စေဝ်ပၞောန်၊သၞောဝ်ဓဝ် ဒးဒ္ဂေတ်ဗက် ပ္ဍဲသ္ဘၚ်အတးသၚ်္ကြာန်
စေဝ်ပၞောန်၊သၞောဝ်ဓဝ် ဒးဒ္ဂေတ်ဗက် ပ္ဍဲသ္ဘၚ်အတးသၚ်္ကြာန်
ခရိုၚ်သဓီု၊ ဗော်ဍုၚ်မန်တၟိ
၁။ ဝေၚ်ဍာ်အတးသၚ်္ကြာန်မ္ဂး ပွမပက်စဝ်ဍာ်ဟွံမွဲမ္ၚဵု မပ္တံကဵုကၠိကၠိခန်ခန်၊ ပပ်ပ်ပဳပဳ ပသပတံကီု၊ ပွမရိုၚ်ဇိုၚ် ဓလဵုတၞံက်ပက်ဍာ်၊ ပၠေတ်ဂစေအ်ကြာန်န် ပက်ဏာထတ်တ်သ္ကာတ် ဟၟဲကဵုသၞောတ်ဗ္ၜတ်တအ်ဂှ် ဇၟာပ်ညးအဲဒးဝေၚ်ပဲါရောၚ်။
၂။ သုၚ်စစၞဗ္ၜူဒလူၜတ်လောန် ဇၞော်ကဵုဇြဟတ်တုဲ ဒဳကွဳစက်၊ကွဳလိုန်ဓါတ်တအ်ဟွံဂွံ၊စပ်ကဵုအရက်သုရာ စၞၜူမာဲနာနာတအ်ဂှ် သုၚ်စောဲပ္ဍဲကၞာထးတအ်ဟွံကဵုအခေါၚ်ရ။
၃။ ပ္ဍဲသ္ဘၚ်အတးသၚ်္ကြာန်ဝွံ မပ္တံ ၜုန်၊မြ၊ၝုဲ၊ ပသဲ၊လွဟ်လက်နက် ကပေါတ်ကြိယာမွဲမွဲ အရာကဵုဘဲအန္တရာဲ ကုလမျီုမာန်တအ်ဂှ် ကေတ်ဏာနၚ် ပ္ဍဲအခိၚ်ဝေၚ်ဍာ်အတးတအ်ဂှ် ဟွံကဵုအခေါၚ်ရ။
၄။ ပွမကၠောန်သ္ပ ကွဳစက်၊ ကွဳလိုန်ဓါတ် မပ္တံပလှ်လဝ်ပၠံၚ်စက်၊ရမျာၚ်စက်ဂွံဗြုသၠဲထတ်တ်သ္ကာတ်တအ်ဂှ် ဒဳအကြာဂၠံၚ် အကြာဍုၚ် အကြာကွာန်၊ အကြာအရာပ်တအ် ဟွံကဵုအခေါၚ်ရ။
၅။ ဝေၚ်ဍာ်အတးသၚ်္ကြာန်ဝွံ ဟၟဲကဵုအခေါၚ်ဗ္တံၜက်နူ(06:00)နာဍဳတုဲ ပွမက္ညာၚ်ကရေဲကီု ပံက်စက်သၠဲရမျာၚ်တအ်ကီု၊ စသုၚ်စၞဗ္ၜူလှ်ေဒယှ်ေ ပွမဟၟဲကဵုယေန်သၞာၚ်၊ အကြာဂၠံၚ်၊ အကြာဍုၚ်၊ အကြာကွာန်၊ အကြာအရာပ်တအ်ဂှ် ကၠောန်သ္ပဟွံဂွံ။
၆။ ပ္ဍဲအခိၚ်ဝေၚ်ဍာ်အတးဗ္ၜူကြာန်၊လက်ဆောသေက်ဇဵု၊ ဒှ်သၞဝဲ၊ကယာန်ဓဝါတ် ၜုၚ်တက်ညးသ္ကအ်ဟွံဂွံ။သၟတ်ဝုတ်ဗၠာဲတအ် မွဲကွာန် ကု မွဲ မွဲကွာန် နကဵုအခိုက်ကၞာ မ္ၚဵုယေန်သၞာၚ်ဇကုဟေၚ် မ္ဒးဝေၚ်အာရောၚ်။
