ထဂုတ်၊ ဂစေံ

နူ ဝဳကဳပဳဒဳယာ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

ဂစေံထဂုတ်ဍာ်
Coturnix coromandelica.jpg
အကာဲအရာ မမင်မဲ သဘာဝ
မပါ်ဂကူ အတိုင်နဲသိပ္ပံ
လောက: Animalia
လပါ်ဂကူ: Chordata
ဂကောံဂကူ: Aves
လၟေင်ဂကူ: Galliformes
ဗဳဇဂကူ: Coturnix
လစှ်ေဂကူ: coromandelica
ဂစေံထဂုတ်ဍာ် ကၟက် Male rain quail
ဂစေံထဂုတ်ဍာ် ၝောအ် Female rain quail

ဂစေံထဂုတ် (အၚ်္ဂလိက်: Quail, Burmese; ငုံး) ဝွံ ဒှ်ဂကူဂစေံတဲလဒေါဝ် မၞုံဂၠိုင် ကုဂကူရ၊၊ ဂကူထဂုတ် မဂွံဆဵုကေတ် ပ္ဍဲဂၠးတိတြေံ ဂှ် ညးပၠောပ်လဝ် စရင် ပ္ဍဲဗဳဇဂကူ ဖသဳယာန်နိဒါဲ Phasianidae တုဲ ဂစေံထဂုတ် ပ္ဍဲဂၠးတိတၟိ ဂှ် ညးပၠောပ်လဝ် စရင် ပ္ဍဲဗဳဇဂကူ သြဒေါန်တဝ်ဖဝ်ရိဒါဲ Odontophoridae ရ၊၊ ပၞောဝ်ကဵုဂကူဂစေံထဂုတ်ဂမၠိုင်ဂှ် ဂကူဂစေံထဂုတ် ဇၞော်ဇၞော်တအ်ဂှ် ညးလွဳသွက်ဂွံ စခၟာဲ ကေုာံ စဖျုန်ရ၊၊ ဥပမာ ပ္ဍဲသၞာံ ၂၀၀၇ ဂှ် ဂစေံထဂုတ် ၄၀ ပြကောဋိကိုဋ် ပ္တိတ်နူ ကၟိန်ဍုင် အမေရိကာန်ရ၊၊ [၂]

ဂစေံထဂုတ်ဍာ် Rain quail[ပလေဝ်ဒါန် | ပလေဝ်ဒါန် တမ်ကၞက်]

ပၞောဝ်ကဵုဂကူ ဂစေံထဂုတ်ဂမၠိုင်ဂှ် ဂကူဂစေံထဂုတ်ဍာ် Rain quail ဂှ် ဂွံဆဵုကေတ် ပ္ဍဲဍုင်မန်ကီု သီုကဵု ဍုင်ဝုတ်ဒိုဟ်ဂမၠိုင် မပ္တံကဵု ဍုင်ဘင်္ဂလာဒေသ်၊ အိန္ဒိယ၊ နိပဝ်၊ ပါကာတ်သတာန်၊ ဍုင်သေံ၊ ဍုင်ကာမ္ဗောဒိယာ ကေုာံ ဗိယေတ်နာမ် [၃]

ဗၟံက်ထ္ၜး[ပလေဝ်ဒါန် | ပလေဝ်ဒါန် တမ်ကၞက်]

ဂကူဂစေံထဂုတ်ဍာ်ဂှ် နွံကဵုအသာ်သက်သက် ပ္ဍဲဒၞာဲဇကုဍေဟ်ကီု သီုကဵု ပ္ဍဲက္ဍိုပ် ကေုာံကအ်ရ၊၊ ကၟက်ဂှ် နွံကဵုအသာ်လမ္စံက် ပ္ဍဲသြိုဟ်တုဲ ပ္ဍဲက္ဍိုပ်ဂှ် နွံကဵုသက်က် နကဵုအသာ်လမ္စံက် ကဵု အသာ်ဗုရ၊၊ ၝောအ်ဂှ် နွံကဵုဗက ပ္ဍဲသြိုဟ် သီုကဵု ပ္ဍဲဇကုရ၊၊ ဍေဟ်တအ် နွံအကြာ ၆-၆.၅ ၝောအ်တဲ (၁၅-၁၇ သေန်ဒဳမဳတာ) လျိုင် နွံ အကြာ ၂.၂၅ - ၂.၅ oz (၆၄ - ၇၁ ဂရာမ်)[၄]

