ပိဋကတ်ဘာသာမန် (ပါဠိမဟာဝဂ် သကုတ်−၂)
၆။ ဘေသဇ္ဇက္ခန္ဓက
[ပလေဝ်ဒါန် | ပလေဝ်ဒါန် တမ်ကၞက်]၁၆၀။ ဂဥုဲမသုန်သာ်
[ပလေဝ်ဒါန် | ပလေဝ်ဒါန် တမ်ကၞက်]၂၆၀။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ကုခမဳဂမၠိုၚ် မတၟတ်ဒွံဒး နကဵုယဲကၠၚ်ကၟတ်မလေပ်ဒှ် ပ္ဍဲအခိၚ်ဂိတုကထိုန်ဂှ် ယာဂုမဂပ်ဝ် သုၚ်လေဝ် ဇအအ်တိတ်ရ၊ ပိဏ္ဍပါတ်မဂပ်ဝ်ပြဘိုဂ်လေဝ် ဇအအ်တိတ်ရ။
ခမဳဂမၠိုၚ်ဂှ် နမဇအအ်တိတ်သာ်ဂှ်ရ ဇြာဲသကှ်အိုတ်ရ၊ ဖျုန်ဆီဒေက်ခ္ဍေက်အိုတ်ရ၊ ရုပ်သာ်လီုလာ်အိုတ်ရ၊ မၞုံကဵုသာ်ဇကုဖျိုဟ်ဖျေဟ် သၟဟ်ညံၚ်တၞးဆုဍုဟ်ဍုဟ်အိုတ်ရ၊ မၞုံကဵုဇကုဓရံၚ် ဇာလတေၚ်မံၚ်ထေၚ်ဒၟံၚ် (သၟဟ်ညံၚ်လးပၠးလဝ်ဇာနှိက်) အိုတ်ရ။ တဳလမၞုံပိုဉ်ကျာ်တြဲသ္ဂောံဆဵုညာတ်ကေတ် ခမဳဂမၠိုၚ် မဇြာဲသကှ် ဖျုန်ဆီဒေက်ခ္ဍေက် ရုပ်သာ်လီုလာ် မၞုံကဵုသာ်ဇကုဖျိုဟ်ဖျေဟ် သၟဟ်ညံၚ်တၞးဆုဍုဟ်ဍုဟ် မၞုံကဵုဇကုဓရံၚ် ဇာလတေၚ်မံက်ထေၚ်ဒၟံၚ် (သၟဟ်ညံၚ်လးပၠးလဝ်ဇာနှိက်)ဂှ်တုဲ “ယွံအာနန္ဒ မုဟိုတ် ပ္ဍဲအခိၚ်လၟုဟ် ခမဳဂမၠိုၚ် ဇြာဲသကှ်အိုတ်ရော? ဖျုန်ဆီဒေက်ခ္ဍေက်အိုတ်ရော? ရုပ်သာ်လီုလာ်အိုတ်ရော? မၞုံကဵုသာ်ဇကုဖျိုဟ်ဖျေဟ် သၟဟ်ညံၚ်တၞးဆုဍုဟ်ဍုဟ်အိုတ်ရော? မၞုံကဵုဇကုဓရံၚ် ဇာလတေၚ်မံက်ထေၚ်ဒၟံၚ် (သၟဟ်ညံၚ်လးပၠးလဝ်ဇာနှိက်) အိုတ်ရော?” ရဴဝွံ သၟာန်တဳလပိုဉ်အာနန္ဒရ။
ယွံတဳလမၞုံပိုဉ် ပ္ဍဲအခိၚ်လၟုဟ် ကုခမဳဂမၠိုၚ် မတၟတ်ဒွံဒး နကဵုယဲကၠၚ်ကၟတ် မလေပ်ဒှ် ပ္ဍဲအခိၚ်ဂိတုကထိုန်ဂှ် ယာဂုမဂပ်ဝ်သုၚ်လေဝ် ဇအအ်တိတ်ရ၊ ပိဏ္ဍပါတ်မဂပ်ဝ်ပြဘိုဂ်လေဝ် ဇအအ်တိတ်ရ။ ခမဳဂမၠိုၚ်ဂှ် ဟိုတ်မဇအအ်တိတ်သာ်ဂှ်ရ ဇြာဲသကှ်အိုတ်ရ၊ ဖျုန်ဆီဒေက်ခ္ဍေက်အိုတ်ရ၊ ရုပ်သာ်လီုလာ်အိုတ်ရ၊ မၞုံကဵုသာ်ဇကုဖျိုဟ်ဖျေဟ် သၟဟ်ညံၚ်တၞးဆုဍုဟ်ဍုဟ်အိုတ်ရ၊ မၞုံကဵုဇကုဓရံၚ်ဇာလတေၚ်မံက်ထေၚ်ဒၟံၚ် (သၟဟ်ညံၚ်လးပၠးလဝ်ဇာနှိက်) အိုတ်ရ ရဴဝွံ (ဂရၚ်ပတီရ)။ ပ္ဍဲအခိၚ်ဂှ် ကုတဳလပိုဉ်ကျာ်တြဲ ပြာပ်အာဌာန်လ္ၚုသ္ၚိတ်ဇြတုဲ မပဒတဴဒၟံၚ်ဗွဲမသ္ၚိတ်ဇြဂှ် “ပ္ဍဲအခိၚ်လၟုဟ် ကုခမဳဂမၠိုၚ် မတွတ်ဒွံဒး နကဳုယဲကၠၚ်ကၟတ် မလေပ်ဒှ် ပ္ဍဲအခိၚ်ဂိတုကထိုန်ဂှ် ။ ပ ။ မၞုံကဵုဇကုဓရံၚ်ဇာလတေၚ်မံၚ်ထေၚ်ဒၟံၚ်အိုတ်ရ၊ အဲမူရဴသာ်လဵု ဂွံကဵုအခေါၚ်ဂဥုဲ ကုခမဳဂမၠိုၚ်ရော? ဍေံဂှ် ဂဥုဲလေဝ်ဒှ်ရ၊ ဂကောံမၞိဟ်လေဝ် သၟိတ်ဂးဂဥုဲရ၊ ဖဵုအာဟာရလေဝ် စိုပ်ဒတုဲကဵုရ၊ စၞအာဟာမကြံၚ်မ္ၚိုဟ်လေဝ် ဟွံသေၚ်ရ” ရဴဝွံ ကသပ်စိုတ်ဒှ်ရ။ ပ္ဍဲကြဴနူဂှ် “ဂဥုဲဂမၠိုၚ်မသုန်သာ် မတွံဂးကၠေၚ်သွဟ် ကၠေၚ်တၟိ ကၠေၚ် ဍာ်သာဲ တၚ်လာဲဝွံ ဂဥုဲလေဝ်မ္ဂးအိုတ်ရ၊ ဂကောံမၞိဟ်လေဝ် သၟိတ်ဂးဂဥုဲရ၊ ဖဵုအာဟာရလေဝ် စိုပ်ဒတုဲကဵုအိုတ်ရ၊ စၞအာဟာမကြံၚ်မ္ၚိုဟ်လေဝ် ဟွံသေၚ်ရ၊ ဂဥုဲဂမၠိုၚ်မသုန်သာ်ဝွံ ဒုၚ်ဗဂိန် ပ္ဍဲအခိၚ်နူဂယးတုဲ တၞဟ်နစပ္ဍဲအခိၚ်နူဂယး အဲဂွံကဵုအခေါၚ် ကုခမဳဂမၠိုၚ်မ္ဂး ခိုဟ်သန်ရ” ရဴဝွံ ကသပ်ဒှ် ကုတဳလမၞုံပိုဉ်ကျာ်တြဲရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ဒၠိုက်ကတဵုနူဒၞဲါမသတၚ်ဒၟံၚ်တုဲ ဟိုတ်နူဟိုတ်အရာဝွံ တွံကဵုဂလာန်ဓရ်တုဲမ္ဂး “ယွံခမဳတအ် ကုအဲ ပြာပ်အာဌာန်လ္ၚုသ္ၚိတ်ဇြတုဲ ပဒတဴဒၟံၚ်ဗွဲမသ္ၚိတ်ဇြဂှ် ‘ပ္ဍဲအခိၚ်လၟုဟ် ကုခမဳဂမၠိုၚ် မတၟတ်ဒွံဒး နကဵုယဲကၠၚ်ကၟတ် မလေပ်ဒှ် ပ္ဍဲအခိၚ်ဂိတုကထိုန်ဂှ် ယာဂုမဂပ်ဝ်သုၚ်လေဝ် ဇအအ်တိတ်ရ၊ ပိဏ္ဍပါတ်မဂပ်ဝ်ပြဘိုဂ်လေဝ် ဇအအ်တိတ်ရ။ ခမဳဂမၠိုၚ်ဂှ် ဟိုတ်မဇအအ်တိတ်သာ်ဂှ်ရ ဇြာဲသကှ်အိုတ်ရ၊ ဖျုန်ဆီဒေက်ခ္ဍေက်အိုတ်ရ၊ ရုပ်သာ်လီုလာ်အိုတ်ရ၊ မၞုံကဵုသာ်ဇကုဖျိုဟ်ဖျေဟ် သၟဟ်ညံၚ်တၞးဆုဍုဟ်ဍုဟ်အိုတ်ရ၊ မၞုံကဵုဇကုဓရံၚ်ဇာလတေၚ်မံက်ထေၚ်ဒၟံၚ်အိုတ်ရ၊ အဲ မုရဴသာ်လဵု ဂွံကဵုအခေါၚ််ဂဥုဲ ကုခမဳဂမၠိုၚ်ရော? ဍေံဂှ် ဂဥုဲလေဝ် ဒှ်ရ၊ ဂကောံမၞိဟ်လေဝ် သၟိတ်ဂးဂဥုဲရ၊ ဖဵုအာဟာရလေဝ် စိုပ်ဒတုဲကဵုရ၊ စၞာအာဟာရ မကြံၚ်မ္ၚိုဟ်လေဝ် ဟွံသေၚ်ရ” ရဴဝွံ ကသပ်စိုတ်ဒှ်ရ။ ယွံခမဳတအ် ကုအဲဂှ် ။ ပ ။ ဂဥုဲဂမၠိုၚ် မသုန်သာ်ဝွံ ဒုၚ်ဗဂိန် ပ္ဍဲအခိၚ်နူဂယးတုဲ တၞဟ်စပ္ဍဲအခိၚ်နူဂယး အဲဂွံကဵုအခေါၚ် ကုခမဳဂမၠိုၚ်ဂှ်မ္ဂး ခိုဟ်သန်ရ” ရဴဝွံ ကသပ်ဒှ်ရ။ ယွံခမဳတအ် ဂဥုဲမဂမၠိုၚ်မသုန်သာ်ဂှ် ဒုၚ်ဗဂိန် ပ္ဍဲအခိၚ်နူဂယးဂှ်တုဲ တၞဟ်နပြဘိုဂ် ပ္ဍဲအခိၚ်နူဂယး ကဵုအခေါၚ်ရ” ရဴဝွံ (သ္ဂးရ)။ (သမ္တီ-ပ္ဍဲပါဠိဟွံခ္ဍန် ဗၟာခ္ဍန်လဝ်ရ)
၂၆၁။ ပ္ဍဲအခိၚ်ဂှ် ခမဳဂမၠိုၚ်ဂှ် ဂဥုဲဂမၠိုၚ်မသုန်သာ်ဂှ် ဒုၚ်ဗဂိန် ပ္ဍဲအခိၚ်နူဂယးတုဲ သ္ပပြဘိုဂ် ပ္ဍဲအခိၚ်နူဂယးအိုတ်ရ။ ကုခမဳဂမၠိုၚ်ဂှ် စၞစဂမၠိုၚ်မကြံၚ်မ္ၚိုဟ်မဒှ်စဒၟံၚ်ပကတိလၟိုန်ဂှ်လေဝ် ကဵုလ္ၚတ်လာဲဟွံမာန်အိုတ်ရ၊ စၞမဍိုန်ဍောတ်ဂမၠိုၚ်တုန် မုသ္ဇက်သ္ဂးနွံဏီရော? ခမဳဂမၠိုၚ်ဂှ် နကဵုယဲကၠၚ်ကၟတ် မလေပ်ဒှ် ပ္ဍဲအခိၚ်ဂိတုကထိုန်ဂှ်ကီု နပွမစစၞဟွံမိပ်ဝွံကီု တၟတ်ဒွံဒး နၜါပြကာဂမၠိုၚ်ဒှ်တုဲ လောန်လတူဂှ် ဇြာဲသကှ်အိုတ်ရ၊ ဖျုန်ဆီဒေက်ခ္ဍေက်အိုတ်ရ၊ ရုပ်သာ်လီုလာ်အိုတ်ရ၊ မၞုံကဵုသာ်ဇကုဖျိုဟ်ဖျေဟ် သၟဟ်ညံၚ်တၞးဆုဍုဟ်ဍုဟ်အိုတ်ရ၊ မၞုံကဵုဇကုဓရံၚ် ဇာလတေၚ်မံက်ထေၚ်ဒၟံၚ်အိုတ်ရ။
တဳလမၞုံပိုဉ်ကျာ်တြဲ ညာတ်ကေတ် ခမဳဂမၠိုၚ် လောန်လတူဂှ် ။ ပ ။ မၞုံကဵုဇကုဓရံၚ်ဇာလတေၚ်မံက်ထေၚ်ဒၟံၚ်ဂှ်တုဲ “ယွံအာနန္ဒ မုဟိုတ် ပ္ဍဲအခိၚ်လၟုဟ် ခမဳဂမၠိုၚ် လောန်လတူဂှ် ဇြာဲသကှ်အိုတ်ရော? ။ ပ ။ မၞုံကဵုဇကုဓရံၚ် ဇာလတေၚ်မံက်ထေၚ်ဒၟံၚ်အိုတ်ရော?” ရဴဝွံ သၟာန်တဳလပိုဉ်အာနန္ဒရ။
ယွံတဳလမၞုံပိုဉ် ပ္ဍဲအခိၚ်လၟုဟ် ခမဳဂမၠိုၚ် ဂဥုဲဂမၠိုၚ်မသုန်သာ် ဒုၚ်ဗဂိန်ပ္ဍဲအခိၚ်နူဂယးတုဲ သ္ပပြဘိုဂ် ပ္ဍဲအခိၚ်နူဂယးအိုတ်ရ။ ကုခမဳဂမၠိုၚ်ဂှ် စၞစဂမၠိုၚ်ကြံၚ်မ္ၚိုဟ် မဒှ်စဒၟံၚ်ပကတိလၟိုန်ဂှ်လေဝ် ကဵုလ္ၚတ်လာဲဟွံမာန်အိုတ်ရ၊ စၞမဍိုန်ဍောတ်ဂမၠိုၚ်တုန် မုသ္ဇက်သ္ဂးနွံဏီရော? ခမဳဂမၠိုၚ်ဂှ် နကဵုယဲကၠၚ်ကၟတ် မလေပ်ဒှ်ပ္ဍဲအခိၚ်ဂိတုကထိုန်ဂှ်ကီု နပွမစစၞဟွံမိပ်ဝွံကီု တၟတ်ဒွံဒး နၜါပြကာဂမၠိုၚ်ဒှ်တုဲ လောန်လတူဂှ် ဇြာဲသကှ်အိုတ်ရ၊ ဖျုန်ဆီဒေက်ခ္ဍေက်အိုတ်ရ၊ ရုပ်သာ်လီုလာ်အိုတ်ရ၊ မၞုံကဵုသာ်ဇကုဖျိုဟ်ဖျေဟ် သၟဟ်ညံၚ်တၞးဆုဍုဟ်ဍုဟ်အိုတ်ရ၊ မၞုံကဵုဇကုဓရံၚ် ဇာလတေၚ် မံက်ထေၚ်ဒၟံၚ်အိုတ်ရ ရဴဝွံ (ဂရၚ်ပတီရ)။
ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ဂဥုဲဂမၠိုၚ်မသုန်သာ်ဂှ် ဒုၚ်ဗဂိန်တုဲ ပ္ဍဲအခိၚ်နူဂယးကီု ပ္ဍဲအခိၚ်တ္ၚဲစေၚ်ကီု တၞဟ်နပြဘိုဂ်ဂှ် ကဵုအခေါၚ်ရ” ရဴဝွံ သ္ဂးကဵုခမဳဂမၠိုၚ်ရ။
၂၆၂။ ပ္ဍဲအခိၚ် ခမဳမဂိယဲဂမၠိုၚ် နွံပၟိက်ကဵုဂဥုဲဂမၠိုၚ် မဒှ်ကၠေၚ်အယိၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဂဥုဲဂမၠိုၚ်မဒှ်ကၠေၚ်အယိၚ်မတွံဂး ကၠေၚ်ကၟီ ကၠေၚ်က ကၠေၚ်ကဗံၚ်ဗှ် ကၠေၚ်ကၠိက် ကၠေၚ်ချးဂှ် ဒုၚ်ဗဂိန် ပ္ဍဲအခိၚ်နူဂယးမ္ဂး၊ ဖျိန်ပ္ဍဲအခိၚ်နူဂယးမ္ဂး၊ ခ္ဍိုဟ်ပ္ဍဲအခိၚ်နူဂယးမ္ဂး၊ တၞဟ်နသ္ပပြဘိုဂ် နပွမသ္ပပြဘိုဂ်မ္ဂးကၠေၚ်ဂှ် ကဵုအခေါၚ်ရ။ ယွံခမဳတအ် ဂဥုဲမဒုၚ်ဂိန် ပ္ဍဲအခိၚ်တ္ၚဲစေၚ်ဂှ် ပ္ဍဲအခိၚ်တ္ၚဲစေၚ်ဟေၚ် ဖျိန်တုဲ ခ္ဍိုဟ်တုဲ သ္ပပြဘိုဂ်မ္ဂး၊ ဒးအာပတ်ဒုက္ကဋ်ပိလ္စုတ်ရ။ ယွံခမဳတအ် ဂဥုဲမဒုၚ်ဗဂိန် ပ္ဍဲအခိၚ်နူဂယးဂှ် ပ္ဍဲအခိၚ်တ္ၚဲစေၚ် ဖျိန်တုဲ ခ္ဍိုဟ်တုဲ သ္ပပြဘိုဂ်မ္ဂး၊ ဒးအာပတ်ဒုက္ကဋ်ၜါလ္စုတ်ရ။ ယွံခမဳတအ် ဒုၚ်ဗဂိန် ပ္ဍဲအခိၚ်နူဂယးတုဲ ဂဥုဲမဖျိန် ပ္ဍဲအခိၚ်နူဂယးဟေၚ်ဂှ် ပ္ဍဲအခိၚ်တ္ၚဲစေၚ် ခ္ဍိုဟ်တုဲ သ္ပပြဘိုဂ်မ္ဂး၊ ဒးအာပတ်ဒုက္ကဋ်မွဲလ္စုတ်ရ။ ယွံခမဳတအ် ဂဥုဲမဒုၚ်ဗဂိန် ပ္ဍဲအခိၚ်နူဂယးဂှ် ပ္ဍဲအခိၚ်နူဂယးဟေၚ် ဖျိန်တုဲ ခ္ဍိုဟ်တုဲ သ္ပပြဘိုဂ်မ္ဂး၊ ဟွံဒးအာပတ်ရ ရဴဝွံ (သ္ဂးရ)။
၁၆၁။ ဂဥုဲမပ္တံရိုဟ်
[ပလေဝ်ဒါန် | ပလေဝ်ဒါန် တမ်ကၞက်]၂၆၃။ ပ္ဍဲအခိၚ် ခမဳမဂိယဲဂမၠိုၚ် နွံပိက်ကဵုဂဥုဲဂမၠိုၚ် မဒှ်ရိုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဂဥုဲရိုဟ်ဂမၠိုၚ်မတွံဂး မိတ် လ္ဂဝ် ထၞ ဍိုပ်သဴ ဓိဝိုဟ် ခတိုအ်ဏဳ ကၟတ်ဥသဳ ဓမိတ်ဇၞော်ဂှ် ဂဥုဲရိုဟ်ဂမၠိုၚ် မဟွံဒှ်စၞစဘောဇိုန် မသအာၚ်နူဂှ်ကီု ဒုၚ်ဗဂိန်လဝ်တုဲ တၞဟ်နပကၚ်ရၚ် စဵုကဵုလအိတ်လမျီုကီု ဟိုတ်မတွံဂး ယဲနွံမ္ဂး တၞဟ်နသ္ပပြဘိုဂ်ကီုဂှ် ကဵုအခေါၚ်ရ၊ ကုခမဳမသ္ပပြဘိုဂ် သီုဟွံမွဲဟိုတ်မတွံဂးဂိယဲဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ ပ္ဍဲအခိၚ်ဂှ် ခမဳမဂိယဲဂမၠိုၚ် နွံပၟိက်ကဵုဂဥုဲခၞိက်ရိုဟ်ဂမၠိုၚ်အိုတ်ရ။ ဂရၚ်ပတီ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၟံလးပိုဟ်ဂဥုဲကီု ကောန််တၟံပိုဟ်ဂဥုဲကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမဂိယဲဂမၠိုၚ် နွံပၟိက်ကဵုဂဥုဲဗစိုတ် (ဖျိုတ်) ဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလ မၞုံပိုဉ်ကျာ်တြဲအိုတ်ရ။ ယွံခမဳတအ် ဂဥုဲဗစိုတ် (ဖျိုတ်) ဂမၠိုၚ်မတွံဂး သကောဝ်ဗစိုတ်သၠီ သကောဝ်ဗစိုတ်ဍာ်တှ် သကောဝ်ဗစိုတ်ဗြူလတာ သကောဝ်ဗစိုတ်သၞာပ် သကောဝ်ဗစိုတ်သၠးတြး (မြေက်ဂွဝ်ဇုက်-လေဝ်ဂး) ကီု ဂဥုဲဗစိုတ်ဂမၠိုၚ် မဟွံစၞစဘောဇိုန် မသအာၚ်နူဂှ်ကီု ဒုၚ်ဗဂိန်လဝ်တုဲ တၞဟ်နပကၚ်ရၚ် စဵုကဵုလအိတ်လမျီုကီု ဟိုတ်မတွံဂးယဲနွံမ္ဂး တၞဟ်နသ္ပပြဘိုဂ်ကီုဂှ် ကဵုအခေါၚ်ရ၊ ကုခမဳမသ္ပပြဘိုဂ် သီုဟွံမွဲဟိုတ်မတွံဂးဂိယဲဂှ် ဒးအာပတ် ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမဂိယဲဂမၠိုၚ် နွံပၟိက်ကဵုဂဥုဲဂမၠိုၚ် မဒှ်သၠး (တၞး) အိုတ်ရ။ ဂရၚ်ပတီ ဟိုတ်ပရူပရာ ကုတဳလ မၞုံပိုဉ်ကျာ်တြဲအိုတ်ရ။ ယွံခမဳတအ် ဂဥုဲဂမၠိုၚ်မဒှ်သၠမတွံဂး သၠတၞးသၠီ သၠတၞးဍာ်တှ် သၠတၞးဗြူလတာ သၠတၞးသၞာပ် သၠတၞးဝါၚ် သၠတၞးတောဝ်ကီု မဟွံဒှ်စၞးဘောဇိုန် မသအာၚ်နူဂှ် ။ ပ ။
ပ္ဍဲအခိၚ်ဂှ် ခမဳမဂိယဲဂမၠိုၚ် နွံပၟိက်ကဵုဂဥုဲဂမၠိုၚ် မဒှ်သတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလ မၞုံပိုဉ်ကျာ်တြဲအိုတ်ရ။ ယွံခမဳတအ် ဂဥုဲဂမၠိုၚ်မဒှ်သတ်မတွံဂးသတ်ဓနဳပူ သတ်မကၞိ သတ်မြေက် သတ်ဂမောဝ် သတ်ဂစွံ သတ်တလုဲ သတ်ကဋ္ဌ်ဖဵုကီု မဟွံဒှ်စၞစဘောဇိုန် မသအာၚ်နူဂှ် ။ ပ ။
ပ္ဍဲအခိၚ်ဂှ် ခမဳမဂိယဲဂမၠိုၚ် နွံပၟိက်ကဵုဂဥုဲဂမၠိုၚ် မဒှ်ဇၜိုတ် (ကြေက်) အိုတ်ရ ။ ပ ။ ယွံခမဳတအ် ဂဥုဲဂမၠိုၚ် မဒှ်ဇၜိုတ်မတွံဂးၚု ဇၜိုတ်ၚု ကွပ်ဇၜိုတ်ၚု ကြေက် ကြက်ကြေက် ကွပ်ကြေက် ယတဝ်ဂၠဝ်ကီု မဟွံဒှ်စၞစဘောဇိုန် မသအာၚ်နူဂှ် ။ ပ ။
ပ္ဍဲအခိၚ်ဂှ် ခမဳမဂိယဲဂမၠိုၚ် နွံပၟိက်ကဵုဂဥုဲဂမၠိုၚ် မဒှ်ၜဵုအိုတ်ရ ။ ပ ။ ယွံခမဳတအ် ဂဥုဲၜဵုဂမၠိုၚ် မတွံဂး ၜဵုမဒှ်ပ္ဍဲမှာသၟိဒ် ၜဵုမၞုံကဵုသာ်လမ္စံက် ၜဵုသိန္ဓဴ ၜဵုတိတ်နူတိ (ကတိုၚ်) ၜဵုဖျိန်ကီု ဂဥုဲဂမၠိုၚ် မဟွံဒှ်စၞစဘောဇိုန် မသအာၚ်နူဂှ်ကီု ဂုၚ်ဗဂိန်လဝ်တုဲ တၞဟ်နပကၚ်ရၚ် စဵုကဵုလအိတ်လမျီုကီု ဟိုတ်မတွံဂးယဲနွံမ္ဂး တၞဟ်နသ္ပပြဘိုဂ် ကီုဂှ် ကဵုအခေါၚ်ရ၊ ကုခမဳမသ္ပပြဘိုဂ် သီုဟွံမွဲဟိုတ်မတွံဂးဂိယဲဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၂၆၄။ ပ္ဍဲကာလမွဲအခိၚ် ကုတဳလပိုဉ်ဗေလဋ္ဌသဳသ မဒှ်အ္စာဥပဇ္ၛာယ် တဳလပိုဉ်အာနန္ဒဂှ် ဟိုတ်နူဒှ်ဒၟံၚ် ယဲစော်ဇၞော်ဂှ်ရ နကဵုဇၜိုတ်ဆီပတိုဟ် သ္ၚာဂမၠိုၚ် ကာတ်ဗာန်ဒၟံၚ် ပ္ဍဲဇကုအိုတ်ရ၊ သ္ၚာဂမၠိုၚ်ဂှ် ခမဳဂမၠိုၚ် ဖ္ဍုက်ကဵု ဖ္ဍုက်ကဵု နကဵုဍာ်တုဲ (ဆာပ်ဍာ်တုဲ) ခွါကယျာအိုတ်ရ၊ တဳလမၞုံပိုဉ်ကျာ်တြဲ ဂေတ်ဂ္ၚေၚ်ဒေသစာရိတ်လၟေၚ်ဘာမ္ဂး ညာတ်ဒး ခမဳဂမၠိုၚ်ဂှ် ဖ္ဍုက်ကဵု ဖ္ဍုက်ကဵု နကဵုဍာ်တုဲ (ဆာပ်ဍာ်တုဲ) ခွါကာယျာပတိတ်ဒၟံၚ် သ္ၚာဂမၠိုၚ်ဂှ်တုဲ ပြာပ်အာဇရေၚ်ခမဳဂမၠိုၚ်တုဲမ္ဂး "ယွံခမဳတအ် ယဲခမဳဝွံတုန် မုယဲဂှ်ရေ" ရဴဝွံ (သၟာန်ရ)။
ယွံတဳလမၞုံပိုဉ် ယဲတဳလပိုဉ်ဝွံတုန် ယဲစော်ဇၞော်ရ၊ နကဵုဇၜိုတ်ဆီပတိုဟ် သ္ၚာဂမၠိုၚ် ကာတ်ဗာန်ဒၟံၚ် ပ္ဍဲဇကုအိုတ်ရ၊ သ္ၚာဂမၠိုၚ်ဂှ် ပိုဲဍိက်တအ်ညးဂမၠိုၚ် ဖ္ဍုက်ကဵု ဖ္ဍုက်ကဵု နကဵုဍာ်တုဲ (ဆာပ်ဍာ်တုဲ) ခွါကယျာအိုတ်ရ ရဴဝွံ (ဂရၚ်ပတီအိုတ်ရ)။
ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး "ယွံခမဳတအ် ယြဴကုခမဳမွဲ ယဲသၞော်ကီု ယဲကတောတ်ခ္ဍတ်မြန်ဗြိုအ်မာကီု ယဲဍာ်သရဇွောဝ်ကီု ယဲစော်ဇၞော်ကီု နွံမ္ဂး၊ ပ္ဍဲဇကုလေဝ် မၞုံကဵုသၟူအမြာဲဟွံဒးရးမ္ဂး၊ ကဵုအခေါၚ် ဂဥုဲဂမၠိုၚ်မဒှ်ခၞိက်ရ၊ ကုခမဳမဟွံမွဲကဵုယဲဂှ် အိက်ဂၠဴသကှ်ကီု တိကမၠေတ်ကီု သကောဝ်ဇရမၜိုတ်ဍာ်လွံက်တုဲကီု ကဵုအခေါၚ်ရ။ ယွံခမဳတအ် ထအဳကီု ရိကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမဂိယဲဂမၠိုၚ် နွံပၟိက်ကဵုဂဥုဲခၞိက်ဂမၠိုၚ် မဂပ်ဝ်ဂြိုက်ခ္ဍိုဟ်လဝ်အိုတ်ရ ။ ပ ။ ယွံခမဳတအ် ကဵုအခေါၚ် ဂဥုဲခၞိက်ဂမၠိုၚ် မဂပ်ဝ်ဂြိုက်ခ္ဍိုဟ်လဝ်ရ ရဴဝွံ (သ္ဂးရ)။ နွံပၟိက်ကဵု ဂဥုဲခၞိက်ဂမၠိုၚ် မဇိပ်ဂၠိပ်ဍိုတ်လှေက်အိုတ်ရ။ ဂရၚ်ပတီ ဟိုတ်ပရူပရဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပွမဂြိုက်ခ္ဍိုဟ် နကဵုယာတ်ရ (ကဵုအခေါၚ်ယာတ်ဟဇာ) ရဴဝွံ (သ္ဂးရ)။
ပ္ဍဲကာလမွဲအခိၚ် ကုခမဳမွဲဇကုဂှ် ဒှ်ယဲလကိုဟ်သရာဲရပ်စရ၊ အ္စာဥပဇ္ၛာယ်ဂမၠိုၚ် မကၠောန်ၜိုတ် ခမဳဂှ် ဟွံသၟဟ်ရထ သွက်ဂွံသ္ပ မဟွံမွဲကဵုယဲအိုတ်ရ။ ခမဳဂှ် အာဖျာသၟာဂစိုတ်ကၠိက်ဂမၠိုၚ်သွံတုဲ စတဴဖျုန်ထၞေက်ရ၊ သုၚ်တဴဆီထၞေက်ရ၊ ယဲလကိုဟ်သရာဲရပ် လလမ်အာ ကုခမဳဂှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ယဲလကိုဟ်သရာဲရပ်နွံမ္ဂး ကဵုအခေါၚ်ဖျုန်ထၞေက်ဆီထၞေက်ရ ရဴဝွံ (သ္ဂးရ)။
၂၆၅။ ပ္ဍဲကာလမွဲအခိၚ် ကုခမဳမွဲဇကုဂှ် ဒှ်ယဲမတ်ဂိရ၊ ခမဳဂမၠိုၚ် ထ္ၜၚ်ကယျာ ခမဳဂှ်တုဲ ဒးကဵု သၠးတရဴဇၞော်တရဴသၟတ်အိုတ်ရ၊ တဳလမၞုံပိုဉ်ကျာ်တြဲ ဂေတ်ဂ္ၚေၚ်ဒေသစာရိတ် လၟေၚ်ဘာမ္ဂး ညာတ်ဒးခမဳဂမၠိုၚ် ထ္ၜၚ်ကယျာခမဳဂှ်တုဲ ဒးကဵုသၠးတရဴဇၞော်တရဴသၟတ်ဂမၠိုၚ်တုဲ ပြာပ်စိုပ်အာဇရေၚ် ခမဳဂမၠိုၚ်ဂှ်တုဲပ္ဍဲကြဴ "ယွံခမဳတအ် ယဲခမဳဝွံတုန် မုယဲရော?" ရဴဝွံ သၟာန်ခမဳဂမၠိုၚ်ဂှ်ရ။ ယွံတဳလမၞုံပိုဉ် ယဲတဳလပိုဉ်ဝွံ ယဲမတ်ဂိရ။ ပိုဲဍိက်တအ်ညးဂမၠိုၚ် ထ္ၜၚ်ကယျာခမဳဝွံတုဲ ဒးကဵုသၠးတရဴဇၞော်တရဴသၟတ်အိုတ်ရ ရဴဝွံ (ဂရၚ်ပတီအိုတ်ရ)။
ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး "ယွံခမဳတအ် ကဵုအခေါၚ် ယန်မတ်မတွံဂး ယန်မတ်လမ္စံက် ယတ်မတ်မဂပ်ဝ်ခၞံလဝ် နကြိယာဗာတၞဟ်တၞဟ် ယန်မတ်မကတဵုဒှ် ပ္ဍဲမပ္တံဇၟောဝ်ဍာ်ကြုၚ် ယန်မတ်တိကမၠေတ် (ဂန္ဓိုက် ဆီတၟံလေဝ်ဂး) ယန်မတ်ဂြိၚ်မမာနာၚ်ရ" ရဴဝွံ (သ္ဂးရ)။
နွံပၟိက်ကဵုခၞိက် သွက်ဂွံပိုဟ်ဖ္ဍိုတ်ယန်မတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် စၠန်ကီု တဂရ် (မၠဵုဒဵု) ကီု အဂၠဴကီု စၠန်သာ်ဒမျိုၚ် (ကၟဴကျာ်) ကီု ဓမိတ်ဇၞော်ကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် စွံပတန်လဝ် ခၞိက်ယန်မတ်ဂမၠိုၚ် ပ္ဍဲဂၟဳထၟာဲသၟတ်ဂမၠိုၚ်ကီု ပ္ဍဲခရော်သၟတ်ဂမၠိုၚ်ကီုအိုတ်ရ။ နှဴရဴတ္ၜန်တ္ၜောဲတဴ နကဵုခၞိက်ချောဲဂမၠိုၚ် နကဵုခၞိက်တိဂမၠိုၚ်ကီုအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်ထကိုအ်ယန်မတ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် မကၚ်ရၚ်လဝ် ထကိုအ်ယန်မတ်ဂမၠိုၚ် ခိုဟ်ခိုဟ်ပရေအ်ပရေအ်မတွံဂး ထကိုအ်ယန်မတ်တုဲတဴ နကဵုထဝ် ထကိုအ်ယန်မတ်တုဲတဴ နကဵုသြန်အိုတ်ရ။ မၞိဟ်ဂမၠိုၚ် "တုပ်သၟဟ်ကဵုမၞိဟ်ဂမၠိုၚ် မဒုၚ်စသိုၚ် တသိုခ်ကာမဂုဏ်အိုတ်ရ" ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ပကၚ်ရၚ် ထကိုအ်ယန်မတ်ဂမၠိုၚ် ခိုဟ်ခိုဟ်ပရေအ်ပရေအ်ရ၊ ကုခမဳပကၚ်ရၚ်ဂှ် ဒးအာပတ်ဒုက္ကဋ်ရ။ ယွံခမဳတအ် ထကိုအ်ယန်မတ် မတုဲတဴ နကဵုဇုတ်ကဵုထကိုအ်ယန်မတ် မတုဲတဴ နကဵုဂြၚ်စိၚ်ကီု ထကိုအ်ယန်မတ် မတုဲတဴ နကဵုဂြၚ်သတ်ကီု ထကိုအ်ယန်မတ် မတုဲတဴ နကဵုပိုဟ်ကီု ထကိုအ်ယန်မတ်မတုဲတဴ နကဵုဒန်ကီု ထကိုအ်ယတ်မတ် မတုဲတဴ နကဵုဖျုန်ဆုကီု ထကိုအ်ယန်မတ် မတုဲတဴ နကဵုကြေက်ကီု ထကိုအ်ယန်မတ် မတုဲတဴ နကဵုသတ်ဆုကီု ထကိုအ်ယန်မတ် မတုဲတဴ နကဵုဗရိုတ်ပသဲကီု ထကိုအ်ယတ်မတ် မတုဲတဴ နဠိုတ်ကၞုသၚ်ကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ထကိုအ်ယန်မတ်ဂမၠိုၚ် ဟွံမွဲကဵုဂၟဳအိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်ရ ဒကိုပ်ကၟဳရ ရဴဝွံ (သ္ဂးရ)။
ဒကိုပ်ကၟဳ ဒတုံစှ်ေရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဒက်နကဵုဇုက်သၟတ်တုဲ တၞဟ်နဒထကတ်ကေုာံယန်မတ် ကဵုအခေါၚ်ရ ရဴဴဝွံ (သ္ဂးရ)။
ထကိုအ်ယန်မတ် ဗကးအာရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နဇိၚ်ကၠေံ နကဵုတောဝ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် သက်ယန်မတ် နကဵုလပုဟ်တဲအိုတ်ရ၊ မတ်ဂမၠိုၚ် ဂိသကေဝ်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇြေဟ်ယန်မတ်ရ ရဴဝွံ (သ္ဂ:ရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ်လဝ် ဇြေဟ်ယန်မတ်ဂမၠိုၚ် ခိုဟ်ခိုဟ်ပရေအ်ပရေအ်မတွံဂး ဇြေဟ်ယန်မတ် မတုဲတဴ နကဵုထဝ် ဇြေဟ်ယန်မတ် မတုဲတဴ နကဵုသြန်အိုတ်ရ။ မၞိဟ်ဂမၠိုၚ် “တုပ်သၟဟ်ကဵုမၞိဟ်ဂမၠိုၚ် မဒုၚ်စသိုၚ် တသိုခ်ကာမဂုဏ်အိုတ်ရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ပကၚ်ရၚ် ဇြေဟ်ယန်မတ်ဂမၠိုၚ် ခိုဟ်ခိုဟ်ပရေအ်ပရေအ်ရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ။ ယွံခမဳ ဇြေဟ်ယန်မတ် မတုဲတဴ နကဵုဇုတ်ကီု ။ ပ ။ ဇြေဟ်ယန်မတ် မတုဲတဴ နဠိုတ်ကၞုသၚ်ကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဇြေဟ်ယန်မတ် ဒတုံစှ်ေပ္ဍဲတိမ္ဂး ကြံၚ်မ္ၚိုဟ်အာရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ကၞပ်သၟတ်သွက်ဂွံစုတ်ဇြေဟ်ယန်မတ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ရၚ်တၠုၚ်ဏာ ထကိုအ်ယန်မတ်ကီု ဇြေဟ်ယန်မတ်ကီု နကဵုတဲအိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ထိုက်သွက်ဂွံစုတ်ထကိုအ်ယန်မတ်ရ ရဴဝွံ (သ္ဂးရ)။
ယာတ်လ္ၜက်ပၞး (ဇုက်ကၟာဲ) ဟွံမွဲရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ယာတ်လွၜက်ပၞးကီု တောၚ်သွက်ဂွံဒက်ဇုက်ကၟာဲကီု ကဵုအခေါၚ်ရ ရဴဝွံ (သ္ဂးရ)။
၂၆၆။ ပ္ဍဲကာလမွဲအခိၚ် တဳလပိုဉ်ပိလိန္ဒဝစ္ဆ ဒှ်ယဲက္ဍိုပ်ဂမ္တဴရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ကၠေၚ်သွက်ဂွံလံက်က္ဍိုပ်ရ ရဴဝွံ (သ္ဂးရ)။ အေၚ်ဒုၚ်ဟွံမာနဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပွမခရောတ်နုဟ်ရ ရဴဝွံ (သ္ဂးရ)။ ဍာ်နုဟ်ဇွောဝ်စှ်ေရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တဝ်နုဟ်ရ ရဴဝွံ (သ္ဂးရ)။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ်လဝ် တဝ်နုဟ်ဂမၠိုၚ် ခိုဟ်ခိုဟ်ပရေအ်ပရေအ်မတွံဂး တဝ်နုဟ် မတုဲတဴ နကဵုထဝ် တဝ်နုဟ် မတုဲတဴ နကဵုသြန်အိုတ်ရ။ မၞိဟ်ဂမၠိုၚ် “တုပ်သၟဟ်ကဵုမၞိဟ်ဂမၠိုၚ် မဒုၚ်စသိုၚ် တသိုခ်ကာမဂုဏ်အိုတ်ရ” ရဴဝွံ ဟီုဂရိုဟ်အိုတ်ရ၊ ပျုက်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ပကၚ်ရၚ် တဝ်နုဟ်ဂမၠိုၚ် ခိုဟ်ခိုဟ်ပရေအ်ပရေအ်ရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ။ ယွံခမဳတအ် တဝ်နုဟ် မတုဲတဴ နကဵုဇုတ်ကီု ။ ပ ။ တဝ်နုဟ် မတုဲတဴ နဠိုတ်ကၞသၚ်ကီု ကဵုအခေါၚ်ရ ရဴဝွံ (သ္ဂးရ)။ ခရောတ်နုဟ်ဟွံညဳသာသၟဟ်သၟန်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တဝ်နုဟ်မဒှ်စုမ်စုမ်ရ ရဴဝွံ (သ္ဂးရ)။ အေၚ်ဒုၚ်ဟွံမာန်ဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နပွမသုၚ်ယက်ရ ရဴဝွံ (သ္ဂးရ)။ ယက်ထၟူဂှ်ဟေၚ် ပၠုပ်အပ္ဍဲပါၚ်တုဲ သုၚ်အိုတ်ရ၊ ခ္ဍောၚ်ကအ်တူပၟတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တဝ်ယက် (ၜံက်တဝ်) ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ်လဝ် တဝ်ယက်ဂမၠိုၚ် ခိုဟ်ခိုဟ်ပရေအ်ပရေအ် မတွံဂး တဝ်ယက် မတုဲတဴ နကဵုထဝ် တဝ်ယက် မတုဲတဴ နကဵုသြန်အိုတ်ရ။ မၞိဟ်ဂမၠိုၚ် “တုပ်သၟဟ်ကဵုမၞိဟ်ဂမၠိုၚ် မဒုၚ်စသိုၚ်တသိုခ်ကာမဂုဏ်ဂမၠိုၚ်ရ” ရဴဝွံ ဟီုဂရိုဟ်အိုတ်ရ၊ ပျုက်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ဟဂပ်ဝ်ပကၚ်ရၚ် တဝ်ယက်ဂမၠိုၚ် ခိုဟ်ခိုဟ်ပရေအ်ပရေအ်ရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ။ ယွံခမဳတအ် တဝ်ယက်မတုဲတဴ နကဵုဇုတ်ကီု ။ ပ ။ တဝ်ယက်မတုဲတဴ နဠိုတ်ကၞုသၚ်ကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် တဝ်ယက်ဂမၠိုၚ် ဟွံမွဲကဵုဒကိုပ်ဂၟဳအိုတ်ရ၊ နကဵုတဲအိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ထိုၚ်သွက်ဂွံစုတ်တဝ်ယက်ရ ရဴဝွံ (သ္ဂးရ)။ ပေါတ်ဒးနူမွဲလပါ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်ထိုၚ်မစုမ်စုမ်ရ ရဴဝွံ (သ္ဂးရ)။ ယာတ်လ္ၜက်ပၞး(ဇုက်ကၟာဲ) ဟွံမွဲရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ယာတ်လ္ၜက်ပၞးကီု တောဝ်သွက်ဂွံဒက်ဇုက်ကၟာဲကီု ကဵုအခေါၚ်ရ ရဴဝွံ (သ္ဂးရ)။
၂၆၇။ ပ္ဍဲကာလမွဲအခိၚ် ကုတဳလပိုဉ်ပိလိန္ဒဝစ္ဆဂှ် ကတဵုဒှ်ယဲကျာရ၊ အ္စာသဝ်ဂမၠိုၚ်ဂှ် “ဒးသုၚ်ကၠေၚ်ဖျိန်ရ” ရဴဝွံ ဟီုသ္ဂးအိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ကၠေၚ်ဖျိန်ရ ရဴဝွံ (သ္ဂးရ)။ ပ္ဍဲကၠေၚ်ဖျိန်ဂှ် ထေက်ကဵုဒးစုတ် သိအရက်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နစုတ်သိအရက် ပ္ဍဲကၠေၚ်ဖျိန်ရ ရဴဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ဖျိန်တဴကၠေၚ်မစုတ်လဝ်သိအရက်ဂမၠိုၚ်မဂၠိုၚ်လောန်နအိုတ်ရ၊ ဟိုတ်မသုၚ်ကၠေၚ်ဖျိန်ဂမၠိုၚ်ဂှ်ရ ဗ္ၜူအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်သုၚ်ကၠေၚ် မစုတ်လဝ်သိအရက်မဂၠိုၚ်လောန်ရ၊ ကုခမဳမသုၚ်ဂှ် ဒးသ္ဂုတ်သွာတ် ဗွဲမဗဗွဲကဵုဓရ်ရ။ ယွံခမဳတအ် သွက်ဂွံသုၚ်ကၠေၚ်ဖျိန် သာ်သၟူမအမြာဲရှ်သာသိအရက် မဟွံပြာကဋ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ကုခမဳဂမၠိုၚ် ကၠေၚ်ဖျိန်မစုတ်လဝ်သိအရက်မဂၠိုၚ်လောန် ဒှ်ရ။ ပ္ဍဲအခိၚ်ဂှ် “မုရဴသာ်လဵု ဂွံဒ္ဂေတ်သ္ပ ပ္ဍဲကၠေၚ်ဖျိန် မစုတ်လဝ်သိအရက်မဂၠိုၚ်လောန်ရော?” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နသှ်ပတူ ရဴဝွံမ္ဂး သွက်ဂွံလံက်ဇကုဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ကုတဳလပိုဉ်ပိလိန္ဒဝစ္ဆဂှ် ကၠေၚ်ဖျိန်ဗွဲမဂၠိုၚ် ဒှ်ရ။ ခရော်သွက်ဂွံစုတ်ကၠေၚ် ဟွံမွဲရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဍေၚ်ကၠေၚ်ဂမၠိုၚ် ပိဂကူမတွံဂး ဍေၚ်ဗရိုတ် ဍေၚ်ဖျုန်ဆု ဍေၚ်သတ်ဆုရ ရဴဝွံ (သ္ဂးရ)။
ပ္ဍဲအခိၚ်ဂှ် ကုတဳလပိုဉ်ပိလိန္ဒဝစ္ဆဂှ် ကတဵုဒှ်ယဲကျာ မကိတ်စဇိုၚ်တဲရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပွမပတိတ်ပဠက်ရ ရဴဝွံ (သ္ဂးရ)။ အေၚ်ဒုၚ်ဟွံမာန်ဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပွမပတိတ်ပဠက် နဂဥုဲဂမၠိုၚ်တၞဟ်တၞဟ်ရ ရဴဝွံ (သ္ဂးရ)။ အေၚ်ဒုၚ်ဟွံမာန်ဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပွမပတိတ်ပဠက်ဇၞော်ရ ရဴဝွံ (သ္ဂးရ)။ အေၚ်ဒုၚ်ဟွံမာန်ဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပွမပတိတ်ပဠက် နဍာ်တၞးဆုစုၚ်ၜိုဟ်ရ ရဴဝွံ (သ္ဂးရ)။ အေၚ်ဒုၚ်ဟွံမာန်ဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်စုတ်ဍာ်ဂမ္တဴ ပ္ဍဲဇရဳအကြခြိုၚ်ဍာ်ဇၞော်တုဲ ပွမအုပ်ပဠက်ရ ရဴဝွံ (သ္ဂးရ)။
ပ္ဍဲအခိၚ်ဂှ် ကုတဳလပိုဉ်ပိလိန္ဒဝစ္ဆဂှ် ကတဵုဒှ်ယဲကျာ မကိတ်စပ္ၚပ်ဇိုၚ်တဲရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နပွမၜံက်ပတိတ်ဆီရ ရဴဝွံ (သ္ဂးရ)။ အေၚ်ဒုၚ်ဟွံမာန်ဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ၜံက်ပတိတ်ဆီတုဲ တၞဟ်နဂိုၚ်ကေတ် နကဵုဂြၚ်သတ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဇိုၚ်တဳလပိုဉ်ပိလိန္ဒဝစ္ဆဂမၠိုၚ် ဗကးအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ကၠေၚ်လအက်ဇိုၚ်ရ ရဴဝွံ (သ္ဂးရ)။ အေၚ်ဒုၚ်ဟွံမာန်ဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နစဳရေၚ် ကၠေၚ်လံက်ဇိုၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ကုခမဳမွဲဇကုဂှ် ယဲခ္ဍတ်ဗြိုအ်တိတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပွမကရေက်ဗကး နကဵုၜုတ်သၟတ်ရ ရဴဝွံ (သ္ဂးရ)။ နွံပၟိက်ကဵုဍာ်ဗစိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဍာ်ဗစိုတ်ရ ရဴဝွံ (သ္ဂးရ)။ နွံပၟိက်ကဵုခၞိက်လ္ၚဴရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ခၞိက်လ္ၚဴရ ရဴဝွံ (သ္ဂးရ)။ နွံပၟိက်ကဵုဂဥုဲအုပ်သရရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂဥုဲသရရ ရဴဝွံ (သ္ဂးရ)။
နွံပၟိက်ယာတ်ပူဂွဳဒက်သရရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ယာတ်ပူဂွဳသရရ ရဴဝွံ (သ္ဂးရ)။ သရသၞော်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နကြုဲစုတ်ခၞိက် လ္ၚဴရ ရဴဝွံ (သ္ဂးရ)။ သရဍုက်ကယျဳတိုန်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နဖအၚ်ယက်ရ ရဴဝွံ (သ္ဂးရ)။
ပ္ဍဲသရ ဖျုန်တ္ၜတ်တိုန်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နရေက်ကၠေံ နကဵုၜုတ်သော်ရ ရဴဝွံ (သ္ဂးရ)။ သရဂှ် ဖျုန်တ္ၜတ် ဟွံတိုန်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ကၠေၚ်သွက်ဂွံလံက်သရရ ရဴဝွံ (သ္ဂးရ)။ ကၠေၚ်မလံက်လဝ်ဂှ် ဇွောဝ်စှ်ေရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ယာတ်ဒှ်ကၟာတ်ဒၞာကၠေၚ်ကီု ဂဥုဲဝဳသရကီု ကဵုအခေါၚ်ရ ရဴဝွံ (သ္ဂးရ)။
၂၆၈။ ပ္ဍဲကာလမွဲအခိၚ် ဇြုံဒွံၜံက်စုတ် ခမဳမွဲဇကုရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နကဵုဂဥုဲဇၞော်ပန်ပြကာမတွံဂး တရဴဇၞော်တရဴသၟတ် ပတေၚ် တိကမၠေတ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် "သီုဟွံဗဂိန်ဂှ် ဂပ်ဝ်ဟာ၊ ဆဂှ်ဟွံသေၚ်မ္ဂး ဒးဒုၚ်ဗဂိန်ဏီဟာ" ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကပ္ပိယကာရကနွံမ္ဂး တၞဟ်နကဵုဗဂိန်ဂှ် ကဵုအခေါၚ်ရ၊ ကပ္ပိယကာရကဟွံမွဲမ္ဂး ဂိုၚ်ကေတ်အလဵုဇကုတုဲ တၞဟ်နပြဘိုဂ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမွဲဇကုဂှ် သုၚ်ဒးဂျိရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နသုၚ်တရဴဇၞော်ဂှ် ကဵုအခေါၚ်ရ ရဴဝွံ (သ္ဂးရ)။ ပ္ဍဲအခိၚ်ဂှ် "သီုဟွံဗဂိန်ဂှ် ဂပ်ဝ်ဟာ၊ ဆဂှ်ဟွံသေၚ်မ္ဂး ဒးဒုၚ်ဗဂိန်ဏီဟာ" ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရဝွံ ကုတဳလမၞုံပိုဉ်ကျာ်တြဲအိုတ်ရ။ ပွမဒုၚ်ဂိုၚ်ကေတ် ဃောသၠတရဴဇၞော်ဂှ်ဟေၚ် ဒှ်ပွမဒုၚ်ဗဂိန်ရ၊ ဟွံဒးကလေၚ်ဗဂိန်မွဲလှ်ေပၠန်ရ ရဴဝွံ (သ္ဂးရ)။
၂၆၉။ ပ္ဍဲကာလမွဲအခိၚ် ကုခမဳမွဲဇကုဂှ် ဒှ်ယဲ ဟိုတ်နူဂဥုဲဆာန် ဗြဴတၠသ္ၚိကဵုရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပၠာဲဍာ်တိမကာတ်ဗာန်ဒၟံၚ် ပ္ဍဲၚေက်ထဲတုဲ တၞဟ်နသုၚ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမွဲဇကု ပၟတ်ဂၞဴလီုရ၊ (ဂၞဴချုက်ရ)။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နသုၚ် ဍာ်ပတေၚ်ပုၚ်သကှ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ကုခမဳမွဲဇကုဂှ် ဒှ်ယဲဖျိုဟ်ဖျေဟ်ဇြာဲသကှ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နသုၚ်ဍာ်ဂမောဝ် မတုၚ်လဝ်နကဵုပဿဴဂၠဴသၟတ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမွဲဇကုဂှ် ဒှ်ယဲ မကတဵုဒှ် ပ္ဍဲလတူစၞာံရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နလံက်လေတ်မြမောဝ်ဂှ် ကဵုအခေါၚ်ရ ရဴဝွံ (သ္ဂးရ။
ပ္ဍဲအခိၚ်ဂှ် ခမဳမွဲဇကုဂှ် မၞုံကဵုဇကု သၠေဟ်ကၟၚ်ကၠတ်ကျာဂၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နသုၚ်ဂဥုဲဗ္ၜတ်ဂၞဴဂှ် ကဵုအခေါၚ်ရ ရဴဝွံ (သ္ဂးရ)။
နွံပၟိက်ကဵု ဍာ်သ္ၚုကေဝ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအအခေါၚ် ဍာ်သ္ၚုမကေဝ်ရ ရဴဝွံ (သ္ဂးရ)။ နွံပၟိက်ကဵုဍာ်ၜဲမုဂ် မဟဂွံခ္ဍိုဟ်လဝ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဍာ်ၜဲမုဂ်မဟဂွံခ္ဍိုဟ်ရ ရဴဝွံ (သ္ဂးရ)။ နွံပၟိက်ကဵုဍာ်ၜဲမုဂ်မခ္ဍိုဟ်လဝ် ဗၞတ်ညိနာၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဍာ်ၜဲမုဂ်မခ္ဍိုဟ်လဝ် ဗၞတ်ညိနာၚ်ရ ရဴဝွံ (သ္ဂးရ)။ နွံပၟိက်ကဵုဍာ်သွသောတ် (ဍာ်ဖျုန်)ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဍာ်သွသောတ်(ဍာ်ဖျုန်)ရ ရဴဝွံ (သ္ဂးရ)။
၁၆၂။ ဝတ္ထုပိလိန္ဒဝစ္ဆ
[ပလေဝ်ဒါန် | ပလေဝ်ဒါန် တမ်ကၞက်]၂၇၀။ ပ္ဍဲကာလမွဲအခိၚ် တဳလပိုဉ်ပိလိန္ဒဝစ္ဆ မိက်ကၠောန်သ္ပလိုဏ်ဂိုဟ်တုဲ ကဵုသ္အးဇ္ၚး ၚးတးဒၟံၚ်ဗပါတ်ဒဵု ပ္ဍဲဍုၚ်ရာဇဂြိုဟ်ရ။ ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရး ပြာပ်အာဇရေၚ် တဳလပိုဉ်ပိလိန္ဒဝစ္ဆတုဲ လ္ၚောဝ်သ္ပဝတ်ဗွဲမရှ်ေသှ်ေရဴဂဴတုဲမ္ဂး ဂဇအ်ဒၟံၚ် ပ္ဍဲဒၞဲါမွဲတုဲ "ယွံတဳလပိုဉ် တဳလပိုဉ် ကဵုကၠောန်သ္ပဒၟံၚ် မုအရာမွဲရော?" ရဴဝွံ ဂရၚ်ပတီ တဳလပိုဉ်ပိလိန္ဒဝစ္ဆရ။ ယွံမရာဇ် မိက်ကၠောန်သ္ပလိုဏ်ဂိုဟ်တုဲ ကဵုသ္အးဇ္ၚးၚးတးဒၟံၚ်ဗပါတ်ဒဵုရ ရဴဝွံ (သ္ဂးရ)။ ယွံတဳလပိုဉ် ကုတဳလပိုဉ်ဂှ် နွံပၟိက်ကဵုပၟၚ်အာရှာမ်ဟာ ရဴဝွံ (ဂရၚ်ပတီရ)။ ယွံမရာဇ် တဳလမၞုံပိုဉ်ကျာ်တြဲ ဟဂပ်ဝ်ကဵုအခေါၚ် ပၟၚ်အာရှာမ်ဏီရ ရဴဝွံ (သ္ဂးရ)။ ယဝ်ဒှ်သာ်ဂှ်မ္ဂး ဂရၚ်ပတီ သၟာန်တဳလမၞုံပိုဉ်ကျာ်တြဲတုဲ ဩဝ်ဟီုလဴ(ဟိုတ်)ဂှ် ကုအဲဍိက်ညိ ရဴဝွံ (ဂရၚ်ပတီရ)။ "ခိုဟ်သန်ရ ယွံမရာဇ်" ရဴဝွံ တဳလပိုဉ်ပိလိန္ဒဝစ္ဆ ကလေၚ်ပလန်ဂလာန် ကုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးရ။ ပ္ဍဲကြဴနူဂှ် နကဵုဂလာန်ဓရ် နကဵုဂလာန်ဓရ် တဳလပိုဉ်ပိလိန္ဒဝစ္ဆ ကဵုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရး ကဵုတီညာတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲရ၊ ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးဂှ် နကဵုဂလာန်ဓရ် တဳလပိုဉ်ပလိန္ဒဝစ္ဆ ဂပ်ဝ်ကဵုတီညာတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာတုဲ ကဵုမြဟ်မြာတုဲမ္ဂး လ္ၚောဝ်သ္ပဝတ် တဳလပိုဉ်ပိလိန္ဒဝစ္ဆတုဲ သ္ပရှ်ေသှ်ေရဴဂဴကၠာ ပါဲစ္ဍးအာရ။ ပ္ဍဲအခိၚ်ဂှ် တဳလပိုဉ်ပိလိန္ဒဝစ္ဆဂှ် “ယွံကျာ်မၞုံပိုဉ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရး မိက်ကဵုဒါန်ပၟၚ်အရှာမ်ရ၊ ယွံကျာ်မၞုံပိုဉ် အဲဍိက် ပသာ်သ္ဂောံဒ္ဂေတ်သ္ပရော?” ရဴဝွံ ဗလးဏာကလုတ် ကဵုဂရၚ်ပတီ တဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံဂလာန်ဓရ်တုဲ “ယွံခမဳတအ် ကဵုအခေါၚ် ပၟၚ်အရှာမ်ရ” ရဴဝွံ သ္ဂးကဵုခမဳဂမၠိုၚ်ရ။ မရနုက်ကဵုၜါန်ဝါလေဝ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရး ပြာပ်အာဇရေၚ် တဳလပိုဉ်ပိလိန္ဒဝစ္ဆတုဲ လ္ၚောဝ်သ္ပဝတ်တုဲမ္ဂး ဂဇအ်ဒၟံၚ် ပ္ဍဲဒၞါဲမွဲတုဲ– “ယွံတဳလပိုဉ် တဳလမၞုံပိုဉ်ကျာ်တြဲ ဂပ်ဝ်ကဵုအခေါၚ် ပၟၚ်အရှာမ်တုဲရဟာ” ရဴဝွံ (ဂရၚ်ပတီရ)။ ယွံမရာဇ် ဂပ်ဝ်ကဵုအခေါၚ်တုဲရ ရဴဝွံ (သ္ဂးရ)။ ယဝ်ဒှ်သာ်ဂှ်မ္ဂး ကဵုဒါန် ပၟၚ်အာရှာမ် ကုတဳလပိုဉ်ရ ရဴဝွံ (သ္ဂးရ)။ ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရး ဒုၚ်ဝန်ကဵုဒါန် ပၟၚ်အာရှာမ် တဳလပိုဉ်ပိလိန္ဒဝစ္ဆတုဲပ္ဍဲကြဴ ဝိုတ်ဝုဲအာသတိဒှ်တုဲ လအ်လမှဂွံတိုန်သတိတုဲ– “ယွံသကအ် ယြဴပၟၚ်အာရှာမ်မွဲ အဲ ဂပ်ဝ်ဒုၚ်လဝ်ဝန် သွက်တဳလပိုဉ်တုဲရ။ ပၟၚ်အာရှာမ်ဂှ် ဂပ်ဝ်ကဵုဒါန်တုဲရဟာ” ရဴဝွံ သၟာန်အမာတ်ဇၞော် မရၚ်တၠုၚ်ကမၠောန်ကေၚ်ကာအိုတ်သီုမွဲရ။ ယွံမရာဇ် ဟဂပ်ဝ်ကဵုဒါန် ကုတဳလပိုဉ်ဏီရ ရဴဝွံ (ဂရၚ်ပတီရ)။ ယွံသကအ် နူတ္ၚဲဝွံ (ကလေၚ်ရိုဟ်မ္ဂး) တ္ၚဲမဒုၚ်လဝ်ဝန်ဂှ် လအ်အာဗၞတ်လလအ်လဵုရော?” ရဴဝွံ (သၟာန်တိုန်ဂှ်)-- ပ္ဍဲအခိၚ်ဂှ် အမာတ်ဇၞော်ဂှ် ရိုဟ်လၟိဟ်ဗ္တံဂမၠိုၚ် “ယွံသၟိၚ်မပြဲ ဂွံအာမသုန်ကၠံတ္ၚဲတုဲရ” ရဴဝွံ ဂရၚ်ပတီ သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးရ။ ယွံသကအ် ယဝ်ဒှ်သာ်ဂှ်မ္ဂး ဩဝ်ကဵုဒါန် ပၟၚ်အာရှာမ်ဂမၠိုၚ်မသုန်ကၠံ ကုတဳလပိုဉ်ညိ ရဴဝွံ (ကဵုအသမ်ရ)။ “ခိုဟ်သန်ရ ယွံသၟိၚ်မပြဲ” ရဴဝွံ အမာတ်ဇၞော်ဂှ် ဒုၚ်ဝန် ကုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးတုဲ ကဵုဒါန်ပၟၚ်အာရှာမ်မသုန်ကၠံ ကုတဳလပိုဉ်ပိလိန္ဒဝစ္ဆရ၊ တန်ဒှ်အာကွာန် တၞဟ်ခြာမွဲရ၊ ကွာန်ဂှ် ကွာန်ပၟၚ်အာရှာမ်သၟတ် ရဴဝွံကီု ကွာန်ပိလိန္ဒသၟတ်ရဴဝွံကီု ကော်ခဴအိုတ်ရ။
၂၇၁။ ပ္ဍဲအခိၚ်ဂှ် တဳလပိုဉ်ပိလိန္ဒဝစ္ဆ ဒှ်ခမဳ ပြာပ်စဴသ္ၚိပ္ဍဲကွာန်သၟတ်ဂှ်ရ၊ ပ္ဍဲအခိၚ်ဂှ် တဳလပိုဉ်ပိလိန္ဒဝစ္ဆ ပ္ဍဲအခိၚ်နူဂယး သၠောံရုၚ်လတက်ပဠေဝ်သ္ၚာတုဲမ္ဂး ဂိုၚ်ထ္ၜကေတ်ဗဗေၚ်သ္ၚာတုဲ တၞဟ်နသွက်ပိဏ္ဍပါတ် လုပ်အာကွာန်ပိလိန္ဒသၟတ်ရ၊ ပ္ဍဲအခိၚ်ဂှ် ပ္ဍဲကွာန်ဂှ် ပေါဲသဘၚ် ဒှ်ဒၟံၚ်ရ၊ သၟတ်ဗြဴဂမၠိုၚ် ကျိုၚ်ကျဝ်ဖျေအ်ဖျောန် ဝက်စရှ် ပကဴသဴဂမၠိုၚ်တုဲ ဝေၚ်ဂြိုၚ်ကတိုၚ်ကမှ်အိုတ်ရ၊ ပ္ဍဲအခိၚ်ဂှ် တဳလပိုဉ်ပိလိန္ဒဝစ္ဆ အတိုၚ်လၟေၚ်လၟေၚ် ဂေတ်ဂ္ၚေၚ်တၞဟ်နသွက်ပိဏ္ဍပါတ် ပ္ဍဲကွာန်ပိလိန္ဒသၟတ်မ္ဂး ပြာပ်အာစိုပ်သ္ၚိပၟၚ်အာရှာမ်မွဲတၠတုဲ ဂဇအ်ဒၟံၚ် ပ္ဍဲဒၞါဲမဂပ်ဝ်လးပညပ်လဝ်ရ။ ပ္ဍဲအခိၚ်ဂှ် ကောန်ဝုတ် ဗြဴပၟၚ်အာရှာမ်ဂှ် ညာတ်သၟတ်ဗြဴမွဲသအာၚ်ဂမၠိုၚ် မကျိုၚ်ကျဝ်ဖျေအ်ဖျောန် ဝက်စရှ်လဝ်ပကဴသဴတုဲ “ဩဝ်ကဵုကဴ ကုအဲအိုတ်ညိ၊ ဩဝ်ကဵုကယျိုၚ်ကယျဝ် ကုအဲအိုတ်ညိ” ရဴဝွံ (သ္ဂးတုဲ) လရိုအ်ယာံဒၟံၚ်ရ၊ ပ္ဍဲအခိၚ်ဂှ် တဳလပိုဉ်ပိလိန္ဒဝစ္ဆဂှ် – “သၟတ်ကောန်ၚာ်ဗြဴဝွံ မုဟိုတ် လရိုအ်ယာံဒၟံၚ်ရော?” ရဴဝွံ သၟာန်ဗြဴပၟၚ်အာရှာမ်ဂှ်ရ။ ယွံတဳလပိုဉ် သၟတ်ကောန်ၚာ်ဗြဴဝွံ ညာတ်သၟတ်ဗြဴသအာၚ်ဂမၠိုၚ် မကျိုၚ်ကျဝ်ဖျေအ်ဖျောန် ဝက်စရှ်လဝ်ပကဴသဴတုဲ “ဩဝ်ကဵုကဴ ကုအဲအိုတ်ညိ၊ ဩဝ်ကဵုကယျိုၚ်ကျဝ် ကုအဲအိုတ်ညိ” ရဴဝွံ (သ္ဂးတုဲ) လရိုအ်ယာံဒၟံၚ်ရ။ ကုပိုဲဍိက်တအ်ညးဂမၠိုၚ် တၠဒဒိုခ်ဂှ် သာ်လဵု ကဴဂွံနွံဂှ်ရော? သာ်လဵု ကယျိုၚ်ကယျဝ်ဂွံနွံဂှ်ရော? ရဴဝွံ ဂရၚ်ပတီရ။ ပ္ဍဲအခိၚ်ဂှ် တဳလပိုဉ်ပိလိန္ဒဝစ္ဆ ဂိုၚ်ကေတ်ကဝး (ဂွေန်) ချောဲမွဲတုဲ “ကဝး (ဂွေန်) ချောဲဝွံ ဩဝ်သၠိုက်စုတ် ပ္ဍဲက္ဍိုပ်သၟတ်ကောန်ၚာ်ဗြဴဂှ်ညိ” ရဴဝွံ သ္ဂးကဵုဗြဴပၟၚ်အာရှာမ်ဂှ်ရ။ ပ္ဍဲအခိၚ်ဂှ် ဗြဴပၟၚ်အာရှာမ်ဂှ် သၠိုက်စုတ် ကဝး (ဂွေန်) ချောဲ ပ္ဍဲက္ဍိုပ်သၟတ်ကောန်ၚာ်ဗြဴဂှ်ရ၊ ကဝးချောဲဂှ် ဒှ်အာကဝးကဴထဝ် မကျေဝ်ဂေါဝ်လောန် မထေက်ကဵုဗဵုသ္ၚေဝ် မကဵုစိုတ်ဇြုၚ်ကေဝ်မာန်ရ၊ ကဝးကဴသာ်ထဝ်ဂှ် ပ္ဍဲအပ္ဍဲနန်သၟိၚ်လေဝ် ဟွံမွဲရ။ မၞိဟ်ဂမၠိုၚ် “ယွံသၟိၚ်မပြဲ ပ္ဍဲသ္ၚိပၟၚ်အာရှာမ်မၞုံယၟုဝွံ ကဝးကဴထဝ် မကျေဝ်ဂေါဝ်လောန် မထေက်ကဵုဗဵုသ္ၚေဝ် မကဵုစိုတ်ဇြုၚ်ကေဝ်မာန် (နွံဒၟံၚ်ရ)၊ ကဝးကဴသာ်ထဝ်ဂှ် ပ္ဍဲအပ္ဍဲနန်သၟိၚ်မပြဲလေဝ် ဟွံမွဲရ၊ ကုညးတၠဒဒိုက်ဂှ် နူလဵု (ဂွံကလိဂွံမာန်ရော?)၊ ဗွဲမုချ ကြက်ကၠတ်နၚ်ဒှ်ရ” ရဴဝွံ ဂရၚ်ပတီ သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးအိုတ်ရ။ ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရး ကဵုအာကၠေၚ်ဒက် ဂကူပၟၚ်အာရှာမ်ဂှ်ရ၊ မရနုက်ကဵုၜါဝါလေဝ် တဳလပိုဉ်ပိလိန္ဒဝစ္ဆ ပ္ဍဲအခိၚ်နူဂယး သၠောံလတက် ပဠေဝ်သ္ၚာတုဲမ္ဂး ဂိုၚ်ထ္ၜကေတ်ဗဗေၚ်သ္ၚာတုဲ တၞဟ်နပိဏ္ဍပါတ် လုပ်အာကွာန်ပိလိန္ဒသၟတ်ရ၊ တဳလပိုဉ်ပိလိန္ဒဝစ္ဆ အတိုၚ်လၟေၚ်လၟေၚ် ဂေတ်ဂ္ၚေၚ်တၞဟ်နသွက်ပိဏ္ဍပါတ် ပ္ဍဲကွာန်ပိလိန္ဒသၟတ်မ္ဂး ပြာပ်စိုပ်အာ ဇရေၚ်သ္ၚိပၟၚ်အာရှာမ်ဂှ်တု– “ဂကူပၟၚ်အာရှာမ်ဝွံ မုဌာန်မွဲ အာတဴရော?” ရဴဝွံ သၟာန်သ္ၚိဇရေၚ်ဂမၠိုၚ်ရ။ ယွံတဳလပိုဉ် ဟိုတ်နူဟိုတ်ကဝးကဴထဝ်ဂှ် သၟိၚ်ဨကရာဇ် ဂပ်ဝ်ကဵုကၠေၚ်ဒက်ဏာရ ရဴဝွံ (ဂရၚ်ပတီအိုတ်ရ)။ ပ္ဍဲအခိၚ်ဂှ် တဳလပိုဉ်ပိလိန္ဒဝစ္ဆ ပြာပ်အာသ္ၚိနန်သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးတုဲ ဂဇအ်ဒၟံၚ်ပ္ဍဲဒၞါဲမဂပ်ဝ်လးပညပ်လဝ်ရ။ ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟုသေနိယ တၠးညးမဂဓရး ပြာပ်အာဇရေၚ် တဳလပိုဉ်ပိလိန္ဒဝစ္ဆ မၞုံယၟုသေနိယ တၠညးမဂဓရး ပ္ဍဲဒၞါဲမွဲတုဲဂှ် “ယွံမရာဇ် မုဟိုတ် ဂပ်ဝ်ကဵုကၠေၚ်ဒက် ဂကူပၟၚ်အာရှာမ်ရော?” ရဴဝွံ တဳလပိုဉ်ပိလိန္ဒဝစ္ဆ သၟာန်တိုန်ရ။ “ယွံတဳလပိုဉ် ပ္ဍဲသ္ၚိပၟၚ်အာရှာမ်ဂှ် ကဝးကဴထဝ် မကျေဝ်ဂေါဝ်လောန် မထေက်ကဵုဗဵုသ္ၚေဝ် မကဵုစိုတ်ဇြုၚ်ကေဝ်မာန် နွံဒၟံၚ်ရ၊ ကဝးကဴထဝ်သာ်ဂှ် ပ္ဍဲအပ္ဍဲနန် ပိုဲဍိက်တအ်လေဝ် ဟွံမွဲရ၊ ကုညးတၠဒဒိုက်ဂှ် နူလဵု (ဂွံကလိဂွံမာန်ရော?)၊ ဗွဲမုချ ကြက်ကၠတ်နၚ်ဒှ်ရ” ရဴဝွံ ဂရၚ်ပတီရ။ ပ္ဍဲအခိၚ်ဂှ် တဳလပိုဉ်ပိလိန္ဒဝစ္ဆ သ္ပအဓိဋ္ဌာန် ရဴဝွံမ္ဂး ပြာသာဒ်သၟိၚ်ဗိမ္ဗိသာရ မၞုံယၟုသေနိယ တၠညးမဂဓရး ဩဝ်ကဵုဒှ်ထဝ်ညိရ၊ ပြာသာဒ်ဂှ် ဒှ်အာပြာသာဒ် မတုဲတဴ နကဵုထဝ်အိုတ်သီုရ။ ယွံမရာဇ် ထဝ်မဂၠိုၚ်လောန်ဝွံ တၠအဲ ကလိဂွံနူလဵုရော? ရဴဝွံ (သၟာန်ရ)။ “တီကၠးရ ယွံတဳလပိုဉ်၊ ကြဳဇှ်အာနုဘဴတဳလပိုဉ်” ရဴဝွံ (သ္ဂးတုဲ) ကဵုသှ်ဗလး ဂကူပၟၚ်အာရှာမ်ဂှ်ရ။ မၞိဟ်ဂမၠိုၚ် “ပ္ဍဲပရိသာတ်မဒှ်မွဲဟာန်ကေုာံသၟိၚ် တဳလပိုဉ်ပိလိန္ဒဝစ္ဆ ထ္ၜးတဴဣဒ္ဓိပါဋိဟာ မဒှ်ဓရ်ဇျာန်မဂ်ဖိုလ် မပြဲလောန်လတူဓရ် ကုသလကမ္မပထစှ် မဒှ်ဂြပ်မၞိဟ်ဂမၠိုၚ်ရဂး” ရဴဝွံ သ္ဍိုက်မၠိုက်မိပ်စိုတ်အိုဟ်တၟိုဟ်အိုတ်တုဲ လျုၚ်ဇြုၚ်သ္ဍိုက်လောန်အိုတ်တုဲ ကဵုဒါန်ဂဥုဲဂမၠိုၚ် မသုန်သာ် ကုတဳလပိုဉ်ပိလိန္ဒဝစ္ဆအိုတ်ရ။ ဂဥုဲမသုန်သာ်မ္ဂးဂှ် ညးဍေံရော? ကၠေၚ်သွဟ် ကၠေၚ်တၟိ ကၠေၚ် ဍာ်သာဲ တၚ်လာဲဂမၠိုၚ်ရ။ ဗွဲပကတိလေဝ် တဳလပိုဉ်ပိလိန္ဒဝစ္ဆ မၞုံအလေံကလိဂွံ ဂဥုဲဂမၠိုၚ်မသုန်သာ်ရ၊ ရိုဟ်မကလိဂွံ ရိုဟ်မကလိဂွံဂှ် သၠးထောံ ကုပရိသာတ်ရ။ ပရိသာတ် တဳလပိုဉ်ပိလိန္ဒဝစ္ဆဂှ်တုဲ နွံပၟိက်ပစ္စယ်ဂၠိုၚ်ရ၊ ရိုဟ်မကလိဂွံ ရိုဟ်မကလိဂွံဂှ် ကဵုဗပေၚ်တဴ ကၠာၚ်ဂမၠိုၚ်တုဲ တိုပ်ဒေပ်လဝ်ရ ကဵုဗပေၚ်တဴ ခ္ဍိုဟ်ဍာ်ထိုၚ်ဂမၠိုၚ်တုဲ ကွက်လဝ် ပ္ဍဲဗ္တၚ်ကျာဂမၠိုၚ်ရ၊ ဂဥုဲဂမၠိုၚ်ဂှ် ဇွောဝ်စှ်ေသၟတ်ကဵုသကဲၜါလပါ်အိုတ်ရ၊ ဘာဂမၠိုၚ်အိုတ်သီု တ္ၜန်တ္ၜော်နှဴရဴ နကဵုကၞိဂမၠိုၚ်အိုတ်ရ။ မၞိဟ်ဂမၠိုၚ် မဂေတ်ဂ္ၚေၚ်လၟေၚ်ဘာဂှ် ညာတ်ဒးအိုတ်တုဲ “ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သာကျဝၚ်ဝွံ သၟဟ်ညံၚ်ရဴသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးကီု မၞုံကဵုဟၚ်ဇရာံအပ္ဍဲအိုတ်ရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ခမဳဂမၠိုၚ်သ္ဂောံမိၚ်ကေတ် ဂလာန်မၞိဟ်ဂမၠိုၚ်ဂှ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်အိုတ်ဟေၚ်ရ။ ခမဳပၟိက်အောန်ဂမၠိုၚ် “မုဟိုတ် ခမဳဂမၠိုၚ် သ္ဂောံပတိတ်ဇြဟတ် တၞဟ်နပစ္စယ်ဂၠိုၚ်ရဴဝွံအိုတ်ရော? ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဟီုဂရိုဟ်တၚ်ဒုဟ် ခမဳဂမၠိုၚ်ဂှ် နဟိုတ်မဂၠိုၚ်ဂၠၚ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ “ယွံခမဳတအ် မၞးတအ်ညးဂမၠိုၚ် ပတိတ်ဇြဟတ် တၞဟ်နပစ္စယ်ဂမၠိုၚ်ရဴဝွံအိုတ်ရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ) ။ ပ ။ ဟီုဂရိုဟ်တုဲ ဝွံကဵုဂလာန်ဓရ်တုဲမ္ဂး “ယွံခမဳတအ် ကုခမဳမဂိယဲဂမၠိုၚ် ယြဴဂဥုဲမကၠာန်စဂမၠိုၚ် နွံအိုတ်ရ၊ ဂဥုဲဂမၠိုၚ်ဂှ် ညးဍေံအိုတ်ရောမ္ဂးတုန် ကၠေၚ်သွဟ် ကၠေၚ်တၟိ ကၠေၚ် ဍာ်သာ် တၚ်လာဲဂမၠိုၚ်ရ။ ဂဥုဲဂမၠိုၚ်ဂှ် ဒုၚ်ဗဂိန်လဝ်တုဲမ္ဂး သီဂိုၚ်ဒေပ်လဝ် စဵုကဵုထပှ်တ္ၚဲတုဲ ဂပ်ဝ်သ္ပပြဘိုဂ်အိုတ်ရ။ ကုခမဳမကဵုကလိလောန်အာထပှ်တ္ၚဲဂှ် ဒးသ္ဂုတ်သွာတ် ဗွဲမဗဗွဲကဵုဓရ်ရ” ရဴဝွံ သ္ဂးရ။ ခဏ်ကဵုအခေါၚ်ဂဥုဲကိုပ်ကၠာဂမၠိုၚ်တုဲရ။
၁၆၃။ ကဵုအခေါၚ်မပ္တံတၚ်လာဲ
[ပလေဝ်ဒါန် | ပလေဝ်ဒါန် တမ်ကၞက်]၂၇၂။ ပ္ဍဲအခိၚ်ဂှ် တဳလမၞုံပိုည်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်သာရဝှ် ဗွဲမိပ်လဟိၚ်တုဲမ္ဂး က္ညစ္ဍးအာ ဍုၚ်ရာဇဂြိုဟ်ရ။ တဳလပိုဉ်ကၚ်္ခါရေဝတဂှ် ပ္ဍဲအကြာဂၠံၚ်တရဴ လုပ်အာတာဲဖျိန်တၚ်လာဲတုဲ ဟိုတ်မညာတ်ကေတ် တၚ်လာဲဂမၠိုၚ် မစုတ်လဝ်ဝိုဟ်ကေုာံပတေၚ် (သဗိုက်သ္ၚု)ဂှ်ရ “တၚ်လာဲ ဒှ်မွဲဟာန်ကေုာံအာမိသဂှ် ဟွံဂပ်ဝ်ရ၊ တၚ်လာဲဂှ် တၞဟ်နပြဘိုဂ် ပ္ဍဲအခိၚ်တ္ၚဲစေၚ် ဟွံဂပ်ဝ်ရ” ရဴဝွံ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာဒှ်တုဲ မွဲဟာန်ကေုာံ ပရိသာတ် ဟွံပြဘိုဂ်တၚ်လာဲရ။ ခမဳဂမၠိုၚ် မကလၚ်ဗက်ဂလာန်မှာထေရ်ဂှ်လေဝ် ဟွံသ္ပပြဘိုဂ် တၚ်လာဲအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် မုဟိုတ် စုတ်တဴဝိုဟ်ကီု ပတောၚ်ကီု ပ္ဍဲတၚ်လာဲအိုတ်ရော? ရဴဝွံ (သၟာန်ရ)။ ယွံတဳလမၞုံပိုဉ် တၞဟ်နဂွံကြံၚ်မ္ၚိုဟ် စုတ်အိုတ်ရ ရဴဝွံ (ဂရၚ်ပတီအိုတ်ရ)။ ယွံခမဳတအ် တၞဟ်နဂွံကြံၚ်မ္ၚိုဟ် ယဝ်စုတ်တဴ ဝိုဟ်ကီု ပတေၚ်ကီု ပ္ဍဲတၚ်လာဲအိုတ်မ္ဂး၊ ဝိုဟ်ပတေၚ် မစုတ်ဂှ်လေဝ် အာစိုပ်ရိုဟ်လၟိဟ်မတွံဂး တၚ်လာဲဟေၚ်ရ။ ယွံခမဳတအ် အတိုၚ်နွံပၟိက် တၞဟ်နသ္ပပြဘိုဂ်တၚ်လာဲဂှ် ကဵုအခေါၚ်ရ ရဴဝွံ (သ္ဂးရ)။ တဳလပိုဉ်ကၚ်္ခါရေဝတဂှ် အပ္ဍဲအကြာဂၠံၚ်တရဴ ညာတ်ဒး တၞံၜဲမုဂ်ကၠုတ်တိုန်ဒၟံၚ် ပ္ဍဲဂအုံတရဴဇၞော်တုဲ “ၜဲမုဂ်ဂမၠိုၚ်် ဟွံဂပ်ဝ်အိုတ်ရ၊ ၜဲမုဂ်ဂမၠိုၚ် မဂပ်ဝ်ဖျိန်လဝ်တုဲဂှ်လေဝ် တၞံကၠုတ်တိုန်အိုတ်ရ” ရဴဝွံ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာ ရဴဝွံမ္ဂး ဟွံဂပ်ဝ်ဒှ်တုဲ မွဲဟာန်ကေုာံပရိသာတ် ဟွံပြဘိုဂ်ၜဲမုဂ်ရ။ ခမဳဂမၠိုၚ် မကလၚ်ဗက်ဂလာန်မှာထေရ်ဂှ်လေဝ် ဟွံသ္ပပြဘိုဂ်ၜဲမုဂ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ၜဲမုဂ်ဂမၠိုၚ် မဂပ်ဝ်ဖျိန်လဝ်တုဲဂှ် ၜိုန်တၞံကၠုတ်တိုန်လေဝ် အတိုၚ်နွံပၟိက် တၞဟ်နသ္ပပြဘိုဂ်ၜဲမုဂ်ဂှ် ကဵုအခေါၚ်ရ ရဴဝွံ (သ္ဂးရ)။
၂၇၃။ ပ္ဍဲအခိၚ်ဂှ် ခမဳမွဲဇကု ကတဵုဒှ်ယဲကျာ ပ္ဍဲဗုၚ်ဂၞဴရ၊ ခမဳဂှ် သုၚ်ဍာ်ပၠာဲလောဏသောဝဳရကရ၊ ယဲကျာမကတဵုဒှ်ပ္ဍဲဗုၚ်ဂၞဴဂှ် လလမ်အာ ကုခမဳဂှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုည်ကျာ်တြဲအိုတ်ရ။ ယွံခမဳတအ် ကုခမဳမဂိယဲဂှ် ကဵုအခေါၚ် ဍာ်ပၠာဲလောဏသောဝဳရကရ၊ ကုခမဳမဟွံဂိယဲဂှ် တၞဟ်နသုၚ်တဴလောဏသောဝဳရက မနှဴရဴကေုာံဍာ် နကဵုစၟတ်သမ္တီ မတွံဂးဍာ်ပၠာဲဂှ် ကဵုအခေါၚ်ရ ရဴဝွံ (သ္ဂးရ)။
၁၆၄။ ပါဲကၠေံပွမတိုပ်ဒေပ် ပ္ဍဲအကပ္ပိယကုဋဳ
[ပလေဝ်ဒါန် | ပလေဝ်ဒါန် တမ်ကၞက်]၂၇၄။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် ဂေတ်ဂ္ၚေၚ်က္ညအာဒေသစာရိတ်မ္ဂး စိုပ်အာဍုၚ်ရာဇဂြိုဟ်တုဲ သ္ပဒတဴတန်ဒၟံၚ် ပ္ဍဲဘာဝေဠုဝန် မဒှ်ဒၞါဲကဵုစၞ ကုယန်လမ္စံက်ဂမၠိုၚ် ဇရေၚ်ဍုၚ်ရာဇဂြိုဟ်ဂှ်ရ။ ပ္ဍဲအခိၚ်ဂှ် ယဲကျာ ပ္ဍဲဗုၚ်ဂၞဴ ကတဵုဒှ် ကုတဳလမၞုံပိုဉ်ကျာ်တြဲဂှ်ရ။ ပ္ဍဲအခိၚ်ဂှ် တဳလပိုဉ်အာနန္ဒ “ပ္ဍဲကိုပ်ကၠာတေံ ယဲကျာ မကတဵုဒှ်ပ္ဍဲဗုၚ်ဂၞဴ တဳလမၞုံပိုဉ်ကျာ်တြဲဂှ် ကေၚ်ကၠေံအာ နကဵုတေကဋုလယာဂုရ” ရဴဝွံ (ပၠုပ်စိုတ်တုဲ) အလဵုဇကု အာတ်ကေတ်လ္ၚဴကီု သ္ၚုကီု ၜဲမုဂ်ကီု တိုၚ်ဒေပ်လဝ် ပ္ဍဲအပ္ဍဲဘာတုဲမ္ဂး အလဵုဇကု ဖျိန်ပ္ဍဲအပ္ဍဲဘာတုဲ “တဳလမၞုံပိုဉ်ကျာ်တြဲ ဩဝ်သုၚ်တေကဋုလယာဂုညိ” ရဴဝွံ ဗဂိန်ကဵုကုတဳလမၞုံပိုဉ်ကျာ်တြဲရ။ ကျာ်တြဲဂမၠိုၚ် သီုမတီတဴလေဝ် သၟာန်သၟုန်အိုတ်ရ၊ သီုမတီတဴလေဝ် ဟွံသၟာန်သၟုက်အိုတ်ရ။ တီအခိၚ်အခါတုဲ သၟာန်သၟုက်အိုတ်ရ၊ တီအခိၚ်အခါတုဲ ဟွံသၟာန်သၟုက်အိုတ်ရ။ ကျာ်တြဲဂမၠိုၚ် သၟာန်သၟုက်တဴ စပ်ကဵုဒတုဲဖဵုအိုတ်၊ ဟွံစပ်ကဵုဒတုဲဖဵုဂှ် ဟွံသၟာန်သၟုက်အိုတ်။ ကျာ်တြဲဂမၠိုၚ် ပါဲကၠေံ မဟွံစပ်ကဵုဒတုဲဖဵုဂမၠိုၚ် နကဵုမဂ်တုဲအိုတ်ရ။ နကဵုဟိုတ်ဂမၠိုၚ် ၜါပြကာမတွံဂး “ဓရ်ဂှ်လေဝ် ကြက်တွံအိုတ်ရ၊ သိက္ခာပိုဒ်ဂှ်လေဝ် ကြက်ပညပ်တဴ ကုကွးဂမၠိုၚ်အိုတ်ရ”ဂှ် ကျာ်တြဲ မပတၠတြဴပြကာဂမၠိုၚ် သၟာန်သၟုက်တဴ ခမဳဂမၠိုၚ်အိုတ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံအာနန္ဒ မုရဴနူဌာန်မွဲ ကလိဂွံနၚ် ယာဂုဝွံရော? ရဴဝွံ သၟာန်တဳလပိုဉ်အာနန္ဒရ။ ပ္ဍဲအခိၚ်ဂှ် တဳလပိုဉ်အာနန္ဒ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ ယွံအာနန္ဒ ဟွံထေက်ရ၊ ဟွံဗဗွဲရ၊ ဟွံသပ္ပါယ်ရ၊ အာကာဲအရာခမဳတအ် ဟွံသေၚ်ရ၊ ဟဂပ်ဝ် ကုခမဳဂမၠိုၚ်ရ၊ ဟွံထေက်ကဵုခမဳဂမၠိုၚ်သ္ပရ။ ယွံအာနန္ဒ မုဟိုတ် တၠအဲ ပတိတ်ဇြဟတ် တၞဟ်နယာဂုဂွံဂၠိုၚ် မၞုံသဘဴဝွံရော? ယွံအာနန္ဒ သ္ပတိုပ်ဒေပ်စွံ ပ္ဍဲအပ္ဍဲအကပ္ပိယကုဋဳလေဝ် ဟွံဂပ်ဝ်ရ၊ ပွမဖျိန် ပ္ဍဲအပ္ဍဲအကပ္ပိယကုဋဳလေဝ် ဟွံဂပ်ဝ်ရ၊ ပွမဖျိန်အလဵုဇကုဂှ်လေဝ် ဟွံဂပ်ဝ်ရ။ ယွံအာနန္ဒ (ပွတၠအဲသ္ပဒး)ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး— “ယွံခမဳတအ် ဘောဇိုန် မဂပ်ဝ်တိုပ်ဒေပ်စွံ ပ္ဍဲအပ္ဍဲအကပ္ပိယကုဋဳဂှ် ဟဂပ်ဝ်သ္ပပြဘိုဂ်ရ၊ ဘောဇိုန်မဂပ်ဝ်ဖျိန် ပ္ဍဲအပ္ဍဲအကပ္ပိယကုဋဳ ဟဂပ်ဝ်သ္ပပြဘိုဂ်ရ၊ ဘောဇိုန်မဂပ်ဝ်ဖျိန် အလဵုဇကုဂှ် ပ္ဍဲအပ္ဍဲအကပ္ပိယကုဋဳ ဟဂပ်ဝ်သ္ပပြဘိုဂ်ရ၊ ကုခမဳမသ္ပပြဘိုဂ်ဂှ် ဒးအာပတ်ဒုက္ကဋ်ရ။ ယဝ်သ္ပပြဘိုဂ် ဘောဇိုန် မတိုပ်ဒေပ်စွံ ပ္ဍဲအပ္ဍဲအကပ္ပိယကုဋဳ မဖျိန် ပ္ဍဲအပ္ဍဲအကပ္ပိယကုဋဳ မဖျိန်အလဵုဇကုဂှ်မ္ဂး၊ ဒးအာပတ်ဒုက္ကဋ်ပိလ္စုတ်ရ။ ယဝ်သ္ပပြဘိုဂ် ဘောဇိုန် မတိုပ်ဒေပ်စွံ ပ္ဍဲအပ္ဍဲအကပ္ပိယကုဋဳ မဖျိန် ပ္ဍဲအပ္ဍဲအကပ္ပိယကုဋဳ ညးသအာၚ်ဂမၠိုၚ်ဖျိန်ဂှ်မ္ဂး၊ ဒးအာပတ်ဒုက္ကဋ်ၜါလ္စုတ်ရ။ ယဝ်သ္ပပြဘိုဂ် ဘောဇိုန် မတိုပ်ဒေပ်စွံ ပ္ဍဲအပ္ဍဲအကပ္ပိယကုဋဳ မဖျိန် ပ္ဍဲအပ္ဍဲအကပ္ပိယကုဋဳ မဖျိန်အလဵုဇကုဂှ်မ္ဂး၊ ဒးအာပတ်ဒုက္ကဋ်ၜါလ္စုတ်ရ။ ယဝ်သ္ပပြဘိုဂ် ဘောဇိုန် မတိုပ်ဒေပ်စွံ ပ္ဍဲမ္ၚးအကပ္ပိယကုဋဳ မဖျိန် ပ္ဍဲအပ္ဍဲအကပ္ပိယကုဋဳ မဖျိန်အလဵုဇကုမ္ဂး၊ ဒးအာပတ်ဒုက္ကဋ်ၜါလ္စုတ်ရ။ ယဝ်သ္ပပြဘိုဂ် ဘောဇိုန် မတိုပ်ဒေပ်စွံ ပ္ဍဲမ္ၚးအကပ္ပိယကုဋဳ မဖျိန် ပ္ဍဲအပ္ဍဲအကပ္ပိယကုဋဳ ညးသအာၚ်ဂမၠိုၚ်ဖျိန်ဂှ်မ္ဂး၊ ဒးအာပတ်ဒုက္ကဋ်ရ။ ယဝ်သ္ပပြဘိုဂ် ဘောဇိုန် မတိုပ်ဒေပ်စွံ ပ္ဍဲမ္ၚးအကပ္ပိယကုဋဳ မဖျိန် ပ္ဍဲမ္ၚးအကပ္ပိယကုဋဳ မဖျိန်အလဵုဇကုဂှ်မ္ဂး၊ ဒးအာပတ်ဒုက္ကဋ်ရ။ ယဝ်သ္ပပြဘိုဂ် ဘောဇိုန် မတိုပ်ဒေပ်စွံ ပ္ဍဲမ္ၚးအကပ္ပိယကုဋဳ မဖျိန် ပ္ဍဲအပ္ဍဲအကပ္ပိယကုဋဳ ညးသအာၚ်ဂမၠိုၚ်ဂှ်မ္ဂး၊ ဟွံဒးအာပတ်ရ” ရဴဝွံ သ္ဂးကဵုခမဳဂမၠိုၚ်ရ။ ပ္ဍဲအခိၚ်ဂှ် ခမဳဂမၠိုၚ် “တဳလမၞုံပိုဉ်ကျာ်တြဲ ပါဲကၠေံ စၞမဂပ်ဝ်ဖျိန်အလဵုဇကုရ” ရဴဝွံ ပ္ဍဲပွမကလေၚ် ဖျိန်မွဲလှ်ေပၠန် (ကလေၚ်ဟတူ) မၞုံကဵု‘သံသယကုက္ကုစ္စ’ ပွမချပ်သၠေဟ်ပၟာ ရဴဝွံမ္ဂး ဟွံဂပ်ဝ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် စိန်ဒၟံၚ်တုဲဂှ် တၞဟ်နပွမကလေၚ်ဟတူမွဲလှ်ေပၠန်ဂှ် ကဵုအခေါၚ်ရ ရဴဝွံ (သ္ဂးရ)။ ပ္ဍဲအခိၚ်ဂှ် ဍုၚ်ရာဇဂြိုဟ် ကတဵုဒှ်ကၞောဝ်ကၠောဝ်စၞစသုၚ်ရ၊ မၞိဟ်ဂမၠိုၚ် ရၚ်တၠုၚ်နၚ်အာရှာမ် ၜဵုကီု ကၠေၚ်ကီု သ္ၚုကီု စၞစကီုအိုတ်ရ၊ မပ္တံကဵုသ္ၚုဂမၠိုၚ်ဂှ် ခမဳဂမၠိုၚ် စွံပတန်လဝ် တိုပ်ဒေပ်လဝ် ပ္ဍဲမ္ၚးအိုတ်ရ။ ဗ္ဂဲ ကၞိ ဟကောတ် ဇၞးဇာတ်ဂမၠိုၚ်လေဝ် ကိတ်စအိုတ်ရ၊ ကမၠတ်ဂမၠိုၚ်လေဝ် ရၚ်တၠုၚ်ဏာအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နစွံပတန် ပ္ဍဲအပ္ဍဲဂှ် ကဵုအခေါၚ်ရ ရဴဝွံ (သ္ဂးရ)။ တိုပ်ဒေပ်လဝ် ပ္ဍဲအပ္ဍဲတုဲ ကဵုဖျိန်ပ္ဍဲမ္ၚးအိုတ်ရ၊ ညးစစၞဇမ္ၚးဂမၠိုၚ် ကောံဗိုၚ်ဒၟံၚ်အိုတ်ရ၊ ခမဳဂမၠိုၚ် သီုမဇအိုန်ဇရဂှ် ဒးစအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နပွမဖျိန် ပ္ဍဲအပ္ဍဲဂှ် ကဵုအခေါၚ်ရ ရဴဝွံ (သ္ဂးရ)။ ပ္ဍဲအခိၚ်ဒှ်ကၞောဝ်ကၠောဝ်ဗျဵုဂှ် ကပ္ပိယကာရကဂမၠိုၚ် ရၚ်တၠုၚ်ကေတ်ဏာဗွဲမဂၠိုၚ်အိုတ်ရ၊ ဗၞတ်ညိနာၚ်ဟေၚ် ကဵုခမဳဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နပွမဖျိန်အလဵုဇကုဂှ် ကဵုအခေါၚ်ရ၊ ယွံခမဳတအ် ကဵုအခေါၚ် ပွမတိုပ်ဒေပ်စွံ ပ္ဍဲအပ္ဍဲ ပွမဖျိန်ပ္ဍဲအပ္ဍဲ ပွမဖျိန်အလဵုဇကုရ ရဴဝွံ (သ္ဂးရ)။
၁၆၅။ ပွမဒုၚ်ဗဂိန် ဗဂိန်လီုတုဲ
[ပလေဝ်ဒါန် | ပလေဝ်ဒါန် တမ်ကၞက်]၂၇၅။ ပ္ဍဲကာလမွဲအခိၚ် ခမဳဂမၠိုၚ်မဂၠိုၚ်ဂၠၚ် ဒၠိုက်ကတဵုနူဝသ် ပ္ဍဲကာသိရးဂမၠိုၚ်ဒှ်တုဲ သွက်ဂွံဗဵုလ္ၚောဝ် တဳလမၞုံပိုဉ်ကျာ်တြဲ က္ညအာတဴ ဍုၚ်ရာဇဂြိုဟ်မ္ဂး ပ္ဍဲအကြာဂၠံၚ်တရဴ ဟွံကလိဂွံ ဘောဇိုန်မဒှ်ကြံၚ်မ္ၚိုဟ် မဒှ်ပြဲပြဲ အတိုၚ်နွံပၟိက်ဗွဲမဍိုက်ပေၚ်အိုတ်ရ၊ စၞစသတ််ဆုဗွဲမဂၠိုၚ်ဟေၚ် နွံရ၊ ကပ္ပိယကာရကလေဝ် ဟွံမွဲရ။ ပ္ဍဲအခိၚ်ဂှ် ခမဳဂမၠိုၚ် မၞုံကဵုပွမဍောၚ်ၜိုတ်ဂှ် ပြာပ်အာဇရေၚ် တဳလမၞုံပိုဉ်ကျာ်တြဲ ပ္ဍဲဘာဝေဠုဝန် မဒှ်ဒၞာဲကဵုစၞ ကုယန်လမ္စံက်ဂမၠိုၚ် ဇရေၚ်ဍုၚ်ရာဇဂြိုဟ်တတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး ဂဇအ်ဒၟံၚ် ပ္ဍဲဒၞာဲမွဲအိုတ်ရ၊ ပွမဟီုဂလာန်ဆက်မိတ် ဗွဲမိပ်စိုတ်အိုဟ်တၟိုဟ်ကေုာံခမဳအာဂန္တုကဂမၠိုၚ်မွဲစွံဂှ် ဒှ်အခိုက်အလေံ တဳလမၞုံပိုဉ်ကျာ်တြဲဂမၠိုၚ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံခမဳတအ် မိပ်ဇြိပ်ထတ်ယုက်အိုတ်ဟာ၊ ယိုပ်ယာပ်အိုတ်ဟာ၊ သီုဟွံဍောၚ်ၜိုတ်ဂှ် ဂွံကၠုၚ်တဴ တရဴအဓာတ်မဂၠိၚ်သ္ၚောဲအိုတ်ဟာ၊ ယွံခမဳတအ် မၞးတအ်ညးဂမၠိုၚ် မုရဴနူဌာန်မွဲ ကၠုၚ်အိုတ်ရာ? ရဴဝွံ သၟာန်တိုန်ခမဳဂမၠိုၚ်ဂှ်ရ။ မိပ်ဇြိပ်ထတ်ယုက်အိုတ်ရ ယွံကျာ်မၞုံပိုဉ်၊ ယိုပ်ယာပ်အိုတ်ရ ယွံကျာ်မၞုံပိုဉ်၊ ယွံကျာ်မၞုံပိုဉ် ပိုဲဍိက်တတအ်ညးဂမၠိုၚ် ပ္ဍဲအခိၚ်လၟုဟ် ဒၠိုက်ကတဵုနူဝသ် ပ္ဍဲကာသိရးဂမၠိုၚ်ဒှ်တုဲ သွက်ဂွံဗဵုလ္ၚောဝ် တဳလမၞုံပိုဉ်ကျာ်တြဲ က္ညကၠုၚ်တဴ ဍုၚ်ရာဇဂြိုဟ်မ္ဂး ပ္ဍဲအကြာဂၠံၚ်တရဴ ဟွံကလိဂွံ ဘောဇိုန်မဒှ်ကြံၚ်မ္ၚိုဟ် မဒှ်ပြဲပြဲ အတိုၚ်နွံပၟိက် ဗွဲမဍိုက်ပေၚ်အိုတ်ရ၊ စၞစသတ်ဆုဗွဲမဂၠိုၚ်ဟေၚ် နွံရ၊ ကပ္ပိယကာရကလေဝ် ဟွံမွဲရ။ ဟိုတ်ဂှ်ရ ပိုဲဍိက်တအ်ညးဂမၠိုၚ် မၞုံကဵုပွမဍောၚ်ၜိုတ်ဂမၠိုၚ်ဒှ်တုဲ သ္ဒးကၠုၚ်တဴ တရဴအဓာန် မဂၠိၚ်သ္ၚောဲအိုတ်ရ ရဴဴဝွံ (ဂရၚ်ပတီရ)။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး– “ယွံခမဳတအ် ယြဴပ္ဍဲဌာန်မွဲ ဆဵုညာတ်ဒး စၞးသတ််ဆုမ္ဂး၊ ကပ္ပိယကာရကလေဝ် ဟွံမွဲမ္ဂး အလဵုဇကု ရၚ်တၠုၚ်ကေတ်တုဲမ္ဂး ပ္ဍဲအခိၚ်မဆဵုညာတ် ကပ္ပိယကာရကဂမၠိုၚ်ဂှ် ဖျေံစွံပ္ဍဲတိတုဲ ဒုၚ်ဗဂိန်တုဲမ္ဂး တၞဟ်နသ္ပပြဘိုဂ်ဂှ် ကဵုအခေါၚ်ရ၊ ယွံခမဳတအ် တၞဟ်နပွမဒုၚ်ဗဂိန် သတ်ဆု မဗဂိန်လီုတုဲဂှ် ကဵုအခေါၚ်ရ” ရဴဝွံ သ္ဂးကဵုခမဳဂမၠိုၚ်ရ။
၂၇၆။ ပ္ဍဲကာလမွဲအခိၚ် ကုဗဗၞးမွဲတၠဂှ် ကလိဂွံလ္ၚဴတၟိ ကေုာံဍာ်သာဲတၟိရ။ ပ္ဍဲကြဴနူဂှ် “အဲသ္ဂောံကဵုဒါန် ကုသၚ်မၞုံပဓာန်ဍေံကျာ်တြဲ နကဵုလ္ၚဴတၟိ ကေုာံဍာ်သာဲတၟိမ္ဂး ခိုဟ်သန်ရ” ရဴဝွံ ကသပ်ဒှ် ကုဗဗၞးဂှ်ရ။ ပ္ဍဲအခိၚ်ဂှ် ဗဗၞးဂှ် ပြာပ်အာဇရေၚ် တဳလမၞုံပိုဉ်ကျာ်တြဲတုဲ ဟီုဂလာန်မိပ်စိုတ်အိုဟ်တၟိုဟ် ဆက်မိတ်ကေုာံတဳလမၞုံပိုဉ်ကျာ်တြဲမွဲစွံရ၊ ဟီုပတုဲကၠေံဂလာန် ထေက်ကဵုမိပ်စိုတ်တအိုဟ်တၟိုဟ် ထေက်ကဵုဗှ်ဗၞုဟ်တုဲ ဂဇအ်ကေတ် ပ္ဍဲဒၞာဲမွဲတုဲမ္ဂး “တၞဟ်နသွက်ဂွံကဵုပိုဉ် ပ္ဍဲတ္ၚဲယးတေံ တြနာဲဂေါတမ မွဲဟာန်ကေုာံခမဳသၚ် ဩဝ်ဒုၚ်တဲ ပိဏ္ဍပါတ်အဲဍိက်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲ နမဒၟံၚ်သ္ၚိတ်သ္ၚိတ်ဂှ် ဒုၚ်ကေတ်တဲရ။ ပ္ဍဲအခိၚ်ဂှ် ဗဗၞးဂှ် တီကေတ် တဳလမၞုံပိုဉ်ကျာ်တြဲ ဒုၚ်တဲတုဲ ပါဲစ္ဍးအာရ။ ပ္ဍဲအခိၚ်ဂှ် ဗဗၞးဂှ် ပ္ဍဲအခိၚ်မကလိလောန််အာဗ္တံဂှ် စဳရေၚ်တဴ စၞစဘောဇိုန်မပြဲပြဲတုဲ “ယွံတြနာဲဂေါတတမ ဒးအခိၚ်ကဵုပိုဉ်ရ၊ ပဠေဝ်ပဠေတ်လဝ် ပိဏ္ဍပါတ်တုဲရ” ရဴဝွံ ကဵုဂရၚ်ပတီ ဒးအခိၚ် ကုတဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်နူဂယး ဗိုက်ပဠေဝ်သ္ၚာ ဂိုၚ်ကေတ်ဗဗေၚ်သ္ၚာတုဲ က္ညပြာပ်စဴအာသ္ၚိဗဗၞးဂှ်တုဲ ဂဇအ်ဒၟံၚ် ပ္ဍဲသၞာမလးပညပ်လဝ် မွဲဟာန်ကေုာံခမဳသၚ်ရ။ ပ္ဍဲအခိၚ်ဂှ် ဗဗၞးဂှ် အလဵုဇကု ကၠောန်ၜိုတ်ဥပကာ ခမဳသၚ်မၞုံပဓာန်ဍေံကျာ်တြဲ နကဵုစၞအာဟာရ ဘောဇိုန်မပြဲပြဲ စဵုကဵုတရိုပ်စိုတ် စဵုကဵုဒးဆေဝ်တာ ပဒေါံကၠေံတုဲမ္ဂး အခိၚ်တဳလမၞုံပိုဉ်ကျာ်တြဲ ပါဲကၠေံအာ နူဗဗေၚ်တုဲဂှ် ဂဇအ်ဒၟံၚ် ပ္ဍဲဒၞာဲမွဲရ။ တဳလမၞုံပိုဉ်ကျာ်တြဲဂှ် နကဵုဂလာန်ဓရ် ကဵုဗဗၞး မဂဇအ်ဒၟံၚ် ပ္ဍဲဒၞာဲမွဲဂှ် တီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲမ္ဂး ဒၠိုက်ကတဵုတူဒၞာဲ က္ညပါဲစ္ဍးအာရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ က္ညစ္ဍးအာတုဲဟွံသက်ဂတာပ်လအ် “ယြဴတၞဟ်နဖဵုပွမကဵုဒါန် ရဴဝွံမ္ဂး ‘ကြက်ကဵုဒါန် လ္ၚဴတၟိ ကေုာံဍာ်သာဲတၟိဂမၠိုၚ်မွဲ အဲ ဘိက်နိမန် သၚ်မၞုံပဓာန််ဍေံကျာ်တြဲရ၊ တၞဟ်နကဵုဒါန် လ္ၚဴတၟိ ကေုာံဍာ်သာဲတၟိဂမၠိုၚ်ဂှ် အဲဝိုတ်အာရ၊ အဲဂွံရၚ်တၠုၚ်ဏာအာရှာမ် လ္ၚဴတၟိ ကေုာံဍာ်သာဲတၟိ နကဵုကၠာၚ်ဂမၠိုၚ်ကီု နကဵုနုၚ်ဂမၠိုၚ်ကီုမ္ဂး ခိုဟ်သန်ရ” ရဴဝွံ ကသပ်ဒှ် ကုဗဗၞးဂှ်ရ။ ပ္ဍဲအခိၚ်ဂှ် ဗဗၞးဂှ် ကဵုရၚ်တၠုၚ်ဏာအာရှာမ် လ္ၚဴတၟိ ကေုာံဍာ်သာဲတၟိ နကဵုကၠာၚ်ဂမၠိုၚ်ကီု နကဵုနုၚ်ဂမၠိုၚ်ကီုတုဲမ္ဂး ပြာပ်အာဇရေၚ် တဳလမၞုံပိုဉ်ကျာ်တြဲတုဲ ဂဇအ်ကေတ် ပ္ဍဲဒၞာဲမွဲတုဲမ္ဂး “ယွံတြနာဲဂေါတမ အဲဍိက် တၞဟ်နဖဵုပွမကဵုဒါန် ရဴဝွံမ္ဂး ‘ကြက်ကဵုဒါန် လ္ၚဴတၟိ ကေုာံဍာ်သာ်တၟိဂမၠိုၚ်ရ’ဂှ် ဘိက်နိမိန် သၚ်မၞုံပဓာန်ဍေံကျာ်တြဲရ၊ အဲဍိက် တၞဟ်နကဵုဒါန် လ္ၚဴတၟိ ကေုာံဍာ်သာဲတၟိဂမၠိုၚ်ဂှ် ဝိုတ်အာရ၊ တြနာဲဂေါတမ ဩဝ်ဒၚ်ဂိုၚ်ကေတ် လ္ၚဴတၟိ ကေုာံဍာ်သာဲတၟိ အဲဍိက်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံဗဗၞး ယဝ်ဒှ်သာ်ဂှ်မ္ဂး ဩဝ်ကဵုဒါန် ကုခမဳဂမၠိုၚ်ညိ ရဴဝွံ (သ္ဂးရ)။ ပ္ဍဲအခိၚ်ဂှ် ခမဳဂမၠိုၚ် ပ္ဍဲအခိၚ်ဒှ်ကၞောဝ်ကၠောဝ်ဗျဵု ဒုၚ်ဂိုၚ်ကေတ် ဗၞတ်ညိနာၚ်တုဲလေဝ် ဒေါံရ ရဴဝွံ ဆေဝ်ဒဝ်ကၠေံအိုတ်ရ၊ ဗ္စာရဏာတုဲလေဝ် ပါဲဒဝ်ကၠေံအိုတ်ရ၊ သၚ်အိုတ်သီုလေဝ် ဒေါံရ ရဴဝွံ ဆေဝ်ဒဝ်ကၠေံရ၊ ခမဳဂမၠိုၚ် မၞုံကဵု‘သံသယကုက္ကုစ္စ’ ပွမချပ်သၠေဟ်ပၟါ ရဴဝွံမ္ဂး ဟဂပ်ဝ်ဒှ်တုဲ ဟွံဒုၚ်ဂိုၚ်ကေတ်အိုတ်ရ။ ယွံခမဳတအ် ဩဝ်ဒုၚ်ဂိုၚ်ကေတ်အိုတ်ညိ၊ ဩဝ်သ္ပပြဘိုဂ်အိုတ်ညိ၊ ယွံခမဳတအ် ဃောကဵုပိုဉ် ခမဳမဆေဝ်ဒဝ်ဒး ရဴဝွံမ္ဂး ဒေါံရဂှ် ဘောဇိုန်မဂပ်ဝ်ရၚ်တၠုၚ် နူဌာန်ဘိက်နိမိန်ကဵုပိုဉ်ဂှ် သီုဟွံသ္ပအတိရိတ်ဝိနယ်ကမ် တၞဟ်နသ္ပပြဘိုဂ် ကဵုအခေါၚ်ရ ရဴဝွံ (သ္ဂးရ)။
၁၆၆။ ကဵုအခေါၚ် မပ္တံပွမဒုၚ်ဗဂိန်
[ပလေဝ်ဒါန် | ပလေဝ်ဒါန် တမ်ကၞက်]၂၇၇။ ပ္ဍဲအခိၚ်ဂှ် ဒကာကၠောန်ၜိုတ်ဥပကာ တဳလပိုဉ်ဥပနန္ဒ ကောန်သၟိၚ်သာကျဝၚ် “ထ္ၜးကဵုတဳလပိုဉ်ဥပနန္ဒတုဲ ဩဝ်ကဵုဒါန် ကုသၚ်ညိ” ဖအေဝ်ဗလံၚ်နၚ်စၞစ တၞဟ်နသွက်သၚ်ရ။ ပ္ဍဲအခိၚ်ဂှ် တဳလပိုဉ်ဥပနန္ဒ ကောန်သၟိၚ်သာကျဝၚ် ဒှ်အခိၚ်လုပ်ဂ္ၚေၚ်ဒၟံၚ်ပိဏ္ဍပါတ်အပ္ဍဲကွာန်ရ။ ပ္ဍဲအခိၚ်ဂှ် မၞိဟ်ဂမၠိုၚ် အာ အာရှာမ်တုဲ “ယွံတဳလပိုဉ်တအ် တဳလပိုဉ်ဥပနန္ဒဂှ် ဣလဵုရော?” ရဴဝွံ သၟာန်ခမဳဂမၠိုၚ်အိုတ်ရ။ ယွံဒကာတအ် တဳလပိုဉ်ဥပနန္ဒ ကောန်သၟိၚ်သာကျဝၚ်ဂှ် လုပ်ဂ္ၚေၚ်ဒၟံၚ်ပိဏ္ဍပါတ် အပ္ဍဲကွာန်ရ ရဴဝွံ (သ္ဂးအိုတ်ရ)။ ယွံတဳလပိုဉ်တအ် စၞစဝွံ ထ္ၜးကဵုတဳလပိုဉ်ဥပနန္ဒတုဲ ကဵုထောံဒါန် ကုသၚ်ညိ ရဴဝွံ (ဂရၚ်ပတီအိုတ်ရ)။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံဂလာန်ဓရ်တုဲ “ယွံခမဳတအ် ဒှ်သာ်ဂှ်မ္ဂး ဒုၚ်ဗဂိန်လဝ်တုဲ ဩဝ်စွံပတန်လဝ် စဵုကဵုဥပနန္ဒ ကၠုၚ်စိုပ်အိုတ်ညိ” ရဴဝွံ သ္ဂးကဵုခမဳဂမၠိုၚ်ရ။ ပ္ဍဲအခိၚ်ဂှ် တဳလပိုဉ်ဥပနန္ဒ ကောန်သၟိၚ်သာကျဝၚ် ပ္ဍဲအခိၚ်နူဂယး ပြာပ်စဴအာသ္ၚိတုဲ အခိၚ်တ္ၚဲသၠုၚ်မှ ကလေၚ်ကၠုၚ်ရ။ ပ္ဍဲအခိၚ်ဂှ် ခမဳဂမၠိုၚ် ပ္ဍဲအခိၚ်ဒှ်တၞောဝ်ကၠောဝ်ဗျဵု ဒုၚ်ဂိုၚ်ကေတ် ဗၞတ်ညိနာၚ်တုဲလေဝ် ဒေါံရ ရဴဝွံ ဆေဝ်ဒဝ်ကၠေံအိုတ်ရ၊ ဗ္စာရဏာတုဲလေဝ် ပါဲဒဝ်ကၠေံအိုတ်ရ၊ သၚ်အိုတ်သီုလေဝ် ဒေါံရ ရဴဝွံ ဆေဝ်ဒဝ်ကၠေံရ၊ ခမဳဂမၠိုၚ် မၞုံကဵု‘သံသယကုက္ကုစ္စ’ ပွမချပ်သၠေဟ်ပၟာ ရဴဝွံမ္ဂး ဟဂပ်ဝ်ဒှ်တုဲ ဟွံဒုၚ်ဂိုၚ်ကေတ်အိုတ်ရ။ ယွံခမဳတအ် ဩဝ်ဒုၚ်ဂိုၚ်ကေတ်အိုတ်ညိ၊ ဩဝ်သ္ပပြဘိုဂ်အိုတ်ညိ၊ ယွံခမဳတအ် ဃောကဵုပိုဉ် ခမဳမဆေဝ်ဒဝ်ဒး ရဴဝွံမ္ဂးဒေါံရဂှ် ဘောဇိုန်မဒုၚ်ဗဂိန်လဝ် ပ္ဍဲအခိၚ်နူဂယးဂှ် သီုဟွံသ္ပအတိရိတ်ဝိနယ်ကမ် တၞဟ်နသ္ပပြဘိုဂ် ကဵုအခေါၚ်ရ ရဴဝွံ (သ္ဂးရ)။
၂၇၈။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ရာဇဂြိုဟ် ဗွဲမမိပ်လဟိၚ်တုဲမ္ဂး က္ညဂ္ၚေၚ်အာဒေသစာရိတ် ဍုၚ်သာရဝှ်ရ။ အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်သာရဝှ်ဂှ်တုဲ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ်ရ။ ပ္ဍဲအခိၚ်ဂှ် ယဲဇကုဂမ္တဴ ကတဵုဒှ်ကုတဳလပိုဉ်သာရိပိုတ်ရ။ ပ္ဍဲအခိၚ်ဂှ် တဳလပိုဉ်မဟာမောဂ္ဂလာန် ပြာပ်အာဇရေၚ် တဳလပိုဉ်သာရိပိုတ်တုဲ “ယွံကောန်တၠသာရိပိုတ် ပ္ဍဲကိုပ်ကၠာတေံ ယဲဇကုဂမ္တဴ ဗၠးကၠေံအာ ကုတၠအဲ နကဵုဂဥုဲလဵုရော?” ရဴဝွံ သၟာန်တဳလပိုဉ်သာရိိပိုတ်ရ။ ယွံကောန်တၠ နကဵုလွာဒကှ်ဂမၠိုၚ်ကီု နကဵုတမ်လွာဒကှ်ဂမၠိုၚ်ကီု ကေၚ်ဗၠးကၠေံအာ ကုအဲရ ရဴဝွံ ဟီုသ္ဂးရ။ ပ္ဍဲအခိၚ်ဂှ် တဳလပိုဉ်မဟာမောဂ္ဂလာန် တြုံမၞုံကဵုဇြဟတ်ဂှ် သပါတဲမခ္ဍပ်လဝ် သၟဟ်ညံၚ်ရဴပၠးပတိတ်ကီု သပါတဲမပၠးလဝ် သၟဟ်ညံၚ်ရဴခ္ဍပ်ကၠေံကီု တုပ်သၟဟ်သာ်ဂှ်ဟေၚ် ကၠေံဗ္ဒန်အာ နူဘာဇေတဝန်တုဲ ဒှ်ပြာကဋ် ပ္ဍဲရေၚ်သြၚ်ကၟာမန္ဒာကိနဳရ။ စိၚ်ဇၟူမွဲ ညာတ်ဒးတဳလပိုဉ်မဟာမောဂ္ဂလာန် မက္ညကၠုၚ်ဒၟံၚ် နူဇမ္ၚောဲဟေၚ်တုဲ “ယွံတဳပိုဉ် တဳလပိုဉ်မဟာမောဂ္ဂလာန် ဩဝ်က္ညကၠုၚ်ညိ၊ ယွံတဳလပိုဉ် ပွမတဳလပိုဉ်မဟာမောဂ္ဂလာန် က္ညကၠုၚ်ဝွံ ဒှ်ပွမက္ညခိုဟ်ဆာဲရ၊ ယွံတဳလပိုဉ် တဳလပိုဉ်မဟာမောဂ္ဂလာန် နွံပၟိက်ကဵုမုဝတ္ထုမွဲရော? သ္ဂောံကဵုဒါန် မုဝတ္ထုမွဲရော?” ရဴဝွံ ဂရၚ်ပတီရ။ ယွံကောန်တၠ အဲနွံပၟိက်ကဵု လွာဒှ်ကှ် တမ်လွာဒကှ်ဂမၠိုၚ်ရ ရဴဝွံ ဟီုသ္ဂးရ။ ပ္ဍဲအခိၚ်ဂှ် စိၚ်ဇၟူဇၞော်ဂှ် “ယွံသကအ် ဩဝ်ကဵုဒါန်လွာဒကှ်ဂမၠိုၚ်ကီု တမ်လွာဒကှ်ဂမၠဒိၚ်ကီု ကုတဳလပိုဉ် အတိုၚ်နွံပၟိက်ညိ” ရဴဝွံ ဖအောဝ်စကာစိၚ်သအာၚ်မွဲရ။ ပ္ဍဲအခိၚ်ဂှ် စိၚ်ဂှ် တၞီစှ်ေအာကၟာဍာ်မန္ဒာကိနဳတတုဲ ပိုက်ၜေါတ် လွာဒကှ် တမ်လွာဒကှ်ဂမၠိုၚ် နကဵုလပှ်တုဲ လယှ်ကၠေံ နပွမလယှ်ဗွဲမ္ဒးရးတုဲမ္ဂး ဒက်ဂွဳကၠေံတုဲ ပြာပ်အာဇရေၚ် တဳလပိုဉ်မဟာမောဂ္ဂလာန်ရ၊ ပ္ဍဲအခိၚ်ဂှ် တဳလပိုဉ်မဟာမောဂ္ဂလာန် တြုံမၞုံကဵုဇြဟတ်ဂှ် သပါတဲမခ္ဍပ်လဝ် သၟဟ်ညံၚ်ရဴပၠးပတိတ်ကီု သပါတဲမပၠးလဝ် သၟဟ်ညံၚ်ရဴခ္ဍပ်ကၠေံကီု တုပ်သၟဟ်သာ်ဂှ်ဟေၚ် ကၠေံဗ္ဒန်အာ နူကၟာဍာ်မန္ဒာကိနဳတုဲ ဒှ်ပြာကဋ် ပ္ဍဲဘာဇတေဝန်ရ။ စိၚ်ဇၟူဇၞော်ဂှ်လေဝ် ကၠေံဗ္ဒန်အာ နူကၟာဍာ်မန္ဒာကိနဳတုဲ ဒှ်ပြာကဋ် ပ္ဍဲဘာဇေတဝန်ရ။ ပ္ဍဲအခိၚ်ဂှ် စိၚ်ဇၟူဇၞော်ဂှ် ဗဂိန်ကဵုဒါန် လွာဒကှ်ဂမၠိုၚ်ကီု တမ်လွာဒကှ်ဂမၠိုၚ်ကီု ကုတဳလပိုဉ်မဟာမောဂ္ဂလာန်တုဲပ္ဍဲကြဴ တဳလပိုဉ်မဟာမောဂ္ဂလာန် ဗဂိန်ကဵုလွာဒကှ် တမ်လွာဒကှ်ဂမၠိုၚ် ကုတဳလပိုဉ်သာရိပိုတ်ရ။ ပ္ဍဲအခိၚ်ဂှ် တဳလပိုဉ်သာရိပိုတ် စတဴ လွာဒကှ် တမ်လွာဒကှ်ဂမၠိုၚ်မ္ဂး ယဲဇကုဂမ္တဴလလမ်အာရ၊ လွာဒကှ် တမ်လွာဒကှ်ဂမၠိုၚ်မဂၠိုၚ်ဂၠၚ် သှ်ေသၟေဟ်ဒၟံၚ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ် ပ္ဍဲအခိၚ်ဂှ် ဒှ်ကၞောဝ်ကၠောဝ်ဗျဵု ဒုၚ်ဂိုၚ်ကေတ် ဗၞတ်ညိနာၚ်တုဲလေဝ် ဒေါံရ ရဴဝွံ ဆေဝ်ဒဝ်ကၠေံအိုတ်ရ၊ ဗ္စာရဏာတုဲလေဝ် ပါဲဒဝ်ကၠေံအိုတ်ရ၊ သၚ်အိုတ်သီုလေဝ် ဒေါံရ ရဴဝွံ ဆေဝ်ဒဝ်ကၠေံရ၊ ခမဳဂမၠိုၚ် မၞုံကဵု‘သံသယကုက္ကုစ္စ’ ပွမချပ်သၟေဟ်ပၟာ ရဴဝွံမ္ဂး ဟွံဂပ်ဝ်ဒှ်တုဲ ဟွံဒုၚ်ဂိုၚ်ကေတ်အိုတ်ရ။ ယွံခမဳတအ် ဩဝ်ဒုၚ်ဂိုၚ်ကေတ်အိုတ်ညိ၊ ဩဝ်သ္ပပြဘိုဂ်အိုတ်ညိ၊ ယွံခမဳတအ် ဃောကဵုပိုဉ် ခမဳမဆေဝ်ဒဝ်ဒး ရဴဝွံမ္ဂး ဒေါံရဂှ် အရာဝတ္ထုမဒှ်ပ္ဍဲဂြိုပ် အရာဝတ္ထုမဒှ်ပ္ဍဲဒကှ်ဂှ် သီုဟွံသ္ပအတိရိတ်ဝိနယ်ကမ် တၞဟ်နသ္ပပြဘိုဂ် ကဵုအခေါၚ်ရ ရဴဝွံ (သ္ဂးရ)။ ပ္ဍဲအခိၚ်ဂှ် ပ္ဍဲဍုၚ်သာရဝှ် စၞစသတ်ဆုဂၠိုၚ်ကဵုဂကူ ဂၠိုၚ်ဂၠၚ်(လှေၚ်)ရ၊ ကပ္ပိယကာရကလေဝ် ဟွံမွဲရ၊ ခမဳဂမၠိုၚ် မၞုံကဵု‘သံသယကုက္ကုစ္စ’ ပွမချပ်သၠေဟ်ပွာ ရဴဝွံမ္ဂး ဟွံဂပ်ဝ်ဒှ်တုဲ ဟွံစသတ်ဆုအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် သတ်ဆုမတ္ၜတ် ပတိတ်ကၠေံမတုဲ မထေက်ကဵုစဂှ် သီုဟွံကဵု(ခရှ်သာမဏဳဂမၠိုၚ်)ကပ္ပဳဂှ် တၞဟ်နသ္ပပြဘိုဂ် ကဵုအခေါၚ်ရ ရဴဝွံ (သ္ဂးရး)
၁၆၇။ ပါဲကၠေံမပ္တံပွမကရေက်ၜုန်
[ပလေဝ်ဒါန် | ပလေဝ်ဒါန် တမ်ကၞက်]၂၇၉။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်သာရဝှ် ဗွဲမမိပ်လဟိၚ်တုဲမ္ဂး က္ညစ္ဍးအာ ဍုၚ်ရာဇဂြိုဟ်ရ။ အတိုၚ်လၟေၚ်လၟေၚ် ဂေတ်ဂ္ၚေၚ်က္ညအာဒေသစာရိတ်မ္ဂး စိုပ်အာဍုၚ်ရာဇဂြိုဟ်တုဲ သ္ပဒတဴတန်ဒၟံၚ် ပ္ဍဲဘာဝေဠုဝန် မဒှ်ဒၞာဲကဵုစၞ ကုယန်လမ္စံက်ဂမၠိုၚ် ဇရေၚ်ဍုၚ်ရာဇဂြိုဟ်ဂှ်ရ။ ပ္ဍဲအခိၚ်ဂှ် ယဲဘဂန္ဒိုလ် (ယဲမၚ်သရိုဟ်၊ ယဲသၚ်ဂလုၚ်) ကတဵုဒှ် ကုခမဳမွဲဇကုရ၊ အ္စာသတ်အကာသဂေါတ္တ သ္ပတဴပွမကရေက်ၜုန်ရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ဂေတ်ဂ္ၚေၚ်က္ညအာဒေသစာရိတ် လၟေၚ်ဘာမ္ဂး ပြာပ်စိုပ်အာဘာခမဳဂှ်ရ။ အ္စာသဝ်အာကာသဂေါတ္တ ညာတ်ဒး တဳလမၞုံပိုဉ်ကျာ်တြဲ မက္ညကၠုၚ်နူဇမ္ၚောဲဟေၚ်တုဲ “တြနာဲဂေါတမ ဩဝ်က္ညကၠုၚ်ညိ၊ ဩဝ်သ္ၚေဝ်ဝစ္စမဂ် ခမဳဝွံညိ၊ တုပ်သၟဟ်ကေုာံပါၚ်ဟကောတ်ရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ “တြုံမလ္ၚုသၟး (နူမဂ်ဖိုလ်) ဂှ် ဟီုသ္ပဂရိုၚ်စရဵုကဵုအဲရ” ရဴဝွံ (ပၠုပ်စိုတ်တုဲ) နူဌာန်ဂှ်ဟေၚ် ဂတးကလေၚ်တုဲ ဟိုတ်နူဟိုတ်အရာဝွံ ကဵုဂကောံခမဳကောံဓရီုတုဲမ္ဂး “ယွံခမဳတအ် ပ္ဍဲဘာမၞုံယၟုဝွံ ခမဳဂိယဲနွံဟာ” ရဴဝွံ သၟာန်တိုန် ခမဳဂမၠိုၚ်ဂှ်-
နွံဒၟံၚ်ရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ယဲခမဳဂှ်တုန် မုယဲမွဲရော? ရဴဝွံ (သၟာန်တိုန်ပၠန်ဂှ်) ယွံကျာ်မၞုံပိုဉ် ယဲတဳလပိုဉ်ဂှ်တုန် ဒှ်ယဲဘန္ဒိုလ် (ယဲမၚ်သရိုဟ်) ရ၊ အ္စာသဝ်အာကာသဂေါတ္တ သ္ပတဴ ပွမကရေက်ၜုန်ရ ရဴဝွံ (ဂရၚ်ပတီအိုတ်ရ)။
တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ် ။ ပ ။ ယွံခမဳတအ် (ကမၠောန်ပွ) တြုံမလ္ၚုသၟး (နူမဂ်ဖိုလ်) ဂှ် ဟွံထေက် ကုခမဳဂမၠိုၚ်ရ၊ ဟွံဗဗွဲရ၊ ဟွံသပ္ပါယ်ရ၊ အာကာဲအရာခမဳတအ် ဟွံသေၚ်ရ၊ ဟဂပ်ဝ်ရ၊ ဟွံထေက်ကဵုသ္ပရ။ ယွံခမဳတအ် မုဟိုတ် တြုံမလ္ၚုသၟး (နူမဂ်ဖိုလ်) ဂှ် ကဵုသ္ပတဴ ပွမကရေက်ၜုန် ပ္ဍဲဌာန််မက္ဍန်ဂြက်ရော? ယွံခမဳတအ် ပ္ဍဲဌာန်မက္ဍန်ဂြက်ဂှ် စၞာံ ဍိုန်ဍောတ်ဇိပ်ဂၠိပ်ရ၊ သရ ဇြိုၚ်ကဵုဖျုန်တ္ၜတ်တိုန်ရ၊ ဇြိုၚ်ကဵုကရေက်ၜုန်ရ။
ယွံခမဳတအ် (ပွခမဳဝွံ သ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး “ယွံခမဳတအ် ပ္ဍဲဌာန်မက္ဍန်ဂြက် ဟဂပ်ဝ် ပွမကရေက်ၜုန်ရ၊ ကုခမဳမသ္ပဂှ် ဒးအာပတ်ထုလ္လစ္စယ်ရ” ရဴဝွံ သ္ဂးကဵုခမဳဂမၠိုၚ်ရ။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် “တဳလမၞုံပိုဉ်ကျာ်တြဲ ပါဲကၠေံ ပွမကရေက်ၜုန်ရ” ရဴဝွံ ကဵုသ္ပပွမဒက်ဂွဳပူသ္ၚိသၠိုက်အိုတ်ရ။ (သ္ၚိသၠိုက်ကဵုဟီုဂှ် စၞာံဂရောပ်၊ အဋ္ဌုပ်အၚ်္ဂဇာတ်ရ)။
ခမဳပၟိက်အောန်ဂမၠိုၚ်ဂှ် “မုဟိုတ် ခမဳဆဗ္ဗဂ္ဂဳဂမၠိုၚ် ကဵုသ္ပပွမဒက်ဂွဳပူသ္ၚိသၠိုက်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရရာဝွံ ကုတဳလမၞုံပိုဉ်ကျာ်တြဲအိုတ်ရ။ “ယွံခမဳတအ် ခမဳဆဗ္ဗဂ္ဂဳဂမၠိုၚ် ကဵုသ္ပပွမဒက်ပူဂွဳသ္ၚိသၠိုက်အိုတ်ရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီရ) ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး “ယွံခမဳတအ် နူဌာန်ၜါလပုဟ်တဲ မဒှ်ဇရေၚ်မက္ဍန်ဂြက်ဂှ် ဟဂပ်ဝ်ကဵုသ္ပ ပွမကရေက်ၜုန်ကီု ပွမဒက်ဂွဳပူသ္ၚိသၠိုက်ကီုရ၊ ကုခမဳမကဵုသ္ပဂှ် ဒးအာပတ်ထုလ္လစ္စယ်ရ” ရဴဝွံ (သ္ဂးရ)။
၁၆၈။ ပါဲကၠေံဖျုန်မၞိဟ်
[ပလေဝ်ဒါန် | ပလေဝ်ဒါန် တမ်ကၞက်]၂၈၀။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ရာဇဂြိုဟ် ဗွဲမမိပ်လဟိၚ်တုဲမ္ဂး က္ညဂ္ၚေၚ်အာဒေသစာရိတ် ဍုၚ်ဗာရာဏသဳရ။ အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး ကၠုၚ်စိုပ်ဍုၚ်ဗာရာဏသဳတုဲ တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဂြိုဟ်မိဂဒါဝိုန်် ဒှ်အရာကဵု မသက္ကုဘဲ ကုသတ်ဂမၠိုၚ် မၞုံယၟုဣသိပတန ဇရေၚ်ဍုၚ်ဗာရာဏသဳဂှ်ရ။
ပ္ဍဲအခိၚ်ဂှ် ပ္ဍဲဍုၚ်ဗာရာဏသဳ ဥပးတြုံသုပ္ပိယ ကေုာံဥပးဗြဴသုပ္ပိယာဂမၠိုၚ်ညးၜါတၠ လျုၚ်ဇြုၚ်သ္ဍိုက် (ရတ်ပိပြကာ) အိုတ်ရ၊ ကဵုဒါန် (ပစ္စယ်ပန်) အိုတ်ရ၊ ကၠောန်သ္ပတဴ (ကေၚ်ကာဇၞော်သၟတ်သၚ်ဂမၠိုၚ်အိုတ်သီု)အိုတ်ရ၊ ကၠောန်ၜိုတ်ဥပကာသၚ်အိုတ်ရ၊ ပ္ဍဲအခိၚ်ဂှ် ဥပးဗြဴသုပ္ပိယာ အာအာရှာမ်တုဲ ပြာပ်အာနူဘာမွဲကဵုဘာမွဲ နူပြဝိုဏ်မွဲကဵုပြဝိုဏ်မွဲတုဲမ္ဂး “ယွံတဳလပိုဉ်တအ် မုရဴခမဳမွဲ ဂိယဲဒၟံၚ်ရော?” မုရဴတၞဟ်နဖဵုခမွဲ ဂွံရၚ်တၠုၚ်ကဵုမုမွဲရော?” ရဴဝွံ ဗက်ဂရၚ်ပတီသၟာန်ခမဳဂမၠိုၚ်ရ။
ပ္ဍဲအခိၚ်ဂှ် ခမဳမွဲဇကု သုၚ်လဝ်ဂဥုဲဗ္ၜတ်ဂၞဴရ။ ပ္ဍဲအခိၚ်ဂှ် ခမဳဂှ် “ယွံဒေံဗြဴ အဲသုၚ်ဒးလဝ် ဂဥုဲဗ္ၜတ်ဂၞဴရ၊ နကဵုဍာ်သွသောတ်ဖျုန် နွံပၟိက်ကုအဲရ” ရဴဝွံ ဟီုသ္ဂးကဵုဥပးဗြဴသုပ္ပိယာရ။
ယွံတဳလပိုဉ် ခိုဟ်ရ ကြက်ရၚ်တၠုၚ်နၚ်ကဵုရ ရဴဴဝွံ ဟီုသ္ဂးတုဲ စဴအာသ္ၚိတုဲမ္ဂး “ယွံသကအ် ဩဝ်အာညိ၊ ဩဝ်တီကေတ် ဖျုန်ကတဵုဒှ်အလဵုလဵုဍေံညိ” ရဴဝွံ ဟီုသ္ဂးကဵုညးဒုၚ်စကာမၞုံအပ္ဍဲသ္ၚိရ။
ယွံနာဲဗြဴ ခိုဟ်ရ ရဴဝွံ ဟီုသ္ဂးတုဲ တြုံဂှ် ဒုၚ်ဝန်ကုဥပးဗြဴသုပ္ပိယာတုဲ ဂေတ်ဂ္ၚေၚ်အလုံဍုၚ်ဗာရာဏသဳမွဲမ္ဂး ဟွံဆဵုညာတ်ကေတ် ဖျုန်မကတဵုဒှ်အလဵုလဵုဍေံ ‘ဖျုန်ပံသုကူ’ရ။
ပ္ဍဲအခိၚ်ဂှ် ကုဥပးဗြဴသုပ္ပိယာဂှ် “ခမဳမဂိယဲဂှ် ဟွံကလိဂွံဍာ်သွသောတ်ဖျုန်မ္ဂး ယဲကြက်ဂၠိုၚ်တိုန်ရ၊ ပွမချိုတ်လေဝ် ကြက်ဒှ်ရ၊ သီုကဵုဒုၚ်လဝ်ဝန်တုဲ ပွမဟွံရၚ်တၠုၚ်ဏာဂှ် ဟွံဗဗွဲကုအဲရ” ရဴဝွံ ကသပ်ဒှ်တုဲ ဂိုၚ်ကေတ်ၜုန်ကရေက်ဖျုန်သၟတ်တုဲ ရေက်ဂၠေဟ်ဖျုန်ဒဳတုဲမ္ဂး “ဟာဲဍိက်ဗြဴ ဟေအ် ဩဝ်ကေတ်ညိ၊ စဳရေၚ်ကၠေံဖျုန်ဝွံ ဗွဲမ္ဒးရးတုဲ ဩဝ်ကဵုကုခမဳဂိယဲ ပ္ဍဲဘာမၞုံယၟုဝွံညိ၊ သၟာန်တဴအဲမ္ဂး ဂိယဲဒၟံၚ်ရ ရဴဝွံ ဩဝ်ဂရၚ်ပတီညိ” ရဴဝွံ သ္ဂးတုဲ ကဵုကၠေံကုဍိက်ဗြဴတုဲမ္ဂး ပူပါတ်ကၠေံဒဳ နကဵုယာတ်ကၞေဟ်တုဲ လုပ်အာဂၠမ်သတိက် တိက်ဒၟံၚ်ပ္ဍံဇံၚ်ခါတ်ရ။ ပ္ဍဲအခိၚ်ဂှ် ဥပးသုပ္ပိယာ အာသ္ၚိတုဲ “သုပ္ပိယာ ဣလဵုရော?” ရဴဝွံ သၟာန်ဍိက်ဗြဴရ။
ယွံတၠနာဲ နာဲဗြဴသုပ္ပိယာဂှ် တိက်ဒၟံၚ်အပ္ဍဲဂၠမ်သတိက်ရ ရဴဝွံ (ဟီုသ္ဂးရ)။ ပ္ဍဲအခိၚ်ဂှ် ဥပးသုပ္ပိယဂှ် အာဇရေၚ်ဥပးဗြဴသုပ္ပိယာတုဲမ္ဂး “မုဟိုတ် တိက်ဒၟံၚ်ရော?” ရဴဝွံ သၟာန်ဥပးဗြဴသုပ္ပိယာရ။ ဂိယဲဒၟံၚ်ရ ရဴဝွံ (သ္ဂးရ)။ မုဒှ်ယဲ ကုတၠအဲရော? ရဴဝွံ (သၟာန်ရ)။
ပ္ဍဲအခိၚ်ဂှ် ဥပးဗြဴသုပ္ပိယာဂှ် ဟီုလဴဗ္စ ပရူပရာဂှ် ကုဥပးတြုံသုပ္ပိယရ။ ပ္ဍဲအခိၚ်ဂှ် ဥပးသုပ္ပိယဂှ် “ယွံသကအ်တအ် ထေက်ကဵုဒးအမ်သဝ်ကွေံရ၊ ယွံသကအ်တအ် ဟွံကေၚ်ဒှ်မွဲလှ် ဒှ်ကၠုၚ်ရသွံ၊ သုပ္ပိယာဝွံ လျုၚ်ပတှ်ေဂုဏ်ရတ်ပိပြကာလောန်ရ၊ လျုၚ်ဇြုၚ်သ္ဍိုက် ရတ်ပိပြကာလောန်ရ။ ဖျုန်ဇကုဂမၠိုၚ်လေဝ် သၠးပွးကဵုဒါန်မာန်ဏီရ။ ကုသုပ္ပိယာဝွံ အရာမကဵုဒါန် ဟွံမာန်မမိက်ကဵုမွဲမွဲသအာၚ်ဂှ် ပသာ်ဂွံနွံဏီရော?” ရဴဝွံ မြဟ််မြာသတိုတ် မၞုံကဵုစိုတ်တိုနဒှ်တုဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပတ် ဗွဲမရှ်ေသှ်ေရဴဂဴတုဲ သီုဂဇအ်ဒၟံၚ် ပ္ဍဲဒၞာဲမွဲဂှ် “ယွံတဳလမၞုံပိုဉ် တၞဟ်နသွက်တ္ၚဲယး တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ် ဩဝ်ဒုၚ်တဲ ပိဏ္ဍပါတ်အဲဍိက်ညိ” ရဴဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ နမဒၟံၚ်သ္ၚိတ်သ္ၚိတ်ဂှ် ဒုၚ်တဲရ၊ ပ္ဍဲအခိၚ်ဂှ် ဥပးသုပ္ပိယဂှ် တီကေတ် တဳလမၞုံပိုဉ်ကျာ်တြဲ ဒုၚ်တုဲတုဲ ဒၠိုက်ကတဵုနူဒၞာဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲ သ္ပရှ်ေသှ်ေရဴဂဴတုဲ ပါဲစ္ဍးအာရ။
ပ္ဍဲအခိၚ်ဂှ် ဥပးသုပ္ပိယဂှ် ပ္ဍဲအခိၚ်မကလိလောန်အာဗ္တံဂှ် စဳရေၚ်တဴ စၞစဘောဇိုန်မပြဲပြဲတုဲ “ယွံတဳလမၞုံပိုဉ် ဒးအခိၚ်ကဵုပိုဉ်ရ၊ ပဠေဝ်ပဠေတ်လဝ် ပိဏ္ဍပါတ်တုဲရ” ရဴဝွံ ကဵုဂရၚ်ပတီ ဒးအခိၚ် ကုတဳလမၞုံပိုဉ်ကျာ်တြဲရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်နူဂယး ဗိုက်ပဠေဝ်သ္ၚာ ဂိုၚ်ကေတ်ဗဗေၚ်သ္ၚာတုဲ က္ညပြာပ်စဴအာ သ္ၚိဥပးသုပ္ပိယဂှ်တုဲ ဂဇအ်ဒၟံၚ်ပ္ဍဲသၞာမလးပညပ်လဝ် မွဲဟာန်ကေုာံခမဳသၚ်ရ။ ပ္ဍဲအခိၚ်ဂှ် ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် ဗွဲမရှ်ေသှ်ေရဴဂဴတုဲ ဥပးသုပ္ပိယ မဂဇအ်ဒၟံၚ်ပ္ဍဲဒၞာဲမွဲဂှ်—
“ဥပးဗြဴသုပ္ပိယာ ဣလဵုရော” ရဴဝွံ တဳလမၞုံပိုဉ်ကျာ်တြဲသၟာန်ရ။ ဂိယဲဒၟံၚ်ရ ယွံကျာ်မၞုံပိုဉ် ရဴဝွံ (ဂရၚ်ပတီရ)။ ၜိုန်ဂိယဲဒၟံၚ်သာ်ဂှ်လ်ဝ် ဩဝ်ကဵုကၠုၚ်ညိ ရဴဝွံ (သ္ဂးရ)။ ကၠုၚ်ဟွံမာန်ရ ယွံကျာ်မၞုံပိုဉ် ရဴဝွံ (ဂရၚ်ပတီရ)။ ကၠုၚ်ဟွံမာန်ဒှ်မ္ဂး ဓာပ်ထ္ၜလဘာ်တုဲလေဝ် ဩဝ်ရၚ်တၠုၚ်နၚ်အိုတ်ညိ ရဴဝွံ (သ္ဂးရ)။
ပ္ဍဲအခိၚ်ဂှ် ဥပးသုပ္ပိယ ဓာပ်ထ္ၜလဘာ် ဥပးဗြဴသုပ္ပိယာတုဲ ရၚ်တၠုၚ်နၚ်ရ၊ ကုဥပးဗြဴသုပ္ပိယာဂှ် မွဲဒမြိပ်ကေုာံမဂွံဆဵုညာတ်ဒးကျာ် ဗွဲကိုပ်ကၠာဂှ် သရမဇၞော်ဂှ် ဖျုန်တ္ၜတ်တိုန်တုဲ စၞာံတသော်ဂမၠိုၚ် ခိုဟ်ဒှ်အာအတိုၚ်ပကတိရ။ ပ္ဍဲအခိၚ်ဂှ် ဥပးတြုံသုပ္ပိယ ကေုာံဥပးဗြဴသုပ္ပိယာဂမၠိုၚ် “ယွံသကအ်တအ် ဒဒှ်ဣဒ္ဓိကြဳဇှ်အာနုဘဴကျာ်တြဲဇၞော်ဂှ် ထေက်ကဵုဒးအမ်သဝ်ကွေံရ၊ ယွံသကအ်တအ် ဟွံကေၚ်ဒှ်မွဲလှ်ေ ဒှ်ကၠုၚ်ရသွံ၊ မွဲဒမြိပ်ကေုာံမဆဵုညာတ်ဒးကျာ်ဂှ် သရမဇၞော်ဂှ် ဖျုန်တ္ၜတ်တိုန်တုဲ စၞာံတသော်ဂမၠိုၚ် ခိုဟ်ဒှ်အာအတိုၚ်ပကတိရသွံ” ရဴဝွံ မြဟ်မြာသတိုတ် မၞုံကဵုစိုတ်တိုန်ဂမၠိုၚ်ဒှ်တုဲ အလဵုဇကု ကၠောန်ၜိုတ်ဥပကာ ခမဳသၚ်မၞုံပဓာန်ဍေံကျာ်တြဲ နကဵုစၞအာဟာရဘောဇိုန်မပြဲပြဲ စဵုကဵုတရိုပ်စိုတ် စဵုကဵုဒးဆေဝ်တာ ပဒေါံကၠေံတုဲမ္ဂး အခိၚ်တဳလမၞုံပိုဉ်ကျာ်တြဲ ကဵုပိုဉ်တုဲ ပါဲကၠေံတဲနူဗဗေၚ်တုဲဂှ် ဂဇအ်ဒၟံၚ် ပ္ဍဲဒၞာဲမွဲအိုတ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် နကဵုဂလာန်ဓရ် ကဵုဥပးတြုံသုပ္ပိယ ကေုာံဥပးဗြဴသုပ္ပိယာဂမၠိုၚ် တီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲမ္ဂး ဒၠိုက်ကတဵုနူဒၞာဲ က္ညပါဲစ္ဍးအာရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုဂကောံခမဳ ကောံဓရီုတုဲမ္ဂး “ယွံခမဳတအ် မုရဴညးမွဲ အာတ်ဖျုန်ဥပးဗြဴသုပ္ပိယာရော?” ရဴဝွံသၟာန်ခမဳဂမၠိုၚ်ရ။ သၟာန်တဴရဴဝွံမ္ဂး ခမဳဂှ် “ယွံကျာ်မၞုံပိုဉ် အဲဍိက် အာတ်ဒးဖျုန် ဥပးဗြဴသုပ္ပိယာရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံခမဳ ရၚ်တၠုၚ်နၚ်ကီုဟာ ရဴဝွံ (သၟာန်တိုန်ဂှ်) ရၚ်တၠုၚ်နၚ်ရ ယွံကျာ်မၞုံပိုဉ် ရဴဝွံ (ဂရၚ်ပတီရ)။ ယွံခမဳ တၠအဲ သ္ပပြဘိုဂ်ကီုဟာ ရဴဝွံ (သၟာန်တိုန်ဂှ်) အဲဍိက် သ္ပပြဘိုဂ်ဒးရ ယွံကျာ်မၞုံပိုဉ် ရဴဝွံ (ဂရၚ်ပတီရ)။ ယွံခမဳ စမ်ၜတ်သၟာန်သၟုက်ကီုဟာ ရဴဝွံ (သၟာန်တိုန်ဂှ်) အဲဍိက် ဟွံစမ်ၜတ် ဟွံသၟာန်သၟုက်ဒးရ ယွံကျာ်မၞုံပိုဉ် ရဴဝွံ (ဂရၚ်ပတီရ)။
တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ ယွံတြုံမလ္ၚုသၟး (နူမဂ်ဖိုလ်) မုဟုတ် တၠအဲ သီုဟွံဟမ်ၜတ်ဟွံသၟာန်သၟုက်ဂှ် စဴတဴဖျုန်ရော? ယွံတြုံမလ္ၚုသၟး (နူမဂ်ဖိုလ်) တၠအဲ စဖျုန် မၞိဟ်ရသွံ၊ ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး “ယွံခမဳတအ် မၞိဟ်ဂမၠိုၚ် မၞုံကဵုဓရ်သဒ္ဓါတုဲ မလျုၚ်ဇြုၚ်သ္ဍိုက်ဂှ် ဖျုန်ဇကုဂမၠိုၚ်လေဝ် သၠးကဵုဒါန်အိုတ်ရ၊ ယွံခမဳတအ် ဟဂပ်ဝ်စဖျုန်မၞိဟ်ရ၊ ကုခမဳမစဂှ် ဒးအာပတ်ထုလ္လစ္စယ်ရ။ ယွံခမဳတအ် သီုဟွံစမ်ၜတ် ဟွံသၟာန်သၟုက်ဂှ် ဟဂပ်ဝ်စဖျုန်ရ၊ ကုခမဳမစဂှ် ဒးအာပတ်ဒုက္ကဋ်ရ ရဴဝွံ သ္ဂးရ။
၁၆၉။ ပါဲကၠေံမပ္တံဖျုန်စိၚ်
[ပလေဝ်ဒါန် | ပလေဝ်ဒါန် တမ်ကၞက်]၂၈၁။ ပ္ဍဲကာလမွဲအခိၚ် စိၚ်သၟိၚ်ဂမၠိုၚ် ချိုတ်အိုတ်ရ။ မၞိဟ်ဂမၠိုၚ် ဟိုတ်မကၠောဝ်ဗျဵုဂှ်ရ စဖျုန်စိၚ်အိုတ်ရ။ ကုခမဳမဂေတ်ဂ္ၚေၚ်ပိဏ္ဍပါတ်ဂမၠိုၚ် ကဵုဒါန်ဖျုန်စိၚ်အိုတ်ရ၊ ခမဳဂမၠိုၚ် စဖျုန်စိၚ်အိုတ်ရ။ မၞိဟ်ဂမၠိုၚ် “မုဟိုတ် ခမဳဂမၠိုၚ် မဒှ်တၞောဝ်ကျာ်် ကောန်သၟိၚ်သာကျဝၚ် စဖျုန်စိၚ်အိုတ်ရော? စိၚ်ဂမၠိုၚ်ဂှ် အဝယ်အၚ်္ဂ ‘အရပ်စပ်’ သၟိၚ်ရ၊ ယဝ်သၟိၚ်တီမ္ဂး၊ ဟွံသ္ဍိုက်မၠိုက် ကုခမဳဂမၠိုၚ်ဒှ်ရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်စဖျုန်စိၚ်ရ၊ ကုခမဳမစဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲကာလမွဲအခိၚ် ချေံသၟိၚ်ဂမၠိုၚ် ချိုတ်အိုတ်ရ။ မၞိဟ်ဂမၠိုၚ် ဟိုတ်မကၠောဝ်ဗျဵုဂှ်ရ စဖျုန်ချေံအိုတ်ရ။ ကုခမဳမဂေတ်ဂ္ၚေၚ်ပိဏ္ဍပါတ်ဂမၠိုၚ် ကဵုဒါန်ဖျုန်ချေံအိုတ်ရ၊ ခမဳဂမၠိုၚ် စဖျုန်ချေံအိုတ်ရ။ မၞိဟ်ဂမၠိုၚ် “မုဟိုတ် ခမဳဂမၠိုၚ် မဒှ်တၞောဝ်ကောန်သၟိၚ်သာကျဝၚ် စဖျုန်ချေံအိုတ်ရော? ချေံဂမၠိုၚ်ဂှ် အဝယ်အၚ်္ဂ ‘အရပ်အစပ်’ သၟိၚ်ရ၊ ယဝ်သၟိၚ်တီမ္ဂး၊ ဟွံသ္ဍိုက်မၠိုက် ကုခမဳဂမၠိုၚ်ဒှ်ရ” ရဴဝွံ ဟီုဂရိုဟ်အိုတ်ရ၊ ပျုက်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်စဖျုန်ချေံရ၊ ကုခမဳစဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲမွဲအခိၚ်တေံ မၞိဟ်ဂမၠိုၚ် ဟိုတ်မကၠောဝ်ဗျဵုဂှ်ရ စဖျုန်ကၠဵုအိုတ်ရ။ ကုခမဳမဂေတ်ဂ္ၚေၚ်ပိဏ္ဍပါတ်ဂမၠိုၚ် ကဵုဒါန်ဖျုန်ကၠဵုအိုတ်ရ၊ ခမဳဂမၠိုၚ်် စဖျုန်ကၠဵုအိုတ်ရ၊ မၞိဟ်ဂမၠိုၚ် “မုဟိုတ် ခမဳဂမၠိုၚ် မဒှ်တၞောဝ်ကောန်သၟိၚ်သာကျဝၚ် စဖျုန်ကၠဵုအိုတ်ရော? ကၠဵုဂှ် ထေက်ကဵုက္ဍုဟ်မၠေံရ၊ ထေက်ကဵုဇအိုန်ဇရရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်စဖျုန်ကၠဵုရ၊ ကုခမဳမစဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲမွဲအခိၚ်တေံ မၞိဟ်ဂမၠိုၚ် ဟိုတ်မကၠောဝ်ဗျဵုဂှ်ရ စဖျုန်ဇြုံအိုတ်ရ။ ကုခမဳမဂေတ်ဂ္ၚေၚ်ပိဏ္ဍပါတ်ဂမၠိုၚ် ကဵုဒါန်ဖျုန််ဇြုံအိုတ်ရ၊ ခမဳဂမၠိုၚ် စဖျုန်ဇြုံအိုတ်ရ။ မၞိဟ်ဂမၠိုၚ် “မုဟိုတ် ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သာကျဝၚ် စဖျုန်ဇြုံအိုတ်ရော? ဇြုံဂှ် ထေက်ကဵုက္ဍုဟ်မၠေံရ၊ ထေက်ကဵုဇအိုတ်ဇရရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ သၟိၚ်နာဂ်မၞုံယၟုသုပဿလေဝ် ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ်ပ္ဍဲဒၞာဲမွဲဂှ် “ယွံကျာ်မၞုံပိုဉ် နာဂ်မဟွံမွဲကဵုဓရ်သဒ္ဓါ မဟွံမွဲကဵုပွမလျုၚ်ဇြုၚ်သ္ဍိုက်ဂမၠိုၚ် နွံအိုတ်ရ၊ နာဂ်ဂမၠိုၚ်ဂှ် နကဵုဟိုတ်ဂမၠိုၚ်ဗၞတ်ညိနာၚ်လေဝ် ပျဲပျာဲရာန်သကိုတ် ခမဳဂမၠိုၚ်အိုတ်ရ၊ ယွံကျာ်မၞုံပိုဉ် အာပတ်ပါန်အခေါၚ်ရ၊ တဳလပိုဉ်ဂမၠိုၚ် လ္ပစဖျုန်ဇြုံအိုတ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် နကဵုဂလာန်ဓရ် စၞောန်ထ္ၜးကဵုသၟိၚ်နာဂ်မၞုံယၟုသုပဿ ဗွဲမ္ဂးရးရ ။ ပ ။ သ္ပရှ်ေသှ်ေရဴဂဴတုဲ ပါဲစ္ဍးအာရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ဟဂပ်ဝ်စဖျုန်ဇြုံရ၊ ကုခမဳမစဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။
ပ္ဍဲကာလမွဲအခိၚ် လၟသတ်ဂမၠိုၚ် ဂစိုတ်ဇာဒိသိုၚ်တုဲ စဖျုန်ဇာဒိသိုၚ်အိုတ်ရ။ ကုခမဳ မဂေတ်ဂ္ၚေၚ်ပိဏ္ဍပါတ်ဂမၠိုၚ် ကဵုဒါန်ဖျုန်ဇာဒိသိုၚ်အိုတ်ရ။ ခမဳဂမၠိုၚ် စဖျုန်ဇာဒိသိုၚ်တုဲ ပဒတဴ ပ္ဍဲဂြိုပ်အိုတ်ရ။ ဇာဒိသိုၚ်ဂမၠိုၚ် ဟိုတ်မပသသၟူဖျုန်ဇာဒိသိုၚ်ဂှ် ဗက်ထ္ဍေၚ်ခမဳဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်စဖျုန်ဇာဒိသိုၚ်ရ၊ ကုခမဳမစဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲကာလမွဲအခိၚ် လၟသတ်ဂမၠိုၚ် ဂစိုတ်ကၠတုဲ ။ ပ ။ ဂစိုတ်ဗြန်တုဲ ။ ပ ။ ဂစိုတ်ကၟီတုဲ ။ ပ ။ ဂစိုတ်ဒိုဟ်ဒးတုဲ စဖျုန်ဒိုဟ်ဒးအိုတ်ရ။ ကုခမဳ မဂေတ်ဂ္ၚ်ေပိဏ္ဍပါတ်ဂမၠိုၚ် ကဵုဒါန်ဖျုန်ဒိုဟ်ဒးအိုတ်ရ၊ ခမဳဂမၠိုၚ် စဖျုန်ဒိုဟ်ဒးတုဲ ပဒတဴပ္ဍဲဂြိုပ်အိုတ်ရ။ ဒိုဟ်ဒးဂမၠိုၚ် ဟိုတ်မပသသၟူဖျုန်ဒိုဟ်ဒးဂှ် ဗက်ထ္ဍေၚ်ခမဳဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်စဖျုန်ဒိုဟ်ဒးရ၊ ကုခမဳမစဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ခဏ်သုပ္ပိယဒုတိယတုဲရ။
၁၇၀။ ကဵုအခေါၚ်ယာဂု ကွာၚ်မြဳဗ္တဝ်သာဲ
[ပလေဝ်ဒါန် | ပလေဝ်ဒါန် တမ်ကၞက်]၂၈၂။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ဗာရာဏသဳ ဗွဲမမိပ်လဟိၚ်တုဲမ္ဂး မွဲဟာန်ကေုာံခမဳသၚ်ဂမၠိုၚ်မဂၠိုၚ်ဂၠၚ် ဗၞတ်လ္ၚီၜါကၠံမသုန်စှော် က္ညဂ္ၚေၚ်အာဒေသစာရိတ် ကွာန်အန္ဓကဝိန္ဒရ။ ပ္ဍဲအခိၚ်ဂှ် မၞိဟ်ဂမၠိုၚ် မပဒတဴပ္ဍဲဇနးပိုဒ်ဂှ် ကဵုပတိုန် ၜဵုကၠေၚ်သ္ၚုစၞစဂမၠိုၚ် ပ္ဍဲကွဳဂမၠိုၚ် “ပ္ဍဲအခိၚ်ကလိဂွံအလန်ကဵုဒါန်ပိဏ္ဍပါတ်ဂှ် ကြက်စဳရေၚ်ပိဏ္ဍပါတ်အိုတ်ရ” ရဴဝွံ (ပၠုပ်စိုတ်တုဲ) ဗက်ကၠုၚ်စုက်စုက် နူလက်ကရဴ နူလက်ကရဴ ခမဳသၚ်မၞုံပဓာန်ကျာ်တြဲအိုတ်ရ။ ညးစစၞဇမ္ၚးမသုန်ကၠံဂမၠိုၚ်လေဝ် ဗက်ကၠုၚ်စုက်စုက်အိုတ်ရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် က္ညဂ္ၚေၚ်ဒေသစာရိတ်မ္ဂး ကၠုၚ်စိုပ် ကွာန်အန္ဓကဝိန္ဒရ။ ပ္ဍဲအခိၚ်ဂှ် ကုဗဗၞးမွဲ မဟွံကလိဂွံအလန်ကဵုဒါန်ပိဏ္ဍပါတ်ဂှ် “ပ္ဍဲအခိၚ်ကလိဂွံအလန် ကဵုဒါန်ပိဏ္ဍပါတ်ဂှ် ကြက်စဳရေၚ်ပိဏ္ဍပါတ်ရ’ ရဴဝွံ ကုအဲ မဗက်ကၠုၚ်စုက်စုက် နူလက်ကရဴ နူလက်ကရဴ ခမဳသၚ်မၞုံပဓာန်ကျာ်တြဲဂှ် လောန်အာၜါဂိတုတုဲရ၊ ကုအဲဂှ် ဟွံကလိဂွံအလန် ကဵုဒါန်ပိဏ္ဍပါတ်ရ၊ အဲလေဝ် ဒှ်ညးမွဲဓဝ်ဟေၚ်ရ၊ ဒတုဲဖဵုသ္ၚိကၟိန်လေဝ် ဟုတ်ယုတ်အာ ကုအဲ ဗွဲမဂၠိုၚ်ရ၊ အဲ ဂွံံမၠာ်သ္ၚေဝ်ရံၚ် ဇြပ်ကဵုပိုဉ်မ္ဂး ခိုဟ်ရ၊ သ္ဂောံစဳရေၚ်တဴ ဝတ္ထုမဟွံမွဲ ပ္ဍဲဇြပ်ကဵုပိုဉ်မ္ဂး ခိုဟ်ရ” ရဴဝွံ ကသပ်ဒှ်ရ။
ပ္ဍဲအခိၚ်ဂှ် ဗဗၞးဂှ် မၠာ်သ္ၚေဝ်ရံၚ် ဇြပ်ကဵုပိုဉ်မ္ဂး ဟွံညာတ်ကေတ် ယာဂုကေုာံကွာၚ်ကဠောံ မဍာတ်ကြိုအ် မစုတ်လဝ်ဍာ်သာဲသဂြာ (ကွာန်မြဳဗတဝ်သာဲ) ဂမၠိုၚ်ၜါဂကူရ။ ပ္ဍဲအခိၚ်ဂှ် ဗဗၞးဂှ် ပြာပ်အာဇရေၚ် တဳလပိုဉ်အာနန္ဒတုဲမ္ဂး "ယွံတဳလပိုဉ်အာနန္ဒ ပ္ဍဲအခိၚ်လၟုဟ် ကုအဲဍိက် မဟွံကလိဂွံအလန် ကဵုဒါန်ပိဏ္ဍပါတ်ဂှ် 'ပ္ဍဲအခိၚ်ကလိဂွံအလန် ကဵုဒါန်ပိဏ္ဍပါတ်ဂှ် ကြက်စဳရေၚ်ပိဏ္ဍပါတ်ရ' ရဴဝွံ ကုအဲ မဗက်ကၠုၚ်စုက်စုက် နူလက်ကရဴ နူလက်ကရဴ ခမဳသၚ်မၞုံပဓာန်ကျာ်တြဲဂှ် လောန်အာၜါဂိတုတုဲရ။ ကုအဲဂှ် ဟွံကလိဂွံအလန်ကဵုဒါန်ပိဏ္ဍပါတ်ရ၊ အဲလေဝ် ဒှ်ညးမွဲဓရ်ဟေၚ်ရ၊ ဒတုဲဖဵုသ္ၚိကၟိန်လေဝ် ဟုတ်ယုတ်အာ ကုအဲဗွဲမဂၠိုၚ်ရ၊ အဲ ဂွံမၠာ်သ္ၚေဝ်ရံၚ် ဇြပ်ကဵုပိုဉ်မ္ဂး ခိုဟ်ရ၊ သ္ဂောံစဳရေၚ်တဴ ဝတ္ထုမဟွံမွဲ ပ္ဍဲဇြပ်ကဵုပိုဉ်မ္ဂး ခိုဟ်ရ" ရဴဝွံ ကသပ်ဒှ်ရ။
ယွံတဳလပိုဉ်အာနန္ဒ အဲဍိက်ဂှ် မၠာ်သ္ၚေဝ် ဇြပ်ကဵုပိုဉ်မ္ဂး ဟွံညာတ်ကေတ် ယာဂုကေုာံကွာၚ်ကဠောံမဍာတ်ကြိုအ် မစုတ်လဝ်ဍာ်သာဲသဂြာ (ကွာၚ်မြဳဗတဝ်သာဲ) ဂမၠိုၚ်ၜါဂကူရ။ ယွံတဳလပိုဉ်အာနန္ဒ ယဝ်အဲဍိက်စဳရေၚ် ယာဂုကေုာံကွာၚ်မြဳဗတဝ်သာဲမ္ဂး၊ တြနာဲဂေါတမဂှ် ဒုၚ်ဂိုၚ်ကေတ် ယာဂုကေုာံကွာၚ်မြဳဗတဝ်သာဲဂှ်ဟာ" ရဴဝွံ ဂရၚ်ပတီရ။
ယွံဗဗၞး ဒှ်သာ်ဂှ်မ္ဂး သၟာန်တဳလမၞုံပိုဉ်ကျာ်တြဲရ ရဴဝွံ (သ္ဂးရ)။
ပ္ဍဲအခိၚ်ဂှ် တဳလပိုဉ်အာနန္ဒ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံအာနန္ဒ ဒှ်သာ်ဂှ်မ္ဂး ဩဝ်ကဵုစဳရေၚ်ညိ ရဴဝွံ (သ္ဂးရ)။ ဗဗၞးဂှ် ပ္ဍဲအခိၚ်ကလိလောန်အာဗ္တံဂှ် ကဵုစဳရေၚ်ယာဂု ကေုာံကွာၚ်မြဳဗတဝ်သာဲမဂၠိုၚ်ဂၠၚ်တုဲမ္ဂး "တြနာဲဂေါတမဂှ် ဩဝ်ဒုၚ်ဂိုၚ်ကေတ်ယာဂု ကေုာံကွာၚ်မြဳဗတဝ်သာဲ အဲဍိက်ညိ" ရဴဝွံ ဗဂိန်ကဵု ကုတဳလမၞုံပိုဉ်ကျာ်တြဲရ။ ယွံဗဗၞး ယဝ်ဒှ်သာ်ဂှ်မ္ဂး ဩဝ်ကဵုဒါန် ကုခမဳဂမၠိုၚ်ညိ ရဴဝွံ (သ္ဂးရ)။ ခမဳဂမၠိုၚ် မၞုံကဵု 'သံသယကုက္ကုစ္စ' ပွမချပ်သၠေဟ်ပၟာ ရဴဝွံမ္ဂး ဟွံဂပ်ဝ်ဒှ်တုဲ ဟွံဒုၚ်ဂိုၚ်ကေတ်အိုတ်ရ။ ယွံခမဳတအ် ဩဝ်ဒုၚ်ဂိုၚ်ကေတ်အိုတ်ညိ၊ ဩဝ်သ္ပပြဘိုဂ်အိုတ်ညိ ရဴဝွံ (သ္ဂးရ)။
