ဒြပ်မန် ကဵုနွံပ္ဍဲတဲမန်
"ပိုန်ဒြပ် ဒှ်သဇိုၚ်ဖောအ်ဗြေဝ်၊
ဖောအ်ဗြေဝ် ဒှ်သဇိုၚ်သိက္ခာမၞိဟ်သၠုၚ်
သိက္ခာမၞိဟ်သၠုၚ် ဒှ်သဇိုၚ်ၜိုဟ်လလံ
ၜိုဟ်လလံ ဒှ်သဇိုၚ်သၠးပွးဗၠးၜး"
"ပိုန်ဒြပ်မန်ဂှ် ဒှ်သဇိုၚ်ကဆံၚ်ကဆံၚ်ဍုၚ်မန်ဗၠးၜး"
အရာမ္ဂး ပရေၚ်ဍုၚ်ကွာန် ပရေၚ်ကောန်ဂကူမံက်ကၠုၚ် ပ္ဍဲအလဵုအသဳတၟိ သမ္မတနာဲတုၚ်ဇြုၚ်ဏအ် ဒၞဲါဒှ်ဂုဏ်ဖိုလ် ဒၞဲါဒှ်ရှ်ကြက်ဂှ် ဂကူမန်တအ် ဂၠာဲရံၚ်ဒဵုဆဵုညာတ်ညိ။
ရှ်ကြက်မံက်ကၠုၚ် နွံကၠုၚ်ရ။ ဆ္ဂး စိုတ်ဓာတ်မၚ်ကဵုဍေံ (အလဵုအသဳ) ကၠောန်ကဵု ဖန်ကဵုဂှ် ဒးဖအိုတ်ထောံပ္ဍဲက္ဍဟ်ပိုယ်ရ။
ကိစ္စပရေၚ်ဂကူမန် တၠပညာဗမာတအ်ကီု ရဲအလဵုအသဳတအ်ကီု တ္ၚဲလဵုဍေံဟွံချပ် ဍေံဟွံဖန်ကဵုရ ထ္ၜးကဵုသက်သဳမွဲရ။ လက်ထက် ဥုနု နူဂွံအလဵုအသဳအုပ်ဓုပ်ဍုၚ် ဟီုကၠုၚ်လ္ဒောဝ်မၞိဟ် မန်ကဵုဗမာတုပ်ပ်ရ။ သွက်ဒးဖန်ကဵု တွဵုရးဟွံမွဲ။ တၠပညာဝၚ်ဂကူဗမာမွဲ ချူထၟံက်လဝ် ပ္ဍဲလိက်ဝၚ်ညး တပူတဗဝ်ဂှ် ဂကူမန်ဟွံသေၚ်၊ ဒှ်ကောန်ဍုၚ် ပေါက္ခရဝတီဏောၚ်။ တၠပညာလကျာ်ဗၟာမွဲဇကု ချူလဝ်ပ္ဍဲဝၚ်ကျာ်လ္ဂုၚ် တပူတဗဝ်ဂှ် ဒှ်ကောန်ဍုၚ်ဗၟာမွဲရ။ ဒုၚ်ယၟု ကောန်ဍုၚ်ဗမာမ္ဂး ယၟုဂကူမန်လကျာ်ဂှ် ၚိတ်ကမၠက်ထောံရ။ ထံက်ကဵုဒဒှ်ဏအ်တုဲ သွက်ဝၚ်ဂကူမန်ဂွံကၠက်၊ သွက်ဂကူမန် ဂွံအိုတ်ဂှ် ဂကူဗၟာတအ် ဖန်မံၚ် သွာၚ်ညးကဵုညးဂှ် သၟတ်မန်ခေတ်တၟိ၊ သၚ်သၟတ်မန်တ္ၚဲဏအ် ဂကောံသၚ်မန်ဇၞော် မပ္တံ ရာမညနိကာယ၊ သံဃာနုဂ္ဂဟတအ် ဒးညာတ်ကေတ်ထေက်ရောၚ်။
