တၚ်ဂုဏ်ကဵုစၞစဇၟာပ်ဗဂါပ်

နူ ဝဳကဳပဳဒဳယာ

တၚ်ဂုဏ်ကဵုစၞစဇၟာပ်ဗဂါပ်


လုပ်ဗှ်ဖျုန်လိက်အိုတ်စိုအ်၊

အတိုၚ်မွဲဘဝပိုဲဏံလေဝ် အရာနာနာဗွဲမဂၠိုၚ်လုပ်ကၠုၚ်တိတ်အာလေဝ်ဂၠိုၚ်ဂၠၚ်တုဲ လဆောဝ်တှ်ေပိုဲဏံဝိုတ်ကၠေံအာသွက်ညးတၞဟ်ဂွံကဵုကၠုၚ်ကဵုပိုဲဂွံနွံဂျိုၚ်ဒၟံၚ်စဵုကဵုတ္ၚဲဏံအိုတ်ရ၊ ပိုဲမၞိဟ်ဏံဒးစမံၚ်ပုၚ်ဇၟာပ်တ္ၚဲအိုတ်တုဲ ဆဂးပိုဲဏံဝိုတ်ကၠေံအာသွက်သၟာဗ္ၚကၠောန်ဝါတံဂှ်ကီုတုဲ ပိုဲတံစပုၚ်ဟွံအိုတ်ကၠဟ်ထောံပေၚ်ပြးသၟဝ်ခုၚ်ဟွံစွံၚုဟ်မးပုၚ်သ္ၚုအိုတ်ရ၊ ဟိုတ်ဒှ်သာ်ဂှ်တုဲ ပုၚ်ပိုဲစဒၟံၚ်တ္ၚဲဏံဂွံဒှ်ကၠုၚ်သြောံသ္ၚုဂှ်လေဝ် သၟာဝါဗ္ၚတံဒုၚ်ကၠုၚ်ဒဒိုက်နာနာသာ်သ္ဂောံဂွံကၠုၚ်ဍောၚ်သြောံမွဲမွဲဍောၚ်မာန်၊ တုဲပၠန် ပြေၚ်ဂၠဴတံပၠန်လေဝ် ဒးပ္တိတ်ဒြဟတ်ဇိက်ထဲတိအကြာဗြဲကျာထတ်ဂံက်လေဝ်ဒးကၠောန်ညံၚ်သ္ဂောံဂွံနၚ်သြောံသ္ၚုပုၚ်ပိုဲစဒၟံၚ်ပ္ဍဲတ္ၚဲဏံဂှ်ရ၊ ပိုဲဏံဂွံစသတ်ကြုက်မွဲမဏံမာန်ဂှ် ညးတဵုလွဳလဝ်တၞံကြုက်တံဒးဖအိုတ်အခိၚ်မူစိသၞာံတ္ၚဲဂိတုတုဲသ္ဂောံဂွံနၚ်ကြုက်နွံကဵုရှ်သာမွဲမဏံဂှ်ကီု၊ သတ်ဆုသတ်ဒုန်ပိုဲဂွံစဒၟံၚ်တ္ၚဲဏံဂှ်လေဝ် သွက်ညးၜှ်နၚ်ကဵုပိုဲတံဂှ် ညးတံဒးတိုန်ၜှ်တၞံသၠုၚ်သၠုၚ်ဒးဆဵုဘဲအန္တရာဲနာနာတုဲမှ ပိုဲဏံဂွံစနွံကဵုရှ်တုဲ စဟွံအိုတ်ပိုဲကၠဟ်ထောံပေၚ်ပြးဂှ်ဂုဏ်ဏံကူစိုပ်ဂွံတုဲဆာန်ဍူညးဂံၚ်သၠးဗွးသွက်စၞစဗဂါပ်ပိုဲတ္ၚဲဏံဇၞော်ကဵုဒြဟတ်ရ။