ပ္ဍဲအခိၚ်ဂှ် ဗဗၞးဂှ် အလဵုဇကုကၠောန်ၜိုတ်ဥပကာ ဂကောံခမဳမၞုံပဓာန်ဍေံကျာ်တြဲ နကဵုယာဂုကီု နကဵုကွာၚ်မြဳဗတဝ်သာဲကီု စဵုကဵုတရိုပ်စိုတ် စဵုကဵုဒးဆေဝ်တာ ပဒေံါကၠေံတုဲမ္ဂး အခိၚ်တဳလမၞုံပိုဉ်ကျာ်တြဲ ပဲါကၠေံတဲ နူဗဗေၚ်တုဲဂှ် ဂဇအ်ဒၟံၚ် ပ္ဍဲဒၞာဲမွဲရ၊ ဗဗၞးမဂဇအ်ဒၟံၚ် ပ္ဍဲဒၞာဲမွဲဂှ် တဳလမၞုံပိုဉ်ကျာ်တြဲ သ္ဂးတိုန်ဂလာန်ဝွံရ−−
"ယွံဗဗၞး ဖဵုယာဂုဂမၠိုၚ် မၞုံစှ်သာ်အိုတ်ရ၊ ညးမ္ဂးစှ်သာ်အိုတ်ဂှ်ရောမ္ဂးတုန်−−
၁၇၀.၁။ ဖဵုကဵုဒါယာဂု စှ်သာ်
[ပလေဝ်ဒါန် | ပလေဝ်ဒါန် တမ်ကၞက်]ညးကဵုဒါန်ယာဂုဂှ် ဒှ် ကဵုဒါန်အာယုက်ရ။ ဒှ် ကဵုဒါန်ရုပ်သာ်ရ။ ဒှ် ကဵုဒါန်တသိုခ်ရ။ ဒှ် ကဵုဒါန်ဇြဟတ်ရ။ ဒှ် ကဵုဒှ်ပညာရ။
ယာဂုမဂပ်ဝ်သုၚ်ဂှ် ပဲါပၠေၚ်ကဵုဗျဵုတဟၚ်ပုၚ်ရ။ ပဲါပၠေၚ်ကၠေံ ပွမထၚ်ဍာ်ရ။ လေပ်ကဵုကျာသဝ်ရ။ လေပ်ကဵုသ္ၚိထိုၚ်ပဿဴ သ္အးဇ္ၚးရ။ လေပ်ကဵုစၞတၟိသှ်ေသၟေဟ် စိန်ဝုန်လာဲရ။ ယွံဗဗၞး ဖဵုယာဂုဂမၠိုၚ် ဣဝွံစှ်သာ်ဂမၠိုၚ်ရ" ရဴဝွံ (သ္ဂးရ။)
ယွံဗဗၞး ယြဴညးမွဲ ပ္ဍဲအခိၚ်မဗဗွဲဂှ် ဗွဲမရှ်ေသှ်ေရဴဂဴ ကဵုဒါန်ယာဂု ကုခမဳဂမၠိုၚ်မသ္ၚဳလလမ် မၚ်မွဲဇကုပါၚ်စိုတ်တုဲ မသ္ပပြဘိုဂ်ဂြပ်ရတ်ညးသအာၚ်ကဵုဒါန်ရ။ (ညးဂှ်) ဒှ် ကဵုဒါန်အရာဂမၠိုၚ်စှ်သာ် ကုပူဂိုလ်ဒၟုၚ်ဒါန်ရ။ အာယုက် ရုပ်သာ် တသိုခ် ဇြဟတ် ပညာဂမၠိုၚ် ပူဂိုလ်မသ္ပပြဘိုဂ်ယာဂဂှ် ကတဵုဒှ်အိုတ်ရ။ သအာၚ်နူဂှ် ပွမဗျဵုတဟၚ် ပွမထၚ်ဍာ်ဂမၠိုၚ်လေဝ် လေပ်ပဲါပၠေၚ်ကၠေံရ။ သ္ၚိထိုၚ်ပဿဴလေဝ် လေပ်ကဵုသ္အးဇ္ၚးရ၊ စၞတၟိလေဝ် လေပ်ကဵုစိန်ဝုန်လာဲရ၊ ဂဥုဲမတွံဂးယာဂုဝွံ ကျာ်တြဲ ထိုၚ်သးရ။
ဟိုတ်ဂှ်ရ အခါကာလအိုတ်သီု ညးမၞုံပၟိက်ကဵုတသိုခ် မဒှ်ပ္ဍဲမၞိဟ်ကီု ညးမရာဒနာမိက်ကဵု တသိုခ်ဂမၠိုၚ် မဒှ်ပ္ဍဲဍုၚ်သွဝ်ကီု ညးမၞုံပၟိက်ကဵုဂုဏ်ကျာ်သြဳမၞိဟ်ဂမၠိုၚ်ကီု တၞဟ်နကဵုဒါန်ယာဂုဂှ် ဗဗွဲထေက်ကြိုက်ဟေၚ်ရ ရဴဝွံ (သ္ဂးရ။)
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပအနုမောဒနာ ကဵုဗဗၞးဂှ် နကဵုဂါထာဝွံတုဲမ္ဂး ဒၠိုက်ကတဵုနူဒၞာဲတုဲ ပဲါစ္ဍးအာရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး "ယွံခမဳတအ် ကဵုအခေါၚ်ယာဂု ကေုာံကွာၚ်မြဳကဠောံမဍာတ်ကြိုအ် မစုတ်လဝ်ဍာ်သာဲသဂြာ (ကွာၚ်မြဳဗတဝ်သာဲ)ဂမၠိုၚ်ရ ရဴဝွံ (သ္ဂးရ)။
၁၇၁။ ဝတ္ထုအမာတ်ဇၞော် ဓရ်သဒ္ဓါၜတ်
[ပလေဝ်ဒါန် | ပလေဝ်ဒါန် တမ်ကၞက်]၂၈၃။ မၞိဟ်ဂမၠိုၚ် တဳလမၞုံပိုဉ်ကျာ်တြဲ ကဵုအခေါၚ်ယာဂု ကေုာံကွာၚ်ကဠောံမဍာတ်ကြိုအ် မစုတ်လဝ်ဍာ်သာဲသဂြာ (ကွာၚ်မြဳဗတဝ်သာဲ) ဂမၠိုၚ်ရ ရဴဝွံ သ္ဂောံမိၚ်ကေတ်အိုတ်ရ။ မၞိဟ်ဂမၠိုၚ်ဂှ် ပ္ဍဲအခိၚ်နူဂယးပြဟ်ဟေၚ် စဳရေၚ်တဴ ယာဂုမၞုံလအာတုပ်ကဵုပုၚ် (ယာဂုခတ်ခတ်၊ ပုၚ်ခ္ဍေက်) ကေုာံကွာၚ်ကဠောံမဍာတ်ကြိုအ် မစုတ်လဝ်ဍာ်သာဲသဂြာ (ကွာၚ်မြဳဗတဝ်သာဲ) ဂမၠိုၚ်အိုတ်ရ။ ခမဳဂမၠိုၚ် ပ္ဍဲအခိၚ်နူဂယးပြဟ်ဟေၚ် တရိုပ်စိုတ်ပေၚ်ပၟိက် နကဵုယာဂုမၞုံလအာတုပ်ကဵုပုၚ် ကေုာံကွာၚ်မြဳဗတဝ်သာဲဂမၠိုၚ်ဒှ်တုဲ အတိုၚ်စိုတ်နွံဂှ် ဟွံသ္ပပြဘိုဂ် ပ္ဍဲဇြပ်ကဵုပိုဉ်အိုတ်ရ။ ပ္ဍဲအခိၚ်ဂှ် အမာတ်ဇၞော် ဓရ်သဒ္ဓါၜတ်မွဲတၠဂှ် တၞဟ်နသွက်ဂွံကဵုပိုဉ်ပ္ဍဲတ္ၚဲယး ဘိက်နိမန်လဝ် ခမဳသၚ်မၞုံပဓာန်ဍေံကျာ်တြဲရ။ ပ္ဍဲအခိၚ်ဂှ် “အဲဂွံစဳရေၚ်တဴ ခရော်သွဖျုန်ဂမၠိုၚ် လ္ၚီၜါကၠံမသုန်စှော် ကုခမဳဂမၠိုၚ်လ္ၚီၜါကၠံမသုန်စှော်မ္ဂး၊ သ္ဂောံဗဂိန်ကဵုဒါန် ခရော်သွဖျုန်မွဲခရော်မွဲခရော် ကုခမဳမွဲမွဲဇကုဇဳမ္ဂး ခိုဟ်သန်ရ” ရဴဝွံ ကသပ်ဒှ် ကုအမာတ်ဇၞော် ဓရ်သဒ္ဓါၜတ်ဂှ်ရ။ ပ္ဍဲကြဴနူဂှ် အမာတ်ဇၞော် ဓရ်သဒ္ဓါၜတ်ဂှ် အခိၚ်ကလိလောန်အာဗ္တံဂှ် စဳရေၚ်တဴ စၞစဘောဇိုန်မပြဲပြဲ မဂၠိုၚ်ဂၠၚ်ကီု ခရော်သွဖျုန်ဂမၠိုၚ် လ္ၚီၜါကၠံမသုန်စှော်ကီုတုဲ “ယွံတဳလပိုဉ် ဒးအခိၚ်ကဵုပိုဉ်ရ၊ ပဠေဝ်ပဠေတ်လဝ် ပိဏ္ဍပါတ်တုဲရ” ရဴဝွံ ကဵုဂရၚ်ပတီ ဒးအခိၚ် ကုတဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်နူဂယး ဗိုက်ပဠေဝ်သ္ၚာ ဂိုၚ်ကေတ်ဗဗေၚ်သ္ၚာတုဲ က္ညပြာပ်စဴအာ သ္ၚိအမာတ်ဇၞော် ဓရ်သဒ္ဓါၜတ်ဂှ်တုဲ ဂဇအ်ဒၟံၚ်ပ္ဍဲသၞာမလးပညပ်လဝ် မွဲဟာန်ကေုာံခမဳသၚ်ရ။ ပ္ဍဲအခိၚ်ဂှ် အမာတ်ဇၞော် ဓရ်သဒ္ဓါၜတ်ဂှ် ကၠောန်ၜိုတ်ဥပကာ ခမဳဂမၠိုၚ် ပ္ဍဲဇြပ်ကဵုပိုဉ်ရ၊ ခမဳဂမၠိုၚ် “ယွံဒကာ ဩဝ်ကဵုဗၞတ်ညိနာၚ်ဟေၚ်ညိ၊ ယွံဒကာ ဩဝ်ကဵုဗၞတ်ညိနာၚ်ဟေၚ်ညိ” ရဴဝွံ ဟီုသ္ဂးအိုတ်ရ။ ယွံတဳလပိုဉ်တအ် “အမာတ်ဇၞော်ဝွံ ညးဓရ်သဒ္ဓါၜတ်ရ” ရဴဝွံ တဳလပိုဉ်တအ်ညးဂမၠိုၚ် လ္ပဒုၚ်ဂိုၚ်ကေတ် ဗၞတ်ညိနာၚ်ဗၞတ်ညိနာၚ်ဟေၚ်အိုတ်ညိ၊ “ကြက်ဗဂိန်ကဵုဒါန် ခရော်သွဖျုန်မွဲခရော် မွဲခရော် ကုခမဳမွဲမွဲဇကုရ ရဴဝွံ အဲဍိက် စဳရေၚ်လဝ် စၞစဘောဇိုန်မပြဲပြဲ မဂၠိုၚ်ဂၠၚ်ကီု ခရော်သွဖျုန်ဂမၠိုၚ် လ္ၚီၜါကၠံမသုန်စှော်ကီုတုဲ စွံလဝ်ရ၊ တဳလပိုဉ်တအ်ညးဂမၠိုၚ် ဩဝ်ဒုၚ်ဂိုၚ်ကေတ် အတိုၚ်နွံပၟိက်အိုတ်ညိ” ရဴဝွံ (ဂရၚ်ပတီရ)။ ယွံဒကာ ပိုဲညးဂမၠိုၚ် ဟိုတ်နူဟိုတ်မတွံဂး ပွမကဵုဒါန်ဟွံမာန်သာ်ဂှ် ဒုၚ်ဂိုၚ်ကေတ် ဗၞတ်ညိနာၚ်ဗၞတ်ညိနာၚ်ဟေၚ်အိုတ် ဟွံသေၚ်ရ၊ ဗွဲစၟတ်တုန် ပိုဲညးဂမၠိုၚ် ပ္ဍဲအခိၚ်နူဂယးပြဟ်ဟေၚ် ဟိုတ်မတရိုပ်စိုတ်ပေၚ်ပၟိက် နကဵုယာဂုမၞုံလအာတုပ်ကဵုပုၚ် ကေုာံကွာၚ်မြဳဗတဝ်သာဲဂမၠိုၚ်ဒှ်တုဲ ဒုၚ်ဂိုၚ်ကေတ်ဗၞတ်ညိနာၚ်ဗၞတ်ညိနာၚ်ဟေၚ်အိုတ်ရ ရဴဝွံ (ဟီုသ္ဂးအိုတ်ရ)။ ပ္ဍဲအခိၚ်ဂှ် အမာတ်ဇၞော် ဓရ်သဒ္ဓါၜတ်ဂှ် “တဳလပိုဉ်မဆာဲဂမၠိုၚ် မုဟိုတ် သီုအဲမဂပ်ဝ်ဘိက်နိမန်လဝ် ဂွံသ္ပပြဘိုဂ်ယာဂု မၞုံလအာတုပ်ကဵုပုၚ် ညးအသာၚ်အိုတ်ရော? အဲ တၞဟ်နကဵုဒါန်အတိုၚ်နွံပၟိက်ဂှ် သၟဟ်ရထဒၟံၚ်ရဟွံသေၚ်ဟာ” ရဴဝွံ ဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်တုဲမ္ဂး ထေဲပၞောတ်ဂှ်ဒှ်တုဲ ဟွံမိပ်စိုတ်ဒှ်တုဲ မိက်ပတိုန်ဒုဟ်ဒှ်တုဲ သီုမကဵုဗပေၚ်တဴ ဗဗေၚ်ခမဳဂမၠိုၚ်ဂှ် “မိက်သ္ပပြဘိုဂ်လေဝ် ဩဝ်သ္ပပြဘိုဂ်အိုတ်ညိ၊ မိက်ရၚ်တၠုၚ်လေဝ် ဩဝ်ရၚ်တၠုၚ်ဏာအိုတ်ညိ” ရဴဝွံ သ္ဂးတုဲ ပါဲစ္ဍးအာရ။ ပ္ဍဲအခိၚ်ဂှ် အလဵုဇကုကၠောန်ၜိုတ်ဥပကာ ခမဳသၚ်မၞုံပဓာန်ဍေံကျာ်တြဲ နကဵုစၞအာဟာရဘောဇိုန်မပြဲပြဲ စဵုကဵုတရိုပ်စိုတ် စဵုကဵုဒးဆေဝ်တာပဒေါံကၠေံတုဲမ္ဂး တဳလမၞုံပိုဉ်ကျာ်တြဲ ကဵုပိုဉ်တုဲ အခိၚ်ပါဲကၠေံတဲ နူဗဗေၚ်တုဲဂှ် ဂဇံၚ်ဒၟံၚ် ပ္ဍဲဒၞာဲမွဲရ။ တဳလမၞုံပိုဉ်ကျာ်တြဲဂှ် နကဵုဂလာန်ဓရ် ကဵုအမာတ်ဇၞော် ဓရ်သဒ္ဓါၜတ် မဂဇအ်ဒၟံၚ် ပ္ဍဲဒၞာဲမွဲဂှ် တီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲမ္ဂး ဒၠိုက်ကတဵုနူဒၞာဲ က္ညပါဲစ္ဍးအာရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ က္ညစ္ဍးအာတုဲဟွံသက်ဂတာပ်လအ် ဒှ် ‘သံသယကုက္ကုစ္စ’ ပွမချပ်သၠေဟ်ပၟာ ကုအမာတ်ဇၞော် ဓရ်သဒ္ဓါၜတ်ရ၊ ဒှ်သၠိုက်သ္ၚောံစိုတ်ရ။ “ယြဴဖဵုဂမၠိုၚ် ညးဂမၠိုၚ်မွဲသအာၚ် ဂပ်ဝ်ကလိဂွံအိုတ်ရ၊ ဖဵုဂမၠိုၚ်ဂှ်) အဲညးမွဲဓဝ်ဟေၚ် ဟွံကလိဂွံအိုတ်ရသွံ၊ ဗွဲစၟတ် ကုအဲဂှ် ဖဵုဂမၠိုၚ်မဂပ်ဝ်ကလိဂွံဂှ် ကလိဂွံဟွံသေၚ်အိုတ်ရ။ ဗွဲစၟတ် အဲ ဂပ်ဝ်ကလိဂွံဒဒှ်မၞိဟ် ဗွဲဟွံဒးရးရ၊ ဗွဲစၟတ် အဲ ဂပ်ဝ်ကလိဂွံဒဒှ်မၞိဟ် ဗွဲမ္ဒးရးဟွံသေၚ်ရ၊ (မုဟိုတ်ရောဟီုမ္ဂး) အဲ ထေဲပၞောတ်ဂှ်ဒှ်တုဲ ဟွံမိပ်စိုတ်ဒှ်တုဲ မိက်ပတိုန်ဒုဟ်ဒှ်တုဲ သီုမကဵုဗပေၚ်တဴဗဗေၚ် ခမဳဂမၠိုၚ်ဂှ် “မိက်သ္ပပြဘိုဂ်လေဝ် ဩဝ်သ္ပပြဘိုဂ်ညိ၊ မိက်ရၚ်တၠုၚ်လေဝ် ဩဝ်ရၚ်တၠုၚ်ဏာအိုတ်ညိ” ရဴဝွံ သ္ဂးတုဲ ပါဲစ္ဍးအာတုဲရ၊ ပသာ်ရော? ပွကုသိုလ်ဗွဲမဂၠိုၚ်လေဝ် အဲ ဂပ်ဝ်လ္ၚတ်ဆန်ၜန်ဒးဟာ၊ ပွသရာံပါပ်ဗွဲမဂၠိုၚ်လေဝ် ဂပ်ဝ်လ္ၚတ်ဆန်ၜန်ဒးဟာ” ရဴဝွံ (ဒှ်ဒၟံၚ်သၠိုက်သ္ၚောံစိုတ်ရ)။ ပ္ဍဲကြဴနူဂှ် အမာတ်ဇၞော် ဓရ်သဒ္ဓါၜတ်ဂှ် ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ် ပ္ဍဲဒၞာဲမွဲဂှ် “ယွံကျာ်မၞုံပိုဉ် အဲဍိက် တဳလမၞုံပိုဉ်ကျာ်တြဲ က္ညစ္ဍးအာတုဲဟွံသက်ဂတာပ်လအ် ဒှ် ‘သံသယကုက္ကုစ္စ’ ပွမချပ်သၠေဟ်ပၟာရ၊ ဒှ်သၠိုက်သ္ၚောံစိုတ်ရ။ ‘(ယြဴဖဵုဂမၠိုၚ် ညးဂမၠိုၚ်မွဲသအာၚ် ဂပ်ဝ်ကလိဂွံအိုတ်ရ၊ ဖဵုဂမၠိုၚ်ဂှ်) အဲညးမွဲဓဝ်ဟေၚ် ဟွံကလိဂွံအိုတ်ရသွံ၊ ဗွဲစၟတ် ကုအဲဂှ် ဖဵုဂမၠိုၚ်မဂပ်ဝ်ကလိဂွံဂှ် ကလိဂွံဟွံသေၚ်အိုတ်ရ။ ဗွဲစၟတ် အဲ ဂပ်ဝ်ကလိဂွံဒဒှ်မၞိဟ် ဗွဲဟွံဒးရးရ၊ ဗွဲစၟတ် အဲ ဂပ်ဝ်ကလိဂွံဒဒှ်မၞိဟ် ဗွဲမ္ဒးရးဟွံသေၚ်ရ၊ (မုဟိုတ်ရောဟီုမ္ဂး) အဲ ထေဲပၞောတ်ဂှ်ဒှ်တုဲ ဟွံမိပ်စိုတ်ဒှ်တုဲ မိက်ပတိုန်ဒုဟ်ဒှ်တုဲ သီုမကဵုဗပေၚ်တဴဗဗေၚ် ခမဳဂမၠိုၚ် “မိက်သ္ပပြဘိုဂ်လေဝ် ဩဝ်သ္ပပြဘိုဂ်အိုတ်ညိ၊ မိက်ရၚ်တၠုၚ်လေဝ် ဩဝ်ရၚ်တၠုၚ်ဏာအိုတ်ညိ” ရဴဝွံ သ္ဂးတုဲ ပါဲစ္ဍးအာတုဲရ၊ ပသာ်ရော? ပွကုသိုလ်ဗွဲမဂၠိုၚ်လေဝ် အဲ ဂပ်ဝ်ဆန်ၜန်ဒးဟာ၊ ပွသရာံပါပ်ဗွဲမဂၠိုၚ်လေဝ် ဂပ်ဝ်လ္ၚတ်ဆန်ၜန်ဒးဟာ” ရဴဝွံ (ဒှ်ဒၟံၚ်သၠိုက်သ္ၚောံစိုတ်ရ)။ ယွံတဳလမၞုံပိုဉ် မသာ်ရော? ပွကုသိုလ်ဗွဲမဂၠိုၚ်လေဝ် အဲဍိက် ဂပ်ဝ်လ္ၚတ်ဆန်ၜန်ဒးဟာ၊ ပွသရာံပါပ်ဗွဲမဂၠိုၚ်လေဝ် ဂပ်ဝ်လ္ၚတ်ဆန်ၜန်ဒးဟာ” ရဴဝွံ ဂရၚ်ပတီရ။ ယွံဒကာ သ္ပတမ်နူတၠအဲ ဘိက်နိမန် ဂကောံခမဳမၞုံပဓာန်ဍေံကျာ်တြဲ သွက်ဂွံကဵုပိုဉ် ပ္ဍဲတ္ၚဲယးဂှ်တုဲ ဂပ်ဝ်လ္ၚန်ဆန်ၜန် ပွကုသိုလ်ဗွဲမဂၠိုၚ်ရ။ သ္ပတမ်နူတၠအဲ ကဵုဒါန်မပုၚ်မွဲမွဲမ ကဵုခမဳမွဲမွဲဇကုဂှ်တုဲ ဂပ်ဝ်လ္ၚတ််ဆန်ၜန် ပွကုသိုလ်ဗွဲမဂၠိုၚ်တုဲရ၊ ဂပ်ဝ်ပတိတ်ဇြဟတ် ပွကုသိုလ် မလေပ်ကဵုကတဵုဒှ် ပ္ဍဲဍုၚ်သွဝ်တုဲရ ရဴဝွံ (သ္ဂးရ)။ ပ္ဍဲအခိၚ်ဂှ် အမာတ်ဇၞော် ဓရ်သဒ္ဓါၜတ်ဂှ် “ကုအဲ ကလိဂွံဗွဲမ္ဒးရးရဂး၊ အဲ ဂပ်ဝ်ကလိဂွံ ဗွဲမ္ဒးရးရ၊ အဲ ဂပ်ဝ်လ္ၚတ်ဆန်ၜန် ပွကုသိုလ်ဗွဲမဂၠိုၚ်တုဲရ၊ အဲ ဂပ်ဝ်ပတိတ်ဇြဟတ် ပွကုသိုလ် မလေပ်ကဵုကတဵုဒှ် ပ္ဍဲဍုၚ်သွဝ်တုဲရ” ရဴဝွံ မြဟ်မြာသတိုတ် စိုတ်တိုန်ဒှ်တုဲ ဒၠိုက်ကတဵုနူဒၞာဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲ သ္ပရှ်ေသှ်ေရဴဂဴတုဲ ပါဲစ္ဍးအာရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုဂကောံခမဳ ကောံဓရီုတုဲမ္ဂး “ယွံခမဳတအ် ဝေၚ်ကၠေံ မပ်ဝ်ဘိက်နိမန်တုဲ သ္ပပြဘိုဂ်ယာဂု ညးသအာၚ်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက် ခမဳဂမၠိုၚ်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ ယွံခမဳတအ် မုဟိုတ် တြုံမလ္ၚုသၟး(နူမဂ်ဖိုလ်)ဂမၠိုၚ်ဂှ် သီုမဂပ်ဝ်ဘိက်နိမန်လဝ် ပ္ဍဲဌာန်မွဲသအာၚ်ဂှ် သ္ပပြဘိုဂ်ယာဂုမၞုံလအာတုပ်ကဵုပုၚ် ညးသအာၚ်အိုတ်ရော? ယွံခမဳတအ် (ပွခမဳဂမၠိုၚ်သ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး “ယွံခမဳတအ် ခမဳမဂပ်ဝ်ဘိက်နိမန်လဝ် ပ္ဍဲဌာန်မွဲသအာၚ်ဂှ် ဟဂပ်ဝ်သ္ပပြဘိုဂ် ယာဂုမၞုံလအာတုပ်ကဵုပုၚ် ညးသအာၚ်ရ၊ ကုခမဳမသ္ပပြဘိုဂ်ဂှ် ဂပ်ဝ်သ္ဂုတ်သွာတ် ဗွဲမဗဗွဲကဵုဓရ်ရ” ရဴဝွံ သ္ဂးရ။
၁၇၂။ ဝတ္ထုဗေလဋ္ဌကစ္စန
[ပလေဝ်ဒါန် | ပလေဝ်ဒါန် တမ်ကၞက်]၂၈၄။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲကွာန်အန္ဓကဝိန္ဒ ဗွဲမမိပ်လဟိၚ်တုဲမ္ဂး မွဲဟာန်ကေုာံခမဳသၚ်ဂမၠိုၚ်မဂၠိုၚ်ဂၠၚ် ဗၞတ်လ္ၚီၜါကၠံမသုန်စှော် က္ညဂ္ၚေၚ်အာဒေသစာရိတ် ဍုၚ်ရာဇဂြိုဟ်ရ။ ပ္ဍဲအခိၚ်ဂှ် ဗေလဋ္ဌကစ္စာန နူဍုၚ်ရာဇဂြိုဟ် သွိုန်ဗပိုန်တရဴအဓာန်မဂၠိၚ်သ္ၚောဲ ကွာန်အန္ဓကဝိန္ဒ နကဵုကွဳမဂမၠိုၚ်မသုန်ကၠံ မပေၚ်တဴနကဵုနုၚ်တၚ်လာဲဂမၠိုၚ်အလုံအိုတ်သီုရ။ တဳလမၞုံပိုဉ်ကျာ်တြဲ ညာတ်ကေတ် ဗေလဋ္ဌကစ္စာန မကၠုၚ်ဒၟံၚ်နူဇမ္ၚောဲတုဲ တၞီစှ်ေနူဂၠံၚ်တရဴတုဲ ဂဇအ်ဒၟံၚ်ပ္ဍဲသၟဝ် တမ်ဆုမွဲရ။ ပ္ဍဲအခိၚ်ဂှ် ဗေလဋ္ဌဂှ် ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ်ပ္ဍဲဒၞာဲမွဲဂှ် “ယွံကျာ်မၞုံပိုဉ် အဲဍိက် နွံပၟိက် တၞဟ်နကဵုဒါန် နုၚ်တၚ်လာဲမွဲမွဲမ ကုခမဳမွဲမွဲဇကုဇဳရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံကစ္စာန ဒှ်သာ်ဂှ်မ္ဂး တၠအဲ ဩဝ်ရၚ်တၠုၚ် နုၚ်တၚ်လာဲမွဲမဟေၚ်ညိ ရဴဝွံ (သ္ဂးရ)။ “ခိုဟ်သန်ရ ယွံကျာ်မၞုံပိုဉ်” ရဴဝွံ ဗေလဋ္ဌကစ္စာန ဒုၚ်ဝန် ကုတဳလမၞုံပိုဉ်ကျာ်တြဲတုဲမ္ဂး– ဂိုၚ်ကေတ်နၚ် နုၚ်တၚ်လာဲမွဲမဟေၚ်တုဲ ပြာပ်ကၠုၚ်ဇရေၚ် တဳလမၞုံပိုဉ်ကျာ်တြဲတုဲမ္ဂး “ယွံကျာ်မၞုံပိုဉ် ရၚ်တၠုၚ်ကေတ်နၚ် နုၚ်တၚ်လာဲတုဲရ၊ ယွံတဳလမၞုံပိုဉ် အဲဍိက်မသာ်ဂွံဒ္ဂေတ်သ္ပရော?” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံကစ္စာန ဒှ်သာ်ဂှ်မ္ဂး တၠအဲ ဩဝ်ကဵုဒါန်တၚ်တလာဲ ကုခမဳဂမၠိုၚ်ညိ ရဴဝွံ (သ္ဂးရ)။ “ခိုဟ်သန်ရ ယွံကျာ်မၞုံပိုဉ်” ဗေလဋ္ဌကစ္စာန ဒုၚ်ဝန် ကုတဳလမၞုံပိုဉ်ကျာ်တြဲတုဲမ္ဂး ကဵုဒါန်တၚ်လာဲ ကုခမဳဂမၠိုၚ်တုဲ “ယွံတဳလမၞုံပိုဉ် ဂပ်ဝ်ကဵုဒါန်တၚ်လာဲ ကုခမဳဂမၠိုၚ်တုဲရ၊ တၚ်လာဲဝွံ သှ်ေသၟေဟ်ဒၟံၚ်ဗွဲမဂၠိုၚ်ဏီရ၊ ယွံတဳလမၞုံပိုဉ် အဲဍိက် ပသာ်ဂွံသ္ပဒ္ဂေတ်သ္ပရော?” ရဴဝွံ ဂရၚ်ပတီ တဳလမၞုံပိုည်ကျာ်တြဲရ။ ယွံကစ္စာန သှ်ေသၟေဟ်ဒၟံၚ်သာ်ဂှ်ဏီမ္ဂး တၠအဲ ဩဝ်ကဵုဒါန်တၚ်လာဲ ကုခမဳဂမၠိုၚ် အတိုၚ်နွံပၟိက်ညိ ရဴဝွံ (သ္ဂးရ)။ “ခိုဟ်သန်ရ ယွံကျာ်မၞုံပိုဉ်” ရဴဝွံ ဗေလဋ္ဌကစ္စာန ဒုၚ်ဝန် ကုတဳလမၞုံပိုဉ်ကျာ်တြဲတုဲမ္ဂး ကဵုဒါန်တၚ်လာဲ ကုခမဳဂမၠိုၚ် အတိုၚ်နွံပၟိက်တုဲပ္ဍဲကြဴ “ယွံတဳလမၞုံပိုဉ် ကဵုဒါန်တၚ်လာဲ ကုခမဳဂမၠိုၚ် အတိုၚ်ပၟိက်တုဲရ၊ တၚ်လာဲဝွံ သှ်ေသၟေဟ်ဒၟံၚ်ဗွဲမဂၠိုၚ်ဏီရ၊ ယွံတဳလမၞုံပိုဉ် အဲဍိက် ပသာ်ဂွံဒ္ဂေတ်သ္ပရော?” ရဴဝွံ ဂရၚ်ပတီ ကုတဳလမၞုံပိုဉ်ကျာ်တြဲရ။ ယွံကစ္စာန သှ်ေသၟေဟ်ဒၟံၚ်သာ်ဂှ်ဏီမ္ဂး ဩဝ်ကဵုခမဳဂမၠိုၚ် တရိုပ်စိုတ် နကဵုတၚ်လာဲဂမၠိုၚ်ညိ ရဴဝွံ (သ္ဂးရ)။ “ခိုဟ်သန်ရ ယွံကျာ်မၞုံပိုဉ်” ရဴဝွံ ဗေလဋ္ဌကစ္စာန ဒုၚ်ဝန် ကုတဳလမၞုံပိုဉ်ကျာ်တြဲတုဲမ္ဂး ကဵုဒါန်တၚ်လာဲ ကုခမဳဂမၠိုၚ် တရိုပ်စိုတ် နကဵုတၚ်လာဲဂမၠိုၚ်ရ။ ခမဳလ္ၚဵုဂမၠိုၚ် ကဵုဗပေၚ်တဴ ဗဗေၚ်ဂမၠိုၚ်အိုတ်ရ၊ ကဵုဗပေၚ်တဴ ခ္ဍိုဟ်ဍာ်ဂမၠိုၚ်ကီု ထိုၚ်ဂမၠိုၚ်ကီုအိုတ်ရ။ ပ္ဍဲကြဴနူဂှ် ဗေလဋ္ဌကစ္စာန ကဵုခမဳဂမၠိုၚ် တရိုပ်စိုတ် နကဵုတၚ်လာဲဂမၠိုၚ်တုဲမ္ဂး “ယွံတဳလမၞုံပိုဉ် ဂပ်ဝ်ကဵုခမဳဂမၠိုၚ် တရိုပ်စိုတ် နကဵုတၚ်လာဲဂမၠိုၚ်တုဲရ၊ တၚ်လာဲဝွံ သှ်ေသၟေဟ်ဒၟံၚ်ဗွဲမဂၠိုၚ်ဏီရ၊ ယွံတဳလမၞုံပိုဉ် အဲဍိက် ပသာ်ဂွံဒ္ဂေတ်သ္ပရော?” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံကစ္စာန သှ်ေသၟေဟ်ဒၟံၚ်သာ်ဂှ်ဏီမ္ဂး တၠအဲ ဩဝ်ကဵုဒါန်တၚ်လာဲ ကုညးစစၞဇမ္ၚးဂမၠိုၚ်ညိ ရဴဝွံ (သ္ဂးရ)။ “ခိုဟ်သန်ရ ယွံကျာ်မၞုံပိုဉ်” ရဴဝွံ ဗေလဋ္ဌကစ္စာန ဒုၚ်ဝန် ကုတဳလမၞုံပိုဉ်ကျာ်တြဲတုဲမ္ဂး ကဵုဒါန်တၚ်လာဲ ကုညးစစၞဇမ္ၚးဂမၠိုၚ်တုဲ “ယွံတဳလမၞုံပိုဉ် ဂပ်ဝ်ကဵုဒါန်တၚ်လာဲ ကုညးစစၞဇမ္ၚးဂမၠိုၚ်တုဲရ၊ တၚ်လာဲဝွံ သှ်ေသၟေဟ်ဒၟံၚ်ဗွဲမဂၠိုၚ်ဏီရ၊ ယွံတဳလမၞုံပိုဉ် အဲဍိက် ပသာ်ဂွံဒ္ဂေတ်သ္ပရော?” ရဴဝွံ ဂရၚ်ပတီ ကုတဳလမၞုံပိုဉ်ကျာ်တြဲရ။ ယွံကစ္စာန သှ်ေသၟေဟ်ဒၟံၚ်သာ်ဂှ်ဏီမ္ဂး တၠအဲ ဩဝ်ကဵုဒါန်တၚ်လာဲ ကုညးစစၞဇမ္ၚးဂမၠိုၚ် အတိုၚ်နွံပၟိက်ညိ ရဴဝွံ (သ္ဂးရ)။ “ခိုဟ်သန်ရ ယွံကျာ်မၞုံပိုဉ်” ရဴဝွံ ဗေလဋ္ဌကစ္စာန ဒုၚ်ဝန် ကုတဳလမၞုံပိုဉ်ကျာ်တြဲတုဲမ္ဂး ကဵုဒါန်တၚ်လာဲ ကုညးစစၞဇမ္ၚးဂမၠိုၚ် အတိုၚ်နွံပၟိက်တုဲပ္ဍဲကြဴ “ယွံတဳလမၞုံပိုဉ် ဂပ်ဝ်ကဵုဒါန်တၚ်လာဲ ကုညးစစၞဇမ္ၚးဂမၠိုၚ် အတိုၚ်ပၟိက်တုဲရ၊ တၚ်လာဲဝွံ သှ်ေသၟေဟ်ဒၟံၚ်ဗွဲမဂၠိုၚ်ဏီရ၊ ယွံတဳလမၞုံပိုဉ် အဲဍိက် ပသာ်ဂွံဒ္ဂေတ်သ္ပရော?” ရဴဝွံ ဂရၚ်ပတီ ကုတဳလမၞုံပိုဉ်ကျာ်တြဲရ။ ယွံကစ္စာန သှ်ေသၟေဟ်ဒၟံၚ်သာ်ဂှ်ဏီမ္ဂး တၠအဲ ဩဝ်ကဵုညးစစၞဇမ္ၚးဂမၠိုၚ် တရိုပ်စိုတ် နကဵုတၚ်လာဲဂမၠိုၚ်ညိ ရဴဝွံ (သ္ဂးရ)။ “ခိုဟ်သန်ရ ယွံကျာ်မၞုံပိုဉ်” ရဴဝွံ ဗေလဋ္ဌကစ္စာန ဒုၚ်ဝန် ကုတဳလမၞုံပိုည်ကျာ်တြဲတုဲမ္ဂး ကဵုညးစစၞဇမ္ၚးဂမၠိုၚ် တရိုပ်စိုတ် နကဵုတၚ်လာဲဂမၠိုၚ်ရ။ ညးစစၞဇမ္ၚးဂမၠိုၚ်လ္ၚဵု ကဵုဗပေၚ်တဴ ကၠာၚ်ဂမၠိုၚ်ကီု နုၚ်ကဵုကီုအိုတ်ရ၊ ကဵုဗပေၚ်တဴ န တိုၚ်ဂမၠိုၚ်ကီု ဆတ်ဂၞိၚ် (ထိုၚ်ဂၠိက်) ဂမၠိုၚ်ကီုအိုတ်ရ။ ပ္ဍဲကြဴနူဂှ် ဗေလဋ္ဌကစ္စာန ကဵုညးစစၞဇမ္ၚးဂမၠိုၚ် တရိုပ်စိုတ် နကဵုတၚ်လာဲဂမၠိုၚ်တုဲမ္ဂး “ယွံတဳလမၞုံပိုဉ် ဂပ်ဝ်ကဵုညးစစၞဇမ္ၚးဂမၠိုၚ် တရိုပ်စိုတ် နကဵုတၚ်လာဲဂမၠိုၚ်တုဲရ၊ တၚ်လာဲဝွံ သှ်ေသၟေဟ်ဒၟံၚ် ဗွဲမဂၠိုၚ်ဏီရ၊ ယွံတဳလမၞုံပိုဉ် အဲဍိက် ပသာ်ဂွံဒ္ဂေတ်သ္ပရော?” ရဴဝွံ ဂရၚ်ပတီ တဳလမၞုံပိုဉ်ကျာ်တြဲအိုတ်ရ။ ယွံကစ္စာန ပ္ဍဲလိုက်မၞိဟ် မဒှ်မွဲဟာန်ကေုာံဒေဝတဴ မဒှ်မွဲဟာန်ကေုာံဒေဝတဴမာရ မဒှ်မွဲဟာန်ကေုာံဗြီု မဒှ်မွဲဟာန်ကေုာံသမဏဗြာဟ္မဏဂမၠိုၚ် မဒှ်မွဲဟာန်ကေုာံသၟိၚ်မဂၠိုၚ် မၞိဟ်ဂမၠိုၚ်ဝွံ ဝေၚ်ပါဲကၠေံ ကျာ်တြဲကီု ကွးကျာ်တြဲကီုတုဲ ယြဴပူဂိုလ်မွဲ စတဴတၚ်လာဲဂှ်မ္ဂး အာစိုပ် ပွမလ္ၚတ်လာဲ ဗွဲမ္ဒးရးရ၊ ပူဂိုလ်ဂှ် အဲကျာ် ဟွံညာတ်ရ။ ယွံကစ္စာန ဟိုတ်ဂှ်ရ တၚ်လာဲဂှ် ပ္ဍဲဌာန်မဟွံမွဲကဵုတၞံဆုချောဲမလမ္စံက်ဍိုပ်ဍဴလေဝ် တၠအဲ ဩဝ်ထောံထောံညိ၊ ပ္ဍဲဍာ်မဟွံမွဲကဵုစၟလေဝ် ဩဝ်ကိုဟ်ချာဲထောံညိ ရဴဝွံ (သ္ဂးရ)။ “ခိုဟ်သန်ရ ယွံကျာ်မၞုံပိုဉ်” ရဴဝွံ ဗေလဋ္ဌကစ္စာန ဒုၚ်ဝန် ကုတဳလမၞုံပိုဉ်ကျာ်တြဲတုဲမ္ဂး ကိုဟ်ချာဲထောံ တၚ်လာဲဂှ် ပ္ဍဲဍာ်မဟွံမွဲကဵုစၟရ။ ပ္ဍဲအခိၚ်ဂှ် တၚ်လာဲဗိုဟ်ကၠဟ်ထောဲ ပ္ဍဲဍာ်ဂှ် ဗြုစိစ်စိစ်ရ၊ ဗြုစောဋ်စေဋ် (ဋေဋ်ဋာဋ်) ရ၊ ယက်တိတ်ရ၊ ယက်တိတ်မွဲဒမြိပ်ရ။ ဗွဲဥပမာမ္ဂး ၚေၚ်ထဲမဂမ္တဴဒၟံၚ်တ္ၚဲ လုကဴမွဲတ္ၚဲဂှ် ထောံဖျေံ ပ္ဍဲဍာ်မ္ဂး ညံၚ်ရဴဗြုစိစ်စိစ်ကီု ညံၚ်ရဴဗြုစောဋ်စေဋ်ဋေဋ်ဋာဋ်ကီု ညံၚ်ရဴယက်တိတ်ကီု ညံၚ်ရဴယက်တိတ်မွဲဒမြိပ်ကီု တုပ်သၟဟ်သာ်ဂှ်ဟေၚ် တၚ်လာဲ မဂပ်ဝ်ထောံစုတ် ပ္ဍဲဍာ်ဂှ် ဗြုစိစ်စိစ်ရ၊ ဗြုစောဋ်စေဋ် (ဋေဋ်ဋာဋ်) ရ၊ ယက်တိတ်ရ၊ ယက်တိတ်မွဲဒမြိပ်ရ။ ပ္ဍဲအခိၚ်ဂှ် သ္ၚံက်သမ္ၚာတ်ဒှ်တုဲ သော်ဇကုနရဴဒှ်တုဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တုဲ ကုဗေလဋ္ဌကစ္စာန မဂဇအ်ဒၟံၚ် ပ္ဍဲဒၞာဲမွဲဂှ် တဳလမၞုံပိုဉ်ကျာ်တြဲ တွံကဵုဂလာန်ဓရ် မဒှ်အတိုၚ်လၟေၚ်ရ၊ ဂလာန်ဓရ် ညးဍေံဂှ်ရော? ဂလာန်မစပ်ကဵုဒါနကီု ဂလာန်ဓရ်မစပ်ကဵုသဳလကီု ဂလာန်မစပ်ကဵုဍုၚ်သွဝ်ကီု ဒုဟ်ကီု ပွမယုတ်သဝ်ကီု ပွမကၠိခ္ဍက် ကာမဂုဏ်ဂမၠိုၚ်ကီု ဖဵုပ္ဍဲပွမတိတ်ဗၠး(နူကာမဂုဏ်ဂမၠိုၚ်)ကီု ထ္ၜးကဵုရ။ တဳလမၞုံပိုဉ်ကျာ်တြဲ ပ္ဍဲအခိၚ်မတီကေတ် မၞုံကဵုစိုတ်မဒုၚ်စရၚ် မၞုံကဵုစိုတ်မဍိုန်ညောန် မၞုံကဵုစိုတ်စာ်စ္ဍးနူ ‘နဳဝရဏ’ ကၟာတ်လဒဵု မၞုံကဵုစိုတ်မြဟ်တိုန် မၞုံကဵုစိုတ်မလျုၚ်သ္ဍိုက် ပ္ဍဲဗေလဋ္ဌကစ္စာနဂှ် ထ္ၜးကဵုဓရ်ဒေသနာ ‘သာမုက္ကံသိက’ မတီညာတ်ဓမံက်ပတိတ်အလဵုဇကုကျာ်ဂမၠိုၚ်ရ ။ ပ ။ တုပ်တဴသာ်ဂှ်ရ ပ္ဍဲဒၞာဲဂှ်ဟေၚ် “ဓရ်အိုတ်သီု မၞုံသဘဴပွမကတဵုဒှ်ဂှ် မၞုံသဘဴပၠိုတ်ရ” ရဴဝွံ ‘သောတာပတ္တိမဂ်ဉာဏ်’ မတ်ဓရ် မဟွံမွဲကဵုမၠိုက် မစာ်စ္ဍးနူကၠိုက်လ္ၚေၚ်ကိလေသဂှ် ကတဵုဒှ် ကုဗေလဋ္ဌကစ္စာနရ။ ပ္ဍဲကြဴနူဂှ် ဗေလဋ္ဌကစ္စာန ညာတ်ကေတ်ဓရ်တုဲဂှ်ဒှ်တုဲ အာစိုပ်ဓရ်တုဲဂှ်ဒှ်တုဲ တီကေတ်ဓရ်တုဲဂှ်ဒှ်တုဲ တၞီလုပ်အာဓရ်တုဲဂှ်ဒှ်တုဲ ကလိလောန်အာသၠေဟ်ပွာတုဲဂှ်ဒှ်တုဲ စာ်စ္ဍးနူချပ်သၠေဟ်ပၟာ သာ်တေံဟာ သာ်ဏအ်ဟာတုဲဂှ်ဒှ်တုဲ အာစိုပ်ဂံၚ်သကာ (သက်လှက်) ပ္ဍဲသာသနာကျာ်တြဲတုဲဂှ်ဒှ်တုဲ ဟွံမွဲကဵုညးလျုၚ်ပတှ်ေ မသအာၚ်နူကျာ်ဂှ်ဒှ်တုဲ- “ယွံတဳလမၞုံပိုဉ် (ဓရ်ဂှ်) ထေက်ကဵုသ္ဍိုက်မၠိုက်လောန်ရ၊ ယွံတဳလမၞုံပိုဉ် (ဓရ်ဂှ်) ထေက်ကဵုသ္ဍိုက်မၠိုက်လောန်ရ၊ ဗွဲဥပမာမ္ဂးတုန် ဝတ္ထုဗကပ်စွံလဝ်ဂှ် သၟဟ်ညံၚ်ရဴဂတးလ္ၚာကဵုကီု ။ ပ ။ တုပ်သၟဟ်သာ်ဂှ်ဟေၚ်ရ တဳလမၞုံပိုဉ်ဂှ် နကဵုဟိုတ်တၞဟ်တၞဟ် တွံထ္ၜးကဵုဓရ်ရ၊ ယွံတဳလမၞုံပိုဉ် အဲဍိက်ဂှ် ပြာပ်ခသ္ပစ္ၜုဲစ္ၜော် သကအ်ဗ္ဒကဵု တဳလမၞုံပိုဉ်ကျာ်တြဲရ၊ ဓရ်ဂှ်လေဝ် ပြာပ်ခသ္ပစ္ၜုဲစ္ၜော်သကအ်ဗ္ဒရ၊ သၚ်ဂှ်လေဝ် ပြာပ်ခသ္ပစ္ၜုဲစ္ၜော်သကအ်ဗ္ဒရ၊ တဳလမၞုံပိုဉ်ဂှ် သ္ပတမ်နူတ္ၚဲဝွံတုဲ စဵုကဵုလအိတ်လမျီု အဲဍိက်ဂှ် ဥပးပြာပ်ခ သ္ပစ္ၜုဲစ္ၜော်သကအ်ဗ္ဒ ရဴဝွံ ဩဝ်ဂိုၚ်သမ္တီလဝ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ပ္ဍဲကြဴနူဂှ် တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် ဂေတ်ဂ္ၚေၚ်က္ညအာဒေသစာရိတ်မ္ဂး စိုပ်အာဍုၚ်ရာဇဂြိုဟ်တုဲ သ္ပဒတဴတန်ဒၟံၚ် ပ္ဍဲဘာဝေဠုဝန် မဒှ်ဒၞာဲကဵုစၞ ကုယန်လမ္စံက်ဂမၠိုၚ် ဇရေၚ်ဍုၚ်ရာဇဂြိုဟ်ဂှ်ရ။ ပ္ဍဲအခိၚ်ဂှ် ပ္ဍဲဍုၚ်ရာဇဂြိုဟ် တၚ်လာဲဂၠိုၚ်ဂၠၚ်(လှေၚ်)ရ။ ခမဳဂမၠိုၚ် “တဳလမၞုံပိုဉ်ကျာ်တြဲဂှ် ကုခမဳမဂိယဲဟေၚ် ကဵုအခေါၚ်တၚ်လာဲရ၊ ကုခမဳဟွံဂိယဲဂှ် ဟွံကဵုအခေါၚ် တၚ်လာဲရ” ရဴဝွံ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာဒှ်တုဲ ဟွံသ္ပပြဘိုဂ် တၚ်လာဲအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကုခမဳမဂိယဲဂှ် တၚ်လာဲ၊ ကုခမဳမဟွံဂိယဲဂှ် ကဵုအခေါၚ်တၚ်လာဲ မနှဴရဴကေုာံဍာ်ရ ရဴဝွံ (သ္ဂးရ)။
၁၇၃။ ဝတ္ထုပါဋလိဂါမ
[ပလေဝ်ဒါန် | ပလေဝ်ဒါန် တမ်ကၞက်]၂၈၅။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ရာဇဂြိုဟ် ဗွဲမမိပ်လဟိၚ်တုဲမ္ဂး မွဲဟာန်ကေုာံခမဳသၚ်ဂမၠိုၚ် မဂၠိုၚ်ဂၠၚ် ဗၞတ်လ္ၚီၜါကၠံမသုန်စှော် က္ညဂ္ၚေၚ်အာဒေသစာရိတ် ကွာန်ပါဋလိရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် ဂေတ်ဂ္ၚေၚ်က္ညအာဒေသစာရိတ်မ္ဂး စိုပ်ကၠုၚ်ကွာန်ပါဋလိရ။ ဥပးပဒတဴ ပ္ဍဲကွာန်ပါဋလိဂမၠိုၚ် “တဳလမၞုံပိုဉ်ကျာ်တြဲ က္ညကၠုၚ်စိုပ် ကွာန်ပါဋလိရဂး” ရဴဝွံ သ္ဂောံမိၚ်ကေတ်အိုတ်ရ။ ပ္ဍဲအခိၚ်ဂှ် ပြာပ်အာဇရေၚ် တဳလမၞုံပိုဉ်ကျာ်တြဲ လ္ၚောဝ်သ္ပဝတ်တုဲ ဥပးကောန်ကွာန်ပါဋလိဂမၠိုၚ် မဂဇအ်ဒၟံၚ် ပ္ဍဲဒၞာဲအိုတ်ဂှ် တဳလမၞုံပိုဉ်ကျာ်တြဲဂှ် နကဵုဂလာန်ဓရ် ကဵုတီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာရ။ ပ္ဍဲအခိၚ်ဂှ် ဥပးကောန်ကွာန် ပါဋလိဂမၠိုၚ်ဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲမ္ဂး “ယွံကျာ်မၞုံပိုဉ် တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ် ဩဝ်ဒုၚ်တဲ ဇြပ်ကၟုဲဂမၠိုၚ်ဇူဒီု ပိုဲဍိက်တအ်ညိကျာ်” ရဴဝွံ ဂရၚ်ပတီ တဳလမၞုံပိုဉ်ကျာ်တြဲအိုတ်ရ။ တဳလမၞုံပိုဉ်ကျာ်တြဲ နမမံၚ်သ္ၚိတ်သ္ၚိတ် ဒုၚ်ကေတ်တဲရ။ ပ္ဍဲအခိၚ်ဂှ် ဥပးကောန်ကွာန်ပါဋလိဂမၠိုၚ် တီကေတ် တဳလမၞုံပိုဉ်ကျာ်တြဲ ဒုၚ်တဲတုဲ ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ် သ္ပရှ်ေသှ်ေရဴဂဴတုဲမ္ဂး ပြာပ်အာ ဇြပ်ကၟုဲဇူဒီုအိုတ်တုဲ ပ္ဍဲဇြပ်ကၟုဲဇူဒီုဂှ် ပွမလးစွံလဝ် သၞာလးပေၚ်ပေၚ် ပွမလးပဠေဝ်စွံလဝ် သၞာဂဇအ်ဂမၠိုၚ် ပွမစွံပတန်လဝ် ဍာ်နုၚ်ဇၞော်ပေၚ်ပေၚ် ပွမစံၚ်ဗဂဵုပၟတ် ကၠေၚ်သ္ဍဴဂမၠိုၚ် ပဠေဝ်ပဠေတ်လဝ်တုဲမ္ဂး ကလေၚ်ပြာပ်အာဇရေၚ်တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ်တဳလမၞုံပိုဉ်ကျာ်တြဲတုဲ တန်တဴပ္ဍဲဌာန်မဗဗွဲမွဲဒၞာဲတုဲမ္ဂး ဥပးကောန်ညးကွာန်ပါဋလိဂမၠိုၚ် ဂရၚ်ပတီ တဳလမၞုံပိုဉ်ကျာ်တြဲ ဂလာန်ဝွံအိုတ်ရ- “ယွံကျာ်မၞုံပိုဉ် ပ္ဍဲဇြပ်ကၟုဲဇူဒီုဂှ် လးစွံလဝ် သၞးလးပေၚ်ပေၚ်တုဲရ၊ သၞာဂဇအ်ဂမၠိုၚ်ဂှ်လေဝ် ပဠေဝ်စွံလဝ်တုဲရ၊ ဍာ်နုၚ်ဇၞော်ပေၚ်ပေၚ်လေဝ် စွံပတန်လဝ်တုဲရ၊ ပၟတ်ကၠေၚ်သ္ဍဴလေဝ် စံၚ်ဗဂဵုလဝ်တုဲရ၊ ယွံကျာ်မၞုံပိုဉ် ပ္ဍဲကာလလၟုဟ်ဝွံ အခိၚ်သွက်ဂွံက္ညအာဂှ် တဳလမၞုံပိုဉ်ကျာ်တြဲ တီကေတ်ညိ၊ (သွက်ဂွံက္ညအာဂှ် ဒှ်အတိုၚ်လၟေၚ်ပၟိက် တဳလမၞုံပိုဉ်ကျာ်တြဲဟေၚ်ရ)” ရဴဝွံ (ဂရၚ်ပတီအိုတ်ရ)။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ဗိုက်ပဠေဝ်သ္ၚာဲတုဲ သီုမထ္ၜဂိုၚ်ရပ်ကေတ် ဗဗေၚ်သ္ၚာ ပြာပ်အာ ဇြပ်ကၟုဲဇူဒီု မွဲဟာန်ကေုာံခမဳသၚ်တုဲ ကြဴကြာတ်ဇိုၚ်တုဲ လုပ်အာ ဇြပ်ကၟုဲဇူဒီုတုဲမ္ဂး သီုမနိဿယ်ဒလာဲကေတ် ဒယိုၚ်လဒေါဝ် ဂတးဏာမုခ် လပါ်ဒိုဟ်ဗၟံက်တုဲ ဂဇအ်ဒၟံၚ်ရ။ ခမဳသၚ်လေဝ် ကြဴကြာတ်ဇိုၚ်တုဲ လုပ်အာဇြပ်ကၟုဲဇူဒီုတုဲမ္ဂး သီုမနိဿယ်ဒလာဲကေတ် ဗဒၚ်လပါ်ပလိုတ် ဂတးဏာမုခ် လပါ်ဒိုဟ်ဗၟံက် စွံလဝ်တဳလမၞုံပိုဉ်ကျာ်တြဲ ဂတဟေၚ်တုဲ ဂဇအ်ဒၟံၚ်ရ။ ဥပးကောန်ညးကွာန်ပါဋလိဂမၠိုၚ်လေဝ် ကြဴကြာတ်ဇိုၚ်အိုတ်တုဲ လုပ်အာဇြပ်ကၟုဲဒီုတုဲအိုတ်မ္ဂး သီုမနိဿယ်ဒလာဲကေတ် ဗဒၚ်လပါ်ဒိုဟ်ဗၟံက် ဂတးဏာမုခ် လပါ်ဒိုဟ်ပလိုတ် စွံလဝ် တဳလမၞုံပိုဉ်ကျာ်တြဲ ဂတဟေၚ် ဂဇအ်ဒၟံၚ်အိုတ်ရ။
၁၇၃.၁။ ဒုဟ်ဓရ်သဳလလီုလာ် မသုန်သာ်
[ပလေဝ်ဒါန် | ပလေဝ်ဒါန် တမ်ကၞက်]ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ကော်လၟိၚ်တိုန် ဥပးကောန်ညးကွာန်ပါဋလိဂမၠိုၚ်ရ- “ယွံဥပးတအ် ဒုဟ်ပ္ဍဲပွမသဳလလီုလာ် ညးဟွံမွဲကဵုသဳလဂမၠိုၚ် ဣဝွံ မသုန်သာ်အိုတ်ရ။ ညးမ္ဂးမသုန်သာ်အိုတ်ဂှ်ရောမ္ဂးတုန်- ယွံဥပးတအ် ပ္ဍဲလောကဝွံ ပူဂိုလ် မဟွံမွဲကဵုသဳလ သဳလမလီုလာ်ဂှ် ဟိုတ်ပွမဟိုတ်မာဲဂှ်ရ အာစိုပ်ပွမဟောံဗြောံ ပိုဉ်ဟာန်ဘိုဂ်ဘဂ်မဂၠိုၚ်ရ၊ ဣဝွံတုန် ဒုဟ်ပ္ဍဲပွမသဳလလီုလာ် ပူဂိုလ်မဟွံမွဲကဵုသဳလ မဒှ်ကိုပ်ကၠာရ။ ယွံဥပးတအ် မွဲဂကူပၠန်တုန် ဗရုရမျာၚ်ဒယှ်တှ်ဟွံခိုဟ်ဆာဲ ပူဂိုလ်မဟွံမွဲကဵုသဳလ သဳလမလီုလာ်ဂှ် ဗျာပ်တြးပြးတိတ်ရ။ ဣဝွံတုန် ဒုဟ်ပ္ဍဲပွမသဳလလီုလာ် ပူဂိုလ်မဟွံမွဲကဵုသဳလ မရနုက်ကဵုၜါရ။ ယွံဥပးတအ် မွဲဂကူပၠန်တုန် ပူဂိုလ်မဟွံမွဲကဵုသဳလ သဳလမလီုလာ်ဂှ် ပြာပ်အာပရိသာတ်သၟိၚ်ကဵုဒှ် ပရိသာတ်ဗဗၞးကဵုဒှ် ပရိသာတ်သမ္ၚေဟ်ကဵုဒှ် ပရိသာတ်ခမဳကဵုဒှ် ပရိသာတ်လဵုမွဲဟွံဟီု ဒးပြာပ်အာဇေက်ဖေက်ဂၠံက်ဂၟံက် မုက်ဍောတ်မတ်သဝ်ရ။ ဣဝွံတုန် ဒုဟ်ပ္ဍဲပွမသဳလမလီုလာ် ပူဂိုလ်မဟွံမွဲကဵုသဳလ မရနုက်ကဵုပိရ။ ယွံဥပးတအ် မွဲဂကူပၠန်တုန် ပူဂိုလ်မဟွံမွဲကဵုသဳလ သဳလမလီုလာ်ဂှ် ဒးချိုတ်သီုဂဝိဝိၚ်ရ။ ဣဝွံတုန် ဒုဟ်ပ္ဍဲပွမသဳလမလီုလာ် ပူဂိုလ်မဟွံမွဲကဵုသဳလ မရနုက်ကဵုပန်ရ။ ယွံဥပးတအ် မွဲဂကူပၠန်တုန် ပူဂိုလ်မဟွံမွဲကဵုသဳလ သဳလမလီုလာ်ဂှ် ခန္ဓဇကုလီုလာ်တုဲ ပ္ဍဲကြဴနူချိုတ်တုဲဂှ် ဒ:အာစိုပ်နရက် မဟွံမွဲကဵုတသိုခ် မဒှ်လအာဂတိ ဟွံဒးရးခိုဟ်ဆာဲ ဒှ်ဒၞာဲ ဒတုံစှ်ေလီုလာ်ရ။ ဣဝွံတုန် ဒုဟ်ပ္ဍဲပွမသဳလမလီုလာ် ပူဂိုလ်မဟွံမွဲကဵုသဳလ မရနုက်ကဵုမသုန်ရ။ ယွံဥပးတအ် ဒုဟ်ပ္ဍဲပွမသဳလမလီုလာ် ပူဂိုလ်မဟွံမွဲကဵုသဳလဂမၠိုၚ် ဣဝွံ မသုန်သာ်အိုတ်ရ။
၁၇၃.၂။ ဖဵုဍိုက်ပေၚ်ကဵုဓရ်သဳလ မသုန်သာ်
[ပလေဝ်ဒါန် | ပလေဝ်ဒါန် တမ်ကၞက်]ယွံဥပးတအ် ဖဵုအာနိသံသ ပ္ဍဲပွမဍိုက်ပေၚ်တဴကေုာံသဳလ ပူဂိုလ်မၞုံကဵုသဳလဂမၠိုၚ် ဣဝွံမသုန်သာ်အိုတ်ရ။ ညးမ္ဂး မသုန်သာ်အိုတ်ဂှ်ရောမ္ဂးတုန်- ယွံဥပးတအ် ပ္ဍဲလောကဝွံ ပူဂိုလ်မၞုံကဵုသဳလ မဍိုက်ပေၚ်တဴကေုာံသဳလဂှ် ဟိုတ်ပွမဟွံဟိုတ်မာဲဂှ်ရ ကလိဂွံဗွဝ်ပိုဉ်ဟာန်ဘိုဂ်ဘဂ်မဂၠိုၚ်ရ။ ဣဝွံတုန် ဖဵုအာနိသံသ ပ္ဍဲပွမဍိုၚ်ပေၚ်တဴကေုာံသဳလ ပူဂိုလ်မၞုံကဵုသဳလ မဒှ်ကိုပ်ကၠာရ။ ယွံဥပးတအ် မွဲဂကူန်ပၠန်တုန် ပရိုၚ်ဗရုရမျာၚ်ဒယှ်တှ်ခိုဟ်ဆာဲ ပူဂိုလ်မၞုံကဵုသဳလ မဍိုက်ပေၚ်တဴကေုာံသဳလဂှ် ဗျာပ်တြးပြးတိတ်ရ။ ဣဝွံတုန် ဖဵုအာနိသံသ ပ္ဍဲပွမဍိုၚ်ပေၚ်တဴကေုာံသဳလ ပူဂိုလ်မၞုံကဵုသဳလ မရနုက်ကဵုၜါရ။ ယွံဥပးတအ် မွဲဂကူပၠန်တုန် ပူဂိုလ်မၞုံကဵုသဳလ မဍိုက်ပေၚ်တဴကေုာံသဳလဂှ် ပြာပ်အာပရိသာတ်သၟိၚ်ကဵုဒှ် ပရိသာတ်ဗဗၞးကဵုဒှ် ပရိသာတ်ခမဳကဵုဒှ် ပရိသာတ်လဵုမွဲဟွံဟီု ဂွံပြာပ်အာ သီုဟွံဖေက်ဟွံဂၟံက် မုက်ဟွံဍောတ် မတ်ဟွံသဝ်ရ။ ဣဝွံတုန် ဖဵုအာနိသံသ ပ္ဍဲပွမဍိုက်ပေၚ်တဴကေုာံသဳလ ပူဂိုလ်မၞုံသဳလ မရနုက်ကဵုပိရ။ ယွံဥပးတအ် မွဲဂကူပၠန်တုန် ပူဂိုလ်မၞုံကဵုသဳလ မဍိုက်ပေၚ်တဴကေုာံသဳလဂှ် ဂွံချိုတ် သီုဟွံဝိဝိၚ်ရ။ ဣဝွံတုန် ဖဵုအာနိသံသ ပ္ဍဲပွမဍိုက်ပေၚ်တဴကေုာံသဳလ ပူဂိုလ်မၞုံကဵုသဳလ မရနုက်ကဵုပန်ရ။ ယွံဥပးတအ် မွဲဂကူန်ပၠန်တုန် ပူဂိုလ်မၞုံကဵုသဳလ မဍိုက်ပေၚ်တဴကေုာံသဳလဂှ် ခန္ဓဇကုမလီုလာ်တုဲ ပ္ဍဲကြဴနူချိုတ်တုဲဂှ် ဂွံအာစိုပ်ဍုၚ်သွဝ် မဒှ်လအာဂတိ ဒးရးခိုဟ်ဆာဲရ။ ဣဝွံတုန် ဖဵုပ္ဍဲပွမဍိုက်ပေၚ်တဴကေုာံသဳလ ပူဂိုလ်မၞုံကဵုသဳလ မရနုက်ကဵုမသုန်ရ။ ယွံဥပးတအ် ဖဵုအာနိသံသ ပ္ဍဲပွမဍိုက်ပေၚ်တဴကေုာံသဳလ ပူဂိုလ်မၞုံကဵုသဳလဂမၠိုၚ် ဣဝွံ မသုန်သာ်အိုတ်ရ ရဴဝွံ (သ္ဂးရ)။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ လုကဴအခိၚ်ဗ္တံ မလအ်လကာဖာ (စဵုကဵုဗ္တံဂၠုအာ) နကဵုဂလာန်ဓရ် ကဵုဥပးကောန်ညးကွာန်ပါဋလိဂမၠိုၚ် တီညာတ်ကေတ် (ဒတုဲဖဵု) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြဴတုဲမ္ဂး ကလေၚ်ဗလးဖျဴရ- “ယွံဥပးတအ် ကလိလောန်အာဇိုၚ်ဗ္တံတုဲရ၊ ပ္ဍဲကာလလၟုဟ်ဝွံ အခိၚ်သွက်ဂွံအာဂှ် မၞးတအ် တီကေတ်အိုတ်ညိ၊ (သွက်ဂွံအာဂှ် ဒှ်အတိုၚ်ပၟိက် မၞးတအ်ဟေၚ်ရ)” ရဴဝွံ (သ္ဂးရ)။ “ယွံကျာ်မၞုံပိုဉ် ခိုဟ်ရ” ရဴဝွံ ဥပးကောန်ညးကွာန်ပါဋလိဂမၠိုၚ် ဒုၚ်ဝန် ကုတဳလမၞုံပိုဉ်ကျာ်တြဲတုဲ ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သ္ပရှ်ေသှ်ေရဴဂဴတုဲ ကလေၚ်စဴအာအိုတ်ရ၊ ပ္ဍဲအခိၚ်ဂှ် ဥပးကောန်ညးကွာန်ပါဋလိဂမၠိုၚ် ကလေၚ်စဴအာအိုတ်တုဲ ခြာဟွံလအ် တဳလမၞုံပိုဉ်ကျာ်တြဲ လုပ်အာဌာန်သ္ၚိတ်ဇြရ။
၁၇၄။ ခဏ်အမာတ်ဇၞော်သုနိဓ ကေုာံဝဿကာရ ဒက်ပတန်ဍုၚ်ပါဋလိပုတ်
[ပလေဝ်ဒါန် | ပလေဝ်ဒါန် တမ်ကၞက်]၂၈၆။ ပ္ဍဲအခိၚ်ဂှ် အမာတ်ဇၞော်မဂဓရး ဗဗၞးသုနိဓ ကေုာံဗဗၞးဝဿကာရဂမၠိုၚ် တၞဟ်နကၟာတ်တာဒၞါကၠေံ သၟိၚ်ဝဇ္ဇဳဂမၠိုၚ် ဒက်ပတန်ဒၟံၚ်ဍုၚ် ပ္ဍဲကွာန်ပါဋလိအိုတ်ရ။ တဳလမၞုံပိုဉ်ကျာ်တြဲ ပ္ဍဲအခိၚ်ဖလာၚ်ယး လအိတ်ဗ္တံဂှ် ဒၠိုက်ကတဵုနူမသတၚ်ဒၟံၚ်တုဲ ညာတ်ကေတ်ဒေဝတဴဂမၠိုၚ်မဂၠိုၚ် မသီဂိုၚ်ကေတ်ဒၟံၚ် ဂအာၚ်သ္ၚိ ပ္ဍဲကွာန်ပါဋလိဂှ် နကဵုဒိဗ္ဗစက္ခုဉာဏ် မတုပ်သၟဟ်ကဵုမတ်ဒေဝတဴဂမၠိုၚ် မသ္အးဇ္ၚးဗွဲတၟေၚ် မလောန်လတူမတ်မၞိဟ်ဂမၠိုၚ်ရ။ ပ္ဍဲအရာပ် ဒေဝတဴ မၞုံကဵုကြဳဇှ်မဇၞော်ဂမၠိုၚ် မသီဂိုၚ်ကေတ်လဝ် ဂအာၚ်သ္ၚိဂှ် စိိုတ်ဂမၠိုၚ် လၟောဝ်အာသွက်ဂွံသိုၚ်ခၞံသ္ၚိသၟိၚ် ကေုာံသ္ၚိအမာတ်ဇၞော်ဂမၠိုၚ် မၞုံကဵုကြဳဇှ်မဇၞော်အိုတ်ရ။ ပ္ဍဲအရာပ် ဒေဝတဴမၞုံကဵုကြဳဇှ်တဲလဒေါဝ်ဂမၠိုၚ် မသီဂိုၚ်ကေတ်လဝ် ဂအာၚ်သ္ၚိဂှ် စိုတ်ဂမၠိုၚ် လၟောဝ်အာ သွက်ဂွံသိုၚ်ခၞံသ္ၚိသၟိၚ် ကေုာံသ္ၚိအမာတ်ဇၞော်ဂမၠိုၚ် မၞုံကဵုကြဳဇှ်တဲလဒေါဝ်အိုတ်ရ။ ပ္ဍဲအရာပ် ဒေဝတဴမၞုံကဵုကြဳဇှ်မအောန်ဂမၠဒိၚ် မသီဂိုၚ်ကေတ်လဝ် ဂအာၚ်သ္ၚိဂှ် စိုတ်ဂမၠိုၚ် လၟောဝ်အာသွက်ဂွံသိုၚ်ခၞံသ္ၚိသၟိၚ် ကေုာံသ္ၚိအမာတ်ဇၞော်ဂမၠိုၚ် မၞုံကဵုကြဳဇှ်မအောန်အိုတ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံအာနန္ဒ မုရဴညးဂမၠိုၚ်လဵု ဒက်ပတန်ဒၟံၚ်ဍုၚ် ပ္ဍဲကွာန်ပါဋလိအိုတ်ဂှ်ရော?” ရဴဝွံ သၟာန်တဳလပိုဉ်အာနန္ဒရ။ ယွံကျာ်မၞုံပိုဉ် အမာတ်ဇၞော်မဂဓရး ဗဗၞးသုနိဓ ကေုာံဗဗၞးဝဿကာရဂမၠိုၚ် တၞဟ်နကၟာတ်တာဒၞါကၠေံ သၟိၚ်ဝဇ္ဇဳဂမၠိုၚ် ဒက်ပတန်ဒၟံၚ်ဍုၚ် ပ္ဍဲကွာန်ပါဋလိအိုတ်ရ ရဴဝွံ (ဂရၚ်ပတီရ)။ ယွံအာနန္ဒ အမာတ်ဇၞော်မဂဓရး ဗဗၞးသုနိဓ ကေုာံဗဗၞးဝဿကာရဂမၠိုၚ် တၞဟ်နကၟာတ်တာဒၞါကၠေံ သၟိၚ်ဝဇ္ဇဳဂမၠိုၚ် ဒက်ပတန်ဒၟံၚ်ဍုၚ် ပ္ဍဲကွာန်ပါဋလိအိုတ်ဂှ် ချပ်ဂၞန်ကဵု ဒေဝတဴတာဝတိံဂမၠိုၚ်ဂှ် ဒှ်ဒၟံၚ် သၟဟ်ညံၚ်ရဴဒက်ပတန်ရ။ ယွံအာနန္ဒ အဲကျာ် ပ္ဍဲအခိၚ်ဖလာၚ်ယး လအိတ်ဗ္တံဂှ် ဒၠိုက်ကတဵုနူမသတၚ်ဒၟံၚ်တုဲ ညာတ်ကေတ် ဒေဝတဴဂမၠိုၚ်မဂၠိုၚ် မသီဂိုၚ်ကေတ်ဒၟံၚ် ဂအာၚ်သ္ၚိ ပ္ဍဲကွာန်ပါဋလိဂှ် နကဵုဒီဗ္ဗစက္ခုဉာဏ် မတုပ်သၟဟ်ကဵုမတ်ဒေဝတဴဂမၠိုၚ် မသ္အးဇ္ၚးဗွဲတၟေၚ် မလောန်လတူမတ်မၞိဟ်ဂမၠိုၚ်ရ။ ယွံအာနန္ဒ ပ္ဍဲအရာပ် ဒေဝတဴမၞုံကဵုကြဳဇှ် မဇၞော်ဂမၠိုၚ် မသီဂိုၚ်ကေတ်လဝ် ဂအာၚ်သ္ၚိဂှ် စိုတ်ဂမၠိုၚ် လၟောဝ်အာ သွက်ဂွံသိုၚ်ခၞံသ္ၚိသၟိၚ် ကေုာံသ္ၚိအမာတ်ဇၞော်ဂမၠိုၚ် မၞုံကဵုကြဳဇှ်မဇၞော်အိုတ်ရ။ ပ္ဍဲအရာပ် ဒေဝတဴမၞုံကဵုကြဳဇှ်တဲလဒေါဝ်ဂမၠိုၚ် မသီဂိုၚ်ကေတ်လဝ် ဂအာၚ်သ္ၚိဂှ် စိုတ်ဂမၠိုၚ် လၟောဝ်အာ သွက်ဂွံသိုၚ်ခၞံသ္ၚိသၟိၚ် ကေုာံသ္ၚိအမာတ်ဇၞော်ဂမၠိုၚ် မၞုံကဵုကြဳဇှ်တဲလဒေါဝ်အိုတ်ရ။ ပ္ဍဲအရာပ် ဒေဝတဴမၞုံကဵုကြဳဇှ်မအောန်ဂမၠိုၚ် မသီဂိုၚ်ကေတ်လဝ် ဂအာၚ်သ္ၚိဂှ် စိုတ်ဂမၠိုၚ် လၟောဝ်အာသွက်ဂွံသိုၚ်ခၞံသ္ၚိသၟိၚ် ကေုာံသ္ၚိအမာတ်ဇၞော်ဂမၠိုၚ် မၞုံကဵုကြဳဇှ်မအောန်အိုတ်ရ။ ယွံအာနန္ဒ ပၞောဝ်ကဵုဍုၚ် ဒၞာဲဂကူအရိယတအ် မကောံဓရီုပဒတဴဂမၠိုၚ် ပၞောဝ်ကဵုဍုၚ် ဒၞာဲမကူသာန်သွံရာန်ဂမၠိုၚ်တအ်ဂှ် ဍုၚ်တၟိဝွံ ကြက်ဒှ်ဍုၚ်ဇၞော် မၞုံယၟုပါဋလိပုတ် ဒှ်ဒၞာဲဖံက်သွံ ဂွဳစိုက်ဂြပ်ရ။ ယွံအာနန္ဒ ဟိုတ်နူပၟတ်ကဵုဒှ် ဟိုတ်နူဍာ်ကဵုဒှ် ဟိုတ်နူစိုတ်ပါ်ဒကးကေုာံရၚ်သကအ်ကဵုဒှ် အန္တရာယ်ဂမၠိုၚ်ပိသာ်ဝွံ ကြက်ကတဵုဒှ် ကုဍုၚ်ပါဋလိပုတ်အိုတ်ရ” ရဴဝွံ (သ္ဂးရ)။ ပ္ဍဲအခိၚ်ဂှ် အမာတ်ဇၞော်မဂဓရး ဗဗၞးသုနိဓ ကေုာံဗဗၞးဝဿကာရဂမၠိုၚ် ပြာပ်အာဇရေၚ် တဳလမၞုံပိုဉ်ကျာ်တြဲတုဲ ဟီုဂလာန် အိုဟ်တၟိုဟ်မိပ်မြဟ် (ဆက်မိတ်) ကေုာံတဳလမၞုံပိုဉ်ကျာ်တြဲ မွဲစွံအိုတ်ရ၊ ဟီုပတုဲကၠေံ ဂလာန်အိုဟ်တၟိုဟ်မိပ်မြဟ် ထေက်ကဵုဗှ်ဗၞုဟ်တုဲ တန်တဴဒၟံၚ် ပ္ဍဲဌာန်မဗဗွဲမွဲဒၞာဲအိုတ်မ္ဂး အမာတ်ဇၞော်မဂဓရး ဗဗၞးသုနိဓ ကေုာံဗဗၞဝဿကာရဂမၠိုၚ်တအ်ဂှ် ဂရၚ်ပတီတိုန် တဳလပိုဉ်ကျာ်တြဲ ဂလာန်ဝွံအိုတ်ရ- “တြနာဲဂေါတမ မွဲဟာန်ကေုာံ ခမဳသၚ် သွက်တ္ၚဲဏအ် ဩဝ်ဒုၚ်တဲပိဏ္ဍပါတ် ပိုဲဍိက်တအ်ညိကျာ်” ရဴဝွံ (ဂရၚ်ပတီရ)။ တဳလမၞုံပိုဉ်ကျာ်တြဲ နမမံၚ်သ္ၚိတ်သ္ၚိတ်ဂှ် ဒုၚ်ကေတ်တဲရ။ ပ္ဍဲအခိၚ်ဂှ် အမာတ်ဇၞော်မဂဓရး ဗဗၞးသုနိဓ ကေုာံဗဗၞးဝဿကာရဂမၠိုၚ် တီကေတ် တဳလမၞုံပိုဉ်ကျာ်တြဲဒုၚ်တဲတုဲ ပြာပ်အာသ္ၚိဇကုအိုတ်တုဲ ကဵုစဳရေၚ်ပိဏ္ဍပါတ် အာဟာရဘောဇိုန်မပြဲပြဲ ပ္ဍဲသ္ၚိဇကုအိုတ်တုဲ “ယွံတြနာဲဂေါတမ ဒးအခိၚ်ရ (ပဠေဝ်လဝ် ပိဏ္ဍပါတ်တုဲရ)” ရဴဝွံ ကဵုဂရၚ်ပတီ အခိၚ်ကဵုပိုဉ် ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်ဂယး ဗိုက်ပဠေဝ်သ္ၚာတုဲ သီမထ္ၜဂိုၚ်ရပ်ကေတ်ဗဗေၚ်သ္ၚာ မွဲဟာန်ကေုာံခမဳသၚ် က္ညပြာပ်အာသ္ၚိ အမာတ်ဇၞော်မဂဓရး ဗဗၞးသုနိဓကေုာံဗဗၞးဝဿကာရဂမၠိုၚ်တုဲ ဂဇအ်စှ်ေ ပ္ဍဲသၞားမလးပညပ်လဝ်ရ။ ပ္ဍဲအခိၚ်ဂှ် အမာတ်ဇၞော်မဂဓရး ဗဗၞးသုနိဓ ကေုာံဗဗၞးဝဿကာရဂမၠိုၚ်တအ်ဂှ် အလဵုဇကုတအ်ဟေၚ် နကဵုအာဟာရဘောဇိုန်မပြဲပြဲ တြာပ်ဖာပ်ဗ္စခမဳသၚ် မၞုံပဓာန်ဍေံကျာ်တြဲ စဵုကဵုတရိုပ်ကဵုစိုတ် စဵုကဵုဒးဆေဝ်တာ ပဒေါံကၠေံအိုတ်ရ။ ပ္ဍဲအခိၚ်ဂှ် အမတ်ဇၞော်မဂဓရး ဗဗၞးသုနိဓ ကေုာံဗဗၞးဝဿကာရဂမၠိုၚ်တအ်ဂှ် ပ္ဍဲအခိၚ်ဂှ် တဳလမၞုံပိုဉ်ကျာ်တြဲကဵုပိုန်တုဲ ပါဲကၠေံတဲ နူဗဗေၚ်တုဲဂှ် ဂိုၚ်ကေတ်သၞားဂဇအ်သဝ်သဝ်မွဲတုဲ ဂဇအ်ဒၟံၚ် ပ္ဍဲဌာန်မဗဗွဲမွဲဒၞာဲအိုတ်ရ၊ အမာတ်ဇၞော်မဂဓရး ဗဗၞးသုနိဓ ကေုာံဗဗၞးဝဿကာရဂမၠိုၚ် မဂဇအ်ဒၟံၚ် ပ္ဍဲဌာန်မဗဗွဲ မွဲဒၞာဲတုဲတအ်ဂှ် တဳလမၞုံပိုဉ်ကျာ်တြဲ သ္ပအနုမောဒနာ နကဵုဂါထာဂမၠိုၚ်ဝွံရ- “ယွံဗဗၞးတအ် တၠပညာဂှ် ယြဴပ္ဍဲဌာန်မွဲ သိုၚ်ခၞံသ္ၚိဒၟံၚ်ရ၊ ပ္ဍဲဌာန်ဂှ် တြာပ်ဖာပ်ဗ္စ ပူဂိုလ်ဂမၠိုၚ် မၞုံကဵုသဳလ မသ္ၚဳလလမ်မၚ်မွဲ ကာယပါၚ်စိုတ် မဒ္ဂေတ်လ္ၚတ် ဒ္ဂေတ်မပြဲဂှ်တုဲ ဇိုန်ပိုဉ်ပါ်ပရအ် သွက်ကုသိုလ်ဒါန် ကုဒေဝတဴဂမၠိုၚ် မၞုံပ္ဍဲဌာန်ဂှ်ရ။ ဇိုန်ပိုဉ်ပါ်ပရအ် ရဴဝွံမ္ဂး ဒေဝတဴဂမၠိုၚ် မဂွံဒၚ်သ္ပပူဇဴဂှ် ကလေၚ်ပူဇဴ ညးဇိုန်ပိုဉ်ပါ်ပရအ်ကုသိုလ်ဂှ်အိုတ်ရ၊ နမဂွံဒုၚ်သၞေအ်သၞဴဂှ်လေဝ် ကလေၚ်တုဲ သၞေအ်သၞဴအိုတ်ရ။ ဟိုတ်ဂှ်ရ မိဂှ် သၟဟ်ညံၚ်ရဴမၚ်မွဲလဝ် ကောန်ဖျုန်ဆီသြိုဟ်ကီု ဒေဝတဴဂမၠိုၚ် မၚ်မွဲညးဇိုန်ပိုဉ်ပါ်ပရအ် ကုသိုလ်ဂှ်အိုတ်ရ၊ ညးဂွံဒုၚ်မၚ်မွဲကဵုဒေဝတဴဂမၠိုၚ်ဂှ် အခါကာလအိုတ်သီု မ္ၚိုလ်ခိုဟ်ဆာဲဂမၠိုၚ်ဟေၚ် ဂွံညာတ်ကေတ်ရ” ရဴဝွံ (သ္ပအနုမောဒနာရ)။ ပ္ဍဲကြဴနူဂှ် တဳလမၞုံပိုဉ်ကျာ်တြဲ သ္ပအနုမောဒနာကဵု အမာတ်ဇၞော်မဂဓရး ဗဗၞးသုနိဓ ကေုာံဗဗၞးဝသဿကာရဂမၠိုၚ် နကဵုဂါထာဂမၠိုၚ်ဝွံတုဲ ဒၠိုက်ကတဵုနူဒၞာဲတုဲ ပါဲစ္ဍးအာရ။ ပ္ဍဲအခိၚ်ဂှ် အမာတ်ဇၞော်မဂဓရး ဗဗၞးသုနိဓ ကေုာံဗဗၞးဝဿကာရဂမၠိုၚ် “တ္ၚဲဏအ် ယြဴနတြၚ်မွဲ တြနာဲဂေါတမ တိတ်အာရ၊ တြၚ်ဂှ် ကဵုယၟုတြၚ်ဂေါတမရ၊ ယြဴနသၞေဟ်ၜဳဂၚ်္ဂါမွဲ တြနာဲဂေါတမတိတ်ကၠောံအာရ၊ သၞေဟ်ဂှ် ကဵုယၟုသၞေဟ်ဂေါတမရ” ချပ်သာ်ဝွံတုဲ ဗက်အာ နူလက်ကရဴ နူလက်ကရဴ တဳလမၞုံပိုဉ်ကျာ်တြဲအိုတ်ရ။ ပ္ဍဲအခိၚ်ဂှ် တြၚ် တဳလမၞုံပိုဉ်ကျာ်တြဲ မတိတ်အာဂှ် တြၚ်ဂေါတမ ရဴဝွံ ခုတ်ထောံယၟုရ။ ကြဴနူဂှ် တဳလမၞုံပိုဉ်ကျာ်တြဲ က္ညပြာပ်အာ ကြုၚ်ဂၚ်္ဂါရ။ ပ္ဍဲအခိၚ်ဂှ် (ဍုန်ဒၟံၚ် ပ္ဍဲသြၚ်တုဲ) စဵုကဵုခ္ဍာ်သုၚ်ကေတ်မာန် ကြုၚ်ဂၚ်္ဂါဂှ် ဍာ်ပေၚ်ညဳသၟဟ်ဒၟံၚ်သြၚ်ရ။ ညးဂမၠိုၚ်လ္ၚဵု နူသြၚ်မွဲလပါ် မိက်ဂွံအာ သြၚ်မွဲလပါ်ဂှ် ဂၠာဲသ္ၚေဝ်ဂၠုၚ်အိုတ်ရ၊ ညးဂမၠိုၚ်လ္ၚဵု ဂၠာဲသ္ၚေဝ် ဖံၚ်ဆုအိုတ်ရ၊ ညးဂမၠိုၚ်လ္ၚဵု ဒက်ဖံၚ်ဒုန်အိုတ်ရ၊ တဳလမၞုံပိုဉ်ကျာ်တြဲ သ္ဂောံညာတ်ကေတ် ညးဂမၠိုၚ် နူသြၚ်မွဲလပါ် မိက်ဂွံအာသြၚ်မွဲလပါ်ဂမၠိုၚ်တုဲ လ္ၚဵုဂၠာဲဒၟံၚ်ဂၠုၚ်၊ လ္ၚဵုဂၠာဲဒၟံၚ်ဖံၚ်ဆု၊ လ္ၚဵုဒက်ဒၟံၚ်ဖံၚ်ဒုန်ဂှ်ရ။ ညာတ်ကေတ်တုဲ တြုံမၞုံကဵုဇြဟတ်ဂှ် သပါတဲမခ္ဍပ်စွံလဝ်ဂှ် သၟဟ်ညံၚ်ရဴပၠးပတိတ်ကီု သပါတဲ မပၠးစွံလဝ်ဂှ် သၟဟ်ညံၚ်ရဴခ္ဍပ်ပၠုပ်ကီု၊ တုပ်တဴသာ်ဝွံဟေၚ် တဳလမၞုံပိုဉ်ကျာ်တြဲ ကၠေံဗ္ဒန်အာ နူသြၚ်ကြုၚ်ဂၚ်္ဂါလပါ်ဏအ်တုဲ မွဲဟာန်ကေုာံခမဳသၚ် ဒှ်ပြာကဋ် ပ္ဍဲသြၚ်လပါ်တေံရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ တီကေတ် ပရူပရာဂှ်တုဲ ပ္ဍဲအခိၚ်ဂှ် ကြီုဂအောတ်တိုန် ဂလာန်ဥဒါန်ဝွံရ- “ပူဂိုလ်အရဳဂမၠိုၚ် မၜိၚ်ကၠောံ ၜဳတဏှာ မဇြိုဟ်နက်လှဲတြးဂှ် ကၠောန်ဒဒန်အရိယမဂ်တုဲ သီုမပါဲသၠးကၠေံ လၟက်သရီု ကိလေသဂမၠိုၚ်ဂှ် ၜိၚ်ကၠောံအာအိုတ်ရ၊ ဂကောံမၞိဟ်ဂှ်တုန် သွက်သ္ဂောံတ်ကၠောံၜဳ ဒးဒက်ဒၟံၚ်ဖံၚ်ရ၊ ပူဂိုလ်အရဳဂမၠိုၚ် မၞုံကဵုပညာ မၜိၚ်ကၠောံအာ ၜဳတဏှာတုဲတုန် ဟွံဒးဒက်ဖံၚ်အိုတ်ဟေၚ်ရ” ရဴဝွံ (ကြီုဂအောတ်တိုန်ရ)။
၁၇၅။ တွံဓရ်သစ္စပန် ပ္ဍဲကွာန်ကောဋိ
[ပလေဝ်ဒါန် | ပလေဝ်ဒါန် တမ်ကၞက်]၂၈၇။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ က္ညအာကွာန်ကောဋိရ၊ တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲကွာန်ကောဋိရ။ တဳလမၞုံပိုဉ်ကျာ်တြဲ ကော်လၟိၚ်တိုန်ခဂမၠိုၚ်ရ- “ယွံခမဳတအ် ဟိုတ်ပွမဟွံတီကေတ် ဗွဲမဗဗွဲကဵုဟိုတ် ဟိုတ်ပွမဟွံထပက်ခၠၚ် ဂြၚ်တီကေတ် အရိယသစ္စဂမၠိုၚ်ပန်ပြကာဂှ်ရ အဲကျာ်ကီု မၞးတအ်ညးဂမၠိုၚ်ကီု လုကဴကာလ သံသာမဂၠိၚ်သ္ၚောဲဝွံ ဒးဂြိပ်အာ ဂြိပ်ကၠုၚ်တုဲရ။ ဒးဂေတ်ဂ္ၚေၚ်ကၠုၚ်တုဲရ။ မုရဴ ပန်သာ်လဵုအိုတ်ဂှ်ရော?- ယွံခမဳတအ် ဟိုတ်ပွမဟွံတီကေတ် ဗွဲမဗဗွဲကဵုဟိုတ် ဟိုတ်ပွမဟွံထပက်ခၠၚ် ဂြၚ်တီကေတ် ‘ဒုက္ခအရိယသစ္စ’ ဒဒိုခ်ဍာ်စၟတ်ဂှ်ရ အဲကျာ်ကီု မၞးတအ်ညးဂမၠိုၚ်ကီု လုကဴကာလ သံသာမဂၠိၚ်သ္ၚောဲဝွံ ဒးဂြိပ်အာ ဂြိပ်ကၠုၚ်တုဲရ၊ ဒးဂေတ်ဂ္ၚေၚ်ကၠုၚ်တုဲရ။ ‘ဒုက္ခသမုဒယအရိယသစ္စ’ ဟိုတ်ဒဒိုခ်ကတဵုဒှ် ဍာံစၟတ် ။ ပ ။ ‘နိရောဓအရိယသစ္စ’ အရာဒဒိုခ်ပၠိုတ် ဍာံစၟတ် ။ ပ ။ ‘ဒုက္ခနိရောဓဂါမိနဳပဋိပဒါမဂ္ဂအရိယသစ္စ’ လၟေၚ်ဂၠံၚ်ဟိုတ်ဂွံအာစိုပ် အာရာဒဒိုခ်ပၠိုတ် ဍာံစၟတ်ဂှ် အဲကျာ်ကီု မၞးတအ်ညးဂမၠိုၚ်ကီု လုကဴကာလ သံသာမဂၠိၚ်သ္ၚောဲဝွံ ဒးဂြိပ်အာ ဂြိပ်ကၠုၚ်တုဲရ၊ ဒးဂေတ်ဂ္ၚေၚ်ကၠုၚ်တုဲရ။ ယွံခမဳတအ် အဲကျာ် တီကေတ် ဗွဲမဗဗွဲ ထပက်ခၠၚ်ဂြၚ်တီကေတ် ‘ဒုက္ခအရိယသစ္စ’ ဒဒိုခ်ဍာံစၟတ်ဂှ်တုဲရ၊ တီကေတ် ဗွဲမဗဗွဲ ထပက်ခၠၚ်ဂြၚ်တီကေတ် ‘ဒုက္ခသမုဒယအရိယသစ္စ’ ဟိုတ််ဒဒိုခ်ကတဵုဒှ် ဍာံစၟတ်ဂှ်တုဲရ၊ တီကေတ် ဗွဲမဗဗွဲ ထပက်ခၠၚ်ဂြၚ်တီကေတ် ‘နိရောဓအရိယသစ္စ’ အရာဒဒိုခ်ပၠိုတ် ဍာံစၟတ်ဂှ်တုဲရ၊ တီကေတ် ဗွဲမဗဗွဲ ထပက်ခၠၚ်ဂြၚ်တီကေတ် ‘ဒုက္ခနိရောဓ ဂါမိနဳပဋိပဒါမဂ္ဂအရိယစ္စ’ လၟေၚ်ဂၠံၚ် ဒှ်ဟိုတ်အာစိုပ် အရာဒဒိုခ်ပၠိုတ် ဍာံစၟတ်ဂှ်တုဲရ၊ သကုတ်ဗပိုတ်ကၠေံ ဘဝဝဏှာ ပွမထၞေန်စပ် ပ္ဍဲဘဝဂမၠိုၚ် ဗွဲမသက္ကုသၟေဟ်တုဲရ၊ ဘဝတဏှာ မတုပ်သၟဟ်ကဵုဇုက် မလေပ်တံၚ်ဂြဲဏာဘဝတၟိ အိုတ်အာတုဲရ၊ ပ္ဍဲကာလလၟုဟ်ဝွံ ပွမကတဵုဒှ် ပ္ဍဲဘဝတၟိမွဲလှ်ေပၠန် ဟွံမွဲရ” ရဴဝွံ (သ္ဂးရ)။ “ဟိုတ်ပွမဟွံတီညာတ်ကေတ် အရိယသစ္စဂမၠိုၚ်ပန်ပြကာ အတိုၚ်မဍာံစၟတ်ဂှ်ရ (အဲကျာ်ကီု မၞးတအ်ညးဂမၠိုၚ်ကီု) လုကဴကာလသံသာ မဂၠိၚ်သ္ၚောဲ ဒးဂေတ်ဂ္ၚေၚ်ကၠုၚ် ပ္ဍဲဘဝဂမၠိုၚ်ဂှ်ဂှ်ဟေၚ်တုဲရ။ (အဲကျာ်ကီု မၞးတအ်ညးဂမၠိုၚ်ကီု) ဂပ်ဝ်ညာတ်ကေတ် အရိယသစ္စဂမၠိုၚ်ဂှ်တုဲအိုတ်ရ၊ ပိုက်နုက်ပါဲကၠေံ ဘဝတဏှာ မတုပ်သၟဟ်ကဵုဖုက် မလေပ်တံၚ်ဂြဲဏာ ဘဝတၟိ ဗွဲမ္ဒးရးတုဲရ၊ သကုတ်ဗပိုတ်ကၠေံရိုဟ်ဒဒိုခ် ဗွဲမသက္ကုသၟေဟ်တုဲရ၊ ပ္ဍဲကာလလၟုဟ်ဝွံ ပွမကတဵုဒှ် ပ္ဍဲဘဝတၟိမွဲလှ်ေပၠန် ဟွံမွဲရ” ရဴဝွံ (သ္ဂးရ)။
၁၇၆။ ဝတ္ထုအမ္ဗပါလဳ
[ပလေဝ်ဒါန် | ပလေဝ်ဒါန် တမ်ကၞက်]၂၈၈။ ဗြဴစရာဲဍုၚ်အမ္ဗပါလဳဂှ် “တဳလမၞုံပိုဉ်ကျာ်တြဲ စိုပ်ကၠုၚ်ကွာန်ကောဋိရဂး” ရဴဝွံ ဂွံမိၚ်ကေတ်ဟေၚ်ရ။ ပ္ဍဲအခိၚ်ဂှ် ဗြဴစရာဲဍုၚ်အမ္ဗပါလဳ ကဵုဗ္ဂန်ကေတ်ယာန်ဂမၠိုၚ် မခိုဟ်ဆာဲ ခိုဟ်ဆာဲတအ်တုဲ တိုန်ဍိုန်ကေတ်ယာန်တအ်ဂှ်တုဲ သွက်ဂွံဗဵုလ္ၚောဝ် တဳလမၞုံပိုဉ်ကျာ်တြဲ တိတ်ကၠုၚ်နူဍုၚ်ဝေသာလဳ မွဲဟာန်ကေုာံယာန်တအ်ဂှ်ရ။ ဌာန်ၜိုတ်ထေက်ကဵုအာ နကဵုယာန်မာန်ဂှ် အာနကဵုယာန်တုဲ စှ်ေနူယာန်တုဲမ္ဂး နတရဴတိုက်ဟေၚ် ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး ဂဇအ်ဒၟံၚ် ပ္ဍဲဌာန်မဗဗွဲမွဲဒၞာဲရ။ ဗြဴစရာဍုၚ်အမ္ဗပါလဳ မဂဇအ်ဒၟံၚ် ပ္ဍဲဌာန်မဗဗွဲမွဲဒၞာဲဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ်ဒတုဲဖဵု ကဵုဒဂိုန်ဂိုၚ်ကေတ်ဓရ် သွက်ဂွံဒ္ဂေတ်ဓရ် ကဵုသကေက်သကာ ကဵုမြဟ်မြာရ။ ပ္ဍဲအခိၚ်ဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ်ဒတုဲဖဵု ကဵုဒဂိုန်ဂိုၚ်ကေတ်ဓရ် သွက်ဂွံဒ္ဂေတ်ဓရ် ကဵုသကေက်သကာ ကဵုမြဟ်မြာတုဲမ္ဂး ဗြဴစရာဲဍုၚ်အမ္ဗပါလဳဂှ် ဂရၚ်ပတီတိုန် တဳလမၞုံပိုဉ်ကျာ်တြဲ ဂလာန်ဝွံရ- “ယွံကျာ်မၞုံပိုဉ် တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ် သွက်တ္ၚဲယးတေံ ဩဝ်ဒုၚ်တဲ ပိဏ္ဍပါတ်အဲဍိက်ဗြဴညိကျာ်” ရဴဝွံ (ဂရၚ်ပတီရ)။ တဳလမၞုံပိုဉ်ကျာ်တြဲ နမမံၚ်ဒၟံၚ်သ္ၚိတ်သ္ၚိတ်ဂှ် ဒုၚ်ကေတ်တဲရ။ ပ္ဍဲကာလဂှ် ဗြဴစရာဲဍုၚ်အမ္ဗပါလဳ တီကေတ် တဳလမၞုံပိုဉ်ကျာ်တြဲ ဒုၚ်တဲတုဲ ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲ သ္ပရှ်ေသှ်ေရဴဂဴတုဲမ္ဂး ပါဲစ္ဍးအာရ။
၁၇၇။ ဝတ္ထုလိစ္ဆဝဳ
[ပလေဝ်ဒါန် | ပလေဝ်ဒါန် တမ်ကၞက်]၂၈၉။ သၟိၚ်လိစ္ဆဝဳဂမၠိုၚ် မပဒတဴဒၟံၚ် ပ္ဍဲဍုၚ်ဝေသာလဳတအ်ဂှ် “တဳလမၞုံပိုဉ်ကျာ်တြဲ စိုပ်ကၠုၚ်ကွာန်ကောဋိရဂး” ရဴဝွံ ဂွံမိၚ်ကေတ်အိုတ်ရ။ ပ္ဍဲအခိၚ်ဂှ် သၟိၚ်လိစ္ဆဝဳဂမၠိုၚ် မပဒတဴဒၟံၚ် ပ္ဍဲဍုၚ်ဝေသာလဳတအ်ဂှ် ကဵုဗ္ဂန်ကေတ်ယာန်ဂမၠိုၚ် မခိုဟ်ဆာဲခိုဟ်ဆာဲတအ်တုဲ တိုန်ဍိုက်ကေတ်ယာန််တအ်ဂှ်တုဲ သွက်ဂွံဗဵုလ္ၚောဝ် တဳလမၞုံပိုဉ်ကျာ်တြဲ တိတ်ကၠုၚ်နူဍုၚ်ဝေသာလဳ မွဲဟာန်ကေုာံယာန်တအ်ဂှ်အိုတ်ရ။ ပၞောဝ်ကဵုသၟိၚ်လိစ္ဆဝဳဂမၠိုၚ်ဂှ် သၟိၚ်လိစ္ဆဝဳဂမၠိုၚ်လ္ၚဵု နွံကဵုသာ်လမ္စံက် နွံကဵုယာတ်လမ္စံက် နွံကဵုကယျိုၚ်ကယျဝ် လမ္စံက်ဂမၠိုၚ်တုဲ လစံက်ဒၟံၚ်အလုံအိုတ်သီုအိုတ်ရ။ သၟိၚ်လိစ္ဆဝဳဂမၠိုၚ်လ္ၚဵု နွံကဵုသာ်မိတ် နွံကဵုယာတ်သာ်မိတ် နွံကဵုကယျိုၚ်ကယျဝ် သာ်မိတ်ဂမၠိုၚ်တုဲ ဒှ်ဒၟံသ်သာ်မိတ် အလုံအိုတ်သီုအိုတ်ရ။ သၟိၚ်လိစ္ဆဝဳဂမၠိုၚ်လ္ၚဵု နွံကဵုသာ်ဗကေတ် နွံကဵုသာ်ဗကေတ် နွံကဵုကယျိုၚ်ကယျဝ် ဗကေတ်ဂမၠိုၚ်တုဲ ဗကေတ်ဒၟံၚ် အလုံအိုတ်သီုအိုတ်ရ။ သၟိၚ်လိစ္ဆဝဳဂမၠိုၚ်လ္ၚဵု နွံကဵုယာတ်သာ်ဗု နွံကဵုယာတ်ဗု နွံကဵုကယျိုၚ်ကယျဝ်ဗုဂမၠိုၚ်တုဲ ဗုဒၟံၚ် အလုံအိုတ်သီုအိုတ်ရ။ ပ္ဍဲအခိၚ်ဂှ် ဗြဴစရာဲဍုၚ်အမ္ဗပါလဳဂှ် ကွဳသၟိၚ်လိစ္ဆဝဳဂမၠိုၚ် အာယုက်အဝယ် မဍောတ်သွတ်ဍောတ်သွတ် ကေုာံကွဳဇကု ရိကွဳရၚ်သကအ် သၠာကွဳရၚ်သကအ် တဝ်လ္ၚဝ်ကွဳရၚ်သကအ် ကဵုဇီုတေက်ဒးရ။ ပ္ဍဲအခိၚ်ဂှ် သၟိၚ်လိစ္ဆဝဳဂမၠိုၚ်ဂှ် ဟီုသ္ဂးကဵု ဗြဴစရာဲဍုၚ်အမ္ဗပါလဳ ဂလာန်ဝွံအိုတ်ရ “ဟာဲအမ္ဗပါလဳ ကွဳသၟိၚ်လိစ္ဆဝဳဂမၠိုၚ် အာယုက်အဝယ် မဍောတ်သွတ်ဍောတ်သွတ် ကေုာံကွဳတၠအဲ ရိကွဳရၚ်သကအ် သၠာကွဳရၚ်သကအ် တဝ်လ္ၚဝ်ကွဳရၚ်ကအ် မုဟိုတ် တၠအဲ ကဵုဇီုတေက်ဒးဂှ်ရော?” ရဴဝွံ (ဟီုသ္ဂးအိုတ်ရ)။ ယွံကောန်နာဲတအ် တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ် သွက်ဂွံကဵုပိုန်တ္ၚဲယးတေံ အဲဘိက်နိမန်လဝ်တုဲရ၊ ဟိုတ်ဂှ်ရ (ကဵုဇီုတေက်ဒးရ) ရဴဝွံ အမ္ဗပါလဳ ကလေၚ်ဟီုရ။ ဟာဲအမ္ဗပါလဳ ပိဏ္ဍပါတ်ဂှ် နကဵုကသာပ်မွဲကိုဋ် ဩဝ်သွံကဵုညိ ရဴဝွံ (ဟီုသ္ဂးအိုတ်ရ)။ ယွံကောန်နာဲတအ် ဍုၚ်ဝေသာလဳ မွဲဟာန်ကေုာံရးခရိုၚ် ၜိုန်ကဵုကုအဲလေဝ် ပိဏ္ဍပါတ်ဂှ် အဲကဵုဟွံမာန်ရ ရဴဝွံ (ကလေၚ်ဟီုရ။) ပ္ဍဲအခိၚ်ဂှ် သၟိၚ်လိစ္ဆဝဳဂမၠိုၚ်လေဝ် “ယွံအမာံတအ် ညးဗြဴဂှ် ဇၞးအာ ပိုဲညးဂမၠိုၚ်တုဲရ၊ ယွံအမာံတအ် ညးဗြဴဂှ် ဇၞးအာပိုဲညးဂမၠိုၚ်တုဲရ” ရဴဝွံ (သီုဟီုသ္ဂးဂှ်) လယှ်တဲအိုတ်ရ။ ပ္ဍဲအခိၚ်ဂှ် သၟိၚ်လိစ္ဆဝဳဂမၠိုၚ်ဂှ် ပြာပ်အာဇရေၚ် တဳလမၞုံပိုဉ်ကျာ်တြဲအိုတ်ရ။ တဳလမၞုံပိုဉ်ကျာ်တြဲ သ္ဂောံညာတ်ကေတ် သၟိၚ်လိစ္ဆဝဳဂမၠိုၚ် မကၠုၚ်ဒၟံၚ် နူဇမ္ၚောဲဂှ်ဟေၚ်တုဲ ကော်လၟိၚ်တိုန် ခမဳဂမၠိုၚ်ရ- “ယွံခမဳတအ် ခမဳဂမၠိုၚ် မဟွံကေၚ်ညာတ် ဒေဝတဴတာဝတိံဂမၠိုၚ်ဂှ် ဩဝ်မၠာ်သ္ၚေဝ်ဗဵုရံၚ် ပရိသာတ်လိစ္ဆဝဳအိုတ်ညိ၊ ဩဝ်မၠာ်သ္ၚေဝ်ဗဵုရံၚ် ပရိသာတ်လိစ္ဆဝဳ ဂၠိုၚ်ဂၠိုၚ်ကဵုဝါအိုတ်ညိ၊ ပရိသာတ်လိစ္ဆဝဳဂှ် ပတုပ်ကဵု ပရိသာတ်ဒေဝတဴတာဝတိံတုဲ ဩဝ်မၠာ်သ္ၚေဝ် ဗဵုရံၚ်ညိ” ရဴဝွံ (သ္ဂးရ)။ ပ္ဍဲအခိၚ်ဂှ် သၟိၚ်လိစ္ဆဝဳဂမၠိုၚ်ဂှ် ဌာန်မထေက်ကဵုအာ နကဵုယာန်မာန်ဂှ် အာနကဵုယာန်တုဲ စှ်ေနူယာန်တုဲမ္ဂး နတရဴတိုက်ဟေၚ် ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ ဂဇအ်ဒၟံၚ် ပ္ဍဲဌာန်မဗဗွဲမွဲဒၞာဲအိုတ်ရ။ သၟိၚ်လိစ္ဆဝဳဂမၠိုၚ် မဂဇအ်ဒၟံၚ် ပ္ဍဲဌာန်မဗဗွဲမွဲဒၞာဲဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ် ဒတုဲဖဵု ကဵုဒဂိုန်ဂိုၚ်ကေတ်ဓရ် သွက်သ္ဂောံဒ္ဂေတ်ဓရ် ကဵုသကေက်သကာ ကဵုမြဟ်မြာရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ နကဵုဂလာန်ဓရ် ကဵုတီညာတ်ကေတ် ဒတုဲဖဵု ကဵုဒဂိုၚ်ဂိုၚ်ကေတ်ဓရ် သွက်သ္ဂောံဒ္ဂေတ်ဓရ် ကဵုသကေက်သကာ ကဵုမြဟ်မြာတုဲမ္ဂး သၟိၚ်လိစ္ဆဝဳဂမၠိုၚ်ဂှ် ဂရၚ်ပတီတိုန် တဳလမၞုံပိုဉ်ကျာ်တြဲ ဂလာန်ဝွံအိုတ်ရ- “ယွံကျာ်မၞုံပိုဉ်ကျာ်တြဲ မွဲဟာန်ကေုာံခမဳသၚ် သွက်တ္ၚဲယးတေံ ဩဝ်ဒုၚ်တဲပိဏ္ဍပါတ် ပိုဲဍိက်တအ်ညိကျာ်” ရဴဝွံ (ဂရၚ်ပတီအိုတ်ရ)။ "ယွံသၟိၚ်လိစ္ဆဝဳတအ် သွက်တ္ၚဲယးတေံ အဲကျာ် ဒုၚ်လဝ်တဲ ပိဏ္ဍပါတ်ဗြဴစရာဲဍုၚ်အမ္ဗပါလဳတုဲရ” ရဴဝွံ (သ္ဂးရ)။ ပ္ဍဲအခိၚ်ဂှ် သၟိၚ်လိစ္ဆဝဳဂမၠိုၚ်ဂှ် “ယွံအမာံတအ် ညးဗြဴဂှ် ဇၞးအာပိုဲညးဂမၠိုၚ်တုဲရ၊ ယွံအမာံတအ် ညးဗြဴဂှ် ဇၞးအာပိုဲညးဂမၠိုၚ်တုဲရ” ရဴဝွံ (သီုဟီုသ္ဂးဂှ်) လယှ်တဲအိုတ်ရ။ ပ္ဍဲအခိၚ်ဂှ် သၟိၚ်လိစ္ဆဝဳဂမၠိုၚ်ဂှ် ဓရ်တဳလမၞုံပိုဉ်ကျာ်တြဲတွံလဝ်ဂှ် သ္ဍိုက်မၠိုက်လောန်တုဲ အိုဟ်တၟိုဟ်လျုၚ် ဒုၚ်သာဓုကာတုဲမ္ဂး ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တုဲ သ္ပရှ်ေသှ်ေရဴဂဴတုဲ ပါဲစ္ဍးအာအိုတ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲကွာန်ကောဋိ ဗွဲမမိပ်လဟိၚ်တုဲမ္ဂး က္ညအာကွာန်နာတိကရ၊ တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဘာဍိုတ် (ဘာတိုက်) ဇရေၚ်ကွာန်နာတိကဂှ်ရ။ ပ္ဍဲအခိၚ်ဂှ် ဗ္တံဂှ် လောန်ၜက်အာတုဲ ဗြဴစရာဲဍုၚ်အမ္ဗပါလဳ ကဵုစဳရေၚ်တဴ အာဟာရဘောဇိုန်မပြဲပြဲ ပ္ဍဲအာရှာမ်ဇကုတုဲမ္ဂး “ယွံကျာ်မၞုံပိုဉ် ဒးအခိၚ်ရ၊ ပဠေဝ်လဝ် ပိဏ္ဍပါတ်တုဲရ” ရဴဝွံ ကဵုဂရၚ်ပတီ အခိၚ်ကဵုပိုန် ကုတဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်ဖလာၚ်ဂယး ဗိုက်ပဠေဝ်သ္ၚာတုဲ သီုမထ္ၜဂိုၚ်ရပ် ကေတ်ဗဗေၚ်သ္ၚာ မွဲဟာန်ကေုာံခမဳသၚ် က္ညပြာပ်စဴအာ သ္ၚိဗြဴစရာဲဍုၚ်အမ္ဗပါလဳတုဲ ဂဇအ်ဒၟံၚ် ပ္ဍဲသၞာလးပညပ်လဝ်ဂှ်ရ။ ပ္ဍဲအခိၚ်ဂှ် ဗြဴစရာဲဍုၚ်အမ္ဗပါလဳ နကဵုအာဟာဘောဇိုန်မပြဲပြဲ အလဵုဇကု တရိုပ်ဖာပ်ဗ္စခမဳသၚ် မၞုံပဓာန်ဍေံကျာ်တြဲ စဵုကဵုတရိုပ်ကဵုစိုတ် စဵုကဵုဒးဆေဝ်တာ ပဒေါံကၠေံရ။ တဳလမၞုံပိုဉ်ကျာ်တြဲကဵုပိုန်တုဲ ပ္ဍဲအခိၚ် မပါဲကၠေံတဲနူဗဗေၚ်တုဲဂှ် ဗြဴစရာဲဍုၚ်အမ္ဗပါလဳ ဂိုၚ်ကေတ် သၞာဂဇအ်သဝ်သဝ်မွဲတုဲ ဂဇအ်ကေတ် ပ္ဍဲဌာန်မဗဗွဲမွဲဒၞာဲတုဲမ္ဂး ဂရၚ်ပတီတိုန် တဳလမၞုံပိုဉ်ကျာ်တြဲ ဂလာန်ဝွံရ- “ယွံကျာ်မၞုံပိုဉ် အာရှာမ်ဥယျာန်ဝွံ အဲဍိက်ကဵုဒါန် ကုခမဳသၚ် မၞုံပဓာန်ဍေံကျာ်တြဲရ” ရဴဝွံ (ဂရၚ်ပတီရ)။ တဳလမၞုံပိုဉ်ကျာ်တြဲ ဒုၚ်ဒါန် အာရှာမ်ဥယျာန်ဂှ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ နကဵုဂလာန်ဓရ် ကဵုဗြဴစရာဲဍုၚ်အမ္ဗပါလဳ တီညာတ်ကေတ်ဒတုဲဖဵု ကဵုဒဂိုန်ဂိုၚ်ကေတ်ဓရ် သွက်ဂွံဒ္ဂေတ်ဓရ် ကဵုသကေက်သကာ ကဵုမြဟ်မြာတုဲမ္ဂး ဒၠိုက်ကတဵုနူဒၞာဲတုဲ က္ညအာဂြိုပ်မဟာဝိုန်ရ။ တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဘာပြာသာဒ်ဇၞော် မၞုံကဵုအထောဋ်သ္ၚိကၠတ် အပ္ဍဲဂြဂိုပ်မဟာဝိုန် ဇရေၚ်ဍုၚ်ဝေသာလဳဂှ်ရ။
၁၇၈။ ဝတ္ထုသကိုပ်ပၞာန်ဇၞော်သဳဟ
[ပလေဝ်ဒါန် | ပလေဝ်ဒါန် တမ်ကၞက်]၂၉၀။ ပ္ဍဲအခိၚ်ဂှ် သၟိၚ်လိစ္ဆဝဳဂမၠိုၚ် မဒယှ်တှ်ပြာကဋ်လောန်တအ်ဂှ် မံၚ်ဒၟံၚ်မွဲစွံ ကောံဓရီုမံၚ်မွဲစွံ ပ္ဍဲရုၚ်သၟိၚ်ကောံဓရီုအိုတ်တုဲ နကဵုဟိုတ်မဂၠိုၚ် ဟီုသ္ဂးတဴ ဂုဏ်ကျာ်အိုတ်ရ၊ ဟီုသ္ဂးတဴ ဂုဏ်ဓရ်အိုတ်ရ၊ ဟီုသ္ဂးတဴ ဂုဏ်သၚ်အိုတ်ရ။ ပ္ဍဲအခိၚ်ဂှ် သကိုပ်ပၞာန်ဇၞော်သဳဟ မဒှ်ကွးတဳနိဂဏ္ဌဂှ် ဂဇအ်ဒၟံၚ် ပ္ဍဲပရိသာတ်ဂှ်ရ။ ပ္ဍဲအခိၚ်ဂှ် “တဳလမၞုံပိုဉ်ကျာ်တြဲဂှ် ကြက်ဒှ်ကျာ်တြဲ မထေက်ကဒုၚ်ဒါန်ပူဇဴဗွဲတၟေၚ် မဂြၚ်တီကေတ် (ဓရ်အိုတ်သီု) အလဵုဇကု ဗွဲမဍာံစၟတ် ဍာံဍာံရ၊ ဟိုတ်ဒှ်သာ်ဂှ်ဟေၚ် သၟိၚ်လိစ္ဆဝဳဂမၠိုၚ် မဒယှ်တှ်ပြာကဋ်လောန်တအ်ဂှ် မံၚ်ဒၟံၚ်မွဲစွံ ကောံဓရီုမံၚ်မွဲစွံ ပ္ဍဲရုၚ်သၟိၚ်ကောံဓရီုအိုတ်တုဲ နကဵုဟိုတ်မဂၠိုၚ် ဟီုသ္ဂးတဴ ဂုဏ်ကျာ်အိုတ်ရ။ ဟီုသ္ဂးတဴ ဂုဏ်ဓရ်အိုတ်ရ၊ ဟိုသ္ဂးတဴ ဂုဏ်သၚ်အိုတ်ရ၊ အဲဂှ် ဂွံပြာပ်အာ ဗဵုလ္ၚောဝ် တဳလမၞုံပိုဉ်ကျာ်တြဲ မထေက်ဒုၚ်ဒါန်ပူဇဴဗွဲတၟေၚ် မဂြၚ်တီကေတ် (ဓရ်အိုတ်သီု) အလဵုဇကု ဗွဲမဍာံစၟတ်ဂှ်မ္ဂး ခိုဟ်ရ” ရဴဝွံ ကသပ်စိုတ်ကတဵုဒှ်ကၠုၚ် ကုသကိုပ်ပၞာန်ဇၞော်သဳဟရ။ ကြဴနူဂှ် သကိုပ်ပၞာန်ဇၞော်သဳဟဂှ် ပြာပ်အာဇရေၚ် နိဂဏ္ဌနာဋပုတ္တတုဲ “ယွံတဳလပိုဉ် အဲဍိက် နွံပၟိက် တၞဟ်နပြာပ်အာ သွက်ဂွံဗဵုလ္ၚောဝ် ခမဳဂေါတမရ” ရဴဝွံ ဟီုကဵုနိဂဏ္ဌနာဋပုတ္တရ။ ယွံသဳဟ တၠအဲဂှ် သီုမၞုံကဵုကွေတ် ‘ကိရိယဝါဒ’မ္ဂး မထေက်ကဵုသ္ပဖိုဟ် မုဟိုတ် မိက်ဂွံပြာပ်အာ သွက်ဂွံဗဵုလ္ၚောဝ် ခမဳဂေါတမ မၞုံကဵုကွေတ် ‘အကိရယဝါဒ’မ္ဂး ဟွံထေက်ကဵုသ္ပဂှ်ရော? ယွံသဳဟ ခမဳဂေါတမဂှ် မၞုံကဵုကွေတ် ‘အကိရိယဝါဒ’မ္ဂး ဟွံထေက်ကဵုသ္ပရ၊ တွံတဴဓရ် တၞဟ်နဟွံသ္ပရ၊ နကဵုဓရ် (အကိရိယဝါဒ)ဂှ် ဝေတ်ဒၠောံဗ္တောန်တဴ ကွးဂမၠိုၚ်ရ ရဴဝွံ (သ္ဂးရ)။ ပ္ဍဲအခိၚ်ဂှ် ပွမပတိတ်ဇြဟတ်လွဳပရာ ရဴဝွံမ္ဂး ကြက်အာ သွက်ဂွံဗဵုလ္ၚောဝ်ကျာ်တြဲဂှ် လလမ်အာ ကုသဳဟရ။ မရနုက်ကဵုၜါဝါလေဝ် သၟိၚ်လိစ္ဆဝဳဂမၠိုၚ် မဒယှ်တှ်ပြာကဋ်လောန်တအ်ဂှ် မံၚ်ဒၟံၚ်မွဲစွံ ကောံဓရီုဒၟံၚ်မွဲစွံ ပ္ဍဲရုၚ်သၟိၚ်ကောံဓရီုအိုတ်တုဲ နကဵုဟိုတ်မဂၠိုၚ် ဟီုသ္ဂးတဴ ဂုဏ်ကျာ်အိုတ်ရ၊ ဟီုသ္ဂးတဴ ဂုဏ်ဓရ်အိုတ်ရ၊ ဟီုသ္ဂးတဴ ဂုဏ်သၚ်အိုတ်ရ။ မရနုက်ကဵုၜါဝါလေဝ် “တဳလမၞုံပိုဉ်ကျာ်တြဲဂှ် ကြက်ဒှ်ကျာ်တြဲ မထေက်ဒုၚ်ဒါန် ပူဇဴဗွဲတၟေၚ် မဂြၚ်တီကေတ် (ဓရ်အိုတ်သီု) အလဵုဇကု ဗွဲမဍာံစၟတ် ဍာံဍာံရ၊ ဟိုတ်ဒှ်သာ်ဂှ်ဟေၚ် သၟိၚ်လိစ္ဆဝဳဂမၠိုၚ် မဒယှ်တှ်ပြာကဋ်လောန်တအ်ဂှ် မံၚ်ဒၟံၚ်မွဲစွံ ကောံဓရီုဒၟံၚ်မွဲစွံ ပ္ဍဲရုၚ်သၟိၚ် ကောံဓရီုအိုတ်တုဲ နကဵုဟိုတ်မဂၠိုၚ် ဟီုသ္ဂး ဂုဏ်ကျာ်အိုတ်ရ၊ ဟီုသ္ဂးတဴ ဂုဏ်ဓရ်အိုတ်ရ၊ ဟီုသ္ဂးတဴ ဂုဏ်သၚ်အိုတ်ရ၊ အဲဂှ် ဂွံပြာပ်အာ ဗဵုလ္ၚောဝ် တဳလမၞုံပိုဉ်ကျာ်တြဲ မထေက်ဒုၚ်ဒါန်ပူဇဴတၟေၚ် မဂြၚ်တီကေတ်(ဓရ်အိုတ်သီု) အလဵုဇကု ဗွဲမဍာံစၟတ်ဂှ်မ္ဂး ခိုဟ်ရ” ရဴဝွံ ကသပ်စိုတ် ကတဵုဒှ်ကၠုၚ် ကုသကိုပ်ပၞာန်ဇၞော်သဳဟရ။ မရနုက်ကဵုၜါဝါလေဝ် သကိုပ်ပၞာန်ဇၞော်သဳဟဂှ် ပြာပ်အာဇရေၚ် နိဂဏ္ဌနာဋပုတ္တတုဲ “ယွံတဳလပိုဉ် အဲဍိက် နွံပၟိက် တၞဟ်နပြာပ်အာ သွက်ဂွံဗဵုလ္ၚောဝ် ခမဳဂေါတမ” ရဴဝွံ ဟိုကဵုနိဂဏ္ဌနာဋပုတ္တရ။ ယွံသဳလ တၠအဲဂှ် သီုမၞုံကဵုကွေတ် ‘ကိရိယဝါဒ’မ္ဂး မထေက်ကဵုသ္ပဖိုဟ် မုဟိုတ် မိက်ဂွံပြာပ်အာ သွက်ဂွံဗဵုလ္ၚောဝ် ခမဳဂေါတမ မၞုံကဵုကွေတ် ‘အကိရယဝါဒ’မ္ဂး ဟွံထေက်ကဵုသ္ပဂှ်ရော? ယွံသဳဟ ခမဳဂေါတမဂှ် မၞုံကဵုကွေတ် ‘အကိရိယဝါဒ’မ္ဂး ဟွံထေက်ကဵုသ္ပရ၊ တွံတဴဓရ် တၞဟ်နဟွံသ္ပရ၊ နကဵုဓရ် (အကိရိယဝါဒ)ဂှ် ဝေတ်ဒၠောံဗ္တောန်တဴ ကွးဂမၠိုၚ်ရ ရဴဝွံ (သ္ဂးရ)။ မရနုက်ကဵုၜါဝါလေဝ် ပွမပတိတ်ဇြဟတ်လွဳပရာ ရဴဝွံမ္ဂး ကြက်အာ သွက်ဂွံဗဵုလ္ၚောဝ်ကျာ်တြဲဂှ် လလမ်အာ ကုသဳဟရ။ မရနုက်ကဵုပိဝါလေဝ် သၟိၚ်လိစ္ဆဝဳဂမၠိုၚ် မဒယှ်တှ်ပြာကဋ်လောန်တအ်ဂှ် မံၚ်ဒၟံၚ်မွဲစွံ ကောံဓရီုဒၟံၚ်မွဲစွံ ပ္ဍဲရုၚ်သၟိၚ်ကောံဓရီုအိုတ်တုဲ နကဵုဟိုတ်မဂၠိုၚ် ဟီုသ္ဂးတဴ ဂုဏ်ကျာ်အိုတ်ရ၊ ဟီုသ္ဂးတဴ ဂုဏ်ဓရ်အိုတ်ရ၊ ဟီုသ္ဂးတဴ ဂုဏ်သၚ်အိုတ်ရ။ မရနုက်ကဵုပိဝါလေဝ် “တဳလမၞုံပိုဉ်ကျာ်တြဲဂှ် ကြက်ဒှ်ကျာ်တြဲ မထေက်ဒုၚ်ဒါန် ပူဇဴဗွဲတၟေၚ် မဂြၚ်တီကေတ် (ဓရ်အိုတ်သီု) အလဵုဇကု ဗွဲမဍာံစၟတ် ဍာံဍာံရ၊ ဟိုတ်ဒှ်သာ်ဂှ်ဟေၚ် သၟိၚ်လိစ္ဆဝဳဂမၠိုၚ် မဒယှ်တှ်ပြာကဋ်လောန်တအ်ဂှ် မံၚ်ဒၟံၚ်မွဲစွံ ကောံဓရီုဒၟံၚ်မွဲစွံ ပ္ဍဲရုၚ်သၟိၚ် ကောံဓရီုအိုတ်တုဲ နကဵုဟိုတ်မဂၠိုၚ် ဟီုသ္ဂး ဂုဏ်ကျာ်အိုတ်ရ၊ ဟီုသ္ဂးတဴ ဂုဏ်ဓရ်အိုတ်ရ၊ ဟီုသ္ဂးတဴ ဂုဏ်သၚ်အိုတ်ရ၊ ဂရၚ်ပတီကဵုဒှ် ဟွံဂရၚ်ပတီကဵုဒှ် နိဂဏ္ဌဂမၠိုၚ်ဝွံ မုပမာန်အိုတ်ရော? အဲဂှ် ဟွံဂရၚ်ပတီ နိဂဏ္ဌဂမၠိုၚ်တုဲဟေၚ် ဂွံပြာပ်အာ သွက်ဂွံဗဵုလ္ၚောဝ်ကျာ်တြဲ မထေက်ဒုၚ်ဒါန်ပူဇဴဗွဲတၟေၚ် မဂြၚ်တီကေတ် (ဓရ်အိုတ်သီု) အလဵုဇကု ဗွဲမဍာံစၟတ်ဂှ်မ္ဂး ခိုဟ်ရ” ရဴဝွံ ကသပ်စိုတ် ကတဵုဒှ်ကၠုၚ် ကုသကိုပ်ပၞာန်ဇၞော်သဳဟရ။ ကြဴနူဂှ် သကိုပ်ပၞာန်ဇၞော်သဳဟဂှ် ပ္ဍဲအခိၚ်ဂှ်တ္ၚဲစေၚ် သွက်ဂွံဗဵုလ္ၚောဝ်ကျာ််တြဲ တိတ်အာ နူဍုၚ်ဝေသာလဳ နကဵုကွဳဂမၠိုၚ်မသုန်ကၠံရ။ စဵုကဵုဌာန်အာကဵုယာန်မာန်ဂှ် အာကဵုယာန်တုဲ စှ်ေနူယာန်တုဲ နမကွာ်တိုက်ဟေၚ် ပြာပ်အာဇရေၚ်ကျာ်တြဲတုဲ လ္ၚောဝ်တုဲ ဂဇအ်မံၚ်မွဲဒၞာဲတုဲ- “ယွံတဳလမၞုံပိုဉ် ‘ခမဳဂေါတမဂှ် မၞုံကဵုကွေတ် ‘အကိရိယဝါဒ’မ္ဂး ဟွံထေက်ကဵုသ္ပရ၊ တွံတဴဓရ် တၞဟ်နဟွံသ္ပရ၊ နကဵုဓရ် (အကိရိယဝါဒ) ဂှ် ဝေတ်ဒၠောံဗ္တောန်တဴ ကွးဂမၠိုၚ်ရ’ ရဴဝွံ ဂွံကေၚ်မိၚ်လဝ်ရ။ ယွံတဳလမၞုံပိုဉ် သာ်လဵုဂှ်ရော?- ‘ခမဳဂေါတမဂှ် မၞုံကဵုကွေတ် ‘အကိရိယဝါဒ’မ္ဂး ဟွံထေက်ကဵုသ်ပရ၊ တွံတဴဓရ် တၞဟ်နဟွံသ္ပရ၊ နကဵုဓရ် (အကိရိယဝါဒ) ဂှ် ဝေတ်ဒၠောံဗ္တောန်တဴ ကွးဂမၠိုၚ်ရ’ ရဴဝွံ ညးမသ္ဂးတဴဂမၠိုၚ်ဂှ် သ္ဂးတဴ အတိုၚ်ကျာ်တြဲ မသ္ဂးအိုတ်ဟာ၊ ဟွံအာစိုပ် စောတ်စောဲကျာ်တြဲ နဂလာန်ဟွံဍာံပြအိုတ်ဟာ၊ ဓရ်ကျာ်တြဲဝွံဂှ်ဟေၚ် တွံတဴ မွဲကဆံၚ်ဟာ၊ ဂလာန် (ညးတအ်) ဟီုမွဲကဆံၚ်ကဵု ဂလာန်မူလတၞမ် (ကျာ်တြဲ) ဂှ် စာ်စ္ဍးနူဟိုတ် မထေက်ကဵုဂရိုဟ်ကီုဟာ။ ပိုဲဍိက်တအ်ဂှ်တုဲ ဟွံမွဲပၟိက်စောတ်စောဲကျာ်တြဲအိုတ်ရ” ရဴဝွံ ဂရၚ်ပတီ ကုတဳလမၞုံပိုဉ်ကျာ်တြဲရ။
၂၉၁။ ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် မၞုံကဵုကွေတ် ‘အကိရိယဝါဒ’မ္ဂး ဟွံထေက်ကဳုသ္ပရ၊ တွံဓရ် တၞဟ်နဟွံသ္ပရ၊ နကဵုဓရ် (အကိရိယဝါဒ) ဂှ်ရ ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ မိက်ဂွံဟီုကဵုအဲကျာ်မ္ဂး ဟီုမာန်ရ၊ နဲပြယာဲသာ်ဂှ် နွံဟေၚ်ရ။ (၁) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် မၞုံကဵုကွေတ် ‘ကိရိယဝါဒ’မ္ဂး ထေက်ကဵုသ္ပရ၊ တွံဓရ် တၞဟ်နသ္ပရ၊ နကဵုဓရ် (ကိရိယဝါဒ) ဂှ်ရ ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ မိက်ဂွံဟီုကဵုအဲကျာ်မ္ဂး ဟီုမာန်ရ၊ နဲပြယာဲသာ်ဂှ် နွံဟေၚ်ရ။ (၂) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် မၞုံကဵုကွေတ် ‘ဥစ္ဆေဒဝါဒ’မ္ဂး ဂပ်ဝ်ကုတ်ထပိုတ်ရ၊ တွံတဴဓရ် တၞဟ်နကုတ်ထပိုတ်ရ၊ နကဵုဓရ် (ဥစ္ဆေဒဝါဒ) ဂှ်ရ ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ မိက်ဂွံဟီုကဵုအဲကျာ်မ္ဂး ဟီုမာန်ရ၊ နဲပြာယာဲသာ်ဂှ် နွံဟေၚ်ရ။ (၃) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် မၞုံသဘဴပွမက္ဍုဟ်မၠေံရ၊ တွံတဴဓရ် တၞဟ်နက္ဍုဟ်မၠေံရ၊ နကဵုဓရ်ဂှ်ရ ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ မိက်ဂွံဟီုကဵုအဲကျာ်မ္ဂး ဟီုမာန်ရ၊ နဲပြယာဲသာ်ဂှ် နွံဟေၚ်ရ။ (၄) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် လေပ်ပလီုပလာ်ရ၊ တွံတဴဓရ် တၞဟ်နပလီုပလာ်ရ၊ နကဵုဓရ်ဂှ်ရ ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ မိက်ဂွံဟီုကဵုအဲကျာ်မ္ဂး ဟီုမာန်ရ၊ နဲပြယာဲသာ်ဂှ် နွံဟေၚ်ရ။ (၅) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် မၞုံကဵုဒ္ဂေတ် မလေပ်ကတဴကတာန်ရ၊ တွံတဴဓရ် တၞဟ်နကတဴကတာန်ရ၊ နကဵုဓရ်ဂှ်ရ ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ မိက်ဂွံဟီုကဵုအဲကျာ်မ္ဂး ဟီုမာန်ရ၊ နဲပြယာဲသာ်ဂှ် နွံဟေၚ်ရ။ (၆) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် စာ်စ္ဍးနူပွမတန်ပဋိသန္ဓိရ၊ တွံတဴဓရ် တၞဟ်နစာ်စ္ဍးနူပွမတန်ပဋိသန္ဓိရ၊ နကဵုဓရ်ဂှ်ရ ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ မိက်ဂွံဟီုကဵုအဲကျာ်မ္ဂး ဟီုမာန်ရ၊ နဲပြယာဲသာ်ဂှ် နွံဟေၚ်ရ။ (၇) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် လေပ်ဂၠာဲသ္ၚေဝ်တဴ အရာမကလိဂွံဇၟူရ၊ တွံတဴဓရ် တၞဟ်နကလိဂွံ အရာမကလိဂွံဇၟူရ၊ နကဵုဓရ်ဂှ်ရ ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ မိက်ဂွံဟီုကဵုအဲကျာ်မ္ဂး ဟီုမာန်ရ၊ နဲပြယာဲသာ်ဂှ် နွံဟေၚ်ရ။ (၈)
၂၉၂။ ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် မၞုံကဵုကွေတ် ‘အကိရိယဝါဒ’မ္ဂး ဟွံထေက်ကဵုသ္ရ၊ တွံတဴဓရ် တၞဟ်နဟွံသ္ပရ၊ နကဵုဓရ် (အကိရိယဝါဒ) ဂှ် ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ၊ နဲဟိုတ်မဟီုမာန်ဂှ် ညးဍေံဂှ်ရော?။ ယွံသဳဟ ‘ကာယဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကာယ ‘ဝစဳဒုစရိုတ်’ ဒ္ဂေတ်ဟွံခိုဟ်ဆာဲ မဟီုနပါၚ် ‘မနောဒုစရိုတ်’ ဒ္ဂေတ်ဟွံခိုဟ်ဆာဲ မချပ်နစိုတ်ဂှ် ဟွံထေက်ကဵုသ္ပရ ရဴဝွံ အဲကျာ် ဟီုတွံရ၊ ဓရ်အကုသိုလ် မယုတ်သဝ်ဂမၠိုၚ်မဂၠိုလေဝ် ဟွံထေက်ကဵုသ္ပရ ရဴဝွံ အဲကျာ်ဟီုတွံရ။ ယွံသဳဟ နနဲပြယာဲဝွံ “ခမဳဂေါတမဂှ် မၞုံကဵုကွေတ် ‘အကိရိယဝါဒ’မ္ဂး ဟွံထေက်ကဵုသ္ပရ၊ တွံတဴဓရ် တၞဟ်နဟွံသ္ပရ၊ နကဵုဓရ်(အကိရိယဝါဒ)ဂှ်ရ ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ။ (၁) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် မၞုံကဵုကွေတ် ‘ကိရိယဝါဒ’မ္ဂး ထေက်ကဵုသ္ပရ၊ တွံဓရ် တၞဟ်နသ္ပရ၊ နကဵုဓရ် (ကိရိယဝါဒ) ဂှ် ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ၊ နဲဟိုတ်မဟီုမာန်ဂှ် ညးဍေံရော?။ ယွံသဳဟ ‘ကာယသုစရိုတ်’ ဒ္ဂေတ်မခိုဟ်ဆာဲ မသ္ပနကာယ ‘ဝစဳသုစရိုတ်’ ဒ္ဂေတ်မခိုဟ်ဆာဲ မဟီုနပါၚ် ‘မနောဒုစရိုတ်’ ဒ္ဂေတ်မခိုဟ်ဆာဲ မချပ်နစိုတ်ဂှ် ထေက်ကဵုသ္ပရ ရဴဝွံ အဲကျာ် ဟီုတွံရ၊ ဓရ်ကုသိုလ်ဂမၠိုၚ်မဂၠိုလေဝ် ထေက်ကဵုသ္ပရ ရဴဝွံ အဲကျာ်ဟီုတွံရ။ ယွံသဳဟ နနဲပြယာဲဝွံ “ခမဳဂေါတမဂှ် မၞုံကဵုကွေတ် ‘ကိရိယဝါဒ’မ္ဂး ထေက်ကဵုသ္ပရ၊ တွံတဴဓရ် တၞဟ်နဟွံသ္ပရ၊ နကဵုဓရ်(ကိရိယဝါဒ)ဂှ်ရ ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ။ (၂) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် မၞုံကဵုကွေတ် ‘ဥစ္ဆေဒဝါဒ’မ္ဂး ဂပ်ဝ်ကုတ်ထပိုတ်ရ၊ တွံတဴဓရ် တၞဟ်နကုတ်ထပိုတ်ရ၊ နကဵုဓရ်(ဥစ္ဆေဒဝါဒ)ဂှ် ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ၊ နဲဟိုတ်မဟီုမာန်ဂှ် ညးဍေံဂှ်ရော?။ ယွံသဳဟ ထေက်ကဵုကုတ်ထပိုတ်ကၠေံ ရာဂ ဒေါသ မောဟဂမၠိုၚ်ဂှ် အဲကျာ် ဟီုတွံရ၊ ထေက်ကဵုကုတ်ထပိုတ်ကၠေံ ဓရ်အကုသိုလ် မယုတ်သဝ်ဂမၠိုၚ်မဂၠိုၚ်ဂှ် အဲကျာ်ဟီုတွံရ၊ ယွံသဳဟ နနဲပြယာဲဝွံ ‘ခမဳဂေါတမဂှ် မၞုံကဵုကွေတ် ‘ဥစ္ဆေဒဝါဒ’မ္ဂး ဂပ်ဝ်ကုတ်ထပိုတ်ရ၊ တွံတဴဓရ် တၞဟ်နကုတ်ထပိုတ်ရ၊ နကဵုဓရ်(ဥစ္ဆေဒဝါဒ)ဂှ်ရ ဝေတ်ဒၠောံဗ္တောန်တဴ ကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ။ (၃) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် မၞုံကဵုသဘဴ ပွမက္ဍုဟ်မၠေံရ၊ တွံတဴဓရ် တၞဟ်နက္ဍုဟ်မၠေံရ၊ နကဵုဓရ်ဂှ် ဝေတ်ဒၠောံဗ္တောန်တဴကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ၊ နဲဟိုတ်မဟီုမာန်ဂှ် ညးဍေံဂှ်ရော?။ ယွံသဳဟ အဲကျာ်ဂှ် က္ဍုဟ်မၠေံ နူ‘ကာယဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကာယ ‘ဝစဳဒုစရိုတ်’ ဒ္ဂေတ်ဟွံခိုဟ်ဆာဲ မဟီုနပါၚ် ‘မနောဒုစရိုတ်’ ဒ္ဂေတ်ဟွံခိုဟ်ဆာဲ မချပ်နစိုတ်ရ၊ က္ဍုဟ်မၠေံ နူပွမအာစိုပ်ဓရ်က္ဍုဟ်မၠေံရ၊ တွံတဴဓရ်တၞဟ်နက္ဍုဟ်မၠေံရ၊ နကဵုဓရ်ဂှ်ရ ဝေတ်ဒၠောံဗ္တောန်တဴကွးဂမၠိုၚ်ရ” ရဴဝွံ ညးမိက်ဂွံဟီုကဵု အဲကျာ် ဗွဲမ္ဒးရးဂှ် ဟီုသ္ဂးမာန်ရ။ (၄) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် လေပ်ပလီုပလာ်ရ၊ တွံတဴဓရ် တၞဟ်နပလီုပလာ်ရ၊ နကဵုဓရ်ဂှ် ဝေတ်ဒၠောံဗ္တောန်တဴကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ၊ နဲဟိုတ်မဟီုမာန်ဂှ် ညးဍေံဂှ်ရော? ယွံသဳဟ ယြဴနနဲပြယာဲလဵုမွဲ တွံတဴဓရ် တၞဟ်နပလီုပလာ်ကၠေံ ရာဂကီု ဒေါသကီု မောဟကီုရ၊ တွံတဴဓရ် တၞဟ်နပလီုပလာ်ကၠေံ ဓရ်အကုသိုလ် မယုတ်သဝ်ဂမၠိုၚ်မဂၠိုၚ်ရ၊ ယွံသဳဟ နဲပြယာဲဝွံ “ခမဳဂေါတမဂှ် လေပ်ပလီုပလာ်ရ၊ တွံတဴဓရ် တၞဟ်နပလီုပလာ်ရ၊ နကဵုဓရ်ဂှ် ဝေတ်ဒၠောံဗ္တောန်တဴကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ။ (၅) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် မၞုံသဘဴ မလေပ်ကဵုကတဴကတာန်ရ၊ တွံတဴဓရ် တၞဟ်နကတဴကတာန်ရ၊ နကဵုဓရ်ဂှ် ဝေတ်ဒၠောံဗ္တောန်တဴကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ၊ နဲဟိုတ်မဟီုမာန်ဂှ် ညးဍေံဂှ်ရော? ယွံသဳဟ လေပ်ကဵုကတဴကတာန်ကၠေံ ဓရ်အကုသိုလ်မယုတ်သဝ်ဂမၠိုၚ်မဂၠိုၚ်ဂှ် ရဴဝွံ အဲကျာ် ဟီုတွံရ၊ လေပ်ကဵုကတဴကတာန်ကၠေံ ‘ကာယဒုစရိုတ်’ ဒ္ဂေတ်ဟွံခိုဟ်ဆာဲ မသ္ပနကာယ ‘ဝစဳဒုစရိုတ်’ ဒ္ဂေတ်ဟွံခိုဟ်ဆာဲ မဟီုနပါၚ် ‘မနောဒုစရိုတ်’ ဒ္ဂေတ်ဟွံခိုဟ်ဆာဲ မချပ်နကဵုစိုတ်ဂှ် ရဴဝွံ ဟီုတွံရ၊ ယွံသဳဟ ညးမပါဲကၠေံ ဓရ်အကုသိုလ်မယုတ်သဝ် မလေပ်ကဵုကတဴကတာန်ဂမၠိုၚ်တုဲ မကုတ်ထပိုတ်ကၠေံရိုဟ် (အဝိဇ္ဇာတဏှာ) ဗွဲမသက္ကုသၟေဟ်တုဲ မသ္ပကၠေံညံၚ်ရဴဒၞာဲတၞံတာ (မပိုက်ကၠေံတုဲ) တုဲ မသ္ပပွမဟွံဒှ် (တၟိ) တုဲ ဟွံမွဲကဵုသဘဴမကတဵုဒှ် ပ္ဍဲလက်ကရဴဂှ် ညးမၞုံကဵုဒ္ဂေတ် မလေပ်ကဵုကတဴကတာန်ကၠေံကိလေသ ရဴဝွံ အဲကျာ်ဟီုတွံရ။ ယွံသဳဟ ကျာ်တြဲဂှ် ပါဲကၠေံဓရ် အကုသိုလ်မယုတ်သဝ် မလေပ်ကဵုကတဴကတာန်ဂမၠိုၚ်တုဲရ၊ ကုတ်ထပိုတ်ကၠေံရိုဟ် (အဝိဇ္ဇာတဏှာ) ဗွဲမသက္ကုသၟေဟ်တုဲရ၊ သ္ပကၠေံညံၚ်ရဴဒၞာဲတၞံတာ (မပိုက်ကၠေံတုဲ) တုဲရ၊ သ္ပပွမဟွံဒှ် (တၟိ) တုဲရ၊ ဟွံမွဲကဵုသဘဴမကတဵုဒှ် ပ္ဍဲလက်ကရဴရ။ ယွံသဳဟ နနဲပြယာဲဝွံ “ခမဳဂေါတမဂှ် မၞုံကဵုဒ္ဂေတ် မလေပ်ကဵုကတဴကတာန်ရ။ တွံတဴဓရ် တၞဟ်နကတဴကတာန်ရ၊ နကဵုဓရ်ဂှ်ရ ဝေတ်ဒၠောံဗ္တောန်တဴကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဂးရးဂှ် ဟီုသ္ဂးမာန်ရ။ (၆) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် စာ်စ္ဍးအာနူပွမတန်ပဋိသန္ဓိရ၊ တွံတဴဓရ် တၞဟ်နစာ်စ္ဍးအာနူပွမတန်ပဋိသန္ဓိရ၊ နကဵုဓရ်ဂှ် ဝေတ်ဒၠောံဗ္တောန်တဴကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ၊ နဲဟိုတ်မဟီုမာန်ဂှ် ညးဍေံဂှ်ရော? ယွံသဳဟ ညးမပါဲကၠေံပွမတန်ပဋိသန္ဓိမွဲဝါပၠန် ပွမကတဵုဒှ် ပ္ဍဲဘဝတၟိမွဲဝါပၠန်တုဲ မကုတ်ထပိုတ်ကၠေံရိုဟ် (အဝိဇ္ဇာတဏှာ) ဗွဲမသက္ကုသၟေဟ်တုဲ မသ္ပကၠေံညံၚ်ရဴဒၞာဲတၞံတာ (မပိုက်ကၠေံ) တုဲ မသ္ပပွမဟွံဒှ် (တၟိ) တုဲ ဟွံမွဲကဵုသဘဴမကတဵုဒှ် ပ္ဍဲလက်ကရဴဂှ် စာ်စ္ဍးအာ နူပွမတန်ပဋိသန္ဓိရ ရဴဝွံ အဲကျာ်ဟီုတွံရ။ ယွံသဳဟ ကျာ်တြဲဂှ် ပါဲကၠေံ ပွမတန်ပဋိသန္ဓိမွဲဝါပၠန် ပွမကတဵုဒှ် ပ္ဍဲဘဝတၟိမွဲဝါပၠန်တုဲရ၊ ကုတ်ထပိုတ်ကၠေံရိုဟ် (အဝိဇ္ဇာတဏှာ) ဗွဲမသက္ကုသၟေဟ်တုဲရ၊ သ္ပကၠေံ ညံၚ်ရဴဒၞာဲတၞံတာ (မပိုက်ကၠေံတုဲ) တုဲရ၊ သ္ပပွမဟွံဒှ် (တၟိ) တုဲရ၊ ဟွံမွဲကဵုသဘဴမကတဵုဒှ် ပ္ဍဲလက်ကရဴရ၊ ယွံသဳဟ နနဲပြယာဲဝွံ “ခမဳဂေါတမဂှ် စာ်စ္ဍးအာနူပွမတန်ပဋိသန္ဓိရ၊ တွံတဴဓရ် တၞဟ်နစာ်စ္ဍးအာနူပွမတန်ပဋိသန္ဓိရ၊ နကဵုဓရ်ဂှ် ဝေတ်ဒၠောံဗ္တောန်တဴကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ။ (၇) ယွံသဳဟ ယြဴနနဲပြယာဲလဵုမွဲ “ခမဳဂေါတမဂှ် လေပ်ဂၠာဲသ္ၚေဝ်တဴ အရာမကလိဂွံဇၟူရ၊ တွံတဴဓရ် တၞဟ်နကလိဂွံ အရာမကလိဂွံဇၟူရ၊ နကဵုဓရ်ဂှ် ဝေတ်ဒၠောံဗ္တောန်တဴကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ၊ နဲဟိုတ်မဟီုမာန်ဂှ် ညးဍေံဂှ်ရော? ယွံသဳဟ အဲကျာ်ဂှ် ဂၠာဲသ္ၚေဝ်တဴ အရာမကလိဂွံဇၟူ နမကလိဂွံဇၟူ (မတွံဂးမဂ်ဖိုလ်) ဂှ် မပြဲရ၊ တွံတဴဓရ် တၞဟ်နကလိဂွံ အရာမကလိဂွံဇၟူရ၊ နကဵုဓရ်ဂှ် ဝေတ်ဒၠောံဗ္တောနတဴကွးဂမၠိုၚ်ရ၊ ယွံသဳဟ နနဲပြယာဲဝွံ “ခမဳဂေါတမဂှ် လေပ်ဂၠာဲသ္ၚေဝ်တဴ အရာမကလိဂွံဇၟူရ၊ တွံတဴဓရ် တၞဟ်နကလိဂွံရ၊ နကဵုဓရ်ဂှ် ဝေတ်ဒၠောံဗ္တောန်တဴကွးဂမၠိုၚ်ရ” ရဴဝွံ ညးမိက်ဂွံဟီုကဵုအဲကျာ် ဗွဲမ္ဒးရးဂှ် ဟီုသ္ဂးမာန်ရ။ (၈)
၂၉၃။ တွံတဴသာ်ဝွံမ္ဂး သကိုပ်ပၞာန်ဇၞော်သဳဟဂှ် ဂရၚ်ပတီကုကျာ်တြဲ (ဂလာန်) ဝွံရ- “ယွံတဳလမၞုံပိုဉ် (ဓရ်ဂှ်) ထေက်ကဵုပွမသ္ဍိုက်မၠိုက်လောန်ရ ။ ပ ။ ကျာ်တြဲဂှ် သ္ပတမ်နူတ္ၚဲဝွံတုဲ စဵုကဵုလအိတ်လမျီု စၟတ်သမ္တီလဝ် အဲဍိက် ရဴဝွံမ္ဂး ဥပးလေပ်ပြာပ်ခစရတ်ပိပြကာညိ” ရဴဝွံ (ဂရၚ်ပတီရ)။ ယွံသဳဟ စမ်ၜတ်ဗ္စာရဏာတုဲ သ္ပညိ၊ ကုညးမဒယှ်တှ်ပြာကဋ်ဂမၠိုၚ် ညံၚ်ရဴမၞးတအ်ဂှ် စမ်ၜတ်ဗ္စာရဏာတုဲမှ သ္ပမ္ဂး ခိုဟ်ရ ရဴဝွံ (သ္ဂးရ)။ ယွံတဳလမၞုံပိုဉ် ကျာ်တြဲဂှ် “ယွံသဳဟ စမ်ၜတ်ဗ္စာရဏာတုဲ သ္ပညိ၊ ကုညးမဒယှ်တှ်ပြာကဋ်ဂမၠိုၚ် ညံၚ်ရဴမၞးတအ်ဂှ် စမ်ၜတ်ဗ္စာရဏာတုဲမှ သ္ပမ္ဂး ခိုဟ်ရ” ရဴဝွံ သ္ဂးကဵုအဲဍိက်ရ၊ နကဵုဂလာန်ဝွံလေဝ် အဲဍိက်ဂှ် မိပ်စိုတ်သ္ဍိုက်မၠိုက်လတူကျာ်တြဲ လောန်ကဵုဗၞတ်ရ။ ယွံတဳလမၞုံပိုဉ် တဳမၞုံကဵုကွေတ်မွဲသအာၚ်ဂမၠိုၚ်ဂှ် ကလိဂွံကွး ဗီုအဲဍိက်မ္ဂး “သကိုပ်ပၞာန်ဇၞော်သဳဟဂှ် အာစိုပ်ဒဒှ်ကွးပိုဲရ” ရဴဝွံ ပၠုပ်စိုတ်တုဲ ပစူပတူဇၞော်အလာံ အလုံဍုၚ်ဝေသာလဳအိုတ်ရ၊ သီုမဒှ်တဴသာ်ဂှ် ကျာ်တြဲဂှ် “ယွံသဳဟ “ယွံသဳဟ စမ်ၜတ်ဗ္စာရဏာတုဲ သ္ပညိ၊ ကုညးမဒယှ်တှ်ပြာကဋ်ဂမၠိုၚ် ညံၚ်ရဴမၞးတအ်ဂှ် စမ်ၜတ်ဗ္စာရဏာတုဲမှ သ္ပမ္ဂး ခိုဟ်ရ” ရဴဝွံ သ္ဂးကဵုအဲဍိက်ရ။ ယွံတဳလမၞုံပိုဉ် မရနုက်ကဵုၜါဝါလေဝ် အဲဍိက်ဂှ် ပြာပ်ခစကျာ်တြဲ ရဴဝွံမ္ဂး စ္ၜုဲစ္ၜော်ရ၊ ပြာပ်ခစဓရ် ရဴဝွံမ္ဂး စ္ၜုဲစ္ၜော်ရ၊ ပြာပ်ခစသၚ် ရဴဝွံမ္ဂး စ္ၜုဲစ္ၜော်ရ၊ ကျာ်တြဲဂှ် သ္ပတမ်နူတ္ၚဲဝွံတုဲ စဵုကဵုလအိတ်လမျီု စၟတ်သမ္တီလဝ် အဲဍိက် ရဴဝွံမ္ဂး ဥပးလေပ်ပြာပ်ခစ ရတ်ပိပြကာညိ ရဴဝွံ (ဂရၚ်ပတီရ)။ ယွံသဳဟ လုကဴဗ္တံတ္ၚဲမဂၠိၚ်သ္ၚောဲ သ္ၚိတၠအဲဂှ် ဟိုတ်နူဒှ်ကၠုၚ် ညံၚ်ဍာ်ကဂမၠိုၚ် နိဂဏ္ဌတအ်ဂှ်ရ ဒးကဵုဒါန်ကုၚ်ကဵုနိဂဏ္ဌ မပြာပ်ကၠုၚ်တအ်ရောၚ်ဂှ် ဂွံသတိဗှ်ဗၞုဟ်ညိ ရဴဝွံ (သ္ဂးရ)။ ယွံတဳလမၞုံပိုဉ် ကျာ်တြဲဂှ် “ယွံသဳဟ လုကဴဗ္တံတ္ၚဲမဂၠိၚ်သ္ၚောဲ သ္ၚိတၠအဲဂှ် ဟိုတ်နူဒှ်ကၠုၚ် ညံၚ်ဍာ်ကဂမၠိုၚ် နိဂဏ္ဌတအ်ဂှ်ရ ဒးကဵုဒါန်ကုၚ်ကဵုနိဂဏ္ဌ မပြာပ်ကၠုၚ်တအ်ရောၚ်ဂှ် ဂွံသတိဗှ်ဗၞုဟ်ညိ” ရဴဝွံ သ္ဂးကဵုအဲဍိက်ရ၊ နကဵုဂလာန်ဝွံလေဝ် အဲဍိက်ဂှ် မိပ်စစိုတ်သ္ဍိုက်မၠိုက် လတူတဳလမၞုံပိုဉ်ကျာ်တြဲ လောန်ကဵုဗၞတ်ရ။ ယွံတဳလမၞုံပိုဉ် ခမဳဂေါတမဂှ် တွံတဴ “ထေက်ကဵု ကဵုဒါန် ကုအဲဟေၚ်ရ၊ ဟွံထေက်ကဵု ကဵုဒါန် ကုညးတၞဟ်သအာၚ်ရ၊ ထေက်ကဵု ကဵုဒါန် ကုကွးအဲဟေၚ်ရ၊ ဟွံထေက်ကဵု ကဵုဒါန် ကုကွးညးတၞဟ်သအာၚ်ရ၊ ဒါန်မသၠးကဵုဒါန် ကုအဲဂှ်ဟေၚ် ဖဵုဇၞော်ရ၊ ဒါန်မသၠးကဵုဒါန် ကုညးတၞဟ်သအာၚ်ဂှ် ဖဵုဟွံဇၞော်ရ၊ ဒါန်မသၠးကဵုဒါန် ကုကွးအဲဂှ်ဟေၚ် ဖဵုဇၞော်ရ၊ ဒါန်မသၠးကဵုဒါန် ကုကွးညးတၞဟ်သအာၚ်ဂှ် ဖဵုဟွံဇၞော်ရ” ရဴဝွံ ဂလာန်သာ်ဝွံ အဲဍိက် ကေၚ်မိၚ်လဝ်ရ။ သီုမသှ်တဴသာ်ဂှ် ကျာ်တြဲဂှ် ကဵုအဲဍိက် ဒဂိုန်ဂိုၚ်ကေတ် ပ္ဍဲပွမကဵုဒါန် ကုနိဂဏ္ဌတအ်ဏီရ၊ ယွံတဳလမၞုံပိုဉ် ဗွဲစၟတ်မ္ဂး ပိုဲဍိက်တအ် တီတဴအခိၚ် ပ္ဍဲပွမကဵုဒါန်ဂှ်အိုတ်ရ၊ ယွံတဳလမၞုံပိုဉ် မရနုက်ကဵုပိဝါလေဝ် အဲဍိက်ဂှ် ပြာပ်ခစကျာ်တြဲ ရဴဝွံမ္ဂး စ္ၜုဲစ္ၜော်ရ၊ ပြာပ်ခစဓရ် ရဴဝွံမ္ဂး စ္ၜုဲစ္ၜော်ရ၊ ပြာပ်ခစသၚ် ရဴဝွံမ္ဂး စ္ၜုဲစ္ၜော်ရ၊ ကျာ်တြဲဂှ် သ္ပတမ်နူတ္ၚဲဝွံတုဲ စဵုကဵုလအိတ်လမျီု စၟတ်သမ္တီလဝ် အဲဍိက် ရဴဝွံမ္ဂး ဥပးလေပ်ပြာပ်ခစ ရတ်ပိပြကာညိ ရဴဝွံ (ဂရၚ်ပတီရ)။ တဳလမၞုံပိုဉ်ကျာ်တြဲ တွံကဵုဂလာန်ဓရ် ကုသကိုပ်ပၞာန်ဇၞော်သဳဟ အတိုၚ်လၟေၚ်ရ၊ ဂလာန်ဓရ်ဂှ် ညးဍေံဂှ်ရော? ဂလာန်မစပ်ကဵုဒါနကီု ။ ပ ။ အာစိုပ်ဂံၚ်သကာ (သက်လှက်) ပ္ဍဲသာသသနာကျာ်တြဲတုဲဂှ်ဒှ်တုဲ ဟွံမွဲကဵုညးလျုၚ်ပတှ်ေ မသအာၚ်နူကျာ်ဂှ်ဒှ်တုဲ “ယွံတဳလမၞုံပိုဉ် တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ် သွက်တ္ၚဲယးတေံ ဩဝ်ဒုၚ်တဲပိဏ္ဍပါတ် အဲဍိက်ညိကျာ်” ရဴဝွံ (ဂရၚ်ပတီရ)။ တဳလမၞုံပိုဉ်ကျာ်တြဲ နမမံၚ်ဒၟံၚ်သ္ၚိတ်သ္ၚိတ်ဂှ် ဒုၚ်ကေတ်တဲရ။ ပ္ဍဲအခိၚ်ဂှ် သကိုပ်ပၞာန်ဇၞော်သဳဟ တီကေတ် တဳလမၞုံပိုဉ်ကျာ်တြဲ ဒုၚ်တဲတုဲ ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲ သ္ပရှ်ေသှ်ေရဴဂဴတုဲမ္ဂး ပါဲစ္ဍးအာရ။
၂၉၄။ ပ္ဍဲကြဴနူဂှ် သကိုပ်ပၞာန်ဇၞော်သဳဟဂှ် “ယွံသကအ် ဩဝ်အာညိ၊ ဩဝ်တီကေတ် ဖျုန်ကတဵုဒှ် အလဵုလဵုဍေံညိ” ရဴဝွံ ဟီုသ္ဂးတုဲ ဖအောဝ်စကာတြုံမွဲရ။ ပ္ဍဲအခိၚ်ဂှ် ဗ္တံဂှ် လောန်ၜက်အာတုဲ သကိုပ်ပၞာန်ဇၞော်သဳဟ ကဵုစဳရေၚ်တဴ အာဟာရဘောဇိုန်မပြဲပြဲတုဲမ္ဂး “ယွံကျာ်မၞုံပိုဉ် ဒးအခိၚ်ရ၊ ပဠေဝ်လဝ်ပိဏ္ဍပါတ်တုဲရ” ရဴဝွံ ကဵုဂရၚ်ပတီ အခိၚ်ကဵုပိုန် ကုတဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်ဖလာၚ်ယး ဗိုက်ပဠေဝ်သ္ၚာတုဲ သီုမထ္ၜဂိုၚ်ရပ်ကေတ်ဗဗေၚ်သ္ၚာ မွဲဟာန်ကေုာံခမဳသၚ် က္ညပြာပ်စဴအာ သ္ၚိသကိုပ်ပၞာန်ဇၞော်သဳဟတုဲ ဂဇအ်ဒၟံၚ် ပ္ဍဲသၞာမလးပညပ်လဝ်ဂှ်ရ။ ပ္ဍဲအခိၚ်ဂှ် နိဂဏ္ဌဂမၠိုၚ်မဂၠိုၚ် ပ္ဍဲဍုၚ်ဝေသာလဳ (အာ) ဂၠံၚ်ဇၞော် မွဲဂၠံၚ်တုဲမွဲဂၠံၚ် ဂၠံၚ်သွာၚ် မွဲသွာၚ်တုဲမွဲသွာၚ် ပၚ်ယာလဝ်သပါတဲအိုတ်တုဲ “တ္ၚဲဝွံ သကိုပ်ပၞာန်ဇၞော်သဳဟ ဂစိုတ်တဴသတ် (မပ္တံကၠိက် ဗ္ၜေံ ပြေၚ် ဂၠဴ) မကြောအ်ကၠေၚ်တုဲ ဖာပ်ဗ္စခမဳဂေါတမရ၊ ခမဳဂေါတမဂှ် သီုမတီတဴ ဖျုန်ရန်တၟံတုဲ ဂစိုတ်လဝ်ဂှ် စရ၊ (ကလိဂွံ) အကုသိုလ်ကမ် သ္ပဟိုတ်ကဵုဇကုတုဲ မဂစိုတ်ရ” ရဴဝွံ က္ညာၚ်ကရေဲ ကြဵုဇာအိုတ်ရ။ ပ္ဍဲအခိၚ်ဂှ် တြုံမွဲ ပြာပ်အာဇရေၚ် သ္ၚိသကိုပ်ပၞာန်ဇၞော်သဳဟတုဲ “ယွံတၠနာဲ ဩဝ်တီညိ၊ နိဂဏ္ဌဂမၠိုၚ်မဂၠိုၚ်တအ်ဂှ် ပ္ဍဲဍုၚ်ဝေသာလဳ (အာ) ဂၠံၚ်ဇၞော် မွဲဂၠံၚ်တုဲမွဲဂၠံၚ် ဂၠံၚ်သွာၚ် မွဲသွာၚ်တုဲမွဲသွာၚ် ပၚ်ယာလဝ်သပါတဲအိုတ်တုဲ ‘တ္ၚဲဝွံ သကိုပ်ပၞာန်ဇၞော်သဳဟ ဂစိုတ်တဴသတ် (မပ္တံကၠိက် ဗ္ၜေံ ပြေၚ် ဂၠဴ) မကြောအ်ကၠေၚ်တုဲ ဖာပ်ဗ္စ ခမဳဂေါတမရ၊ ခမဳဂေါတမဂှ် သီုမတီတဴဖျုန်ရန်တၟံတုဲ ဂစိုတ်လဝ်ဂှ် စရ၊ (ကလိဂွံ အကုသိုလ်ကမ် သ္ပဟိုတ်ကဵုဇကုတုဲ မဂစိုတ်ရ' ရဴဝွံ က္ညာၚ်ကရေဲကြဵုဇာအိုတ်ရ" ရဴဝွံ ဟီုလဴစ ပ္ဍဲတမ်ကတောဝ် သကိုပ်ပၞာန်ဇၞော်သဳဟရ။ ယွံအမာံ ဟွံဒးရးရ၊ တၠနာဲနိဂဏ္ဌတအ်ဂှ် လုကဴကာလ ဗ္တံတ္ၚဲမဂၠိၚ်သ္ၚောဲ မၞုံပၟိက်ကဵုမသက္ကုဂုဏ် ကျာ်တြဲအိုတ်ရ၊ မၞုံပၟိက်ကဵုမသက္ကုဂုဏ် ဓရ်အိုတ်ရ၊ မၞုံပၟိက်ကဵုမသက္ကုဂုဏ် သၚ်အိုတ်ရ၊ တဳလပိုဉ်နိဂဏ္ဌဂမၠိုၚ်ဂှ် စောတ်စောဲမံၚ်ကျာ်တြဲ နကဵုဂလာန်ဟွံဍာံစၟတ် ဟွံမွဲပြာကဋ် မလ္ၚုသၟးဂှ် ဒေံါအိုတ်အာဟွံမာန်ရ၊ ပိုဲညးဂမၠိုၚ်တုန် ဟိုတ်နူဟိုတ်မတွံဂးလမျီုကီုလေဝ် နကဵုစေတနာမိက်ဂွံကဵုချိုတ်ဂှ် ဟွံဂစိုတ်တဴ လမျီုညးတၞဟ်အိုတ်ရ ရဴဝွံ ဟီုသ္ဂးရ။ ပ္ဍဲအခိၚ်ဂှ် သကိုပ်ပၞာန်ဇၞော်သဳဟ အလဵုလဵုဇကု ကၠောန်ၜိုတ်တဴ ခမဳသၚ် မၞုံပဓာန်ဍေံကျာ်တြဲ နကဵုစၞအာဟာရဘောဇိုန်မပြဲပြဲ စဵုကဵုတရိုပ်စိုတ် စဵုကဵုဒးဆေဝ်တာရ။ အခိၚ်ကျာ်တြဲ ကဵုပိုဉ်တုဲ ပဲါထောံတဲ နူဗဗေၚ်တုဲဂှ် သကိုပ်ပၞာန်ဇၞော်သဳဟ ဂဇအ်မံၚ်မွဲဒၞာဲရ။ သကိုပ်ပၞာန်ဇၞော်သဳဟ မဂဇအ်ဒၟံၚ်ပ္ဍဲဒၞာဲမွဲဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ် (ဒတုဲဖဵု) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြဴတုဲ ကတဵုနူဒၞာဲဂဇအ်တုဲ က္ညစ္ဍးအာရ။ ပ္ဍဲကြဴနူဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး "ယွံခမဳတအ် သီုကဵုမတီတဴ ဖျုန်ရန်တၟံတုဲ မဂပ်ဝ်ဂစိုတ်ဂှ် ဟဂပ်ဝ်သ္ပပြဘိုဂ်ရ၊ ကုခမဳမသ္ပပြဘိုဂ်ဂှ် ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ် ကဖျုန် မသ္အးဇ္ၚးနူလအိတ်ပိပြကာ မဟွံညာတ် မဟွံမိၚ် မဟွံသၠေဟ်ပၟါရ" ရဴဝွံ သ္ဂးကဵုခမဳဂမၠိုၚ်ရ။
၁၇၉။ ကဵုအခေါၚ်ကပ္ပိယဘူမိ
[ပလေဝ်ဒါန် | ပလေဝ်ဒါန် တမ်ကၞက်]၂၉၅။ ပ္ဍဲအဃောအခိၚ်ဂှ် ဍုၚ်ဝေသာလဳ ဖဲသအဳရ၊ မၞုံကဵုသြောံၜဲခိုဟ်ရ၊ မၞုံကဵုပိဏ္ဍပါတ် ကလိဂွံလောဲသွာရ၊ မိန်ထ္ၜကေတ်ဗဗေၚ် ပ္ဍဲတဲတုဲ နပွမဂ္ၚေၚ်ပိဏ္ဍပါတ် တၞဟ်နယိုပ်ယာပ် လောဲသွာရ။ ပ္ဍဲအခိၚ်ဂှ် ကုတဳလမၞုံပိုဉ်ကျာ်တြဲ ပြပ်အာဌာန်လ္ၚုသ္ၚိတ်ဇြတုဲ မပဒတဴဒၟံၚ် ဗွဲမသ္ၚိတ်ဇြဂှ် "အဲဂှ် ပ္ဍဲအခိၚ်ဒှ်ကၞောဝ်ကၠောဝ်ဗျဵု သြောံၜဲဟွံခိုဟ်တုဲ ကလိဂွံပိဏ္ဍပါတ်ဝါတ်ဂှ် ကဵုလဝ်အခေါၚ် ကုခမဳဂမၠိုၚ် ပွမတိုပ်ဒေပ်စွံ ပ္ဍဲအပ္ဍဲအကပ္ပိယကုဋဳ ပွမဖျိန်ပ္ဍဲအပ္ဍဲအကပ္ပိယကုဋဳ ပွမဖျိန်အလဵုဇကုကီု ဗဂိန်လီုမ္ဂး ပွမဒုၚ်ဗဂိန်မွဲလှ်ေပၠန်ကီု မဂပ်ဝ်ရၚ်တၠုၚ်နၚ် နူဌာန်ကဵုပိုဉ် ဌန်ဘိက်နိမန်ကီု မပ္တံသတ်ဆု မဒှ်ပ္ဍဲဂြိုပ် ဒုၚ်ဗဂိန်လဝ် ပ္ဍဲအခိၚ်နူဂယးတုဲ မစွံပတန်လဝ်ကီု မပ္တံလွာဒကှ် တမ်လွာဒကှ် မဒှ်ပ္ဍဲတၞံဒကှ်ကီုဂှ် စဵုကဵုတ္ၚဲဏအ် ခမဳဂမၠိုၚ် သ္ပပြဘိုဂ်ဒၟံၚ်အိုတ်ဏီဟာ" ရဴဝွံ ကသပ်စိုတ်ဒှ်ရ။ ပ္ဍဲအခိၚ်ဂှ် ပ္ဍဲအခိၚ်ပယာံသဝ််တ္ၚဲ တဳလမၞုံပိုဉ်ကျာ်တြဲ ဒၠိုက်ကတဵုနူဒၞာဲမသတၚ်ဒၟံၚ်တုဲ "ယွံအာနန္ဒ အဲကျာ် ပ္ဍဲအခိၚ်ဒှ်ကေယာဝ်ကၠောဝ်ဗျဵု သြောံၜဲဟွံခိုဟ်တုဲ ကလိဂွံပိဏ္ဍပါတ်ဝါတ်ဂှ် ကဵုလဝ်အခေါၚ် ကုခမဳဂမၠိုၚ် ပွမတိုပ်ဒေပ်စွံ ပ္ဍဲအပ္ဍဲအကပ္ပိယကုဋဳ ပွမဖျိန်ပ္ဍဲအပ္ဍဲအကပ္ပိယကုဋဳ ပွမဖျိန်အလဵုဇကုကီု ဗဂိန်လီုမ္ဂး ပွမဒုၚ်ဗဂိန်မွဲလှ်ေပၠန်ကီု မဂပ်ဝ်ရၚ်တၠုၚ်နၚ် နူဌာန်ကဵုပိုဉ် ဌန်ဘိက်နိမန်ကီု မပ္တံသတ်ဆု မဒှ်ပ္ဍဲဂြိုပ် ဒုၚ်ဗဂိန်လဝ် ပ္ဍဲအခိၚ်နူဂယးတုဲ မစွံပတန်လဝ်ကီု မပ္တံလွာဒကှ် တမ်လွာဒကှ် မဒှ်ပ္ဍဲတၞံဒကှ်ကီုဂှ် စဵုကဵုတ္ၚဲဏအ် ခမဳဂမၠိုၚ် သ္ပပြဘိုဂ်ဒၟံၚ်အိုတ်ဏီဟာ" ရဴဝွံ သၟာန်တဳလပိုဉ်အာနန္ဒရ။ သ္ပပြဘိုဂ်ဒၟံၚ်အိုတ်ဏီရ ယွံကျာ်မၞုံပိုဉ် ရဴဝွံ (ဂရၚ်ပတီရ)။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး "ယွံခမဳတအ် အဲကျာ် ပ္ဍဲအခိၚ်ဒှ်ကၞောဝ်ကၠောဝ်ဗျဵု သြောံၜဲဟွံခိုဟ်တုဲ ကလိဂွံပိဏ္ဍပါတ်ဝါတ်ဂှ် ကဵုလဝ်အခေါၚ် ကုခမဳဂမၠိုၚ် ပွမတိုပ်ဒေပ်စွံ ပ္ဍဲအပ္ဍဲအကပ္ပိယကုဋဳ ပွမဖျိန်ပ္ဍဲအပ္ဍဲအကပ္ပိယကုဋဳ ပွမဖျိန်အလဵုဇကုကီု ဗဂိန်လီုမ္ဂး ပွမဒုၚ်ဗဂိန်မွဲလှ်ေပၠန်ကီု မဂပ်ဝ်ရၚ်တၠုၚ်နၚ် နူဌာန်ကဵုပိုဉ် ဌန်ဘိက်နိမန်ကီု မပ္တံသတ်ဆု မဒှ်ပ္ဍဲဂြိုပ် ဒုၚ်ဗဂိန်လဝ် ပ္ဍဲအခိၚ်နူဂယးတုဲ မစွံပတန်လဝ်ကီု မပ္တံလွာဒကှ် တမ်လွာဒကှ် မဒှ်ပ္ဍဲတၞံဒကှ်ကီုဂှ် သ္ပတမ်နူတ္ၚဲဝွံတုဲ အဲကျာ် ပဲါဒဝ်ကၠေံရ။ ယွံခမဳတအ် ဘောဇိုန် မဂပ်ဝ်တိုပ်ဒေပ်စွံ ပ္ဍဲအပ္ဍဲအကပ္ပိယကုဋဳကီု ဘောဇိုန်မဂပ်ဝ်ဖျိန် ပ္ဍဲအပ္ဍဲအကပ္ပိယကုဋဳကီု ဘောဇိုန်မဂပ်ဝ်ဖျိန် အလဵုဇကုဂှ် ဟဂပ်ဝ်သ္ပပြဘိုဂ်ရ၊ ကုခမဳမသ္ပပြဘိုဂ်ဂှ် ဒးအာပတ်ဒုက္ကဋ်ရ၊ ယွံခမဳတအ် ဘောဇိုန်မဂပ်ဝ်ရၚ်တၠုၚ်နၚ် နူဌာန်ကဵုပိုဉ် ဌာန်ဘိက်နိမန်ကီု မပ္တံသတ်ဆု မဒှ်ပ္ဍဲဂြိုပ် ဒုၚ်ဗဂိန်လဝ် ပ္ဍဲအခိၚ်နူဂယးတုဲ မစွံပတန်လဝ်ကီု မပ္တံလွာဒကှ် တမ်လွာဒကှ် မဒှ်ပ္ဍဲတၞံဒကှ်ကီု ဘောဇိုန်မဟဂပ်ဝ်သ္ပအတိရိတ်ဝိနယ်ကမ်ဏီကီု ဃောကဵုပိုဉ်ဂှ် ခမဳမဆေဝ်ဒဝ်ဒး ရဴဝွံ ဒေံါရဂှ် ဟဂပ်ဝ်သ္ပပြဘိုဂ်ရ၊ ကုခမဳမသ္ပပြဘိုဂ်ဂှ် ဂပ်ဝ်ဒးသ္ဂုတ်သွာတ်ဗွဲမဗဗွဲကဵုဓရ်ရ" ရဴဝွံ သ္ဂးကဵုခမဳဂမၠိုၚ်ရ။ ပ္ဍဲအခိၚ်ဂှ် မၞိဟ်ပဒတဴပ္ဍဲဇနပိုဒ်ဂမၠိုၚ် ကဵုပတိုန် ၜဵုကီု ကၠေၚ်ကီု သ္ၚုကီု စၞစမဂၠိုၚ်ဂၠၚ်ကီု ပ္ဍဲကွဳဂမၠိုၚ်တုဲ သ္ပဝိုၚ်လဝ်ကွဳ ပ္ဍဲမုက်ထော်တြၚ်မ္ၚးအာရှာမ်တုဲ "အခိၚ်ကလိဂွံအလန် ကဵုဒါန်ပိဏ္ဍပါတ်ဂှ် ကြက်ကဵုဒါန်ပိဏ္ဍပါတ်အိုတ်ရ" ရဴဝွံ (ပၠုပ်စိုတ်တုဲ) ပဒတဴဒၟံၚ်အိုတ်ရ။ ဗြဲဇၞော်လေဝ် တိုန်ကၠုၚ်ရ၊ ပ္ဍဲအခိၚ်ဂှ် မၞိဟ်ဂမၠိုၚ် ပြာပ်အာဇရေၚ် တဳလပိုဉ်အာနန္ဒတုဲမ္ဂး "ယွံတဳလပိုဉ်အာနန္ဒ ပ္ဍဲအခိၚ်လၟုဟ် ပတိုန်လဝ် ၜဵုကီု ကၠေၚ်ကီု သ္ၚုကီု စၞစမဂၠိုၚ်ဂၠၚ်ကီု ပ္ဍဲကွဳဂမၠိုၚ်တုဲ တန်တဴဒၟံၚ်အိုတ်ရ၊ ဗြဲဇၞော်လေဝ် တိုန်ကၠုၚ်ရ၊ ယွံတဳလပိုဉ် ပသာ်ဝွံရော? ရဴဝွံ ဂရၚ်ပတီ တဳလပိုဉ် အာနန္ဒအိုတ်ရ။ ပ္ဍဲအခိၚ်ဂှ် တဳလပိုဉ်အနန္ဒ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံအာနန္ဒ ဒှ်သာ်ဂှ်မ္ဂး ယြဴဘာဖျေံစၟဳၜါလပါ်ကီု ဘာဖျေံစၟဳလပါ်ကီု ပြာသာဒ်ပန်ကၠၚ်ကီု ပြာသာဒ်ခၠုပ်ကီု ထီုဂိုဟ်ကီု မဒှ်လအိတ်မုဟ်မွဲ သၚ်မၞုံပၟိက်ရ၊ ဘာဂှ် သၟိတ်တဴရဴဝွံမ္ဂး ကပ္ပိယဘူမိတုဲ ဩဝ်ဒေပ်စွံ ပ္ဍဲဘာညိ။ ယွံခမဳတအ် ရဴဝွံ သ္ဒးသၟိတ်ရ၊ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ− "ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိၚ်တဴဘာမၞုံယၟုဝွံ ရဴဝွံမ္ဂး ကပ္ပိယဘူမိရ၊ ဣဝွံတုန် ပွမကဵုတီရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်တဴဘာမၞုံယၟုဝွံ ရဴဝွံမ္ဂး ရုၚ်ကပ္ပိယဘူမိရ၊ ယြဴကုတဳလပိုဉ်မွဲ သ္ဍိုက်မၠိုက် ပွမသၟိတ်တဴဘာမၞုံယၟုဝွံ ရဴဝွံမ္ဂး ကပ္ပိယဘူမိရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ် ဂပ်ဝ်သၟိတ်တဴဘာမၞုံယၟုဝွံ ရဴဝွံမ္ဂးကပ္ပိယဘူမိတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ" ရဴဝွံ (သ္ဒးကဵုတီရ)။ ပ္ဍဲအခိၚ်ဂှ် မၞိဟ်ဂမၠိုၚ် ၜိုဟ်ယာဂု ပ္ဍဲကပ္ပိယဘူမိ မသၟိတ်လဝ်တုဲဂှ်အိုတ်ရ၊ ဖျိန်ပိဏ္ဍပါတ်အိုတ်ရ၊ စဳရေၚ်သွအိုတ်ရ၊ ကုတ်ဒန်ဖျုန်ဂမၠိုၚ်အိုတ်ရ၊ ကရေက်အှော်အိုတ်ရ။ တဳလမၞုံပိုဉ်ကျာ်တြဲ ပ္ဍဲပယာံဖလာၚ်ဂယးဗ္တံဂှ် ဒၠိုက်ကတဵုပြဟ်ပြဟ်မ္ဂး ဂွံမိၚ်ကေတ်ဗရုရမျာၚ်သကာတ်မြဟ်ဇၞော်လှဲ ရမျာၚ်ခ္ဍာ်ဂမၠိုၚ်လ်ရိုအ်ထအဴကၠံၚ်တုဲ "ယွံအာနန္ဒ ဗရုရမျာၚ်သကာတ်မြဟ်ဇၞော်လှဲ ရမျာၚ်ခ္ဍာ်ဂမၠိုၚ် လရိုအ်ထအဴကၠံၚ်ဂှ် မုရမျာၚ်ရော? ရဴဝွံ သၟာန်တဳလပိုဉ်အာနန္ဒရ။ ယွံကျာ်မၞုံပိုဉ် ပ္ဍဲအခိၚ်ဂှ် မၞိဟ်ဂမၠိုၚ် ၜိုဟ်ယာဂု ပ္ဍဲကပ္ပိယဘူမိ မသၟိိတ်လဝ်တုဲဂှ်အိုတ်ရ၊ ဖျိန်ပိဏ္ဍပါတ်အိုတ်ရ၊ စဳရေၚ်သွအိုတ်ရ၊ ကုတ်ဒန်ဖျုန်ဂမၠိုၚ်အိုတ်ရ၊ ကရေက်အှော်အိုတ်ရ။ ယွံကျာ်မၞုံပိုဉ် ဗရုရမျာၚ်သကာတ်မြဟ်ဇၞော်လှဲ ရမျာၚ်ခ္ဍာ်ဂမၠိုၚ် လရိုအ်ထအဴကၠံၚ်ဂှ် ဗရုရမျာၚ်ဝွံရ” ရဴဝွံ (ဂရၚ်ပတီရ)။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး ‘ယွံခမဳတအ် ဟဂပ်ဝ်ပြဘိုဂ် ကပ္ပိယဘူမိ မသၟိတ်လဝ်တုဲဂှ်ရ၊ ကုခမဳမပြဘိုဂ်ဂှ် ဒးအာပတ်ဒုက္ကဋ်ရ။ ယွံခမဳတအ် ဥဿာနန္တိကကုဋဳ ဂေါနိသာဒိကုဋဳ ဂဟပတိကုဋဳ ကဵုအခေါၚ် ကပ္ပိယကုဋဳဂမၠိုၚ်ပိဂကူဝွံရ” ရဴဝွံ သ္ဂးကဵုခမဳဂမၠိုၚ်ရ။ ပ္ဍဲအခိၚ်ဂှ် တဳလပိုဉ်ယသောဇ ဂိယဲဒၟံၚ်ရ၊ သွက်တဳလပိုဉ်ဂှ် ရၚ်တၠုၚ်နၚ်ဂဥုဲဂမၠိုၚ်အိုတ်ရ၊ ဂဥုဲဂမၠိုၚ်ဂှ် ခမဳဂမၠိုၚ် တိုပ်ဒေပ်စွံလဝ် ပ္ဍဲမ္ၚးအိုတ်ရ၊ ဗ္ဂဲကၞိဟကေတ်ဇၞးဇာတ်ဂမၠိုၚ်လေဝ် ကိတ်စအိုတ်ရ၊ ကမၠတ်ဂမၠိုၚ်လေဝ် ရၚ်တၠုၚ်ကၠတ်ဏာအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ “ယွံခမဳတအ် တၞဟ်နပြဘိုဂ် ကပ္ပိယဘူမိဂှ် ကဵုအခေါၚ်ရ၊ ယွံခမဳတအ် ဥဿာနန္တိကကုဋဳ ဂေါနိသာဒိကုဋဳ ဂဟပတိကုဋဳ သမ္မုတိကုဋဳ ကဵုအခေါၚ် ကပ္ပိယကုဋဳဂမၠိုၚ်ပန်ဂကူဝွံရ” ရဴဝွံ သ္ဂးရ။ ခဏ်စတုတ္တသဳဟတုဲရ။
