နာဲလိန်

နူ ဝဳကဳပဳဒဳယာ


နာဲလိန်ဝွံ က္တဵုဒှ်မၞိဟ် ပ္ဍဲသက္ကရာဇ်ဍုၚ် ၁၃၁၅ ဂိတုဒဂိုန်ပထမ ၉ မံက်တ္ၚဲသဝ် ပ္ဍဲဇရေၚ် နာဲကၠေတ် မိအာတ် ကွာန်ကအ်ဇၞော် ပွိုၚ်ဍုၚ်ကျာ်မြဟ် တွဵုရးဍုၚ်မန်ရ ကောန်မွဲမိ နွံမံၚ် ၅ တၠ ပၞောန်ကဵု ၅ တၠဂှ် နာဲလိန်ဒှ်ကောန်မရနုက်ကဵု ၃ မဒှ်ရ နာဲလိန်ဝွံ အခါဂွံအာယုက် ၅ သၞာံဂှ်မါမညး ပြံၚ်အာမံၚ်ကွာန်ကြုၚ်ဝါန်တုဲ အခါဂွံအာယုက် ၁၀-၁၁ သၞာံက္လေၚ်စဴကၠုၚ်ကွာန်ကအ်ဇၞော်ဏံပၠန်ရ နာဲလိန်ဂှ် ဟိုတ်နူ ဟွံဍုက်ကေဝ်ကုသ္ကအ်ရဲ ကွာန်ကအ်ဇၞော်တုဲ ဂြိပ်စဴကြုၚ်ဝါန်မွဲနှေံနှေံတုဲ မိမညး အာအပ်ထောံဘာ ကွာန်ကအ်ဇြဲ ဘာဗၟံက်ရ နာဲလိန်အခါဂွံအာယုက် ၁၅-၁၆-သၞာံဂှ် တိတ်နူဘာတုဲကၠောန်မံၚ်ဗ္ၚအဖဝ်အပါဇကုရ။ နာဲလိန်၈ွံအာယုက် ၁၈ သၞာံဂှ် ဆဵုဒးမိဒ္ဒါန် နူကွာန်ကအ်ဇြဲ မၞုံယၟု မိၚိုဲသြတုဲ စှ်ေအာဒၞာဲ အိန်ထံၚ်ပံၚ်အာစဵုကဵုတ္ၚဲဏံရ နာဲလိန်ကုမိၚိုဲသြဝွံ နူစစှ်ေဒၞာဲတုဲ ကၠောန်ကမၠောန် ဂယိုၚ်ဗုၚ်ဂၞဴ နကဵုသုစရိုတ် မတွံဂး ကမၠောန်ဗ္ၚစဵုကဵုတ္ၚဲဏံလေဝ် ကၠောန်မံၚ်ဗ္ၚဖိုဟ်ဏီ နာဲလိန်မိၚိုဲသြ ပတူအိန်ထံၚ်တုဲ ကလိဂွံကောန် ၈ တၠရ ကောန်မရနုက်ကဵု ၄ ဂှ်ဒှ်တြုံတုဲမရနုက်ကဵု ၆ ဂှ်ကောန်တြုံပၠန်ရ

ကလေၚ်သီကေတ်လဝ် နူ "https://mnw.wikipedia.org/w/index.php?title=နာဲလိန်&oldid=26280"