တာလျိုၚ်ရုၚ်ရာမညနိကာယ

တာလျိုၚ် ရုၚ်ရာမညနိကာယဝွံ ဒှ်အလန် မသ္ၚဳဂၠပ်သ္ပလဝ်ဒတန် ပ္ဍဲကောံဓရီုရုၚ်လၟေၚ် (၂) စၟတ်တ္ၚဲ - သက္ကရာဇ် ၁၃၇၉ ဂိတုဖဝ်ရဂိုန် (၈) မံက် (22/02/2018)

၁။ ညးစၟဳစၟတ်လိက်ရုၚ်

(က) လိက်သုၚ်စောဲပ္ဍဲရုၚ်ကီု မပ္တံလိက်လလောၚ်တြးနူရုၚ်ကီု သ္ဒးစၟဳစၟတ်။

(ခ) ညးစၟဳစၟတ်လိက်ရုၚ်ဝွံ သ္ဒးဒှ်မွဲကရောံ မွဲကမၠောန်ကဵု ဂအုပ်ရုၚ်။

(က) အတိုၚ်မဖျေံလဝ် သ္ဂုတ်သွာတ်လၟေၚ်ကောံဓရီု သ္ဒးဖန်ဇန်ဒၞာဲ ကေုာံ ချူအစဳအဇန်။

(ခ) ကေၚ်ကာမံက်တိုန် ဂအုပ်ရုၚ်စၞောန်မ္ဂး သ္ဒးဖန်ဇန်ဒၞဲါ ကေုာံ ချူအစဳဇန်။

(ဂ) တၚ်နၚ်သ္ဂောံသဳကၠဳဂမၠိုၚ်တံဂှ် ဂအုပ်ရုၚ် ကေုာံ သ္ကိုပ်အသေအဟာန်တံ ချပ်ဂၞန်တုဲ သ္ဒးစဳဇန်။

(ဃ) တၞးလိက်ထ္ပက်စၟတ်တဲကီု ဗီုစၟတ်သမ္တီကီု သ္ဒးပအပ်ကုညးထိၚ်ဒဝ်ကပေါတ်ရုၚ်။

(က) ဇၟာပ်ကောံဓရီု သ္ဒးရေၚ်တၠုၚ် တၞးလိက်ထ္ပက်စၟတ်တဲ ညးတိုန်စိုပ်။

(ခ) ပရေၚ်ချဳဒရိုၚ်ရုၚ် ကေုာံ ကမၠောန်မဆေၚ်စပ်တံ သ္ဒးတက်လဝ်ဗီုစၟတ်သမ္တီ။

(ဂ) တၞးလိက်ထ္ပက်စၟတ်တဲကီု ဗီုစၟတ်သမ္တီကီု သ္ဒးပအပ်ကုညးထိၚ်ဒဝ်ကပေါတ်ရုၚ်

(က) ဒှ်ညးမတီလဝ်ကမၠောန်ရုၚ်နာနာတုဲ သ္ဒးကေတ်တာလျိုၚ် ပရေၚ်ဆက်ဆောံ ဆက်စၠောံကုညးသ္အာၚ်၊ ကုဂကောံသ္အာၚ်ဂမၠိုၚ် အပ္ဍဲဍုၚ်-မ္ၚးဍုၚ်

(ခ) ကမ္မတဳဗဟိုဝ် (ရာမညဓမ္မာစရိယ) ကီု ဂအုပ်ရုၚ်ကီု ကဵုစၞောန်မ္ဂး ဗွဲမကိတ်ညဳကဵု ကမၠောန်ရုၚ် သ္ဒးရေၚ်တၠုၚ်။

(ဂ) နူဂအုပ်ရုၚ် ချပ်ဂၞန်ကဵုလျိုၚ်ဌာနတုဲ ကော်ဘိက်ညးသၟဟ်အစောံမာန်၊ သွက်ဂွံရေၚ်တၠုၚ်၊ ဒုၚ်တၠုၚ်ကၟုဲဆေၚ်စပ်ကဵု ဍုၚ်သ္အာၚ် ကေုာံ ပရေၚ်ဆက်ဆောံမာန်။

(က) မပ္တံ တၞးလိက် ဗီုရုပ် ကေုာံ ကပေါတ်ကြိယာဆေၚ်စပ်ကဵုရုၚ်တံဂှ် သ္ဒးထိၚ်ဒဝ်။

(ခ) ကပေါတ်ကြိယာ ထေက်ကဵုစၟတ်သမ္တီတံဂှ် နကဵုစရၚ်အၚ် သ္ဒးချူစၟတ်သမ္တီစွံလဝ်။

(က) ဇၟာပ်ကောံဓရီု တၚ်မဖျေံလဝ် သ္ဂုတ်သွာတ်တံဂှ် သ္ဒးစၟတ်သမ္တီ။

(ခ) တၚ်သ္ဂုတ်သွာတ်ချူစၟတ်သမ္တီလဝ်တံဂှ် ပညဳကဵုညးစၟဳစၟတ်တုဲ သ္ဒးပအပ်ကဵုဂအုပ်ရုၚ်။

(က) သြန်သွက်သုၚ်စောဲရုၚ်တံဂှ် သ္ဒးထိၚ်ဒဝ်လဝ်။

(ခ) သြန်ကဵုစရၚ်သြန် ဂွံကိတ်ညဳမာန်ဂှ် သ္ဒးကၠောံဍမံၚ်ကဵု ညးစၟဳစၟတ်စရၚ်။

(ဂ) သြန်လုပ်၊ သြန်တိတ် ညံၚ်သ္ဂောံနွံကဵုသက်သဳမွဲ သ္ဒးချူသမ္တီလဝ်။

(က) ဗီုမသုၚ်စောဲလဝ်သြန် (ဝါ) သြန်လုပ် သြန်တိက်တံဂှ် သ္ဒးချူလဝ်

(ခ) သြန်ကဵု စရၚ်သြန် ဂွံကိတ်ညဳမာန်ဂှ် သ္ဒကၠောံဍမံၚ်ကဵု ညးဂိုၚ်သြန်

(ဂ) ဇၟာပ်ပ်လၟေၚ်ကောံဓရီု သ္ဒးသောၚ်စဠး စရၚ်သြန် လုပ်၊ တိတ်။

(က) တၚ်တုပ်စိုတ် ထေက်ကဵုလလောၚ်တြး (ပရိုၚ်) ဂှ် သ္ဒးလလောၚ်တြး(ပရိုၚ်)

(ခ) ကောံဓရီု ကာမံက်ကၠုၚ် ဂအုပ်ရုၚ်ကဵုစၞောန်မ္ဂး သ္ဒကော်ဘိက်နိမန်သၚ်ကောံဓရီု။