တိုၚ်ပ္ကဴလၟေၚ်တ္ၚဲချူစွံလဝ်ညိ
တိုၚ်ပ္ကဴလၟေၚ်တ္ၚဲချူစွံလဝ်ညိ
နိဒါန်လိက်
တိုၚ်ပ္ကဴလၟေၚ်တ္ၚဲထေက်ကြိုက်ပိုဲတံဒးချူစွံလဝ်တုဲမ္ဂးတှ်ေ ပ္ဍဲကဵုမွဲမွဲတ္ၚဲဏံဂှ်မူပိုဲတံဂွံကၠောန်ဏာအရာမွဲမွဲဍာံဍာံဂှ်ညိ၊ သာ်ဂှ်ဟွံသေၚ်မ္ဂးတှ်ေ မွဲတ္ၚဲအိုတ်အာကီုလေဝ် ယဝ်ကလေၚ်ရံၚ်မ္ဂးတှ်ေမုရောဟွံဒှ်ကၠုၚ်ဖဵုသွက်ဘဝပိုဲဏံကီုရ၊
လုပ်ဗှ်ဖျုလိက်အိုတ်စိုအ် −−−
ယဝ်ရပိုဲဗျဵုဂၠိုၚ်ဂၠိုၚ်ကၠုၚ်မ္ဂးတှ်ေ ဂြိပ်လုပ်အာသ္ၚိဖျာတုဲ ဗွဲစၟတ်ဟေၚ်ဂွံကၠုၚ်ကွာၚ်ၜဲဍာ်နာနာပေၚ်ကၠုၚ်ထိုၚ်ရ၊ ညံၚ်ရဴသာ်ဏံကီုတုဲ ယဝ်ရပိုဲတံတိုန်ဍုၚ်အာဖျာဇၞော်မ္ဂးတှ်ေ ပိုဲတံဟွံချူစွံလဝ်မွဲသာ်တ္ၚဲဏံအဲအာဖျာဂှ်မုရာန်ရောဂှ်တုဲ အခိၚ်စိုပ်ဖျာဂှ်တှ်ေ ပိုဲတံကပှ်ကေတ်ကပှ်ကေတ်အရာနာနာဗီုအၚာပ်အရီုမတ်အရီုစိုတ်ဆဵုမံၚ်ဓဝါဲဂှ်ဂတမတ်တံရ၊ အိုတ်ကၞောတ်ဟေၚ်ပိုဲတံဂွံကၠုၚ်ကပေါတ်နာနာသာ်မာန်တုဲ လဆောဝ်တှ်ေ ရာန်နၚ်သၠုဲအိုတ်အာတုဲ မုဟွံသုၚ်စောဲစကာတုဲထောံလဝ်အတိုၚ်ဂှ်လေဝ်နွံဗဝ်သအဝ်ကၠုၚ်ရ၊ ယဝ်ရပိုဲတံချူလဝ်ပ္ဍဲတၞးလိက်တ္ၚဲဏံပိုဲမုဒးရာန်ရောဂှ်တုဲ အခိၚ်ပိုဲအာရာန်ဂွံနၚ်ကပေါတ်နာနာသာ်တံဂှ်တှ်ေ ဂွံကၠုၚ်ကပေါတ်ပိုဲတံသုၚ်စောဲစကာဇေတ်ဇေတ်တုဲမုရောဟွံဒးထောံရ၊ လဆောဝ်တှ်ေဍေံပဵုကၠုၚ်ကီုညိညမ္ၚးနူပိုဲတံချူလဝ်တံဂှ်။
သွက်ဘဝလၟေၚ်လၟေၚ်ပိုဲတံဂှ်လေဝ်ဒးနွံကဵုတိုၚ်ပ္ကဴမွဲမွဲဂၠိဂၠိတုဲ သွက်ပိုဲတံဂွံကၠောန်ကမၠောန်ဍာံဍာံဇေတ်ဇေတ်ရ၊ (၁)ဂှ်တှ်ေ ယဝ်ရပိုဲတံစွံလဝ်တိုၚ်ပ္ကဴချူစွံလဝ်မ္ဂးတှ်ေ တ္ၚဲဏံသွက်ပိုဲဟွံဒးဝိုတ်အာသွက်ဘဝလၟေၚ်လၟေၚ်တ္ၚဲထေက်ကဵုဒးကၠောန်လၟိုန်လၟိုန်ဂှ်ရ၊ (၂)ဂှ်ပၠန် ပိုဲတံတီကၠုၚ်တာလျိုၚ်ထေက်ကဵုပိုဲဏံဒးကၠောန်ဂှ်ကီုရ၊ ယဝ်ရပိုဲတံဟွံချူစွံလဝ်တိုၚ်ပ္ကဴမွဲမွဲတ္ၚဲဏံမူဒးကၠောန်ရောဂှ်ကီု တ္ၚဲဏံဒးအာဒၞာဲလဵုကိစ္စဗၟိက်ဇၞော်ဂှ်ကီု၊ တုဲတှ်ေ ကမၠောန်ဏံယးတေံအဲဒးကၠောန်ပ္တုဲထောံဍေံဏောၚ်သာ်ဏံဗွဲတုန်၊ ယဝ်ရသာ်ဏံဟွံသေၚ်မ္ဂးတှ်ေ ယဝ်ပိုဲကလေၚ်ကူချပ်ရံၚ်တ္ၚဲဏံအိုတ်အာမွဲတ္ၚဲပၠန်ယျဂှ်မူရောပိုဲဏံဟွံဂွံကၠောန်ဏီဂွံဒှ်ကၠုၚ်မွဲကလောံမွဲတၞုၚ်ကီုရ၊ ယဝ်ဟီုကၠးကၠးတှ်ေ လမျီုပိုဲယအ်အိုတ်အာမွဲတ္ၚဲဏံဂှ်ဒှ်အာသၟးသၟးယျဏောၚ်သွံ၊ ဟိုတ်ဂှ်ရတှ်ေ ပိုဲတံသီုညးဖ္အိုတ်ပ္ဍဲမွဲတ္ၚဲထေက်ကဵုဒးကၠောန်တွဵုအရာမွဲမွဲညံၚ်ဂွံနွံဒှ်ကၠုၚ်ဖဵုခိုဟ်သွက်ပူဂဵုပိုဲ သာ်ဂှ်ဟွံသေၚ်သွက်ညးဂမၠိုၚ်အိုတ်ညိ။
လဆောဝ်ဆောဝ်တှ်ေလေဝ် ပိုဲသ္ဂုတ်သွာတ်လဝ်တ္ၚဲဏံဒးကၠောန်ဏောၚ်ကမၠောန်ဏံဂှ်တုဲ နကဵုပရေၚ်ပရောပြသၞာလၟေၚ်လၟေၚ်တ္ၚဲတုဲပိုဲတံလေဝ်ဟွံဂွံကၠောန်ဒှ်ကၠုၚ်ရ၊ ယဝ်ရပိုဲတံချူစွံလဝ်တိုၚ်ပ္ကဴလၟေၚ်လၟေၚ်တ္ၚဲကၠးကၠးမ္ဂးတှ်ေပိုဲတံလေဝ်ဟွံတၠိၚ်အာဍာန်ဂၠံၚ်ကီုရ၊ ဟိုတ်ဒှ်သာ်ဂှ်တုဲ ပိုဲတံညးဂမၠိုၚ်လေဝ် ထေက်ကဵုဒးချူသမ္တီစွံလဝ်တိုၚ်ပ္ကဴပ္ဍဲမွဲမွဲတ္ၚဲအိုတ်ညိ၊ ပိုဲတံကၠောန်စမ်ရံၚ်တုဲ ဗွဲစၟတ်ဨကန်တပိုဲတံဂွံကၠုၚ်ကမၠောန်ဇေတ်ဇေတ်ကမၠောန်ဍာံဍာံမွဲနမွဲဗါယဝ်ပိုဲတံဗက်ကၠောန်ဗီုချူစွံလဝ်တိုၚ်ပ္ကဴဂှ်ရ။ (အုပ်ကၠေံနိဂီုတုဲဆဝွံကၠာရ) ။
နိဿဲ
ကၠုၚ်နူပရေၚ်ဆဵုဂဗပ္ဍဲဘဝလၟေၚ်လၟေၚ်တ္ၚဲ ။