ပရေၚ်တဵုလွဳကေုာံပရေၚ်လွဳပရာကဵုဘဝကောန်ဂကူမန်ပိုဲ

နူ ဝဳကဳပဳဒဳယာ

ပရေၚ်တဵုလွဳကေုာံပရေၚ်လွဳပရာကဵုဘဝကောန်ဂကူမန်ပိုဲ


ပရေၚ်တဵုလွဳကေုာံပရေၚ်လွဳပရာဟီုမ္ဂးဂှ်တှ်ေ ကိတ်ညဳဒၟံၚ်ကဵုဘဝပိုဲကောန်ဂကူမန်တအ်ဗွဲမလောန်ရ၊ တ္ၚဲဏံစိုပ်ကၠုၚ်အခေတ်တောတက်နာနာသာ်တုဲ ပရေၚ်တဵုလွဳကေုာံပရေၚ်လွဳပရာပ္ဍဲကဵုကောန်ဂကူမန်ပိုဲတအ်ဂှ်လေဝ် ဒးနွံကဵုနဲကဲဗဂဵုလဟဵုသွာၚ်ဏံညံၚ်သ္ဂောံဂတာပ်အခေတ်ဏောၚ်မှ တိဍာ်ဝါဗ္ၚကၠအ်မန်ပိုဲတံတ္ၚဲဏံဂှ်လေဝ်နွံကၠုၚ်ကဵုၚုဟ်မးမာန်ရ။

ယဝ်ရဟီုစိုပ်အာသွာၚ်ပရေၚ်တဵုလွဳကေုာံပရေၚ်လွဳပရာပ္ဍဲကဵုကောန်ဂကူမန်ပိုဲဟီုဂှ် သွာၚ်လဵုမွဲလေဝ်ဂွံလုပ်စိုပ်ကဵုကေတ်ကသပ်ဂၞန်နဲကဲဗဂဵုလဟဵုနာနာတံဂှ်ဟွံမွယ်တုဲ ဟိုတ်သာ်ဏံဟေၚ်ရဒှ်ဓဝိၚ်သွက်ကောန်ဂကူမန်ပိုဲဂမျိုၚ်အာလမျီုနကဵုပရေၚ်တဵုလွဳကေုာံပရေၚ်လွဳပရာကၠအ်ဝါဗ္ၚတံဇၞော်ကဵုဒြဟတ်ကီုရ။

သွာၚ်ပရေၚ်တဵုလွဳကေုာံသွာၚ်ပရေၚ်လွဳပရာပ္ဍဲကောန်ဂကူမန်ပိုဲယဝ်ရဂကောံလဵုမွဲသွာၚ်လဵုမွဲဟွံလုပ်ကဵုအရီုဗၚ်ဗဂဵုလဟဵုမ္ဂးတှ်ေ သွက်ညးဍုၚ်ကွာန်တံဂှ်လေဝ် အိုတ်ပိုတ်ကၠုၚ်နဲကဲနာနာသာ်ပ္ဍဲပရေၚ်တဵုလွဳတံဂှ်တုဲ ခြာဟွံလအ်ဟေၚ် တိကၠအ်ဝါဗ္ၚမန်ပိုဲတံဂှ်ဒှ်အာဒြပ်ညးတၞဟ်စိုပ်အာသၟဝ်တဲဂကူညးတၞဟ်အိုတ်ရ၊ ယဝ်ရပိုဲတံရံၚ်အာကဵုဍုၚ်တောတက်တံဂှ်ဏောၚ်တှ်ေ သွာၚ်ပရေၚ်ဗဂဵုလဟဵုဏံလေဝ်ဒှ်ရိုဟ်ကၞက်ပရေၚ်ဂီုကၠီုပရေၚ်ဗုၚ်ဂၞဴညးဍုၚ်ကွာန်တံအဓိကဇၞော်မွဲသွာၚ်တုဲထေက်ကဵုဝိုတ်ထောံဟွံဂွံရ။