၁၈၀။ ဝတ္ထုသမ္ၚေဟ်မေဏ္ဍက
[ပလေဝ်ဒါန် | ပလေဝ်ဒါန် တမ်ကၞက်]၂၉၆။ ပ္ဍဲကာလမွဲအခိၚ်တေံ မေဏ္ဍကသေဌဳ ပဒတဴဒၟံၚ် ပ္ဍဲဍုၚ်ဘဒ္ဒိယရ၊ ကုမေဏ္ဍကသေဌဳဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ ကြာတ်ဓလိုပ်က္ဍိုပ်တုဲမ္ဂး ကဵုကွဟ်ကၟဟ် ဟၚ်စာတ်သြောံတုဲ ဂဇအ်ဒၟံၚ်ပ္ဍဲမ္ၚးတြၚ်မ္ဂး၊ ဗြဲသြောံဂူဖျေံ နူအကးတုဲ ကဵုပေၚ်အာ ဟၚ်စာတ်သြောံရ။ ကုဂၞကျာ်သေဌဳဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ ဂဇအ်ဒၟံၚ်ပ္ဍဲဇရေၚ်ဗ္ဒာဲ ထၟာဲပုၚ် မလုပ်ဖျိန်တောမ်မွဲတဠတ်ဟေၚ် ကေုာံထၟာဲသွမွဲမ မဒှ်တွဳတွိုၚ်ဂမၠိုၚ်တုဲ တရိုပ်ဖာပ်ဗ္စပုၚ် ကုဂကောံမၞိဟ် ဍိက်သၟာကမၠောန််မ္ဂး၊ လုကဴကာလဗၞတ်ဂၞကျာ်သေဌဳဂှ် ဟွံဒၠိုက်ကတဵုမ္ဂး ပုၚ်ဂှ် အိုတ်အာဟွံမာန်ရ။ ကုကောန်ဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ ရပ်လဝ် ထိုၚ်မွဲမ မလုပ်မွဲလ္ၚီဟေၚ်တုဲ ကဵုတဴဇွောံမ သွက်တြဴဂိတု ကုဂကောံမၞိဟ်ဍိက်သၟာကမၠောန်မ္ဂး၊ လကဴကာလဗၞတ် ကောန်သေဌဳဂှ် ရပ်လဝ်ကဵုတဲတုဲ တန်တဴဒၟံၚ်ဂှ် ဇွောံမဂှ် အိုတ်အာဟွံမာန်ရ။ ကုကောန်ခအှ်ဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ ဂဇအ်ဒၟံၚ်ပ္ဍဲဇရေၚ်ဗ္ဒာဲ နမွဲမ မလုပ်ပန်ဒြိုဏ် (ပန်ဇိပ်)တုဲ ကဵုတဴဇွောံမပုၚ် သွက်တြဴဂိတု ကုဂကောံမၞိဟ် ဍိက်သၟာကမၠောန်မ္ဂး၊ ကုကဴကာလဗၞတ် ကောန်ခအှ်ဂှ် ဟွံဒၠိုက်ကတဵုမ္ဂး ဇွောံမပုၚ်ဂှ် အိုတ်အာဟွံမာန်ရ။ ကုဍိက်ဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ နကဵုၚေက်ထဲမွဲတၞုၚ်ဓဝ် ထဲတဴမ္ဂး ပၞေတ်ထဲဂမၠိုၚ်ထပှ်ကရောၚ် ပြာကဋ်အိုတ်ရ။ (ပ္ဍဲအခိၚ်ဂှ်) သၟိၚ်ဗိမ္ဗိသာရ မၞုံယၟဒသေနိယ တၠညးမဂဓရးဂှ် “ပ္ဍဲဍုၚ်ဘဒ္ဒိယ အပ္ဍဲတွဵုရး ဍုၚ်ပိုဲညးဂမၠိုၚ် မေဏ္ဍကသေဌဳ ပဒတဴဒၟံၚ်ရဂး၊ ကုသေဌဳဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ ကြာတ်ဓလိုပ်က္ဍိုပ်တုဲမ္ဂး ကဵုကွဟ်ကၟဟ် ဟၚ်စာတ်သြောံတုဲ ဂဇအ်ဒၟံၚ်ပ္ဍဲမ္ၚးတြၚ်မ္ဂး၊ ဗြဲသြောံဂူဖျေံ နူအကးတုဲ ကဵုပေၚ်အာ ဟၚ်စာတ်သြောံရ။ ကုဂၞကျာ်သေဌဳဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ ဂဇအ်ဒၟံၚ်ပ္ဍဲဇရေၚ်ဗ္ဒာဲ ထၟာဲပုၚ် မလုပ်ဖျိန်တောမ်မွဲတဠတ်ဟေၚ် ကေုာံထၟာဲသွမွဲမ မဒှ်တွဳတွိုၚ်ဂမၠိုၚ်တုဲ တရိုပ်ဖာပ်ဗ္စပုၚ် ကုဂကောံမၞိဟ် ဍိက်သၟာကမၠောန််မ္ဂး၊ လုကဴကာလဗၞတ်ဂၞကျာ်သေဌဳဂှ် ဟွံဒၠိုက်ကတဵုမ္ဂး ပုၚ်ဂှ် အိုတ်အာဟွံမာန်ရ။ ကုကောန်ဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ ရပ်လဝ် ထိုၚ်မွဲမ မလုပ်မွဲလ္ၚီဟေၚ်တုဲ ကဵုတဴဇွောံမ သွက်တြဴဂိတု ကုဂကောံမၞိဟ်ဍိက်သၟာကမၠောန်မ္ဂး၊ လကဴကာလဗၞတ် ကောန်သေဌဳဂှ် ရပ်လဝ်ကဵုတဲတုဲ တန်တဴဒၟံၚ်ဂှ် ဇွောံမဂှ် အိုတ်အာဟွံမာန်ရ။ ကုကောန်ခအှ်ဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ ဂဇအ်ဒၟံၚ်ပ္ဍဲဇရေၚ်ဗ္ဒာဲ နမွဲမ မလုပ်ပန်ဒြိုဏ် (ပန်ဇိပ်) တုဲ ကဵုတဴဇွောံမပုၚ် သွက်တြဴဂိတု ကုဂကောံမၞိဟ် ဍိက်သၟာကမၠောန်မ္ဂး၊ ကုကဴကာလဗၞတ် ကောန်ခအှ်ဂှ် ဟွံဒၠိုက်ကတဵုမ္ဂး ဇွောံမပုၚ်ဂှ် အိုတ်အာဟွံမာန်ရ။ ကုဍိက်ဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ နကဵုၚေက်ထဲမွဲတၞုၚ်ဓဝ် ထဲတဴမ္ဂး ပၞေတ်ထဲဂမၠိုၚ်ထပှ်ကရောၚ် ပြာကဋ်အိုတ်ရ” ရဴဝွံ သ္ဂောံမိၚ်ကေတ်ရ။ ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟဒသေနိယ တၠညးမဂဓရး သ္ဂးကဵုအမာတ်ဇၞော် မလေပ်ရၚ်တၠုၚ်ကေၚ်ကာအလုံအိုတ်သီုမွဲရ- “ယွံသကအ် ပ္ဍဲဍုၚ်ဘဒ္ဒိယ အပ္ဍဲတွဵုရး ဍုၚ်ပိုဲညးဂမၠိုၚ် မေဏ္ဍကသေဌဳ ပဒတဴဒၟံၚ်ရဂး၊ ကုသေဌဳဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ ကြာတ်ဓလိုပ်က္ဍိုပ်တုဲမ္ဂး ကဵုကွဟ်ကၟဟ် ဟၚ်စာတ်သြောံတုဲ ဂဇအ်ဒၟံၚ်ပ္ဍဲမ္ၚးတြၚ်မ္ဂး၊ ဗြဲသြောံဂူဖျေံ နူအကးတုဲ ကဵုပေၚ်အာ ဟၚ်စာတ်သြောံရ။ ကုဂၞကျာ်သေဌဳဂှ် ။ ပ ။ ကုကောန်ဂှ်။ ကုကောန်ခအှ်ဂှ်။ ကုဍိက်ဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ နကဵုၚေက်ထဲမွဲတၞုၚ်ဓဝ် ထဲတဴမ္ဂး ပၞေတ်ထဲဂမၠိုၚ်ထပှ်ကရောၚ် ပြာကဋ်အိုတ်ရ၊ ယွံသကအ် ဩဝ်အာညိ၊ ဩဝ်သ္ပစဵုကဵုမတီညိ၊ သၟဟ်ညံၚ်ရဴအလဵုဇကုအဲညာတ်ကီု တုပ်သၟဟ်သာ်ဂှ် တၠအဲ ကြက်သ္ဂောံညာတ်ရ” ရဴဝွံ (သ္ဂးရ)။
၂၉၇။ “ခိုဟ်ရ ယွံသၟိၚ်ဇၞော်” ရဴဝွံ သ္ဂးတုဲ အမာတ်ဇၞော်ဂှ် ဒုၚ်ဝန် ကုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးတုဲမ္ဂး နကဵုပၞာန်မၞုံအၚ်္ဂပန်ကၞိပ် အာဍုၚ်ဘဒ္ဒိယရ။ အာအတိုၚ်လၟေၚ်လၟေၚ်မ္ဂး စိုပ်အာဍုၚ်ဘဒ္ဒိယ ဇရေၚ်မေဏ္ဍကသေဌဳတုဲ- “ယွံသေဌဳ သၟိၚ်ဇၞော် ဖအောဝ်ဗလးနၚ် အဲရ၊ ‘ယွံသကအ် ပ္ဍဲဍုၚ်ဘဒ္ဒိယ အပ္ဍဲတွဵုရး ဍုၚ်ပိုဲညးဂမၠိုၚ် မေဏ္ဍကသေဌဳ ပဒတဴဒၟံၚ်ရဂး၊ ကုသေဌဳဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ ကြာတ်ဓလိုပ်က္ဍိုပ်တုဲမ္ဂး ကဵုကွဟ်ကၟဟ် ဟၚ်စာတ်သြောံတုဲ ဂဇအ်ဒၟံၚ်ပ္ဍဲမ္ၚးတြၚ်မ္ဂး၊ ဗြဲသြောံဂူဖျေံ နူအကးတုဲ ကဵုပေၚ်အာ ဟၚ်စာတ်သြောံရ။ ကုဂၞကျာ်သေဌဳဂှ် ။ ပ ။ ကုကောန်ဂှ်။ ကုကောန်ခအှ်ဂှ်။ ကုဍိက်ဂှ် ဣဒ္ဓိကြဳဇှ်အာနုဘဴ မၞုံသဘဴရဴဝွံ နွံရ၊ နကဵုၚေက်ထဲမွဲတၞုၚ်ဓဝ် ထဲတဴမ္ဂး ပၞေတ်ထဲဂမၠိုၚ်ထပှ်ကရောၚ် ပြာကဋ်အိုတ်ရ’ ရဴဝွံ သ္ဂောံမိၚ်ကေတ်ရ၊ ယွံသကအ် ဩဝ်အာညိ၊ ဩဝ်သ္ပစဵုကဵုမတီညိ၊ သၟဟ်ညံၚ်ရဴအလဵုဇကုအဲ ညာတ်ကီု တုပ်သၟဟ်သာ်ဂှ် တၠအဲ ကြက်သ္ဂောံညာတ်ရ’ ရဴဝွံ ဗလးနၚ်ရ၊ ယွံသေဌဳ မိက်ဗဵုသ္ၚေဝ် ဣဒ္ဓိကြဳဇှ်အာနုဘဴ တၠအဲရ” ရဴဝွံ ဟီုသ္ဂးကဵုမေဏ္ဍကသေဌဳရ။ ပ္ဍဲအခိၚ်ဂှ် မေဏ္ဍကသေဌဳ ကြာတ်ဓလိုက်က္ဍိုပ်တုဲမ္ဂး ကဵုကွဟ်ကၟဟ် ဟၚ်စာတ်သြောံတုဲ ဂဇအ်ဒၟံၚ်ပ္ဍဲမ္ၚးတြၚ်ရ၊ ဗြဲသြောံဂူဖျေံ နူအကးတုဲ ကဵုပေၚ်အာ ဟၚ်စာတ်သြောံရ။ ယွံသေဌဳ ဂွံညာတ်ကေတ် ဣဒ္ဓိကြဳဇှ်အာနုဘဴ တၠအဲတုဲရ၊ မိက်ဗဵုသ္ၚေဝ် ဣဒ္ဓိကြဳဇှ်အာနုဘဴ ဂၞကျာ်သေဌဳ သမ္ဘာတၠအဲရ ရဴဝွံ ဟီုသ္ဂးရ။ ပ္ဍဲအခိၚ်ဂှ် မေဏ္ဍကသေဌဳ “မိက်ဗဵုသ္ၚေဝ်သာ်ဂှ်မ္ဂး ဩဝ်တရိုပ်ဖာပ်ဗ္စပုၚ် ပၞာန်မၞုံကဵုအၚ်္ဂပန်ကၞိပ်ညိ” ရဴဝွံ ဖအောဝ်စကာ ဂၞကျာ်သေဌဳရ။ ပ္ဍဲအခိၚ်ဂှ် ဂၞကျာ်သေဌဳဂှ် ဂဇအ်ဒၟံၚ်ပ္ဍဲဇရေၚ်ဗ္ဒာဲ ထၟာဲပုၚ်မလုပ် ဖျိန်တောမ်မွဲတဠတ်ဟေၚ် ကေုာံထၟာဲသွမွဲမ မဒှ်တွဳတွိုၚ်ဂမၠိုၚ်တုဲ တရိုပ်ဖာပ်ဗ္စပုၚ် ကုပၞာန်မၞုံကဵုအၚ်္ဂပန်ကၞိပ်ရ၊ လုကဴကာလဗၞတ်ဂၞကျာ်သေဌဳဂှ် ဟွံဒၠိုက်ကတဵုမ္ဂး ပုၚ်ဂှ် ဟွံအိုတ်ရ။ ယွံသေဌဳ ဂွံညာတ်ကေတ် ဣဒ္ဓိကြဳဇှ်အာနုဘဴ ဂၞကျာ်သေဌဳတုဲရ၊ မိက်ဗဵုသ္ၚေဝ် ဣဒ္ဓိကြဳဇှ်အာနုဘဴ ကောန်တၠအဲရ ရဴဝွံ (ဟီုသ္ဂးရ)။ ပ္ဍဲအခိၚ်ဂှ် မေဏ္ဍကသေဌဳ “မိက်ဗဵုသ္ၚေဝ်သာ်ဂှ်မ္ဂး ဩဝ်ကဵုဇွောံမ သွက်တြဴဂိတု ကုပၞာန်မၞုံကဵုအၚ်္ဂပန်ကၞိပ်ညိ” ရဴဝွံ ဖအောဝ်စကာ ကောန်ရ။ ပ္ဍဲအခိၚ်ဂှ် ကောန်မေဏ္ဍကသေဌဳဂှ် ရပ်ဠဝ် ထိုၚ်မွဲမ မလုပ်မွဲလ္ၚီဟေၚ်တုဲ ကဵုတဴဇွောံမ သွက်တြဴဂိတု ကုပၞာန်မၞုံကဵုအၚ်္ဂပန်ကၞိပ်ရ၊ လုကဴကာလဗၞတ်ကောန်သေဌဳဂှ် ရပ်လဝ်ကဵုတဲတုဲ တန်တဴဒၟံၚ်ဂှ် ဇွောံမဂှ် ဟွံအိုတ်ရ။ ယွံသေဌဳ ဂွံညာတ်ကေတ် ဣဒ္ဓိကြဳဇှ်အာနုဘဴ ကောန်တၠအဲတုဲရ၊ မိက်ဗဵုသ္ၚေတ် ဣဒ္ဓိကြဳဇှ်အာနုဘဴ ကောန်ခအှ် တၠအဲရ ရဴဝွံ (ဟီုသ္ဂးရ)။ ပ္ဍဲအခိၚ်ဂှ် မေဏ္ဍကသေဌဳ “မိက်ဗဵုသ္ၚေဝ်သာ်ဂှ်မ္ဂး ဩဝ်ကဵုဇွောံမပုၚ် သွက်တြဴဂိတု ကုပၞာန်မၞုံကဵုအၚ်္ဂပန်ကၞိပ်ညိ” ရဴဝွံ ဖအောဝ်စကာ ကောန်ခအှ်ရ။ ပ္ဍဲအခိၚ်ဂှ် ကောန်ခအှ် မေဏ္ဍကသေဌဳဂှ် ဂဇအ်ဒၟံၚ်ပ္ဍဲဇရေၚ်ဗ္ဒာဲ နမွဲမ မလုပ်ပန်ဒြိုဏ်(ပန်ဇိပ်)တုဲ ကဵုတဴဇွောံမပုၚ် သွက်တြဴဂိတု ကုပၞာန်မၞုံကဵုအၚ်္ဂပန်ကၞိပ်ရ၊ လုကဴကာလဗၞတ်ကောန်ခအှ်ဂှ် ဟွံဒၠိုက်ကတဵုမ္ဂး ဇွောံမပုၚ်ဂှ် ဟွံအိုတ်ရ။ ယွံသေဌဳ ဂွံညာတ်ကေတ် ဣဒ္ဓိကြဳဇှ်အာနုဘဴ ကောန်ခအှ် တၠအဲတုဲရ၊ မိက်ဗဵုသ္ၚေဝ် ဣဒ္ဓိကြဳဇျ်အာနုဘဴ ဍိက် တၠအဲရ ရဴဝွံ (ဟီုသ္ဂးရ)။ ယွံတၠညး ဣဒ္ဓိကြဳဇှ်အာနုဘဴ ဍိက်အဲဂှ် ထေက်ကဵုဒးဗဵုသ္ၚေဝ် ပ္ဍဲဝါဗ္ၚရ ရဴဝွံ ဟီုသ္ဂးမ္ဂး ယွံသေဌဳ ကေတ်ရ၊ ဂွံညာတ်ကေတ် ဣဒ္ဓိကြဳဇှ်အာနုဘဴ ဍိက် တၠအဲတုဲရ ရဴဝွံ (ဟီုသ္ဂးရ)။ ပ္ဍဲအခိၚ်ဂှ် အမာတ်ဇၞော်ဂှ် နကဵုပၞာန်မၞုံကဵုအၚ်္ဂပန်ကၞိပ် ကလေၚ်စဴကၠုၚ် ဍုၚ်ရာဇဂြိုဟ် မွဲလှ်ေပၠန်ရ။ ပြာပ်အာဇရေၚ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးတုဲမ္ဂး ဂရၚ်ပတီတိုန် ပရူပရာဝွံရ။
၂၉၈။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ဝေသာလဳ ဗွဲမမိပ်လဟိၚ်တုဲမ္ဂး မွဲဟာန်ကေုာံခမဳသၚ်ဂမၠိုၚ်မဂၠိုၚ်ဂၠၚ် ဗၞတ်လ္ၚီၜါကၠံမသုန်စှော် က္ညဂ္ၚေၚ်အာဒေသစာရိတ် ဍုၚ်ဘဒ္ဒိယရ၊ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် ဂေတ်ဂ္ၚေၚ်က္ညအာဒေသစာရိတ်မ္ဂး စိုပ်ဍုၚ်ဘဒ္ဒိယတုဲ သ္ပဒတဴတန်ဒၟံၚ် ပ္ဍဲဂြိုပ်မၠဵုစေဝ် ဇရေၚ်ဍုၚ်ဘဒ္ဒိယဂှ်ရ ရဴဝွံ မေဏ္ဍကသေဌဳ ဂွံမိၚ်ကေတ်ရ။ “ယွံသကအ်တအ် ခမဳဂေါတမ ကောန်သၟိၚ်သာကျဝၚ် မသ္ပခမဳ နူဂကူသၟိၚ်သာကျဝၚ်ဂှ် စိုပ်ဍုၚ်ဘဒ္ဒိယတုဲ သ္ပဒတဴတန်ဒၟံၚ် ပ္ဍဲဂြိုပ်မၠဵုစေဝ်ရဂး၊ ပရိုၚ်ဒယှ်တှ် ခိုဟ်ဆာဲ တြနာဲဂေါတမဂှ် ဗျာပ်တြးပြးဇးတိတ်အာ ရဴသာ်ဝွံရ- ‘တဳလမၞုံပိုဉ်ကျာ်တြဲဂှ် ဟိုတ်နူဟိုတ် မထေက်ဒုၚ်ပူဇဴတၟေၚ်ဝွံလေဝ် အရဟံ မ္ဂးရ၊ ဟိုတ်နူဟိုတ် မဂြၚ်တီကေတ် (ဓရ်ဂမၠိုၚ်အိုတ်သီု) အလဵုဇကု မဍာံစၟတ်ရဴဝွံလေဝ် သမ္မာသမ္ဗုဒ္ဓ မ္ဂးရ၊ ဟိုတ်နူဟိုတ် မဍိုက်ပေၚ်တဴကဵု ‘ဝိဇ္ဇာ’ဉာဏ်မတီ ‘စရဏ’ဒ္ဂေတ်လ္ၚတ်ဝွံလေဝ် ဝိဇ္ဇာစရဏသမ္ပန္န မ္ဂးရ၊ ဟိုတ်နူဟိုတ် မလေပ်သ္ဂးတဴ ဂလာန်ခိုဟ်ဆာဲဝွံလေဝ် သုဂတ မ္ဂးရ၊ ဟိုတ်နူဟိုတ် မတီတဴ လောကဝွံလေဝ် လောကဝိဒူ မ္ဂးရ၊ ဟိုတ်နူဟိုတ် မဒှ်ပူဂိုလ် ဟွံမွဲကဵုပတောံၜတ် လေပ်ဝေတ်ဗ္တောန်တဴ သတ်မထေက်ကဵုဝေတတ်ဒၠောံဗ္တောန်ဝွံလေဝ် အနုတ္တရောပုရိသဒမ္မသာရထိ မ္ဂးရ၊ ဟိုတ်နူဟိုတ် မဒှ်အာစာ မၞိဟ်ဒေဝတဴဂမၠိုၚ်ဝွံလေဝ် သတ္ထာဒေဝမနုဿာနံ မ္ဂးရ၊ ဟိုတ်နူဟိုတ် မဂြၚ်တီကေတ် ဓရ်သစ္စပန်ဂမၠိုၚ် အလဵုဇကုတုဲ မကဵုညးသ္အာၚ်ဂမၠိုၚ် တီကေတ်ဝွံလေဝ် ဗုဒ္ဓေါ မ္ဂးရ၊ ဟိုတ်နူဟိုတ် မၞုံကဵုပိုဉ်တြဴပြကာဝွံလေဝ် ဘဂဝါ မ္ဂးရ’ ရဴဝွံ (ဗျာပ်တြးပြးဇးတိတ်အာရ)။ တဳလမၞုံပိုဉ်ကျာ်တြဲဂှ် ဩကာသလောက မဒှ်မွဲဟာန်ကေုာံဒေဝတဴ မဒှ်မွဲဟာန်ကေုာံဒေဝတဴမာရ် မဒှ်မွဲဟာန်ကေုာံဗြီုဝွံကီု ဂကောံသတ် မဒှ်မွဲဟာန်ကေုာံသမဏဗြာဟ္မဏဂမၠိုၚ် သၟိၚ်ဂမၠိုၚ် မၞိဟ်ဂမၠိုၚ်ဝွံကီု် အလဵုဇကု တီကေတ် နကဵုဉာဏ်တၟေၚ်တုဲ သ္ပကေတ်ဇၞောဝ်မတ်တုဲ ဟီုတွံတဴရ၊ တဳလမၞုံပိုဉ်ကျာ်တြဲဂှ် ဝွံတဴဓရ် မၞုံကဵုပွမခိုဟ်ဆာဲတမ် မၞုံကဵုပွမခိုဟ်ဆာဲလ္ဒေါဝ် မၞုံကဵုပွမခိုဟ်ကၞောတ် မဍိုက်ပေၚ်ကဵုအရထ မဍိုက်ပေၚ်ကဵုသဒ္ဒါရ၊ စၞောန်ထ္ၜးကဵုဒ္ဂေတ်မပြဲ မသ္အးဇ္ၚး မဍိုက်ပေၚ်အလုံအိုတ်သီုရ၊ ပွမဂွံဗဵုလ္ၚောဝ် ပူဂိုလ်တၠအရှန်ဂမၠိုၚ် မၞုံသဘဴမဖှ်သာ်ဝွံဂှ် ခိုဟ်ဆာဲဟေၚ်ရ’ ရဴဝွံ ဂွံမိၚ်ကေတ်ရ။ ပ္ဍဲအခိၚ်ဂှ် မေဏ္ဍကသေဌဳ ကဵုဗ္ဂန်ကေတ် ယာန်ဂမၠိုၚ် မခိုဟ်ဆာဲ ခိုဟ်ဆာဲတအ်တုဲ တိုန်ဍိုက်ကေတ်ယာန်တအ်ဂှ်တုဲ သွက်ဂွံဗဵုလ္ၚောဝ် တဳလမၞုံပိုဉ်ကျာ်တြဲ တိတ်ကၠုၚ်နူဍုၚ်ဘဒ္ဒိယရ။ တဳဂမၠိုၚ်မဂၠိုၚ်ဂၠၚ် ညာတ်ဒးမေဏ္ဍကသေဌဳ မကၠုၚ်နူဇမ္ၚောံတုဲ “ယွံသေဌဳဇၞော် တၠအဲ အာတဴ မုရဴဌာန်မွဲရော? ရဴဝွံ သၟာန်မေဏ္ဍကသေဌဳအိုတ်ရ။ ယွံတဳလပိုဉ်တအ် အဲဍိက် ကြက်အာတဴ သွက်ဂွံဗဵုလ္ၚောဝ် ခမဳဂေါတမ မပတၠပိုဉ်တြဴပြကာ ရဴဝွံ (ဟီုသ္ဂးရ)။ ယွံသေဌဳဇၞော် တၠအဲဂှ် သီုမၞုံကဵုကွေတ် ‘ကိရိယဝါဒ’မ္ဂး မထေက်ကဵုသ္ပဖိုဟ် မုဟိုတ် ဂွံပြာပ်အာ သွက်ဂွံဗဵုလ္ၚောဝ် ခမဳဂေါတမ မၞုံကဵုကွေတ် ‘အကိရိယဝါဒ’မ္ဂး ဟွံထေက်ကဵုသ္ပဂှ်ရော? ယွံသေဌဳဇၞော် ခမဳဂေါတမဂှ် မၞုံကဵုကွေတ် ‘အကိရိယဝါဒ’မ္ဂး ဟွံထေက်ကဵုသ္ပရ၊ တွံတဴဓရ် တၞဟ်နဟွံသ္ပရ၊ နကဵုဓရ် (အကိရိယဝါဒ) ဂှ်လေဝ် ဝေတ်ဒၠောံဗ္တောန်တဴကွးဂမၠိုၚ်ရ ရဴဝွံ (သ္ဂးရ)။ ပ္ဍဲအခိၚ်ဂှ် “ဗွဲစၟတ်ဨကန် တဳလမၞုံပိုဉ်ကျာ်တြဲဂှ် ကြက်ဒှ်ကျာ် မထေက်ဒုၚ်ပူဇဴတၟေၚ်ရ၊ ဟိုတ်နူဟိုတ်ဂှ်ရ တဳဂမၠိုၚ်ဝွံ စောန်စိုတ်အိုတ်ရ” ရဴဝွံ ကသပ်ဒှ် ကုမေဏ္ဍကသေဌဳရ။ စဵုကဵုစိုပ်ဌာန် အာကဵုယာန်မာန်ဂှ် အာကဵုယာန်တုဲ စှ်ေနူယာန်တုဲ နမကွာ်တိုက်ဟေၚ် ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ်တုဲမ္ဂး ကုမေဏ္ဍကသေဌဳ မဂဇအ်မံၚ်ပ္ဍဲဒၞာဲမွဲဂှ် တဳလမၞုံပိုဉ်ကျာ်တြဲဲ တွံကဵုဂလာန်ဓရ် မဒှ်အတိုၚ်လၟေၚ်ရ၊ ဂလာန်ဓရ်ဂှ် ညးဍေံဂှ်ရော? ဂလာန်မစပ်ကဵုဒါနကီု။ ပ ။ အာစိုပ်ဂံၚ်သကာ (သက်လှက်) ပ္ဍဲသာသနာကျာ်တြဲတုဲဂှ်ဒှ်တုဲ ဟွံမွဲကဵုညးလျုၚ်ပတှ်ေ မသ္အာၚ်နူကျာ်ဂှ်ဒှ်တုဲ “ယွံတဳလမၞုံပိုဉ် (ဓရ်ဂှ်) ထေက်ကဵုသ္ဍိုက်မၠိုက်လောန်ရ။ ပ ။ ယွံတဳလမၞုံပိုဉ် အဲဍိက်ဂှ် ပြာပ်ခစသ္ပစ္ၜုဲစ္ၜော် သကအ်ဗ္ဒကဵု တဳလမၞုံပိုဉ်ကျာ်တြဲရ၊ ဓရ်ဂှ်လေဝ် ပြာပ်ခသ္ပစ္ၜုဲစ္ၜော် သကအ်ဗ္ဒရ၊ သၚ်ဂှ်လေဝ် ပြာပ်ခသ္ပစ္ၜုဲစ္ၜော်သကအ်ဗ္ဒရ ရဴဝွံ ဩဝ်ဂိုၚ်သမ္တီလဝ်ညိ၊ ယွံတဳလမၞုံပိုဉ် တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ် သွက်ဂွံကဵုပိုဉ်တ္ၚဲယးတေံ ဩဝ်ဒုၚ်တဲ ပိဏ္ဍပါတ် အဲဍိက်ညိကျာ်” ရဴဝွံ (ဂရၚ်ပတီရ)။ တဳလမၞုံပိုဉ်ကျာ်တြဲ နမဒၟံၚ်သ္ၚိတ်သ္ၚိတ်ဂှ် ဒုၚ်ကေတ်တဲရ။ ပ္ဍဲအခိၚ်ဂှ် မေဏ္ဍကသေဌဳ တီကေတ် တဳလမၞုံပိုည်ကျာ်တြဲ ဒုၚ်တဲတုဲ ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲ သ္ပရှ်ေသှ်ေရဴဂဴတုဲမ္ဂး ပါဲစ္ဍးအာရ။ ပ္ဍဲအခိၚ်ဂှ် အခိၚ်လောန်ၜက်အာဗ္တံဂှ် မေဏ္ဍကသေဌဳ ကဵုစဳရေၚ်တဴ အာဟာရဘောဇိုန်မပြဲပြဲတုဲ “ယွံကျာ်မၞုံပိုဉ် ဒးအခိၚ်ရ၊ ပဠေဝ်လဝ် ပိဏ္ဍပါတ်တုဲရ” ရဴဝွံ ကဵုဂရၚ်ပတီ အခိၚ်ကဵုပိုန် ကုတဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်ဖလာၚ်ယး ဗိုက်ပဠေဝ်သ္ၚာတုဲ သီုမထ္ၜဂိုၚ်ရပ်ကေတ်ဗဗေၚ်သ္ၚာ မွဲဟာန်ကေုာံခမဳသၚ် က္ညပြာပ်စဴအာ သ္ၚိမေဏ္ဍကသေဌဳတုဲ ဂဇအ်ဒၟံၚ် ပ္ဍဲသၞာမလးပညပ်လဝ်ဂှ်ရ။ ပ္ဍဲအခိၚ်ဂှ် သမ္ဘာ ကောန် ကောန်ခအှ် ဍိက် မေဏ္ဍကသေဌဳဂမၠိုၚ် ပြာပ်ကၠုၚ်ဇရေၚ် တဳလမၞုံပိုဉ်ကျာ်တြဲအိုတ်တုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး ဂဇအ်ဒၟံၚ် ပ္ဍဲဒၞာဲမွဲအိုတ်ရ။ တဳလမၞုံပိုဉ်ကျာ်တြဲ တွံကဵုဂလာန်ဓရ် ကုညးဂမၠိုၚ်ဂှ် အတိုၚ်လၟေၚ်ရ၊ ဂလာန်ဓရ်ဂှ် ညးဍေံဂှ်ရော?-- ဂလာန်မစပ်ကဵုဒါနကီု ။ ပ ။ အာစိုပ်ဂံၚ်သကာ (သက်လှက်) ပ္ဍဲသာသနာကျာ်တြဲတုဲဂမၠိုၚ်ဒှ်တုဲ ဟွံမွဲကဵုညးလျုၚ်ပတှ်ေ မသ္အာၚ်နူကျာ်ဂမၠိုၚ်ဒှ်တုဲ “ယွံတဳလမၞုံပိုဉ် (ဓရ်ဂှ်) ထေက်ကဵုသ္ဍိုက်မၠိုက်လောန်ရ ။ ပ ။ ယွံတဳလမၞုံပိုဉ် ပိုဲဍိက်တအ်ညးဂမၠိုၚ် ပြာပ်ခသ္ပစ္ၜုဲစ္ၜော်သကအ်ဗ္ဒးကဵု တဳလမၞုံပိုဉ်ကျာ်တြဲကီု ဓရ်ကီု သၚ်ကီုအိုတ်ရ၊ တဳလမၞုံပိုဉ်ဂှ် သ္ပတမ်နူတ္ၚဲဝွံတုဲ စဵုကဵုလအိတ်မျီု ပိုဲဍိက်တအ်ညးဂမၠိုၚ်ဂှ် ဥပးပြာပ်ခသ္ပစ္ၜုဲစ္ၜော်သကအ်ဗ္ဒဂမၠိုၚ်ရ ရဴဝွံ ဩဝ်ဂိုၚ်သမ္တီလဝ်ညိ” ရဴဝွံ ဂရၚ်ပတီအိုတ်ရ။ ပ္ဍဲအခိၚ်ဂှ် မေဏ္ဍကသေဌဳ အလဵုလဵုဇကု ကၠောန်ၜိုတ်တဴ ခမဳသၚ် မၞုံပဓာန်ဍေံကျာ်တြဲ နကဵုစၞအာဟာရဘောဇိုန်မပြဲပြဲ စဵုကဵုတရိုပ်စိုတ် စဵုကဵုဒးဆေဝ်တာတုဲ ကျာ်တြဲကဵုပိုန်တုဲ ပ္ဍဲအခိၚ်မပါဲထောံတဲ နူဗဗေၚ်တုဲဂှ် မေဏ္ဍကသေဌဳ ဂဇအ်မံၚ်မွဲဒၞာဲရ။ မေဏ္ဍကသေဌဳ မဂဇအ်ဒၟံၚ်ပ္ဍဲဒၞာဲမွဲဂှ် “ယွံကျာ်မၞုံပိုဉ် လုကဴကာလဗၞတ်တဳလမၞုံပိုဉ်ကျာ်တြဲ သ္ပဒတဴဒၟံၚ် ပ္ဍဲဍုၚ်ဘဒ္ဒိယ အဲဍိက် မိက်ဂွံကၠောန်ၜိုတ် နကဵုဝတ်ပိဏ္ဍပါတ်လၟိုန်ဒမၠိ ကုခမဳသၚ် မၞုံပဓာန်ဍေံကျာ်တြဲရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုမေဏ္ဍကသေဌဳ တီညာတ်ကေတ် (ဒတုဲဖဵု) ကဵုဒဂိုန်ဂိုၚ်ကတ်ေ(ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြဴတုဲမ္ဂး ကတဵုနူဒၞာဲမဂဇအ်တုဲ က္ညစ္ဍးအာရ။
၁၈၁။ ကဵုအခေါၚ်ဂေါရသ မသုန်သာ်
[ပလေဝ်ဒါန် | ပလေဝ်ဒါန် တမ်ကၞက်]၂၉၉။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ဍုၚ်ဘဒ္ဒိယ ဗွဲမမိပ်လဟိၚ်တုဲမ္ဂး သီုဟွံဟီုလဴဗ္စကဵု မေဏ္ဍသေဌဳဂှ် က္ညဂ္ၚေၚ်အာဒေသစာရိတ် ဍုၚ်အၚ်္ဂုတ္တရာပ မွဲဟာန်ကေုာံခမဳဂမၠိုၚ်မဂၠိုၚ်ဂၠၚ် ဗၞတ်လ္ၚီၜါကၠံမသုန်စှော်ရ။ မေဏ္ဍကသေဌဳဇၞော်ဂှ် “တဳလမၞုံပိုဉ်ကျာ်တြဲ က္ညဂ္ၚေၚ်အာဒေသစာရိတ် ဍုၚ်အၚ်္ဂုတ္တရာပ မွဲဟာန်ကေုာံခမဳသၚ်ဂမၠိုၚ်မဂၠိုၚ်ဂၠၚ် ဗၞတ်လ္ၚီၜါကၠံမသုန်စှော်ရဂး” ရဴဝွံ သ္ဂောံမိၚ်ပရိုၚ်ရ။ ပ္ဍဲအခိၚ်ဂှ် မေဏ္ဍကသေဌဳဇၞော်ဂှ် “ယွံသကအ်တအ် ဒှ်သာ်ဂှ်မ္ဂး ပတိုန် ၜဵုကီု ကၠေၚ်ကီု သ္ၚုကီု စၞစကီု မဂၠိုၚ်ဂၠၚ် ပ္ဍဲကွဳဂမၠိုၚ်တုဲ ဩဝ်ဗက်ကၠုၚ်အိုတ်ညိ၊ ဂိုၚ်ကေတ် ဂမာဂၠဴဂမၠိုၚ် လ္ၚီၜါကၠံမသုန်စှော်ကီု ဂၠဴၝောံဍာ်တှ်ဂမၠိုၚ် လ္ၚီၜါကၠံမသုန်စှော်ကီုတုဲ ပ္ဍဲဌာန်ညာတ် တဳလမၞုံပိုဉ်ကျာ်တြဲဂှ် ကြက်တရိုပ်ဖာပ်ဗ္စ နကဵုဍာ်တှ်တၟိအိုတ်ရ” ရဴဴဝွံ ဖအောဝ်စကာ ဍိက်ကေုာံသၟာကမၠောန်ဂမၠိုၚ်ရ။ ပ္ဍဲအခိၚ်ဂှ် မေဏ္ဍကသေဌဳ ဗက်ဂတာပ်အာ တဳလမၞုံပိုဉ်ကျာ်တြဲ ပ္ဍဲအကြာဂၠံၚ်တရဴ တရဴဝါတ်ဂါတ်ရ။ ပ္ဍဲအခိၚ်ဂှ် မေဏ္ဍကသေဌဳ ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ်တုဲမ္ဂး သီုမဂဇအ်မံၚ်ပ္ဍဲဒၞာဲမွဲဂှ် “ယွံတဳလမၞုံပိုဉ် တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ် သွက်ဂွံကဵုပိုန် တ္ၚဲယးတေံ ဩဝ်ဒုၚ်တဲပိဏ္ဍပါတ် အဲဍိက်ညိကျာ်” ရဴဝွံ ဂရၚ်ပတီရ။ တဳလမၞုံပိုဉ်ကျာ်တြဲ နမမံၚ်ဒၟံၚ်သ္ၚိတ်သ္ၚိတ်ဂှ် ဒုၚ်ကေတ်တဲရ။ ပ္ဍဲအခိၚ်ဂှ် မေဏ္ဍကသေဌဳ တီကေတ် တဳလမၞုံပိုဉ်ကျာ်တြဲ ဒုၚ်တဲတုဲ ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲ သ္ပရှ်ေသှ်ေရဴဂဴတုဲမ္ဂး ပါဲစ္ဍးအာရ။ ပ္ဍဲအခိၚ်ဂှ် ဗ္တံဂှ် လောန်ၜက်အာတုဲ မေဏ္ဍကသေဌဳ ကဵုစဳရေၚ်တဴ အာဟာရဘောဇိုန်မပြဲပြဲတုဲ “ယွံကျာ်မၞုံပိုဉ် ဒးအခိၚ်ရ၊ ပဠေဝ်လဝ် ပိဏ္ဍပါတ်တုဲရ” ရဴဝွံ ကဵုဂရၚ်ပတီ အခိၚ်ကဵုပိုန် ကုတဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်ဖလာၚ်ဂယး ဗိုက်ပဠေဝ်သ္ၚာတုဲ သီုမထ္ၜဂိုၚ်ရပ်ကေတ်ဗဗေၚ်သ္ၚာတုဲ မွဲဟာန်ကေုာံခမဳသၚ် က္ညပြာပ်စဴအာ သ္ၚိမေဏ္ဍကသေဌဳတုဲ ဂဇအ်ဒၟံၚ် ပ္ဍဲသၞာမလးပညပ်လဝ်ဂှ်ရ။ ပ္ဍဲအခိၚ်ဂှ် မေဏ္ဍကသေဌဳဇၞော်ဂှ် “ယွံအမာံတအ် ဒှ်သာ်ဂှ်မ္ဂး ဂိုၚ်ကေတ် ဂၠံၝောံမွဲမွဲတုဲမ္ဂး ဩတန်တဴ ပ္ဍဲဇရေၚ်ခမဳမွဲမွဲဇကုအိုတ်ညိ၊ တရိုပ်ဖာပ်ဗ္စ နကဵုဍာ်တှ်တၟိအိုတ်ရ” ရဴဝွံ ဖအောဝ်စကာ ဂမာဂၠံၚ်ဂမၠိုၚ် လ္ၚီၜါကၠံမသုန်စှော်ရ။ ပ္ဍဲအခိၚ်ဂှ် မေဏ္ဍသေဌဳ အလဵုလဵုဇကု ကၠောန်ၜိုတ်တဴ ခမဳသၚ် မၞုံပဓာန်ဍေံကျာ်တြဲ နကဵုစၞအာဟာရဘောဇိုန်မပြဲပြဲကီု နကဵုဍာ်တှ်တၟိကီု စဵုကဵုတရိုပ်စိုတ် စဵုကဵုဒးဆေဝ်တာကၠေံရ။ ခမဳဂမၠိုၚ် မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာ ရဴဝွံမ္ဂး ဟွံဂပ်ဝ်ဒှ်တုဲ ဟွံဒုၚ်ဂိုၚ်ကေတ် ဍာ်တှ်တၟိအိုတ်ရ။ ယွံခမဳတအ် ဩဝ်ဒုၚ်ဂိုၚ်ကေတ်အိုတ်ညိ၊ ဩဝ်သ္ပပြဘိုဂ်အိုတ်ညိ ရဴဝွံ (သ္ဂးရ)။ ပ္ဍဲအခိၚ်ဂှ် မေဏ္ဍကသေဌဳ အလဵုလဵုဇကု ကၠောန်ၜိုတ်တဴ ခမဳသၚ် မၞုံပဓာန်ဍေံကျာ်တြဲ နကဵုစၞအာဟာရဘောဇိုန်မပြဲပြဲကီု နကဵုဍာ်တှ်တၟိကီု စဵုကဵုတရိုပ်စိုတ် စဵုကဵုဒးဆေဝ်တာတုဲ ကျာ်တြဲ ကဵုပိုန်တုဲ ပ္ဍဲအခိၚ်မပါဲထောံတဲ နူဗဗေၚ်တုဲဂှ် မေဏ္ဍကသေဌဳ ဂဇအ်မံၚ်မွဲဒၞာဲတုဲ “ယွံကျာ်မၞုံပိုဉ် တရဴဝါတ်ဂါတ်ဂမၠိုၚ် မဟွံမွဲကဵုဍာ် မဟွံမွဲကဵုစၞဂှ် နွံအိုတ်ရ၊ သီုဟွံမွဲကဵုဇွောံမ တၞဟ်နအာဂှ် ဇြိုၚ်သန်ရ၊ ယွံတဳလမၞုံပိုဉ် အာတ်ပါန်အခေါၚ်ရ၊ တဳလမၞုံပိုဉ်ကျာ်တြဲ ကဵုအခေါၚ် ဇွောံမ ကုခမဳဂမၠိုၚ်ညိ” ရဴဝွံ ဂရၚ်ပတီရ။ ပ္ဍဲအခိၚ်ဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုမေဏ္ဍကသေဌဳ တီညာတ်ကေတ် (ဒတုဲဖဵု) ကဵုဒဂိုၚန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲမ္ဂး ကတဵုနူဒၞာဲမဂဇအ်တုဲ က္ညစ္ဍးအာရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ကဵုအခေါၚ် ရှ်သာဂၠဴမသုန်သာ် မတွံဂး ဍာ်တှ် ဍာ်တှ်ထၟတ် ဍာ်တက် ကၠေၚ်တၟိ ကၠေၚ်သွဟ်ရ။ ယွံခမဳတအ် တရဴဝါတ်ဂါတ်ဂမၠိုၚ် မဟွံမွဲကဵုဍာ် မဟွံမွဲကဵုစၞဂှ် နွံအိုတ်ရ၊ သီုဟွံမွဲကဵုဇွောံမ တၞဟ်နအာဂှ် ဇြိုၚ်သန်ရ၊ ယွံခမဳတအ် ကဵုအခေါၚ် တၞဟ်နဂၠာဲသ္ၚေဝ်ဇွောံမရ၊ ခမဳမၞုံပၟိက်ကဵုသ္ၚုဂှ် သ္ၚု၊ ခမဳမၞုံပၟိက်ကဵုၜဲမုဂ်ဂှ် ၜဲမုဂ်၊ ခမဳမၞုံပၟိက်ကဵုၜဲမးဂှ် ၜဲမး(ၜဲဇၞော်)၊ ခမဳမၞုံပၟိက်ကဵုၜဵုဂှ် ၜဵု၊ ခမဳမၞုံပၟိက်ကဵုတၚ်လာဲဂှ် တၚ်လာဲ၊ ခမဳမၞုံပၟိက်ကဵုကၠေၚ်ဂှ် ကၠေၚ်၊ ခမဳမၞုံပၟိက်ကဵုကၠေၚ်သွဟ်ဂှ် ကၠေၚ်သွဟ် (ကဵုအခေါၚ် တၞဟ်နဂၠာဲသ္ၚေဝ်ရ)။ ယွံခမဳတအ် မၞိဟ်ဂမၠိုၚ် မၞုံကဵုဓရ်သဒ္ဓါ မၞုံကဵုပွမလျုၚ်ဇြုၚ်သ္ဍိုက်ဂှ် နွံအိုတ်ရ၊ မၞိဟ်ဂမၠိုၚ်ဂှ် ‘နကဵုထဝ်သြန်ဝွံ ဩဝ်ကဵုဒါန် ဝတ္ထုမဂပ်ဝ် ကုတဳလပိုဉ်အိုတ်ညိ’ ရဴဝွံ အပ်ပြာပ်စွံလဝ် ထဝ်သြန် ပ္ဍဲတဲ ကပ္ပိယကာရဂမၠိုၚ်အိုတ်ရ၊ ယွံခမဳတအ် နူကဵုပစ္စယ်မအပ်ပြာပ်လဝ်ဂှ် တၞဟ်နသာယျေန် ပစ္စယ်မဂပ်ဝ်ဂှ် ကဵုအခေါၚ်ရ၊ ယွံခမဳတအ် နဟိုတ်ပြယာဲမမိက်ကဵုမွဲမွဲ ဂပ်ဝ်သာယျေန်ထဝ်သြန်ရ၊ ဂပ်ဝ်ဂၠာဲသ္ၚေဝ် ရဴဝွံ အဲကျာ် ဟွံတွံဟေၚ်ရ” ရဴဝွံ သ္ဂးရ။
၁၈၂။ ဝတ္ထုရသိကေဏိယ
[ပလေဝ်ဒါန် | ပလေဝ်ဒါန် တမ်ကၞက်]၃၀၀။ တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် ဂေတ်ဂ္ၚေၚ်က္ညအာဒေသစာရိတ်မ္ဂး အခိၚ်စိုပ်ကၠုၚ်ကွာန်အာပဏဂှ် ရသိကေဏိယ ဂွံမိၚ်ကေတ်ရ- “ယွံသကအ်တအ် ခမဳဂေါတမ ကောန်သၟိၚ်သာကျဝၚ် မသ္ပခမဳ နူဂကူသၟိၚ်သာကျဝၚ်ဂှ် စိုပ်ကၠုၚ်ကွာန်အာပဏရဂး၊ ပရိုၚ်ဒယှ်တှ် ခိုဟ်ဆာဲ တြနာဲဂေါတမဂှ် ဗျာပ်တြးပြးဇးတိတ်အာ ရဴသာ်ဝွံရ ။ ပ ။ ပွမဂွံဗဵုလ္ၚောဝ်တဴ ပူဂိုလ်တၠအရှန်ဂမၠိုၚ် မၞုံသဘဴမဖှ်သာ်ဝွံဂှ် ခိုဟ်ဆာဲဟေၚ်ရ” ရဴဝွံ (ဂွံမိၚ်ကေတ်ရ)။ ပ္ဍဲအခိၚ်ဂှ် “အဲ ဂွံရၚ်တၠုၚ်ဏာကဵု ကုခမဳဂေါတမ မုမွဲရော?” ရဴဝွံ ကသပ်ဒှ် ကုရသိကေဏိယရ။ ပ္ဍဲကြဴနူဂှ် ကသပ်ဒှ် ကုရသိကေဏိယ ရဴဝွံရ- “ယြဴရသိဂမၠိုၚ် မဒှ်အာစာဗဗၞးဂမၠိုၚ်ကိုပ်ကၠာ မစဳရေၚ်တဴပြကိုဟ်ဝေဒဂမၠိုၚ် မဖျေံပတိုန်ပြကိုဟ်ဝေဒဂမၠိုၚ်ဂှ် နွံဒၟံၚ်အိုတ်ရ၊ ပ္ဍဲကာလလၟုဟ်ဝွံ ဗဗၞးဂမၠိုၚ်ဂှ် ဒ္ဂေတ်ဗက်ပြကိုဟ်ဝေဒတြေံဂမၠိုၚ် ရသိဂမၠိုၚ် ဂယှ်ေဖ္ဍောတ် ပကတ်ဖျေံပတိုန် ပကောံစွံလဝ်ဂှ်တုဲ ဂယှ်ေဖ္ဍောတ်အိုတ်ရ၊ ဒ္ဂေတ်ဗက်တုဲ ဖ္ဍောတ်အိုတ်ရ၊ ဒ္ဂေတ်ဗက် အတိုၚ်နယ်ဖ္ဍောတ်ဂှ်တုဲ ဗှ်ဖ္ဍောတ်အိုတ်ရ၊ ဒ္ဂေတ်ဗက် အတိုၚ်နယ် ဖျေံပတိုန်ဂှ်တုဲ ဖျေံပတိုန်အိုတ်ရ၊ ရသိဂမၠိုၚ်ဝွံတုန် ညးဍေံဂှ်ရော? ရသိအဋ္ဌက ရသိဝါမက ရသိဝါမဒေဝ ရသိဝေဿာမိတ္တ ရသိယမတဂ္ဂိ ရသိအၚ်္ဂဳရသ ရသိဘာရဒွါဇ ရသိဝါသေဋ္ဌ ရသိကဿပ ရသိဘုဂုတအ်ရ။ ဝေၚ်ပါဲကၠေံ နူပွမစစၞဗ္တံအိုတ်တ၊ ဝေၚ်ပါဲကၠေံ နူပွမစ ပ္ဍဲဟွံသေၚ်ကဵုအခိၚ်အိုတ်ရ၊ ရသိဂမၠဒိၚ်ဂှ် သာယျေန်တဴ ဍာ်ပၠာဲဂမၠိုၚ် မၞုံသဘဴရဴဝွံအိုတ်ရ။ “ခမဳဂေါတမလေဝ် ဝေၚ်ပါဲကၠေံ နူပွမစစၞဗ္တံရ၊ ဝေၚ်ပါဲကၠေံ နူပွမစ ပ္ဍဲဟွံသေၚ်ကဵုအခိၚ်ရ၊ ခမဳဂေါတမလေဝ် ထေက်ကဵုတၞဟ်နသာယျေန်တဴ ဍာ်ပၠာ်ဂမၠိုၚ် မၞုံသဘဴရဴဝွံရ” ရဴဝွံ (ကသပ်ဒှ်ရ)။ (ချပ်ရဴသာ်ဝွံတုဲပ္ဍဲကြဴ) ကဵုစဳရေၚ် ဍာ်ပၠာဲဂမၠိုၚ်မဂၠိုၚ်ဂၠၚ်တုဲ ကဵုဂိုၚ်ကေတ် နကဵုဓလေၚ်ဂမၠိုၚ်တုဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး ဟီုဂလာန်မိပ်စိုတ်အိုဟ်တၟိုဟ် ဆက်မိတ်ကေုာံတဳလမၞုံပိုဉ်ကျာ်တြဲမွဲစွံရ၊ ဟီုပတုဲကၠေံဂလာန် ထေက်ကဵုမိပ်စိုတ်အိုဟ်တၟိုတ် ထေက်ကဵုဗှ်ဗၞုဟ်တုဲ ဂဇအ်ကေတ်ပ္ဍဲဒၞာဲမွဲတုဲမ္ဂး “ယွံတြနာဲဂေါတမ ဩဝ်ဒုၚ်ဒါန် ဍာ်ပၠာ် အဲဍိက်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံကေဏိယ ယဝ်ဒှ်သာ်ဂှ်မ္ဂး ဩဝ်ကဵုဒါန် ကုခမဳဂမၠိုၚ်ညိ ရဴဝွံ (သ္ဂးရ)။ ခမဳဂမၠိုၚ် မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာ ရဴဝွံမ္ဂး ဟွံဂပ်ဝ်ဒှ်တုဲ ဟွံဒုၚ်ဂိုၚ်ကေတ်အိုတ်ရ။ ယွံခမဳတတအ် ဩဝ်ဒုၚ်ဂိုၚ်ကေတ်အိုတ်ညိ၊ ဩဝ်သ္ပပြဘိုဂ်အိုတ် ရဴဝွံ (သ္ဂးရ)။ ပ္ဍဲအခိၚ်ဂှ် ရသိကေဏိယ အလဵုလဵုဇကု ကၠောန်ၜိုတ်တဴ ခမဳသၚ် မၞုံပဓာန်ဍေံကျာ်တြဲ နကဵုဍာ်ပၠာဲဂမၠိုၚ်မဂၠိုၚ်ဂၠၚ် စဵုကဵုတရိုပ်စိုတ် စဵုကဵုဒးဆေဝ်တာတုဲ ကျာ်တြဲ ကဵုပိုန်တုဲ ပ္ဍဲအခိၚ်မပါဲထောံတုဲ နူဗဗေၚ်တုဲဂှ် ရသိကေဏိယ မဂဇအ်မံၚ်ဒၞာဲမွဲဂှ် တဳလမၞုံပိုဉ်ကျာ်တြဲ ကဵုတီညာတ်ကေတ် (ဒတုဲဖဵု) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာရ။ ပ္ဍဲအခိၚ်ဂှ် ရသိကေဏိယဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ် (ဒတုဲဖဵု) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲမ္ဂး “တြနာဲဂေါတမ မွဲဟာန်ကေုာံခမဳသၚ် သွက်ဂွံကဵုပိုန် တ္ၚဲယးတေံ ဩဝ်ဒုၚ်တဲပိဏ္ဍပါတ် အဲဍိက်ညိကျာ်” ရဴဝွံ (ဂရၚ်ပတီရ)။ ယွံကေဏိယ ခမဳသၚ်ဂၠိုၚ်ဒၟံၚ်ရ၊ ဂကောံခမဳ မၞုံလၟိဟ်လ္ၚီၜါကၠံမသုန်စှော်ရ၊ တၠအဲတုန် ဒှ်ညးလျုၚ်ဇြုၚ်သ္ဍိုက် ပ္ဍဲဗဗၞးဂမၠိုၚ်လောန်ရ” ရဴဝွံ သ္ဂးရ။ မရနုက်ကဵုၜါဝါကီုလေဝ် ရသိကေဏိယဂှ် “ယွံတြနာဲဂေါတမ ခမဳသၚ် မၞုံလၟိဟ်လ္ၚီၜါကၠံမသုန်စှော်ဂှ် ၜိုန်ရဂၠိုၚ်ဂၠၚ်ကီုလေဝ် အဲဍိက်လေဝ် ၜိုန်ရဒှ်ညးလျုၚ်ဇြုၚ်သ္ဍိုက် ပ္ဍဲဗဗၞးဂမၠိုၚ်လောန်ကီုလေဝ်၊ တြနာဲဂေါတမ မွဲဟာန်ကေုာံခမဳ သွက်တ္ၚဲယးတေံ ဩဝ်ဒုၚ်တဲပိဏ္ဍပါတ် အဲဍိက်ညိ ရဴဝွံ ဂရၚ်ပတီ တဳလမၞုံပိုဉ်ကျာ်တြဲပၠန်ရ။ ယွံကေဏိယ ခမဳသၚ်ဂၠိုၚ်ဒၟံၚ်ရ၊ မၞုံလၟိဟ်လ္ၚီၜါကၠံမသုန်စှော်ရ၊ တၠအဲလေဝ် ဒှ်ညးလျုၚ်ဇြုၚ်သ္ဍိုက် ပ္ဍဲဗဗၞးဂမၠိုၚ်လောန်ရ ရဴဝွံ သ္ဂးရ။ မရနုက်ကဵုပိဝါကီုလေဝ် “ယွံတြနာဲဂေါတမ ခမဳသၚ် မၞုံလၟိဟ်လ္ၚီၜါကၠံမသုန်စှော်ဂှ် ၜိုန်ရဂၠိုၚ်ဂၠၚ်ကီုလေဝ် အဲဍိက်လေဝ် ၜိုန်ရဒှ်ညးလျုၚ်ဇြုၚ်သ္ဍိုက် ပ္ဍဲဗဗၞးဂမၠိုၚ်လောန်ကီုလေဝ်၊ တြနာဲဂေါတမ မွဲဟာန်ကေုာံခမဳ သွက်တ္ၚဲယးတေံ ဩဝ်ဒုၚ်တဲပိဏ္ဍပါတ် အဲဍိက်ညိ ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ နမဒၟံၚ်ထောံသ္ၚိတ်သ္ၚိတ်ဂှ် ဒုၚ်ကေတ်တုဲရ။ ပ္ဍဲအခိၚ်ဂှ် ရသိကေဏိယ တီကေတ် တဳလမၞုံပိုဉ်ကျာ်တြဲ ဒုၚ်တဲတုဲ ဒၠိုက်ကတဵုနူဒၞာဲတုဲ ပါဲစ္ဍးအာရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ကဵုအခေါၚ် ဍာ်ပၠာဲဂမၠိုၚ်ဒ္စာံသာ် မတွံဂး ဍာ်ပၠာဲသတ်ကြုက် ဍာ်ပၠာဲသတ်ကြေၚ် ဍာ်ပၠာဲသတ်ဗြာတ် ဂြိုပ် ဍာ်ပၠာဲသတ်ဗြာတ်ကွာန် ဍာ်ပၠာဲသတ်မုဒြာတ် ဍာ်ပၠာ်လွာလကိုန် ဍာ်ပၠာဲသတ်ထၞထဝ်ရ။ ယွံခမဳတအ် ဝေၚ်ကၠေံ ဍာ်သတ်သြောံတုဲ ကဵုအခေါၚ် ဍာ်သတ်အလုံအိုတ်သီုရ၊ ယွံခမဳတအ် ဝေၚ်ကၠေံ ဍာ်တၞးသၞေဝ်ကလာၚ် (သၞေဝ်တောမ်သွ) တုဲ ကဵုအခေါၚ်အလုံအိုတ်သီုရ၊ ယွံခမဳတအ် ဝေၚ်ကၠေံ ဍာ်ကဴသတ်ဗၠတ်တုဲ ကဵုအခေါၚ် ဍာ်ကဴအလုံအိုတ်သီုရ၊ ယွံခမဳတအ် ကဵုအခေါၚ် ဍာ်က္ၜဴရ” ရဴဝွံ သ္ဂးကဵုခမဳဂမၠိုၚ်ရ။ ပ္ဍဲအခိၚ်ဂှ် အခိၚ်လောန်ၜက်အာဗ္တံဂှ် ရသိကေဏိယ ကဵုစဳရေၚ်တဴ အာဟာရဘောဇိုန်မပြဲပြဲ ပ္ဍဲဘာအဿမာပိုဒ်ဇကုတုဲ “ယွံကျာ်မၞုံပိုဉ် ဒးအခိၚ်ရ၊ ပဠေဝ်လဝ် ပိဏ္ဍပါတ်တုဲရ” ရဴဝွံ ကဵုဂရၚ်ပတီ အခိၚ်ကဵုပိုန် ကုတဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်ဖလာၚ်ယး ဗိုက်ပဠေဝ်သ္ၚာတုဲ သီုမထ္ၜဂိုၚ်ရပ်ကေတ်ဗဗေၚ်သ္ၚာ မွဲဟာန်ကေုာံခမဳသၚ် က္ညပြာပ်အာဘာအဿမာပိုဒ် ရသိကေဏိယတုဲ ဂဇအ်ဒၟံၚ် ပ္ဍဲသၞာမလပ်ပညပ်လဝ်ဂှ်ရ။ ပ္ဍဲအခိၚ်ဂှ် ရသိကေဏိယဂှ် အလဵုဇကု ကၠောန်ၜိုတ်တရိုပ်ဖာပ်ဗ္စ ခမဳသၚ် မၞုံပဓာန်ဍေံကျာ်တြဲ နကဵုစၞအာဟာရဘောဇိုန်မပြဲပြဲ စဵုကဵုတရိုပ်ကဵုစိုတ် စဵုကဵုဒးဆေဝ်တာပဒေါံကၠေံတုဲ ပ္ဍဲအခိၚ်ရသိကေဏိယ တီကေတ် တဳလမၞုံပိုဉ်ကျာ်တြဲ ကဵုပိုန်တုဲ ပါဲကၠေံတဲ နူဗဗေၚ်တုဲဂှ် ဂဇအ်ဒၟံၚ် ပ္ဍဲဌာန်မဗဗွဲရ။ ရသိကေဏိယ မဂဇအ်ဒၟံၚ် ပ္ဍဲဌာန်မဗဗွဲဂှ် တဳလမၞုံပိုဉ်ကျာ်တြဲ သ္ပအနုမောဒနာ နကဵုဂါထာဂမၠိုၚ်ဝွံရ- “ပွမပူဇဴယဇ်ဂမၠိုၚ် မၞုံကဵုပွမပူဇဴပၟတ်ဟေၚ် အာဂတအိုတ်ရ၊ ဆန် မၞုံယၟုသာဝိတ္တိဂှ် ဒှ်တမ်ကိုပ်ကၠာ ပြကိုဟ်ဆန်ရ၊ သၟိၚ်ဂှ် ဒှ်သၟိၚ်သကိုပ်သက မၞိဟ်ဂမၠိုၚ်ရ၊ မှာသၟိဒ်ဂှ် ဒှ်ဇၞော်သကိုပ်သပ ၜဳဂမၠိုၚ်ရ။ ဂိတုဂှ် ဒှ်ဇၞော်သကိုပ်သပ နက္ချတ်ဂမၠိုၚ်ရ၊ တ္ၚဲဂှ် ဒှ်ဇၞော်သကိုပ်သက မပ္တံပၟတ်ကၠေၚ်သ္ဍဴမတ်မၞိက် မယးတၟးဂဵုလဟဵုဂမၠိုၚ်ရ၊ သၚ်ဂှ် ဗွဲစၟတ် ဒှ်ဟိုတ် (တသိုခ်ပိပြကာ) ဒဒက်တဴညးမပူဇဴ မၞုံပၟိက်ကဵုကုသိုလ်ဂမၠိုၚ်ရ” ရဴဝွံ (သ္ပအနုမောဒနာရ)။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပအနုမောဒနာ ရသိကေဏိယ နကဵုဂါထာဂမၠိုၚ်ဝွံတုဲ ဒၠိုက်ကတဵုနူဒၞာဲ ပါဲစ္ဍးအာရ။
၁၈၃။ ဝတ္ထုသၟိၚ်မလ္လမၞုံယၟုရောဇ
[ပလေဝ်ဒါန် | ပလေဝ်ဒါန် တမ်ကၞက်]၃၀၁။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတန်တန်ဒၟံၚ် ပ္ဍဲကွာန်အာပဏ ဗွဲမမိပ်လဟိၚ်တုဲမ္ဂး မွဲဟာန်ကေုာံခမဳသၚ်ဂမၠိုၚ်မဂၠိုၚ်ဂၠၚ် ဗၞတ်လ္ၚီၜါကၠံမသုန်စှော် က္ညဂ္ၚေၚ်အာဒေသစာရိတ် ဍုၚ်ကုသိနာရာမ်ရ။ သၟိၚ်မလ္လ ပဒတဴ ပ္ဍဲဍုၚ်ကုသိနာရာမ်ဂမၠိုၚ် “တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ်ဂမၠိုၚ်မဂၠိုၚ်ဂၠၚ် ဗၞတ်လ္ၚီၜါကၠံမသုန်စှော် က္ညစိုပ်ကၠုၚ် ဍုၚ်ကုသိနာရာမ်ရဂး” ရဴဝွံ ဂွံမိၚ်ကေတ်အိုတ်ရ။ သၟိၚ်မလ္လဂမၠိုၚ်ဂှ် “ကုညးဟွံသ္ပ ပွမဒစးဒုၚ်တၠုၚ်တရဴ ကုတဳလမၞုံပိုဉ်ကျာ်တြဲဂှ် ကဵုဒးဒစ်မသုန်ကၠံညိ” ရဴဝွံ သ္ပကတိကဝတ်အိုတ်ရ။ ပ္ဍဲအခိၚ်ဂှ် သၟိၚ်မလ္လမၞုံယၟုရောဇဂှ် ဒှ်မိတ်သဟာဲ တဳလပိုဉ်အာနန္ဒရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် ဂေတ်ၚ္ၚေၚ်က္ညအာဒေသစာရိတ်မ္ဂး စိုပ်ကၠုၚ်ဍုၚ်ကုသိနာရာမ်ရ။ ပ္ဍဲအခိၚ်ဂှ် သၟိၚ်မလ္လ ပဒတဴ ပ္ဍဲဍုၚ်ကုသိနာရာမ် ဒစးဒုၚ်တၠုၚ်တရဴ ကုတဳလမၞုံပိုဉ်ကျာ်တြဲအိုတ်ရ။ သၟိၚ်မလ္လမၞုံယၟုရောဇဂှ် ဒစးဒုၚ်တၠုၚ်တရဴ ကုတဳလမၞုံပိုဉ်ကျာ်တြဲတုဲ ပြာပ်အာဇရေၚ် တဳလပိုဉ်အာနန္ဒတုဲမ္ဂး လ္ၚောဝ်သ္ပဝတ် ဗွဲမရှ်ေသှ်ေရဴဂဴတုဲ အခိၚ်မဂဇအ်ဒၟံၚ်ပ္ဍဲဒၞာဲမွဲဂှ် “ယွံကောန်တၠရောဇ ပွမဒစးတၠုၚ်တရဴ ကုတဳလမၞုံပိုဉ်ကျာ်တြဲ တၠအဂှ် ခိုဟ်ပြဲရ” ရဴဝွံ တဳလပိုဉ်အာနန္ဒ သ္ဂးရ။ ယွံတဳလပိုဉ်အာနန္ဒ အဲဍိက်ဂှ် ပ္ဍဲကျာ်ကီု ပ္ဍဲဓရ်ကီု ပ္ဍဲသၚ်ကီု ဟွံသ္ဍိုက်မၠိုက်သၞေံသၞဴ ဗွဲမဂၠိုၚ်ရ။ ဗွဲစၟတ်တုန် သၟိၚ်မလ္လမဒှ်ကဠောဂမၠိုၚ် “ကုညးဟွံသ္ပ ပွမဒစးဒုၚ်တၠုၚ်တရဴ ကုတဳလမၞုံပိုဉ်ကျာ်တြဲဂှ် ကဵုဒးဒဏ်မသုန်ကၠံညိ” ရဴဝွံ သ္ပလဝ်ကတိကဝတ်ရ၊ ယွံတဳလပိုဉ်အာနန္ဒ အဲဍိက်ဂှ် ဟိုတ်မဖေက်ဒဏ် ကဠောဂမၠိုၚ်ဟေၚ် အဲဍိက် သ္ပပွမဒစးဒုၚ်တၠုၚ်တရဴ ကုတဳလမၞုံပိုဉ်ကျာ်တြဲရ ရဴဝွံ (ဂရၚ်ပတီရ)။ ပ္ဍဲအခိၚ်ဂှ် “မုဟိုတ် သၟိၚ်မလ္လမၞုံယၟုရောဇ ဂွံဟီုသ္ဂးရော?” ရဴဝွံ တဳလပိုဉ်အာနန္ဒ ဟွံမိပ်စိုတ်ဒှ်ရ။ ပ္ဍဲအခိၚ်ဂှ် တဳလပိုဉ်အာနန္ဒ ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ်တဳလမၞုံပိုဉ်ကျာ်တြဲတုဲမ္ဂး သီုမဂဇအ်ဒၟံၚ်ပ္ဍဲဒၞာဲမွဲဂှ် “ယွံကျာ်မၞုံပိုဉ် သၟိၚ်မလ္လမၞုံယၟုရောဇဝွံ ညးဒယှ်တှ်ပြာကဋ်ရ၊ ပွမလျုၚ်ဇြုၚ်သ္ဍိုက် ပ္ဍဲသာသနာဝွံ ညးမၞုံသဘဴရဴဝွံဂမၠိုၚ်ဂှ် မၞုံကဵုဖဵုဂၠိုၚ်ရ၊ ယွံတဳလမၞုံပိုဉ် အာတ်ပါန်အခေါၚ်ရ၊ ဩဝ်သ္ပညံၚ်သၟိၚ်မလ္လမၞုံယၟုရောဇ ဂွံလျုၚ်ဇြုၚ်သ္ဍိုက် ပ္ဍဲသာသနာညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံအာနန္ဒ ပ္ဍဲအရာကဵု သၟိၚ်မလ္လမၞုံယၟုရောဇ လျုၚ်ဇြုၚ်သ္ဍိုက်ပ္ဍဲသာသနာဝွံ ဇြိုၚ်သန်ဟွံသေၚ်ရ ရဴဝွံ (သ္ဂးရ)။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ဗျာပ်ဏာကဵု သၟိၚ်မလ္လမၞုံယၟုရောဇ နကဵုမေတ္တာစိုတ်တုဲမ္ဂး ဒပိုက်ကတဵုနူဒၞာဲတုဲ လုပ်အာဘာရ။ ပ္ဍဲအခိၚ်ဂှ် သၟိၚ်မလ္လမၞုံယၟုရောဇ ဒွံလုက်ဒး နမေတ္တာစိုတ် တဳလမၞုံပိုဉ်ကျာ်တြဲတုဲ ကောန်ဂၠံမာတှ် သၟဟ်ညံၚ်ရဴဂၠာဲမိယာဲဂၠဴၝောံဇၞော်ကီု တုပ်သၟဟ်သာ်ဂှ် ပြာပ်အာ နူဘာမွဲကဵုဘာမွဲ နူပြဝိုဏ်မွဲကဵုပြဝိုဏ်မွဲတုဲမ္ဂး “ယွံတဳလပိုဉ်တအ် ပ္ဍဲအခိၚ်လၟုဟ် တဳလမၞုံပိုဉ်ကျာ်တြဲ မထေက်ဒုၚ်ပူဇဴတၟေၚ် မဂြၚ်တီကေတ် (ဓရ်ဂမၠိုၚ်အိုတ်သီု) အလဵုဇကုမဍာံစၟတ်ဂှ် မုရဴပ္ဍဲဌာန်မွဲ သ္ပဒတဴဒၟံၚ်ရော? ပိုဲဍိက်တအ်ညးဂမၠိုၚ် နွံပၟိက် တၞဟ်နဗဵုလ္ၚောဝ် တဳလမၞုံပိုဉ်ကျာ်တြဲ မထေက်ဒုၚ်ပူဇဴတၟေၚ် မဂြၚ်တီကေတ် (ဓရ်ဂမၠိုၚ်အိုတ်သီု) အလဵုဇကု မဍာံစၟတ်ဂှ်အိုတ်ရ” ရဴဝွံ သၟာန်ခမဳဂမၠိုၚ်ရ။ ယွံကောန်တၠရောဇ ဘာ မကၟာတ်ဒဝ်လဝ်တြၚ်ဝွံ ပြာပ်အာ ဗွဲမသ္ၚိဇြတုဲ လုပ်အာ ပါၚ်မုခ်တြၚ် ဗွဲမသာဍာတုဲ ခ္ဍက်ခအေမ်တုဲမ္ဂး ဩဝ်ခ္ဍံက် ပ္ဍဲ (လဒေါဝ်ဒၞာဲမၞုံကဵု) သၞောဝ်တြၚ်ညိ၊ တဳလမၞုံပိုဉ်ကျာ်တြဲ ကြက်ပံက်ကဵုတြၚ် ကုတၠအဲရ” ရဴဝွံ သ္ဂးတဴအိုတ်ရ။ ပ္ဍဲအခိၚ်ဂှ် သၟိၚ်မလ္လမၞုံယၟုရောဇ ပြာပ်အာ ဘာမကၟာတ်ဒဝ်လဝ်တြၚ် ဗွဲမသ္ၚိတ်ဇြတုဲ လုပ်အာပါၚ်မုခ်တြၚ် ဗွဲမသာဍာတုဲ ခ္ဍက်ခအေမ်တုဲမ္ဂး ခ္ဍံက်ပ္ဍဲ (လဒေါဝ်ဒၞာဲမၞုံကဵု) သၞောဝ်တြၚ်ရ၊ တဳလမၞုံပိုဉ်ကျာ်တြဲ ပံက်ကဵုတြၚ်ရ။ သၟိၚ်မလ္လမၞုံယၟုရောဇ လုပ်အာ အပ္ဍဲဘာတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲ တွံကဵုဂလာန်ဓရ် မဒှ်အတိုၚ်လၟေၚ်ရ၊ ဂလာန်ဓရ်ဂှ် ညးဍေံဂှ်ရော? ဂလာန်မစပ်ကဵုဒါနကီု ။ ပ ။ အာစိုပ်ဂံၚ်သကာ (သက်လှက်) ပ္ဍဲသာသနာကျာတြဲတုဲဂှ်ဒှ်တုဲ ဟွံမွဲကဵုညးလျုၚ်ပတှ်ေ မသအာၚ်နူကျာ်ဂှ်ဒှ်တုဲ “ယွံတဳလမၞုံပိုဉ် အာတ်ပါန်အခေါၚ်ရ၊ တဳလပိုဉ်ဂမၠိုၚ် ဒုၚ်ဂိုၚ်ကေတ် သ္ၚာပိဏ္ဍပါတ်ဘာ ဂဥုဲ မဒှ်ကြိယာဗာပၟၚ်ပၟဲလမျီု မစှ်ေစးကဵုယဲ အဲဍိက်ဂမၠိုၚ်ဟေၚ်အိုတ်ညိ၊ လ္ပဒုၚ်ဂိုၚ်ကေတ် သ္ၚာပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲလမျီု မစှ်ေစးကဵုယဲ ညးသအာၚ်ဂမၠိုၚ်အိုတ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံရောဇ ယြဴညးဂမၠိုၚ် ညံၚ်ရဴတၠအဲကီု ဂပ်ဝ်ညာတ်ကေတ် ဓရ်သစ္စပန်ပြကာ နကဵုဉာဏ် မဒှ်ဂြပ်ပူဂိုလ်သေက္ခဂမၠိုၚ် နကဵုလညာတ် မဒှ်ဂြပ်သေက္ခဂမၠိုၚ်ရ၊ ကုညးဂမၠိုၚ်ဂှ်လေဝ် “တဳလပိုဉ်ဂမၠိုၚ် ဒုၚ်ဂိုၚ်ကေတ် သ္ၚာပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲလမျီု မစှ်ေစးကဵုယဲ ပိုဲညးဂမၠိုၚ်ဟေၚ်အိုတ်ရ၊ ဟွံဒုၚ်ဂိုၚ်ကေတ် သ္ၚာပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲလမျီု မစှ်ေစးကဵုယး ညးသအာၚ်ဂမၠိုၚ်အိုတ်မ္ဂး ခိုဟ်သန်ရ” ရဴဝွံ ကသပ်လေပ်ဒှ်ရ။ ယွံရောဇ ဟိုတ်ဂှ်ရ ကြက်ဒုၚ်ဂိုၚ်ကေတ် သ္ၚာ ပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲလမျီု မစှ်ေစးကဵုယဲ တၠအဲကီု ညးသအာၚ်ဂမၠိုၚ်ကီုအိုတ်ရ ရဴဝွံ (သ္ဂးရ)။
၃၀၂။ ပ္ဍဲအခိၚ်ဂှ် ပ္ဍဲဍုၚ်ကုသိနာရာမ် လၟေၚ်အလန်ပိဏ္ဍပါတ်မပြဲဂမၠိုၚ် တန်နွံဒၟံၚ်ရ။ ပ္ဍဲအခိၚ်ဂှ် ကုသၟိၚ်မလ္လမၞုံယၟုရောဇ မဟွံကလိဂွံအလန်ကဵုဒါန်ပိဏ္ဍပါတ်ဂှ် “အဲ မၠာ်သ္ၚေဝ်ရံၚ် ဇြပ်ကဵုပိုဉ်ရ၊ သ္ဂောံစဳရေၚ်တဴ ဝတ္ထုမဟွံညာတ်ကေတ် ပ္ဍဲဇြပ်ကဵုပိုဉ်မ္ဂး ခိုဟ်ရ” ရဴဝွံ ကသပ်ဒှ်ရ။ ပ္ဍဲကြဴနူဂှ် သၟိၚ်မလ္လမၞုံယၟုရောဇ မၠာ်သ္ၚေဝ်ရံၚ် ဇြပ်ကဵုပိုဉ်မ္ဂး ဟွံညာတ်ကေတ် သၞေဝ်သွကေုာံကွာၚ်ဝိုဟ် ဝတ္ထုဂမၠိုၚ်ၜါဂကူရ၊ ပ္ဍဲအခိၚ်ဂှ် သၟိၚ်မလ္လမၞုံယၟုရောဇ ပြာပ်အာဇရေၚ် တဳလပိုဉ်အာနန္ဒတုဲမ္ဂး “ယွံတဳလပိုဉ်အာနန္ဒ ပ္ဍဲအခိၚ်လၟုဟ် ကုအဲဍိက် မဟွံကလိဂွံအလန် ကဵုဒါန်ပိဏ္ဍပါတ်ဂှ် ‘အဲ မၠာ်သ္ၚေဝ်ရံၚ် ဇြပ်ကဵုပိုဉ်ရ၊ သ္ဂောံစဳရေၚ်တဴ ဝတ္ထုမဟွံညာတ်ကေတ် ပ္ဍဲဇြပ်ကဵုပိုဉ်မ္ဂး ခိုဟ်ရ’ ရဴဝွံ ကသပ်ဒှ်ရ။ ယွံတဳလပိုဉ်အာနန္ဒ အဲဍိက်ဂှ် မၠာ်သ္ၚေဝ်ရံၚ် ဇြပ်ကဵုပိုဉ်မ္ဂး ဟွံညာတ်ကေတ် သေယဝ်သွကေုာံကွာၚ်ဝိုဟ် တတ္ထုဂမၠိုၚ်ၜါဂကူရ၊ ယွံတဳလပိုဉ်အာနန္ဒ ယဝ်အဲဍိက် စဳရေၚ် သၞေဝ်သွကေုာံ ကွာၚ်ဝိုဟ်မ္ဂး တဳလမၞုံပိုဉ်ကျာ်တြဲ ဒုၚ်ဂိုၚ်ကေတ် သၞေဝ်သွကေုာံကွာၚ်ဝိုဟ် အဲဍိက်ဂှ်ဟာ” ရဴဝွံ ဂရၚ်ပတီရ။ ယွံရောဇ ဒှ်သာ်ဂှ်မ္ဂး ဂရၚ်ပတီ သၟာန်တဳလမၞုံပိုဉ်ကျာ်တြဲရ ရဴဝွံ (သ္ဂးရ)။ ပ္ဍဲအခိၚ်ဂှ် တဳလပိုဉ်အာနန္ဒာ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံအာနန္ဒ ဒှ်သာ်ဂှ်မ္ဂး ဩဝ်ကဵုစဳရေၚ်ညိ ရဴဝွံ (သ္ဂးရ)။ (တဳလပိုဉ်အာနန္ဒလေဝ်) ယွံရောဇ ယဝ်မိက်စဳရေၚ်သာ်ဂှ်မ္ဂး ဩဝ်စဳရေၚ်ရ ရဴဝွံ (သ္ဂးရ)။ ပ္ဍဲအခိၚ်ဂှ် သၟိၚ်မလ္လမၞုံယၟုရောဇ ပ္ဍဲအခိၚ်ကလိလောန်အာဗ္တံဂှ် ကဵုစဳရေၚ်သၞေဝ်သွကေုာံကွာၚ်ဝိုဟ်တုဲမ္ဂး “ယွံတဳလမၞုံပိုဉ် တဳလမၞုံပိုဉ်ကျာ်တြဲ ဩဝ်ဒုၚ်ဂိုၚ်ကေတ်သၞေဝ်သွကေုာံကွာၚ်ဝိုဟ် အဲဍိက်ညိ” ရဴဝွံ ဂရၚ်ပတီတုဲ ဗဂိန်ကဵုကုတဳလမၞုံပိုဉ်ကျာ်တြဲရ။ ယွံရောဇ ယဝ်ဒှ်သာ်ဂှ်မ္ဂး ဩဝ်ကဵုဒါန် ကုခမဳဂမၠိုၚ်ညိ ရဴဝွံ (သ္ဂးရ)။ ခမဳဂမၠိုၚ် မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာ ရဴဝွံမ္ဂး ဟွံဂပ်ဝ်ဒှ်တုဲ ဟွံဒုၚ်ဂိုၚ်ကေတ်အိုတ်ရ။ “ယွံခမဳတအ် ဩဝ်ဒုၚ်ဂိုၚ်ကေတ်အိုတ်ညိ၊ ဩဝ်သ္ပပြဘိုဂ်အိုတ်ညိ” ရဴဝွံ (သ္ဂးရ)။ ပ္ဍဲအခိၚ်ဂှ် သၟိၚ်မလ္လမၞုံယၟုရောဇ အလဵုဇကု ကၠောန်ၜိုတ်ဥပကာ ခမဳသၚ်မၞုံပဓာန်ဍေံကျာ်တြဲ နကဵုသၞေဝ်သွကေုာံကွာၚ်ဝိုဟ်ဂမၠိုၚ် စဵုကဵုတရိုပ်စိုတ် စဵုကဵုဒးဆေဝ်တာ ပဒေါံကၠေံတုဲမ္ဂး တဳလမၞုံပိုဉ်ကျာ်တြဲ ကဵုပိုဉ်တုဲ အခိၚ်ပါဲကၠေံတဲ နူဗဗေၚ်တုဲဂှ် ဂဇအ်ဒၟံၚ်ပ္ဍဲဒၞာဲမွဲရ။ တဳလမၞုံပိုဉ်ကျာ်တြဲဂှ် နကဵုဂလာန်ဓရ် ကဵုသၟိၚ်မလ္လမၞုံံယၟုရောဇ မဂဇအ်ဒၟံၚ်ပ္ဍဲဒၞာဲမွဲဂှ် တီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ်(ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲမ္ဂး ဒၠိုက်ကတဵုနူဒၞာဲ က္ညပါဲစ္ဍးအာရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ကဵုအခေါၚ် သၞေဝ်သွအလုံအိုတ်သီုကီု ကွာၚ်ဝိုဟ်အိုတ်သီုကီုရ” ရဴဝွံ သ္ဂးကဵုခမဳဂမၠိုၚ်ရ။
၁၈၄။ ဝတ္ထုခမဳအရကျာ်
[ပလေဝ်ဒါန် | ပလေဝ်ဒါန် တမ်ကၞက်]၃၀၃။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ကုသိနာရာမ် ဗွဲမမိပ်လဟိၚ်တုဲမ္ဂး မွဲဟာန်ကေုာံခမဳသၚ်ဂမၠိုၚ်မဂၠိုၚ်ဂၠၚ် ဗၞတ်လ္ၚီၜါကၠံမသုန်စှော် က္ညဂ္ၚေၚ်အာဒေသစာရိတ် ဍုၚ်အတုမရ။ ပ္ဍဲအခိၚ်ဂှ် ခမဳအရကျာ်မွဲဇကု မကေၚ်ဒှ်သၟာဆတ္တ သ္ပဒတဴဒၟံၚ် ပ္ဍဲဍုၚ်အာတုမရ။ ကောန်ၚာ်ဂမၠိုၚ်ၜါတၠ ကောန်ခမဳဇၞော်ဂှ်တုန် မၞုံကဵုဂလာန်သာယာအိုတ်ရ၊ မၞုံကဵုပညာစိစောန်အိုတ်ရ၊ စဳကၠးဆိုက်ဗ္ဒက် ပ္ဍဲကမၠောန်သၟာဆတ္တာဂမၠိုၚ် မဒှ်ကွတ်အ္စာဇကုအိုတ်ရ၊ ဍိုက်ပေၚ်တဴကေုာံကွတ်မဗုတ္ၜတ်အိုတ်ရ။ ခမဳဇၞော်ဂှ် “တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ်ဂမၠိုၚ်မဂၠိုၚ်ဂၠၚ် ဗၞတ်လ္ၚီၜါကၠံမသုန်စှော် က္ညကၠုၚ်ဍုၚ်အာတုမရဂး” ရဴဝွံ ဂွံမိၚ်ကေတ်ရ။ ပ္ဍဲအခိၚ်ဂှ် ခမဳဇၞော်ဂှ် “ယွံကောန်သ္ဍိုက်ဆာန်တအ် တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ်ဂမၠိုၚ်မဂၠိုၚ်ဂၠၚ် ဗၞတ်လ္ၚီၜါကၠံမသုန်စှော် က္ညကၠုၚ်ဍုၚ်အာတုမရဂး၊ ယွံကောန်သ္ဍိုက်ဆာန်တအ် ဩဝ်အာအိုတ်ညိ၊ ဂိုၚ်ကေတ်ကယျာ ၜုန်သော်တုဲ နကဵုခရော်ကီု နကဵုထိုၚ်ကီု ဩဝ်ဂေတ်ဂ္ၚေၚ် ဇၟာပ်သ္ၚိဇၟာပ်သ္ၚိအိုတ်ညိ၊ ဩဝ်ရၚ်တၠုၚ်နၚ် ၜဵုကၠေၚ်သ္ၚုစၞစဂမၠိုၚ်အိုတ်ညိ၊ ကုတဳလမၞုံပိုဉ်ကျာ် မက္ညကၠုၚ်ဂှ် ကြက်ဂွံကဵုဒါန် ယာဂုထေက်ကဵုသုၚ်အိုတ်ရ” ရဴဝွံ သ္ဂးကဵုကောန်ၚာ်ဂမၠိုၚ်ရ။ “ယွံမအံက် ခိုဟ်သန်ရ” ရဴဝွံ သ္ဂးတုဲ ကောန်ၚာ်ဂမၠိုၚ်ဂှ် ဒုၚ်ဝန် ကုခမဳဇၞော်ဂှ်တုဲမ္ဂး ဂိုၚ်ကေတ်ကယျာၜုန်သော်တုဲ နကဵုခရော်ကီု နကဵုထိုၚ်ကီု ဂေတ်ဂ္ၚေၚ် ဇၟာပ်သ္ၚိဇၟာပ်သ္ၚိအိုတ်ရ၊ ရၚ်တၠုၚ်နၚ် ၜဵုကၠေၚ်သ္ၚုစၞစဂမၠိုၚ်အိုတ်ရ။ မၞိဟ်ဂမၠိုၚ် ညာတ်ဒး ကောန်ၚာ်ဂမၠိုၚ် ရမျာၚ်လေဝ်သာယာ ပညာမစိစောန်လေဝ်နွံဂှ်တုဲ ၜိုန်ဟွံမွဲပၟိက်ကဵု တၞဟ်နပဠေဝ်ပဠေတ် သော်သၟိပ် သော်က္ဍိုပ်အိုတ်လေဝ် ကဵုပြုပြေၚ်အုတ်ရ၊ ကဵုပြုပြေၚ် ပွမပဠေဝ်ပဠေတ် သော်သၟိပ်သော်က္ဍိုပ်တုဲလေဝ် ကဵုတဴၚုဟ်လိၚ်မဂၠိုၚ်အိုတ်ရ၊ ပ္ဍဲအခိၚ်ဂှ် ကောန်ၚာ်ဂမၠိုၚ်ဂှ် ရၚ်တၠုၚ်နၚ် ၜဵုကၠေၚ်သ္ၚုစၞစဂမၠိုၚ် မဂၠိုၚ်ဂၠၚ်အိုတ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် ဂေတ်ဂ္ၚေၚ်က္ညအာဒေသစာရိတ်မ္ဂး စိုပ်ကၠုၚ်ဍုၚ်အာတုမရ။ တဳလမၞုံပိုဉ်ကျာ်တြဲ သ္ပဒတဴဒၟံၚ် ပ္ဍဲရုၚ်ဖအုံဆံက် ဇရေၚ်ဍုၚ်အာတုမရ။ ပ္ဍဲအခိၚ်ဂှ် ခမဳဇၞော်ဂှ် ပ္ဍဲအခိၚ်ကလိလောန်အာဗ္တံဂှ် ကဵုစဳရေၚ် ယာဂုမဂၠိုၚ်ဂၠၚ်တုဲမ္ဂး “ယွံတဳလမၞုံပိုဉ် တဳလမၞုံပိုဉ်ကျာ်တြဲ ဩဝ်ဒုၚ်ဂိုၚ်ကေတ် ယာဂုအဲဍိက်ညိ” ရဴဝွံ ဗဂိန်ကဵုကုတဳလမၞုံပိုဉ်ကျာ်တဲရ။ ကျာ်တြဲဂမၠိုၚ် သီုမတီတဴလေဝ် သၟာန်သၟုက်အိုတ်ရ ။ ပ ။ နကဵုဟိုတ်ဂမၠိုၚ်ၜါပြကာ မတွံဂး သိက္ခာပိုဒ်ဂှ်လေဝ် ကြက်ပညပ်တဴ ကုကွးဂမၠိုၚ်အိုတ်ရဂှ် ကျာ်တြဲ မပတၠပိုဉ်တြဴပြကာဂမၠိုၚ် သၟာန်သၟုက်တဴ ခမဳဂမၠိုၚ်အိုတ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံခမဳ ယာဂုဝွံ ကလိဂွံနၚ်နူလဵုရော?” ရဴဝွံ သၟာန်ခမဳဇၞော်ဂှ်ရ။ ပ္ဍဲအခိၚ်ဂှ် ခမဳဇၞော်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ ယွံတြုံမလ္ၚုသၟး (နူမဂ်ဖိုလ်) (ပွမတၠအဲဝွံ) ဟွံထေက်ကဵုကုခမဳဂမၠိုၚ်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရခမဳတအ် ဟွံသေၚ်ရ၊ ဟွံဂပ်ဝ်ရ၊ ဟွံထေက်ကဵုခမဳဂမၠိုၚ် သ္ပရ။ ယွံတြုံမလ္ၚုသၟး (နူမဂ်ဖိုလ်) မုဟိုတ် တၠအဲ သီုကဵုဒှ်တဴခမဳ ကဵုဒဂိုန်ဂိုၚ်ကေတ် ပ္ဍဲမဟွံဂပ်ဝ်ရော? ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ ဟဂပ်ဝ်ကဵုဒဂိုန်ဂိုၚ်ကေတ် ပ္ဍဲမဟွံဂပ်ဝ်ရ၊ ကုခမဳ မကဵုဒဂိုန်ဂိုၚ်ကေတ်ဂှ် ဒးအာပတ်ဒုက္ကဋ်ရ။ ယွံခမဳတအ် ခမဳမကေၚ်ဒှ်သၟာဆတ္တာဂှ် ဟဂပ်ဝ်ရၚ်တၠုၚ် ကယျာၜုန်သော်ရ၊ ကုခမဳ မရၚ်တၠုၚ်ဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်အာတုမ ဗွဲမမိပ်လဟိၚ်တုဲမ္ဂး က္ညဂ္ၚေၚ်အာဒေသစာရိတ် ဍုၚ်သာရဝှ်ရ။ အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်သာရဝှ်ဂှ်ရ၊ တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အရှာမ်အာနထပိဏ္ဍိကသေဌဳ ဇရေၚ်ဍုၚ်သာရဝှ်ဂှ်ရ။ ပ္ဍဲအခိၚ်ဂှ် ပ္ဍဲဍဒၚ်သာရဝှ် စၞစသတ်ဆုဂၠိုၚ်ကဵုဂကူ ဂၠိုၚ်ဂၠၚ် (လှေၚ်) ရ၊ ပ္ဍဲအခိၚ်ဂှ် “ကျာ်တြဲ ကဵုအခေါၚ် စၞစသတ်ဆုဟာ၊ ဟွံကဵုအခေါၚ်ဟာ” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ကဵုအခေါၚ် စၞစသတ်ဆုအိုတ်ရ ရဴဝွံ (သ္ဂးရ)။
၃၀၄။ ပ္ဍဲအခိၚ်ဂှ် တဵုပဠုမ်လဝ် မဗဳဇသံဃိကဂမၠိုၚ် ပ္ဍဲတိပုဂ္ဂလိကအိုတ်ရ၊ တဵုပဠုမ်လဝ် မဗဳဇပုဂ္ဂလိကဂမၠိုၚ် ပ္ဍဲတိသံဃိကအိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တဵုပဠုမ်လဝ် မဗဳဇသံဃိကဂမၠိုၚ် ပ္ဍဲတိပုဂ္ဂလိကအိုတ်မ္ဂး ကဵုစှ်သွက်မွဲသွက်တုဲ (ကဵုစသတ်တုဲ) ဒးသ္ပပြဘိုဂ်ရ၊ ကဵုပဠုမ်လဝ် မဗဳဇပုဂ္ဂလိကဂမၠိုၚ် ပ္ဍဲတိသံဃိကအိုတ်မ္ဂး ကဵုစှ်သွက် မွဲသွက်တုဲ ဒးသ္ပပြဘိုဂ်ရ ရဴဝွံ (သ္ဂးရ)။
၁၈၅။ မဟာပဒေသပန်ပြကာ
[ပလေဝ်ဒါန် | ပလေဝ်ဒါန် တမ်ကၞက်]၃၀၅။ ပ္ဍဲအခိၚ်ဂှ် “တဳလမၞုံပိုဉ်ကျာ်တြဲ ပ္ဍဲအရာလဵု အရာသာ်လဵုဂှ် ကဵုလဝ်အခေါၚ်ဂှ်ရော?” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ (၁) ယွံခမဳတအ် “အရာဝွံ ဟွံဂပ်ဝ်ရ” ရဴဝွံ ယြဴအရာမွဲ အဲကျာ် ဟဂပ်ဝ်ပါဲကၠေံရ၊ အရာဂှ် ယဝ်ဗဗွဲတဴ ကေုာံအရာမဟွံဂပ်ဝ်တုဲ စှ်ေစးကဵု အရာမဂပ်ဝ်မ္ဂး၊ အရာဂှ် ဟွံဂပ်ဝ် ကုမၞးတအ်ညးဂမၠိုၚ်ရ။ (၂) ယွံခမဳတအ် “အရာဝွံ ဟဂပ်ဝ်ရ” ရဴဝွံ ယြဴအရာမွဲ အဲကျာ် ဟဂပ်ဝ်ပါဲကၠေံရ၊ အရာဂှ် ယဝ်ဗဗွဲတဴ ကေုာံအရာမဂပ်ဝ်တုဲ စှ်ေစးကဵု အရာမဟွံဂပ်ဝ်မ္ဂး၊ အရာဂှ် ဂပ်ဝ်ကုမၞးတအ်ညးဂမၠိုၚ်ရ။ (၃) ယွံခမဳတအ် “အရာဝွံ ဂပ်ဝ်ရ” ရဴဝွံ ယြဴအရာမွဲ အဲကျာ် ဟဂပ်ဝ်ကဵုအခေါၚ်ရ၊ အရာဂှ် ယဝ်ဗဗွဲတဴ ကေုာံအရာမဂပ်ဝ်တုဲ စှ်ေစးကဵု အရာမဟွံဂပ်ဝ်မ္ဂး၊ အရာဂှ် ဟွံဂပ်ဝ် ကုမၞးတအ်ညးဂမမၠိုၚ်ရ။ (၄) ယွံခမဳတအ် “အရာဝွံ ဂပ်ဝ်ရ” ရဴဝွံ ယြဴအရာမွဲ အဲကျာ် ဟဂပ်ဝ်ကဵုအခေါၚ်ရ၊ အရာဂှ် ယဝ်ဗဗွဲတဴ ကေုာံအရာမဂပ်ဝ်တုဲ စှ်ေစးကဵု အရာမဟွံဂပ်ဝ်မ္ဂး၊ အရာဂှ် ဂပ်ဝ်ကုမၞးတအ်ညးဂမၠိုၚ်ရ ရဴဴဝွံ (သ္ဂးရ)။ ပ္ဍဲအခိၚ်ဂှ် “ယာဝကာလိက ကေုာံယာမကာလိက ဂပ်ဝ်ဟာ၊ ဟွံဂပ်ဝ်ဟာ။ ယာဝကာလိက ကေုာဲသတ္တာကာလိက ဂပ်ဝ်ဟာ၊ ဟွံဂပ်ဝ်ဟာ။ ယာဝကာလိက ကေုာံ ယာဝကာဇဳဝိက ဂပ်ဝ်ဟာ၊ ဟွံဂပ်ဝ်ဟာ။ ယာမကာလိက ကေုာံ သတ္တာဟကာလိက ဂပ်ဝ်ဟာ၊ ဟွံဂပ်ဝ်ဟာ။ ယာမကလိက ကေုာံယာဝဇဳဝိက ဂပ်ဝ်ဟာ၊ ဟွံဂပ်ဝ်ဟာ။ သတ္တာဟကာလိက ကေုာံယာဝဇဳဝိက ဂပ်ဝ်ဟာ၊ ဟွံဂပ်ဝ်ဟာ” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ယာဝကာလိက ကေုာံယာမကာလိက ဂပ်ဝ်ဒုၚ်ဗဂိန်လဝ် ပ္ဍဲတ္ၚဲဂှ်ဒှ်မ္ဂး၊ ပ္ဍဲအခိၚ်နူဂယး ဂပ်ဝ်ရ၊ ပ္ဍဲအခိၚ်တ္ၚဲစေၚ် ဟွံဂပ်ဝ်ရ၊ ယွံခမဳတအ် ယာဝကာလိကကေုာံသတ္တာဟကာလိက ဂပ်ဝ်ဒုၚ်ဗဂိန်လဝ် ပ္ဍဲတ္ၚဲဂှ်ဒှ်မ္ဂး၊ ပ္ဍဲအခိၚ်နူဂယး ဂပ်ဝ်ရ၊ ပ္ဍဲအခိၚ်တ္ၚဲစေၚ် ဟွံဂပ်ဝ်ရ။ ယွံခမဳတအ် ယာဝကာလိက ကေုာံယာဝဇဳဝိက ဂပ်ဝ်ဒုၚ်ဗဂိန်လဝ် ပ္ဍဲတ္ၚဲဂှ်ဒှ်မ္ဂး၊ ပ္ဍဲအခိၚ်နူဂယး ဂပ်ဝ်ရ၊ ပ္ဍဲအခိၚ်တ္ၚဲစေၚ် ဟွံဂပ်ဝ်ရ။ ယွံခမဳတအ် ယာမကာလိက ကေုာံသတ္တာဟကာလိက ဂပ်ဝ်ဒုၚ်ဗဂိန်လဝ် ပ္ဍဲတ္ၚဲဂှ်ဒှ်မ္ဂး၊ ပ္ဍဲအခိၚ်သ္ဂာဗ္တံ ဂပ်ဝ်ရ၊ ကလိလောန်အခိၚ်သ္ဂာဗ္တံမ္ဂး ဟွံဂပ်ဝ်ရ။ ယွံခမဳတအ် ယာမကာလိက ကေုာံယာဝဇဳဝိက ဂပ်ဝ်ဒုၚ်ဗဂိန်လဝ် ပ္ဍဲတ္ၚဲဂှ်ဒှ်မ္ဂး၊ ပ္ဍဲအခိၚ်သ္ဂာံဗ္တံ ဂပ်ဝ်ရ၊ ကလိလောန်အခိၚ်သ္ဂာံဗ္တံမ္ဂး၊ ဟွံဂပ်ဝ်ရ။ ယွံခမဳတအ် သတ္တာဟကာလိက ကေုာံယာဝဇဳဝိက ဂပ်ဝ်ဒုၚ်ဗဂိန်လဝ်ဒှ်မ္ဂး၊ လုကဴထပှ်တ္ၚဲ ဂပ်ဝ်ရ၊ ကလိလောန်ထပှ်တ္ၚဲမ္ဂး ဟွံဂပ်ဝ်ရ” ရဴဝွံ သ္ဂးရ။ ဘေသဇ္ဇက္ခန္ဓကတုဲရ။
၁၈၆။ ဘေသဇ္ဇက္ခန္ဓက ဗွဲခမ္ဍန်
[ပလေဝ်ဒါန် | ပလေဝ်ဒါန် တမ်ကၞက်]ယဲမကတဵုဒှ် ပ္ဍဲဂိတုကထိုန်၊ ပ္ဍဲအခိၚ်တ္ၚဲစေၚ်လေဝ် ကဵုအခေါၚ်ဂဥုဲ၊ ပွမနွံပၟိက်ကဵုကၠေၚ်အယိၚ် ဂဥုဲရိုဟ် ဂဥုဲခၞိက်၊ ကဵုအခေါၚ် တၞး သတ် ဇၜိုတ် ၜဵု အိက်ဂၠဴသကှ်ဂမၠိုၚ် ခၞိက်ဂဥုဲမခ္ဍိုဟ်လဝ် ဖျုန်ထၞေက် ဂဥုဲသွက်ဂွံစုတ် ပ္ဍဲယန်မတ် ထကိုအ်ယန်မတ် ထကိုအ်ယန်မတ်ဇၞော်ဇၞော်ဍောတ်ဍောတ် ဒကိုပ်ဂၟဳယန်မတ် ဇြေဟ်ယန်မတ် သွက်ဂွံစွံဇြေဟ်ယန်မတ်။ ထိုၚ်ထကိုအ်ယန်မတ် သွက်ဂွံကၟာဲဇုက် တောဝ်သွက်ဂွံဒက်ထိုၚ်ကေုာံဇုက် ကၠေၚ် သွက်ဂွံလံက်က္ဍိုပ် ခရောတ်နုဟ် တဝ်နုဟ် ပွမသုၚ်ယက် တဝ်သွက်ဂွံသုၚ်ယက် ‘ၜံက်တဝ်’ ဒကိုပ်ဂၟဳ ထိုၚ်သွက်ဂွံစုတ်တဝ်နုဟ်။ ပွမစုတ်သိအရက် ပ္ဍဲကၠေၚ်ဖျိန် ကၠေၚ်ဖျိန်စုတ်လဝ်သိအရက်ဂမၠိုၚ်လောန် ကၠေၚ်လံက်ဇိုက်တဲ ဍေၚ်ကၠေၚ် ပွမဖအၚ်ပၟတ် ‘ပွမတိတ်ပဠက်’ စုတ်ဂဥုဲတၞဟ်တၞဟ်တုဲ ကွမပတိတ်ပဠက် ခါဲကတိုၚ်ဇၞော်တုဲ ပွမပတိတ်ပဠက် စုသၠဆုပ္ဍဲကမ္တဴတုဲ ပွမပတိတ်ပဠက်။ စုတ်ဍာ်ဂမ္တဴ ပ္ဍဲဇရဳခြိုၚ်ဍာ်ဇၞော်တုဲ ပွမပတိတ်ပဠက် ပွမၜံက်ပတိတဆီ ပွမဂိုၚ်ကေတ်ဆီ နကဵုဂြၚ်သတ် ကၠေၚ်လအက်ဇိုၚ် ဂဥုဲအုပ်ဇိုၚ် ပွမပတိတိတ်ဆီ နၜုန်သၟတ် ပွမကြာတ်ဍာ်ဗ္စိုတ် ခၞိက်လ္ၚဴထၟတ်အုပ်သရ။ ယာတ်ပူဂွဳဒက်သရ ခၞိက်မရာဲ ယက် ၜုန်သော် ကၠေၚ်ဖျုန်တ္ၜတ်တိုန် သွက်ကြုဲစုတ်ဂဥုဲကီု ဂဥုဲဇၞော်ပန်ပြကာကီု ကဵုအခေါၚ်ရ၊ ခမဳအာတရဴဇၞော် ဒုၚ်ဂိုၚ်ကေတ် နကဵုတဲဂှ် ဒှ်ဒုၚ်ဗဂိန်ရ။ တိဗာန်ပ္ဍဲၚေက်ထဲ ဂမောဝ်တုၚ်ပဿဴဂၠဴ စၠန် ဂဥုဲဗ္ၜတ်ဂၞဴ ဍာ်သ္ၚုမကေဝ် ဍာ်ၜဲမုဂ် မဟဂွံခ္ဍိုဟ်လဝ် ဍာ်ၜဲမုဂ် ခ္ဍိုဟ်လဝ်ဗၞတ်ညိနာၚ်။ ဍာ်ဖျုန် ဗပါတ်တၟံ ပၟၚ်အာရှာမ် ထပှ်တ္ၚဲ တၚ်လာဲ ၜဲမုဂ် ဂဥုဲမၞုံယၟုလောဏသေသာဝဳရက ပွမဖျန်အလဵုဇကုခမဳတအ် စိန်တုဲဂှ် ပွမကလေၚ်ဟတူ။ မွဲလှ်ေပၠန် ပွမကဵုအခေါၚ် ပ္ဍဲအခိၚ်ဒှ်ကၞောဝ် သတ်ဆု လ္ၚဴတၟိ စစၞ သွက်ကိုပ်ကၠာ ဟွံဂွံကဵုပိုဉ်ဏီ ယဲဇကုဂမ္တဴ သတ်ဆုပတိတ်မတုဲထေက်ကဵုစ ယဲဘဂန္ဒိုလ် ‘ယဲမၚ်သရိုဟ်’ ပွမဒက်ဂွဳ ဥပးတြုံသုပ္ပိယ ကေုာံဥပးဗြဴသုပ္ပိယာ ဖျုန်မၞိဟ် ဖျုန်စိၚ် ဖျုန်ချေံ ဖျုန်ကၠဵု ဖျုန်ဇြုံ ဖျုန်ဇာဒိသိုၚ် ဖျုန်ဗြန် ဖျုန်ကၟီ ဖျုန်ဒိဟ်ဒး လၟေၚ်အလန်ဖာပ်သၚ် ယာဂု အမာတ်ဇၞော်မၞုံကဵုပွမလျုၚ်ဇြုၚ်သ္ဍိုက် မၜတ် ပွမပြဘိုဂ် ပ္ဍဲဌာန်မသအာၚ်နူဌာန်နိမန် တၚ်လာဲ ဇြပ်ကၟုဲဇူဒီု ဗဗၞးသုနိဓ (ဝဿကာရ) တအ်။ ဗြဴစရာဲဍုၚ်အမ္ဗပါလဳ သၟိၚ်လိစ္ဆဝဳဂမၠိုၚ် ဇရေၚ်ကြုၚ်ဂၚ်္ဂ ကွာန်ကောဋိ ဓရ်သစ္စပန် ဖျုန်ရန်တၟံတုဲဂစိုတ် ပ္ဍဲအခိၚ်ဖဲသအဳ စၞစဂၠိုၚ် ပွမပါဲကၠေဴမွဲလှ်ေပၠန်။ ဗြဴဇၞော်တိုန်ကၠုၚ် တဳလပိုဉ်ယသောဇ မေဏ္ဍကသေဌဳ ရှ်သာဍာ်တှ်ဂၠဴမသုန်သာ် ဇွောံမ ရသိကောဏိယ ကြုက် ကြေၚ် ဗြာတ် ဂြိုပ် ဗြာတ်ကွာန် ဍာ်သတ်ဗၠတ် ဍာ်သတ်မုဒ်ဒြာတ် ‘ဍာ်သတ်မုဒ်ဒြာတ်နှဴရဴကဵုဍာ်’ လွာလကိုန်။ သတ်ထၞထဝ် သွသၞေဝ် စၞစဝိုဟ် ခမဳဇၞော်မကေၚ်ဒှ်သၟာဆတ္တာ ပ္ဍဲဍုၚ်အာတုမ၊ ပ္ဍဲဍုၚ်သာရဝှ် သတ်ဆုလှေၚ်၊ ပွမတဵုမဠုမ်မဗဳဇ၊ ပ္ဍဲဝတ္ထုမိက်ကဵုမွဲမွဲ ပွမဒှ် ‘သံသယကုက်ကုစ္စ’ ပွမချပ်သၠေဟ်ပၟာ၊ တွံကဵုကာလိကပန်ပြကာ၊ ဣဝွံတုန် ဗွဲခမ္ဍန်ရ။ ပ္ဍဲဘေသဇ္ဇက္ခန္ဓကဝွံ ဝတ္ထုတုန် ကၠံတြဴဝတ္ထုရ။ ဘေသဇ္ဇက္ခန္ဓကတုဲရ။
၇။ ကထိနက္ခန္ဓက
[ပလေဝ်ဒါန် | ပလေဝ်ဒါန် တမ်ကၞက်]၁၈၇။ ကဵုအခေါၚ်ကထိုန်
[ပလေဝ်ဒါန် | ပလေဝ်ဒါန် တမ်ကၞက်]၃၀၆။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳကောန်ညးပါဝေယျကရးဂမၠိုၚ် ဗၞတ်ပိစှော်ဇကု အလုမ်အိုတ်သီု ဒဂိုန်ဒ္ဂေတ် ဓုတၚ်ပိဏ္ဍပါတ် ဓုတၚ်ပံသုကူ ဓုတၚ်တိစဳဝရိက်အိုတ်ရ။ (ခမဳဂမၠိုၚ်ဂှ်) သွက်ဂွံဗဵုလ္ၚောဝ် တဳလမၞုံပိုဉ်ကျာ်တြဲ က္ညကၠုၚ်ဍုၚ်သာရဝှ် အိုတ်မ္ဂး ကြပ်ညောန် ကဵုလုပ်ဒဂိုန်ဒှ်တုဲ သွက်ဂွံဂတာပ်တ္ၚဲလုပ်ဒဂိုန် ပ္ဍဲဍုၚ်သာရဝှ်ဂှ် ဟွံသၟဟ်ရထအိုတ်ရ၊ ဒးပြာပ်လုပ်ဒ္ဂိုန် ပ္ဍဲဍုၚ်သာကေတ မဒှ်အကြာဂၠံၚ်တရဴအိုတ်ရ။
ခမဳဂမၠိုၚ်ဂှ် “နူဍုၚ်သာကေတ မဒှ်ဇရေၚ်ပိုဲညးဂမၠိုၚ်ဝွံ ပ္ဍဲဌာန်တြဴယောဇနာတေံ တဳလမၞုံပိုဉ်ကျာ်တြဲ သ္ပဒတဴဒၟံၚ်ရ၊ ပိုဲညးဂမၠိုၚ် ဟွံကလိဂွံအခေါၚ်ဗဵုလ္ၚောဝ် တဳလမၞုံပိုဉ်ကျာ်တြဲအိုတ်ရ” ရဴဝွံ သီုဟွံမိပ်လဟိၚ်ဂှ် ဒးပြာပ်လုပ်ဒဂိုန်အိုတ်ရ။
ပ္ဍဲဲကြနူဂှ် “နူဍုၚ်သာကေတ မဒှ်ဇရေၚ်ပိုဲညးဂမၠိုၚ်ဝွံ ပ္ဍဲဌာန်တြဴယောဇနာတေံ တဳလပိုဉ်ကျာ်တြဲ သ္ပဒတဴဒၟံၚ်ရ၊ ပိုဲညးဂမၠိုၚ် ဟွံကလိဂွံအခေါၚ်ဗဵုလ္ၚာဝ် တဳလပိုဉ်ကျာ်တြဲအိုတ်” ရဴဝွံ သီုဟွံမိပ်လဟိၚ်ဂှ် ဒးပြာပ်လုပ်ဒဂိုန်အိုတ်ရ။
ပ္ဍဲကြဴနူဂှ် ခမဳဂမၠိုၚ်ဂှ် ကလိလောန်အာပိဂိတုတုဲ အခိၚ်လိုက်ဝသ် သ္ပပဝါရဏာတုဲမ္ဂး ဗြဲဇၞော်ဂူတုဲ ပ္ဍဲလှိုက်သရီု မၞုံကဵုဍာဲခၠိုၚ်ဒၟံၚ်ဂှ် နကဵုသ္ၚာဂမၠိုၚ်မပေၚ်တဴနကဵုဍာ် သီုမၞုံသဘဴမဍောၚ်ၜိုတ် ပြာပ်အာဇရေၚ် ဌာန်တဳလမၞုံပိုဉ်ကျာ်တြဲမၞုံ ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဋ္ဌဳ ဇရေၚ်ဍုၚ်သာရဝှ်ဂှ်အိုတ်တုဲလ္ၚောဝ်သ္ပဝတ်တဳလမၞုံပိုဉ်ကျာ်တြဲတုဲမ္ဂး ဂဇအ်ဒၟံၚ်ပ္ဍဲဒၞဲါမွဲအိုတ်ရ။ ပွမဟီုဂလာန်ဆက်မိတ် ဗွဲမမိပ်စိုတ်အိုဟ်တၟိုဟ် ကေုာံခမဳအာဂန္တုကဂမၠိုၚ်မွဲစွံဂှ် ဒှ်အခိုက်အလေံ တဳလမၞုံပိုဉ်ကျာ်တြဲဂမၠိုၚ်ရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံခမဳတအ် မိပ်ဇြိပ်ထတ်ယုက်အိုတ်ဟာ၊ ယိုပ်ယာပ်အိုတ်ဟာ၊ ညဳသာသၟဟ်သၟန် မိပ်စိုတ်အိုဟ်တၟိုဟ် သီုဟွံကယျာန်ဓဝါတ်သေက်ဇဵုဂမၠိုၚ်ဂှ် သ္ဂောံပြာပ်လုပ်ဒဂိုန် ဗွဲတသိုခ်အိုတ်ရဟာ၊ သွက်ပိဏ္ဍပါတ်လေဝ် သီုဟွံဒှ်လၟောၚ်ဍောၚ်ၜိုတ် နွံအိုတ်ရဟာ” ရဴဝွံ သၟာန်တိုန် ခမဳဂမၠိုၚ်ဂှ်−
မိပ်ဇြိပ်ထတ်ယုက်အိုတ်ရ ယွံကျာ်မၞုံပိုဉ်၊ ယိုပ်ယာပ်အိုတ်ရ ယွံကျာ်မၞုံပိုဉ်၊ ညဳသာသၟဟ်သၟန် မိပ်စိုတ်အိုဟ်တၟိုဟ် သီုဟွံကယျာန်ဓဝါတ်သေက်ဇဵုဂမၠိုၚ်ဂှ် သ္ဂောံပြာပ်လုပ်ဒဂိုန် ဗွဲတသိုခ်အိုတ်ရ ယွံကျာ်မၞုံပိုဉ်၊ သွက်ပိဏ္ဍပါတ်လေဝ် သီုဟွံဒှ်လၟောၚ်ဍောၚ်ၜိုတ် နွံအိုတ်ရ ယွံကျာ်မၞုံပိုဉ်၊ ပ္ဍဲအခိၚ်လၟုဟ် ပိုဲဍိက်တအ်ညးဂမၠိုၚ် မဒှ်ကောန်ညးပါဝေယျကရးဂမၠိုၚ် ဗၞတ်ပိစှော်ဇကု သွက်ဂွံဗဵုလ္ၚောဝ် တဳလမၞုံပိုဉ်ကျာ်တြဲ က္ညကၠုၚ်ဍုၚ်သာရဝှ်အိုတ်မ္ဂး ကြပ်ညောန်ကဵုလုပ်ဒဂိုန်တုဲ သွက်ဂွံဂတာပ်တ္ၚဲလုပ်ဒဂိုန် ဍုၚ်သာရဝှ်ဂှ် ဟွံသၟဟ်ရထအိုတ်ရ၊ ဒးပြာပ်လုပ်ဒဂိုန် ဍုၚ်သာကေတ မဒှ်အကြာဂၠံၚ်တရဴအိုတ်ရ။
ယွံကျာ်မၞုံပိုဉ် ပိုဲဍိတက်တအ်ညးဂမၠိုၚ်ဂှ် “နူဍုၚ်သာကေတ မဒှ်ဇရေၚ်ပိုဲညးဂမၠိုၚ်ဝွံ ပ္ဍဲဌာန်တြဴယောဇနာတေံ တဳလမၞုံပိုဉ်ကျာ်တြဲ သ္ပဒတဴဒၟံၚ်ရ၊ ပိုဲညးဂမၠိုၚ် ဟွံကလိအခေါၚ်ဗဵုလ္ၚောဝ် တဳလမၞုံပိုဉ်ကျာ်တြဲအိုတ်ရ” ရဴဝွံ သီုဟွံမိပ်လဟိၚ်ဂှ် ဒးပြာပ်လုပ်ဒဂိုန်အိုတ်ရ။ ယွံကျာ်မၞုံပိုဉ် ပ္ဍဲအခိၚ်ဂှ် ပိုဲဍိက်တအ်ညးဂမၠိုၚ် ကလိလောန်အာပိဂိတု ပ္ဍဲအခိၚ်လိုက်ဝှ် သ္ပပဝါဏာတုဲမ္ဂး ဗြဲဇၞော်ဂူတုဲ ပ္ဍဲလှိုက်သရီု မၞုံကဵုဍာ်ခၠိုၚ်ဒၟံၚ်ဂှ် နကဵုသ္ၚာမပေၚ်တဴနကဵုဍာ် သီုမၞုံကဳုသဘဴမဍောၚ်ၜိုတ်အိုတ်ဂှ် သ္ဒးကၠုၚ်တဴ တရဴအဓါန်ဂၠိၚ်သ္ၚောဲအိုတ်ရ” ရဴဝွံ (ဂရၚ်ပတီအိုတ်ရ)။
ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲအိုတ်မ္ဂး “ယွံခမဳတအ် ကုခမဳမဒၠိုက်ကတဵုနူဝသ်ဂှ် ကဵုအခေါၚ် တၞဟ်နလလးကထိုန်ရ၊ ယွံခမဳတအ် ကုခမဳမလလးကထိုန်တုဲဂမၠိုၚ်ဂှ် သီုဟွံဂရၚ်ပတီ ခမဳနွံတဴပြာကဋ်တုဲ ပွမက္ညအာသ္ၚိဒကာမာန်၊ သီုဟွံဂိုၚ်ကေတ် သ္ၚာပတိုန်လဝ် အဓိဌာန်တိစဳဝရိက်ဂှ် ပွမက္ညအာမာန်၊ ပွမစဂဏဘောဇိုန်မာန်၊ အတိုၚ်နွံပၟိက် ပွမပကၚ်ရၚ်သ္ၚာမဟွံသ္ပအဓိဌာန်ဝိကပ္ပနမာန်၊ ဇၟာပ်သ္ၚာမကတဵုဒှ်ကၠုၚ် ပ္ဍဲဘာလလးကထိုန်ဂှ် ပွမဒးဒှ် ကုခမဳမလလးကထိုန်တုဲဂမၠိုၚ် ကလိဂွံအာနိသံသဂမၠိုၚ်မသုန်သာ်ဝွံအိုတ်ရ ရဴဝွံ ဟီုတွံရ။
ယွံခမဳတအ် ကုခမဳမလလးကထိုန်တုဲဂမၠိုၚ် ကြက်ကလိဂွံ ဖဵုဂမၠိုၚ်မသုန်သာ်ဝွံအိုတ်ရ ယွံခမဳတအ် ရဴဝွံ သ္ဒးလလးကထိုန်အိုတ်ရ၊ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ−
၃၀၇။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ယာတ်သ္ၚာလလးကထိုန်ဝွံ ကတဵုဒှ်ကၠုၚ် ကုသၚ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ တၞဟ်နလလးကထိုန် သၚ်ကဵုတဴ ယာတ်သ္ၚာလလးကထိုန်ဝွံ ကုခမဳမၞုံယၟုဝွံရ၊ ဣဝွံတုန် ပွမကဵုတီရ။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ယာတ်သ္ၚာလလးကထိုန်ဝွံ ကတဵုဒှ်ကၠုၚ် ကုသၚ်ရ၊ တၞဟ်နလလးကထိုန် သၚ်ကဵုတဴ ယာတ်သ္ၚာလလးကထိုန်ဝွံ ကုခမဳ မၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုက်တၞဟ်နလလးကထိုန် ပွမကဵုတဴယာတ်သ္ၚာလလးကထိုန်ဝွံ ကုခမဳ မၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
တၞဟ်နလလးကထိုန် သၚ် ဂပ်ဝ်ကဵုတဴ ယာတ်သ္ၚာလလးကထိုန်ဝွံ ကုခမဳမၞုံယၟုဝွံ တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
၃၀၈။ ယွံခမဳတအ် အတိုၚ်သ္ဂးကၠုၚ်တုဲဝွံ လလးမ္ဂး ဒှ်လလးကထိုန်ရ၊ အတိုၚ်ကြက်သ္ဂးဂတဝွံ လလးမ္ဂး ဟွံဒှ်လလးကထိုန်ရ။ ယွံခမဳတအ် မုရဴသာ်လဵု လလးမ္ဂးဂှ် ဟွံဒှ်လလးကထိုန်ရောမ္ဂးဂှ်တုန်− နအယာံမာတ်ဂိုၚ်ကေတ် ဗၞတ်ဗ္ၜတ်ဇမၠိၚ် အနာံဂှ် ဟွံဒှ်လလးကထိုန်ရ။ နအယာံမာတ်မလပိုက်ကြဴကြာတ်ဂှ် ဟွံဒှ်လလးကထိုန်ရ။
နအယာံမာတ်မစဳရေၚ် မပ္တံကဵုမသုန်ခဏ် ထပှ်ခဏ် ပ္ဍဲကဵုသ္ၚာဂှ် ဟွံဒှ်လလးကထိုန်ရ။ နအယာံမာတ်မရေက်ကုတ်ဂှ် ဟွံဒှ်လလးကထိုန်ရ။ နအယာံမာတ်မကၞောတ်လဝ်ယာတ်ဂှ် ဟွံဒှ်လလးကထိုန်။ နအယာံမာတ်မဇိၚ်ဇၟိၚ်မဗက်အာလၟေၚ်မကၞောတ်လဝ်ယာတ်ဂှ် ဟွံဒှ်လလးကထိုန်ရ။ နအယာံမာတ်မဇိၚ်အုတ်စုတ်ယာတ်ဂၠးဂှ် ဟွံဒှ်လလးကထိုန်ရ။ နအယာံမာတ်မဖျပ်ဂၠးၜါဂှ် ဟွံဒှ်လလးကထိုန်ရ။ နအယာံမာတ်မထပ်အမာတ်ဇၠိၚ်ဂှ် ဟွံဒှ်လလးကထိုန်ရ။ နအယာံမာတ်မထပ်အမာတ်အနာံဂှ် ဟွံဒှ်လလးကထိုန်ရ။ နအယာံမာတ်မပတိုန်ဂၠးအာဂန္တုကဂှ် ဟွံဒှ်လလးကထိုန်ရ။ နအယာံမာတ်မဖျောန်ဍာ်လွံက်ဗၞတ်မွဲဝါဂှ်ဟေၚ် ညံၚ်သာ်ဒြၚ်စိၚ်ဂှ် ဟွံဒှ်လလးကထိုန်ရ။ နအယာံမာတ်မသ္ပနိမိတ် ရဴဝွံမ္ဂး လလးနကဵုယာတ်ဝွံဏောဝ်ဂှ် ဟွံဒှ်လလးကထိုန်ရ။ နကဵုယာတ် ဟီုသ္ဂးပြယာယ်တုဲ ကလိဂွံဂှ် ဟွံဒှ်လလးကထိုန်ရ။ နကဵုယာတ်မဂၠေံနၚ်ဂှ် ဟွံဒှ်လလးကထိုန်ရ။ ပ္ဍဲတ္ၚဲစိုပ်ကၠုၚ်ဂှ်ဟေၚ် ဟွံကဵုပူဂိုလ်လေပ်လလး ဟွံဇိၚ်၊ နကဵုယာတ်မဒေပ်စွံလဝ်ဂှ် ဟွံဒှ်လလးကထိုန်ရ။ နမကလိလောန်အာဗ္တံဂှ် ဟွံဒှ်လလးကထိုန်ရ။ နကဵုသ္ၚာ မဟွံထပက်ကပ္ပဗိန္ဒုဂှ် ဟွံဒှ်လလးကထိုန်ရ။ ဝေၚ်ကၠေံသကိုပ်တုဲ ဟွံဒှ်လလးကထိုန်ရ။ ဝေၚ်ကၠေံသ္ၚာတုဲ ဟွံဒှ်လလးကထိုန်ရ။ ဝေၚ်ကၠေံသပိုၚ်တုဲ ဟွံဒှ်လလးကထိုန်ရ။
ပ္ဍဲတ္ၚဲစိုပ်ကၠုၚ်ဂှ်ဟေၚ် ဝေၚ်ကၠံသ္ၚာမသုန်ခဏ်ကီု သ္ၚာမလောန်လတူမသုန်ခဏ်ကီု မဒှ်မွဲဟာန်ကေုာံဗၞဳအဝဏ်ဇၞော်ဗၞဳအဝဏ်ဍောတ် မဂပ်ဝ်ကုတ်လဝ်တုဲ ဟွံဒှ်လလးကထိုန်ရ။
ဝေၚ်ကၠေံ ပူဂိုလ်တုဲ ဟွံဒှ်လလးကထိုန်ရ။ ယဝ်ဒှ် လလးကထိုန် ဗွဲမ္ဒးရးမ္ဂး၊ ကထိုန် မလလးဗွဲမ္ဒးရးဂှ် ယဝ်ခမဳတန်တဴဒၟံၚ် ပ္ဍဲမ္ၚးသိမ် သ္ပအနုမောဒနာမ္ဂး၊ သ္ပတဴရဴဝွံမ္ဂး ဟွံဒှ်လလးကထိုန်ရ။ ယွံခမဳတအ် ရဴသာ်ဝွံ လလးမ္ဂး ဟွံဒှ်လလးကထိုန်ရ။
၃၀၉။ ယွံခမဳတအ် မုရဴသာ်လဵု ဒှ်လလးကထိုန်ရောမ္ဂးတုန်− လလး နကဵုယာတ်တၟိမ္ဂး ဒှ်လလးကထိုန်ရ။ လလး နကဵုယာတ်မတုပ်ကေုာံယာတ်တၟိ မကေၚ်လပိုက်လဝ်မွဲၜါဝါဟေၚ်မ္ဂး ဒှ်လလးကထိုန်ရ။ လလး နကဵုယာတ်တြေံမ္ဂး ဒှ်လလးကထိုန်ရ။ လလး နကဵုယာတ်ပံသုကူမ္ဂး ဒှ်လလးကထိုန်ရ။ လလး နကဵုယာတ်မကလိဂွံနၚ်သ္ၚိဖျာမ္ဂး ဒှ်လလးကထိုန်ရ။ လလး နကဵုယာတ်မကလိဂွံ သီုဟွံသ္ပနိမိတ်မ္ဂး ဒှ်လလးကထိုန်ရ။ လလး နကဵုယာတ်မကလိဂွံ သီုဟွံဟီုသ္ဂးပြယာယ်မ္ဂး ဒှ်လလးကထိုန်ရ။ လလး နကဵုယာတ်ဟွံဂၠေံနၚ်မ္ဂး ဒှ်လလးကထိုန်ရ။ လလး နကဵုယာတ်ဟွံဒေပ်စွံလဝ်မ္ဂး ဒှ်လလးကထိုန်ရ။ လလး နကဵုယာတ်ဟွံလောန်ၜက်ဗ္တံမ္ဂး ဒှ်လလးကထိုန်ရ။ လလး နကဵုယာတ်မထပက်ကပ္ပဗိန္ဒုမ္ဂး ဒှ်လလးကထိုန်ရ။ လလး နကဵုသကိုပ်မ္ဂး ဒှ်လလးကထိုန်ရ။ လလး နကဵုသ္ၚာမ္ဂး ဒှ်လလးကထိုန်ရ။ လလး နကဵုသပိုၚ်မ္ဂး ဒှ်လလးကထိုန်ရ။
ပ္ဍဲတ္ၚဲစိုပ်ကၠုၚ်ဂှ်ဟေၚ် လလး နကဵုသ္ၚာမသုန်ခဏ်ကီု သ္ၚာမလောန်လတူမသုန်ခဏ်ကီု မဒှ်မွဲဟာန်ကေုာံဗၞဳအဝဏ်ဇၞော်ဗၞဳအဝဏ်ဍောတ် မဂပ်ဝ်ကုတ်လဝ်တုဲမ္ဂး ဒှ်လလးကထိုန်ရ။ လလးတဴ နပွမလလးပူဂိုလ်မ္ဂး ဒှ်လလးကထိုန်ရ။
ယဝ်ဒှ် လလးကထိုန် ဗွဲမ္ဒးရးမ္ဂး ဒှ်လလးကထိုန်ရ၊ ကထိုန် မလလးဗွဲမ္ဒးရးဂှ် ယဝ်ခမဳတန်တဴဒၟံၚ် ပ္ဍဲအပ္ဍဲသိမ် သ္ပအနုမောဒနာမ္ဂး၊ သ္ပတဴရဴဝွံမ္ဂး ဒှ်လလးကထိုန်ရ။ ယွံခမဳတအ် ရဴသာ်ဝွံ လလးမ္ဂး ဒှ်လလးကထိုန်ရ။
၃၁၀။ ယွံခမဳတအ် မုရဴသာ်လဵု ဒှ်ပိုက်နုက်ကထိုန်ရောမ္ဂးတုန်− ယွံခမဳတအ် မာတိကာပွမပိုက်နုက်ကထိုန်ဂမၠိုၚ် ‘ပက္ကမနန္တိက’ ပွမပိုက်နုက်ကထိုန် မၞုံလအိတ်မ္ဂး ပွမစ္ဍးအာ၊ ‘နိဋ္ဌာနန္တိက’ ပွမပိုက်နုက်ကထိုန် မၞုံလအိတ်မ္ဂး သ္ၚာစိုပ်ဒတုဲအာ၊ ‘သန္နိဋ္ဌာနန္တိက’ ပွမပိုက်နုက်ကထိုန်မၞုံလအိတ်မ္ဂး ပွမသ္ဂုတ်သွာတ်စိုတ်၊ ‘နာသနန္တိက’ ပွမပိုက်နုက်ကထိုန် မၞုံလအိတ်မ္ဂး ပွမကၠေံလေၚ် ပွမလီုလာ်၊ ‘သဝနန္တိက’ ပွမပိုက်နုက်ကထိုန် မၞုံလအိတ်မ္ဂး ပွမမိၚ်ကေတ် ရဴဝွံမ္ဂးပိုက်နုက်ကထိုန်တုဲရ၊ ‘အာသာဝစ္ဆေဒိက’ ပွမပိုက်နုက်ကထိုန် မၞုံလအိတ်မ္ဂး အလယ်ပိုတ်အာ၊ ‘သဳမာတိက္ကန္တိက’ ပွမပိုက်နုက်ကထိုန် မၞုံလအိတ်မ္ဂး ပွမကလိလောန်အပိုၚ်အခြာသိမ်၊ ‘သဟုဗ္ဘာရ’ ပွမပိုက်နုက်ကထိုန်မ္ဂး ပွမပိုက်နုက်ကေုာံခမဳဂမၠိုၚ်မွဲစွံ ဣဝွံ မၞုံဒ္စာံသာ်အိုတ်ရ ရဴဝွံ (သ္ဂးရ)။
၁၈၈။ (ပွမပိုက်ကထိုန်) နပွမဂိုၚ်ကေတ်ဏာသ္ၚာ ထပှ်သာ်
[ပလေဝ်ဒါန် | ပလေဝ်ဒါန် တမ်ကၞက်]၃၁၁။ ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ မဇိၚ်တုဲဂှ်တုဲမ္ဂး “ကြက်ဟွံကလေၚ်စဴရ” ရဴဝွံ စ္ဍးအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် ပက္ကမနန္တိကရ။ (၁)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ်ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်မ္ဂး၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိက်ရ။ (၂)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၃)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး။ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၄)
ခမဳဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ပ္ဍဲဘာဂှ် ပိုက်ကၠေံကထိုန်ရဂး” ရဴဝွံ ဂွံမိၚ်ရ၊ ကုခမဳဂှ် ဒှ်ပွမပိုက်နုက်ကထိုန် သဝနန္တိကရ။ (၅)
ခမဳဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ အခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ဃောချပ်မံၚ် ကဵုကလိလောန်အာ ပွမပိုက်ကထိုန် ပ္ဍဲမ္ၚးသိမ်ရ၊ ကုခမဳဂှ် ဒှ်ပွမပိုက်နုက်ကထိုန် သဳမာတိက္ကန္တိကရ။ (၆)
ခမဳဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ အခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ချပ်တုဲ ကၠုၚ်စိုပ် ဂတာပ်ပိုက်ကထိုန်ရ၊ ကုခမဳဂှ် ဒှ်ပွမပိုက်နုက်ကထိုန် မွဲဟာန်ကေုာံခမဳဂမၠိုၚ်ရ။ (၆)
(ပွမပိုက်ကထိုန်) နပွမဂိုၚ်ကေတ်ဏာသ္ၚာထပှ်သာ်တုဲရ။
၁၈၉။ (ပွမပိုက်ကထိုန်) နပွမဂိုၚ်ကေတ်ဏာသ္ၚာ ဗွဲမ္ဒးရး ထပှ်သာ်
[ပလေဝ်ဒါန် | ပလေဝ်ဒါန် တမ်ကၞက်]၃၁၁။ ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ မဇိၚ်တုဲဂှ်တုဲမ္ဂး “ကြက်ဟွံကလေၚ်စဴရ” ရဴဝွံ စ္ဍးအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် ပက္ကမနန္တိကရ။ (၁)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ်ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်မ္ဂး၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိက်ရ။ (၂)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၃)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး။ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၄)
ခမဳဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ပ္ဍဲဘာဂှ် ပိုက်ကၠေံကထိုန်ရဂး” ရဴဝွံ ဂွံမိၚ်ရ၊ ကုခမဳဂှ် ဒှ်ပွမပိုက်နုက်ကထိုန် သဝနန္တိကရ။ (၅)
ခမဳဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ အခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ဃောချပ်မံၚ် ကဵုကလိလောန်အာ ပွမပိုက်ကထိုန် ပ္ဍဲမ္ၚးသိမ်ရ၊ ကုခမဳဂှ် ဒှ်ပွမပိုက်နုက်ကထိုန် သဳမာတိက္ကန္တိကရ။ (၆)
ခမဳဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ အခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ချပ်တုဲ ကၠုၚ်စိုပ် ဂတာပ်ပိုက်ကထိုန်ရ၊ ကုခမဳဂှ် ဒှ်ပွမပိုက်နုက်ကထိုန် မွဲဟာန်ကေုာံခမဳဂမၠိုၚ်ရ။ (၆)
(ပွမပိုက်ကထိုန်) နပွမဂိုၚ်ကေတ်ဏာသ္ၚာထပှ်သာ်တုဲရ။
၁၉၀။ (ပွမပိုက်ကထိုန်) နပွမဂိုၚ်ကေတ်ဏာသ္ၚာ တြဴသာ်
[ပလေဝ်ဒါန် | ပလေဝ်ဒါန် တမ်ကၞက်]၃၁၃။ ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂျ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ။ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်မ္ဂး၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ၊ (၁)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ကြက်ဟွံဇိၚ်သ္ၚာဝွံရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၂)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၃)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီတုဲ “ကြက်ကလေၚ်စဴရ၊ ရဴဝွံ စ္ဍးအာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ပ္ဍဲဘာဂှ် ပိုက်ကၠေံကထိုန်ရဂး” ရဴဝွံ ဂွံမိၚ်ရ၊ ကုခမဳဂှ် ဒှ်ပွမပိုက်နုက်ကထိုန် သဝနန္တိကရ။ (၄)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီတုဲ “ကြက်ကလေၚ်စဴရ၊ ရဴဝွံ စ္ဍးအာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ဃောချပ်မံၚ် ကလိလောန်အ ပွမပိုက်ကထိုန် ပ္ဍဲမ္ၚးသိမ်ရ၊ ကုခမဳဂှ် ဒှ်ပွမပိုက်နုက်ကထိုန် သဳမာတိက္ကန္တိကရ။ (၅)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီတုဲ “ကြက်ကလေၚ်စဴရ၊ ရဴဝွံ စ္ဍးအာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ချပ်တုဲ ကၠုၚ်စိုပ် ဂတာပ်ပိုက်ကထိုန်ရ၊ ကုခမဳဂှ် ဒှ်ပွမပိုက်နုက်ကထိုန် မွဲဟာန်ကေုာံခမဳဂမၠိုၚ်ရ။ (၆)
(ပွမပိုက်ကထိုန်) နပွမဂိုၚ်ကေတ်ဏာသ္ၚာ တြဴသာ်တုဲရ။
၁၉၁။ (ပွမပိုက်ကထိုန်) နပွမဂိုၚ်ကေတ်ဏာသ္ၚာ ဗွဲမ္ဒးရး တြဴသာ်
[ပလေဝ်ဒါန် | ပလေဝ်ဒါန် တမ်ကၞက်]၃၁၄။ ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်မ္ဂး၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိက်ရ။ (၂)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်၊ ခမဳဂှ် ဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၃)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ပ္ဍဲဘာဂှ် ပိုက်ကၠေံကထိုန်ရးဂး” ရဴဝွံ ဂွံမိၚ်ရ၊ ကုခမဳဂှ် ဒှ်ပွမပိုက်နုက်ကထိုန် သဝနန္တိကရ။ (၄)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ဃောချပ်မံၚ် ကလိလောန်အ ပွမပိုက်ကထိုန် ပ္ဍဲမ္ၚးသိမ်ရ၊ ကုခမဳဂှ် ဒှ်ပွမပိုက်နုက်ကထိုန် သဳမာတိက္ကန္တိကရ။ (၅)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ချပ်တုဲ ကၠုၚ်စိုပ် ဂတာပ်ပိုက်ကထိုန်ရ၊ ကုခမဳဂှ် ဒှ်ပွမပိုက်နုက်ကထိုန် မွဲဟာန်ကေုာံခမဳဂမၠိုၚ်ရ။ (၆) (ပွမပိုက်ကထိုန်) နပွမဂိုၚ်ကေတ်ဏာသ္ၚာ ဗွဲမ္ဒးရး တြဴသာ်တုဲရ။
၁၉၂။ (ပွမပိုက်ကထိုန်) နပွမဂိုၚ်ကေတ်ဏာသ္ၚာ စှ်သုန်သာ်
[ပလေဝ်ဒါန် | ပလေဝ်ဒါန် တမ်ကၞက်]၃၁၅။ ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၂)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္းးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ခမဳးဂှ် ဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၃) တိက်ပဌမတုဲရ။
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ဟွံကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၄)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ဟွံကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ကြက်ဟွံဇိၚ် သ္ၚာဝွံရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၅)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ဟွံကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ဃောဇိၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၆) တိက်ဒုတိယတုဲရ။
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ နကဵုစိုတ်မဟွံသှ်ပတူဂှ် စ္ဍးအာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳ မအာစိုပ်မ္ၚသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၇)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ နကဵုစိုတ်မဟွံသှ်ပတူဂှ် စ္ဍးအာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳ မအာစိုပ်မ္ၚသိမ်ဂှ် “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၈)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ နကဵုစိုတ်မဟွံသှ်ပတူဂှ် စ္ဍးအာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳ မအာစိုပ်မ္ၚသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ဇိၚ်သ္ၚာဂှ်ရ၊ ခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၉) တိက်တတိယတုဲရ။
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁၀) ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၁၁)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳ ဒှ်ပွမပိုက်နုက်ကထိုန် နာသနန္တိကရ။ (၁၂) ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳ မအာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ပ္ဍဲဘာဂှ် ပိုက်ကၠေံကထိုန်ရဂး” ရဴဝွံ ဂွံမိၚ်ရ၊ ကုခမဳဂှ် ဒှ်ပွမပိုက်နုက်ကထိုန် သဝနန္တိကရ။ (၁၃)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳ မအာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ဃောချပ်မံၚ် ကဵဵုကလိလောန်အာ ပွမပိုက်ကထိုန် ပ္ဍဲမ္ၚးသိမ်ရ၊ ကုခမဳဂှ် ဒှ်ပွမပိုက်နုက်ကထိုန် သဳမာတိက္ကန္တိကရ။ (၁၄)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳ မအာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ချပ်တုဲ ကၠုၚ်စိုပ် ဂတာပ်ပိုက်ကထိုန်ရ၊ ကုခမဳဂှ် ဒှ်ပွမပိုက်နုက်ကထိုန် မွဲဟာန်ကေုာံခမဳဂမၠိုၚ်ရ။ (၁၅) ဆက္ကတုဲရ။
(ပွမပိုက်ကထိုန်) နပွမဂိုၚ်ကေတ်ဏာသ္ၚာ စှ်သုန်သာ်တုဲရ။
၁၉၃။(ပွမပိုက်ကထိုန်) နပွမဂိုၚ်ကေတ်ဏာသ္ၚာ ဗွဲမ္ဒးရး စှ်သုန်သာ်
[ပလေဝ်ဒါန် | ပလေဝ်ဒါန် တမ်ကၞက်]၃၁၅။ ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၂)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ စ္းးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ခမဳးဂှ် ဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၃) တိက်ပဌမတုဲရ။
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ဟွံကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၄)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ဟွံကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ကြက်ဟွံဇိၚ် သ္ၚာဝွံရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၅)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ဟွံကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ဃောဇိၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၆) တိက်ဒုတိယတုဲရ။
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ နကဵုစိုတ်မဟွံသှ်ပတူဂှ် စ္ဍးအာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳ မအာစိုပ်မ္ၚသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၇)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ နကဵုစိုတ်မဟွံသှ်ပတူဂှ် စ္ဍးအာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳ မအာစိုပ်မ္ၚသိမ်ဂှ် “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၈)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ နကဵုစိုတ်မဟွံသှ်ပတူဂှ် စ္ဍးအာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳ မအာစိုပ်မ္ၚသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ဇိၚ်သ္ၚာဂှ်ရ၊ ခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၉) တိက်တတိယတုဲရ။
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁၀) ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၁၁)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳ ဒှ်ပွမပိုက်နုက်ကထိုန် နာသနန္တိကရ။ (၁၂) ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳ မအာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ပ္ဍဲဘာဂှ် ပိုက်ကၠေံကထိုန်ရဂး” ရဴဝွံ ဂွံမိၚ်ရ၊ ကုခမဳဂှ် ဒှ်ပွမပိုက်နုက်ကထိုန် သဝနန္တိကရ။ (၁၃)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳ မအာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ဃောချပ်မံၚ် ကဵဵုကလိလောန်အာ ပွမပိုက်ကထိုန် ပ္ဍဲမ္ၚးသိမ်ရ၊ ကုခမဳဂှ် ဒှ်ပွမပိုက်နုက်ကထိုန် သဳမာတိက္ကန္တိကရ။ (၁၄)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳ မအာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ချပ်တုဲ ကၠုၚ်စိုပ် ဂတာပ်ပိုက်ကထိုန်ရ၊ ကုခမဳဂှ် ဒှ်ပွမပိုက်နုက်ကထိုန် မွဲဟာန်ကေုာံခမဳဂမၠိုၚ်ရ။ (၁၅) ဆက္ကတုဲရ။
(ပွမပိုက်ကထိုန်) နပွမဂိုၚ်ကေတ်ဏာသ္ၚာ စှ်သုန်သာ်တုဲရ။
၁၉၄။ (ပွမပိုက်ကထိုန်) နပွမဂိုၚ်ကေတ်ဏာသ္ၚာဇိၚ်ဟွံစိုပ်ဒတုဲဏီ ဗွဲမ္ဒးရး စှ်သာ်သာ်
[ပလေဝ်ဒါန် | ပလေဝ်ဒါန် တမ်ကၞက်]၃၁၇။ ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ စ္ဍးအာရ၊ ကုခမဳဂှ် မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ စ္ဍးအာရ၊ ကုခမဳဂှ် မအာစိုပ်မ္ၚးသိမ်ဂှ် “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၂)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ စ္ဍးအာရ၊ ကုခမဳဂှ် မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၃) တိက်ပဌမတုဲရ။
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ဟွံကလေၚ်စဴရ” ရဴဝွံ စ္ဍးအာရ၊ ခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်မ္ဂး၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၄)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ဟွံကလေၚ်စဴရ” ရဴဝွံ စ္ဍးအာရ၊ ခမဳ မအာစိုပ်မ္ၚးသိမ်ဂှ် “ကြက်ဟွံဇိၚ်သ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်မ္ဂး၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၅)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ဟွံကလေၚ်စဴရ” ရဴဝွံ စ္ဍးအာရ၊ ခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၆) တိက်ဒုတိယတုဲရ။
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ နကဵုစိုတ် မဟွံသှ်ပတူဂှ် စ္ဍးအာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၇)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ နကဵုစိုတ် မဟွံသှ်ပတူဂှ် စ္ဍးအာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဟွံဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၈)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ နကဵုစိုတ် မဟွံသှ်ပတူဂှ် စ္ဍးအာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၉) တိက်တတိယတုဲရ။
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁၀) ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၁၁)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၁၂)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ပ္ဍဲဘာဂှ် ပိုက်ကၠေံကထိုန်ရဂး” ရဴဝွံ ဂွံမိၚ်ရ၊ ကုခမဳဂှ် ဒှ်ပွမပိုက်နုက်ကထိုန် သဝနန္တိကရ။ (၁၃) ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ဟွံကလေၚ်စဴရ” ရဴဝွံ ဃောချပ်မံၚ် ကဵုကလိလောန်အာ ပွမပိုက်ကထိုန်ပ္ဍဲမ္ၚးသိမ်ဂှ်ရ၊ ကုခမဳဂှ် ဒှ်ပွမပိုက်နုက်ကထိုန် သဳမာတိက္ကန္တိကရ။ (၁၄)
ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဇိၚ်ဟွံတုဲဏီ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ဟွံကလေၚ်စဴရ” ရဴဝွံ ချပ်တုဲ ကၠုၚ်စိုပ် ဂတာပ်ပိုက်ကထိုန်ရ၊ ကုခမဳဂှ် ဒှ်ပွမပိုက်နုက်ကထိုန် မွဲဟာန်ကေုာံခမဳဂမၠိုၚ်ရ။ (၁၅) ဆက္ကတုဲရ။ (ပွမပိုက်ကထိုန်) နပွမဂိုၚ်ကေတ်ဏာသ္ၚာ ဗွဲမ္ဒးရး စှ်သုန်သာ်တုဲရ။ ခဏ်(ပွမပိုက်ထိုန်) နပွမဂိုၚ်ကေတ်ဏာသ္ၚာတုဲရ။
၁၉၅။ ပွမဟွံမွဲကဵုအလယ်စှ်ၜါသာ်
[ပလေဝ်ဒါန် | ပလေဝ်ဒါန် တမ်ကၞက်]၃၁၈။ ခမဳဂှ် ဂပ်ဝ်လလးကထိုန်တုဲမ္ဂး စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁)
ခမဳဂှ် ဂပ်ဝ်လလးကထိုန်တုဲမ္ဂး စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၂)
ခမဳဂှ် ဂပ်ဝ်လလးကထိုန်တုဲမ္ဂး စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၃) ခမဳဂှ် ဂပ်ဝ်လလးကထိုန်တုဲမ္ဂး စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲမ္ၚးသိမ်ဝွံဟေၚ် ကြက်ပြာပ်အာ ဌာန်မထေၚ်ကေတ် ရဴဝွံမ္ဂး ကလိသ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ပွမထေၚ်ကေတ် ရဴဝွံမ္ဂးကလိဂွံသ္ၚာဂှ် ပိုတ်အာ ကုခမဳဂှ်ရ၊ ကုခမဳဂှ် ဒှ်ပွမပိုက်နုက်ကထိုန် အာသာဝစ္ဆေဒိကရ။ (၄)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ဟွံကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၅)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ဟွံကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ကြက်ဟွံဇိၚ်သ္ၚာဝွံရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၆)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ဟွံကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၇)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ဟွံကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် “ပ္ဍဲမ္ၚးသိမ်ဝွံဟေၚ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ပွမထေၚ်ကေတ် ရဴဝွံမ္ဂးကလိဂွံသ္ၚာဂှ် ပိုတ်အာ ကုခမဳဂှ်ရ၊ ကုခမဳဂှ် ဒှ်ပွမပိုက်နုက်ကထိုန် အာသာဝစ္ဆေဒိကရ။ (၈)
ခမဳဂှ် ဂပ်ဝ်လလးကထိုန်တုဲမ္ဂး နကဵုစိုတ်မဟွံသှ်ပတူဂှ် စ္ဍးအာဌာန်မထေၚ်ကေတ် ရဴဝွံမ္ဂး ကလိဂွံသ္ၚာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳဂှ် “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၉)
ခမဳဂှ် ဂပ်ဝ်လလးကထိုန်တုဲမ္ဂး နကဵုစိုတ်မဟွံသှ်ပတူဂှ် စ္ဍးအာဌာန်မထေၚ်ကေတ် ရဴဝွံမ္ဂး ကလိဂွံသ္ၚာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳဂှ် “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ကြက်ဟွံဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၁၀)
ခမဳဂှ် ဂပ်ဝ်လလးကထိုန်တုဲမ္ဂး နကဵုစိုတ်မဟွံသှ်ပတူဂှ် စ္ဍးအာဌာန်မထေၚ်ကေတ် ရဴဝွံမ္ဂး ကလိဂွံသ္ၚာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳဂှ် “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၁၁)
ခမဳဂှ် ဂပ်ဝ်လလးကထိုန်တုဲမ္ဂး နကဵုစိုတ်မဟွံသှ်ပတူဂှ် စ္ဍးအာဌာန်မထေၚ်ကေတ် ရဴဝွံမ္ဂး ကလိဂွံသ္ၚာရ၊ ကုခမဳဂှ် “ကြက်ကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳဂှ် “ကြက်ဟွံကလေၚ်စဴရ” ရဴဝွံလေဝ် စိုတ်ဟွံဒှ်ရ၊ ခမဳဂှ် အခိၚ်အာစိုပ်မ္ၚးသိမ်ဂှ် “ပ္ဍဲမ္ၚးသိမ်ဝွံဟေၚ် ကြက်ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ပွမထေၚ်ကေတ် ရဴဝွံမ္ဂးကလိဂွံသ္ၚာဂှ် ပိုတ်အာ ကုခမဳဂှ်ရ၊ ကုခမဳဂှ် ဒှ်ပွမပိုက်နုက်ကထိုန် အာသာဝစ္ဆေဒိကရ။ (၁၂)
ပွမဟွံမွဲကဵုအလယ်စှ်ၜါသာ်တုဲရ။
၁၉၆။ ပွမမၞုံကဵုအလယ်စှ်ၜါသာ်
