ညးဒါန်လိက်

ညးဒါန်လိက် (အၚ်္ဂလိက်: Editor)ဟီုမ္ဂးဂှ် လိက်ညးဂမၠိုၚ်ချူလဝ်တအ်ဂှ် နုက်ပ္တိတ်၊ ကုတ်ဗပိုတ်၊ ပဠေဝ်ထောံ ကမၠောန်မတွံဂး မအက္ခရ် "န" ဗ္ဂပ်စုတ်ဗတ ကြဳစုတ်လ္ၚဴ ရဴသာ်ဝွံ သၠေဟ်ကေတ်အိုတ်ရ။ ပ္ဍဲကိစ္စပရေၚ်ဒါန်လိက်ဟီုမ္ဂးဂှ် တမ်လိက်ဆေၚ်စပ်ကဵု တမ်လိက်ပြကိုဟ် တမ်လိက်စၞောန်လဝ် ကေုာံ လိက်ဂှ် ပ္ညဳပ္ညပ်ဗ္ဂပ် ညံၚ်ဂွံကိတ်ကဵု အဓိပ္ပါယ် ပွမစၟဳစၟတ်ရောၚ်၊ ဗပိုတ် ဟီုမ္ဂးဂှ် အရာဟွံမွဲပၟိက် ပြၚ်ပြဲဂၠိုၚ်အာတအ်ဂှ် ဒးကုတ်ဗပိုတ်ဏောၚ်၊ ဂးတဴရဴသာ်ဝွံရ။ ညးလ္ၚဵုလ္ၚဵုတအ်ဂှ်လေဝ် ညံၚ်ရဴကုတ်ဗပိုတ်ၚုဟ်မး ဟိုတ်ပ္တိုန်ထ္ၜးလျိုၚ် (ဇြိုၚ်တဴဂှ်ရ ညးကော်ခဴစဒါန်လိက် ရဴသာ်ဝွံလေဝ် ဂးတဴအိုတ်ကီုရောၚ်)။

ညးဒါန်လိက်ဂှ် လိက်ပရိုၚ်၊ လိက်မဂ္ဂဇြေန်၊ ဟွံသေၚ်သာ်ဂှ် လိက်အုပ် လိက်ကၞပ် ဗက်ကဵုဂကူအဇာနာနာ သာ်တုဲ ၜိုန်ရတာလျိုၚ်ကမၠောန် ဟွံတုပ်သၟဟ်ကီုလေဝ် ဗွဲမဂၠိုၚ်ကလောန်ဂှ်တုန် တုပ်ပ်ဒှ်ဒၟံၚ်ဏောၚ်၊ တြးပ္တိတ်လိက်အုပ်လိက်ကၞပ်ဂှ် ဇၟာပ်ပ်တာလျိုၚ် ဂွံပ္တိုန်ထ္ၜးခိုဟ်အိုတ်မာန်ဂှ် ဒှ်ညးရေၚ်တၠုၚ်ကေတ်လဝ် တာလျိုၚ်ပေၚ်ၚ် ဇၟာပ်ဒၞဲါရောၚ်။ ပ္ဍဲကဵုပရေၚ်ကမၠောန်ကၠောန်ပ္တိတ်မဂ္ဂဇြေန် လိက်ဂျာနေဝ်၊ လိက်အုပ်၊ လိက်ကၞပ် ဂမၠိုၚ်တအ်ဂှ် ပူဂဵုညးမ ကော်ခဴစ ညးဒါန်လိက် သ္ဒးနွံတွဵုရဏောၚ်။ ကလောန်ညးဒါန်လိက်ဂှ် ဆၜိုတ်ဒါန်လိက်သၟးဟွံသေၚ် ကမၠောန်တာလျိုၚ် တၞဟ်သ္အာၚ်တအ်ဂှ်လေဝ် သ္ဒးကၠောန်ရ။ ကမၠောန်တာလျိုၚ်ဂမၠိုၚ် နွံတဴဗွဲမဂၠိုၚ်ဂၠၚ်တုဲ ညးဒါန်လိက်မတွံဂး ဝေါဟာရဝွံ စပ်ကဵု ကလောန်ညးဒါန်လိက် သဳခသရုပ် ဂၠုံရပ်ကၠောန်ကေတ် ဟွံမွဲခယျကေတ်တုဲ နကဵုဝေါဟာရ ညးဒါန်လိက်ဟေၚ် ရပ်စပ်စကာကၠုၚ်ဆက်က် ချူစကၠုၚ်ဆက်က်ဒှ်တုဲ အဓိပ္ပါယ်ဍေံလေဝ် ဇၟာပ်မၞိဟ်တီကၠိုဟ်ဒၟံၚ်ဖအိုတ်ရ။