ဓမ္မာဘိရတ၊ ဘာဂိုဏ်ယှိုယ်ကျေန်မန် ကွာန်လှာ
ဘာဓမ္မာဘိရတ မဒှ်ဘာလကျာ် ထေရဝါဒဗုဒ္ဓဘာသာ ဂိုဏ်ယှိုယ်ကျေန်မန်ဝွံ နွံ ပ္ဍဲကွာန်လှာ၊ ပွိုင်ဍုင်မုဟ်ဍုင်၊ တွဵုရးဍုင်မန်ရ။ ဘာဝွံ ကျာ်ဇၞော်အစာစန္ဒိမာ ဘာဂြိုပ် ကွာန်ဖအံက် ကေုာံ ကျာ်ဇၞော်ပုပ္ဖ ဘာဂြိုပ် ကွာန်ပါင်ကၟာ ညးၜါဇကုဝွံ ပသကိုပ်သကတုဲ ပ္တန်လဝ် နူသၞာံ ၁၉၅၄ ရ။[၁]
ဝင်[ပလေဝ်ဒါန် | ပလေဝ်ဒါန် တမ်ကၞက်]
ဘာဓမ္မာဘိရတဝွံ ကျာ်ဇၞော်အစာစန္ဒိမာ ကွာန်ဖအံက် ဘာဂြိုပ် ကေုာံ ကျာ်ဇၞော်ပုပ္ဖ ဘာဂြိုပ် ကွာန်ပါင်ကၟာ စပ္တန်လဝ် နူသၞာံ ၁၉၅၄ တုဲ ညးမကေတ်တာလျိုင် နဒဒှ် နွံပိုန်ဘာကိုပ်ကၠာအိုတ်ဂှ် ဒှ်ကျာ်ဇၞော်ဝါကၠောင် (သက္ကရာဇ် မပဒတဴ ၁၃၁၆ - ၁၃၁၇) နူကွာန်ကၟာဝက် ပဒတဴဒဂိုန်ဝှ် မွဲသၞာံတုဲ က္လေင်စဴအာ ကွာန်ကၟာဝက်၊ ကျာ်ဇၞော်သောဘိတ (သက္ကရာဇ် မပဒတဴ ၁၃၁၇ - ၁၃၂၂) နူကွာန်ပါင်ကၟာ ပဒတဴ လုကဴ ၆ သၞာံတုဲ က္လေင်စဴအာပၠန်။ နူဂှ် ကျာ်ဇၞော်စန္ဒိမာ (သက္ကရာဇ် မပဒတဴ ၁၃၂၃ - ၁၃၃၇) နူကွာန်ကၟာဝက် ပဒတဴ ပွိုင် ၁၄ သၞာံတုဲ စဴအာသွဝ်။ ကျာ်ဇၞော်ရာမညကေလာသ (သက္ကရာဇ် မပဒတဴ ၁၃၃၇ - ၁၃၃၈) ပဒတဴ ၁ သၞာံတုဲ ပြံင်တိုန်မံင် ဍုင်လ္ဂုင်။ ကျာ်ဇၞော်ရေဝတ (သက္ကရာဇ် မပဒတဴ ၁၃၃၈ - ၁၃၃၉) နူကွာန်သၞေဟ်ဗဒဝ် ပဒတဴ ဂွံ ၁ သၞာံတုဲ က္လေင်စဴကွာန်ဇာတိဇကု။ ကျာ်ဇၞော်သုန္ဓရ (သက္ကရာဇ် မပဒတဴ ၁၃၃၉ - ၁၃၄၂) ပဒတဴ ပွိုင် ၃ သၞာံ တုဲ က္လေင်စဴအာ ဌာန်ဇကုပၠန်။ ကျာ်ဇၞော်ရာမညကေလာသ (သက္ကရာဇ် မပဒတဴ ၁၃၄၂ - ၁၃၅၀) ကေတ်တာလျိုင် နဒဒှ် ကျာ်ဇၞော် ပွိုင် ၈ သၞာံတုဲ ပရေင်ကလိုက်ကမဵု ၈၈၈၈ က္တဵုဒှ် ချဳဓရာင် ဗွဲပေါဲဗတိုက် ၈၈၈၈ ဂှ်တုဲ ဒးလုပ်အာ ဍုင်သေံ၊ ဗွဲကြဴ ပြံင်လှာဲဘဝခရှ်တုဲ ပြံင်အာ ပဒတဴ ပ္ဍဲဍုင်ခနေဒါ။ ကျာ်ဇၞော်ဓမ္မသာရ ဆက်ကေတ်တာလျိုင် နဒဒှ် နွံပိုန်ဘာ လုကဴ ၃၄ သၞာံတုဲ စဴအာသွဝ် ပ္ဍဲသက္ကရာဇ် ၁၃၈၄ ဂိတုပုဟ် ၇ စွေက် (သၞာံ ၂၀၂၃ ဇာန္နဝါရဳ ၁၂) ရ။[၁] အခိင်ကျာ်ဇၞော်ဓမ္မသာရ မကော်ဂး ကျာ်ဇၞော်ကြောအ် မစဴသွဝ်ဂှ် ညးကလိဂွံ အာယုက်၆၄ သၞာံ ၄၄ ဝှ် တုဲ သဘင်ဖျဴသွဝ်ဂှ် ညးကၠောန်ဗဒှ်လဝ် ပ္ဍဲသၞာံ ၂၀၂၃ ဂိတုဇာန္နဝါရဳ ၁၇ ပ္ဍဲကွာန်လှာဂှ်ရ။[၂]
ကျာ်ဇၞော် မနွံပိုန်ဘာဂမၠိုင်[ပလေဝ်ဒါန် | ပလေဝ်ဒါန် တမ်ကၞက်]
- ကျာ်ဇၞော်ဝါကၠောင် ဇာတိကွာန်ကၟာဝက် (၁၃၁၆ - ၁၃၁၇)
- ကျာ်ဇၞော်သောဘိတ ဇာတိကွာန်ပါင်ကၟာ (၁၃၁၇ - ၁၃၂၂)
- ကျာ်ဇၞော်စန္ဒိမာ ဇာတိကွာန်ကၟာဝက် (၁၃၂၃ - ၁၃၃၇)
- ကျာ်ဇၞော်ရာမညကေလာသ ဇာတိကွာန်လှာ (၁၃၃၇ - ၁၃၃၈)
- ကျာ်ဇၞော်ရေဝတ ဇာတိသၞေဟ်ဗဒဝ် (၁၃၃၈ - ၁၃၃၉)
- ကျာ်ဇၞော်သုန္ဓရ ဇာတိ ဍုင်ရေဝ် (၁၃၃၉ - ၁၃၄၂)
- ကျာ်ဇၞော်ရာမညကေလာသ ဇာတိကွာန်လှာ (၁၃၄၂ - ၁၃၅၀)
- ကျာ်ဇၞော်ဓမ္မသာရ ဇာတိကွာန်လှာ (၁၃၅၀ - ၁၃၈၄)[၁]
နိဿဲ[ပလေဝ်ဒါန် | ပလေဝ်ဒါန် တမ်ကၞက်]
- ↑ ၁.၀ ၁.၁ ၁.၂ ရာမည, နာဲခိုင်ဝင် (January 15, 2023). " ဝင်ကျာ်ဇၞော်အစာဓမ္မသာရ ကဵု ဘာဓမ္မာဘိရတ၊ ကွာန်လှာ၊ ဗွဲခမၞောန်. Open.
- ↑ " သဘင်ဖျဴသွဝ် အန္တိမအဂ္ဂိဇျာပန. Open (January 15, 2023).