001, Our Wars With the Burmese, Bangkok: White Lotus Co. Ltd., ISBN 9747534584
  6. List of Temporary and Permanent Border Checkpoint in Thailand, Foreign Affairs Division Office of the Permanent Secretary for Interior (Thai)
  7. Senator Committee on Temporary and Permanent Boundary Checkpoints Archived ၂၀၁၆-၀၃-၀၄ at the Wayback Machine

လေန်မ္ၚး[ပလေဝ်ဒါန် | ပလေဝ်ဒါန် တမ်ကၞက်]