၇။ ကုညး မၚ်မွဲသဳလ ပ္ဍဲဘာ ကေုာံ ကုညးကဵုဒါန်ပလံၚ်ပုၚ်ဂအုပ်အတး အဃောတိုန်မံၚ်ဘာတအ်ဂှ် ပက်ဝေၚ်ဍာ်အတးကုညးတအ် ဟွံဂွံရ။
၈။ ပ္ဍဲသ္ဘၚ်အတးသၚ်္ကြာန်ဝွံ ပွမဝေၚ်ၛာၚ်လံၚ်သြန် အရာပ်အိုတ်ဿီုတအ်ဂှ် ဟွံကဵုအခေါၚ်ရ။
၉။ ပ္ဍဲခန်ကၞာထးမွဲမွဲ ယဝ်ဒှ်ကၠုၚ်ပြသၞာမွဲမွဲ ဂကောံညးက္ဍိုပ်တာလျိုၚ်ခန်ကၞာ(ကၞာထး)က္ဆံၚ်ၚ်တံ မ္ဒးကေတ်တာလျိုၚ်သောၚ်ကၠးအာပေၚ်ၚ်ရောၚ်။
၁၀။ ပွမဟၟဲကဵုယေန်သၞာၚ် ဝေၚ်ဍာ်အတး ကၟာတ်၊ ကြတ်၊ တာဒၞာမံၚ်မၞိဟ်၊ ဂၠံၚ်ဍာန်ကီု ကွဳစက်၊ ကွဳလိုန်ဓါတ် ပရေၚ်အာကၠုၚ်တအ်ဂှ် ကီု ပွမကၟာတ်မုက်(ပလီုရုပ်) တံဂှ် ဇၟာပ်ညးအဲကၠောန်သ္ပဟွံဂွံ။
၁၁။ ဂကောံ ဂီုကၠီု ပ္ဍဲသ္ဘၚ်အတးဝွံ နကဵုဂကောံကွာန်ညးကုညးဂမၠိုၚ် ဒးမၚ်မွဲထိၚ်ဒဝ် ဒးစဵုဒၞာအာပရေၚ်ဂီုကၠီုတုဲ ကုညးမဖံက်ပကဝ်သၞောဝ် အကြာဍုၚ်၊ အကြာကွာန်၊ အကြာအရာပ်တံဂှ် မ္ဒးရပ်စပ်ကေတ်အရေဝ်တုဲ ထိၚ်ဒဝ် ဒးစဵုဒၞာအာပရေၚ်ဂီုကၠီုတုဲ ကုညးမဖံက်ပကဝ်သၞောဝ် အကြာဍုၚ်၊ အကြာကွာန်၊ အကြာအရာပ်တံဂှ် မ္ဒးရပ်စပ်ကေတ်အရေဝ်တုဲ ထိၚ်ဒဝ်ဟွံမာန်မ္ဂး မ္ဒးပလံၚ် ဗစိုပ်ကဵုကုရုၚ်မဆေၚ်စပ် က္ဆံၚ်ၚ်တံရောၚ်။
၁၂။ လ္တူစေဝ်ပၞောန်သၞောဝ်ဓဝ် ချူဓဇက်မဖျေံလဝ်ဏံ ပူဂဵုလဵုမွဲဟွံဟီု ယဝ်ဒးကဵုဒးစးဖံက်ပကဝ်ပလီုပလာ်ကၠုၚ်မ္ဂး မ္ဒးရပ်စပ်ကေတ်အာအရေဝ် အတိုၚ်သၞောဝ်ဗော် ပိုတ်တ်သ္ကုတ်တ်ရောၚ်။
သက္ကရာဇ်ဍုၚ်(၁၃၈၃)သၞာံ၊ ဂိတုစဲ(၁၂)မံက်၊တ္ၚဲအၚာ သၞာံခရေတ်(၂၀၂၂)သၞာံ၊ ဂိတုဨပြေယ်လ်(၁၂)