တၚ်ရန်တၟအ်ပရေၚ်ပညာကောန်ဂကူမန် (Objective of Mon Education)

၁။ ဇၟာပ်ကောန်ဂကူမန် ကတ်လ္ၚတ်လေပ်လဝ်ပညာသဇိုၚ် ဗွဲမဒးရးတုဲ သွက်ဂွံနွံကဵုစိုတ်ဓါတ်ဆာန်ဂကူ။

၂။ သွက်ဂွံလွဳၜံၚ်အာ ကောန်ကၟိန်ဍုၚ်ခိုဟ်ဂမၠိုၚ် မဍိုက်ပေၚ်တဴကေုာံ စိုတ်ဓါတ်ကၟိန်ဍုၚ်ပံၚ်ကောံ၊ စိုတ်ဓါတ်တွဵုရး၊ စိုတ်ဓါတ်ဆာန်ဂကူ။

၃။ သွက်ဂွံလွဳၜံၚ် ပကတ်ပကေၚ်အာ စိုတ်ဓါတ်မန်ရေၚ်သကအ် (မန်ကဵုမန် ညဳသၟဟ်ဒ်ှမွဲ) စန်ၜန်ညဳသၟဟ်။

၄။ သွက်ဂွံပ္ကတ်ပ္ကေၚ်လွဳၜံၚ်ကဵုစိုတ်ဓါတ် ဇၟာပ်ဂကူမန် မလေပ်သ္ဍိုက်ဆာန်အရေဝ်ဘာသာမိဇကု၊ လိက်ပတ်သီုယေန် သၞာၚ် အခိုက်ကၞာ ပြဝေဏဳဇကုတုဲ စိုတ်ဓါတ် မိက်ဂွံဂိုတ်ဂစာန်အာ ညံၚ်အရေဝ်လိက်ပတ်ယေန်သၞာၚ်အခိုက်ကၞာမန် သ္ဂောံဖောအ်ဗြေဝ် တဴတက်တိုန်အာ။

၅။ တံရိုဟ်မၞိဟ်တဲခိုဟ် မကေက်သကာမဂပ်ဝ်နွံပၟိက် ပ္ဍဲအရာဒက်ပ္တန်ကၟိန်ဍုၚ်ပံၚ်ကောံ သွက်ဂွံမံက်တိုန်ကၠုၚ်။

၆။ သွက်ဂွံပ္ကတ်ပကေၚ်လွဳၜံၚ်အာ တံရိုဟ်မၞိဟ်မဍိုက်ပေၚ်တဴကုပညာကွတ်တဲကွတ်စက် မဒုၚ်သဇိုၚ်ကုပရေၚ်တဵုလွဳ။

၇။ လေပ်ကၠိုဟ်ကေတ်ပညာဝိဇ္ဇာ၊ ပညာသိပ္ပံ သီုပညာနဲကဲ ဗွဲမဆိုက်ဗဒက်တုဲ သွက်ဂွံပါလုပ်ရေၚ်တၠုၚ်အာ ပ္ဍဲ ကမၠောန်ပြုပြေၚ်ဍုၚ်ကွာန်။

၈။ သ္ဍိုက်ဆာန်ပွဳပွူသဘာဝတုဲ သွက်ဂွံပကတ်ပကေၚ်ကဵုစိုတ်ဓါတ် သၟိက်မိက်ဂွံမၚ်မွဲထိၚ်ဒဝ် စဵုဒၞာသ္ဂောံနွံကၠုၚ်။

၉။ သွက်ညးတြုံ ညးဗြဴမန် ကောန်ဂကူမန်တဲခိုဟ် မဍိုက်ပေၚ်ကေုာံဗလမသုန်တန် သ္ဂောံမံက်တိုန်ကၠုၚ်။