ဒဒန်ၜါသွာင် (ၜဳကဍတ်)
| ဒဒန်ၜါသွာင် (ၜဳကဍတ်) | |
|---|---|
| ကိုဩဒိနိတ် | ဒတန်: 16°09′43″N 97°58′00″E / 16.16194°N 97.96667°E |
| စၠောအ် | ၜဳကဍတ် |
| ဒၞာဲ | ပွိုင်ဍုင်ကျာ်မြဟ် |
| ယၟု နကဵု | ကွာန်ၜါသွာင် |
| တင်ဂၞင်ဂမၠိုင် | |
| မသြိုင်လဝ် | ပသဲ၊ ကောန်ဂရေတ် |
| ဇမၠိင် | 900 ပေs (270 m) |
| ဇမၞော် | 30 ပေs (9.1 m) |
| လျိုင်မဒုင်မာန် | ၆၀ တာန် |
| ပရူဝင် | |
| တ္ၚဲမစသြိုင် | ၂၀၁၄ |
| တ္ၚဲမတုဲ | မေ ၂၀၁၅ |
| ၚုဟ် | ၄၅,၀၀၀ ကိုဋ် |
  ဒဒန်ၜါသွာင် (ၜဳကဍတ်) ဒၞာဲဒဒန်ၜါသွာင် မၞုံ | |
ဒဒန်ၜါသွာင် (ၜဳကဍတ်) (Attran Bridge - Chaung Hna Khwa, အတ္ထရံတံတား (ချောင်းနှစ်ခွ)) ဂှ် ဒှ်ဒဒန် မစၠောအ် ၜါကဍတ် မနွံ ပ္ဍဲပွိုင်ဍုင်ကျာ်မြဟ်ရ။ တုဲပၠန် ဒဒန်ဏအ်ဂှ် ဒှ်ဒဒန် မနွံ လတူဂၠံင်ဇၞော် ဍုင်ပယျဵုကျာ်ပိ၊ ဗြဝတဳ ကုဍုင်မုဟ်ဍုင်တုဲ ဒှ်ဂၠံင်ကိစ္စဇၞော် ပ္ဍဲကမၠောန်ဗၞိက် အကြာ ရးမရာဇ်သေံ ကဵု သဟရးမန်ဗၟာရ။[၁] ဒဒန်ဝွံ သီုဖအိုတ် နွံဇမၠိင် ၉၀၀ ပေ အနာံ ၃၀ ပေ မဒှ်ဂကူဒတန်ကောန်ဂရေတ်တုဲ စပံက်လဝ် နူသၞာံ ၂၀၁၅ ရ။[၂] ဂိတုနဝ်ဝေမ္ဗာ ၁၇၊ ၂၀၂၃ အခိင်နူဂယးဂှ် ဒပ်ပၞာန်ကရေင်ကေအေန်ယူ ကဵု ဒပ်ပဳဒဳအေပ်တအ် ခတိုဟ်ပလီုတုဲ ကဝ်ပိုတ်အာရ။[၁]
စမြိုင် ကေုာံ ဘဏ္ဍာ[ပလေဝ်ဒါန် | ပလေဝ်ဒါန် တမ်ကၞက်]
ဒဒန်ၜါသွာင် (ၜဳကဍတ်) ဝွံ နကဵု ဂကောံ ပြည်သူ့ဆောက်လုပ်ရေးလုပ်ငန်း အထူးစီမံကိန်အဖွဲ့(၂) ဂှ် ကေတ်တာလျိုင်တုဲ စသြိုင်လဝ် သၞာံ ၂၀၁၄ တုဲ ဂိတုမေ ၂၀၁၅ ဂှ် အာစိုပ်ဒတုဲရ။ ဇမၠိင်ဒဒန်ဂှ် သီုဖအိုတ် နွံ ၉၀၀ ပေ၊ အနာံ ၃၀ ပေ၊ မဒှ် ဂကူဒဒန်ကောန်ဂရေတ် (သံကူကွန်ကရစ်ရက်မ Plate Girder) ကဵု ပံင်ပသဲ (သံမဏိသံပေါင်ခန်း) ၜါပံင်ဗစိုပ်ရ။[၂] ဒယိုင်ဒဒန်ဂှ် နွံ ၀,၈ ကဵု ၁,၅ မဳတာ၊ ဒဒန်ဂှ် RC ၆၀ ပေ ဂှ် နွံပိဒကုတ်၊ PC ၁၂၀ ပေဂှ် နွံ ၁ ဒကုတ်၊ ပံင်ပသဲက္ဍိုင် ၂၄၀ ပေ မွဲဒကုတ် ကဵု ဒဒန်ကောန်ဂရေတ်တအ် နွံဒၟံင်ရ။ တုဲပၠန် ဖ္ဍိုက်လျိုင် စဵုကဵု ၆၀ တာန် ဒုင်မာန်ရ။[၂]
