ထာဝရ၊နာဲ၊သကိုပ်ဗိုလ်ဇၞော်
| သကိုပ်ဗိုလ်ဇၞော် နာဲထာဝရ သကိုပ်ဗိုလ်ဇၞော် | |
|---|---|
 နာဲထာဝရ မဟီုဒၟံင်ဂလာန် လတူစင် တ္ၚဲကောန်ဂကူမန် (၆၄) ဝါ (ဗီုဓါတ် ဌာန်ပရိုင်ဗၠးၜးမန်) | |
| သၠးဂၠံဂဝ် |
မာံသာန်တေန်အံင် အံက်တဝ်ဗါ ၇၊ ၁၉၅၈ ကၟာဝက် |
| စုတိ | ဖေဖဝ်ဝါရဳ ၂၂၊ ၂၀၁၁ (အာယုက် ၅၂) |
| ဟိုတ်မစုတိ | ယဲ |
| ဂကူ | မန် |
| ကဆံင်ပညာ | တန်သမၠုင် |
| ဘာ | ဘာတန်သမၠုင် ကၟာဝက် |
| သၞာံချဳဓရာင် | ၁၉၇၆ - ၂၀၁၁ |
| ကမၠောန် မပြာကတ် | သၟာတဝ်စၞေဟ် သွက်ဗၠးၜးဂကူမန် |
| မဟိမု | ကမ္မတဳက္ဍိုပ်သ္ကိုပ်ရေင်တၠုင်ကေင်ကာဗဟဵု |
| ဗော် | ဗော်ဍုင်မန်တၟိ |
| အံက် |
|
နာဲထာဝရ (၇ အံက်တဝ်ပါ ၁၉၅၈ - ၂၂ ဖေဖဝ်ဝါရဳ ၂၀၁၁) ဇာတိကွာန်ကၟာဝက်ဝွံ ဒှ်သကိုပ်ဗိုလ်ဇၞော် ပ္ဍဲဒပ်ပၞာန်ဗၠးၜးကောန်ဂကူမန် (ဗော်ဍုင်မန်တၟိ)ရ။ ညးဝွံ နူ ပ္ဍဲအခိင်မကလိဂွံ အာယုက် ၁၈ သၞာံ၊ ကြဴနူ မဂွံအံင်ကေတ် ဘာတန်သမၠုင်တုဲ တိတ်စိုပ် တိဗၠးၜး လုပ်ဗော်ဍုင်မန်တၟိ သွက်ဂွံ တဝ်စၞေဟ် သွက်ဗၠးၜးကောန်ဂကူမန်ရ။ ပ္ဍဲမွဲအခိင်တာလျိုင်ဂှ် ကေင်ယိုက်ဂၠေင်ကၠုင် ပ္ဍဲဌာနပရေင်ထတ်ယုက်ဗဟဵု၊ နူဂှ် စိုပ်အာ ဌာနသွာင်ပၞာန် နူကဆံင် ဒုသကိုပ်ဒပ်ဂှ် ဒှ်ကမ္မတဳ ရေင်တၠုင် ကေင်ကာဗဟဵု (ဗော်ဍုင်မန်တၟိ)ရ။ ကာလမကလိဂွံ အာယုက်၅၂ ဂှ် ညး စုတိ ဒေါအ်ဇူထောအ် နူတာလျိုင် လၟိုန်ကာလရ။
ပထမ အဝဲ[ပလေဝ်ဒါန် | ပလေဝ်ဒါန် တမ်ကၞက်]
နာဲထာဝရ(ကမ္မတဳရေင်တၠုင်ကေင်ကာဗဟဵုဗော်ဍုင်မန်တၟိ)ဝွံ ပ္ဍဲသက္ကရာဇ်ကျာ်(၂၅၀၂) သက္ကရာဇ်ဍုင်(၁၃၂၀)သၞာံ ဂိတုဘတ်(၁၀)စွေက် သၠးတိတ်နူဂဝ်မိရ။ မိမၜါ မၞုံယၟု နာဲယှိင်(စုတိ) မိပေဲ(မိဣပေဲ) ကွာန်ကၟာဝက် (လၟုဟ်ကော်ဍုင်ကၟာဝက်) အရာပ်ဇိုင်ဝါ ပွိုင်ဍုင်မုဟ်ဍုင်။ ယၟုညး နူဍောတ်တ်ဂှ် မိမညးတအ် ခုတ်ကဵုလဝ် မာံသာန်တေန်အံင်။ညးဝွံ ဒှ်ကွးကျာ်ဇၞော်အ္စာ ဘာဓာတ်ကျာ် အစာတၠမှာထေရ်ပါလိတ ကွာန်ကၟာဝက်ရးဇြာ။ ကာလညး ကြပ်တိတ်အာ နူကွာန်ဂှ် ညးအာကလအ်စ အ္စာ ကျာ်ဇၞော်ပါလိတတုဲ ကျာ်ဇၞော်ပါလိတ ခုတ်ကဵုယၟု နာဲထာဝရ။
