ပလိုက်၊ က

နူ ဝဳကဳပဳဒဳယာ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

ကပလိုက်
Harpadon nehereus (by Hamid Badar Osmany).jpg
မပါ်ဂကူ အတိုင်နဲသိပ္ပံ
လောက: Animalia
လပါ်ဂကူ: Chordata
ဂကောံဂကူ: Actinopterygii
လၟေင်ဂကူ: Aulopiformes
ဇာတ်ဂကူ: Synodontidae
ဗဳဇဂကူ: 'Harpadon'
လစှ်ေဂကူ: ''H. nehereus''
ယၟုရုက္ခဗေဒ
Harpadon nehereus
(F. Hamilton, 1822)

ကပလိုက် (အၚ်္ဂလိက်: Bombay duck, bummao, Burmese: ငါးနှပ်) ဂှ် ကသၟတ်မွဲဂကူတုဲ ကအာယုက်စိုပ်မွဲမ္ဂး နွံ ဇမၠိင်စဵုကဵု ၄၀ ဇြေန်ဒဳမဳတာ၊ ဗွဲမဂၠိုင်မ္ဂး နွံဇမၠိင် ၂၅ ဇြေန်ဒဳမဳတာရ၊၊[၁]

ဂမ္စာဲ ကေုာံ တမ္ၚာ[ပလေဝ်ဒါန် | ပလေဝ်ဒါန် တမ်ကၞက်]

ကပလိုက် မံင် ပ္ဍဲဒေသဓါတ်ဂမ္တဴ ပ္ဍဲကဵုၜဳအေန်ဒဝ်-ပသဳဖိစ်၊၊ ကပလိုက်ဂှ် ဂွံဆဵုကေတ် ပ္ဍဲမွဲဒမြိပ် ဇိုင်သြင်ၜဳအိန္ဒိယ ဍုင်ရးအာရှဂမၠိုင်ရ၊၊ ပ္ဍဲသၞေဟ်ၜဳအိန္ဒိယ၊ သိရိလင်္ကာ၊ ဗေင်္ဂလာဒေသ်၊ ပ္ဍဲၜဳကြုက်သၠုင်ကျာ ကေုာံ ဒေသရးမန်တအ်ဂှ် ရပ်သွံပ္တိတ်ဒၟံင်ရ၊၊[၂]

ကပလိုက်ဂှ် ဗွဲမဂၠိုင် ရပ်ဂွံတုဲ စုတ်ၜဵုတုဲ စဲပ္တိတ် ကဇမ္ကဟ် (ကကှ်ကှ်)တုဲ ပလံင်သွံဒၟံင် အလုံလိုက်ရ၊၊ ကပလိုက်ဍုက်က်ဂှ် ဗွဲမဂၠိုင် ဍုန်စ သွသောတ် ရိင်င်ဖျးဖျးရ၊၊

ဗွဝ်ဖျာ ပ္ဍဲဂၠးတိ[ပလေဝ်ဒါန် | ပလေဝ်ဒါန် တမ်ကၞက်]

ဗီုစဲဒၟံင် ကပလိုက် ပ္ဍဲမ္ၚး
ကပလိုက်ဇမ္ကဟ် မသွံဒၟံင် ပ္ဍဲဖျာက ဍုင်အိန္ဒိယ မဟာရရှတြ

ကပလိုက်ဇမ္ကဟ် နူအိန္ဒိယ ပၠုပ်ဒၟံင် ဍုင်ယူကေ ၜိုတ် ၁၃ တာန်ရ၊၊ ပ္ဍဲသၞာံ ၁၉၉၆ ဂှ် ကမ္မရှေန်ယူရောပ် (European Commission) ကၟာတ်လဒဵု ဟွံကဵုအခေါင် ပၠုပ်က မကလောအ်လဝ် နကဵုဍာ်ကလောအ် ကေုာံ စုတ်ကဠာ နူအိန္ဒိယ မကၠောန်ပ္တိတ် နူရုင်စက်တအ်ရ၊၊ ဆဂး ကပလိုက်ဇမ္ကဟ်ဂှ် ကၠောန်ပ္တိတ် နူကဵုရုင်စက် ဟွံသေင် မစဲဗကှ် ပ္ဍဲကဵုသၠာတ်တုဲ ဆကပလိုက်မွဲဟေင် ဂွံအခေါင်ပၠုပ်ရ၊၊ [၃] ပ္ဍဲခနေဒါ ပ္ဍဲဍုင် ဗီုကဵုတဝ်ရောန်တဝ် ကဵု မောန်တြေလ် မဒှ်ဍုင် ကောန်အိန္ဒိယမပဒတဴဂၠိုင်တအ်ဂှ် ကပလိုက်ခၞေက် ရာန်ဂွံရ၊၊

နိဿဲ[ပလေဝ်ဒါန် | ပလေဝ်ဒါန် တမ်ကၞက်]


  1. FishBase - Harpadon nehereus https://www.fishbase.se/Summary/SpeciesSummary.php?ID=260&AT=bombay+duck
  2. "Harpadon nehereus". Integrated Taxonomic Information System. Retrieved 18 April 2006.
  3. "Save Bombay Duck". Bombay-duck.co.uk. 2003-12-16. Retrieved 2009-07-25.