[ပလေဝ်ဒါန် | ပလေဝ်ဒါန် တမ်ကၞက်]၃၁၉။ ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ကြက်ဟွံဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၂)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၃)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် “ပ္ဍဲမ္ၚးသိမ်ဝွံဟေၚ် ကြက်ပြာပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ပွမထေၚ်ကေတ် ရဴဝွံမ္ဂးကလိဂွံသ္ၚာဂှ် ပိုတ်အာ ကုခမဳဂှ်ရ၊ ကုခမဳဂှ် ဒှ်ပွမပိုက်နုက်ကထိုန် အာသာဝစ္ဆေဒိကရ။ (၄)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် “ပ္ဍဲဘာဂှ် ပိုက်ကၠေံကထိုန်ရ၊ ပ္ဍဲဘာဂှ် ပိုက်ကၠေံကထိုန်ရဂး” ရဴဝွံ ဂွိမံၚ်ရ၊ ကုခမဳဂှ် “ယြဴပ္ဍဲအခိၚ်မွဲ ပ္ဍဲဘာဂှ် ပိုက်ကၠေံကထိုန်ရ၊ ပ္ဍဲဘာဝွံဟေၚ် ကြက်ပြာပ်အာစိုပ် ဌာန်မထေၚ်ကတ် ရဴဝွံမ္ဂးကလိဂွံသ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဘာမထေၚ်ကေတ် ရဴဝွံမ္ဂးဟွံကလိဂွံဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၅)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် “ပ္ဍဲဘာဂှ် ပိုက်ကၠေံကထိုန်ရ၊ ပ္ဍဲဘာဂှ် ပိုက်ကၠေံကထိုန်ရဂး” ရဴဝွံ ဂွိမံၚ်ရ၊ ကုခမဳဂှ် “ယြဴပ္ဍဲအခိၚ်မွဲ ပ္ဍဲဘာဂှ် ပိုက်ကၠေံကထိုန်ရ၊ ပ္ဍဲဘာဝွံဟေၚ် ကြက်ပြာပ်အာစိုပ် ဌာန်မထေၚ်ကတ် ရဴဝွံမ္ဂးကလိဂွံသ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဘာမထေၚ်ကေတ် ရဴဝွံမ္ဂးဟွံကလိဂွံဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ကုခမဳဂှ် “ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၆)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် “ပ္ဍဲဘာဂှ် ပိုက်ကၠေံကထိုန်ရ၊ ပ္ဍဲဘာဂှ် ပိုက်ကၠေံကထိုန်ရဂး” ရဴဝွံ ဂွိမံၚ်ရ၊ ကုခမဳဂှ် “ယြဴပ္ဍဲအခိၚ်မွဲ ပ္ဍဲဘာဂှ် ပိုက်ကၠေံကထိုန်ရ၊ ပ္ဍဲဘာဝွံဟေၚ် ကြက်ပြာပ်အာစိုပ် ဌာန်မထေၚ်ကတ် ရဴဝွံမ္ဂးကလိဂွံသ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဘာမထေၚ်ကေတ် ရဴဝွံမ္ဂးဟွံကလိဂွံဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၇)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် “ပ္ဍဲဘာဂှ် ပိုက်ကၠေံကထိုန်ရ၊ ပ္ဍဲဘာဂှ် ပိုက်ကၠေံကထိုန်ရဂး” ရဴဝွံ ဂွိမံၚ်ရ၊ ကုခမဳဂှ် “ယြဴပ္ဍဲအခိၚ်မွဲ ပ္ဍဲဘာဂှ် ပိုက်ကၠေံကထိုန်ရ၊ ပ္ဍဲဘာဝွံဟေၚ် ကြက်ပြာပ်အာစိုပ် ဌာန်မထေၚ်ကတ် ရဴဝွံမ္ဂးကလိဂွံသ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဘာမထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ပွမထေၚ်ကေတ် ရဴဝွံမ္ဂးကလိဂွံသ္ၚာဂှ် ပိုတ်အာ ကုခမဳဂှ်ရ၊ ကုခမဳဂှ် ဒှ်ပွမပိုက်နုက်ကထိုန် အာသာဝစ္ဆေဒိကရ။ (၈)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ခမဳဂှ် ကဵုဇိၚ်သ္ၚာဂှ်ရ၊ ခမဳဂှ် အခိၚ်ဇိၚ်သ္ၚာတုဲမ္ဂး “ပ္ဍဲဘာဂှ် ပိုက်ကၠေံကထိုန်ရဂး” ရဴဝွံ ဂွံမိၚ်ရ၊ ကုခမဳဂှ် ဒှ်ပွမပိုက်နုက်ကထိုန် သဝနန္တိကရ။ (၉)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် “ပ္ဍဲဘာဝွံဟေၚ် ကြက်ပြာပ်အာစိုပ် ဌာန်မထေၚ်ကတ် ရဴဝွံမ္ဂးကလိဂွံသ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ပွမထေၚ်ကေတ် ရဴဝွံမ္ဂးကလိဂွံသ္ၚာဂှ် ပိုတ်အာ ကုခမဳဂှ်ရ၊ ကုခမဳဂှ် ဒှ်ပွမပိုက်နုက်ကထိုန် အာသာဝစ္ဆေဒိကရ။ (၁၀)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ခမဳဂှ် ကဵုဇိၚ်သ္ၚာဂှ်ရ၊ ခမဳဂှ် အခိၚ်ဇိၚ်သ္ၚာတုဲဂှ် “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ဃောချပ်မံၚ် ကဵုကလိလောန်အာ ပွမပိုက်ကထိုန် ပ္ဍဲမ္ၚးသိမ်ရ၊ ကုခမဳဂှ် ဒှ်ပွမပိုက်နုက်ကထိုန် သဳမာတိက္ကန္တိကရ။ (၁၁)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ကလေၚ်စဴရ” ရဴဝွံ စ္ဍးအာဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ကလိဂွံနူဌာန်မထေၚ်ကေတ် ရဴဝွံမ္ဂး ကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ဟွံကလိဂွံရ၊ ခမဳဂှ် ကဵုဇိၚ်သ္ၚာဂှ်ရ၊ ခမဳဂှ် အခိၚ်ဇိၚ်သ္ၚာတုဲဂှ် “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ချပ်တုဲ ကၠုၚ်စိုပ် ဂတာပ်ပိုက်ကထိုန်ရ၊ ကုခမဳဂှ် ဒှ်ပွမပိုက်နုက်ကထိုန် မွဲဟာန်ကေုာံခမဳဂမၠိုၚ်ရ။ (၁၂)
ပွမမၞုံကဵုအလယ်စှ်သာ်တုဲရ။
၁၉၇။ ထေက်ကဵုသ္ပစှ်ၜါသာ်
[ပလေဝ်ဒါန် | ပလေဝ်ဒါန် တမ်ကၞက်]၃၂၀။ ခမဳဂှ် ဂပ်ဝ်လလးကထိုန်တုဲမ္ဂး နကေၚ်ကာထေၚ်ကဵုသ္ပ မမိက်ကဵုမွဲမွဲ စ္ဍးအာရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ကလိဂွံ နူဌာန်မထေၚ်ကေတ် ရဴဝွံမ္ဂးဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁)
ခမဳဂှ် ဂပ်ဝ်လလးကထိုန်တုဲမ္ဂး နကေၚ်ကာထေၚ်ကဵုသ္ပ မမိက်ကဵုမွဲမွဲ စ္ဍးအာရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ကလိဂွံ နူဌာန်မထေၚ်ကေတ် ရဴဝွံမ္ဂးဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၂)
ခမဳဂှ် ဂပ်ဝ်လလးကထိုန်တုဲမ္ဂး နကေၚ်ကာထေၚ်ကဵုသ္ပ မမိက်ကဵုမွဲမွဲ စ္ဍးအာရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ကလိဂွံ နူဌာန်မထေၚ်ကေတ် ရဴဝွံမ္ဂးဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၃)
ခမဳဂှ် ဂပ်ဝ်လလးကထိုန်တုဲမ္ဂး နကေၚ်ကာထေၚ်ကဵုသ္ပ မမိက်ကဵုမွဲမွဲ စ္ဍးအာရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ “ပ္ဍဲဘာဝွံဟေၚ် ကြက်ပြာပ်အာစိုပ် ဌာန်မထေၚ်ကတ် ရဴဝွံမ္ဂးကလိဂွံသ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ပွမထေၚ်ကေတ် ရဴဝွံမ္ဂးကလိဂွံသ္ၚာဂှ် ပိုတ်အာ ကုခမဳဂှ်ရ၊ ကုခမဳဂှ် ဒှ်ပွမပိုက်နုက်ကထိုန် အာသာဝစ္ဆေဒိကရ။ (၄)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ဟွံကေၚ်စဴရ” ရဴဝွံ နကေၚ်ကာထေၚ်ကဵုသ္ပ မမိက်ကဵုမွဲမွဲ စ္ဍးအာရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ကလိဂွံ နူဌာန်မထေၚ်ကေတ် ရဴဝွံမ္ဂးဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၅)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ဟွံကေၚ်စဴရ” ရဴဝွံ နကေၚ်ကာထေၚ်ကဵုသ္ပ မမိက်ကဵုမွဲမွဲ စ္ဍးအာရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ကလိဂွံ နူဌာန်မထေၚ်ကေတ် ရဴဝွံမ္ဂးဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ကြက်ဟွံဇိၚ်သ္ၚာဝွံရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၆)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ဟွံကေၚ်စဴရ” ရဴဝွံ နကေၚ်ကာထေၚ်ကဵုသ္ပ မမိက်ကဵုမွဲမွဲ စ္ဍးအာရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ကလိဂွံ နူဌာန်မထေၚ်ကေတ် ရဴဝွံမ္ဂးဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၇)
ခမဳဂှ် ဂပ်ဝ်လလးကထိုန်တုဲမ္ဂး “ကြက်ဟွံကေၚ်စဴရ” ရဴဝွံ နကေၚ်ကာထေၚ်ကဵုသ္ပ မမိက်ကဵုမွဲမွဲ စ္ဍးအာရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ “ပ္ဍဲဘာဝွံဟေၚ် ကြက်ပြာပ်အာစိုပ် ဌာန်မထေၚ်ကတ် ရဴဝွံမ္ဂးကလိဂွံသ္ၚာဝွံရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ပွမထေၚ်ကေတ် ရဴဝွံမ္ဂးကလိဂွံသ္ၚာဂှ် ပိုတ်အာ ကုခမဳဂှ်ရ၊ ကုခမဳဂှ် ဒှ်ပွမပိုက်နုက်ကထိုန် အာသာဝစ္ဆေဒိကရ။ (၈)
ခမဳဂှ် ဂပ်ဝ်လလးကထိုန်တုဲမ္ဂး နကေၚ်ကာထေက်ကဵုသ္ပ မမိက်ကဵုမွဲမွဲ နကဵုစိုတ်မဟွံပသှ်ပတူဂှ် စ္ဍးအာရ၊ ကုခမဳဂှ် “ကြက်ကေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳဂှ် “ကြက်ဟွံကေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ကလိဂွံ နူဌာန်မထေၚ်ကေတ် ရဴဝွံမ္ဂးဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၉)
ခမဳဂှ် ဂပ်ဝ်လလးကထိုန်တုဲမ္ဂး နကေၚ်ကာထေက်ကဵုသ္ပ မမိက်ကဵုမွဲမွဲ နကဵုစိုတ်မဟွံပသှ်ပတူဂှ် စ္ဍးအာရ၊ ကုခမဳဂှ် “ကြက်ကေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳဂှ် “ကြက်ဟွံကေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ကလိဂွံ နူဌာန်မထေၚ်ကေတ် ရဴဝွံမ္ဂးဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၁၀)
ခမဳဂှ် ဂပ်ဝ်လလးကထိုန်တုဲမ္ဂး နကေၚ်ကာထေက်ကဵုသ္ပ မမိက်ကဵုမွဲမွဲ နကဵုစိုတ်မဟွံပသှ်ပတူဂှ် စ္ဍးအာရ၊ ကုခမဳဂှ် “ကြက်ကေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳဂှ် “ကြက်ဟွံကေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂးကလိဂွံသ္ၚာရ၊ ကလိဂွံ နူဌာန်မထေၚ်ကေတ် ရဴဝွံမ္ဂးဟွံကလိဂွံရ၊ ဟွံကလိဂွံ နူဌာန်မထေၚ်ကေတ် ရဴဝွံမ္ဂး ကလိဂွံရ၊ ကုခမဳဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၁၁)
ခမဳဂှ် ဂပ်ဝ်လလးကထိုန်တုဲမ္ဂး နကေၚ်ကာထေက်ကဵုသ္ပ မမိက်ကဵုမွဲမွဲ နကဵုစိုတ်မဟွံပသှ်ပတူဂှ် စ္ဍးအာရ၊ ကုခမဳဂှ် “ကြက်ကေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳဂှ် “ကြက်ဟွံကေၚ်စဴရ” ရဴဝွံလေဝ် စိုတ်ဟွံဒှ်ရ၊ ကုခမဳမအာစိုပ်မ္ၚးသိမ်ဂှ် ပွမမိက်ကလိဂွံသ္ၚာ ကတဵုဒှ်ရ၊ “ပ္ဍဲဘာဝွံဟေၚ် ကြက်ပြာပ်အာစိုပ် ဌာန်မထေၚ်ကတ် ရဴဝွံမ္ဂးကလိဂွံသ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ပြာပ်စိုပ်အာ ဌာန်မထေၚ်ကေတ် ရဴဝွံမ္ဂး ကလိဂွံသ္ၚာဂှ်ရ၊ ပွမထေၚ်ကေတ် ရဴဝွံမ္ဂးကလိဂွံသ္ၚာဂှ် ပိုတ်အာ ကုခမဳဂှ်ရ၊ ကုခမဳဂှ် ဒှ်ပွမပိုက်နုက်ကထိုန် အာသာဝစ္ဆေဒိကရ။ (၁၂)
ပွမထေက်ကဵုသ္ပစှ်ၜါသာတုဲရ။
၁၉၈။ ပွမမၞုံပၟိက်ဒ္စိတ်သာ်
[ပလေဝ်ဒါန် | ပလေဝ်ဒါန် တမ်ကၞက်]၃၂၁။ ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်အာဌာန်သအာၚ်ဒှ်တုဲ သီုမၞုံပၟိက်ကဵုသွက်သ္ၚာ မဂပ်ဝ်ကလိဂွံဂှ် စ္ဍးအာရ၊ ခမဳကၠုၚ်စိုပ်ဌာန်သအာၚ်ဂှ် “ယွံကောန်တၠ တၠအဲ မုရဴပ္ဍဲဌာန်မွဲ ဒၠိုက်ကတဵုနူဝသ်ရော? မုရဴပ္ဍဲဘာမွဲ မၞုံကဵုသွက်သ္ၚာ တၠအဲရော?” ရဴဝွံ ခမဳဂမၠိုၚ် သၟာန်အိုတ်ရ။ ခမဳဂှ် “အဲ ဒၠိုက်ကတဵုနူဝသ် ပ္ဍဲဘာမၞုံယၟုဝွံရ၊ သ္ၚာသွက်အဲဍိက် မၞုံဒၟံၚ်ပ္ဍဲဘာဂှ်ရ” ရဴဝွံ သ္ဂးရ။ ခမဳဂမၠိုၚ်ဂှ် “ယွံကောန်တၠ ဩဝ်အာညိ၊ ဩဝ်ရၚ်တၠုၚ်နၚ် သ္ၚာဂှ်ညိ၊ ပိုဲညးဂမၠိုၚ် ကြက်ဇိၚ်ကဵု သ္ၚာတၠအဲ ပ္ဍဲဘာဝွံအိုတ်ရ” ရဴဝွံ သ္ဂးအိုတ်ရ။
ခမဳဂှ် အာဘာဂှ်တုဲ “ယွံတဳလပိုဉ်တအ် သ္ၚာသွက်အဲဍိက် ဣလဵုရော?” ရဴဝွံ သၟာန်ခမဳဂမၠိုၚ်ရ။ ခမဳဂမၠိုၚ်ဂှ် “ယွံကောန်တၠ ဣဝွံတုန် သ္ၚာသွက်တၠအဲရ၊ မုရဴဌာန်မွဲ မအာရော?” ရဴဝွံ သၟာန်အိုတ်ရ။ ခမဳဂှ် “ကြက်အာ ဘာမၞုံယၟုဝွံရ၊ ပ္ဍဲဘာဂှ် ခမဳဂမၠိုၚ် ကြက်ဇိၚ်သ္ၚာအဲဍိက်အိုတ်ရ” ရဴဝွံ သ္ဂးရ။
ခမဳဂမၠိုၚ်ဂှ် “ယွံကောန်တၠ ဟွံဗဗွဲရ၊ လ္ပအာရ၊ ပိုဲညးဂမၠိုၚ် ကြက်ဇိၚ်ကဵု သ္ၚာတၠအဲ ပ္ဍဲဘာဝွံအိုတ်ရ” ရဴဝွံ သ္ဂးအိုတ်ရ။ ကုခမဳဂှ် “ပ္ဍဲဘာဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁)
ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်အာဌာန်သအာၚ်ဒှ်တုဲ သီုမၞုံပၟိက်ကဵုသွက်သ္ၚာ မဂပ်ဝ်ကလိဂွံဂှ် စ္ဍးအာရ ။ပ။ “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၂)
ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်အာဌာန်သအာၚ်ဒှ်တုဲ သီုမၞုံပၟိက်ကဵုသွက်သ္ၚာ မဂပ်ဝ်ကလိဂွံဂှ် စ္ဍးအာရ ။ပ။ “ပ္ဍဲဘာဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၃)
၃၂၂။ ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်အာဌာန်သအာၚ်ဒှ်တုဲ သီုမၞုံပၟိက်ကဵုသွက်သ္ၚာ မဂပ်ဝ်ကလိဂွံဂှ် စ္ဍးအာရ၊ ခမဳကၠုၚ်စိုပ်ဌာန်သအာၚ်ဂှ် “ယွံကောန်တၠ တၠအဲ မုရဴပ္ဍဲဌာန်မွဲ ဒၠိုက်ကတဵုနူဝသ်ရော? မုရဴပ္ဍဲဘာမွဲ မၞုံကဵုသွက်သ္ၚာ တၠအဲရော?” ရဴဝွံ ခမဳဂမၠိုၚ် သၟာန်အိုတ်ရ။ ခမဳဂှ် “အဲ ဒၠိုက်ကတဵုနူဝသ် ပ္ဍဲဘာမၞုံယၟုဝွံရ၊ သ္ၚာသွက်အဲဍိက် မၞုံဒၟံၚ်ပ္ဍဲဘာဂှ်ရ” ရဴဝွံ သ္ဂးရ။ ခမဳဂမၠိုၚ်ဂှ် “ယွံကောန်တၠ ဩဝ်အာညိ၊ ဩဝ်ရၚ်တၠုၚ်နၚ် သ္ၚာဂှ်ညိ၊ ပိုဲညးဂမၠိုၚ် ကြက်ဇိၚ်ကဵု သ္ၚာတၠအဲ ပ္ဍဲဘာဝွံအိုတ်ရ” ရဴဝွံ သ္ဂးအိုတ်ရ။
ခမဳဂှ် အာဘာဂှ်တုဲ “ယွံတဳလပိုဉ်တအ် သ္ၚာသွက်အဲဍိက် ဣလဵုရော?” ရဴဝွံ သၟာန်ခမဳဂမၠိုၚ်ရ။ ခမဳဂမၠိုၚ်ဂှ် “ယွံကောန်တၠ ဣဝွံတုန် သ္ၚာသွက်တၠအဲရ၊ မုရဴဌာန်မွဲ မအာရော?” ရဴဝွံ သ္ဂးအိုတ်ရ။ ခမဳဂှ် ဂိုၚ်ကေတ်သ္ၚာဂှ်တုဲ အာဘာဂှ်ရ၊ ပ္ဍဲအကြာဂၠံၚ်တရဴ “ယွံကောန်တၠ မုရဴဌာန်မွဲ မအာရော?” ရဴဝွံ ခမဳဂမၠိုၚ် သၟာန်ခမဳအိုတ်ရ။ ခမဳဂှ် “ကြက်အာ ဘာမၞုံယၟုဝွံရ၊ ပ္ဍဲဘာဂှ် ခမဳဂမၠိုၚ် ကြက်ဇိၚ်ကဵု သ္ၚာအဲဍိက်အိုတ်ရ” ရဴဝွံ သ္ဂးရ။
ခမဳဂမၠိုၚ်ဂှ် “ယွံကောန်တၠ ဟွံဗဗွဲရ၊ လ္ပအာရ၊ ပိုဲညးဂမၠိုၚ် ကြက်ဇိၚ်ကဵု သ္ၚာတၠအဲ ပ္ဍဲဘာဝွံအိုတ်ရ” ရဴဝွံ သ္ဂးအိုတ်ရ။ ကုခမဳဂှ် “ပ္ဍဲဘာဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၄)
ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်အာဌာန်သအာၚ်ဒှ်တုဲ သီုမၞုံပၟိက်ကဵုသွက်သ္ၚာ မဂပ်ဝ်ကလိဂွံဂှ် စ္ဍးအာရ၊ ခမဳကၠုၚ်စိုပ်ဌာန်သအာၚ်ဂှ် “ယွံကောန်တၠ တၠအဲ မုရဴပ္ဍဲဌာန်မွဲ ဒၠိုက်ကတဵုနူဝသ်ရော? မုရဴပ္ဍဲဘာမွဲ မၞုံကဵုသွက်သ္ၚာ တၠအဲရော?” ရဴဝွံ ခမဳဂမၠိုၚ် သၟာန်အိုတ်ရ။ ခမဳဂှ် “အဲ ဒၠိုက်ကတဵုနူဝသ် ပ္ဍဲဘာမၞုံယၟုဝွံရ၊ သ္ၚာသွက်အဲဍိက် မၞုံဒၟံၚ်ပ္ဍဲဘာဂှ်ရ” ရဴဝွံ သ္ဂးရ။ ခမဳဂမၠိုၚ်ဂှ် “ယွံကောန်တၠ ဩဝ်အာညိ၊ ဩဝ်ရၚ်တၠုၚ်နၚ် သ္ၚာဂှ် ညိ၊ ပိုဲညးဂမၠိုၚ် ကြက်ဇိၚ်ကဵု သ္ၚာတၠအဲ ပ္ဍဲဘာဝွံအိုတ်ရ” ရဴဝွံ သ္ဂးအိုတ်ရ။ ခမဳဂှ် အာဘာဂှ်တုဲ “ယွံတဳလပိုဉ်တအ် သ္ၚာသွက်အဲဍိက် ဣလဵုရော?” ရဴဝွံ သၟာန်ခမဳဂမၠိုၚ်ရ။ ခမဳဂမၠိုၚ်ဂှ် “ယွံကောန်တၠ ဣဝွံတုန် သ္ၚာသွက်တၠအဲရ၊ မုရဴဌာန်မွဲ မအာရော?” ရဴဝွံ သ္ဂးအိုတ်ရ။ ခမဳဂှ် ဂိုၚ်ကေတ်သ္ၚာဂှ်တုဲ အာဘာဂှ်ရ၊ ပ္ဍဲအကြာဂၠံၚ်တရဴ “ယွံကောန်တၠ မုရဴဌာန်မွဲ မအာရော?” ရဴဝွံ ခမဳဂမၠိုၚ် သၟာန်ခမဳအိုတ်ရ။ ခမဳဂှ် “ကြက်အာ ဘာမၞုံယၟုဝွံရ၊ ပ္ဍဲဘာဂှ် ခမဳဂမၠိုၚ် ကြက်ဇိၚ်ကဵု သ္ၚာအဲဍိက်အိုတ်ရ” ရဴဝွံ သ္ဂးရ။ ခမဳဂမၠိုၚ်ဂှ် “ယွံကောန်တၠ ဟွံဗဗွဲရ၊ လ္ပအာရ၊ ပိုဲညးဂမၠိုၚ် ကြက်ဇိၚ်ကဵု သ္ၚာတၠအဲ ပ္ဍဲဘာဝွံအိုတ်ရ” ရဴဝွံ သ္ဂးအိုတ်ရ။ ကုခမဳဂှ် “ပ္ဍဲဘာဝွံဟေၚ် ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၅)
ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်အာဌာန်သအာၚ်ဒှ်တုဲ သီုမၞုံပၟိက်ကဵုသွက်သ္ၚာ မဂပ်ဝ်ကလိဂွံဂှ် စ္ဍးအာရ ။ပ။ “ပ္ဍဲဘာဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၆)
၃၂၃။ ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်အာဌာန်သအာၚ်ဒှ်တုဲ သီုမၞုံပၟိက်ကဵုသွက်သ္ၚာ မဂပ်ဝ်ကလိဂွံဂှ် စ္ဍးအာရ၊ ခမဳကၠုၚ်စိုပ်ဌာန်သအာၚ်ဂှ် “ယွံကောန်တၠ တၠအဲ မုရဴပ္ဍဲဌာန်မွဲ ဒၠိုက်ကတဵုနူဝသ်ရော? မုရဴပ္ဍဲဘာမွဲ မၞုံကဵုသွက်သ္ၚာ တၠအဲရော?” ရဴဝွံ ခမဳဂမၠိုၚ် သၟာန်အိုတ်ရ။ ခမဳဂှ် “အဲ ဒၠိုက်ကတဵုနူဝသ် ပ္ဍဲဘာမၞုံယၟုဝွံရ၊ သ္ၚာသွက်အဲဍိက် မၞုံဒၟံၚ်ပ္ဍဲဘာဂှ်ရ” ရဴဝွံ သ္ဂးရ။ ခမဳဂမၠိုၚ်ဂှ် “ယွံကောန်တၠ ဩဝ်အာညိ၊ ဩဝ်ရၚ်တၠုၚ်နၚ် သ္ၚာဂှ်ညိ၊ ပိုဲညးဂမၠိုၚ် ကြက်ဇိၚ်ကဵု သ္ၚာတၠအဲ ပ္ဍဲဘာဝွံအိုတ်ရ” ရဴဝွံ သ္ဂးအိုတ်ရ။
ခမဳဂှ် အာဘာဂှ်တုဲ “ယွံတဳလပိုဉ်တအ် သ္ၚာသွက်အဲဍိက် ဣလဵုရော?” ရဴဝွံ သၟာန်ခမဳဂမၠိုၚ်ရ။ ခမဳဂမၠိုၚ်ဂှ် “ယွံကောန်တၠ ဣဝွံတုန် သ္ၚာသွက်တၠအဲရ၊ မုရဴဌာန်မွဲ မအာရော?” ရဴဝွံ သ္ဂးအိုတ်ရ။ ခမဳဂှ် ဂိုၚ်ကေတ်သ္ၚာဂှ်တုဲ အာဘာဂှ်ရ၊ ကုခမဳမအာစိုပ်ဘာဂှ်တုဲဂှ် ကုခမဳဂှ် “ပ္ဍဲဘာဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၇)
ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်အာဌာန်သအာၚ်ဒှ်တုဲ သီုမၞုံပၟိက်ကဵုသွက်သ္ၚာ မဂပ်ဝ်ကလိဂွံဂှ် စ္ဍးအာရ ။ပ။ “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၈)
ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်အာဌာန်သအာၚ်ဒှ်တုဲ သီုမၞုံပၟိက်ကဵုသွက်သ္ၚာ မဂပ်ဝ်ကလိဂွံဂှ် စ္ဍးအာရ ။ပ။ “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၉)
ပွမမၞုံပၟိက်ဒ္စိတ်သာ်တုဲရ။
၁၉၉။ ပွမပဒတဴဗွဲမတသိုခ် မသုန်သာ်
[ပလေဝ်ဒါန် | ပလေဝ်ဒါန် တမ်ကၞက်]၃၂၄။ ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်ပဒတဴ ဗွဲတသိုခ်ဒှ်တုဲ ဂိုၚ်ကေတ်သ္ၚာ (မဟဂွံဇိၚ်ဏီ) တုဲမ္ဂး “ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်ကလေၚ်စဴရ” ရဴဝွံ စ္ဍးအာရ၊ ကုခမဳမအာစိုပ်မ္ၚးသိမ်တုဲဂှ် “ပ္ဍဲဘာဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၁)
ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်ပဒတဴ ဗွဲတသိုခ်ဒှ်တုဲ ဂိုၚ်ကေတ်သ္ၚာ (မဟဂွံဇိၚ်ဏီ) တုဲမ္ဂး “ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်ကလေၚ်စဴရ” ရဴဝွံ စ္ဍးအာရ၊ ကုခမဳမအာစိုပ်မ္ၚးသိမ်တုဲဂှ် “ပ္ဍဲဘာဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ စ္ဍးအာရ၊ ကုခမဳမအာစိုပ်မ္ၚးသိမ်တုဲဂှ် “ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၃)
ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်ပဒတဴ ဗွဲတသိုခ်ဒှ်တုဲ ဂိုၚ်ကေတ်သ္ၚာ (မဟဂွံဇိၚ်ဏီ) တုဲမ္ဂး “ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်ကလေၚ်စဴရ” ရဴဝွံ စ္ဍးအာရ၊ ကုခမဳမအာစိုပ်မ္ၚးသိမ်တုဲဂှ် “ပ္ဍဲဘာဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ စ္ဍးအာရ၊ ကုခမဳမအာစိုပ်မ္ၚးသိမ်တုဲဂှ် “ပ္ဍဲဘာဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာရ၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၉)
ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်ပဒတဴ ဗွဲတသိုခ်ဒှ်တုဲ ဂိုၚ်ကေတ်သ္ၚာ (မဟဂွံဇိၚ်ဏီ) တုဲမ္ဂး “ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်ကလေၚ်စဴရ” ရဴဝွံ စ္ဍးအာရ၊ ကုခမဳမအာစိုပ်မ္ၚးသိမ်တုဲဂှ် “ပ္ဍဲဘာဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ စ္ဍးအာရ၊ ခမဳဂှ် အခိၚ်မအာစိုပ်မ္ၚးသိမ်ဂှ် ကဵုဇိၚ်သ္ၚာဂှ်ရ၊ ခမဳဂှ် အခိၚ်ဇိၚ်သ္ၚာတုဲဂှ် “ကြက်ကလေၚ်စဴရ၊၊ ကြက်ကလေၚ်စဴရ” ရဴဝွံ ဃောချပ်မံၚ် ကဵုကလိလောန်အာ ပွမပိုက်ကထိုန် ပ္ဍဲမ္ၚးသိမ်ရ၊ ကုခမဳဂှ် ဒှ်ပွမပိုက်နုက်ကထိုန် သဳမာတိက္ကန္တိကရ။ (၄)
ခမဳဂှ် ဂပ်ဝ်လလးကထိုန်တုဲမ္ဂး မၞုံပၟိက်ပဒတဴ ဗွဲတသိုခ်ဒှ်တုဲ ဂိုၚ်ကေတ်သ္ၚာ (မဟဂွံဇိၚ်ဏီ) တုဲမ္ဂး “ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်အာ ဘာမၞုံယၟုဝွံရ၊ ပ္ဍဲဘာဂှ် ဒှ်တသိုခ်ကုအဲမ္ဂး ကြက်ပဒတဴရ၊ ယဝ်ဟွံဒှ် တသိုခ်ကုအဲမ္ဂး ကြက်ကလေၚ်စဴရ” ရဴဝွံ စ္ဍးအာရ၊ ကုခမဳမအာစိုပ်မ္ၚးသိမ်တုဲဂှ် “ပ္ဍဲဘာဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ စ္ဍးအာရ၊ ခမဳဂှ် အခိၚ်မအာစိုပ်မ္ၚးသိမ်ဂှ် ကဵုဇိၚ်သ္ၚာဂှ်ရ၊ ခမဳဂှ် အခိၚ်ဇိၚ်သ္ၚာတုဲဂှ် “ကြက်ကလေၚ်စဴရ၊၊ ကြက်ကလေၚ်စဴရ” ရဴဝွံ ချပ်တုဲ ကၠုၚ်စိုပ်ဂတာပ် ပိုက်ကထိုန်ရ၊ ကုခမဳဂှ် ဒှ်ပွမပိုက်နုက်ကထိုန် မွဲဟာန်ကေုာံခမဳဂမၠိုၚ်ရ။ (၅)
ပွမပဒတဴ ဗွဲတသိုခ်မသုန်သာ်တုဲရ။
၂၀၀။ စၞောန်ထ္ၜးကဵုပလိဗောဓနွံ ဟွံမွဲ
[ပလေဝ်ဒါန် | ပလေဝ်ဒါန် တမ်ကၞက်]၃၂၅။ ယွံခမဳတအ် ပလိဗောဓ ‘ဂဗုဓ်မလေပ်ပလီုပထုဲ’ ကထိုန်ဂမၠိုၚ် မၞုံၜါပြကာအိုတ်ရ၊ အပလိဗောဓဂမၠိုၚ် မၞုံၜါပြကာအိုတ်ရ။ ယွံခမဳတအ် ပလိဗောဓကထိုန်ဂမၠိုၚ်ၜါပြကာဂှ် ညးဍေံအိုတ်ရော? ပလိဗောဓမတွံဂးဘာ ပလိဗောဓမတွံဂးသ္ၚာ ဣဝွံမၞုံၜါပြကာအိုတ်ရ။ ယွံခမဳတအ် မုရဴသာ်လဵု ဒှ်ပလိဗောဓမတွံဂးဘာရော? ယွံခမဳတအ် ခမဳဂှ် ပ္ဍဲဘာဂှ် ပဒတဴလေဝ် ပဒတဴမံၚ်ရ၊ “ကလေၚ်စဴဏီရ” ရဴဝွံ မၞုံကဵုပွမသ္ၚေဝ်မဲဒှ်တုဲလေဝ် စ္ဍးအာမ္ဂး။ ယွံခမဳတအ် ရဴဝွံဟေၚ် ဒှ်အာဝါသပလိဗောဓမတွံဂးဘာရ။ ယွံခမဳတ် ပုရဴသာ်လဵု ဒှ်ပလိဗောဓမတွံဂးသ္ၚာရော? ယွံခမဳတအ် ကုခမဳဂှ် မဟဂွံဇိၚ်သ္ၚာဏီလေဝ် ဒှ်ရ၊ ဇိၚ်ဟွံစိုပ်ဒတုဲဏီလေဝ် ဒှ်ရ၊ ပွမမိက်ကလိဂွံသ္ၚာလေဝ် ဟွံပိုတ်ရ။ ယွံခမဳတအ် ရဴဝွံဟေၚ် ဒှ်စဳဝရပလိဗောဓမတွံဂးသ္ၚာရ။ ယွံခမဳတအ် ပလိဗောဓကထိုန်ဂမၠိုၚ် ဣဝွံမၞုံၜါပြကာအိုတ်ရ။
ယွံခမဳတအ် အပလိဗောဓ ကထိုန်ဂမၠိုၚ်ၜါပြကာဂှ် ညးဍေံအိုတ်ရော? အာဝါသအပလိဗောဓမတွံဂးဘာ အာဝါသပလိဗောဓမတွံဂးသ္ၚာ ဣဝွံမၞုံၜါပြကာအိုတ်ရ။ ယွံခမဳတအ် မုရဴသာ်လဵု ဒှ်အပလိဗောဓမတွံဂးဘာရော? ယွံခမဳတအ် ပ္ဍဲသာသနာဝွံ ခမဳဂှ် နပသၠးကၠေံ နမချဟ်ဇအအ်ကၠေံ နမဗလးကၠေံ နမဟွံသ္ၚေဝ်မဲ “ကြက်ဟွံကလေၚ်စဴရ” ရဴဝွံ စ္ဍးအာ နူဘာဂှ်မ္ဂး။ ယွံခမဳတအ် ရဴဝွံဟေၚ် ဒှ်အာဝါသအပလိဗောဓမတွံဂးဘာရ။ ယွံခမဳတအ် မုရဴသာ်လဵု ဒှ်အပလိဗောဓမတွံဂးသ္ၚာရော? ယွံခမဳတအ် ကုခမဳဂှ် သ္ၚာဇိၚ်တုဲအာလေဝ် ဒှ်ရ၊ ကၠေံလေၚ်အာလေဝ် ဒှ်ရ၊ လီုလာ်အာလေဝ် ဒှ်ရ၊ တူအာပၟတ်လေဝ်ဒှ်ရ၊ ပွမမိက်ကလိဂွံသ္ၚာလေဝ် ပိုတ်အာရ။ ယွံခမဳတအ် ရဴဝွံဟေၚ် ဒှ်စဳဝရအပလိဗောဓမတွံဂးသ္ၚာရ။ ယွံခမဳတအ် အပလိဗောဓကထိုန်ဂမၠိုၚ် ဣဝွံမၞုံၜါပြကာအိုတ်ရ ရဴဝွံ သ္ဂးရ။
ကထိနက္ခန္ဓကသတ္တမတုဲရ။
၂၀၁။ ကထိနက္ခန္ဓက ဗွဲခမ္ဍန်
[ပလေဝ်ဒါန် | ပလေဝ်ဒါန် တမ်ကၞက်]ခမဳကောန်ညးပါဝေယျကရးဂမၠိုၚ် ပိစှော်ဇကု၊ ပွမလုပ်ဒဂိုန် ပ္ဍဲဍုၚ်သာကေတ သီုဟွံမိပ်လဟိၚ်၊ အခိၚ်လိုက်ဝသ် သွက်ဂွံဗဵုလ္ၚောဝ်ကျာ်တြဲ ပွမက္ညကၠုၚ် နကဵုသ္ၚာဂမၠိုၚ်မပေၚ်တဴနကဵုဍာ်။
ဣဝွံတုန် ဝတ္ထုရောၚ်၊ ကုခမဳမလလးကထိုန်ဂှ် သီုဟွံဂရၚ်ပတီ ခမဳနွံတဴပြာကဋ်တုဲ ပွမက္ညအာသ္ၚိဒကာမာန်၊ သီုဟွံဂိုၚ်ကေတ် သ္ၚာပတိုန်လဝ် အဓိဋ္ဌာန်တိစဳဝရိက်ဂှ် ပွမက္ညအာမာန်၊ ပွမစဂဏဘောဇိုန်၊ အတိုၚ်နွံပၟိက် ပွမပကၚ်ဇရၚ်သ္ၚာ မဟွံသ္ပအဓိဋ္ဌာန် ဝိကပ္ပနမာန်၊ ဇ္မာပ်သ္ၚာ မကတဵုဒှ်ကၠိုၚ် ပ္ဍဲဘာလလးကထိုန်ဂှ် ပွမဒးဒှ် ကုခမဳမလလးကထိုန်တုဲဂမၠိုၚ်၊၊ ဂပ်ဝ်ကလိဂွံအာနိသံသဂမၠိုၚ် မသုန်သာ်ဝွံအိုတ်ရ၊ ပွမကဵုနဉတ်ကမ္မဝါစ်၊ ရဴဝွံ လလးမ္ဂး ဒှ်လလးကထိုန်ရ၊ ရဴဝွံ လလးမ္ဂး ဟွံဒှ်လလးကထိုန်ရ။
အယာံမာတ်ၜတ်ဗၞတ်ဇမၠိၚ်အနာံ အယာံမာတ်လပိုက်ကြာတ်ကြဴ အယာံမာတ်စဳရေၚ် အယာံမာတ်ရေက်ကုတ် အယာံမာတ်ကၞောတ်လဝ်၊ အယာံမာတ်ဇိၚ်ဇၟိၚ်ဇမၠိၚ်မကၞောတ်လဝ်၊ အယာံမာတ်အုပ်စုတ်ယာတ်ဂၠး၊ အယာံမာတ်တေဝ်စွံယာတ်ဂၠး၊ အယာံမာတ်ပတိုန်အမာတ်ဇမၠိၚ်၊ အယာံမာတ်ပတိုန်အမာတ်အနာံ၊ အယာံမာတ်ပတိုန်ဂၠးအာဂန္တုက၊ အယာံမာတ်ဖျောန် မွဲဝါဓဝ်၊ ယာတ်သ္ပနိမိတ်တုဲကလိဂွံ၊ ယာတ်မဂၠေံနၚ်၊ ယာတ်မဒေပ်စွံ၊ ယာတ်ကလိလောန်ဗ္တံ၊ ယာတ်ဟွံထပက်ကပ္ပဗိန္ဒု၊ ဝေၚ်ကၠေံသ္ၚာပိဂတှ်ေဂမၠိုၚ်တုဲ။
ဝေၚ်ကၠေံသ္ၚာမသုန်ခဏ် မလောန်လတူမသုန်ခဏ်ဂမၠိုၚ်တုဲ ဝေၚ်ကၠေံ ပွမကုတ်မွဲဟာန် ကေုာံဗၞဳအဝဏ်ဇၞော်အဗၞဳဝဏ်ဍောတ်တုဲ ဝေၚ်ကၠေံ ပူဂိုလ်မလေပ်လလးတုဲ ဟွံဒှ်လလးရ၊ ၜိုန်လလးမွဲမ္ဒးရးလေဝ် တန်တဴပ္ဍဲသိမ်တုဲ သ္ပအနုမောဒနာမ္ဂး၊ ဟွံဒှ်လလးရ၊ ရဴဝွံ ကျာ်တြဲတွံရ။
ယာတ်မဒှ်တၟိ ယာတ်မတုပ်ကေုာံယာတ်တၟိ ယာတ်ဗိုက်လတက်တုဲ ယာတ်ပံၚ်သုကူ ယာတ်ကလိဂွံနၚ်နူသ္ၚိဖျာ ယာတ်မကလိဂွံ သီုဟွံဒးပ္ပနိမိတ် ယာတ်မကလိဂွံ သီုဟွံဒးဟီုသ္ဂးပြယာဲ ယာတ်မဂၠေံနၚ်ဟွံသေၚ် ယာတ်မဟွံဒီုဗ္တံ ယာတ်မဟွံကလိဂွံလောန်ဗ္တံ ယာတ်မထပက်ကပ္ပဗိန္ဒု သအာၚ်နူဂှ် နတိစဳဝရိက်ကီု နမသုန်ခဏ်ကီု နမလောန်လတူမသုန်ခဏ်ကီု နပွမကုတ်မွဲဟာန်ကေုာံ ဗၞဳအဝဏ်ဇၞော်ဗၞဳအဝဏ်သၟတ်ကီု နပွမလလး ပူဂိုလ်မလေပ်လလးကီု လလဗွဲမ္ဒးရးမ္ဂး တန်တဴဒၟံၚ် ပ္ဍဲအပ္ဍဲသိမ်တုဲ သ္ပအနုမောဒနာမ္ဂး၊ ရဴဝွံ လလးမ္ဂး ဒှ်လလးကထိုန်ရ။
မာတိကာ ပွမပိုက်နုက်ကထိုန်ဂမၠိုၚ်တုန် မၞုံဒ္စာံသာ်အိုတ်ရ၊ ပွမပိုက်နုက်ကထိုန် မၞုံလအိတ်မ္ဂး ပွမစ္ဍးအာ၊ ပွမပိုက်နုက်ကထိုန် မၞုံလအိတ်မ္ဂး သ္ၚာစိုပ်ဒတုဲအာ၊ ပွမပိုက်နုက်ကထိုန် မၞုံလအိတ်မ္ဂး ပွမသ္ဂုတ်သွာတ်စိုတ်၊ ပွမပိုက်နုက်ကထိုန် မၞုံလအိတ်မ္ဂး ပွမကၠေံလေၚ် ပွမလီုလာ်၊ ပွမပိုက်နုက်ကထိုန် မၞုံလအိတ်မ္ဂး ပွမမိၚ်ကေတ်ရဴဝွံမ္ဂး ပိုက်နုက်ကထိုန်တုဲရ၊ ပွမပိုက်နုက်ကထိုန် မၞုံလအိတ်မ္ဂး အလယ်ပိုတ်အာ၊ ပွမပိုက်နုက်ကထိုန် မၞုံလအိတ်မ္ဂး ပွမကလိလောန်အပိုၚ်အခြာသိမ်၊ ပွမပိုက်နုက်ကထိုန်မ္ဂး ပွမပိုက်နုက်ကေုာံခမဳဂမၠိုၚ်မွဲစွံ ဣဝွံမၞုံဒ္စာံသာ်အိုတ်ရ။
ယြဴခမဳမွဲ ဂိုၚ်ကေတ်သ္ၚာမဇိၚ်တုဲဂှ်တုဲ “ကြက်ဟွံကလေၚ်စဴရ၊” ရဴဝွံ အာရ၊ ယြဴပွမပိုက်ကထိုန် ဒဒက်တဴခမဳဂှ်မွဲ နွံရ၊ ပွမပိုက်ကထိုန်ဂှ် ပွမပိုက်နုက်ကထိုန် မၞုံလအိတ် ပွမစ္ဍးအာမ္ဂးရ။
ယြဴခမဳမွဲ ဂိုၚ်ကေတ်သ္ၚာမဟဂွံဇိၚ်ဏီတုဲ အာရ၊ ကြက်ဇိၚ်သ္ၚာဝွံ ပ္ဍဲမ္ၚးသိမ်ရ၊ “ကြက်ဟွံကလေၚ်စဴရ” ရဴဝွံ ချပ်မ္ဂး၊ အခိၚ်သ္ၚာစိုပ်ဒတုဲအာ ကုခမဳဂှ် ပွမပိုက်နုက် ကထိုန်မၞုံလအိတ် ပွမသ္ၚာစိုပ်ဒတုဲမ္ဂးရ။
ယြဴခမဳမွဲ ဂိုၚ်ကေတ်သ္ၚာမဟဂွံဇိၚ်ဏီတုဲ အခိၚ်အာစိုပ်မ္ၚးသိမ်ဂှ် (သ္ၚာဝွံ) “ဇိၚ်လေဝ်ဟွံဇိၚ်ရ၊ ကလေၚ်လေဝ် ဟွံကလေၚ်စဴရ” ရဴဝွံ ပၠုပ်စိုတ်မ္ဂး၊ ကုခမဳဂှ် ပွမပိုက်ကထိုန်ဂှ် ပွမပိုက်နုက်ကထိုန် မၞုံလအိတ်ပွမသ္ဂုတ်သွာတ်မ္ဂးရ။
ယြဴခမဳမွဲ ဂိုၚ်ကေတ်သ္ၚာမဟဂွံဇိၚ်ဏီတုဲ အာမ္ဂး၊ ကြက်ဇိၚ်သ္ၚာဝွံ ပ္ဍဲမ္ၚးသိမ်မ္ဂး၊ “ကြက်ဟွံကလေၚ်စဴရ” ရဴဝွံ ချပ်မ္ဂး၊ ဃောဇိၚ်သ္ၚာ ကၠေံလီုအာမ္ဂး၊ ကုခမဳဂှ် ပွမပိုက်ကထိုန်ဂှ် ပွမပိုက်နုက်ကထိုန်မၞုံလအိတ် ပွမကၠေံလီုမ္ဂးရ။
ယြဴခမဳမွဲ ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ အာရ၊ ခမဳမဇိၚ်သ္ၚာတုဲဂှ် ပ္ဍဲဘာဂှ် ပိုက်ကၠေံကထိုန်ရဂး ရဴဝွံ ဂွိမိၚ်ရ၊ ကုခမဳဂှ် ပွမပိုက်ကထိုန်ဂှ် ပွမပိုက်နုက်ကထိုန်မၞုံလအိတ် ပွမမိၚ်မ္ဂးရ။
ယြဴခမဳမွဲ ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ အာရ၊ ဇိၚ်သ္ၚာ ပ္ဍဲမ္ၚးသိမ်ရ၊ ခမဳမဇိၚ်သ္ၚာတုဲဂှ် ကဵုကလိလောန်အာ အခိၚ်သ္ၚာမပိုက်ကထိုန် ပ္ဍဲမ္ၚးသိမ်မ္ဂး၊ ကုခမဳဂှ် ပွမပိုက်ကထိုန်ဂှ် ပွမပိုက်နုက်ကထိုန်ကလိလောန်အာ အပိုၚ်ခြာအခိၚ်သ္ၚးမ္ဂးရ။
ယြဴခမဳမွဲ ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ အာရ၊ ဇိၚ်သ္ၚာ ပ္ဍဲမ္ၚးသိမ်ရ၊ ခမဳမဇိၚ်သ္ၚာတုဲဂှ် “ကြက်ကလေၚ်စဴရ” ရဴဝွံ ချပ်တုဲ ကၠုၚ်စိုပ်ဂတာပ်ပိုက်ကထိုန်၊ ကုခမဳဂှ် ပွမပိုက်ကထိုန်ဂှ် ပွမပိုက်နုက်ကထိုန်မွဲဟာန်ကေုာံခမဳဂမၠိုၚ်မ္ဂးရ။
တၠုၚ်လအာ အာဒါယဝါရကီု တၠုၚ်လအာ သမဒါယဝါရကီု မၞုံတၟေၚ်ပကာရ ထပှ်ဝါရ ထပှ်ဝါရဇဳရ၊ ပ္ဍဲဆက္ကၜါဂမၠိုၚ်တုန် ပက္ကမနန္တိကဝါရ ဟွံမွဲရ၊ မၞုံတၠုၚ်လအာဝိပ္ပကတအိုတ်ရ။
နိဋ္ဌာနန္တိကကီု သန္နိဋ္ဌာနန္တိကကီု နာသနန္တိကကီု ဝါရဂမၠိုၚ်ပိဝွံ ဒှ်တဴ နပိုဒ်တၟေၚ် မတွံဂး ကာရေဿံရ၊ (ပ္ဍဲကြဴနူဂှ်) နိဋ္ဌာနန္တိကကီု သန္နိဋ္ဌာနန္တိကကီု နာသနန္တိကကီု ဝါရဂမၠိုၚ်ပိဝွံ ဂိုၚ်ကေတ်သ္ၚာတုဲ ကြက်သ္ပပ္ဍဲမ္ၚးသိမ်ရ၊ “ကြက်ဟွံကလေၚ်စဴရ” ရဴဝွံ (အာရ)။
(ပ္ဍဲကြဴနူဂှ်) ဝါရဂမၠိုၚ်ပိဂှ် နကဵုစိုတ်မဟွံသှ်ပတူ ရဴဝွံမ္ဂး “ကြက်ကလေၚ်စဴရ၊ ဟွံကလေၚ်စဴရ” ခမဳဂှ်ဟေၚ် မၞုံကဵုအစဳရေၚ် နယ်မသ္ဂးကၠိုၚ် ပ္ဍဲသၟဝ်အိုတ်ရ။
ယြဴခမဳမွဲ ဂိုၚ်ကေတ်သ္ၚာတုဲ “ကြက်ကလေၚ်စဴရ” ရဴဝွံ အာရ၊ ကြက်ဇိၚ်သ္ၚာ ပ္ဍဲမ္ၚးသိမ်ရ၊ “ကြက်ဟွံကလေၚ်စဴရ” ရဴဝွံ ဇိၚ်ရ၊ အခိၚ်သ္ၚာစိုပ်ဒတုဲ ဒှ်ပွမပိုက်နုက်ကထိုန်ရ၊ ပွမပိုက်နုက်ကထိုန်မၞုံလအိတ် ပွမသ္ဂုတ်သွာတ်ကီု ပွမပိုက်နုက်ကထိုန် မၞုံလအိတ်ပွမကၠေံလီုကီု ပွမပိုက်နုက်ကထိုန် မၞုံလအိတ်ပွမမိၚ်ကီု ပွမပိုက်နုက်ကထိုန်ကလိလောန်အာ အခိၚ်သ္ၚာဂမၠိုၚ်ကီု ဒှ်အိုတ်ရ၊ ပွမပိုက်နုက်ကထိုန်မွဲဟာန်ကေုာံခမဳဂမၠိုၚ်လေဝ်ဒှ်ရ၊ ရဴဝွံ (အာဒါယဝါရ) ဒှ်ပန္နရသကရ။
သမာဒါယဝါရလေဝ် ဒှ်ပန္နရသကစှ်သုန်သာ်ရ၊ မွဲလှ်ေပၠန် အာဒါယသတ္တရသက သမာဒါယသတ္တရသကၜါ မၞုံမွဲစွံကေုာံပိုဒ်ဝိပ္ပကတလေဝ် တုပ်သၟဟ်သာ်ဂှ် ဝါရဂမၠိုၚ်ပန်ဂှ်အိုတ်သီု မၞုံအစဳအရေၚ်စှ်သုန်သာ်အိုတ်ရ။
နမဟွံမွဲပၟိက်ကဵုပွမကလိဂွံသ္ၚာကီု နမမၞုံပၟိက်ကဵုပွမကလိဂွံသ္ၚာကီု နပွမထေက်ကဵု သ္ပကဵု မပ္တံအနာသာဂမၠိုၚ်ဂှ် မၞုံပိပြကာအိုတ်ရ၊ ဒးတီကေတ် ပိပြကာဂှ် ဗွဲခမ္ဍန်ရ၊ ပိပြကာဂမၠိုၚ်ဂှ် မၞုံစှ်ၜါဝါရ စှ်ၜါဝါရဇဳအိုတ်ရ။
ပ္ဍဲခန္ဓကဝွံ အပဝိလာယနဝါရဂမၠိုၚ်တုန် မၞုံဒ္စိတ်ပြကာအိုတ်ရ၊ ပ္ဍဲခန္ဓကဂှ် ဖာသုဝိဟာရဂမၠိုၚ်တုန် မၞုံမသုန်ပြကာအိုတ်ရ၊ ပလိဗောဓ အပလိဗောဓဂမၠိုၚ်တုန် မၞုံၜါပြကာအိုတ်ရ၊ (ရဴဝွံ) သ္ပတဴ ဥဒ္ဒာန် ဗွဲခမ္ဍန်ရ။ ဣဝွံဟေၚ် ကထိနက္ခန္ဓကတုဲရ။
ပ္ဍဲကထိနခန္ဓကဝွံ ဝတ္ထုဂမၠိုၚ်မၞုံကဵုဟုတ်ပေယျာလမ္ဂး ဒေါဠသကပိပြကာတုန် ကၠံစှ်ဒ္စာံဂမၠိုၚ်ရ။
ကထိနက္ခန္ဓကတုဲရ။
၈။ စဳဝရက္ခန္ဓက
[ပလေဝ်ဒါန် | ပလေဝ်ဒါန် တမ်ကၞက်]၂၀၂။ ဝတ္ထုသဝ်ဇဳဝက
[ပလေဝ်ဒါန် | ပလေဝ်ဒါန် တမ်ကၞက်]၃၂၆။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဝေဠုဝန် မဒှ်ဒၞာဲကဵုစၞ ကုယန်လမ္စံက်ဂမၠိုၚ် ဇရေၚ်ဍုၚ်ရာဇဂြိုဟ်ဂှ် ဍုၚ်ဝေသာလဳ ဍိုက်ပေၚ်သ္ဂေဟ်သွဟ်ရ၊ ဂီုကၠီု ဖဲသအဳရ၊ မၞုံကဵုလၟိဟ်မၞိဟ်ဂၠိုၚ်ရ၊ တ္ၜောန်တ္ၜောဲနှဲရဴတဴ နကဵုဂကူမၞိဟ်စုၚ်ရ၊ စၞစလှဲလးရ၊ ပြသာဒ်ဂမၠိုၚ် ထပှ်လ္ၚီ ထပှ်ကၠံ ထပှ်မကီု၊ သ္ၚိမၞုံကဵုအထောဋ်သ္ၚိကၠတ်ဂမၠိုၚ် ထပှ်လ္ၚီ ထပှ်ကၠံ ထပှ်မကီု၊ အာရှာံဂမၠိုၚ် ထပှ်လ္ၚီ ထပှ်ကၠံ ထပှ်မကီု၊ ကၟာဂမၠိုၚ် ထပှ်လ္ၚီ ထပှ်ကၠံ ထပှ်မကီု နွံအိုတ်ရ။ သအာၚ်နူဂှ် ဗြဴစရာဲဍုၚ်အမ္ဗပါလဳ ရုပ်သာ်ကျေဝ်ဂေါဝ်လောန်ရ၊ ထေက်ကဵုဗဵုသ္ၚေဝ်ခိုဟ်ရ၊ ကဵုစိုတ်ဇြုၚ်ကေဝ်မာန်ရ၊ ဍိုက်ပေၚ်တဴ ကေုာံသာ်သဏ္ဌာန်မပြဲရ၊ ပ္ဍဲပွမလှ်ေကီု ပ္ဍဲပွမဂယှ်ေဒွက်ကီု ပ္ဍဲပွမတိၚ်ကွိၚ်ကွိုက်ကီု စဳကၠးဆိုက်ဗ္ဒက်ရ၊ မၞိဟ်မၞုံပၟိက်ဂမၠိုၚ် ဂပ်ဝ်ပြာပ်အာစိုပ်ဒှ်တုဲ နကဵုမသုန်စှ်ေကသာပ်လေဝ် ဂွံအာကၠုၚ် ပ္ဍဲအခိၚ်ဗ္တံရ၊ ဟိုတ်နူဗြဴစရာဲဍုၚ်ဂှ်လေဝ် ဍုၚ်ဝေသာလဳ ရာၚ်ဆာဲ လောန်ကဵုဗၞတ်တွဵုရ။ ပ္ဍဲအခိၚ်ဂှ် မၞိဟ်ဇၞော်ကွာန်ကဆံၚ်လတူ ကောန်ညးရးရာဇဂြိုဟ် နကဵုကမၠောန်ကေၚ်ကာမမိက်ကဵုမွဲမွဲ အာဍုၚ်ဝေသာလဳရ၊ မၞိဟ်ဇၞော်ကွာန်ကဆံၚ်လတူ ကောန်ညးရးရာဇဂြိုဟ်ဂှ် ညာတ်ဒးအာ ဍုၚ်ဝေသာလဳ မဍိုက်ပေၚ်သ္ဂေဟ်သွဟ် မဂီုကၠီုဖဲသအဳ မၞုံကဵုလၟိဟ်မၞိဟ်ဂၠိုၚ်၊ မတ္ၜောန်တ္ၜောဲ နှဴရဴတဴ နကဵုဂကူမၞိဟ်စုၚ် စၞစလှဲလးရ၊ ညာတ်ဒးအာ ပြာသာဒ်ဂမၠိုၚ် ထပှ်လ္ၚီထပှ်ကၠံ ထပှ်မကီု သ္ၚိမၞုံကဵုအထောဋ်သ္ၚိကၠတ်ဂမၠိုၚ် ထပှ်လ္ၚီ ထပှ်ကၠံ ထပှ်မကီု အာရှာမ်ဂမၠိုၚ်ထပှ်လ္ၚီ ထပှ်ကၠံ ထပှ်မကီု ကၟာဂမၠိုၚ် ထပှ်လ္ၚီ ထပှ်ကၠံ ထပှ်မကီုရ။ ညာတ်ဒးအာ ဗြဴစရာဲဍုၚ်အမ္ဗပါလဳ ရုပ်သာ်ကျေဝ်ဂေါဝ်လောန် ထေက်ကဵုဗဵုသ္ၚေဝ်ခိုဟ်ကဵုစိုတ်ဇြုၚ်ကေဝ်မာန် မဍိုက်ပေၚ်တဴ ကေုာံသာ်သဏ္ဌာန်မပြဲ မစဳကၠးဆိုက်ဗ္ဒက် ပ္ဍဲပွမလှ်ေကီု ပ္ဍဲပွမဂယှ်ေဒွက်ကီု ပ္ဍဲပွမတိၚ်ကွိၚ်ကွိုက်ကီု မၞိဟ်မၞုံပၟိက်မၞုံပၟိက်ဂမၠိုၚ် ဂပ်ဝ်ပြာပ်အာစိုပ်ဒှ်တုဲ နကဵုမသုန်စှော်ကသာပ်လေဝ် ဂွံအာကၠုၚ် ပ္ဍဲအခိၚ်ဗ္တံရ၊ ဟိုတ်နူသၟတ်ဗြဴဂှ်လေဝ် ဍုၚ်ဝေသာလဳရာဲဆာဲ လောန်ကဵုဗၞတ်တွဵုရ။
၃၂၇။ ပ္ဍဲအခိၚ်ဂှ် မၞိဟ်ဇၞော်ကွာန်ကဆံၚ်လတူ ကောန်ညးရးရာဇဂြိုဟ် ကဵုစိုပ်ဒတုဲကၠေံကမၠောန်ကေၚ်ကာ မထေက်ကဵုသ္ပ ပ္ဍဲဍုၚ်ဝေသာလဳဂှ်တုဲ မွဲလှ်ေပၠန် ကလေၚ်စဴကၠုၚ် ဍုၚ်ရာဇဂြိုဟ်ရ၊ ပြာပ်အာဇရေၚ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးတုဲမ္ဂး “ယွံသၟိၚ်ဇၞော် ဍုၚ်ဝေသာလဳ ဍိုက်ပေၚ်သ္ဂေဟ်သွဟ်ရ၊ ဂီုကၠီု ဖဲသအဳရ၊ မၞုံကဵုလၟိဟ်မၞိဟ်ဂၠိုၚ်ရ၊ တ္ၜောန်တ္ၜောဲနှဴရဴတဴ နကဵုဂကူ မၞိဟ်စုၚ်ရ၊ စၞစလှဲလးရ၊ ပြာသာဒ်ဂမၠိုၚ် ထပှ်လ္ၚီ ။ ပ ။ ဟိုတ်နူဗြဴစရာဲဍုၚ်ဂှ်လေဝ် ဍုၚ်ဝေသာလဳ ရာၚ်ဆာဲ လောန်ကဵုဗၞတ်တွဵုရ၊ ယွံသၟိၚ်ဇၞော် အာတ်ပါန်အခေါၚ်ရ၊ ပိုဲညးဂမၠိုၚ်လေဝ် စွံပတန် ဗြဴစရာဲဍုၚ်အိုတ်စိုအ်” ရဴဝွံ ဂရၚ်ပတီရ။ ယွံမၞး ယဝ်ဒှ်သာ်ဂှ်မ္ဂး မၞးတအ်ညးဂမၠိုၚ် မိက်စွံပတန်ဗြဴစရာဲမ္ဂး ဩဝ်တီကေတ်သၟတ်ဝုတ် တၠုၚ်လအာတုပ်သၟဟ် (ကောံအမ္ဗပါလဳ) အိုတ်ညိ။ ပ္ဍဲအခိၚ်ဂှ် ပ္ဍဲဍုၚ်ရာဇဂြိုဟ် သၟတ်ဝုတ်မၞုံယၟုသာလဝတဳ ရုပ်သာ်ကျေဝ်ဂေါဝ်လောန်ရ၊ ထေက်ကဵုဗဵုသ္ၚေဝ်ခိုဟ်ရ၊ ကဵုစိုတ်ဇြုၚ်ကေဝ်မာန်ရ၊ ဍိုက်ပေၚ်တဴကေုာံသာ်သဏ္ဌာန်မပြဲရ၊ ပ္ဍဲအခိၚ်ဂှ် မၞိဟ်ဇၞော်ကွာန်ကဆံၚ်လတူ ကောန်ညးရးရာဇဂြိုဟ်ဂှ် (သ္ပ) ဗြဴစရာဍုၚ် သၟတ်ဝုတ်မၞုံယၟုံသာလဝတဳတုဲ စွံပတန်ရ၊ ပ္ဍဲကြဴနူဂှ် ဗြဴစရာဲဍုၚ်သာလဝတဳဂှ် ခြာဟွံလအ်ဟေၚ် ပ္ဍဲပွမလှ်ေကီု ပ္ဍဲပွမဂယှ်ေဒွက်ကီု ပ္ဍဲပွမတိၚ်ကွိၚ်ကွိုက်ကီု စဳကၠးဆိုက်ဗ္ဒက်ရ၊ မၞိဟ်မၞုံပၟိက်မၞုံပၟိက်ဂမၠိုၚ် ဂပ်ဝ်ပြာပ်အာစိုပ်ဒှ်တုဲ နကဵုကၠံကသာပ်လေဝ် ဂွံအာကၠုၚ် ပ္ဍဲအခိၚ်ဗ္တံရ၊ ပ္ဍဲကြဴနူဂမၞိဟ်မၞုံပၟိက်မၞုံပၟိက်ဂမၠိုၚ် ဂပ်ဝ်ပြာပ်အာစိုပ်ဒှ်တုဲ နကဵုမသုန်စှော်ကသာပ်လေဝ် ဂွံအာကၠုၚ် ပ္ဍဲအခိၚ်ဗ္တံရ၊ ကြဴနူဂှ် ဗြဴစရာဲဍုၚ်သာလဝတဳဂှ် ခြာဟွံလအ်ဟေၚ် ကလိဂွံဂၠမ်ဂဝ်ရ။ ပ္ဍဲအခိၚ်ဂှ် “ညးဗြဴဂှ် မၞုံကဵုဂၠမ်ဂဝ်မ္ဂး ညးတြုံတအ် ဟွံသ္ဍိုက်မၠိုက်ရ၊ ယဝ်ညးမမိက်ကဵုမွဲမွဲ တီဂွံအဲ ‘ဗြဴစရာဲဍုၚ်သာလဝတဳ မၞုံကဵုဂၠမ်ဂဝ်ရ’ မ္ဂး၊ လာဘ်သက္ကာအလုံအိုတ်သီု ကြက်လီုလာ်ကုအဲရ၊ အဲ ဂိယဲဒၟံၚ်ရ ရဴဝွဴ သ္ဂောံကဵုတီကေတ် ခိုဟ်သန်ရ” ရဴဝွံ ကသပ်ဒှ် ကုဗြဴစရာဲဍုၚ်သာလဝတဳရ။ ပ္ဍဲအခိၚ်ဂှ် ဗြဴစရာဲဍုၚ်သာလဝတဳဂှ် “ယွံအမာံပၟၚ်တြၚ် တြုံမမိက်ကဵုမွဲမွဲလေဝ် လ္ပကဵုလုပ်ညိ၊ ယြဴတြုံမွဲ သၟာန်အဲမ္ဂး၊ ဂိယဲဒၟံၚ်ရ ရဴဝွံ ဩဝ်ဟီုညိ” ရဴဝွံ ဟီုဗကန်ကဵုပၟၚ်တြၚ်ရ။ “ခိုဟ်ရ ယွံနာဲဗြဴ” ရဴဝွံ ပၟၚ်တြၚ်ဂှ် ဒုၚ်ဝန် ကုဗြဴစရာဲဍုၚ်သာလဝတဳရ။ ကြဴနူဂှ် ဗြဴစရာဲဍုၚ်သာလဝတဳဂှ် သ္ပဟိုတ်ကဵုဂၠမ်ဂဝ်ဂှ် ကြံၚ်ဍုဟ်တုဲ ၜံၚ်သၠးကောန်ရ။ ပ္ဍဲအခိၚ်ဂှ် ပ္ဍဲအခိၚ်ဗ္တံရဂှ် ဗြဴစရာဲဍုၚ်သာလဝတဳ “ဟာဲဍိက်ဗြဴ ဟေအ်ဩဝ်ကေတ်ညိ၊ ကောန်ၚာ်သၟတ်ဝွံ စုတ်ပ္ဍဲကၞာဲတြေံတြေံတုဲ ရၚ်တၠုၚ်ဏာတုဲမ္ဂး ဩဝ်ကၠဟ်ထောံ ပ္ဍဲဌာန်ထောံသၟိက်ဟန်ဗန်ညိ” ရဴဝွံ ဖအောဝ် စကာဍိက်ဗြဴရ။ “ခိုဟ်ရ ယွံနာဲဗြဴဴ” ရဴဝွံ ဍိက်ဗြဴဂှ် ဒုၚ်ဝန် ကုဗြဴစရာဲဍုၚ်သာလဝတဳတုဲ စုတ်ကောန်ၚာ်သၟတ်ဂှ် ပ္ဍဲကၞာဲတြေံတြေံတုဲမ္ဂး ရၚ်တၠုၚ်ဏာ ကၠဟ်ထောံပ္ဍဲဌာန်ထောံသၟိက်ဟန်ဗန်ရ။
၃၂၈။ ပ္ဍဲအခိၚ်ဂှ် ကောန်သၟိၚ်ဗၠာဲအဘယ ပ္ဍဲနူဂယးပြဟ်ဟေၚ် အာတဴ သွက်ဂွံခပြာပ်စသၟိၚ်မ္ဂး ညာတ်ဒး ကောန်ၚာ်သၟတ် မဗိုၚ်လဝ်နကဵုခ္ဍာ်ဂမၠိုၚ်ဂှ်တုဲ “ယွံသကအ်တအ် အရာဝတ္ထု မဗိုၚ်လဝ် နကဵုခ္ဍာ်ဂမၠိုၚ်ဂှ် မုမွဲရော?” ရဴဝွံ သၟာန်မၞိဟ်ဂမၠိုၚ်ရ။ ယွံတၠညးကောန်သၟိၚ်ဗၠာဲ ကောန်ၚာ်သၟတ်ရ ရဴဝွံ သ္ဂးအိုတ်ရ။ ယွံသအ်တအ် လမျီုနွံဏီဟာ ရဴဝွံ (သၟာန်မ္ဂး) ယွံတၠညးကောန်သၟိၚ်ဗၠာဲ လမျီုနွံဏီရ ရဴတွံ (သ္ဂးအိုတ်ရ)။ ယွံသအ်တအ် ဒှ်သာ်ဂှ်မ္ဂး ကောန်ၚာိသၟတ်ဂှ် ရၚ်တၠုၚ်ဏာ သ္ၚိအဲတုဲ တၞဟ်နလွဳလွတ်ဗ္စ ဩဝ်ကဵုကုမိမိန်ဂမၠိုၚ်အိုတ်ညိ ရဴဝွံ (သ္ဂးရ)။ “ယွံတၠညးကောန်သၟိၚ်ဗၠာဲ ခိုဟ်သန်ရ” ရဴဝွံ မၞိဟ်ဂမၠိုၚ်ဂှ် ဒုၚ်ဝန် ကောန်သၟိၚ်ဗၠာဲအဘယတုဲ ကောန်ၚာ်ဂှ် ရၚ်တၠုၚ်ဏာ သ္ၚိကောန်သၟိၚ်ဗၠာဲအဘယတုဲမ္ဂး “ဩဝ်လွဳလွတ်အိုတ်ညိ” ရဴဝွံ ကဵုမိမိန်ဂမၠိုၚ်အိုတ်ရ။ ဟိုတ်နူဂလာန်သၟာန်မ္ဂး လမျီုနွံဟာဂှ်ရ ခုတ်ကဵုယၟု ကုကောန်ၚာ်ဂှ် “ဇဳဝက” (မာံအာယုက်ဂၠိၚ်) အိုတ်ရ၊ ဟိုတ်နူကောန်သၟိၚ် ဂပ်ဝ်လွဳလွတ်ဗ္စဖျုၚ်ဂှ်ရ ခုတ်ကဵုယၟု “ကောမရဘစ္စ” အိုတ်ရ။ ကြဴနူဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် ခြာဟွံလအ်ဟေၚ် အာစိုပ်ဒဒှ်တီကၠိုဟ်ခၠၚ်ရ။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် ပြာပ်အာဇရေၚ် ကောန်သၟိၚ်ဗၠာဲအဘယတုဲမ္ဂး “ယွံတၠညးကောန်သၟိၚ်ဗၠာဲ မိယာဲအဲဍိက်တုန် ဒှ်ညးလဵုမွဲရော? မအံက်အဲဍိက်တုန် ဒှ်ညးလဵုမွဲရော?” ရဴဝွံ သၟာန်ကောန်သၟိၚ်ဗၠာဲအဘယရ၊ အမာံဇဳဝက အဲလေဝ် ဟွံတီ မိယာဲတၠအဲရ၊ ဗွဲစၟတ်တုန် အဲဂှ် ဒှ်မအံက်တၠအဲရ၊ အဲဟေၚ် ဂပ်ဝ်လွဳလွတ်ဗ္စရ ရဴဝွံ (သ္ဂးရ)။ ပ္ဍဲအခိၚ်ဂှ် ကုဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် “သီုဟွံမွဲကဵုကွတ်ပညာ နိဿဲဗ္ဒာဲကဵုဂကူသၟိၚ်ဂမၠိုၚ်တုဲ တၞဟ်နဂယိုၚ်လမျီု ဟွံလောဲသွာရ၊ အဲ သ္ဂောံကတ်ဗတောန် ကွတ်ဂဥုဲမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ်ရ။
၃၂၉။ ပ္ဍဲအခိၚ်ဂှ် ပ္ဍဲဍုၚ်တက္ကသိုလ် အ္စာဂဥုဲဒိသာပါမောက္ခ ပဒတဴဒၟံၚ်ရ။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် သီုဟွံပါန်အခေါၚ် ကောန်သၟိၚ်ဗၠာဲအဘယ အာဍုၚ်တက္ကသိုလ်ရ၊ အတိုၚ်လၟေၚ်လၟေၚ် အာမ္ဂး ပြာပ်စိုပ်အာဇရေၚ် အ္စာဂဥုဲဍုၚ်တက္ကသိုလ် တုဲပ္ဍဲကြဴ “ယွံအ္စာ အဲဍိက် နွံပၟိက် တၞဟ်နကတ်ကွတ်ဂဥုဲရ” ရဴဝွံ ဟီုသ္ဂးကဵုအ္စာဂဥုဲရ။ အမာံဇဳဝက ဒှ်သာ်မ္ဂးဂှ် ဩဝ်ကတ်ညိ ရဴဝွံ (ဟီုသ္ဂးရ)။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ် လွဳလွတ်ဗ္စဂှ် ဗွဲမဂၠိုၚ်လေဝ် ကတ်ဗတောန်ရ၊ ဗွဲမပြဟ်လေဝ် လေပ်အာရ၊ ဗွဲမ္ဒးရးလေဝ် စမ်ၜတ် ဂၠိုက်ဂၠာဲရ၊ ပညာဇၟာပ်ဗတောန်လဝ်လေဝ် ဟွံဝိုန်ကၠေံအာ ကုဇဳဝကအိုတ်ရ။ ပ္ဍဲအခိၚ်ဂှ် ကုဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် အခိၚ်မကလိလောန်အာထပှ်သၞာံ “အဲဂှ် ဗွဲမဂၠိုၚ်လေဝ် ကတ်ဗတောန်ရ၊ ဗွဲမပြဟ်လေဝ် လေပ်အာရ၊ ဗွဲမ္ဒးရးလေဝ် စမ်ၜတ်ဂၠိုက်ဂၠာဲရ၊ ပညာဇၟာပ်ဗတောန်လဝ်လေဝ် ဟွံဝိုတ်ကၠေံအာ ကုအဲရ၊ ကုအဲမကတ်ဗတောန် လုကဴထပှ်သၞာံဂမၠိုၚ် လအိတ်ကွတ်ဂဥုဲဝွံ ဟွံပြာကဋ်ရ၊ မုရဴပ္ဍဲအခိၚ်မွဲ လအိတ်ကွတ်ဂဥုဲဝွံ ပြာကဋ်ရော?” ရဴဝွံ ကသပ်ဒှ်ကၠုၚ်ရ။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် ပြာပ်စိုပ်အာဇရေၚ် အ္စာဂဥုဲတုဲမ္ဂး “ယွံအ္စာဇၞော် အဲဍိက် ကတ်ဗတောန်လဝ် ဗွဲမဂၠိုၚ်ရ၊ ဗွဲမပြဟ်လေဝ် လေပ်အာရ၊ ဗွဲမ္ဒးရးလေဝ် စမ်ၜတ်ဂၠိုက်ဂၠာဲရ၊ ပညာဇၟာပ်ဗတောန်လဝ်လေဝ် ဟွံဝိုတ်ကၠေံအာ ကုအဲဍိက်ရ၊ ကုအဲဍိက် မကတ်ဗတောန် လုကဴထပှ်သၞာံဂမၠိုၚ် လအိတ်ကွတ်ဂဥုဲဝွံ ဟွံပြာကရော?” ရဴဝွံ ဟီုသ္ဂးကဵုအ္စာဂဥုဲဂှ်ရ။ အမာံဇဳဝက ဒှ်သာ်ဂှ်မ္ဂး ဂိုၚ်ကေတ် ကွဵုခါဲတိတုဲ ဂေတ်ဂ္ၚေၚ် ဌာန်မွဲယောဇနာ ဇရေၚ်ပွဳပွူ ဍုၚ်တက္ကသိုလ်တုဲ ဩဝ်ဗက်ဂၠာဲရံၚ် တၞံဆုဟွံလုပ်ဂဥုဲ မမိက်ကဵုမွဲမွဲညိ၊ ဩဝ်ရၚ်တၠုၚ်နၚ်တၞံဆု မဟွံလုပ်ဂဥုဲဂှ်ညိ ရဴဝွံ (ဟီုသ္ဂးရ)။ “ယွံအ္စာ ခိုဟ်သန်ရ” ရဴဝွံ ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စ ဒုၚ်ဝန် ကုအ္စာဂဥုဲတုဲမ္ဂး ဂိုၚ်ကေတ် ကွဵုခါဲတိတုဲ ဂေတ်ဂ္ၚေၚ်ဌာန်မွဲယောဇနာ ဇရေၚ်ပွဳပွူ ဍုၚ်တက္ကသိုလ်မ္ဂး ဟွံညာတ်ကေတ် တၞံဆုဟွံလုပ်ဂဥုဲ မမိက်ကဵုမွဲမွဲရ။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် ပြာပ်စိုပ်အာဇရေၚ် အ္စာဂဥုဲတုဲမ္ဂး “ယွံအ္စာ ဂေတ်ဂ္ၚေၚ် ဌာန်မွဲယောဇနာ ဇရေၚ်ပွဳပူပွူ ဍုၚ်တက္ကသိုလ်ရ၊ ဂေတ်ဂ္ၚေၚ်မ္ဂး ဟွံညာတ်ကေတ် တၞံဆုဟွံလုပ်ဂဥုဲ မမိက်ကဵုမွဲမွဲရ” ရဴဝွံ ဟီုသ္ဂးရ။ “အမာံဇဳဝက ဂပ်ဝ်ကတ်ဗတောန်ကေတ် ဗွဲမ္ဒးရးတုဲရ၊ ကွတ်ဗၞတ်ဝွံ သၟဟ်စောံ တၞဟ်နဂယိုၚ်လမျီု ကုတၠအဲရ” ရဴဝွံ ဟီုသ္ဂးတုဲမ္ဂး ကဵုထောံဇွောံမဗၞတ်ညိနာၚ် ကုဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စရ။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စ ဂိုၚ်ကေတ် ဇွောံမဗၞတ်ညိနာၚ်ဂှ်တုဲ စ္ဍးအာဍုၚ်ရာဇဂြိုဟ်ရ။ ပ္ဍဲအခိၚ်ဂှ် ကုဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် ဇွောံမဗၞတ်ညိနာၚ်ဂှ် အာစိုပ်ပွမအိုတ်အာ အကြာဂၠံၚ်တရဴ ပ္ဍဲဍုၚ်သာကေတရ။ ပ္ဍဲအခိၚ်ဂှ် ကုဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် “တရဴဝါတ်ဂါတ်ဂမၠိုၚ်ဝွံတုန် ဍာ်ဟွံမွဲအိုတ်ရ၊ စၞစဟွံမွဲအိုတ်ရ၊ တၞဟ်နအာ သီုဟွံမွဲကဵုဇွောံမဂှ် ဟွံလောဲသွာရ၊ အဲ ဂွံဂၠာဲဇွောံမမ္ဂး ခိုဟ်ရ” ရဴဝွံ သပ်ဒှ်ကၠုၚ်ရ။
၂၀၃။ ဝတ္ထုဂၞကျာ်သေဌဳ
[ပလေဝ်ဒါန် | ပလေဝ်ဒါန် တမ်ကၞက်]၃၃၀။ ပ္ဍဲအခိၚ်ဂှ် ပ္ဍဲဍုၚ်သာကေတ ကုဂၞကျာ်သေဌဳဂှ် ဒှ်ဒၟံၚ်ယဲဂိက္ဍိုပ် ဗၞတ်ထပှ်သၞာံရ၊ အ္စာသဝ်ဇၞော်ဒိသာပါမောက္ခဂမၠိုၚ်မဂၠိုၚ်ဂၠၚ် ကၠုၚ်တုဲ တၞဟ်နဝဳဗလး စဵုကဵုယဲဗၠးဂှ် ဟွံသၟဟ်ရထအိုတ်ရ၊ ဂိုၚ်ကေတ် ထဝ်သြန်မဂၠိုၚ်တုဲ အာအိုတ်ရ။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် လုပ်ကၠုၚ်ဍုၚ်သာကေတတုဲမ္ဂး “ယွံမၞးတအ် မုရဴညးမွဲ ဂိယဲဒၟံၚ်ရော? သ္ဂောံဝဳကဵုညးလဵုမွဲရော?” ရဴဝွံ သၟာန်မၞိဟ်ဂမၠိုၚ်ရ၊ ယွံအ္စာ ကုဂၞကျာ်သေဌဳဝွံ ဒှ်ဒၟံၚ်ယဲဂိက္ဍိုပ် ဗၞတ်ထပှ်သၞာံရ၊ အ္စာ ဩဝ်အာညိ၊ ဩဝ်ဝဳဗလးဂၞကျာ်သေဌဳညိ ရဴဝွံ (ဟီုသ္ဂးရ)။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စ ပြာပ်အာသ္ၚိသေဌဳတုဲမ္ဂး ယွံပၟၚ်တြၚ် ဩဝ်အာညိ၊ “ယွံနာဲဗြဴ အ္စာသဝ်ကၠုၚ်ရ၊ အ္စာသဝ်ဂှ် မိက်သ္ၚေဝ်ရံၚ် တၠအဲဂၞကျာ်သေဌဳရ ရဴဝွံ ဩဝ်အာဟီုလဴညိ” ရဴဝွံ ဖအောဝ်စကာ ပၟၚ်တြၚ်ရ။ “ယွံအ္စာ ခိုဟ်သန်ရ” ရဴဝွံ ပၟၚ်တြၚ်ဂှ် ဒုၚ်ဝန် ကုဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စတုဲ ပြာပ်အာဇရေၚ် ဂၞကျာ်သေဌဳတုဲမ္ဂး “ယွံနာဲဗြဴ အ္စာသဝ်ကၠုၚ်စိုပ်ရ၊ အ္စာသဝ်ဂှ် မိက်သ္ၚေဝ်ရံၚ် တၠအဲဂၞကျာ်သေဌဳရ” ရဴဝွံ ဟီုသ္ဂးကဵုဂၞကျာ်သေဌဳရ။ အမာံပၟၚ်တြၚ် အ္စာသဝ်ဂှ် မၞုံအဝယ်ဗၞတ်လဵုရော? ရဴဝွံ (သၟာန်ရ)။ ဒှ်ညးဍောတ်သွတ်ရ ယွံနာဲဗြဴ ရဴဝွံ (ဟီုသ္ဂးရ)။ အမာံပၟၚ်တြၚ် ဟွံဗဗွဲရ၊ အ္စာသဝ်မဍောတ်သွတ် ပသာ်ဂွံသ္ပမာန် ကုအဲရော? အ္စာသဝ်ဒိသာပါမောက္ခဂမၠိုၚ် ဇၞော်ဇၞော်မဂၠိုၚ်ဂှ် ကၠုၚ်တုဲ တၞဟ်နဝဳဗလး စဵုကဵုယဲဗၠးဂှ် ဟွံသၟဟ်ရထအိုတ်ရ၊ ဂိုၚ်ကေတ် ထဝ်သြန်မဂၠိုၚ်တုဲ အာအိုတ်ရ ရဴဝွံ (ဟီုသ္ဂးရ)။ ပ္ဍဲအခိၚ်ဂှ် ပၟၚ်တြၚ်ဂှ် ပြာပ်အာဇရေၚ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စတုဲ “ယွံအ္စာ ဂၞကျာ်သေဌဳဂှ် အမာံပၟၚ်တြၚ် ဟွံဗဗွဲရ၊ အ္စာသဝ်မဍောတ်သွတ် ပသာ်ဂွံသ္ပမာန်ကုအဲရော? အ္စာသဝ်ဒိသာပါမောက္ခဂမၠိုၚ် ဇၞော်ဇၞော်မဂၠိုၚ်ဂှ် ကၠုၚ်တုဲ တၞဟ်နဝဳဗလး စဵုကဵုယဲဗၠးဂှ် ဟွံသၟဟ်ရထအိုတ်ရ၊ ဂိုၚ်ကေတ် ထဝ်သြန်မဂၠိုၚ်တုဲ အာအိုတ်ရ” ရဴဝွံ ဟီုသ္ဂးရဂှ် ဟီုသ္ဂးကဵု ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စရ။ ယွံပၟၚ်တြၚ် ဩဝ်အာညိ၊ “ယွံနာဲဗြဴ ကိုပ်ကၠာယဲဟွံဗၠးဏီ လ္ပကဵုၚုဟ်မမိက်ကဵုမွဲမွဲညိ၊ အခိၚ်ဗၠးနူယဲမှ ဝတ္ထုမိက်ဂွံကဵုဂှ် ဩဝ်ကဵုညိ” ရဴဝွံ အ္စာသဝ်ဂှ် ဟီုရ ရဴဝွံ ဩဝ်အာဟီုကဵု ဂၞကျာ်သေဌဳညိဂှ် ဖအောဝ်စကာ ပၟၚ်တြၚ်ရ။ “ယွံအ္စာ ခိုဟ်သန်ရ” ရဴဝွံ ပၟၚ်တြၚ်ဂှ် ဒုၚ်ဝန်ကုဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စတုဲ ပြာပ်အာဇရေၚ် ဂၞကျာ်သေဌဳတုဲမ္ဂး “ယွံနာဲဗြဴ ကိုပ်ကၠာယဲဟွံဗၠးဏီ လ္ပကဵုၚုဟ်မမိက်ကဵုမွဲမွဲညိ၊ အခိၚ်ဗၠးနူယဲမှ ဝတ္ထုမိက်ဂွံကဵုဂှ် ဩဝ်ကဵုညိ” ရဴဝွံ အ္စာသဝ်ဂှ် ဟီုရ ရဴဝွံ ဟီုသ္ဂးကဵုဂၞကျာ်သေဌဳရ။ အမာံပၟၚ်တြၚ် ဒှ်သာ်ဂှ်မ္ဂး ကဵုအ္စာသဝ်ကၠုၚ်ညိ ရဴဝွံ (ဟီုသ္ဂးရ)။ “ယွံနာဲဗြဴ ခိုဟ်သန်ရ” ရဴဝွံ သ္ဂးတုဲ ပၟၚ်တြၚ်ဂှ် ဒုၚ်ဝန် ကုဂၞကျာ်သေဌဳတုဲ ပြာပ်အာဇရေၚ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စတုဲ “ယွံအ္စာ ဂၞကျာ်သေဌဳဂှ် ကော်ဒၟံၚ်တၠအဲရ” ရဴဝွံ ဟီုသ္ဂးကဵုဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စရ။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် ပြာပ်အာဇရေၚ် ဂၞကျာ်သေဌဳတုဲမ္ဂး သမ္တီကေတ် ပွမပၠန်ဂတးဂၞကျာ်သေဌဳတုဲ “ယွံနာဲဗြဴ နွံပၟိက်ကဵုကၠေၚ်သွဟ် မွဲဇၚာၚ်တဲရ” ရဴဝွံ ဟီုသ္ဂးကဵုဂၞကျာ်သေဌဳရ။ ပ္ဍဲအခိၚ်ဂှ် ဂၞကျာ်သေဌဳဂှ် ဖအောဝ်ကဵု ကဵုကၠေၚ်သွဟ်မွဲဇၚာၚ်တဲ ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စရ။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် ဖျိန်ကၠေံ ကၠေၚ်သွဟ်မွဲဇၚာၚ်တဲဂှ် နကဵုဂဥုဲတၞဟ်တၞဟ်နတုဲ ကဵုဂၞကျာ်သေဌဳ တိက်လံက်လ္ၚာ ပ္ဍဲလတူဇံၚ်တုဲ ကဵုခရောတ်နုဟ်ရ။ ပ္ဍဲအခိၚ်ဂှ် ကၠေၚ်သွဟ်ကဵုခရောတ်ပၠုပ်ဂှ် ဇအအ်တိတ်ကၠုၚ် နူပါၚ်ရ။ ပ္ဍဲအခိၚ်ဂှ် ဂၞကျာ်သေဌဳဂှ် ချပ်စုတ်ပ္ဍဲထၟာဲချဟ် (ထၟာဲတဲ) တုဲ “ဟာဲဍိက်ဗြဴ ကၠေၚ်သွဟ်ဝွံ ဩဝ်ဍာပ်ကေတ် နကဵုတောဝ်ချဵုညိ” ရဴဝွံ ဖအောဝ်စကာ ဍိက်ဗြဴရ။ ပ္ဍဲအခိၚ်ဂှ် ကုဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် “ဩဒးအမ်သဝ်ကွေံရသွံ၊ တၠသ္ၚိဗြဴဝွံတုန် သအေတ်သပါန် ဂဗိဂမ္တက်လောန်ရသွံ၊ သီုကဵုဒှ်တဴ သေဌဳၝောံလေဝ် ကၠေၚ်သွဟ်မၞုံသဘဴ မဂပ်ဝ်ကၠဟ်ထောံဝွံ ကဵုဍာပ်ကေတ် နကဵုတောဝ်ချဵုဏီရ၊ အဲဒးဖက်လဝ်ဂဥုဲဂမၠိုၚ် မထေက်ကဵုၚုဟ်မးမဂၠိုၚ်အိုတ်ရ၊ တၠသ္ၚိဗြဴဂၞကျာ်သေဌဳဝွံ သာ်လဵုဂွံကဵု ဝတ္ထုမမိက်ကဵုမွဲမွဲ ကုအဲရော?” ရဴဝွံ ကသပ်ဒှ်ကၠုၚ်ရ။ ပ္ဍဲအခိၚ်ဂှ် ဂၞကျာ်သေဌဳဂှ် သမ္တီကေတ် အကာဲအရာမပၠန်ဂတး ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စတုဲ “ယွံအ္စာ တၠအဲ မုဟိုတ် ဒှ်သၠိုက်သ္ၚောံစိုတ်ရော?” ရဴဝွံ သ္ဂးကဵုဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စရ။ ကုအဲဂှ် “ဩဒးအမ်သဝ်ကွေံရသွံ၊ တၠသ္ၚိဗြဴဝွံတုန် သအေတ်သဗါန် ဂဗိဂမ္တက်လောန်ရသွံ၊ သီုကဵုဒှ်တဴ သေဌဳၝောံလေဝ် ကၠေၚ်သွဟ်မၞုံသဘဴ မဂပ်ဝ်ကၠဟ်ထောံဝွံ ကဵုဍာပ်ကေတ် နကဵုတောဝ်ချဵုဏီရ၊ အဲဒးဖက်လဝ်ဂဥုဲဂမၠိုၚ် မထေက်ကဵုၚုဟ်မး မဂၠိုၚ်အိုတ်ရ၊ တၠသ္ၚိဗြဴဂၞကျာ်သေဌဳဝွံ သာ်လဵုဂွံကဵု ဝတ္ထုမမိက်ကဵုမွဲမွဲကုအဲရော?” ရဴဝွံ ကသပ်ဒှ်ကၠုၚ်ရဂှ် ဟီုသ္ဂးရ။ ယွံအ္စာ ပိုဲတအ်ညးပဒတဴသ္ၚိကၟိန်ဂမၠိုၚ်မ္ဂးဂှ် တီကတ် ဂုဏ်ဝဳဗလးကဵု ဂုဏ်ပတိတ်ဗလး ကဵုနူယဲဂှ်အိုတ်ရ၊ ကၠေၚ်သွဟ်ဝွံ ကုဍိက်ဂမၠိုၚ်ကီု ကုသၟာကမၠောန်ဂမၠိုၚ်ကီု သွက်ဂွံလံၚ်ဇိုၚ် ခိုဟ်ဏီရ၊ သွက်ဂွံစုတ် ပ္ဍဲပၟတ်ကၠေၚ်သ္ဍဴလေဝ် ခိုဟ်ဏီရ၊ ယွံအ္စာ တၠအဲ လ္ပဒှ်သၠိုက်သ္ၚောံစိုတ်ညိ၊ ၚုဟ်မး မထေက်ကဵုကဵုကုတၠအဲဂှ် ဟွံကဵုဟုတ်ယုတ်ရ ရဴဝွံ (ဟီုသ္ဂးရ)။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် နအယာံမာတ် ကဵုခရောတ်နုဟ် မွဲအလန်ဓဝ်ဂှ် ပါဲနုက်ကၠေံ ယဲဂိက္ဍိုပ် ဂၞကျာ်သေဌဳ ဒှ်ဒၟံၚ်ထပှ်သၞာံရ။ ပ္ဍဲအခိၚ်ဂှ် ဂၞကျာ်သေဌဳဂှ် ဟွံမွဲကဵုယဲမ္ဂး ကဵုတဴကသာပ်ဂမၠိုၚ်ပန်လ္ၚီ ကုဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စတုဲရ၊ ကောန်ဂှ်လေဝ် “မိယာဲအဲ ဟွံမွဲကဵုယဲတုဲ ဂွံတန်တဴရ” ရဴဝွံ ကဵုတဴကသာပ်ဂမၠိုၚ်ပန်လ္ၚီရ၊ ကောန်ခအှ်ဗြဴလေဝ် “ခါမ်သဳၝောံအဲ ဟွံမွဲကဵုယဲတုဲ ဂွံတန်တဴရ” ရဴဝွံ ကဵုတဴကသာပ်ဂမၠိုၚ်ပန်လ္ၚီရ၊ သေဌဳဇၞော်လေဝ် “သမ္ဘာအဲ ဟွံမွဲကဵုယဲတုဲ ဂွံတန်တဴရ” ရဴဝွံ ကဵုတဴကသာပ်ဂမၠိုၚ်ပန်လ္ၚီ ကေုာံဍိက်တြုံဍိက်ဗြဴ ကွဳချေဴဂမၠိုၚ်ရ။ ပ္ဍဲအခိၚ်ဂှ် ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် ဂိုၚ်ကေတ်ကသာပ်ဂမၠိုၚ်မွဲဠက်တြဴလ္ၚီ ကေုာံဍိက်တြုံဍိက်ဗြဴ ကွဳချေံဂမၠိုၚ်တုဲ အာဍုၚ်ရာဇဂြိုဟ်ရ။ အတိုၚ်လၟေၚ်လၟေၚ်အာမ္ဂး ပြာပ်စိုပ်အာ ဍုၚ်ရာဇဂြိုဟ် ဇရေၚ်ကောန်သၟိၚ်ဗၠာဲအဘယတုဲမ္ဂး “ယွံတၠညးကောန်သၟိၚ်ဗၠာဲ အလုံသီုဖအိုတ် မတွံဂး ကသာပ်ဂမၠိုၚ် မွဲဠက်တြဴလ္ၚီ ကေုာံဍိက်တြုံဍိက်ဗြဴ ကွဳချေံဝွံ ဟိုတ်နူကမၠောန်ဝဳယဲ အဲကလိဂွံဗွဲကိုပ်ကၠာအိုတ်ရ၊ တၠညးကောန်သၟိၚ်ဗၠာ မိက်ကဵုဒုၚ်ဂိုၚ်ကေတ် ဂုဏ်မလွဳလွတ်ဗ္စလဝ်အဲရ” ရဴဝွံ သ္ဂးကဵုကောန်သၟိၚ်အဘယရ။ အမာံဇဳဝက ကောတ်ရ ဩဝ်ကဵုဒှ်ကုတၠအဲဟေၚ်ညိ၊ ဩဝ်သိုၚ်ခၞံသ္ၚိဒၟံၚ် ပ္ဍဲအပ္ဍဲသ္ၚိအဲဟေၚ်ညိ ရဴဝွံ (ဟီုသ္ဂးရ)။ “ယွံတၠညးကောန်သၟိၚ်ဗၠာဲ ခိုဟ်သန်ရ” ရဴဝွံ ဇဳဝ ကောန်သၟိၚ်အဘယ မဂပ်ဝ်လွဳလွတ်ဗ္စ ဒုၚ်ဝန် ကုကောန်သၟိၚ်ဗၠာဲအဘယတုဲ သိုၚ်ခၞံသ္ၚိ ပ္ဍဲအပ္ဍဲသ္ၚိကောန်သၟိၚ်ဗၠာဲအဘယရ။
၂၀၄။ ဝတ္ထုသၟိၚ်ဗိမ္ဗိသာရ
[ပလေဝ်ဒါန် | ပလေဝ်ဒါန် တမ်ကၞက်]၃၃၁။ ပ္ဍဲအခိၚ်ဂှ် ယဲဘဂန္ဒိုလ် ‘ယဲဒူလာဆီပါ’ ဒှ်ဒၟံၚ်ကုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးရ၊ ဂၠိက်ဗိုက်ဂမၠိုၚ် ကၠေဝ်ဗာန်ဒၟံၚ်ဆီအိုတ်ရ၊ အခိၚ်ဂၞကျာ်ဂမၠိုၚ် ညာတ်ဒးဂှ် “ပ္ဍဲအခိၚ်လၟုဟ် တၠညးသၟိၚ်ဇၞော် ဥတုကၠုၚ်ဒၟံၚ်ရ၊ ကဴဥတုရာၚ်ဒၟံၚ် ကုတၠညးသၟိၚ်ဇၞော်ရ၊ တၠညးသၟိၚ်ဇၞော် ခြာဟွံလအ် ၜံၚ်သၠးကောန်ရ” ရဴဝွံ သ္ပဝေၚ်ဂရိၚ်စရဵုအိုတ်ရ။ ဟိုတ်မသ္ပဝေၚ်ဂရိုၚ်စရဵုဂှ်ရ သၟိၚ်ဇၞော် မုက်မတ်ဟွံကျေဝ် ဒှ်အာရ။ ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးဂှ် “ယွံကောန်သၟိၚ်ဗၠာဲအဘယ ယဲဘဂန္ဒိုလ် ‘ယဲဒူလာဆီပါ’ မၞုံသဘဴသာ်ဂှ် ဒှ်ဒၟံၚ်ကုအဲရ၊ ဂၠိက်ဗိုက်ဂမၠိုၚ် ကၠေဝ်ဗာန်ဒၟံၚ်ဆီအိုတ်ရ၊ ဂၞကျာ်ဂမၠိုၚ် အခိၚ်ညာတ်ဒးအဲဂှ် ပ္ဍဲအခိၚ်လၟုဟ် တၠညးသၟိၚ်ဇၞော် ဥတုကၠုၚ်ဒၟံၚ်ရ၊ ကဴဥတုရာၚ်ဒၟံၚ် ကုတၠညးသၟိၚ်ဇၞော်ရ၊ တၠညးသၟိၚ်ဇၞော် ခြာဟွံလအ် ၜံၚ်သၠးကောန်ရ ရဴဝွံ သ္ပဝေၚ်ဂရိၚ်စရဵုအိုတ်ရ၊ ယွံအဘယ ဗတိုက်ဗအောဝ်ရ၊ ဩဝ်တီကေတ် အ္စာသဝ် မဝဳဗလးကဵုအဲမာန်ညိ” ရဴဝွံ ဟီုသ္ဂးကဵုကောန်သၟိၚ်ဗၠာဲအဘယရ။ ယွံတၠညးသၟိၚ်ဇၞော် အ္စာသဝ်မၞုံယၟုဇဳဝက ပိုဲဍိက်တအ်ညးဂမၠိုၚ်ဝွံ ဍောတ်လေဝ်ဍောတ်သွတ်ရ၊ ခိုဟ်လေဝ်ခိုဟ်ရ၊ အ္စာသဝ်ဂှ် ကြက်ဝဳဗလး တၠညးသၟိၚ်ဇၞော်မာန်ရ ရဴဝွံ (ဟီုသ္ဂးရ)။ ယွံအဘယ ဒှ်သာ်ဂှ်မ္ဂး ဩဝ်ဖအောဝ်ဗလးနၚ် အ္စာသဝ်ဇဳဝကညိ၊ အ္စာသဝ်ဂှ် ကြက်ဝဳ ကဵုအဲရ ရဴဝွံ (ဟီုသ္ဂးရ)။ ပ္ဍဲအခိၚ်ဂှ် ကောန်သၟိၚ်ဗၠာဲအဘယဂှ် “အမာံဇဳဝက ဩဝ်အာညိ၊ ဩဝ်ဝဳ သၟိၚ်ဇၞော်ညိ” ရဴဝွံ ဖအောဝ်ဏာ ကောန်လွဳဗ္စဳဝကရ။ “ယွံတၠညးကောန်သၟိၚ်ဗၠာဲ ခိုဟ်ရ” ရဴဝွံ သ္ဂးတုဲ ဇဳဝက ကောန်သၟိၚ်အဘယ ဂပ်ဝလွဳလွတ်ဗ္စဂှ် ဒုၚ်ဝန် ကုကောန်သၟိၚ်ဗၠာဲအဘယတုဲ ဂိုၚ်ကေတ်ဂဥုဲ နကဵုသၞေမ်တဲတုဲ ပြာပ်အာဇရေၚ်သၟိၚ်ဗိမ္ဗိသာရ တၠညးသၟိၚ်ဇၞော်ရ” ရဴဝွံ ဂရၚ်ပတီရ။ ပ္ဍဲအခိၚ်ဂှ ်သဝ်ဇဳဝက ကောန်သၟိၚ်အဘယ ဂပ်ဝ်လွဳလွတ်ဗ္စဂှ် နမလံက်ကဵုဂရုဲ ဗၞတ်မွဲအလန်ဓဝ်ဟေၚ် ပါဲနုက်ကၠေံ ယဲဘဂန္ဒိုလ် ‘ဒူလာဆီပါ’ သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးရ။ ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရး ဟွံမွဲကဵုယဲဒှ်တုဲ ကဵုဗြဴဂမၠိုၚ်မသုန်ကၠံ ကျိုၚ်ကယျိုၚ်ကယျဝ် အလုံအိုတ်သီုတုဲမ္ဂး ကဵုသၠောတ်ကၠေံမွဲလှ်ေပၠန် ကဵုဗွဝ်ဖအုံလဝ်တုဲ “အမာံဇဳဝက ကျိုၚ်ကယျိုၚ်ကယျဝ် အလုံအိုတ်သီု ဗြဴဂမၠိုၚ်မစမသုန်ကၠံဝွံ ဩဝ်ကဵုဒှ်ကုတၠအဲညိ” ရဴဝွံ သ္ဂးကဵုဇဳဝက ကောန်သၟိၚ်အဘယ ဂပ်ဝ်လွဳလွတ်ဗ္စရ။ ယွံတၠညးသၟိၚ်ဇၞော် ဟွံမွဲပၟိက်ရ၊ သၟိၚ်ဇၞော် မိက်ကဵုဗှ်ဗၞုဟ်ဂွံဒၟံၚ်သတိဂုဏ်အဲဍိက်ရ ရဴဝွံ (ဂရၚ်ပတီရ)။ အမာံဇဳဝက ဒှ်သာ်ဂှ်မ္ဂး ဩဝ်ကၠောန်ၜိုတ် အဲကီု ဂကောံကမၠောၚ်မောၚ်မကီု သၚ်မၞုံပဓာန်ဍေံကျာ်တြဲညိ ရဴဝွံ (သ္ဂးရ)။ “ယွံတၠညးသၟိၚ်ဇၞော် ခိုဟ်သန်ရ” ရဴဝွံ သ္ဂးတုဲ ဇဳဝက ကောန်သၟိၚ်အဘာယ ဂပ်ဝ်လွဳလွတ်ဗ္စဂှဋ္ဌ် ဒုၚ်ဝန် ကုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးရ။
၂၀၅။ ဝတ္ထုသေဌဳရာဇဂြိုဟ်
[ပလေဝ်ဒါန် | ပလေဝ်ဒါန် တမ်ကၞက်]၃၃၂။ ပ္ဍဲအခိၚ်ဂှ် ကုသေဌဳပဒတဴဍုၚ်ရာဇဂြိုဟ်ဂှ် ဒှ်ဒၟံၚ်ယဲဂိက္ဍိုပ် ဗၞတ်ထပှ်သၞာံရ၊ အ္စာသဝ်ဒိသာပါမောက္ခဂမၠိုၚ် ဇၞော်ဇၞော်မဂၠိုၚ်ဂၠၚ် ကၠုၚ်တုဲ တၞဟ်နဝဳဗလး စဵုကဵုယဲဗၠးဂှ် ဟွံသၟဟ်ရထအိုတ်ရ၊ ဂိုၚ်ကေတ် ထဝ်သြန်မဂၠိုၚ်တုဲ အာအိုတ်ရ။ ဗွဲစၟတ်တုန် အ္စာသဝ်ဂမၠိုၚ် ဗလးကၠေံတဲရ၊ အ္စာသဝ်လ္ၚဵုလ္ၚဵုဂှ် “သေဌဳဂှ် ပ္ဍဲတ္ၚဲမရနုက်ကဵုမသုန်ဂှ် ကြက်ဒးချိုတ်ရ” ရဴဝွံ ဟီုသ္ဂးအိုတ်ရ၊ အ္စာသဝ်လ္ၚဵုလ္ၚဵုဂှ် “သေဌဳဂှ် ပ္ဍဲတ္ၚဲမရနုက်ကဵုထပှ်ဂှ် ကြက်ဒးချိုတ်ရ” ရဴဝွံ ဟီုသ္ဂး အိုတ်ရ။ ပ္ဍဲအခိၚ်ဂှ် ကုမၞိဟ်ဇၞော်ကွာန်ကဆံၚ်လတူ ကောန်ညးရးရာဇဂြိုဟ်ဂှ် “သေဌဳဝွံ ကုသၟိၚ်ဇၞော်ကီု ကုညးဂကောံကွာန်ကီု မၞုံကဵုဂုဏ်မဂၠိုၚ်ရ၊ ဗွဲစၟတ်တုန် အ္စာသဝ်ဂမၠိုၚ် ဗလးထောံတဲရ၊ အ္စာသဝ်လ္ၚဵုလ္ၚဵုဂမၠိုၚ်ဂှ် “သေဌဳဂှ် ပ္ဍဲတ္ၚဲမရနုက်ကဵုမသုန်ဂှ် ကြက်ဒးချိုတ်ရ” ရဴဝွံ ဟီုသ္ဂးအိုတ်ရ၊ အ္စာသဝ်လ္ၚဵုလ္ၚဵုဂှ် “သေဌဳဂှ် ပ္ဍဲတ္ၚဲမရနုက်ကဵုထပှ်ဂှ် ကြက်ဒးချိုတ်ရ” ရဴဝွံ ဟီုသ္ဂး အိုတ်ရ။ အ္စာသဝ်မၞုံယၟုဇဳဝက သၟိၚ်ဇၞော်ဝွံတုန် ဍောတ်လေဝ်ဍောတ်ရ၊ ခိုဟ်လေဝ်ခိုဟ်ရ၊ ပိုဲညးဂမၠိုၚ် ဂွံအာတ် သဝ်ဇဳဝက သွက်ဂွံဝဳယဲသေဌဳ ကုသၟိၚ်ဇၞော်မ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ်ရ။ ပ္ဍဲအခိၚ်ဂှ် မၞိဟ်ဇၞော်ကွာန်ကဆံၚ်လတူ ကောန်ညးရးရာဇဂြိုဟ်ဂှ် ပြာပ်အာဇရေၚ်သၟိၚ်ဗမ္ဗိသာရ မၞုံယၟုသေနိယ တၠညးမဂဓရးတုဲ ‘ယယွံတၠညးသၟိၚ်ဇၞော် သေဌဳဝွံ ကုတၠညးသၟိၚ်ဇၞော်ကီု ကုညးဂကောံကွာန်ကီု မၞုံကဵုဂုဏ်မဂၠိုၚ်ရ၊ ဗွဲစၟတ်တုန် အ္စာသဝ်ဂမၠိုၚ် ဗလးထောံတဲရ၊ အ္စာသဝ်လ္ၚဵုလ္ၚဵုဂမၠိုၚ်ဂှ် ‘သေဌဳဂှ် ပ္ဍဲတ္ၚဲမရနုက်ကဵုမသုန်ဂှ် ကြက်ဒးချိုတ်ရ” ရဴဝွံ ဟီုသ္ဂးအိုတ်ရ၊ အ္စာသဝ်လ္ၚဵုလ္ၚဵုဂှ် “သေဌဳဂှ် ပ္ဍဲတ္ၚဲမရနုက်ကဵုထပှ်ဂှ် ကြက်ဒးချိုတ်ရ’ ရဴဝွံ ဟီုသ္ဂး အိုတ်ရ’ ရဴဝွံ ဟီုသ္ဂးအိုတ်ရ၊ ယွံတၠညးသၟိၚ်ဇၞော် အာတ်ပါန်အခေါၚ်ရ၊ သၟိၚ်ဇၞော် ဩဝ်ဖအောဝ်ဗလး သဝ်ဇဳဝက သွက်ဂွံဝဳယဲသေဌဳညိ” ရဴဝွံ ဂရၚ်ပတီ သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးရ။ ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးဂှ် “အမာံဇဳဝက ဩဝ်အာညိ၊ ဩဝ်ဝဳသေဌဳညိ” ရဴဝွံ ဖအောဝ်ဗလးဏာ သဝ်ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စရ၊ “ယွံတၠညးသၟိၚ်ဇၞော် ခိုဟ်သန်ရ” ရဴဝွံ သ္ဂးတုဲ ဇဳဝက ကောန်သၟိၚ်အဘယ ဂပ်ဝ်လွဳလွတ်ဗ္စဂှ် ဒုၚ်ဝန် ကုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးတုဲ ပြာပ်အာဇရေၚ် သေဌဳတုဲမ္ဂး စၟတ်သမ္တီကေတ် အကာဲအရာမပၠန်ဂတးသေဌဳဂှ်တုဲ “ယွံသေဌဳဇၞော် တၠအဲ ယဝ်ဒှ်ဟွံမွဲကဵုယဲမ္ဂး၊ ဂြပ်ရတ်ဗၞတ်မုစိ ကဵုကုအဲရော?” ရဴဝွံ ဟီုသ္ဂးကဵုသေဌဳရ။ ယွံအ္စာ ဂြပ်ရတ်အဲသီုဖအိုတ်ကဵုဒှ်ဂြပ်အ္စာညိ၊ အဲလေဝ် ကြက်ဒှ်ဍိက်အ္စာရ ရဴဝွံ (သ္ဂးရ)။ ယွံသေဌဳဇၞော် တၠအဲ တၞဟ်နတိက် နကဵုသကဲမွဲလပါ် လုကဴထပှ်ဂိတုဂမၠိုၚ်ဂှ် သၟဟ်ရထဟာ ရဴဝွံ (သၟာန်ရ)။ ယွံအ္စာ အဲဍိက် တၞဟ်နတိက် နကဵုသကဲမွဲလပါ် လုကဴထပှ်ဂိတုဂမၠိုၚ်ဂှ် သၟဟ်ရထရ ရဴဝွံ (သ္ဂးရ)။ ယွံသေဌဳဇၞော် တၠအဲ တၞဟ်နတိက် နကဵုသကဲမရနုက်ကဵုၜါ လုကဴထပှ်ဂိတုဂမၠိုၚ်ဂှ် သၟဟ်ရထဟာ ရဴဝွံ (သၟာန်ရ)။ ယွံအ္စာ အဲဍိက် တၞဟ်နတိက် နကဵုသကဲမရနုက်ကဵုၜါ လုကဴထပှ်ဂိတုဂမၠိုၚ်ဂှ် သၟဟ်ရထရ ရဴဝွံ (သ္ဂးရ)။ ယွံသေဌဳဇၞော် တၠအဲ တၞဟ်နတိက်လံက်သ္ၚာ လုကဴထပှ်ဂိတုဂမၠိုၚ်ဂှ် သၟဟ်ရထဟာ ရဴဝွံ (သၟာန်ရ)။ ယွံအ္စာ အဲဍိက် တၞဟ်နတိက်လံက်သ္ၚာ လုကဴထပှ်ဂိတုဂမၠိုၚ်ဂှ် သၟဟ်ရထရ ရဴဝွံ (သ္ဂးရ)။ ပ္ဍဲအခိၚ်ဂှ် သဝ်ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စဂှ် ကဵုသေဌဳ တိက်ပ္ဍဲဇံၚ်တုဲ ဒက်လဝ်ပ္ဍဲဇံၚ်ဗွဲမဗိုန်ဗတ်တုဲ ထိုက်ကယျာကၠေံ စၞာံဂၞါက္ဍဟ်တုဲမ္ဂး ပံက်ကၠေံဗ္စပ်ဂၞါက္ဍဟ်တုဲ ပတတ်ကၠေံ စၟဂမၠိုၚ်ၜါတုဲ “ယွံအမာတ်တအ် ဩဝ်သ္ၚေဝ်ရံၚ် စၟဂမၠိုၚ်ၜါတွံဝွံအိုတ်ညိ၊ မွဲဂှ် ဍောတ်ရ၊ မွဲဂှ်တုန် ဇၞော်ရ၊ အ္စာဂမၠိုၚ်မဟီုသ္ဂး ရဴဝွံ ‘သေဌဳဂှ် ပ္ဍဲတ္ၚဲမရနုက်ကဵုမသုန်ဂှ် ကြက်ဒးချိုတ်ရ’ ဂှ်တုန် ညးကေတ် စၟဇၞော်ဝွံရ၊ ပ္ဍဲတ္ၚဲမရနုက်ကဵုမသုန် ကၠေၚ်က္ဍဟ်သေဌဳဂှ် ကြက်အိုတ်အာရ၊ ဟိုတ်နူကၠေၚ်က္ဍဟ်အိုတ်အာဂှ်ရ သေဌဳကြက်ဒးချိုတ်ရ၊ အ္စာသဝ်ဂမၠိုၚ်ဂှ် ဂပ်ဝ်ညာတ်ဗွဲမ္ဒးရးရ။ အ္စာဂမၠိုၚ် မဟီုသ္ဂး ရဴဝွံ ‘သေဌဳဂှ် ပ္ဍဲတ္ၚဲမရနုက်ကဵုထပှ်ဂှ် ကြက်ဒးချိုတ်ရ’ ဂှ်တုန် ညးကေတ်စၟဍောတ်ဝွံရ၊ ပ္ဍဲတ္ၚဲမရနုက်ကဵုထပှ် ကၠေၚ်က္ဍဟ်သေဌဳဂှ် ကြက်အိုတ်အာရ၊ ဟိုတ်နူကၠေၚ်က္ဍဟ်အိုတ်အာဂှ်ရ သေဌဳ ကြက်ဒးချိုတ်ရ၊ အ္စာသဝ်ဂမၠိုၚ်ဂှ် ဂပ်ဝ်ညာတ် ဗွဲမ္ဒးရးရ” ရဴဝွံ ထ္စးကဵုဂကောံမၞိဟ်ရ။ ပ္ဍဲအခိၚ်ဂှ် သေဌဳဂှ် အခိၚ်မလောန်အာထပှ်တ္ၚဲ “ယွံအ္စာ အဲဍိက်တၞဟ်နတိက် နကဵုသကဲမွဲလပါ် လုကဴထပှ်ဂတုဂမၠိုၚ်ဂှ် ဟွံသၟဟ်ရထရ” ရဴဝွံ သ္ဂးကဵုသဝ်ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စရ။ ယွံသေဌဳ တၠအဲဂှ် “ယွံအ္စာ အဲဍိက် တၞဟ်နတိက် နကဵုသကဲမွဲလပါ် လုကဴထပှ်ဂိတုဂမၠိုၚ်ဂှ် သၟဟ်ရထရ” ရဴဝွံ ဒုၚ်လဝ်ဝန် ကဵုအဲရ ဟွံသေၚ်ဟာ ရဴဝွံ (သၟာန်ရ)။ ယွံအ္စာ အဲဒုၚ်ဒးဝန်ဂှ်တုန် ဍာံပြရ၊ ၜိုန်ဍာံပြသာ်ဂှ်လေဝ် အဲဍိက် ဒးချိုတ်သဍေံရ၊ အဲဍိက် တၞဟ်နတိက် နကဵုသကဲမွဲလပါ် လုကဴထပှ်ဂိတုဂမၠိုၚ်ဂှ် ဟွံသၟဟ်ရထရ” ရဴဝွံ (သ္ဂးရ)။ ယွံသေဌဳ ဒှ်သာ်ဂှ်မ္ဂး တၠအဲ ဩဝ်တိက် နကဵုသကဲမရနုက်ကဵုၜါ လုကဴထပှ်ဂိတုဂမၠိုၚ်ညိ ရဴဝွံ (သ္ဂးရ)။ ကြဴနူဂှ် သေဌဳဂှ် အခိၚ်မလောန်အာထပှ်တ္ၚဲ “ယွံအ္စာ အဲဍိက် တၞဟ်နတိက် နကဵုသကဲမွဲမရနုက်ကဵုၜါ လုကကဴထပှ်ဂိတုဂမၠိုၚ်ဂှ် ဟွံသၟဟ်ရထရ” ရဴဝွံ သ္ဂးကဳုသဝ်ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စရ။ ယွံသေဌဳ တၠအဲဂှ် “ယွံအ္စာ အဲဍိက် တၞဟ်နတိက် နကဵုသကဲမရနုက်ကဵုၜါ လုကဴထပှ်ဂိတုဂမၠိုၚ်ဂှ် သၟဟ်ရထရ” ရဴဝွံ ဒုၚ်လဝ်ဝန် ကဵုအဲရ ဟွံသေၚ်ဟာ ရဴဝွံ (သၟာန်ရ)။ ယွံအ္စာ အဲဒုၚ်လဝ်ဝန်ဂှ်တုန် ဍာံပြရ၊ ၜိုန်ဍာံပြသာ်ဂှ်လေဝ် အဲဍိက် ဒးချိုတ်သဍေံရ၊ အဲဍိက် တၞဟ်နတိက် နကဵုသကဲမရနုက်ကဵုၜါ လုကဴထပှ်ဂိတုဂမၠိုၚ်ဂှ် ဟွံသၟဟ်ရထရ” ရဴဝွံ (သ္ဂးရ)။ ယွံသေဌဳ ဒှ်သာ်ဂှ်မ္ဂး တၠအဲ ဩဝ်တိက်လံက်လ္ၚာ လုကဴထပှ်ဂိတုဂမၠိုၚ်ညိ ရဴဝွံ (သ္ဂးရ)။ ကြဴနူဂှ် သေဌဳဂှ် အခိၚ်မလောန်အာထပှ်တ္ၚဲ “ယွံအ္စာ “ယွံအ္စာ အဲဍိက် တၞဟ်နတက်လံက်သ္ၚာ လုကဴထပှ်ဂတုဂမၠိုၚ်ဂှ် ဟွံသၟဟ်ရထရ” ရဴဝွံ သ္ဂးကဵုသဝ်ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စရ။ ယွံသေဌဳ တၠအဲဂှ် “ယွံအ္စာ အဲဍိက် တၞဟ်နတိက်လံက်လ္ၚာ လုကဴထပှ်ဂိတုဂမၠိုၚ်ဂှ် သၟဟ်ရထရ” ရဴဝွံ ဒုၚ်လဝ်ဝန် ကဵုအဲရ ဟွံသေၚ်ဟာ ရဴဝွံ (သၟာန်ရ)။ ယွံအ္စာ အဲဒုၚ်ဒးဝန်ဂှ်တုန် ဍာံပြရ၊ ၜိုန်ဍာံပြသာ်ဂှ်လေဝ် အဲဍိက် ဒးချိုတ်သဍေံရ၊ အဲဍိက် တၞဟ်နတိက်လံက်လ္ၚာ လုကဴထပှ်ဂိတုဂမၠိုၚ်ဂှ် ဟွံသၟဟ်ရထရ” ရဴဝွံ (သ္ဂးရ)။ ယွံသေဌဳဇၞော် အဲ ယဝ်ဟွံဟီုဂလာန်ဝွံမ္ဂး၊ တၠအဲ စဵုကဵုဗၞတ်လလအ်ဝွံ တိက်ဟွံသေၚ်ရ၊ ဗွဲစၟတ်တုန် ပြဟ်ပြဟ်ဂှ်ဟေၚ် “နပိသတ္တာဂမၠိုၚ် သေဌဳဇၞော် ကြက်ယဲဗၠးရ” ရဴဝွံ အဲတီဒၟံၚ်ရ။ ယွံသေဌဳဇၞော် ဩဝ်ကတဵုညိ၊ ယဲဟွံမွဲရ၊ လာဘ်ဗ္ဇဴ ထေက်ကဵုဒးကဵုကုအဲ ဗၞတ်ၜိုတ်လဵုဂှ် ဩဝ်တီကေတ်ညိ ရဴဝွံ သ္ဂးရ။ ယွံအ္စာ ဂြပ်ရတ်သီုဖအိုတ်ဂှ် ကဵုဒှ်ဂြပ်အ္စာညိ၊ အဲဍိက်လေဝ် ကြက်ဒှ်ဍိက်အ္စာရ၊ ရဴဝွံ သ္ဂးရ။ ယွံသေဌဳ ဟွံဗဗွဲရ၊ တၠအဲ လ္ပကဵုအဲ ဂြပ်ရတ်အဲသီုဖအိုတ်ညိ၊ ဍိက်အဲလေဝ် လ္ပဒှ်ညိ၊ ဩဝ်ကဵု ကုသၟိၚ်ဇၞော် ကသပ်မွဲကိုဋ်ညိ၊ ကုအဲလေဝ် ဩဝ်ကသာပ်မွဲကိုဋ်ညိ ရဴဝွံ သ္ဂးရ။ ပ္ဍဲအခိၚ်ဂှ် သေဌဳဇၞော်ဂှ် ဟွံမွဲကဵုယဲဒှ်တုဲ ကတဵုတဴ ကုသၟိၚ်ဇၞော် ကသာပ်မွဲကိုဋ် ကုသဝ်ဇဳဝက မၞုံယၟုကောမရဘစ္စ ကသာပ်မွဲကိုဋ်ရ။
၂၀၆။ ဝတ္ထုကောန်သေဌဳ
[ပလေဝ်ဒါန် | ပလေဝ်ဒါန် တမ်ကၞက်]၃၃၃။ ပ္ဍဲကာလမွဲအခိၚ် ကုကောန်သေဌဳ ပဒတဴဍုၚ်ဗာရာဏသဳ မဝေၚ်ဗတက်ဆေဝ်လုန်ဂှ် ဒှ်ယဲကြုက်ထကတ်ရ၊ နကဵုယဲဂှ် ယာဂုမဂပ်ဝ်သုၚ်ဂှ် ဟွံအာစိုပ်ပွမလ္ၚတ်လာဲ ဗွဲမ္ဒးရးရ၊ ပုၚ်မဂပ်ဝ်စလေဝ် မဟွံအာစိုပ်ပွမလ္ၚတ်လာဲ ဗွဲမ္ဒးရးရ၊ တရဴဇၞော်ကီု တရဴသၟတ်ကီု ဟွံတပ်ရ၊ ကောန်သေဌဳဂှ် နကဵုယဲဂှ် ဇြာဲသကှ်ရ၊ ဖျုန်ဆီဒေက်ခ္ဍေက်ရ၊ ရုပ်သာ်လီုလာ်ရ၊ မၞုံကဵုသာ်ဇကုဖျိုဟ်ဖျိုဟ် သၟဟ်ညံၚ်ရဴတၞးဆုဍုဟ်ဍုဟ်ရ၊ မၞုံကဵုဇကုဓရံၚ် ဇာလတေၚ်မံက်ထေၚ်ဒၟံၚ် (သၟဟ်ညံၚ်လးပၠးလဝ်ဇာနှိက်) ရ။ ပ္ဍဲအခိဂှ် “ကုကောန်အဲဂှ် ဒှ်ယဲမၞုံသဘဴသာ်ဂှ်ရ၊ ယာဂုမဂပ်ဝ်သုၚ်ဂှ် ဟွံအာစိုပ်ပွမလ္ၚတ်လာဲ ဗွဲမ္ဒးရးရ၊ ပုၚ်မဂပ်ဝ်စလေဝ် မဟွံအာစိုပ်ပွမလ္ၚတ်လာဲ ဗွဲမ္ဒးရးရ၊ တရဴဇၞော်ကီု တရဴသၟတ်ကီု ဟွံတပ်ရ၊ ကောန်အဲဂှ် နကဵုယဲဂှ် ဇြာဲသကှ်ရ၊ ဖျုန်ဆီဒေက်ခ္ဍေက်ရ၊ ရုပ်သာ်လီုလာ်ရ၊ မၞုံကဵုသာ်ဇကုဖျိုဟ်ဖျိုဟ် သၟဟ်ညံၚ်ရဴတၞးဆုဍုဟ်ဍုဟ်ရ၊ မၞုံကဵုဇကုဓရံၚ် ဇာလတေၚ်မံက်ထေၚ်ဒၟံၚ် (သၟဟ်ညံၚ်လးပၠးလဝ်ဇာနှိက်) ရ၊ အဲအာဍုၚ်ရာဇဂြိုဟ်တုဲမ္ဂး ဂွံဂရၚ်ပတီအာတ်သဝ်ဇဳဝက သွက်ဂွံဝဳယဲကောန်အဲ ကုသၟိၚ်ဇၞော်မ္ဂး ခိုဟ်ရ” ရဴဝွံ ကသပ်ဒှ်ကၠုၚ် ကုသေဌဳ ပဒတဴဍုၚ်ဗာရာဏသဳရ။ ပ္ဍဲကြဴနူဂှ် သေဌဳပဒတဴဍုၚ်ဗာရာဏသဳ အာဍုၚ်ရာဇဂြိုဟ်တုဲ ပြာပ်အာဇရေၚ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးတုဲမ္ဂး “ယွံတၠညးသၟိၚ်ဇၞော် ကုကောန်အဲဍိက်ဂှ် ဒှ်ယဲမၞုံသဘဴသာ်ဂှ်ရ၊ ယာဂုမဂပ်ဝ်သုၚ်ဂှ် ဟွံအာစိုပ်ပွမလ္ၚတ်လာဲ ဗွဲမ္ဒးရးရ၊ ပုၚ်မဂပ်ဝ်စလေဝ် မဟွံအာစိုပ်ပွမလ္ၚတ်လာဲ ဗွဲမ္ဒးရးရ၊ တရဴဇၞော်ကီု တရဴသၟတ်ကီု ဟွံတပ်ရ၊ ကောန်အဲဂှ် နကဵုယဲဂှ် ဇြာဲသကှ်ရ၊ ဖျုန်ဆီဒေက်ခ္ဍေက်ရ၊ ရုပ်သာ်လီုလာ်ရ၊ မၞုံကဵုသာ်ဇကုဖျိုဟ်ဖျိုဟ် သၟဟ်ညံၚ်ရဴတၞးဆုဍုဟ်ဍုဟ်ရ၊ မၞုံကဵုဇကုဓရံၚ် ဇာလတေၚ်မံက်ထေၚ်ဒၟံၚ် (သၟဟ်ညံၚ်လးပၠးလဝ်ဇာနှိက်) ရ၊ ယွံတၠညးသၟိၚ်ဇၞော် အာတ်ပါန်အခေါၚ်ရ၊ တၠညးသၟိၚ်ဇၞော် ဩဝ်ဖအောဝ်ဗလး သဝ်ဇဳဝက သွက်ဂွံဝဳယဲ ကောန်အဲဍိက်ညိ” ရဴဝွံ ဂရၚ်ပတီ သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးရ။ ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးဂှ် “အမာံဇဳဝက ဩဝ်အာညိ၊ အာဍုၚ်ဗာရာဏသဳတုဲမ္ဂး ကောန်သေဌဳ ပဒတဴဍုၚ်ဍုၚ်ဗာရာဏသဳညိ” ရဴဝွံ ဖအောဝ်ဗလးဏာ သဝ်ဇဳဝက မၞုံယၟုကောမရဘစ္စရ။ “ယွံတၠညးသၟိၚ်ဇၞော် ခိုဟ်သန်ရ” ရဴဝွံ သ္ဂးတုဲ ဇဳဝက မၞုံယၟုကောမရဘစ္စဂှ် ဒုၚ်ဝန် ကုသၟိၚ်ဗမ္ဗိသာရ မၞုံယၟုသေနိယ တၠညးမဂဓရးတုဲမ္ဂး အာဍုၚ် ဗာရာဏသဳတုဲ ပြာပ်အာဇရေၚ် ကောန်သေဌဳ ပဒတဴဍုၚ်ဗာရာသဳတုဲမ္ဂး စၟတ်သမ္တီကေတ် အကာဲအရာယဲ ကောန်သေဌဳ ပဒတဴဍုၚ်ဗာရာဏသဳဂှ်တုဲ ကဵုဂကောံမၞိဟ် ပါဲကၠေဴကဵုစဵုဗိုၚ် ယာတ်သၞိက်တုဲမ္ဂး ဒက်လဝ်ပ္ဍဲဒယိုၚ်တုဲ စွံလဝ်သမ္ဘာ ပ္ဍဲဂတတုဲ ထိုက်ကယျာကၠေံစၞာံဗုၚ်တုဲမ္ဂး ဂၠံက်ပတိတ်ကြုတ်မထကတ်တုဲ− “ဩဝ်သ္ၚေဝ်ရံၚ် ယဲ တြုံတၠသ္ၚိ တၠအဲညိ။ နကဵုယဲဝွံ ယာဂုမဂပ်ဝ်သုၚ်ဂှ် ဟွံအာစိုပ်ပွမလ္ၚတ်လာဲ ဗွဲမ္ဒးရးရ၊ ပုၚ်မဂပ်ဝ်စလေဝ် မဟွံအာစိုပ်ပွမလ္ၚတ်လာဲ ဗွဲမ္ဒးရးရ၊ တရဴဇၞော်ကီု, တရဴသၟတ်ကီု ဟွံတပ်ရ၊ ကောန်အဲဂှ် နကဵုယဲဝွံ သေဌဳဝွံ ဇြာဲသကှ်ရ၊ ဖျုန်ဆီဒေက်ခ္ဍေက်ရ၊ ရုပ်သာ်လီုလာ်ရ၊ မၞုံကဵုသာ်ဇကုဖျိုဟ်ဖျိုဟ် သၟဟ်ညံၚ်ရဴတၞးဆုဍုဟ်ဍုဟ်ရ၊ မၞုံကဵုဇကုဓရံၚ် ဇာလတေၚ်မံက်ထေၚ်ဒၟံၚ် (သၟဟ်ညံၚ်လးပၠးလဝ်ဇာနှိက်) ရ” ရဴဝွံ ထ္ၜးကဵုကုသမ္ဘာရ။ သှ်ပလာဲပတပ်ကၠေံ ကြုတ်ထကတ်တုဲ ကလေၚ်သပၠုပ်ကၠေံကြုတ်ဂမၠိုၚ်မွဲလှ်ေပၠန်တုဲမ္ဂး ဇိၚ်ကၠေံ စၞာံဗုၚ်တုဲ လံက်ကဵုဂဥုဲလံက်ပလေတ်ရ။ ပ္ဍဲအခိၚ်ဂှ် ကောန်သေဌဳ ပဒတဴဍုၚ်ဗာရာဏသဳဂှ် ခြာဟွံလအ်ဟေၚ် ယဲကၠေံစ္ဍးအာရ။ ပ္ဍဲအခိၚ်ဂှ် သေဌဳ ပဒတဴဍုၚ်ဗာရာဏသဳဂှ် “ကုကောန်အဲဂှ် ဟွံမွဲကဵုယဲဒှ်တုဲ တန်ရ” ရဴဝွံ ကဵုကသာပ်မွဲဠက်တြဴလ္ၚီ ကုသဝ်ဇဳဝက မၞုံယၟုကောမရဘစ္စရ။ ပ္ဍဲအခိၚ်ဂှ် သဝ်ဇဳဝက မၞုံယၟုကောမရဘစ္စ ဂိုၚ်ကေတ်ကသပ်မွဲဠက်တြဴလ္ၚီတုဲ မွဲလှ်ေပၠန် ကလေၚ်စဴကၠုၚ်ဍုၚ်ရာဇဂြိုဟ်ရ။
၂၀၇။ ဝတ္ထုသၟိၚ်ပဇ္ဇောတ
[ပလေဝ်ဒါန် | ပလေဝ်ဒါန် တမ်ကၞက်]၃၃၄။ ပ္ဍဲမွဲအခိၚ်တေံ ယဲဖျိုဟ်ဖျေတ် ဒှ်ကုသၟိၚ်ပဇ္ဇောတရ၊ အ္စာသဝ်ဒိသာပါမောက္ခဂမၠိုၚ်ဇၞော်ဇၞော်မဂၠိုၚ်ဂၠၚ် ကၠုၚ်တုဲ တၞဟ်နဝဳဗလး စဵုကဵုယဲဗၠးဂှ် ဟွံသၟဟ်ရထအိုတ်ရ၊ ဂိုၚ်ကေတ်ထဝ်သြန်မဂၠိုၚ်တုဲ အာအိုတ်ရ။ ပ္ဍဲအခိၚ်ဂှ် သၟိၚ်ပဇ္ဇောတဂှ် “ယဲမၞုံသဘဴသာ်ဂှ် ဒှ်ဒၟံၚ်ကုအဲရ၊ အာတ်ပါန်အခေါၚ်ရ၊ တၠညးသၟိၚ်ဇၞော် ဩဝ်ဖအောဝ်ဗလးနၚ် သဝ်ဇဳဝကညိ၊ သဝ်ဇဳဝကဂှ် ကြက်ဝဳအဲရ” ရဴဝွံ ဗလးဏာကလုတ် ဇရေၚ်သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးရ။ ပ္ဍဲအခိၚ်ဂှ် သၟိၚ်ဗမ္ဗိသာရ မၞုံယၟုသေနိယ တၠညးမဂဓရးဂှ် “အမာံဇဳဝက ဩဝ်အာညိ၊ အာဍုၚ်ဥဇဇနဳတုဲမ္ဂး ဩဝ်ဝဳ သၟိၚ်ပဇ္ဇောတညိ” ရဴဝွံ ဖအောဝ်ဗလးဏာ သဝ်ဇဳဝက မၞုံယၟုကောမရဘစ္စရ။ “ယွံတၠညးသၟိၚ်ဇၞော် ခိုဟ်သန်ရ” ရဴဝွံ ဇဳဝက မၞုံယၟုကောမရဘစ္စဂှ် ဒုၚ်ဝန်ကုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးတုဲမ္ဂး အာဍုၚ်ဥဇ္ဇနဳတုဲ ပြာပ်အာဇရေၚ်သၟိၚ်ပဇ္ဇောတတုဲမ္ဂး စၟတ်သမ္တီကေတ် အကာဲအရာယဲ သၟိၚ်ပဇ္ဇောတတုဲ “ယွံတၠညးသၟိၚ်ဇၞော် ဩဝ်ကဵုကၠေၚ်သွဟ်ညိ၊ ကြက်ဖျိန်ကၠေၚ်သွဟ်ရ၊ တၠညးသၟိၚ်ဇၞော် ဒးသုၚ်ကၠေၚ်သွဟ်ရ” ရဴဝွံ သ္ဂးရ။ အမာံဇဳဝက ဟွံဗဗွဲရ၊ တၠအဲ နဂဥုဲမဟွံမွဲကဵုကၠေၚ်သွဟ်ဂှ် ဩဝ်ဝဳ စဵုကဵုယဲဗၠးညိ၊ အဲက္ဍုဟ်မၠေံဇအိုန်ဇရ ကၠေၚ်သွဟ်ကွေံရ ရဴဝွံ (သ္ဂးရ)။ ပ္ဍဲအခိၚ်ဂှ် “ယဲမၞုံသဘဴသာ်ဂှ် သၟိၚ်ဝွံ ဝေၚ်ကၠေံကၠေၚ်သွဟ်တုဲ တၞဟ်နဝဳကဵုယဲဗၠးဂှ် ဟွံသၟဟ်ရထရ၊ အဲဂွံဖျိန်ကၠေၚ်သွဟ် မၞုံကဵုသာ်ဍာ်ဗစိုတ် မၞုံကဵုသၟူအမြဲာဍာ်ဗစိုတ် မၞုံကဵုရှ်သာဍာ်ဗစိုတ်မ္ဂး ခိုဟ်ရဋ္ဌ” ရဴဝွံ ကသပ်ဒှ်ကၠုၚ် ကုသဝ်ဇဳဝက မၞုံယၟုကောမရဘစ္စရ။ ပ္ဍဲကြဴနူဂှ် သဝ်ဇဳဝက မၞုံယၟုကောမရဘစ္စ ဖျိန်တဴကၠေၚ်သွဟ် နကဵုဂဥုဲတၞဟ်တၞဟ် ညံၚ်ဂွံနွံကဵုသာ်ဍာ်ဗစိုတ် သၟူအမြာဲဍာ်ဗစိုတ် ရှ်သာ်ဍာ်ဗစိုတ်ရ။ ပ္ဍဲကြဴနူဂှ် “ကုသၟိၚ်ဝွံ ကၠေၚ်သွဟ် မဂပ်ဝ်သုၚ်ဂှ် လ္ၚတ်လာဲမ္ဂး ကြက်ကျာတိုန်ရ၊ (ထအေအ်တိုန်ရ)၊ သၟိၚ်ဝွံတုန် ကြမ်ကသအဵုသအာ်ရ၊ ကဵုဂစိုတ်ထောံအဲရ၊ ကိုပ်ကၠာဟဂွံကဵုဂဥုဲဏီဟေၚ် အဲသ္ဂောံပါန်လဝ်အခေါၚ်မ္ဂး ခိုဟ်ရ” ရဴဝွံ ကသပ်ဒှ်ကၠုၚ် ကုသဝ်ဇဳဝက မၞုံယၟုကောမရဘစ္စရ။ ပ္ဍဲအခိၚ်ဂှ် သဝ်ဇဳဝက မၞုံယၟုကောမရဘစ္စ ပြာပ်အာဇရေၚ် သၟိၚ်ဇၞော်တုဲမ္ဂး “ယွံတၠညးသၟိၚ်ဇၞော် ပိုဲတအ်အ္စာသဝ်မ္ဂးဂှ် ပ္ဍဲခဏမၞုံပၟိက်ဂှ် ဒးပိုက်ရိုဟ်ဂဥုဲဂမၠိုၚ်အိုတ်ရ၊ ဒးရၚ်တၠုၚ် ဂဥုဲဂမၠိုၚ်အိုတ်ရ၊ အာတ်ပါန်အခေါၚ်ရ၊ တၠညးသၟိၚ်ဇၞော် ပ္ဍဲရုၚ်စိၚ် ရုၚ်ချေံဂမၠိုၚ်ကီု ပ္ဍဲတြၚ်ဂမၠိုၚ်ကီု နကဵုယာန်သဝ်ဇဳဝကနွံပၟိက် ဩဝ်ကဵုအာညိ၊ နကဵုတြၚ်နွံပၟိက် ဩဝ်ကဵုအာညိ၊ ပ္ဍဲအခိၚ်နွံပၟိက် ဩဝ်ကဵုအာညိ၊ ပ္ဍဲအခိၚ်နွံပၟိက် ဩဝ်ကဵုလုပ်ညိ” ရဴဝွံ ပတိတ်လဝ်အသမ်ညိ ရဴဝွံ ဂရၚ်ပတီသၟိၚ်ဇၞော်ပဇ္ဇောတရ။ ပ္ဍဲအခိၚ်ဂှ် သၟိၚ်ပဇ္ဇောတဂှ် ပ္ဍဲရုၚ်စိၚ် ရုၚ်ချေံဂမၠိုက်ကီု ပ္ဍဲတြၚ်ဂမၠိုၚ်ကီု “နကဵုယာန်သဝ်ဇဳဝကနွံပၟိက် ဩဝ်ကဵုအာညိ၊ နကဵုတြၚ်နွံပၟိက် ဩဝ်ကဵုအာညိ၊ ပ္ဍဲအခိၚ်နွံပၟိက် ဩဝ်ကဵုအာညိ၊ ပ္ဍဲအခိၚ်နွံပၟိက် ဩဝ်ကဵုလုပ်ညိ” ရဴဝွံ ပတိတ်လဝ်အသမ်ရ။ ပ္ဍဲအခိၚ်ဂှ် ကုသၟိၚ်ပဇ္ဇောတဂှ် ယာန်စိၚ်ၝောံမၞုံယၟုဘဒ္ဒဝတိကာ အာစိုပ်တရဴမသုန်စှော်ယောဇနာ ကလေၚ်စဴတ္ၚဲဂှ်မာန်ရ။ ပ္ဍဲအခိၚ်ဂှ် သဝ်ဇဳဝက မၞုံယၟုကောမရဘစ္စဂှ် “တၠညးသၟိၚ်ဇၞော် ဩဝ်သုၚ်ဂဥုဲဍာ်ဗစိုတ်ညိ” ရဴဝွံ သ္ဂးတုဲ ဗဂိန်ကဵုကၠေၚ်သွဟ် ကုသၟိၚ်ဇၞော်ပဇ္ဇောတရ။ ပ္ဍဲအခိၚ်ဂှ် သဝ်ဇဳဝက မၞုံယၟုကောမရဘစ္စဂှ် ကဵုသၟိၚ်ပဇ္ဇောတ သုၚ်ကၠေၚ်သွဟ်တုဲပ္ဍဲကြဴ အာရုၚ်စိၚ်တုဲမ္ဂး နကဵုယာန်စိၚ်ၝောံမၞုံယၟုဘဒ္ဒဝတိကာ တိတ်အာ နူဍုၚ်ဥဇ္ဇေနဳရ။ ပ္ဍဲအခိၚ်ဂှ် ကုသၟိၚ်ပဇ္ဇောတဂှ် ကၠေၚ်သွဟ် မဂပ်ဝ်သုၚ်လဝ်ဂှ် လ္ၚတ်လာဲမ္ဂး ကျာတိုန်ရ။ ပ္ဍဲအခိၚ်ဂှ် သၟိၚ်ပဇ္ဇောတဂှ် “ယွံသကအ်တအ် သဝ်ဇဳဝက ပရေအ်ဇဂှ် ဖျုၚ်ကၠေၚ်သွဟ်ရ၊ ယွံသကအ်တအ် ဟိုတ်ဂှ်ရ ဩဝ်ဗက်ဂၠာဲ သဝ်ဇဳဝကအိုတ်ညိ” ရဴဝွံ သ္ဂးကဵုမၞိဟ်ဂမၠိုၚ်ရ။ ယွံတၠညးသၟိၚ်ဇၞော် နကဵုယာန်စိၚ်ၝောံမၞုံယၟုဘဒ္ဒဝတိကာ တိတ်အာ နူဍုၚ်ဥဇ္ဇေနဳရ။ ပ္ဍဲအခိၚ်ဂှ် ကုသၟိၚ်ပဇ္ဇောတဂှ် ဍိက်မၞုံယၟုကာက အာစိုပ်တြဴစှော်ယောဇနာ ကလေၚ်စဴတ္ၚဲဂှ်မာန်ရ။ ပ္ဍဲအခိၚ်ဂှ် သၟိၚ်ပဇ္ဇေတဂှ် “အမာံကာက ဩဝ်အာညိ၊ ‘ယွံအ္စာ သၟိၚ်ဇၞော်မိက်ကဵုတၠအဲ ကလေၚ်စဴကၠုၚ်’ ရဴဝွံ ဩဝ်ဟီုကဵုသဝ်ဇဳဝကတုဲ ဩဝ်ကဵုကလေၚ်ကၠုၚ်ညိ” ရဴဝွံ ဖအောဝ်ဗလးဏာ ဍိက်မၞုံယၟုကာကရ။ အမာံကာက အ္စာသဝ်ဂမၠိုၚ်မ္ဂးဂှ် မၞုံကဵုမာယာဂၠိုၚ်အိုတ်ရ၊ လ္ပဂိုၚ်ကေတ် စၞစစၞသုၚ် သဝ်ဇဳဝကဂှ် မမိက်ကဵုမွဲမွဲညိ” ရဴဝွံ (ဟီုဗကန်လဝ်ရ)။ ပ္ဍဲအခိၚ်ဂှ် ဍိက်ကာက ဗက်ဂတာပ်အာ သဝ်ဇဳဝက မၞုံယၟုကောမရဘစ္စ အကြာဂၠံၚ်တရဴ ပ္ဍဲဍုၚ်ကောသမ္ဗဳ ဃောသ္ပဒၟံၚ်ပွမစပုၚ်ဂဇးရ။ ပ္ဍဲအခိၚ်ဂှ် “ယွံအ္စာ သၟိၚ်ဇၞော် မိက်ကဵုတၠအဲ ကလေၚ်စဴကၠုၚ်” ရဴဝွံ သ္ဂးကဵုသဝ်ဇဳဝက မၞုံယၟုကောမရဘစ္စရ။ အမာံကာက ဩဝ်လၟတ်မၚ်မံၚ်စဵုကဵုစပုၚ်တုဲညိ၊ အမာံကာ ဟေအ် ဩဝ်စထောံညိ ရဴဝွံ (သ္ဂးရ)။ ယွံအ္စာ ဒေါံရ၊ သၟိၚ်ဇၞော်ဂှ် “အမာံကာက အ္စာသဝ်ဂမၠိုၚ်မ္ဂးဂှ် မၞုံကဵုမာယာဂၠိုၚ်အိုတ်ရ၊ လ္ပဂိုၚ်ကေတ် စၞစသၞသုၚ် သဝ်ဇဳဝကဂှ် မမိက်ကဵုမွဲမွဲညိ” ရဴဝွံ ဟီုဗကန်လဝ်ရဂှ် (ဟီုသ္ဂးရ)။ ပ္ဍဲအခိၚ်ဂှ် သဝ်ဇဳဝက မၞုံယၟုကောမရဘစ္စဂှ် စုတ်ဂဥုဲ ပ္ဍဲသၞေမ်တဲတုဲ သတ်တလုဲလေဝ်စရ၊ ဍာ်သုၚ်လေဝ် သုၚ်ရ၊ ကြဴနူဂှ် သဝ်ဇဳဝက မၞုံယၟုကောမရဘစ္စဂှ် “အမာံကာက ဩဝ်ဂိုၚ်ကေတ်ညိ၊ သတ်တလုဲလေဝ် ဩဝ်စညိ၊ ဍာ်သုၚ်လေဝ် ဩဝ်သုၚ်ညိ” ရဴဝွံ ဟီုသ္ဂးကဵုဍိက်ကာကရ။ ပ္ဍဲအခိၚ်ဂှ် ကာကဂှ် “အ္စာသဝ်ဝွံ သတ်တလုဲလေဝ် စရ၊ ဍာ်သုၚ်လေဝ် သုၚ်ရ၊ ဟွံထေက်ကဵု တၞဟ်နဒှ်ဒုဟ်မမိက်ကဵုမွဲမွဲရ” ရဴဝွံ ဗှ်ဗၞုဟ်တုဲ သတ်တလုဲဗၞတ်မွဲကရေက်လေဝ် စရ၊ ဍာ်သုၚ်လေဝ် သုၚ်ရ၊ သတ်တလုဲဗၞတ်မွဲကရေက် မဂပ်ဝ်စဖျေံဂှ် ပ္ဍဲဒၞါဲဂှ်ဟေၚ် ကဵုကာကဂှ် ဂၞဴဇွောဝ်ရ။ ပ္ဍဲအခိၚ်ဂှ် ကာကဂှ် “ယွံအ္စာ အဲဍိက် ဂျိုၚ်မံၚ်လမျီုဏီဟာ” ရဴဝွံ သၟာန်သဝ်ဇဳဝက မၞုံယၟုကောမရဘစ္စရ။ “အမာံကာက လ္ပဖေက်ညိ၊ တၠအဲကီု သၟိၚ်ကီု ကြက်ဒှ်ဟွံမွဲကဵုယဲရ၊ သၟိၚ်ဂှ်တုန် ကြမ်ကြသအဵုသအာ်ရ၊ ကဵုဂစိုတ်ထောံအဲရ၊ ဟိုတ်ဂှ် အဲဟွံကလေၚ်စဴရ” ရဴဝွံ သ္ဂးတုဲ ယာန်စိၚ်ၝောံမၞုံယၟုဘဒ္ဒဝတိကာဂှ် အပ်ပြာပ်ကဵုကုကာကတုဲမ္ဂး စ္ဍးအာဍုၚ်ရာဇဂြိုဟ်ရ။ အာအတိုၚ်တိုၚ်လမေၚ်တုဲ ပြာပ်စိုပ်အာဇရေၚ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးတုဲမ္ဂး ဂရၚ်ပတီ ဟိုတ်ပရူပရာဝွံ ကုသၟိၚ်ဗိမ္ဗိသာရ မၞုံယၟုသေနိယ တၠညးမဂဓရးရ။ အမာံဇဳဝက ဟွံကလေၚ်ဗက်စဴဂှ် ဒှ်သ္ပဗွဲမ္ဒးရ၊ သၟိၚ်ဂှ်တုန် ကြမ်ကသအဵုသအာ်ရ၊ ကဵုဂစိုတ်ထောံတၠအဲရ ရဴဝွံ (သ္ဂးရ)။ ကြဴနူဂှ် သၟိၚ်ပဇ္ဇောတဟွံမွဲကဵုယဲမ္ဂး “ဇဳဝက ဩဝ်ကၠုၚ်ညိ၊ ကဵုလာဘ်ဗ္ဇဴမပြဲရ” ရဴဝွံ ဗလးဏာကလုတ် ဇရေၚ်သဝ်ဇဳဝက ကောန်သၟိၚ်အဘယ မဂပ်ဝ်လွဳလွတ်ဗ္စရ။ အမာံ ဒေါံရ၊ သၟိၚ်ဇၞော် ဩဝ်ဗှ်ဗၞုဟ်ဂွံသတိဂုဏ်အဲညိ ရဴဝွံ သ္ဂးရ။
၂၀၈။ ယာတ်လ္ၚဝ်ကတဵုဒှ်သိဝိရး
[ပလေဝ်ဒါန် | ပလေဝ်ဒါန် တမ်ကၞက်]၃၃၅။ ပ္ဍဲအခိၚ်ဂှ် ယာတ်လ္ၚဝ်မကတဵုဒှ်သိဝိရး ကတဵုဒှ်ကၠုၚ်ကုသၟိၚ်ပဇ္ဇောတရ၊ ထေက်တန်ကဵုၚုဟ်မး လတူယာတ်ဂမၠိုၚ်မဂၠိုၚ် လတူယာတ်လ္ၚဝ်ဂမၠိုၚ်မဂၠိုၚ် လတူယာတ်လ္ၚဝ်ကၠံဂမၠိုၚ်မဂၠိုၚ် လလူယာတ်လ္ၚဝ်လ္ၚီဂမၠိုၚ်မဂၠိုၚ် လတူယာတ်လ္ၚဝ်ကိုဋ်ဂမၠိုၚ်မဂၠိုၚ်ရ၊ ဗွဲတၟေၚ်လေဝ် ဂပ်ဝ်ထိုၚ်သးရ၊ ပြဲလောန်လေဝ်ဒှ်ရ၊ ဗွဲတၟေၚ်လေဝ် ဒယှ်တှ်ပြာကဋ်ရ၊ နူပွဳပွူလေဝ် ခိုဟ်ရ။ ပ္ဍဲအခိၚ်ဂှ် သၟိၚ်ပဇ္ဇောတ ဖအောဝ်ကဵုပလံၚ်ဏာ ယာတ်လ္ၚဝ်မကဵုဒှ်ပ္ဍဲသိဝိရး ဇရေၚ်သဝ်ဇဳဝက မၞုံယၟုကောမရဘစ္စရ။ ပ္ဍဲအခိၚ်ဂှ် “သၟိၚ်ပဇ္ဇောတ ဖအောဝ်ကဵုပလံၚ်နၚ် ယာတ်လ္ၚဝ်မကတဵုဒှ်ပ္ဍဲသိဝိရးဋ္ဌဝွံ ဇရေၚ်အဲရ၊ ထေက်တန်ကဵုၚုဟ်မး လတူယာတ်ဂမၠိုၚ်မဂၠိုၚ် လတူယာတ်လ္ၚဝ်ဂမၠိုၚ်မဂၠိုၚ် လတူယာတ်လ္ၚဝ်ကၠံဂမၠိုၚ်မဂၠိုၚ် လလူယာတ်လ္ၚဝ်လ္ၚီဂမၠိုၚ်မဂၠိုၚ် လတူယာတ်လ္ၚဝ်ကိုဋ်ဂမၠိုၚ်မဂၠိုၚ်ရ၊ ဗွဲတၟေၚ်လေဝ် ဂပ်ဝ်ထိုၚ်သးရ၊ ပြဲလောန်လေဝ်ဒှ်ရ၊ ဗွဲတၟေၚ်လေဝ် ဒယှ်တှ်ပြာကဋ်ရ၊ နူပွဳပွူလေဝ် ခိုဟ်ရ။ ယာတ်လ္ၚဝ်ဝွံ ပါဲကၠေံ ကျာ်တြဲ မထေက်ဒုၚ်ပူဇဴတၟေၚ် မဂြၚ်တီကေတ် (ဓရ်ဂမၠိုၚ်အိုတ်သီု) အလဵုဇကု မဍာံစၟတ်ကီု သၟိၚ်ဇၞော်ဗိမ္ဗိသာရ မၞုံယၟုသေနိယ တၠညးမဂဓရး ကီုတုဲ ညးမမိက်ကဵုမွဲမွဲ ဗိုက်လတက်ဟွံထေက်ရ” ရဴဝွံ ကသပ်ဒှ်ကၠုၚ် ကုသဝ်ဇဳဝက မၞုံယၟုကောမရဘစ္စရ။
၂၀၉။ ဇွက်ဂၞဴပိစှော်ၜါဝါ
[ပလေဝ်ဒါန် | ပလေဝ်ဒါန် တမ်ကၞက်]၃၃၆။ ပ္ဍဲအခိၚ်ဂှ် ဇကုတဳလမၞုံပိုဉ်ကျာ်တြဲ ဒုဟ် (မပ္တံဆီ,ကျာ) ဂၠိုၚ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံအာနန္ဒ ဇကုအဲ ဒုဟ် (မပ္တံဆီ,ကျာ) ဂၠိုၚ်ရ၊ အဲနွံပၟိက် တၞဟ်နသုၚ်ဂဥုဲဇွက်ဂၞဴရ” ရဴဝွံ သ္ဂးကဵုတဳလပိုဉ်အာနန္ဒရ။ ပ္ဍဲအခိၚ်ဂှ် တဳလပိုဉ်အာနန္ဒ အာဇရေၚ်သဝ်ဇဳဝက မၞုံယၟုကောမရဘစ္စတုဲမ္ဂး “ယွံဒကာဇဳဝက ဇကုတဳလမၞုံပိုဉ်ကျာ်တြဲ ဒုဟ် (မပ္တံဆီ,ကျာ) ဂၠိုၚ်ရ၊ တဳလမၞုံပိုဉ်ကျာ်တြဲ နွံပၟိက် တၞဟ်နသုၚ်ဂဥုဲဇွက်ဂၞဴရ” ရဴဝွံ သ္ဂးကဵုၚ်သဝ်ဇဳဝက မၞုံယၟုကောမရဘစ္စရ။ ယွံတဳလပိုဉ်အာနန္ဒ ဒှ်သာ်ဂှ်မ္ဂး ဩဝ်ကဵုဇကု တဳလမၞုံပိုဉ်ကျာ်တြဲ ဩဝ်ကဵုဍုက်ဍေက်ကၠေၚ်မေၚ် ဗၞတ်မွဲၜါတ္ၚဲကၠာညိ ရဴဝွံ (ဂရၚ်ပတီ)။ (ကဵုအုပ်ထောံပဠက်မွဲၜါတ္ၚဲညိ၊ အုပ်ပဠက်မ္ဂး လတေၚ်ဍိုန်ကၠုၚ်ရ။) ပ္ဍဲအခိၚ်ဂှ် တဳလပိုဉ်အာနန္ဒ ကဵုဇကုတဳလမၞုံပိုဉ်ကျာ်တြဲ ဩဝ်ကဵုဍုက်ဍေက်ကၠေၚ်မေၚ်ဗၞတ်မွဲၜါတ္ၚဲတုဲ အာဇရေၚ်ၚ်သဝ်ဇဳဝက မၞုံယၟုကောမရဘစ္စတုဲမ္ဂး “ယွံဒကာဇဳဝက ကဵုဇကုတဳလမၞုံပိုဉ်ကျာ်တြဲ ဍုက်ဍေက်ကၠေၚ်မေၚ်တုဲရ၊ လၟုဟ် ဩဝ်တီကေတ် အခိၚ်ဇွက်ဂၞဴညိ” ရဴဝွံ သ္ဂးရ။ ပ္ဍဲအခိၚ်ဂှ် ကုၚ်သဝ်ဇဳဝက မၞုံယၟုကောမရဘစ္စဂှ် “အဲ ဟွံဗဗွဲကဵု သွက်ဂွံကဵုဂဥုဲဇွက်ဂၞဴ မကြံၚ်မ္ၚိုဟ် ကုတဳလမၞုံပိုဉ်ကျာ်တြဲရ” ရဴဝွံ ချပ်တုဲ ထီုဗးလဝ် ကဴဒကှ်ဂမၠိုၚ်ပိတဝ် နကဵုဂဥုဲဂမၠိုၚ်တၞဟ်တၞဟ်တုဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး “ယွံတဳလမၞုံပိုဉ် တဳလမၞုံပိုဉ်ကျာ်တြဲ ဩဝ်ခရောတဆုၚ်တဝ်ဒကှ်ဝွံ ဗွဲကိုပ်ကၠာညိ၊ တဝ်ဒကှ်ဝွံ ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ်ဗၞတ်စှ်ဝါရ” ရဴဝွံ ဗဂိန်ကဵုကုတဳလမၞုံပိုဉ်ကျာ်တြဲ ဒကှ်မွဲတဝ်ရ။ “ယွံတဳလမၞုံပိုဉ် တဳလမၞုံပိုဉ်ကျာ်တြဲ ဩဝ်ခရောတ်ဆုၚ်တဝ်ဒကှ်မရနုက်ကဵုၜါဝွံညိ၊ တဝ်ဒကှ်မရနုက်ကဵုၜါဝွံ ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ် ဗၞတ်စှ်ၜါရ” ရဴဝွံ ဗဂိန်ကဵုကုတဳလမၞုံပိုဉ်ကျာ်တြဲ တဝ်ဒကှ်မရနုက်ကဵုၜါရ။ “ယွံတဳလမၞုံပိုဉ် တဳလမၞုံပိုဉ်ကျာ်တြဲ ဩဝ်ခရောတ်ဆုၚ် တဝ်ဒကှ်မရနုက်ကဵုပိဝွံညိ၊ တဝ်ဒကှ်မရနုက်ကဵုပိဝွံ ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ်ဗၞတ်စှ်ဝါရ” ရဴဝွံ ဗဂိန်ကဵုကတဳလမၞုံပိုဉ်ကျာ်တြဲ တဝ်ဒကှ်မရနုက်ကဵုပိရ။ နနဲသာ်ဝွံ ဂၞဴဇွောဝ် ပိစှော်ဝါ ဒှ်ကုတဳလမၞုံပိုဉ်ကျာ်တြဲရ ရဴဝွံ ဂရၚ်ပတီရ။ ပ္ဍဲကြဴနူဂှ် ၚ်သဝ်ဇဳဝက မၞုံယၟုကောမရဘစ္စ ဗဂိန်ကဵုဒါန် ဂဥုဲဇွက်ဂၞဴ မကဵုဂၞဴဇၞော်ပိစှော်ဝါ ကုတဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး သ္ပရှ်ေသှ်ေရဴဂဴကၠာ ပါဲစ္ဍးအာရ။ ပ္ဍဲအခိၚ်ဂှ် ကုၚ်သဝ်ဇဳဝက မၞုံယၟုကောမရဘစ္စ မတိတ်အာ နူမုက်ထော်တြၚ်မ္ၚးဂှ် “အဲ ဗဂိန်ကဵုဒါန်ဂဥုဲဇွက်ဂၞဴ မကဵုဂၞဴဇွောဝ်ပိစှော်ဝါမာန် ကုတဳလမၞုံပိုဉ်ကျာ်တြဲတုဲရ၊ ဇကုတဳလမၞုံပိုဉ်ကျာ်တြဲ ဒုဟ် (မပ္တံဆီ,ကျာ်) ဂၠိုၚ်၇၊ ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ်ဗၞတ်ပိစှော်ဝါ ဟွံသေၚ်ရ၊ ဗၞတ်ၜါစှော်ဒ္စိတ်ဝါဟေၚ် ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ်ရ၊ ဗွဲစၟတ်တုန် ဂၞဴအာတုဲမ္ဂး တဳလမၞုံပိုဉ်ကျာ်တြဲ ကြက်ဟုမ်ဍာ်ရ၊ ဟုမ်ဍာ်မ္ဂး ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ်မွဲဝါရ၊ ရဴဝွံ ဂၞဴဇွောဝ်မ္ဂး ကြက်ဒှ်ဂၞဴဇွောဝ် ပိစှော်ဝါ ကုတဳလမၞုံပိုဉ်ကျာ်တြဲရ” ရဴဝွံ ကသပ်ဒှ်ကၠုၚ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ တီကေတ်ကသပ်စိုတ် သဝ်ဇဳဝက မၞုံယၟုကောမရဘစ္စ နကဵုစိုတ်ဇကုတုဲ “ယွံအာနန္ဒ လၟုဟ် ကုၚ်သဝ်ဇဳဝက မၞုံယၟုကောမရဘစ္စ မတိတ်အာ နူမုက်ထော်တြၚ်မ္ၚးဂှ် ‘အဲ ဗဂိန်ကဵုဒါန် ဂဥုဲဇွက်ဂၞဴ မကဵုဂၞဴဇွောဝ်ပိစှော်ဝါမာန် ကုတဳလမၞုံပိုဉ်ကျာ်တြဲတုဲရ၊ ဇကုတဳလမၞုံပိုဉ်ကျာ်တြ ဒုဟ် (မပ္တံဆီ,ကျာ်) ဂၠိုၚ်ရ၊ ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ်ဗၞတ်ပိစှော်ဝါ ဟွံသေၚ်ရ၊ ဗၞတ်ၜါစှော်ဒ္စိတ်ဝါဟေၚ် ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ်ရ၊ ဗွဲစၟတ်တုန် ဂၞဴအာတုဲမ္ဂး တဳလမၞုံပိုဉ်ကျာ်တြဲ ကြက်ဟုမ်ဍာ်ရ၊ ဟုမ်ဍာ်မ္ဂး ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ်မွဲဝါရ၊ ရဴဝွံ ဂၞဴဇွောဝ်မ္ဂး ကြက်ဒှ်ဂၞဴဇွောဝ်ပိစှော်ဝါ ကုတဳလမၞုံပိုဉ်ကျာ်တြဲရ’ ရဴဝွံ ကသပ်ဒှ်ရ၊ ယွံအာနန္ဒ ဩဝ်စဳရေၚ်ဍာ်ဂမ္တဴညိ” ရဴဝွံ သ္ဂးကဵုတဳလပိုဉ်အာနန္ဒရ။ ယွံတဳလမၞုံပိုဉ် ခိုဟ်ရ” ရဴဝွံ တဳလပိုဉ်အာန္ဒ ဒုၚ်ဝန်ကုတဳလမၞုံပိုဉ်ကျာ်တြဲတုဲ စဳရေၚ်ဍာ်ဂမ္တဴရ။ ၚ်သဝ်ဇဳဝက မၞုံယၟုကောမရဘစ္စ ပြာပ်ကၠုၚ်ဇရၚ်ေ တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြတုဲ ဂဇအ်ဒၟံၚ်ပ္ဍဲဒၞါဲမွဲရ၊ ၚ်သဝ်ဇဳဝက မၞုံယၟုကောမရဘစ္စ မဂဇအ်ဒၟံၚ်ပ္ဍဲဒၞါဲမွဲဂှ် “ယွံတဳလမၞုံပိုဉ် တဳလမၞုံပိုဉ်ကျာ်တြဲ ဂၞဴဇွောဝ်ဟာကျာ်” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံဇဳဝက ဂၞဴဇွောဝ်ရ ရဴဝွံ (သ္ဂးရ)။ ယွံတဳလမၞုံပိုဉ် လၟုဟ် ကုအဲဍိက် ဃောမတိတ်အာ နူမုက်ထော်တြၚ်မ္ဂးဂှ် “အဲ ဗဂိန်ကဵုဒါန် ဂဥုဲဇွက်ဂၞဴ မကဵုဂၞဴဇွောဝ်ပိစှော်ဝါမာန် ကုတဳလမၞုံပိုဉ်ကျာ်တြဲတုဲရ၊ ဇကုတဳလမၞုံပိုဉ်ကျာ်တြဲ ဒုဟ် (မပ္တံဆီ,ကျာ်) ဂၠိုၚ်ရ၊ ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ်ဗၞတ်ပိစှော်ဝါ ဟွံသေၚ်ရ၊ ဗၞတ်ၜါစှော်ဒ္စိတ်ဝါဟေၚ် ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ်ရ၊ ဗွဲစၟတ်တုန် ဂၞဴအာတုဲမ္ဂး တဳလမၞုံပိုဉ်ကျာ်တြဲ ကြက်ဟုမ်ဍာ်ရ၊ ဟုမ်ဍာ်မ္ဂး ကြက်ကဵုတဳလမၞုံပိုဉ်ကျာ်တြဲ ဂၞဴဇွောဝ်မွဲဝါရ၊ ရဴဝွံ ဂၞဴဇွောဝ်မ္ဂး ကြက်ဒှ်ဂၞဴဇွောဝ်ပိစှော်ဝါ ကုတဳလမၞုံပိုဉ်ကျာ်တြဲရ” ရဴဝွံ ကသပ်ဒှ်ကၠုၚ်ရ။ ယွံတဳလမၞုံပိုဉ် တဳလမၞုံပိုဉ်ကျာ်တြဲ ဩဝ်ဟုမ်ဍာ်ညိ၊ ကျာ်တြဲမလေပ်သ္ဂးတဴဂလာန်ခိုဟ်ဆာဲ ဩဝ်ဟုမ်ဍာ်ညိ ရဴဝွံ (ဂရၚ်ပတီရ)။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ဟုမ်ဍာ်ရ၊ ဟုမ်ဍာ်တုဲမ္ဂး ကဵုတဳလမၞုံပိုဉ်ကျာ်တြဲ ဂၞဴဇွောဝ်မွဲဝါရ၊ နနဲသာ်ဝွံ ဂၞဴဇွောဝ်ပိစှော်ဝါ ဒှ်ကုတဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် သဝ်ဇဳဝက မၞုံယၟုကောမရဘစ္စဂှ် “ယွံတဳလမၞုံပိုဉ် စဵုကဵုဇကုတဳလမၞုံပိုဉ်ကျာ်တြဲ မၞုံသဘဴပကတိဂှ် နကဵုပိဏ္ဍပါတ်မနှဴရဴကေုာံဂဥုဲဟေၚ် ဗဗွဲရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
၂၁၀။ အာတ်လာဘ်
[ပလေဝ်ဒါန် | ပလေဝ်ဒါန် တမ်ကၞက်]၃၃၇။ ပ္ဍဲအခိၚ်ဂှ် ဇကုတဳလမၞုံပိုဉ်ကျာ်တြဲ ခြာဟွံလအ်ဟေၚ် ဒှ်အတိုၚ်သဘဴပကတိရ။ ပ္ဍဲအခိၚ်ဂှ် သဝ်ဇဳဝက မၞုံယၟုကောမရဘစ္စ ဂိုၚ်ကေတ်နၚ် ယာတ်လ္ၚတ်မကတဵုဒှ်ပ္ဍဲသိဝိရးဂှ်တုဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ်ပ္ဍဲဒၞါဲမွဲဂှ် “ယွံတဳလမၞုံပိုဉ် အဲဍိက် မိက်အာတ်လာဘ် တဳလမၞုံပိုဉ်ကျာ်တြဲမွဲရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံဇဳဝက ကျာ်တြဲဂမၠိုၚ် ကလိလောန်အာ နူပွမကဵုလာဘ်အိုတ်ရ ရဴဝွံ (သ္ဂးတိုန်ဂှ်) ယွံတဳလမၞုံပိုဉ် လာဘ်မအာတ်ဂှ် ဂပ်ဝ်လေဝ်ဂပ်ဝ်ရ၊ ဒုဟ်ဒဏ်လေဝ် ဟွံမွဲရ ရဴဝွံ (ဂရၚ်ပတီရ)။ ယွံဇဳဝက ဩဝ်ဟီုသ္ဂးညိ ရဴဝွံ အခိၚ်မဟီုတိုန်ဂှ် ယွံတဳလမၞုံပိုဉ် တဳလမၞုံပိုဉ်ကျာ်တြဲကီု ခမဳသၚ်ကီု ပကၚ်ရၚ်သ္ၚာပံသကူဟေၚ်ရ၊ ယွံတဳလမၞုံပိုဉ် သၟိၚ်ပဇ္ဇောတ ပလံၚ်နၚ် ယာတ်လ္ၚတ် မကတဵုဒှ်သိဝိရး ဇရေၚ်အဲဍိက်ရ၊ ထေက်တန်ကဵုၚုဟ်မး လတူယာတ်ဂမၠိုၚ်မဂၠိုၚ် လတူယာတ်လ္ၚဝ်ဂမၠိုၚ်မဂၠိုၚ် လတူယာတ်လ္ၚဝ်ကၠံဂမၠိုၚ်မဂၠိုၚ် လလူယာတ်လ္ၚဝ်လ္ၚီဂမၠိုၚ်မဂၠိုၚ် လတူယာတ်လ္ၚဝ်ကိုဋ်ဂမၠိုၚ်မဂၠိုၚ်ရ၊ ဗွဲတၟေၚ်လေဝ် ဂပ်ဝ်ထိုၚ်သးရ၊ ပြဲလောန်လေဝ်ဒှ်ရ၊ ဗွဲတၟေၚ်လေဝ် ဒယှ်တှ်ပြာကဋ်ရ၊ နူပွဳပွူလေဝ် ခိုဟ်ရ။ ယွံတဳလမၞုံပိုဉ် တဳလမၞုံပိုဉ်ကျာ်တြဲ ဩဝ်ဒုၚ်ဂိုၚ်ကေတ် ယာတ်လ္ၚဝ်မကတဵုဒှ်သိဝိရးအဲဍိက်ညိ၊ ကုခမဳသၚ်လေဝ် ဩဝ်ကဵုအခေါၚ်သ္ၚာ ဒကာဂမၠိုၚ်ကဵုဒါန်ညိ ရဴဝွံ (ဂရၚ်ပတီရ)။ တဳလမၞုံပိုဉ်ကျာ်တြဲ ဒုၚ်ဂိုၚ်ကေတ် ယာတ်လ္ၚဝ်မကတဵုဒှ်သိဝိရးရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ နကဵုဂလာန်ဓရ် ကဵုသဝ်ဇဳဝက မၞုံယၟုကောမရဘစ္စ တီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာရ။ သဝ်ဇဳဝက မၞုံယၟုကောမရဘစ္စဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ) (သွက်ဂွံဒ္ဂေတ်ဓရ) ကဵုသကေက်သကာ ကဵုမြဟ်မြာတုဲမ္ဂး ဒၠိုက်ကတဵုနူဒၞါဲတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲ သ္ပရှ်ေသှ်ေရဴဂဴတုဲမ္ဂး ပါဲစ္ဍးအာရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ကဵုအခေါၚ် သ္ၚာဒကာဂမၠိုၚ်ကဵုဒါန်ရ၊ ခမဳမၞုံပၟိက်တၞဟ်နပကၚ်ရၚ် သ္ၚာပံသကူဂှ် ဩဝ်ပကၚ်ရၚ်ညိ၊ ခမဳမၞုံပၟိက်တၞဟ်နသာယျေန် သ္ၚာဒကာဂမၠိုၚ်ကဵုဒါန်ဂှ် ဩဝ်သာယျေန်ညိ။ ယွံခမဳတအ် ပွမတရိုပ်စိုတ် နသ္ၚာမွဲမွဲဂကူဟေၚ် အဲကျာ်ထိုၚ်သးရ” ရဴဝွံ သ္ဂးကဵုခမဳဂမၠိုၚ်ရ။ မၞိဟ်ဂမၠိုၚ်ပဒတဴပ္ဍဲဍုၚ်ရာဇဂြိုဟ်ဂှ် “တဳလမၞုံပိုဉ်ကျာ်တြဲ ကဵုအခေါၚ် သ္ၚာဒကာဂမၠိုၚ်ကဵုဒါန်ရဂး” ရဴဝွံ ဂွံမိၚ်ကေတ်အိုတ်ရ၊ မၞိဟ်ဂမၠိုၚ်လေဝ် “ဟိုတ်နူတဳလမၞုံပိုဉ်ကျာ်တြဲ ကဵုအခေါၚ်သ္ၚာဒကာဂမၠိုၚ်ကဵုဒါန်ဂှ်ရ ပ္ဍဲအခိၚ်လၟုဟ် ပိုဲညးဂမၠိုၚ် ကြက်ဂွံကဵုတဴ ဒါန်ဂမၠိုၚ်အိုတ်၊ ကြက်ဂွံပတုဲတဴ ကုသိုလ်ဂမၠိုၚ်အိုတ်ရ” ရဴဝွံ မြဟ်မြာအိုတ်ရ၊ စိုတ်တိုန်အိုတ်ရ၊ နမွဲတ္ၚဲဓဝ်ဟေၚ် ပ္ဍဲဍုၚ်ရာဇဂြိုဟ် သ္ၚာဂမၠိုၚ်မဂၠိုၚ်ဟွံကလ္ၚီ ကတဵုဒှ်ကၠုၚ်အိုတ်ရ။ မၞိဟ်ဂမၠိုၚ်မပဒတဴပ္ဍဲဇနပိုဒ်ဂှ် “တဳလမၞုံပိုဉ်ကျာ်တြဲ ကဵုအခေါၚ် သ္ၚာဒကာဂမၠိုၚ် ကဵုဒါန်ရဂး” ရဴဝွံ ဂွံမိၚ်ကေတ်အိုတ်ဟေၚ်ရ၊ မၞိဟ်ဂမၠိုၚ်ဂှ်လေဝ် “ဟိုတ်နူတဳလမၞုံပိုဉ်ကျာ်တြဲ ကဵုအခေါၚ်သ္ၚာဒကာဂမၠိုၚ်ကဵုဒါန်ဂှ်ရ ပ္ဍဲအခိၚ်လၟုဟ် ပိုဲညးဂမၠိုၚ် ကြက်ဂွံကဵုတဴ ဒါန်ဂမၠိုၚ်အိုတ်၊ ကြက်ဂွံပတုဲတဴ ကုသိုလ်ဂမၠိုၚ်အိုတ်ရ” ရဴဝွံ မြဟ်မြာအိုတ်ရ၊ စိုတ်တိုန်အိုတ်ရ၊ နမွဲတ္ၚဲဓဝ်ဟေၚ် ပ္ဍဲဇနပိုဒ်လေဝ် သ္ၚာဂမၠိုၚ်မဂၠိုၚ်ဟွံကလ္ၚီ ကတဵုဒှ်ကၠုၚ်အိုတ်ရ။ ပ္ဍဲအခိၚ်ဂှ် ယာတ်စၞေဟ်ဇမၠိၚ်မလ္ၜက်ကၠေဟ် (ဖ္ဍဳ) ကတဵုဒှ်ကၠုၚ် ကုသၚ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ယာတ်စၞေဟ်ဇမၠိုၚ် မလ္ၜက်ကၠေဟ် (ဖ္ဍဳ) ရ။ ယာတ်စၞေဟ်မခၞံလဝ်နတောဝ်သုတ် ကတဵုဒှ်ကၠုၚ် ကုသၚ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ယာတ်စၞေဟ်မခၞံလဝ်နတောဝ်သုတ်ရ။ ခေါဇဴဇၞော် မခၞံလဝ်နတသော်သတ် ကတဵုဒှ်ကပုၚ် ကုသၚ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ခေါဇဴဇၞော်မခၞံလဝ် နတသော်သတ်ရ ရဴဝွံ (သ္ဂးရ)။ ခဏ်ပဌမတုဲရ။
