ထောန်သိင်၊ နာဲ၊ တၠသိက္ခာ
| အစာတၠ နာဲထောန်သိင် | |
|---|---|
 | |
| သၠးဂၠံဂဝ် |
မာံထောန်သိင် ဇာန်နဝါရဳ ၂၁၊ ၁၉၄၇ ကွာန်ကၟာဝက်၊ ပွိုင်ဍုင်မုဟ်ဍုင် |
| ဂကူ | မန် |
| ကောန်ဍုင် | အမေရိကာန် |
| ဘာ | တက္ကသိုလ်ဍုင်လ္ဂုင် |
| သၞာံချဳဓရာင် | ၁၉၉၅ - |
| မဒယှ်တဴ | ညးတၠသိက္ခာ |
| ချဳဓရာင် | ဗလးရမ္သာင်မန် |
| အိန်ထံင် | Ruth Tun Thein |
| ကောန်ဇာတ် | Jennifer Tun Thein |
| အံက် | နာဲဘရှေန် (ဘရှင်)၊ မိစိန်ကြယ် |
| ဂယိုင်လမျီု | အစာဓမ္မ ကေုာံ ဗလးရေဒဳယော ရမ္သာင်မန် |
အစာနာဲထောန်သိင် (ထွန်းသိန်း)(အၚ်္ဂလိက်: Rev. Mehm Tun Thein) ဝွံ ဒှ်အစာဓမ္မ ညးတၠသိက္ခာ (သိက္ခာတော်ရဆရာ)မွဲတၠ ကေုာံ ဒှ်မၞိဟ်ညးမစကၠောန်ဗဒှ် ပ္ဍဲဌာနရေဒိယော (FEBC) နကဵုဘာသာမန်ကၠာအိုတ်ရ၊၊ တုဲပၠန် အစာထောန်သိင်ဝွံ ဒှ်မၞိဟ် မဒယှ်ေဒွက် ခေတ်တၟိ နကဵုဘာသာမန် ကၠာအိုတ်လေဝ်ဒှ်ရ၊၊
ပထမအဝဲ
[ပလေဝ်ဒါန် | ပလေဝ်ဒါန် တမ်ကၞက်]အစာနာဲထောန်သိင်ဝွံ ကတဵုဒှ်မၞိဟ် ပ္ဍဲကွာန်ကၟာဝက် မဒှ်ကောန်နာဲဘရှေန် (ဘရှင်)၊ မိစိန်ကြယ် မဒှ်အစာဂဥုဲ ပ္ဍဲဇာန်နဝါရဳ ၂၁၊ ၁၉၄၇၊၊ ပၞောဝ်ကောန်ဒေအ် သီုဖအိုတ် ပန်တၠဂှ် အစာနာဲထောန်သိင် ဒှ်မၞိဟ် မရနုက်ကဵု ဒုတိယ၊ ၝောဲဇၞော်အိုတ် မိဝင်ရီး၊ ဒေအ် နာဲထွန်းသန်း၊ ဒေအ် မိမြရီး၊၊
အစာနာဲထောန်သိင်ဝွံ နူအခိင်မကလိဂွံ စှ်ဂိတုဂှ် ကတဵုဒှ်ယဲ ပဝ်လဳယဝ်တုဲ ကာလကလိဂွံအာယုက် ၈ သၞာံဂှ် ဂွံစမံင်ဘာ တန်မူလ ပ္ဍဲကွာန်ကၟာဝက်ဂှ် မွဲလစုတ် ပွိုင်မွဲၜါဂိတုတုဲ ပြံင်အာမံင် ပ္ဍဲဍုင်မတ်မလီု ဘာ (Morton Lane Judson High School) ရ၊၊ မိညးဂှ် ဆက်ပဒၟံင်အစာဂဥုဲ ပ္ဍဲကွာန်ကၟာဝက်ဂှ်တုဲ အပါအစာထောန်သိင် နာဲဘရှင်ဂှ် ကၠောန်အာ ကမၠောန်သာသနာ ပ္ဍဲဂကောံသင်ဗလိုက်ခရေတ်ယာန်မန် ပ္ဍဲဍုင်မတ်မလီု ကေုာံ လွဳလွတ် ကောန်ဇာတ်ဂမၠိုင် မတိုန်ဒၟံင်ဘာရ၊၊
အစာနာဲထောန်သိင် မံင်ပ္ဍဲဘာမဝ်ဒတ်ဂှ် စဵုကဵု (၇) တန်တုဲ ပြံင်အာမံင် ပ္ဍဲဍုင်လ္ဂုင် အထက (၄) အလုံမြို့နယ် စဵုကဵုဒစိတ်တန်၊၊ နူဂှ် ကလေင်ကၠုင်မံင် ပ္ဍဲဍုင်မတ်မလီုတုဲ အထက (၆) (ဘာတြေံဂှ်ရ အလဵုအသဳသီတုဲ ခုတ်လဝ်ယၟုဘာ ဂၞန် (၆)တုဲ စိုပ်သၞာံ ၁၉၆၈ ဂှ် ဂွံအံင်ကေတ် (၁၀)တန် နူဂှ်တုဲ ပ္ဍဲသၞာံဂှ်ဟေင် ဆက်တိုန် ကဝ်လိက် ပ္ဍဲဍုင်တက္ကသိုလ်လ္ဂုင် နကဵုဘာသာစိတ္တဗေဒ၊ စိုပ်သၞာံ ၁၉၇၂ ဂှ် ကလိဂွံ တဆိပ်ကြာ BA ရ၊၊ ဟိန်မတိုန်ဒၟံင် တက္ကသိုလ်ဂှ် တၞဟ်နမိက်ဂွံလေပ်လိက်မန်ဇကုတုဲ အာဗတောန် ပ္ဍဲဇရေင်ဇြပ်မန် ဍုင်လ္ဂုင် ပ္ဍဲတ္ၚဲအဒိုက်ရ၊၊
