ဓရေဲ

နူ ဝဳကဳပဳဒဳယာ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

ဓရေဲ
Baccaurea ramiflora, Burmese Grape.jpg
Baccaurea ramiflora
မပါ်ဂကူ အတိုင်နဲသိပ္ပံ
လောက: Plantae
လပါ်ဂကူ: Tracheophytes
ဂကောံဂကူ: Angiosperms
Subclass: Eudicots
လၟေင်ဂကူ: Malpighiales
ဇာတ်ဂကူ: Phyllanthaceae
လစှ်ေဇာတ်ဂကူ: Malvoideae
ဗဳဇဂကူ: Baccaurea
လစှ်ေဂကူ: ramiflora
Lour., 1790

ဓရေဲ (Baccaurea ramiflora,[၁]the Burmese grape,)[၂] ဂှ် ဒှ်တၞံမဇၞော်လဇုဲ သၚေက်လၟိုန် မလုပ်လၟိဟ် ဂကောံတၞောဝ် ဂကူ (Phyllanthaceae) သၠုင် စဵုကဵု ၂၅ မဳတာနွံကဵု ကၞာင်သဓီု၊ သၞောက်ကြဳရ။ တၞံဏအ်ဂှ် ဂွံဆဵုကေတ် အလုံတိုက်အာရှ ဗွဲမဂၠိုင် တဵုလွဳဒၟံင် ပ္ဍဲဍုင်မန်ဗၟာ၊ ကမ္ဘောဒဳယယာ၊ လဴ၊ ဝဳယေတ်နာမ်၊ အိန္ဒိယ၊ ဗင်္ဂလာဒေသ် ကေုာံ မလေရှာရ။[၃] တၞံဓရေဲဂှ် ဒှ်တၞံမသၚေက်လၟိုန် မတိုန်ဒၟံင် ပ္ဍဲကဵုဂြိုပ် ဂကူတိနာနာသာ်ရ။ ၜိုတ်ဂိတုမာဃ် ဖဝ်ရဂိုန်မ္ဂး ပ္တိတ်ကဴတုဲ ၜိုတ်ဂိတု စဲ ပသာ်မ္ဂး သတ်ဍုဟ်ရ။ သတ်ဍေဟ်ဂှ် ၜဟ်စ နဒဒှ် သတ်ဆု၊ မနွံကဵု ဓရေဲ တောဲဇုက် (ဂစိုက်) ဂှ်ရ နကဵု ဗီုမန် ညးကော်စ ဓရေဲရ။ သတ်ဓရေဲဂှ် ပ္ဍဲဂဥုဲလေဝ် စကာဒၟံင် သွက်ဂွံ လွဳယဲစၞာံကီုရ။ သကောဝ် (ခၞောက်)၊ ရိုဟ် ကေုာံ ဆုဍေဟ်ဂှ် ညးကေတ်တုဲ ကၠောန်ဂဥုဲ နွံကီုရ။

သတ်ဓရေဲဂှ် နွံကဵုဗီုပြင် ခ္ဍမ်ခ္ဍမ် ကာလကြံင် ဒှ်အာသာ်သၚေက်တုဲ ကာလဍုဟ် ဒှ်အသာ်ဍာ်မိတ် ဇမၞော်ဍေဟ် နွံအကြာ ၂.၅-၃.၅ ဇြေန်ဒဳမဳတာ ဗွဲလၞင်၊ ခၞောက်လပ္ါ်ပ္ဍဲဂှ် ဒှ်ဒၟံင် အသာ်ဗကေတ်ၜတ်တ်တုဲ ဖျုန်ဍေဟ် အပ္ဍဲဂှ် နွံစ ပိနှဳဂှ် စရ။ ဇၟာပ်ပ်နှဳဂှ် နွံကဵု မ မွဲမွဲမအိုတ်ရ။ သတ်ဓရေဲဂကူလ္ၚဵုဂှ် သတ်ဍေဟ် နွံရှ်ဍာတ်ဖျးတုဲ ဂကူလ္ၚဵုဂှ် နွံဆရှ်ဖျးသၟးရ။ ဓရေဲဂှ် တဵု နကဵုမဍေဟ်လေဝ်ဂွံ၊ ဟွံသေင်မ္ဂး တန်ကေတ် ကၞာင်ဍေဟ်တုဲ တဵုလေဝ်ဂွံရ။

Ripe fruits of Burmese grapes

သတ်ဍေဟ်ၜိုဟ်တုဲ စွံဂွံ စဵုကဵု ၄-၅ တ္ၚဲ၊ ၜိုဟ် ဟွံသေင်မ္ဂး တုင်ကဵု ၜဵု ကၠောန်ဓရေဲကွုင်တုဲ စုတ်ကဵု စေဟ်မ္ဂး စွံဂွံ တၟာလအ်ကီုရ။


နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. Lour. (1790) In: Fl. Cochinch.: 661
  2. "Baccaurea ramiflora". Germplasm Resources Information Network (GRIN). Agricultural Research Service (ARS), United States Department of Agriculture (USDA). Retrieved 4 June 2018.
  3. Baccaurea ramiflora - Useful Tropical Plants.
ကလေင်သီကေတ်လဝ် နူ "https://mnw.wikipedia.org/w/index.php?title=ဓရေဲ&oldid=16635"