၂၁၁။ ကဵုအခေါၚ်ယာတ်ကၟဝ်
[ပလေဝ်ဒါန် | ပလေဝ်ဒါန် တမ်ကၞက်]၃၃၈။ ပ္ဍဲကာလမွဲအခိၚ်တေံ သၟိၚ်ကာသိ ဖအောဝ်ပလံၚ်နၚ် ယာတ်ကၟဝ်မထေက်တန်ၚုဟ်မးမသုန်ကၠံ ဇရေၚ်သဝ်ဇဳဝက မၞုံယၟုံကောမရဘစ္စရ။ ပ္ဍဲအခိၚ်ဂှ် သဝ်ဇဳဝက မၞုံယၟုံကောမရဘစ္စ ဂိုၚ်ကေတ်နၚ် ယာတ်ကၟဝ်မထေက်တန်ၚုဟ်မး မသုန်ကၠံဂှ်တုဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ ဂဇအ်ဒၟံၚ်ပ္ဍဲဒၞါဲမွဲရ၊ ဂဇအ်ဒၟံၚ်ပ္ဍဲဒၞါဲမွဲတုဲမ္ဂး သဝ်ဇဳဝက မၞုံယၟုံကောမရဘစ္စဂှ် “ယွံတဳလမၞုံပိုဉ် ယာတ်ကၟဝ်မထေက်တန်ၚုဟ်မးမသုန်ကၠံဝွံ သၟိၚ်ကာသိ ဖအောဝ်ပလံၚ်နၚ် ကုအဲဍိက်ရ၊ ယွံတဳလမၞုံပိုဉ် တဳလမၞုံပိုဉ်ကျာ်တြဲ ဩဝ်ဒုၚ်ဂိုၚ်ကေတ် ယာတ်ကၟဝ်အဲဍိက်ညိ၊ ပွမဒုၚ်ဂိုၚ်ကေတ်သာ်ဂှ် လုကဴကာလဗ္တံတ္ၚဲမဂၠိၚ်သ္ၚောဲ ကြက်ဒှ်တၞဟ်နဒတုဲမြမောဝ်တသိုခ် ကုအဲဍိက်ရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ ဒုၚ်ဂိုၚ်ကေတ်ယာတ်ကၟဝ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် နကဵုဂလာန်ဓရ် ကဵုသဝ်ဇဳဝက မၞုံယၟုံကောမရဘစ္စ တီညာတ်ကေတ် (ဒတုဲဖဵုမြမောဝ်) ။ ပ ။ သ္ပရှ်ေသှ်ရဴဂဴတုဲမ္ဂး ပါဲစ္ဍးအာရ။ ပ္ဍဲကြဴနူဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ကဵုအခေါၚ် ယာတ်ကၟဝ်ရ” ရဴဝွံ သ္ဂးကဵုခမဳဂမၠိုၚ်ရ။
၃၃၉။ ပ္ဍဲကာလမွဲအခိၚ် သ္ၚာဂမၠိုၚ် မဒှ်ခိုဟ်ခိုဟ်ပရေအ်ပရေအ် ကတဵုဒှ်ကုသၚ်အိုတ်ရ၊ ပ္ဍဲကြဴနူဂှ် “တဳလမၞုံပိုဉ်ကျာ်တြဲ ကဵုအခေါၚ် သ္ၚာသ်လဵုရော? ဟွံကဵုအခေါၚ် သ္ၚာသာ်လဵုရော?” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သ္ၚာဂမၠိုၚ်တြဴသာ်မတွံဂး သ္ၚာတောဝ်ခါမ သ္ၚာတောဝ် သ္ၚာတောဝ်သုတ် သ္ၚာကၟဝ် သ္ၚာတောဝ်ကာန် သ္ၚာနှဴလဝ်တောဝ်မသုန်သာ်တုဲ တုတ်လဝ်ရ ရဴဝွံ (သ္ဂးရ)။
၃၄၀။ ပ္ဍဲကာလမွဲအခိၚ် ယြဴခမဳဂမၠိုၚ် သာယျေန်တဴ သ္ၚာဒကာဂမၠိုၚ်ကဵုဒါန်အိုတ်ရ၊ ခမဳဂမၠိုၚ်ဂှ် တဳလမၞုံပိုဉ်ကျာ်တြဲ ကဵုအခေါၚ် သ္ၚာမွဲဂကူဟေၚ်ရ၊ ဟွံကဵုအခေါၚ် သ္ၚာၜါဂကူရ” ရဴဝွံ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာဂမၠိုၚ်ဒှ်တုဲ ဟွံသာယျေန် သ္ၚာပံသုကူဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳမသာယျေန် သ္ၚာဒကာဂမၠိုၚ် ကဵုဒါန်ဂှ် သ္ၚာပံသုကူလေဝ် တၞဟ်နသာယျေန်ဂှ် ကဵုအခေါၚ်ရ၊ ယွံခမဳတအ် ပွမတရိုပ်စိုတ် နကဵုသီုၜါဂကူဂှ်လေဝ် အဲထိုၚ်သးရ ရဴဝွံ (သ္ဂးရ)။
၂၁၂။ ဂၠာဲသ္ၚေဝ်သ္ၚာပံသုကူ
[ပလေဝ်ဒါန် | ပလေဝ်ဒါန် တမ်ကၞက်]၃၄၁။ ပ္ဍဲကာလမွဲအခိၚ် ခမဳဂမၠိုၚ်မဂၠိုၚ်ဂၠၚ် သွိုန်ဗပိုန်တရဴအဓာန်မဂၠိၚ်သ္ၚောဲ ပ္ဍဲဇနပိုဒ် ကောသလရးအိုတ်ရ။ ခမဳလ္ၚဵုဂမၠိုၚ် တၞဟ်နသွက်သ္ၚာပံသုကူ လုပ်အာသုသာန်အိုတ်ရ၊ ခမဳလ္ၚဵုဂမၠိုၚ် ဟွံလၟတ်မၚ်ဒၟံၚ်အိုတ်ရ၊ ယြဴခမဳဂမၠိုၚ် တၞဟ်နသွက်သ္ၚာပံသုကူ လုပ်အာသုသာန်အိုတ်ရ၊ ခမဳဂမၠိုၚ်ဂှ် ကလိဂွံပံသုကူအိုတ်ရ၊ ယြဴခမဳဂမၠိုၚ် ဟွံလၟတ်မၚ်ဒၟံၚ်အိုတ်ရ။ ခမဳဂမၠိုၚ်ဂှ် “ယွံကောန်တၠတအ် ကုပိုဲညးဂမၠိုၚ်လေဝ် ဩဝ်ကဵုသွက်ဘိုအ်အိုတ်ညိ” ရဴဝွံ ဟီုသ္ဂးအိုတ်ရ။ ခမဳဂမၠိုၚ်ဂှ် “ယွံကောန်တၠတအ် ပိုဲညးဂမၠိုၚ် ကဵုသွက်ဘိုအ် ကုမၞးတအ်ညးဂမၠိုၚ်ဟွံမာန်အိုတ်ရ၊ မုဟိုတ် မၞးတအ်ညးဂမၠိုၚ် ဟွံလၟတ်မၚ်ဒၟံၚ်အိုတ်ရော?” ရဴဝွံ ဟီုသ္ဂးအိုတ်ရ။ ဂရၚ်ပတီအိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကုခမဳမဟွံလၟတ်မၚ်ဒၟံၚ်ဂမၠိုၚ်ဂှ် ဟွံမိက်ကဵုအိုတ်မ္ဂး တၞဟ်နဟွံကဵုသွက်ဘိုအ်ဂှ် ကဵုအခေါၚ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် ခမဳဂမၠိုၚ်မဂၠိုၚ်ဂၠၚ် သွိုန်ဗပိုန်တရဴအဓာန်မဂၠိၚ်သ္ၚောဲ ပ္ဍဲဇနပိုဒ်ကောသလရးအိုတ်ရ။ ခမဳလ္ၚဵုဂမၠိုၚ် တၞဟ်နသွက်သ္ၚာပံသုကူ လုပ်အာသုသာန်အိုတ်ရ၊ ခမဳလ္ၚဵုဂမၠိုၚ် လၟတ်မၚ်ဒၟံၚ်အိုတ်ရ၊ ယြဴခမဳဂမၠိုၚ် တၞဟ်နသွက်သ္ၚာပံသုကူ လုပ်အာသုသာန်အိုတ်ရ၊ ခမဳဂမၠိုၚ်ဂှ် ကလိဂွံပံသုကူအိုတ်ရ၊ ယြဴခမဳဂမၠိုၚ် ဟွံလၟတ်မၚ်ဒၟံၚ်အိုတ်ရ။ ခမဳဂမၠိုၚ်ဂှ် “ယွံကောန်တၠတအ် ကုပိုဲညးဂမၠိုၚ်လေဝ် ဩဝ်ကဵုသွက်ဘိုအ်အိုတ်ညိ” ရဴဝွံ ဟီုသ္ဂးအိုတ်ရ။ ခမဳဂမၠိုၚ်ဂှ် “ယွံကောန်တၠတအ် ပိုဲညးဂမၠိုၚ် ကဵုသွက်ဘိုအ် ကုမၞးတအ်ညးဂမၠိုၚ်ဟွံမာန်အိုတ်ရ၊ မုဟိုတ် မၞးတအ်ညးဂမၠိုၚ် ဟွံလၟတ်မၚ်ဒၟံၚ်အိုတ်ရော?” ရဴဝွံ ဟီုသ္ဂးအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကုခမဳမလၟတ်မၚ်ဒၟံၚ်ဂမၠိုၚ်ဂှ် ၜိုန်ဟွံမိက်ကဵုလေဝ် တၞဟ်နကဵုသွက်ဘိုအ်ဂှ် ကဵုအခေါၚ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် ခမဳဂမၠိုၚ်မဂၠိုၚ်ဂၠၚ် သွိုန်ဗပိုန်တရဴအဓာန်မဂၠိၚ်သ္ၚောဲ ပ္ဍဲဇနပိုဒ်ကောသလရးအိုတ်ရ။ ခမဳလ္ၚဵုဂမၠိုၚ် တၞဟ်နသွက်သ္ၚာပံသုကူ လုပ်အာသုသာန်အိုတ်ရ၊ ခမဳလ္ၚဵုဂမၠိုၚ် လုပ်အာလက်ကရဴအိုတ်ရ၊ ယြဴခမဳဂမၠိုၚ် တၞဟ်နသွက်သ္ၚာပံသုကူ လုပ်အာသုသာန်အိုတ်ရ၊ ခမဳဂမၠိုၚ်ဂှ် ကလိဂွံပံသုကူအိုတ်ရ၊ ယြဴခမဳဂမၠိုၚ် ဟွံလၟတ်မၚ်ဒၟံၚ်အိုတ်ရ။ ခမဳဂမၠိုၚ်ဂှ် “ယွံကောန်တၠတအ် ကုပိုဲညးဂမၠိုၚ်လေဝ် ဩဝ်ကဵုသွက်ဘိုအ်အိုတ်ညိ” ရဴဝွံ ဟီုသ္ဂးအိုတ်ရ။ ခမဳဂမၠိုၚ်ဂှ် “ယွံကောန်တၠတအ် ပိုဲညးဂမၠိုၚ် ကဵုသွက်ဘိုအ် ကုမၞးတအ်ညးဂမၠိုၚ်ဟွံမာန်အိုတ်ရ၊ မုဟိုတ် မၞးတအ်ညးဂမၠိုၚ် ဟွံလၟတ်မၚ်ဒၟံၚ်အိုတ်ရော?” ရဴဝွံ ဟီုသ္ဂးအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကုခမဳမလုပ်နူလက်ကရဴဂမၠိုၚ်ဂှ် ဟွံမိက်ကဵုအိုတ်မ္ဂး တၞဟ်န ဟွံကဵုသွက်ဘိုအ်ဂှ် ကဵုအခေါၚ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် ခမဳဂမၠိုၚ်မဂၠိုၚ်ဂၠၚ် သွိုန်ဗပိုန်တရဴအဓာန်မဂၠိၚ်သ္ၚောဲ ပ္ဍဲဇနပိုဒ်ကောသလရးအိုတ်ရ။ ခမဳလ္ၚဵုဂမၠိုၚ် တၞဟ်နသွက်သ္ၚာပံသုကူ လုပ်အာသုသာန်တုပ်တုပ်အိုတ်ရ၊ ခမဳလ္ၚဵုဂမၠိုၚ် ကလိဂွံပံသုသူဂမၠိုၚ်အိုတ်ရ၊ ခမဳဂမၠိုၚ် ဟွံကလိဂွံပံသုကူအိုတ်ရ၊ ယြဴခမဳဂမၠိုၚ် ဟွံကလိဂွံအိုတ်ရ၊ ခမဳဂမၠိုၚ်ဂှ် “ယွံကောန်တၠတအ် ကုပိုဲညးဂမၠိုၚ်လေဝ် ဩဝ်ကဵုသွက်ဘိုအ်အိုတ်ညိ” ရဴဝွံ ဟီုသ္ဂးအိုတ်ရ။ ခမဳဂမၠိုၚ်ဂှ် “ယွံကောန်တၠတအ် ပိုဲညးဂမၠိုၚ် ကဵုသွက်ဘိုအ် ကုမၞးတအ်ညးဂမၠိုၚ် ဟွံမာန်အိုတ်ရ၊ မုဟိုတ် မၞးတအ်ညးဂမၠိုၚ် ဟွံကလိဂွံအိုတ်ရော?” ရဴဝွံ ဟီုသ္ဂးအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကုညးမလုပ်တုပ်တုပ်ဂမၠိုၚ်ဂှ် ၜိုန်ဟွံမိက်ကဵုလေဝ် တၞဟ်နကဵုသွက်ဘိုအ်ဂှ်ကဵုအခေါၚ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် ခမဳဂမၠိုၚ်မဂၠိုၚ်ဂၠၚ် သွိုန်ဗပိုန်တရဴအဓာန်မဂၠိၚ်သ္ၚောဲ ပ္ဍဲဇနပိုဒ်ကောသလရးအိုတ်ရ။ ခမဳလ္ၚဵုဂမၠိုၚ်ဂှ် သ္ပကတိကဝတ်တုဲ တၞဟ်နသွက်သ္ၚာပံသုကူ လုပ်အာသုသာန်အိုတ်ရ၊ ခမဳလ္ၚဵုဂမၠိုၚ် ကလိဂွံသ္ၚာပံသုသူဂမၠိုၚ်အိုတ်ရ၊ ခမဳလ္ၚဵုဂမၠိုၚ် ဟွံကလိဂွံပံသုကူအိုတ်ရ၊ ယြဴခမဳဂမၠိုၚ် ဟွံကလိဂွံအိုတ်ရ၊ ခမဳဂမၠိုၚ်ဂှ် “ယွံကောန်တၠတအ် ကုပိုဲညးဂမၠိုၚ်လေဝ် ဩဝ်ကဵုသွက်ဘိုအ်အိုတ်ညိ” ရဴဝွံ ဟီုသ္ဂးအိုတ်ရ။ ခမဳဂမၠိုၚ်ဂှ် “ယွံကောန်တၠတအ် ပိုဲညးဂမၠိုၚ် ကဵုသွက်ဘိုအ် ကုမၞးတအ်ညးဂမၠိုၚ် ဟွံမာန်အိုတ်ရ၊ မုဟိုတ် မၞးတအ်ညးဂမၠိုၚ် ဟွံကလိဂွံအိုတ်ရော?” ရဴဝွံ ဟီုသ္ဂးအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကုခမဳသ္ပကတိကဝတ်တုဲလုပ်ဂမၠိုၚ်ဂှ် ၜိုန်ဟွံမိက်ကဵုလေဝ် တၞဟ်နကဵုသွက်ဘိုအ်ဂှ်ကဵုအခေါၚ်ရ ရဴဝွံ (သ္ဂးရ)။
၂၁၃။ ပွမသၟိတ်သွက်ဂွံဒုၚ်ကေတ်သ္ၚာ
[ပလေဝ်ဒါန် | ပလေဝ်ဒါန် တမ်ကၞက်]၃၄၂။ ပ္ဍဲကာလမွဲအခိၚ် မၞိဟ်ဂမၠိုၚ်ဂိုၚ်ကေတ်နၚ်သ္ၚာတုဲ ကၠုၚ်အာရှာမ်အိုတ်ရ၊ မၞိဟ်ဂမၠိုၚ်ဂှ် ဟွံကလိဂွံခမဳဒုၚ်ကေတ်သ္ၚာဂမၠိုၚ်ဒှ်တုဲ မွဲလှ်ေပၠန်ကလေၚ်ဂိုၚ်ကေတ်အိုတ်ရ၊ သ္ၚာဗၞတ် ညိနာၚ်ဟေၚ် ကတဵုဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ယွံခမဳတအ် ခမဳမဍိုက်ပေၚ်တဴကေုာံအၚ်္ဂမသုန်သာ်ဂှ် တၞဟ်နသၟိတ်ရဴဝွံမ္ဂး ခမဳမဒုၚ်ကေတ်သ္ၚာ ကဵုအခေါၚ်ရ၊ ယြဴခမဳမွဲ ဟွံဗက်ဆန္ဒဂတိရ၊ ဟွံဗက်ဒေါသာဂတိရ၊ ဟွံဗက်မောဟာဂတိရ၊ ဟွံဗက်ဘယာဂတိရ၊ ဂပ်ဝ်ဒုၚ်ဂိုၚ်ကေတ် ဟဂပ်ဝ်ဒုၚ်ဂိုၚ်ကေတ်လေဝ် တီရ၊ ယွံခမဳတအ် ရဴဝွံ ဂပ်ဝ်ဒးသၟိတ်ရ၊ ဗွဲကိုပ်ကၠာ ဂပ်ဝ်အာတ်အခေါၚ် ခမဳရ၊ အာတ်အခေါၚ်တုဲမ္ဂး ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ− “ယွံတဳလမၞုံပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲကုသၚ် ယဝ်ဒှ်မ္ဂး၊ သၚ် သၟိတ်တဴ ခမဳမၞုံယၟုဝွံ ရဴဝွံမ္ဂးခမဳမလေပ်ဒုၚ်ဂိုၚ်ကေတ်သ္ၚာရ၊ ဣဝွံတုန် ပွမကဵုတီရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ (ဂလာန်) အဲဍိက်ညိ၊ သၚ် သၟိတ်တဴ ခမဳမၞုံယၟုဝွံ ရဴဝွံမ္ဂးခမဳမလေပ်ဒုၚ်ဂိုၚ်ကေတ်သ္ၚာရ၊ ယြဴကုတဳလပိုဉ်မွဲ သ္ဍိုက်မၠိုက် ပွမသၟိတ်တဴ ခမဳမၞုံယၟုဝွံ ရဴဝွံမ္ဂးခမဳမလေပ်ဒုၚ်ဂိုၚ်ကေတ်သ္ၚာရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ် ဂပ်ဝ်သၟိတ်တဴ ခမဳမၞုံယၟုဝွံ ရဴဝွံမ္ဂးခမဳမလေပ်ဒုၚ်ဂိုၚ်ကေတ်သ္ၚာတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။ ပ္ဍဲမွဲအခိၚ်တေံ ခမဳမဒုၚ်ဂိုၚ်ကေတ်သ္ၚဂမၠိုၚ် ဒုၚ်ဂိုၚ်ကေတ်သ္ၚာတုဲမ္ဂး ပ္ဍဲဌာန်ဂှ်ဟေၚ် ကၠဟ်စွံလဝ်တုဲ စ္ဍးအာအိုတ်ရ၊ သ္ၚာ ကၠေံလေၚ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳမဍိုက်ပေၚ်တဴကေုာံအၚ်္ဂမသုန်သာ်ဂှ် တၞဟ်နသၟိတ်ရဴဝွံမ္ဂး ခမဳဒေပ်စွံသ္ၚာ ကဵုအခေါၚ်ရ၊ ယြဴခမဳမွဲ ဟွံဗက်ဆန္ဒာဂတိရ၊ ဟွံဗက်ဒေါသာဂတိရ၊ ဟွံဗက်မောဟာဂတိရ၊ ဟွံဗက်ဘယာဂတိရ၊ ဂပ်ဝ်ဒုၚ်ဂိုၚ်ကေတ် ဟဂပ်ဝ်ဒုၚ်ဂိုၚ်ကေတ်လေဝ် တီရ၊ ယွံခမဳတအ် ရဴဝွံ ဂပ်ဝ်ဒးသၟိတ်ရ၊ ဗွဲကိုပ်ကၠာ ဂပ်ဝ်အာတ်အခေါၚ် ခမဳရ၊ အာတ်အခေါၚ်တုဲမ္ဂး ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ− “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲကုသၚ် ယဝ်ဒှ်မ္ဂး၊ သၚ် သၟိတ်တဴ ခမဳမၞုံယၟုဝွံ ရဴဝွံမ္ဂးခမဳဒေပ်စွံသ္ၚာရ၊ ဣဝွံတုန် ပွမကဵုတီရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်တဴ ခမဳမၞုံယၟုဝွံ ရဴဝွံမ္ဂးခမဳဒေပ်စွံသ္ၚာရ၊ ယြဴကုတဳလပိုဉ်မွဲ သ္ဍိုက်မၠိုက် ပွမသၟိတ်တဴ ခမဳမၞုံယၟုဝွံ ရဴဝွံမ္ဂး ခမဳဒေပ်စွံသ္ၚာ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒဟီုတိုန်ရ။ သၚ် ဂပ်ဝ်သၟိတ်တဴ ခမဳမၞုံယၟုဝွံ ရဴဝွံမ္ဂးခမဳဒေပ်စွံသ္ၚာတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
၂၁၄။ မပ္တံပွမသၟိတ်တိုက်ဂြပ်
[ပလေဝ်ဒါန် | ပလေဝ်ဒါန် တမ်ကၞက်]၃၄၃။ ပ္ဍဲကာလမွဲအခိၚ် ခမဳဒေပ်စွံသ္ၚာဂှ် ဒေပ်စွံသ္ၚာ ပ္ဍဲကၞာထးကီု ပ္ဍဲသၟဝ်တမ်ဆုကီု ပ္ဍဲဒယူကီုရ၊ ကၞိဂမၠိုၚ် ကေုာံဂြုန်ဂမၠိုၚ် ကိတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြအိုတ်ရ။ ယွံခမဳတအ် ဘာဖျေံစၟဳၜါလပါ်ကီု ဘာဖျေံစၟဳမွဲလပါ်ကီု ပြာသာဒ်ပန်ကၠၚ်ကီု ပြာသာဒ်ခၠုပ်ကီု ထီုဂိုဟ်ကီု သၚ်မၞုံပၟိက်ဂှ် ကဵုအခေါၚ် တၞဟ်နသၟိတ်တဴ ရဴဝွံမ္ဂးတိုက်ဂြပ်ရ။ ယွံခမဳတအ် ရဴဝွံ ဂပ်ဝ်ဒးသၟိတ်ရ၊ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ− “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်တဴ ဘာမၞုံယၟုဝွံ ရဴဝွံမ္ဂးတိုက်ဂြပ်ရ၊ ဣဝွံတုန် ပွမကဵုတီရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်တဴ ဘာမၞုံယၟုဝွံ ရဴဝွံမ္ဂးတိုက်ဂြပ်ရ၊ ယြဴကုတဳလပိုဉ်မွဲ သ္ဍိုက်မၠိုက် ပွမသၟိတ်တဴ ဘာမၞုံယၟုဝွံ ရဴဝွံမ္ဂးတိုက်ဂြပ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ် ဂပ်ဝ်သၟိတ်တဴ ဘာမၞုံယၟုဝွံ ရဴဝွံမ္ဂးတိုက်ဂြပ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။ ပ္ဍဲကာလမွဲအခိၚ် ပ္ဍဲတိုက်ဂြပ်သၚ် သ္ၚာသီုဟွံဂြောပ်ဗ္ဒန်ခိုၚ်ကၠိုက် ဒှ်ဒၟံၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳမဍိုက်ပေၚ်တဴကေုာံအၚ်္ဂမသုန်သာ်ဂှ် တၞဟ်နသၟိၚ်ရဴဝွံမ္ဂး ခမဳမၚ်မွဲတိုက်ဂြပ် ကဵုအခေါၚ်ရ၊ ယြဴခမဳမွဲ ဟွံဗက်ဆန္ဒာဂတိရ၊ ဟွံဗက်ဒေါသာဂတိရ၊ ဟွံဗက်မောဟာဂတိရ၊ ဟွံဗက်ဘယာဂတိရ၊ ဂြောပ်ဗ္ဒန် ဟွံဂြောပ်ဗ္ဒန်လေဝ် တီရ၊ ယွံခမဳတအ် ရဴဝွံ ဂပ်ဝ်ဒးသၟိတ်ရ၊ ဗွဲကိုပ်ကၠာ ဂပ်ဝ်အာတ်အခေါၚ် ခမဳရ၊ အာတ်အခေါၚ်တုဲမ္ဂး ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ− “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲကုသၚ် ယဝ်ဒှ်မ္ဂး၊ သၚ် သၟိတ်တဴ ခမဳမၞုံယၟုဝွံ ရဴဝွံမ္ဂးခမဳမၚ်မွဲတိုက်ဂြပ်ရ၊ ဣဝွံတုန် ပွမကဵုတီရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်တဴ ခမဳမၞုံယၟုဝွံ ရဴဝွံမ္ဂးခမဳမၚ်မွဲတိုက်ဂြပ်ရ၊ ယြဴကုတဳလပိုဉ်မွဲ သ္ဍိုက်မၠိုက် ပွမသၟိတ်တဴ ခမဳမၞုံယၟု ရဴဝွံမ္ဂးခမဳမၚ်မွဲတိုက်ဂြပ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ် ဂပ်ဝ်သၟိတ်တဴ ခမဳမၞုံယၟုဝွံ ရဴဝွံမ္ဂးခမဳမၚ်မွဲတိုက်ဂြပ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။ ပ္ဍဲမွဲအခိၚ်တေံ ခမဳဆဗ္ဗဂ္ဂဳဂမၠိုၚ် ပါဲကၠေံ ခမဳမၚ်မွဲတိုက်ဂြပ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်ပါဲကၠေံ ခမဳမၚ်မွဲတိုက်ဂြပ်ရ၊ ကုခမဳမကဵုပါဲကၠေံဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် ပ္ဍဲတိုက်ဂြပ်သၚ် သ္ၚာဂၠိုၚ်ဒၟံၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နပါ်ပရအ် ကုသၚ်မၞုံဂတမုက်ဂှ် ကဵုအခေါၚ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် သၚ်ပါ်ပရအ်သ္ၚာမ္ဂး သ္ပကၞုက်ကၞာဲညာန်ညေဲရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳမဍိုက်ပေၚ်တဴကေုာံအၚ်္ဂမသုန်သာ်ဂှ် တၞဟ်နသၟိတ်ရဴဝွံမ္ဂး ခမဳပါ်ပရအ်သ္ၚာ ကဵုအခေါၚ်ရ၊ ယြဴခမဳမွဲ ဟွံဗက်ဆန္ဒာဂတိရ၊ ဟွံဗက်ဒေါသာဂတိရ၊ ဟွံဗက်မောဟာဂတိရ၊ ဟွံဗက်ဘယာဂတိရ၊ ထေက်ကဵုပါ်ပရအ် ဟွံထေက်ကဵုပါ်ပရအ်လေဝ် တီရ၊ ယွံခမဳတအ် ရဴဝွံ ဂပ်ဝ်ဒးသၟိတ်ရ၊ ဗွဲကိုပ်ကၠာ ဂပ်ဝ်အာတ်အခေါၚ်ခမဳရ၊ အာတ်အခေါၚ်တုဲမ္ဂး ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ− “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်တဴ ခမဳမၞုံယၟုဝွံ ရဴဝွံမ္ဂးခမဳလေပ်ပါ်ပရအ်သ္ၚာရ၊ ဣဝွံတုန် ပွမကဵုတီရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်တဴ ခမဳမၞုံယၟုဝွံ ရဴဝွံမ္ဂးခမဳလေပ်ပါ်ပရအ်သ္ၚာရ၊ ယြဴကုတဳလပိုဉ်မွဲ သ္ဍိုက်မၠိုက် ပွမသၟိတ်တဴ ခမဳမၞုံယၟုဝွံ ရဴဝွံမ္ဂးခမဳလေပ်ပါ်ပရအ်သ္ၚာရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵု ပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ် ဂပ်ဝ်သၟိတ်တဴ ခမဳမၞုံယၟုဝွံ ရဴဝွံမ္ဂးခမဳလေပ်ပါ်ပရအ်ရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။ ကြဴနူဂှ် ကုခမဳမလေပ်ပါ်ပရအ်သ္ၚာဂမၠိုၚ် “မုရဴသာ်လဵု သ္ဂောံပါ်ပရအ်သ္ၚာရော?” ရဴဝွံ ကသပ်ဒှ်ကၠုၚ်ရ။ ဂရၚ်ပတိ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဗွဲကိုပ်ကၠာ ရုဲစှ် (မပ္တံတီုကြဳ အနာံဇမၠိုၚ်) တုဲ ချိၚ်ၚုဟ်တုဲ သ္ပမၞုံကဵုၚုဟ်မ္ဂးတုပ်သၟဟ်တုဲ ရိုဟ်လၟိဟ်ခမဳဂမၠိုၚ်တုဲမ္ဂး တၞဟ်နစွံသွက်သ္ၚာ ကဵုအခေါၚ်ရ ရဴဝွံ (သ္ဂးရ)။ ကြဴနူဂှ် ကုခမဳမပါ်ပရအ်သ္ၚာဂမၠိုၚ် “မုရဴသာ်လဵု သ္ဂောံကဵုသွက်သ္ၚာ ကုသာမဏဳဂမၠိုၚ်ရော?” ရဴဝွံ ကသပ်ဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကုသမဏဳဂမၠိုၚ် တၞဟ်နကဵုသွက်သ္ၚာ ကဝက်ဂှ် ကဵုအခေါၚ်၇ ရဴဝွံ (သ္ဂးရ)။ ပ္ဍဲကာလမွဲအခိၚ် ခမဳမွဲဇကု ဂိုၚ်ကေတ်သွက်သ္ၚာဇကုတုဲ မိက်ကွာ်တရဴရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကုခမဳမိက်ကွာ်တရဴဂှ် တၞဟ်နကဵုသွက်ဇကု ကဵုအခေါၚ်ရ ရဴဝွံ (သ္ဂးရ)။ ပ္ဍဲမွဲအခိၚ်တေံ ခမဳမွဲဇကု ဂိုၚ်ကေတ်သွက်သ္ၚာ မလောန်လတူသွက်သ္ၚာညးသအာၚ်ဂမၠိုၚ်တုဲ မိက်ကွာ်တရဴရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုကဵုစၞး မပဵုလောန်တုဲမ္ဂး တၞဟ်နကဵုသွက် မလောန်လတူသွက်သ္ၚာညးသအာၚ်ဂမၠိုၚ် ကဵုအခေါၚ်ရ ရဴဝွံ (သ္ဂးရ)။ ကြဴနူဂှ် ခမဳမပါ်ပရအ်သ္ၚာဂမၠိုၚ် “မုရဴသာ်လဵု သ္ဂောံကဵုသွက်သ္ၚာရော? ဒးကဵုဗွဲလၟေၚ်အတိုၚ်မကၠုၚ်စိုပ်ဟာ၊ ယာံဆဂှ်ဟွံသေၚ်မ္ဂး ဒးကဵုဗွဲလၟေၚ်ထေရ်ဇၞော်ဟာ” ရဴဝွံ ကသပ်ဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုသ္ဍိုက်မၠိုက် ‘ပြေစိုတ်’ ခမဳသ္ၚာဒေက်ခ္ဍေက်ဂမၠိုၚ်တုဲမ္ဂး ကဵုအခေါၚ် ပွမဖျေံမာဲရ ရဴဝွံ (သ္ဂးရ)။
၂၁၅။ ပွမဖျောန်သ္ၚာ
[ပလေဝ်ဒါန် | ပလေဝ်ဒါန် တမ်ကၞက်]၃၄၄။ ပ္ဍဲကာလမွဲအခိၚ် ခမဳဂမၠိုၚ် ဖျောန်သ္ၚာ နကဵုအိက်ဂၠဴကီု နကဵုတိကမၠေတ်ဗကေတ်ကီုအိုတ်ရ၊ သ္ၚာ သာ်ဟွံကျေဝ် ဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ျကျာ်တြဲအိုတ်ရ။ ယွံခမဳတအ် ကဵုအခေါၚ် ဍာ်လွံက်ဂမၠိုၚ်တြဴဂကူမတွံဂး ဍာ်လွံက်ရိုဟ် ဍာလွံက်လၟဳဆု ဍာ်လွံက်သကောဝ် ဍာ်လွံက်တၞး ဍာ်လွံက်ကဴ ဍာ်လွံက်သတ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် ခမဳဂမၠိုၚ် ဖျောန်သ္ၚ နကဵုဍာ်လွံက်ဂံက်ဂံၚ် (မဟွံစိန်ဏီ) အိုတ်ရ၊ သ္ၚာ သၟးအမြာဲဟွံခိုဟ် ဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် သွက်ဂွံဖျိန်ဍာ်လွံက် ကဵုအခေါၚ် နုၚ်ဖျိန်ဍာ်လွံက်မၞုံကဵုပါၚ်မဍောတ်ရ ရဴဝွံ (သ္ဂးရ)။ ဍာ်လွံက်တၟိုဟ်တိုန်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နဒက် (စုတ်) ကဝး ၁ ကဵုအခေါၚ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် ခမဳဂမၠိုၚ် ဟွံတီကေတ် ဍာ်လွံက်စိန်ကီု ဟွံစိန်ကီုအိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံထၞဟ်စုတ် ‘သွက်ဂွံပတိုန်’ ထၞဟ်ဍာ်လွံက် ပ္ဍဲခရော်ဍာ်ကီု ပ္ဍဲစးသၞေမ်တဲကီုရ ရဴဝွံ (သ္ဂးရ)။ ပ္ဍဲကာလမွဲအခိၚ် ခမဳဂမၠိုၚ် ပ္ဍဲအခိၚ်ဖျေံဍာ်လွံက် ဒစေၚ်နုၚ်အိုတ်ရ၊ နုၚ်ဖျိန်ဍာ်လွံက်ဗကးအာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်ဗြံက်ဂၞါကၟံက်ဍာ်လွံက် ခေါက်သၟတ်မစုတ်လဝ်တဝ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် သွက်ဂွံစုတ်ဍာ်လွံက် ဟွံမွဲကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ကၠာၚ် (ဇရအ်အကြ) သွက်ဂွံစုတ်ဍာ်လွံက် နုၚ်ထၟာဲ သွက်ဂွံစုတ်ဍာ်လွံက်ရ ရဴဝွံ (သ္ဂးရ)။ ပ္ဍဲကာလမွဲအခိၚ် ခမဳဂမၠိုၚ် ချိုန်သ္ၚာ ပ္ဍဲခေါက်ကီု ပ္ဍဲဗဗေၚ်ကီုအိုတ်ရ၊ သ္ၚာ စာ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဒၞိဟ် (ဇရ) သွက်ဂွံဖျောန်ရ ရဴဝွံ (သ္ဂးရ)။ ၁။ ကဝးဂွေန်ချာဲ၊ ကဝးဒုန် မစုတ်ပ္ဍဲလဒေါဝ်နုက်၊ စုတ်ကဝးဂှ် လဒေါဝ်တုဲ ဒးစုတ်သကောဝ်ပၞဟ် သကောဝ်ဆုပွဳပွူဂှ်−မိက်သ္ဂးရ)။ ပ္ဍဲကာလမွဲအခိၚ် ခမဳဂမၠိုၚ် ပၠး (စဲ) သ္ၚာ ပ္ဍဲတိအိုတ်ရ၊ သ္ၚာ ကၠေဝ်ဗာန်ခၞိက်တိရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သၞာလးချောဲရ ရဴဝွံ (သ္ဂးရ)။ ဂြုန်ဂမၠိုၚ် ကိတ်စ သၞာလးချောဲရ။ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဒုန်တေၚ်ဗလဲသ္ၚာ ဇုက်တေၚ်ဗလဲသ္ၚာရ ရဴဝွံ (သ္ဂးရ)။ အခိၚ်မလ္ၜက် နလဒေါဝ်သ္ၚာဂှ် ဍာ်လွံက်ဇွောဝ်စှ်ေ နူတၞုၚ်မုဟ်ၜါလပါ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နဒက်ထကတ်တၞုဟ်မုဟ်သ္ၚာရ ရဴဝွံ (သ္ဂးရ)။ တၞဟ်မုဟ်သ္ၚာ အိုဟ်တြေံရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇုက်ဒက်မုဟ်သ္ၚာရ ရဴဝွံ (သ္ဂးရ)။ ဍာ်လွံက် ဇွောဝ်စှ်ေ နူမွဲလပါ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နဖျောန်ဂတးဂန်ကီုကိုပ်ကၠာထၞဟ်ဍာ်လွံက်ဇွောဝ်ဟွံပိုတ်ဏီ တၞဟ်နဟဂွံအာဌာန်သအာၚ်ကီု ကဵုခေါၚ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် သ္ၚာ ကြံၚ်မ္ၚိုဟ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နဒၠိုက်လဝ်တုၚ်လဝ် ပ္ဍဲဍာ်ရ ရဴဝွံ (သ္ဂးရ)။ ပ္ဍဲမွဲအခိၚ်တေံ သ္ၚာ သကာတ်မြဟ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်တက်ဒါန် နကဵုတဲရ ရဴဝွံ (သ္ဂးရ)။ ပ္ဍဲအခိၚ်တေံ ခမဳဂမၠိုၚ် ပကၚ်ရၚ်လဝ် သ္ၚာဂမၠိုၚ် မတုပ်ကေုာံသၚ်အရံၚ်ဒြၚ်စိၚ် မဟဂွံကုတ်တသာဲအိုတ်ရ။ မၞိဟ်ဂမၠိုၚ် “တုပ်သၟဟ်ကေုာံမၞိဟ်ဂမၠိုၚ်မဒုၚ်စသိုၚ် တသိုခ်ကာမဂုဏ်အိုတ်ရ” ရဴဝွံ ဟီုဂရိုဟ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်ပကၚ်ရၚ် သ္ၚာမဟဂွံကုတ်တသာဲဂမၠိုၚ်ရ၊ ကုခမဳမပကၚ်ရၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၂၁၆။ ကဵုအခေါၚ်သ္ၚာမကုတ်
[ပလေဝ်ဒါန် | ပလေဝ်ဒါန် တမ်ကၞက်]၃၄၅။ ပ္ဍဲကြဴနူဂှ် တဳလမၞုံပိုဉ်ကျာ်တြဲ သ္ပုတဴတန်ဒၟံၚ် ပ္ဍဲဍုၚ်ရာဇဂြိုဟ် ဗွဲမမိပ်လဟိၚ်တုဲမ္ဂး က္ညဂ္ၚေၚ်အာဒေသစာရိတ် နဇပိုဒ်ဒက္ခိဏာဂိရိရ။ တဳလမၞုံပိုဉ်ကျာ်တြဲ ညာတ်ဒး ခံက်ဗ္ၚညးမဂဓရးဂမၠိုၚ် မတက်ဒက်လဝ္ဇုက်ဗၞၚ်ပန်ကၠၚ် မတက်ဒုက်လဝ်လၟေၚ်ဇုက်ဗၞၚ် မတက်ဒက်လဝ်ဇုတ်ဗၞၚ် ပ္ဍဲအကြာအကြာ မတက်ဒက်လဝ်ညံၚ်ရဴဂၠံၚ်သွာၚ်တုဲ “ယွံအာနန္ဒ တၠအဲ ညာတ်ဒၟံၚ်ခံက်ဗ္ၚ ညးမဂဓရးဂမၠိုၚ် မတက်ဒက်လဝ်ဇုက်ဗၞၚ်ပန်ကၠၚ် မတက်ဒက်လဝ်လၟေၚ်ဇုက်ဗၞၚ် မတက်ဒက်လဝ်ဇုက်ဗၞတ် ပ္ဍဲအကြာအကြာ မတက်ဒက်လဝ်ညံၚ်ရဴဂၠံၚ်သွာၚ်ဂှ်ဟာ” ရဴဝွံ သ္ဂးကဵုတဳလပိုဉ်အာနန္ဒရ။ “ညာတ်ရ ယွံကျာ်မၞုံပိုဉ်” ရဴဝွံ (ဂရၚ်ပတီရ)။ ယွံအာနန္ဒး တၠအဲ တၞဟ်နစဳရေၚ်သ္ၚာဂမၠိုၚ် မၞုံသဘဴရဴဝွံ ကုခမဳဂမၠိုၚ် သွဟ်ရထဟာ ရဴဝွံ (သၟာန်ရ)။ သၟဟ်ရထရ ယွံကျာ်မၞုံပိုဉ် ရဴဝွံ (ဂရၚ်ပတီရ)။ ပ္ဍဲကြဴနူဂှ် တဳလမၞုံပိုဉ်ကျာ်တြဲ သ္ပုတဴတန်ဒၟံၚ် ပ္ဍဲဇနပိုဒ်ဒက္ခိဏာဂိရိ ဗွဲမမိပ်လဟိၚ်တုဲမ္ဂး မွဲလှ်ေပၠန်ကလေၚ်က္ညအာ ဍုၚ်ရာဇဂြိုဟ်ရ။ ပ္ဍဲအခိၚ်ဂှ် တဳလပိုဉ်အာနန္ဒ စဳရေၚ်သ္ၚာ ခမဳဂမၠိုၚ်မဂၠိုၚ်ဂၠၚ်တုဲ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး “ယွံကျာ် မပတၠပိုဉ်တြဴပြကာ ဩဝ်မၠာ်သ္ၚေဝ်သ္ၚာဂမၠိုၚ် အဲဍိက်မစဳရေၚ်လဝ်တုဲညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂ “ယွံခမဳတအ် အာနန္ဒဂှ် မၞုံကဵုပညာကွေံရ၊ ယွံခမဳတအ် အာနန္ဒဂှ် မၞုံကဵုပညာဇၞော်ကွေံရ၊ အရထ ပါဠိအဲကျာ် မဂပ်ဝ်တွံလဝ်ဗွဲခ္ဍန်ဂှ် အာနန္ဒဂှ် တီကေတ်ဗွဲတြးရ၊ အမာတ်အနာံမဂၠိၚ်လေဝ် (ကောန်ကၞၚ်သ္ၚ မဂၠိၚ်လေဝ်) သ္ပတဴရသွံ၊ အာမတ်အနာံမဂၠေံလေဝ် (ကောန်ကၞၚ်သ္ၚာမဂၠေံလေဝ်) သ္ပတဴရသွံ၊ ဗွဝ်ဂၞဴသ္ၚိသ္ၚာဇၞော်လေဝ် သ္ပတဴရသွံ၊ ဗွဝ်ဂၞဴသ္ၚာဍောတ်လေဝ် သ္ပတဴရသွံ၊ ဒရီုအမာတ်လေဝ် သ္ပတဴရသွံ၊ တၞုၚ်ဒရီုအမာတ်လေဝ် သ္ပတဴရသွံ၊ အမာတ်မဒုၚ်ပ္ဍဲဌာန်ဒးကအ်လေဝ် သ္ပတဴရသွံ၊ အမာတ်မဒုၚ်ပ္ဍဲဌာန်ဒးဂဒအ်ဗြာတ်လေဝ် သ္ပတဴရသွံ၊ မုဟ်တၞဟ်ဒရီုတဲလေဝ် သ္ပတဴရသွံ၊ ကုတ်လေဝ်ကုတ်လေဝ်ရသွံ၊ သကာတ်မြဟ် နပွမကုတ်ကဵုၜုန်တုဲ မဗဗွဲထေက်ကြိုက် ကုခမဳဂ
၂၁၇။ ကဵုအခေါၚ် တိစဳဝရိက်
[ပလေဝ်ဒါန် | ပလေဝ်ဒါန် တမ်ကၞက်]၃၄၆။ ပ္ဍဲကြဴနူဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ရာဇဂြိုဟ် ဗွဲမမိပ်လဟိၚ်တုဲမ္ဂး က္ညဂ္ၚေၚ်အာဒေသစာရိတ် ဍုၚ်ဝေသာလဳရ။ တဳလမၞုံပိုဉ်ကျာ်တြဲ ဃောသွိုန်ဗပိုန်တဴ တရဴအဓာန်မဂၠိုၚ်သ္ၚောဲ အကြာဍုၚ်ရာဇဂြိုဟ် ကေုာံဍုၚ်ဝေသာလဳဂှ် ညာတ်ဒးခမဳဂမၠိုၚ်မဂၠိုၚ်ဂၠၚ် မၞုံကဵုကယျာဘဏ် မဂပ်ဝ်ယိုက်ပတိုန်သ္ၚာဂမၠိုၚ် သ္ပလဝ်သ္ၚာထပ်ကဵုထပ်ညံၚ်ရဴဖုန် ပ္ဍဲက္ဍိုပ်ကီု ပ္ဍဲပၞးကီု ပ္ဍဲဂၞိၚ်ကီုတုဲ မကၠုၚ်ဒၟံၚ်တုဲ “တြုံမလ္ၚုသၟး (နူမဂ်ဖိုလ်) ဂမၠိုၚ်ဝွံ ဗွဲမပြဟ်သန်ဟေၚ် ဂေတ်ဂ္ၚေၚ်တၞဟ်နဖဵုသွက်သ္ၚာဂွံဂၠိုၚ်အိုတ်ရ၊ အဲဂွံဒက်အပိုၚ်အခြာ ပ္ဍဲသ္ၚာ ကုခမဳဂမၠိုၚ်မ္ဂး ဂွံစွံပတိုန် အပိုၚ်အခြာမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုတဳလမၞုံပိုဉ်ကျာ်တြဲရ။ ကြဴနူဂှ် တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်ဝေသာလဳရ၊ တဳလမၞုံပိုဉ်ျကျာ်တြဲ သ္ပဒတဴတန်ဒၟံၚ် ပ္ဍဲစေတဳမၞုံယၟုဂေါတမက ဇရေၚ်ဍုၚ်ဝေသာလဳရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲဒ္စာံဗ္တံဂမၠိုၚ် မဒှ်အကြာဂိတုမာဃ်ဖဝ်ရဂိုဏ်ဂမၠိုၚ် မဒှ်အခိၚ် ဥတုကသကတ်မၜိုဟ်ဂံက် အခိၚ်ဗ္တံလတိုပ်စှ်ေဂှ် မၞုံကဵုသ္ၚာမွဲဂတှ်ေဓဝ်ဒှ်တုဲ ဂဇအ်ဒၟံၚ်ပ္ဍဲအမှဲအကးရ။ ပွမၜိုဟ်ဂံက် ဟွံဒှ်ကုတဳလမၞုံပိုဉ်ကျာ်တြဲရ။ ကလိလောန်အာပဌမယာမ်မ္ဂး ပွမၜိုဟ်ဂံက် ဒှ်ကၠုၚ်ကုတဳလမၞုံပိုဉ်ကျာ်တြဲရ။ တဳလမၞုံကျာ်တြဲ ဓလီုလတက်စုတ်သ္ၚာ မရနုက်ကဵုၜါဂတှ်ေရ၊ ပွမၜိုဟ်ဂံက် ဟွံဒှ်ကုတဳလမၞုံပိုဉ်ကျာ်တြဲရ။ ကလိလောန်အာမဇ္ၛိမယာမ်မ္ဂး ပွမၜိုဟ်ဂံက် ဒှ်ကၠုၚ်ကုတဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ ဓလီုလတက်စုတ်သ္ၚာ မရနုက်ကဵုပိဂတှ်ေရ၊ ပွမၜိုဟ်ဂံက် ဟွံဒှ်ကုတဳလမၞုံပိုဉ်ကျာ်တြဲရ။ ကလိလောန်အာပစ္ဆိမယာမ်မ္ဂး အရှိုဏ်တိုန်ကၠုၚ် ဗ္တံမတုပ်သၟဟ်ကေုာံမုက္ခဝါ ထေက်ကဵုသ္ဍိုက်မၠိုက်မ္ဂး ပွမၜိုဟ်ဂံက် ဒှ်ကၠုၚ်ကုတဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ ဓလီုလတက်စုတ်သ္ၚာ မရနုက်ကဵုပန်ဂတှ်ေရ၊ ပွမၜိုဟ်ဂံက် ဟွံဒှ်ကုတဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် “ပ္ဍဲသာသနာဝွံ ကောန်ဂကူဂမၠိုၚ် မၞုံသဘဴလေပ်ၜိုဟ်ဂံက် မၞုံသဘဴမဖေက်ၜိုဟ်ဂံက်ဂှ် တၞဟ်နယိုပ်ယာပ်တရိုတ်စိုတ် နကဵုသ္ၚာပိဂတှ်ေ သၟဟ်ရထအိုတ်ရ၊ အဲဂွံဒက်အပိုၚ်အခြာ ပ္ဍဲသ္ၚာ ကုခမဳဂမၠိုၚ်မ္ဂး ဂွံစွံပတန်အပိုၚ်အခြာမ္ဂး ဂွံကဵုအခေါၚ် သ္ၚာပိဂတှ်ေမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုတဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး− “ယွံခမဳတအ် ပ္ဍဲသာသနာဝွံ အဲကျာ် ဃောသွိုန်ဗပိုန်တဴ တရဴအဓာန်မဂၠိုၚ်သ္ၚောဲ အကြာဍုၚ်ရာဇဂြိုဟ် ကေုာံဍုၚ်ဝေသာလဳဂှ် ညာတ်ဒးခမဳဂမၠိုၚ်မဂၠိုၚ်ဂၠၚ် မၞုံကဵုကယျာဘဏ် မဂပ်ဝ်ယိုက်ပတိုန်သ္ၚာဂမၠိုၚ် သ္ပလဝ်သ္ၚာထပ်ကဵုထပ်ညံၚ်ရဴဖုန် ပ္ဍဲက္ဍိုပ်ကီု ပ္ဍဲပၞးကီု ပ္ဍဲဂၞိၚ်ကီုတုဲ မကၠုၚ်ဒၟံၚ်တုဲ ‘တြုံမလ္ၚုသၟး (နူမဂ်ဖိုလ်) ဂမၠိုၚ်ဝွံ ဗွဲမပြဟ်သန်ဟေၚ် ဂေတ်ဂ္ၚေၚ် တၞဟ်နဖဵုသွက်သ္ၚာဂွံဂၠိုၚ်အိုတ်ရ၊ အဲဂွံဒက်အပိုၚ်အခြာ ပ္ဍဲသ္ၚာ ကုခမဳဂမၠိုၚ်မ္ဂး ဂွံစွံပတိုန် အပိုၚ်အခြာမ္ဂး ခိုဟ်သန်ရ’ ရဴဝွံ ကသပ်ဒှ်ကၠုၚ်ကုအဲရ။ ယွံခမဳတအ် ပ္ဍသာသနာဝွံ အဲကျာ် ပ္ဍဲဒ္စာံဗ္တံဂမၠိုၚ် မဒှ်အကြာဂိတုမာဃ်ဖဝ်ရဂိုဏ်ဂမၠိုၚ် မဒှ်အခိၚ်ဥတုသကတ်မၜိုဟ်ဂံက် အခိၚ်ဗ္တံလတိုပ်စှ်ေဂှ် မၞုံကဵုသ္ၚာမွဲဂတှ်ေဓဝ်ဒှ်တုဲ ဂဇအ်ဒၟံၚ်ပ္ဍဲအမှဲအကးရ၊ ပွမၜိုဟ်ဂံက် ဟွံဒှ်ကုအဲရ။ ကလိလောန်အာပဌမယာမ်မ္ဂး ပွမၜိုဟ်ဂံက် ဒှ်ကၠုၚ်ကုအဲရ။ အဲ ဓလီုလတက်စုတ်သ္ၚာ မရနုက်ကဵုၜါဂတှ်ေရ၊ ပွမၜိုဟ်ဂံက် ဟွံဒှ်ကုတဳလမၞုံပိုဉ်ကျာ်တြဲရ။ ကလိလောန်အာမဇ္ၛိမယာမ်မ္ဂး ပွမၜိုဟ်ဂံက် ဒှ်ကၠုၚ်ကုအဲပၠန်ရ။ အဲ ဓလီုလတက်စုတ်သ္ၚာ မရနုက်ကဵုပိဂတှ်ေရ၊ ပွမၜိုဟ်ဂံက် ဟွံဒှ်ကုအဲရ။ ကလိလောန်အာပစ္ဆိမယာမ်မ္ဂး အရှိုဏ်တိုန်ကၠုၚ် ဗ္တံမတုပ်သၟဟ်ကေုာံမုက္ခဝါ ထေက်ကဵုသ္ဍိုက်မၠိုက်မ္ဂး ပွမၜိုဟ်ဂံက် ဒှ်ကၠုၚ်ကုအဲပၠန်ရ။ အဲ ဓလီုလတက်စုတ်သ္ၚာ မရနုက်ကဵုပန်ဂတှ်ေရ၊ ပွမၜိုဟ်ဂံက် ဟွံဒှ်ကုအဲရ။ ပ္ဍဲအခိၚ်ဂှ် ‘ပ္ဍဲသာသနာဝွံ ကောန်ဂကူဂမၠိုၚ် မၞုံသဘဴလေပ်ၜိုဟ်ဂံက် မၞုံသဘဴမဖေက်ၜိုဟ်ဂံက်ဂှ် တၞဟ်နယိုပ်ယာပ်တရိုတ်စိုတ် နကဵုသ္ၚာပိဂတှ်ေ သၟဟ်ရထအိုတ်ရ၊ အဲဂွံဒက်အပိုၚ်အခြာ ပ္ဍဲသ္ၚာ ကုခမဳဂမၠိုၚ်မ္ဂး ဂွံစွံပတန်အပိုၚ်အခြာမ္ဂး ဂွံကဵုအခေါၚ် သ္ၚာပိဂတှ်ေမ္ဂး ခိုဟ်သန်ရ’ ရဴဝွံ ကသပ်ဒှ်ကၠုၚ်ကုအဲရ။ ယွံခမဳတအ် ကဵုအခေါၚ် သ္ၚာပိဂတှ်ေ မတွံဂသကိုပ်ၜါထပ် သ္ၚာကၞေဟ်မွဲထပ် သပိုၚ်မွဲထပ်ရ” ရဴဝွံ သ္ဂးကဵုခမဳဂမၠိုၚ်ရ။
၂၁၈။ သ္ၚာပရဲ
[ပလေဝ်ဒါန် | ပလေဝ်ဒါန် တမ်ကၞက်]၃၄၇။ ပ္ဍဲကာလမွဲအခိၚ် ခမဳဆဗ္ဗဂ္ဂဳဂမၠိုၚ် “တဳလမၞုံပိုဉ်ကျာ်တြြ ကဵုအခိၚ် သ္ၚာပိဂတှ်ေရ” ရဴဝွံ (သမ္တီကေတ်တုဲ) နကဵုပိဂတှ်ေမွဲသအာၚ်ဟေၚ် လုပ်ကွာန်အိုတ်ရ၊ နကဵုသ္ၚာပိဂတှ်ေမွဲသအာၚ် ပဒတဴပ္ဍဲအပ္ဍဲအာရှာမ်အိုတ်ရ၊ နကဵုသ္ၚာပိဂတှ်ေမွဲသအာၚ် စှ်ေအာသၞေဟ်ဟုမ်ဍာ်အိုတ်ရ။ ခမဳပၟိက်အောန်ဂမၠိုၚ်ဂှ် “ခမဳဆဗ္ဗဂ္ဂဳဂမၠိုၚ် မုဟိုတ် ပကၚ်ရၚ်သ္ၚာပရဲ သီုဟွံသ္ပအဓိဋ္ဌာန် ဝိကပ္ပနအိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ၊ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ဟိုတ်နူဟိုတ် အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ဟဂပ်ဝ်ပကၚ်ရၚ်သ္ၚာပရဲ မလောန်လတူသ္ၚာပိဂတှ်ေ သီုဟဂွံသ္ပအဓိဋ္ဌာန်ဝိကပ္ပနရ၊ ခမအမပကၚ်ရၚ်ဂှ် ဒးသ္ပဗွဲမဗဗွဲကဵုဓရ်” ရဴဝွံ သ္ဂးကဵု ခမဳဂမၠိုၚ်ရ။ ပ္ဍဲကာလမွဲအခိၚ် သ္ၚာပရဲ မလောန်လတူသ္ၚာပိဂတှ်ေ ကတဵုဒှ်ကၠုၚ် ကုတဳလပိုဉ်အာနန္ဒရ၊ တဳလပိုဉ်အာနန္ဒလေဝ် သ္ၚာဂှ် နွံပၟိက်ကဵုဒါန် ကုတဳလပိုဉ်သာရိပိုတ်ရ၊ တဳလပိုဉ်သာရိပိုတ်လေဝ် သ္ပဒတဴဒၟံၚ် ပ္ဍဲဍုၚ်သာကေတရ၊ ပ္ဍဲအခိၚ်ဂှ် “‘ဟဂပ်ဝ်ပကၚ်ရၚ်သ္ၚာပရဲ မလောန်လတူသ္ၚာပိဂတှ်ေရ’ ရဴဝွံ တဳလမၞုံပိုဉ်ကျာ်တြဲ ပညပ်လဝ်သိက္ခာပိုဒ်ရ၊ သ္ၚာပရဲ မလောန်လတူသ္ၚာပိဂတှ်ေဝွံလေဝ် ကတဵုဒှ်ကၠုၚ် ကုအဲရ၊ အဲလေဝ် သ္ၚာဝွံ နွံပၟိက်ကဵုဒါန် ကုတဳလပိုဉ်သာရိပိုတ်ရ၊ တဳလပိုဉ်သာရိပိုတ်လေဝ် သ္ပဒတဴဒၟံၚ် ပ္ဍဲဍုၚ်သာကေတရ၊ အဲ မုရဴသာ်လဵု သ္ဂောံဒ္ဂေတ်သ္ပရော?” ကသပ်ဒှ်ကၠုၚ် ကုတဳလပိုဉ်အာနန္ဒရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံအာနန္ဒ သာရိပိုတ် ပ္ဍဲအခိၚ်ဗၞတ်လလအ်လဵု ကြက်ကလေၚ်ကၠုၚ်ရော? ရဴဝွံ (သၟာန်ရ)။ ယွံကျာ်မၞုံပိုဉ် ပ္ဍဲတ္ၚဲမရနုက်ကဵုဒ္စိတ်တ္ၚဲကီု ပ္ဍဲတ္ၚဲမရနုက်ကဵုစှ်တ္ၚဲကီု (ကြက်ကလေၚ်ကၠုၚ်ရ) ရဴဝွံ (ဂရၚ်ပတီရ)။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် လုကဴကာလအပိုၚ်အခြာစှ်တ္ၚဲ ကဵုအခေါၚ်ပကၚ်ရၚ်သ္ၚာပရဲ မလောန်လတူသ္ၚာပိဂတှ်ေရ” ရဴဝွံ သ္ဂးကဵုခမဳဂမၠိုၚ်ရ။ ပ္ဍဲကာလမွဲအခိၚ် သ္ၚာပရဲ မလောန်လတူသ္ၚာပိဂတှ်ေ ကတဵုဒှ်ကၠုၚ် ကုခမဳဂမၠိုၚ်ရ။ ပ္ဍဲအခိၚ်ဂှ် “ပိုဲညးဂမၠိုၚ် သာ်လဵုဂွံဒ္ဂေတ်သ္ပ ပ္ဍဲသ္ၚာပရဲ မလောန်လတူသ္ၚာပိဂတှ်ေအိုတ်ရော?” ရဴဝွံ ကသပ်ဒှ်ကၠုၚ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ “ယွံခမဳတအ် ကဵုအခေါၚ် တၞဟ်နသ္ပဝိကပ္ပန သ္ၚာပရဲ မလောန်လတူသ္ၚာပိဂတှ်ေရ” ရဴဝွံ (သ္ဂးရ)။ ၃၄၈။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ဝေသာလဳ ဗွဲမမိပ်လဟိၚ်တုဲမ္ဂး က္ညဂ္ၚေၚ်အာဒေသစာရိတ် ဍုၚ်ဗာရာဏသဳရ။ အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်ဗာရာဏသဳရ၊ တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဂြိုဟ်မိဂဒါဝိုန် ဒှ်အရာကဵု မသက္ကုဘဲကုသတ်ဂမၠိုၚ် မၞုံယၟုဣသိပတန ဇရေၚ်ဍုၚ်ဗာရာဏသဳဂှ်ရ။ ပ္ဍဲအခိၚ်ဂှ် သပိုၚ်ခမဳမွဲဇကု စာ်ထောၚ်အာရ၊ ပ္ဍဲအခိၚ်ဂှ် “တဳလမၞုံပိုဉ်ကျာ်တြဲ ကဵုအခေါၚ်သ္ၚာပိဂတှ်ေ မတွံဂးသကိုပ်ၜါထပ် သ္ၚာကၞေဟ်မွဲထပ် သပိုၚ်မွဲထပ်ရ၊ ကုအဲလေဝ် သပိုၚ်ဝွံ စာ်ထောၚ်အာရ၊ ယဝ်အဲဂွံနၚ်ဗာအ်စုတ် နယာတ်မှာ်မ္ဂး နပွဳပွူကြက်ဒှ်ၜါထပ်ရ၊ ပ္ဍဲလဒေါဝ် ကြက်ဒှ်မွဲထပ်ရ” ရဴဝွံ ကသပ်ဒှ်ကၠုၚ် ကုခမဳဂှ်ရ။ ကြဴနူဂှ် ခမဳဂှ် နာပ်ဗၠအ် နကဵုယာတ်မှာ်ရ။ တဳလမၞုံပိုဉ်ကျာ်တြဲ က္ညဂေတ်ဂ္ၚေၚ်အာဒေသစာရိတ် လၟေၚ်ဘာမ္ဂး ညာတ်ဒး ခမဳမနာပ်ဗၠအ်ဒၟံၚ် နကဵုယာတ်မှာ်ဂှ်တုဲ က္ညအာဇရေၚ် ခမဳဂှ်တုဲမ္ဂ “ယွံခမဳ တၠအဲ သ္ပဒၟံၚ်မုမွဲရော?” ရဴဝွံ သၟာန်ခမဳဂှ်ရ။ ယွံကျာ်မၞုံပိုဉ် နာမ်ဗၠအ်ဒၟံၚ် နကဵုယာတ်မှာ်ရ ရဴဝွံ ဂရၚ်ပတီမ္ဂး ယွံခမဳ ခိုဟ်သန်ရ ခိုဟ်သန်ရ၊ ယွံခမဳ တၠအဲ နာမ်ဗၠအ် နကဵုယာတ်မှာ်ဂှ် ခိုဟ်သန်ရ ရဴဝွံ သ္ဂးရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ယာတ်မဟဂွံလပိုက်ကြာတ်ကြဴဏီ ယာတ်မလပိုက်ကြာတ်ကြဴမွဲဝါ မတုပ်သၟဟ်ကေုာံယာတ် မဟဂွံလပိုက်ကြာတ်ကြဴဏီဂှ် ကဵုအခေါၚ် သကိုပ်ၜါထပ် သ္ၚာကၞေဟ်မွဲထပ် သပိုၚ်မွဲထပ်ရ၊ နကဵုယာတ်တြေံမဒေပ်လဝ်ဂၠိုၚ်ကဵုဥတုဂှ် တၞဟ်နသ္ပသကိုပ်ပန်ထပ် သ္ၚာကၞေဟ်ၜါထပ် သပိုၚ်ၜါထပ်ကီု ပ္ဍဲပံၚ်သုကူ တၞဟ်နထပ်အတိုၚ်နွံပၟိက်ကီု ကဵုအခေါၚ်ရ၊ ဒးသ္ပပ္ဍဲပွမပတိတ်ဇြဟတ် ပ္ဍဲပွမဂၠာဲသ္ၚေဝ် ယာတ်တြေံမတုံစှ်ေ ပ္ဍဲမပ္တံကဵုသ္ၚိဖျာရ၊ ယွံခမဳတအ် ကဵုအခေါၚ် ပွမနာပ်ဗၠအ်ကီု ပွမဇိၚ်နတၞိၚ်ကီု ပွမထၟူတုဲဇိၚ်ကီု ပွမဇိၚ်အုပ်စုတ်ယာတ်ကီု ဟွံသာ်ကၠေံအိုဟ်တြေံတုဲ ပွမနာပ်ထပ်စုတ်ပ္ဍဲလတူကီုရ” ရဴဝွံ သ္ဂးကဵုခမဳဂမၠိုၚ်ရ။
၂၁၉.၁။ ဝတ္ထုဝိသာခါ
[ပလေဝ်ဒါန် | ပလေဝ်ဒါန် တမ်ကၞက်]၃၄၉။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ဗာရာဏသဳ ဗွဲမမိပ်လဟိၚ်တုဲမ္ဂး က္ညဂ္ၚေၚ်အာဒေသစာရိတ် ဍုၚ်သာရဝှ်ရ။ အတိုၚ်လၟေၚ်လမေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်သာရဝှ်ဂှ်တုဲ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ်ရ။ ပ္ဍဲအခိၚ်ဂှ် ဝိသာခါမၞုံယၟုမိဂါရမာတာ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် လဳလမၞုံပိုည်ကျာ်တြဲတုဲ ဂဇအ်ဒၟံၚ်ပ္ဍဲဒၞါဲမွဲရ၊ ဝိသာခါမၞုံယၟုမိဂါရမာတာ မဂဇအ်ဒၟံၚ်ပ္ဍဲဒၞါဲမွဲဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာရ။ ပ္ဍဲအခိၚ်ဂှ် ဝိသာခါမၞုံယၟုမိဂါရမာတာဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ် (ဒတဵုဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲမ္ဂး “ယွံတဳလမၞုံပိုဉ် တဳလမၞုံပိုဉ်ကျာ်တြဲ မွဲဟာန်ကောံခမဳသၚ် သွက်ဂွံကဵုပိုဉ်တ္ၚဲယးတေအ် ဩဝ်ဒုၚ်တဲ ပိဏ္ဍပါတ်အဲဍိက်ညိကျာ်” ရဴဝွံ ဂရၚ်ပတီရ။ တဳလမၞုံပိုဉ်ကျာ်တြဲ နမမံၚ်ဒၟံၚ် သ္ၚိတ်သ္ၚိတ်ဂှ် ဒုၚ်ကေတ်တုရ။ ပ္ဍဲအခိၚ်ဂှ် ဝိသာခါမၞုံယၟုမိဂါရမာတာ တီကေတ် တဳလမၞုံပိုဉ်ကျာ်တြဲ ဒုၚ်တဲတုဲ ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲ သ္ပရှ်ေသှ်ေရဴဂဴတုဲမ္ဂး ပါဲစ္ဍးအာရ။ ပ္ဍဲအခိၚ်ဂှ် ဗ္တံဂှ် လောန်ၜက်အာမ္ဂး ဗြဲဇၞော်ဂူစှ်ေအလုံတကအ်ပန်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံခမဳတအ် ညံၚ်ရဴဂူစှ်ေ ပ္ဍဲဘာဇေတဝန်ကီု တုပ်သၟဟ်သာ်ဂှ် ဂူစှ်ေ ပ္ဍဲအလုံတကအ်ပန်ဂမၠိုၚ်ရ၊ ယွံခမဳတအ် ဩဝ်ဒၚၚ်ဍာ်ဗြဲ ဇကုအိုတ်ညိ၊ ဗြဲဇၞော်ဝွံတုန် ဗြဲဇၞော်ဂူအလုံတကအ်ပန် လက်ကရဴအိုတ်ရ” ရဴဝွံ သ္ဂးကဵုခမဳဂမၠိုၚ်ရ။ “ယွံတဳလမၞုံပိုဉ် ခိုဟ်ရ” ရဴဝွံ ခမဳဂမၠိုၚ် ဒုၚ်ဝန် ကုတဳလမၞုံပိုဉ်ကျာ်တြဲတုဲ ဖျေံလဝ်သ္ၚာဂမၠိုၚ်ဒှ်တုဲ ဒုၚ်ဍာ်ဗြဲ ဇကုအိုတ်ရ။ ပ္ဍဲအခိၚ်ဂှ် ဝိသာခါမၞုံယၟုမိဂါရမာတာ ကဵုစဳရေၚ် စၞအာဟာရဘောဇိုန် မပြဲပြဲတုဲမ္ဂး “ဟာဲဍိက်ဗြဴ ဩဝ်အာညိ၊ အာ အာရှာမ်အာတုဲ ယွံတဳလမၞုံပိုဉ် ဒးအခိၚ်ရ၊ ပဠေဝ်လဝ် ပိဏ္ဍပါတ်တုဲရ” ရဴဝွံ ဩဝ်ဂရၚ်ပတီ အခိၚ်ကဵုပိုန် (ကုတဳလမၞုံပိုဉ်ကျာ်တြဲ) ညိ” ရဴဝွံ ဖအောဝ်ဗလးဏာ ဍိက်ဗြဴရ။ “ယွံနာဲဗြဴ ခိုဟ်ရ” ရဴဝွံ သ္ဂးတုဲ ဍိက်ဂှ် ဒုၚ်ဝန် ကုဝိသာခါမၞုံယၟုမိဂါရမာတာတုဲ အာ အာရှာမ်ဘာမ္ဂး ညာတ်ဒးခမဳဂမၠိုၚ် ဖျေံလဝ်သ္ၚာဂမၠိုၚ်ဒှ်တုဲ ဒုၚ်ဍာ်ဗြဲ ဇကုအိုတ်တုဲ “ပ္ဍဲအာရှာမ်ဘာ ခမဳဂမၠိုၚ်ဟွံမွဲအိုတ်ရ၊ အာဇဳဝကဂမၠိုၚ် ဒုၚ်ဍာ်ဗြဲ ဇကုအိုတ်ရ” ရဴဝွံ (သမ္တီထေၚ်ကေတ်တုဲ) အာဇရေၚ် ဝိသာခါမၞုံယၟုမိဂါရမာတာတုဲမ္ဂး “ယွံနာဲဗြဴ ပ္ဍဲအာရှာမ်ဘာ ခမဳဂမၠိုၚ်ဟွံမွဲအိုတ်ရ၊ အာဇဳဝကဂမၠိုၚ် ဒုၚ်ဍာ်ဗြဲ ဇကုအိုတ်ရ” ရဴဝွံ သ္ဂးကဵုဝိသာခါမၞုံယၟုမိဂါရမာတာရ။ ပ္ဍဲအခိၚ်ဂှ် ကုဝိသာခါမၞုံယၟုမိဂါရမာတာ မၞုံကဵုပညာတုဲ စဳကၠးဆိုက်ဗ္ဒက် မဍိုက်ပေၚ်တဴကေုာံမပြဟ်ပြေဟ်ဂှ် “ဗွဲစၟတ် တဳလပိုဉ်မဆာဲဂမၠိုၚ် ဖျေံလဝ်သ္ၚာဂမၠိုၚ်ဒှ်တုဲ ကြက်ဒုၚ်ဍာ်ဗြဲဇကုအိုတ်ရ၊ ဍိက်ဗြဴ မဒိုဟ်ဓီုဂှ် ပ္ဍဲအာရှာမ်ဘာ ခမဳဂမၠိုၚ် ဟွံမွဲအိုတ်ရ၊ အာဇဳဝကဂမၠိုၚ် ဒုၚ်ဍာ်ဗြဲဇကုအိုတ်ရ ရဴဝွံ သမ္တီထေၚ်ကေတ်ဒှ်ဂွံရ” ရဴဝွံ ကသပ်ဒှ်ကၠုၚ်ရ။ ကြဴနူဂှ် “ဟာဲဍိက်ဗြဴ ဩဝ်အာညိ၊ အာ အာရှာမ်ဘာတုဲ ယွံတဳလမၞုံပိုဉ် ဒးအခိၚ်ရ၊ ပဠေဝ်လဝ် ပိဏ္ဍပါတ်တုဲရ” ရဴဝွံ ဩဝ်ဂရၚ်ပတီ အခိၚ်ကဵုပိုန် (ကုတဳလမၞုံပိုဉ်ကျာ်တြဲ) ညိ” ရဴဝွံ ဖအောဝ်ဗလးဏာ ဍိက်ဗြဴရ။ ပ္ဍဲအခိၚ်ဂှ် ခမဳဂမၠိုၚ်ဂှ် သ္ပစဵုကဵုဇကုဂံက်တုဲမ္ဂး မၞုံကဵုဇကုဒုၚ်စရၚ်ဂမၠိုၚ်ဒှ်တုဲ ဂိုၚ်ကေတ်သ္ၚာဂမၠိုၚ်တုဲ လုပ်အာဘာအိုတ်ရ။ ပ္ဍဲအခိၚ်ဂှ် ဍိက်ဗြဴဂှ် အာ အာရှာမ်ဘာမ္ဂး ဟွံညာတ် ခမဳဂမၠိုၚ်မ္ဂး “ပ္ဍဲအာရှာမ်ဘာ ခမဳဂမၠိုၚ် ဟွံမွဲအိုတ်ရ၊ အာရှာမ်ဘာဂှ် လ္ၚုသုန်ဒၟံၚ်ရ” ရဴဝွံ (သမ္တီထေၚ်ကေတ်တုဲ) အာဇရေၚ် ဝိသာခါမၞုံယၟုမိဂါရမာတာတုဲမ္ဂး “ယွံနာဲဗြဴ ပ္ဍဲအာရှာမ်ဘာ ခမဳဂမၠိုၚ် ဟွံမွဲအိုတ်ရ၊ အာရှာမ်ဘာ လ္ၚုသုန်ဒၟံၚ်ရ” ရဴဝွံ သ္ဂးကဵုဝိသာခါမၞုံယၟုမိဂါရမာတာရ။
ပ္ဍဲအခိၚ်ဂှ် ကုဝိသာခါမၞုံယၟုမိဂါရမာတာ မၞုံကဵုပညာတုဲ စဳကၠးဆိုက်ဗ္ဒက် မဍိုက်ပေၚ်တဴကေုာံမပြဟ်ပြေဟ်ဂှ် “ဗွဲစၟတ် တဳလပိုည်မဆာဲဂမၠိုၚ် သ္ပစဵုကဵုဇကုဂံက်တုဲမ္ဂး မၞုံကဵုဇကုဒုၚ်စရၚ်ဂမၠိုၚ်ဒှ်တုဲ ဂိုၚ်ကေတ်သ္ၚာဂမၠိုၚ်တုဲ ကြက်လုပ်အာဘာအိုတ်ရ၊ ဍိက်ဗြဴ မဒိုဟ်ဓီုဂှ် ပ္ဍဲအာရှာမ်ဘာ ခမဳဂမၠိုၚ် ဟွံမွဲအိုတ်ရ၊ အာရှာမ်ဘာ လ္ၚုသုန်ဒၟံၚ်ရ ရဴဝွံ သမ္တီထေၚ်ကေတ်ဒှ်ဂွံရ” ရဴဝွံ ကသပ်ဒှ်ကၠုၚ်ရ။ ကြဴနူဂှ် “ဟာဲဍိက်ဗြဴ ဩဝ်အာညိ၊ အာ အာရှာမ်ဘာတုဲ ယွံတဳလမၞုံပိုဉ် ဒးအခိၚ်ရ၊ ပဠေဝ်လဝ် ပိဏ္ဍပါတ်တုဲရ” ရဴဝွံ ဩဝ်ဂရၚ်ပတီ အခိၚ်ကဵုပိုန် (ကုတဳလမၞုံပိုဉ်ကျာ်တြဲ) ညိ” ရဴဝွံ ဖအောဝ်ဗလးဏာ ဍိက်ဗြဴပၠန်ရ။
၃၅၀။ ပ္ဍဲကြဴနူဂှ် တဳလမၞုံပိုဉ်ကျာ်တြဲဂှ် “ယွံခမဳတအ် ဩဝ်ပဠေဝ် ဗဗေၚ်သ္ၚာအိုတ်ညိ၊ ဒးအခိၚ် သွက်ဂွံကဵုပိုဉ်ရ” ရဴဝွံ သ္ဂးကဵုခမဳဂမၠိုၚ်ရ။ “ယွံတဳလမၞုံပိုဉ် ခိုဟ်ရ” ရဴဝွံ ခမဳဂမၠိုၚ် ဒုၚ်ဝန် ကုတဳလမၞုံပိုဉ်ကျာ်တြဲအိုတ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်နူဂယး ဗိုက်ပဠေဝ်သ္ၚာတုဲ သီုမထ္ၜဂိုၚ်ရပ်ကေတ်ဗဗေၚ်သ္ၚာ တြုံမၞုံကဵုဇြဟတ်ဂှ် သပါတဲမခ္ဍပ်လဝ် သၟဟ်ညံၚ်ရဴပၠးပတိတ်ကီု သပါတဲမပၠးလဝ် သၟဟ်ညံၚ်ရဴခ္ဍပ်ပၠုပ်ကီု တုပ်သၟဟ်သာ်ဂှ်ဟေၚ် ကၠေံဗ္ဒန်အာနူဘာဇေတဝန်တုဲ ဒှ်ပြာကဋ်ပ္ဍဲမုက်တြၚ် ဝိသာခါမၞုံယၟုမိဂါရမာတာရ၊ တဳလမၞုံပိုည်ကျာ်တြဲ မွဲဟာန်ကေုာံခမဳသၚ် ဂဇအ်ဒၟံၚ်ပ္ဍဲသၞာမလးပညပ်လဝ်ရ။ ပ္ဍဲအခိၚ်ဂှ် ဝိသာခါမၞုံယၟုမိဂါရမာတာ “ယွံသကအ်တအ် ဒဒှ်ဣဒ္ဓိကြဳဇှ်အာနုဘဴကျာ်တြဲဇၞော်ဂှ် ထေက်ကဵုဒးအမ်သဝ်ကွေံရ၊ ယွံသကအ်တအ် ဟွံကေၚ်ဒှ်မွဲလှ်ေ ဒှ်ကၠုၚ်ရသွံ၊ တဳလမၞုံပိုဉ်ကျာ်တြဲဂှ် ဇၟောဝ်ဍာ်ဂမၠိုၚ် မၞုံဗၞတ်တၟာက္ၜံၚ် သီုကဵုဇွောဝ်ဒၟံၚ်အိုတ်ဂှ် ဇၟောဝ်ဍာ်ဂမၠိုၚ် မၞုံဗၞတ်တၟာဂၞိၚ် သီုကဵုဇွောဝ်ဒၟံၚ်အိုတ်ဂှ် ဇိုၚ်ဂမၠိုၚ်, သ္ၚာဂမၠိုၚ်ကီု ခမဳမွဲဇကုလေဝ် ဟွံဍုက်ဍေက်အိုတ်ရ” ရဴဝွံ မြဟ်မြာသတိုတ် စိုတ်တိုန်ဒှ်တုဲ အလဵုဇကုတရိပ်စိုတ် စဵုကဵုဒးဆေဝ်တာ ပဒေါံကၠေံတုဲမ္ဂး အခိၚ်တဳလမၞုံပိုဉ်ကျာ်တြဲ ကဵုပိုဉ်တုဲ ပါဲကၠေံတဲ နူဗဗေၚ်တုဲ ဝိသာခါမၞုံယၟုမိဂါရမာတာ မဂဇအ်ဒၟံၚ် ပ္ဍဲဒၞါဲမွဲဂှ် “ယွံတဳလမၞုံပိုဉ် အဲဍိက် မိက်အာတ်လာဘ်ဒ္စာံ တဳလမၞုံပိုဉ်ကျာ်တြဲရ” ရဴဝွံ ဂရၚ်ပတီတဳလမၞုံပိုဉ်ကျာ်တြဲရ။ ယွံဝိသာခါ ကျာ်တြဲဂမၠိုၚ် ကလိလောန်အာ နူပွမကဵုလာဘ်အိုတ်ရ ရဴဝွံ (သ္ဂးတိုန်ဂှ်) ယွံတဳလမၞုံပိဒည် လာဘ်မအာတ်ဂှ် ဂပ်ဝ်လေဝ်ဂပ်ဝ်လရ၊ ဒုဟ်ဒဏ်လေဝ် ဟွံမွဲရ ရဴဝွံ (ဂရၚ်ပတီရ)။ ယွံဝိသာခါ ဩဝ်ဟီုသ္ဂးညိ ရဴဝွံ (သ္ဂးရ)။
၂၁၉.၂။ လာဘ်ဝိသာခါ ဒစာံသာ်
[ပလေဝ်ဒါန် | ပလေဝ်ဒါန် တမ်ကၞက်](၁) ယွံတဳလမၞုံပိုဉ် အဲဍိက် စဵုကဵုလအိတ်လမျီု မိက်ဂွံကဵုဒါန် သ္ၚာသၞုက်ဗြဲ ကုသၚ်ရ။ (၂) မိက်ဂွံကဵုဒါန် ပိဏ္ဍပါတ် ကုခမဳကၟုဲအာဂန္တုကဂမၠိုၚ်ရ။ (၃) မိက်ဂွံကဵုဒါန် ပိဏ္ဍပါတ် ကုခမဳကွာ်တရဴဂမၠိုၚ်ရ။ (၄) မိက်ဂွံကဵုဒါန် ပိဏ္ဍပါတ် ကုခမဳဂိယဲဂမၠိုၚ်ရ။ (၅) မိက်ဂွံကဵုဒါန် မိဏ္ဍပါတ် ကုခမဳကၠောန်ၜိုတ်ညးဂိယဲဂမၠိုၚ်ရ။ (၆) မိက်ဂွံကဵုဒါန် ဂဥုဲ ကုခမဳဂိယဲဂမၠိုၚ်ရ။ (၇) မိက်ဂွံကဵုဒါန် ယာဂုလၟိုန်ဒမၠိရ။ (၈) မိက်ဂွံကဵုဒါန် သၞုက်ဍာ် ကုဘိက္ခုနဳသၚ်ရ ရဴဝွံ (ဂရၚ်ပတီရ)။ ယွံဝိသာခါ တၠအဲ ညာတ်ကေတ် ဒတုဲဖဵုတၟေၚ်ဗွဲမ္ဒးရး သာ်လဵုတုဲ အာတ်လာဘ်ဒ္စာံသာ် ကုအဲကျာ်ရော? ရဴဝွံ (သၟာန်ရ)။ ယွံတဳလမၞုံပိုဉ် အဲဍိက် ပ္ဍဲအခိၚ်လၟုဟ် “ဟာဲဍိက်ဗြဴ ဩဝ်အာညိ၊ အာ အာရှာမ်ဘာတုဲ ယွံတဳလမၞုံပိုဉ် ဒးအခိၚ်ရ၊ ပဠေဝ်လဝ် ပိဏ္ဍပါတ်တုဲရ” ရဴဝွံ ဩဝ်ဂရၚ်ပတီ အခိၚ်ကဵုပိုန် (ကုတဳလမၞုံပိုဉ်ကျာ်တြဲ) ညိ” ရဴဝွံ ဖအောဝ်ဗလးဏာ ဍိက်ဗြဴရ။ ယွံတဳလမၞုံပိုဉ် ပ္ဍဲအခိၚ်ဂှ် ဍိက်ဗြဴဂှ် အာ အာရှာမ်ဘာမ္ဂး ညာတ်ဒး ခမဳဂမၠိုၚ် ဖျေံလဝ်သ္ၚာဂမၠိုၚ်ဒှ်တုဲ ဒုၚ်ဍာ်ဗြဲဇကုအိုတ်တုဲ “ပ္ဍဲအာရှာမ်ဘာ ခမဳဂမၠိုၚ် ဟွံမွဲအိုတ်ရ၊ အာဇဳဝကဂမၠိုၚ် ဒုၚ်ဍာ်ဗြဲဇကုအိုတ်ရ” ရဴဝွံ (သမ္တီထေၚ်ကေတ်တုဲ) ကၠုၚ်ဇရေၚ် အဲဍိက်တုဲမ္ဂး “ယွံနာဲဗြဴ ပ္ဍဲအာရှာမ်ဘာ ခမဳဂမၠိုၚ် ဟွံမွဲအိုတ်ရ၊ အာဇဳဝကဂမၠိုၚ် ဒုၚ်ဍာ်ဗြဲ ဇကုအိုတ်ရ” ရဴဝွံ သ္ဂးကဵုအဲဍိက်ရ။ ယွံတဳလမၞုံပိုဉ် ပွမဂၞံၚ်ဂၞါတ်ဇကုပြဲ ဟွံမွဲကဵုယာတ်ဂှ် ဟွံသအးဇ္ၚးရ၊ ထေက်ကဵုက္ဍုဟ်မၠေံ ထေက်ကဵုဇအိုတ်ဇရရ။ ယွံတဳလမၞုံပိုဉ် အဲဍိက် ညာတ်ကေတ်ဖဵုဝွံ ဗွဲမ္ဒးရးဒှ်တုဲ စဵုကဵုလအိတ်လမျီု မိက်ဂွံကဵုဒါန် သ္ၚာသၞုက်ဗြဲ ကုသၚ်ရ။ ယွံတဳလမၞုံပိုဉ် သအာၚ်နူဂှ်လေဝ် ခမဳမဒှ်ကၟုဲ အာဂန္တုကဂှ် ဟွံစဳကၠးဆိုက်ဗ္ဒက် ဂၠံၚ်တရဴဒှ်တုဲ ဟွံတီသ္ၚိဂပ်ဝ်ဒုၚ်ပိဏ္ဍပါတ် မဟဂပ်ဝ်ဒုၚ်ပိဏ္ဍပါတ်တုဲ ဒးဂ္ၚေၚ်ပိဏ္ဍပါတ် သီုမဒှ်လၟောၚ်ဍောၚ်ၜိုတ်ရ၊ ခမဳကၟုဲအာဂန္တုကဂှ် ကဵုပိုဉ်ပိဏ္ဍပါတ် မကဵုဒါန်ကုကၟုဲဂမၠိုၚ် အဲဍိက်တုဲမှ တီဂၠံၚ်တရဴဒှ်တုဲ တီသ္ၚိဂပ်ဝ်ဒုၚ်ပိဏ္ဍပါတ် မဟဂပ်ဝ်ဒုၚ်ပိဏ္ဍပါတ်တုဲ ကြက်ဂွံဂ္ၚေတ်ပိဏ္ဍပါတ် သီုဟွံဒှ်လၟောၚ်ဍောၚ်ၜိုတ်ရ။ ယွံတဳလမၞုံပိုဉ် အဲဍိက် ညာတ်ကေတ်ဖဵုဝွံ ဗွဲမ္ဒးရးဒှ်တုဲ စဵုကဵုလအိတ်လမျီု နွံပၟိက် သွက်ဂွံကဵုဒါန်ပိဏ္ဍပါတ် ကုခမဳသၚ်အာဂန္တုကရ။ ယွံတဳလမၞုံပိုဉ် သအာၚ်နူဂှ်လေဝ် ခမဳမကွာ်တရဴဂှ် ဒးဂၠာဲသ္ၚေဝ်ပိဏ္ဍပါတ်ဇကုမ္ဂး နူသကအ်ရဲ ညးဗၞိက်လေဝ် ကြက်သှ်ေၜက်အာရ၊ ပ္ဍဲဟွံသေၚ်ကဵုအခိၚ်လေဝ် ကြက်အာစိုပ် ဘာမမိက်အာရ၊ ကြက်ဒးအာတရဴအဓာန် ဗွဲမဍောၚ်ၜိုတ်ရ။ ခမဳဂှ် ကဵုပိုဉ်ပိဏ္ဍပါတ် မကဵုဒါန် ကုခမဳကွာ်တရဴဂမၠိုၚ် အဲဍိက်တုဲမှ အာမ္ဂး နူသကအ်ရဲညးဗၞိက်လေဝ် ကြက်ဟွံသှ်ေၜက်အာရ၊ ပ္ဍဲအခိၚ်လေဝ် ကြက်အာစိုပ် ဘာမမိက်အာရ၊ ကြက်ဂွံအာတရဴအဓာန် သီုဟွံဍောၚ်ၜိုတ်မာန်ရ။ ယွံတဳလမၞုံပိုည် အဲဍိက် ညာတ်ကေတ်ဖဵုဝွံ ဗွဲမ္ဒးရးဒှ်တုဲ စဵုကဵုလအိတ်လမျီု နွံပၟိက် သွက်ဂွံကဵုဒါန်ပိဏ္ဍပါတ် ကုခမဳသၚ်ကွာ်တရဴရ။ ယွံတဳလမၞုံပိုဉ် သအာၚ်နူဂှ်လေဝ် ကုခမဳမဂိယဲဂှ် ဟိုတ်မဟွံကလိဂွံ ဘောဇိုန်ဂမၠိုၚ် မဗဗွဲသပ္ပါယ်ဂှ်ရ ယဲလေဝ် ကြက်ဂၠိုၚ်တိုန်ရ၊ ပွမဒးချိုတ်လေဝ် ကြက်ဒှ်ရ။ ကုခမဳမဂွံကဵုပိုဉ်ပိဏ္ဍပါတ် မကဵုဒါန်ကုခမဳဂိယဲဂမၠိုၚ် အဲဍိက်ဂှ် ယဲလေဝ် ကြက်ဟွံဂၠိုၚ်တိုန်ရ၊ ပွမဒးချိုတ်လေဝ် ကြက်ဟွံဒှ်ရ။ ယွံတဳလမၞုံပိုဉ် အဲဍိက် ညာတ်ကေတ်ဖဵုဝွံ ဗွဲမ္ဒးရးဒှ်တုဲ စဵုကဵုလအိတ်လမျီု နွံပၟိက် သွက်ဂွံကဵုဒါန်ပိဏ္ဍပါတ် ကုခမဳသၚ်ဂိယဲရ။ ယွံတဳလမၞုံပိုဉ် သအာၚ်နူဂှ်လေဝ် ခမဳကၠောန်ၜိုတ်ညးဂိယဲဂှ် ဒးဂၠာဲသ္ၚေဝ်ပိဏ္ဍပါတ်ဇကုမ္ဂး တ္ၚဲသၠုၚ်မှ ကြက်ရၚ်တၠုၚ်ဏာ ပိဏ္ဍပါတ်ခမဳဂိယဲရ၊ ကြက်ပိုဉ်သကုတ်ရ၊ ခမဳကၠောန်ၜိုတ်ညးဂိယဲဂှ် ဂွံကဵုပိုဉ်ပိဏ္ဍပါတ် မကဵုဒါန်ကုခမဳကၠောန်ၜိုတ်ညးဂိယဲဂမၠိုၚ် အဲဍိက်မ္ဂး ကြက်ရၚ်တၠုၚ်ပိဏ္ဍပါတ် ခမဳဂိယဲပြဟ်ပြဟ်မာန်ရ၊ ကြက်ဟွံဒှ်ပိုဉ်သကုတ်ရ။ ယွံတဳလမၞုံပိုဉ် အဲဍိက် ညာတ်ကေတ်ဖဵုဝွံ ဗွဲမ္ဒးရးဒှ်တုဲ စဵုကဵုလအိတ်လမျီု နွံပၟိက် သွက်ဂွံကဵုဒါန်ပိဏ္ဍပါတ် ကုခမဳသၚ်ကၠောန်ၜိုတ်ညးဂိယဲရ။ ယွံတဳလမၞုံပိုဉ် သအာၚ်နူဂှ်လေဝ် ကုခမဳမဂိယဲဂှ် ဟိုတ်မဟွံကလိဂွံ ဂဥုဲဂမၠိုၚ် မဗဗွဲသပ္ပါယ်ရ ယဲလေဝ် ကြက်ဂၠိုၚ်တိုန်ရ၊ ပွမဒးချိုတ်လေဝ် ကြက်ဒှ်ရ။ ကုခမဳမဂွံပြဘိုဂ်ဂဥုဲမကဵုဒါန် ကုခမဳဂိယဲဂမၠိုၚ် အဲဍိက်ဂှ် ယဲလေဝ် ကြက်ဟွံဂၠိုၚ်တိုန်ရ၊ ပွမဒးချိုတ်လေဝ် ကြက်ဟွံဒှ်ရ။ ယွံတဳလမၞုံပိုဉ် အဲဍိက် ညာတ်ကေတ်ဖဵုဝွံ စဵုကဵုလအိတ်လမျီု နွံပၟိက် သွက်ဂွံကဵုဒါန်ဂဥုဲ ကုခမဳသၚ်ဂိယဲရ။ ယွံတဳလမၞုံပိုဉ် သအာၚ်နူဂှ်လေဝ် နမညာတ်ကေတ်ဖဵုဂမၠိုၚ်စှ်သာ် တဳလမၞုံပိုဉ်ကျာ်တြဲ ကဵုအခေါၚ်ယာဂု ပ္ဍဲဍုၚ်အန္ဓကဝိန္ဒရ၊ ယွံတဳလမၞုံပိုဉ် အဲဍိက် ညာတ်ကေတ်ဖဵုဂမၠိုၚ်စှ်သာ်ဂှ် ဗွဲမ္ဒးရးဒှ်တုဲ စဵုကဵုလအိတ်လမျီု နွံပၟိက် သွက်ဂွံကဵုဒါန်ယာဂုလၟိုန်ဒမၠိ ကုခမဳသၚ်ရ။ ယွံတဳလမၞုံပိုဉ် ပ္ဍဲသာသနာဝွံ ခမဳဗြဴဂမၠိုၚ် သီုမဂၞံၚ်ဂၞါတ်ဇကုသၟး (ဟွံမွဲကဵုဗွိုက်လတက်) ဟုမ်ဍာ် ပ္ဍဲကြုၚ်အစိရဝတဳ မွဲဟာန်ကေုာံ ဗြဴစရာဲဍုၚ်ဂမၠိုၚ် ပ္ဍဲမွဲသၞေဟ်ဓဝ်အိုတ်ရ။ ယွံတဳလမၞုံပိုဉ် ဗြဴစရာဲဍုၚ်ဂမၠိုၚ်ဂှ် “ယွံနာဲဗြဴတအ် နပွမဒ္ဂေတ်တဴဒ္ဂေတ်မပြဲ ကုနာဲဗြဴတအ်ညးဂမၠိုၚ် မဒှ်ညးအဝယ် ဍောတ်သွတ်ဂှ် မုဖဵုမၞုံရော? ထေက်ကဵုဒုၚ်စသိုၚ်တသိုခ်ကာမဂုဏ်ရ ဟွံသေၚ်ဟာ၊ ပ္ဍဲအခိၚ်မဗျုထဴတေံ ကြက်သ္ဒးဒ္ဂေတ်လ္ၚတ် ဒ္ဂေတ်မပြဲအိုတ်ရ၊ ဒ္ဂေတ်တဴရဴဝွံမ္ဂး ကုမၞးတအ်ညးဂမၠိုၚ် သ္ဂောံသီထ္ၜောဝ်ကေတ် ဒတုဲဖဵုဂမၠိုၚ်ၜါပြကာအိုတ်ရ” ရဴဝွံ သ္ပဂရိုၚ်စရဵုဟီုဗျံက် ခမဳဗြဴဂမၠိုၚ်အိုတ်ရ။ ယွံတဳလမၞုံပိုဉ် ခမဳဗြဴဂမၠိုၚ်ဂှ် ဟိုတ်နူဗြဴစရာဲဍုၚ်ဂမၠိုၚ် သ္ပစရိုၚ်စရဵုဟီုဗျံက်ဂှ်ရ မုက်မတ်ဟွံကျေဝ် ဒးဒှ်အိုတ်ရ။ ယွံတဳလမၞုံပိုဉ် ကုမၞိဟ်ဗြဴ ပွမဂၞံၚ်ဂၞါတ်ဇကုပြဲ ဟွံမွဲကဵုယာတ်ဂှ် ဟွံသအးဇ္ၚးရ၊ ထေက်ကဵုက္ဍုဟ်မၠေံ ထေက်ကဵုဇအိုတ်ဇရရ။ ယွံတဳလမၞုံပိုဉ် အဲဍိက် ညာတ်ကေတ်ဖဵုဝွံ ဗွဲမ္ဒးရးဒှ်တုဲ စဵုကဵုလအိတ်လမျီု နွံပၟိက် သွက်ဂွံကဵုဒါန်သၞုက်ဍာ် ကုဘိက္ခုနဳသၚ်ရ ရဴဝွံ (ဂရၚ်ပတီရ)။
၃၅၁။ ယွံဝိသာခါ တၠအဲ ညာတ်ကေတ် မုရဴအာနိသံသမွဲဗွဲမ္ဒးရးဒှ်တုဲ အာတ်လာဘ်ဒ္စာံသာ် ကုအဲကျာ်ရော? ရဴဝွံ (သၟာန်ရ)။ ယွံတဳလမၞုံပိုဉ် ပ္ဍဲသာသနာဝွံ ခမဳဒၠိုက်ကတဵုနူဝသ်ဂမၠိုၚ် သွက်ဂွံဗဵုလ္ၚောဝ်ကျာ်တြဲကြက်ကၠုၚ် ဍုၚ်သာရဝှ်အိုတ်ရ၊ ခမဳဂမၠိုၚ်ဂှ် ပြာပ်ကၠုၚ်ဇရေၚ် တဳလမၞုံပိုဉ်ကျာ်တြဲတုဲ “ယွံတဳလမၞုံပိုဉ် ခမဳမၞုံယၟုဝွံတုန် ချိုတ်အာတုဲရ၊ လအာဂတိခမဳဂှ်တုန် ညးဍေံရော? ပွမကတဵုဘဝပရလိုက်တုန် ညးဍေံရော? (ပွမကလိဂွံဓရ်တိတ်ဗၠးတုန် ညးဍေံရော)” ရဴဝွံ ကြက်သၟာန်အိုတ်ရ။ တဳလမၞုံပိုဉ်ကျာ်တြဲဂှ် ခမဳမစုတိ ကလိလောန်စဴဂှ် အာစိုပ်သောတာပတ္တိဖိုလ်ရ ရဴဝွံကီု အာစိုပ်သကဒါဂါမိဖိုလ်ရ ရဴဝွံကီု အာစိုပ်အနာဂါမိဖိုလ်ရ ရဴဝွံကီု အာစိုပ်အရဟတ္တဖိုလ်ရ ရဴဝွံကီု ကြက်တွံကဵုရ။ အဲဍိက် ပြာပ်အာဇရေၚ် ခမဳဂမၠိုၚ်ဂှ်တုဲမ္ဂး “ယွံတဳလပိုဉ်တအ် တဳလပိုဉ်ဂှ် ကေၚ်ကၠုၚ်ဒၟံၚ် ဍုၚ်သာရဝှ်ဟာ” ရဴဝွံ ကြက်သၟာန်ရ။ ခမဳဂှ် “ကေၚ်ကၠုၚ်ဒၟံၚ် ဍုၚ်သာရဝှ်ရ” ရဴဝွံ ယဝ်ဟီုသ္ဂး ကဵုကုအဲဍိက်အိုတ်မ္ဂး၊ ပ္ဍဲအခိၚ်မဟီုသ္ဂးဂှ် ဨကန်မှချ တီလပိုဉ်ဂှ် သ္ၚာသၞုက်ဗြဲအဲလေဝ် ကေၚ်ပြဘိုဂ်ရ၊ ပိဏ္ဍပါတ်မကဵုဒါန် ကုကၟုဲဂမၠိုၚ်ကီု ပိဏ္ဍပါတ်မကဵုဒါန် ကုညးကွာ်တရဴဂမၠိုၚ်ကီု ပိဏ္ဍပါတ်မကဵုဒါန် ကုညးယဲဂမၠိုၚ်ကီု ပိဏ္ဍပါတ်မကဵုဒါန် ကုခမဳကၠောန်ၜိုတ်ညးဂိယဲဂမၠိုၚ်ကီု ဂဥုဲမကဵုဒါန်ကုခမဳဂိယဲဂမၠိုၚ်ကီု ယာဂုမကဵုဒါန်လၟိုန်ဒမၠိကီု ကေၚ်သ္ပပြဘိုဂ်ရ” ရဴဝွံ ကြက်အာစိုပ် ပွမသ္ဂုတ်သွာတ်ရ။ ကုအဲဍိက် မဗှ်ဗၞုက်ခမဳမကေၚ်သ္ပပြဘိုဂ်ဂှ် ပွမအိုဟ်တၟိုဟ် ကြက်ကတဵုဒှ်ရ၊ ကုအဲဍိက်မအိုတ်တၟိုဟ်ဂှ် ပွမသ္ဍိုက်မၠိုက် ကြက်ကတဵုဒှ်ရ၊ ဇကုအဲဍိက်မၞုံကဵုပွမသ္ဍိုက်မၠိုက်ဂှ် ကြက်ၜိုဟ်လလမ်ရ၊ အဲဍိက်မၞုံကဵုဇကုမၜိုဟ်လလမ်ဂှ် ကြက်ဂွံဒုၚ်စသိုၚ်တသိုခ်ရ၊ စိုတ်အဲဍိက်မဒှ်တသိုခ်ဂှ် ကြက်တန်ကန်ရ၊ ပွတန်ကြန်ဂှ် ကြက်ဒှ်ပွမဇၞော်ပၟဝ်ဣန္ဒြဳ ပွမဇၞော်ပၟဝ်ဗိုလ် ပွမဇၞော်ပၟဝ်ဗောဇ္ၛာၚ်ရ။ ယွံတဳလမၞုံပိုဉ် အဲဍိက် ညာတ်ကေတ် ဖဵုအာနိသံသဝွံ ဗွဲမ္ဒးရးဒှ်တုဲ အာတ်လာဘ်ဒ္စာံသာ် ကုတဳလမၞုံပိုဉ်ကျာ်တြဲရ ရဴဝွံ (ဂရၚ်ပတီရ)။ ယွံဝိသာခါ ခိုဟ်သန်ရ၊ ယွံဝိသာခါ တၠအဲ ညာတ်ကေတ် ဖဵုအာနိသံသဝွံ ဗွဲမ္ဒးရးဒှ်တုဲ အာတ်လာဘ်ဂမၠိုၚ်ဒ္စာံသာ် ကုအြကျာ်ဂှ် ခိုဟ်သန်ရ၊ ယွံဝိသာခါကဵုအခေါၚ် လာဘ်ဂမၠိုၚ်ဒ္စာံသာ် ကုတၠအဲရ ရဴဝွံ (သ္ဂးရ)။ ကြဴနူဂှ် တဳလမၞုံပိုဉ်ကျာ်တြဲ သ်ပအနုမောဒနာ ဝိသာခါမၞုံယၟုမိဂါရမာတာ နကဵုဂါထာဂမၠိုၚ်ဝွံရ− “(ယွံဝိသာခါ) ယြဴကွးမွဲ အဲကျာ်မွဲ မၞုံကဵုပွမမိပ်စိုတ်လောန်ဒှ်တုဲ ကဵုဒါန်ပုၚ်ဍာ်ပၠာဲရ၊ ဍိုက်ပေၚ်တဴကေုာံဒ္ဂေတ်သဳလရ၊ ပ္ဍဵုကၠေံ ပွမသအေတ်သပါန်တုဲ လေပ်ကဵုဒါန် မဒှ်ဟိုတ်ကတဵုဒှ်ပ္ဍဲသွဝ် မလေပ်ပါဲပၠေၚ်ကၠေံပွမဂွိၚ်စံၚ်တူ မလေပ်ရၚ်တၠုၚ်ဏာကဵုတသိုခ်ရ။ ကွးဗြဴဂှ် အာစိုပ်အရိယမဂ် မစာ်စ္ဍးနူကၠိုက်လ္ၚေၚ်ကိလေသ မဟွံမွဲကဵုကိလေသ မလေပ်ကဵုအာစိုပ်အပါယ်တုဲ ကလိဂါံ ပွမအာယုက်ဂၠိၚ်မဒှ်ပ္ဍဲသွဝ်ရ၊ ကွးဗြဴ မၞုံပၟိက်ကဵုကုသိုလ်ထၟိက် မဍိုက်ပေၚ်တဴကေုာံတသိုခ် မဟွံမွဲကဵုယဲဘဲဂှ် ဂွံမိပ်လဟိၚ် ပ္ဍဲဍုၚ်သွဝ် ဗွဲမလအ်လကာဖာရ” ရဴဝွံ (သ္ပအနုမောဒနာရ)။
၃၅၂။ ကြဴနူဂှ် တဳလမၞုံပိုဉ်ကျာ်တြဲ သ္ပအနုမောဒနာ ဝိသာခါမၞုံယၟုမိဂါရမာတာ နကဵုဂါထာဂမၠိုၚ်ဝွံတုဲမ္ဂး ဒၠိုက်ကတဵုနူဒၞါဲ က္ညစ္ဍးအာရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ် တွံကဵုဂလာန်ဓရ်တုဲမ္ဂ။ “ယွံခမဳတအ် ကဵုအခေါၚ် သ္ၚာသၞုက်ဗြဲကီု ပိဏ္ဍပါတ်မကဵုဒါန်ကုကၟုဲဂမၠိုၚ်ကီု ပိဏ္ဍပါတ်မကဵုဒါန် ကုညးကွာ်တရဴဂမၠိုၚ်ကီု ပိဏ္ဍပါတ်မကဵုဒါန် ကုညးယဲဂမၠိုၚ်ကီု ပိဏ္ဍပါတ်မကဵုဒါန် ကုခမဳကၠောန်ၜိုတ်ညးဂိယဲဂမၠိုၚ်ကီု ဂဥုဲမကဵုဒါန် ကုခမဳဂိယဲဂမၠိုၚ်ကီု ယာဂုမကဵုဒါန် လၟိုန်ဒမၠိကီ သၞုက်ဍာ် ကုဘိက္ခုနဳသၚ်ကီုရ” ရဴဝွံ သ္ဂးကဵုခမဳဂမၠိုၚ်ရ။ ခဏ်ဝိသာခါတုဲရ။
၂၂၀။ ကဵုအခေါၚ်မပ္တံသၞာနိသဳဒိုန်
[ပလေဝ်ဒါန် | ပလေဝ်ဒါန် တမ်ကၞက်]၃၅၃။ ပ္ဍဲကာလမွဲအခိၚ် ခမဳဂမၠိုၚ် သ္ပပြဘိုဂ် ဘောဇိုန်မပြဲပြဲဂမၠိုၚ်တုဲမ္ဂး သတိမဗၠးကီု သီုဟွဴမွဲပွမဗ္စာရဏာ အာစိုပ်ပွမတိက်လှိၚ်အိုတ်ရ။ ကုခမဳဂမၠိုၚ် သတိဗၠးကီု ဟီုဟွံမွဲပွမဗ္စာရဏာ အာစိုပ်ပွမတိက်လှိၚ်ဂှ် နမတိတ်လ္ပအ်ညာတ် သုက်သၠောတ်တိတ်ရ၊ သၞာသတိက်သၞာဒၟံၚ် ကၠေဝ်ဗာန်ဒၟံၚ်သုက်ရ။ ပ္ဍဲအခိၚ်ဂှ် တဳလမၞုံပိုည်ကျာ်တြဲ မွဲဟာန်ကေုာံတဳလပိုဉ်အာနန္ဒ မဒှ်ခမဳဗွက်ကြဴ ဂေတ်ဂ္ၚေၚ်လၟေၚ်ဘာမ္ဂး ညာတ်ဒး သၞာသတိက်သၞာဒၟံၚ် ကၠေဝ်ဗာန်ဒၟံၚ်သုက်တုဲ “ယွံအာနန္ဒ သၞာသတိက်သၞာဒၟံၚ်ဝွံ ကၠေဝ်ဗာန်ဒၟံၚ် နကဵုမုရော?” ရဴဝွံ သၟာန်တဳလပိုဉ်အာနန္ဒရ။ ယွံတဳလမၞုံပိုဉ် ပ္ဍဲအခိၚ်လၟုဟ် သ္ပပြဘိုဂ် ဘောဇိုန်မပြဲပြဲဂမၠိုၚ်တုဲမ္ဂး ကုခမဳဂမၠိုၚ် သတိမဗၠးကီု သီုဟွံမွဲပွမဗ္စာရဏာ အာစိုပ်ပွမတိက်လှိၚ်ဂှ် နမတိတ်လ္ပအ်ညာတ် ဟိုတ်နူသုက်သၠောတ်တိတ်ဂှ်ရ သၞာသတိက်သၞာဒၟံၚ်ဂှ် ကၠေဝ်ဗာန်ဒၟံၚ်သုက်ရ ရဴဝွံ (ဂရၚ်ပတီရ)။ ယွံအာနန္ဒ ဂလာန်ဂှ် ဍာံပြအတိုၚ်ဟီုဂှ်ရ၊ ယွံအာနန္ဒ ဂလာန်ဂှ် ဍာံပြအတိုၚ်ဟီုဂှ်ရ၊ ယွံအာနန္ဒ ကုခမဳဂမၠိုၚ် သတိမဗၠးကီု သီုဟွံမွဲပွမဗ္စရဏာ အာစိုပ်ပွမတိက်လှိၚ်ဂှ် နမတိက်လ္ပအ်ညာတ် သုက်သၠောတ်တိတ်ရ။ ယွံအာနန္ဒ ကုခမဳဂမၠိုၚ် သတိပြာကဋ်ပၠ သ္ပဗွမဗ္စာရဏာ အာစိုပ်ပွမတိက်လှိၚ်ဂှ် နမတိတ်လ္ပအ်ညာတ် သုက်ဟွံသၠောတ်တိတ်ရ။ ယွံအာနန္ဒ ကုပုထုဇန်ဂမၠိုၚ် မဒှ်အထိုက်ဒတန်ဟွံထၞေန်စပ် ပ္ဍဲကာမဂုဏ်ဂမၠိုၚ်လေဝ် သုက်ဟွံသၠောတ်တိတ်ရ။ ယွံအာနန္ဒ ကုတၠအရှန် ဟိုတ်အခေါၚ်အရာ သုက်သၠောတ်တိတ် ဟွံမွဲဟေၚ်ရ ရဴဝွံ (သ္ဂးရ)။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုည်ကျာ်တြ တွံကဵုဂလာန်ဓရ်တုဲမ္ဂး “ယွံခမဳတအ် ပ္ဍဲအခိၚ်လၟုဟ် အဲကျာ် မွဲဟာန်ကေုာံအာနန္ဒ မဒှ်ခမဳဗွက်ကြဴ ဂေတ်ဂ္ၚေၚ်လၟေၚ်ဘာမ္ဂး ညာတ်ဒး သၞာသတိက်သၞာဒၟံၚ် ကၠေဝ်ဗာန်ဒၟံၚ်သုက်တုဲ “ယွံအာနန္ဒ သၞာသတိက်သၞာဒၟံၚ်ဝွံ ကၠေဝ်ဗာန်ဒၟံၚ် နကဵုမုရော?” ရဴဝွံ သၟာန်ကၠုၚ်အာနန္ဒတုဲရ။ ယွံတဳလမၞုံပိုဉ် ပ္ဍဲအခိၚ်လၟုဟ် သ္ပပြဘိုဂ် ဘောဇိုန်မပြဲပြဲဂမၠိုၚ်တုဲမ္ဂး ကုခမဳဂမၠိုၚ် သတိမဗၠးကီု သီုဟွံမွဲပွမဗ္စာရဏာ အာစိုပ်ပွမတိက်လှိၚ်ဂှ် နမတိတ်လ္ပအ်ညာတ် ဟိုတ်နူသုက်သၠောတ်တိတ်ဂှ်ရ သၞာသတိက်သၞာဒၟံၚ်ဂှ် ကၠေဝ်ဗာန်ဒၟံၚ်သုက်ရ ရဴဝွံ (ဂရၚ်ပတီရ)။ ယွံအာနန္ဒ ဂလာန်ဂှ် ဍာံပြအတိုၚ်ဟီုဂှ်ရ၊ ယွံအာနန္ဒ ဂလာန်ဂှ် ဍာံပြအတိုၚ်ဟီုဂှ်ရ၊ ယွံအာနန္ဒ ကုခမဳဂမၠိုၚ် သတိမဗၠးကီု သီုဟွံမွဲပွမဗ္စရဏာ အာစိုပ်ပွမတိက်လှိၚ်ဂှ် နမတိက်လ္ပအ်ညာတ် သုက်သၠောတ်တိတ်ရ။ ယွံအာနန္ဒ ကုခမဳဂမၠိုၚ် သတိပြာကဋ်ပၠ သ္ပဗွမဗ္စာရဏာ အာစိုပ်ပွမတိက်လှိၚ်ဂှ် နမတိတ်လ္ပအ်ညာတ် သုက်ဟွံသၠောတ်တိတ်ရ။ ယွံအာနန္ဒ ကုပုထုဇန်ဂမၠိုၚ် မဒှ်အထိုက်ဒတန်ဟွံထၞေန်စပ် ပ္ဍဲကာမဂုဏ်ဂမၠိုၚ်လေဝ် သုက်ဟွံသၠောတ်တိတ်ရ။ ယွံအာနန္ဒ ကုတၠအရှန် ဟိုတ်အခေါၚ်အရာ သုက်သၠောတ်တိတ် ဟွံမွဲဟေၚ်ရ ရဴဝွံ (သ္ဂးရ)။ ယွံခမဳတအ် ဒုသ် ခမဳ သတိမဗၠးကီု သီုဟွံမွဲပွမဗ္စာရဏာ အာစိုပ်ပွမတိက်လှိၚ်ဂမၠိုၚ် ဣဝွံ မသုန်ပြကာအိုတ်ရ။ ဂွံတိက်ဗွဲဒဒိုခ်ရ၊ ဂွံၚုဟ်ဗွဲဒဒိုခ်ရ၊ လ္ပအ်ညာတ် လ္ပအ်ဟွံခိုဟ်ရ၊ ဒေဝတဴဂမၠိုၚ် ဟွံမၚ်မွဲအိုတ်ရ၊ သုက်လေဝ်ဗၠးတိက်ရ။ ယွံခမဳတအ် ဒုသ်ခမဳ သတိဗၠးကီု သီုဟွံမွဲပွမဗ္စာရဏာ အာစိုပ်ပွမတိက်လှိၚ်ဂမၠိုၚ် ဣဝွံ မသုန်ပြကာအိုတ်ရ။ ယွံခမဳတအ် ဖဵုခမဳသတိပြာကဋ်ပၠ သ္ပပွမဗ္စာရဏာ အာစိုပ်ပွမတိက်လှိၚ်ဂမၠိုၚ် ဣဝွံ မသုန်ပြကာအိုတ်ရ။ ဂွံတိက်ဗွဲတသိုခ်ရ၊ ဂွံၚုဟ်ဗွဲတသိုခ်ရ၊ ဟွံလ္ပအ်ညာတ် လ္ပအ်ဟွံခိုဟ်ရ။ ဒေဝတဴဂမၠိုၚ် မၚ်မွဲအိုတ်ရ၊ သုက်ဟွံဗၠးတိတ်ရ။ ယွံခမဳတအ် ဖဵုခမဳသတိပြကာဋ်ပၠ သ္ပပွမဗ္စာရဏာ အာစိုပ်ပွမတိက်လှိၚ်ဂမၠိုၚ် ဣဝွံ မသုန်ပြကာအိုတ်ရ။ ယွံခမဳတအ် တၞဟ်နပွမကဵုဂြောပ်ဗ္ဒန်ဇကု တၞဟ်နပွမကဵုဂြောပ်ဗ္ဒန်သ္ၚာ တၞဟ်နပွမကဵုဂြောပ်ဗ္ဒန်သၞာသတိက်သၞာဒၟံၚ် ကဵုအခေါၚ် သၞာနိသဳဒိုန်ရ ရဴဝွံ (သ္ဂးရ)။ ပ္ဍဲအခိၚ်ဂှ် သၞာနိသဳဒိုန် မဍောတ်လောန်ဂှ် ကဵုဂြောပ်ဗ္ဒန်သၞာသတိက်သၞာဒၟံၚ်အလုံအိုတ်သီု ဟွံမာန်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် ကဵုအခေါၚ် တၞဟ်နခၞံသၞာလးတိက် မဇၞော်ၜိုတ်နွံပၟိက်ရဴ ရဴဝွံ (သ္ဂးရ)။
၃၅၄။ ပ္ဍဲကာလမွဲအခိၚ် ကုတဳလပိုဉ်ဗေလဋ္ဌသဳသ မဒှ်အ္စာဥပဇ္ၛာယ် တဳလပိုဉ်အာနန္ဒဂှ် ဒှ်ဒၟံၚ်ယဲစော်ဇၞော်ရ၊ နကဵုဇၜိုတ်ဆီပတိုဟ်သရ သ္ၚာဂမၠိုၚ် ကာတ်ဗာန်ဒၟံၚ် ပ္ဍဲဇကုအိုတ်ရ၊ သ္ၚာဂမၠိုၚ်ဂှ် ခမဳဂမၠိုၚ် ဖ္ဍုက်ကဵုဖ္ဍုက်ကဵု နကဵုဍာ်တုဲ (ဆာပ်ဍာ်တုဲ) ခွါကယျာအိုတ်ရ။ တဳလမၞုံပိုဉ်ကျာ်တြဲ ဂေတ်ဂ္ၚေၚ်ဒေသစာရိတ်လၟေၚ်ဘာမ္ဂး ညာတ်ဒး ခမဳဂမၠိုၚ်ဂှ် ဖ္ဍုက်ကဵုဖ္ဍုက်ကဵု နကဵုဍာ်တုဲ (ဆာပ်ဍာ်တုဲ) ခွါကယျာပတိတ်ဒၟံၚ် သ္ၚာဂမၠိုၚ်ဂှ်တုဲ ပြာပ်အာဇရေၚ်ခမဳဂမၠိုၚ်တုဲမ္ဂး “ယွံခမဳတအ် ယဲခမဳဝွံတုန် မုယဲဂှ်ရော?” ရဴဝွံ (သၟာန်ရ)။ ယွံတဳလမၞုံပိုဉ် ယဲတဳလပိုဉ်ဝွံတုန် ယဲစော်ဇၞော်ရ၊ နကဵုဇၜိုတ်ဆီပတိုဟ် သ္ၚာဂမၠိုၚ် ကာတ်ဗာန်ဒၟံၚ် ပ္ဍဲဇကုအိုတ်ရ၊ သ္ၚာဂမၠိုၚ်ဂှ် ပိုဲဍိက်တအ်ညးဂမၠိုၚ် ဖ္ဍုက်ကဵုဖ္ဍုက်ကဵု နကဵုဍာ်တုဲ (ဆာပ်ဍာ်တုဲ) ခွါကယျာအိုတ်ရ၊ ရဴဝွံ (ဂရၚ်ပတီအိုတ်ရ)။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ယြဴကုခမဳမွဲ ယဲသၞော်ကီု ယဲကတောတ် ခ္ဍတ်မြန်ဗြိုအ်မာကီု ယဲဍာ်သရာဇွောဝ်ကီု ယဲစော်ဇၞော်ကီု နွံမ္ဂး၊ (ကုခမဳဂှ်) ကဵုအခေါၚ် သ္ၚာဂရောပ်စော်ရ” ရဴဝွံ သ္ဂးကဵုခမဳဂမၠိုၚ်ရ။
၃၅၅။ ပ္ဍဲအခိၚ်ဂှ် ဝိသာခါမၞုံယၟုမိဂါရမာတာ ဂိုၚ်ကေတ်နၚ်ယာတ်ဇိုတ်မုက်တုဲ ပြာပ်ကၠုၚ်ဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ်ပ္ဍဲဒၞါဲမွဲဂှ် “ယွံတဳလမၞုံပိုဉ် တဳလမၞုံပိုဉ်ကျာ်တြဲ ဩဝ်ဒုၚ်ဂိုၚ်ကေတ် ယာတ်ဇိုတ်မုက် အဲဍိက်ညိ၊ ပွမဒုၚ်ဂိုၚ်ကေတ်သာ်ဂှ် လုကဴကာလဗ္တံတ္ၚဲမဂၠိၚ်သ္ၚောဲ ကြက်ဒှ်တၞဟ်နဒတုဲမြမောဝ် တသိုခ်ကုအဲဍိက်ရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ ဒုၚ်ဂိုၚ်ကေတ်ယာတ်ဇိုတ်မုက်ရ။ ကြဴနူဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုဝိသာခါမၞုံယၟုမိဂါရမာတာ တီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာရ။ ပ္ဍဲအခိၚ်ဂှ် ဝိသာခါမၞုံယၟုမိဂါရမာတာဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတီညာတ်ကေတ် (ဒတုဲဖိုလ်မြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲမ္ဂး ဒၠိုက်ကတဵုနူဒၞါဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး သ္ပရှ်ေသှ်ေရဴဂဴကၠာစ္ဍးအာရ။ ကြဴနူဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ကဵုအခေါၚ် ယာတ်ဇိုတ်မုက်ရ” ရဴဝွံ သ္ဂးကဵုခမဳဂမၠိုၚ်ရ။
၃၅၆။ ပ္ဍဲအခိၚ်ဂှ် သၟိၚ်မလ္လမၞုံယၟုရောဇ ဒှ်မိတ်သဟာဲ တဳလပိုဉ်အာနန္ဒရ၊ ယာတ်တြေံကတဵုဒှ်ခေါမရး သၟိၚ်မလ္လမၞုံယၟုရောဇဂှ် အပ်စွံလဝ် ပ္ဍဲတဲတဳလပိုဉ်အာနန္ဒရ၊ ကုတဳလပိုဉ်အာနန္ဒလေဝ် နွံပၟိက်ကဵုယာတ်တြေံကတဵုဒှ်ခေါမရးရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် ကုခမဳမဍိုက်ပေၚ်တဴကေုာံအၚ်္ဂဂမၠိုၚ်မသုန်သာ်ဂှ် ကဵုအခေါၚ် တၞဟ်နဂိုၚ်ကေတ် ဗွဲမဍုက်ကေဝ်ဒဒှ်ေဒယှ်ရ။ မိတ်သဟာဲမကေၚ်ညာတ်လေဝ်ဒှ်မ္ဂး၊ ဃောဂျိုၚ်လမျီုလေဝ်ဒှ်မ္ဂး၊ “အဲဂိုၚ်ကေတ်မ္ဂး ကြက်ဒှ်ပွမမိပ်စိုတ်အိုဟ်တၟိုဟ်ရ” ရဴဝွံလေဝ် တီမ္ဂး။ ယွံခမဳတအ် ကုခမဳမဍိုက်ပေၚ်တဴကေုာံအၚ်္ဂဂမၠိုၚ်မသုန်သာ်ဝွံ ကဵုအခေါၚ် တၞဟ်နဂိုၚ်ကေတ် ဗွဲမဍုက်ကေဝ်ဒဒှ်ေဒယှ်ရ ရဴဝွံ (သ္ဂးရ)။ ၃၅၇။ ပ္ဍဲကာလမွဲအခိၚ် သ္ၚာပိဂတှ်ေ ဍိုၚ်ပေၚ်တဴ ကုခမဳဂမၠိုၚ်ရ၊ နွံပၟိက်ကဵုယာတ်ခ္ဍိုဟ်ဍာ်ဂမၠိုၚ်ကီု ထိုၚ်ဂမၠိုၚ်ကီုရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် ကဵုအခေါၚ် ယာတ်ခ္ဍိုဟ်ဍာ်ဂမၠိုၚ်ကီု ထိုၚ်ဂမၠိုၚ်ကီုရ ရဴဝွံ (သ္ဂးရ)။
၂၂၁။ သ္ၚာမၞုံပမာဏယုတ်အိုတ်မရုမ်ဂပ်ကဵုဝိကပ္ပန
[ပလေဝ်ဒါန် | ပလေဝ်ဒါန် တမ်ကၞက်]၃၅၈။ ပ္ဍဲအခိၚ်ဂှ် “သ္ၚာပိဂတှ်ေရဴဝွံကီု သ္ၚာသၞုက်ဗြဲရဴဝွံကီု သၞာနိသဳဒိုန်ရဴဝွံကီု သၞာလးတိက်ရဴဝွံကီု သ္ၚာဂရောပ်စော်ရဴဝွံကီု ယာတ်ဇိုန်မုက်ရဴဝွံကီ ယာတ်ပရိက္ခရရဴဝွံကီု သ္ၚာဂမၠိုၚ်အိုတ်သီု တဳလမၞုံပိုဉ်ကျာ်တြဲ ကဵုလဝ်အခေါၚ်ဂှ် ဒးသ္ပအဓိဋ္ဌာန်ဟာ ယာံဆဂှ်ဟွံသေၚ်မ္ဂး ဒးသ္ပဝိကပ္ပနဟာ” ရဴဝွံ ကသပ်ဒှ်ကၠုၚ် ကုခမဳဂမၠိုၚ်ရ။ ခမဳဂမၠိုၚ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် သ္ၚာပိဂတှ်ေဂှ် ကဵုအခေါၚ် တၞဟ်နပတိုန်အဓိဋ္ဌာန် တၞဟ်နစွံသီုဟွံသ္ပဝိကပ္ပနရ၊ သ္ၚာသၞုက်ဗြဲဂှ် လုကဴဂိတုဲဗြဲ တၞဟ်နပတိုန်အဓိဋ္ဌာန် လောန်ဂိတုဗြဲတုဲပ္ဍဲကြဴ တၞဟ်နသ္ပဝိကပ္ပန၊ နိသဳဒိုန်ဂှ် တၞဟ်နပတိုန်အဓိဋ္ဌာန် တၞဟ်နစွံသီုဟွံသ္ပဝိကပ္ပန၊ သၞာလးတိက်ဂှ် တၞဟ်နပတိုန်အဓိဋ္ဌာန် တၞဟ်နစွံသီုဟွံသ္ပဝိကပ္ပန၊ သ္ၚာဂရောပ်စော်ဂှ် လုကဴကာလမၞုံကဵုယဲ တၞဟ်နပတိုန်အဓိဋ္ဌာန် ယဲဗၠးတုဲပ္ဍဲကြဴ တၞဟ်နသ္ပဝိကပ္ပန၊ ယာတ်ဇိုန်မုက်ဂှ် တၞဟ်နပတိုန်အဓိဋ္ဌာန် တၞဟ်နစွံဟွံသ္ပဝိကပ္ပန၊ ပရိက္ခာရစောဠဂှ် တၞဟ်နပတိုန်အဓိဋ္ဌာန် တၞဟ်နစွံသီုဟွံသ္ပဝိကပ္ပန ကဵုအခေါၚ်ရ ရဴဝွံ (သ္ဂးရ)။ ကြဴနူဂှ် “သ္ၚာမၞုံဗၞတ်ဗ္ၜတ်ယုတ်အိုတ်ဗၞတ်လဵု ထေက်ကဵုသ္ပဝိကပ္ပနရော?” ရဴဝွံ ကသပ်ဒှ်ကၠုၚ် ကုခမဳဂမၠိုၚ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြရ။ ယွံခမဳတအ် သ္ၚာမၞုံဗၞတ်ဗ္ၜတ် ယုတ်အိုတ် နလပုဟ်တဲကျာ် ဇမၠိုၚ်ဒ္စာံလပုဟ်တဲ အနာံပန်လပုဟ်တဲဂှ် ကဵုအခေါၚ် တၞဟ်နသ္ပဝိကပ္ပနရ ရဴဝွံ (သ္ဂးရ)။
၃၅၉။ ပ္ဍဲကာလမွဲအခိၚ် သ္ၚာပံၚ်သုကူတဳလပိဒည်မဟာကဿပ (ဟိုတ်မနာပ်ဗၠအ်လဝ် ဒၞါဲအိုတ်တြေံဂှ်ရ) ဇြိုၚ်လောန်ဒှ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် ကဵုအခေါၚ် သွက်ဂွံနာပ်ဗၠအ် နကဵုတောဝ်ရ ရဴဝွံ (သ္ဂးရ)။ ဒကဴဟွံညဳဒှ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် တၞဟ်နကုတ်ထောံဒကဴ ကဵုအခေါၚ်ရ ရဴဝွံ (သ္ဂးရ)။ တောဝ်ဂမၠိုၚ် လကဲတိတ်ဂမၠိုၚ်ဒှ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် တၞဟ်နပတိုန် ဒရီုအမာတ်ဇမၠိုၚ်ကီု ဒရီုအမာတ်မနာံကီု ကဵုအခေါၚ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် အာမာတ်သကိုပ်ဂမၠိုၚ် ကလှ်စှ်ေအိုတ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် တၞဟ်နဖျေံခဏ်တုဲဇိၚ်ဂှ် ကဵုအခေါၚ်ရ ရဴဝွံ (သ္ဂးရ)။
၃၆၀။ ပ္ဍဲကာလမွဲအခိၚ် ကုခမဳမွဲဇကု ဇိၚ်သ္ပသ္ၚာပိဂတှ်ေမ္ဂး နမရေက်ကုတ်သီုပိဂတှ်ေဂှ် ဟွံရုမ်ဟွံဂပ်ဒှ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် ရေက်ကုတ်သ္ၚာဂမၠိုၚ် ၜါဂတှ်ေတုဲ သွက်ဟွံရေက်ကုတ်သ္ၚာမွဲဂတှ်ေဂှ် ကဵုအခေါၚ်ရ ရဴဝွံ (သ္ဂးရ)။ ရေက်ကုတ်သ္ၚာဂမၠိုၚ် ၜါဂတှ်ေတုဲ ၜိုန်စွံလဝ် သီုဟွံရေက်ကုတ် သ္ၚာမွဲဂတှ်ေလေဝ် ဟွံရုမ်ဂပ်ပၠန်ဒှ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် ဟွံရေက်ကုတ်သ္ၚာဂမၠိုၚ် ၜါဂတှ်ေတုဲ သွက်ဂွံရေက်ကုတ်သ္ၚာမွဲဂတှ်ေဂှ် ကဵုအခေါၚ်ရ ရဴဝွံ (သ္ဂးရ)။ ဟွံရေက်ကုတ်သ္ၚာဂမၠိုၚ် ၜါဂတှ်ေတုဲ ၜိုန်ရေက်ကုတ်သ္ၚာမွဲဂတှ်ေလေဝ် ဟွံရုမ်ဟွံဂပ်ပၠန်ဒှ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် တၞဟ်နပတိုၚ်ဂၠးအာဂန္တုကဂှ် ကဵုအခေါၚ်ရ ရဴဝွံ (သ္ဂးရ)။ ယွံခမဳတအ် ဟဂပ်ဝ်ပကၚ်ရၚ် သ္ၚာမဟွံရေက်ကုတ်အလုံအိုတ်သီုရ၊ ယြဴခမဳမွဲ ပကၚ်ရၚ်မ္ဂး၊ ကုခမဳဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၃၆၁။ ပ္ဍဲကာလမွဲအခိၚ် သ္ၚာဗွဲမဂၠိုၚ် ကတဵုဒှ်ကၠုၚ် ကုခမဳမွဲဇကုရ၊ ခမဳဂှ် မိက်ကဵုသ္ၚာကုမိမဂမၠိုၚ်ရ။ (ခမဳသအာၚ်ဂမၠိုၚ်) ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် ခမဳဂမၠိုၚ်မမိက်ကဵု ကုမိမဂမၠိုၚ်ဂှ် ပသာ်ဂွံဟီုသ္ဂးအိုတ်ရော? ယွံခမဳတအ် တၞဟ်နကဵုမိမဂမၠိုၚ် ကဵုအခေါၚ်ရ ရဴဝွံ (သ္ဂးရ)။ ယွံခမဳတအ် ဟဂပ်ဝ်ပလီုပလာ် ပစ္စယ်မၞုံကဵုသဒ္ဓါတုဲမကဵုဒါန်ရ၊ ယြဴခမဳမွဲ ပလီုပလာ်မ္ဂး၊ ကုခမဳဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၃၆၂။ ပ္ဍဲကာလမွဲအခိၚ် ခမဳမွဲဇကု စွံပတန်လဝ် သ္ၚာ (သကိုပ်) ပ္ဍဲဂြိုပ်အန္ဓဝိုန်တုဲမ္ဂး နကဵုသပိုၚ်သ္ၚာ လုပ်ဂ္ၚေၚ်ပိဏ္ဍပါတ် အပ္ဍဲကွာန်ရ၊ ကမၠတ်ဂမၠိုၚ် ကၠတ်ဏာသ္ၚာသကိုပ်ဂှ်အိုတ်ရ၊ ခမဳဂှ် ယာတ်သ္ၚာ အောန်အာရ၊ မၞုံကဵုသ္ၚာကၠိခ္ဍက်ၚေတ်ပေတ်ရ၊ ခမဳဂမၠိုၚ် “ယွံကောန်တၠ တၠအဲ မုဟိုတ် ယာတ်သ္ၚာ အောန်အာရော? မၞုံကဵုသ္ၚာကၠိခ္ဍက်ၚေတ်ပေတ်ရော?” ရဴဝွံ သၟာန်အိုတ်ရ။ ယွံကောန်တၠတအ် အဲဍိက် စွံပတန်လဝ် သ္ၚာ (သကိုပ်) ပ္ဍဲဂြိုပ်အန္ဓဝိုန်တုဲမ္ဂး နကဵုသပိုၚ်သ္ၚာ လုပ်ဂ္ၚေၚ်ပိဏ္ဍပါတ် အပ္ဍဲကွာန်ရ၊ ကမၠတ်ဂမၠိုၚ် ကၠတ်ဏာသ္ၚာသကိုပ်ဂှ်အိုတ်ရ၊ ဟိုတ်ဂှ်ရ ယာတ်သ္ၚာ ဒးအောန်အာရ၊ မၞုံကဵုသ္ၚာကၠိခ္ဍက်ၚေတ်ပေတ်ရ ရဴဝွံ (သ္ဂးရ)။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် နအယာံမာတ်သပိုၚ်သ္ၚာ ဟဂပ်ဝ်လုပ်အပ္ဍဲကွာန်ရ၊ ကုခမဳ မလုပ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ ပ္ဍဲအခိၚ်ဂှ် တဳလပိုည်အာနန္ဒ ဝိုတ်အာတုဲ နအယာံမာတ်သပိုၚ်သ္ၚာ လုပ်ဂ္ၚေၚ်ပိဏ္ဍပါတ် အပ္ဍဲကွာန်ရ၊ ခမဳဂမၠိုၚ် “ယွံကောန်တၠအာနန္ဒ တဳလမၞုံပိုဉ်ကျာ်တြဲဂှ် နအယာံမာတ်သပိုၚ်သ္ၚာ ဟဂပ်ဝ်လုပ်အပ္ဍဲကွာန်ရ ရဴဝွံ ပညပ်လဝ်သိက္ခာပိုဒ်ရ ဟွံသေၚ်ဟာ၊ ယွံကောန်တၠအာနန္ဒ တၠအဲ မုဟိုတ် နအယာံမာတ်သပိုၚ်သ္ၚာ လုပ်အပ္ဍဲကွာန်ရော?” ရဴဝွံ ဟီုသ္ဂးအိုတ်ရ။ ယွံကောန်တၠတအ် “နအယာံမာတ်သပိုၚ်သ္ၚာ ဟဂပ်ဝ်လုပ်အပ္ဍဲကွာန်ရ” ရဴဝွံ တဳလမၞုံပိုဉ်ကျာ်တြဲ ပညပ်လဝ်ဂှ် ဍာံပြရ၊ ၜိုန်ဂှ် အဲဍိက် ဝိုတ်အာဒှ်တုဲ လုပ်ဒးရ ရဴဝွံ (သ္ဂးရ)။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် ဟိုတ်ပွမစွံပတန်သကိုပ်မာန်ဂမၠိုၚ်တုန် ဣဝွံမသုန်ပြကာအိုတ်ရ။ ဂိယဲလေဝ် ကဵုဒှ်၊ ဂိတုဲဗြဲလေဝ်ကဵုဒှ်၊ မိက်အာသြၚ်ကြုၚ်မွဲလပါ်လေဝ် ကဵုဒှ်၊ ဘာမၞုံကဵုသၠတြၚ် မဂြောပ်ဗ္ဒန်လေဝ် ကဵုဒှ်၊ မၞုံကဵုအထိုန်မလလးတုဲလေဝ် ကဵုဒှ်၊ ယွံခမဳတအ် ဟိုတ်ပွမစွံပတန်သကိုပ်မာန်ဂမၠိုၚ်တုန် ဣဝွံမသုန်ပြကာအိုတ်ရ။ ယွံခမဳတအ် ဟိုတ်ပွမစွံပတန်သ္ၚာ ပွမစွံပတန်သပိုၚ်မာန်ဂမၠိုၚ်တုန် ဣဝွံမသုန်ပြကာအိုတ်ရ။ ဂိယဲလေဝ်ကဵုဒှ်၊ ဂိတုဗြဲလေဝ် ကဵုဒှ်၊ မိက်အာသြၚ်ကြုၚ်မွဲလပါ်လေဝ် ကဵုဒှ်၊ ဘာမၞုံကဵုသၠတြၚ် မဂြောပ်ဗ္ဒန်လေဝ် ကဵုဒှ်၊ မၞုံကဵုအထိုန်မလလးတုဲလေဝ် ကဵုဒှ်၊ ယွံခမဳတအ် ဟိုတ်ပွမစွံပတန်သ္ၚာ ပွမစွံပတန်သပိုၚ်မာန်ဂမၠိုၚ်တုန် ဣဝွံမသုန်ပြကာအိုတ်ရ။ ယွံခမဳတအ် ဟိုတ်ပွမစွံပတန်သ္ၚာသၞုက်ဗြဲမာန်ဂမၠိုၚ်တုန် ဣဝွံမသုန်ပြကာအိုတ်ရ။ ဂိယဲလေဝ်ကဵုဒှ်၊ မိက်အာမ္ၚးသိမ်လေဝ်ကဵုဒှ်၊ မိက်အာသြၚ်ကြုၚ်မွဲလပါ်လေဝ် ကဵုဒှ်၊ ဘာမၞုံကဵုသၠတြၚ် မဂြောပ်ဗ္ဒန်လေဝ် ကဵုဒှ်၊ ဟွံဂွံဇိၚ်သ္ၚာသၞုက်ဗြဲဏီကီုကဵုဒှ် ဇိၚ်ဟွံတုဲဏီကီုကဵုဒှ်၊ ယွံခမဳတအ် ဟိုတ်ပွမစွံပတန်သ္ၚာသၞုက်ဗြဲမာန်ဂမၠိုၚ်တုန် ဣဝွံမသုန်ပြကာအိုတ်ရ ရဴဝွံ (သ္ဂးရ)။
၂၂၂။ သ္ၚာသံဃိကတဵုဒှ်
[ပလေဝ်ဒါန် | ပလေဝ်ဒါန် တမ်ကၞက်]၃၆၃။ ပ္ဍဲကာလမွဲအခိၚ် ခမဳမွဲဇကု ညးမွဲဓဝ် ပြာပ်လုပ်ဒဂိုန်ရ။ မၞိဟ်ဂမၠိုၚ် “ကဵုဒါန်ကုသၚ်ရ” ရဴဝွံ သ္ဂးတုဲ ကဵုဒါန်သ္ၚာဂမၠိုၚ် ပ္ဍဲဘာဂှ်အိုတ်ရ။ ပ္ဍဲအခိၚ်ဂှ်− “တဳလမၞုံပိုဉ်ကျာ်တြဲဂှ် ‘အောန်အိုတ်မၞုံကဵုဂကောံပန်ဇကုမှ သၚ်မ္ဂးရ’ ရဴဝွံ ပညပ်လဝ်ရ၊ အဲတုန် ဒှ်ဒၟံၚ်ညးမွဲဓဝ်ဟေၚ်ရ၊ မၞိဟ်ဂမၠိုၚ်ဝွံလေဝ် ‘ကဵုဒါန် ကုသၚ်ရ’ ရဴဝွံ သ္ဂးတုဲ ကဵုဒါန် သ္ၚာဂမၠိုၚ်အိုတ်ရ၊ အဲဂွံရၚ်တၠုၚ်ဏာ သ္ၚာဂမၠိုၚ်မဒှ်ဂြပ်သၚ်ဝွံ ဇရေၚ်ဍုၚ်သာရဝှ်မ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုခမဳဂှ်ရ။ ကြဴနူဂှ် ခမဳဂှ် ဂိုၚ်ကေတ်သ္ၚာဂမၠိုၚ်တုဲ ဍုၚ်သာရဝှ်တုဲမ္ဂး ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳ သ္ၚာဂမၠိုၚ် စဵုကဵုပိုက်နုက်ကထိုန် ဒှ်သ္ၚာတၠအဲဂမၠိုၚ်ဟေၚ်ရ ရဴဝွံ (သ္ဂးရ)။ ယွံခမဳတအ် ပ္ဍဲသာသနာဝွံ ခမဳဂှ် မွဲဇကုဓဝ် ပြာပ်လုပ်ဒဂိုန်ရ။ မၞိဟ်ဂမၠိုၚ် “ကဵုဒါန် ကုသၚ်ရ” ရဴဝွံ သ္ဂးတုဲ ကဵုဒါန်သ္ၚာဂမၠိုၚ် ပ္ဍဲဘာဂှ်အိုတ်မ္ဂး။ ယွံခမဳ သ္ၚာဂမၠိုၚ်ဂှ် စဵုကဵုပိုက်နုက်ကထိုန် ကဵုအခေါၚ် ကုခမဳဂှ်ဟေၚ်ရ ရဴဝွံ (သ္ဂးရ)။ ပ္ဍဲကာလမွဲအခိၚ် ခမဳမွဲဇကု ပ္ဍဲကာလမသအာၚ်နူဂိတုဗြဲပန်ဂိတု ညးမွဲဓဝ်ပဒတဴဒၟံၚ်ရ။ မၞိဟ်ဂမၠိုၚ် “ကဵုဒါန် ကုသၚ်ရ” ရဴဝွံ သ္ဂးတုဲ ကဵုဒါန်သ္ၚာဂမၠိုၚ် ပ္ဍဲဘာဂှ်အိုတ်ရ။ ပ္ဍဲအခိၚ်ဂှ်− “တဳလမၞုံပိုဉ်ကျာ်တြဲဂှ် ‘အောန်အိုတ်မၞုံကဵုဂကောံပန်ဇကုမှ သၚ်မ္ဂးရ’ ရဴဝွံ ပညပ်လဝ်ရ၊ အဲတုန် ဒှ်ဒၟံၚ်ညးမွဲဓဝ်ဟေၚ်ရ၊ မၞိဟ်ဂမၠိုၚ်လေဝ် ‘ကဵုဒါန် ကုသၚ်ရ’ ရဴဝွံ သ္ဂးတုဲ ကဵုဒါန် သ္ၚာဂမၠိုၚ်အိုတ်ရ၊ အဲဂွံရၚ်တၠုၚ်ဏာ သ္ၚာဂမၠိုၚ်မဒှ်ဂြပ်သၚ်ဝွံ ဇရေၚ်ဍုၚ်သာရဝှ်မ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုခမဳဂှ်ရ။ ကြဴနူဂှ် ခမဳဂှ် ဂိုၚ်ကေတ်သ္ၚာဂမၠိုၚ်တုဲ ဍုၚ်သာရဝှ်တုဲမ္ဂး ဟီုလဴဗ္စ ဟိုတ်ပရူပရာဝွံ ကုခမဳဂမၠိုၚ်ရ၊ ခမဳဂမၠိုၚ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နပါ်ပရအ်ကေုာံသၚ် မဒှ်ဂတမုက် ကဵုအခေါၚ်ရ။ ယွံခမဳတအ် ပ္ဍဲသာသနာဝွံ ခမဳဂှ် ပ္ဍဲကာလမသအာၚ်နူဂိတုဗြဲပန်ဂိတု ညးမွဲဓဝ်ပဒတဴဒၟံၚ်ရ။ မၞိဟ်ဂမၠိုၚ် “ကဵုဒါန် ကုသၚ်ရ” ရဴဝွံ သ္ဂးတုဲ ကဵုဒါန်သ္ၚာဂမၠိုၚ် ပ္ဍဲဘာဂှ်အိုတ်ရ။ ယွံခမဳတအ် ခမဳဂှ် “သ္ၚာဂမၠိုၚ်ဝွံတုန် သ္ၚာအဲဂမၠိုၚ်ရ” ရဴဝွံ တၞဟ်နသှ်ပတူသ္ၚာဂမၠိုၚ် ကဵုအခေါၚ်ရ ရဴဝွံ (သ္ဂးရ)။ ယွံခမဳတအ် ကိုပ်ကၠာခမဳဂှ် ဟဂွံသှ်ပတူသ္ၚာဂှ် ယဝ်ခမဳမွဲသအာၚ် ကၠုၚ်စိုပ်မ္ဂး၊ ဂပ်ဝ်ဒးကဵုသွက်ဘိုအ် မညဳသာသၟဟ်သၟန်ရ။ ယွံခမဳတအ် ခမဳဂမၠိုၚ်ဂှ် ပါ်ပရအ်သ္ၚာဂှ်မ္ဂး ကိုပ်ကၠာထောံမာဲဟွံတုဲဏီ ယဝ်ခမဳမွဲသအာၚ် ကၠုၚ်စိုပ်မ္ဂး၊ ဂပ်ဝ်ဒးကဵု သွက်ဘိုအ်မညဳသာသၟဟ်သၟန်ရ။ ယွံခမဳတအ် ခမဳဂမၠိုၚ်ဂှ် ပါ်ပရအ်သ္ၚာဂှ်တုဲ ထောံမာဲတုဲမှ ခမဳမွဲသအာၚ် ကၠုၚ်စိုပ်မ္ဂး၊ ဟွံမိက်ကဵုမ္ဂး ဟွံဒးကဵုသွက်ဘိုအ်ရ။ ပ္ဍဲကာလမွဲအခိၚ် တဳလပိုဉ်ဣသိဒါသ ကေုာံဣသိဘဋ ထေရ်ကောဒေံဂမၠိုၚ်ၜါဇကု ဒၠိုက်ကတဵုနူဝသ် ပ္ဍဲဍုၚ်သာရဝှ်ဂမၠိုၚ်ဒှ်တုဲ အာဘာကွာန်သၟတ်မွဲအိုတ်ရ။ မှာထေရ်ဂမၠိုၚ် လအ်လမှက္ညကၠုၚ်အိုတ်ရ ရဴဝွံ ပၠုပ်စိုတ်တုဲ မၞိဟ်ဂမၠိုၚ် ကဵုပိဏ္ဍပါတ် မွဲဟာန်ကေုာံသ္ၚာအိုတ်ရ။ ခမဳပဒတဴဘာဂမၠိုၚ် “ယွံတဳလပိုဉ်တအ် သ္ၚာဂမၠိုၚ်မဒှ်ဂြပ်သၚ်ဝွံ သ္ပနိဿဲဗ္ဒာဲကဵုမှာထေရ်ဂမၠိုၚ်တုဲ ကတဵုဒှ်ကၠုၚ်အိုတ်ရ၊ မှာထေရ်ဂမၠိုၚ် သာယျေန်သွက်ဘိုအ်အိုတ်ဟာ” ရဴဝွံ သၟာန်မှာထေရ်ဂမၠိုၚ်အိုတ်ရ။ မှာထေရ်ဂမၠိုၚ် “ယွံကောန်တၠတအ် ပိုဲညးဂမၠိုၚ်တုန် တီတဴ ဓရ်အတိုၚ်တဳလမၞုံပိုဉ်ကျာ်တြဲတွံလဝ်အိုတ်ရ၊ သ္ၚာဂမၠိုၚ်ဂှ် စဵုကဵုပိုက်နုက်ကထိုန် ဒှ်သ္ၚာမၞးတအ်ညးဂမၠိုၚ်ဟေၚ်ရ” ရဴဝွံ သ္ဂးအိုတ်ရ။ ပ္ဍဲကာလမွဲအခိၚ် ခမဳဂမၠိုၚ်ပိဇကု ပြာပ်လုပ်ဒဂိုန် ပ္ဍဲဍုၚ်ရာဇဂြိုပ်အိုတ်ရ။ မၞိဟ်ဂမၠိုၚ် “ကဵုဒါန် ကုသၚ်ရ” ရဴဝွံ သ္ဂးတုဲ ကဵုဒါန်သ္ၚာဂမၠိုၚ် ပ္ဍဲဘာဂှ်အိုတ်ရ။ ပ္ဍဲအခိၚ်ဂှ်− “တဳလမၞုံပိုဉ်ကျာ်တြဲဂှ် ‘အောန်အိုတ်မၞုံကဵုဂကောံပန်ဇကုမှ သၚ်မ္ဂးရ’ ရဴဝွံ ပညပ်လဝ်ရ၊ ပိုဲညးဂမၠိုၚ်တုန် ဒှ်ဒၟံၚ်ပိဇကုဟေၚ်အိုတ်ရ၊ မၞိဟ်ဂမၠိုၚ်လေဝ် ‘ကဵုဒါန် ကုသၚ်ရ’ ရဴဝွံ သ္ဂးတုဲ ကဵုဒါန်သ္ၚာဂမၠိုၚ်အိုတ်ရ၊ ပိုဲညးဂမၠိုၚ် မုရဴသာ်လဵု ဂွံဒ္ဂေတ်သ္ပရော?” ရဴဝွံ ကသပ်ဒှ်ကၠုၚ် ကုခမဳဂမၠိုၚ်ဂှ်ရ။ ပ္ဍဲအခိၚ်ဂှ် တဳလပိုဉ်နဳလဝါသဳ တဳလပိုဉ်သာဏဝါသဳ တဳလပိုဉ်ဂေါတက တဳလပိုဉ်ဘဂု တဳလပိုဉ် ဖဠိကသန္တာနဂမၠိုၚ် မဒှ်မှာထေရ်ဇၞော်မဂၠိုၚ်ဂၠၚ် သ္ပဒတဴဒၟံၚ် ပ္ဍဲဘာကုက္ကုဋာရာမ် ဇရေၚ်ဍုၚ်ပါဋလိပုတ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် အာဍုၚ်ပါဋလိပုတ်တုဲ သၟာန်မှာထေရ်ဂမၠိုၚ်အိုတ်ရ။ မှာထေရ်ဂမၠိုၚ် “ယွံကောန်တၠတအ် ပိုဲညးဂမၠိုၚ်တုန် တီတဴ ဓရ်အတိုၚ်တဳလမၞုံပိုဉ်ကျာ်တြဲတွံလဝ်အိုတ်ရ၊ သ္ၚာဂမၠိုၚ်ဂှ် စဵုကဵုပိုက်နုက်ကထိုန် ဒှ်သ္ၚာမၞးတအ်ညးဂမၠိုၚ်ဟေၚ်ရ” ရဴဝွံ သ္ဂးအိုတ်ရ။
၂၂၃။ ဝတ္ထုတဳလပိုဉ်ဥပနန္ဒ ကောန်သၟိၚ်သာကျဝၚ်
[ပလေဝ်ဒါန် | ပလေဝ်ဒါန် တမ်ကၞက်]၃၆၄။ ပ္ဍဲကာလမွဲအခိၚ် တဳလပိုဉ်ဥပနန္ဒ မဒှ်ကောန်သၟိၚ်သာကျဝၚ် ဒၠိုက်ကတဵုနူဝသ် ပ္ဍဲဍုၚ်သာရဝှ်ဒှ်တုဲ အာဘာကွာန်သၟတ်မွဲရ။ ပ္ဍဲဘာဂှ်လေဝ် ခမဳဂမၠိုၚ် မိက်ပါ်ပရအ်သ္ၚာဒှ်တုဲ ကောံဓရီုအိုတ်ရ၊ ခမဳဂမၠိုၚ်ဂှ် “ယွံကောန်တၠ ကြက်ပါ်ပရအ် သ္ၚာဂမၠိုၚ်မဒှ်ဂြပ်သၚ်ဝွံအိုတ်ရ၊ သာယျေန် သွက်ဘိုအ်ဟာ” ရဴဝွံ သၟာန်သၟုက်အိုတ်ရ။ (ဥပနန္ဒဂှ်) ယွံကောန်တၠတအ် သာယျေန်ရ ရဴဝွံ (ဟီုသ္ဂးတုဲမ္ဂး) ဂိုၚ်ကေတ် သွက်ဘိုအ်သ္ၚာ နူဘာဂှ်တုဲ အာဘာသအာၚ်မွဲပၠန်ရ။ ပ္ဍဲဘာဂှ်လေဝ် ခမဳဂမၠိုၚ် မိက်ပါ်ပရအ်သ္ၚာဒှ်တုဲ ကောံဓရီုအိုတ်ရ၊ ခမဳဂမၠိုၚ်ဂှ် “ယွံကောန်တၠတအ် ကြက်ပါ်ပရအ်သ္ၚာဂမၠိုၚ် မဒှ်ဂြပ်သၚ်ဝွံအိုတ်ရ၊ သာယျေန် သွက်ဘိုအ်ဟာ” ရဴဝွံ သၟာန်သၟုက်အိုတ်ရ။ ယွံကောန်တၠတအ် သာယျေန်ရ ရဴဝွံ (ဟီုသ္ဂးတုဲမ္ဂး) နူဘာဂှ်လေဝ် ဂိုၚ်ကေတ် သွက်ဘိုအ်သ္ၚာတုဲ အာဘာသအာၚ်မွဲပၠန်ရ။ ပ္ဍဲဘာဂှ်လေဝ် ခမဳဂမၠိုၚ် မိက်ပါ်ပရအ်သ္ၚာဒှ်တုဲ ကောံဓရီုအိုတ်ရ၊ ခမဳဂမၠိုၚ်ဂှ် “ယွံကောန်တၠတအ် ကြက်ပါ်ပရအ်သ္ၚာဂမၠိုၚ် မဒှ်ဂြပ်သၚ်ဝွံအိုတ်ရ၊ သာယျေန် သွက်ဘိုအ်ဟာ” ရဴဝွံ သၟာန်သၟုက်အိုတ်ရ။ ယွံကောန်တၠတအ် သာယျေန်ရ ရဴဝွံ (ဟီုသ္ဂးတုဲမ္ဂး) နူဘာဂှ်လေဝ် ဂိုၚ်ကေတ် သွက်ဘိုအ်သ္ၚာတုဲ ဂိုၚ်ကေတ်ဂွဳစိုတ်သ္ၚာမဇၞော်တုဲမ္ဂး မွဲလှ်ေပၠန် ကလေၚ်ကၠုၚ်ဍုၚ်သာရဝှ်ရ။ ခမဳဂမၠိုၚ် “ယွံကောန်တၠဥပနန္ဒ တၠအဲ ပိုဉ်ဇၞော်ကွေံသွံ၊ သ္ၚာဗွဲမဂၠိုၚ် ကတဵုဒှ်ကုတၠအဲရ” ရဴဝွံ သ္ဂးအိုတ်ရ။ ယွံကောန်တၠတအ် သာ်လဵု ပိုဉ်ဂွံဇၞော်ကုအဲရော? အဲ ဒၠိုက်ကတဵုနူဝသ် ပ္ဍဲဍုၚ်သာရဝှ် ဒှ်တုဲ အာဘာကွာန်သၟတ်မွဲတုဲရ။ ပ္ဍဲဘာဂှ်လေဝ် ခမဳဂမၠိုၚ် မိက်ပါ်ပရအ်သ္ၚာဒှ်တုဲ ကောံဓရီုအိုတ်ရ၊ ခမဳဂမၠိုၚ်ဂှ် “ယွံကောန်တၠ ကြက်ပါ်ပရအ် သ္ၚာဂမၠိုၚ်မဒှ်ဂြပ်သၚ်ဝွံအိုတ်ရ၊ သာယျေန် သွက်ဘိုအ်ဟာ” ရဴဝွံ သၟာန်သၟုက်အိုတ်ရ။ ယွံကောန်တၠတအ် သာယျေန်ရ ရဴဝွံ (ဟီုသ္ဂးတုဲမ္ဂး) ဂိုၚ်ကေတ် သွက်ဘိုအ်သ္ၚာ နူဘာဂှ်တုဲ အာဘာသအာၚ်မွဲပၠန်ရ။ ပ္ဍဲဘာဂှ်လေဝ် ခမဳဂမၠိုၚ် မိက်ပါ်ပရအ်သ္ၚာဒှ်တုဲ ကောံဓရီုအိုတ်ရ၊ ခမဳဂမၠိုၚ်ဂှ် “ယွံကောန်တၠ ကြက်ပါ်ပရအ် သ္ၚာဂမၠိုၚ်မဒှ်ဂြပ်သၚ်ဝွံအိုတ်ရ၊ သာယျေန် သွက်ဘိုအ်ဟာ” ရဴဝွံ သၟာန်သၟုက်အဲအိုတ်ရ။ ယွံကောန်တၠတအ် သာယျေန်ရ ရဴဝွံ (ဟီုသ္ဂးတုဲမ္ဂး) နူဘာဂှ်လေဝ် ဂိုၚ်ကေတ် သွက်ဘိုအ်သ္ၚာတုဲ အာဘာသအာၚ်မွဲပၠန်ရ။ ပ္ဍဲဘာဂှ်လေဝ် ခမဳဂမၠိုၚ် မိက်ပါ်ပရအ်သ္ၚာဒှ်တုဲ ကောံဓရီုအိုတ်ရ၊ ခမဳဂမၠိုၚ်ဂှ် “ယွံကောန်တၠ ကြက်ပါ်ပရအ် သ္ၚာဂမၠိုၚ်မဒှ်ဂြပ်သၚ်ဝွံအိုတ်ရ၊ သာယျေန် သွက်ဘိုအ်ဟာ” ရဴဝွံ သၟာန်သၟုက်အဲအိုတ်ရ။ ယွံကောန်တၠတအ် သာယျေန်ရ ရဴဝွံ (ဟီုသ္ဂးတုဲမ္ဂး) နူဘာဂှ်လေဝ် ဂိုၚ်ကေတ် သွက်ဘိုအ်သ္ၚာရ၊ အတိုၚ်သ္ဂးကၠုၚ်တုဲဝွံ သ္ၚာဗွဲမဂၠိုၚ် ကတဵုဒှ်ကုအဲရ ရဴဝွံ (သ္ဂးရ)။ ယွံကောန်တၠဥပနန္ဒ တၠအဲ သီုကဵုဒၠိုက်ကတဵုနူဝသ် ပ္ဍဲဘာမွဲသအာၚ်ဂှ် သာယျေန် သွက်ဘိုအ်သ္ၚာ ပ္ဍဲဘာမွဲသအာၚ်ဟာ ရဴဝွံ (သၟာန်သၟုက်အိုတ်ရ)။ ယွံကောန်တၠတအ် သာ်ယျေန်ဂှ် ဍာံပြရ ရဴဝွံ (သ္ဂးရ)။ ခမဳပၟိက်အောန်ဂမၠိုၚ်ဂှ် “မုဟိုတ် တဳလပိုဉ်ဥပနန္ဒ မဒှ်ကောန်သၟိၚ်သာကျဝၚ် သီုကဵုဒၠိုက်ကတဵုနူဝသ် ပ္ဍဲဘာမွဲသအာၚ်ဂှ် သာယျေန် သွက်ဘိုအ်သ္ၚာ ပ္ဍဲဘာမွဲသအာၚ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံဥပနန္ဒ တၠအဲ သီုကဵုဒၠိုက်ကတဵုနူဝသ် ပ္ဍဲဘာမွဲသအာၚ်ဂှ် သာယျေန် သွက်ဘိုအ်သ္ၚာ ပ္ဍဲဘာမွဲသအာၚ်ရ ဟီုဂှ် ဍာံပြဟာ ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ ယွံတြုံမလ္ၚုသၟး (နူမဂ်ဖိုလ်) တၠအဲ မုဟိုတ် သီုကဵုဒၠိုက်ကတဵုနူဝသ် ပ္ဍဲဘာမွဲသအာၚ်ဂှ် သာယျေန် သွက်ဘိုအ်သ္ၚာ ပ္ဍဲဘာမွဲသအာၚ်ရော? ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး “ယွံခမဳတအ် ခမဳ မဒၠိုက်ကတဵုနူဝသ် ပ္ဍဲဘာမွဲသအာၚ်ဂှ် ဟဂပ်ဝ်သာယျေန် သွက်ဘိုအ်သ္ၚာ ပ္ဍဲဘာမွဲသအာၚ်ရ၊ ကုခမဳမသာယျေန်ဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။ ပ္ဍဲကာလမွဲအခိၚ် တဳလပိုဉ်ဥပနန္ဒ မဒှ်ကောန်သၟိၚ်သာကျဝၚ် “သ္ပရဴဝွံမ္ဂး သ္ၚာဗွဲမဂၠိုၚ် ကြက်ကတဵုဒှ် ကုအဲရ” ရဴဝွံ ပၠုပ်စိုတ်တုဲ သီုကဵုဒှ်တဴညးမွဲဓဝ် ပြာပ်လုပ်ဒဂိုန် ပ္ဍဲဘာဂမၠိုၚ်ၜါဘာရ။ ပ္ဍဲအခိၚ်ဂှ် “မုရဴသာ်လဵု သွက်ဘိုအ်သ္ၚာ ကုတဳလပိုဉ်ဥပနန္ဒ ကောန်သၟိၚ်သာကျဝၚ်ရော?” ရဴဝွံ ကသပ်ဒှ်ကၠုၚ် ကုခမဳဂမၠိုၚ်ဂှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဩဝ်ကဵုမွဲသွက် ကုတြုံမလ္ၚုသၟး (နူမဂ်ဖိုလ်) အိုတ်ညိ၊ ယွံခမဳတအ် ပ္ဍဲသာသနာဝွံ ခမဳဂှ် “သ္ပရဴဝွံမ္ဂး သ္ၚာဗွဲမဂၠိုၚ် ကြက်ကတဵုဒှ် ကုအဲရ” ရဴဝွံ ပၠုပ်စိုတ်တုဲ သီုကဵုဒှ်တဴညးမွဲဓဝ် ပြာပ်လုပ်ဒဂိုန် ပ္ဍဲဘာဂမၠိုၚ်ၜါဘာရ။ ယဝ်ပဒတဴ ပ္ဍဲဘာမၞုံယၟုဝွံကဝက် ပ္ဍဲဘာမၞုံယၟုဝွံကဝက်မ္ဂး၊ ဂပ်ဝ်ကဵုသွက်ဘိုအ်သ္ၚာ ပ္ဍဲဘာမၞုံယၟုဝွံကဝက် ပ္ဍဲဘာမၞုံယၟုဝွံကဝက်ရ။ (ဟွံသေၚ်မ္ဂး) ယြဴပ္ဍဲဘာမွဲတုန် ပဒတဴဗွဲမဂၠိုၚ်ရ၊ နူကဵုဘာဂှ် ဂပ်ဝ်ကဵုသွက်ဘိုအ်သ္ၚာရ ရဴဝွံ (သ္ဂးရ)။
၂၂၄။ ဝတ္ထုခမဳဂိယဲ
[ပလေဝ်ဒါန် | ပလေဝ်ဒါန် တမ်ကၞက်]၃၆၅။ ပ္ဍဲကာလမွဲအခိၚ် ကုခမဳမွဲဇကုဂှ် ဒှ်ယဲဂၞဴဇၞော်ဇွောဝ်ရ၊ ခမဳဂှ် သီုမလောပၠူဒၟံၚ် ပ္ဍဲတရဴဇၞော်, တရဴသၟတ်ဇကုဂှ် ဒးတိက်ဒၟံၚ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ မွဲဟာန်ကေုာဴတဳလပိုဉ်အာနန္ဒ မဒှ်ခမဳဗွက်ကြဴ ဂေတ်ဂ္ၚေၚ်လၟေၚ်ဘာမ္ဂး စိုပ်အာဘာခမဳဂၞဴဇွောဝ်ဂှ်ရ။ တဳလမၞုံပိုဉ်ကျာ်တြဲညာတ်ဒး ခမဳမဒးတိက်လောပၠူဒၟံၚ် ပ္ဍဲတရဴဇၞော်တရဴသၟတ်ဇကုဂှ်တုဲ က္ညအာဇရေၚ် ခမဳဂၞဴဇၞော်ဇွောဝ်တုဲမ္ဂး “ယွံခမဳ ယဲတၠအဲတုန် မုယဲရော?” ရဴဝွံ သၟာန်ခမဳဂှ်ရ။ ယွံတဳလမၞုံပိုဉ် ယဲအဲဍိက်တုန် ယဲဂၞဴဇွောဝ်ရ ရဴဝွံ (ဂရၚ်ပတီရ)။ ညးကၠောန်ၜိုတ်ကုတၠအဲ နွံဟာ ရဴဝွံ (သၟာန်ရ)။ ဟွံမွဲရ ယွံကျာ်မၞုံပိုဉ် ရဴဝွံ (ဂရၚ်ပတီရ)။ ခမဳဂမၠိုၚ် မုဟိုတ်ဟွံကၠောန်ၜိုတ် တၠအဲအိုတ်ရော? ရဴဝွံ (သၟာန်ရ)။ ယွံကျာ်မၞုံပိုဉ် အဲဍိက် ဟွံကေၚ်ကၠောန်ၜိုတ် ကုခမဳသအာၚ်ရ၊ ဟိုတ်ဂှ်ရ ခမဳဂမၠိုၚ်လေဝ် ဟွံကၠောန်ၜိုတ်အဲဍိက်ရ ရဴဝွံ (ဂရၚ်ပတီရ)။ ကြဴနူဂှ် တဳလမၞုံပိုဉ်ကျာ်တြဲဂှ် “ယွံအာနန္ဒ ဩဝ်အာညိ၊ ဩဝ်ရၚ်တၠုၚ်နၚ်ဍာ်ညိ၊ ကြက်ဟုမ်ဍာ် ကဵုခမဳဝွံအိုတ်ရ” ရဴဝွံ သ္ဂးကဵုတဳလပိုဉ်အာနန္ဒရ။ “ယွံတဳလမၞုံပိုဉ် ခိုဟ်ရ” ရဴဝွံ သ္ဂးတုဲ တဳလပိုဉ်အာနန္ဒး ဒုၚ်ဝန် ကုတဳလမၞုံပိုဉ်ကျာ်တြဲတုဲ ရၚ်တပုၚ်နၚ်ဍာ်ရ၊ တဳလမၞုံပိုဉ်ကျာ်တြဲ ကိုဟ်ချာဲကဵုဍာ်ရ၊ တဳလပိုဉ်အာနန္ဒ ကြာတ်ကြဴရ၊ တဳလမၞုံပိုဉ်ကျာ်တြဲ ဂိုၚ်ကေတ်နူက္ဍိုပ်ရ၊ တဳလပိုဉ်အာနန္ဒ ပၚ်ယာပတိုန် နူဇိုၚ်တုဲ သတိက်ကဵု ပ္ဍဲဇံၚ်အိုတ်ရ။ ကြဴနူဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုဂကောံခမဳ ကောံဓရီုတုဲမ္ဂး “ယွံခမဳတအ် ပ္ဍဲဘာမၞုံယၟုဝွံ ခမဳနွံဟာ” ရဴဝွံ သၟာန်ခမဳဂမၠိုၚ်ရ။ နွံရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ ယွံခမဳတအ် ယဲခမဳဂှ်တုန် မုယဲရော? ရဴဝွံ (သၟာန်ရ)။ ယွံကျာ်မၞုံပိုဉ် ယဲခမဳဂှ်တုန် ယဲဂၞဴဇွောဝ်ရ ရဴဝွံ (ဂရၚ်ပတီအိုတ်ရ)။ ယွံခမဳတအ် ညးကၠောန်ၜိုတ်ခမဳဂှ် နွံဟာ ရဴဝွံ (သၟာန်ရ)။ ယွံကျာ်မၞုံပိုဉ် ဟွံမွဲရ ရဴဝွံ (ဂရၚ်ပတီအိုတ်ရ)။ ယွံခမဳတအ် မုဟိုတ် ဟွံကၠောန်ၜိုတ် ခမဳဂှ်အိုတ်ရော? ရဴဝွံ (သၟာန်ရ)။ ယွံကျာ်မၞုံပိုဉ် ခမဳဝွံ ဟွံကေၚ်ကၠောန်ၜိုတ် ကုခမဳဂမၠိုၚ်ရ၊ ဟိုတ်ဂှ်ရ ခမဳဂမၠိုၚ် ဟွံကၠောန်ၜိုတ် ခမဳဂှ်အိုတ်ရ ရဴဝွံ (ဂရၚ်ပတီအိုတ်ရ)။ ယွံခမဳတအ် မိမဂမၠိုၚ် ဟွံမွဲကုမၞးတအ်ညးဂမၠိုၚ်အိုတ်ရ၊ ယွံခမဳတအ် မၞးတအ်ညးဂမၠိုၚ် ယဝ်ဟွံကၠောန်ၜိုတ် ရၚ်သကအ်မ္ဂး မုရဴညးမွဲ ကြက်ကၠောန်ၜိုတ်ရော? ယွံခမဳတအ် ခမဳမမိက်ကၠောန်ၜိုတ် အဲကျာ်ဂှ် ဒးကၠောန်ၜိုတ် ခမဳဂိယဲရ။ ယဝ်အ္စာဥပဇ္ၛာယ် အ္စာဥပဇ္ၛာယ်ဂှ် စဵုကဵုလအိတ်လမျီု ဒးကၠောန်ၜိုတ်ရ၊ ခမဳဂိယဲဂှ် စဵုကဵုယဲဗၠး ဒးလၟတ်မၚ်ဒၟံၚ်ရ။ ယဝ်အ္စာနွံမ္ဂး အ္စာဂှ် စဵုကဵုလအိတ်လမျီု ဒးကၠောန်ၜိုတ်ရ၊ ခမဳဂိယဲဂှ် စဵုကဵုယဲဗၠး ဒးလၟတ်မၚ်ဒၟံၚ်ရ။ ယဝ်ကွးပဒတဴမွဲစွံနွံမ္ဂး ကွးပဒတဴမွဲစွံဂှ် စဵုကဵုလအိတ်လမျီု ဒးကၠောန်ၜိုတ်ရ၊ ခမဳဂိယဲဂှ် စဵုကဵုယဲဗၠး ဒးလၟတ်မၚ်ဒၟံၚ်ရ။ ယဝ်ကွးပဒတဴဇရေၚ်နွံမ္ဂး ကွးပဒတဴဇရေၚ်ဂှ် စဵုကဵုလအိတ်လမျီု ဒးကၠောန်ၜိုတ်ရ၊ ခမဳဂိယဲဂှ် စဵုကဵုယဲဗၠး ဒးလၟတ်မၚ်ဒၟံၚ်ရ။ ယဝ်သကအ်ပွံၚ်ဥပဇ္ၛာယ်တုပ်နွံမ္ဂး သကအ်ပွံၚ်ဥပဇ္ၛာယ်တုပ်ဂှ် စဵုကဵုလအိတ်လမျီု ဒးကၠောန်ၜိုတ်ရ၊ ခမဳဂိယဲဂှ် စဵုကဵုယဲဗၠး ဒးလၟတ်မၚ်ဒၟံၚ်ရ။ ယဝ်ခမဳအ္စာတုပ်နွံမ္ဂး ခမဳအ္စာတုပ်ဂှ် စဵုကဵုလအိတ်လမျီု ဒးကၠောန်ၜိုတ်ရ၊ ခမဳဂိယဲဂှ် စဵုကဵုယဲဗၠး ဒးလၟတ်မၚ်ဒၟံၚ်ရ။ ယဝ်ဥပဇ္ၛာယ် အ္စာ ကွးပဒတဴမွဲစွံ ကွးပဒတဴဇရေၚ် ခမဳဥပဇ္ၛာယ်တုပ် ခမဳအ္စာတုပ် ဟွံမွဲမ္ဂး၊ သၚ် ဒးကၠောန်ၜိုတ်ရ၊ ယဝ်ဟွံကၠောန်ၜိုတ်မ္ဂး၊ ဒးအာပတ်ဒုက္ကဋ်ရ။
