တၚ်သောၚ်ကလး အခေါၚ်အရာကောန်ၚာ် ဗွဲဇမၠေံ

1. ညးမၞုံသၟဝ်အာယုက် ၁၈ သၞာံတအ်ဂှ် ကောန်ၚာ်ရဴဝွံ ကော်ခဴစရ။
2. ပရေၚ်ပါ်ခြာကဆံၚ်ဂှ် လ္တူကောန်ၚာ်လဵုမွဲလေဝ် သ္ပကေတ်ဟွံဂွံ။
3. အလဵုအသဳကၟိန်ဍုၚ်တအ် ကာလရေၚ်တၠုၚ် ကိစ္စဆေၚ်စပ်ကဵုကောန်ၚာ်တအ်မ္ဂး သွက်ဖိုလ်ခိုဟ်တံဂှ် စဵုကဵုအစောန်အိုတ် ဒးရေၚ်တၠုၚ်အာ။
4. သွက်ဂွံစဵုဒၞါအာ အခေါၚ်အရာကောန်ၚာ်ဂှ် အလဵုအသဳတအ် စဵုကဵုအစောန်အိုတ် ဒးရေၚ်တၠုၚ်စဵုဒၞါ နကဵုဒိုဟ်စုၚ်လေၚ်ရောၚ်။
5. အလဵုအသဳတအ် ဒးရှ်ေသှ်ေအာ လ္တူဝတ်တာလျိုၚ် မိမတအ်ထိၚ်ဒဝ်အာကောန်ၚာ်ဗွဲမညဳသၟဟ်ကဵုအခေါၚ်အရာ ကောန်ၚာ်။
6. အခေါၚ်ဂျိုၚ်လမျီု အခေါၚ်ဖောအ်ဗြေဝ်ကောန်ၚာ်
7. အခေါၚ်တၚ်ယၟု ကေုာံ အခေါၚ်ပတိုန်စၟတ်သမ္တီ စရၚ်သၠးဂၠမ်ဂဝ်
8. အခေါၚ်တီကေတ် တၚ်ဂၞၚ်ဇကု သီုကဵုပရောဝၚ်မဗဳဇမိမဇကု။
9. ၜိုတ်သ္ပမာန် ကောန်ၚာ်ညံၚ်ဟွံဂွံပြးတိတ် နူမိမ ဒးရေၚ်တၠုၚ်ကီုလေဝ် သွက်ကောန်ၚာ်တအ် ဖဵုခိုဟ်အိုတ်ယဝ်ဒှ်မ္ဂး နူမိမလေဝ်ပါ်ခြာဂွံ။
10. သွက်ဂွံဆဵုဂဗကဵု ဂကောံသ္ၚိကၟိန်ဂှ် ဒးရေၚ်တၠုၚ်ကဵု အခေါၚ်ကၠုၚ်စိုပ်၊ အခေါၚ်စၞးတိတ်အာအပ္ဍဲကၟိုန်ဍုၚ်။
11. သွက်ဂွံစဵုဒၞါအာ နူပွမကော်ပ္တိတ်ဏာကောန်ၚာ် ဍုၚ်သ္အာၚ်ဟွံမွဲကဵုဂၠံၚ်ကလေၚ်စဴ။
12. အခေါၚ်ကသပ်ညာဏ် ကူချပ်ကောန်ၚာ် ပ္တိုန်ထ္ၜး ပ္ဍဲအရာဖျေံသ္ဂုတ်သွာတ် ဆက်စပ်ကဵုကောန်ၚာ်တံမ္ဂး ကသပ်ညာဏ်ကူချပ်တအ် ညံၚ်ဂွံချပ်စုတ်ဂှ် ဒးရေၚ်တၠုၚ်။