ရမ္သာင်လရိုဟ်ဍေဟ်ဂှ် စောတ်စောတ် ၜါၜါလဇံက် မွဲမွဲတဲတုဲ မလေပ်လရိုဟ်အခိင်နူဂယး ကဵု အခိင်သဝ်တ္ၚဲဂၠိုင်၊ ပ္ဍဲအခိင်ဖျေဟ်ခၟာဲမ္ဂး ပ္ဍဲအခိင်ဗတံလေဝ် လရိုဟ်ကီုရ၊၊

ဍေဟ်တအ် စမချောဲ ကေုာံ တၞးချောဲ တၞးဆု၊ စၟစၟောန်တအ်ရ၊၊ အခိင်ဖျေဟ်ခၟာဲ ဒှ်အခိင်အကြာ ဂိတုမာတ် ကဵု အံက်တဝ်ပါ၊ ဗွဲမဂၠိုင် ကြဴနူ အခိင်ဗြဲတုဲ မလေပ်ဖျေဟ်ခၟာဲရ၊၊ ဍေဟ်တအ် ဖျေဟ်ခၟာဲ အကြာချောဲ ပ္ဍဲတိ၊ လဆောဝ် သၟဝ်ရာံဂမၠိုင်လေဝ် ဂွံဆဵုကေတ်ကီုရ၊၊ မွဲမွဲကလောအ်မ္ဂး ခၟာဲနွံ အကြာ ၆ မ ကဵု ၈ မ၊ အခိင်မလဒပ်ဂှ် နွံအကြာ ၁၆-၁၈ တ္ၚဲ၊၊ ကောန်ဍေဟ်တအ် ဍတ်တုဲဗက် တိတ်နူခပေါဲ/ကလောအ် လဝါဲဂှ် ညံင်ရဴစာင်ကီုရ၊၊ ကောန်ဍေဟ်တအ် ဆက်မံင်အာ ကရောမ်မိမဍေဟ်တအ် ၜိုတ် ၈ ဂိတုရ၊၊ [၅]


ဂကူ နူကဵု ဂၠးတိတၟိ[ပလေဝ်ဒါန် | ပလေဝ်ဒါန် တမ်ကၞက်]

ဂကူ နူကဵု ဂၠးတိတြေံ[ပလေဝ်ဒါန် | ပလေဝ်ဒါန် တမ်ကၞက်]


နိဿဲ[ပလေဝ်ဒါန် | ပလေဝ်ဒါန် တမ်ကၞက်]


  1. Coturnix coromandelica. IUCN Red List of Threatened Species. Version 2013.2. International Union for Conservation of Nature (2012).
  2. 2007 Census of Agriculture: United States Summary and State Data Volume 1 • Geographic Area Series • Part 51 AC-07-A-51 (PDF). USDA. February 2009. p. 423.
  3. BirdLife International (2012). "Coturnix coromandelica". IUCN Red List of Threatened Species. Version 2013.2. International Union for Conservation of Nature. Retrieved 6 August 2015
  4. Jerdon, T.C. (1864). The Birds of India. III. Calcutta: George Wyman and Co. p. 589.
  5. Alaine Camfield. "Coturnix coromandelica: Rain quail". Animal Diversity Web. Retrieved 2015-08-06
  6. Japanese Quail - Lancaster County 4-H (japanesequail) - Nebraska Extension in Lancaster County - University of Nebraska–Lincoln. Retrieved on 15 March 2018