ဌာန်လဟိင်ၜိုပ်ထဝ် (ဒိင်)
ဌာန်လဟိင်ၜိုပ်ထဝ် ဝွံ ဒှ် ဒွက် သီု ဒိင်လေဝ်ဂွံရ။ သတ်ဒွက်ဂှ် အစာ နာဲခေန်မိုင်လေဝ် ချူလဝ် တုဲ၊ နာဲမျညိင် (ကျာ်မြဟ်) ဂှ် ဒှ် ညးမပၠုပ်လဝ် ရမ္သာင်ဒွက် နကဵု အခိုက်ဒွက်မန်တြေံရ။ မၞိဟ် မဒယှ်ေ ပ္ဍဲကဝး အာဲကၟာဲယေန်သၞာင်မန်ဂှ် ဒှ် မိမြဟ်သန် (LL.B.) ကွာန်လှာရ။
သတ်ဒွက်[ပလေဝ်ဒါန် | ပလေဝ်ဒါန် တမ်ကၞက်]
ဒဵု ဇြဟ် ဂြိုပ် ဂၞိင်ကၠာ သာယာၜိုဟ်သြိုဟ်အာ ရာမညမန် တိမန်ပိုယ်ကၠာ ကၠာတေအ်ဟေင် နွံဂုဏ်တၟေင် ဝင်ပိုယ်မန်တအ် တန်တဴကၠုင်ကၠာ တမ္ညဝ်ပြာကတ်ရာင်ဆာဲကၠုင် တ္ၚဲဏအ် ကၠုင်ဆဵုပၠန် ဂကူပိုယ်မန် နွံကဵုနန် ဌာန်ဒတန် ၜိုပ်ထဝ်ဟံသာ
ညံင်တာဝတိင်ပ္ညုင် တၠုင်လအာရ ယေန်သၞာင်ပိုယ်ကောန်မန်
သုဝဏ္ဏဘုမ် တိနွံသာ်ထဝ် တမ္ညဝ်ကၠုင်ကၠာ သၟိင်မနုဟဝ် ခါဒှ်လလေင်ရ က္ဍိုင်ဗတာင်ကၠာ မှာထေရ်မန်ရ အရဟံမှာ ရံင်အာကဵု သာသနာပိုယ်မန် က္ညအာပၠန် ဍုင်ဗုကာံတေအ်ဟေင်
တၟေင်ဇပ်ဍာံစၟတ် ကၠုတ်ပါ်ကၠုင်ကၠာ ကာလဂၠိင်သ္ၚောဲ မင်မဲဂွံဆဵု ဂဵုလဟဵုရာင်ဆာဲ စရာဲပိုယ်ကောန်မန်
ပျူ ဗၟာ မန် ရခေင် ဍိုက်ပေင် နွံမ္ၚဵု ကဴမၠဵုယေန်သၞာင် ရာင်ကၠုင်မွဲခၟောမ် တန်ဒှ်ကၠာ ဌာန်ၜိုပ်ပိုယ်ဟံသာ တၠုင်လအာ ပိုယ်ကောန်မန်
ဍိုက်ပေင်ကျာ်သြဳ ဓမ္မစေတဳ ဨကရာဇ်မန် သြောန်လဝ်ခၞိင်မွဲဇၞော်ပၠန် တန်ဒှ် ဇၞော်အိုတ်ရ ဒယှ်ပြာထာဟေင် တၟေင်တၟဟ်လောန် နူသအာင်ကၠာ ပ္ဍဲဝင်တမၠာ ဂွံဆဵုညာတ်အာမာန် ဌာန်လဟိင်ၜိုပ်ထဝ်
တမ္ညဝ်အလုံစက္ကဝါ သာသနာရ ပိုယ်ကောန်မန်