၃၆၆။ ယွံခမဳတအ် ခမဳဂိယဲ မဍိုက်ပေၚ်တဴကေုာံအၚ်္ဂဂမၠိုၚ်မသုန်ပြကာဂှ် ကၠောန်ၜိုတ်ဥပကာဝါတ်ရ။ မၞုံအလေံသ္ပတဴ မဟွံဗဗွဲသပ္ပါယ်ကဵု (ယဲ) ရ။ ဟွံလေပ်တီဗၞတ်ဗ္ၜတ် ပ္ဍဲမဗဗွဲသပ္ပါယ်ကဵု (ယဲ) ရ။ ဟွံသိပ်ဂၠိပ် သွိုန်ဗပိုန်ဂဥုဲရ။ ကုခမဳကၠောန်ၜိုတ်ညးယဲ မၞုံပၟိက်ကဵုဒတုဲဖဵုဇကုဂှ် ယဲဂၠိုၚ်တိုန်ဂှ် “ဂၠိုၚ်တိုန်ရ” ရဴဝွံကီု ၊ ယဲဆုတ်စှ်ေဂှ် “ဆုတ်စှ်ေရ” ရဴဝွံကီု၊ ယဲတန်ညိၚ်ဂှ် “တန်ညိၚ်ရ” ရဴဝွံကီု၊ ဟွံလေပ်သ္ပပြာကဋ်ကဵုယဲဂှ်ရ။ မၞုံသဘဴဟွံအေၚ်ဒုၚ် ယဲဝေဒနာဂမၠိုၚ် မကတဵုဒှ်ကၠုၚ် သကာတ်မြဟ်ကြမ်ကြ ရိၚ်ကတၚ်ဂိသကဝ် ဟွံထေက်ကဵုသာယျေန် ဟွံထေက်ကဵုသ္ဍိုက်မၠိုၚ်တုဲ မကတဵုဒှ်ပ္ဍဲဇကု မကဵုချိုတ်လမျီုအိုတ်ရ။ ယွံခမဳတအ် ခမဳဂိယဲ မဍိုက်ပေၚ်တဴကေုာံအၚ်္ဂဂမၠိုၚ်မသုန်ပြကာဝွံ ကၠောန်ၜိုတ်ဥပကာဝါတ်ရ။ ယွံခမဳတအ် ခမဳဂိယဲ မဍိုက်ပေၚ်တဴကေုာံအၚ်္ဂဂမၠိုၚ်မသုန်ပြကာဂှ် ကၠောန်ၜိုတ်ဥပကာလောဲရ။ လေပ်သ္ပမဗဗွဲသပ္ပါယ်ကဵု (ယဲ) ရ၊ တီဗၞတ်ဗ္ၜတ် ပ္ဍဲမဗဗွဲသပ္ပါယ်ကဵု (ယဲ) ရ၊ သိပ်ဂၠိပ်သွိန်ဗပိုန်ဂဥုဲရ၊ ကုခမဳကၠောန်ၜိုတ်ညးယဲ မၞုံပၟိက်ကဵုဒတုဲဖဵုဇကုဂှ် ယဲဂၠိုၚ်တိုန်ဂှ် “ဂၠိုၚ်တိုန်ရ” ရဴဝွံကီု ၊ ယဲဆုတ်စှ်ေဂှ် “ဆုတ်စှ်ေရ” ရဴဝွံကီု၊ ယဲတန်ညိၚ်ဂှ် “တန်ညိၚ်ရ” ရဴဝွံကီု၊ လေပ်သ္ပပြာကဋ်ကဵုယဲဂှ်ရ။ မၞုံသဘဴပွမအေၚ်ဒုၚ် ယဲဝေဒနာဂမၠိုၚ် မကတဵုဒှ်ကၠုၚ် သကာတ်မြဟ်ကြမ်ကြ ရိၚ်ကတၚ်ဂိသကဝ် ဟွံထေက်ကဵုသာယျေန် ဟွံထေက်ကဵုသ္ဍိုက်မၠိုၚ်တုဲ မကတဵုဒှ်ပ္ဍဲဇကု မကဵုချိုတ်လမျီုအိုတ်ရ။ ယွံခမဳတအ် ခမဳဂိယဲ မဍိုက်ပေၚ်တဴကေုာံအၚ်္ဂဂမၠိုၚ်မသုန်ပြကာဝွံ ကၠောန်ၜိုတ်ဥပကာလောဲရ။ ယွံခမဳတအ် ခမဳကၠောန်ၜိုတ်ဥပကာညးယဲ မဍိုက်ပေၚ်တဴကေုာံအၚ်္ဂဂမၠိုၚ်မသုန်ပြကာဂှ် ဟွံထေက်ကဵု တၞဟ်နကၠောန်ၜိုတ်ဥပကာညးယဲရ။ ဟွံသၟဟ်ရထ တၞဟ်နစဳရေၚ်ဂဥုဲရ။ ဟွံလေပ်တီကေတ် မဗဗွဲသပ္ပါယ် ဟွံဗဗွဲသပ္ပါယ်ကဵု (ယဲ) ရ၊ ဗဂိန်ကဵုဂဥုဲမဟွံဗဗွဲသပ္ပါယ်ရ၊ ပါဲထောံ ဂဥုဲမဗဗွဲသပ္ပါယ်ရ။ မၞုံပၟိက်ကဵုအာမိသ (မပ္တံသ္ၚာပိဏ္ဍပါတ်) ဒှ်တုဲ ကၠောန်ၜိုတ်ဥပကာ ညးယဲရ၊ မၞုံကဵုမေတ္တာစိုတ်ဂှ်ဒှ်တုဲ ကၠောန်ၜိုတ်ဟွံသေၚ်ရ။ တၞဟ်နကၠဟ်ထောံတရဴဇၞော်, တရဴသၟတ်ကီု ဇအအ်တကီု ဍာ်ပါၚ်ကီုဂှ် က္ဍုဟ်မၠေံဇအိုန်ဇရရ။ ဗွဲမဗဗွဲကဵုအခိၚ်အခါ နကဵုဂလာန်ဓရ် ဟွံသၟဟ်ရထ တၞဟ်နကဵုညးယဲ တီညာတ်ကေတ် (ဒတုဲဖဵု) တၞဟ်နကဵုဒဂိုန်ဂိုၚ်ေကတ် (ဓရ်) တၞဟ်နကဵုသကေက်သကာ ကဵုမြဟ်မြာ (သွက်ဂွံဒ္ဂေတ်ဓရ်) ရ၊ ယွံခမဳတအ် ခမဳကၠောန်ၜိုတ်ဥပကာညးယဲ မဍိုက်ပေၚ်တဴကေုာံအၚ်္ဂဂမၠိုၚ်မသုန်ပြကာဝွံ ဟွံထေက်ကဵုတၞဟ်နကၠောန်ၜိုတ်ဥပကာညးယဲရ။ ယွံခမဳတအ် ခမဳကၠောန်ၜိုတ်ဥပကာညးယဲ မဍိုက်ပေၚ်တဴကေုာံအၚ်္ဂဂမၠိုၚ်မသုန်ပြကာဂှ် ထေက်ကဵုတၞဟ်နကၠောန်ၜိုတ်ဥပကာညးယဲရ။ သၟဟ်ရထ တၞဟ်နစဳရေၚ်ဂဥုဲရ၊ လေပ်တီကေတ်မဗဗွဲသပ္ပါယ် ဟွံဗဗွဲသပ္ပါယ်ကဵု (ယဲ) ရ၊ ပါဲထောံ ဂဥုဲမဟွံဗဗွဲသပ္ပါယ်ရ၊ ဗဂိန်ကဵုဂဥုဲမဗဗွဲသပ္ပါယ်ရ။ မၞုံကဵုမေတ္တာစိုတ်ဂှ်ဒှ်တုဲ ကၠောန်ၜိုတ်ဥပကာညးယဲရ။ မၞုံပၟိက်ကဵုအာမိသ (မပ္တံသ္ၚာပိဏ္ဍပါတ်) ဒှ်တုဲ ကၠောန်ၜိုတ်ဟွံသေၚ်ရ။ တၞဟ်နကၠဟ်ထောံ တရဴဇၞော်, တရဴသၟတ်ကီု ဇအအ်တကီု ဍာ်ပါၚ်ကီုဂှ် ဟွံမွဲကဵုပွမက္ဍုဟ်မၠေံဇအိုတ်ဇရရ။ ဗွဲမဗဗွဲကဵုအခိၚ်အခါ နကဵုဂလာန်ဓရ် သၟဟ်ရထ တၞဟ်နကဵု ညးယဲတီညာတ်ကေတ် (ဒတုဲဖဵု) တၞဟ်နကဵုဒဂိုန်ဂိုၚ်ကေတ် (ဓရ်) တၞဟ်နကဵုသကေက်သကာ ကဵုမြဟ်မြာ (သွက်ဂွံဒ္ဂေတ်ဓရ်) ရ။ ယွံခမဳတအ် ညးကၠောန်ၜိုတ်ဥပကာညးယဲ မဍိုက်ပေၚ်တဴကေုာံအၚ်္ဂဂမၠိုၚ်မသုန်ပြကာဝွံ ထေက်ကဵုတၞဟ်နကၠောန်ၜိုတ်ဥပကာညးယဲရ ရဴဝွံ သ္ဂးရ။
၂၂၅။ ဂြပ်ခမဳချိုတ်လောန်စဴအာ
[ပလေဝ်ဒါန် | ပလေဝ်ဒါန် တမ်ကၞက်]၃၆၇။ ပ္ဍဲကာလမွဲအခိၚ် ခမဳဂမၠိုၚ်ၜါဇကု သွိုန်ဗပိုန်တဴ တရဴအဓာန်မဂၠိုၚ်သ္ၚောဲ ပ္ဍဲဇနပိုဒ်ကောသလရးဂမၠိုၚ်အိုတ်ရ။ ပ္ဍဲဘာမွဲ ခမဳဂမၠိုၚ်ဂှ် ပြာပ်စိုပ်အာဂှ် ခမဳမွဲဇကုဂှ် ဂိယဲအာရ။ ခမဳဂမၠိုၚ်ဂှ် “ယွံကောန်တၠတအ် ပွမကၠောန်ၜိုတ် ကုညးယဲဂှ် ကျာ်တြဲထိုၚ်သးရ၊ ယွံကောန်တၠတအ် ပ္ဍဲလၟုဟ် ပိုဲညးဂမၠိုၚ် ကၠောန်ၜိုတ်ခမဳယဲဂှ်အိုတ်စိုအ်” ရဴဝွံ ချပ်ဂၞန်ဟီုသ္ဂးအိုတ်တုဲ ကၠောန်ၜိုတ် ခမဳယဲဂှ်အိုတ်ရ၊ ခမဳဂိယဲဂှ် ဃောခမဳဂမၠိုၚ်ဂှ် ကၠောန်ၜိုတ်ဂှ် ချိုတ်အာရ။ ပ္ဍဲအခိၚ်ဂှ် ခမဳကၠောန်ၜိုန်ဂမၠိုၚ် ဂိုၚ်ကေတ်ဗဗေၚ်သ္ၚာ ခမဳချိုတ်အာဂှ်ုတဲ အာဍုၚ်သာရဝှ်တုဲမ္ဂး ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ချိုတ်အာမ္ဂး ဗဗေၚ်သ္ၚာ ခမဳဂှ်ဂမၠိုၚ် သၚ်ပိုၚ်ပြဳရ၊ ၜိုန်ပိုၚ်ပြဳသာ်ဂှ်လေဝ် ခမဳကၠောန်ၜိုတ်ညးယဲဂမၠိုၚ် ဥပကာဂုဏ်ဂမၠိုၚ်အိုတ်ရ။ ယွံခမဳတအ် ကဵုအခေါၚ် သၚ်သွက်ဂွံကဵုသ္ၚာပိဂတှ်ေကီု ဗဗေၚ်ကီု ကုခမဳကၠောန်ၜိုတ်ညးယဲဂမၠိုၚ်ရ။ ယွံခမဳတအ် ရဴဝွံ သ္ဒးကဵုရ− ခမဳကၠောန်ၜိုတ်ညးယဲဂှ် ပြာပ်အာဇရေၚ် သၚ်တုဲမ္ဂး “ယွံတဳလပိုဉ်တအ် ခမဳမၞုံယၟုဝွံ ချိုတ်အာရ၊ ဣဝွံတုန် သ္ၚာပိဂတှ်ေ ကေုာံဗဗေၚ် ခမဳချိုတ်အာဂှ်ရ” ရဴဝွံ ဂပ်ဝ်ဟီုလၟိၚ်ပတီရ။ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ− “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ ချိုတ်အာရ၊ ဣဝွံတုန် သ္ၚာပိဂတှ်ေ ကေုာံဗဗေၚ် ခမဳချိုတ်အာဂှ်ရ၊ ကမ်မၞုံကဵုအခိၚ်မဗဗွဲ ကုသၚ်ယဝ်ဒှ်မ္ဂး၊ သၚ် ကဵုတဴသ္ၚာပိဂတှ်ေ ကေုာံဗဗေၚ်ဝွံ ကုခမဳကၠောန်ၜိုတ်ညးယဲဂမၠိုၚ်ရ၊ ဣဝွံတုန် ပွမကဵုတီရ။ ယွံတဳလပိုဉ်တအ် သၚ် ဩဝ်ကလၚ်မၚ်မှိၚ် (ဂလာန်) အဲဍိက်ညိ။ ခမဳမၞုံယၟုဝွံ ချိုတ်အာရ၊ ဣဝွံတုန် သ္ၚာပိဂတှ်ေ ကေုာံဗဗေၚ် ခမဳချိုတ်အာဂှ်ရ၊ သၚ် ကဵုတဴသ္ၚာပိဂတှ်ေ ကေုာံဗဗေၚ်ဝွံ ကုခမဳကၠောန်ၜိုတ်ညးယဲဂမၠိုၚ်ရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုတဴ သ္ၚာပိဂတှ်ေကေုာံဗဗေၚ်ဝွံ ကုခမဳကၠောန်ၜိုတ်ညးယဲဂမၠိုၚ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ် ဂပ်ဝ်ကဵုတဴ သ္ၚာပိဂတှ်ေ ကေုာံဗဗေၚ်ဝွံ ကုခမဳကၠောန်ၜိုတ်ညးယဲဂမၠိုၚ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုၚ်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
၃၆၈။ ပ္ဍဲကာလမွဲအခိၚ် သာမဏဳမွဲဇကု ချိုတ်အာရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ချိုတ်အာမ္ဂး ဗဗေၚ်သ္ၚာသာမဏဳဂှ်ဂမၠိုၚ် သၚ်ပိုၚ်ပြဳရ၊ ၜိုန်ပိုၚ်ပြဳသာ်ဂှ်လေဝ် ခမဳကၠောန်ၜိုတ်ညးယဲဂမၠိုၚ် ဥပကာဂုဏ်ဂမၠိုၚ်အိုတ်ရ။ ယွံခမဳတအ် ကဵုအခေါၚ် သၚ်သွက်ဂွံကဵုသ္ၚာပိဂတှ်ေကီု ဗဗေၚ်ကီု ကုခမဳကၠောန်ၜိုတ်ညးယဲဂမၠိုၚ်ရ။ ယွံခမဳတအ် ရဴဝွံ သ္ဒးကဵုရ− မဳကၠောန်ၜိုတ်ညးယဲဂှ် ပြာပ်အာဇရေၚ် သၚ်တုဲမ္ဂး “ယွံတဳလပိုဉ်တအ် သာမဏဳမၞုံယၟုဝွံ ချိုတ်အာရ၊ ဣဝွံတုန် သ္ၚာပိဂတှ်ေ ကေုာံဗဗေၚ် ခမဳချိုတ်အာဂှ်ရ” ရဴဝွံ ဂပ်ဝ်ဟီုလၟိၚ်ပတီရ။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ− “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သာသမဏဳမၞုံယၟုဝွံ ချိုတ်အာရ၊ ဣဝွံတုန် သ္ၚာပိဂတှ်ေ ကေုာံဗဗေၚ် ခမဳချိုတ်အာဂှ်ရ၊ ကမ်မၞုံကဵုအခိၚ်မဗဗွဲကုသၚ် ယဝ်ဒှ်မ္ဂး၊ သၚ် ကဵုတဴသ္ၚာပိဂတှ်ေ ကေုာံဗဗေၚ်ဝွံ ကုခမဳကၠောန်ၜိုတ်ညးယဲဂမၠိုၚ်ရ၊ ဣဝွံတုန် ပွမကဵုတီရ။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သာသမဏဳမၞုံယၟုဝွံ ချိုတ်အာရ၊ ဣဝွံတုန် သ္ၚာပိဂတှ်ေ ကေုာံဗဗေၚ် ခမဳချိုတ်အာဂှ်ရ၊ သၚ် ကဵုသ္ၚာပိဂတှ်ေကေုာံဗဗေၚ်ဝွံ ကုခမဳကၠောန်ၜိုတ်ညးယဲဂမၠိုၚ်ရ၊ ယြဴကုတဳလပိုဉ်မွဲ သ္ဍိုက်မၠိုက် ပွမကဵုတဴသ္ၚာပိဂတှ်ေ ကေုာံဗဗေၚ်ဝွံ ကုခမဳကၠောန်ၜိုတ်ညးယဲဂမၠိုၚ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ် ဂပ်ဝ်ကဵုတဴ သ္ၚာပိဂတှ်ေ ကေုာံဗဗေၚ်ဝွံ ကုခမဳကၠောန်ၜိုတ်ညးယဲဂမၠိုၚ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
၃၆၉။ ပ္ဍဲကာလမွဲအခိၚ် ခမဳမွဲဇကုကီု သာမဏဳကီု ကၠောန်ၜိုတ်ဥပကာ ခမဳဂိယဲအိုတ်ရ၊ ခမဳဂိယဲဂှ် ဃောခမဳသာမဏဳဂမၠိုၚ်ကၠောန်ၜိုတ်ဥပကာဂှ် ချိုတ်အာရ၊ ပ္ဍဲအခိၚ်ဂှ် “မုရဴသာ်လဵု ဂွံကဵုသွက်သ္ၚာ ကုသာမဏဳကၠောန်ၜိုတ်ညးယဲရော?” ရဴဝွံ ကသပ်ဒှ်ကၠုၚ် ကုခမဳကၠောန်ၜိုတ် ညးယဲဂှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံကဵုသွက်သ္ၚာတုပ်သၟဟ် ကုသာမဏဳကၠောန်ၜိုတ်ညးယဲရ ရဴဝွံ (သ္ဂးရ)။ ပ္ဍဲကာလမွဲအခိၚ် ခမဳမွဲဇကု မၞုံကဵုကယျာဘဏ်ဂၠိုၚ် ပရိက္ခရာဂၠိုၚ်ဂှ် ချိုတ်အာတုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳချိုတ်အာမ္ဂး ဗဗေၚ်သ္ၚာ ခမဳဂှ်ဂမၠိုၚ် သၚ်ပိုၚ်ပြဳရ၊ ၜိုန်ပိုၚ်ပြဳသာ်ဂှ်လေဝ် ခမဳကၠောန်ၜိုတ်ညးယဲဂမၠိုၚ် ဥပကာဂုဏ်ဂမၠိုၚ်အိုတ်ရ။ ယွံခမဳတအ် ကဵုအခေါၚ် သၚ်သွက်ဂွံကဵုသ္ၚာပိဂတှ်ေကီု ဗဗေၚ်ကီု ကုခမဳကၠောန်ၜိုတ်ညးယဲဂမၠိုၚ်ရ။ ပၞောဝ်ပရိက္ခရာဂမၠိုၚ်ဂှ် လဟုဘဏ် လဟုပရိက္ခရာဂှ် ကဵုအခေါၚ် သၚ်မဒှ်ဂတမတ် သွက်ဂွံပါ်ပရအ်ရ။ ဂရုဘဏ် ဂရုပရိက္ခရာဂှ် (ဒှ်ဂြပ်) သၚ်ဒိုဟ်ပန် မကၠုၚ်စိုပ်တုဲ ဟွံကၠုၚ်စိုပ်ဏီတုဲ သၠးလေဝ် ဟဂပ်ဝ်သၠးရ၊ ပါ်ပရအ်လေဝ် ဟဂပ်ဝ်ပါ်ပရအ်ရ ရဴဝွံ (သ္ဂးရ)။
၂၂၆။ ပါဲကၠေံဒ္ဂေတ်ဟွံဗိုက်ဗွိုက်လတက်
[ပလေဝ်ဒါန် | ပလေဝ်ဒါန် တမ်ကၞက်]၃၇၀။ ပ္ဍဲကာလမွဲအခိၚ် ခမဳမွဲဇကု သီုဟွံဗိုက်ဗွိုက်လတက် ပြာပ်ကၠုၚ်ဇရေၚ် တဳလမၞုံပိုဉ်ကျာ်တြဲတုဲမ္ဂး “ယွံတဳလမၞုံပိုဉ် တဳလမၞုံပိုည်ကျာ်တြဲဂှ် နဟိုတ်မဂၠိုၚ်ဂၠၚ် မၞုံအလေံဟီုထိုၚ်တဴဂုဏ် ပွမပၟိက်အောန် ပွမအေၚ်သတှ်ေ (တရိုပ်စိုတ်) ပွမတှ်ေတြဳထောံကိလေသ ပွမခါလယှ်ထောံကိလေသ ပွမရၚ်တၠုၚ်ကဵုလျုၚ်ဇြုၚ်သ္ဍိုက် ပွမပလီုပလာ်ကၠေံကိလေသ ပွမပတိတ်ဇြဟတ်လွဳပရာရ။ ယွံတဳလမၞုံပိုဉ် ဒ္ဂေတ်မပဒတဴ သီုဟွံဗိုၚ်ဗွိုက်လတက်ဝွံ နဟိုတ်မဂၠိုၚ်ဂၠၚ် ဒှ်တဴ တၞဟ်နပွမပၟိက်အောန် တၞဟ်နပွမေၚ်သတှ်ေ တၞဟ်နပွမတှ်ေတြဳထောံကိလေသ တၞဟ်နပွမခါလယှ်ထောံကိလေသ တၞဟ်နပွမရၚ်တၠုၚ်ကဵုလျုၚ်ဇြုၚ်သ္ဍိုက် တၞဟ်နပွမပလီုပလာ်ကၠေံကိလေသ တၞဟ်နပွမပတိတ်ဇြဟတ်လွဳပရာရ။ ယွံတဳလမၞုံပိုည် အာတ်ပါန်အခေါၚ်ရ၊ တဳလမၞုံပိုဉ်ကျာ်တြဲ ဩဝ်ကဵုအခေါၚ် ဒ္ဂေတ်မဟွံဗိုက်ဗွိုက်လတက် ကဵုခမဳဂမၠိုၚ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ ယွံတြုံမလ္ၚုသၟး (နူမဂ်ဖိုလ်) (ပွဝွံ) ဟွံထေက် ကုခမဳဂမၠိုၚ်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေၚ်ရ၊ ဟွံဂပ်ဝ်ရ၊ ဟွံထေက်ကဵုသ္ပရ။ ယွံတြုံမလ္ၚုသၟး (နူမဂ်ဖိုလ်) တၠအဲ မုဟိုတ် ဒဂိုန်ဂိုၚ်ကေတ် ဒ္ဂေတ်မဟွံဗိုက်ဗွိုက်လတက် တဳဂမၠိုၚ်မဂပ်ဝ်ဒဂိုန်ဂိုၚ်ကေတ်ရော? ယွံတြုံမလ္ၚုသၟး (နူမဂ်ဖိုလ်) (ပွမတၠအဲသ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး “ယွံခမဳတအ် ဟဂပ်ဝ်ဒဂိုန်ဂို
၂၂၇။ ပါဲကၠေံမပ္တံသ္ၚာကၟတ်သၠခိုဟ်
[ပလေဝ်ဒါန် | ပလေဝ်ဒါန် တမ်ကၞက်]၃၇၁။ ပ္ဍဲကာလမွဲအခိၚ် ခမဳမွဲဇကု ဗိုက်လတက်သ္ၚာကၟတ်သၠခိုဟ်တုဲ ။ ပ ။ ဗိုက်လက်သ္ၚာကာန်တုဲ ။ ပ ။ ဗိုက်လတက်သ္ၚဂတဵုသၟတ်တုဲ ။ ပ ။ ဗိုက်လတက်သ္ၚာကၟဝ်တသော်မၞိဟ်တုဲ ။ ပ ။ ဗိုက်လတက်သ္ၚာ ကၟဝ်တသော်ဗ္တသတ်တုဲ ။ ပ ။ ဗိုက်လတက်သ္ၚာသၞေၚ်ကၠၚ်ဟိုတ်တုဲ ။ ပ ။ ဗိုက်လတက်သ္ၚာစၞာံဗြန်တုဲ ပြာပ်ကၠုၚ်ဇရေၚ် တဳလမၞုံပိုဉ်ကျာ်တြဲတုဲမ္ဂး “ယွံတဳလမၞုံပိုဉ် တဳလမၞုံပိုည်ကျာ်တြဲဂှ် နဟိုတ်မဂၠိုၚ်ဂၠၚ် မၞုံအလေံဟီုထိုၚ်သးတဴဂုဏ် ပွမပၟိက်အောန် ပွမအေၚ်သတှ်ေ (တရိုပ်စိုတ်) ပွမတှ်ေတြဳထောံကိလေသ ပွမခါလယှ်ထောံကိလေသ ပွမရၚ်တၠုၚ်ကဵုလျုၚ်ဇြုၚ်သ္ဍိုက် ပွမပလီုပလာ်ကၠေံကိလေသ ပွမပတိဇြဟတ်လွဳပရာရ။ ယွံတဳလမၞုံပိုဉ် ပွမဗိုက်လတက်စၞာဗြန်ဝွံ နဟိုတ်မဂၠိုၚ်ဂၠၚ် ဒှ်တဴ တၞဟ်နပွမပၟိက်အောန် တၞဟ်နပွမအေၚ်သတှ်ေ တၞဟ်နပွမတှ်ေတြဳထောံကိလေသ တၞဟ်နပွမခါလယှ်ထောံကိလေသ တၞဟ်နပွမရၚ်တၠုၚ်ကဵုလျုၚ်ဇြုၚ်သ္ဍိုက် တၞဟ်နပွမပလီုပလာ်ကၠေံကိလေသ တၞဟ်နပမပတိတ်ဇြဟတ်လွဳပရာရ။ ယွံတဳလမၞုံပိုဉ် အာတ်ပါန်အခေါၚ်ရ၊ တဳလမၞုံပိုဉ်ကျာ်တြဲ ဩဝ်ကဵုအခေါၚ် ပွမဗိုက်လတက်စၞာံဗြန် ကုခမဳဂမၠိုၚ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ ယွံတြုံမလ္ၚုသၟး (နူမဂ်ဖိုလ်) (ပွဝွံ) ဟွံထေက် ကုခမဳဂမၠိုၚ်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေၚ်ရ၊ ဟွံဂပ်ဝ်ရ၊ ဟွံထေက်ကဵုသ္ပရ။ ယွံတြုံမလ္ၚုသၟး (နူမဂ်ဖိုလ်) တၠအဲ မုဟိုတ် ပကၚ်ရၚ်စၞာံဗြန် မဒှ်ဇၞောဝ်အလာံတဳဂမၠိုၚ်ရော? ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး “ယွံခမဳတအ် ဟဂပ်ဝ်ပကၚ်ရၚ်စၞာံဗြန် မဒှ်မဇၞောဝ်အလံတဳဂမၠိုၚ်ရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ ရဴဝွံ သ္ဂးကဵုခမဳဂမၠိုၚ်ရ။ ပ္ဍဲကာလမွဲအခိၚ် ခမဳမွဲဇကု ဗိုက်လတက်သ္ၚာ မခၞံလဝ်နဇြေဟ်အဘိက်တုဲ ။ ပ ။ ဗိုက်လတက်သ္ၚာ မခၞံလဝ်နဇြေဟ်သၚ်မာန်တုဲ ပြာပ်ကၠုၚ်ဇရေၚ် တဳလမၞုံပိုဉ်ကျာ်တြဲတုဲမ္ဂး “ယွံတဳလမၞုံပိုဉ် တဳလမၞုံပိုဉ်ကျာ်တြဲဂှ် နဟိုတ်မဂၠိုၚ်ဂၠၚ် မၞုံအလေံဟီုထိုၚ်သးတဴဂုဏ် ပွမပၟိက်အောန် ပွမအေၚ်သတှ်ေ (တရိုပ်စိုတ်) ပွမတှ်ေတြဳထောံကိလေသ ပွမခါလယှ်ထောံကိလေသ ပွမရၚ်တၠုၚ်ကဵု လျုၚ်ဇြုၚ်သ္ဍိုက် ပွမပလီုပလာ်ကၠေံကိလေသ ပွမပတိဇြဟတ်လွဳပရာရ။ ယွံတဳလမၞုံပိုဉ် သ္ၚာမခၞံနဇြေဟ်သၚ်မာ်ဝွံ နဟိုတ်မဂၠိုၚ်ဂၠၚ် ဒှ်တဴတၞဟ်နပွမပၟိက်အောန်တၞဟ်နပွမအေၚ်သတှ်ေ တၞဟ်နမတှ်ေတြဳထောံကိလေသ တၞဟ်နပွမခါလယှ်ထောံကိလေသ တၞဟ်နပွမရၚ်တၠုၚ်ကဵုလျုၚ်ဇြုၚ်သ္ဍိုက် တၞဟ်နပွမပလီုကၠေံကိလေသ တၞဟ်နပွမပတိတ်ဇြဟတ်လွဳပရာရ။ ယွံတဳလမၞုံပိုဉ် အာတ်ပါန်အခေါၚ်ရ၊ တဳလမၞုံပိုဉ်ကျာ်တြဲ ဩဝ်ကဵုအခေါၚ် သ္ၚာမခၞံနဇြေဟ်သၚ်မာန် ကုခမဳဂမၠိုၚ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ ယွံတြုံမလ္ၚုသၟး (နူမဂ်ဖိုလ်) (ပွဝွံ) ဟွံထေက် ကုခမဳဂမၠိုၚ်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေၚ်ရ၊ ဟွံဂပ်ဝ်ရ၊ ဟွံထေက်ကဵုသ္ပရ။ ယွံတြုံမလ္ၚုသၟး (နူမဂ်ဖိုလ်) တၠအဲ မုဟိုတ် ဗိုက်လတက်သ္ၚာမခၞံနဇြေဟ်သၚ်မာန်ရော? ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး “ယွံခမဳတအ် ဟဂပ်ဝ်ဗိုက်လတက် သ္ၚာမခၞံနဇြေဟ်သၚ်မာန်ရ၊ ကုခမဳမဗိုက်လတက်ဂှ် ဒးအာပတ်ဒုက္ကဋ်ရ ရဴဝွံ သ္ဂးကဵုခမဳဂမၠိုၚ်ရ။
၂၂၈။ ပါဲကၠေံမပ္တံသ္ၚာသာ်လမ္စံက်အိုတ်သီု
[ပလေဝ်ဒါန် | ပလေဝ်ဒါန် တမ်ကၞက်]၃၇၂။ ပ္ဍဲကာလမွဲအခိၚ် ခမဳဆဗ္ဗဂ္ဂဳဂမၠိုၚ် ပကၚ်ရၚ်သ္ၚာဂမၠိုၚ် မၞုံကဵုသာ်လမ္စံက်အိုတ်သီုအိုတ်ရ ။ ပ ။ ပကၚ်ရၚ်သ္ၚာဂမၠိုၚ် မၞုံကဵုသာ်မိတ်အိုတ်သီုအိုတ်ရ ။ ပ ။ ပကၚ်ရၚ်သ္ၚာဂမၠိုၚ် မၞုံကဵုသာ်ဗကေတ်အိုတ်သီုအိုတ်ရ ။ ပ ။ ပကၚ်ရၚ်သ္ၚာဂမၠိုၚ် မၞုံကဵုသာ်ဗကေတ်ကြံၚ် (သာံတာပရံၚ်) အိုတ်သီုအိုတ်ရ ။ ပ ။ ပကၚ်ရၚ်သ္ၚာဂမၠိုၚ် မၞုံကဵုသာ်ဒမျိုၚ်အိုတ်သီုအိုတ်ရ ။ ပ ။ ပကၚ်ရၚ်သ္ၚာဂမၠိုၚ် မဖျောန်လဝ်နဍာ်လွံက် မၞုံယၟုမဟာရၚ်္ဂ (မတုပ်ကဵုသာ်စၞိန်စးဂဂဳ) အိုတ်သီုအိုတ်ရ ။ ပ ။ ပကၚ်ရၚ်သ္ၚာဂမၠိုၚ် မဖျောန်လဝ်နဍာ်လွံက် မၞုံယၟုမဟာနာမ (မတုပ်ကဵုသာ်ဖျိုဟ်) အိုတ်သီုအိုတရ ။ ပ ။ ပကၚ်ရၚ်သ္ၚာဂမၠိုၚ် မဟွံကုတ်တသာဲအိုတ်ရ ။ ပ ။ ပကၚ်ရၚ်သ္ၚာဂမၠိုၚ် မၞုံတသာဲမဂၠိၚ်အိုတ်ရ ။ ပ ။ ပကၚ်ရၚ်သ္ၚာဂမၠိုၚ် မၜန်လဝ်တသာဲဍောၚ်ကဴအိုတ်ရ ။ ပ ။ ပကၚ်ရၚ်သ္ၚာဂမၠိုၚ် မၜန်လဝ်တသာဲမတုပ်ဒၟံၚ်ဒၞံက်ဇာတ်အိုတ်ရ ။ ပ ။ ပကၚ်ရၚ်သ္ၚာဂမၠိုၚ် ပလောံခြပ်အိုတ်ရ ။ ပ ။ ပကၚ်ရၚ် သ္ၚာသကောဝ်ဆုအိုတ် ။ ပ ။ ပကၚ်ရၚ် ပူကွိၚ်က္ဍိုပ်အိုတ်ရ။ မၞိဟ်ဂမၠိုၚ် “မုဟိုတ် ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သာကျဝၚ် ညံၚ်ရဴမၞိဟ်ဂမၠိုၚ် မဒုၚ်စသိုၚ် တသိုခ်ကာမဂုဏ်ကီု ပကၚ်ရၚ် ပူကွိၚ်က္ဍိုပ်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်ပကၚ်ရၚ်သ္ၚာဂမၠိုၚ် မၞုံကဵုသာ်လမ္စံက်အိုတ်သီုအိုတ်ရ။ ဟဂပ်ဝ်ပကၚ်ရၚ်သ္ၚာဂမၠိုၚ် မၞုံကဵုသာ်မိတ်အိုတ်သီုအိုတ်ရ။ ဟဂပ်ဝ်ပကၚ်ရၚ်သ္ၚာဂမၠိုၚ် မၞုံကဵုသာ်ဗကေတ်အိုတ်သီုအိုတ်ရ။ ဟဂပ်ဝ်ပကၚ်ရၚ်သ္ၚာဂမၠိုၚ် မၞုံကဵုသာ်ဗကေတ်ကြံၚ်အိုတ်သီု။ ဒၞပ်မၞုံကဵုသာ်ဒမျိုၚ်အိုတ်သီုအိုတ်ရ။ ဟဂပ်ဝ်ပကၚ်ရၚ်သ္ၚာဂမၠိုၚ် မဖျောန်လဝ်နဍာ်လွံက် မၞုံယၟုမဟာရၚ်္ဂ (မတုပ်ကဵုသာ်စၞိန်စးဂဂဳ) အိုတသီုအိုတ်ရ။ ဟဂပ်ဝ်ပကၚ်ရၚ်သ္ၚာဂမၠိုၚ် မဖျောန်လဝ် နဍာ်လွံက် မၞုံယၟုမဟာနာမ (မတုပ်ကဵုသာ်ဖျိုဟ်) အိုတ်သီုအိုတ်ရ။ ဟဂပ်ဝ်ပကၚ်ရၚ်သ္ၚာဂမၠိုၚ် မဟွံကုတ်တသာဲအိုတ်ရ။ ဟဂပ်ဝ်ပကၚ်ရၚ်သ္ၚာဂမၠိုၚ် မၞုံတသာဲမဂၠိၚ်အိုတ်ရ။ ဟဂပ်ဝ်ပကၚ်ရၚ် သ္ၚာဂမၠိုၚ် မၜန်လဝ်တသာဲဍောၚ်ကဴအိုတ်ရ။ ဟဂပ်ဝ်ပကၚ်ရၚ်သ္ၚာဂမၠိုၚ် မၜန်လဝ်တသာဲမတုပ် ဒၞံက်ဇၞးဇာတ်အိုတ်ရ။ ဟဂပ်ဝ်ပကၚ်ရၚ် ပလောံခြပ်အိုတ်ရ။ ဟဂပ်ဝ်ပကၚ်ရၚ် သ္ၚာသကောဝ်ဆုအိုတ်ရ။ ဟဂပ်ဝ်ပကၚ်ရၚ် ပူကွိၚ်က္ဍိုပ်အိုတ်ရ။ ကုခမဳမပကၚ်ရၚ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
၂၂၉။ ဟိုတ်ခမဳဒၠိုက်ကတဵုနူဝသ်ဂမၠိုၚ် ကလိဂွံသ္ၚာဟွံမာန်
[ပလေဝ်ဒါန် | ပလေဝ်ဒါန် တမ်ကၞက်]၃၇၃။ ပ္ဍဲကာလမွဲအခိၚ် ခမဳမဒၠိုက်ကတဵုနူဝသ်ဂမၠိုၚ် ကိုပ်ကၠာဟွံကလိဂွံသ္ၚာဏီ စ္ဍးအာဌာန်သအာၚ်အိုတ်ရ။ ခရှ်လေဝ် ရာံတိတ်အိုတ်ရ။ ချိုတ်လေဝ်ချိုတ်အိုတ်ရ။ ရဴဝွံမ္ဂး သာမဏဳလေဝ် ဒုၚ်ဝန်အိုတ်ရ။ ရဴဝွံမ္ဂးညးသၠးကၠေံသိက္ခာလေဝ် ဒုၚ်ဝန်အိုတ်ရ။ ရဴဝွံမ္ဂးညးအာစိုပ်ပါရာဇိကဝတ္ထု မဒှ်လအိတ်အိုတ်လေဝ် ဒုၚ်ဝန်အိုတ်ရ။ ရဴဝွံမ္ဂးညးကြအ်ဥမ္မတ်လေဝ် ဒုၚ်ဝန်အိုတ်ရ။ ရဴဝွံမ္ဂးညးစိုတ်ကလှ်လဖှ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဝေဒနာပ္ဍဵုပ္ဍိုက်လေဝ် ဒုၚ်ဝန်အိုတ်ရ။ ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံမၠာ်သ္ၚေဝ် အာပတ်လေဝ် ဒုၚ်ဝန်အိုတ်ရ။ ရဴဝွံမ္ဂးညးညးဒးဒုၚ်ဗက်ပတိတ်ထောံ ဟိုတ်မဟွံဇအုဲဇဗဝဳဗလး အာပတ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံသၠးကၠေံ ကွေတ်မိစ္ဆာမယုတ်မာလေဝ် ဒုၚ်ဝန်အိုတ်ရ။ ရဴဝွံမ္ဂးခမၞုဲလေဝ် ဒုၚ်ဝန်အိုတ်ရ။ ရဴဝွံမ္ဂးညးကၠတ် ပံၚ်ဖက်လေဝ် ဒုၚ်ဝန်အိုတ်ရ။ ရဴဝွံမ္ဂးညးပြံၚ်အာဗော်တဳလေဝ် ဒုၚ်ဝန်အိုတ်ရ။ ရဴဝွံမ္ဂးတိရစ္ဆာန်လေဝ် ဒုၚ်ဝန်အိုတ်ရ။ ရဴဝွံမ္ဂးညးဂစိုတ်မိလေဝ် ဒုၚ်ဝန်အိုတ်ရ။ ရဴဝွံမ္ဂးညးဂစိုတ်မလေဝ် ဒုၚ်ဝန်အိုတ်ရ။ ရဴဝွံညးပါ်ဒကးသၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးသ္ပဇကုကျာ် ညံၚ်ဆီဂွံပ္ဍူအာလေဝ် ဒုၚ်ဝန်အိုတ်ရ။ ရဴဝွံမ္ဂးဥဘတောဗျဉ်လေဝ် ဒုၚ်ဝန်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ၃၇၄။ ယွံခမဳတအ် ပ္ဍဲသာသနာဝွံ ခမဳမဒၠိုက်ကတဵုနူဝသ် ကိုပ်ကၠာဟွံကလိဂွံသ္ၚာဏီ စ္ဍးအာဌာန်သအာၚ်မ္ဂး၊ ညးဒုၚ်ဂိုၚ်ကေတ်မဗဗွဲနွံမ္ဂး ဒးကဵုရ။ ယွံခမဳတအ် ပ္ဍဲသာသနာဝွံ ခမဳမဒၠိုက်ကတဵုနူဝသ်ဂှ် ကိုပ်ကၠာ ဟွံကလိဂွံသ္ၚာဏီ ရာံတိတ်ခရှ်မ္ဂး၊ ချိုတ်အာမ္ဂး။ ဒုၚ်ဝန်ရဴဝွံမ္ဂးသာမဏဳမ္ဂး။ ဒုၚ်ဝန် ရဴဝွံမ္ဂး ညးသၠးကၠေံသိက္ခာမ္ဂး။ ဒုၚ်ဝန် ရဴဝွံမ္ဂးညးအာစိုပ် ပါရာဇိကဝတ္ထု မဒှ်လအိတ်အိုတ်မ္ဂး၊ သၚ်ပိုၚ်ပြဳရ။ ယွံခမဳတအ် ပ္ဍဲသာသနာဝွံ ခမဳမဒၠိုက်ကတဵုနူဝသ်ဂှ် ကိုပ်ကၠာဟွံကလိဂွံသ္ၚာဏီု ဒုၚ်ဝန်ရဴဝွံမ္ဂးညးကြအ်ဥမ္မတ်မ္ဂး။ ဒုၚ်ဝန် ရဴဝွံမ္ဂးညးစိုတ်ကလှ်လဖှ်မ္ဂး။ ဒုၚ်ဝန် ရဴဝွံမ္ဂးညးဝေဒနာပ္ဍဵုပ္ဍိုက်မ္ဂး။ ဒုၚ်ဝန် ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံမၠာ်သ္ၚေဝ် အာပတ်မ္ဂး။ ဒုၚ်ဝန် ရဴဝွံမ္ဂးညးဒးဒုၚ် ဗက်ပတိတ်ထောံ ဟိုတ်မဟွံဇအုဲဇဗဝဳဗလး အာပတ်မ္ဂး။ ဒုၚ်ဝန် ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံသၠးကၠေံ ကွေတ်မိစ္ဆာမယုတ်မာမ္ဂး။ ညးဒုၚ်ဂိုၚ်ေကတ်မဗဗွဲနွံမ္ဂး ဒးကဵုရ။ ယွံခမဳတအ် ပ္ဍဲသာသနာဝွံ ခမဳမဒၠိုက်ကတဵုနူဝသ်ဂှ် ကိုပ်ကၠာဟွံကလိဂွံသ္ၚာဏီ ဒုၚ်ဝန် ရဴဝွံမ္ဂးခမၞုဲမ္ဂး။ ဒုၚ်ဝန် ရဴဝွံမ္ဂးညးကၠတ်ပံၚ်ဖက်မ္ဂး။ ဒုၚ်ဝန် ရဴဝွံမ္ဂးညးပြံၚ်အာဗော်တဳမ္ဂး။ ဒုၚ်ဝန် ရဴဝွံမ္ဂးတိရစ္ဆာန်မ္ဂး။ ဒုၚ်ဝန် ရဴဝွံမ္ဂးညးဂစိုတ်မိမ္ဂး။ ဒုၚ်ဝန် ရဴဝွံမ္ဂးညးဂစိုတ်မမ္ဂး။ ဒုၚ်ဝန် ရဴဝွံမ္ဂးညးဂစိုတ်တၠအရှန်မ္ဂး။ ဒုၚ်ဝန် ရဴဝွံမ္ဂးညးပလီုပလာ်ခမဳဗြဴမ္ဂး။ ဒုၚ်ဝန် ရဴဝွံမ္ဂးညးပါ်ဒကးသၚ်မ္ဂး။ ဒုၚ်ဝန် ရဴဝွံမ္ဂးညးသ္ပဇကုကျာ် ညံၚ်ဆီဂွံပ္ဍူအာမ္ဂး။ ဒုၚ်ဝန် ရဴဝွံမ္ဂးဥဘတောဗျဉ်မ္ဂး၊ သၚ်ပိုၚ်ပြဳရ။
၃၇၅။ ယွံခမဳတအ် ပ္ဍဲသာသနာဝွံ ခမဳမဒၠိုက်ကတဵုနူဝသ်ဂှ် ကိုပ်ကၠာဟဂွံပါ်ပရအ်သ္ၚာ မကလိဂွံဏီ စ္ဍးအာဌာန်သအာၚ်မ္ဂး၊ ညးဒုၚ်ဂိုၚ်ကေတ်မဗဗွဲနွံမ္ဂး ဒးကဵုရ။ ယွံခမဳတအ် ပ္ဍဲသာသနာဝွံ ခမဳမဒၠိုက်ကတဵုနူဝသ်ဂှ် ကိုပ်ကၠာဟဂွံပါ်ပရအ်သ္ၚာ မကလိဂွံဏီ ရာံတိတ်ခရှ်မ္ဂး၊ ချိုတ်အာမ္ဂး။ ဒုၚ်ဝန် ရဴဝွံမ္ဂးသာမဏဳမ္ဂး။ ဒုၚ်ဝန် ရဴဝွံမ္ဂး ညးသၠးကၠေံသိက္ခာမ္ဂး။ ဒုၚ်ဝန် ရဴဝွံမ္ဂးညးအာစိုပ် ပါရာဇိကဝတ္ထု မဒှ်လအိတ်အိုတ်မ္ဂး၊ သၚ်ပိုၚ်ပြဳရ။ ယွံခမဳတအ် ပ္ဍဲသာသနာဝွံ ခမဳမဒၠိုက်ကတဵုနူဝသ်ဂှ် ကိုပ်ကၠာဟဂွံပါ်ပရအ်သ္ၚာ မကလိဂွံဏီ ဒုၚ်ဝန် ရဴဝွံမ္ဂးညးကြအ်ဥမ္မတ်မ္ဂး။ ဒုၚ်ဝန် ရဴဝွံမ္ဂးညးစိုတ်ကလှ်လဖှ်မ္ဂး။ ဒုၚ်ဝန် ရဴဝွံမ္ဂးညးဝေဒနာပ္ဍဵုပ္ဍိုက်မ္ဂး။ ဒုၚ်ဝန် ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံမၠာ်သ္ၚေဝ် အာပတ်မ္ဂး။ ဒုၚ်ဝန် ရဴဝွံမ္ဂးညးဒးဒုၚ် ဗက်ပတိတ်ထောံ ဟိုတ်မဟွံဇအုဲဇဗဝဳဗလး အာပတ်မ္ဂး။ ဒုၚ်ဝန်ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံသၠးကၠေံ ကွေတ်မိစ္ဆာမယုတ်မာမ္ဂး။ ညးဒုၚ်ဂိုၚ်ေကတ်မဗဗွဲနွံမ္ဂး ဒးကဵုရ။ ယွံခမဳတအ် ပ္ဍဲသာသနာဝွံ ခမဳမဒၠိုက်ကတဵုနူဝသ်ဂှ် ကိုပ်ကၠာဟဂွံပါ်ပရအ်သ္ၚာ မကလိဂွံဏီ ဒုၚ်ဝန် ရဴဝွံမ္ဂးခမၞုဲမ္ဂး။ ဒုၚ်ဝန် ရဴဝွံမ္ဂးညးကၠတ်ပံၚ်ဖက်မ္ဂး။ ဒုၚ်ဝန် ရဴဝွံမ္ဂးညးပြံၚ်အာဗော်တဳမ္ဂး။ ဒုၚ်ဝန် ရဴဝွံမ္ဂးတိရစ္ဆာန်မ္ဂး။ ဒုၚ်ဝန် ရဴဝွံမ္ဂးညးဂစိုတ်မိမ္ဂး။ ဒုၚ်ဝန် ရဴဝွံမ္ဂးညးဂစိုတ်မမ္ဂး။ ဒုၚ်ဝန် ရဴဝွံမ္ဂးညးဂစိုတ်တၠအရှန်မ္ဂး။ ဒုၚ်ဝန် ရဴဝွံမ္ဂးညးပလီုပလာ်ခမဳဗြဴမ္ဂး။ ဒုၚ်ဝန် ရဴဝွံမ္ဂးညးပါ်ဒကးသၚ်မ္ဂး။ ဒုၚ်ဝန် ရဴဝွံမ္ဂးညးသ္ပဇကုကျာ် ညံၚ်ဆီဂွံပ္ဍူအာမ္ဂး။ ဒုၚ်ဝန် ရဴဝွံမ္ဂးဥဘတောဗျဉ်မ္ဂး၊ သၚ်ပိုၚ်ပြဳရ။
၂၃၀။ ဟိုတ်သၚ်ပါ်ဒကး ကလိဂွံသ္ၚာမာန်
[ပလေဝ်ဒါန် | ပလေဝ်ဒါန် တမ်ကၞက်]၃၇၆။ ယွံခမဳတအ် ပ္ဍဲသာသနာဝွံ ကုခမဳမဒၠိုက်ကတဵုနူဝသ်ဂမၠိုၚ် ကိုပ်ကၠာဟွံကလိဂွံသ္ၚာဏီ သၚ်ပါ်ဒကးမ္ဂး၊ ပ္ဍဲသၚ်မပါ်ဒကးဂှ် မၞိဟ်ဂမၠိုၚ် ပ္ဍဲမွဲလပါ်ဂှ် ကဵုဒါန်ဍာ်အိုတ်ရ၊ ပ္ဍဲမွဲလပါ်ဂှ် “ကဵုဒါန် ကုသၚ်ရ” ရဴဝွံ ကဵုဒါန်သ္ၚာအိုတ်ရ။ သ္ၚာဂှ် ဒှ်ကုသၚ် (ၜါလပါ်) ဟေၚ်ရ။ ယွံခမဳတအ် ပ္ဍဲသာသနာဝွံ ကုခမဳမဒၠိုက်ကတဵုနူဝသ်ဂမၠိုၚ် ကိုပ်ဟွံကလိဂွံသ္ၚာဏီ သၚ်ပါ်ဒကးမ္ဂး။ ပ္ဍဲသၚ်မပါ်ဒကးဂှ် မၞိဟ်ဂမၠိုၚ် ပ္ဍဲမွဲလပါ်ဂှ် ကဵုဒါန်န်ဍာ်အိုတ်ရ၊ ပ္ဍဲလပါ်ဂှ်ဟေၚ် “ကဵုဒါန် ကုသၚ်ရ” ရဴဝွံ ကဵုဒါန်သ္ၚာအိုတ်ရ။ သ္ၚာဂှ် ဒှ်ကုသၚ် (ၜါလပါ်) ဟေၚ်ရ။ ယွံခမဳတအ် ပ္ဍဲသာသနာဝွံ ကုခမဳမဒၠိုက်ကတဵုနူဝသ်ဂမၠိုၚ် ကိုပ်ဟွံကလိဂွံသ္ၚာဏီ သၚ်ပါ်ဒကးမ္ဂး၊ ပ္ဍဲသၚ်မပါ်ဒကးဂှ် မၞိဟ်ဂမၠိုၚ် ပ္ဍဲမွဲလပါ်ဂှ် ကဵုဒါန်န်ဍာ်အိုတ်ရ၊ ပ္ဍဲမွဲလပါ်ဂှ် “ကဵုဒါန် ကုသၚ်မွဲလပါ်ရ” ရဴဝွံ ကဵုဒါန်သ္ၚာအိုတ်ရ။ သ္ၚာဂှ် ဒှ်သ္ၚာမွဲလပါ်ဟေၚ်ရ။ ယွံခမဳတအ် ပ္ဍဲသာသနာဝွံ ကုခမဳမဒၠိုက်ကတဵုနူဝသ်ဂမၠိုၚ် ကိုပ်ဟွံကလိဂွံသ္ၚာဏီ သၚ်ပါ်ဒကးမ္ဂး။ ပ္ဍဲသၚ်မပါ်ဒကးမ္ဂး၊ ပ္ဍဲသၚ်မပါ်ဒကးဂှ် မၞိဟ်ဂမၠိုၚ် ပ္ဍဲမွဲလပါ်ဂှ် ကဵုဒါန်ဍာ်အိုတ်ရ၊ ပ္ဍဲလပါ်ဂှ်ဟေၚ် “ကဵုဒါန် ကုမွဲလပါ်ရ” ရဴဝွံ ကဵုဒါန်သ္ၚာအိုတ်ရ။ သ္ၚာဂှ် ဒှ်သ္ၚာမွဲလ္ပါ်ဟေၚ်ရ။ ယွံခမဳတအ် ပ္ဍဲသာ
၂၃၁။ စၞောန်ထ္ၜးကဵုမပ္တံဂိုက်ကေတ် ခိုဟ် ဟွံခိုဟ်
[ပလေဝ်ဒါန် | ပလေဝ်ဒါန် တမ်ကၞက်]၃၇၇။ ပ္ဍဲကာလမွဲအခိၚ် တဳလပိုဉ်ရေဝတ (အပ်ပြာပ်) ပ္ဍဲတဲ ခမဳမွဲဇကုတုဲ “သ္ၚာဝွံ ဩဝ်ကဵုကုမှာထေရ်ညိ” ရဴဝွံ ဖအောဝ်ကဵုပလံၚ်သ္ၚာ (ဇရေၚ်) တဳလပိုဉ်သာရိပိုတ်ရ။ ပ္ဍဲအခိၚ်ဂှ် ခမဳဂှ် နဒဒှ်ဍုက်ကေဝ် ဒဒှ်ေဒယှ်ကဵုတဳလပိုဉ်ရေဝတတုဲ ဂိုၚ်ကေတ်ထောံ ပ္ဍဲအကြာဂၠံၚ်တရဴရ။ ကြဴနူဂှ် တဳလပိုဉ်ရေဝတ ဆုမ်ဒးကေုာံတဳလပိုဉ်သာရိပိုတ်တုဲ “ယွံတဳလပိုဉ် အဲဍိက် ဖအောဝ်ကဵုပလံၚ်သ္ၚာ (ဇရေၚ်) တဳလပိုဉ်တုဲရ၊ သ္ၚာဂှ် အာစိုပ်ဗွဲမ္ဒးရးဟာ” ရဴဝွံ သၟာန်ရ။ ယွံကောန်တၠ အဲဟွံညာတ် သ္ၚာဂှ်ရ ရဴဝွံ (သ္ဂးရ)။ ပ္ဍဲအခိၚ်ဂှ် တဳလပိုဉ်ရေဝတဂှ် “ယွံကောန်တၠ အဲ (အပ်ပြာပ်) ပ္ဍဲတဲ တၠအဲတုဲ ဖအောဝ်ကဵုပလံၚ်သ္ၚာ (ဇရေၚ်) မှာထေရ်တုဲရ၊ သ္ၚာဂှ် ဣလဵုရော?” ရဴဝွံ သၟာန်ခမဳဂှ်ရ။ ယွံတဳလပိုဉ် အဲဍိက် နဒဒှ်ဍုက်ကေဝ် ဒဒှ်ေဒယှ်ကဵုတဳလပိုဉ်တုဲ ဂိုၚ်ကေတ်ဒးသ္ၚာဂှ်ရ ရဴဝွံ (သ္ဂးရ)။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
၃၇၈။ ယွံခမဳတအ် ခမဳဂှ် (အာပ်ပြာပ်) ပ္ဍဲတဲ ခမဳတုဲ “သ္ၚာဝွံ ဩဝ်ကဵုကုခမဳမၞုံယၟုဝွံညိ” ရဴဝွံ သ္ဂးတုဲ ဖအောဝ်ကဵုပလံၚ်သ္ၚာရ။ ခမဳဂှ် နဒဒှ်ဍုက်ကေဝ်ဒဒှ်ေဒယှ်ကဵု ခမဳဖအောဝ်ဗလးနၚ်တုဲ ဂိုၚ်ကေတ်ထောံ ပ္ဍဲအကြာဂၠံၚ်တရဴမ္ဂး။ ဒှ်ပွမဂိုၚ်ကေတ်ခိုဟ်ရ။ (ဂိုၚ်ကေတ်ဒးရးရ)။ ယွံခမဳတအ် ခမဳဂှ် (အပ်ပြာပ်) ပ္ဍဲတဲ ခမဳတုဲ “သ္ၚာဝွံ ဩဝ်ကဵုကုခမဳမၞုံယၟုဝွံညိ” ရဴဝွံ သ္ဂးတုဲ ဖအောဝ်ကဵုပလံၚ်သ္ၚာရ။ ခမဳဂှ် ယြဴကုတဳလပိုဉ်မွဲ ဂပ်ဝ်ကဵုရ၊ နဒဒှ်ဍုက်ကေဝ်ဒဒှ်ေဒယှ်ကဵု ခမဳမဒးကဵုတုဲ ဂိုၚ်ကေတ်ထောံ ပ္ဍဲအကြာဂၠံၚ်တရဴမ္ဂး။ ဒှ်ပွမဂိုၚ်ကေတ်ဟွံခိုဟ်ရ။ (ဂိုၚ်ကေတ်ဟွံဒးရးရ)။ နဒဒှ်ဍုက်ကေဝ်ဒဒှ်ေဒယှ်ကဵု ခမဳမဖအောဝ်ဗလးနၚ်တုဲ ဂိုၚ်ကေတ်ထောံမ္ဂး။ ဒှ်ပွမဂိုၚ်ကေတ်ခိုဟ်ရ။ ယွံခမဳတအ် ခမဳဂှ် (အပ်ပြာပ်) ပ္ဍဲတဲခမဳတုဲ “သ္ၚာဝွံ ဩဝ်ကဵုကုခမဳမၞုံယၟုဝွံညိ” ရဴဝွံ သ္ဂးတုဲ ဖအောဝ်ကဵုပလံၚ်သ္ၚာရ။ ခမဳဂှ် ပ္ဍဲအကြာဂၠံၚ်တရဴ “ခမဳမဖအောဝ်ကဵုပလံၚ်ဂှ် ချိုတ်အာရ” ရဴဝွံ ဂွံမိၚ်ရ၊ ကုခမဳဂှ် သ္ၚာမဒှ်ဂြပ်ညးချိုတ်ရ ရဴဝွံ သ္ပအဓိဋ္ဌာန်မ္ဂး၊ ဒှ်ပွမသ္ပအဓိဋ္ဌာန်ခိုဟ်ရ။ နဒဒှ်ဍုက်ကေဝ်ဒဒှ်ေဒယှ်ကဵု ခမဳမ္ဒးကဵုတုဲ ဂိုၚ်ကေတ်ထောံမ္ဂး။ ဒှ်ပွဂိုၚ်ကေတ်ဟွံခိုဟ်ရ။ ယွံခမဳတအ် ခမဳဂှ် (အပ်ပြာပ်) ပ္ဍဲတဲခမဳတုဲ “သ္ၚာဝွံ ဩဝ်ကဵုကုခမဳမၞုံယၟုဝွံညိ” ရဴဝွံ သ္ဂးတုဲ ဖအောဝ်ကဵုပလံၚ်သ္ၚာရ။ ခမဳဂှ် ပ္ဍဲအကြာဂၠံၚ်တရဴ “ခမဳမဒးကဵုဂှ် ချိုတ်အာရ” ရဴဝွံ ဂွံမိၚ်ရ၊ ကုခမဳဂှ် သ္ၚာမဒှ်ဂြပ်ညးချိုတ်ရ ရဴဝွံ သ္ပအဓိဋ္ဌာန်မ္ဂး၊ ဒှ်ပွမသ္ပအဓိဋ္ဌာန်ဟွံခိုဟ်ရ။ နဒဒှ်ဍုက်ကေတ်ဒဒှ်ေဒယှ်ကဵု ခမဳမကဵုနၚ်တုဲ ဂိုၚ်ကေတ်ထောံမ္ဂး။ ဒှ်ပွမဂိုၚ်ကေတ်ခိုဟ်ရ။ ယွံခမဳတအ် ခမဳဂှ် (အပ်ပြာပ်) ပ္ဍဲတဲခမဳတုဲ “သ္ၚာဝွံ ဩဝ်ကဵုကုခမဳမၞုံယၟုဝွံညိ” ရဴဝွံ သ္ဂးတုဲ ဖအောဝ်ကဵုပလံၚ်သ္ၚာရ။ ခမဳဂှ် ပ္ဍဲအကြာဂၠံၚ်တရဴ “သီုၜါဇကုချိုတ်အိုတ်ရ” ရဴဝွံ ဂွံမိၚ်ရ၊ သ္ၚာမတက ခမဳမကဵုနၚ်ရ ရဴဝွံ သ္ပအဓိဋ္ဌာန်မ္ဂး၊ ဒှ်ပွမသ္ပအဓိဋ္ဌာန်ခိုဟ်ရ။ သ္ၚာမတက ခမဳမ္ဒးကဵုရ ရဴဝွံ သ္ပအဓိဋ္ဌာန်မ္ဂး၊ ဒှ်ပွမသ္ပအဓိဋ္ဌာန်ဟွံခိုဟ်ရ။ ယွံခမဳတအ် ခမဳဂှ် (အပ်ပြာပ်) ပ္ဍဲတဲခမဳတုဲ “သ္ၚာဝွံ ဩဝ်ကဵုကုခမဳမၞုံယၟုဝွံညိ” ရဴဝွံ သ္ဂးတုဲ ဖအောဝ်ကဵုပလံၚ်သ္ၚာရ။ ခမဳဂှ် နဒဒှ်ဍုက်ကေဝ်ဒဒှ်ေဒယှ်ကဵု ခမဳမကဵုနၚ်တုဲ ဂိုၚ်ကေတ်ထောံ ပ္ဍဲအကြာဂၠံၚ်တရဴမ္ဂး။ ဒှ်ပွမဂိုၚ်ကေတ်ဟွံခိုဟ်ရ။ နဒဒှ်ဍုက်ကေဝ်ဒဒှ်ေဒယှ်ကဵု ခမဳမ္ဒးကဵုတုဲ ဂိုၚ်ကေတ်ထောံမ္ဂး။ ဒှ်ပွမဂိုၚ်ကေတ်ဟွံခိုဟ်ရ။ ယွံခမဳတအ် ခမဳဂှ် (အပ်ပြာပ်) ပ္ဍဲတဲခမဳတုဲ “သ္ၚာဝွံ ဩဝ်ကဵုကုခမဳမၞုံယၟုဝွံညိ” ရဴဝွံ သ္ဂးတုဲ ဖအောဝ်ကဵုပလံၚ်သ္ၚာရ။ ခမဳဂှ် နဒဒှ်ဍုက်ကေဝ်ဒဒှ်ေဒယှ်ကဵု ခမဳမဒးကဵုတုဲ ဂိုၚ်ကေတ်ထောံတုဲ ဂိုၚ်ကေတ်ထောံ ပ္ဍဲအကြာဂၠံၚ်တရဴမ္ဂး။ ဒှ်ပွမဂိုၚ်ကေတ်ခိုဟ်ရ။ နဒဒှ်ဍုက်ကေဝ်ဒဒှ်ေဒယှ်ကဵု ခမဳမကဵုနၚ်တုဲ ဂိုၚ်ကေတ်ထောံမ္ဂး။ ဒှ်ပွမဂိုၚ်ကေတ်ဟွံခိုဟ်ရ။ ယွံခမဳတအ် ခမဳဂှ် (အပ်ပြာပ်) ပ္ဍဲတဲခမဳတုဲ “သ္ၚာဝွံ ဩဝ်ကဵုကုခမဳမၞုံယၟုဝွံညိ” ရဴဝွံ သ္ဂးတုဲ ဖအောဝ်ကဵုပလံၚ်သ္ၚာရ။ ခမဳဂှ် ပ္ဍဲအကြာဂၠံၚ်တရဴ “ခမဳမကဵုနၚ်ဂှ် ချိုတ်အာရ” ရဴဝွံ ဂွံမိၚ်ရ၊ ကုခမဳဂှ် သ္ၚာမဒှ်ဂြပ်ညးချိုတ်ရ ရဴဝွံ သ္ပအဓိဋ္ဌာန်မ္ဂး၊ ဒှ်ပွမသ္ပအဓိဋ္ဌာန်ဟွံခိုဟ်ရ။ နဒဒှ်ဍုက်ကေဝ်ဒဒှ်ေဒယှ်ကဵု ခမဳမ္ဒးကဵုတုဲ ဂိုၚ်ကေတ်ထောံမ္ဂး။ ဒှ်ပွမဂိုၚ်ကေတ်ခိုဟ်ရ။ ယွံခမဳတအ် ခမဳဂှ် (အပ်ပြာပ်) ပ္ဍဲတဲခမဳတုဲ “သ္ၚာဝွံ ဩဝ်ကဵုကုခမဳမၞုံယၟုဝွံညိ” ရဴဝွံ သ္ဂးတုဲ ဖအောဝ်ကဵုပလံၚ်သ္ၚာရ။ ခမဳဂှ် ပ္ဍဲအကြာဂၠံၚ်တရဴ “ခမဳမ္ဒးကဵုဂှ် ချိုတ်အာရ” ရဴဝွံ ဂွံမိၚ်ရ၊ ကုခမဳဂှ် သ္ၚာမဒှ်ဂြပ်ညးချိုတ်ရ ရဴဝွံ သ္ပအဓိဋ္ဌာန်မ္ဂး၊ ဒှ်ပွမသ္ပအဓိဋ္ဌာန်ခိုဟ်ရ။ နဒဒှ်ဍုက်ကေဝ် ဒဒှ်ေဒယှ်ကဵုခမဳမကဵုနၚ်တုဲ ဂိုၚ်ကေတ်ထောံမ္ဂး။ ဒှ်ပွမဂိုၚ်ကေတ်ဟွံခိုဟ်ရ။ ယွံခမဳတအ် ခမဳဂှ် (အပ်ပြာပ်) ပ္ဍဲတဲခမဳတုဲ “သ္ၚာဝွံ ဩဝ်ကဵုကုခမဳမၞုံယၟုဝွံညိ” ရဴဝွံ သ္ဂးတုဲ ဖအောဝ်ကဵုပလံၚ်သ္ၚာရ။ ခမဳဂှ် ပ္ဍဲအကြာဂၠံၚ်တရဴ “သီုၜါဇကုချိုတ်အိုတ်ရ” ရဴဝွံ ဂွံမိၚ်ရ၊ သ္ၚမတက ခမဳမကဵုနၚ်ရ ရဴဝွံ သ္ပအဓိဋ္ဌာန်မ္ဂး၊ ဒှ်ပွမသ္ပအဓိဋ္ဌာန်ဟွံခိုဟ်ရ။ သ္ၚမတက ခမဳမ္ဒးကဵုရ ရဴဝွံ သ္ပအဓိဋ္ဌာန်မ္ဂး၊ ဒှ်ပွမသ္ပအဓိဋ္ဌာန်ခိုဟ်ရ။
၂၃၂။ မာတိကာ ဟိုတ်သ္ၚာကတဵုဒှ် ဒ္စာံသာ်
[ပလေဝ်ဒါန် | ပလေဝ်ဒါန် တမ်ကၞက်]၃၇၉။ ယွံခမဳတအ် မာတိကာဟိုတ်သ္ၚာကတဵုဒှ်ဂမၠိုၚ် ဣဝွံ မၞုံဒ္စာံသာ်အိုတ်ရ။ ကဵုဒါန်ဗွဲမပိုၚ်အခြာ၊ ကဵုဒါန် ဗွဲကတိဝတ်၊ ကဵုဒါန် ဗွဲဝတ်ပိဏ္ဍပါတ်၊ ကဵုဒါန် ကုသၚ်၊ ကဵုဒါန် ကုဥဘတော သၚ်၊ ကဵုဒါန် ကုသၚ်ဒၠိုက်ကတဵုနူဝသ်၊ ရန်တၟံတုဲကဵုဒါန်၊ ကဵုဒါန် ကုပူဂိုလ်ရ။ ကဵုဒါန် ဗွဲအပိုၚ်အခြာမ္ဂး၊ ယြဴခမဳဂမၠိုၚ်မၞုံဗၞတ်မွဲ ကၠုၚ်စိုပ်အပ္ဍဲသိမ်အိုတ်ရ၊ ခမဳဂမၠိုၚ် မၞုံဗၞတ်ဂှ် ဒးပါ်ပရအ်ရ။ ကဵုဒါန် ဗွဲကတိကဝတ်မ္ဂး၊ ဘာဂမၠိုၚ်မဂၠိုၚ် မၞုံကဵုလာဘ်တုပ်သၟဟ်အိုတ်ရ၊ ကဵုဒါန်ပ္ဍဲဘာမွဲမ္ဂး၊ ဒှ်ကဵုဒါန် ပ္ဍဲဘာသီုဖအိုတ်ရ။ ကဵုဒါန် ဗွဲဝတ်ပိဏ္ဍပါတ်မ္ဂး၊ ယြဴပ္ဍဲဘာမွဲ သ္ပတဴ ပွမကဵုဒါန်ပိဏ္ဍပါတ်လၟိုန်ဂမၠိုၚ် ကုသၚ်အိုတ်ရ၊ ကဵုဒါန် ပ္ဍဲဘာဂှ်ရ။ ကဵုဒါန် ကုသၚ်မ္ဂး၊ သၚ်မဒှ်ဂတမုက် ဒးပါ်ပရအ်ရ။ ကုဒါန် ဥဘတောသၚ်မ္ဂး၊ ခမဳတြုံနွံဗွဲမဂၠိုၚ်တုဲ ခမဳဗြဴမွဲဇကုဟေၚ်မ္ဂး၊ ဒးကဵုကဝက်ရ၊ ခမဳဗြဴနွံဗွဲမဂၠိုၚ်တုဲ ခမဳတြုံနွံမွဲဇကုဟေၚ်မ္ဂး၊ ဒးကဵုကဝက်ရ။ ကဵုဒါန် ကုသၚ်ဒၠိုက်ကတဵုနူဝသ်မ္ဂး၊ ယြဴခမဳဂမၠိုၚ်မၞုံဗၞတ်မွဲ ဒၠိုက်ကတဵုနူဝသ် ပ္ဍဲဘာဂှ်အိုတ်ရ၊ ခမဳဂမၠိုၚ်ဂှ် ဒးပါ်ပရအ်ရ။ ရန်တၟံတုဲကဵုဒါန်မ္ဂး၊ ခမဳမကဵုပိုဉ်ယာဂုဂမၠိုၚ်ကီု ခမဳမကဵုပိုဉ်ပိဏ္ဍပါတ်ဂမၠိုၚ်ကီု ခမဳမကဵုပိုဉ် စၞစ (ကွာန်ၜဲ) ဂမၠိုၚ်ကီု ခမဳမကဵုဒါန်သ္ၚာဂမၠိုၚ်ကီု ခမဳမပဒတဴပ္ဍဲဘာဇကုဂမၠိုၚ်ကီု ခမဳမကဵုဒါန်ဂဥုဲဂမၠိုၚ်ကီု (ရန်တၟံတုဲ ကဵုဒါန်ရ)။ ကဵုဒါန် ကုပူဂိုလ်မ္ဂး၊ “သ္ၚာဝွံ ကဵုဒါန်ကုတဳလပိုဉ်မၞုံယၟုဝွံရ” ရဴဝွံ (ကဵုဒါန် ကုပူဂိုလ်ရ)။ စဳဝကရက္ခန္ဓကတုဲရ။
၂၃၃။ စဳဝရက္ခန္ဓက ဗွဲခမ္ဍန်
[ပလေဝ်ဒါန် | ပလေဝ်ဒါန် တမ်ကၞက်]သမ္ၚေဟ်နိဂီု မပဒတဴပ္ဍဲဍုၚ်ရာဇာဂြိုဟ်ဂှ် ညာတ်ဗြဴစရာဲဍုၚ် ပ္ဍဲဍုၚ်ဝေသာလဳတုဲ မွဲလှ်ေပၠန် အာဍုၚ်ရာဇဂြိုဟ်တုဲ ဟီုလဴဗ္စ ဟိုတ်ပရူပရာဂှ် ကုသၟိၚ်ဗိမ္ဗိသာရရ။
ကောန်မၞုံယၟု မဂပ်ဝ်ဟီုဂးရဴဝွံမ္ဂးဇဳဝက ဟိုတ်နူကောန်သၟိၚ်ဗၠာဲသၟာန်မၞုံကဵုလမျီုဟာ မဒှ်ကောန်အရၚ် ကောန်သၟိၚ်ဗၠာဲအဘယဂှ် ကတဵုဒှ် ပ္ဍဲသာလဝတဳရ။ ဇဳဝကဂှ် အာဍုၚ်တက္ကသိုလ်တုဲ ဂိုၚ်ကတ်ကေတ်ကွတ်ဂဥုဲတုဲမ္ဂး ဒှ်အ္စာသဝ်ဇၞော်ရ၊ ယဲဂိက္ဍိုပ် ဂၞကျာ်သေဌဳသာကေတ မၞုံဗၞတ်ထပှ်သၞာံဂှ် နမကဵုခရောတ်နုတ်မွဲအလန်ဓဝ်ဂှ် ကၠေံအာရ။ ယဲဘဂန္ဒိုလ် ‘ယဲမၚ်သရိုဟ်’ သၟိၚ်ဗိမ္ဗိသာရ နမလံက်ကဵုဂဥုဲဂှ် ဝဳကဵုရ။ ဩဝ်ဝဳအဲကီု ဂကောံကမၠောၚ်မောၚ်မကီု သၚ်မၞုံပဓာန်ဍေံကျာ်တြဲကီုညိ ရဴဝွံ သ္ဂးရ။
ယဲဂိက္ဍိုပ် သေဌဳဍုၚ်ရာဇဂြိုဟ်ကီု ယဲကြုတ်ထကတ် ကောန်သေဌဳဍုၚ်ဗာရာဏသဳကီု ဝဳကဵုရ၊ ယဲမၞုံကဵုဇကုဖျိုဟ်ဖျေတ်မဇၞော် သၟိၚ်ပဇ္ဇောတဂှ် နမကဵုသုၚ်ကၠေၚ်သွဟ်ဂှ် ကဵုကၠေံအာရ။
ဗှ်ဗၞုဟ်ဂုဏ် မကေၚ်သ္ပတုဲ ဖအောဝ်ကဵုပလံၚ်နၚ် ယာတ်ကတဵုဒှ်သိဝိရးရ၊ ဇကုမၞုံကဵုဒုဟ်ဂၠိုၚ်ဂှ် ကဵုအုပ်ပဠက်ရ၊ ဗဂိန်ကဵုဂဥုဲဇွက်ဂၞဴ ပိစှော်ဝါ နကဵုဒကှ်ပိတဝ်ရ။
ကျာ်တြဲမၞုံဇကုမဒှ်ပကတိဂှ် အာတ်လာဘ်ရ၊ ကျာ်တြဲ ဒုၚ်ဂိုၚ်ကေတ်ယာတ်ကတဵုဒှ်သိဝိရးရ၊ သ္ၚာမၞိဟ်ဂမၠိုၚ်ကဵုဒါန်လေဝ် ကဵုအခေါၚ်ရ။ ပ္ဍဲဍုၚ်ရာဇဂြိုဟ်ကီု ပ္ဍဲဇနပိုဒ်ကီု သ္ၚာမဂၠိုၚ် ကတဵုဒှ်ရ၊ ယာတ်စၞေဟ်ဇမၠိၚ် (ဖ္ဍဳ) ကီု တောဝ်သုတ်ကီု ခေါဇဴကီု ကတဵုဒှ်ရ၊ ဒုၚ်ဂိုၚ်ကေတ် ယာတ်ကၟဝ်ထေက်တန်ၚုဟ်မသုန်ကၠံရ။
ကဵုအခေါၚ် သ္ၚာတဲခိုဟ်တဲပရေအ်ဂမၠိုၚ်ရ။ ထိုၚ်သး ပွမတရိုပ်စိုတ်ရ၊ လၟတ်မၚ်ဒၟံၚ်အိုတ်ရ၊ လုပ်ဗွဲကိုပ်ကၠာအိုတ်ရ၊ လုပ်နူလက်ကရဴအိုတ်ရ၊ လုပ်တုပ်တုပ်အိုတ်ရ၊ သ္ပကတိကဝတ်တုဲ လုပ်အိုတ်ရ၊ မွဲလှ်ေပၠန် ကလေၚ်ရၚ်တၠုၚ်ဖျဴသ္ၚိအိုတ်ရ။
ကဵုအခေါၚ် တိုက်ဂြပ်၊ ဌာန်စွံသ္ၚာ ဟွံဂြောပ်ဗ္ဒန်၊ ကဵုဒၠိုက်ကတဵု ခမဳမၚ်မွဲတိုက်ဂြပ်အိုတ်ရ၊ သအာၚ်နူဂှ် သ္ၚာကတဵုဒှ်ဗွဲမဂၠိုၚ်၊ ဒှ်ကၞုက်ကၞာဲညာန်ညေဲရ၊ သာ်လဵု ဂွံပါ်ပရအ်ရော? သာ်လဵု ဂွံကဵုရော?။
မိက်ကွာ်တရဴ နသွက်မလောန်လတူသွက်ဇကု၊ သာ်လဵု ဂွံကဵုသွက်ဘိုအ်ရော? ဖျောန်သ္ၚာ နကဵုအိက်ဂၠဴကီု နကဵုဍာ်လၟုဟ်ကီုအိုတ်ရ၊ ဍာ်လွံက်တၟိုဟ်တိုန်ရ၊ ဟွံတီဍာ်လွံက်စိန်ဟွံစိန်အိုတ်ရ။
ခမဳဖျေံဍာ်လွံက်ဂမၠိုၚ် ဒစေၚ်တုဲဒဂိုၚ်ကေတ်အိုတ်ရ၊ ကဵုအခေါၚ် ကၠာၚ်စုတ်ဍာ်လွံက် ပ္ဍဲခရော်ဗဗေၚ်လေဝ် ချိုန်ပတ်အိုတ်ရ၊ ပ္ဍဲတိလေဝ် ပၠးစဲအိုတ်ရ၊ ဂြုန်ဂမၠိုၚ် ကိတ်အိုတ်ရ၊ လကဲဒၟံၚ်ပ္ဍဲလဒေါဝ်အိုတ်ရ၊ တၞုဟ်ဒရီုအိုဟ်အိုတ်ရ၊ ဇွောဝ်စှ်ေ နူမုဟ်သ္ၚာမွဲလပါ်အိုတ်ရ၊ ကြံၚ်မ္ၚိုဟ်ဒၟံၚ်တုဲ ဂပ်ဝ်လပိုက်ပ္ဍဲဍာ်ရ။
သ္ၚာမကာတ်မြဟ်၊ ဗိုက်လတက်သ္ၚာဟွံကုတ်တသာဲဂမၠိုၚ်အိုတ်ရ၊ ညာတ်ကေတ်တိဗ္ၚ မဒက်လဝ်ဇုက်ဗၞၚ်ပန်ကၠၚ်ရ၊ ခမဳဂွဳစိုက်သ္ၚာတုဲရၚ်တၠုၚ်နၚ်ဂမၠိုၚ်လေဝ် ညာတ်ရ၊ ကျာ်တြဲမဒှ် ကောန်သၟိၚ်သကျဝၚ် စမ်ၜတ်တုဲ ကဵုအခေါၚ် သ္ၚာပိဂတှ်ေရ။
ၜးလှာဲသ္ၚာတိစဳဝရိတ်မွဲသအာၚ်တုဲ လုပ်ကွာန်အိုတ်ရ၊ သ္ၚာကတဵုဒှ်ရ၊ သ္ၚာစာ်ထောၚ်ရ၊ ဗြဲဂူအလုံတကအ်ပန်၊ တၞဟ်နကဵုဒါန် သ္ၚာသၞုက်ဗြဲကီု အာဂန္တုကဘတ် ဂမိကဘတ် ဂိလာနဘတ်ကီု ဂိလာနပဋ္ဌာကဘတ်ကီု ဂဥုဲညးယဲကီု ယာဂုဘတ် မကဵုဒါန်လၟိုန်ဒမၠိကီု သ္ၚာသၞုက်ဍာ်ကုဘိက္ခုနဳသၚ်ကီု အာတ်လာဘ်ဒ္စာံသာ်ရ။ ဘောဇိုန်မပြဲ၊ နိသဳဒိုန်မဍောတ်လောန်။
ယဲစော်ဇၞော်၊ ယာတ်ဇိုန်မုက်၊ ယာတ်မၞုံယၟုခေါမ၊ ဍိုက်ပေၚ်ရ၊ ပွမသ္ပအဓိဋ္ဌာန်၊ ဍောတ်အိုတ် သ္ၚာမၞုံဇမၠိၚ်မွဲဟတ် အနာံမွဲဍဂှ် ဒးသ္ပဝိကပ္ပနရ၊ သ္ၚမဇိၚ် နကဵုယာတ်ပံၚ်သုကူဂှ် ဇြိုၚ်ရ၊ ဒကဴဟွံညဳရ၊ တောဝ် လကဲစှ်ေရ။
ကလှ်စှ်ေအိုတ်ရ၊ ဟွံရုမ်ဂပ်အိုတ်ရ၊ ပတိုန်ဂၠးအာဂန္တုကတုဲ ဒးသ္ပပွမဖျပ်ရ၊ သ္ၚာဂမၠိုၚ်ဗွဲမဂၠိုၚ် ကတဵုဒှ်အိုတ်ရ၊ စွံပတန်လဝ် ပ္ဍဲဂြိုပ်အန္ဓဝိုန်ရ၊ ဝိုတ်အာတုဲ လုပ်ဒးရ၊ ညးမွဲဓဝ် လုပ်ဒဂိုန်တုဲ ပဒတဴရ။ ပ္ဍဲဥတုမ္ၚးဒဂိုန်လေဝ် ပဒတဴရ။
ပ္ဍဲဍုၚ်ရာဇဂြိုဟ် ခမဳကောဒေံဂမၠိုၚ်ၜါဇကု စိုပ်ကၠုၚ်အိုတ်ရ။ တဳလပိုဉ်ဥပနန္ဒ စ္ဍးအာ၇၊ မွဲလှ်ေပၠန်ပဒတဴအိုတ်ရ၊ ညးယဲဂၞဴဇွောဝ်၊ ခမဳဂမၠိုၚ်ၜါဇကု ကၠောန်ၜိုတ်ညးယဲအိုတ်ရ။
ဂၞံၚ်ဂၞါတ်ဇကုသၟး၊ သ္ၚာကၟတ်သၠခိုဟ်၊ သ္ၚာကာန်၊ သ္ၚခတဳဂတှ်ေ၊ ယာတ်ကၟဝ်တုတ်လဝ်နတသော်မၞိဟ်၊ ယာတ်ကၟဝ်တုတ်လဝ်နသော်ဗ္တသတ်၊ သ္ၚာသၞေၚ်ကၠၚ်ဟိုက်၊ စၞာံဗြန်၊ သ္ၚာတုတ်လဝ်နဇြေဟ်အဘိက်၊ သ္ၚာတုတ်လဝ်နဇြေဟ်သၚ်မာန်၊ သ္ၚာဖျောန်လဝ်နဍာ်လွံက် သာ်လမ္စံက်အိုတ်သီု၊ သ္ၚာဖျောန်လဝ်နဍာ်လွံက် သာ်မိတ်အိုတ်သီု၊ သ္ၚာဖျောန်လဝ်နဍာ်လွံက် သာ်ဗကေတ်အိုတ်သီု၊ သ္ၚာဖျောန်လဝ်နဍာ်လွံက် သာ်ဗကေတ်တမြံၚ်အိုတ်သီု၊ သ္ၚာဖျောန်လဝ်နဍာ်လွံက် သာ်ဒမျိုၚ်အိုတ်သီု၊ သ္ၚာဖျောန်လဝ်နဍာ်လွံက် မၞုံယၟုမဟာရၚ်္ဂမတုပ်ကေုာံသာ်စးဂဂဳ၊ သ္ၚာဖျောန် လဝ်နဍာ်လွံက် မၞုံယၟုမဟာနာမ မၞုံသာ်ဖျိုဟ်၊ သအာၚ်နူဂှ် သ္ၚာမဟွံကုတ်တသာဲ။
သ္ၚာမၞုံကဵုတသာဲ၊ သ္ၚာၜန်လဝ်တသာဲဍောၚ်ကဴ၊ သ္ၚာၜန်လဝ်တသာဲညံၚ်ဒၞံက်ဇၞးဇာတ်၊ ပလောံခြပ်၊ သကောဝ်ဆု၊ ပူကွိၚ်က္ဍိုပ်၊ ကိုပ်ကၠာဟွံကလိဂွံသ္ၚာဏီ စ္ဍးအာရ၊ ကိုပ်ကၠာဟွံကလိသ္ၚာဂှ်ဏီ သၚ်ပါ်ဒးကးရ။
ပ္ဍဲဂကောံမွဲလပါ် ကဵုဒါန်ကုသၚ်အိုတ်ရ၊ တဳလပိုဉ်ရေဝက ပြၚ်ဏာသ္ၚာ၊ ပွမဂိုၚ်ကေတ် ဗွဲဍုက်ကေဝ်ဒဒှ်ေဒယှ်၊ ပွမသ္ပအဓိဋ္ဌာန်၊ မာတိကဟိုတ်ကလိဂွံသ္ၚာဂမၠိုၚ်တုန် မၞုံဒ္စာံသာ်အိုတ်ရ။ ဣဝွံတုန် စိုပ်ဒတုဲရ။
ပ္ဍဲခန္ဓကဝွံ ဝတ္ထုဂမၠိုၚ် မၞုံဒ္စိတ်စှော်တြဴအိုတ်ရ။ ဝဳဝရက္ခန္ဓကတုဲရ။
၉။ စမ္ပေယျက္ခန္ဓက
[ပလေဝ်ဒါန် | ပလေဝ်ဒါန် တမ်ကၞက်]၂၃၄။ ဝတ္ထုခမဳကဿပဂေါတ္တ
[ပလေဝ်ဒါန် | ပလေဝ်ဒါန် တမ်ကၞက်]၃၈၀။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဇရေၚ်သြၚ်ကၟာ မၞုံယၟုဂဂ္ဂရာ ဇရေၚ်ဍုၚ်စမ္ပာဂှ် ပ္ဍဲဇနပိုဒ်ကာသိရးဂမၠိုၚ် ကွာန်မၞုံယၟုဝါသဘ နွံမွဲရ။ ပ္ဍဲကွာန်ဂှ် ခမဳမၞုံယၟုကဿပဂေါတ္တ ဒှ်ခမဳဂဇအ်ဘာရ၊ “ခမဳမသ္ဍိုက်ဆာန်သဳလ မဟွံကၠုၚ်စိုပ်ဏီဂမၠိုၚ် မုရဴသာ်လဵု ဂွံကၠုၚ်စိုပ်အိုတ်ရော? ခမဳမသ္ဍိုက်ဆာန်သဳလ မကၠုၚ်စိုပ်တုဲဂမၠိုၚ် မုရဴသာ်လဵု ဂွံပဒတဴဗွဲတသိုခ်အိုတ်ရော? ဘာဝွံလေဝ် မုရဴသာ်လဵု ဂွံအာစိုပ်ပွမဇၞော်မောဝ်ဂီုကၠီုလှဲလးရော?” ရဴဝွံ သ္ပဂဗုဓ်ဓဝိၚ်လၟိုန်တုဲ အာစိုပ်ပွမပတိတ်ဇြဟတ်ရ။ ပ္ဍဲအခိၚ်ဂှ် ခမဳဂမၠိုၚ်မဂၠိုၚ်ဂၠၚ် ဂေတ်ဂ္ၚေၚ်ပ္ဍဲကာသိရးအိုတ်မ္ဂး စိုပ်ကၠုၚ်ကွာန်ဝါသဘအိုတ်ရ၊ ခမဳမၞုံယၟုကဿပဂေါတ္တ သ္ဂောံညာတ်ကေတ် ခမဳဂမၠိုၚ်မက္ညကၠုၚ်နူဇမ္ၚောဲတုဲ လးသၞာဂဇအ်ရ၊ စွံပတန်လဝ် ဍာ်ကြဴဇိုၚ် ဂတဵုပေါတ်ဇိုၚ် ကဝေက်ပေါတ်ဇိုၚ်ရ၊ ဒစးဒုၚ်တၠုၚ်တရဴတုဲ ဟောဝ်ဂိုၚ်ဗဗေၚ်သ္ၚာရ၊ (နွံပၟိက်ဍာ်သုၚ်ဟာရဴဝွံ) သၟာန်တဴ နကဵုဍာ်သုၚ်ရ၊ သ္ပပွမပတိတ်ဇြဟတ် ပ္ဍဲပွမဟုမ်ဍာ်ရ၊ ပ္ဍဲယာဂုကီု ပ္ဍဲစၞစကီု ပ္ဍဲပိဏ္ဍပါတ်ကီု သ္ပပွမပတိတ်ဇြဟတ်ရ။ ပ္ဍဲအခိၚ်ဂှ် ခမဳအာဂန္တုကဂမၠိုၚ်ဂှ် “ယွံကောန်တၠတအ် ခမဳဂဇအ်ဘာဝွံ ခိုဟ်ကွေံရ၊ (သွက်ပိုဲညးဂမၠိုၚ်) သ္ပပွမပတိတ်ဇြဟတ် ပ္ဍဲပွမဟုမ်ဍာ်ရ၊ ပ္ဍဲယာဂုကီု ပ္ဍဲစၞစကီု ပ္ဍဲပိဏ္ဍပါတ်ကီု ပွမပတိတ်ဇြဟတ်လေဝ် သ္ပရ။ ယွံကောန်တၠတအ် ပ္ဍဲအခိၚ်လၟုဟ် ပ္ဍဲညးဂမၠိုၚ် ပ္ဍဲကွာန်ဝသဘဝွံဟေၚ် ပဒတဴအိုတ်စိုအ်” ရဴဝွံ ချပ်ဂၞန်ဟီုသ္ဂးတုဲပ္ဍဲကြဴ ပဒတဴပ္ဍဲကွာန်ဝါသဘဂှ်ဟေၚ်အိုတ်ရ။ ပ္ဍဲအခိၚ်ဂှ် ခမဳမၞုံယၟုကဿပဂေါတ္တဂှ် “ကုခမဳအာဂန္တုကဂမၠိုၚ်ဝွံ ပွမဍောၚ်ၜိုတ်မစပ်ကဵုအာဂန္တုကဂှ် လလမ်အာတုဲရ၊ ခမဳအာဂန္တုကဂမၠိုၚ်ဂှ် ပ္ဍဲအခိၚ်လၟုဟ် တီကေတ်ဂၠံၚ် ပ္ဍဲကွာန် ဂ္ၚေၚ်ပိဏ္ဍပါတ်အဲအိုတ်ရ၊ ဗွဲစၟတ်တုန် ပ္ဍဲသ္ၚိညးသအာၚ်ဂမၠိုၚ် သွက်ဂွံသ္ပ ပွမသ္ပလွဳစဵုကဵုလအိတ်လမျီုဂှ် ဇြိုၚ်သန်ရ၊ ပွအာတ်ဂှ်လေဝ် မၞိဟ်ဂမၠိုၚ် ဟွံသ္ဍိုက်မၠိုက်ရ၊ အဲဂွံမံၚ်ထောံသီုဟွံသ္ပ ပွမလွဳပရာ ပ္ဍဲယာဂုကီု ပ္ဍဲစၞစကီု ပ္ဍဲပိဏ္ဍပါတ်ကီုမ္ဂး ခိုဟ်သန်ရ” ရဴဝွံ ချပ်တုဲပ္ဍဲကြဴ ပဒတဴသီုဟွံသ္ပ ပွမလွဳပရာ ပ္ဍဲယာဂုကီု ပ္ဍဲစၞစကီု ပ္ဍဲပိဏ္ဍပါတ်ကီုရ။ ကြဴနူဂှ် “ယွံကောန်တၠတအ် ခမဳဂဇအ်ဘာဝွံ ပ္ဍဲကိုပ်ကၠာတေံ (သွက်ပိုဲညးဂမၠိုၚ်) သ္ပပွမပတိတ်ဇြဟတ် ပ္ဍဲပွမဟုမ်ဍာ်ရ၊ ပ္ဍဲယာဂုကီု ပ္ဍဲစၞစကီု ပ္ဍဲပိဏ္ဍပါတ်ကီု သ္ပပွမပတိတ်ဇြဟတ်ရ။ ခမဳဂဇအ်အာဝွံ ပ္ဍဲအခိၚ်လၟုဟ် ဟွံသ္ပပွမလွဳပရာ ပ္ဍဲယာဂုကီု ပ္ဍဲစၞစကီု ပ္ဍဲပိဏ္ဍပါတ်ကီုရ၊ ယွံကောန်တၠတအ် ခမဳဂဇအ်ဘာဂှ် ပ္ဍဲအခိၚ်လၟုဟ် ဟွံခိုဟ်ရ၊ ယွံကောန်တၠတအ် ပ္ဍဲအခိၚ်လၟုဟ် ပိုဲညးဂမၠိုၚ် ဗက်ပတိတ်ထောံ ခမဳဂဇအ်ဘာဂှ် နူဘာဝွံအိုတ်စိုအ်” ရဴဝွံ ကသပ်ဒှ်ကၠုၚ် ကုခမဳအာဂန္တုကဂမၠိုၚ်ရ။ ပ္ဍဲအခိၚ်ဂှ် ခမဳအာဂန္တုကဂမၠိုၚ် ကောံဓရီုတုဲမ္ဂး “ယွံကောန်တၠတအ် တၠအဲ ပ္ဍဲကိုပ်ကၠာတေံ သ္ပပွမပတိတ်ဇြဟတ် ပ္ဍဲပွမဟုမ်ဍာ်ရ၊ ပ္ဍဲစၞစကီု ပ္ဍဲပိဏ္ဍပါတ်ကီု သ္ပပွမပတိတ်ဇြဟတ်လေဝ် သ္ပရ။ တၠအဲ ပ္ဍဲအခိၚ်လၟုဟ် ဟွံသ္ပပွမလွဳပရာ ပ္ဍဲယာဂု စၞစ ပိဏ္ဍပါတ်ဂမၠိုၚ်ရ၊ ယွံကောန်တၠ တၠအဲ အာစိုပ်အာပတ်ရ၊ ဩဝ်မၠာ်သ္ၚေဝ် အာပတ်ဂှ်ညိ” ရဴဝွံ ဟီုသ္ဂးကဵု ခမဳကဿပဂေါတ္တတုဲ (ခမဳကဿပဂေါတ္တဂှ်) ယွံကောန်တၠတအ် အာပတ်အဲဒးမၠာ်သ္ၚေဝ်ဂှ် ဟွံမွဲကုအဲရ ရဴဝွံ (သ္ဂးရ)။ ပ္ဍဲအခိၚ်ဂှ် ခမဳအာဂန္တုကဂမၠိုၚ် ဟိုတ်မဟွံမၠာ်သ္ၚေဝ်အာပတ်ဂှ် ဗက်ပတိတ်ထောံ ခမဳကဿပဂေါတ္တအိုတ်ရ။ ပ္ဍဲအခိၚ်ဂှ် “ဣဝွံတုန် အာပတ်ရ ရဴဝွံကီု အာပတ်ဟွံသေၚ်ရရဴဝွံကီု ဒးအာပတ်ရရဴဝွံကီု ဟွံဒးအာပတ်ရ ရဴဝွံကီု ထေက်ကဵုဗက်ပတိတ်ရ ရဴဝွံကီု ဟွံထေက်ကဵုဗက်ပတိတ်ရ ရဴဝွံကီု ဗဗွဲကဵုဓရ်ရ ရဴဝွံကီု ဟွံဗဗွဲကဵုဓရ်ရ ရဴဝွံကီု ကမ်မလီုလာ်ရ ရဴဝွံကီု ကမ်ဟွံလီုလာ်ရ ရဴဝွံကို ကမ်ဗဗွဲကုဟိုတ်ရ ရဴဝွံကီု ကမ်ဟွံဗဗွဲကုဟိုတ်ရ ရဴဝွံကီု အဲဟွံတီကေတ် ဟိုတ်ဂှ်ရ၊ အဲ အာဍုၚ်သမ္ပာတုဲမ္ဂး သ္ဂောံဂရၚ်ပတီသၟာန် ဟိုတ်ပရူပရာဝွံ ကုတဳလမၞုံပိုဉ်ကျာ်တြဲမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုခမဳကဿပဂေါတ္တရ။ ကြဴနူဂှ် ခမဳကဿပဂေါတ္တ လပှ်သီုဂိုၚ်ဒေပ် သၞာသတိက်သၞာဒၟံၚ်တုဲမ္ဂး ဂိုၚ်ကေတ်ဗဗေၚ်သ္ၚာတုဲ က္ညအာဍုၚ်စမ္ပာရ။ က္ညအာအတိုၚ်လၟေၚ်လၟေၚ်မ္ဂး ပြာပ်စိုပ်အာ ဇရေၚ်တဳလမၞုံပိုဉ်ကျာ်တြဲ ပ္ဍဲဍုၚ်စမ္ပာတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ ဂဇအ်ဒၟံၚ်ပ္ဍဲဒၞါဲမွဲရ။ ပွမဟီုဂလာန်ဆက်မိတ် ဗွဲမမိပ်စိုတ်အိုဟ်တၟိုဟ် ကေုာံခမဳအာဂန္တုကဂမၠိုၚ် မွဲစွံဂှ် ဒှ်အခိုက်အလေံ တဳလမၞုံပိုဉ်ကျာ်တြဲဂမၠိုၚ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံခမဳ မိပ်ဇြိပ်ထတ်ယုက်ဟာ၊ ယိုပ်ယောပ်ဟာ၊ သီုဟွံဍောၚ်ၜိုတ်ဂှ် ဂွံကၠုၚ်တဴ တရဴအဓာန်မဂၠိၚ်သ္ၚောဲဟာ၊ ယွံခမဳ တၠအဲ မုရဴနူဌာန်မွဲ ကၠုၚ်ရော?” ရဴဝွံ သၟာန်တိုန် ခမဳကဿပဂေါတ္တရ။ မိပ်ဇြိပ်ထတ်ယုက်ရ ယွံကျာ်မၞုံပိုဉ်၊ ယိုပ်ယောပ်ရ ယွံကျာ်မၞုံပိုဉ်၊ အဲဍိက် သီုဟွံဍောၚ်ၜိုတ် ဂွံကၠုၚ်တရဴအဓာန် မဂၠိၚ်သ္ၚောဲရ၊ ယွံကျာ်မၞုံပိုဉ် ပ္ဍဲဇနပိုဒ်ကာသိရးဂမၠိုၚ် ကွာန်မၞုံယၟုဝါသဘနွံမွဲရ။ ယွံကျာ်မၞုံပိုဉ် အဲဍိက် ဒှ်ခမဳဂဇအ်ဘာ ပ္ဍဲကွာန်ဂှ်ရ၊ “ခမဳမသ္ဍိုက်ဆာန်သဳလ မဟွံကၠုၚ်စိုပ်ကၠုၚ်စိုပ်ဏီဂမၠိုၚ် မုရဴသာ်လဵု ဂွံကၠုၚ်စိုပ်အိုတ်ရော? ခမဳမသ္ဍိုက်ဆာန်သဳလ မကၠုၚ်စိုပ်တုဲဂမၠိုၚ် မုရဴသာ်လဵု ဂွံပဒတဴဗွဲတသိုခ်အိုတ်ရော? ဘာဝွံလေဝ် မုရဴသာ်လဵု ဂွံအာစိုပ်ပွမဇၞော်မောဝ်ဂီုကၠီုလှဲလးရော?” ရဴဝွံ သ္ပဂဗုဓ်ဓဝိၚ်လၟိုန်တုဲ အာစိုပ်ပွမပတိတ်ဇြဟတ်ရ။ ယွံကျာ်မၞုံပိုဉ် ပ္ဍဲအခိၚ်ဂှ် ခမဳဂမၠိၚ်မဂၠိုၚ်ဂၠၚ် ဂေတ်ဂ္ၚေၚ်ပ္ဍဲကာသိရးအိုတ်မ္ဂး စိုပ်ကၠုၚ်ကွာန်ဝါသဘအိုတ်ရ၊ ယွံကျာ်မၞုံပိုဉ် အဲဍိက် သ္ဂောံညာတ်ကေတ် ခမဳဂမၠိုၚ်မက္ညကၠုၚ်နူဇမ္ၚောဲတုဲ လးသၞာဂဇအ်ရ၊ စွံပတန်လဝ် ဍာ်ကြဴဇိုၚ် ဂတဵုပေါတ်ဇိုၚ် ကဝေတ်ပေါတ်ဇိုၚ်ရ၊ ဒစးဒုၚ်တၠုၚ်တရဴတုဲ ဟောဝ်ဂိုၚ်ဗဗေၚ်သ္ၚာရ၊ (နွံပၟိက်ဍာ်သုၚ်ဟာရဴဝွံ) သၟာန်တဴ နကဵုဍာ်သုၚ်ရ၊ သ္ပပွမပတိတ်ဇြဟတ် ပ္ဍဲပွမဟုမ်ဍာ်ရ၊ ပ္ဍဲယာဂုကီု ပ္ဍဲစၞစကီု ပ္ဍဲပိဏ္ဍပါတ်ကီု သ္ပပွမပတိတ်ဇြဟတ်ရ။ ယွံကျာ်မၞုံပိုဉ် ပ္ဍဲအခိၚ်ဂှ် ခမဳအာဂန္တုကဂမၠိုၚ်ဂှ် “ယွံကောန်တၠတအ် ခမဳဂဇအ်ဘာဝွံ ခိုဟ်ကွေံရ၊ (သွက်ပိုဲညးဂမၠိုၚ်) သ္ပပွမပတိတ်ဇြဟတ် ပ္ဍဲပွမဟုမ်ဍာ်ရ၊ ပ္ဍဲယာဂုကီု ပ္ဍဲစၞစကီု ပ္ဍဲပိဏ္ဍပါတ်ကီု ပွမပတိတ်ဇြဟတ်လေဝ် သ္ပရ။ ယွံကောန်တၠတအ် ပ္ဍဲအခိၚ်လၟုဟ် ပ္ဍဲညးဂမၠိုၚ်ပ္ဍဲကွာန်ဝါသဘဝွံဟေၚ် ပဒတဴအိုတ်စိုအ်” ရဴဝွံ ချပ်ဂၞန်ဟီုသ္ဂးတုဲပ္ဍဲကြဴ ပဒတဴပ္ဍဲကွာန်ဝါသဘဂှ်ဟေၚ်အိုတ်ရ။ ယွံကျာ်မၞုံပိုဉ် အဲဍိက်ဂှ် “ကုခမဳအာဂန္တုကဂမၠိုၚ်ဝွံ ပွမဍောၚ်ၜိုတ်မစပ်ကဵု အာဂန္တုကဂှ် လလမ်အာတုဲရ၊ ခမဳအာဂန္တုကဂမၠိုၚ်ဂှ် ပ္ဍဲအခိၚ်လၟုဟ် တီကေတ်ဂၠံၚ် ပ္ဍဲကွာန်ဂ္ၚေၚ်ပိဏ္ဍပါတ်အဲအိုတ်ရ၊ ဗွဲစၟတ်တုန် ပ္ဍဲသ္ၚိညးသအာၚ်ဂမၠိုၚ် သွက်ဂွံသ္ပ ပွမသ္ပလွဳစဵုကဵုလအိတ်လမျီုဂှ် ဇြိုၚ်သန်ရ၊ ပွမအာတ်ဂှ်လေဝ် မၞိဟ်ဂမၠိုၚ် ဟွံသ္ဍိုက်မၠိုက်ရ၊ ဂွံဂွံမံၚ်ထောံ သီုဟွံသ္ပ ပွမလွဳပရာ ပ္ဍဲယာဂုကီု ပ္ဍဲစၞစကီု ပ္ဍဲပိဏ္ဍပါတ်ကီုမ္ဂး ခိုဟ်သန်ရ” ရဴဝွံ ချပ်တုဲပ္ဍဲကြဴ ပဒတဴသီုဟွံသ္ပ ပွမလွဳပရာ ပ္ဍဲယာဂုကီု ပ္ဍဲစၞစကီု ပ္ဍဲပိဏ္ဍပါတ်ကီုရ။ ယွံကျာ်မၞုံပိုဉ် ကြဴနူဂှ် “ယွံကောန်တၠတအ် ခမဳဂ္ဇအ်ဘာဝွံ ပ္ဍဲကိုပ်ကၠာတေံ (သွက်ပိုဲညးဂမၠိုၚ်) သ္ပပွမပတိတ်ဇြဟတ် ပ္ဍဲပွမဟုမ်ဍာ်ရ၊ ပ္ဍဲယာဂုကီ ပ္ဍဲစၞစကီု ပ္ဍဲပိဏ္ဍပါတ်ကီု သ္ပပွမပတိတ်ဇြဟတ်ရ။ ခမဳဂဇအ်ဘာဂှ် ပ္ဍဲအခိၚ်လၟုဟ် ဟွံသ္ပပွမလွဳပရာ ပ္ဍဲယာဂုကီ ပ္ဍဲစၞစကီု ပ္ဍဲပိဏ္ဍပါတ်ကီုရ၊ ယွံကောန်တၠတအ် ခမဳဂဇအ်ဘာဝွံ ပ္ဍဲအခိၚ်လၟုဟ် ဟွံခိုဟ်ရ၊ ယွံကောန်တၠတအ် ပ္ဍဲအခိၚ်လၟုဟ် ပိုဲညးဂမၠိုၚ် ဗက်ပတိတ်ထောံ ခမဳဂဇအ်ဘာဂှ် နူဘာဝွံအိုတ်စိုအ်” ရဴဝွံ ကသပ်ဒှ်ကၠုၚ် ကုခမဳ အာဂန္တုကဂမၠိုၚ်ဂှ်ရ။ ယွံကျာ်မၞုံပိုဉ် ပ္ဍဲအခိၚ်ဂှ် ခမဳအာဂန္တုကဂမၠိုၚ်ဂှ် ကောံဓရီုတုဲမ္ဂး “ယွံကောန်တၠတအ် တၠအဲ ပ္ဍဲကိုပ်ကၠာတေံ သ္ပပမပတိတ်ဇြဟတ် ပ္ဍဲပွမဟုမ်ဍာ်ရ၊ ပ္ဍဲယာဂုကီ ပ္ဍဲစၞစကီု ပ္ဍဲပိဏ္ဍပါတ်ကီု ပွမပတိတဇြဟတ်လေဝ် သ္ပရ။ တၠအဲ ပ္ဍဲအခိၚ်လၟုဟ် ဟွံသ္ပပွမလွဳပရာ ပ္ဍဲယာဂုကီ ပ္ဍဲစၞစကီု ပ္ဍဲပိဏ္ဍပါတ်ကီုဂမၠိုၚ်ရ၊ ယွံကောန်တၠ တၠအဲ အာစိုပ်အာပတ်ရ၊ ဩဝ်မၠာ်သ္ၚေဝ် အာတ်ဂှ်ညိ” ရဴဝွံ ဟီုသ္ဂးကဵု အဲဍိက်တုဲ (အဲဍိက်ဂှ်) ယွံကောန်တၠတအ် အာပတ်အဲဒးမၠာ်သ္ၚေဝ်ဂှ် ဟွံမွဲကုအဲရ ရဴဝွံ (သ္ဂးရ)။ ယွံကျာ်မၞုံပိုဉ် ပ္ဍဲအခိၚ်ဂှ် ခမဳအာဂန္တုကဂမၠိုၚ် ဟိုတ်မဟွံမၠာ်သ္ၚေဝ်အာပတ်ဂှ် ဗက်ပတိတ်ထောံ အဲဍိက်အိုတ်ရ။ ယွံကျာ်မၞုံပိုဉ် ပ္ဍဲအခိၚ်ဂှ် “ဣဝွံတုန် အာပတ်ရရဴဝွံကီု အာပတ်ဟွံသေၚ်ရ ရဴဝွံကီု ဒးအာပတ်ရ ရဴဝွံကီု ဟွံဒးအာပတ်ရ ရဴဝွံကီု ထေက်ကဵုဗက်ပတိတ်ရ ရဴဝွံကီု ဟွံထေက်ကဵုဗက်ပတိတ်ရ ရဴဝွံကီု ဗဗွဲကဵုဓရ်ရ ရဴဝွံကီု ဟွံဗဗွဲကဵုဓရ်ရ ရဴဝွံကီု ကမ်မလီုလာ်ရ ရဴဝွံကီု ကမ်ဟွံလီုလာ်ရ ရဴဝွံကို ကမ်ဗဗွဲကုဟိုတ်ရ ရဴဝွံကီု ကမ်ဟွံဗဗွဲကုဟိုတ်ရ ရဴဝွံကီု အဲဟွံတီကေတ် ဟိုတ်ဂှ်ရ၊ အဲ အာဍုၚ်သမ္ပာတုဲမ္ဂး သ္ဂောံဂရၚ်ပတီသၟာန် ဟိုတ်ပရူပရာဝွံ ကုတဳလမၞုံပိုဉ်ကျာ်တြဲမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုအဲဍိက်ရ။ ယွံကျာ်မၞုံပိုဉ် အဲဍိက် ကၠုၚ်နူကွာန်ဝါသဘဂှ်ရ ရဴဝွံ (ဂရၚ်ပတီရ)။ ယွံခမဳ ဣဝွံဂှ် အာပတ်ဟွံသ္ဂးရ၊ ဣဝွံဂှ် အာပတ်ဟွံသေၚ်ရ၊ ဒှ်ဟွံဒးအာပတ်ရ၊ ဒးအာပတ်ဟွံသေၚ်ရ၊ ဒှ်ဟွံထေက်ကဵုဗက်ပတိတ်ထောံရ၊ ထေက်ကဵုဗက်ပတိတ်ထောံ ဟွံသေၚ်ရ၊ နကဵုကမ် မဟွံဗဗွဲဓရ်မလီုလာ် မဟွံဗဗွဲကဵုဟိုတ်ဂှ် ဗက်ပတိတ်ထောံ တၠအဲရ။ ယွံခမဳ ဩဝ်အာညိ၊ တၠအဲ ဩဝ်ပဒတဴ ပ္ဍဲကွာန်ဝါသဘဂှ်ဟေၚ်ညိ ရဴဝွံ (သ္ဂးရ)။ “ခိုဟ်ရ ယွံတဳလမၞုံပိုဉ်” ရဴဝွံ ခမဳကဿပဂေါတ္တ ဒုၚ်ဝန် ကုတဳလမၞုံပိုဉ်ကျာ်တြဲတုဲမ္ဂး ဒၠိုက်တဵုနူဒၞါဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သ္ပရှ်ေသှ်ေရဴဂဴကၠာ က္ညစ္ဍးအာရ။
၃၈၁။ ကြဴနူဂှ် “ကုပိုဲညးဂမၠိုၚ် ဟွံကလိဂွံဂုဏ်ဂမၠိုၚ်မပ္တံၛာန်အိုတ်ရသွံ၊ ကုပိုဲညးဂမၠိုၚ် ကလိဂွံဒဒှ် ခမဳ ဗွဲဟွံဒးရးအိုတ်ရသွံ၊ ပိုဲညးဂမၠိုၚ် ဂပ်ဝ်ကလိဂွံ (သာသနာ) ဗွဲဟွံဒးရးအိုတ်ရ၊ ပိုဲညးဂမၠိုၚ် ဂပ်ဝ်ကလိဂွံ (သာသနာ) ဗွဲမ္ဒးရး ဟွံသေၚ်အိုတ်ရ၊ ဟိုတ်ဍေံဟီုဂှ် ယြဴပိုဲညးဂမၠိုၚ် သီုဟွံမွဲကဵုဝတ္ထု သီုဟွံမွဲကဵုဟိုတ်ဂှ် ဗက်ပတိတ်ဒး ခမဳမသအးဇ္ၚး မဟွံဒးအာပတ်အိုတ်ရ၊ ယွံကောန်တၠတအ် ပ္ဍဲအခိၚ်လၟုဟ်ဝွံ ပိုဲညးဂမၠိုၚ် အာဍုၚ်စမ္ပာတုဲမ္ဂး ဗွဲမဗဗွဲကဵုဒဟ် ကလအ်ဒုၚ်ဂုဏ် ပ္ဍဲဇရေၚ်တဳလမၞုံပိုဉ်ကျာ်တြဲအိုတ်စိုအ်” ရဴဝွံ ပွမစံၚ်တူဗွဲကြဴ ပွမသၠိုက်သ္ၚောံစိုတ် ဒှ်အာကုခမဳအာဂန္တုကဂမၠိုၚ်ရ။ ကြဴနူဂှ် ခမဳအာဂန္တုကဂမၠိုၚ်ဂှ် လပှ်သီုဂိုၚ်ဒေပ် သၞာသတိက်သၞာဒၟံၚ်တုဲမ္ဂး ဂိုၚ်ကေတ်ဗဗေၚ်သ္ၚာတုဲ က္ညအာဍုၚ်စမ္ပာအိုတ်ရ။ က္ညအာအတိုၚ်လၟေၚ်လၟေၚ်မ္ဂး ပြာပ်စိုပ်အာ ဇရေၚ်တဳလမၞုံပိုဉ်ကျာ်တြဲ ပ္ဍဲဍုၚ်စမ္ပာတုဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ ဂဇအ်ဒၟံၚ်ပ္ဍဲဒၞါဲမွဲအိုတ်ရ။ ပွမဟီုဂလာန်ဆက်မိတ် ဗွဲမမိပ်စိုတ်အိုဟ်တၟိုဟ် ကေုာံခမဳအာဂန္တုကဂမၠိုၚ် မွဲစွံဂှ် ဒှ်အခိုက်အလေံ တဳလမၞုံပိုဉ်ကျာ်တြဲဂမၠိုၚ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံခမဳတအ် မိပ်ဇြိပ်ထတ်ယုက်ဟာ၊ ယိုပ်ယောပ်ဟာ၊ သီုဟွံဍောၚ်ၜိုတ်ဂှ် ဂွံကၠုၚ်တဴ တရဴအဓာန်မဂၠိၚ်သ္ၚောဲဟာ၊ ယွံခမဳတအ် မၞးတအ်ညးဂမၠိုၚ် မုရဴနူဌာန်မွဲ ကၠုၚ်ရော?” ရဴဝွံ သၟာန်တိုန် ခမဳဂမၠိုၚ်ဂှ်ရ။ မိပ်ဇြိပ်ထတ်ယုက်ရ ယွံကျာ်မၞုံပိုဉ်၊ ယိုပ်ယောပ်ရ ယွံကျာ်မၞုံပိုဉ်၊ ပိုဲဍိက်တအ် သီုဟွံဍောၚ်ၜိုတ် ဂွံကၠုၚ်တရဴအဓာန်မဂၠိၚ်သ္ၚောဲအိုတ်ရ၊ ယွံကျာ်မၞုံပိုဉ် ပ္ဍဲဇနပိုဒ်ကာသိရးဂမၠိုၚ် ကွာန်မၞုံယၟုဝါသဘနွံမွဲရ။ ယွံကျာ်မၞုံပိုဉ် ပိုဲဍိက်တအ်ညးဂမၠိုၚ် နူကွာန်ဂှ်အိုတ်ရ ရဴဝွံ (ဂရၚ်ပတီအိုတ်ရ)။ ယွံခမဳတအ် မၞးတအ်ညး၈မၠိုၚ် ဗက်ပတိတ်ထောံ ခမဳဂဇအ်ဘာဂှ်အိုတ်ဟာ၊ ရဴဝွံ (သၟာန်ရ)။ ယွံကျာ်မၞုံပိုဉ် ဗက်ပတိတ်ဒးဂှ် ဍာံပြရ ရဴဝွံ (ဂရၚ်ပတီအိုတ်ရ)။ ယွံခမဳတအ် မုရဴဟိုတ်နူဝတ္ထုမွဲ မုရဴဟိုတ်နူဟိုတ်မွဲ (ဗက်ပတိတ်ထောံအိုတ်ရော?) ရဴဝွံ (သၟာန်ရ)။ ယွံကျာ်မၞုံပိုဉ် သီုဟွံမွဲကဵုဝတ္ထု သီုဟွံမွဲဟိုတ်ဂှ် ဗက်ပတိတ်ဒးအိုတရ ရဴဝွံ (ဂရၚ်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ ယွံခမဳတအ် (ပွဝွံ) ဟွံထေက်ကုခမဳဂမၠိုၚ်ရ၊ ဟွံဗဗွဲရ၊ ဟွံသပ္ပါယ်ရ၊ အာကာအရာခမဳတအ် ဟွံသေၚ်ရ၊ ဟွံဂပ်ဝ်ရ၊ ဟွံထေက်ကဵုသ္ပရ။ ယွံတြုံမလ္ၚုသၟး (နူမဂ်ဖိုလ်) တအ် မၞးတအ်ညးဂမၠိုၚ် မုဟိုတ် သီုဟွံမွဲကဵုဝတ္ထု သီုဟွံမွဲကဵုဟိုတ်ဂှ် ဗက်ပတိတ်ထောံ ခမဳမသအးဇ္ၚး မဟွံဒးအာပတ်အိုတ်ရော? ယွံတြုံမလ္ၚုသၟး (နူမဂ်ဖိုလ်) (ပွမၞးတအ်ညးဂမၠိုၚ်သ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး “ယွံခမဳတအ် သီုဟွံမွဲကဵုဝတ္ထု သီုဟွံမွဲကဵုဟိုတ်ဂှ် ဟဂပ်ဝ်ဗက်ပတိတ်ထောံ ခမဳမသအးဇ္ၚး မဟွံဒးအာပတ်ရ၊ ကုခမဳမဗက်ပတိတ်ဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။ ကြဴနူဂှ် ခမဳဂမၠိုၚ်ဂှ် ဒၠိုက်ကတဵုနူဒၞါဲတုဲမ္ဂး လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလပါ်တုဲ မာဖျေံက္ဍိုပ် ပ္ဍဲဇိုၚ်တဳလမၞုံပိုည်ကျာ်တြဲဂမၠိုၚ်တုဲ “ယွံတဳလမၞုံပိုဉ် အတိုၚ်မဒိုဟ်ဓီု အတိုၚ်မဝိဝိၚ် အတိုၚ်ဟွံဍိုဟ်ကေက် ဒုဟ်ဓလီုဍိုက်ဒး ပိုဲဍိက်တအ်ညးဂမၠိုၚ်တုဲရ၊ ယွံတဳလမၞုံပိုဉ် ဒုဟ်ပိုဲတအ်ညးဂမၠိုၚ် ဗက်ပတိတ်ဒးခမဳ မသအးဇ္ၚး ဟွံမွဲကဵုအာပတ် သီုဟွံမွဲကဵုဝတ္ထု သီုဟွံမွဲကဵုဟိုတ်ဂှ် ဗွဲအစောံဒုဟ် တၞဟ်နသ္ၚဳလလမ်မၚ်မွဲ ပ္ဍဲကာလကြဴ တဳလမၞုံပိုဉ်ကျာ်တြဲ ဩဝ်အေၚ်ဒုၚ်ညိကျာ် ရဴဝွံ (ဂရၚ်ပတီအိုတ်ရ)။ ယွံခမဳတအ် ခိုဟ်ရ တၠအဲ အတိုၚ်မဒိုဟ်ဓီု အတိုၚ်မဝိဝိၚ် အတိုၚ်ဟွံဍိုဟ်ကေက် ဒုဟ်ဓလီုဍိုက်ဒး မၞးတအ်ညးဂမၠိုၚ်တုဲရ၊ မၞးတအ်ညးဂမၠိုၚ် ဗက်ပတိတ်ဒးခမဳ မသအးဇ္ၚး ဟွံမွဲကဵုအာပတ် သီုဟွံမွဲကဵုဝတ္ထု သီုဟွံမွဲကဵုဟိုတ်ရ၊ ယွံခမဳတအ် ညာတ်ကေတ်ဒုဟ် ဗွဲအစောံဒုဟ်တုဲ ဟိုတ်မဇအုဲဇဗကၠေံ ဗွဲမဗဗွဲကဵုဓရ်ဂှ်ရ ဒုဟ်မၞးတအ်ညးဂမၠိုၚ်ဂှ် (ဒုဟ်ရ) ရဴဝွံ ပိုဲအေၚ်ဒုၚ်အိုတ်ရ။ ယွံခမဳတအ် ပ္ဍဲသာသနာအဲကျာ် ယြဴခမဳမွဲ ညာတ်ဒုဟ် ဗွဲအစောံဒုဟ်တုဲ ဇအုဲဇဗကၠေံ ဗွဲမဗဗွဲကဵုဓရ်ရ၊ ပ္ဍဲကာလကြဴလေဝ် အာစိုပ်ပွမသ္ၚဳလလမ်မၚ်မွဲရ၊ ပွမအာစိုပ် သ္ၚဳလလမ်မၚ်မွဲ ညးဂှ်ဝွံ ပ္ဍဲသာသနာ ဒၠောံဗတောန်ကျာ်အရဳဂှ် ဒှ်ဟိုတ်ပွမဇၞော်မောဝ်တဴတက်ရ ရဴဝွံ (သ္ဂးရ)။
၂၃၅။ ပရူကမ်မပ္တံပွမဒှ်ဝဂ် နဟွံဗဗွဲဓရ်
[ပလေဝ်ဒါန် | ပလေဝ်ဒါန် တမ်ကၞက်]၃၈၂။ ပ္ဍဲကာလမွဲအခိၚ် ပ္ဍဲဍုၚ်စမ္ပာ ခမဳဂမၠိုၚ် သ္ပတဴ ကမ်မၞုံသဘဴရဴဝွံအိုတ်ရ။ သ္ပတဴကမ်မဒှ်ဝဂ် နဟွံဗဗွဲဓရ်အိုတ်ရ၊ သ္ပတဴ ကမ်မဒှ်ဝဂ် နဗဗွဲဓရ်အိုတ်ရ၊ သ္ပတဴကမ်မဒှ်ဝဂ် နဓရ်ပတောံအိုတ်ရ၊ သ္ပတဴကမ်မညဳသာသၟဟ်သၟန် နဓရ်ပတောံအိုတ်ရ။ ခမဳမွဲဇကုလေဝ် ဗက်ပတိတ်ထောံ ခမဳမွဲဇကုရ၊ ခမဳမွဲဇကုလေဝ် ဗက်ပတိတ်ထောံ ခမဳဂမၠိုၚ်ၜါဇကုရ၊ ခမဳမွဲဇကုလေဝ် ဗက်ပတိတ်ထောံ ခမဳဂမၠိုၚ်မဂၠိုၚ်ရ၊ ခမဳမွဲဇကုလေဝ် ဗက်ပတိတ်ထောံ သၚ်ရ။ ခမဳဂမၠိုၚ်ၜါဇကုလေဝ် ဗက််ပတိတ်ထောံ ခမဳမွဲဇကုအိုတ်ရ၊ ခမဳဂမၠိုၚ်ၜါဇကုလေဝ် ဗက်ပတိတ်ထောံ ခမဳဂမၠိုၚ်ၜါဇကုအိုတ်ရ၊ ခမဳဂမၠိုၚ်ၜါဇကုလေဝ် ဗက်ပတိတ်ထောံ ခမဳဂမၠိုၚ်မဂၠိုၚ်အိုတ်ရ၊ ခမဳဂမၠိုၚ်ၜါဇကုလေဝ် ဗက်ပတိတ်ထောံ သၚ်အိုတ်ရ။ ခမဳဂမၠိုၚ်မဂၠိုၚ်လေဝ် ဗက်ပတိတ်ထောံ ခမဳမွဲဇကုအိုတ်ရ၊ ခမဳဂမၠိုၚ်မဂၠိုၚ်လေဝ် ဗက်ပတိတ်ထောံ ခမဳဂမၠိုၚ်ၜါဇကုအိုတ်ရ၊ ခမဳဂမၠိုၚ်မဂၠိုၚ်လေဝ် ဗက်ပတိတ်ထောံ ခမဳဂမၠိုၚ်မဂၠိုၚ်အိုတ်ရ၊ ခမဳဂမၠိုၚ်မဂၠိုၚ်လေဝ် ဗက်ပတိတ်ထောံ သၚ်အိုတ်ရ။ သၚ်လေဝ် ဗက်ပတိတ်ထောံသၚ်ရ။ ခမဳပၟိက်အောန်ဂမၠိုၚ်ဂှ် “မုဟိုတ် ပ္ဍဲဍုၚ်စမ္ပာ ခမဳဂမၠိုၚ် သ္ပတဴကမ်မၞုံသဘဴရဴဝွံအိုတ်ဂှ်ရော? သ္ပတဴကမ် မဒှ်ဝဂ် နဟွံဗဗွဲဓရ်အိုတ်ဂှ်ရော? သ္ပတဴကမ်မညဳသၟဟ်သၟန် နဟွံဗဗွဲဓရ်အိုတ်ဂှ်ရော? သ္ပတဴကမ် မဒှ်ဝဂ် နဗဗွဲဓရ်အိုတ်ဂှ်ရော? သ္ပတဴကမ်မဒှ်ဝဂ် နဓရ်ပတောံအိုတ်ဂှ်ရော? သ္ပတဴ ကမ်မညဳသာသၟဟ်သၟန် နဓရ်ပတောံအိုတ်ဂှ်ရော? ခမဳမွဲဇကုလေဝ် ဗက်ပတိတ်ထောံ ခမဳမွဲဇကုရော? ခမဳမါဲဇကုလေဝ် ဗက်ပတိတ်ထောံ ခမဳဂမၠိုၚ်ၜါဇကုရော? ခမဳမွဲဇကုလေဝ် ဗက်ပတိတ်ထောံ ခမဳဂမၠိုၚ်မဂၠိုၚ်ရော? ခမဳမွဲဇကုလေဝ် ဗက်ပတိတ်ထောံ သၚ်ရော? ခမဳဂမၠိုၚ်ၜါဇကုလေဝ် ဗက်ပတိတ်ထောံ ခမဳမွဲဇကုအိုတရော? ခမဳဂမၠိုၚ်ၜါဇကုလေဝ် ဗက်ပတိတ်ထောဴ ခမဳဂမၠိုၚ်ၜါဇကုအိုတ်ရော? ခမဳဂမၠိုၚ်ၜါဇကုလေဝ် ဗက်ပတိတ်ထောံ ခမဳဂမၠိုၚ်မဂၠိုၚ်အိုတ်ရော? ခမဳဂမၠိုၚ်ၜါဇကုလေဝ် ဗက်ပတိတ်ထောံ သၚ်အိုတ်ရော? ခမဳဂမၠိုၚ်မဂၠိုၚ်လေဝ် ဗက်ပတိတ်ထောံ ခမဳမွဲဇကုအိုတ်ရော? ခမဳဂမၠိုၚ်မဂၠိုၚ်လေဝ် ဗက်ပတိတ်ထောံ ခမဳဂမၠိုၚ်ၜါဇကုအိုတ်ရော? ခမဳဂမၠိုၚ်မဂၠိုၚ်လေဝ် ဗက်ပတိတ်ထောံ ခမဳဂမၠိုၚ်မဂၠိုၚ်အိုတ်ရော? ခမဳဂမၠိုၚ်မဂၠိုၚ်လေဝ် ဗက်ပတိတ်ထောံ သၚ်အိုတ်ရော? သၚ်လေဝ် ဗက်ပတိတ်ထောဴ သၚ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ “ယွံခမဳတအ် ပ္ဍဲဍုၚ်စမ္ပာ ခမဳဂမၠိုၚ် သ္ပတဴကမ်မၞုံသဘဴရဴဝွံအိုတ်ရ။ သ္ပတဴကမ် မဒှ်ဝဂ် နဟွံဗဗွဲဓရ်အိုတ်ရ ။ ပ ။ သၚ်လေဝ် ဗက်ပတိတ်ထောဴ သၚ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ ယွံခမဳတအ် ပွခမဳမလ္ၚုသၟး (နူမဂ်ဖိုလ်) ဂမၠိုၚ်ဂှ် ဟွံထေက် ကုခမဳဂမၠိုၚ်ရ၊ ဟွံဗဗွဲရ၊ ဟွံသပ္ပါယ်ရ၊ အာကာရအရာခမဳတအ် ဟွံသေၚ်ရ၊ ဟွံဂပ်ဝ်ရ၊ ဟွံထေက်ကဵုသ္ပရ။ ယွံခမဳတအ် တြုံမလ္ၚုသၟး (နူမဂ်ဖိုလ်) ဂမၠိုၚ် မုဟိုတ် သ္ပတဴကမ်မၞုံသဘဴရဴဝွံအိုတ်ရော? သ္ပတဴကမ် မဒှ်ဝဂ် နဟွံဗဗွဲဓရ်အိုတ်ရော? ။ ပ ။ သၚ်လေဝ် ဗက်ပတိတ်ထောံသၚ်ရော? ယွံခမဳတအ် (ပွမခမဳဂမၠိုၚ်သ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟွံဂရိုဟ်တုဲ တွံကဵုဂလာန်ဓရ်တုဲမ္ဂး−
၃၈၃။ ယွံခမဳတအ် သ္ပတဴကမ် မဒှ်ဝဂ် နဟွံဗဗွဲဓရ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ သ္ပတဴကမ် မညဳသာသၟဟ်သၟန် နဟွံဗဗွဲဓရ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ သ္ပတဴကမ် မဒှ်ဝဂ် နဗဗွဲဓရ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ သ္ပတဴကမ် မဒှ်ဝဂ် နဓရ်ပတောံမ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ သ္ပတဴကမ် မညဳသာသၟဟ်သၟန် နဓရ်ပတောံမ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ခမဳမွဲဇကုလေဝ် ဗက်ပတိတ်ထောဴ ခမဳမွဲဇကုမ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ ခမဳမွဲဇကုလေဝ် ဗက်ပတိတ်ထောံ ခမဳဂမၠိုၚ်ၜါဇကုမ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ ခမဳမွဲဇကုလေဝ် ဗက်ပတိတ်ထောဴ ခမဳဂမၠိုၚ်မဂၠိုၚ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ ခမဳမွဲဇကုလေဝ် ဗက်ပတိတ်ထောံ သၚ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ ခမဳဂမၠိုၚ်ၜါဇကုလေဝ် ဗက်ပတိတ်ထောံ ခမဳမွဲဇကုအိုတ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ခမဳဂမၠိုၚ်ၜါဇကုလေဝ် ဗက်ပတိတ်ထောံ ခမဳဂမၠိုၚ်ၜါဇကုအိုတ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ခမဳဂမၠိုၚ်ၜါဇကုလေဝ် ဗက်ပတိတ်ထောံ ခမဳဂမၠိုၚ်မဂၠိုၚ်အိုတ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ခမဳဂမၠိုၚ်ၜါဇကုလေဝ် ဗက်ပတိတ်ထောံ သၚ်အိုတ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ခမဳဂမၠိုၚ်မဂၠိုၚ်လေဝ် ဗက်ပတိတ်ထောံ ခမဳမွဲဇကုအိုတ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ခမဳဂမၠိုၚ်မဂၠိုၚ်လေဝ် ဗက်ပတိတ်ထောံ ခမဳဂမၠိၚ်ၜါဇကုအိုတ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ခမဳဂမၠိုၚ်မဂၠိုၚ်လေဝ် ဗက်ပတိတ်ထောဴ ခမဳဂမၠိုၚ်မဂၠိုၚ်အိုတ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ခမဳဂမၠိုၚ်မဂၠိုၚ်လေဝ် ဗက်ပတိတ်ထောံ သၚ်အိုတ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်လေဝ် ဗက်ပတိတ်ထောံသၚ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။
၃၈၄။ ယွံခမဳတအ် ကမ်ဂမၠိုၚ် ကမ်မဒှ်ဝဂ် နဟွံဗဗွဲဓရ်ကီု ကမ်မညဳသာသၟဟ်သၟန် နဟွံဗဗွဲဓရ်ကီု ကမ်ဒှ်ဝဂ် နဗဗွဲဓရ်ကီု ကမ်မညဳသာသၟဟ်သၟန် နဗဗွဲဓရ်ကီု ဣဝွံမၞုံပန်ပြကာအိုတ်ရ။ ယွံခမဳတအ် ပၞောဝ်ကဵုကမ်ဂမၠိုၚ်ပန်ပြကာဂှ် ကမ်မဒှ်ဝဂ် နဟွံဗဗွဲဓရ်ဂှ် ဟိုတ်ဒဒှ်ဟွံဗဗွဲဓရ်ကီု ဟိုတ်မဒှ်ဝဂ်ကီုဂှ်ရ လီုရ၊ ဟွံမွဲကဵုဟိုတ်မထေက်ကြိုက်ရ၊ ယွံခမဳတအ် ကမ်မၞုံသဘဴရဴဝွံ ဟဂပ်ဝဋ္ဌ်သ္ပရ၊ အဲလေဝ် ဟွံကဵုအခေါၚ်ကမ်မၞုံသဘဴသာ်ဂှ်ရ။ ယွံခမဳတအ် ပၞောဝ်ကဵုကမ်ဂမၠိုၚ်ပန်ပြကာဂှ် ကမ်မညဳသာသၟဟ်သၟန် နဟွံဗဗွဲဓရ်ဂှ် ဟိုတ်ဒဒှ်ဟွံဗဗွဲဓရ်ဂှ်ရ လီုရ၊ ဟွံမွဲကဵုဟိုတ်မထေက်ကြိုက်ရ၊ ယွံခမဳတအ် ကမ်မၞုံသဘဴရဴဝွံ ဟဂပ်ဝ်သ္ပရ၊ အဲလေဝ် ဟွံကဵုအခေါၚ်ကမ်မၞုံသဘဴသာ်ဂှ်ရ။ ယွံခမဳတအ် ပၞောဝ်ကဵုကမ်ဂမၠိုၚ်ပန်ပြကာဂှ် ကမ်မဒှ်ဝဂ် နဗဗွဲဓရ်ဂှ် ဟိုတ်မဒှ်ဝဂ်ဂှ်ရ လီုရ၊ ဟွံမွဲကဵုဟိုတ်မထေက်ကြိုက်ရ၊ ယွံခမဳတအ် ကမ်မၞုံသဘဴရဴဋ္ဌဝွံ ဟဂပ်ဝ်သ္ပရ၊ အဲလေဝ် ဟွံကဵုအခေါၚ်ကမ်မၞုံသဘဴသာ်ဂှ်ရ။ ယွံခမဳတအ် ပၞောဝ်ကဵုကမ်ဂမၠိုၚ်ပန်ပြကာဂှ် ကမ်မညဳသာသၟဟ်သၟန် နဗဗွဲဓရ်ဂှ် ဟိုတ်မဗဗွဲဓရ်ကီု ဟိုတ်မညဳသာသၟဟ်သၟန်ဂှ်ရ ဟွံလီုရ၊ မၞုံကဵုဟိုတ်မထေက်ကြိုက်ရ၊ ယွံခမဳတအ် ကမ်မၞုံသဘဴရဴဝွံ ထေက်ကဵုသ္ပရ၊ အဲလေဝ္ ကဵုအခေါၚ်ကမ် မၞုံသဘဴသာ်ဂှ်ရ။ ယွံခမဳတအ် ဟိုတ်ဂှ်ရ ပ္ဍဲသာသနာဝွံ ကမ်မၞုံသဘဴမညဳသာသၟဟန်သၟန် နဗဗွဲဓရ်ဂှ်ဟေၚ် ကြက်သ္ပအိုတ်ရ ရဴဝွံ မၞးတအ်ညးဂမၠိုၚ် သ္ဒးဒ္ဂေတ်လ္ၚတ်ပတိတ်ဇြဟတ်ရ ရဴဝွံ သ္ဂးကဵုခမဳဂမၠိုၚ်ရ။
၂၃၆။ ပရူမပ္တံ ကမ် ဉတ်လီုလာ်
[ပလေဝ်ဒါန် | ပလေဝ်ဒါန် တမ်ကၞက်]၃၈၅။ ပ္ဍဲကာလမွဲအခိၚ် ခမဳဆဗ္ဗဂ္ဂဳဂမၠိုၚ် သ္ပတဴကမ်မၞုံသဘဴရဴဝွံအိုတ်ရ။ သ္ပတဴကမ်မဒှ်ဝဂ် နဟွံဗဗွဲဓရ်အိုတ်ရ၊ သ္ပတဴကမ်မညဳသာသၟဟ်သၟန် နဟွံဗဗွဲဓရ်အိုတ်ရ၊ သ္ပတဴကမ်မဒှ်ဝဂ် နဟွံဗဗွဲဓရ်အိုတ်ရ၊ သ္ပတဴကမ်မဒှ်ဝဂ် နဓရ်ပတောံအိုတ်ရ၊ သ္ပကမ်မညဳသာသၟဟ်သၟန် နဓရ်ပတောံအိုတ်ရ။ ကမ်ဍိုက်ပေၚ်တဴကဵုကမ္မဝါစ်ဟေၚ်တုဲ ဟွံစွံပတန်ဉတ်လေဝ် သ္ပအိုတ်ရ၊ ကမ်ဍိုက်ပေၚ်တဴကဵုဉတ်ဟေၚ်တုဲ ဟွံဗှ်ဖ္ဍောတ်ကမ္မဝါစ်လေဝ် သ္ပအိုတ်ရ၊ ကမ်ဉတ်လေဝ် ဟွံစွံပတန် ကမ္မဝါစ်လေဝ်ဟွံဗှ်ဖ္ဍောတ်လေဝ် သ္ပအိုတ်ရ၊ ဝေၚ်ကၠေံဓရ်တုဲလေဝ် သ္ပကမ်အိုတ်ရ၊ ဝေၚ်ကၠေံဝိနယ်တုဲလေဝ် သ္ပကမ်အိုတ်ရ၊ ဝေၚ်ကၠေံ ဉတ်ကမ္မဝါစ်မဒှ်ဒၠောံဗတောန်ကျာ်တုဲလေဝ် သ္ပကမ်အိုတ်ရ၊ ကမ်မဟွံဗဗွဲကဵုဓရ် မလီုလာ် မဟွံထေက်ကြိုက် မဟွံမွဲကဵုဟိုတ် ညးသပ္ပုရိုဟ်ဂမၠိုၚ် ဂပ်ဝ်က္ဍုဟ်မၠေံ ဂပ်ဝ်ဆေဝ်ဒဝ်လေဝ် သ္ပအိုတ်ရ။ ခမဳပၟိက်အောန်ဂမၠိုၚ်ဂှ် “မုဟိုတ် ခမဳဆဗ္ဗဂ္ဂဳဂမၠိုၚ် သ္ပတဴ ကမ်မၞုံသဘဴရဴဝွံအိုတ်ရော? သ္ပတဴကမ်မဒှ်ဝဂ် နဟွံဗဗွဲဓရ်အိုတ်ရော? သ္ပတဴကမ်မညဳသာသၟဟ်သၟန် နဟွံဗဗွဲဓရ်အိုတ်ရော၊ သ္ပတဴကမ်မဒှ်ဝဂ် နဟွံဗဗွဲဓရ်အိုတ်ရော၊ သ္ပတဴကမ်မဒှ်ဝဂ် နဓရ်ပတောံအိုတ်ရော၊ သ္ပကမ်မညဳသာသၟဟ်သၟန် နဓရ်ပတောံအိုတ်ရော။ ကမ်ဍိုက်ပေၚ်တဴကဵုကမ္မဝါစ်ဟေၚ်တုဲ ဟွံစွံပတန်ဉတ်အိုတ်ရော? သ္ပတဴကမ် ဍိုက်ပေၚ်တဴကဵုဉတ်ဟေၚ်တုဲ ဟွံဗှ်ဖ္ဍောတ်ကမ္မဝါစ်ဟေၚ်အိုတ်ရော? သ္ပတဴကမ်ဉတ်လေဝ် ဟွံစွံပတန်ကမ္မဝါစ်လေဝ် ဩွဲဗှ်ဖ္ဍောတ်အိုတ်ရော? ဝေၚ်ကၠေံဓရ်တုဲ သ္ပကမ်အိုတ်ရော? ဝေၚ်ကၠေံဝိနယ်တုဲ သ္ပကမ်အိုတ်ရော? ဝေၚ်ကၠေံ ဉတ်ကမ္မဝါစ်မဒှ်ဒၠောံဗတောန်ကျာ်တုဲ သ္ပကမ်အိုတ်ရော? သ္ပတဴကမ်မဟွံဗဗွဲကဵုဓရ် မလီုလာ် မဟွံထေက်ကြိုက် မဟွံမွဲကဵုဟိုတ် ညးသပ္ပုရိုဟ်ဂမၠိုၚ် ဂပ်ဝ်က္ဍုဟ်မၠေံ ဂပ်ဝ်ဆေဝ်ဒဝ်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတရ ။ ပ ။ “ယွံခမဳတအ် ခမဳဆဗ္ဗဂ္ဂဂမၠိုၚ် သ္ပတဴကမ်မၞုံသဘဴရဴဝွံအိုတ်ရ။ သ္ပတဴကမ်မဒှ်ဝဂ် ဟွံဗဗွဲဓရ်အိုတ်ရ ။ ပ ။ သ္ပတဴကမ်မဟွံဗဗွဲကဵုဓရ် မလီုလာ် မဟွံထေက်ကြိုက် မဟွံမွဲကဵဟိုတ် ညးသပ္ပုရိုဟ်ဂမၠိုၚ် ဂပ်ဝ်က္ဍုဟ်မၠေံ ဂပ်ဝ်ဆေဝ်ဒဝ်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး−
၃၈၆။ ယွံခမဳတအ် သ္ပတဴကမ်မဒှ်ဝဂ် နဟွံဗဗွဲဓရ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ သ္ပတဴကမ်မညဳသာသၟဟ်သၟန် နဟွံဗဗွဲဓရ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ သ္ပတဴကမ်မဒှ်ဝဂ် နဗဗွဲဓရ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ သ္ပတဴကမ်မဒှ်ဝဂ် နဓရ်ပတောံမ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ သ္ပတဴကမ်မညဳသာသၟဟ်သၟန်နဓရ်ပတောံမ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ယွံခမဳတအ် သ္ပတဴကမ် ဍိုက်ပေၚ်တဴကဵုကမ္မဝါစ်ဟေၚ်တုဲ ဟွံစွံပတိုန်ဉတ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ၊ ယွံခမဳတအ် သ္ပတဴကမ် ဍိုက်ပေၚ်တဴကဵုဉတ်ဟေၚ်တုဲ ဟွံဗှ်ဖ္ဍောတ်ကမ္မဝါစ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ယွံခမဳတအ် သ္ပကမ်ဉတ်လေဝ် ဟွံဗှ်ဖ္ဍောတ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ဝေၚ်ကၠေံဓရ်တုဲ သ္ပကမ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ဝေၚ်ကၠေံဝိနယ်တုဲသ္ပကမ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ဝေၚ်ကၠေံ ဉတ်ကမ္မဝါစ်မဒှ်ဒၠောံဗတောန်ကျာ်တြဲ သ္ပကမ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ယွံခမဳတအ် သ္ပတဴကမ် မဟွံဗဗွဲကဵုဓရ် မလီုလာ် မဟွံထေက်ကြိုက် မဟွံမွဲကဵုဟိုတ် ညးသပ္ပုရိုဟ်ဂမၠိုၚ် ဂပ်ဝ်က္ဍုဟ်မၠေံ ဂဝ်ဝ်ဆေဝ်ဒဝ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။
၃၈၇။ ယွံခမဳတအ် ကမ်ဂမၠိုၚ် ကမ်ဟွံဗဗွဲဓရ်ကီု ကမ်မဒှ်ဝဂ်ကီု ကမ်မညဳသာသၟဟ်သၟန်ကီု ကမ်မဒှ်ဝဂ် နဓရ်ပတောံကီု ကမ်မညဳသာသၟဟ်သၟန် နဓရ်ပတောံကီု ကမ်မညဳသာသၟဟ်သၟန် နဗဗွဲဓရ်ကီု ဣဝွံမၞုံတြဴပြကာအိုတ်ရ။ ယွံခမဳတအ် ကမ်ဟွံဗဗွဲဓရ်ဂှ် ညးဍေံရော? ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂး ဉတ်ဂှ် သ္ပကမ် နဉတ်မွဲဝါဟေၚ်တုဲ ဟွံဗှ်ဖ္ဍောတ် (လၟိၚ်) ကမ္မဝါစ်မ္ဂး၊ ကမ်ဟွံဗဗွဲဓရ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂး ဉတ်ဂှ် သ္ပကမ် နဉတ်ၜါဝါဟေၚ်တုဲ ဟွံဗှ်ဖ္ဍောတ် (လၟိၚ်) ကမ္မဝါစ်မ္ဂး၊ ကမ်ဟွံဗဗွဲဓရ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂး ဉတ်ဂှ် သ္ပကမ် နကမ္မဝါစ်မွဲဝါဟေၚ်တုဲ ဟွံစွံပတန်ဉတ်မ္ဂး၊ ကမ်ဟွံဗဗွဲဓရ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂး ဉတ်ဂှ် သ္ပကမ် နကမ္မဝါစ်မွဲဝါဟေၚ်တုဲ ဟွံစွံပတန်ဉတ်မ္ဂး၊ ကမ်ဟွံဗဗွဲဓရ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂး ဉတ်ဂှ် သ္ပကမ် နဉတ်မွဲဝါဟေၚ်တုဲ ဟွံဗှ်ဖ္ဍောတ်ကမ္မဝါစ်မ္ဂး၊ ကမ်ဟွံဗဗွဲဓရ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂး ဉတ်ဂှ် သ္ပကမ် နဉတ်ၜါဝါဟေၚ်တုဲ ဟွံဗှ်ဖ္ဍောတ်ကမ္မဝါစ်မ္ဂး၊ ကမ်ဟွံဗဗွဲဓရ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂး ဉတ်ဂှ် သ္ပကမ် နဉတ်ပိဝါဟေၚ်တုဲ ဟွံဗှ်ဖ္ဍောတ်ကမ္မဝါစ်မ္ဂး၊ ကမ်ဟွံဗဗွဲဓရ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂး ဉတ်ဂှ် သ္ပကမ် နဉတ်ပန်ဝါဟေၚ်တုဲ ဟွံဗှ်ဖ္ဍောတ်ကမ္မဝါစ်မ္ဂး၊ ကမ်ဟွံဗဗွဲဓရ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂးဉတ်ဂှ် သ္ပကမ် နကမ္မဝါစ်မွဲဝါဟေၚ်တုဲ ဟွံစွံပတန်ဉတ်မ္ဂး၊ ကမ်ဟွံဗဗွဲဓရ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂး ဉတ်ဂှ် သ္ပကမ်နကမ္မဝါစ်ၜါဝါဟေၚ်တုဲ ဟွံစွံပတန်ဉတ်မ္ဂး၊ ကမ်ဟွံဗဗွဲဓရ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂး ဉတ်ဂှ် သ္ပကမ် နကမ္မဝါစ်ပိဝါဟေၚ်တုဲ ဟွံစွံပတန်ဉတ်မ္ဂး၊ ကမ်ဟွံဗဗွဲဓရ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂး ဉတ်ဂှ် သ်ပကမ် နကမ္မဝါစ်ပိဝါဟေၚ်တုဲ ဟွံစွံပတန်ဉတ်မ္ဂး ကမ်ဟွံဗဗွဲဓရ်မ္ဂးရ။ ယွံခမဳတအ် ကမ်မသ္ဂးကၠုၚ်တုဲဝွံ ကော်ခဴဂးကမ်ဟွံဗဗွဲဓရ်ရ။ (၁) ယွံခမဳတအ် ကမ်မဒှ်ဝဂ်ဂှ် ညးဍေံရော? ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂးဉတ်ဂှ် ခမဳမဗဗွဲကုကမ်ဂမၠိုၚ် ဟွံကၠုၚ်အိုတ်ကီု ဟွံရၚ်တၠုၚ်ဆန် ခမဳထေက်ကဵုကဵုဆန်ဂမၠိုၚ်ကီု ခမဳမဒှ်ဂတမုက်ဂမၠိုၚ် ဆေဝ်ဒဝ်အိုတ်ကီု ကမ်မဒှ်ဝဂ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂးဉတ်ဂှ် ခမဳမဗဗွဲကုကမ်ဂမၠိုၚ် ကၠုၚ်အိုတ်ကီုလေဝ် ဟွံရၚ်တၠုၚ်ဆန် ခမဳထေက်ကဵုကဵုဆန်ဂမၠိုၚ်ကီု ခမဳမဒှ်ဂတမုက်ဂမၠိုၚ် ဆေဝ်ဒဝ်အိုတ်ကီု ကမ်မဒှ်ဝဂ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂးဉတ်ဂှ် ခမဳမဗဗွဲကုကမ်ဂမၠိုၚ် ကၠုၚ်အိုတ်ကီုလေဝ် ရၚ်တၠုၚ််ဆန် ခမဳထေက်ကဵုကဵုဆန်ဂမၠိုၚ်ကီုလေဝ် ခမဳမဒှ်ဂတုမုက်ဂမၠိုၚ် ဆေဝ်ဒဝ်အိုတ်ကီု ကမ်မဒှ်ဝဂ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂးဉတ်ဂှ် ခမဳမဗဗွဲကုကမ်ဂမၠိုၚ် ဟွံကၠုၚ်အိုတ်ကီု ဟွံရၚ်တၠုၚ်ဆန် ခမဳထေက်ကဵုကဵုဆန်ဂမၠိုၚ်ကီု ခမဳမဒှ်ဂတမုက်ဂမၠိုၚ် ဆေဝ်ဒဝ်အိုတ်ကီု ကမ်မဒှ်ဝဂ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂးဉတ်ဂှ် ခမဳမဗဗွဲကုကမ်ဂမၠိုၚ် ကၠုၚ်အိုတ်ကီုလေဝ် ဟွံရၚ်တၠုၚ်ဆန် ခမဳထေက်ကဵုကဵုဆန်ဂမၠိုၚ်ကီု ခမဳမဒှ်ဂတမုက်ဂမၠိုၚ် ဆေဝ်ဒဝ်အိုတ်ကီု ကမ်မဒှ်ဝဂ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂး ဉတ်ဂှ် ခမဳမဗဗွဲကုကမ်ဂမၠိုၚ် ကၠုၚ်အိုတ်ကီုလေဝ် ရၚ်တၠုၚ််ဆန် ခမဳထေက်ကဵုကဵုဆန်ဂမၠိုၚ်ကီုလေဝ် ခမဳမဒှ်ဂတုမုက်ဂမၠိုၚ် ဆေဝ်ဒဝ်အိုတ်ကီု ကမ်မဒှ်ဝဂ်မ္ဂးရ။ ယွံခမဳတအ် ကမ်မသ္ဂးကၠုၚ်တုဲဝွံ ကော်ခဴဂးကမ်မဒှ်ဝဂ်ရ။ (၂) ယွံခမဳတအ် ကမ်မညဳသာသၟဟ်သၟန်ဂှ် ညးဍေံရော? ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂး ဉတ်ဂှ် ခမဳမဗဗွဲကုကမ်ဂမၠိုၚ် ကၠုၚ်အိုတ်မ္ဂး၊ ရၚ်တၠုၚ်ဆန် ခမဳထေက်ကဵုကဵုဆန်ဂမၠိုၚ်မ္ဂး၊ ခမဳမဒှ်ဂတမုက်ဂမၠိုၚ် ဟွံဆေဝ်ဒဝ်အိုတ်မ္ဂး၊ ကမ်မညဳသာသၟဟ်သၟန်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂး ဉတ်ဂှ် ခမဳမဗဗွဲကုကမ်ဂမၠိုၚ် ကၠုၚ်အိုတ်မ္ဂး၊ ရၚ်တၠုၚ်ဆန် ခမဳထေက်ကဵုကဵုဆန်ဂမၠိုၚ်မ္ဂး၊ ခမဳမဒှ်ဂတမုက်ဂမၠိုၚ် ဟွံဆေဝ်ဒဝ်အိုတ်မ္ဂး၊ ကမ်မညဳသာသၟဟ်သၟန်မ္ဂးရ။ ယွံခမဳတအ် ကမ်မသ္ဂးကၠုၚ်တုဲဝွံ ကော်ခဴဂးကမ်မညဳသာသၟဟ်သၟန်ရ။ (၃) ယွံခမဳတအ် ကမ်မဒှ်ဝဂ် နဓရ်ပတောံဂှ် ညးဍေံရော? ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂး ဉတ်ဂှ် ဗှ်ဖ္ဍောတ်ကမ္မဝါစ် ဗွဲကိုပ်ကၠာတုဲ လက်ကရဴမှ စွံပတန်ဉတ်ကီု ခမဳမဗဗွဲကုကမ်ဂမၠိုၚ် ဟွံကၠုၚ်အိုတ်ကီု ဟွံရၚ်တၠုၚ်ဆန် ခမဳထေက်ကဵုကဵုဆန်ဂမၠိုၚ်ကီု ခမဳမဒှ်ဂတမုက်ဂမၠိုၚ် ဆေဝ်ဒဝ်အိုတ်ကီု ကမ်မဒှ်ဝဂ် နူရ်ပတောံမ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂး ဉတ်ဂှ် ဖှ်ဖ္ဍောတ်ကမ္မဝါစ် ဗွဲကိုပ်ကၠာတုဲ လက်ကရဴမှ စွံပတန်ဉတ်ကီု ခမဳမဗဗွဲကုကမ်ဂမၠိုၚ် ကၠုၚ်အိုတ်ကီုလေဝ် ဟွံရၚ်တၠုၚ်ဆန် ခမဳထေက်ကဵု ကဵုဆန်ဂမၠိုၚ်ကီု ခမဳမဒှ်ဂတမုက်ဂမၠိုၚ် ဆေဝ်ဒဝ်အိုတ်ကီု ကမ်မဒှ်ဝဂ် နဓရ်ပတောံမ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂး ဉတ်ဂှ် ဗှ်ဖ္ဍောတ်ကမ္မဝါစ် ဗွဲကိုပ်ကၠာတုဲ လက်ကရဴမှ စွံပတန်ဉတ်ကီု ခမဳမဗဗွဲကုကမ်ဂမၠိုၚ် ကၠုၚ်အိုတ်သၟးဟွံက ရၚ်တၠုၚ်ဆန် ခမဳထေက်ကဵု ကဵုဆန်ဂမၠိုၚ်ကီုလေဝ် ခမဳမဒှ်ဂတမုက်ဂမၠိုၚ် ဆေဝ်ဒဝ်အိုတ်ကီု ကမ်မဒှ်ဝဂ် နဓရ်ပတောံမ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂးဉတ်ဂှ် ဗှ်ဖ္ဍောတ်ကမ္မဝါစ် ဗွဲကိုပ်ကၠာတုဲ လက်ကရဴမှ စွံပတန်ဉတ်ကီု ခမဳမဗဗွဲကုကမ်ဂမၠိုၚ် ဟွံကၠုၚ်အိုတ်ကီု ဟွံရၚ်တၠုၚ်ဆန် ခမဳထေက်ကဵု ကဵုဆန်ဂမၠိုၚ်ကီု ခမဳမဒှ်ဂတမုက်ဂမၠိုၚ် ဆေဝ်ဒဝ်အိုတ်ကီု ကမ်မဒှ်ဝဂ် နဓရ်ပတောံမ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂး ဉတ်ဂှ် ဗှ်ဖ္ဍောတ်ကမ္မဝါစ် ဗွဲကိုပ်ကၠာတုဲ လက်ကရဴမှ စွံပတန်ဉတ်ကီု ခမဳမဗဗွဲကုကမ်ဂမၠိုၚ် ကၠုၚ်အိုတ်ကီုလေဝ် ဟွံရၚ်တၠုၚ်ဆန် ခမဳထေက်ကဵုကဵုဆန်ဂမၠိုၚ်ကီု ခမဳမဒှ်ဂတမုက်ဂမၠိုၚ် ဆေဝ်ဒဝ်အိုတကီု ကမ်မဒှ်ဝဂ် နဓရ်ပတောံမ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂး ဉတ်ဂှ် ဗှ်ဖ္ဍောတ်ကမ္မဝါစ် ဗွဲကိုပ်ကၠာတုဲ လက်ကရဴမှ စွံပတန်ဉတ်ကီု ခမဳမဗဗွဲကုကမ်ဂမၠိုၚ် ကၠုၚ်အိုတ်သၟးဟွံက ရၚ်တၠုၚ်ဆန ခမဳထေက်ကဵု ကဵုဆန်ဂမၠိုၚ်ကီုလေဝ် ခမဳမဒှ်ဂတမုက်ဂမၠိုၚ် ဆေဝ်ဒဝ်အိုတ်ကီု ကမ်မဒှ်ဝဂ် နဓရ်ပတောံမ္ဂးရ။ ယွံခမဳတအ် ကမ်မသ္ဂးကၠုၚ်တုဲဝွံ ကော်ခဴဂးကမ်မဒှ်ဝဂ် နဓရ်ပတောံမ္ဂးရ။ (၄) ယွံခမဳတအ် ကမ်မညဳသာသၟဟ်သၟန် နဓရ်ပတောံဂှ် ညးဍေံရော? ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂးဉတ်ဂှ် ဗှ်ဖ္ဍောတ်ကမ္မဝါစ် ဗွဲကိုပ်ကၠာတုဲ လက်ကရဴမှ စွံပတန်ဉတ်ကီု ခမဳမဗဗွဲကုကမ်ဂမၠိုၚ် ကၠုၚ်အိုတ်တုဲ ရၚ်တၠုၚ်ဆန် ခမဳထေက်ကဵုကဵုဆန်ဂမၠိုၚ်တုဲ ခမဳမဒှ်ဂတမုက်ဂမၠိုၚ် ဟွံဆေဝ်ဒဝ်အိုတ်ကီုလေဝ် ကမ်မညဳသာသၟဟ်သၟန် နဓရ်ပတောံမ္ဂးရ။ ယွံခမဳတအ် ပ္ဍဲကမ်မရနုက်ကဵုပန်မ္ဂး ဉတ်ဂှ် ဗှ်ဖ္ဍောတ်ကမ္မဝါစ် ဗွဲကိုပ်ကၠာတုဲ လက်ကရဴမှ စွံပတန်ဉတ်ကီု ခမဳမဗဗွဲကုကမ်ဂမၠိုၚ် ကၠုၚ်အိုတ်တုဲ ရၚ်တၠုၚ်ဆန် ခမဳထေက်ကဵု ကဵုဆန်ဂမၠိုၚ်တုဲ ခမဳမဒှ်ဂတမုက်ဂမၠိုၚ် ဟွံဆေဝ်ဒဝ်အိုတ်ကီုလေဝ် ကမ်မဒှ်ဝဂ် နဓရ်ပတောံမ္ဂးရ။ ယွံခမဳတအ် ကမ်မသ္ဂးကၠုၚ်တုဲဝွံ ကော်ခဴဂးကမ်မညဳသာသၟဟ်သၟန် နဓရ်ပတောံမ္ဂးရ။ (၅) ယွံခမဳတအ် ကမ်မညဳသာသၟဟ်သၟန် နဓရ်ပတောံဂှ် ညးဍေံရော? ယွံခမဳတအ် ပ္ဍဲကမ်မဒှ်မရနုက်ကဵုၜါမ္ဂး ဉတ်ဂှ် စွံပတန်ဉတ် ဗွဲကိုပ်ကၠာတုဲ လက်ကရဴမှ သ္ပကမ် နကမ္မဝါစ်မွဲဝါဟေၚ်မ္ဂး၊ ခမဳမဗဗွဲ ကုကမ်ဂမၠိုၚ် ကၠုၚ်အိုတ်မ္ဂး၊ ရၚ်တၠုၚ်ဆန် ခမဳထေက်ကဵု ကဵုဆန်ဂမၠိုၚ်အိုတ်မ္ဂး၊ ခမဳမဒှ်ဂတုမုက်ဂမၠိုၚ် ဟွံဆေဝ်ဒဝ်အိုတ်မ္ဂး၊ ကမ်မညဳသာသၟဟ်သဣ်မ္ဂးရ။ ယွံခမဳတအ် ပ္ဍဲကမ်မဒှ်မရနုက်ကဵုပန်ဝါမ္ဂးဉတ်ဂှ် စွံပတန်ဉတ် ဗွဲကိုပ်ကၠာတုဲ လက်ကရဴမှ သ္ပကမ် နကမ္မဝါစ်ဂမၠိုၚ် ပိဝါဟေၚ်မ္ဂး၊ ခမဳမဗဗွဲကုကမ်ဂမၠိုၚ် ကၠုၚ်အိုတ်မ္ဂး၊ ရၚ်တၠုၚ်ဆန် ခမဳထေက်ကဵု ကဵုဆန်ဂမၠိုၚ်အိုတ်မ္ဂး၊ ခမဳမဒှ်ဂတမုက်ဂမၠိုၚ် ဟွံဆေဝ်ဒဝ်အိုတ်မ္ဂး၊ ကမ်မညဳသာသၟဟ်သၟန်မ္ဂးရ။ ယွံခမဳတအ် ကမ်မသ္ဂးကၠုၚ်တုဲဝွံ ကော်ခဴဂးကမ်မညဳသာသၟဟ်သၟန်မ္ဂးရ။ (၆)
၂၃၇။ ကမ်မဂပ်ဝ်သ္ပ မပ္တံသၚ်မၞုံဂကောံပန်ဇကု
[ပလေဝ်ဒါန် | ပလေဝ်ဒါန် တမ်ကၞက်]၃၈၈။ သၚ်ဂမၠိုၚ် သၚ် ‘ဂကောံခမဳဂမၠိုၚ်’ မၞုံဂကောံပန်ဇကုကီု၊ သၚ်မၞုံဂကောံမသုန်ဇကုကီု၊ သၚ်မၞုံဂကောံစှ်ဇကုကီု၊ သၚ်မၞုံဂကောံၜါစှော်ဇကုကီု၊ သၚ်မၞုံဂကောံမလောန်ၜါစှော်ဇကုကီု။ (ရဴဝွံ မၞုံမသုန်ပြကာအိုတ်ရ)။ ယွံခမဳတအ် ပၞောဝ်သၚ်မသုန်ပြကာဂမၠိုၚ်ဂှ် သၚ်မၞုံဂကောံပန်ဇကုဂှ် ပါဲကၠေံ ဥပသမ္ပဒကမ် ပဝါရဏာကမ် အဗ္ဘာနကမ်ဂမၠိုၚ်ပိပြကာတုဲ ဗဗွဲကုကမ် ပ္ဍဲကမ်ဂမၠိုၚ်အိုတ်သီု မညဳသာသၟဟ်သၟဟ် နဗဗွဲဓရ်ရ။ ယွံခမဳတအ် ပၞောဝ်သၚ်မသုန်ပြကာဂမၠိုၚ်ဂှ် သၚ်မၞုံကဵုဂကောံမသုန်ဇကုဂှ် ပါဲကၠေံ ဥပသမ္ပဒကမ် ပ္ဍဲမဇ္ၛိမဇနပိုဒ်ဂမၠိုၚ် အဗ္ဘာနကမ်ဂမၠိုၚ်ၜါပြကာတုဲ ဗဗွဲကုကမ် ပ္ဍဲကမ်ဂမၠိုၚ်အိုတ်သီု မညဳသာသၟဟ်သၟန် နဗဗွဲဓရ်ရ။ ယွံခမဳတအ် ပၞောဝ်သၚ်မသုန်ပြကာဂမၠိုၚ်ဂှ် ၚ်မၞုံဂကောံပန်ဇကုဂှ် ပါဲကၠေံ အဗ္ဘာနကမ်မွဲတုဲ ဗဗွဲကုကမ် ပ္ဍဲကမ်ဂမၠိုၚ်အိုတ်သီု မညဳသာသၟဟ်သၟန် နဗဗွဲဓရ်ရ။ ယွံခမဳတအ် ပၞောဝ်သၚ်မသုန်ပြကာဂမၠိုၚ်ဂှ် သၚ်မၞုံကဵုဂကောံၜါစှော်ဇကုဂှ် ဗဗွဲကုကမ် ပ္ဍဲကမ်ဂမၠိုၚ်အိုတ်သီု မညဳသာသၟဟ်သၟန် နဗဗွဲဓရ်ရ။ ယွံခမဳတအ် ပၞောဝ်သၚ်မသုန်ပြကာဂမၠိုၚ်ဂှ် သၚ်မၞုံကဵုဂကောံမလောန်ၜါစှော်ဇကုဂှ် ဗဗွဲကုကမ် ပ္ဍဲကမ်ဂမၠိုၚ်အိုတ်သီု မညဳသာသၟဟ်သၟန် နဗဗွဲဓရ်ရ။
၃၈၉။ ယွံခမဳတအ် ကမ်ထေက်ကဵုသၚ်မၞုံဂကောံပန်ဇကုသ္ပဂှ် သၚ်မဒှ်မၞုံကဵုဂကောံပန်ဇကုမ္ဂး ခမဳဗြဴဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ယွံခမဳတအ် ကမ်ထေက်ကဵုသၚ်မၞုံဂကောံပန်ဇကုသ္ပဂှ် သၚ်မဒှ်မၞုံကဵုဂကောံပန်ဇကုမ္ဂး သိက္ခမာန်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ ။ ပ ။ သၚ်မဒှ်မၞုံကဵုဂကောံပန်ဇကုမ္ဂး သာမဏဳတြုံဂှ် ယဝ်သ္ပကမ်မ္ဂး ညးဖျေံကၠေံသိက္ခာဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ညးအာစိုပ်အာပတ်ပါရာဇ်မလအိတ်အိုတ်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ခမဳမဒးဒုၚ်ဗက်ပတိတ်ထောံ ဟိုတ်နူဟွံမၠာ်သ္ၚေဝ်အာပတ်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ခမဳမဒးဒုၚ်ဗက်ပတိတ်ထောံ ဟိုတ်နူဟွံဇအုဲဇဗဝဳဗလးအာပတ်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ခမဳမဒးဒုၚ်ဗက်ပတိတ်ထောဴ ဟိုတ်နူဟွံသၠးကၠေံကွေတ်မိစ္ဆာမယုတ်မာဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ခမၞုဲဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ညးကၠတ်ပံၚ်ဖက်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်ကဵုဂကောံပန်ဇကုမ္ဂး ညးပြံၚ်အာဗော်တဳဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး တိရစ္ဆာန်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ညးဂစိုတ်မိဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ညးဂစိုတ်မဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ညးဂစိုတ်တၠအရှန်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ညးပလီုပလာ် ခမဳဗြဴဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ညးပါ်ဒကးသၚ်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵု ဂကောံပန်ဇကုမ္ဂး ညးသ္ပဇကုကျာ်ညံၚ်ဆီဂွံပ္ဍူဂှ် ယဝ်သ္ပကမ်မ္ဂး ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ဉဘတောဗျဉ်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ညးမၞုံကဵုပွမပံၚ်ဖက်တၞဟ်တၞဟ်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ညးမတန်တဴ ပ္ဍဲသိမ်တၞဟ်တၞဟ်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံ ပန်ဇကုမ္ဂး ညးမတန်တဴပ္ဍဲအကး နကဵုဣဒ္ဓိဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ သၚ်မဒှ်မၞုံကဵုဂကောံပန်ဇကုမ္ဂး ညးပူဂိုလ်မဒှ်ဃောသ္ပကမ်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။
ကမ်သၚ်မၞုံဂကောံမသုန်ဇကု မဂပ်ဝ်သ္ပဂမၠိုၚ်တုဲရ။ ၃၉၁။ ယွံခမဳတအ် ကမ်ထေက်ကဵုသၚ်မၞုံဂကောံစှ်ဇကုသ္ပဂှ် သၚ်မဒှ်မၞုံကဵုဂကောံစှ်ဇကုမ္ဂး ခမဳဗြဴဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ယွံခမဳတအ် ကမ်ထေက်ကဵု သၚ်မၞုံဂကောံစှ်ဇကုသ္ပဂှ် သၚ်မဒှ်မၞုံကဵုဂကောံစှ်ဇကုမ္ဂး သိက္ခမာန်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ ။ ပ ။ ယွံခမဳတအ် ကမ်ထေက်ကဵုသၚ်မၞုံဂကောံစှ်ဇကုသ္ပဂှ် သၚ်မဒှ်မၞုံကဵုဂကောံစှ်ဇကုမ္ဂး ညးပူဂိုလ်မဒှ်ဃောသ္ပကမ်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။
ကမ်သၚ်မၞုံဂကောံစှ်ဇကု မဂပ်ဝ်သ္ပဂမၠိုၚ်တုဲရ။
၃၉၂။ ယွံခမဳတအ် ကမ်ထေက်ကဵုသၚ်မၞုံဂကောံၜါစှော်ဇကုသ္ပဂှ် သၚ်မဒှ်မၞုံကဵုဂကောံၜါစှော်ဇကုမ္ဂး ခမဳဗြဴဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ယွံခမဳတအ် ကမ်ထေက်ကဵုသၚ်မၞုံဂကောံၜါစှော်ဇကုသ္ပဂှ် သၚ်မဒှ်မၞုံကဵုဂကောံစှ်ဇကုမ္ဂး သိက္ခမာန်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ ။ ပ ။ သၚ်မဒှ်မၞုံကဵုဂကောံၜါစှော်ဇကုမ္ဂး သာမဏဳတြုံဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး သာမဏဳဗြဴဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးဖျေံကၠေံသိက္ခာဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးအာစိုပ်အာပတ်ပါရာဇ်မလအိတ်အိုတ်ဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ခမဳမဒးဒုၚ်ဗက်ပတိတ်ထောံ ဟိုတ်နူဟွံမၠာ်သ္ၚေဝ်အာပတ်ဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ခမဳမဒးဒုၚ်ဗက်ပတိတ်ထောံ ဟိုတ်နူဟွံဇအုဲဇဗဝဳဗလးအာပတ်ဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ခမဳမဒးဒုၚ်ဗက်ပတိတ်ထောံ ဟိုတ်နူဟွံသၠးကၠေံ ကွေတ်မိစ္ဆာမယုတ်မာဂှ် ယဝ်သ္ပကမ်မ္ဂး။
သၚ်မဒှ်မၞုံကဵုဂကောံၜါစှော်ဇကု ခမၞုဲဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးကၠတ်ပံၚ်ဖက်ဂျ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးပြံၚ်အာဗော်တဳဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးဂစိုတ်မဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးဂစိုတ်တၠအရှန်ဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးပလီုပလာ်ခမဳဗြဴဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးပါ်ဒကးသၚ်ဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးသ္ပဇကုကျာ်ညံၚ်ဆီဂွံပ္ဍူဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ဥဘတောဗျဉ်ဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးမၞုံကဵုပွမပံၚ်ဖက်တၞဟ်တၞဟ်ဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးမတန်တဴ ပ္ဍဲသိမ်တၞဟ်တၞဟ်ဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးမတန်တဴပ္ဍဲအကး နကဵုဣဒ္ဓိဂှ် ယဝ်သ္ပကမ်မ္ဂး။ သၚ်မဒှ်မၞုံကဵုဂကောံၜါစှော်ဇကုမ္ဂး ညးပူဂိုလ်မဒှ်ဃောသ္ပကမ်ဂှ် ယဝ်သ္ပကမ်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ကမ်သၚ်မၞုံဂကောံၜါစှော်ဇကု မဂပ်ဝ်သ္ပဂမၠိုၚ်တုဲရ။
၂၃၈။ စၞောန်ထ္ၜးကဵုမပ္တံပွမကဵုပြဝး ဟွံဒှ်ကမ်
[ပလေဝ်ဒါန် | ပလေဝ်ဒါန် တမ်ကၞက်]၃၉၃။ ယွံခမဳတအ် သၚ်မဒှ်မရနုက်ကဵုပန်ဇကုမ္ဂး ခမဳပဒတဴပြဝးဂှ် ယဝ်ကဵုပြဝးမ္ဂး၊ တံၚ်ဓဇက်တမ်မ္ဂး၊ ကဵုမာနတ်မ္ဂး၊ သၚ်မဒှ်မရနုက်ကဵုၜါစှော်ဇကုမ္ဂး ခမဳဂှ် ကော်ပၠုပ်အဗ္ဘာန်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ယွံခမဳတအ် သၚ်မဒှ်မရနုက်ကဵုပန်ဇကုမ္ဂး ခမဳမထေက်ကဵုတၞဟ်နတံၚ်ဓဇက်တမ်ဂှ် ယဝ်ကဵုပြဝးမ္ဂး၊ တံၚ်ဓဇက်တမ်မ္ဂး၊ ကဵုမာနတ်မ္ဂး၊ သၚ်မဒှ်မရနုက်ကဵုၜါစှော်ဇကုမ္ဂး ခမဳဂှ် ကော်ပၠုပ်အဗ္ဘာန်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ယွံခမဳတအ် သၚ်မဒှ်မရနုက်ကဵုပန်ဇကုမ္ဂး ခမဳမထေက်ကဵုတၞဟ်နဒ္ဂေတ်မာနတ်ဂှ် ယဝ်ကဵုပြဝးမ္ဂး၊ တံၚ်ဓဇက်တမ်မ္ဂး၊ ကဵုမာနတ်မ္ဂး၊ သၚ်မဒှ်မရနုက်ကဵုၜါစှော်ဇကုမ္ဂး ခမဳဂှ် ကော်ပၠုပ်အာဗ္ဘာန်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ယွံခမဳတအ် သၚ်မဒှ်မရနုက်ကဵုပန်ဇကုမ္ဂး ခမဳမဒ္ဂေတ်မာနတ်ဂှ် ယဝ်ကဵုပြဝးမ္ဂး၊ တံၚ်ဓဇက်တမ်မ္ဂး၊ ကဵုမာနတ်မ္ဂး၊ သၚ်မဒှ်မရနုက်ကဵုၜါစှော်ဇကုမ္ဂး ခမဳဂှ် ကော်ပၠုပ်အဗ္ဘာန်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ယွံခမဳတအ် သၚ်မဒှ်မရနုက်ကဵုပန်ဇကုမ္ဂး ခမဳမထေက်ကဵုတၞဟ်နကော်ပၠုပ်အဗ္ဘာန်ဂှ် ယဝ်ကဵုပြဝးမ္ဂး၊ တၚ်ဓဇက်တမ်မ္ဂး၊ ကဵုမာနတ်မ္ဂး၊ သၚ်မဒှ်မရနုက်ကဵုၜါစှော်ဇကုမ္ဂး ခမဳဂှ် ကော်ပၠုပ်အဗ္ဘာန်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။
၃၉၄။ ယွံခမဳတအ် ပွမဆေဝ်ဒဝ်ညးလ္ၚဵုဂှ် အာစိုပ်ပ္ဍဲလဒေါဝ်သၚ်ရ၊ ပွမဆေဝ်ဒဝ်ညးလ္ၚဵုဂှ် ဟွံအာစိုပ်ရ။ ယွံခမဳတအ် မုရဴပွမဆေဝ်ဒဝ်ပူဂိုလ်မွဲ ဟွံအာစိုပ် ပ္ဍဲလဒေါဝ်သၚ်ရော?
