ဓမၚ်သုၚ်ဍာ်

နူ ဝဳကဳပဳဒဳယာ

ဓမၚ်သုၚ်ဍာ်[၁] (အၚ်္ဂလိက်: rainbow) ပ္ဍဲဥတုကသီု လဆောဝ်လဆောဝ် ဂွံညာတ်ကေတ် ဓမၚ်သုၚ်ဍာ် ပ္ဍဲလ္တူဂၠးအာကာသရ၊ သာ်အရံၚ် ဓမၚ်သုၚ်ဍာ် သာ်ကဴခ္ဍၚ်၊ သာ်မာဲ၊ သာ်ဍီု၊ သာ်တ္ၚေက်၊ သာ်မိတ်၊ သာ်လမဴ၊ သာ်ဗ္ကေတ် နွံတဴထပှ်အရံၚ်ရ။ ဓမၚ်သုၚ်ဍာ် ဂွံဆဵုပ္ဍဲလ္တူဂၠးအကာသဂှ် တၞဟ်သာ်ဟွံသေၚ်ရ၊ ပသာန်တ္ၚဲ ပန်တတ်အာ အကြာကောန်ကဴဗြဲ သဲသဲတအ်ဂှ်တုဲ အရံၚ်လျးပၠတိတ်ကၠုၚ် ကဝါၚ်ဒၟံၚ်ညံၚ်ဇဵုတ္ၚဂှ် ကော်ခဴစဓမသုၚ်ဍာ်ရ၊ နကဵုဝေါဟာရမန် ပ္ညပ်ကော်ခဴလဝ်ရောၚ်၊ ဓမၚ်မတွံဂး သတ်နွံကဵုလမျီု ထၚ်ဍာ်တုဲ စှ်ေသုၚ်ဍာ်ဟွံသေၚ်။ ဓမၚ်သုၚ်ဍာ်ဂှ် နတဲကၠောန်ထ္ၜးမာန်ရ၊ ကေတ်ပ္ၚာန်ဇိုၚ်စိၚ်မွဲတုဲ စုတ်ဍာ်၊ ပ္ဍဲဍာ်ဂှ် ဗလိုက်လဝ် ဒ္ၚောဝ်ဗ္ဒကဝက်တုဲ ဂတးလံက်တ္ၚဲညိ၊ လျးတ္ၚဲပန်တိတ်ကၠုၚ်နူဍာ်ဂှ် ဒုၚ်ရပ်ကေတ် နကဵုစက္ခူဗုဗုမ္ဂး ပ္ဍဲစက္ခူဗုဗုဂှ် ဂွံဆဵုကေတ်ဓမၚ်သုၚ်ဍာ် သာ်ဇဳရောၚ်၊ သ္အာၚ်နူဂှ် ခၜမ်ဍာ်တုဲ ပြောပ်ပ္တိုန်လံက်ပသာန်တ္ၚဲတုဲရံၚ်ညိ၊ ဂွံဆဵုကေတ် ဓမၚ်သုၚ်ဍာ်ကီုရောၚ်။

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. လိခ်ဗွဟ်မန်တၟိ-အုပ်ဒုတိယ (၁၉၈၅) ဗော်ဒုၚ်ကာလိခ်ပတ်ယေန်သၞာၚ်မန်၊ကွာန်ကံဗိန်။ မုက်လိက် ၁၈-၁၉ ။