ကမၠောန်
[ပလေဝ်ဒါန် | ပလေဝ်ဒါန် တမ်ကၞက်]ကြဴနူ အစာထောန်သိင် ကလိဂွံတဆိပ်ကြာဘဳအေတုဲ စနူသၞာံ ၁၉၇၄-၇၉ ဂှ် စလုပ်ကၠောန် ပ္ဍဲ World Vision (child care) မဒှ်ဂကောံခရေတ်ယာန် မထံက်ပင် ကဵုကောန်ၚာ် မိမဝါတ်တ်တအ် ညံင်ဂွံတိုန်ဘာရ၊၊
နူစသၞာံ ၁၉၈၀ ဂှ် စလုပ်ကၠောန် ပ္ဍဲ Youth for Christ (YFC) 1980-88 မဒှ်ဂကောံ ဨဝံဂလိ အကြာဂကောံမၞိဟ်သၟတ် နဒဒှ် ဒါရိုက်တာမွဲရ၊၊ အစာနာဲထောန်သိင်ဂှ် ပ္ဍဲဍုင်ဗၟာမ္ဂး ဒှ်မၞိဟ် မဒှ်တာရိုက်တာ နကဵုအခိင်ပေင်င်ကၠာအိုတ်ရ၊၊
နကဵုညးတာရိုက်တာ YFS ပ္ဍဲဍုင်ဗၟာဂှ် အစာနာဲထောန်သိင် အာတိုန်ကောန်ဖရေန် YFC ပ္ဍဲဍုင်အေန်ဂလာန် ၁၉၈၀ အဝ်ဂေတ်၊၊ ၁၉၈၄ ကောန်ဖရေန် ပ္ဍဲဟံင်ကံင်၊၊
သၞာံ ၁၉၈၅ဂှ် နူကဵု ရုင်ဗဟဵု YFC ဍုင်သေင်ကာပူရ် ကဵုပလံင်ဗစိုပ်နင်လိက် သွက်အစာထောန်သိင် ရ၊၊ ညးမပလံင်ဂှ် ဒှ်အစာၝောအ်ရုတ် နူအမေရိကာန်တုဲ ညးၜါ ဆဵုရေင်သကအ် ဒှ်ဇြဟာန်မေတ္တာ လတူရေင်သကအ်ရ၊၊ နူဂှ် စိုပ်သၞာံ ၁၉၈၈ ဂှ် ညးတအ် ဒက်ပမ္ၚဵုထပ်တဲဂှ် ဂိတုသေတ်တေန်ပါ ၁၁ သၞာံ ၁၉၈၈ ဂှ် ပြံင်အာပဒတဴ ပ္ဍဲကၟိန်ဍုင်အမေရိကာန်ရ၊၊
စိုပ်ဍုင်အမေရိကာန်တုဲ အစာထောန်သိင် တိုန်ဘာတက္ကသိုလ် Biola University Talbot School of Theology တုဲ ကလိဂွံ တဆိပ်ကြာ MAရ၊၊
FRBC
[ပလေဝ်ဒါန် | ပလေဝ်ဒါန် တမ်ကၞက်]ကြဴနူအစာထောန်သိင် ကလိဂွံတဆိပ်ကြာအမ်အေတုဲ စိုတ်မိက်ဂွံကၠောန် သွက်ဍုင်မိတိမဇကုတုဲ အာဆဵုကဵု နူခရေတ်ယာန် ဇကုမကေင်ကၠောန်လဝ်တအ်ဂှ်ကီုလေဝ် ဆဒၞာဲမွဲဒၞာဲကီု ဟွံကလိဂွံရ၊၊ ပ္ဍဲအခိင်ဂှ် သမ္ဘာညး ချပ်ဂွံ ဂၠံင်ဌာနဗလးရမ္သာင် FRBC မဗလးဒၟံင် နကဵုဘာသာဗၟာတုဲ နကဵုမိက်ဂွံကၠောန် အစဳအဇန်သၟတ်ဂှ် အာဆက် ကုညးဌာနရေဒိယောဂှ် ပ္ဍဲရုင်ဗဟဵုဂှ်ရ၊၊
အာဆဵုဂဗတုဲ ညးတာလျိုင်တအ် ကဵုကလေင်ချပ်တုဲ ဆိင်လဝ်ကာတ္ၚဲပၠန်ရ၊၊ ကာလအာကလေင်ဆဵုပၠန်ဂှ် ဟိုတ်နူ ညးတာလျိုင်ဂမၠိုင်မတီ ဒဒှ်ရ အစာထောန်သိင်ဂှ် ဒှ်ဂကူမန်မွဲတုဲ ညးတအ် မိက်ဂွံကဵု အစာထောန်သိင် ကၠောန် အစဳအဇန်ဘာသာမန် ရ၊၊ ဆဂး သွက်ဂွံစကၠောန်ကမၠောန်ဂှ် ဒးဂၠာဲသြန်ထံက်ပင်တုဲ ဗဒါဲပွိုင်မွဲသၞာံရ၊၊ စနူ ၁၉၉၅ ဂျူလာင် ၄ ဂှ် ဒှ်တ္ၚဲမဗလး အစဳအဇန်ဘာသာမန် အလန်ကၠာအိုတ်တုဲ ရိုဟ်ဒဒှ်တ္ၚဲ ဗလးဒၟံင် ရမ္သာင်ဘာသာမန် ပ္ဍဲရေဒဳယော နကဵုဘာသာမန်ရ၊၊