ယွံခမဳတအ် ပွမဆေဝ်ဒဝ်ခမဳဗြဴဂှ် ဟွံအာစိုပ်ပ္ဍဲလဒေါဝ်သၚ်ရ။ ယွံခမဳတအ် သိက္ခမာန် ။ ပ ။ ယွံခမဳတအ် သာမဏဳတြုံ။ ယွံခမဳတအ် သာမဏဳဗြဴ။ ယွံခမဳတအ် ညးဖျေံကၠေံသိက္ခာ။ ယွံခမဳတအ် ညးအာစိုပ်အာပတ်ပါရာဇ်မဒှ်လအိတ်အိုတ်။ ယွံခမဳတအ် ညးကြအ်ဥမ္မတ်။ ယွံခမဳတအ် ညးစိုတ်ကလှ်လဖှ်။ ယွံခမဳတအ် ညးဝေဒနာပ္ဍဵုပ္ဍိုက်။ ယွံခမဳတအ် ခမဳမဒးဗက်ပတိတ်ထောံဟိုတ်နူဟွံမၠာ်သ္ၚောအာပတ်။ ယွံခမဳတအ် ခမဳမဒးဗက် ပတိတ်ထောဴဟိုတ်နဟွံဇအုဲဇဗဝဳဗလးအာပတ်။ ယွံခမဳတအ် ခမဳမဒးဗက် ပတိတ်ထောံဟိုတ်နူဟွံသၠးကၠေံကွေတ်မိစ္ဆာမယုတ်မာ။ ယွံခမဳတအ် ခမၞုဲ။ ယွံခမဳတအ် ကၠတ်ပံၚ်ဖက်။ ယွံခမဳတအ် ညးပြံၚ်အာဗော်တဳ။ ယွံခမဳတအ် ညးမၞုံဇာတ်တိရစ္ဆာန်။ ယွံခမဳတအ် ညးဂစိုတ်မိ။ ယွံခမဳတအ် ညးဂစိုတ်မ။ ယွံခမဳတအ် ညးဂစိုတ်တၠအရှန်။ ယွံခမဳတအ် ညးပလီုပလာ်ခမဳဗြဴ။ ယွံခမဳတအ် ညးပါ်ဒကးသၚ်။ ယွံခမဳတၚ် ညးသ္ပဇကုကျာ်ညံၚ်ဆီဂွံပ္ဍူအာ။ ယွံခမဳတအ် ဥဘတောဗျဉ်။ ယွံခမဳတအ် ညးမၞုံကဵုကဵုပွမပံၚ်ဖက်တၞဟ်တၞဟ်။ ယွံခမဳတအ် ညးတန်တဴပ္ဍဲသိမ်တၞဟ်တၞဟ်။ ယွံခမဳတအ် ညးတန်တဴပ္ဍဲအကး နကဵုဣဒ္ဓိ။ ယွံခမဳတအ် ပွမဆေဝ်ဒဝ်ညးမဒှ်ဃောသ္ပကမ်ဂှ် ဟွံအာစိုပ်ပ္ဍဲလဒေါဝ်သၚ်ရ။ ယွံခမဳတအ် ပွမဆေဝ်ဒဝ်ပူဂိုလ်ဂမၠိုၚ်ဝွံ ဟွံအာစိုပ်ပ္ဍဲလဒေါဝ်သၚ်ရ။ ယွံခမဳတအ် မုရဴပွမဆေဝ်ဒဝ်ပူဂိုလ်မွဲ အာစိုပ် ပ္ဍဲလဒေါဝ်သၚ်ရော?
ယွံခမဳတအ် ပွမဆေဝ်ဒဝ်ဂှ် ခမဳမဒှ်ပကတတ် သဳလဟွံလီုလာ် မၞုံကဵုကမ်ဇၞော်ကမ်သၟတ်တုပ်သၟဟ် မတန်တဴပ္ဍဲမွဲသိမ်ဓဝ်ဂှ် အာစိုပ်ပ္ဍဲလဒေါဝ်သၚ်ရ။ ဗွဲတွဵုမယုတ် ပွမဆေဝ်ဒဝ် ခမဳမကဵုတီကေတ် ခမဳမဒှ်မသက္ကုခြာဇကုလေဝ် အာစိုပ်ရ။ ယွံခမဳတအ် ပွမဆေဝ်ဒဝ်ပူဂိုလ်ဂမၠိုၚ်ဝွံ အာစိုပ်ပ္ဍဲလဒေါဝ်သၚ်ရ။
၂၃၉။ စၞောန်ထ္ၜးကဵုမပ္တံပွမဗက်ပတိတ်ၜါဂကူ
[ပလေဝ်ဒါန် | ပလေဝ်ဒါန် တမ်ကၞက်]၃၉၅။ ယွံခမဳတအ် ပွမဗက်ပတိတ်ဂမၠိုၚ် မၞုံၜါဂကူအိုတ်ရ။ ယွံခမဳတအ် ပူဂိုလ်မဟွံအာစိုပ် ပွမဗက်ပတိတ်ဂှ် နွံရ။ ယဝ်သၚ်ဗက်ပတိတ် ပူဂိုလ်ဂှ်မ္ဂး၊ ပွမဗက်ပတိတ်လ္ၚဵုဂှ် ဒှ်ပွမဟဗက်ပတိတ်ခိုဟ်ရ၊ ပွမဗက်ပတိတ်လ္ၚဵုဂှ် ဒှ်ပွမဗက်ပတိတ်ဟွံခိုဟ်ရ။ ယွံခမဳတအ် မုရဴပူဂိုလ်မွဲ ဟွံအာစိုပ် ပွမဗက်ပတိတ်ရော? ယဝ်သၚ်ဗက်ပတိတ်ပူဂိုလ်ဂှ်မ္ဂး၊ ဒှ်ပွမဗက်ပတိတ်ဟွံခိုဟ်ရော? ယွံခမဳတအ် ပ္ဍဲသာသနာဝွံ ခမဳဂှ် သအးဇ္ၚးရ၊ ဟွံမွဲကဵုအာပတ်ရ၊ ယဝ်သၚ်ဗက်ပတိတ် ပူဂိုလ်ဂှ်မ္ဂး၊ ဒှ်ပွမဗက်ပတိတ်ဟွံခိုဟ်ရ။ ယွံခမဳတအ် ပူဂိုလ်ဝွံ ကော်ခဴဂပူဂိုလ်ဟွံအာစိုပ် ပွမဗက်ပတိတ်ရ၊ ယဝ်သၚ်ဗက်ပတိတ် ပူဂိုလ်ဂှ်မ္ဂး၊ ဒှ်ပွမဗက်ပတိတ်ဟွံခိုဟ်ရ။ ယွံခမဳတအ် မုရဴပူဂိုလ်မွဲ အာစိုပ် ပွမဗက်ပတိတ်ရော? ယဝ်သၚ်ဗက်ပတိတ် ပူဂိုလ်ဂှ်မ္ဂး၊ ဒှ်ပွမဗက်ပတိတ်ခိုဟ်ရော? ယွံခမဳတအ် ပ္ဍဲသာသနာဝွံ ခမဳဂှ် ဟွံတီ (ဝိနယ်သိက္ခာပိုဒ်) ရ၊ ဟွံစဳကၠးဆိုက်ဗ္ဒက် (ပ္ဍဲဝိနယ်သိက္ခာ) ပိုဒ်ရ၊ မၞုံကဵုအာပတ်ဂၠိုၚ်ရ၊ ဟွံမွဲကဵုအပိုၚ်အခြာအာပတ်ရ၊ ပဒတဴ သီုမနှဴရဴကေုာံခရှ်ဂမၠိုၚ် နမဆက်ဆောံခရှ် မဟွံဗဗွဲ (ကုခမဳဂမၠိုၚ်) ရ။ ယဝ်သၚ်ဗက်ပတိတ်ပူဂိုလ်ဂှ်မ္ဂး၊ ဒှ်ပွမဗက်ပတိတ်ခိုဟ်ရ။ ယွံခမဳတအ် ပူဂိုလ်ဝွံ ကော်ခဴဂးပူဂိုလ် အာစိုပ်ပွမဗက်ပတိတ်ရ၊ ယဝ်သၚ်ဗက်ပတိတ် ပူဂိုလ်ဂှ်မ်ဂး၊ ဒှ်ပွမဗက်ပတိတ်ခိုဟ်ရ။
၃၉၆။ ယွံခမဳတအ် ပွမကော်ပၠုပ်ဂမၠိုၚ် မၞုံၜါဂကူအိုတ်ရ။ ယွံခမဳတအ ပူဂိုလ်မဟွံအာစိုပ် ပွမကော်ပၠုပ်ဂှ် နွံရ။ ယဝ်သၚ်ကော်ပၠုပ် ပူဂိုလ်ဂှ်မ္ဂး၊ ပွမကော်ပၠုၚ်လ္ၚဵုဂှ် ဒှ်ပွမကော်ပၠုပ်ခိုဟ်ရ၊ ပွမကော်ပၠုပ်လ္ၚဵုဂှ် ဒှ်ပွမကော်ပၠုၚ်ဟွံခိုဟ်ရ။ ယွံခမဳတအ် မုရဴပူဂိုလ်မွဲ ဟွံအာစိုပ် ပွမကော်ပၠုပ်ရော? ယဝ်သၚ်ကော်ပၠုပ် ပူဂိုလ်ဂှ်မ္ဂး၊ ဒှ်ပွမကော်ပၠုပ်ဟွံခိုဟ်ရော? ယွံခမဳတအ် ခမၞုဲဂှ် ဟွံအာစိုပ် ပွမကော်ပၠုပ်ရ၊ ယဝ်သၚ်ကော်ပၠုပ် ခမၞုံဂှ်မ္ဂး၊ ဒှ်ပွမကော်ပၠုပ်ဟွံခိုဟ်ရ။ ယွံခမဳတအ် ညးကၠတ်ပံၚ်ဖက်ဂှ် ဟွံအာစိုပ် ပွမကော်ပၠုပ်ရ၊ ယဝ်သၚ်ကော်ပၠုပ် ညးကၠတ်ပံၚ်ဖက်ဂှ်မ္ဂး၊ ဒှ်ပွမကော်ပၠုပ်ဟွံခိုဟ်ရ။ ယွံခမဳတအ် ညးပြံၚ်အာဗော်တဳ ။ ပ ။ ယွံခမဳတအ် ညးမၞုံဇာတ်တိရစ္ဆာန်။ ယွံခမဳတအ် ညးဂစိုတ်မိ။ ယွံခမဳတအ် ညးဂစိုတ်မ။ ယွံခမဳတအ် ညးဂစိုတ်တၠအရှန်။ ယွံခမဳတအ် ညးပလီုပလာ်ခမဳဗြဴ။ ယွံခမဳတအ် ညးပါ်ဒကးသၚ်။ ယွံခမဳတအ် ညးသ္ပဇကုကျာ်ညံၚ်ဆီပ္ဍူအာ။ ယွံခမဳတအ် ဥဘတောဗျဉ်ဂှ် ဟွံအာစိုပ် ပွမကော်ပၠုက်ရ၊ ယဝ်သၚ်ကော်ပၠုပ် ဥဘတောဗျဉ်ဂှ်မ္ဂး၊ ဒှ်ပွမကော်ပၠုဟ်ဟွံခိုဟ်ရ။ ယွံခမဳတအ် ပူဂိုလ်ဝွံ ကော်ခဴဂးပူဂိုလ်ဟွံအာစိုပ် ပွမကော်ပၠုပ်ရ၊ ယဝ်သၚ်ကော်ပၠုပ် ပူဂိုလ်ဂှ်မ္ဂး၊ ဒှ်ပွမကော်ပၠုပ်ဟွံခိုဟ်ရ။ ယွံခမဳတအ် ပူဂိုလ်ဂမၠိုၚ်ဝွံ ကော်ခဴဂး ပူဂိုလ်ဟွံအာစိုပ် ပွမကော်ပၠုပ်ဂမၠိုၚ်အိုတ်ရ၊ ယဝ်သၚ်ကော်ပၠုပ် ပူဂိုလ်ဂမၠိုၚ်ဂှ်မ္ဂး၊ ဒှ်ပွမကော်ပၠုပ်ဟွံခိုဟ်ရ။ ယွံခမဳတအ် မုရဴပူဂိုလ်မွဲ ဟွံအာစိုပ် ပွမကော်ပၠုပ်ရော? ယဝ်သၚ်ကော်ပၠုပ် ပူဂိုလ်ဂှ်မ္ဂး၊ ဒှ်ပွမကော်ပၠုပ်ခိုဟ်ရော? ယွံခမဳတအ် ညးတဲပိုတ်ဂှ် ဟွံအာစိုပ် ပွမကော်ပၠုပ်ရ၊ ယဝ်သၚ်ကော်ပၠုပ် ပူဂိုလ်ဂှ်မ္ဂး၊ ဒှ်ပွမကော်ပၠုပ်ခိုဟ်ရ။ ယွံခမဳတအ် ညးဇိုၚ်ပိုတ် ။ ပ ။ ယွံခမဳတအ် ညးတဲဇိုၚ်ပိုတ်။ ယွံခမဳတအ် ညးကတောဝ်ပိုတ်။ ယွံခမဳတအ် ညးမုဟ်ပိုတ်။ ယွံခမဳတအ် ညးကတောဝ်မုဟ်ပိုတ်။ ယွံခမဳတအ် ညးလပုဟ်ဇိုၚ် လပုဟ်တဲပိုတ်။ ယွံခမဳတအ် ညးၝောံဇိုၚ်ၝောံတဲပိုတ်။ ယွံခမဳတအ် ညးလတေၚ်ဇၞော်ပိုတ်။ ယွံခမဳတအ် ညးလပုဟ်ဇိုၚ် လပုဟ်တဲဗာန်စပ်။ ယွံခမဳတအ် ညးကုန်။ ယွံခမဳတအ် ညးသဝ်ရ။ ယွံခမဳတအ် ညးမၞုံကဵုယဲကတောတ်ပ္ဍဲကအ် (ယဲကအ်ဇၞော်၊ ကအ်ဂုဟ်)။ ယွံခမဳတအ် ညးတက်ပ္ဍဵုတဆိပ်ပသဲဂမ္တဴ။ ယွံခမဳတအ် ညးဒးဒုၚ်ကဵုဒဏ်ၜဝ်။ ယွံခမဳတအ် ညးဒးဒုၚ်လလောၚ်တြးလဝ် ရဴဝွံမ္ဂး ဌာန်ညာတ်ဂှ် ဂစိုတ်ညိ။ ယွံခမဳတအ် ညးဇိုၚ်တဍိုပ် (ဇိုၚ်ဓဇက်)။ ယွံခမဳတအ် ညးမၞုံကဵုယဲ ဟွံဒးရးဝဳဗလးဟွံမာန်။ ယွံခမဳတအ် ညး (ဗီုပြၚ်ယောၚ်ယာတုဲ) ပလီုပလာ်ပရိသာတ်။ ယွံခမဳတအ် ညးမတ်ကၠက်မွဲဒိုဟ်။ ယွံခမဳတအ် ညးတဲဇိုၚ်တ္ၚံက်။ ယွံခမဳတအ် ညးခ္ဍဴဇိုၚ်ဝေန်။ ယွံခမဳတအ် ညးလၟေန်ချိုတ်မွဲဒကုတ်။ ယွံခမဳတအ် ညးလၟေန်။ ယွံခမဳတအ် ညးဗျုအိုတ်ဓဝ်။ ယွံခမဳတအ် ညးမတ်ကၠက်ၜါဒိုဟ်။ ယွံခမဳတအ် ညးဟအ, ဠဴ။ ယွံခမဳတအ် ညးကတောဝ်ဍိုၚ်။ ယွံခမဳတအ် ညးကၠက်လေဝ်ကၠက် ဠဴလေဝ်ဠဴ။ ယွံခမဳတအ် ညးကၠက်လေဝ်ကၠက် ကတောဝ်လေဝ်ဍိုၚ်။ ယွံခမဳတအ် ညးဠဴလေဝ်ဠဴ ကတောဝ်လေဝ်ဍိုက်။ ယွံခမဳတအ် ညးကၠက်လေဝ်ကၠက် ဠဴလေဝ်ဠဴ ကတောဝ်လေဝ်ဍိုၚ်ဂှ် ဟွံအာစိုပ် ပွမကော်ပၠုပ်ရ၊ ယဝ်သၚ်ကော်ပၠုပ် ပူဂိုလ်ဂှ်မ္ဂး၊ ဒှ်ပွမကော်ပၠုပ်ခိုဟ်ရ။ ယွံခမဳတအ် ပူဂိုလ်ဝွံ ကော်ခဴဂးပူဂိုလ်ဟွံအာစိုပ် ပွမကော်ပၠုပ်ရ၊ ယဝ်သၚ်ကော်ပၠုပ်ပူဂိုလ်ဂှ်မ္ဂး၊ ဒှ်ပွမကော်ပၠုပ်ခိုဟ်ရ။ ယွံခမဳတအ် ပူဂိုလ်ဂမၠိုၚ်ဝွံ ကော်ခဴဂး ပူဂိုလ်ဟွံအာစိုပ် ပွမကော်ပၠုပ်ဂမၠိုၚ်အိုတ်ရ၊ ယဝ်သၚ်ကော်ပၠုပ် ပူဂိုလ်ဂမၠိုၚ်ဂှ်မ္ဂး၊ ဒှ်ပွမကော်ပၠုပ်ခိုဟ်ရ။ ခဏ်ကွနာ်ဝါသဘပဌမတုဲရ။
၂၄၀။ စၞောန်ထ္ၜးကဵုမပ္တံအဓမ္မကမ်
[ပလေဝ်ဒါန် | ပလေဝ်ဒါန် တမ်ကၞက်]၃၉၇။ ယွံခမဳတအ် ပ္ဍဲသာသနာဝွံ ခမဳမဟွံမွဲကဵုအာပတ် မထေက်ကဵုမၠာ်သ္ၚေဝ်ဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ တၠအဲ ဒးအာပတ်ရ၊ ဩဝ်မၠာ်သ္ၚေဝ် အာပတ်ဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် အာပတ်သွက်ဂွံမၠာ်သ္ၚေဝ် ဟွံမွဲကုအဲရ” ရဴဝွံ သ္ဂးရ၊ ဟိုတ်နူပွမဟွံမၠာ်သ္ၚေဝ်အာပတ် သၚ်ဗက်ပတိတ်ခမဳဂှ်မ္ဂး ဒှ်ကမ်ဟွံဗဗွဲကဵုဓရ်ရ။ ယွံခမဳတအ် ပ္ဍဲသာသနာဝွံ ခမဳမဟွံမွဲကဵုအာပတ် မထေက်ကဵုဇအုဲဇဗဝဳဗလးဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ တၠအဲ ဒးအာပတ်ရ၊ ဩဝ်ဇအုဲဇဗဝဳဗလးအာပတ်ဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် အာပတ်သွက်ဂွံဇအုဲဇဗဝဳဗလး ဟွံမွဲကုအဲရ” ရဴဝွံ သ္ဂးရ၊ ဟိုတ်နူပွမဟွံဇအုဲဇဗအာပတ် သၚ်ဗက်ပတိတ်ခမဳဂှ်မ္ဂး ဒှ်ကမ်ဟွံဗဗွဲကဵုဓရ်ရ။ ယွံခမဳတအ် ပ္ဍဲသာသနာဝွံ ခမဳမဟွံမွဲကဵုကွေတ်မိစ္ဆာမယုတ်မာ မထေက်ကဵုသၠးဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ ကွေတ်မိစ္ဆာမယုတ်မာ နွံကုတၠအဲရ၊ ဩဝ်သၠးကၠေံကွေတ်မိစ္ဆာမယုတ်မာဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် ကွေတ်မိစ္ဆာ မယုတ်မာသွက်ဂွံသၠးကၠေံ ဟွံမွဲကုအဲရ” ရဴဝွံ သ္ဂးရ၊ ဟိုတ်နူပွမဟွံသၠးကၠေံ ကွေတ်မိစ္ဆာမယုတ်မာ သၚ်ဗက်ပတိတ်ခမဳဂှ်မ္ဂး ဒှ်ကမ်ဟွံဗဗွဲကဵုဓရ်ရ။ ယွံခမဳတအ် ပ္ဍဲသာသနာဝွံ ခမဳ အာပတ်မထေက်ကဵုမၠာ်သ္ၚေဝ်လေတ်ဟွံမွဲ အာပတ်ထေက်ကဵုဇအုဲဇဗလေဝ် ဟွံမွဲဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠအဲ ဒးအာပတ်ရ၊ ဩဝ်မၠာ်သ္ၚေဝ်အာပတ်ဂှ်ညိ၊ ဩဝ်ဇအုဲဇဗအာပတ်ဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် အာပတ်သွက်ဂွံမၠာ်သ္ၚေဝ်လေဝ် ဟွံမွဲကုအဲရ၊ ယွံကောန်တၠတအ် အာပတ်သွက်ဂွံဇအုဲဇဗလေဝ် ဟွံမွဲကုအဲရ” ရဴဝွံ သ္ဂးရ၊ ဟိုတ်နူပွမဟွံမၠာ်သ္ၚေဝ်အာပတ်ကီု ဟိုတ်နူပွမဟွံဇအုဲဇဗအာပတ်ကီု သၚ်ဗက်ပတိတ်ခမဳဂှ်မ္ဂး ဒှ်ကမ်ဟွံဗဗွဲကဵုဓရ်ရ။ ယွံခမဳတအ် ပ္ဍဲသာသနာဝွံ ခမဳ အာပတ်မထေက်ကဵုမၠာ်သ္ၚေဝ်လေဝ်ဟွံမွဲ ကွေတ်မိစ္ဆာ မယုတ်မာ မထေက်ကဵုသၠးလေဝ် ဟွံမွဲဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ တၠအဲ ဒးအာပတ်ရ၊ ဩဝ်မၠာ်သ္ၚေဝ် အာပတ်ဂှ်ညိ၊ ကွေတ်မိစ္ဆာမယုတ်မာ နွံကုတၠအဲရ၊ ဩဝ်သၠးကၠေံကွေတ်မိစ္ဆာမယုတ်မာဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် အာပတ်သွက်ဂွံမၠာ်သ္ၚေဝ်လေဝ် ဟွံမွဲကုအဲရ၊ ယွံကောန်တၠတအ် ကွေတ်မိစ္ဆာမယုတ်မာ သွက်ဂွံသၠးကပေံလေဝ် ဟွံမွဲကုအဲရ” ရဴဝွံ သ္ဂးရ၊ ဟိုတ်နူပွမဟွံမၠာ်သ္ၚေဝ်အာပတ်ကီု ဟိုတ်နူပွမဟွံသၠးကၠေံ ကွေတ်မိစ္ဆာမယုတ်မာကီု သၚ်ဗက်ပတိတ်ခမဳဂှ်မ္ဂး ဒှ်ကမ်ဟွံဗဗွဲကဵုဓရ်ရ။ ယွံခမဳတအ် ပ္ဍဲသာသနာဝွံ ခမဳ အာပတ်မထေက်ကဵုဇအုဲဇဗလေဝ်ဟွံမွဲ ကွေတ်မိစ္ဆာမယုတ်မာ မထေက်ကဵုသၠးလေဝ် ဟွံမွဲဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ တၠအဲ ဒးအာပတ်ရ၊ ဩဝ်ဇအုဲဇဗ အာပတ်ဂှ်ညိ၊ ကွေတ်မိစ္ဆာမယုတ်မာနွံကုတၠအဲရ၊ ဩဝ်သၠးကၠေံကွေတ်မိစ္ဆာမယုတ်မာဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် အာပတ် သွက်ဂွံဇအုဲဇဗလေဝ် ဟွံမွဲကုအဲရ၊ ယွံကောန်တၠတအ် ကွေတ်မိစ္ဆာမယုတ်မာ သွက်ဂွံသၠးကၠေံလေဝ် ဟွံမွဲကုအဲရ” ရဴဝွံ သ္ဂးရ၊ ဟိုတ်နူပွမဟွံဇအုဲဇဗအာပတ်ကီု ဟိုတ်နူပွမဟွံသၠးကၠေံ ကွေတ်မိစ္ဆာမယုတ်မာကီု သၚ်ဗက်ပတိတ်ခမဳဂှ်မ္ဂး ဒှ်ကမ်ဟွံဗဗွဲကဵုဓရ်ရ။ ယွံခမဳတအ် ပ္ဍဲသာသနာဝွံ ခမဳ အာပတ်မထေက်ကဵုမၠာ်သ္ၚေဝ်လေဝ်ဟွံမွဲ အာပတ်မထေက်ကဵုဇအုဲဇဗလေဝ်ဟွံမွဲ ကွေတ်မိစ္ဆာမယုတ်မာ မထေက်ကဵုသၠးလေဝ် ဟွံမွဲဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ တၠအဲ ဒးအာပတ်ရ၊ ဩဝ်မၠာ်သ္ၚေဝ်အာပတ်ဂှ်ညိ၊ ဩဝ်ဇအုဲဇဗအာပတ်ဂှ်ညိ၊ ကွေတ်မိစ္ဆာမယုတ်မာ နွံကုတၠအဲရ၊ ဩဝ်သၠးကၠေံကွေတ်မိစ္ဆာမယုတ်မာဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် အာပတ်သွက်ဂွံမၠာ်သ္ၚေဝ်လေဝ် ဟွံမွဲကုအဲရ၊ ယွံကောန်တၠတအ် အာပတ်သွက်ဂွံဇအုဲဇဗလေဝ် ဟွံမွဲကုအဲရ၊ ယွံကောန်တၠတအ် ကွေတ်မိစ္ဆာမယုတ်မာ သွက်ဂွံသၠးကၠေံလေဝ် ဟွံမွဲကုအဲရ” ရဴဝွံ သ္ဂးရ၊ ဟိုတ်နူပွမဟွံမၠာ်သ္ၚေဝ်အာပတ်ကီု ဟိုတ်နူပွမဟွံဇအုဲဇဗအာပတ်ကီု ဟိုတ်နူပွမဟွံသၠးကၠေံ ကွေတ်မိစ္ဆာမယုတ်မာကီု သၚ်ဗက်ပတိတ်ခမဳဂှ်မ္ဂး ဒှ်ကမ်ဟွံဗဗွဲကဵုဓရ်ရ။
၃၉၈။ ယွံခမဳတအ် ပ္ဍဲသာသနာဝွံ ခမဳမၞုံကဵုအာပတ် မထေက်ကဵုမၠာ်သ္ၚေဝ်ဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ တၠအဲ ဒးအာပတ်ရ၊ ဩဝ်မၠာ်သ္ၚေဝ်အာပတ်ဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် ယွံ မၠာ်သ္ၚေဝ်ရ” ရဴဝွံ သ္ဂးရ၊ ဟိုတ်နူပွမဟွံမၠာ်သ္ၚေဝ်အာပတ် သၚ်ဗက်ပတိတ်ခမဳဂှ်မ္ဂး ဒှ်ကမ်ဟွံဗဗွဲကဵုဓရ်ရ။ ယွံခမဳတအ် ပ္ဍဲသာသနာဝွံ ခမဳမၞုံကဵုအာပတ် မထေက်ကဵုဇအုဲဇဗဝဳဗလးဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ တၠအဲ ဒးအာပတ်ရ၊ ဩဝ်ဇအုဲဇဗဝဳဗလးအာပတ်ဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် ယွံ ဇအုဲဇဗဝဳဗလးရ” ရဴဝွံ သ္ဂးရ၊ ဟိုတ်နူပွမဟွံဇအုဲဇဗအာပတ် သၚ်ဗက်ပတိတ်ခမဳဂှ်မ္ဂး ဒှ်ကမ်ဟွံဗဗွဲကဵုဓရ်ရ။ ယွံခမဳတအ် ပ္ဍဲသာသနာဝွံ ခမဳမၞုံကဵုကွေတ်မိစ္ဆာမယုတ်မာ မထေက်ကဵုသၠးဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ ကွေတ်မိစ္ဆာမယုတ်မာ နွံကုတၠအဲရ၊ ဩဝ်သၠးကၠေံကွေတ်မိစ္ဆာမယုတ်မာဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် ယွံသၠးကၠေံရ” ရဴဝွံ သ္ဂးရ၊ ဟိုတ်နူပွမဟွံသၠးကၠေံ ကွေတ်မိစ္ဆာမယုတ်မာ သၚ်ဗက်ပတိတ်ခမဳဂှ်မ္ဂး ဒှ်ကမ်ဟွံဗဗွဲကဵုဓရ်ရ။ ယွံခမဳတအ် ပ္ဍဲသာသနာဝွံ ခမဳ အာပတ်မထေက်ကဵုမၠာ်သ္ၚေဝ်လေဝ်နွံ အာပတ်ထေက်ကဵုဇအုဲဇဗလေဝ်နွံ ။ ပ ။ အာပတ်မထေက်ကဵုမၠာ်သ္ၚေဝ်လေဝ်နွံ ကွေတ်မိစ္ဆာမယုတ်မာ မထေက်ကဵုသၠးလေဝ်နွံ ။ ပ ။ အာပတ်မထေက်ကဵုဇအုဲဇဗလေဝ်နွံ ကွေတ်မိစ္ဆာမယုတ်မာ မထေက်ကဵုသၠးလေဝ်နွံ ။ ပ ။ အာပတ်မထေက်ကဵုမၠာ်သ္ၚေဝ်လေဝ်နွံ အာပတ်မထေက်ကဵုဇအုဲဇဗလေဝ်နွံ ကွေတ်မိစ္ဆာမယုတ်မာ မထေက်ကဵုသၠးလေဝ်နွံဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ တၠအဲ ဒးအာပတ်ရ၊ ဩဝ်မၠာ်သ္ၚေဝ်အာပတ်ဂှ်ညိ၊ ဩဝ်ဇအုဲဇဗအာပတ်ဂှ်ညိ၊ ကွေတ်မိစ္ဆာမယုတ်မာ နွံကုတၠအဲရ၊ ဩဝ်သၠးကၠေံကွေတ်မိစ္ဆာ မယုတ်မာဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် ယွံ မၠာ်သ္ၚေဝ်ရ၊ ယွံ ဇအုဲဇဗရ၊ ယွံ သၠးကၠေံရ” ရဴဝွံ သ္ဂးရ၊ ဟိုတ်နူပွမဟွံမၠာ်သ္ၚေဝ်အာပတ် သၚ်ဗက်ပတိတ်ခမဳဂှ်မ္ဂး ဒှ်ကမ်ဗဗွဲကဵုဓရ်ရ။
၃၉၉။ ယွံခမဳတအ် ပ္ဍဲသာသနာဝွံ ခမဳမၞုံကဵုအာပတ် မထေက်ကဵုဇအုဲဇဗဝဳဗလးဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ တၠအဲ ဒးအာပတ်ရ၊ ဩဝ်ဇအုဲဇဗဝဳဗလး အာပတ်ဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် အာပတ်သွက်ဂွံဇအုဲဇဗဝဳဗလး ဟွံမွဲကုအဲရ” ရဴဝွံ သ္ဂးရ၊ ဟိုတ်နူပွမဟွံဇအုဲဇဗအာပတ် သၚ်ဗက်ပတိတ်ခမဳဂှ်မ္ဂး ဒှ်ကမ်ဗဗွဲကဵုဓရ်ရ။ ယွံခမဳတအ် ပ္ဍဲသာသနာဝွံ ခမဳမၞုံကဵုကွေတ်မိစ္ဆာမယုတ်မာ မထေက်ကဵုသၠးဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ ကွေတ်မိစ္ဆာမယုတ်မာ နွံကုတၠအဲရ၊ ဩဝ်သၠးကၠေံကွေတ်မိစ္ဆာမယုတ်မာဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် ကွေတ်မိစ္ဆာမယုတ်မာ သွက်ဂွံသၠးကၠေံ ဟွံမွဲကုအဲရ” ရဴဝွံ သ္ဂးရ၊ ဟိုတ်နူပွမဟွံသၠးကၠေံ ကွေတ်မိစ္ဆာမယုတ်မာ သၚ်ဗက်ပတိတ်ခမဳဂှ်မ္ဂး ဒှ်ကမ်ဟွံဗဗွဲကဵုဓရ်ရ။ ယွံခမဳတအ် ပ္ဍဲသာသနာဝွံ ခမဳ အာပတ်မထေက်ကဵုမၠာ်သ္ၚေဝ်လေဝ်နွံ အာပတ်ထေက်ကဵုဇအုဲဇဗလေဝ်နွံ ။ ပ ။ အာပတ်မထေက်ကဵုမၠာ်သ္ၚေဝ်လေဝ်နွံ ကွေတ်မိစ္ဆာမယုတ်မာ မထေက်ကဵုသၠးလေဝ်နွံ ။ ပ ။ အာပတ်မထေက်ကဵုဇအုဲဇဗလေဝ်နွံ ကွေတ်မိစ္ဆာမယုတ်မာ မထေက်ကဵုသၠးလေဝ်နွံ ။ ပ ။ အာပတ်မထေက်ကဵုမၠာ်သ္ၚေဝ်လေဝ်နွံ အာပတ် မထေက်ကဵုဇအုဲဇဗလေဝ်နွံ ကွေတ်မိစ္ဆာမယုတ်မာ မထေက်ကဵုသၠးလေဝ်နွံဂှ် သၚ်ကီု ခမဳဂမၠိုၚ်မဂၠိုၚ်ကီု ပူဂိုလ်မွဲဇကုကီု “ယွံကောန်တၠ တၠအဲ ဒးအာပတ်ရ၊ ဩဝ်မၠာ်သ္ၚေဝ်အာပတ်ဂှ်ညိ၊ ဩဝ်ဇအုဲဇဗအာပတ်ဂှ်ညိ၊ ကွေတ်မိစ္ဆာမယုတ်မာ နွံကုတၠအဲရ၊ ဩဝ်သၠးကၠေံကွေတ်မိစ္ဆာမယုတ်မာဂှ်ညိ” ရဴဝွံ စောဒနာရ။ ခမဳဂှ် “ယွံကောန်တၠတအ် အာပတ်သွက်ဂွံမၠာ်သ္ၚေဝ်လေဝ် ဟွံမွဲကုအဲရ၊ ယွံကောန်တၠတအ် အာပတ်သွက်ဂွံဇအုဲဇဗလေဝ် ဟွံမွဲကုအဲရ၊ ယွံကောန်တၠတအ် ကွေတ်မိစ္ဆာမယုတ်မာ သွက်ဂွံသၠးကၠေံလေဝ် ဟွံမွဲကုအဲရ” ရဴဝွံ သ္ဂးရ၊ ဟိုတ်နူပွမဟွံမၠာ်သ္ၚေဝ်အာပတ်ကီု ဟိုတ်နူပွမဟွံဇအုဲဇဗအာပတ်ကီု ဟိုတ်နူပွမဟွံသၠးကၠေံ ကွေတ်မိစ္ဆာမယုတ်မာကီု သၚ်ဗက်ပတိတ်ခမဳဂှ်မ္ဂး ဒှ်ကမ်ဗဗွဲကဵုဓရ်ရ။
၂၄၁။ စၞောန်ထ္ၜးကဵုသၟာန်ပြဒ္ဒညာ ဥပါလိ
[ပလေဝ်ဒါန် | ပလေဝ်ဒါန် တမ်ကၞက်]၄၀၀။ ပ္ဍဲအခိၚ်ဂှ် တဳလပိုဉ်ဥပါလိ ပြာပ်အာဇရေၚ် တဳလမၞုံပိုဉ်ကျာ်တြဲတုဲပ္ဍဲကြဴ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲမ္ဂး သီုမဂဇအ်ဒၟံၚ်ပ္ဍဲဒၞါဲမွဲဂှ် “ယွံတဳလမၞုံပိုဉ် သၚ်မညဳသာသၟဟ်သၟန်ဂှ် ကမ်မထေက်ကဵုသ္ပ ပ္ဍဲဂတမတ်ဂှ် သ္ပပ္ဍဲကြဴမတ်မ္ဂး၊ ကမ်ဂှ် ဒှ်ဓမ္မကမ်ဟာ၊ ဒှ်ဝိနယ်ကမ်ဟာ” ရဴဝွံ ဂရၚ်ပတီ သၟာန်တဳလမၞုံပိုဉ်ကျာ်တြဲရ။ ယွံဥပါလိ ကမ်ဂှ် ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ ရဴဝွံ (သ္ဂးရ)။ ယွံတဳလမၞုံပိုဉ် သၚ်မညဳသာသၟဟ်သၟန်ဂှ် ကမ်သၟာန်တုဲထေက်ကဵုသ္ပဂှ် သီုဟွံသၟာန်သ္ပမ္ဂး ။ ပ ။ ကမ်ဒုၚ်ဝန်မှ ထေက်ကဵုသ္ပဂှ် သီုဟွံဒုၚ်ဝန် သ္ပမ္ဂး ။ ပ ။ ကုခမဳမထေက်ကဵုသတိဝိနယ်ဂှ် ကဵုအမူဠ ဝိနယ်မ္ဂး။ ကုခမဳမထေက်ကဵုအမူဠ ဝိနယ်ဂှ် သ္ပတဿပါပိယသိကကမ်မ္ဂး။ ကုခမဳ မထေက်ကဵုတဿပါပိယသိကကမ်ဂှ် သ္ပတဇ္ဇနဳယကမ်မ္ဂး။ ကုခမဳမထေက်ကဵုတဇ္ဇနဳယကမ်ဂှ် သ္ပနိယဿကမ်မ္ဂး။ ကဵုခမဳမထေက်ကဵုနိယဿကမ်ဂှ် သ္ပပဗ္ဗာဇနဳယကမ်မ္ဂး။ ကုခမဳမထေက်ကဵုပဗ္ဗာဇနဳယကမ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုပဋိသာရဏဳယကမ်ဂှ် သ္ပဥက္ခေပနဳယကမ်မ္ဂး။ ကုခမဳမထေက်ကဵုဥက္ခေပနဳယကမ်ဂှ် ကဵုပြဝးမ္ဂး။ ခမဳမထေက်ကဵုပြဝးဂှ် တံၚ်ဓဇက်တမ်မ္ဂး။ ကုခမဳမထေက်ကဵုတၞဟ်နတံၚ်ဓဇက်တမ်ဂှ် ကဵုမာနတ်မ္ဂး။ ခမဳမထေက်ကဵုမာနတ်ဂှ် ကော်ပၠုပ်အဗ္ဘာန်မ္ဂး။ ခမဳထေက်ကဵုအဗ္ဘာန်ဂှ် သ္ပကဵုပယျၚ်မ္ဂး၊ ကမ်ဂှ် ဒှ်ဓမ္မကမ်ဟာ၊ ဒှ်ဝိနယ်ဟာ ရဴဝွံ ဂရၚ်ပတီ သၟာန်တဳလမၞုံပိုဉ်ကျာ်တြဲရ။ ယွံဥပါလိ ကမ်ဂှ် ဓမ္မကမ်ဟွံသေၚ်ရ၊ ဝိနယ်လေဝ်ဟွံသေၚ်ရ ရဴဝွံ (သ္ဂးရ)။ ယွံဥပါလိ သၚ်မညဳသာသၟာန်သၟန်ဂှ် ကမ်မထေက်ကဵုသ္ပပ္ဍဲဂတမတ်ဂှ် သ္ပပ္ဍဲကြဴမတ်မ္ဂး ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ၊ သ္ပရဴဝွံမ္ဂး သၚ်ဂှ် မၞုံကဵုဒုဟ်ရ။ ယွံဥပါလိ သၚ်မညဳသာသၟဟ်သၟန်ဂှ် ကမ်သၟာန်တုဲထေက်ကဵုသ္ပဂှ် သီုဟွံသၟာန် သ္ပမ္ဂး ။ ပ ။ ကမ်ဒုၚ်ဝန်မှ ထေက်ကဵုသ္ပဂှ် သီုဟွံဒုၚ်ဝန် သ္ပမ္ဂး ။ ပ ။ ကုခမဳမထေက်ကဵုသတိဝိနယ်ဂှ် ကဵုအမူဠ ဝိနယ်မ္ဂး။ ကုခမဳမထေက်ကဵုအမူဠ ဝိနယ်ဂှ် သ္ပတဿပါပိယသိကကမ်မ္ဂး၊ ကုခမဳမထေက်ကဵုတဿပါပိယသိကကမ်ဂှ် သ္ပတဇ္ဇနဳယကမ်မ္ဂး။ ကုခမဳမထေက်ကဵုတဇ္ဇနဳယကမ်ဂှ် သ္ပနိယဿကမ်မ္ဂး။ ကုခမဳမထေက်ကဵုနိယဿကမ်ဂှ် သ္ပပဗ္ဗာဇနဳယကမ်မ္ဂး။ ကုခမဳမထေက်ကဵုပဗ္ဗာဇနဳယကမ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုပဋိသာရဏဳယကမ်ဂှ် သ္ပဥက္ခေပနဳယကမ်မ္ဂး။ ကုခမဳမထေက်ကဵုဥက္ခေပနဳယကမ်ဂှ် ကဵုပြဝးမ္ဂး။ ခမဳမထေက်ကဵုပြးဝးဂှ် တံၚ်ဓဇက်တမ်မ္ဂး။ ကုခမဳမထေက်ကဵုတၞဟ်နတံၚ်ဓဇက်တမ်ဂှ် ကဵုမာနတ်မ္ဂး။ ခမဳမထေက်ကဵုမာနတ်ဂှ် ကော်ပၠုပ်အဗ္ဘာန်မ္ဂး။ ခမဳထေက်ကဵုအဗ္ဘာန်ဂှ် သ္ပကဵုပယျၚ်မ္ဂး၊ ယွံဥပါလိ သ္ပရဴဝွံမ္ဂး ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ၊ သ္ပရဴဝွံမ္ဂး သၚ်ဂှ် မၞုံကဵုဒုဟ်ရ။
၄၀၁။ ယွံတဳလမၞုံပိုဉ် သၚ်မညဳသာသၟဟ်သၟန်ဂှ် ကမ်မထေက်ကဵုသ္ပပ္ဍဲဂတမတ်ဂှ် သ္ပပ္ဍဲဂတမတ်မ္ဂး၊ ကမ်ဂှ် ဒှ်ဓမ္မကမ်ဟာ၊ ဒှ်ဝိနယ်ကမ်ဟာ ရဴဝွံ ဂရၚ်ပတီ သၟာန်တဳလမၞုံပိုဉ်ကျာ်တြဲရ။ ယွံဥပါလိ ကမ်ဂှ် ဒှ်ဓမ္မကမ်ရ၊ ဒှ်ဝိနယ်ကမ်ရ ရဴဝွံ (သ္ဂးရ)။ ယွံတဳလမၞုံပိုဉ် သၚ်မညဳသာသၟဟ်သၟန်ဂှ် ကမ်သၟာန်တုဲထေက်ကဵုသ္ပဂှ် သၟာန်တုဲ သ္ပမ္ဂး ။ ပ ။ ကမ်ဒုၚ်ဝန်မှ ထေက်ကဵုသ္ပဂှ် သ္ပနမဒုၚ်ဝန်မ္ဂး ။ ပ ။ ကုခမဳမထေက်ကဵုသတိဝိနယ်ဂှ် ကဵုသတိဝိနယ်မ္ဂး။ ကုခမဳမထေက်ကဵုအမူဠ ဝိနယ်ဂှ် ကဵုအမူဠ ဝိနယ်မ္ဂး။ ကုခမဳမထေက်ကဵုတဿပါပိယသိကကမ်ဂှ် သ္ပတဿပါပိယသိကကမ်မ္ဂး။ ကုခမဳမထေက်ကဵုတဇ္ဇနဳယကမ်ဂှ် သ္ပတဇ္ဇနဳယကမ်မ္ဂး။ ကုခမဳမထေက်ကဵုနိယဿကမ်ဂှ် သ္ပနိယဿကမ်မ္ဂး။ ကုခမဳမထေက်ကဵုပဗ္ဗာဇနဳယကမ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုပဋိသာရဏဳယကမ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုဥက္ခေပနဳယကမ်ဂှ် သ္ပဥက္ခေပနဳယကမ်မ္ဂး။ ကုခမဳမထေက်ကဵုပြဝးဂှ် ကဵုပြဝးမ္ဂး။ ခမဳမထေက်ကဵုတံၚ်ဓဇက်ဂှ် တံၚ်ဓဇက်တမ်မ္ဂး။ ကုခမဳမထေက်ကဵုမာနတ်ဂှ် ကဵုမာနတ်မ္ဂး။ ခမဳထေက်ကဵုအဗ္ဘာန်ဂှ် ကော်ပၠုပ်အမ္ဘာန်မ္ဂး၊ ညးထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် (သ္ပဥပဇ္ၛာယ်တုဲ) သ်ပကဵုပယျၚ်မ္ဂး၊ ကမ်ဂှ် ဒှ်ဓမ္မကမ်ဟာ၊ ဒှ်ဝိနယ်ကမ်ဟာ ရဴဝွံ ဂရၚ်ပတီ သၟာန်တဳလမၞုံပိုဉ်ကျာ်တြဲရ။ ယွံဥပါလိ ဒှ်ဓမ္မကမ်ရ၊ ဒှ်ဝိနယ်ကမ်ရ ရဴဝွံ (သ္ဂးရ)။ ယွံဥပါလိ သၚ်မညဳသာသၟဟ်သၟန်ဂှ် ကမ်မထေက်ကဵုသ္ပပ္ဍဲဂတမတ်ဂှ် သ္ပပ္ဍဲဂတမတ်မ္ဂး ဒှ်ဓမ္မကမ်ရ၊ ဒှ်ဝိနယ်ကမ်ရ၊ သ္ပရဴဝွံမ္ဂး သၚ်ဂှ် ဟွံမွဲကဵုဒုဟ်ရ။ ယွံဥပါလိ သၚ်မညဳသာသၟဟ်သၟန်ဂှ် ကမ်သၟာန်တုဲထေက်ကဵုသ္ပဂှ် သၟာန်တုဲ သ္ပမ္ဂး ။ ပ ။ ကမ်ဒုၚ်ဝန်မှ ထေက်ကဵုသ္ပဂှ် သ္ပနမဒုၚ်ဝန်မ္ဂး ။ ပ ။ ကုခမဳမထေက်ကဵုသတိဝိနယ်ဂှ် ကဵုသတိဝိနယ်မ္ဂး။ ကုခမဳမထေက်ကဵုအမူဠ ဝိနယ်ဂှ် ကဵုအမူဠ ဝိနယ်မ္ဂး။ ကုခမဳမထေက်ကဵုတဿပါပိယသိကကမ်ဂှ် သ္ပတဿပါပိယသိကကမ်မ္ဂး။ ကုခမဳမထေက်ကဵုတဇ္ဇနဳယကမ်ဂှ် သ္ပတဇ္ဇနဳယကမ်မ္ဂး။ ကုခမဳမထေက်ကဵုနိယဿကမ်ဂှ် သ္ပနိယဿကမ်မ္ဂး။ ကုခမဳမထေက်ကဵုပဗ္ဗာဇနဳယကမ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုပဋိသာရဏဳယကမ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုဥက္ခေပနဳယကမ်ဂှ် သ္ပဥက္ခေပနဳယကမ်မ္ဂး။ ကုခမဳမထေက်ကဵုပြဝးဂှ် ကဵုပြဝးမ္ဂး။ ခမဳမထေက်ကဵုတံၚ်ဓဇက်ဂှ် တံၚ်ဓဇက်တမ်မ္ဂး။ ကုခမဳမထေက်ကဵုမာနတ်ဂှ် ကဵုမာနတ်မ္ဂး။ ခမဳထေက်ကဵုအဗ္ဘာန်ဂှ် ကော်ပၠုပ်အမ္ဘာန်မ္ဂး၊ ညးထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် (သ္ပဥပဇ္ၛာယ်တုဲ) သ္ပကဵုပယျၚ်မ္ဂး၊ ယွံဥပါလိ သ္ပရဴဝွံမ္ဂး ဒှ်ဓမ္မကမ်ရ၊ ဒှ်ဝိနယ်ကမ်ရ၊ သ္ပရဴဝွံမ္ဂး သၚ်ဂှ် ဟွံမွဲကဵုဒုဟ်ရ ရဴဝွံ (သ္ဂးရ)။
၄၀၂။ ယွံတဳလမၞုံပိုဉ် သၚ်မညဳသာသၟဟ်သၟန်ဂှ် ကုခမဳမထေက်ကဵုသတိဝိနယ်ဂှ် ကဵုအမူဠ ဝိနယ်မ္ဂး။ ကုခမဳမထေက်ကဵုအမူဠ ဝိနယ်ဂှ် ကဵုသတိဝိနယ်မ္ဂး၊ ကမ်ဂှ် ဒှ်ဓမ္မကမ်ဟာ၊ ဒှ်ဝိနယ်ကမ်ဟာ ရဴဝွံ ဂရၚ်ပတီ သၟာန်တဳလမၞုံပိုဉ်ကျာ်တြဲရ။ ယွံဥပါလိ ကမ်ဂှ် ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ ရဴဝွံ (သ္ဂးရ)။ ယွံတဳလမၞုံပိုဉ် သၚ်မညဳသာသၟဟ်သၟန်ဂှ် ကုခမဳမထေက်ကဵုအမူဠ ဝိနယ်ဂှ် သ္ပတဿပါပိယသိကကမ်မ္ဂး။ ကုခမဳမထေက်ကဵုတဇ္ဇနဳယကမ်ဂှ် ကဵုအမူဠ ဝိနယ်မ္ဂး ။ ပ ။ ကုခမဳမထေက်ကဵုတဿပါပိယကကမ်ဂှ် သ္ပတဇ္ဇနဳယကမ်မ္ဂး။ ကုခမဳမထေက်ကဵုတဇ္ဇနဳယကမ်ဂှ် သ္ပတဿပါပိယကကမ်မ္ဂး။ ကုခမဳမထေက်ကဵုတဇ္ဇနဳယကမ်ဂှ် သ္ပနိယဿကမ်မ္ဂး။ ကုခမဳမထေက်ကဵုနိယဿကမ်ဂှ် သ္ပတဇ္ဇနဳယကမ်မ္ဂး။ ကုခမဳမထေက်ကဵုပဗ္ဗာဇနဳယကမ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုပဋိသာရဏဳယကမ်ဂှ် သ္ပပဗ္ဗာဇနဳယကမ်မ္ဂး။ ကုခမဳမထေက်ကဵုပဋိသာရဏဳယကမ်ဂှ် သ္ပဥက္ခေပနဳယကမ်မ္ဂး။ ကုခမဳမထေက်ကဵုဥက္ခေပနဳယကမ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုဥက္ခေပနဳယကမ်ဂှ် ကဵုပြဝးမ္ဂး။ ခမဳမထေက်ကဵုပြဝးဂှ် သ္ပဥက္ခေပနဳယကမ်မ္ဂး။ ခမဳမထေက်ကဵုပြးဝးဂှ် တံၚ်ဓဇက်တမ်မ္ဂး။ ကုခမဳမထေက်ကဵုတံၚ်ဓဇက်တမ်ဂှ် ကဵုပြဝးမ္ဂး။ ကုခမဳမထေက်ကဵုတံၚ်ဓဇက်တမ်ဂှ် ကဵုမာနတ်မ္ဂး။ ခမဳမထေက်ကဵုမာနတ်ဂှ် တံၚ်ဓဇက်တမ်မ္ဂး။ ခမဳမထေက်ကဵုမာနတ်ဂှ် ကော်ပၠုပ်အဗ္ဘာန်မ္ဂး။ ခမဳထေက်ကဵုအဗ္ဘာန်ဂှ် ကဵုမာနတ်မ္ဂး။ ခမဳထေက်ကဵုအဗ္ဘာန်ဂှ် (သ္ပဥပဇ္ၛာယ်တုဲ) သ္ပကဵုပယျၚ်မ္ဂး၊ ခမဳမထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် ကော်ပၠုပ်အဗ္ဘာန်မ္ဂး၊ ကမ်ဂှ် ဒှ်ဓမ္မကမ်ဟာ၊ ဒှ်ဝိနယ်ကမ်ဟာ ရဴဝွံ ဂရၚ်ပတီ သၟာန်တဳလမၞုံပိုဉ်ကျာ်တြဲရ။ ယွံဥပါလိ ကမ်ဂှ် ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ ရဴဝွံ (သ္ဂးရ)။ ယွံဥပါလိ သၚ်မညဳသာသၟဟ်သၟန်ဂှ် ကုခမဳမထေက်ကဵုသတိဝိနယ်ဂှ် ကဵုအမူဠ ဝိနယ်မ္ဂး။ ကုခမဳမထေက်ကဵုအမူဠ ဝိနယ်ဂှ် ကဵုသတိဝိနယ်မ္ဂး၊ ယွံဥပါလိ သ္ပရဴဝွံမ္ဂး ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ၊ သ္ပရဴဝွံမ္ဂး သၚ်ဂှ် မၞုံကဵုဒုဟ်ရ။ ယွံဥပါလိ သၚ်မညဳသာသၟဟ်သၟန်ဂှ် ကုခမဳမထေက်ကဵုအမူဠ ဝိနယ်ဂှ် သ္ပတဿပါပိယသိကကမ်မ္ဂး။ ကုခမဳမထေက်ကဵုတဇ္ဇနဳယကမ်ဂှ် ကဵုအမူဠ ဝိနယ်မ္ဂး ။ ပ ။ ကုခမဳမထေက်ကဵုတဿပါပိယကကမ်ဂှ် သ္ပတဇ္ဇနဳယကမ်မ္ဂး။ ကုခမဳမထေက်ကဵုတဇ္ဇနဳယကမ်ဂှ် သ္ပတဿပါပိယကကမ်မ္ဂး။ ကုခမဳမထေက်ကဵုတဇ္ဇနဳယကမ်ဂှ် သ္ပနိယဿကမ်မ္ဂး။ ကုခမဳမထေက်ကဵုနိယဿကမ်ဂှ် သ္ပတဇ္ဇနဳယကမ်မ္ဂး။ ကုခမဳမထေက်ကဵုပဗ္ဗာဇနဳယကမ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုပဋိသာရဏဳယကမ်ဂှ် သ္ပပဗ္ဗာဇနဳယကမ်မ္ဂး။ ကုခမဳမထေက်ကဵုပဋိသာရဏဳယကမ်ဂှ် သ္ပဥက္ခေပနဳယကမ်မ္ဂး။ ကုခမဳမထေက်ကဵုဥက္ခေပနဳယကမ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုဥက္ခေပနဳယကမ်ဂှ် ကဵုပြဝးမ္ဂး။ ခမဳမထေက်ကဵုပြဝးဂှ် သ္ပဥက္ခေပနဳယကမ်မ္ဂး။ ခမဳမထေက်ကဵုပြးဝးဂှ် တံၚ်ဓဇက်တမ်မ္ဂး။ ကုခမဳမထေက်ကဵုတံၚ်ဓဇက်တမ်ဂှ် ကဵုပြဝးမ္ဂး။ ကုခမဳမထေက်ကဵုတံၚ်ဓဇက်တမ်ဂှ် ကဵုမာနတ်မ္ဂး။ ခမဳမထေက်ကဵုမာနတ်ဂှ် တံၚ်ဓဇက်တမ်မ္ဂး။ ခမဳမထေက်ကဵုမာနတ်ဂှ် ကော်ပၠုပ်အဗ္ဘာန်မ္ဂး။ ခမဳထေက်ကဵုအဗ္ဘာန်ဂှ် ကဵုမာနတ်မ္ဂး။ ခမဳထေက်ကဵုအဗ္ဘာန်ဂှ် (သ္ပဥပဇ္ၛာယ်တုဲ) သ္ပကဵုပယျၚ်မ္ဂး၊ ခမဳမထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် ကော်ပၠုပ်အဗ္ဘာန်မ္ဂး၊ ယွံဥပါလိ သ္ပရဴဝွံမ္ဂး ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ၊ သ္ပရဴဝွံမ္ဂး သၚ်ဂှ် မၞုံကဵုဒုဟ်ရ ရဴဝွံ (သ္ဂးရ)။
၄၀၃။ ယွံတဳလမၞုံပိုဉ် သၚ်မညဳသာသၟဟ်သၟန်ဂှ် ကုခမဳမထေက်ကဵုသတိဝိနယ်ဂှ် ကဵုသတိဝိနယ်မ္ဂး။ ကုခမဳမထေက်ကဵုအမူဠ ဝိနယ်ဂှ် ကဵုအမူဠ ဝိနယ်မ္ဂး၊ ကမ်ဂှ် ဒှ်ဓမ္မကမ်ဟာ၊ ဒှ်ဝိနယ်ကမ်ဟာ ရဴဝွံ ဂရၚ်ပတီ သၟာန်တဳလမၞုံပိုဉ်ကျာ်တြဲရ။ ယွံဥပါလိ ကမ်ဂှ် ဒှ်ဓမ္မကမ်ရ၊ ဒှ်ဝိနယ်ကမ်ရ ရဴဝွံ (သ္ဂ:ရ)။ ယွံတဳလမၞုံပိုဉ် သၚ်မညဳသာသၟဟ်သၟန်ဂှ် ကုခမဳမထေက်ကဵုအမူဠ ဝိနယ်ဂှ် ကဵုအမူဠ ဝိနယ်မ္ဂး ။ ပ ။ ကုခမဳမထေက်ကဵုတဿပါပိယကကမ်ဂှ် သ္ပတဿပါပိယကကမ်မ္ဂး ။ ပ ။ ကုခမဳမထေက်ကဵုတဇ္ဇနဳယကမ်ဂှ် သ္ပတဇ္ဇနဳယကမ်မ္ဂး ။ ပ ။ ကုခမဳမထေက်ကဵုနိယဿကမ်ဂှ် သ္ပနိယဿကမ်မ္ဂး ။ ပ ။ ကုခမဳမထေက်ကဵုပဗ္ဗာဇနဳယကမ်ဂှ် သ္ပပဗ္ဗာဇနဳယကမ်မ္ဂး ။ ပ ။ ကုခမဳမထေက်ကဵုပဋိသာရဏဳယကမ်ဂှ် သ္ပပဋိသာရဏဳယကမ်မ္ဂး ။ ပ ။ ကုခမဳမထေက်ကဵုဥက္ခေပနဳယကမ်ဂှ် သ္ပဥက္ခေပနဳယကမ်မ္ဂး ။ ပ ။ ကုခမဳမထေက်ကဵုပြဝးဂှ် ကဵုပြဝးမ္ဂး ။ ပ ။ ခမဳမထေက်ကဵု တံၚ်ဓဇက်တမ်ဂှ် တံၚ်ဓဇက်တမ်မ္ဂး ။ ပ ။ ကုခမဳမထေက်ကဵုမာနတ်ဂှ် ကဵုမာနတ်မ္ဂး ။ ပ ။ ခမဳမထေက်ကဵုအဗ္ဘာန်ဂှ် ကော်ပၠုပ်အမ္ဘာန်မ္ဂး ။ ပ ။ ခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် (သ္ပဥပဇ္ၛာယ်တုဲ) သ္ပကဵုပယျၚ်မ္ဂး၊ ကမ်ဂှ် ဒှ်ဓမ္မကမ်ဟာ၊ ဒှ်ဝိနယ်ကမ်ဟာ ရဴဝွံ ဂရၚ်ပတီရ။ ယွံဥပါလိ ကမ်ဂှ် ဒှ်ဓမ္မကမ်ရ၊ ဒှ်ဝိနယ်ကမ်ရ ရဴဝွံ (သ္ဂးရ)။ ယွံဥပါလိ သၚ်မညဳသာသၟဟ်သၟန်ဂှ် ကုခမဳမထေက်ကဵုသတိဝိနယ်ဂှ် ကဵုသတိဝိနယ်မ္ဂး။ ကုခမဳမထေက်ကဵုအမူဠ ဝိနယ်ဂှ် ကဵုအမူဠ ဝိနယ်မ္ဂး၊ ယွံဥပါလိ သ္ပရဴဝွံမ္ဂး ဒှ်ဓမ္မကမ်ရ၊ ဒှ်ဝိနယ်ကမ်ရ၊ သ္ပရဴဝွံမ္ဂး သၚ်ဂှ် ဟွံမွဲကဵုဒုဟ်ရ။ ယွံဥပါလိ သၚ်မညဳသာသၟဟ်သၟန်ဂှ် ကုခမဳမထေက်ကဵုအမူဠ ဝိနယ်ဂှ် ကဵုအမူဠ ဝိနယ်မ္ဂး ။ ပ ။ ကုခမဳမထေက်ကဵုတဿပါပိယကကမ်ဂှ် သ္ပတဿပါပိယကကမ်မ္ဂး ။ ပ ။ ကုခမဳမထေက်ကဵုတဇ္ဇနဳယကမ်ဂှ် သ္ပတဇ္ဇနဳယကမ်မ္ဂး ။ ပ ။ ကုခမဳမထေက်ကဵုနိယဿကမ်ဂှ် သ္ပနိယဿကမ်မ္ဂး ။ ပ ။ ကုခမဳမထေက်ကဵုပဗ္ဗာဇနဳယကမ်ဂှ် သ္ပပဗ္ဗာဇနဳယကမ်မ္ဂး ။ ပ ။ ကုခမဳမထေက်ကဵုပဋိသာရဏဳယကမ်ဂှ် သ္ပပဋိသာရဏဳယကမ်မ္ဂး ။ ပ ။ ကုခမဳမထေက်ကဵုဥက္ခေပနဳယကမ်ဂှ် သ္ပဥက္ခေပနဳယကမ်မ္ဂး ။ ပ ။ ကုခမဳမထေက်ကဵုပြဝးဂှ် ကဵုပြဝးမ္ဂး ။ ပ ။ ခမဳမထေက်ကဵု တံၚ်ဓဇက်တမ်ဂှ် တံၚ်ဓဇက်တမ်မ္ဂး ။ ပ ။ ကုခမဳမထေက်ကဵုမာနတ်ဂှ် ကဵုမာနတ်မ္ဂး ။ ပ ။ ခမဳမထေက်ကဵုအဗ္ဘာန်ဂှ် ကော်ပၠုပ်အဗ္ဘာန်မ္ဂး ။ ပ ။ ခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် (သ္ပဥပဇ္ၛာယ်တုဲ) သ္ပကဵုပယျၚ်မ္ဂး၊ ယွံဥပါလ သ္ပရဴဝွံမ္ဂး ဒှ်ဓမ္မကမ်ရ၊ ဒှ်ဝိနယ်ကမ်ရ၊ သ္ပရဴဝွံမ္ဂး သၚ်ဂှ် ဟွံမွဲကဵုဒုဟ်ရ ရဴဝွံ (သ္ဂးရ)။
၄၀၄။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ကော်လၟိၚ်တိုန် ခမဳဂမၠိုၚ်ရ− “ယွံခမဳတအ် သၚ်မညဳသာသၟဟ်သၟန်ဂှ် ကုခမဳမထေက်ကဵုသတိဝိနယ်ဂှ် ကဵုသတိဝိနယ်မ္ဂး ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ၊ သ္ပရဴဝွံမ္ဂး သၚ်ဂှ် မၞုံကဵုဒုဟ်ရ။ ယွံခမဳတအ် သၚ်မညဳသာသၟဟ်သၟန်ဂှ် ကုခမဳမထေက်ကဵုသတိဝိနယ်ဂှ် သ္ပတဿပါပိယသိကကမ်မ္ဂး ။ ပ ။ ကုခမဳမထေက်ကဵုသတိဝိနယ်ဂှ် သ္ပတဇ္ဇနဳယကမ်မ္ဂး။ ကုခမဳမထေက်ကဵုသတိဝိနယ်ဂှ် သ္ပနိယဿကမ်မ္ဂး။ ကုခမဳမထေက်ကဵုသတိဝိနယ်ဂှ် သ္ပပဗ္ဗာဇနဳယကမ်မ္ဂး။ ကုခမဳမထေက်ကဵုသတိဝိနယ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုသတိဝိနယ်ဂှ် သ္ပဥက္ခေပနဳယကမ်မ္ဂး။ ကုခမဳမထေက်ကဵုသတိဝိနယ်ဂှ် ကဵုပြဝးမ္ဂး။ ခမဳမထေက်ကဵုသတိဝိနယ်ဂှ် တံၚ်ဓဇက်တမ်မ္ဂး။ ကုခမဳမထေက်ကဵုသတိဝိနယ်ဂှ် ကဵုမာနတ်မ္ဂး။ ခမဳမထေက်ကဵုသတိဝိနယ်ဂှ် ကော်ပၠုပ်အဗ္ဘာန်မ္ဂး။ ခမဳမထေက်ကဵုသတိဝိနယ်ဂှ် (သ္ပဥပဇ္ၛာယ်တုဲ) သ္ပကဵုပယျၚ်မ္ဂး။ ယွံခမဳတအ် သ္ပရဴဝွံမ္ဂး ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ၊ သ္ပရဴဝွံမ္ဂး သၚ်ဂှ် မၞုံကဵုဒုဟ်ရ။
၄၀၅။ ယွံခမဳတအ် သၚ်မညဳသာသၟဟ်သၟန်ဂှ် ကုခမဳမထေက်ကဵုအမူဠ ဝိနယ်ဂှ် သ္ပတဿပါပိယကကမ်မ္ဂး ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ၊ သ္ပရဴဝွံမ္ဂး သၚ်ဂှ် မၞုံကဵုဒုဟ်ရ။ ယွံခမဳတအ် သၚ်မညဳသာသၟဟ်သၟန်ဂှ် ကုခမဳမထေက်ကဵုအမူဠ ဝိနယ်ဂှ် သ္ပတဇ္ဇနဳယကမ်မ္ဂး။ ကုခမဳထေက်ကဵုအမူဠ ဝိနယ်ဂှ် သ္ပနိယဿကမ်မ္ဂး။ ကုခမဳမထေက်ကဵုအမူဠ ဝိနယ်ဂှ် သ္ပပဗ္ဗာဇနဳယကမ်မ္ဂး။ ကုခမဳမထေက်ကဵုအမူဠ ဝိနယ်ဂှ် သ္ပပဋိသာရဏဳယကမ်မ္ဂး။ ကုခမဳမထေက်ကဵုအမူဠ ဝိနယ်ဂှ် သ္ပဥက္ခေပနဳယကမ်မ္ဂး။ ကုခမဳမထေက်ကဵုအမူဠ ဝိနယ်ဂှ် ကဵုပြဝးမ္ဂး။ ကုခမဳမထေက်ကဵုအမူဠ ဝိနယ်ဂှ် တံၚ်ဓဇက်တမ်မ္ဂး။ ကုခမဳမထေက်ကဵုအမူဠ ဝိနယ်ဂှ် ကဵုမာနတ်မ္ဂး။ ကုခမဳမထေက်ကဵုအမူဠ ဝိနယ်ဂှ် ကော်ပၠုပ်အဗ္ဘာန်မ္ဂး။ ကုခမဳမထေက်ကဵုအမူဠ ဝိနယ်ဂှ် (သ္ပဥပဇ္ၛာယ်တုဲ) သ္ပကဵုပယျၚ်မ္ဂး။ ကုခမဳမထေက်ကဵုအမူဠ ဝိနယ်ဂှ် ကဵုသတိဝိနယ်မ္ဂး။ ယွံခမဳတအ် သ္ပရဴဝွံမ္ဂး ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ၊ သ္ပရဴဝွံမ္ဂး သၚ်ဂှ် မၞုံကဵုဒုဟ်ရ။
၄၀၆။ ယွံခမဳတအ် သၚ်မညဳသာသၟဟ်သၟန်ဂှ် ကုခမဳမထေက်ကဵုတဿပါပိယသိကကမ်ဂှ် သ္ပတဇ္ဇနဳယကမ်မ္ဂး ။ ပ ။ ကုခမဳမထေက်ကဵုတဇ္ဇနဳယကမ်။ ကုခမဳမထေက်ကဵုနိယဿကမ်။ ကုခမဳမထေက်ကဵုပဗ္ဗာနဳယကမ်။ ကုခမဳမထေက်ကဵုပဋိသာရဏဳယကမ်။ ကုခမဳမထေက်ကဵု ပဗ္ဗာဇနဳယကမ်။ ကုခမဳမထေက်ကဵုဥက္ခေပနဳယကမ်။ ကုခမဳမထေက်ကဵုပြဝး။ ကုခမဳမထေက်ကဵု တံၚ်ဓဇက်တမ်။ ကုခမဳမထေက်ကဵုမာနတ်။ ကုခမဳမထေက်ကဵုကော်ပၠုပ်အဗ္ဘာန်မ္ဂး။ ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် ကဵုသတိဝိနယ်မ္ဂး၊ ယွံခမဳတအ် သ္ပရဴဝွံမ္ဂး ဓမ္မကမ်ဟွံဟွံသေၚ်ရ၊ ဝိနယ်ကမ်ဟွံသေၚ်ရ၊ သ္ပရဴဝွံမ္ဂး သၚ်ဂှ် မၞုံကဵုဒုဟ်ရ။ ယွံခမဳတအ် သၚ်မညဳသာသၟဟ်သၟန်ဂှ် ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် ကဵုအမူဠ ဝိနယ်မ္ဂး ။ ပ ။ ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် သ္ပတဿပါပိယသိကကမ်မ္ဂး။ ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် သ္ပတဇ္ဇနဳယကမ်မ္ဂး။ ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် သ္ပနိယဿကမ်မ္ဂး။ ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် သ္ပပဗ္ဗာဇနဳယကမ်မ္ဂး။ ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် သ္ပပဋိသာရဏဳယကမ်မ္ဂး။ ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် သ္ပဥက္ခေပနဳယကမ်မ္ဂး။ ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် ကဵုပြဝးမ္ဂး။ ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် တံၚ်ဓဇက်တမ်မ္ဂး။ ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် ကဵုမာနတ်မ္ဂး။ ကုခမဳထေက်ကဵု (သ္ပဥပဇ္ၛာယ်တုဲ) သ္ပကဵုပယျၚ်ဂှ် ကော်ပၠုပ်အဗ္ဘာန်မ္ဂး၊ ယွံခမဳတအ် သ္ပရဴဝွံမ္ဂး ဓမ္မကမ်ဟွံသေၚ်ရ၊ ဝိနယ်ကမ်ဟွံသေၚ်ရ၊ သ္ပရဴဝွံမ္ဂး သၚ်ဂှ် မၞုံကဵုဒုဟ်ရ” ရဴဝွံ သ္ဂးရ။ ခဏ်ဥပါလိပုစ္ဆာဒုတိယတုဲရ။
၂၄၂။ စၞောန်ထ္ၜးကဵုတဇ္ဇနဳယကမ်
[ပလေဝ်ဒါန် | ပလေဝ်ဒါန် တမ်ကၞက်]၄၀၇။ ယွံခမဳတအ် ပ္ဍဲသာသနာဝွံ ခမဳဂှ် လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ် လေပ်သ္ပအဓိကိုရ်ပ္ဍဲသၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ် လေပ်သ္ပအဓိကိုရ်ပ္ဍဲသၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ကြဴနူဂှ် ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန်ဂမၠိုၚ် နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ်လေဝ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ညဳသာသၟဟ်သၟန် နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ်လေဝ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳသၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကး နဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ်လေဝ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကး နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။
၄၀၈။ ယွံခမဳတအ် ပ္ဍဲသာသနာဝွံ ခမဳဂှ် လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ် လေပ်သ္ပအဓိကိုရ်ပ္ဍဲသၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ် လေပ်သ္ပအဓိကိုရ်ပ္ဍဲသၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ညဳသာသၟဟ်သၟန် နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳသၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကး နဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကး နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳသၚ်သ္ပလဝ်တဇ္ဇနဳယကမ် သီုမဒှ်ညဳသာသၟဟ်သၟန် နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။
၄၀၉။ ယွံခမဳတအ် ပ္ဍဲသာသနာဝွံ ခမဳဂှ် လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ် လေပ်သ္ပအဓိကိုရ်ပ္ဍဲသၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ် လေပ်သ္ပအဓိကိုရ်ပ္ဍဲသၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကး နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကး နဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳသၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကး နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ညဳသာသၟဟ်သၟန် နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။
၄၁၀။ ယွံခမဳတအ် ပ္ဍဲသာသနာဝွံ ခမဳဂှ် လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ် လေပ်သ္ပအဓိကိုရ်ပ္ဍဲသၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ် လေပ်သ္ပအဓိကိုရ်ပ္ဍဲသၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကးဂမၠိုၚ် နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ညဳသာသၟဟ်သၟန် နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကး နဟွံဗဗွဲဓရ်ရ၊၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမညဳသာသၟဟ်သၟန် နဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ညဳသာသၟဟ်သၟန် နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။
၄၁၁။ ယွံခမဳတအ် ပ္ဍဲသာသနာဝွံ ခမဳဂှ် လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ် လေပ်သ္ပအဓိကိုရ်ပ္ဍဲသၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ် လေပ်သ္ပအဓိကိုရ်ပ္ဍဲသၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ညဳသာသၟဟ်သၟန် နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံ ပါ်ဒကးဂမၠိုၚ် နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ညဳသာသၟဟ်သၟန် နဟွံဗဗွဲဓရ်ရ၊၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်တဇ္ဇနဳယကမ် သီုမဒှ်ဂကောံပါ်ဒကး နဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။
၂၄၃။ စၞောန်ထ္ၜးကဵုနိယဿကမ်
[ပလေဝ်ဒါန် | ပလေဝ်ဒါန် တမ်ကၞက်]၄၁၂။ ယွံခမဳတအ် ပ္ဍဲသာသနာဝွံ ခမဳဂှ် ဟွံတီ (ဝိနယ်သိက္ခာပိုဒ်) ရ၊ ဟွံစဳကၠးဆိုက်ဗ္ဒက် (ပ္ဍဲဝိနယ်သိက္ခာ) ပိုဒ်ရ၊ မၞုံကဵုအာပတ်ဂၠိုၚ်ရ၊ ဟွံမွဲကဵုအပိုၚ်အခြာအာပတ်ရ၊ ပဒတဴ သီုမနှဴရဴကေုာံခရှ်ဂမၠိုၚ် နမဆက်ဆောံခရှ် မဟွံဗဗွဲ ကုခမဳဂမၠိုၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟွံတီ (ဝိနယ်သိက္ခာပိုဒ်) ရ၊ ဟွံစဳကၠးဆိုက်ဗ္ဒက် (ပ္ဍဲဝိနယ်သိက္ခာ) ပိုဒ်ရ၊ မၞုံကဵုအာပတ်ဂၠိုၚ်ရ၊ ဟွံမွဲကဵုအပိုၚ်အခြာအာပတ်ရ၊ ပဒတဴ သီုမနှဴရဴ ကေုာံခရှ်ဂမၠိုၚ် နမဆက်ဆောံခရှ် မဟွံဗဗွဲ ကုခမဳဂမၠိုၚ်ရ။ ပ္ဍဲလၟုဟ် ပိုဲညးဂမၠိုၚ် သ္ပနိယဿကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် သ္ပနိယဿကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်နိယဿကမ် သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပနိယဿကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် သ္ပနိယဿကမ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ် ။ ပ ။ သီုမဒှ်ဂကောံပါ်ဒကးဂမၠိုၚ် နဓရ်ပတောံ ။ ပ ။ သီုမဒှ်ညဳသာသၟဟ်သၟန် နဓရ်ပတောံ ။ ပ ။ [ညံၚ်ရဴသ္ပဗ္ဂေတ်စက် ပ္ဍဲသၟတ်ကီု တုပ်သၟဟ်သာ်ဂှ် ဒးသ္ပဗ္ဂေတ်စက်ရ။]
၂၄၄။ စၞောန်ထ္ၜးကဵုပဗ္ဗာဇနဳကမ်
[ပလေဝ်ဒါန် | ပလေဝ်ဒါန် တမ်ကၞက်]၅၁၃။ ယွံခမဳတအ် ပ္ဍဲသာသနာဝွံ ခမဳဂှ် လေပ်ပလီုပလာ် မၞိဟ်ဒကာဂမၠိုၚ်ရ၊ မၞုံကဵုဒ္ဂေတ်ယုတ်မာရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်ပလီုပလာ် မၞိဟ်ဒကာဂမၠိုၚ်ရ၊ မၞုံကဵုဒ္ဂေတ်ယုတ်မာရ၊ ပ္ဍဲလၟုဟ် ပိုဲညးဂမၠိုၚ် သ္ပပဗ္ဗာဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် သ္ပပဗ္ဗဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ သၚ်သ္ပလဝ်နိယဿကမ် သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပပဗ္ဗာဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် သ္ပပဗ္ဗာဇနဳယကမ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ် ။ ပ ။ သီုမဒှ်ဂကောံပါ်ဒကးဂမၠိုၚ် နဓရ်ပတောံ ။ ပ ။ သီုမဒှ်ညဳသာသၟဟ်သၟန် နဓရ်ပတောံ ။ ပ ။ [ဂပ်ဝ်သ္ပပွမဗ္ဂေတ်စက်ရ။]
၂၄၅။ စၞောန်ထ္ၜးကဵုပဋိသာရဏဳယကမ်
[ပလေဝ်ဒါန် | ပလေဝ်ဒါန် တမ်ကၞက်]၄၁၄။ ယွံခမဳတအ် ပ္ဍဲသာသနာဝွံ ခမဳဂှ် တ္ၜေဟ်လပ်လဗပ်ပကီု မၞိဟ်ဒကာဂမၠိုၚ်ရ၊ မၞုံကဵုဒ္ဂေတ်ယုတ်မာရ။ ပ္ဍဲဘာဂှ် “ယွံကောန်တၠတအ် ခမဳဝွံ တ္ၜေဟ်လပ်လဗပ်ပကီု မၞိဟ်ဒကာဂမၠိုၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပပဋိသာရဏဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် သ္ပပဋိသာရဏဳယကမ် ကုခမဳဂှ်အိုတ်ရ။ တအ် ခမဳဝွံ ခမဳ သၚ်သ္ပလဝ်ပဋိသာရဏဳယကမ် သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပပဋိသာရဏဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် သ္ပပဋိသာရဏဳယကမ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ် ။ ပ ။ သီုမဒှ်ဂကောံပါ်ဒကးဂမၠိုၚ် နဓရ်ပတောံ ။ ပ ။ သီုမဒှ်ညဳသာသၟဟ်သၟန် နဓရ်ပတောံ ။ ပ ။ [ဂပ်ဝ်သ္ပပွမဗ္ဂေတ်စက်ရ။]
၂၄၆။ စၞောန်ထ္ၜးကဵုအဒဿနဥက္ခေပနဳယကမ်
[ပလေဝ်ဒါန် | ပလေဝ်ဒါန် တမ်ကၞက်]၄၁၅။ ယွံခမဳတအ် ပ္ဍဲသာသနာဝွံ ခမဳဂှ် သီုမဒးအာပတ် ဟွံမိက်မၠာ်သ္ၚေဝ်အာပတ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ သီုမဒးအာပတ် ဟွံမိက်မၠာ်သ္ၚေဝ်အာပတ်ရ၊ ပ္ဍဲလၟုဟ် ပိုဲညးဂမၠိုၚ် ဟိုတ်နူပွမဟွံမၠာ်သ္ၚေဝ်အာပတ် သ္ပဥက္ခေပနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ဟိုတ်နူပွမဟွံမၠာ်သ္ၚေဝ်အာပတ် သ္ပက္ခေပနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ ဟိုတ်နူပွမဟွံမၠာ်သ္ၚေဝ်အာပတ် သၚ်သ္ပလဝ်ဥက္ခေပနဳယကမ် သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပဥက္ခေပနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ဟိုတ်နူပွမဟွံမၠာ်သ္ၚေဝ်အာပတ် သ္ပဥက္ခေပနဳယကမ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ် ။ ပ ။ သီုမဒှ်ဂကောဴပါ်ဒကးဂမၠိုၚ် နဓရ်ပတောံ ။ ပ ။ သီုမဒှ်ညဳသာသၟဟ်သၟန် နဓရ်ပတောံ ။ ပ ။ [ဂပ်ဝ်သ္ပပွမဗ္ဂေတ်စက်ရ။]
၂၄၇။ စၞောန်ထ္ၜးကဵုအပ္ပဋိကမ္မဥက္ခေပနဳယကမ်
[ပလေဝ်ဒါန် | ပလေဝ်ဒါန် တမ်ကၞက်]၄၁၆။ ယွံခမဳတအ် ပ္ဍဲသာသနာဝွံ ခမဳဂှ် သီုမအာစိုပ်အာပတ် ဟွံမိက်ဇအုဲဇဗအာပတ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ သီုမအာစိုပ်အာပတ် ဟွံမိက်ဇအုဲဇဗအာပတ်ရ၊ ပ္ဍဲလၟုဟ် ပိုဲညးဂမၠိုၚ် ဟိုတ်နူပွမဟွံဇအုဲဇဗအာပတ် သ္ပဥက္ခေပနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ဟိုတ်နူပွမဟွံဇအုဲဇဗအာပတ် သ္ပဥက္ခေပနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ ဟိုတ်နူပွမဟွံဇအုဲဇဗအာပတ် သၚ်သ္ပလဝ်ဥက္ခေပနဳယကမ် သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပဥက္ခေပနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ဟိုတ်နူပွမဟွံဇအုဲဇဗအာပတ် သ္ပဥက္ခေပနဳယကမ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ် ။ ပ ။ သီုမဒှ်ဂကောံပါ်ဒကးဂမၠိုၚ် နဓရ်ပတောံ ။ ပ ။ သီုမဒှ်ညဳသာသၟဟ်သၟန် နပတောံ ။ ပ ။ [ဂပ်ဝ်သ္ပပွမဗ္ဂေတ်စက်ရ။]
၂၄၈။ စၞောန်ထ္ၜးကဵုအပ္ပဋိနိဿဂ္ဂဥက္ခေပနဳယကမ်
[ပလေဝ်ဒါန် | ပလေဝ်ဒါန် တမ်ကၞက်]၄၁၇။ ယွံခမဳတအ် ပ္ဍဲသာသနာဝွံ ခမဳဂှ် ဟွံမိက်သၠးကၠေံ ကွေတ်မိစ္ဆာမယုတ်မာရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟွံမိက်သၠးကၠေံ ကွေတ်မိစ္ဆာမယုတ်မာရ၊ ပ္ဍဲလၟုဟ် ပိုဲညးဂမၠိုၚ် ဟိုတ်နူပွဟွံသၠးကၠေံ ကွေတိမိစ္ဆာမယုတ်မာ သ္ပဥက္ခေပနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ဟိုတ်နူပွမဟွံသၠးကၠေံ ကွေတ်မိစ္ဆာမယုတ်မာရ သ္ပဥက္ခေပနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ခမဳဝွံ ခမဳ ဟိုတ်နူပွမဟွံသၠးကၠေံ ကွေတ်မိစ္ဆာမယုတ်မာ သၚ်သ္ပလဝ်ဥက္ခေပနဳယကမ် သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် သ္ပဥက္ခေပနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ဟိုတ်နူပွမဟွံဇအုဲဇဗအာပတ် သ္ပဥက္ခေပနဳယကမ် ကုခမဳဂှ်အိုတ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ဟိုတ်နူပွမဟွံသၠးကၠေံ ကွေတ်မိစ္ဆာမယုတ်မာ သ္ပဥက္ခေပနဳယကမ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ် ။ ပ ။ သီုမဒှ်ဂကောံပါ်ဒးကးဂမၠိုၚ် နဓရ်ပတောံ ။ ပ ။ သီုမဒှ်ညဳသာသၟဟ်သၟန် နဓရ်ပတောံ ။ ပ ။ [ဂပ်ဝ်သ္ပပွမဗ္ဂေတ်စက်ရ။]
၂၄၉။ စၞောန်ထ္ၜးကဵုတဇ္ဇနဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၁၈။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်ေဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ညဳသာသၟဟ်သၟန် နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမညဳသာသၟဟ်သၟန် နဓရ်ပတောံ ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။
၄၁၉။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်ေဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ညဳသာသၟဟ်သၟန် နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဓရ်ပတောံ ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ညဳသာသၟဟ်သၟန် နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။
၄၂၀။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်ေဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ပါ်ဒကး နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမညဳသာသၟဟ်သၟန် နဓရ်ပတောံ ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ညဳသာသၟဟ်သၟန် နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။
၄၂၁။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်ေဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဓရ်ပတောံ ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ညဳသာသၟဟ်သၟန် နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ညဳသာသၟဟ်သၟန် နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။
၄၂၂။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်ေဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဓရ်ပတောံကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ညဳသာသၟဟ်သၟန် နဓရ်ပတောံရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ညဳသာသၟဟ်သၟန် နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဗဗွဲဓရ် ကဵုလလမ်ကၠေံ တဇ္ဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် တဇ္ဇနဳယကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကးဂမၠိုၚ် နဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်ရ။
၂၅၀။ စၞောန်ထ္ၜးကဵုနိယဿကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၂၃။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်နိယဿကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူနိယဿကမ်) ရ၊ အာတ်အခေါၚ် လလမ်နိယဿကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် နိယဿကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူနိယဿကမ်) ရ၊ အာတ်အခေါၚ် လလမ်နိယဿကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ နိယဿကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံနိယဿကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် နိယဿကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံနိယဿကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံနိယဿကမ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံ ပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ ။ ပ ။ [ဂပ်ဝ်သ္ပပွမဗ္ဂေတ်စက်ရ။]
၂၅၁။ စၞောန်ထ္ၜးကဵုပဗ္ဗာဇနဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၂၄။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပပဗ္ဗာဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူပဗ္ဗာဇနဳယကမ်) ရ၊ အာတ်အခေါၚ် လလမ်ပဗ္ဗာဇနဳယရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် ပဗ္ဗာဇနဳယကမ်ဂှ်ရ ဒ္ဂေတ်ေဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူပဗ္ဗာဇနဳယကမ်) ရ၊ အာတ်အခေါၚ် လလမ်ပဗ္ဗာဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ ပဗ္ဗာဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံပဗ္ဗာဇနဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် နိယဿကမ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံနိယဿကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံ ပဗ္ဗာဇနဳယကမ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ ။ ပ ။ [ဂပ်ဝ်သ္ပပွမဗ္ဂေတ်စက်ရ။]
၂၅၂။ စၞောန်ထ္ၜးကဵုပဋိသာရဏဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၂၅။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ် ပဋိသာရဏဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူပဋိသာရဏဳယကမ်) ရ၊ အာတ်အခေါၚ် လလမ်ပဋိသာရဏဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် ပဋိသာရဏဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူပဋိသာရဏဳယကမ်) ရ၊ အာတ်အခေါၚ် လလမ်ပဋိသာရဏဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံပဋိသာရဏဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံပဋိသာရဏဳယကမ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ပဋိသာရဏဳယကမ် ခမဳဝွံ သၚ်ကဵုလလမ်ကၠေံ သီုမဒှ် ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ ပဋိသာရဏဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံပဋိသာရဏဳယကမ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ ။ ပ ။ [ဂပ်ဝ်သ္ပပွမဗ္ဂေတ်စက်ရ။]
၂၅၃။ စၞောန်ထ္ၜးကဵုအဒဿနဥက္ခေပနဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၂၆။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ် ဥပက္ခေနဳယကမ် နမဟွံမၠာ်သ္ၚေဝ် အာပတ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူဥက္ခေပနဳယကမ်) ရ၊ အာတ်အခေါၚ် လလမ်ပဥပက္ခေနဳယကမ်ရ (မဒှ်) ဟိုတ်နူပွမဟွံမၠာ်သ္ၚေဝ်အာပတ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် ဥပက္ခေနဳယကမ် နမဟွံမၠာ်သ္ၚေဝ်အာပတ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူဥပက္ခေနဳယကမ်) ရ၊ အာတ်အခေါၚ် လလမ်ဥပက္ခေနဳယကမ် (မဒှ်) ဟိုတ်နူ ပွမဟွံမၠာ်သ္ၚေဝ်အာပတ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူ ပွမဟွံမၠာ်သ္ၚေဝ်အာပတ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံ ဥက္ခေပနဳယကမ် (မဒှ်) ဟိုတ်နူပွမဟွံမၠာ်သ္ၚေဝ်အာပတ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ဥက္ခေပနဳယကမ် (မဒှ်) ဟိုတ်နူပွမဟွံမၠာ်သ္ၚေဝ်အာပတ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ ဥက္ခေပနဳယကမ် (မဒှ်) ဟိုတ်နူပွမဟွံမၠာ်သ္ၚေဝ်အာပတ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံ ဥက္ခေပနဳယကမ် (မဒှ်) ဟိုတ်နူပွမဟွံမၠာ်သ္ၚေဝ်အာပတ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ် ။ ပ ။ သီုမဒှ်ဂကောံပါ်ဒကးဂမၠိုၚ် နဓရ်ပတောံ ။ ပ ။ သီုမဒှ်ညဳသာသၟဟ်သၟန် နဓရ်ပတောံ ။ ပ ။ [ဂပ်ဝ်သ္ပပွမဗ္ဂေတ်စက်ရ။]
၂၅၄။ စၞောန်ထ္ၜးကဵုအပ္ပဋိကမ္မဥက္ခေပနဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၂၇။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ် ဥက္ခေပနဳယကမ် နမဟွံဇအုဲဇဗအာပတ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူဥက္ခေပနဳယကမ်) ရ၊ အာတ်အခေါၚ် လလမ်ပဥက္ခေနဳယကမ် (မဒှ်) ဟိုတ်နူပွမဟွံဇအုဲဇဗအာပတ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် ဥပက္ခေနဳယကမ် နမဟွံဇအုဲဇဗအာပတ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူဥက္ခေပနဳယကမ်) ရ၊ အာတ်အခေါၚ် လလမ်ဥက္ခေပနဳယကမ် (မဒှ်) ဟိုတ်နူ ပွမဟွံမၠာ်ဇအုဲဇဗအာပတ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံ ဥက္ခေပနဳယကမ် (မဒှ်) ဟိုတ်နူ ပွမဟွံဇအုဲဇဗအာပတ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံ ဥက္ခေပနဳယကမ် (မဒှ်) ဟိုတ်နူပွမဟွံဇအုဲဇဗအာပတ် ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ဥက္ခေပနဳယကမ် (မဒှ်) ဟိုတ်နူပွမဟွံဇအုဲဇဗအာပတ် ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူပွမဟွံဇအုဲဇဗအာပတ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူပွမဟွံဇအုဲဇဗအာပတ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ် ။ ပ ။ သီုမဒှ်ဂကောံပါ်ဒကးဂမၠိုၚ် နဓရ်ပတောံ ။ ပ ။ သီုမဒှ်ညဳသာသၟဟ်သၟန် နဓရ်ပတောံ ။ ပ ။ [ဂပ်ဝ်သ္ပပွမဗ္ဂေတ်စက်ရ။]
၂၅၅။ စၞောန်ထ္ၜးကဵုအပ္ပဋိနိဿဂ္ဂဥက္ခေပနဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၂၈။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ် ဥက္ခေပနဳယကမ် နမဟွံသၠးကၠေံကွေတ်မိစ္ဆာမယုမာဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူဥက္ခေပနဳယကမ်) ရ၊ အာတ်အခေါၚ် လလမ်ပဥက္ခေနဳယကမ် (မဒှ်) ဟိုတ်နူပွမဟွံသၠးကၠေံကွေတ်မိစ္ဆာမယုမာရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် ဥပက္ခေနဳယကမ် နမဟွံသၠးကၠေံ ကွေတ်မိစ္ဆာမယုမာဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူဥက္ခေပနဳယကမ်) ရ၊ အာတ်အခေါၚ် လလမ်ဥက္ခေပနဳယကမ် (မဒှ်) ဟိုတ်နူပွမဟွံသၠးကၠေံကွေတ်မိစ္ဆာမယုမာရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူပွမဟွံသၠး ကၠေံကွေတ်မိစ္ဆာမယုမာ ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံ ဥက္ခေပနဳယကမ် (မဒှ်) ဟိုတ်နူပွမဟွံသၠးကၠေံကွေတ်မိစ္ဆာမယုမာ ကုခမဳဂှ်အိုတ်ရ။ ခမဳဂှ် နူဘာဂှ် အာဘာမွဲသအာၚ်ရ။ ပ္ဍဲဘာဂှ်လေဝ် “ယွံကောန်တၠတအ် ဥက္ခေပနဳယကမ် (မဒှ်) ဟိုတ်နူပွမဟွံသၠးကၠေံကွေတ်မိစ္ဆာမယုမာ ခမဳဝွံ သၚ်ကဵုလလမ်ကၠေံ သီုမဒှ်ဂကောံပါ်ဒကး နဟွံဗဗွဲဓရ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူပွမဟွံသၠးကၠေံကွေတ်မိစ္ဆာမယုမာ ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူပွမဟွံဇအုဲဇဗအာပတ် ကုခမဳဂှ်အိုတ်ရ ။ ပ ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ် ။ ပ ။ သီုမဒှ်ဂကောံပါ်ဒကးဂမၠိုၚ် နဓရ်ပတောံ ။ ပ ။ သီုမဒှ်ညဳသာသၟဟ်သၟန် နဓရ်ပတောံ ။ ပ ။ [ဂပ်ဝ်သ္ပပွမဗ္ဂေတ်စက်ရ။]
၂၅၆။ ပွမကယျာန်ဓဝါတ်စမ်ကဵုတဇ္ဇနဳယကမ်
[ပလေဝ်ဒါန် | ပလေဝ်ဒါန် တမ်ကၞက်]၄၂၉။ ယွံခမဳတအ် ပ္ဍဲသာသနာဝွံ ခမဳဂှ် လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ် လေပ်သ္ပကိုရ်ပ္ဍဲသၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်သ္ပပွမကယျာန်ဓဝါတ်ကြဴမတ် ။ ပ ။ လေပ်သ္ပအဓိကိုရ်ပ္ဍဲသၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ သၚ်မတန်တဴ ပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳ (ကယျာန်ဓဝါတ်) ဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မဒှ်ဂကောံပါ်ဒကး နဟွံဗဗွဲဓရ်ရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “မက်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရး၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီူ ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
၄၃၀။ ယွံခမဳတအ် ပ္ဍဲသာသနာဝွံ ခမဳဂှ် လေပ်သ္ပပွမကယျာန်ဓဝါတ်ကြဴမတ် ။ ပ ။ လေပ်သ္ပအဓိကိုရ်ပ္ဍဲသၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်သ္ပပွမကယျာန်ဓဝါတ်ကြဴမတ် ။ ပ ။ လေပ်သ္ပအဓိကိုရ်ပ္ဍဲသၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမညဳသာသၟဟ်သၟန် နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ သၚ်မတန်တဴ ပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာ သၟဟ်သၟန် နဟွံဗဗွဲဓရ်ရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရး၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
၄၃၁။ ယွံခမဳတအ် ပ္ဍဲသာသနာဝွံ ခမဳဂှ် လေပ်သ္ပပွမကယျာန်ဓဝါတ်ကြဴမတ် ။ ပ ။ လေပ်သ္ပအဓိကိုရ်ပ္ဍဲသၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်သ္ပပွမကယျာန်ဓဝါတ်ကြဴမတ် ။ ပ ။ လေပ်သ္ပအဓိကိုရ်ပ္ဍဲသၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် သ္ပတဇ္ဇနဳယကမ် ကုခမဳဂှ်အိုတ်ရ။ သၚ်မတန်တဴ ပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မဒှ်ဂကောံပါ်ဒကး နဟွံဗဗွဲဓရ်ရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရး၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
၄၃၂။ ယွံခမဳတအ် ပ္ဍဲသာသနာဝွံ ခမဳဂှ် လေပ်သ္ပပွမကယျာန်ဓဝါတ်ကြဴမတ် ။ ပ ။ လေပ်သ္ပအဓိကိုရ် ပ္ဍဲသၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်သ္ပပွမကယျာန်ဓဝါတ်ကြဴမတ် ။ ပ ။ လေပ်သ္ပအဓိကိုရ်ပ္ဍဲသၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။ သၚ်မတန်တဴ ပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရး၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
၄၃၃။ ယွံခမဳတအ် ပ္ဍဲသာသနာဝွံ ခမဳဂှ် လေပ်သ္ပပွမကယျာန်ဓဝါတ်ကြဴမတ် ။ ပ ။ လေပ်သ္ပအဓိကိုရ် ပ္ဍဲသၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်သ္ပပွမကယျာန်ဓဝါတ်ကြဴမတ် ။ ပ ။ လေပ်သ္ပအဓိကိုရ်ပ္ဍဲသၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပတဇ္ဇနဳယကမ် ကုခမဳဂှ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဓရ်ပတောံ သ္ပတဇ္ဇနဳယကမ် ကုခမဳဂှ်အိုတ်ရ။ သၚ်မတန်တဴ ပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရး၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
၂၅၇။ ပွမကယျာန်ဓဝါတ်စမ်ကဵုနိယဿကမ်
[ပလေဝ်ဒါန် | ပလေဝ်ဒါန် တမ်ကၞက်]၄၃၄။ ယွံခမဳတအ် ပ္ဍဲသာသနာဝွံ ခမဳဂှ် ဟွံတီ (ဝိနယ်သိက္ခာပိုဒ်) ရ၊ ဟွံစဳကၠးဆိုက်ဗ္ဒက် (ပ္ဍဲဝိနယ်သိက္ခာ) ပိုဒ်ရ၊ မၞုံကဵုအာပတ်ဂၠိုၚ်ရ၊ ဟွံမွဲကဵုအပိုၚ်အခြာအာပတ်ရ၊ ပဒတဴ သီုမနှဴရဴကေုာံခရှ်ဂမၠိုၚ် နမဆက်ဆောံခရှ် မဟွံဗဗွဲ ကုခမဳဂမၠိုၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟွံတီ (ဝိနယ်သိက္ခာပိုဒ်) ရ၊ ဟွံစဳကၠးဆိုက်ဗ္ဒက် (ပ္ဍဲဝိနယ်သိက္ခာ) ပိုဒ်ရ၊ မၞုံကဵုအာပတ်ဂၠိုၚ်ရ၊ ဟွံမွဲကဵုအပိုၚ်အခြာအာပတ်ရ၊ ပဒတဴ သီုမနှဴရဴကေုာံခရှ်ဂမၠိုၚ် နမဆက်ဆောံခရှ် မဟွံဗဗွဲ ကုခမဳဂမၠိုၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပနိယဿကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် သ္ပနိယဿကမ် ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်ရ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ သ္ပနိယဿကမ်အိုတ်ရ။ သၚ်မတန်တဴ ပ္ဍဲဘာဂှ် “(ကမ်ဝွံတုန်) ကမ်ဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်ဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကးနဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ်ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။ [မုသုန်ဝါရဂမၠိုၚ်ဝွံ ဂပ်ဝ်ခမ္ဍန်ထောံအိုတ်ရ။]
၂၅၈။ ပွမကယျာန်ဓဝါတ်စမ်ကဵုပဗ္ဗာဇနဳယကမ်
[ပလေဝ်ဒါန် | ပလေဝ်ဒါန် တမ်ကၞက်]၄၃၅။ ယွံခမဳတအ် ပ္ဍဲသာသနာဝွံ ခမဳဂှ် လေပ်ပလီုပလာ် မၞိဟ်ဒကာဂမၠိုၚ်ရ၊ မၞုံကဵုဒ္ဂေတ်ယုတ်မာရ။ ပ္ဍဲဘာဂှ် “ယွံကောန်တၠတအ် ခမဳဝွံ လေပ်ပလီုပလာ် မၞိဟ်ဒကာဂမၠိုၚ်ရ၊ မၞုံကဵုဒ္ဂေတ် ယုတ်မာရ၊ ပ္ဍဲလၟုဟ် ပိုဲညးဂမၠိုၚ် သ္ပပဗ္ဗာဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် သ္ပပဗ္ဗာဇနဳယကမ် ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်ရ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ သ္ပပဗ္ဗာဇနဳယကမ်အိုတ်ရ။ သၚ်မတန်တဴ ပ္ဍဲဘာဂှ် “(ကမ်ဝွံတုန်) ကမ်ဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်ဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကးနဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။ [မသုန်ဝါရဂမၠိုၚ်ဝွံ ဂပ်ဝ်ခမ္ဍန်ထောံအိုတ်ရ။]
၂၅၉။ ပွမကယျာန်ဓဝါတ်စမ်ကဵုပဋိသာရဏဳယကမ်
[ပလေဝ်ဒါန် | ပလေဝ်ဒါန် တမ်ကၞက်]၄၃၆။ ယွံခမဳတအ် ပ္ဍဲသာသနာဝွံ ခမဳဂှ် တ္ၜေဟ်လပ်လဗပ်ပကို မၞိဟ်ဒကာဂမ၃ၠိုၚ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ တ္ၜေဟ်လက်လဗပ်ပကီု မၞိဟ်ဒကာဂမၠိုၚ်ရ၊ ပ္ဍဲလၟုဟ် ပိုဲညးဂမၠိုၚ် သ္ပပဋိသာရဏဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် သ္ပပဋိသာရဏဳယကမ် ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်ရ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ သ္ပပဋိသာရဏဳနဳယကမ်အိုတ်ရ။ သၚ်မတန်တဴ ပ္ဍဲဘာဂှ် “(ကမ်ဝွံတုန်) ကမ်ဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်ဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။ [မသုန်ဝါရဂမၠိုၚ်ဝွံ ဂပ်ဝ်ခမ္ဍန်ထောံအိုတ်ရ။]
၂၆၀။ ပွမကယျာန်ဓဝါတ်စမ်ကဵုအဒဿနဥက္ခေပနဳယကမ်
[ပလေဝ်ဒါန် | ပလေဝ်ဒါန် တမ်ကၞက်]၄၃၇။ ယွံခမဳတအ် ပ္ဍဲသာသနာဝွံ ခမဳဂှ် သီုမဒးအာပတ် ဟွံမိက်မၠာ်သ္ၚေဝ်အာပတ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ သီုမဒးအာပတ် ဟွံမိက်မၠာ်သ္ၚေဝ်အာပတ်ရ၊ ပ္ဍဲလၟုဟ် ပိုဲညးဂမၠိုၚ် ဟိုတ်နူပွမဟွံမၠာ်သ္ၚေဝ်အာပတ် သ္ပဥက္ခေပနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ဟိုတ်နူပွမဟွံမၠာ်သ္ၚေဝ်အာပတ် သ္ပဥက္ခေပနဳယကမ် ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်ရ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ သ္ပဥက္ခေပနဳယကမ်အိုတ်ရ။ သၚ်မတန်တဴ ပ္ဍဲဘာဂှ် “(ကမ်ဝွံတုန်) ကမ်ဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်ဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။ [မသုန်ဝါရဂမၠိုၚ်ဝွံ ဂပ်ဝ်ခမ္ဍန်ထောံအိုတ်ရ။]
၂၆၁။ ပွမကယျာန်ဓဝါတ်စမ်ကဵုအပ္ပဋိကမ္မဥက္ခေပနဳယကမ်
[ပလေဝ်ဒါန် | ပလေဝ်ဒါန် တမ်ကၞက်]၄၃၈။ ယွံခမဳတအ် ပ္ဍဲသာသနာဝွံ ခမဳဂှ် သီုမအာစိုပ်အာပတ် ဟွံမိက်ဇအုဲဇဗအာပတ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ သီုမအာစိုပ်အာပတ် ဟွံမိက်ဇအုဲဇဗအာပတ်ရ၊ ပ္ဍဲလၟုဟ် ပိုဲညးဂမၠိုၚ် ဟိုတ်နူပွမဟွံဇအုဲဇဗအာပတ် သ္ပဥက္ခေပနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ်တိုန် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ဟိုတ်နူပွမဟွံဇအုဲဇဗအာပတ် သ္ပဥက္ခေပနဳယကမ် ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်ရ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ သ္ပဥက္ခေပနဳယကမ်အိုတ်ရ။ သၚ်မတန်တဴ ပ္ဍဲဘာဂှ် “(ကမ်ဝွံတုန်) ကမ်ဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်ဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။ [မသုန်ဝါရဂမၠိုၚ်ဝွံ ဂပ်ဝ်ခမ္ဍန်ထောံအိုတ်ရ။]
၂၆၂။ ပွမကယျာန်ဓဝါတ်စမ်ကဵုအပ္ပဋိဿဂ္ဂဥက္ခေပနဳယကမ်
[ပလေဝ်ဒါန် | ပလေဝ်ဒါန် တမ်ကၞက်]၄၃၉။ ယွံခမဳတအ် ပ္ဍဲသာသနာဝွံ ခမဳဂှ် ဟွံမိက်သၠးကၠေံကွေတ်မိစ္ဆာမယုတ်မာရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟွံမိက်သၠးကၠေံကွေတ်မိစ္ဆာမယုတ်မာရ၊ ပ္ဍဲလၟုဟ် ပိုဲညးဂမၠိုၚ် ဟိုတ်နူပွမဟွံသၠးကၠေံကွေတ်မိစ္ဆာမယုတ်မာ သ္ပဥက္ခေပနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ်တိုန် ကုခမဳဂမၠိုၚ်ရ။ (ကြဴနူဂှ်) ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ဟိုတ်နူပွမဟွံသၠးကၠေံကွေတ်မစ္ဆာမယုတ်မာရ သ္ပဥက္ခေပနဳယကမ် ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်ရ။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ သ္ပဥက္ခေပနဳယကမ်အိုတ်ရ။ သၚ်မတန်တဴ ပ္ဍဲဘာဂှ် “(ကမ်ဝွံတုန်) ကမ်ဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်ဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။ [မသုန်ဝါရဂမၠိုၚ်ဝွံ ဂပ်ဝ်ခမ္ဍန်ထောံအိုတ်ရ။]
၂၆၃။ စၞောန်ထ္ၜးကဵုတဇ္ဇနဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၄၀။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ်တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်ရ။ သၚ်မတန်တဴပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်ဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မဒှ်ဂကောံပါ်ဒကး နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။ ၄၄၁။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်တဇ္ဇနဳယကမ်ဂှ်ရ ဒ္ဂေတ်ဗွဲဗ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်)ရ၊ အာတ်အခေါၚ် လလမ်တဇ္ဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဟွံဗဗွဲဓရ် ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်ရ။ သၚ်မတန်တဴပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်သ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
၄၄၂။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်တဇ္ဇနဳယကမ်ဂှ်ရ ဒ္ဂေတ်ဗွဲဗ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်)ရ၊ အာတ်အခေါၚ် လလမ်တဇ္ဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်ရ။ သၚ်မတန်တဴပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်သ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မဒှ်ဂကောံပါ်ဒကး နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
၄၄၃။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်တဇ္ဇနဳယကမ်ဂှ်ရ ဒ္ဂေတ်ဗွဲဗ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်)ရ၊ အာတ်အခေါၚ် လလမ်တဇ္ဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဓရ်ပတောံ ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်ရ။ သၚ်မတန်တဴပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်သ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မဒှ်ဂကောံပါ်ဒကး နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
၄၄၄။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်တဇ္ဇနဳယကမ်ဂှ်ရ ဒ္ဂေတ်ဗွဲဗ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူတဇ္ဇနဳယကမ်)ရ၊ အာတ်အခေါၚ် လလမ်တဇ္ဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ညဳသာသၟဟ်သၟန် နဓရ်ပတောံ ကဵုလလမ်ကၠေံတဇ္ဇနဳယကမ် ကုခမဳဂှ်အိုတ်ရ။ သၚ်မတန်တဴပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်သ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။ ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မဒှ်မညဳသာသၟန်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
၂၆၄။ စၞောန်ထ္ၜးကဵုနိယဿကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၄၅။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်နိယဿကမ်ဂှ်ရ ဒ္ဂေတ်ဗွဲဗ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူနိယဿကမ်) ရ၊ အာတ်အခေါၚ် လလမ်တဇ္ဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် တဇ္ဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူနိယဿကမ်)ရ၊ အာတ်အခေါၚ် လလမ်တဇ္ဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံနူနိယဿကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကး နဟွံဗဗွဲဓရ် ကဵုလလမ်ကၠေံနိယဿကမ် ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ ကဵုလလမ်ကၠေံနိယဿကမ်အိုတ်ရ။ သၚ်မတန်တဴပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်သ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။
ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
[မသုန်ရဂမၠိုၚ်ဝွံလေဝ် ဂပ်ဝ်ခမ္ဍန်ထောံအိုတ်ရ။]
၂၆၅။ စၞောန်ထ္ၜးကဵုပဗ္ဗာဇနဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၄၆။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ်ပဗ္ဗာဇနဳယကမ်ဂှ်ရ ဒ္ဂေတ်ဗွဲဗ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူပဗ္ဗာဇနဳယကမ်) ရ၊ အာတ်အခေါၚ် လလမ်ပဗ္ဗာဇနဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် ပဗ္ဗာဇနဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူပဗ္ဗာဇနဳယဿကမ်)ရ၊ အာတ်အခေါၚ် လလမ်တဇ္ဇနဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံနူပဗ္ဗာဇနဳယဿကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံပဗ္ဗာဇနဳယဿကမ် ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ ကဵုလလမ်ကၠေံပဗ္ဗာဇနဳယဿကမ်အိုတ်ရ။ သၚ်မတန်တဴပ္ဍဲဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်သ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။
ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
[မသုန်ရဂမၠိုၚ်ဝွံလေဝ် ဂပ်ဝ်ခမ္ဍန်ထောံအိုတ်ရ။]
၂၆၆။ စၞောန်ထ္ၜးကဵုပဋိသာရဏဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၄၇။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ် ပဋိသာရဏဳယကမ်ဂှ်ရ ဒ္ဂေတ်ဗွဲဗ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူပဋိသာရဏဳယကမ်) ရ၊ အာတ်အခေါၚ် လလမ်ပဋိသာရဏဳယကမ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် ပဋိသာရဏဳယကမ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူပဋိသာရဏဳယကမ်)ရ၊ အာတ်အခေါၚ် လလမ်ပဋိသာရဏဳယကမ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံပဋိသာရဏဳယကမ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံပဋိသာရဏဳယကမ် ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ ကဵုလလမ်ကၠေံပဋိသာရဏဳယကမ်အိုတ်ရ။ သၚ်မတန်တဴပ္ဍဲ ဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်သ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။
ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
[မသုန်ရဂမၠိုၚ်ဝွံလေဝ် ဂပ်ဝ်ခမ္ဍန်ထောံအိုတ်ရ။]
၂၆၇။ စၞောန်ထ္ၜးကဵုအဒဿနဥက္ခေပနဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၄၈။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ် ဥက္ခေပနဳယကမ် နမဟွံမၠာ်သ္ၚေဝ်အာပတ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူဥက္ခေပနဳယကမ်) ရ၊ အာတ်အခေါၚ် လလမ်ဥက္ခေပနဳယကမ် (မဒှ်) ဟိုတ်နူပွမဟွံမၠာ်သ္ၚေဝ်အာပတ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် ဥက္ခေပနဳယကမ် နမဟွံမၠာ်သ္ၚေဝ်အာပတ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴဟိုတ်မတိတ်ဗၠး (နူဥက္ခေပနဳယကမ်) ရ၊ အာတ်အခေါၚ် လလမ်ဥက္ခေပနဳယကမ် (မဒှ်) ဟိုတ်နူပွမဟွံမၠာ်သ္ၚေဝ်အာပတ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူပွမဟွံမၠာ်သ္ၚေဝ်အာပတ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူပွမဟွံမၠာ်သ္ၚေဝ်အာပတ် ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ ကဵုလလမ်ကၠေံဥက္ခေပနဳယကမ်အိုတ်ရ။ သၚ်မတန်တဴပ္ဍဲ ဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်သ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။
ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
[မသုန်ရဂမၠိုၚ်ဝွံလေဝ် ဂပ်ဝ်ခမ္ဍန်ထောံအိုတ်ရ။]
၂၆၈။ စၞောန်ထ္ၜးကဵုအပ္ပဋိကမ္မဥက္ခေပနဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၄၉။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ် ဥက္ခေပနဳယကမ် နမဟွံဇအုဲဇဗအာပတ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူဥက္ခေပနဳယကမ်) ရ၊ အာတ်အခေါၚ် လလမ်ဥက္ခေပနဳယကမ် (မဒှ်) ဟိုတ်နူပွမဟွံဖအုဲဇဗအာပတ်ရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် ဥက္ခေပနဳယကမ် နမဟွံဇအုဲဇဗအာပတ်ဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴဟိုတ်မတိတ်ဗၠး (နူဥက္ခေပနဳယကမ်) ရ၊ အာတ်အခေါၚ် လလမ်ဥက္ခေပနဳယကမ် (မဒှ်) ဟိုတ်နူပွမဟွံဇအုဲဇဗအာပတ်ရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူပွမဟွံဇအုဲဇဗအာပတ် ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူပွမဟွံဇအုဲဇဗအာပတ် ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ ကဵုလလမ်ကၠေံဥက္ခေပနဳယကမ်အိုတ်ရ။ သၚ်မတန်တဴပ္ဍဲ ဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်သ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။
ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
[မသုန်ရဂမၠိုၚ်ဝွံလေဝ် ဂပ်ဝ်ခမ္ဍန်ထောံအိုတ်ရ။]
၂၆၉။ စၞောန်ထ္ၜးကဵုအပ္ပဋိနိဿဂ္ဂဥက္ခေပနဳယကမ်လလမ်
[ပလေဝ်ဒါန် | ပလေဝ်ဒါန် တမ်ကၞက်]၄၅၀။ ယွံခမဳတအ် ပ္ဍဲသာသနာဝွံ ခမဳဂှ် ဟိုတ်နူသၚ်သ္ပလဝ် ဥက္ခေပနဳယကမ် နမဟွံသၠးကၠေံကွေတ်မိစ္ဆာမယုတ်မာဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴ ဟိုတ်မတိတ်ဗၠး (နူဥက္ခေပနဳယကမ်) ရ၊ အာတ်အခေါၚ် လလမ်ဥက္ခေပနဳယကမ် (မဒှ်) ဟိုတ်နူပွမဟွံသၠးကၠေံကွေတ်မိစ္ဆာမယုတ်မာရ။ ပ္ဍဲဘာဂှ် “ယွံကောန်တၠတအ် ခမဳဝွံ ဟိုတ်နူသၚ်သ္ပလဝ် ဥက္ခေပနဳယကမ် နမဟွံသၠးကၠေံကွေတ်မိစ္ဆာမယုတ်မာဂှ်ရ ဒ္ဂေတ်ဗွဲမ္ဒးရးရ၊ ဖျေံကၠေံတသော်မာန်ရ ‘မာန်စှ်ေ’ ရ၊ ဒ္ဂေတ်တဴဟိုတ်မတိတ်ဗၠး (နူဥက္ခေပနဳယကမ်) ရ၊ အာတ်အခေါၚ် လလမ်ဥက္ခေပနဳယကမ် (မဒှ်) ဟိုတ်နူပွမဟွံသၠးကၠေံကွေတ်မိစ္ဆာမယုတ်မာရ၊ ပ္ဍဲလၟုဟ် ပိုဲညးဂမၠိုၚ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူပွမဟွံသၠးကၠေံကွေတ်မိစ္ဆာမယုတ်မာ ကုခမဳဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ခမဳဂမၠိုၚ်ဂှ် သီုမဒှ်ဂကောံပါ်ဒကးဂမၠိုၚ် နဟွံဗဗွဲဓရ် ကဵုလလမ်ကၠေံဥက္ခေပနဳယကမ် (မဒှ်) ဟိုတ်နူပွမဟွံသၠးကၠေံကွေတ်မိစ္ဆာမယုတ်မာ ကုခမဳဂှ်အိုတ်ရ ။ ပ ။ သီုမဒှ်ညဳသာသၟဟ်သၟန် နဟွံဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဗဗွဲဓရ်။ သီုမဒှ်ဂကောံပါ်ဒကးဂမၠိုၚ် နဓရ်ပတောံ။ သီုမဒှ်ညဳသာသၟဟ်သၟန် နဓရ်ပတောံ ကဵုလလမ်ကၠေံဥက္ခေပနဳယကမ်အိုတ်ရ။ သၚ်မတန်တဴပ္ဍဲ ဘာဂှ် “(ကမ်ဝွံတုန်) ကမ်မဒှ်ဂကောံပါ်ဒကး နဟွံဗဗွဲဓရ်ရ၊ ကမ်မညဳသာသၟဟ်သၟန် နဟွံဗဗွဲဓရ်ရ၊ ကမ်မဒှ်ဂကောံပါ်ဒကး နဗဗွဲဓရ်ရ၊ ကမ်မဒှ်ဂကောံပါ်ဒကး နဓရ်ပတောံရ၊ ကမ်မညဳသာသၟဟ်သၟန် နဓရ်ပတောံရ၊ ကမ်ဟွံထေက်ကဵုသ္ပရ၊ ကမ်သ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ရဴဝွံ ကယျာန်ဓဝါတ်ရ။
ယွံခမဳတအ် ပၞောဝ်ခမဳဂမၠိုၚ်ဂှ် ခမဳဂမၠိုၚ်မဟီုသ္ဂး ရဴဝွံမ္ဂး “ကမ်မညဳသာသၟဟ်သၟန် နဓရ်ပတောံရ” ဂှ်ကီု ခမဳဂမၠိုၚ်မဟီုသ္ဂး ရဴဝွံမ္ဂး “ကမ်ဟွံထေက်ကဵုသ္ပရ၊ ကမ်မသ္ပလဝ် ဗွဲဟွံဒးရးရ၊ ကမ်ထေက်ကဵုသ္ပမွဲလှ်ေပၠန်ရ” ဂှ်ကီု ခမဳမဟီုသ္ဂးဗဗွဲကဵုဓရ်ဂမၠိုၚ်ရ။
[မသုန်ရဂမၠိုၚ်ဝွံလေဝ် ဂပ်ဝ်ခမ္ဍန်ထောံအိုတ်ရ။]
စမ္ပေယျက္ခန္ဓကနဝမတုဲရ။
၂၇၀။ စမ္ပေယျက္ခန္ဓက ဗွဲခမ္ဍန်
[ပလေဝ်ဒါန် | ပလေဝ်ဒါန် တမ်ကၞက်]တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်စမ္ပာရ၊ ဝတ္ထုတုန် ခမဳဂဇအ်ဘာ ပ္ဍဲကွာန်ဝါသဘဂှ် မၞုံပၟိက်ကဵုပွမဒှ်တသိုခ် ခမဳကၟုဲဂမၠိုၚ်ဒှ်တုဲ သ္ပလွဳပရာရ။ တီကေတ် ရဴဝွံမ္ဂး တီဂၠံၚ်တရဴဂ္ၚေၚ်ပိဏ္ဍပါတ်အိုတ်ရတုဲ ဟွံလွဳပရာရ၊ ပ္ဍဲအခိၚ်ဂှ် ဟွံသ္ပလွဳရသွံ ရဴဝွံ ဗက်ပတိတ်ထောံရ၊ ခမဳဂှ် အာဇရေၚ်ကျာ်တြဲရ။ ကမ်ဒှ်ဂကောံပါ်ဒကး နဟွံဗဗွဲဓရ်ကီု၊ ကမ်မညဳသာသၟဟ်သၟန် နဟွံဗဗွဲဓရ်ကီု၊ ကမ်မဒှ်ဂကောံပါ်ဒကး နဗဗွဲဓရ်ကီု၊ ကမ်မဒှ်ဂကောံပါ်ဒကး နဓရ်ပတောံရီု။
ကမ်မညဳသာသၟဟ်သၟန် နဓရ်ပတောံကီု သ္ပအိုတ်ရ၊ မွဲဇကုဂှ် ဗက်ပတိတ်ထောံမွဲဇကုရ၊ မွဲဇကုဂှ်လေဝ် မွဲဒမြိပ်ဓဝ် ဗက်ပတိတ်ထောံ ၜါဇကုဂမၠိုၚ်ကီု ခမဳဂမၠိုၚ်မဂၠိုၚ်ကီုရ။ ၜါဇကုဂမၠိုၚ်ကီု ခမဳဂမၠိုၚ်မဂၠိုၚ်ကီု သၚ်ကီု ဗက်ပတိတ်ထောံ သၚ်ကီုရ၊ ကျာ်တြဲမိၚ်တုဲ “အဓမ္မကမ်ရ” ရဴဝွံ ပါဲကၠေံရ။ ယြဴကမ်မွဲ ဟွံစွံဉတ် ဍိုက်ပေၚ်တဴကဵုကမ္မဝါစ်ဟေၚ်ရ၊ ယြဴကမ်မွဲ ဟွံဗှ်ဖ္ဍောတ်ကမ္မဝါစ် ဍိုက်ပေၚ်တဴကဵုဉတ်ဟေၚ်ရ။
ယြဴကမ်မွဲ ဒေက်အာ နူဉတ်ကမ္မဝါစ်ရ၊ တေၚ်ကၠေံသဘဴမဍာံစၟတ်တုဲ ဂပ်ဝ်သ္ပရ၊ ယြဴကမ်မွဲ ဝေၚ်ကၠေံ ပွမဍိုက်ပေၚ်တဴကဵုဉတ် ပွမဍိုက်ပေၚ်တဴကဵုကမ္မဝါစ် မဒှ်သာသနာကျာ်တြဲ ဂပ်ဝ်သ္ပရ၊ ကမ်ဂှ် ကျာ်တြဲ က္ဍုဟ်မၠေံရ၊ ကမ်ဂှ် လီုလာ်ရ၊ ဟွံထေက်ကြိုက်ကုဟိုတ်ရ။ ကမ်မဒှ်ဂကောံပါ်ဒကး နဟွံဗဗွဲဓရ်ကီု၊ ကမ်မညဳသာသၟဟ်သၟန် နဟွံဗဗွဲဓရ်ကီု၊ ကမ်မဒှ်ဂကောံပါ်ဒကးဂမၠိုၚ်ၜါ မဒှ်ဓရ်ပတောံကီု၊ ကမ်မညဳသာသၟဟ်သၟန်ဂမၠိုၚ်ကီု ပါဲကၠေံရ၊ ကမ်မညဳသာသၟဟ်သၟန် ဗွဲသဘဴဓရ်ဂှ် ကျာ်တြဲ ကဵုအခေါၚ်ရ။ သၚ်စတုဝဂ်ကီု သၚ်ပဥ္စဝဝ်ကီု သၚ်ဒသဝဂ်ကီု သၚ်ဝဳသတိဝဂ်ကီု သၚ်မလောန်လတူ ဝဳသတိဝဂ်ကီု ရဴဝွံ သၚ်မၞုံတၟေၚ်ပကာရမသုန်ပြကာရ။
ပါဲကၠေံ ဥပသမ္ပဒကမ် ပဝါရဏာကမ် မွဲဟာန်ကေုာံအဗ္ဘာနကမ်တုဲ သၚ်စတုဝဂ်ဂမၠိုၚ် ဗဗွဲတဴကုကမ်အိုတ်ရ။ ပါဲကၠေံ ဥပသမ္ပဒကမ် ပ္ဍဲမဇ္ၛိမဒေသ အဗ္ဘာနကမ်ဂမၠိုၚ်တုဲ သၚ်ပဥ္စဝဂ် ဗဗွဲတဴကုကမ် ပ္ဍဲကမ်ဂမၠိုၚ်အိုတ်သီုရ။ ခမဳဂမၠိုၚ်မၞုံဂကောံစှ်ဇကု ပါဲကၠေံ အဗ္ဘာနကမ်တုဲ ဂပ်ဝ်သ္ပကမ်ဂမၠိုၚ်အိုတ်သီုရ၊ ဝဳသတိဝဂ်သၚ်ဂှ် ဗဗွဲတဴပ္ဍဲကမ်ဂမၠိုၚ်အိုတ်သီုရ။
ခမဳဗြဴကီု သိက္ခမာန်ကီု သာမဏဳတြုံကီု သာမဏဳဗြဴကီု ညးဖျေံကၠေံသိက္ခာကီု ညးအာစိုပ်အာပတ်ပါရာဇ်ကီု ခမဳမဒးဗက်ပတိတ်ထောံဂမၠိုၚ်ပိဇကု ဟိုတ်နူဟွံမၠာဲသ္ၚေဝ်အာပတ်ကီု ဟိုတ်နူဟွံဇအုဲဇဗဗလးအာပတ်ကီု ဟိုတ်နူဟွံသၠးကၠေံကွေတ်ကီု ခမၞုဲကီု ခမဳကၠတ်ပံၚ်ဖက်ကီု တီ ရတိရစ္ဆာန် ညးဂစိုတ်မိ ညးဂစိုတ်မ ညးဂစိုတ်တၠအရှန် ညးပလီုပလာ်ခမဳဗြဴ ညးပါ်ဒကးသၚ် ညးသ္ပဇကုကျာ်ညံၚ်ဆီဂွံပ္ဍူအာ ဥဘတောဗျဉ် ညးမၞုံကဵုပွမပံၚ်ဖက်တၞဟ်တၞဟ် ညးတန်တဴ ပ္ဍဲသိမ်တၞဟ်တၞဟ် ညးတန်တဴပ္ဍဲအကးနကဵုဣဒ္ဓိ။ ယြဴကုခမဳမွဲ သၚ်သ္ပကမ် မပ္တံတဇ္ဇနဳယကမ်ရ၊ ပူဂိုလ်ဂမၠိုၚ်ၜါစှော်ပန်ဂှ် ကျာ်တြဲဂပ်ဝ်ပါဲကၠေံအိုတ်ရ၊ ပူဂိုလ်ဂမၠိုၚ်ဂှ် အယာံမာတ်ဗဗေၚ်ဂိုဏ်လေဝ် ဒှ်ဟွံမာန်အိုတ်ရ။
သၚ်မဒှ်မရနုက်ကဵုပန်ဇကုမ္ဂး ခမဳပဒတဴပြဝးဂှ် ယဝ်ကဵုပြဝးမ္ဂး၊ တံၚ်ဓဇက် တမ်မ္ဂး၊ ကဵုမာနတ်မ္ဂး၊ ကော်ပၠုပ်အဗ္ဘာန်မ္ဂး၊ ဟွံဒှ်ကမ်ရ၊ သ္ပလေဝ် ဟွံထေက်ကဵုသ္ပရ။ ညးထေက်ကဵုတံၚ်ဓဇက်တမ် ညးတံၚ်ဓဇက်တမ်တုဲဒ္ဂေတ် ညးထေက်ကဵုမာနတ် ညးဒ္ဂေတ်မာနတ် ညးဂမၠိုၚ်မသုန်တၠဝွံ ဟွံထေက်ကဵုသ္ပကမ်အိုတ်ရ ရဴဝွံ ကျာ်တြဲ ဂပ်ဝ်ပါဲကၠေံအိုတ်ရ။ ခမဳဗြဴ သိက္ခမာန် သာမဏဳတြုံ သာမဏဳဗြဴ ညးဖျေံကၠေံသိက္ခာ ညးအာစိုပ်အာပတ်ပါရာဇ် ညးကြက်ဥမ္မတ် ညးစိုတ်ကလှ်လဖှ် ညးဝေဒနာပ္ဍဵုပ္ဍိုက် ခမဳမဒးဗက်ပတိတ်ထောံပိဇကု ဟိုတ်နူဟွံမၠာ်သ္ၚေဝ်အာပတ်ကီု ဟိုတ်နူဟွံဇအုဲဇဗဝဳဗလးအာပတ်ကီု ဟိုတ်နူဟွံသၠးကၠေံကွေတ်ကီု ခမၞုဲကီု ဥဘတောဗျဉ် ညးမၞုံကဵုပွမပံၚ်ဖက်တၞဟ်တၞဟ် ညးတန်တဴပ္ဍဲသိမ်တၞဟ်တၞဟ် ညးတန်တဴပ္ဍဲအကး နကဵုဣဒ္ဓိ ယြဴကုခမဳမွဲ သ္ပကမ် မပ္တံပဗ္ဗာဇနဳယကမ်ရ၊ ခမဳဒးဒုၚ်ဒဏ်သ္ပကမ်ဂှ် ပွမဆေဝ်ဒဝ်ဂမၠိုၚ်စှ်ဒ္စာံဝွံ ဟွံအာစိုပ်ရ၊ ပွမဆေဝ်ဒဝ် ခမဳပကတတ်တုန် အာစိုပ်ရ။
ညးဗက်ပတိတ် ညးသအးဇ္ၚးအာပတ်ဂှ် ပွမဗက်ပတိတ်ဟွံခိုဟ်မ္ဂးရ၊ ပွမဗက်ပတိတ် ညးဒိုဟ်ဓီုဂှ်ဟေၚ် ဒှ်ပွမဗက်ပတိတ်ခိုဟ်ရ၊ ခမၞုဲ ခမဳကၠတ်ပံၚ်ဖက် ညးပြံၚ်အာဗော်တဳ တိရစ္ဆာန် ညးဂစိုတ်မိ ညးဂစိုတ်မ ညးဂစိုတ်တၠအရှန် ညးပလီုပလာ်ခမဳဗြဴ ညးပါ်ဒကးသၚ် ညးသ္ပဇကုကျာ် ညံၚ်ဆီဂွံပ္ဍူအာ ဥဘတောဗျဉ် ညးဂမၠိုၚ်စှ်မွဲတၠဝွံ သ္ပပယျၚ်တုဲ ပွမကော်ပၠုပ်ဇရေၚ်သၚ်ဂှ် ဟွံဗဗွဲရ၊ ညးတဲပိုတ် ညးဇိုၚ်ပိုတ် ညးပိုတ်သီုၜါဂှ် ညးကတောဝ်ပိုတ် ညးမုဟ်ပိုတ် ညးသီုကတောဝ် မုဟ်ပိုတ် ညးပိုတ်သီုၜါဂှ် ညးၝောံတဲဇိုၚ်ပိုတ် ညးလတေၚ်ဇၞော်ပိုတ် ညးလပုဟ်တဲဗာန်စပ် ညးကုန် ညးသဝ်ကွ ညးမၞုံကဵုယဲကအ်ဇၞော် ကအ်ဂုဟ် ညးတပ်ပ္ဍဵုလဝ်တဆိပ်ပသဲဂမ္တဴ ညးဒးဒုၚ်ကဵုဒဏ်လေံၜဝ် ညးဒးဒုၚ်လလောၚ်တြးလဝ် ဒၞါဲညာတ်ဂှ်ဂစိုတ် ညးဇိုၚ်တဍိုပ်။
ညးမၞုံကဵုယဲဟွံဒးရး ဝဳဗလးဟွံမာန် ညးပလီုပလာ်ပရိသာတ် ညးကၠက်မွဲလပါ် ညးဇိုၚ်တဲတ္ၚံက် ညးခ္ဍဴဇိုၚ်ဝေန် ညးချိုတ်မွဲဒကုတ် ညးလၟေန် ညးဗျုအိုတ်ဓတ် ညးကၠက်ၜါလပါ် ညးဟအဠဴ ညးကတောဝ်ဍိုၚ် ညးကၠက်တုဲ ဟအ.ဠဴ ညးကၠက်တုဲကတောဝ်ဍိုၚ် ညးဟအ,ဠဴတုဲ ကတောဝ်ဍိုၚ် ညးကၠက်ဟအဠဴကတောဝ်ဍိုၚ် ညးဂမၠိုၚ်ဂှ်တုန် ပိစှော်ၜါတၠဂမၠိုၚ်ရ၊ ယုတ်,လောန် ဟွံမွဲအိုတ်ရ။ ညးဂမၠိုၚ်ပိစှော်ၜါတၠဝွံ သ္ပပယျၚ်တုဲ ဒှ်ကော်ပၠုပ်ဇရေၚ်သၚ်ခိုဟ်ရ၊ ရဴဝွံ ကျာ်တြဲ သ္ပပြာကဋ်လဝ်ရ၊ ယြဴကုခမဳမွဲ အာပတ်မဂပ်ဝ်မၠာ်သ္ၚေဝ် အာပတ်မဂ်ပဝ်ဇအုဲဇဗ ကွေတ်မဂပ်ဝ်သၠး ဟွံမွဲရ၊ ကုခမဳဂမၠိုၚ်ဂှ် ဥက္ခေပနဳယကမ်ဂမၠိုၚ်ထပှ်ပြကာ ဒှ်ကမ်ဟွံဗဗွဲဓရ်ဂမၠိုၚ်ရ။ ဥက္ခေပနဳယကမ်ဂမၠိုၚ်ထပှ်ပြကာ မဂပ်ဝ်သ္ပကဵုခမဳ မဒးအာပတ် ဟွံတးပါဲဗက်အလိုက်တုဲ သီုမဒုၚ်ဝန်ဂှ်လေဝ် ဒှ်ကမ်ဟွံဗဗွဲဓရ်ဂမၠိုၚ်ရ။
ကမ်ဂမၠိုၚ်ထပှ်ပြကာ မဂပ်ဝ်သ္ပကဵုခမဳ မုးအာပတ် မတးပါဲမဟွံဗက်အလိုက်ဂှ် ဒှ်ကမ်ခိုဟ် ဗဗွဲဓရ်ဂမၠိုၚ်ရ၊ သၟာန်ပ္ဍဲဂတမုက်မှ ဒုၚ်ဝန်မှပွမသ္ပ၊ သတိဝိနယ် အမူဠဝိနယ် တဿပါပိယသိကကမ် ဥက္ခေပနဳယကမ် နိယဿကမ်ကီု ပဗ္ဗာဇနဳယကမ် ပဋိသာရဏဳယကမ် ဥက္ခေပနဳယကမ် ပြဝး ပွမတံၚ်ဓဇက်တမ် မာနတ်အဗ္ဘာန် သအာၚ်နူဂှ် ပွမသ္ပပယျၚ် ကုခမဳထေက်ကဵုကမ်သအာၚ်ဂှ် သ္ပကမ်မွဲသအာၚ်ဂှ်မ္ဂး၊ ကမ်ဂမၠိုၚ်စှ်တြဴဂကူဂှ် ဒှ်ကမ်ဟွံဗဗွဲဓရ်ဂမၠိုၚ်ရ။ ခမဳမထေက်ကဵုကမ်ဂှ် သ္ပကမ်ဂှ်ဂှ်မ္ဂး၊ ကမ်ဂမၠိုၚ်စှ်တြဴဂကူဂှ် ဒှ်ကမ်ခိုဟ် ဗဗွဲဓရ်ဂမၠိုၚ်ရ။
ခမဳမထေက်ကဵုကမ်သအာၚ်ဂှ် ပတိုန်ကမ်မွဲသအာၚ်တုဲ သ္ပမ္ဂး၊ ကမ်ဂမၠိုၚ်စှ်တြဴဂကူဂှ် ဒှ်ကမ်ဟွံဗဗွဲဓရ်ဂမၠိုၚ်ရ။ ကုညးမထေက်ကဵုကမ်သအာၚ်ဂှ် မူလကမ်ဂှ်ဂှ်တုန် နွံၜါပိုဒ် ၜါပိုဒ်အိုတ်ရ။ (ကြဴနူဂှ်) ကမ်ဂမၠိုၚ်စှ်တြဴဂကူဂှ်လေဝ် ကမ်မဗဗွဲဓရ်ဂမၠိုၚ်ရ။ ဝါရမဗ္ဂေတ်စက် မၞုံကဵုမွဲပိုဒ် မွဲပိုဒ်ဂှ် ကမ်ဟွံဗဗွဲဓရ် ရဴဝွံ ကျာ်တြဲတွံရ။
ယြဴခမဳမွဲ သ္ပပွမကယျာန်ဓဝါတ်ကြဴမတ်၊ သီုမဒှ်ဂကောံပါ်ဒကး နဟွံဗဗွဲဓရ် သၚ်သ္ပတဇ္ဇနဳယကမ် ကုခမဳဂှ်ရ။ ခမဳဂှ် အာဘာသအာၚ်ရ။ ပ္ဍဲဘာဂှ် သၚ်မညဳသာသၟဟ်သၟန်ဂှ် သ္ပတဇ္ဇနဳယကမ် ကုခမဳဂှ် နဟွံဗဗွဲဓရ်ရ၊ ပ္ဍဲဘာမွဲသအာၚ် သီုမဒှ်ဂကောံပါ်ဒကး နဗဗွဲဓရ် သ္ပတဇ္ဇနဳယကမ် ကုခမဳဂှ်ရ၊ ခမဳဂမၠိုၚ် မဒှ်ဂကောံပါ်ဒကးလေဝ် သ္ပတဴနဓရ်ပတောံအိုတ်ရ၊ တုပ်သၟဟ်သာ်ဂှ် ခမဳဂမၠိုၚ် မညဳသာသၟဟ်သၟန်လေဝ် သ္ပတဇ္ဇနဳယကမ် နဓရ်ပတောံအိုတ်ရ၊ ခမဳဂမၠိုၚ် မညဳသာသၟဟ်သၟန်လေဝ် နဓရ်ပတောံ ကမ်မဒှ်ဂကောံပါ်ဒကး နဗဗွဲဓရ်ကီု ခမဳဂမၠိုၚ် မဒှ်ဂကောံပါ်ဒကး နဓရ်ပတောံကီု သ္ပတဇ္ဇနဳယကမ် နဓရ်ပတောံအိုတ်ရ၊ ပိုဒ်ဂမၠိုၚ်မသုန်ဂကူဝွံ သ္ပတန်စွံလဝ် မွဲပိုဒ် မွဲပိုဒ်တုဲ တၠပညာ ဗန်ဒက်စက်ရ။
သ္ပနိယဿကမ် ကုခမဳဗာလ ခမဳအဗျတ္တရ၊ ဗက်ပတိတထောံ ခမဳကုလဒူသက နူဘာမတန်တဴရ၊ သ္ပပဋိသာရဏဳယကမ် ကုခမဳတ္ၜေဟ်လက် မၞိဟ်ဒကာဂမၠိုၚ်ရ။ ယြဴခမဳမါဲလေဝ် ဟွံမၠာ်သ္ၚေဝ်အာပတ် ဟွံဇအုဲဇဗအာပတ် ဟွံသၠးကၠေံကွေတ်မှာရာရ၊ ကုခမဳဂမၠိုၚ်ဂှ် ကျာ်တြဲ ဂပ်ဝ်တွံလဝ် ဥက္ခေပနဳယကမ်ရ။ နယ်မပ္တံဥက္ခေပနဳယမ်ဂှ် တၠပညာ ဒးတီကေတ် နနယ်မကၠုၚ် ပ္ဍဲတဇ္ဇနဳယကမ်ရ၊ ပွမဒ္ဂေတ်ဗွဲမ္ဒးရး မဗဗွဲကဵုကမ်ဂမၠိုၚ်ဂှ် အာတ်အခေါၚ် တၞဟ်နလလမ်ကမ်မ္ဂး နနဲမသ္ပကမ် ပ္ဍဲသၟဝ်ဂှ် ပွမကဵုလလမ်ကၠေံ ကမ်ဂမၠိုၚ် ပ္ဍဲကမ်ဂမၠိုၚ်ဂှ်ဂှ် သၚ်မတန်တဴပ္ဍဲဘာဂမၠိုၚ်ဂှ်ဂှ်လေဝ် ကယျာန်ဓဝါတ်ရ။