ကာလဂွံအာယုက် တြဴသၞာံဂှ် မိမၜါ ပအပ်ဘာတန် ပလိုတ်ဘာဓာတ်ကျာ် ကွတ်ပညာနူတန်သၟဝ် စိုပ်တန်သၠုင် စှ်တန်(၁၀)။
ဘဝ သၟာတဝ်စၞေဟ် သွက်ဗၠးၜးဂကူမန်[ပလေဝ်ဒါန် | ပလေဝ်ဒါန် တမ်ကၞက်]
ကာလမဂွံအာယုက်(၁၈)သၞာံ(၁၃၃၈)သၞာံ(၁၉၇၆)သၞာံဂှ် လုပ်စိုပ် ဗော်ဍုင်မန်တၟိ နကဵုဘဝကွးဘာပညာကေက်သကာလောန် တိုန်ဘာသဇိုင်ကွတ်ပၞာန် လၟေင်(၂၄)ဝါရ။ မွဲအဆက်ဓဝ် ဆက်တိုန် ဘာသဇိုင်ကွတ်ဂဥုဲတုဲ ယိုက်ဂၠေင် ကေတ်တာလျိုင် ပ္ဍဲဌာနပရေင်ထတ်ယုက်ဗဟဵု ပွိုင်ပိသၞာံရ။ ပ္ဍဲသၞာံ(၁၃၄၀)-(၁၉၇၆)သၞာံဂှ် အာတ်အခေါင်ဇူပွိုင်ၜါသၞာံရ
ပ္ဍဲသၞာံ(၁၃၄၂)-(၁၉၈၁) သၞာံဂှ် ကလေင်ယိုက်ဂၠေင် ကေတ်တာလျိုင် လပါ်သွာင်ပၞာန်တုဲ တာလျိုင်ကဆံင်ဆံင်တအ်ဂှ် နူစသၞာံ ၁၃၄၇ (၁၉၈၆) ဒုသ္ကိုပ်ဒပ်ပွိုင်ဍုင်မုဟ်ဍုင်၊ နူစ သၞာံ ၁၃၅၅ (၁၉၉၀) သ္ကိုပ်ဒပ် ဒပ်ပွိုင်ဍုင်ရေဝ်သၟဝ်ကျာ၊ နူစသၞာံ ၁၃၅၂ (၁၉၉၁) သ္ကိုပ်ဒပ်တံဒပ်ဒမၠုက် ခရိုင်မတ်မလီု ပ္ဍဲစၟတ်တ္ၚဲ(၂၇/၁/၉၂) ဂှ် သီုဂွံ ရုဲစှ် နဒဒှ် ကမ္မတီဗဟဵု အရန် ရ။
ပ္ဍဲသၞာံ ၁၃၅၄ ဂိတုဘတ် ထပှ်မံက် အခိင်ဗ္တံ ဒုသ္ကိုပ်တံဒပ်နာဲထာဝရ ဍိုက်က္ဍိုပ်တုဲ ကောန်ပၞာန်သ္ဂံင် အာဇာနဲဒ္စာံတၠ လွဟ်သေဏာတ်ပေင်င် လုပ်ကၠုင် ကွာန်လှာ၊ သၞေဟ်ဗဒဝ်၊ ကၠအ်သတ် ကွာန်ကၟာဝက်ဂံင်ဂံင် သကာသကာရ။ လုပ်သောင်ကလး ပရေင်ဍုင်ကွာန် ကဵုပရေင်ပၞာန် ပရေင်ဂူယာ ဒစိတ်နာဍဳဗတမ် စိုပ်ကွာန်ကၟာဝက် လုပ်သောင်ကလး ပ္ဍဲရုင်ပေါဲရုပ်ဂမျိုင် ပွိုင်ဘာ်နာဍဳပြင်ပြင်ရ။ ပရိသာတ်မွဲရုင်ဇၞော်တအ်ဂှ် ဟွံကေင်ဆဵု