ပ္ဍဲခေတ် ၂၁ ဗွဝ်ဏအ် ဗွိုၚ်ဂကူမန် သေဌဳတၠပိုန်ဒြပ် မံက်ကၠုၚ်ရ။ လညာတ်ပံက်ကၠုၚ် ဂၠာဲပိုန်ဒြပ်သၠုၚ်တိုန်ရ။
လညာတ်ပံၚ်ကောံ ဂွံဒှ်မွဲဇြဟတ်လေဝ် ဟွံဍန်ဂြေက် ဗီုခေတ်တြေံတေံရ။
ပရေၚ်ပံက်ဂၠံၚ် ဂၠာဲဒြပ်မန်ဂှ် ပ္ဍဲဂကူမန် မံက်ကၠုၚ် (၅) ဂကောံရ။ ဟွံဒးရပ်တမ်ရိုဟ် ပရဲပရၚ်မံက်ကၠုၚ် သွက်ဇကု သွက်ဂကူ ပံက်ဂၠံၚ်ဂၠာဲပိုန်ဒြပ်ရ။ ဂကောံတိတ်တရဴလ္ၚောဝ်ကျာ် ဍုၚ်ဗုဒ္ဓဂယာ၊ ဂကောံဟံသာမန်၊ ဂကောံမေတ္တာမန်၊ ဂကောံဝိသာခါ ဂကောံကုမ္ဗဏဳတၠမန် ဂကောံသဟာယမန် ပ္ဍဲဗွိုၚ်ဂကူမန် ဂကောံတိတ်တရဴ လ္ၚောတ်ကျာ် ဒှ်ကၠုၚ် ၅ ဂကောံတုဲရ။ ဂကောံတအ်ဏအ် ပါ်ထကး ပရးဂကူမန် ဟွံသေၚ်ရ။
"ညံၚ်ဗော်ပရေၚ်ဍုၚ်ကွာန် ပ္ဍဲဍုၚ်ပါ်ဒကး ဒှ်အာ ၜါ ဟွံသေၚ်ရ။ ညံၚ်ဂကောံသၚ် ပ္ဍဲမန် ပရးဒှ်မံၚ် ပိ ဟွံသေၚ်ရ။ ဂကူမန်တအ် တိတ်တရဴအာလ္ၚောဝ် ကျာ်ဗုဒ္ဓဂယာဂှ် ဂၠိုၚ်ကၠုၚ်မွဲသၞာံ လ္တူမွဲသၞာံရ။ သြန်ဂကူမန် ညံၚ်ဂွံသဳဗ္ၜောဝ်ဟပၠုပ် ပ္ဍဲတဲဂကူမန်မာန် ချပ်ညးသ္ကအ်တုဲ ပံက်ဂကောံ မွဲတုဲမွဲပၠန်ရ။
ဂကောဗီုဏအ်ဂၠိုၚ်ခ္ဍၚ် ခိုဟ်ခ္ဍၚ် ကုမ္ဗဏဳမံက်ဂၠိုၚ်ခ္ဍၚ် ခိုဟ်ခ္ဍၚ်၊ဂကူမန်တံ ပံၚ်ကောံညးသ္ကအ်တုဲ ကူဂတးသွံရာန်ဗၞိက်ဂၠိုၚ်ခ္ဍၚ် ခိုဟ်ခ္ဍၚ်၊ "ဂကောံ ကၠောန်ပရေၚ်ဍုၚ်ကွာန် ဖန်သွက်ဂကူ ထကးပြး ဒှ်ၜါဂှ် ဟွံခိုဟ်သက်က်ရ။
နိဿဲ[ပလေဝ်ဒါန် | ပလေဝ်ဒါန် တမ်ကၞက်]
လိက်အုပ်- အာရီုဆဌမ၊ နာဲအံၚ်ဇၞး (ရုတ္တံၚ်)။ တက်တြးပတိတ်နူ- MYNM။