ဒဒန်ဝွံ နကဵု ဘဏ္ဍာသၞာံ ၂၀၁၄ - ၂၀၁၅ အစဳအဇန် ဇၞော်မောဝ်တွဵုရးဍုင်မန်ဂှ် သြိုင်လဝ် နကဵု င္ၚုဟ်မး သြန်ဒကေဝ် ၄၅၀၀ ပြကောဋိကိုဋ်ရ။[၁]
ပရေင်ပလီုပလာ်[ပလေဝ်ဒါန် | ပလေဝ်ဒါန် တမ်ကၞက်]
ဒဒန်ၜါသွာင်ဝွံ ဒပ်ကင်ပယျဵု (BGF) ဖျေဟ်လဝ် ဗဒိုပ် ဇရေင်ဒဒန်ဝွံတုဲ မင်မဲလဝ် ဒဒန်ဝွံရ။ သၞာံ ၂၀၂၂ ဂိတုမာတ် ၁၉ ဂှ်မွဲအလန်၊ ဂိတုဨပြဳ ၁၆ ဂှ်မွဲအလန် နူကဵု ဂကောံလွပ်လွဟ်မွဲဂကောံ လုပ်ပန် ဗဒိုပ်ကင်ဒဒန်ဂှ်ရ။[၃]
သၞာံ ၂၀၂၃ ဂိတုနဝ်ဝေမ္ဗာ ၁၇ ဂှ် ဒပ်ပၞာန်ကရေင်ကေအေန်ယူ ကဵု ဒပ်ပဳဒဳအေပ်တအ် ပံင်တောဲတုဲ ခတိုဟ်ပလီုထောအ် ဒဒန်ၜါသွာင်ဝွံတုဲ ဒဒန်ဂှ် ကဝ်လီုအာရ။ နူစ ဂိတုနဝ်ဝေမ္ဗာ ၁၀ ဂှ် နကဵု ဒပ်ကရေင်ကေအေန်ယူ ကဵု ဒပ်ပဳဒဳအေပ်တအ် ပံင်တောဲတုဲ လုပ်ဗတိုက် ဒပ်ဗၠာဲသၟိင် မနွံ ပ္ဍဲကွာန်ၜါသွာင် ကေုာံ ဒပ်ကင် ဒဒန်ၜါသွာင်ဝွံတုဲ သီဂွံအာ ဒပ်ကင် ဂှ်ရ။[၄]
နိဿဲ[ပလေဝ်ဒါန် | ပလေဝ်ဒါန် တမ်ကၞက်]
- ↑ ၁.၀ ၁.၁ ၁.၂ "" မွန်နှင့်ကရင်ပြည်နယ်ကိုဆက်သွယ်ထားသည့် အတ္ထရံတံတား (ချောင်းနှစ်ခွ) အား KNU+ PDF တော်လှန်ရေးတပ်ဖွဲ့ မိုင်းခွဲဖျက်ဆီး"၊ Kaowao Newsgroup၊ 18 November 2023။
- ↑ ၂.၀ ၂.၁ ၂.၂ "မုဒုံ-မြဝတီလမ်းရှိ အတ္ထရံတံတား (ချောင်းနှစ်ခွ)"၊ Myanma Alinn Daily၊ 29 November 2014။
- ↑ "မုဒုံ-မြဝတီလမ်းရှိ အတ္ထရံတံတား (ချောင်းနှစ်ခွ)"၊ Myanmar Peace Monitor၊ 18 April 2022။
- ↑ "ကျိုက်မရောမြို့နယ် ချောင်းနှစ်ခွကျေးရွာရှိ အတ္ထရံတံတား (ချောင်းနှစ်ခွ) ဖျက်ဆီးခံရပြီး ပြိုကျ"၊ Eleven Media Group Co., Ltd.၊ 18 April 2022။