ကောန်ပၞာန်မန် ကယျိုင်ပၞာန်ပေင်ပေင်မွဲဏီတုဲ မိပ်စိုတ်တက်တဲ ဖဲဖဲဟွံကဏီ သီုကဵု သ္ပရှ်ေသှ်ေအိုတ်ကီုရ။ သောင်ကလးဏာ ပိတင် ကလင်ဒးကတောဝ်မုက်ဂေါဝ်လောန်တုဲ လ္ၚဵုတံင်တဲအခိုက် ဆက်မိတ်ညးသ္ကအ်ရ။ သောင်ကလးတင်လက်ကရဴဂှ် ရဲကွာန်ရာန်လဝ်တိကၠအ် ဗၟံက်ဂၠံင်ဂလာတေအ် ဗာ်ထောအ် တၞံဆုအင် ဗာ်ထောအ် ဆုမၞုံကဵုဂုန် ဒုန်လေဝ်ဟွံသှ်ေ ပြေင်ဂၠဴ ဟွံဂွံစချောဲ ဟန်လဝ်တိဂြိုပ်ဂၠိုင်လောန်အာ အရာဏအ် ဒးဒၞာတာရောင်။ ဟီုတွဟ်တုဲ ကလေင်တိတ်အာရ။ ကင်ကွာန်နွံမံင်ကီုလေဝ် မွဲဟွံဂံင်ဗက် ခြာပိပန်တ္ၚဲ လိက်ပရိုင်ဗၟာပြး အလုံဍုင်ကွာန်မွဲရ။ ဒဒှ်ရ သပုန်မန်ပ္ဍဲဂြိုပ် လုပ်ကၠုင်ကွာန် လုပ်သောင်ကလးဂံင်သကာလောန် ဗရုကံလွဟ်လေဝ် ဟွံမွဲ ကလေင်စဴအာ မိပ်ပ်ရ။
သၞာံမယိုက်ဂၠေင်ကၠုင် တာလျိုင်နာနာ[ပလေဝ်ဒါန် | ပလေဝ်ဒါန် တမ်ကၞက်]
ပ္ဍဲသၞာံ(၁၃၅၅)-(၁၉၉၄) ဒု-သ္ကိုပ်တံဒပ်-တံဒပ်လၟိုန်လၟိဟ်မွဲပိမ(၁၁၁) ပ္ဍဲသၞာံ-၁၃၅၆-(၁၉၉၅)လျိုင်ဌာနပရေင်ဆက်ဆောံဍုင်မတ်မလီု။
ပ္ဍဲသၞာံ-၁၃၅၈-(၁၉၉၇)သ္ကိုပ်တံဒပ်-တံဒပ်လၟိုန်လၟိဟ်ထပှ်ပိမ(၇၇၇) နကဵုကဆံင်ဒုတိယသ္ကိုပ်ဗိုလ်ဇၞော် စဵုကဵုစိုပ် သၞာံ(၁၉၉၉)။
ပ္ဍဲသၞာံ(၁၃၆၀)-(၂၀၀၀) နကဵုဗော် ပြံင်ကဵု တာလျိုင်သွာင်အုပ်ဓုပ် နဒဒှ်ဥက္ကဌခရိုင်သဓီု။
ပ္ဍဲသၞာံ(၁၃၆၃)-(၂၀၀၆)ဂွံဒှ် ကမ္မတဳက္ဍိုပ်သ္ကိုပ်ရေင်တၠုင်ကေင်ကာဗဟဵုတုဲ ကေတ်တာလျိုင် ညးလျိုင်ပွိုင် အပ္ဍဲဍုင်။
ပ္ဍဲသၞာံ-(၁၃၆၉)-(၂၀၀၉) ကေတ်တာလျိုင် ဌာနဇၞော် ပရေင်အုပ်ဓုပ်ဗဟဵုတုဲ ပ္ဍဲသၞာံ(၁၃၇၂)သၞာံ ဂိတုမာ်ပန်စွေက် ဂိတုဖေဖဝ်ဝါရဳ ၂၂အခိင် ၀၂:၁၅ နာဍဳဂှ် နကဵုယဲလတေင်ဆီကၟာတ် ကောန်ကၟံဒေါအ် ဂွံအာယုက် (၅၂)သၞာံ ပယျာံအမင်္ဂလ စုတိအာ ပ္ဍဲဂအုပ်ဌာနဝွံရ။
နိဿဲ[ပလေဝ်ဒါန် | ပလေဝ်ဒါန် တမ်ကၞက်]
လိက်အနာဂတ်မန် ကၞပ် ၁၂ (The Future of Mon Vol:12)