ညံၚ်ရဴကဵုကွာၚ်ၜဲယိုဟ်ၜန်လ္ၚဵုလ္ၚဵုတံဂှ်လေဝ် ဒးသုၚ်စောဲခၟာဲစာၚ်မူစိမဂွံဒှ်ကၠုၚ်ကွာၚ်ပိုဲစနွံကဵုရှ်သာဂလိုၚ်ဏံဂှ်ရော၊ စာၚ်တံလေဝ်သၠးဗွးသွက်ပိုဲဂလိုၚ်လဵုဂှ်လေဝ်ကူချပ်ဂွံတုဲဒးတၚ်ဂုဏ်ကဵုစာၚ်တံဇၞော်ကဵုဒြဟတ်ဂွံသၠးဗွးလဝ်ခၟာဲဂွံဒှ်ကၠုၚ်ကွာၚ်စခိုဟ်ပ္ဍဲကဵုဗဂါပ်ဏံဇၞော်ကဵုဒြဟတ်ရ၊ ဟိုတ်ဒှ်သာ်ဂှ်တုဲ ပိုဲမၞိဟ်ဏံဂွံဂျိုၚ်ဒၟံၚ်စဵုကဵုတ္ၚဲဏံဂှ်တှ်ေကၠုၚ်နူစၞစအဟာရမွဲတုဲ စၞစဏံဂှ်ဒှ်ၚုဟ်မးဇၞော်အိုတ်သွက်ပိုဲမၞိဟ်သၟးဟွံကတုဲ သတ်နွံကဵုလမျီုလ္တူဂၠးတိဏံဖအိုတ်ဂှ်လေဝ် နွံဗၟိက်ကဵုစၞစအဟာရတုပ်တုပ်ဗီုကဵုပိုဲမၞိဟ်ဏံကီုရ၊ တ္ၚဲဏံၜိုန်ရပိုဲသြန်နွံမွဲဗွဝ်ဒဵုကီုလေဝ် ယဝ်ရပရေၚ်ထတ်ယုက်ပိုဲဟွံမွယ်တှ်ေသြန်ဂှ်ဒှ်အာမးမးရ၊ တုဲပၠန် ယဝ်သြန်လေဝ်နွံပရေၚ်ထတ်ယုက်လေဝ်ခိုဟ်တုဲ ယဝ်ရစၞစအဟာရဟွံမွယ်သွက်ပိုဲဟွံမွယ်မ္ဂးတှ်ေ သြန်ကဵုပရေၚ်ထတ်ယုက်ဂှ်ဒှ်အာမးမးပၠန်ရ၊ ဟိုတ်ဒှ်သာ်ဂှ်တုဲ စၞစဏံမွဲဟေၚ်ရဒှ်ရိုဟ်ကၞဟ်ခိုၚ်အိုတ်သွက်သတ်နွံကဵုလမျီုတံလၟေၚ်မွဲရ။


ဟိုတ်ဒှ်သာ်ဂှ်တုဲ ဇၟာပ်စၞစပိုဲစဏာမွဲတ္ၚဲၜါဗဂါပ်ပိဗဂါပ်လၟေၚ်လၟေၚ်တ္ၚဲဏံဂှ်တှ်ေ သွက်ညးမွဲတေံဒးသၠးဗွးကၠုၚ်ပေၚ်ပေၚ်သွက်ပိုဲဏံဂှ်လေဝ်တီကေတ်တုဲ ဣဏံရပိုဲဏံတီကေတ်ၚုဟ်မးစၞစဇၟာပ်ဇၟာပ်ဗဂါပ်ပိုဲစဖျေံဏာပ္ဍဲသၟန်ပါၚ်လုပ်အာပ္ဍဲကအ်ပိုဲဏံကီုရ၊ သွက်ပိုဲစဟွံတီသၞောတ်သၞောဝ်တံဂှ်လေဝ် ဂွံတီကေတ်ၚုဟ်မးစၞစတံဂှ်တုဲ စဟွံအိုတ်ထောံထပြးတံဂှ်လေဝ်အောန်ကၠုၚ်ပ္ဍဲဘဝပိုဲလၟေၚ်လၟေၚ်တ္ၚဲကီုရ၊ စၞစပိုဲတံစဟွံစှ်ေစဟွံခိုဟ်ပ္ဍဲဗဂါပ်ဏံဂှ် သွက်ညးမွဲတေံဂှ်ဒှ်ဒၟံၚ်စၞစနွံကဵုရှ်စခိုဟ်အိုတ်ပ္ဍဲဘဝညးတံဂှ်လေဝ်ဒှ်မာန်ရ၊ ဟိုတ်ဒှ်သာ်ဂှ်တုဲ ပိုဲမၞိဟ်ဂျိုၚ်ဒၟံၚ်ပ္ဍဲတ္ၚဲဏံဂှ်ဒှ်သွက်ဂွံစသၟးဟွံသေၚ်တုဲ စဒၟံၚ်တ္ၚဲဏံဂှ်ဒှ်သွက်ဂွံဂျိုၚ်ဂှ်စွံစိုတ်အိုတ်တုဲ စၞစနွံဒၟံၚ်ပ္ဍဲတဲပိုဲစက္ကဏံဂှ်ဒှ်ကၠုၚ်စၞစခိုဟ်အိုတ်နွံကဵုရှ်သာမွဲဗဂါပ်ပေၚ်ပေၚ်ရ၊ ဟိုတ်ဂှ်ရ စၞစအဟာရဂှ်စွံၚုဟ်မးအိုတ်ညိတုဲဒးတၚ်ဂုဏ်ကဵုစၞစပ္ဍဲဗဂါပ်ဇၟာပ်ဇၟာပ်တ္ၚဲအိုတ်ညိ။


အုပ်နိဂီုတုဲဆဝွံကၠာရ။