ထာမ်ပလိက်:Featurearts
ဝေန်သေန် ဝှၚ်ဟောက် (ဒါတ်/အၚ်္ဂလိက် Vincent van Gogh) (ဗၟာ ဗၚ်းဆင့် ဗန်ဂိုး) (ၜံၚ် ၃၀ မာတ် ၁၈၅၃ ပ္ဍဲ Zundert ဍုၚ်နေတာလာန်၊ စုတိ ၂၉ ဂျူလာၚ် ၁၈၉၀ ပ္ဍဲ Auvr-sur-Oise, ဍုၚ်ပြၚ်သေတ်) ဝွံ ဒှ် အစာကသူ/ကသူ ဂကူဒါတ် မွဲရ။ ညးဂှ် လုပ်လၟိဟ် ပ္ဍဲပၞောဝ်အစာကသူ ယၟုမြဟ်အိုတ် ပ္ဍဲယူရောပ်မွဲရ။ ပ္ဍဲမွဲအခိၚ် ပွိုၚ် ၁၀ သၞာံ စဵုကဵု အခိၚ်ညးတေအ် မဒးကြအ်အာတုဲ ဂစိုတ်ထောအ် ဇကုဇကုဂှ် ညးခၞံကၠောန်လဝ် ကွတ်တဲအနုသုခုမ ၜိုတ်၂၁၀၀ ပ္ဍဲတအ်ဂှ် ရုပ်ကသူ နကဵုဍာ်ဂဥုဲကၠေၚ်ဂှ် ၜိုတ် ၈၆၀ တုဲ သၟေဟ်တအ်ဂှ် ဒှ်ရုပ်ကသူ (ဝါ) ရုပ်ဓဇက်ရ။ ဗွဲမဂၠိုၚ်ဂှ် ညးတေအ် ဓဇက်ချူလဝ် ပ္ဍဲအခိၚ်ညးတေအ် ၜါသၞာံလက္ကရဴအိုတ်ဂှ်ဂၠိုၚ်ရ။ ညးတေအ် ဓဇက်ရုပ်လဝ် ဗီုသဘာဝ (landscape)၊ ရုပ်ဗီုဖေါဲထရေတ် (portrait) ကေုာံ ဟိုတ်နူ သြန်သွက်ဂွံလိၚ်မၞိဟ်မဝ်ဒါ ဟွံမွဲတုဲ ဗဵုဒ္ၚောဝ်တုဲ ဓဇက် ရုပ်ဖေါဲထရေတ်ဇကုဇကု (self-portrait)လေဝ် ဗွဲမဂၠိုၚ်ကီုရ။ ညးဒးဒုၚ်စလဝ် ဝေဒနာ ယဲစိုတ် မကော်စ maniodepressiv psykose မဒှ်ယဲ ပရေၚ်ဒုၚ်စသိုၚ်စိုတ် ဟွံညိၚ်ဝတ်မွဲဂကူရ။