ဗီုဂကူညးတၞဟ်ဗဂဵုလဟဵုအရီုဗၚ်ဂွံဂတာပ်အခေတ်ကီုလေဝ် သွက်မန်ပိုဲဏံဂှ်တှ်ေ ၜိုတ်ဒြဟတ်မန်နွံဂှ်လေဝ် ထေက်ကဵုဒးကဵုဖျုန်လပါ်ပရေၚ်တဵုလွဳကေုာံပရေၚ်လွဳပရာညးဍုၚ်ကွာန်တံဂွံကီုရ၊ တ္ၚဲဏံရံၚ်အာပ္ဍဲမန်ပိုဲဏောၚ်တှ်ေ သွာၚ်ပရေၚ်တဵုလွဳကေုာံပရေၚ်လွဳပရာဂကောံကၠးကၠးရုပ်ရဴနွံနွံဂှ်ဟွံကေၚ်ဆဵုတုဲ သွာၚ်တံဏံလေဝ်ဒှ်အရီုဗၚ်ညးဍုၚ်ကွာန်တံမၚ်ဒၟံၚ်သက်ဟီုဟွံမွယ်ရ၊ ပိုဲတီမံၚ်ရတှ်ေ ဘဝကောန်ဂကူမန်ပိုဲဗွဲမဂၠိုၚ်ဂှ်တှ်ေ စွံလဝ်ဘဝပ္ဍဲပရေၚ်တဵုလွဳဖအိုတ်တုဲ တ္ၚဲဏံဂတာပ်ကၠုၚ်အခေတ်မွဲပၠန်ယျဏောၚ်တှ်ေ ပရေၚ်လွဳပရာနာနာတံဂှ်လေဝ်ကၠောန်ဂွံဂတာပ်အခေတ်ကွေံကွေံရ။

ပ္ဍဲကဵုဂကူမန်ပိုဲ ယဝ်ရသွာၚ်ၜါဏံနွံကၠုၚ်ကဵုရုပ်ရဴကၠးကၠးဇေတ်ဇေတ်ဏောၚ်တှ်ေ ပရေၚ်တဵုလွဳကေုာံပရေၚ်လွဳပရာကောန်ဂကူမန်ပိုဲလေဝ်တောတက်ဂတာပ်ကၠုၚ်အခေတ်ယျဏောၚ်တှ်ေ ပရေၚ်မံၚ်စံၚ်ဂကောံအိန်ထံၚ်ကောန်ဂကူမန်ပိုဲတအ်ဂှ်လေဝ် ပြသၞာဒးအာတိတ်ကၠောန်စဍုၚ်ညးတၞဟ်ဂှ်နွံအောန်ကၠုၚ်တုဲ အလန်ဏံတှ်ေ ကမၠောန်မန်မန်ရဗဂဵုလဟဵုကေတ်ကေတ် သြန်မန်မန်ရကဵုမန် ကပေါတ်မန်ဂကူညးတၞဟ်ဒးရာန်သုၚ်စောဲစကာရာန်စအိုတ်တုဲ ဣဏံဟေၚ်ရသွာၚ်နဲကဲဗဂဵုလဟဵုဂကူမွဲဂှ်လေဝ်ဆေၚ်စပ်မံၚ်ကဵုပရေၚ်တဵုလွဳကေုာံပရေၚ်လွဳပရာကောန်ညးဍုၚ်ကွာန်တံဇၞော်ကဵုဒြဟတ်အိုတ်တုဲထေက်ကဵုဒးဗဂဵုလဟဵုညံၚ်ဂွံဂတာပ်အခေတ်မာန်တှ်ေ ဒဒိုက်မန်လေဝ်သာအောန်ကၠုၚ်တုဲ အခိၚ်ဏံဟေၚ်ဆဵုကေတ်ရၚုဟ်မးပရေၚ်တဵုလွဳကေုာံပရေၚ်လွဳပရာညးဍုၚ်ကွာန်တံမန်ပိုဲတအ်ကၠးကၠးရ။


နိဿဲလဝ်နူပရေၚ်ဆဵုဂဗလၟေၚ်လၟေၚ်တ္ၚဲ ။