ပ္ဍဲပွမကဵုလမ်ကၠေံကမ်လေဝ် ကမ်ဟွံထေက်ကဵုသ္ပရ ကမ်မသ္ပဗွဲဟွံဒးရးရ ကမ်မထေက်ကဵုသ္ပမွဲလှ်ေပၠန်ရ ရဴဝွံ ယြဴခမဳဂမၠိုၚ် ဟီုသ္ဂးအိုတ်ရ၊ ခမဳဂမၠိုၚ်ဂှ် ဟီုသ္ဂးဗဗွဲကဵုဓရ်အိုတ်ရ။ ညာတ်ဒး ခမဳဂမၠိုၚ် မဒးဒုၚ်ပ္ဍဵုပ္ဍိုက် နယဲမတွံဂးသဳလလီုလာ် မအာစိုပ်ကမ်တုဲ အ္စာသဝ် မလေပ်ဝဳယဲ သၟဟ်ညံၚ်ရဴဟီုလဴကဵုဂဥုဲကီု ကျာ်တြဲတွံကဵုဓရ် မလေပ်ကဵုလလမ်ကမ်ရ။ ဣဝွံ စိုပ်ဒတုဲရ။
ပ္ဍဲစမ္ပေယျက္ခန္ဓကဝွံ ဝတ္ထုဂမၠိုၚ် မၞုံပိစှော်တြဴဝတ္ထုအိုတ်ရ။ စမ္ပေယျက္ခန္ဓကတုဲရ။
၁၀။ ကောသမ္ဗကက္ခန္ဓက
[ပလေဝ်ဒါန် | ပလေဝ်ဒါန် တမ်ကၞက်]၂၇၁။ စၞောန်ထ္ၜးကဵုပွမကတ၆ုဒှ်ကယျာန်ဓဝါတ် ခမဳကောန်ဍုၚ်ကောသမ္ဗဳဂမၠိုၚ်
[ပလေဝ်ဒါန် | ပလေဝ်ဒါန် တမ်ကၞက်]၃၅၁။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဃောသိတာရာမ် ဇရေၚ်ဍုၚ်ကောသမ္ဗဳဂှ် ခမဳမွဲဇကု ဒးအာပတ်တုဲ ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဒးအာပတ်ရ။ ခမဳသအာၚ်ဂမၠိုၚ်ဂှ်တုန် ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဟွံဒးအာပတ်အိုတ်ရ။ ခမဳဂှ် ပ္ဍဲကာလကြဴ ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဟွံဒးအာပတ်ပၠန်ရ၊ ခမဳသအာၚ်ဂမၠိုၚ်တုန် ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဒးအာပတ်အိုတ်ပၠန်ရ။ ကြဴနူဂှ် ခမဳဂမၠိုၚ်ဂှ် “ယွံကောန်တၠ အာပတ်တၠအဲဒးဂှ် တၠအဲ ဩဝ်မၠာ်သ္ၚေဝ်ညိ” ရဴဝွံ ဟီုသ္ဂးကဵုခမဳဂှ်ရ၊ (ခမဳဂှ်) ယွံကောန်တၠတအ် အာပတ်မထေက်ကဵုမၠာ်သ္ၚေဝ် ဟွံမွဲကုအဲရ ရဴဝွံ သ္ဂးရ။ ပ္ဍဲအခိၚ်ဂှ် ခမဳဂမၠိုၚ်ဂှ် ကလိဂွံပွမညဳသာသၟဟ်သၟန်တုဲ ဟိုတ်နူပွမဟွံမၠာ်သ္ၚေဝ်အာပတ်ဗက်ပတိတ်ထောံ ခမဳဂှ်ရ။ ခမဳမဒးဒုၚ်ဗက်ပတိတ်ထောံဂှ်လေဝ် လမိၚ်လညာတ်ဂၠိုၚ်တုဲ ဂွံလဝ်ပါၚ်တိုက် ပါဠိသၟးဟွံက ဓမ္မဝိနယ ကေုာံပါတိမုက်လေဝ် ပကၚ်ရၚ်လဝ်ရ။ မၞုံကဵုပညာတုဲ စဳကၠးဆိုက်ဗ္ဒက်ရ၊ လေပ်ဂွပါပ်ရ၊ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာရ၊ မၞုံပၟိက်ကဵုဒ္ဂေတ်သိက္ခာရ။ ပ္ဍဲအခိၚ်ဂှ် ခမဳဂှ် ပြာပ်အာဇရေၚ် ခမဳမဒှ်သန္ဒိဋ္ဌသမ္ဘတ္တဂမၠိုၚ်တုဲမ္ဂး “ယွံကောန်တၠတအ် အရာဝွံ ဟွံဒးအာပတ်ရ၊ အရာဝွံ ဒးအာပတ်ဟွံသေၚ်ရ၊ အဲဟွံဒးအာပတ်ရ၊ အဲဂှ် ညးဒးအာပတ် ဟွံသေၚ်ရ၊ ဟဂပ်ဝ်ဗက်ပတိတ်အဲရ၊ အဲဂှ် ညးဂပ်ဝ်ဗက်ပတိတ်ဟွံသေၚ်ရ၊ ဗက်ပတိတ်အဲ နကဵုကမ် မဟွံဗဗွဲဓရ် မဂပ်ဝ်ပလီုပလာ် မဟွံထေက်ကုသာသနာရ၊ တဳလပိုဉ်တအ်ညးဂမၠိုၚ် ဩဝ်ဒှ်ဗော်သွး အဲဍိက် ဗွဲမဗဗွဲကဵုဓရ် ဗွဲမဗဗွဲကဵုဝိနယ်အိုတ်ညိ” ရဴဝွံ ဟီုသ္ဂးဂှ်ရ ကလိဂွံဗော်သွးခမဳ မဒှ်သန္ဒိဋ္ဌသမ္ဘတ္တရ။ ဇရေၚ်ခမဳသန္ဒိဋ္ဌသမ္ဘတ္တ ပဒတဴပ္ဍဲဇနပိုဒ်ဂမၠိုၚ်လေဝ် “ယွံကောန်တၠတအ် အရာဝွံ ဟွံဒးအာပတ်ရ၊ အရာဝွံ ဒးအာပတ်ဟွံသေၚ်ရ၊ အဲဟွံဒးအာပတ်ရ၊ အဲဂှ် ညးဒးအာပတ်ဟွံသေၚ်ရ၊ ဟဂပ်ဝ်ဗက်ပတိတ်အဲရ၊ အဲဂှ် ညးဂပ်ဝ်ဗက်ပတိတ်ဟွံသေၚ်ရ၊ ဗက်ပတိတ်အဲ နကဵုကမ် မဟွံဗဗွဲဓရ် မဂပ်ဝ်ပလီုပလာ် မဟွံထေက်ကုသာသနာရ၊ တဳလပိုဉ်တအ်ညးဂမၠိုၚ် ဩဝ်ဒှ်ဗော်သွး အဲဍိက် ဗွဲမဗဗွဲကဵုဓရ် ဗွဲမဗဗွဲကဵုဝိနယ်အိုတ်ညိ” ရဴဝွံ ဖအောဝ်ဗလးဏာကလုတ်ဂှ်ရ ဗော်သွးခမဳ မဒှ်သန္ဒိဋ္ဌသမ္ဘတ္တ ပဒတဴပ္ဍဲဇနပိုဒ်လေဝ် ကလိဂွံပၠန်ရ။ ပ္ဍဲအခိၚ်ဂှ် ခမဳဗက်လက်ကရဴ ခမဳမဒးဒုၚ်ဗက်ပတိတ်ထောံဂမၠိုၚ်ဂှ် အာဇရေၚ် ခမဳမဗက်ပတိတ်ဂမၠိုၚ်တုဲမ္ဂး “ယွံကောန်တၠတအ် အရာဝွံ ဟွံဒးအာပတ်ရ၊ အရာဝွံ ဒးအာပတ်ဟွံသေၚ်ရ၊ ခမဳဂှ် ဟွံဒးအာပတ်ရ၊ ခမဳဂှ် ညးဒးအာပတ်ဟွံသေၚ်ရ၊ ဟဂပ်ဝ်ဗက်ပတိတ် ခမဳဂှ်ရ၊ ခမဳဂှ် ညးဂပ်ဝ်ဗက်ပတိတ် ဟွံသေၚ်ရ၊ ဗက်ပတိတ် နကဵုကမ် မဟွံဗဗွဲဓရ် မဂပ်ဝ်ပလီုပလာ် မဟွံထေက်ကုသာသနာရ” ရဴဝွံ ဟီုသ္ဂးကဵုခမဳမဗက်ပတိတ်ဂမၠိုၚ်အိုတ်ရ။ အခိၚ်မဟီုသ္ဂးတိုန်ရဴဝွံဂှ် ခမဳမဗက်ပတိတ်ဂမၠိုၚ် “ယွံကောန်တၠတအ် အရာဝွံ ဟွံဒးအာပတ်ရ၊ အရာဝွံ ဒးအာပတ်ဟွံသေၚ်ရ၊ ခမဳဂှ် ဒးအာပတ်ရ၊ ခမဳဂှ် ညးဟွံဒးအာပတ်ဟွံသေၚ်ရ၊ ဂပ်ဝ်ဗက်ပတိတ် ခမဳဂှ်ရ၊ ခမဳဂှ် ညးဟဂပ်ဝ်ဗက်ပတိတ် ဟွံသေၚ်ရ၊ ဗက်ပတိတ် နကဵုကမ် မဟွံဗဗွဲဓရ် မဟဂပ်ဝ်ပလီုပလာ် မဟွံထေက်ကုသာသနာရ၊ ယွံတဳလပိုဉ်တအ် တဳလပိုဉ်တအ်ညးဂမၠိုၚ် လ္ပဒှ် ညးဒ္ဂေတ်ဗက်လက်ကရဴ သကအ်တွဳဝါရ ခမဳမဒးဒုၚ်ဗက်ပတိတ်ဝွံအိုတ်ညိ” ရဴဝွံ ဟီုသ္ဂးကဵုခမဳ မဒ္ဂေတ်ဗက်လက်ကရဴ ခမဳမဒးဒုၚ်ဗက်ပတိတ်ဂမၠိုၚ်အိုတ်ရ။ ခမဳမဒ္ဂေတ်ဗက်လက်ကရဴ ခမဳမဒးဒုၚ်ဗက်ပတိတ်ဂမၠိုၚ်ဂှ် ခမဳမဗက်ပတိတ်ဂမၠိုၚ် ၜိုန်ဟီုသ္ဂး ရဴဝွံလေဝ် ဒှ်မဒ္ဂေတ်ဗက်လက်ကရဴ သကအ်တွဳဝါရ ခမဳမဒးဒုၚ်ဗက်ပတိတ်ဂှ် အတိုၚ်ဒှ်လၟိုန်အိုတ်ရ။
၄၅၂။ ပ္ဍဲအခိၚ်ဂှ် ခမဳမွဲဇကု ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ်တုဲမ္ဂ: သီုမဂဇအ်ဒၟံၚ်ပ္ဍဲဒၞဲါမွဲဂှ်− ယွံတဳလမၞုံပိုဉ် ခမဳမွဲဇကု ဒးအာပတ်တုဲ ပ္ဍဲအာပတ်ဂှ် မၞုံကဳုကေတ်ရဴဝွံမ္ဂး ဒးအာပတ်ရ၊ ခမဳသအာၚ်ဂမၠိုၚ်ဂှ်တုန် ပ္ဍဲအာပတ်ဂှ် မၞုံကဵုကေတ်ရဴဝွံမ္ဂး ဟွံဒးအာပတ်အိုတ်ရ၊ ခမဳဂှ် ပ္ဍဲကာလကြဴ ပ္ဍဲအာပတ်ဂှ် မၞုံကဵုကေတ်ရဴဝွံမ္ဂ: ဟွံဒးအာပတ်ပၠန်ရ၊ ခမဳသအာၚ်ဂမၠိုၚ်ဂှ်တုန် ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂ: ဒးအာပတ်အိုတ်ပၠန်ရ။ ယွံတဳလမၞုံပိုဉ် ပ္ဍဲအခိၚ်ဂှ် ခမဳဂမၠိုၚ်ဂှ် “ယွံကောန်တၠ အာပတ်တၠအဲဒးဂှ် တၠအဲ ဩဝ်မၠာ်သ္ၚေဝ်ညိ” ရဴဝွံ ဟီုသ္ဂးကဵုခမဳဂှ်ရ (ခမဳဂှ်) ယွံကောန်တၠတအ် အာပတ်မထေက်ကဵုမၠာ်သ္ၚေဝ် ဟွံမွဲကုအဲရ ရဴဝွံ သ္ဂးရ။ ယွံတဳလမၞုံပိုဉ် ပ္ဍဲအခိၚ်ဂှ် ခမဳဂမၠိုၚ်ဂှ် ကလိဂွံပွမညဳသာသၟဟ်သၟန်တုဲ ဟိုတ်နူပွမဟွံမၠာ်သ္ၚေဝ်အာပတ် ဗက်ပတိတ်ထောံခမဳဂှ်ရ။ ယွံတဳလမၞုံပိုဉ် ခမဳမဒးဒုၚ်ဗက်ပတိတ်ထောံဂှ်လေဝ် လမိမၚ်လညာတ်ဂၠိုၚ်တုဲ ဂွံလဝ်ပါၚ်တိုက် ပါဠိသၟးဟွံက ဓမ္မဝိနယ ကေုာံပါတိမုက်လေဝ် ပကၚ်ရၚ်လဝ်ရ၊ မၞုံကဵုပညာတုဲ စဳကၠးဆိုက်ဗ္ဒက်ရ၊ လေပ်ဂွပါပ်ရ၊ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာရ၊ မၞုံပၟိက်ကဵုဒ္ဂေတ်သိက္ခာရ။ ယွံတဳလမၞုံပိုဉ် ပ္ဍဲအခိၚ်ဂှ် ခမဳဇဂှ် ပြာပ်အာဇရေၚ် ခမဳမဒှ်သန္ဒိဋ္ဌသမ္ဘတ္တဂမၠိုၚ်တုဲမ္ဂး “ယွံကောန်တၠတအ် အရာဝွံ ဟွံဒးအာပတ်ရ၊ အရာဝွံ ဒးအာပတ်ဟွံသေၚ်ရ၊ အဲဟွံဒးအာပတ်ရ၊ အဲဂှ် ညးဒးအာပတ် ဟွံသေၚ်ရ၊ ဟဂပ်ဝ်ဗက်ပတိတ်အဲရ၊ အဲဂှ် ညးဂပ်ဝ်ဗက်ပတိတ်ဟွံသေၚ်ရ၊ ဗက်ပတိတ်အဲ နကဵုကမ် မဟွံဗဗွဲဓရ် မဂပ်ဝ်ပလီုပလာ် မဟွံထေက်ကုသာသနာရ၊ တဳလပိုဉ်တအ်ညးဂမၠိုၚ် ဩဝ်ဒှ်ဗော်သွးအဲဍိက် ဗွဲမဗဗွဲကဵုဓရ် ဗွဲမဗဗွဲကဵုဝိနယ်အိုတ်ညိ” ရဴဝွံ ဟီုသ္ဂးရ။ ယွံတဳလမၞုံပိုဉ် ခမဳဂှ် ကလိဂွံဗော်သွးခမဳ မဒှ်သန္ဒိဋ္ဌသမ္ဘတ္တရ၊ ဇရေၚ်ခမဳသန္ဒိဋ္ဌသမ္ဘတ္တ ပဒတဴပ္ဍဲဇနပိုဒ်ဂမၠိုၚ်လေဝ် “ယွံကောန်တၠတအ် အရာဝွံ ဟွံဒးအာပတ်ရ၊ အရာဝွံ ဒးအာပတ်ဟွံသေၚ်ရ၊ အဲဟွံဒးအာပတ်ရ၊ အဲဂှ် ညးဒးအာပတ် ဟွံသေၚ်ရ၊ ဟဂပ်ဝ်ဗက်ပတိတ်အဲရ၊ အဲဂှ် ညးဂပ်ဝ်ဗက်ပတိတ်ဟွံသေၚ်ရ၊ ဗက်ပတိတ်အဲ နကဵုကမ် မဟွံဗဗွဲဓရ် မဂပ်ဝ်ပလီုပလာ် မဟွံထေက်ကုသာသနာရ၊ တဳလပိုဉ်တအ်ညးဂမၠိုၚ် ဩဝ်ဒှ်ဗော်သွးအဲဍိက် ဗွဲမဗဗွဲကဵုဓရ် ဗွဲမဗဗွဲကဵုဝိနယ်အိုတ်ညိ” ရဴဝွံ ဖအောဝ်ဗလးဏာကလုတ်ဂှ်ရ ဗော်သွးခမဳ မဒှ်သန္ဒိဋ္ဌသမ္ဘတ္တ ပဒတဴပ္ဍဲဇနပိုဒ်လေဝ် ကလိဂွံပၠန်ရ။ ယွံတဳလမၞုံပိုဉ် ပ္ဍဲအခိၚ်ဂှ် ခမဳမဗက်လက်ကရဴ ခမဳမဒးဒုၚ်ဗက်ပတိတ်ထောံဂမၠိုၚ်ဂှ် အာဇရေၚ် ခမဳဗက်ပတိတ်ဂမၠိုၚ်တုဲမ္ဂး “ယွံကောန်တၠတအ် အရာဝွံ ဟွံဒးအာပတ်ရ၊ အရာဝွံ ဒးအာပတ်ဟွံသေၚ်ရ၊ ခမဳဂှ် ဟွံဒးအာပတ်ရ၊ ခမဳဂှ် ညးဒးအာပတ်ဟွံသေၚ်ရ၊ ဟဂပ်ဝ်ဗက်ပတိတ် ခမဳဂှ်ရ၊ ခမဳဂှ် ညးဂပ်ဝ်ဗက်ပတိတ် ဟွံသေၚ်ရ၊ ဗက်ပတိတ် နကဵုကမ် မဟွံဗဗွဲဓရ် မဂပ်ဝ်ပလီုပလာ် မဟွံထေက်ကုသာသနာရ” ရဴဝွံ ဟီုသ္ဂးကဵုခမဳမဗက်ပတိတ်ဂမၠိုၚ်အိုတ်ရ။ ယွံတဳလမၞုံပိုဉ် အခိၚ်မဟီုသ္ဂးတိုန်ရဴဝွံဂှ် ခမဳမဗက်ပတိတ်ဂမၠိုၚ် ““ယွံကောန်တၠတအ် အရာဝွံ ဟွံဒးအာပတ်ရ၊ အရာဝွံ ဒးအာပတ်ဟွံသေၚ်ရ၊ ခမဳဂှ် ဒးအာပတ်ရ၊ ခမဳဂှ် ညးဟွံဒးအာပတ်ဟွံသေၚ်ရ၊ ဂပ်ဝ်ဗက်ပတိတ် ခမဳဂှ်ရ၊ ခမဳဂှ် ညးဟဂပ်ဝ်ဗက်ပတိတ် ဟွံသေၚ်ရ၊ ဗက်ပတိတ် နကဵုကမ် မဟွံဗဗွဲဓရ် မဟဂပ်ဝ်ပလီုပလာ် မဟွံထေက်ကုသာသနာရ၊ ယွံတဳလပိုဉ်တအ် တဳလပိုဉ်တအ် လ္ပဒှ် ညးမဒ္ဂေဗက်လက်ကရဴ သကအ်တွဳဝါရ ခမဳမဒးဒုၚ်ဗက်ပတိတ်ဝွံအိုတ်ညိ” ရဴဝွံ ဟီုသ္ဂးကဵုခမဳ မဒ္ဂေတ်ဗက်လက်ကရဴ ခမဳမဒးဒုၚ်ဗက်ပတိတ်ဂမၠိုၚ်အိုတ်ရ။ ခမဳမဒ္ဂေတ်ဗက်လက်ကရဴ ခမဳမဒးဒုၚ်ဗက်ပတိတ်ဂမၠိုၚ်ဂှ် ခမဳမဗက်ပတိတ်ဂမၠိုၚ် ၜိုန်ဟီုသ္ဂးရဴဝွံလေဝ် ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
၄၅၃။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ဂကောံခမဳဂှ် ပါ်ဒကးရ၊ ဂကောံခမဳဂှ် ပါ်ဒကးရ” ရဴဝွံ ဒၠိုက်ကတဵုနူဒၞဲါတုဲ ပြာပ်အာဇရေၚ် ခမဳမဗက်ပတိတ်ဂမၠိုၚ်တုဲမ္ဂး ဂဇအ်ဖျေံပ္ဍဲသၞာမလးပညပ်လဝ်တုဲ ယွံခမဳတအ် မၞးတအ်ညးဂမၠိုၚ် “အဲတီရ။ အဲလေပ်ရ” ရဴဝွံ ထေၚ်ဇၞော်တုဲ ဟိုတ်နူဟိုတ်ဝတ္ထုသာမညဂှ် ထေက်ကဵုဗက်ပတိတ် ခမဳရ ရဴဝွံ လ္ပသမ္တီကေတ်အိုတ်ညိ ရဴဝွံ သ္ဂးကဵုခမဳမဗက်ပတိတ်ဂမၠိုၚ်ရ။ ယွံခမဳတအ် ခမဳဂှ် ဒးအာပတ်တုဲ ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဒးအာပတ်ရ၊ ခမဳသအာၚ်ဂမၠိုၚ်ဂှ်တုန် ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဟွံဒးအာပတ်အိုတ်ရ၊ ယွံခမဳတအ် ခမဳဂမၠိုၚ်ဂှ် “တဳလပိုဉ်ဝွံ လမိၚ်လညာတ်ဂၠိုၚ်တုဲ ဂွံလဝ်ပါၚ်တိုက် ပါဠိသၟးဟွံက ဓမ္မဝိနယ ကေုာံပါတိမုက်လေဝ် ပကၚ်ရၚ်လဝ်ရ၊ မၞုံကဵုပညာတုဲ စဳကၠးဆိုက်ဗ္ဒက်ရ၊ လေပ်ဂွပါပ်ရ၊ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာရ၊ မၞုံပၟိက်ကဵုဒ္ဂေတ်သိက္ခာရ၊ ပိုဲညးဂမၠိုၚ် ဟိုတ်နူပွမဟွံမၠာ်သ္ၚေဝ်အာပတ် ဗက်ပတိတ်ခမဳဝွံတုဲ သီုဟွံသ္ပဥပေါသ်မွဲစွံကေုာံခမဳဝွံ စာ်စ္ဍးနူကေုာံခမဳဝွံတုဲဟေၚ် သ္ပဥပေါသ်မ္ဂး ပွမကယျာန်ဓဝါတ်သေက်ဇဵုကြဴမတ် ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကြက်ကတဵုဒှ်ရ” ရဴဝွံ ယဝ်တီကေတ် ခမဳဒးအာပတ်ဂှ်အိုတ်မ္ဂ;၊ ယွံခမဳတအ် ခမဳမပအဲပရဲ ကဵုကြက်ပါ်ဒကးဂမၠိုၚ် ဟိုတ်နူပွမဟွံမၠာ်သ္ၚေဝ်အာပတ် ဟွံထေက်ကဵုဗက်ပတိတ် ခမဳဂှ်ရ။ ယွံခမဳတအ် ခမဳဂှ် ဒးအာပတ်တုဲ ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဒးအာပတ်ရ၊ ခမဳသအာၚ်ဂမၠိုၚ်ဂှ်တုန် ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဟွံဒးအာပတ်အိုတ်ရ၊ ယွံခမဳတအ် ခမဳဂမၠိုၚ်ဂှ် “တဳလပိုဉ်ဝွံ လမိၚ်လညာတ်ဂၠိုၚ်တုဲ ဂွံလဝ်ပါၚ်တိုက် ပါဠိသၟးဟွံက ဓမ္မဝိနယ ကေုာံပါတိမုက်လေဝ် ပကၚ်ရၚ်လဝ်ရ၊ မၞုံကဵုပညာတုဲ စဳကၠးဆိုက်ဗ္ဒက်ရ၊ လေပ်ဂွပါပ်ရ၊ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာရ၊ မၞုံပၟိက်ကဵုဒ္ဂေတ်သိက္ခာရ၊ ပိုဲညးဂမၠိုၚ် ဟိုတ်နူပွမဟွံမၠာ်သ္ၚေဝ်အာပတ် ဗက်ပတိတ်ခမဳဝွံတုဲ သီုဟွံသ္ပပဝါရဏာမွဲစွံကေုာံခမဳဝွံ စာ်စ္ဍးနူခမဳဝွံတုဲဟေၚ် သ္ပပဝါရဏာအိုတ်မ္ဂး၊ ပိုဲညးဂမၠိုၚ် သီုဟွံသ္ပကမ်သၚ်မွဲစွံကေုာံခမဳဝွံ စာ်စ္ဍးကေုာံခမဳဝွံတုဲဟေၚ် သ္ပကမ်သၚ်အိုတ်မ္ဂ:၊ ပိုဲညးဂမၠိုၚ် သီုဟွံဂဇအ်ပ္ဍဲသၞာမွဲစွံကေုာံခမဳဝွံ စာ်စ္ဍးကေုာံခမဳဝွံတုဲဟေၚ် ဂဇအ်တဴပ္ဍဲသၞာအိုတ်မ္ဂး၊ ပိုဲညးဂမၠိုၚ် သီုဟွံဂဇအ်ပ္ဍဲအရာသုၚ်ယာဂုမွဲစွံကေုာံခမဳဝွံ စာ်စ္ဍးကေုာံခမဳဝွံတုဲဟေၚ် ဂဇအ်တဴပ္ဍဲအရာသုၚ်ယာဂုအိုတ်မ္ဂး၊ ပိုဲညးဂမၠိုၚ် သီုဟွံဂဇအ်ပ္ဍဲဇြပ်ကဵုပိုဉ်မွဲစွံကေုာံခမဳဝွံ စာ်စ္ဍးကေုာံခမဳဝွံတုဲဟေၚ် ဂဇအ်တဴပ္ဍဲဇြပ်ကဵုပိုဉ်အိုတ်မ္ဂး၊ ပိုဲညးဂမၠိုၚ် သီုဟွံပဒတဴပ္ဍဲဘာမၞုံကဵုမွဲစၟဳမွဲစွံကေုာံခမဳဝွံ စာ်စ္ဍးကေုာံခမဳဝွံတုဲဟေၚ် ပဒတဴပ္ဍဲဘာမၞုံကဵုမွဲစၟဳအိုတ်မ္ဂး၊ ပိုဲညးဂမၠိုၚ် သီုဟွံသ္ပ ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်ခၟောံတဲ ပွမသ္ပရှ်ေသှ်ေရဴဂဴ ခမဳဇၞော်မွဲစွံကေုာံခမဳဝွံ စာ်စ္ဍးကေုာံခမဳဝွံတုဲဟေၚ် သ္ပတဴပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်ခၟောံတဲ ပွမသ္ပရှ်ေသှ်ေရဴဂဴ ခမဳဇၞော်အိုတ်မ္ဂး ပွမကယျာန်ဓဝါတ်သေက်ဇဵုကြဴမတ် ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကြက်ကတဵုဒှ်ရ” ရဴဝွံ ယဝ်တီကေတ်အိုတ်မ္ဂ;၊ ယွံခမဳတအ် ခမဳမပအဲပရဲ ကဵုကြက်ပါ်ဒကးဂမၠိုၚ် ဟိုတ်နူပွမဟွံမၠာ်သ္ၚေဝ်အာပတ် ဟွံထေက်ကဵုဗက်ပတိတ် ခမဳဂှ်ရ။
၄၅၄။ ကြဴနူဂှ် တဳလမၞုံပိုဉ်ကျာ်တြဲ ဟီုတွံကဵုဟိုတ်ပရူပရာဝွံ ကုခမဳမဗက်ပတိတ်ဂမၠိုၚ်တုဲမ္ဂး ဒၠိုက်ကတဵုနူဒၞဲါ ပြာပ်အာဇရေၚ် ခမဳမဒ္ဂေတ်ဗက်လက်ကရဴ ခမဳဒးဒုၚ်ဗက်ပတိတ်ဂမၠိုၚ်ဂဇအ်ဖျေံပ္ဍဲသၞာမလးပညပ်လဝ်တုဲ− ယွံခမဳတအ် မၞးတအ်ညးဂမၠိုၚ် သီုမဒးအာပတ် “ပိုဲတအ် ဟွံဒးအာပတ်ရ၊ ပိုဲတအ် ဟွံဒးအာပတ်ရ” ရဴဝွံ (ပၠုပ်စိုတ်တုဲ) ဟွံဇအုဲဇဗအာပတ်ရ ရဴဝွံ လ္ပသမ္တီကေတ်အိုတ်ညိ။ ယွံခမဳတအ် ခမဳဂှ် ဒးအာပတ်တုဲ ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဒးအာပတ်ရ၊ ခမဳသအာၚ်ဂမၠိုၚ်ဂှ်တုန် ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဟွံဒးအာပတ်ရ။ ယွံခမဳတအ် ခမဳဂှ် “တဳလပိုဉ်ဝွံ လမိၚ်လညာတ်ဂၠိုၚ်တုဲ ဂွံလဝ်ပါၚ်တိုက် ပါဠိသၟးဟွံက ဓမ္မဝိနယ ကေုာံပါတိမုက်လေဝ် ပကၚ်ရၚ်လဝ်ရ၊ မၞုံကဵုပညာတုဲ စဳကၠးဆိုက်ဗ္ဒက်ရ၊ လေပ်ဂွပါပ်ရ၊ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာရ၊ မၞုံပၟိက်ကဵုဒ္ဂေတ်သိက္ခာရ၊ ဟိုတ်နူသွက်အဲကတဵုဒှ် ဟိုတ်နူသွက်ညးသအာၚ်ကတဵုဒှ် နပွမသ္ဍိုက်ဆာန် ပွမက္ဍုဟ် ပွမဟွံတီ ပွမဖေက်ဂမၠိုၚ် ဟွံထေက်ကဵုတၞဟ်နအာ အရာမဟဂပ်ဝ်အာရ။ ခမဳဂမၠိုၚ်ဝွံ ဟိုတ်နူမၠာ်သ္ၚေဝ်အာပတ် ဗက်ပတိတ်အဲတုဲ သီုဟွံသ္ပဥပေါသ်မွဲစွံကေုာံအဲ စာ်စ္ဍးကေုာံအဲတုဲဟေၚ် သ္ပဥပေါသ်မ္ဂး ပွမကယျာန်ဓဝါတ်သေက်ဇဵုကြဴမတ် ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကြက်ကတဵုဒှ်ရ” ရဴဝွံ ယဝ်တီကေတ်အိုတ်မ္ဂ;၊ ယွံခမဳတအ် ခမဳမပအဲပရဲ ကဵုကြက်ပါ်ဒကးဂမၠိုၚ် ဗွဲအစောံလျုၚ်ပတှ်ေကေတ် ခမဳသအာၚ်ဂမၠိုၚ်လေဝ် ဒးဟီုလၟိၚ်ဒေသနာအာပတ်ရ။ ယွံခမဳတအ် ခမဳဂှ် ဒးအာပတ်တုဲ ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဒးအာပတ်ရ၊ ခမဳသအာၚ်ဂမၠိုၚ်ဂှ်တုန် ပ္ဍဲအာပတ်ဂှ် မၞုံကဵုကွေတ်ရဴဝွံမ္ဂး ဟွံဒးအာပတ်အိုတ်ရ၊ ယွံခမဳတအ် ခမဳဂမၠိုၚ်ဂှ် “တဳလပိုဉ်ဝွံ လမိၚ်လညာတ်ဂၠိုၚ်တုဲ ဂွံလဝ်ပါၚ်တိုက် ပါဠိသၟးဟွံက ဓမ္မဝိနယ ကေုာံပါတိမုက်လေဝ် ပကၚ်ရၚ်လဝ်ရ၊ မၞုံကဵုပညာတုဲ စဳကၠးဆိုက်ဗ္ဒက်ရ၊ လေပ်ဂွပါပ်ရ၊ မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာရ၊ မၞုံပၟိက်ကဵုဒ္ဂေတ်သိက္ခာရ၊ ဟိုတ်နူသွက်အဲကဵုဒှ် ဟိုတ်နူသွက်ညးသအာၚ်ကဵုဒှ် နပွမသ္ဍိုက်ဆာန် ပွမက္ဍုဟ် ပွမဟွံတီ ပွမဖေက်ဂမၠိုၚ် ဟွံထေက်ကဵုတၞဟ်နအာ အရာမဟဂပ်ဝ်အာရ။ ခမဳဂမၠိုၚ်ဝွံ ဟိုတ်နူပွမဟွံမၠာ်သ္ၚေဝ်အာပတ် ဗက်ပတိတ်အဲတုဲ သီုဟွံသ္ပပဝါရဏာမွဲစွံကေုာံအဲ စာ်စ္ဍးနူအဲတုဲဟေၚ် သ္ပပဝါရဏာအိုတ်မ္ဂး၊ သီုဟွံသ္ပကမ်သၚ်မွဲစွံကေုာံအဲ စာ်စ္ဍးကေုာံအဲတုဲဟေၚ် သ္ပကမ်သၚ်အိုတ်မ္ဂ:၊ သီုဟွံဂဇအ်ပ္ဍဲသၞာမွဲစွံကေုာံအဲ စာ်စ္ဍးကေုာံအဲတုဲဟေၚ် ဂဇအ်တဴပ္ဍဲသၞာအိုတ်မ္ဂး၊ သီုဟွံဂဇအ်ပ္ဍဲအရာသုၚ်ယာဂုမွဲစွံကေုာံအဲ စာ်စ္ဍးကေုာံအဲတုဲဟေၚ် ဂဇအ်တဴပ္ဍဲအရာသုၚ်ယာဂုအိုတ်မ္ဂး၊ သီုဟွံဂဇအ်ပ္ဍဲဇြပ်ကဵုပိုဉ်မွဲစွံကေုာံအဲ စာ်စ္ဍးကေုာံအဲတုဲဟေၚ် ဂဇအ်တဴပ္ဍဲဇြပ်ကဵုပိုဉ်အိုတ်မ္ဂး၊ သီုဟွံပဒတဴပ္ဍဲဘာမၞုံကဵုမွဲစၟဳမွဲစွံကေုာံအဲ စာ်စ္ဍးကေုာံအဲတုဲဟေၚ် ပဒတဴပ္ဍဲဘာမၞုံကဵုမွဲစၟဳအိုတ်မ္ဂး၊ သီုဟွံသ္ပ ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်ခၟောံတဲ ပွမသ္ပရှ်ေသှ်ေရဴဂဴ ခမဳဇၞော်မွဲစွံကေုာံအဲ စာ်စ္ဍးကေုာံအဲတုဲဟေၚ် သ္ပတဴပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်ခၟောံတဲ ပွမသ္ပရှ်ေသှ်ေရဴဂဴ ခမဳဇၞော်အိုတ်မ္ဂး ပွမကယျာန်ဓဝါတ်သေက်ဇဵုကြဴမတ် ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကြက်ကတဵုဒှ်ရ” ရဴဝွံ ယဝ်တီကေတ်အိုတ်မ္ဂ;၊ ယွံခမဳတအ် ခမဳမပအဲပရဲ ကဵုကြက်ပါ်ဒကးဂမၠိုၚ် ဗွဲအစောံလျုၚ်ပတှ်ေကေတ် ခမဳသအာၚ်ဂမၠိုၚ်လေဝ် ဒးဟီုလၟိၚ်ဒေသနာအာပတ်ရ ရဴဝွံ သ္ဂးကဵုခမဳမဒ္ဂေတ်ဗက်လက်ကရဴ ခမဳဒးဒုၚ်ဗက်ပတိတ်ရ။ ကြဴနူဂှ် တဳလမၞုံပိုဉ်ကျာ်တြဲ ဟီုတွံကဵုဟိုတ်ပရူပရာဝွံ ကုခမဳမဒ္ဂေတ်ဗက်လက်ကရဴ ခမဳဒးဒၚ်ဗက်ပတိတ်ဂမၠိုၚ်တုဲမ္ဂး ဒၠိုက်ကတဵုနူဒၞဲါ က္ညစ္ဍးအာရ။
၄၅၅။ ပ္ဍဲကာလမွဲအခိၚ် ခမဳမဒ္ဂေတ်ဗက်လက်ကရဴ ခမဳဒးဒုၚ်ဗက်ပတိတ်ဂမၠိုၚ် ပ္ဍဲဘာဂှ်ဟေၚ် ဿ္ပဥပေါသ် ပ္ဍဲအပ္ဍဲသိမ်အိုတ်ရ၊ သ္ပကမ်သၚ်အိုတ်ရ၊ ခမဳမဗက်ပတိတ်ဂမၠိုၚ်တုန် အာမ္ၚးသိမ်တုဲ သ္ပဥပေါသ်အိုတ်ရ၊ သ္ပကမ်သၚ်အိုတ်ရ။ ပ္ဍဲအခိၚ် ခမဳမဗက်ပတိတ်မွဲဇကု ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီမဂဇအ်ဒၟံၚ်ပ္ဍဲဒၞဲါမွဲဂှ် “ယွံတဳလမၞုံပိုဉ် ခမဳမဒ္ဂေတ်ဗက်လက်ကရဴ ခမဳဒးဒုၚ်ဗက်ပတိတ်ဂမၠိုၚ်ဂှ် ပ္ဍဲဘာဂှ်ဟေၚ် သ္ပဥပေါသ် ပ္ဍဲအပ္ဍဲသိမ်အိုတ်ရ၊ သ္ပကမ်သၚ်အိုတ်ရ၊ ပိုဲဍိက်တအ်ညးဂမၠိုၚ် မဒှ်ခမဳဗက်ပတိတ်ဂှ်တုန် အာမ္ၚးသိမ်တုဲ သ္ပဥပေါသ်အိုတ်ရ။ သ္ပကမ်သၚ်အိုတ်ရ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံခမဳ ခမဳမဒ္ဂေတ်ဗက်လက်ကရဴ ခမဳဒးဒုၚ်ဗက်ပတိတ်ဂမၠိုၚ်ဂှ် ပ္ဍဲဘာဂှ်ဟေၚ် ပ္ဍဲအပ္ဍဲသိမ်ဂှ် အတိုၚ်ဉတ်ကမ္မဝါစ် အဲပညပ်လဝ် ယဝ်သ္ပဥပေါသ်အိုတ်မ္ဂး၊ သ္ပကမ်သၚ်အိုတ်မ္ဂး၊ ကမ် ခမဳဂမၠိုၚ်ဂှ်တုန် ကြက်ဒှ်ကမ် မဗဗွဲကဵုဓရ် မဟဂပ်ဝ်ပလီုပလာ် မထေက်ကုသာသနာအိုတ်ရ။ ယွံခမဳ မၞးတအ်ညးဂမၠိုၚ်မဒှ်ခမဳမဗက်ပတိတ်ဂှ် ပ္ဍဲဘာဂှ်ဟေၚ် ပ္ဍဲအပ္ဍဲသိမ်ဂှ် အတိုၚ်ဉတ်ကမ္မဝါစ် အဲပညပ်လဝ် ယဝ်သ္ပဥပေါသ်အိုတ်မ္ဂး၊ သ္ပကမ်သၚ်အိုတ်မ္ဂး၊ ကမ် မၞးတအ်ညးဂမၠိုၚ်ဂှ် ကြက်ဒှ်ကမ် မဗဗွဲကဵုဓရ် မဟဂပ်ဝ်ပလီုပလာ် မထေက်ကုသာသနာအိုတ်ရ။ မုဟိုတ်ရော ဟီုမ္ဂး ခမဳမဒှ်ဗော်သွး ခမဳမဒးဒုၚ်ဗက်ပတိတ်ဂမၠိုၚ်ဂှ် ပွမပံၚ်ဖက်ဟွံတုပ်သၟဟ်ကေုာံမၞးတအ်ညးဂမၠိုၚ်တုဲ မၞးတအ်ညးဂမၠိုၚ်လေဝ် ဟိုတ်ပွမပံၚ်ဖက်ဟွံတုပ်သၟဟ်ကေုာံခမဳဂမၠိုၚ်ဂှ်ရောၚ်။ ယွံခမဳ အရာကြက်ဒှ် ‘နာနာသံဝါသက’ ညးပွမပံၚ်ဖက်ဟွံတုပ်သၟဟ်ဂမၠိုၚ်တုန် မၞုံၜါဂကူအိုတ်ရ။ ဇကုဇကုလေဝ် ပွမပံၚ်ဖက်ဟွံတုပ်သၟဟ်ရ၊ သၚ်မညဳသာသၟဟ်သၟန်လေဝ် ဟိုတ်ပွမဟွံမၠာ်သ္ၚေဝ်အာပတ်ကီု ဟိုတ်ပွမဟွံဇအုဲဇဗအာပတ်ကီု ဟိုတ်ပွမဟွံသၠးကၠေံကွေတ်ကီု ဗက်ပတိတ်ခမဳဂှ်ရ၊ ယွံခမဳ အရာကြက်ဒှ် ‘နာနာသံဝါသက’ ညးပွမပံၚ်ဖက်ဟွံတုပ်သၟဟ်ဂမၠိုၚ်တုန် ဣဝွံမၞုံၜါဂကူအိုတ်ရ။ ယွံခမဳ အရာကြက်ဒှ် ‘သမာနသံဝါသက’ ညးမၞုံပွမပံၚ်ဖက်တုပ်သၟဟ်ဂမၠိုၚ်တုန် မၞုံၜါဂကူအိုတ်ရ၊ ဇကုဇကုလေဝ် သ္ပတဴဇကုဇကု ပွမပံၚ်ဖက်တုပ်သၟဟ်ရ၊ သၚ်မညဳသာသၟဟ်သၟန်လေဝ် ကော်ပၠုပ်(ဇရေၚ်သၚ်) ခမဳမဒးဒုၚ်ဗက်ပတိတ် ဟိုတ်ပွမဟွံမၠာ်သ္ၚေဝ်အာပတ်ကီု ဟိုတ်ပွမဟွံဇအုဲဇဗအာပတ်ကီု ဟိုတ်ပွမဟွံသၠးကၠေံကွေတ်ကီုရ၊ ယွံခမဳ အရာကြက်ဒှ် ‘သမာနသံဝါသက’ ညးမၞုံပွမပံၚ်ဖက်တုပ်သၟဟ်ဂမၠိုၚ်တုန် ဣဝွံ မၞုံၜါဂကူအိုတ်ရ ရဴဝွံ (သ္ဂးရ)။
၄၅၆။ ပ္ဍဲကာလမွဲအခိၚ် ခမဳဂမၠိုၚ် ပ္ဍဲဇြပ်ကဵုပိုဉ်အပ္ဍဲကွာန် ကယျာန်ဓဝါတ်အိုတ်ရ၊ ကတဵုဒှ်သေက်ဇဵုအိုတ်ရ၊ ဟီုသ္ဂးဂလာန်စှ်ေစးအိုတ်ရ၊ ထ္ၜးတဴ ကာယကမ်ကီု ဝစဳကမ်ကီုမဟွံဗဗွဲ ကေုာံရၚ်သကအ်အိုတ်ရ၊ ပွမကလိလောန်ကဵုတဲလေဝ် သ္ပအိုတ်ရ။ မၞိဟ်ဂမၠိုၚ် “မုဟိုတ် ခမဳဂမၠိုၚ် မဒှ်တၞောဝ်ကျာ်ကောန်သၟိၚ်သကျဝၚ် ပ္ဍဲဇြပ်ကဵုပိုဉ် အပ္ဍဲကွာန် ကယျာန်ဓဝါတ်အိုတ်ရော? ကတဵုဒှ်သေက်ဇဵုအိုတ်ရော? ဟီုသ္ဂးဂလာန်စှ်ေစးအိုတ်ရော? ထ္ၜးတဴ ကာယကမ်ကီု ဝစဳကမ်ကီု မဟွံဗဗွဲ ကေုာံရၚ်သကအ်အိုတ်ရော? ပွမကလိလောန်ကဵုတဲလေဝ် သ္ပအိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ခမဳဂမၠိုၚ် သ္ဂောံမိၚ်ကေတ် ဂလာန်မၞိဟ်ဂမၠိုၚ် မဟီုဂဂိုဟ်ပျုတ်ဗ္ဒေက် ဟီုထ္ၜးဒုဟ်ဂှ်အိုတ်ဟေၚ်ရ။ ခမဳပၟိက်အောန်ဂမၠိုၚ်ဂှ် “မုဟိုတ် ခမဳဂမၠိုၚ် ပ္ဍဲဇြပ်ကဵုပိုဉ် အပ္ဍဲကွာန် ကယျာန်ဓဝါတ်အိုတ်ရော? ကတဵုဒှ်သေက်ဇဵုအိုတ်ရော? ဟီုသ္ဂးဂလာန်စှ်ေစးအိုတ်ရော? ထ္ၜးတဴ ကာယကမ်ကီု ဝစဳကမ်ကီု မဟွံဗဗွဲ ကေုာံရၚ်သကအ်အိုတ်ရော? သ္ပတဴ ပွမကလိလောန်ကဵုတဲလေဝ် သ္ပအိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ကြဴနူဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံခမဳတအ် ခမဳဂမၠိုၚ် ပ္ဍဲဇြပ်ကဵုပိုဉ် အပ္ဍဲကွာန် ကယျာန်ဓဝါတ်အိုတ်ရ ။ ပ ။ သ္ပတဴ ပွမကလိလောန်ကဵုတဲအိုတ်ရ ဟီုဂှ် ဍာံပြဟာ ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ ။ ပ ။ ဟီုဂရိုဟ်တုဲ တွံကဵုဂလာန်ဓရ်တုဲမ္ဂး “ယွံခမဳတအ် သၚ်ပါ်ဒကးမ္ဂး သ္ပတဴကမၠောန်ဟွံဗဗွဲဓရ်မ္ဂး ဟွံဒှ်အိုဟ်တၟိုဟ်စိုတ်မ္ဂး ‘နဗၞတ်ဝွံ ကြက်ဟွံထ္ၜးတဴ ကာမကမ်ကီု ဝစဳကမ်ကီု မဟွံဗဗွဲကေုာံရၚ်သကအ်အိုတ်ရ၊ ပွမကလိလောန်ကဵုတဲလေဝ် ကြက်ဟွံသ္ပအိုတ်ရ’ ရဴဝွံ သ္ဒးဂဇအ်ပ္ဍဲသၞာရ၊ ယွံခမဳတအ် သၚ်ပါ်ဒကးမ္ဂး သ္ပတဴကမၠောန် မဗဗွဲဓရ်မ္ဂး ဒှ်အိုဟ်တၟိုဟ်စိုတ်မ္ဂး ခြာသၞာမွဲတုဲ သ္ဒးဂဇအ်ရ” ရဴဝွံ သ္ဂးကဵုခမဳဂမၠိုၚ်ရ။
၄၅၇။ ပ္ဍဲကာလမွဲအခိၚ် ခမဳဂမၠိုၚ် ပ္ဍဲလဒေါဝ်သၚ် ကယျာန်ဓဝါတ်အိုတ်ရ၊ ကတဵုဒှ်သေက်ဇဵုအိုတ်ရ၊ ဟီုသ္ဂးဂလာန်စှ်ေစးအိုတ်ရ၊ သီုမထပက်ခၠၚ်ဗၞုတ်ပါၚ်ကေုာံရၚ်သကအ်ဂှ် ပဒတဴအိုတ်ရ၊ ခမဳဂမၠိုၚ်ဂှ် ဟွံသၟဟ်ရထ တၞဟ်နကဵုလလမ်ကၠေံ အဓိကိုရ်ဂှ်အိုတ်ရ။ ပ္ဍဲအခိၚ်ဂှ် ခမဳမွဲဇကု ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ်တုဲမ္ဂး သီုမဂဇအ်ဒၟံၚ်ပ္ဍဲဒၞဲါမဗဗွဲမွဲဂှ်− “ယွံကျာ်မၞုံပိုဉ် ခမဳဂမၠိုၚ် ပ္ဍဲလဒေါဝ်သၚ် ကယျာန်ဓဝါတ်အိုတ်ရ၊ ကတဵုဒှ်သေက်ဇဵုအိုတ်ရ၊ ဟီုသ္ဂးဂလာန်စှ်ေစးအိုတ်ရ၊ သီုမထပက်ခၠၚ်ဗၞုတ်ပါၚ်ကေုာံရၚ်သကအ်ဂှ် ပဒတဴအိုတ်ရ၊ ခမဳဂမၠိုၚ်ဂှ် ဟွံသၟဟ်ရထ တၞဟ်နကဵုလလမ်ကၠေံ အဓိကိုရ်ဂှ်အိုတ်ရ။ ယွံကျာ်မၞုံပိုဉ် အာတ်ပါန်အခေါၚ်ရ၊ တဳလမၞုံပိုဉ်ကျာ်တြဲ သ္ပဟိုတ်ကဵုဓရ်ဇြဟာန်ဆာန်ဍူတုဲ ဩဝ်က္ညပြာပ်အာဇရေၚ်ခမဳဂမၠိုၚ်ဂှ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲ နမဒၟံၚ်ထောံသ္ၚိတ်သ္ၚိတ်ဂှ် ဒုၚ်ကေတ်တဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ က္ညပြာပ်အာဇရေၚ် ခမဳဂမၠိုၚ်ဂှ်တုဲမ္ဂး ဂဇအ်ဖျေံပ္ဍဲသၞာမလးပညပ်လဝ်တုဲ “ယွံခမဳတအ် ဟွံဗဗွဲရ၊ လ္ပကယျာန်ဓဝါတ်အိုတ်ညိ၊ လ္ပကတဵုဒှ်သေက်ဇဵုအိုတ်ညိ၊ လ္ပပွမစှ်ေစးကဵုဇိုၚ်တဲအိုတ်ညိ” ရဴဝွံ ဟီုသ္ဂးကဵု ခမဳဂမၠိုၚ်ဂှ်ရ။ ဟီုသ္ဂး ရဴသာ်ဝွံမ္ဂး ခမဳ ‘အဓမ္မဝါဒဳ’ မလေပ်သ္ဂးဟွံဓရ်မွဲဇကုဂှ် “ယွံကျာ်မၞုံပိုဉ် တဳလမၞုံပိုဉ်ကျာ်တြဲမဒှ်တၠဓရ်ဂှ် ဩဝ်လၟတ်မၚ်ဒၟံၚ်ညိကၠာ၊ ယွံကျာ်မၞုံပိုဉ် တဳလမၞုံပိုဉ်ကျာ်တြဲဂှ် ဗွဲမသက္ကုဂဝိၚ် သီုမပတိတ်ဇြဟတ် ပွမပဒတဴဗွဲတသိုခ် ပ္ဍဲဂတမတ်ဂှ် ဩဝ်ပဒတဴညိ၊ ပိုဲဍိက်တအ်ညးဂမၠိုၚ် နပွမကယျာန်ဓဝါတ် ပွမကတဵုဒှ်သေက်ဇဵု ပွမစှ်ေစးကဵုဇိုၚ်တဲဂှ် ကြက်ပြာကဋ်အိုတ်ပၠန်ရ” ရဴဝွံ ဂရၚ်ပတီတဳလမၞုံပိုဉ်ကျာ်တြဲရ။ တဳလမၞုံပိုဉ်ကျာ်တြဲဂှ် “ယွံခမဳတအ် ဟွံဗဗွဲရ၊ လ္ပကယျာန်ဓဝါတ်အိုတ်ညိ၊ လ္ပကတဵုဒှ်သေက်ဇဵုအိုတ်ညိ၊ လ္ပပွမစှ်ေစးကဵုဇိုၚ်တဲအိုတ်ညိ” ရဴဝွံ မရနုက်ကဵုၜါဝါလေဝ် ဟီုသ္ဂးကဵု ခမဳဂမၠိုၚ်ဂှ်ရ။ ခမဳအဓမ္မဝါဒဳဂှ်လေဝ် “ယွံကျာ်မၞုံပိုဉ် တဳလမၞုံပိုဉ်ကျာ်တြဲမဒှ်တၠဓရ်ဂှ် ဩဝ်လၟတ်မၚ်ဒၟံၚ်ညိကၠာ၊ ယွံကျာ်မၞုံပိုဉ် တဳလမၞုံပိုဉ်ကျာ်တြဲဂှ် ဗွဲမသက္ကုဂဝိၚ် သီုမပတိတ်ဇြဟတ် ပွမပဒတဴဗွဲတသိုခ် ပ္ဍဲဂတမတ်ဂှ် ဩဝ်ပဒတဴညိ၊ ပိုဲဍိက်တအ်ညးဂမၠိုၚ် နပွမကယျာန်ဓဝါတ် ပွမကတဵုဒှ်သေက်ဇဵု ပွမစှ်ေစးကဵုဇိုၚ်တဲဂှ် ကြက်ပြာကဋ်အိုတ်ပၠန်ရ” ရဴဝွံ မရနုက်ကဵုၜါဝါလေဝ် ဂရၚ်ပတီတဳလမၞုံပိုဉ်ကျာ်တြဲရ။
၂၇၂။ ဝတ္ထုဒဳဃာဝု
[ပလေဝ်ဒါန် | ပလေဝ်ဒါန် တမ်ကၞက်]၄၅၈။ ၄၅၉။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ကော်လၟိၚ်တိုန် ခမဳဂမၠိုၚ်ရ၊ “ယွံခမဳတအ် ကေၚ်ဒှ်ကၠုၚ် ပ္ဍဲကိုပ်ကၠာတေံတုန် ပ္ဍဲဍုၚ်ဗာရာဏသဳ သၟိၚ်ကာသိမၞုံယၟုဗြဟ္မဒတ္တ သ္ဂေဟ်သွဟ်တုဲ မၞုံကဵုဂြပ်ရတ်ပိုဉ်ဟာန်ဘိုဂ်ဘဂၠိုၚ်ရ၊ ပၞာန်ဗိုလ်လဗး စိၚ်ချေံရထာဂၠိုၚ်ဂၠၚ်လေဝ် နွံရ၊ တွဵုရး ဍုၚ်ဇၞော်လှဲတုဲ တိုက်ဂြပ်ဟၚ်စာတ်မပေၚ်လေဝ် နွံရ။ သၟိၚ်ကောသလ မၞုံယၟုဒဳဃိတိတုန် ဝါတ်ဂါတ်တုဲ မၞုံကဵုဂြပ်ရတ်ပိုဉ်ဟာန်ဘိုဂ်ဘဂ်အောန်ရ၊ မၞုံကဵုပၞာန်ဗိုလ်လဗး စိၚ်ချေံရထာအောန်ရ၊ တွဵုရ:ဍုၚ် ဍောတ်တုဲ တိုက်ဂြပ်ဟၚ်စာတ်ဟွံပေၚ်ရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တ ကဵုစဳရေၚ်ပဠေဝ် ဒပ်ပၞာန်မၞုံအၚ်္ဂပန်ပြကာတုဲ ဇက်တိတ်တူရူအာကဵု ဍုၚ်သၟိၚ်ကောသလမၞုံယၟုဒဳဃိတိရ။ ယွံခမဳတအ် “သၟိၚ်ကာသိမၞုံယၟုဗြဟ္မဒတ္တ ကဵုစဳရေၚ်ပဠေဝ် ဒပ်ပၞာန်မၞုံအၚ်္ဂပန်ပြကာတုဲ ဇက်တိတ်တူရူ ကၠုၚ်ကဵုဍုၚ်အဲရဂး” ရဴဝွံ သၟိၚ်ကောသလမၞုံယၟုဒဳဃိတိ ဂွံမိၚ်ကေတ်ရ။ ယွံခမဳတအ် ပ္ဍဲအခိၚ်ဂှ် “သၟိၚ်ကာသိမၞုံယၟုဗြဟ္မဒတ္တတုန် သ္ဂေဟ်သွဟ်တုဲ မၞုံကဵုဂြပ်ရတ်ပိုဉ်ဟာန်ဘိုဂ်ဘဂ်ဂၠိုၚ်ရ၊ မၞုံကဵုပၞာန်ဗိုလ်လဗး စိၚ်ချေံရထာဂၠိုၚ်ဂၠၚ်ရ၊ တွဵုရးဍုၚ်ဇၞော်လှဲတုဲ မၞုံကဵုတိုက်ဂြပ်ဟၚ်စာတ်မပေၚ်ရ။ အဲတုန် ဝါတ်ဂါတ်တုဲ မၞုံကဵုဂြပ်ရတ်ပိုဉ်ဟာန်ဘိုဂ်ဘဂ်အောန်ရ၊ မၞုံကဵုပၞာန်ဗိုလ်လဗး စိၚ်ချေံရထာအောန်ရ၊ တွဵုရ:ဍုၚ်ဍောတ်တုဲ တိုက်ဂြပ်ဟၚ်စာတ်ဟွံပေၚ်ရ၊ အဲ ပွမထပက်ပၞာန်မွဲအလန်ဟေၚ် ကေုာံသၟိၚ်ကာသိမၞုံယၟုဗြဟ္မဒတ္တဂှ် ဟွံသၟဟ်ရထတၞဟ်နဒုၚ်ဒဝ်ရ၊ ပြဟ်ပြဟ်ဟေၚ် အဲဂွံဂြိပ်ဒဴတိတ်နူဍုၚ်မ္ဂး ခိုဟ်သန်ရ” ရဴဝွံ ကသပ်ဒှ် ကုသၟိၚ်ကောသသမၞုံယၟုဒဳဃိတိရ။ ယွံခမဳတအ် ပ္ဍဲအခိၚ်ဂှ် သၟိၚ်ကောသလမၞုံယၟုဒဳဃိတိ ကော်ဂွံဂၞကျာ်ဇၞော်တုဲ ပြဟ်ပြဟ်ဟေၚ် ဂြိပ်ဒဴတိတ်နူဍုၚ်ရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တ အံၚ်ဇၞးကေတ်ပၞာန်ဗိုလ်လဗး စိၚ်ချေံရထာ ကေုာံဇနပိုဒ်ကီု တိုက်ဂြပ်ဟၚ်စာတ်ကီု သၟိၚ်ကောသလမၞုံယၟုဒဳဃိတိဂှ်တုဲ အုပ်ဓုပ်ပိုၚ်ပြဳဒၟံၚ်ရ။ ယွံခမဳတအ် ပ္ဍဲအခိၚ်ဂှ် သၟိၚ်ကောသလမၞုံယၟုဒဳဃိတိ မွဲဟာန်ကေုာံဂၞကျာ် စ္ဍ:အာမ္ဂးစိုပ်ကၠုၚ်ဍုၚ်ဗာရာဏသဳရ။ ယွံခမဳတအ် ပ္ဍဲအခိၚ်ဂှ် သၟိၚ်ကောသလမၞုံယၟုဒဳဃိတိ မွဲဟာန်ကေုာံဂၞကျာ် ဗိုက်ကေတ်ယာတ်လတက် ခမဳပြဘာဇ်တုဲ နလွေဟ်အယောၚ်အလာဟွံပြာကဋ်ပဒတဴဒၟံၚ် ပ္ဍဲသ္ၚိသၟာလၟာန်နုၚ် မၞုံပ္ဍဲဌာန်မဒှ်တၞုၚ်တၞးဍုၚ်ဗာရာဏသဳရ။ ယွံခမဳတအ် ပ္ဍဲအခိၚ်ဂှ် ဂၞကျာ်ဇၞော် သၟိၚ်ကောသလမၞုံယၟုဒဳဃိတိဂှ် ခြာဟွံလအ်ဟေၚ် ဂွံအာဂၠမ်ဂဝ်ရ။ အၚပ် ‘ပွမရာဒနာ’ မၞုံသဘဴရဴဝွံ ကတဵုဒှ်ကၠုၚ် ကုဂၞကျာ်ဇၞော်ဂှ်ရ၊ “အခိၚ်သၟိၚ်တ္ၚဲတိုန်ကၠုၚ် တၞဟ်နပွမဗဵုသ္ၚေဝ် ပၞာန်မၞုံကဵုအၚ်္ဂပန်ပြကာ မကျိုၚ်လဝ်လွဟ်လနက် မလတက်လဝ်ကယျိုၚ်ခြပ် သီုမတန်တဴဒၟံၚ် ပ္ဍဲဂၠးတိမညဳသာသၟဟ်သၟန်ကီု တၞဟ်နပွမသုၚ် ဍာ်ကြာတ်သၞာ်ကီု မၞုံပၟိက်ရ”။ ယွံခမဳတအ် ပ္ဍဲအခိၚ်ဂှ် ဂၞကျာ်ဇၞော်သၟိၚ်ကောသလမၞုံယၟုဒဳဃိတိဂှ်− ယွံတၠညးသၟိၚ်ဇၞော် အဲဍိက်မၞုံကဵုဂၠမ်ဂဝ်ရ၊ ကုအဲဍိက်ဂှ် အၚပ် ‘ပွမရာဒနာ’ မၞုံသဘဴရဴဝွံ ကတဵုဒှ်ကၠုၚ်ရ၊ “အခိၚ်သၟိၚ်တ္ၚဲတိုန်ကၠုၚ် တၞဟ်နပွမဗဵုသ္ၚေဝ် ပၞာန်မၞုံကဵုအၚ်္ဂပန်ပြာကာ မကျိုၚ်လဝ်လွဟ်လနက် မလတက်လဝ်ကယျိုၚ်ခြပ် သီုမတန်တဴဒၟံၚ် တၞဟ်နပွမသုၚ် ဍာ်ကြာတ်သၞာ်ကီု မၞုံပၟိက်ရ” ရဴဝွံ ဟီုသ္ဂးကဵုသၟိၚ်ကောသလမၞုံယၟုဒဳဃိတိရ။ ယွံဂၞကျာ် ကုပိုဲညးဂမၠိုၚ် မအာစိုပ်ဒၟံၚ်ဒဒိုခ်ဂှ် ပသာ်ဂွံကလိဂွံ ပၞာန်မၞုံကဵုအၚ်္ဂပန်ပြကာ မကျိုၚ်လဝ်လွဟ်လနက် မလတက်လဝ်ကယျိုၚ်ခြပ် သီုမတန်တဴဒၟံၚ် ပ္ဍဲဂၠးတိမညဳသာသၟဟ်သၟန်ရော? ရဴဝွံ (သၟိၚ်ဇၞော် ဟီုသ္ဂးရ)။ ယွံတၠညးသၟိၚ်ဇၞော် ယဝ်ဟွံကလိဂွံမ္ဂး အဲဍိက် ကြက်ဒးချိုတ်ရ ရဴဝွံ (သ္ဂးရ)။
၄၅၉။ ပ္ဍဲအဃောအခိၚ်ဂှ် ဗဗၞးပြောဟိတ် သၟိၚ်ကာသိမၞုံယၟုဗြဟ္မဒတ္တဂှ် ဒှ်ဒၟံၚ်မိတ်သဟာဲ သၟိၚ်ကောသလမၞုံယၟုဒဳဃိတိရ။ ယွံခမဳတအ် ပ္ဍဲအခိၚ်ဂှ် သၟိၚ်ကောသလမၞုံယၟုဒဳဃိတိ ပြာပ်အာဇရေၚ် ဗဗၞးပြောဟိတ် သၟိၚ်ကာသိမၞုံယၟုဗြဟ္မဒတ္တတုဲမ္ဂး ယွံသဟာဲ ဂၞကျာ်ဇၞော် ပြောဲတၠအဲဂှ် မၞုံကဵုဂၠမ်ဂဝ်ရ၊ ကုဂၞကျာ်ဇၞော်ဂှ် အၚပ်မၞုံသဘဴရဴဝွံ ကတဵုဒှ်ကၠုၚ်ရ။ “အခိၚ်သၟိၚ်တ္ၚဲတိုန်ကၠုၚ် တၞဟ်နပွမဗဵုသ္ၚေဝ် ပၞာန်မၞုံကဵုအၚ်္ဂပန်ပြာကာ မကျိုၚ်လဝ်လွဟ်လနက် မလတက်လဝ်ကယျိုၚ်ခြပ် သီုမတန်တဴဒၟံၚ် တၞဟ်နပွမသုၚ် ဍာ်ကြာတ်သၞာ်ကီု မၞုံပၟိက်ရ” ရဴဝွံ ဟီုသ္ဂးရ။ ယွံတၠညးသၟိၚ်ဇၞော် ဒှ်သာ်ဂှ်မ္ဂး ပိုဲညးဂမၠိုၚ် မၠာ်သ္ၚေဝ်ရံၚ် ဂၞကျာ်ဇၞော်အိုတ်ရ ရဴဝွံ (သ္ဂးရ)။ ယွံခမဳတအ် ပ္ဍဲအခိၚ်ဂှ် ဂၞကျာ်ဇၞော် သၟိၚ်ကောသလမၞုံယၟုဒဳဃိတိရ ပြာပ်အာဇရေၚ် ဗဗၞးပြောဟိတ် သၟိၚ်ကာသိမၞုံယၟုဗြဟ္မဒတ္တရ။ ယွံခမဳတအ် ဗဗၞးပြောဟိတ် သၟိၚ်ကာသိမၞုံယၟုဗြဟ္မဒတ္တ ညာတ်ကေတ် ဂၞကျာ်ဇၞော် သၟိၚ်ကောသလမၞုံယၟုဒဳဃိတိ ကၠုၚ်ဒၟံၚ်နူဇမ္ၚောဲတုဲ ဒၠိုက်ကတဵုနူဒၞဲါတုဲမ္ဂး လ္ၜက်ကၠေဟ်ပတိုန် ယာတ်ကၞေဟ်လတူ ပ္ဍဲလတူပၞးတုဲ ပၚ်တဲလၟောဝ်ဏာ ဌာန်ဂၞကျာ်ဇၞော် သၟိၚ်ကောသလမၞုံယၟုဒဳဃိတိ နွံတေံတုဲ “ယွံသကအ်တအ် ကောန်ၚာ်တန်တဴဒၟံၚ် ပ္ဍဲဗုၚ်ဂၞဴဂှ် ဒှ်သၟိၚ်ကောသရသွံ၊ ကောန်ၚာ်တန်တဴဒၟံၚ် ပ္ဍဲဗုၚ်ဂၞဴဂှ် ဒှ်သၟိၚ်ကောသလရသွံ” ရဴဝွံ ကြီုဂအောတ်တိုန်ဥဒါန် ဗၞတ်ပိဝါရ။ ယွံဂၞကျာ်ဇၞော် ဩဝ်မိပ်စိုတ်အိုဟ်တၟိုဟ်ညိ၊ အခိၚ်သၟိၚ်တ္ၚဲတိုန်ကၠုၚ် ကြက်ကလိဂွံဗဵုသ္ၚေဝ် ပၞာန်မၞုံကဵုအၚ်္ဂပန်ပြကာ မကျိုၚ်လဝ်လွဟ်လနက် မလတက်လဝ်ကယျိုၚ်ခြပ် သီုမတန်တဴဒၟံၚ် ပ္ဍဲဂၠးတိမညဳသာသၟဟ်သၟန်ရ၊ ဍာ်ကြာတ်သၞာ်လေဝ် ကြက်ဂွံသုၚ်ရ ရဴဝွံ ( ဒုၚ်ဝန်ရ)။ ယွံခမဳတအ် ပ္ဍဲအခိၚ်ဂှ် ဗဗၞးပြောဟိတ် သၟိၚ်ကာသိမၞုံယၟုဗြဟ္မဒတ္တဂှ် ပြာပ်အာဇရေၚ် သၟိၚ်ကာသိမၞုံယၟုဗြဟ္မဒတ္တတုဲမ္ဂး “ယွံတၠညးသၟိၚ်ဇၞော် အတိုၚ်ဂရၚ်ပတီတိုန်ဂှ် နိမိတ်ဂမၠိုၚ် ပြာကဋ်ကၠုၚ်အိုတ်ရ၊ တ္ၚဲယး အခိၚ်သၟိၚ်တ္ၚဲတိုန်ကၠုၚ် ဩဝ်ပၞာန်မၞုံကဵုအၚ်္ဂပန်ပြကာ မကျိုၚ်လဝ်လွဟ်လနက် မလတက်လဝ်ကယျိုၚ်ခြပ် သီုမတန်တဴဒၟံၚ် ပ္ဍဲဂၠးတိမညဳသာသၟဟ်သၟန်ညိ၊ သၞာ်ဂမၠိုၚ်လေဝ် ဩဝ်ကြာတ်အိုတ်ညိ” ရဴဝွံ ဂရၚ်ပတီရ။ ယွံခမဳတအ် ပ္ဍဲအခိၚ်ဂှ် “သၟိၚ်ကာသိမၞုံယၟုဗြဟ္မဒတ္တဝွံ ညးသ္ပကဵုလလေၚ်ဖဵု ပိုဲညးဂမၠိုၚ်မဂၠိုၚ်ရ၊ သၟိၚ်ဝွံ ပၠံၚ်ၜးသီကေတ် ပၞာန်ဗိုလ်လဗး စိၚ်ချေံရထာ ကေုာံဇနပိုဒ်ကီု တိုက်ဂြပ်ဟၚ်စာတ် ပိုဲညးဂမၠိုၚ်ရ၊ သၟိၚ်ဝွံ ယဝ်ဂွံအာပိုဲညးဂမၠိုၚ်မ္ဂး၊ ကြက်ကဵုဂစိုတ်ကၠေံ ပိုဲတအ်သီုညးပိတၠရ၊ သ္ဂောံကဵုကောန်သၟိၚ်ဗၠာဲဒဳဃာဝု ပဒတဴပ္ဍဲမ္ၚးဍုၚ်မ္ဂး ခိုဟ်သန်ရ” ရဴဝွံ ကသပ်ဒှ် ကုသၟိၚ်ကောသလမၞုံယၟုဒဳဃိတိရ။ ယွံခမဳတအ် ပ္ဍဲအခိၚ်ဂှ် သၟိၚ်ကောသလမၞုံယၟုဒဳဃိတိ ကဵုကောန်သၟိၚ်ဗၠာဲဒဳဃာဝု ပဒတဴပ္ဍဲမ္ၚးဍုၚ်ရ။ ယွံခမဳတအ် ပ္ဍဲအခိၚ်ဂှ် ကောန်သၟိၚ်ဗၠာဲဒဳဃာဝု သီုမပဒတဴဒၟံၚ်မ္ၚးဍုၚ်ဂှ် ခြာဟွံလအ်ဟေၚ် ဂိုၚ်ကေတ်ကွတ်အလုံအိုတ်သီုရ။
၄၆၀။ ပ္ဍဲအခိၚ်ဂှ် သၟာဆတ္တာ သၟိၚ်ကောသလမၞုံယၟုဒဳဃိတိဂှ် ပဒတဴဒၟံၚ် ပ္ဍဲဇရေၚ်သၟိၚ်ကာသိမၞုံယၟုဗြဟ္မဒတ္တရ၊ ယွံခမဳတအ် ပ္ဍဲအခိၚ်ဂှ် သၟာဆတ္တာ သၟိၚ်ကောသလမၞုံယၟုဒဳဃိတိဂှ် ညာတ်ဒး သၟိၚ်ကောသလမၞုံယၟုဒဳဃိတိ မွဲဟာန်ကေုာံဂၞကျာ် ဗိုက်ကေတ်ယာတ်လတက် ခမဳပြဘာဇ်တုဲ နလွေဟ်အယောၚ်အလာဟွံပြာကဋ် ပဒတဴဒၟံၚ် ပ္ဍဲသ္ၚိသၟာလၟာန်နုၚ် မၞုံပ္ဍဲဌာန်မဒှ်တၞုၚ်တၞး ဍုၚ်ဗာရသဳမ္ဂးမ္ဂး ပြာပ်အာဇရေၚ် သၟိၚ်ကာသိမၞုံယၟုဗြဟ္မဒတ္တတုဲမ္ဂး “ယွံတၠညးသၟိၚ်ဇၞော် သၟိၚ်ကောသလမၞုံဒဳဃိတိ မွဲဟာန်ကေုာံဂၞကျာ် ဗိုက်ကေတ်ယာတ်လတက် ခမဳပြဘာဇ်တုဲ နလွေဟ်အယောၚ်အလာဟွံပြာကဋ် ပဒတဴဒၟံၚ် ပ္ဍဲသ္ၚိသၟာလၟာန်နုၚ် မၞုံပ္ဍဲဌာန်မဒှ်တၞုၚ်တၞး ဍုၚ်ဗာရာဏသဳရ” ရဴဝွံ ဂရၚ်ပတီရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တဂှ် “ယွံသကအ်တအ် ဒှ်သာ်ဂှ်မ္ဂး ဩဝ်ရၚ်တၠုၚ်နၚ် သၟိၚ်ကောသလမၞုံယၟုဒဳဃိတိ မွဲဟာန်ကေုာံဂၞကျာ်အိုတ်ညိ” ရဴဝွံ ဖအောဝ်စကာမၞိဟ်ဂမၠိုၚ်ရ။ ယွံခမဳတအ် “ယွံတၠညးသၟိၚ်ဇၞော် ခိုဟ်သန်ရ” ရဴဝွံ မၞိဟ်ဂမၠိုၚ်ဂှ် ဒုၚ်ဝန်ကုသၟိၚ်ကာသိမၞုံယၟုဗြဟ္မဒတ္တတုဲမ္ဂး ရၚ်တၠုၚ်နၚ် သၟိၚ်ကောသလမၞုံယၟုဒဳဃိတိ မွဲဟာန်ကေုာံဂၞကျာ်အိုတ်ရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တဂှ် “ယွံသကအ်တအ် ဒှ်သာ်ဒှ်မ္ဂး ကၠေၚ်ဒက်ဗၠန်တဲ သၟိၚ်ကောသလမၞုံယၟုဒဳဃိတိ မွဲဟာန်ကေုာံဂၞကျာ် နကဵုဇုက်မခိုၚ်ကၠိုက်ဗိုန်ဗတ်တုဲ ကးတ္ၚာတ်က္ဍိုပ် နကဵုၜုန်သော်တုဲမ္ဂး တက်ဗရိၚ်အာဖမ်ဖဏမ်ရမျာၚ်သကာတ်မြဟ်တုဲ ရၚ်တၠုၚ်ဗ္ဂေတ်ဏာ နူသဗာန်ဍာန်ဇၞော်မွဲကဵု သဗာန်ဍာန်ဇၞော်မွဲ နူဂၠံၚ်တရဴသွာၚ်မွဲကဵု ဂၠံၚ်တရဴသွာၚ်မွဲတုဲ ကဵုတိတ်နတြၚ်သၠုၚ်ကျာတုဲမ္ဂး ကုတ်ထပိုတ်ပန်ဒကုတ် ပ္ဍဲဒိုဟ်သၠုၚ်သျာဍုၚ်တုဲ (သ္ပ) ဖအုံကၠေံပန်ဖအုံတုဲ ဩဝ်ဗိုတ်ကၠဟ်ထောံ ပ္ဍဲဒိုဟ်ပန်ဂမၠိုၚ်အိုတ်ညိ” ရဴဝွံ ဖအောဝ်စကာမၞိဟ်ဂမၠိုၚ်ရ။ ယွံခမဳတအ် မၞိဟ်ဂမၠိုၚ်ဂှ် “ယွံတၠညးသၟိၚ်ဇၞော် ခိုဟ်သန်ရ” ရဴဝွံ ဒုၚ်ဝန်ကုသၟိၚ်ကာသိမၞုံယၟုဗြဟ္မဒတ္တတုဲမ္ဂး ကၠေၚ်ဒက်ဗၠန်တဲ သၟိၚ်ကောသလမၞုံယၟုဒဳဃိတိ မွဲဟာန်ကေုာံဂၞကျာ် နကဵုဇုက်မခိုၚ်ကၠိုက်ဗိုန်ဗတ်တုဲ ကးတ္ၚာတ်က္ဍိုပ် နကဵုၜုန်သော်တုဲမ္ဂး တက်ဗရိၚ်အာဖမ်ဖဏမ်ရမျာၚ်သကာတ်မြဟ်တုဲ ရၚ်တၠုၚ်ဗ္ဂေတ်ဏာ နူသဗာန်ဍာန်ဇၞော်မွဲကဵု သဗာန်ဍာ်ဇၞော်မွဲ နူဂၠံၚ်တရဴသွာၚ်မွဲဂှ် ဂၠံၚ်တရဴသွာၚ်မွဲအိုတ်ရ။ ယွံခမဳတအ် ပ္ဍဲအခိၚ်ဂှ် “အဲ ဟဂွံဆဵုညာတ်မိမဂမၠိုၚ် လအ်လောန်ရသွံ၊ အဲဂွံအာဆဵုညာတ်ကဵုမိမဂမၠိုၚ်မ္ဂး ခိုဟ်သန်ရ” ရဴဝွံ ကသပ်ဒှ် ကုကောန်သၟိၚ်ဗၠာဲဒဳဃာဝုရ။ ယွံခမဳတအ် ပ္ဍဲအခိၚ်ဂှ် ကောန်သၟိၚ်ဗၠာဲဒဳဃာဝု လုပ်အာဍုၚ်ဗာရာဏသဳမ္ဂး မိမဂမၠိုၚ် ကၠေၚ်ဒက်ဗၠန်တဲ နကဵုဇုက်မခိုၚ်ကၠိုက်ဗိုန်ဗတ်တုဲ ကးတ္ၚာတ်က္ဍိုပ် နကဵုၜုန်သော်တုဲမ္ဂး တက်ဗရိၚ်အာဖမ်ဖဏမ်ရမျာၚ်သကာတ်မြဟ်တုဲ မဂပ်ဝ်ရၚ်တၠုၚ်ဗ္ဂေတ်ဏာ နူသဗာန်ဍာန်ဇၞော်မွဲကဵု သဗာန်ဍာ်ဇၞော်မွဲ နူဂၠံၚ်တရဴသွာၚ်မွဲဂှ် ဂၠံၚ်တရဴသွာၚ်မွဲတုဲ ပြာပ်အာဇရေၚ် မိမဂမၠိုၚ်ရ။ ယွံခမဳတအ် သၟိၚ်ကောသလမၞုံယၟုဒဳဃိတိ ညာတ်ဒး ကၠောန်သၟိၚ်ဗၠာဲဒဳဃာဝု ကၠုၚ်ဒၟံၚ်နူဇမ္ၚောဲတုဲ “ယွံကောန်သ္ဍိုက်ဆာန်ဒဳဃာဝု တၠအဲ လ္ပရံၚ်ဂၠိၚ်ညိ၊ ဂၠေံဂၠေံလေဝ် လ္ပရံၚ်ညိ၊ ယွံကောန်သ္ဍိုၚ်ဆာန်ဒဳဃာဝု နပွမပလန်သၞဝဲဂှ် သၞဝဲဂမၠိုၚ် ဟွံလလမ်အိုတ်ရ၊ ယွံကောန်သ္ဍိုက်က်ဆာန်ဒဳဃာဝု ဟွံပလန်သၞဝဲဟေၚ်မှ သၞဝဲဂမၠိုၚ် လလမ်အိုတ်ရ” ရဴဝွံ ဟီုသ္ဂးကဵုကောန်သၟိၚ်ဗၠာဲဒဳဃာဝုရ။ ယွံခမဳတအ် ဟီုသ္ဂးရဴဝွံမ္ဂး မၞိဟ်ဂမၠိုၚ် “သၟိၚ်ကောသလမၞုံယၟုဒဳဃိတိဝွံ ကြအ်တုဲ ဟီုမံၚ်နးပးရ။ ဒဳဃာဝု သၟိၚ်ကောသလဝွံတုန် ညးဍေံရော? သၟိၚ်ကောသလဝွံ မုရဴညးမွဲ ယွံကောန်သ္ဍိုက်ဆာန်ဒဳဃာဝု တၠအဲ လ္ပရံၚ်ဂၠိဂၠိညိ၊ ဂၠေံဂၠေံလေဝ် လ္ပရံၚ်ညိ၊ ယွံကောန်သ္ဍိုက်ဆာန်ဒဳဃာဝု နပွမပလန်သၞဝဲဂှ် သၞဝဲဂမၠိုၚ် ဟွံလလမ်အိုတ်ရ၊ ယွံကောန်သ္ဍိုက်က်ဆာန်ဒဳဃာဝု ဟွံပလန်သၞဝဲဟေၚ်မှ သၞဝဲဂမၠိုၚ် လလမ်အိုတ်ရ” ရဴဝွံ ဟီုသ္ဂးဒၟံၚ်ရော? ရဴဝွံ ဟီုသ္ဂးကဵုသၟိၚ်ကောသလမၞုံယၟုဒဳဃိတိအိုတ်ရ။ ယွံမၞးတအ် အဲ ကြအ်တုဲ ဟီုမံၚ်နးပးဟွံသေၚ်ရ၊ ဗွဲစၟတ်တုန် ညးမၞုံကဵုပညာဂှ် ကြက်တီရ ရဴဝွံ ဟီုသ္ဂးရ။ ယွံခမဳတအ် မရနုက်ကဵုၜါဝါလေဝ် ။ ပ ။ ယွံခမဳတအ် သၟိၚ်ကောသလမၞုံယၟုဒဳဃိတိဂှ် “ယွံကောန်သ္ဍိုက်ဆာန်ဒဳဃာဝု တၠအဲ လ္ပရံၚ်ဂၠိၚ်ညိ၊ ဂၠေံဂၠေံလေဝ် လ္ပရံၚ်ညိ၊ ယွံကောန်သ္ဍိုၚ်ဆာန်ဒဳဃာဝု နပွမပလန်သၞဝဲဂှ် သၞဝဲဂမၠိုၚ် ဟွံလလမ်အိုတ်ရ၊ ယွံကောန်သ္ဍိုက်က်ဆာန်ဒဳဃာဝု ဟွံပလန်သၞဝဲဟေၚ်မှ သၞဝဲဂမၠိုၚ် လလမ်အိုတ်ရ” ရဴဝွံ မရနုက်ကဵုပိဝါလေဝ် ဟီုသ်ဂးကဵုကောန်သၟိၚ်ဗၠာဲဒဳဃာဝုရ။ ယွံခမဳတအ် မၞိဟ်ဂမၠိုၚ် “သၟိၚ်ကောသလမၞုံယၟုဒဳဃိတိဝွံ ကြအ်တုဲ ဟီုမံၚ်နးပးရ။ ဒဳဃာဝု သၟိၚ်ကောသလဝွံတုန် ညးဍေံရော? သၟိၚ်ကောသလဝွံ မုရဴညးမွဲ ယွံကောန်သ္ဍိုက်ဆာန်ဒဳဃာဝု တၠအဲ လ္ပရံၚ်ဂၠိၚ်ညိ၊ ဂၠေံဂၠေံလေဝ် လ္ပရံၚ်ညိ၊ ယွံကောန်သ္ဍိုက်ဆာန်ဒဳဃာဝု နပွမပလန်သၞဝဲဂှ် သၞဝဲဂမၠိုၚ် ဟွံလလမ်အိုတ်ရ၊ ယွံကောန်သ္ဍိုက်ဆာန်ဒဳဃာဝု ဟွံပလန်သၞဝဲဟေၚ်မှ သၞဝဲဂမၠိုၚ် လလမ်အိုတ်ရ” ရဴဝွံ ဟီုသ္ဂးဒၟံၚ်ရော? ရဴဝွံ မရနုက်ကဵုပိဝါလေဝ် ဟီုသ္ဂးကဵုသၟိၚ်ကောသလမၞုံယၟုဒဳဃိတိအိုတ်ရ။ ယွံမၞးတအ် အဲ ကြအ်တုဲ ဟီုမံၚ်နးပးဟွံသေၚ်ရ၊ ဗွဲစၟတ်တုန် ညးမၞုံကဵုပညာဂှ် ကြက်တီရ ရဴဝွံ ဟီုသ္ဂးရ။ ယွံခမဳတအ် ပ္ဍဲအခိၚ်ဂှ် မၞိဟ်ဂမၠိုၚ် ရၚ်တၠုၚ်ဗ္ဂေတ်ဏာ သၟိၚ်ကောသလမၞုံယၟုဒဳဃိတိ မွဲဟာန်ကေုာံဂၞကျာ် နူသဗာန်ဍာန်ဇၞော်မွဲကဵု သဗာန်ဍာန်ဇၞော်မွဲ နူဂၠံၚ်တရဴသွာၚ်မွဲကဵု ဂၠံၚ်တရဴသွာၚ်မွဲတုဲ ကဵုတိတ်နတြၚ်သၠုၚ်ကျာတုဲမ္ဂး ကုတ်ထပိုတ်ပန်ဒကုတ် ပ္ဍဲဒိုဟ်သၠုၚ်သျာဍုၚ်တုဲ (သ္ပ) ဖအုံကၠေံပန်ဖအုံတုဲ ဖျေံစွံလဝ် ပ္ဍဲဒိုဟ်ပန်ဂမၠိုၚ်တုဲမ္ဂး စွံလဝ်ပၟၚ်ပၟဲတုဲ စ္ဍးအာအိုတ်ရ။ ယွံခမဳတအ် ပ္ဍဲအခိၚ်ဂှ် ကောန်သၟိၚ်ဗၠာဲဒဳဃာဝု လုပ်အာဍုၚ်ဗာရာဏသဳတုဲမ္ဂး ရၚ်တၠုၚ်နၚ်ဍာ်သိ (ဍာ်ဂဇဝ်) တုဲ ကဵုပၟၚ်ပၟဲဂမၠိုၚ်သုၚ်ရ။ ပၟၚ်ပၟဲဂမၠိုၚ် ဗ္ၜူဂေတ်တုဲ အခိၚ်လောတ်စှ်ေဂှ် ပကောံကေတ်အှော် သ္ပဖအုံတိုန်တုဲ ပတိုန်ဇွမိမဂမၠိုၚ် ဂအုံအှော်တုဲ စံၚ်ဗဂဵုပၟတ်တုဲမ္ဂး ပၚ်ပတိုန်သၟိပ်တဲ ဂေတ်ပဒက်သိုဏ် ဂအုံအှော်ပိဗ္ဂေတ်ရ။
၄၆၁။ ပ္ဍဲအဃောအခိၚ် သၟိၚ်ကာသိမၞုံယၟုဗြဟ္မဒတ္တ ဃောတန်တဴဒၟံၚ် ပ္ဍဲလတူပြာသာဒ်မပြဲရ။ ယွံခမဳတအ် ကုသၟိၚ်ဗြဟ္မဒတ္တ မညာတ်ဒး ကောန်သၟိၚ်ဗၠာဲဒဳဃာဝု ပၚ်ပတိုန်သၟိပ်တဲ ဂေတ်ဒၟံၚ်ပဒက်သိုဏ် ဂအုံအှော်ပိဗ္ဂေတ်ဂှ် “ညးဂှ် ကြက်ဒှ် ကဠောမိကဠောမကီု ကောန်မွဲမိသၟိၚ်ကောသမၞုံယၟုဒဳဃိတကီု အဆတ်ရ၊ ညးမမိက်ကဵုမွဲမွဲ သီုဟွံဟီုလဴကုအဲ ဒၟံၚ်အိုတ်ရသွံ၊ ဩ… ဒှ်လလေၚ်ကုအဲရ” ရဴဝွံ ကသပ်ဒှ်ရ။ ယွံခမဳတအ် ပ္ဍဲအခိၚ်ဂှ် ကောန်သၟိၚ်ဗၠာဲဒဳဃာဝု လုပ်အာဂြိုပ်တုဲမ္ဂး အတိုၚ်ပၟိက် ယာံဂတေဝ်လရိုအ်ကရဳကရောတ်တုဲပ္ဍဲကြဴ ဇိုတ်ဇွိတ်ဍာ်ရမတ် လုပ်အာဍုၚ်ဗာရာဏသဳ ပြာပ်အာဇရေၚ် ရုၚ်စိၚ် ဇရေၚ်နန်သၟိၚ်တုဲ “ယွံအ္စာ အဲဍိက် မိက်ကတ်ဗတောန်ကွတ်ရ” ရဴဝွံ သ္ဂးကဵုအ္စာစိၚ်ရ။ ယွံမၚ်ဗၠာဲ ဒှ်သာ်ဂှ်မ္ဂး ဩဝ်ကတ်ဗတောန်ညိ ရဴဝွံ (သ္ဂးရ)။ ယွံခမဳတအ် ပ္ဍဲအခိၚ်ဂှ် ကောန်သၟိၚ်ဗၠာဲဒဳဃာဝု ပ္ဍဲအခိၚ်ဖလာၚ်ယးဗ္တံ ကတဵုပြဟ်ပြဟ်တုဲ ဂယှ်ေဒၟံၚ်ဒွက် ပ္ဍဲရုၚ်စိၚ် နကဵုရမျာၚ်မသာယာရ၊ စံၚ်,ထၞလေဝ် တိၚ်ပေါဟ်ရ။ ယွံခမဳတအ် သၟိၚ်ကာသိမၞုံယၟုဗြဟ္မဒတ္တ ပ္ဍဲအခိၚ်ဖလာၚ်ဂယးဗ္တံ ကတဵုပြဟ်ပြဟ်တုဲ ဂွံမိၚ်ကေတ် ရမျာၚ်ဂယှ်ေဒွက် ရမျာၚ်တိၚ်စံၚ် နကဵုရမျာၚ်မသာယာ ပ္ဍဲရုၚ်စိၚ်တုဲ “ယွံသကအ်တအ် မုရဴညးမွဲ ပ္ဍဲအခိၚ်ဖလာၚ်ဂယးဗ္တံ ကတဵုပြဟ်ပြဟ်တုဲ ဂယှ်ေဒၟံၚ်ဒွက် ပ္ဍဲရုၚ်စိၚ် နကဵုရမျာၚ်မသာယာရော? စံၚ်,ထၞလေဝ် တိၚ်ပေါဟ်ဒၟံၚ်ရော?” ရဴဝွံ သၟာန်မၞိဟ်ဂမၠိုၚ်ရ။ ယွံတၠညးသၟိၚ်ဇၞော် သၟတ်ဗၠာဲကွးပဒတဴဇရေၚ် အ္စာစိၚ်မၞုံယၟုဝွံ ပ္ဍဲအခိၚ်ဖလာၚ်ဂယးဗ္တံ ကတဵုပြဟ်ပြဟ်တုဲ ဂယှ်ေဒၟံၚ်ဒွက် ပ္ဍဲရုၚ်စိၚ် နကဵုရမျာၚ်မသာယာရ၊ စံၚ်,ထၞလေဝ် တိၚ်ပေါဟ်ဒၟံၚ်ရ ရဴဝွံ (ဂရၚ်ပတီအိုတ်ရ)။ ယွံသကအ်တအ် ဒှ်သာ်ဂှ်မ္ဂး ဩဝ်ရၚ်တၠုၚ်ကော်နၚ် သၟတ်ဗၠာဲဂှ်အိုတ်ညိ ရဴဝွံ ဟီုကဵုအသမ်ရ။ ယွံမဳတအ် မၞိဟ်ဂမၠိုၚ်ဂှ် “ခိုဟ်သန်ရ ယွံတၠညးသၟိၚ်ဇၞော်” ရဴဝွံ ဒုၚ်ဝန်ကုသၟိၚ်ကာသိမၞုံယၟုဗြဟ္မဒတ္တတုဲမ္ဂး ရၚ်တၠုၚ်နၚ် ကောန်သၟိၚ်ဗၠာဲဒဳဃာဝုအိုတ်ရ၊ အမာံသၟတ်ဗၠာဲ တၠအဲ ပ္ဍဲအခိၚ်ဖလာၚ်ဂယးဗ္တံ ကတဵုပြဟ်ပြဟ်တုဲ ဂယှ်ေဒၟံၚ်ဒွက် ပ္ဍဲရုၚ်စိၚ် နကဵုရမျာၚ်မသာယာဟာ၊ စံၚ်,ထၞလေဝ် တိၚ်ပေါဟ်ဒၟံၚ်ဟာ ရဴဝွံ (သၟာန်ရ)။ ဍာံပြရ ယွံတၠညးသၟိၚ်ဇၞော် ရဴဝွံ (ဂရၚ်ပတီရ)။ အမာံသၟတ်ဗၠာဲ ဒှ်သာ်ဂှ် ဩဝ်ဂယှ်ေညိ၊ စံၚ်လေဝ် ဩဝ်တိၚ်ပေါဟ်ညိ ရဴဝွံ (သ္ဂးရ)။ ယွံခမဳတအ် “ခိုဟ်သန်ရ ယွံတၠညးသၟိၚ်ဇၞော်” ရဴဝွံ ကောန်သၟိၚ်ဗၠာဲဒဳဃာဝု ကဵုသၟိၚ်ကာသိမၞုံယၟုဗြဟ္မဒတ္တသ္ဍိုက်မၠိုက်ဒှ်တုဲ ဂယှ်ေဒွက် နကဵုရမျာၚ်မသာယာရ၊ စံၚ်လေဝ် တိၚ်ပေါဟ်ရ၊ “အမာဲသၟတ်ဗၠာဲ တၠအဲဩဝ်ကၠောန် ၜိုတ်ခပြာပ်စအဲညိ” ရဴဝွံ (သ္ဂးရ)။ ယွံခမဳတအ် ကောန်သၟိၚ်ဗၠာဲဒဳဃာဝုဂှ် “ခိုဟ်သန်ရ ယွံတၠညးသၟိၚ်ဇၞော်” ရဴဝွံ ဒုၚ်ဝန်ကုသၟိၚ်ကာသိမၞုံယၟုဗြဟ္မဒတ္တရ။ ယွံခမဳတအ် ပ္ဍဲအခိၚ်ဂှ် ကောန်သၟိၚ်ဗၠာဲဒဳဃာဝု ဒၠိုက်ကတဵုဗွဲကိုပ်ကၠာ သၟိၚ်ကာသိမၞုံယၟုဗြဟ္မဒတ္တတုဲ မၞုံအလေံတိက်နူလက်ကရဴရ၊ ဂွံကၠောန်သ္ပကဵုမုရော? ရဴဝွံ မၞုံအလေံပဒတဴသီုမၚ်ကလၚ်မံၚ်ရ၊ မၞုံအလေံဒ္ဂေတ်သ္ပကဵုသ္ဍိုက်မၠိုက်ရ၊ မၞုံအလေံဟီုသ္ဂးသ္ဍိုက်မၠိုက်ရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တ ခြာဟွံလအ်ဟေၚ် စွံပတန်ကောန်သၟိၚ်ဗၠာဲဒဳဃာဝု ပ္ဍဲအရာဒၞါဲဍုက်ကေတ်ဒဒှ်ေဒယှ် မဒှ်အပ္ဍဲရ။
၄၆၂။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တဂှ် “အမာံသၟတ်ဗၠာဲ ဩဝ်ဗဂန်ရထာညိ၊ အာဝေၚ်ဂြိုပ်ဒြာဲအိုတ်ရ” ရဴဝွံ သ္ဂးကဵုကောန်သၟိၚ်ဗၠာဲဒဳဃာဝုရ။ ယွံခမဳတအ် ကောန်သၟိၚ်ဗၠာဲဒဳဃာဝုဂှ် “ခိုဟ်သန်ရ ယွံတၠညးသၟိၚ်ဇၞော်” ရဴဝွံ ဒုၚ်ဝန် ကုသၟိၚ်ကာသိမၞုံယၟုဗြဟ္မဒတ္တတုဲ ဗ္ဂန်ရထာတုဲမ္ဂး “ယွံတၠညးသၟိၚ်ဇၞော် ဗ္ဂန်ရထာ တၠညးသၟိၚ်ဇၞော်တုဲရ၊ ပ္ဍဲအခိၚ်လၟုဟ် တၠညးသၟိၚ်ဇၞော် ဩဝ်တီကေတ် အခိၚ်သွက်ဂွံအာညိ၊ (သွက်ဂွံအာဂှ် ဒှ်အတိုၚ်ပၟိက်တၠညးသၟိၚ်ဇၞော်ရ)” ရဴဝွံ သ္ဂးကဵုသၟိၚ်ကောသိမၞုံယၟုဗြဟ္မဒတ္တရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တ တိုန်ဍိုက်ရထာရ၊ ကောန်သၟိၚ်ဗၠာဲဒဳဃာဝု ဗက်စဝ်ရထာရ၊ ပၞာန်ဂှ် အာမွဲဂၠံၚ်တုဲ ဗက်စဝ်ဏာညံၚ်ရထာဂွံအာမွဲဂၠံၚ်ရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တ အာစိုပ်ဇမ္ၚောဲဂှ် “အမာံသၟတ်ဗၠာဲ ဩဝ်ကလိုဟ်ရထာညိ၊ ဍောၚ်ၜိုတ်ရ၊ တိက်ဇူရ” ရဴဝွံ သ္ဂးကဵုကောန်သၟိၚ်ဗၠာဲဒဳဃာဝုရ။ ယွံခမဳတအ် ကောန်သၟိၚ်ဗၠာဲဒဳဃာဝုဂှ် “ခိုဟ်သန်ရ ယွံတၠညးသၟိၚ်ဇၞော်” ရဴဝွံ ဒုၚ်ဝန်ကုသၟိၚ်ကာသိမၞုံယၟုဗြဟ္မဒတ္တတုဲ ကလိုဟ်ရထာတုဲမ္ဂး ဂဇအ်ဒၟံၚ်ပ္ဍဲတိ နမတၚ်ထွာဲရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တ ဖျေံက္ဍိုပ်ပ္ဍဲသြိုဟ် ကောန်သၟိၚ်ဗၠာဲဒဳဃာဝုတုဲ တိက်ရ။ သၟိၚ်ဇၞော်မဍောၚ်ၜိုတ်ဂှ် နမွဲမဟုတ်ဓဝ်ဟေၚ် အာစိုပ်ပွမတိက်လှိၚ်ရ။ ယွံခမဳတအ် ပ္ဍဲအခိၚ်ဂှ် ကသပ်ရဴဝွံ ဒှ်ကၠုၚ်ကုကောန်သၟိၚ်ဗၠာဲဒဳဃာဝုရ၊ “သၟိၚ်ကာသိမၞုံယၟုဗြဟ္မဒတ္တဝွံ ညးသ္ပကဵုလလေၚ်ဖဵု ပိုဲညးဂမၠိုၚ်မဂၠိုၚ်ရ၊ သၟိၚ်ဝွံ ပၠံၚ်ၜးသီုကေတ် ပၞာန်ဗိုလ်လဗး စိၚ်ချေံရထာ ကေုာံဇနပိုဒ်ကီု တိုက်ဂြပ်ဟၚ်စာတ် ပိုဲညးဂမၠိုၚ်ရ၊ သၟိၚ်ဇၞော်ဝွံ မိမအဲဂမၠိုၚ်လေဝ် ဂစိုတ်ကၠေံရ၊ အခိၚ်ဝွံတုန် အခိၚ်အဲဒးပလန်သၞရ” ရဴဝွံ ၜေါတ်ပတိတ်သၞာ် နကၞပ်သၞာ်ရ။ ယွံခမဳတအ် ပ္ဍဲအခိၚ်ဂှ် ကသပ်ရဴဝွံ ဒှ်ကၠုၚ်ကုကောန်သၟိၚ်ဗၠာဲဒဳဃာဝုပၠန်ရ” မအံက်ဂှ် ပ္ဍဲအခိၚ်ညောန်ကဵုချိုတ် ‘ယွံကောန်သ္ဍိုက်ဆာန်ဒဳဃာဝု တၠအဲ လ္ပံရံၚ်ဂၠိၚ်ညိ၊ ဂၠေံဂၠေံလေဝ် လ္ပရံၚ်ညိ၊ ယွံကောန်သ္ဍိုက်ဆာန်ဒဳဃာဝု နပွမပလန်သၞဝဲဂှ် သၞဝဲဂမၠိုၚ် ဟွံလလမ်အိုတ်ရ၊ ယွံကောန်သ္ဍိုက်ဆာန်ဒဳဃာဝု ဟွံပလန်သၞဝဲဟေၚ်မှ သၞဝဲဂမၠိုၚ် လလမ်အိုတ်ရ’ ရဴဝွံ ဟီုဗကန်လဝ် ကဵုအဲရ၊ အဲ တၞဟ်နကလိလောန် ဂလာန်မအံက်ဂှ် ဟွံဗဗွဲရ” ရဴဝွံ ကလေၚ်ပၠုပ်သၞာ်အပ္ဍဲကၞပ်သၞာ်ပၠန်ရ။ ယွံခမဳတအ် မရနုက်ကဵုၜါဝါလေဝ် ကသပ်ရဴဝွံ ဒှ်ကၠုၚ်ကုကောန်သၟိၚ်ဗၠာဲဒဳဃာဝုပၠန်ရ၊ “သၟိၚ်ကာသိမၞုံယၟုဗြဟ္မဒတ္တဝွံ ညးသ္ပကဵုလလေၚ်ဖဵု ပိုဲညးဂမၠိုၚ်မဂၠိုၚ်ရ၊ သၟိၚ်ဝွံ ပၠံၚ်ၜးသီုကေတ် ပၞာန်ဗိုလ်လဗး စိၚ်ချေံရထာ ကေုာံဇနပိုဒ်ကီု တိုက်ဂြပ်ဟၚ်စာတ် ပိုဲညးဂမၠိုၚ်ရ၊ သၟိၚ်ဇၞော်ဝွံ မိမအဲဂမၠိုၚ်လေဝ် ဂစိုတ်ကၠေံရ၊ အခိၚ်ဝွံတုန် အခိၚ်အဲဒးပလန်သၞရ” ရဴဝွံ ၜေါတ်ပတိတ်သၞာ် နကၞပ်သၞာ်ရ။ ယွံခမဳတအ် မရနုက်ကဵုၜါဝါလေဝ် ကသပ်ရဴဝွံ ဒှ်ကၠုၚ်ကုကောန်သၟိၚ်ဗၠာဲဒဳဃာဝုပၠန်ရ” မအံက်ဂှ် ပ္ဍဲအခိၚ်ညောန်ကဵုချိုတ် ‘ယွံကောန်သ္ဍိုက်ဆာန်ဒဳဃာဝု တၠအဲ လ္ပံရံၚ်ဂၠိၚ်ညိ၊ ဂၠေံဂၠေံလေဝ် လ္ပရံၚ်ညိ၊ ယွံကောန်သ္ဍိုက်ဆာန်ဒဳဃာဝု နပွမပလန်သၞဝဲဂှ် သၞဝဲဂမၠိုၚ် ဟွံလလမ်အိုတ်ရ၊ ယွံကောန်သ္ဍိုက်ဆာန်ဒဳဃာဝု ဟွံပလန်သၞဝဲဟေၚ်မှ သၞဝဲဂမၠိုၚ် လလမ်အိုတ်ရ’ ရဴဝွံ ဟီုဗကန်လဝ် ကဵုအဲရ၊ အဲ တၞဟ်နကလိလောန် ဂလာန်မအံက်ဂှ် ဟွံဗဗွဲရ” ရဴဝွံ ကလေၚ်ပၠုပ်သၞာ်အပ္ဍဲကၞပ်သၞာ်ပၠန်ရ။ ယွံခမဳတအ် မရနုက်ကဵုပိဝါလေဝ် ကသပ်ရဴဝွံ ဒှ်ကၠုၚ်ကုကောန်သၟိၚ်ဗၠာဲဒဳဃာဝုပၠန်ရ၊ “သၟိၚ်ကာသိမၞုံယၟုဗြဟ္မဒတ္တဝွံ ညးသ္ပကဵုလလေၚ်ဖဵု ပိုဲညးဂမၠိုၚ်မဂၠိုၚ်ရ၊ သၟိၚ်ဝွံ ပၠံၚ်ၜးသီုကေတ် ပၞာန်ဗိုလ်လဗး စိၚ်ချေံရထာ ကေုာံဇနပိုဒ်ကီု တိုက်ဂြပ်ဟၚ်စာတ် ပိုဲညးဂမၠိုၚ်ရ၊ သၟိၚ်ဇၞော်ဝွံ မိမအဲဂမၠိုၚ်လေဝ် ဂစိုတ်ကၠေံရ၊ အခိၚ်ဝွံတုန် အခိၚ်အဲဒးပလန်သၞရ” ရဴဝွံ ၜေါတ်ပတိတ်သၞာ် နကၞပ်သၞာ်ရ။ ယွံခမဳတအ် မရနုက်ကဵုပိဝါလေဝ် ကသပ်ရဴဝွံ ဒှ်ကၠုၚ်ကုကောန်သၟိၚ်ဗၠာဲဒဳဃာဝုပၠန်ရ” မအံက်ဂှ် ပ္ဍဲအခိၚ်ညောန်ကဵုချိုတ် ‘ယွံကောန်သ္ဍိုက်ဆာန်ဒဳဃာဝု တၠအဲ လ္ပံရံၚ်ဂၠိၚ်ညိ၊ ဂၠေံဂၠေံလေဝ် လ္ပရံၚ်ညိ၊ ယွံကောန်သ္ဍိုက်ဆာန်ဒဳဃာဝု နပွမပလန်သၞဝဲဂှ် သၞဝဲဂမၠိုၚ် ဟွံလလမ်အိုတ်ရ၊ ယွံကောန်သ္ဍိုက်ဆာန်ဒဳဃာဝု ဟွံပလန်သၞဝဲဟေၚ်မှ သၞဝဲဂမၠိုၚ် လလမ်အိုတ်ရ’ ရဴဝွံ ဟီုဗကန်လဝ်ကဵုအဲရ၊ အဲ တၞဟ်နကလိလောန် ဂလာန်မအံက်ဂှ် ဟွံဗဗွဲရ” ရဴဝွံ ကလေၚ်ပၠုပ်သၞာ်အပ္ဍဲကၞပ်သၞာ်ပၠန်ရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တဂှ် ဖေက်ဂၟံက်သမ္ၚံက်သမ္ၚာတ် သီုစိုတ်ဟွံအး လကိုတ်ဒၟံၚ်ဖြာပ်ဖြာပ်ဒှ်တုဲ ဒၠိုက်ကတဵုဗွဲမပြဟ်ရ။ ယွံမဳတအ် ပ္ဍဲအခိၚ်ဂှ် ကောန်သၟိၚ်ဗၠာဲဒဳဃာဝုဂှ် “ယွံတၠညးသၟိၚ်ဇၞော် မုဟိုတ် တၠအဲ ဖေက်ဂၟံက် သမ္ၚံက်သမ္ၚာတ် သီုစိုတ်ဟွံအး လကိုတ်ဒၟံၚ်ဖြာပ်ဖြာပ်ဒှ်တုဲ ဒၠိုက်ကတဵုဗွဲမပြဟ်ရော?” ရဴဝွံ ဟီုသ္ဂးသၟာန်သၟိၚ်ကာသိမၞုံယၟု ဗြဟ္မဒတ္တရ။ အမာံသၟတ်ဗၠာဲ ပ္ဍဲအခိၚ်လၟုဟ် ကောန်သၟိၚ်ဗၠာဲဒဳဃာဝု မဒှ်ကောန်သၟိၚ်ကောသလမၞုံယၟုဒဳဃိတိဂှ် ဟိုတ်မထ္ဍေၚ်ဗက်အဲ နကဵုသၞာ်ရ အဲ ဖေက်ဂၟံက်သမ္ၚံသမ္ၚာတ် သီုစိုတ်ဟွံအး လကိုတ်ဒၟံၚ်ဖြာပ်ဖြာပ်ဒှ်တုဲ ဒၠိုက်ကတဵုဗွဲမပြဟ်ရ ရဴဝွံ သ္ဂးရ။ ယွံခမဳတအ် ပ္ဍဲအခိၚ်ဂှ် ကောန်သၟိၚ်ဗၠာဲဒဳဃာဝုဂှ် နကဵုတဲပါဲ ရပ်ကေတ်က္ဍိုပ် သၟိၚ်ကာသိမၞုံယၟုဗြဟ္မဒတ္တ နကဵုတဲပုၚ်ၜေါတ်ပတိတ်သၞာ်တုဲ “ယွံသၟိၚ်ဇၞော် ကောန်သၟိၚ်ဗၠာဲဒဳဃာဝု မဒှ်ကောန်သၟိၚ်ကောသလ မၞုံယၟုဒဳဃိတိဂှ်တုဲ ဒှ်အဲဟေၚ်ရ၊ တၠအဲ ညးသ္ပကဵုလလေၚ်ဖဵု ပိုဲညးဂမၠိုၚ်မဂၠိုၚ်ရ၊ တၠအဲ ပၠံၚ်ၜးသီကေတ်ပၞာန်ဗိုလ်လဗး စိၚ်ချေံရထာ ကေုာံဇနပိုဒ်ကီု တိုက်ဂြပ်ဟၚ်စာတ် ပိုဲညးဂမၠိုၚ်ရ၊ တၠအဲဟေၚ် ဂစိုတ်ထောဴ မိမအဲပၠန်ရ၊ အခိၚ်ဝွံတုန် အခိၚ်အဲဒးပလန်သၞရ” ရဴဝွံ သ္ဂးကဵုသၟိၚ်ကာသိမၞုံယၟုဗြဟ္မဒတ္တရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တ မာဖျေံက္ဍိုပ် ပ္ဍဲဇိုၚ်ကောန်သၟိၚ်ဗၠာဲဒဳဃာဝုဂမၠိုၚ်တုဲ “ယွံေကာန်သ္ဍိုက်ဒဳဃာဝု ဩဝ်ကဵုလမျီု ကုအဲညိ၊ ယွံကောန်သ္ဍိုက်ဒဳဃာဝု ဩဝ်ကဵုလမျီု ကုအြညိ” ရဴဝွံ သ္ဂးကဵုကောန်သၟိၚ်ဗၠာဲဒဳဃာဝုရ၊ အဲဍိက် သာ်လဵုဂွံသၟဟ်ရထတၞဟ်နကဵုလမျီု တၠညးသၟိၚ်ဇၞော်ရော? တၠညးသၟိၚ်ဇၞော်ဟေၚ် ဒးကဵုလမျီုအဲဍိက်ရ ရဴဝွံ (ကောန်သၟိၚ်ဗၠာဲဒဳဃာဝု သ္ဂးရ)။ ယွံကောန်သ္ဍိုက်ဒဳဃာဝု ဒှ်သာ်ဂှ်မ္ဂး တၠအဲလေဝ် ဩဝ်ကဵုလမျီုအဲညိ၊ အဲလေဝ် ကဵုလမျီု တၠအဲရ ရဴဝွံ (သ္ဂးရ)။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တ ကေုာံကောန်သၟိၚ်ဗၠာဲဒဳဃာဝုဂမၠိုၚ် ကဵုလမျီုရၚ်သကအ်အိုတ်ရ၊ တဲလေဝ် ဂန်ရပ်အိုတ်ရ၊ (သွက်ဟွံလုတ်မှာဒုဟ် ရၚ်သကအ်) ပွမဟီုချဴကတိကဝတ်သၟတ်သစ္စလေဝ် သ္ပအိုတ်ရ၊ ယွံခမဳတအ် ပ္ဍဲအခိၚ်ဂှ် သၟိၚ်ကာသိ မၞုံယၟုဗြဟ္မဒတ္တဂှ် “ယွံကောန်သ္ဍိုက်ဒဳဃာဝု ဒှ်သာ်ဂှ်မ္ဂး ဩဝ်ဗ္ဂန်ရထာညိ၊ အာအိုတ်စိုအ်” ရဴဝွံ သ္ဂးကဵုကောန်သၟိၚ်ဗၠာဲဒဳဃာဝုရ။ ယွံခမဳတအ် ကောန်သၟိၚ်ဗၠာဲဒဳဃာဝုဂှ် “ခိုဟ်သန်ရ ယွံတၠညးသၟိၚ်ဇၞော်” ရဴဝွံ ဒုၚ်ဝန်ကုသၟိၚ်ကာသိမၞုံယၟုဗြဟ္မဒတ္တတုဲ ဗ္ဂန်ရထာတုဲမ္ဂး “ယွံတၠညးသၟိၚ်ဇၞော် ဗ္ဂန်ရထာ တၠညးသၟိၚ်ဇၞော်တုဲရ၊ ပ္ဍဲအခိၚ်လၟုဟ် တၠညးသၟိၚ်ဇၞော် ဩဝ်တီကေတ် အခိၚ်သွက်ဂွံအာညိ၊ (သွက်ဂွံအာဂှ် ဒှ်အတိုၚ်ပၟိက်တၠညးသၟိၚ်ဇၞော်ရ)” ရဴဝွံ ဂရၚ်ပတီရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တ တိုန်ဍိုက်ရထာရ၊ ကောန်သၟိၚ်ဗၠာဲဒဳဃာဝု ဗက်စဝ်ရထာရ၊ ခြာဟွံလအ်ဟေၚ် ဗက်စဝ်ဏာရထာ အတိုၚ်ဂၠံၚ်မကောံဆုမ်ကဵုပၞာန်ရ။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တ လုပ်အာဍုၚ်ဗာရာဏသဳတုဲမ္ဂး ကဵုပရိသာတ်အမာတ်ဂမၠိုၚ် ကော်ဓရီုတုဲ “ယွံသကအ်တအ် ညာတ်ဒး ကောန်သၟိၚ်ဒဳဃာဝု မဒှ်ကောန်သၟိၚ်ကောသလမၞုံယၟုဒဳဃိတိမ္ဂး ပသာ်သ္ပအိုတ်ရော?” ရဴဝွံ သၟာန်သၟုက်ရ။ အမာတ်လ္ၚဵုဂမၠိုၚ် “ယွံတၠညးသၟိၚ်ဇၞော် ပိုဲတအ်ညးဂမၠိုၚ် ကုတ်တဲဂမၠိုၚ်အိုတ်ရ၊ ယွံတၠညးသၟိၚ်ဇၞော် ပိုဲတအ်ညးဂမၠိုၚ် ကုတ်ဇိုၚ်ဂမၠိုၚ်အိုတ်ရ၊ ယွံတၠညးသၟိၚ်ဇၞော် ပိုဲတအ်ညးဂမၠိုၚ် ကုတ်တဲဇိုၚ်ဂမၠိုၚ်အိုတ်ရ၊ ယွံတၠညးသၟိၚ်ဇၞော် ပိုဲတအ်ညးဂမၠိုၚ် ကုတ်ကတောဝ်ဂမၠိုၚ်အိုတ်ရ၊ ယွံတၠညးသၟိၚ်ဇၞော် ပိုဲတအ်ညးဂမၠိုၚ် ကုတ်မုဟ်အိုတ်ရ၊ ယွံတၠညးသၟိၚ်ဇၞော် ပိုဲတအ်ညးဂမၠိုၚ် ကုတ်ကတောဝ်မုဟ်အိုတ်ရ၊ ယွံတၠညးသၟိၚ်ဇၞော် ပိုဲတအ်ညးဂမၠိုၚ် ကုတ်က္ဍိုပ်အိုတ်ရ” ရဴဝွံ ဟီုသ္ဂးအိုတ်ရ။ ယွံသကအ်တအ် ညးဝွံတုန် ကောန်သၟိၚ်ဗၠာဲဒဳဃာဝု မဒှ်ကောန်သၟိၚ်ကောသလမၞုံယၟုဒဳဃိတိရ၊ ကောန်သၟိၚ်ဗၠာဲဝွံ သွက်ဂွံသ္ပမမိက်ကဵုမွဲမွဲ ဟွံဂွံရ၊ ကောန်သၟိၚ်ဗၠာဲဝွံလေဝ် ကဵုလမျီု ကုအဲတုဲရ၊ အဲလေဝ် ကဵုလမျီု ကဵုကောန်သၟိၚ်ဗၠာဲဝွံတုဲရ ရဴဝွံ ဟီုသ္ဂးရ။
၄၆၃။ ယွံခမဳတအ် ပ္ဍဲကြဴနူဂှ် သၟိၚ်ကာသိမၞုံယၟုဗြဟ္မဒတ္တ “ယွံကောန်သ္ဍိုက်ဒဳဃာဝုမအံက်တၠအဲ ပ္ဍဲအခိၚ်ညောန်ကဵုချိုတ် ‘ယွံကောန်သ္ဍိုက်ဆာန်ဒဳဃာဝု တၠအဲ လ္ပရံၚ်ဂၠိၚ်ညိ၊ ဂၠေံဂၠေံလေဝ် လ္ပရံၚ်ညိ၊ ယွံကောန်သ္ဍိုက်ဆာန်ဒဳဃာဝု နပွမပလန်သၞဝဲဂှ် သၞဝဲဂမၠိုၚ် ဟွံလလမ်အိုတ်ရ၊ ယွံကောန်သ္ဍိုက်ဆာန်ဒဳဃာဝု ဟွံပလန်သၞဝဲဟေၚ်မှ သၞဝဲဂမၠိုၚ် လလမ်အိုတ်ရ’ ရဴဝွံ ဟီုဗကန်လဝ်ကၠုၚ်ရ၊ မအံက်တၠအဲ ရန်တၟံကဵုမုမွဲတုဲ ဟီုဗကန်ကၠုၚ်ရော?” ရဴဝွံ သၟာန်သၟုက်ကောန်သၟိၚ်ဗၠာဲဒဳဃာဝုရ။ ယွံတၠညးသၟိၚ်ဇၞော် မအံက်အဲ ပ္ဍဲအခိၚ်ညာေန်ကဵုချိုတ်ဂှ် ဂလနာ်မဟီုဗကန်ကၠုၚ် ရဴဝွံမ္ဂး “လ္ပရံၚ်ဂၠိၚ်ညိ” ဂှ် ဒှ်ဟီုဗကန်ဖျန် ရဴဝွံမ္ဂး “လ္ပပသၞဝဲ ဗွဲမဂၠိၚ်သ္ၚောဲညိ” ရ။ ယွံတၠညးသၟိၚ်ဇၞော် ရန်ကဵုအဓိပ္ပါယ်ဝွံတုဲ မအံက်အဲ ပ္ဍဲအခိၚ်ညောန်ကဵုချိုတ်ဂှ် ဟီုဗကန်ကၠုၚ်ရဴဝွံမ္ဂး “လ္ပရံၚ်ဂၠိဂၠိညိ” ဂှ်ရ။ ယွံတၠညးသၟိၚ်ဇၞော် မအံက်အဲ ပ္ဍဲအခိၚ်ညောန်ကဵုချိုတ်ဂှ် ဂလာန်မဟီုဗကန်ကၠုၚ်ရဴဝွံမ္ဂး “ဂၠေံဂၠေံလေဝ် လ္ပရံၚ်ညိ” ဂှ်တုန် ဒှ်ဟီုဗကန်ဖျန် ရဴဝွံမ္ဂး “လ္ပကဵုမိတ်လီုအာ ကေုာံမိတ်ပြဝါဂမၠိုၚ် ဗွဲမပြဟ်ညိ” ရ။ ယွံတၠညးသၟိၚ်ဇၞော် ရန်ကဵုအဓိပ္ပါယ်ဝွံတုဲ မအံက်အဲ ပ္ဍဲအခိၚ်ညောန်ကဵုချိုတ်ဂှ် ဟီုဗကန်ကၠုၚ် ရဴဝွံမ္ဂး “ဂၠေံဂၠေံလေဝ် လ္ပရံၚ်ညိ” ဂှ်ရ။ ယွံတၠညးသၟိၚ်ဇၞော် မအံက်အဲ ပ္ဍဲအခိၚ်ညောန်ကဵုချိုတ်ဂှ် ဂလာန်မဟီုဗကန်ကၠုၚ် ရဴဝွံမ္ဂး “ယွံကောန်သ္ဍိုက်ဆာန်ဒဳဃာဝု နပွမပလန်သၞဝဲဂှ် သၞဝဲဂမၠိုၚ် ဟွံလလမ်အိုတ်ရ၊ ယွံကောန် သ္ဍိုက်ဆာန်ဒဳဃာဝု ဟွံပလန်သၞဝဲဟေၚ်မှ သၞဝဲဂမၠိုၚ် လလမ်အိုတ်ရ” ဂှ်တုန် “တၠညးသၟိၚ်ဇၞော် ဂစိုတ်လဝ် မိမအဲဍိက်ဂမၠိုၚ်ရ” ရဴဝွံ ယဝ်အဲဍိက် ဂစိုတ်သၟိၚ်ဇၞော်မ္ဂး၊ ညးမၞုံပၟိက်ကဵုဒတုဲဖဵု သၟိၚ်ဇၞော်ဂမၠိုၚ် ဂစိုတ်အဲဍိက်အိုတ်ရ၊ ညးမၞုံပၟိက်ကဵုဒတုဲဖဵု အဲဍိက်ဂမၠိုၚ် ဂစိုတ်ညးဂမၠိုၚ်ဂှ်အိုတ်ရ၊ ရဴဝွံ ဂစိုတ်မ္ဂး သၞဝဲဂှ် နမပလန်သၞဝဲ လလမ်ဟွံမာန်ရ။ ပ္ဍဲအခိၚ်လၟုဟ်တုန် တၠညးသၟိၚ်ဇၞော် ကဵုလမျီု ကုအဲရ၊ အဲဍိက်လေဝ် ကဵုလမျီု ကုတၠညးသၟိၚ်ဇၞော်ရ၊ ကဵုရဴဝွံဂှ်ရ သၞဝဲဂှ် နမဟွံပလန်သၞဝဲ လလမ်အာရ။ ယွံတၠညးသၟိၚ်ဇၞော် ရန်ကဵုအဓိပ္ပါယ်ဝွံတုဲမအံက်အဲ ပ္ဍဲအခိၚ်ညောန်ကဵုချိုတ်ဂှ် ဟီုဗကန်ကၠုၚ် ရဴဝွံမ္ဂး “ယွံကောန်သ္ဍိုက်ဆာန်ဒဳဃာဝု နပွမပလန်သၞဝဲဂှ် သၞဝဲဂမၠိုၚ် ဟွံလလမ်အိုတ်ရ၊ ယွံကောန်သ္ဍိုက်ဆာန်ဒဳဃာဝု ဟွံပလန်သၞဝဲဟေၚ်မှ သၞဝဲဂမၠိုၚ် လလမ်အိုတ်ရ” ဂှ် (ဂရၚ်ပတီရ)။ ယွံခမဳတအ် ပ္ဍဲအခိၚ်ဂှ် သၟိၚ်ကာသိမၞုံယၟုဗြဟ္မဒတ္တ “ယွံသကအ်တအ် ထေက်ကဵုဒးအမ်သဝ်ကွေံရ၊ ယွံသကအ်တအ် ဟွံကေၚ်ဒှ်မွဲလှ်ေ ဒှ်ကၠုၚ်ရသွံ၊ ကောန်သၟိၚ်ဗၠာဲဒဳဃာဝုဝွံ မၞုံကဵုပညာလောန်ရ၊ အဓိပ္ပါယ်ဂလာန် မအံက်ဗကန်ဖျန်လဝ် ဗွဲခမ္ဍန်ဂှ် တီကေတ်ဗွဲတြးရ” ရဴဝွံ (သ္ဂးတုဲ) ကလေၚ်ကဵုထောံ ပၞာန်တိုက်ဗိုလ်လဗး စိၚ်ချေံရထာ ဇနပိုဒ်ကီု သီုတိုက်ဂြပ်ဟၚ်စာတ် မဒှ်အာဲကၟာဲအပါအံက်တုဲ သအာၚ်နူဂှ် ကောန်ဝုတ်လေဝ်ကဵုဏာရ။ ယွံခမဳတအ် ကုသၟိၚ်ဂမၠိုၚ် မရၚ်တၠုၚ်လေံ မရၚ်တၠုၚ်လွဟ်ၜုန်မြလေဝ် ပွမအေၚ်ဒုၚ် ပွမသ္ဍိုက်မၠိုက် မၞုံသဘဴရဴဝွံဒှ်မဏဳရ၊ ယွံခမဳတအ် မၞးတအ်ညးဂမၠိုၚ် သီုမသ္ပခမဳပ္ဍဲသာသနာ မဂပ်ဝ်တွံလဝ်ဗွဲမ္ဒးရးဝွံ ဗွဲမဗဗွဲထေက်ကြိုက်ကဵု ညးအေၚ်ဒုၚ် ညးသ္ဍိုက်မၠိုက် ဩဝ်ကဵုဂေါဝ်ဆာဲ နပွမအေၚ်ဒုၚ် ပွမသ္ဍိုက်မၠိုက်အိုတ်ညိ” ရဴဝွံ သ္ဂးရ။ တဳလမၞုံပိုဉ်ကျာ်တြဲဂှ် “ယွံခမဳတအ် ဟွံဗဗွဲရ၊ လ္ပကယျာန်ဓဝါတ်အိုတ်ညိ၊ လ္ပကတဵုဒှ်သေက်ဇဵုအိုတ်ညိ၊ လ္ပပပွမစှ်ေစးကဵုဇိုၚ်တဲအိုတညိ” ရဴဝွံ မရနုက်ကဵုပိဝါလေဝ် ဟီုသ္ဂးကဵု ခမဳဂမၠိုၚ်ဂှ်ရ။ ခမဳအဓမ္မဝါဒဳဂှ် “ယွံကျာ်မၞုံပိုဉ် တဳလမၞုံပိုဉ်ကျာ်တြဲ မဒှ်တၠဓရ်ဂှ် ဩဝ်လၟတ်မၚ်ဒၟံၚ်ညိကၠာ၊ ယွံကျာ်မၞုံပိုဉ် တဳလမၞုံပိုဉ်ကျာ်တြဲဂှ် ဗွဲမသက္ကုဂဝိၚ် သီုမပတိတ်ဇြဟတ် ပွမပဒတဴဗွဲတသိုခ် ပ္ဍဲဂတမတ်ဂှ် ဩဝ်ပဒတဴညိ၊ ပိုဲဍိက်တအ်ညးဂမၠိုၚ် နပွမကယျာန်ဓဝါတ် ပွမကတ၆ုဒှ်သေက်ဇဵု ပွမစှ်ေစးကဵုဇိုၚ်တဲဂှ် ကြက်ပြာကဋ်အိုတ်ပၠန်ရ” ရဴဝွံ စဵုပိဝါဟေၚ် ဂရၚ်ပတီ တဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် တဳလမၞုံပိုဉ်ကျ်ာတြဲဂှ် “တြုံမလ္ၚုသၟး (နူမဂ်ဖိုလ်) ဂမၠိုၚ်ဝွံ မၞုံကဵုပွမအိုတ်အာ (နူဒၠောံဗတောန်) အိုတ်ရ၊ ‘ဒၠောံဗတောန်ဟွံဂွံအိုတ်ရ’။ သွက်ဂွံကဵုခမဳဂမၠိုၚ်ဝွံ တီကၠိုဟ်ကေတ်ဟွံလောဲသွာအိုတ်ရ” ရဴဝွံ (ပၠုပ်စိုတ်တုဲ) ဒၠိုက်ကတဵုနူဒၞါဲ က္ညစ္ဍးအာရ။ ခဏ်ဒဳဃာဝုပဌမတုဲရ။
၄၆၄။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်နူဂယး ဗိုက်ပဠေဝ်ကေတ်သပိုၚ်သ္ၚာ ထ္ၜဂိုၚ်ရပ်ကေတ်ဗဗေၚ်သ္ၚာတုဲ က္ညလုပ်ဂ္ၚေၚ်ပိဏ္ဍပါတ် ဍုၚ်ကောသမ္ဗဳရ၊ ဂေတ်ဂ္ၚေၚ်ပိဏ္ဍပါတ် ပ္ဍဲဍုၚ်ကောသမ္ဗဳတုဲ ပါဲစ္ဍးအာနူဌာန်ကဵုပိုန်တုဲ ကဵုပိုန်တ္ၚဲတုဲမ္ဂး လပှ်သီဂိုၚ်ဒေပ် ဘာသၞာသတိက်သၞာဒၟံၚ်တုဲမ္ဂး ဂိုၚ်ကေတ်ဗဗေၚ်သ္ၚာတုဲ သီုကဵုဒတူဒၟံၚ် ပ္ဍဲလဒေါဝ်သၚ်ဟေၚ် ဖ္ဍောတ်တိုန်ဂါထာဂမၠိုၚ်ဝွံရ− (ခမဳမကတဵုဒှ်ကယျာန်ဓဝါတ်အိုတ်သီုဝွံ) မၞုံကဵုရမျာၚ်ဇၞော်လှဲ ညာန်ညေဲရ၊ သီုဖအိုတ်တုပ်သၟဟ်ဒၟံၚ်ရ၊ အဲ သမၠီုရ ရဴဝွံ ညးမမိက်ကဵုမွဲမွဲလေဝ် ဟွံဗှ်ဗၞုဟ်ဒးရ၊ သအာၚ်နူဂှ်လေဝ် ဟိုတ်မတွံဂးသၚ်ပါ်ဒကးအာ ဟိုတ်နူအဲဂှ်လေဝ် ဟွံဗှ်ဗၞုဟ်ဒးရ။ သတိ တိတ်ဗၠး (သတိလီု) တုဲ ခမဳဂမၠိုၚ် မသ္ပလဝ်ပၞ ညံၚ်တၠပညာဂှ် ၜိုတ်မိက်ပံက်ဟာ သၠဲပတိတ်သၟန်ပါၚ်ဂှ် ပံက်ဟာပတိတ်တုဲ ဟီုသ္ဂးဂလာန်ဟေၚ်တုဲ ပဒတဴဒၟံၚ်အိုတ်ရ၊ နပွမကတဵုဒှ် ကယျာန်ဓဝါတ်သာ်ဂှ် အာစိုပ်ဒဒှ်မဟွံမွဲကဵုဂွဂၠေံဂှ်တုန် ဟွံတီကေတ်အိုတ်ရ။ ညးဝွံ ကေၚ်တ္ၜေဟ်လဝ်အဲရ၊ ညးဝွံ ကေၚ်ပျဲပျာံအဲရ၊ ညးဝွံ ကေၚ်ကေတ်ဇၞးအဲရ၊ ညးဝွံ ကေၚ်ဂိုၚ်ကၠတ်ဂြပ် အဲရ ရဴသာ်တါံ ကုညးဒက်ဝဲ ခတောဲကြုတ်ဂမၠိုၚ်ဂှ် သၞဝဲ ဟွံလလမ်ရ။ ညးဝွံ ကေၚ်တ္ၜေဟ်လက်အဲရ၊ ညးဝွံ ကေၚ်ပျဲပျာံအဲရ၊ ညးဝွံ ကေၚ်ကေတ်ဇၞးအဲရ၊ ညးဝွံ ကေၚ်ဂိုၚ်ကၠတ်ကေတ်ဂြပ် အဲရ ရဴသာ်ဝွံ ကုညးဟွံဒက်ဝဲ ခတောဲကြုတ်ဂမၠိုၚ်ဂှ် သၞဝဲ လလမ်ရ။ ပ္ဍဲလောကဝွံ သၞဝဲဂမၠိုၚ်ဂှ် နပွမကလေၚ်ပၠန်သၞဝဲဂှ် ကာလလဵုလေဝ် ဟွံလလမ်အိုတ်ရ၊ ဟွံကလေၚ်ပၠန် သၞဝဲဟေၚ် သၞဝဲဂမၠိုၚ် လလမ်အိုတ်ရ၊သဘဴဝွံဂှ် ဒှ်ဓမ္မတာအခိုက်အလိုက် ကၠာတေံရ။ ပ္ဍဲလဒေါဝ်သၚ်ဝွံ ခမဳဟွံမွဲကဵုပညာဂမၠိုၚ် ပိုဲတအ်ဂှ် ကြက်ဒးအာဇရေၚ်သၟိၚ်ဂစိုတ်အိုတ်ရ ရဴဝွံ ဟွံတီကေတ်အိုတ်ရ၊ ပ္ဍဲလဒေါဝ်သၚ်ဂှ် ကုခမဳဂမၠိုၚ်တုန် ဟိုတ်မတီကေတ်သာ်ဂှ်ရ ပွမသေက်ဇဵုဂမၠိုၚ် လလမ်အာအိုတ်ရ။ ကုတ်ထပိုတ်ဇုတ် (မိမဂမၠိုၚ်) တုဲ ဂစိုတ်ကၠေံလမျီုတုဲမ္ဂး သီုမရၚ်တၠုၚ်ကေတ်ဏာ ဂၠဴပြေၚ် စိၚ် ချေံ ဂြပ်ဂှ် ကုသၟိၚ်ဂမၠိုၚ်ၜါ မပၠံၚ်ၜးကေတ် တွဵုရးဍုၚ်ဂှ်လေဝ် ပွမပံၚ်ပကောံမဟာမိတ် ဒှ်မာန်ဏီရ၊ မုဟိုတ် ကုမၞးတအ်ညးဂမၠိုၚ် ဒှ်ဟွံမာန်ရော?။ ညးမၞုံကဵုသတိဂှ် ယဝ်ကလိဂွံ မိတ်သဟာ မဒှ်ညးဒ္ဂေတ်ဓရ်မွဲစွံ မၞုံအလေံပဒတဴဗွဲမ္ဒးရး မၞုံကဵုသမာဓိမတန်ကြန် မၞုံကဵုပညာမကြံၚ်က္ဍုဟ်မ္ဂး၊ ဓလီုဍိုက်ပြိုက်ပျဲ သၞဝဲဂမၠိုၚ်အိုတ်သီုတုဲ ဒးဒ္ဂေတ် ဗွဲမမိပ်မြဟ် ကေုာံမိတ်သဟာဲဂှ်ရ။ ယဝ်ဟွံကလိဂွံ မိတ်သဟာဲ မဒှ်ညးဒ္ဂေတ်ဓရ်မွဲစွံ မၞုံအလေံပဒတဴ ဗွဲမ္ဒး၇း မၞုံကဵုသမာဓိ မတန်ကြန် မၞုံကဵုပညာမကြံၚ်က္ဍုဟ်မ္ဂး၊ သၟဟ်ညံၚ်ရဴသၟိၚ်မဟာဇနက သၟိၚ်အရိန္ဒမ ပါဲသၠးကၠေံ တွဵုရးဍုၚ်တုဲ သ္ပခမဳကီု သၟဟ်ညံၚ်ရဴစိၚ်ဇၟူဇၞော် မကတဵုဒှ်ပ္ဍဲဂကူမာတၚ်္ဂကီု ညးမွဲဓဝ် ဒးဒ္ဂေတ် ပ္ဍဲဂြိုၚ်ဂၞိၚ်ဇၞော်ရ။ ပွမဒ္ဂေတ်ညးမွဲဓဝ်ဂှ် ပြဲရ၊ ပွမသ္ပသကအ်ပွံၚ် ပ္ဍဲသမၠီုဂှ် ပြဲဂှ် ဟွံဒှ်ရ၊ စိၚ်ဇၟူဇၞော်မကတဵုဒှ် ပ္ဍဲဂကူမာတၚ်္ဂဂှ် သၟဟ်ညံၚ်ရဴပဒတဴ ပ္ဍဲဂြိုပ်ညးမွဲဓဝ် ဟွံမွဲကဵုဓဝိၚ်ဓဝါဲကီု ညးမွဲဓဝ် ဒးဒ္ဂေတ် ဗွဲမသက္ကုဂဝိၚ်ရ။ ဟွံထေက်ကဵုသ္ပ ပွသရာမ်ပါပ်ဂမၠိုၚ်ရ ရဴဝွံ (သ္ဂးရ)။
၂၇၃။ ပွမက္ညအာကွာန်ဗာလကလောဏက
[ပလေဝ်ဒါန် | ပလေဝ်ဒါန် တမ်ကၞက်]၄၆၅ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သီုကဵုဒတူဒၟံၚ် ပ္ဍဲလဒေါဝ်သၚ်ဟေၚ် ဖ္ဍောတ်တိုန်ဂါထာဂမၠိုၚ်ဝွံတုဲ က္ညပြာပ်အာ ကွာန်ဗာလကလောဏကရ။ ပ္ဍဲအခိၚ်ဂှ် တဳလပိုဉ်ဘဂု ပဒတဴဒၟံၚ်ပ္ဍဲကွာန်ဗာလကလောဏကရ၊ တဳလပိုဉ်ဘဂု သ္ဂောံညာတ်ကေတ် တဳလမၞုံပိုဉ်ကျာ်တြဲမက္ညကၠုၚ် နူဇမ္ၚောဲတေံဟေၚ်တုဲ လးပညပ်သၞာဂဇအ်ရ၊ စွံပတန်လဝ် ဍာ်ကြာတ်ဇိုၚ် ဂတဵုပေါတ်ဇိုၚ် ကဝေက်ပေါတ်ဇိုၚ် ပ္ဍဲဇရေၚ်ရ၊ ဒစးဒုၚ်တၠုၚ်တရဴတုဲ ဟောဝ်ဂိုၚ်ကေတ် ဗဗေၚ်သ္ၚာရ၊ တဳလမၞုံပိုဉ်ကျာ်တြဲ သီုမဂဇအ်ဒၟံၚ် ပ္ဍဲသၞာလးပညပ်လဝ်ဂှ် ကြဴကြာတ်ဇိုၚ်ရ၊ တဳလပိုဉ်ဘဂုလေဝ် လ္ၚောဝ်သ္ပဝတ် တဳလမၞုံပိုဉ်ကျာ်တြဲ သီုမဂဇအ်ဒၟံၚ် ပ္ဍဲသၞာလးပညပ်လဝ်ဂှ် ကြဴကြာတ်ဇိုၚ်ရ၊ တဳလပိုဉ်ဘဂုလေဝ် လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ ဂဇအ်ကေတ် ပ္ဍဲဒၞာဲမဗဗွဲရ၊ တဳလပိုဉ်ဘဂုမဂဇအ်ဒၟံၚ် ပ္ဍဲဒၞာဲမဗဗွဲဂှ် တဳလမၞုံပိုဉ်ကျာ်တြဲ သ္ဂးတိုန်ဂလာန်ဝွံရ “ယွံခမဳ ပသာ်ရော? မိပ်ဇြိပ်မံၚ်ဟာ၊ ယိုပ်ယာပ်မံၚ်ဟာ၊ နကဵုပိဏ္ဍပါတ် ဟွံဍောၚ်ၜိုတ်ဂှ် နွံဟာ” ရဴဝွံ (သၟာန်ရ)။ ယွံကျာ်မၞုံပိုဉ် မိပ်ဇြိပ်မံၚ်ရ၊ ယိုပ်ယာပ်မံၚ်ရ၊ ယွံကျာ်မၞုံပိုဉ် အဲဍိက် နကဵုပိဏ္ဍပါတ်လေဝ် ဟွံဒးဍောၚ်ၜိုတ်ရ ရဴဝွံ (ဂရၚ်ပတီရ)။ ပ္ဍဲအခိၚ်ဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတဳလပိုဉ်ဘဂု တီညာတ်ကေတ် (ဒတုဲဖဵု) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲမ္ဂး ဒၠိုက်ကတဵုနူဒၞာဲ ပြာပ်အာ ဌာန်ဂြိုပ်ဒုန်ဗၟံက်ရ။
၂၇၄။ ပွမက္ညအာဂြိုပ်ဒုန်ဗၟံက်
[ပလေဝ်ဒါန် | ပလေဝ်ဒါန် တမ်ကၞက်]၄၆၆။ ပ္ဍဲအခိၚ်ဂှ် တဳလပိုဉ်အနုရုန္ဓ တဳလပိုဉ်နန္ဒိယ တဳလပိုဉ်ကိမိလဂမၠိုၚ် သ္ပဒတဴဒၟံၚ်ပ္ဍဲဂြိုပ်ဒုန်ဗၟံက်အိုတ်ရ၊ ပၟၚ်ဂြိုပ် ညာတ်ကေတ် တဳလမၞုံပိုဉ်ကျာ်တြဲ မက္ညကၠုၚ်နူဇမ္ၚောဲတုဲ “ယွံခမဳဇၞော် လ္ပလုပ်ဂြိုပ်ဝွံညိ၊ ပ္ဍဲဂြိုပ်ဝွံ ကောန်ဂကူဂမၠိုၚ်ပိတၠ မဒှ်ညးသပ္ပုရိုဟ် မၞုံသဘဴနွံပၟိက်ကဵုဒတုဲဖဵုဇကုဂမၠိုၚ်ဒှ်တုဲ ပဒတဴဒၟံၚ်အိုတ်ရ၊ လ္ပသ္ပပွမဟွံမွဲကဵုတသိုခ် ကောန်ဂကူဂမၠိုၚ်ပိတၠဂှ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ တဳလပိုဉ်အနုရုဒ္ဓ သ္ဂောံမိၚ်ကေတ် ဂလာန်ပၟၚ်ဂြိုပ်မဟီုသ္ဂး ကေုာံတဳလမၞုံပိုဉ်ကျာ်တြဲမွဲစွံတုဲ “ယွံဒကာပၟၚ်ဂြိုပ် လ္ပဆေဝ်ဒဝ် တဳလမၞုံပိုဉ်ကျာ်တြဲညိ၊ တဳလမၞုံပိုဉ်ကျာ်တြဲ မဒှ်အ္စာပိုဲ က္ညစိုပ်ကၠုၚ်ရ” ရဴဝွံ ဟီုသ္ဂးကဵုပၟၚ်ဂြိုပ်ရ။ ပ္ဍဲအခိၚ်ဂှ် တဳလပိုဉ်အနုရုန္ဓ ပြာပ်အာဇရေၚ် တဳလပိုဉ်နန္ဒိယ တဳလပိုဉ်ကိမိလတအ်တုဲမ္ဂး “ယွံတဳလပိုဉ်တအ် ဩဝ်ကၠုၚ်အိုတ်ညိ၊ ယွံတဳလပိုဉ်တအ် ဩဝ်ကၠုၚ်အိုတ်ညိ၊ တဳလမၞုံပိုဉ်ကျာ်တြဲ မဒှ်အ္စာပိုဲက္ညစိုပ်ကၠုၚ်ရ” ရဴဝွံ ဟီုသ္ဂးကဵုတဳလပိုဉ်နန္ဒိယ တဳလပိုဉ်ကိမိလတအ်ရ။ ပ္ဍဲအခိၚ်ဂှ် တဳလပိုဉ်အနုရုန္ဓ တဳလပိုဉ်နန္ဒိယ တဳလပိုဉ်ကိမိလတအ် ဒစးဒုၚ်တၠုၚ်တရဴ တဳလမၞုံပိုဉ်ကျာ်တြဲတုဲ မွဲဇကုဂှ် ဟောဝ်ဒုၚ်ဂိုၚ်ကေတ် ဗဗေၚ်သ္ၚာတဳလမၞုံပိုဉ်ကျာ်တြဲရ၊ မွဲဇကုဂှ် လညးပညပ်သၞာရ၊ မွဲဇကုဂှ် စွံပတန်ဍာ်ကြဴဇိုၚ် ဂတဵုပေါတ်ဇိုၚ် ကဝေက်ပေါတ်ဇိုၚ် ပ္ဍဲဇရေၚ်ရ။ တဳလမၞုံပိုည်ကျာ်တြဲ ဂဇအ်စှ်ေ ပ္ဍဲသၞာမလးပညပ်တုဲ ကြာတ်ဇိုၚ်ဂမၠိုၚ်ရ၊ တဳလပိုဉ်ဂမၠိုၚ်ဂှ်လေဝ် လ္ၚောဝ်သ္ပဝတ်တဳလမၞုံပိုဉ်ကျာ်တြဲတုဲ ဂဇအ်ပ္ဍဲဒၞါဲမဗဗွဲတုဲအိုတ်မ္ဂး တဳလမၞုံပိုဉ်ကျာ်တြဲ သ္ဂးကဵုတဳလပိုဉ်အနုရုဒ္ဓ ရဴဝွံရ “ယွံအနုရုဒ္ဓတအ် မၞးတအ်ညးဂမၠိုၚ် မိပ်ဇြိပ်ဒၟံၚ်အိုတ်ဟာ၊ ယိုပ်ယာပ်ဒၟံၚ်အိုတ်ဟာ၊ နကဵုပိဏ္ဍပါတ်ဂှ် ဟွံဍောၚ်ၜိုတ်အိုတ်ဟာ ရဴဝွံ (သ္ဂးရ)။ မိပ်ဇြိပ်ဒၟံၚ်ရ ယွံကျာ်မၞုံပိုဉ်၊ ယိုပ်ယာပ်ဒၟံၚ်ရ ယွံကျာ်မၞုံပိုဉ်၊ ယွံကျာ်မၞုံပိုဉ် ပိုဲဍိက်တအ်ညးဂမၠိုၚ် နကဵုပိဏ္ဍပါတ် ဟွံဍောၚ်ၜိုတ်အိုတ်ရ ရဴဝွံ (ဂရၚ်ပတီအိုတ်ရ)။ ယွံအနုရုဒ္ဓတအ် ပသာ်ရော? မၞးတအ်ညးဂမၠိုၚ် သီုမညဳသာသၟဟ်သၟန် အိုဟ်တၟိုဟ်မိပ်မြဟ် ဟွံဒှ်ကယျာန်ဓဝါတ်ဂမၠိုၚ်ဂှ် ညံၚ်ရဴဍာ်တှ် (ကေုာံ) ဍာ်နှဴရဴကီု မၞုံမွဲစိုတ်ဓဝ်အိုတ်တုဲ သီုမၠာ်သ္ၚေဝ်ဗွဲမ္ဒးရး နကဵုမတ်ဂမၠိုၚ် မသ္ဍိုက်ဆာန်ရၚ်သကအ်ဂှ် ပဒတဴမံၚ်စံၚ်အိုတ်ဟာ ရဴဝွံ (သၟာန်ရ)။ ယွံကျာ်မၞုံပိုဉ် ဗွဲစၟတ် ပိုဲဍိက်တအ်ညးဂမၠိုၚ် သီုမညဳသာသၟဟ်သၟန် အိုဟ်တၟိုဟ်မိပ်မြဟ် ဟွံဒှ်ကယျာန်ဓဝါတ်ဂမၠိုၚ်ဂှ် ညံၚ်ရဴဍာ်တှ် (ကေုာံ) ဍာ်နှဴရကီု မၞုံမွဲစိုတ်ဓဝ်အိုတ်တုဲ သီုမၠာ်သ္ၚေဝ်ဗွဲမ္ဒးရး နကဵုမတ်ဂမၠိုၚ် မသ္ဍိုက်ဆာန်ရၚ်သကအ်ဂှ် ပဒတဴမံၚ်စံၚ်အိုတ်ရ ရဴဝွံ (ဂရၚ်ပတီအိုတ်ရ)။ ယွံအနုရုဒ္ဓတအ် မၞးတအ်ညးဂမၠိုၚ် မုရဴသာ်လဵု သီုမညဳသာသၟဟ်သၟန် အိုဟ်တၟိုဟ်မိပ်မြဟ် ဟွံဒှ်ကယျာန်ဓဝါတ်ဂမၠိုၚ်ဂှ် ညံၚ်ရဴဍာ်တှ် (ကေုာံ) ဍာ်နှဴရကီု မၞုံမွဲစိုတ်ဓဝ်အိုတ်တုဲ သီုမၠာ်သ္ၚေဝ်ဗွဲမ္ဒးရး နကဵုမတ်ဂမၠိုၚ် မသ္ဍိုက်ဆာန်ရၚ်သကအ်ဂှ် ပဒတဴမံၚ်စံၚ်အိုတ်ရော? ရဴဝွံ (သၟာန်ရ)။ ယွံကျာ်မၞုံပိုဉ် ကုပိုဲဍိက်တအ်ညးဂမၠိုၚ် မပဒတဴပ္ဍဲဂြိုပ်ဝွံ “ယြဴအဲမွဲ ဂွံပဒတဴမွဲစွံကေုာံညးဒ္ဂေတ်ဓရ်မွဲစွံဂမၠိုၚ် မၞုံသဘဴမဖှ်ရဴဝွံရ၊ အဲ ကလိဂွံဒးရးကွေံရ၊ အဲ ကလိဂွံဒးရးလောန်ကွေံရ” ဂှ် ရဴဝွံ စိုတ်ဒှ်ရ။ ယွံကျာ်မၞုံပိုဉ် ကုအဲဍိက်ဂှ် ပ္ဍဲဂတမတ်ကဵုဒှ် ပ္ဍဲကြဴမတ်ကဵုဒှ် သှ်ပတူလဝ်ကာယကမ်မေတ္တာ ပ္ဍဲလတူတဳလဂမၠိုၚ်ဝွံရ၊ ပ္ဍဲဂတမတ်ကဵုဒှ် ပ္ဍဲကြဴမတ်ကဵုဒှ် သှ်ပတူလဝ် ဝစဳကမ်မေတ္တာရ၊ ပ္ဍဲဂတမတ်ကဵုဒှ် ပ္ဍဲကြဴမတ်ကဵုဒှ် သှ်ပတူလဝ် မေနောကမ်မေတ္တာရ။ ယွံကျာ်မၞုံပိုဉ် ကုအဲဍိက်ဂှ် “အဲ ယှအ်ကၠေံပၟိက်စိုတ်ဇကုတုဲ ဂွံဒ္ဂေတ်ဗက်အလိုက်ပၟိက် နပၟိက်အလိုက်စိုတ်တဳလပိုဉ်ဂမၠိုၚ်ဝွံဟေၚ်မ္ဂး ခိုဟ်သန်ရ” ဂှ် ကသပ်ဒှ် ရဴဝွံရ။ ယွံကျာ်မၞုံပိုဉ် အဲဍိက် ယှအ်ကၠေံပၟိက်စိုတ်ဇကုတုဲ ဒ္ဂေတ်ဗက်အလိုက် နပၟိက်အလိုက်စိုတ် တဳလပိုဉ်ဂမၠိုၚ်ဝွံဟေၚ်ရ။ ယွံကျာ်မၞုံပိုဉ် ပိုဲဍိက်တအ်ညးဂမၠိုၚ် ဇကုဂှ် ၜိုန်ဒှ်တၞဟ်တၞဟ်လေဝ် စိုတ်တုန် ညံၚ်ရဴမွဲဓဝ်ကီု ဒှ်အိုတ်ရ ရဴဝွံ (ဂရၚ်ပတီရ)။ တဳလပိုဉ်နန္ဒိယလေဝ် ။ ပ ။ တဳလပိုဉ်ကိမိလလေဝ် ဂရၚ်ပတီ တဳလမၞုံပိုဉ်ကျာ်တြဲ ဂလာန်ဝွံရ၊ “ယွံကျာ်မၞုံပိုဉ် ကုအဲဍိက်လေဝ် ‘ယြဴအဲမွဲ ဂွံပဒတဴမွဲစွံ ကေုံညးဒ္ဂေတ်ဓရ်မွဲစွံဂမၠိုၚ် မၞုံသဘဴမဖှ်ရဴဝွံရ၊ အဲ ကလိဂွံဒးရးကွေံရ၊ အဲ ကလိဂွံဒးရးလောန်ကွေံရ’ ဂှ် ရဴဝွံ စိုတ်ဒှ်ရ။ ယွံကျာ်မၞုံပိုဉ် ကုအဲဍိက်ဂှ် ပ္ဍဲဂတမတ်ကဵုဒှ် ပ္ဍဲကြဴမတ်ကဵုဒှ် သှ်ပတူလဝ် ကာယကမ်မေတ္တာ ပ္ဍဲလတူတဳလဂမၠိုၚ်ဝွံရ၊ ပ္ဍဲဂတမတ်ကဵုဒှ် ပ္ဍဲကြဴမတ်ကဵုဒှ် သှ်ပတူလဝ် ဝစဳကမ်မေတ္တာရ၊ ပ္ဍဲဂတမတ်ကဵုဒှ် ပ္ဍဲကြဴမတ်ကဵုဒှ် သှ်ပတူလဝ် မနောကမ်မေတ္တာရ။ ယွံကျာ်မၞုံပိုဉ် ကုအဲဍိက်ဂှ် “အဲ ယှအ်ကၠေံပၟိက်စိုတ်ဇကုတုဲ ဂွံဒ္ဂေတ်ဗက်အလိုက်ပၟိက် နပၟိက်အလိုက်စိုတ် တဳလပိုဉ်ဂမၠိုၚ်ဝွံဟေၚ်မ္ဂး ခိုဟ်သန်ရ” ဂှ် ကသပ်ဒှ် ရဴဝွံရ။ ယွံကျာ်မၞုံပိုဉ် အဲဍိက် ယှအ်ကၠေံပၟိက်စိုတ်ဇကုတုဲ ဒ္ဂေတ်ဗက်အလိုက် နပၟိက်အလိုက်စိုတ် တဳလပိုဉ်ဂမၠိုၚ်ဝွံဟေၚ်ရ။ ယွံကျာ်မၞုံပိုဉ် ပိုဲဍိက်တအ်ညးဂမၠိုၚ် ဇကုဂှ် ၜိုန်ဒှ်တၞဟ်တၞဟ်လေဝ် စိုတ်တုန် ညံၚ်ရဴမွဲဓဝ်ကီု ဒှ်အိုတ်ရ ရဴဝွံ (ဂရၚ်ပတီရ)။ ယွံကျာ်မၞုံပိုဉ် ရဴဝွံဟေၚ် “ပိုဲဍိက်တအ်ညးဂမၠိုၚ် သီုမညဳသာသၟဟ်သၟန် အိုဟ်တၟိုဟ်မိပ်မြဟ် ဟွံဒှ်ကယျာန်ဓဝါတ်ဂမၠိုၚ်ဂှ် ညံၚ်ရဴဍာ်တှ် (ကေုာံ) ဍာ်နှဴရကီု မၞုံမွဲစိုတ်ဓဝ်အိုတ်တုဲ သီုမၠာ်သ္ၚေဝ်ဗွဲမ္ဒးရး နကဵုမတ်ဂမၠိုၚ် မသ္ဍိုက်ဆာန်ရၚ်သကအ်ဂှ် ပဒတဴမံၚ်စံၚ်အိုတ်ရ” ရဴဝွံ ဂရၚ်ပတီရ။ ယွံအနုရုဒ္ဓတအ် မၞးတအ်ညးဂမၠိုၚ် သီုဟွံဟိုတ်မာဲ မၞုံကဵုဝဳရိယလွဳပရာမသကာတ်မြဟ်ဂှ် မၞုံကဵုစိုတ်မဂပ်ဝ်ဖအောဝ်ဗလးဏာ (နိဗ္ဗာန်) ဂမၠိုၚ်ဒှ်တုဲ ပဒတဴအိုတ်ဟာ ရဴဝွံ (သၟာန်ရ)။ ယွံကျာ်မၞုံပိုဉ် ဗွဲစၟတ်တုန် ပိုဲဍိက်တအ်ညးဂမၠိုၚ် သီုဟွံဟိုတ်မာဲ မၞုံကဵုဝဳရိယလွဳပရာမသကာတ်မြဟ်ဂှ် မၞုံကဵုစိုတ်မဂပ်ဝ်ဖအောဝ်ဗလးဏာ (နိဗ္ဗာန်) ဂမၠိုၚ်ဒှ်တုဲ ပဒတဴအိုတ်ရ ရဴဝွံ (ဂရၚ်ပတီအိုတ်ရ)။ ယွံအနုရုဒ္ဓတအ် မုရဴသာ်လ၆ုမွဲ မၞးတအ်ညးဂမၠိုၚ် သီုဟွံဟိုတ်မာဲ မၞုံကဵုဝဳရိယလွဳပရာမသကာတ်မြဟ်ဂှ် မၞုံကဵုစိုတ်မဂပ်ဝ်ဖအောဝ်ဗလးဏာ (နိဗ္ဗာန်) ဂမၠိုၚ်ဒှ်တုဲ ပဒတဴအိုတ်ရော? ရဴဝွံ (သၟာန်ရ)။ ယွံကျာ်မၞုံပိုဉ် ပ္ဍဲဂြိုပ်ဝွံ ပၞောဝ်ကဵုပိုဲဍိက်တအ်ညးဂမၠိုၚ် ခမဳမကလေၚ်ကၠုၚ်နူကွာန်ဂ္ၚေၚ်ပိဏ္ဍပါတ် ဗွဲကိုပ်ကၠာဂှ် လးသၞာရ၊ စွံပတန်လဝ်ဍာ်ကြဴဇိုၚ် ဂတဵုပေါတ်ဇိုၚ် ကဝေတ်ပေါတ်ဇိုၚ်ပ္ဍဲဇရေၚ်ရ၊ ကြဴကြာတ်ခရော် သွက်ဂွံစုတ်က္ဍိုပ်ပုၚ်တုဲ စွံပတန်လဝ်ရ၊ စွံပတန်လဝ် ဍာ်သုၚ် ဍာ်ရပ်စပ်ရ၊ ခမဳကလေၚ်ကၠုၚ်နူကွာန်ဂ္ၚေၚ်ပိဏ္ဍပါတ် လက်ကရဴဂှ် မိက်ဂွံစ ပုၚ်သှ်ေသၟေဟ်ဂှ်မ္ဂး စရ၊ ဟွံမိက်စမ္ဂး ပ္ဍဲဌာန်မဟွံမွဲကဵုတၞံဆုချောဲ မလမ္စံက်ဍိုပ်ဍဴလေဝ် ကၠဟ်ကၠေံရ၊ ပ္ဍဲဍာ်မဟွံမွဲကဵုစၟလေဝ် ကိုဟ်ချာဲကၠေံရ၊ ခမဳဂှ် ထပ်ကၠေံသၞာရ၊ သီဂိုၚ်ကေတ် ဍာ်ကြဴဇိုၚ်, ဂတဵုပေါတ်ဇိုၚ်, ကဝေက်ပေါတ်ဇိုၚ်ရ၊ ကြဴကြာတ်ခရော်သွက်ဂွံစုတ်က္ဍိုပ်ပုၚ်တုဲ သီဂိုၚ်ဒေပ်ရ၊ သီဂိုၚ်ဒေပ် ဍာ်သုၚ် ဍာ်ရပ်စပ်ရ၊ ကွဟ်ကၟဟ်ဘာရုၚ် (ဇြပ်) ကဵုပိုဉ်ရ။ ခမဳညာတ် ဍာ်နုၚ်သွုၚ်ကီု သီဂိုၚ်ဒေပ် ဍာ်နုၚ်ရပ်စပ်ကီု ဍာ်နုၚ်ကြာတ်ကီု မဟွံမွဲကဵုဍာ်ဂှ် (စုတ်ဍာ်တုဲ) စွံပတန်ရ။ ခမဳဂှ် ယဝ်ထ္ၜၚ်ပတိန်ဟွံမာန်မ္ဂး ကော်ခါဲတဲသကအ်ပွံၚ်တုဲ ထ္ၜၚ်ပတိုန်ကဵုတဲဂမၠိုၚ်တုဲ စွံပတန်ရ၊ ဟိုတ်နူဟိုတ်ဂမၠိုၚ်ဂှ် ဟွံသ္ပပွမမြော်ဟီုတိတ်ပါၚ်အိုတ်ရ။ ယွံတဳလမၞုံပိုဉ် ပိုဲဍိက်တအ်ညးဂမၠိုၚ် ပ္ဍဲတ္ၚဲမရနုက်ကဵုမသုန်ဂှ် ကၠိုဟ်ဗ္တံ ဂဇအ်ကောံဓရီု နဂလာန် မစပ်ကေုာံဓရ်အိုတ်ရ။ ယွံကျာ်မၞုံပိုဉ် ရဴဝွံဟေၚ် ပိုဲဍိက်တအ်ညးဂမၠိုၚ် သီုဟွံဟိုတ်မာဲ မၞုံကဵုဝဳရိယလွဳပရာမသကာတ်မြဟ်ဂှ် မၞုံကဵုစိုတ်မဂပ်ဝ်ဖအောဝ်ဗလးဏာ (နိဗ္ဗာန်) ဂမၠိုၚ်ဒှ်တုဲ ပဒတဴအိုတ်ရ ရဴဝွံ (ဂရၚ်ပတီအိုတ်ရ)။
၂၇၅။ ပွမက္ညအာဂြိုပ်ပါလိလဲ
[ပလေဝ်ဒါန် | ပလေဝ်ဒါန် တမ်ကၞက်]၄၆၇။ ပ္ဍဲအခိၚ်ဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုတဳလပိုဉ်အနုရုဒ္ဓ တဳလပိုဉ်နန္ဒိယ တဳလပိုဉ်ကိမိလတအ် တီညာတ်ကေတ် (ဒတုဲဖဵု) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲ ဒၠိုက်ကတဵုနူဒၞာဲတုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ် ဂြိုပ်ပါလိလဲမ္ဂး စိုပ်အာဂြိုပ်ပါလိလဲတုဲ သ္ပဒတဴတန်ဒၟံၚ် ပ္ဍဲဇရေၚ်တၞံအံၚ်ရေၚ်ဗၠာဲ မၞုံအပ္ဍဲသပိုဟ်ဂြိုပ်ရက္ခိတ ဇရေၚ်ကွာန်ပါလိတယျကရ။ ပ္ဍဲအခိၚ်ဂှ် ကုတဳလမၞုံပိုဉ်ကျာ်တြဲ မသတၚ်ဒၟံၚ်ညးမွဲဓဝ် ပ္ဍဲဌာန်လ္ၚုသ္ၚိတ်ဇြဂှ် “အဲကိုပ်ကၠာတေံ တ္ၜန်တ္ၜောဲနှဴရဴတဴ ကေုာံခမဳကောန်ဍုၚ်ကောသမ္ဗဳဂမၠိုၚ် လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ်တုြ လေပ်သ္ပအဓိကိုရ်ပ္ဍဲသၚ်ဂှ်ဒှ်တုဲ ဟွံဂွံပဒဴ ကၠုၚ်ဗွဲတသိုခ်ရ၊ အဲ ပ္ဍဲအခိၚ်လၟုဟ်တုန် စ္ဍးခြာကေုာံခမဳကောန်ဍုၚ်ကောသမ္ဗဳဂမၠိုၚ် လေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ်တုဲ လေပ်သ္ပအဓိကိုရ် ပ္ဍဲသၚ်ဂှ်ဒှ်တုဲ သီုသကအ်ပွံၚ်ဟွံပါ ညးမွဲဓဝ် ဂွံပဒတဴဗွဲတသိုခ်ရ” ရဴဝွံ ကသပ်ဒှ်ရ။ စိၚ်ဇၟူဇၞော်မွဲလေဝ် တ္ၜန်တ္ၜောဲနှဴရဴတဴ ကေုာံစိၚ်တၟက်ဇၞော် စိၚ်ၝောံဇၞော် စိၚ်ပၠိုၚ်ပၠိုၚ် (စိၚ်ဒံၚ်) ကောန်စိၚ်သၟတ်ဂမၠိုၚ်ဒှ်တုဲ ချောဲတၞုၚ်ကၟဝ်ပိုတ်ဂမၠိုၚ်လေဝ် ဒးစရ၊ စိၚ်ဇၞူဇၞော်ဂှ် ဝးပကဝ်တုဲ ဝးပကဝ်တုဲ တၞာၚ်ဆုတၞးဆုဖျေံလဝ်ဂမၠိုၚ်လေဝ် (စိၚ်သအာၚ်ဂမၠိုၚ်) စထောံအိုတ်ရ၊ (စိၚ်ဇၟူဇၞော်ဂှ်) ဍာ်ကၠိကၠုလေဝ် ဒးသုၚ်ရ၊ စှ်ေသၞေဟ်ဍာ်ကီု တိုန်နူသၞေဟ်ဍာ်ကီု စိၚ်ၝောဴဂမၠိုၚ် ဇီုပေါတ်ၜေတ်ဓရေတ် ဇကုစိၚ်ဇၟူဇၞော်ဂှ်တုဲ အာအိုတ်ရ။ ပ္ဍဲအခိၚ်ဂှ် ကုစိၚ်ဇၟူဇၞော်ဂှ် “အဲ တ္ၜန်တ္ၜောဲနှဴရဴတဴ ကေုာံစိၚ်တၟက်ဇၞော် စိၚ်ၝောံဇၞော် စိၚ်ပၠိုၚ်ပၠိုၚ် (စိၚ်ဒံၚ်) ကောန်စိၚ်သၟတ်ဂမၠိုၚ်ဒှ်တုဲ ချောဲတၞုၚ်ကၟဝ်ပိုတ်ဂမၠိုၚ်လေဝ် ဒးစရ၊ အဲဝးပကဝ်တုဲ ဝးပကဝ်တုဲ တၞာၚ်ဆုတၞးဆုဖျေံလဝ်ဂမၠိုၚ်လေဝ် (စိၚ်သအာၚ်ဂမၠိုၚ်) စထောံအိုတ်ရ၊ ဍာ်ကၠိကၠုလေဝ် အဲဒးသုၚ်ရ၊ စှ်ေသၞေဟ်ဍာ်ကီု တိုန်နူသၞေဟ်ဍာ်ကီု စိၚ်ၝောံဂမၠိုၚ် ဇီုပေါတ်ၜေတ်ဓရေတ် ဇကုအဲတုဲ အာအိုတ်ရ၊ အဲညးမွဲဓဝ်ဟေၚ် စာ်စ္ဍးနူဂကောံစိၚ်တုဲ ဂွံပဒတဴမ္ဂး ခိုဟ်ရ” ရဴဝွံ ကသပ်ဒှ်ရ။ ပ္ဍဲအခိၚ်ဂှ် စိၚ်ဇၟူဇၞော်ဂှ် ပါဲစ္ဍးကၠုၚ် နူဂကောံစိၚ်တုဲ ပြာပ်စိုပ်အာဇရေၚ် တဳလမၞုံပိုဉ်ကျာ်တြဲ အပ္ဍဲဇရေၚ်တၞံအံၚ်ရေၚ်ဗၠာဲ မၞုံအပ္ဍဲသပိုဟ်ဂြိုပ်ရက္ခိတ ဇရေၚ်ကွာန်ပါလိလေယျကတုဲမ္ဂး တၞဟ်နသွက်တဳလမၞုံပိုဉ်ကျာ်တြဲ နကဵုလပှ် စွံပတန် ဍာ်သုၚ်ဍာ်ရပ်စပ်ရ၊ တၞံဆုချောဲမလမ္စံက်ဍိုပ်ဍဴဂမၠိုၚ်လေဝ် သောၚ်သအးၚးတးရ။ ပ္ဍဲအခိၚ်ဂှ် ကုစိၚ်ဇၟူဂှ် “အဲ ပ္ဍဲကိုပ်ကၠာတေံ တ္ၜန်တ္ၜောဲနှဴရဴတဴ ကေုာံစိၚ်တၟက်ဇၞော် စိၚ်ၝောံဇၞော် စိၚ်ပၠိုၚ်ပၠိုၚ် (စိၚ်ဒံၚ်) ကောန်စိၚ်သၟတ်ဂမၠိုၚ်ဒှ်တုဲ ဟဂွံပဒတဴဗွဲတသိုခ်ရ၊ ချောဲတၞၚ်ကၟဝ်ပိုတ်ဂမၠိုၚ်လေဝ် ဒးစရ၊ အဲဝးပကဝ်တုဲ ဝးပကဝ်တုဲ တၞာၚ်ဆုတၞးဆုဖျေံလဝ်ဂမၠိုၚ်လေဝ် (စိၚ်သအာၚ်ဂမၠိုၚ်) စထောံအိုတ်ရ၊ ဍာ်ကၠိကၠုလေဝ် အဲ ဒးသုၚ်ရ၊ စှ်ေသၞေဟ်ဍာ်ကီု တိုန်နူသၞေဟ်ဍာ်ကီု စိၚ်ၝောံဂမၠိုၚ် ဇီုပေါတ်ၜေတ်ဓရေတ် ဇကုအဲတုဲ အာအိုတ်ရ၊ အဲဂှ် ပ္ဍဲအခိၚ်လၟုဟ် ဝေၚ်ပါဲကၠေံ စိၚ်တၟက်ဇၞော် စိၚ်ၝောံဇၞော် စိၚ်ပၠိုၚ်ပၠိုၚ် (စိၚ်ဒံၚ်) ကောန်စိၚ်သၟတ်ဂမၠိုၚ်ဒှ်တုဲ သီုသကအ်ပွံၚ်ဟွံပါ ညးမွဲဓဝ်ဟေၚ် ဂွံပဒတဴဗွဲတသိုခ်ရ” ရဴဝွံ ကသပ်စိုတ်ဒှ်ရ။ ကြဴနူဂှ် တဳလမၞုံပိုဉ်ကျာ်တြဲ တီကေတ် စာ်စ္ဍးနူသကအ်ပွံၚ်တုဲ ပွမဂွံပဒတဴဗွဲတသိုခ်ဇကုကီု တီကေတ် ကသပ်စိုတ် စိၚ်ဇၟူဇၞော် နကဵုစိုတ်ဇကုတုဲကီု ပ္ဍဲအထိုက်အတန်ဂှ်− “အဲ ညးမွဲဇကုဓဝ် သၟဟ်ညံၚ်ရဴမိပ်လဟိၚ် ပ္ဍဲဂြိုပ်ကီု စိၚ်ဇၟူဇၞော်လေဝ် ညးမွဲဓဝ် မိပ်လဟိၚ်မံၚ်ဂှ် စိုတ်စိၚ်ဇၟူဇၞော် မၞုံဂၞေဟ်၊ ဒြၚ် မတုပ်သၟဟ်ကေုာံတိုၚ်တဝ်စၞပ်ကွဳဂှ် တုပ်သၟဟ်ကဵု စိုတ်အဲရ” ရဴဝွံ ကြီုဂအောတ်တိုန်ဥဒါန်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲကွာန်ပါလိလေယျက ဗွဲမမိပ်လဟိၚ်တုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်သာရဝှ်တုဲ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ်ရ။ ပ္ဍဲအခိၚ်ဂှ် ဥပးကောန်ဍုၚ်ကောသမ္ဗဳဂမၠိုၚ် “ခမဳဂမၠိုၚ်မပဒတဴ ပ္ဍဲဍုၚ်ကောသမ္ဗဳဝွံ သ္ပကဵုလလေၚ်ဖဵုပိုဲညးဂမၠိုၚ်မဂၠိုၚ်အိုတ်ရ၊ ဟိုတ်နူခမဳဂမၠိုၚ်ဝွံ ပ္ဍဵုပ္ဍိုက်ရာန်သကိုတ်ဂှ်ရ တဳလမၞုံပိုဉ်ကျာ်တြဲ က္ညစ္ဍးအာရ၊ လၟုဟ် ပိုဲညးဂမၠိုၚ် ဟွံလ္ၚောဝ် တဳလပိုဉ်ခမဳဂမၠိုၚ် မပဒတဴပ္ဍဲဍုၚ်ကောသမ္ဗဳဝွံမ္ဂး၊ ဟွံဒစးဒုၚ်တၠုၚ်တရဴမ္ဂး၊ ဟွံသ္ပပွမပၚ်ခၠအ်သၟိပ်တဲ ပွမရှ်ေသှ်ေရဴဂဴမ္ဂး၊ ဟွံသ္ပပူဇဴသကာမ္ဂး၊ ဟွံသ္ပ အဲပရဲမ္ဂး၊ ဟွံသၞေံသၞဴမ္ဂး၊ ဟွံပြာပ်ခမမ္ဂး၊ ဟွံပူဇဴမ္ဂး၊ ၜိုန်ကၠုၚ်ဂ္ၚေၚ်ပိဏ္ဍပါတ်လေဝ် ဟွံလံၚ်ကဵုပိဏ္ဍပါတ်မ္ဂး၊ တဳလပိုဉ်ဂမၠိုၚ်ဝွံ ဌာန်သအာၚ်လေဝ် ကြက်စ္ဍးအာအိုတ်ရ၊ ခရှ်လေဝ် ကြက်ရာံတိတ်အိုတ်ရ၊ တဳလမၞုံပိုဉ်ကျာ်တြဲလေဝ် ကြက်ကဵုပြေစိုတ်အိုတ်ရ” ရဴဝွံ ဟီုဓရီုသဳကၠဳတုဲ ဟွံလ္ၚောဝ် ခမဳဂမၠိုၚ်အိုတ်ရ၊ ဟွံဒစးဒုၚ်တၠုၚ်တရဴအိုတ်ရ၊ ဟွံသ္ပပွမပၚ်ခၠအ်သၟိပ်တဲ ပွမရှ်ေသှ်ေရဴဂဴအိုတ်ရ၊ ဟွံသ္ပပူဇဴသကာအိုတ်ရ၊ ဟွံသ္ပအဲပရဲအိုတ်ရ၊ ဟွံသၞေံသၞဴအိုတ်ရ၊ ဟွံပြာပ်ခစအိုတ်ရ၊ ဟွံပူဇဴအိုတ်ရ၊ ၜိုန်ကၠုၚ်ဂ္ၚေၚ်ပိဏ္ဍပါတ်လေဝ် ဟွံလံၚ်ကဵုပိဏ္ဍပါတ်အိုတ်ရ။ ပ္ဍဲအခိၚ်ဂှ် ခမဳပဒတဴပ္ဍဲဍုၚ်ကောသမ္ဗဳဂမၠိုၚ် ဥပးကောန်ဍုၚ်ကောသမ္ဗဳဂမၠိုၚ် ဟွံသ္ပမပ္တံပွမပူဇဴအိုတ်မ္ဂး “ယွံဒကာတအ် ပိုဲညးဂမၠိုၚ် လၟုဟ်ဟေၚ် အာဍုၚ်သာရဝှ်တုဲမ္ဂး ကြက်ကဵုလလမ်ကၠေံအဓိကိုရ် ပ္ဍဲဇရေၚ်တဳလမၞုံပိုဉ်ကျာ်တြဲအိုတ်ရ” ရဴဝွံ သ္ဂးအိုတ်ရ။
၂၇၆။ စၞောန်ထ္ၜးကဵုဟိုတ်စှ်ဒ္စာံဂကူ
[ပလေဝ်ဒါန် | ပလေဝ်ဒါန် တမ်ကၞက်]၄၆၈။ ပ္ဍဲအခိၚ်ဂှ် ခမဳပဒတဴပ္ဍဲဍုၚ်ကောသမ္ဗဳဂမၠိုၚ် လပှ်သီဂိုၚ်ကေတ် သၞာသတိက်သၞာဒၟံၚ်တုဲမ္ဂး ဂိုၚ်ကေတ်ဗဗေၚ်သ္ၚာတုဲ အာဍုၚ်သာရဝှ်အိုတ်ရ။ တဳလပိုဉ်သာရိပိုတ်ဂှ် “ခမဳပဒတဴပ္ဍဲဍုၚ်ကောသမ္ဗဳဂမၠိုၚ် မလေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ်တုဲ လေပ်သ္ပအဓိကိုရ်ပ္ဍဲသၚ်ဂှ် ကၠုၚ်ဍုၚ်သာရဝှ်အိုတ်ရဂး” ရဴဝွံ သ္ဂောံမိၚ်ရ။ ပ္ဍဲအခိၚ်ဂှ် တဳလပိုဉ်သာရိပိုတ် ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တုဲ သီုမဂဇအ်ဒၟံၚ်ပ္ဍဲဒၞါဲမွဲဂှ် “ယွံတဳလပိုဉ် ခမဳပဒတဴပ္ဍဲဍုၚ်ကောသမ္ဗဳဂမၠိုၚ် မလေပ်သ္ပပွမကယျာန်ဓဝါတ် ကြဴမတ်, ဂတမတ် ပွမဟီုသ္ဂးစှ်ေစ လေပ်သ္ဂးဂလာန်မဂၠိုၚ်တုဲ လေပ်သ္ပအဓိကိုရ်ပ္ဍဲသၚ်ဂှ် ကၠုၚ်ဍုၚ်သာရဝှ်အိုတ်ရဂး၊ ယွံတဳလပိုဉ် ပိုဲဍိက်ညးဂမၠိုၚ် ပသာ်ဂွံဒ္ဂေတ်သ္ပပ္ဍဲလတူခမဳဂမၠိုၚ်ဂှ်ရော?” ရဴဝွံ ဂရၚ်ပတီရ။ ယွံကောန်သာရိပိုတ် ဒှ်သာ်ဂှ်မ္ဂး တၠအဲ အတိုၚ်လၟေၚ်ဓရ် ဩဝ်တန်တဴညိ ရဴဝွံ (သ္ဂးရ)။ ယွံတဳလမၞုံပိုဉ် ပိုဲဍိက်တအ်ညး၈မၠိုၚ် ပသာ်ဂွံတီကေတ် ဓရ် ဟွံဓရ်ရော? ရဴဝွံ (ဂရၚ်ပတီရ)။ ယွံကောန်သာရိပိုတ် နကဵုဟိုတ်ဂမၠိုၚ်စှ်ဒ္စာံဂကူ ဂွံတီကေတ် ပူဂိုလ်အဓမ္မဝါဒဳရ။ ယွံကောန်သာရိပိုတ် ပ္ဍဲသာသနာဝွံ ခမဳဂှ် ဟွံသေၚ်ကဵုဓရ်ဂှ် ဓရ်ရ ရဴဝွံ ထ္ၜးရ၊ ဓရ်ဂှ် ဟွံသေၚ်ကဵုဓရ်ရ ရဴဝွံ ထ္ၜးရ၊ ဟွံသေၚ်ကဵုဝိနယ်ဂှ် ဝိနယ်ရ ရဴဝွံ ထ္ၜးရ၊ ဝိနယ်ဂှ် ဟွံသေၚ်ကဵုဝိနယ်ရ ရဴဝွံ ထ္ၜးရ၊ ကျာ်တြဲ မဟဂပ်ဝ်တွံ မဟဂပ်ဝ်ဟီုဂှ် ကျာ်တြဲ ဂပ်ဝ်တွံ ဂပ်ဝ်ဟီုရ ရဴဝွံ ထ္ၜးရ၊ ကျာ်တြဲ မဂပ်ဝ်တွံ မဂပ်ဝ်ဟီုဂှ် ကျာ်တြဲ မဟဂပ်ဝ်တွံ မဟဂပ်ဝ်ဟီုရ ရဴဝွံ ထ္ၜးရ၊ အလေံဒ္ဂေတ်လ္ၚတ်ကျာ်တြဲဟွံသေၚ်ဂှ် အလေံဒ္ဂေတ်လ္ၚတ်ကျာ်တြဲရ ရဴဝွံထ္ၜးရ၊ အလေံဒ္ဂေတ်လ္ၚတ်ကျာ်တြဲဂှ် အလေံဒ္ဂေတ်လ္ၚတ်ကျာ်တြဲဟွံသေၚ်ရ ရဴဝွံထ္ၜးရ၊ ကျာ်တြဲ မဟဂပ်ဝ်ပညပ်ဂှ် ကျာ်တြဲ ဂပ်ဝ်ပညပ်ရ ရဴဝွံ ထ္ၜးရ၊ ကျာ်တြဲ မဂပ်ဝ်ပညပ်ဂှ် ကျာ်တြဲ မဟဂပ်ဝ်ပညပ်ရ ရဴဝွံ ထ္ၜးရ၊ ဟွံဒးအာပတ်ဂှ် ဒးအာပတ်ရ ရဴဝွံ ထ္ၜးရ၊ ဒးအာပတ်ဂှ် ဟွံဒးအာပတ်ရ ရဴဝွံ ထ္ၜးရ၊ အာပတ်မသာဂှ် အာပတ်မဇြိုၚ်ရ ရဴဝွံ ထ္ၜးရ၊ အာပတ်မဇြိုၚ်ဂှ် အာပတ်သာရ ရဴဝွံ ထ္ၜးရ၊ အာပတ်မၞုံကဵုသှ်ေသၟေဟ်ဂှ် အာပတ်ဟွံမွဲကဵုသှ်ေသၟေဟ်ရ ရဴဝွံ ထ္ၜးရ၊ အာပတ်ဟွံမွဲကဵုသှ်ေသၟေဟ်ဂှ် အာပတ်မၞုံကဵုသှ်ေသၟေဟ်ရ ရဴဝွံ ထ္ၜးရ၊ အာပတ်ရုန်မဵု ‘ကြံၚ်မ္ၚိုဟ်’ ဂှ် အာပတ်ဟွံရုန်မဵု ‘ဟွံကြံၚ်မ္ၚိုဟ်’ ဂှ်ရ ရဴဝွံ ထ္ၜးရ၊ အာပတ်ရုန်မဵု ‘ကြံၚ်မ္ၚဵုဟ်’ ဂှ် အာပတ်ဟွံရုန်မဵု ‘ဟွံကြံၚ်မ္ၚိုဟ်’ ရ ရဴဝွံ ထ္ၜးရ။ ယွံကောန်သာရိပိုတ် နကဵု (ဝတ္ထု) ဟိုတ်ဂမၠိုၚ်စှ်ဒ္စာံဂကူဝွံ ဂွံတီကေတ်ပူဂိုလ်အဓမ္မဝါဒဳရ။ ယွံကောန်သာရိပိုတ် နကဵုဟိုတ်ဂမၠိုၚ်စှ်ဒ္စာံဂကူ ဂွံတီကေတ်ပူဂိုလ်ဓမ္မဝါဒဳရ။ ယွံကောန်သာရိပိုတ် ပ္ဍဲသာသနာဝွံ ခမဳဂှ် ဟွံသေၚ်ကဵုဓရ်ဂှ် ဟွံသေၚ်ကဵုဓရ်ရ ရဴဝွံ ထ္ၜးရ၊ ဓရ်ဂှ် ဓရ်ရ ရဴဝွံ ထ္ၜးရ၊ ဟွံသေၚ်ကဵုဝိနယ်ဂှ် ဟွံသေၚ်ကဵုဝိနယ်ရ ရဴဝွံ ထ္ၜးရ၊ ဝိနယ်ဂှ် ဝိနယ်ရ ရဴဝွံ ထ္ၜးရ၊ ကျာ်တြဲ မဟဂပ်ဝ်တွံ မဟဂပ်ဝ်ဟီုဂှ် ကျာ်တြဲ မဂပ်ဝ်တွံ မဂပ်ဝ်ဟီုရ ရဴဝွံ ထ္ၜးရ၊ ကျာ်တြဲ မဂပ်ဝ်တွံ မဂပ်ဝ်ဟီုဂှ် ကျာ်တြဲ ဂပ်ဝ်တွံ ဂပ်ဝ်ဟီုရ ရဴဝွံ ထ္ၜးရ၊ အလေံဒ္ဂေတ်လ္ၚတ်ကျာ်တြဲဟွံသေၚ်ဂှ် အလေံဒ္ဂေတ်လ္ၚတ်ကျာ်တြဲဟွံသေၚ်ရ ရဴဝွံ ထ္ၜးရ၊ အလေံဒ္ဂေတ်လ္ၚတ်ကျာ်တြဲဂှ် အလေံဒ္ဂေတ်ကျာ်တြဲရ ရဴဝွံ ထ္ၜးရ၊ ကျာ်တြဲ မဟဂပ်ဝ်ပညပ်ဂှ် ကျာ်တြဲ မဟဂပ်ဝ်ပညပ်ရ ရဴဝွံ ထ္ၜးရ၊ ကျာ်တြဲ မဂပ်ဝ်ပညပ်ဂှ် ကျာ်တြဲ ဂပ်ဝ်ပညပ်ရ ရဴဝွံ ထ္ၜးရ၊ ဟွံဒးအာပတ်ဂှ် ဟွံဒးအာပတ်ရ ရဴဝွံ ထ္ၜးရ၊ ဒးအာပတ်ဂှ် ဒးအာပတ်ရ ရဴဝွံ ထ္ၜးရ၊ အာပတ်မသာဂှ် အာပတ်မသာရ ရဴဝွံ ထ္ၜးရ၊ အာပတ်မဇြိုၚ်ဂှ် အာပတ်မဇြိုၚ်ရ ရဴဝွံ ထ္ၜးရ၊ အာပတ်မၞုံကဵုသှ်ေသၟေဟ်ဂှ် အာပတ်မၞုံကဵုသှ်ေသၟေဟ်ရ ရဴဝွံ ထ္ၜးရ၊ အာပတ်ဟွံမွဲကဵုသှ်ေသၟေဟ်ဂှ် အာပတ်ဟွံမွဲကဵုသှ်ေသၟေဟ်ရ ရဴဝွံ ထ္ၜးရ၊ အာပတ်ရုန်မဵု ‘ကြံၚ်မ္ၚိုဟ်’ ဂှ် အာပတ်ရုန်မဵု ‘ကြံၚ်မ္ၚိုဟ်’ ဂှ်ရ ရဴဝွံ ထ္ၜးရ၊ အာပတ်ဟွံရုန်မဵု ‘ဟွံကြံၚ်မ္ၚိုဟ်’ ဂှ် အာပတ်ဟွံရုန်မဵု ‘ဟွံကြံၚ်မ္ၚိုဟ်’ ရ ရဴဝွံ ထ္ၜးရ။ ယွံကောန်သာရိပိုတ် နကဵု (ဝတ္ထု) ဟိုတ်ဂမၠိုၚ်စှ်ဒ္စာံဂကူဝွံ ဂွံတီကေတ်ပူဂိုလ်ဓမ္မဝါဒဳရ။
၄၆၉။ တဳလပိုဉ်မဟာမောဂ္ဂလာန် သ္ဂောံမိၚ်ရ ။ ပ ။ တဳလပိုဉ်မဟာကဿပ သ္ဂောံမိၚ်ရ။ တဳလပိုဉ် မဟာကစ္စာယ် သ္ဂောံမိၚ်။ တဳလပိုဉ်မဟာကောဋိက သ္ဂောံမိၚ်ရ။ တဳလပိုဉ်မဟာကပ္ပိန သ္ဂောံမိၚ်ရ။ တဳလပိုဉ်မဟာစုန္ဒ သ္ဂောံမိၚ်ရ။ တဳလပိုဉ်အနုရုဒ္ဓ သ္ဂောံမိၚ်ရ။ တဳလပိုဉ်ရေဝတ သ္ဂောံမိၚ်ရ။ တဳလပိုဉ်ဥပါလိ သ္ဂောံမိၚ်ရ။ တဳလပိုဉ်အာနန္ဒ သ္ဂောံမိၚ်ရ။ တဳလပိုဉ်ရာဟုလဂှ် “ခမဳပဒတဴပ္ဍဲဍုၚ် ကောသမ္ဗဳဂမၠိုၚ် မလေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ပဂလာန်မဂၠိုၚ်တုဲ လေပ်သ္ပအဓိကိုရ်ပ္ဍဲသၚ်ဂှ် ကၠုၚ်ဍုၚ်သာရဝှ်အိုတ်ရဂး” ရဴဝွံ သ္ဂောံမိၚ်ရ။ ပ္ဍဲအခိၚ်ဂှ် တဳလပိုဉ်ရာဟုလ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တုဲ သီုမဂဇအ်ဒၟံၚ်ပ္ဍဲဒၞါဲမွဲဂှ် “ယွံတဳလမၞုံပိုဉ် ခမဳပဒတဴပ္ဍဲဍုၚ်ကောသမ္ဗဳဂမၠိုၚ် မလေပ်သ္ပပွမကယျာန်ဓဝါတ် ကြဴမတ်, ဂတမတ် ပွမဟိုသ္ဂးစှ်ေစ လေပ်သ္ဂးဂလာန်မဂၠိုၚ်တုဲ လေပ်သ္ပအဓိကိုရ်ပ္ဍဲသၚ်ဂှ် ကၠုၚ်ဍုၚ်သာရဝှ်အိုတ်ရဂး၊ ယွံတဳလမၞုံပိုဉ် ပိုဲဍိက်ညးဂမၠိုၚ် ပသာ်ဂွံဒ္ဂေတ်သ္ပ ပ္ဍဲလတူခမဳဂမၠိုၚ်ဂှ်ရော?” ရဴဝွံ ဂရၚ်ပတီရ။ ယွံကော်ရာဟုလ ဒှ်သာ်ဂှ်မ္ဂး တၠအဲ အတိုၚ်လၟေၚ်ဓရ် ဩဝ်တန်တဴညိ ရဴဝွံ (သ္ဂးရ)။ ယွံတဳလမၞုံပိုဉ် ပိုဲဍိက်တအ်ညးဂမၠိုၚ် ပသာ်ဂွံတီကေတ်ဓရ် ဟွံဓရ်ရော? ရဴဝွံ (ဂရၚ်ပတီရ)။ ယွံကောန်ရာဟုလ နကဵုဟိုတ်ဂမၠိုၚ်စှ်ဒ္စာံဂကူ ဂွံတီကေတ်ပူဂိုလ်အဓမ္မဝါဒဳရ။ ယွံကောန်ရာဟုလ ပ္ဍဲသာသနာဝွံ ခမဳဂှ် ခမဳဂှ် ဟွံသေၚ်ကဵုဓရ်ဂှ် ဓရ်ရ ရဴဝွံ ထ္ၜးရ၊ ဓရ်ဂှ် ဟွံသေၚ်ကဵုဓရ်ရ ရဴဝွံ ထ္ၜးရ၊ ဟွံသေၚ်ကဵုဝိနယ်ဂှ် ဝိနယ်ရ ရဴဝွံ ထ္ၜးရ၊ ဝိနယ်ဂှ် ဟွံသေၚ်ကဵုဝိနယ်ရ ရဴဝွံ ထ္ၜးရ၊ ကျာ်တြဲ မဟဂပ်ဝ်တွံ မဟဂပ်ဝ်ဟီုဂှ် ကျာ်တြဲ ဂပ်ဝ်တွံ ဂပ်ဝ်ဟီုရ ရဴဝွံ ထ္ၜးရ၊ ကျာ်တြဲ မဂပ်ဝ်တွံ မဂပ်ဝ်ဟီုဂှ် ကျာ်တြဲ မဟဂပ်ဝ်တွံ မဟဂပ်ဝ်ဟီုရ ရဴဝွံ ထ္ၜးရ၊ အလေံဒ္ဂေတ်လ္ၚတ်ကျာ်တြဲဟွံသေၚ်ဂှ် အလေံဒ္ဂေတ်လ္ၚတ်ကျာ်တြဲရ ရဴဝွံ ထ္ၜးရ၊ အလေံဒ္ဂေတ်လ္ၚတ်ကျာ်တြဲဂှ် အလေံဒ္ဂေတ်လ္ၚတ်ကျာ်တြဲဟွံသေၚ်ရ ရဴဝွံထ္ၜးရ၊ ကျာ်တြဲ မဟဂပ်ဝ်ပညပ်ဂှ် ကျာ်တြဲ ဂပ်ဝ်ပညပ်ရ ရဴဝွံ ထ္ၜးရ၊ ကျာ်တြဲ မဂပ်ဝ်ပညပ်ဂှ် ကျာ်တြဲ မဟဂပ်ဝ်ပညပ်ရ ရဴဝွံ ထ္ၜးရ၊ ဟွံဒးအာပတ်ဂှ် ဒးအာပတ်ရ ရဴဝွံ ထ္ၜးရ၊ ဒးအာပတ်ဂှ် ဟွံဒးအာပတ်ရ ရဴဝွံ ထ္ၜးရ၊ အာပတ်မသာဂှ် အာပတ်မဇြိုၚ်ရ ရဴဝွံ ထ္ၜးရ၊ အာပတ်မဇြိုၚ်ဂှ် အာပတ်သာရ ရဴဝွံ ထ္ၜးရ၊ အာပတ်မၞုံကဵုသှ်ေသၟေဟ်ဂှ် အာပတ်ဟွံမွဲကဵုသှ်ေသၟေဟ်ရ ရဴဝွံ ထ္ၜးရ၊ အာပတ်ဟွံမွဲကဵုသှ်ေသၟေဟ်ဂှ် အာပတ်မၞုံကဵုသှ်ေသၟေဟ်ရ ရဴဝွံ ထ္ၜးရ၊ အာပတ်ရုန်မဵု ‘ကြံၚ်မ္ၚိုဟ်’ ဂှ် အာပတ်ဟွံရုန်မဵု ‘ဟွံကြံၚ်မ္ၚိုဟ်’ ဂှ်ရ ရဴဝွံ ထ္ၜးရ၊ အာပတ်ရုန်မဵု ‘ကြံၚ်မ္ၚဵုဟ်’ ဂှ် အာပတ်ဟွံရုန်မဵု ‘ဟွံကြံၚ်မ္ၚိုဟ်’ ရ ရဴဝွံ ထ္ၜးရ။ ယွံကောန်ရာဟုလ နကဵု (ဝတ္ထု) ဟိုတ်ဂမၠိုၚ်စှ်ဒ္စာံဂကူဝွံ ဂွံတီကေတ်ပူဂိုလ်အဓမ္မဝါဒဳရ။ ယွံကောန်ရာဟုလ နကဵုဟိုတ်ဂမၠိုၚ်စှ်ဒ္စာံဂကူ ဂွံတီကေတ်ပူဂိုလ်ဓမ္မဝါဒဳရ။ ယွံကောန်သာရိပိုတ် ပ္ဍဲသာသနာဝွံ ခမဳဂှ် ဟွံသေၚ်ကဵုဓရ်ဂှ် ဟွံသေၚ်ကဵုဓရ်ရ ရဴဝွံ ထ္ၜးရ၊ ဓရ်ဂှ် ဓရ်ရ ရဴဝွံ ထ္ၜးရ၊ ဟွံသေၚ်ကဵုဝိနယ်ဂှ် ဟွံသေၚ်ကဵုဝိနယ်ရ ရဴဝွံ ထ္ၜးရ၊ ဝိနယ်ဂှ် ဝိနယ်ရ ရဴဝွံ ထ္ၜးရ၊ ကျာ်တြဲ မဟဂပ်ဝ်တွံ မဟဂပ်ဝ်ဟီုဂှ် ကျာ်တြဲ မဂပ်ဝ်တွံ မဂပ်ဝ်ဟီုရ ရဴဝွံ ထ္ၜးရ၊ ကျာ်တြဲ မဂပ်ဝ်တွံ မဂပ်ဝ်ဟီုဂှ် ကျာ်တြဲ ဂပ်ဝ်တွံ ဂပ်ဝ်ဟီုရ ရဴဝွံ ထ္ၜးရ၊ အလေံဒ္ဂေတ်လ္ၚတ်ကျာ်တြဲဟွံသေၚ်ဂှ် အလေံဒ္ဂေတ်လ္ၚတ်ကျာ်တြဲဟွံသေၚ်ရ ရဴဝွံ ထ္ၜးရ၊ အလေံဒ္ဂေတ်လ္ၚတ်ကျာ်တြဲဂှ် အလေံဒ္ဂေတ်ကျာ်တြဲရ ရဴဝွံ ထ္ၜးရ၊ ကျာ်တြဲ မဟဂပ်ဝ်ပညပ်ဂှ် ကျာ်တြဲ မဟဂပ်ဝ်ပညပ်ရ ရဴဝွံ ထ္ၜးရ၊ ကျာ်တြဲ မဂပ်ဝ်ပညပ်ဂှ် ကျာ်တြဲ ဂပ်ဝ်ပညပ်ရ ရဴဝွံ ထ္ၜးရ၊ ဟွံဒးအာပတ်ဂှ် ဟွံဒးအာပတ်ရ ရဴဝွံ ထ္ၜးရ၊ ဒးအာပတ်ဂှ် ဒးအာပတ်ရ ရဴဝွံ ထ္ၜးရ၊ အာပတ်မသာဂှ် အာပတ်မသာရ ရဴဝွံ ထ္ၜးရ၊ အာပတ်မဇြိုၚ်ဂှ် အာပတ်မဇြိုၚ်ရ ရဴဝွံ ထ္ၜးရ၊ အာပတ်မၞုံကဵုသှ်ေသၟေဟ်ဂှ် အာပတ်မၞုံကဵုသှ်ေသၟေဟ်ရ ရဴဝွံ ထ္ၜးရ၊ အာပတ်ဟွံမွဲကဵုသှ်ေသၟေဟ်ဂှ် အာပတ်ဟွံမွဲကဵုသှ်ေသၟေဟ်ရ ရဴဝွံ ထ္ၜးရ၊ အာပတ်ရုန်မဵု ‘ကြံၚ်မ္ၚိုဟ်’ ဂှ် အာပတ်ရုန်မဵု ‘ကြံၚ်မ္ၚိုဟ်’ ဂှ်ရ ရဴဝွံ ထ္ၜးရ၊ အာပတ်ဟွံရုန်မဵု ‘ဟွံကြံၚ်မ္ၚိုဟ်’ ဂှ် အာပတ်ဟွံရုန်မဵု ‘ဟွံကြံၚ်မ္ၚိုဟ်’ ရ ရဴဝွံ ထ္ၜးရ။ ယွံကောန်ရာဟုလ နကဵု (ဝတ္ထု) ဟိုတ်ဂမၠိုၚ်စှ်ဒ္စာံဂကူဝွံ ဂွံတီကေတ်ပူဂိုလ်ဓမ္မဝါဒဳရ။
၄၇၀။ မဟာပဇာပတိဂေါတမဳဂှ် “ခမဳပဒတဴပ္ဍဲဍုၚ်ကေသမ္ဗဳဂမၠိုၚ် မလေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ်တုဲ လေပ်သ္ပအဓိကိုရ်ပ္ဍဲသၚ်ဂှ် ကၠုၚ်ဍုၚ်သာရဝှ်အိုတ်ရဂး” ရဴဝွံ သ္ဂောံမိၚ်ရ။ ပ္ဍဲအခိၚ်ဂှ် မဟာမဇာပတိဂေါတမဳ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တုဲ သီုမဂဇအ်ဒၟံၚ်ပ္ဍဲဒၞါဲမွဲဂှ် “ယွံတဳလမၞုံပိုဉ် ခမဳပဒတဴပ္ဍဲဍုၚ်ကောသမ္ဗဳဂမၠိုၚ် မလေပ်သ္ပပွမကယျာန်ဓဝါတ်ကြဴမတ်, ဂတမ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ်တုဲ လေပ်သ္ပအဓိကိုရ်ပ္ဍဲသၚ်ဂှ် ကၠုၚ်ဍုၚ်သာရဝှ်အိုတ်ရဂး၊ ယွံတဳလမၞုံပိုဉ် ပိုဲဍိက်ညးဂမၠိုၚ် ပသာ်ဂွံဒ္ဂေတ်သ္ပ ပ္ဍဲလတူခမဳဂမၠိုၚ်ဂှ်ရော?” ရဴဝွံ ဂရၚ်ပတီရ။ ယွံဂေါတမဳ ဒှ်သာ်ဂှ်မ္ဂး တၠအဲ ဩဝ်ကလၚ်ပၚ်မှိၚ်ဓရ် ပ္ဍဲသၚ်ၜါလပါ်ညိ၊ ကလၚ်ပၚ်မှိၚ်ဓရ် ပ္ဍဲသၚ်ၜါလပါ်တုဲမ္ဂး ပၞောဝ်ကဵုသၚ်ၜါလပါ်ဂှ် ဩဝ်သ္ဍိုက်မၠိုက်ဒးဂၞပ် လညာတ်ကီု အလိုက်ပၟိက်ကီု ပွမသ္ဍိုက်မၠိုက်ဒးဂၞပ်ကီု ကွေတ်ကီု ခမဳမဟီုသ္ဂးဓရ်ဂမၠိုၚ်ညိ၊ ကေၚ်ကာအိုတ်သီုဘိက္ခုနဳသၚ် မထေက်ကဵုရာဒနာစၟဳတဴ နူဇရေၚ်ဘိက္ခုသၚ်ဂှ် ဒးရာဒနာစၟဳတဴ နူပူဂိုလ်ဓမ္မဝါစဳဂမၠိုၚ်ဟေၚ်ရ ရဴဝွံ (သ္ဂးရ)။
၄၇၁။ အနာထပိဏ္ဍိကသေဌဳဂှ် “ခမဳပဒတဴပ္ဍဲဍုၚ်ကောသမ္ဗဳဂမၠိုၚ် မလေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ်တုဲ လေပ်သ္ပအဓိကိုရ်ပ္ဍဲသၚ်ဂှ် ကၠုၚ်ဍုၚ်သာရဝှ်အိုတ်ရဂး” ရဴဝွံ သ္ဂောံမိၚ်ရ။ ပ္ဍဲအခိၚ်ဂှ် အနာထပိဏ္ဍိကသေဌဳ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တုဲ သီုမဂဇအ်ဒၟံၚ်ပ္ဍဲဒၞါဲမွဲဂှ် “ယွံတဳလမၞုံပိုဉ် ခမဳပဒတဴပ္ဍဲဍုၚ်ကောသမ္ဗဳဂမၠိုၚ် မလေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လပ်သ္ပဂလာန်မဂၠိုၚ်တုဲ လေပ်သ္ပအဓိကိုရ်ပ္ဍဲသၚ်ဂှ် ကၠုၚ်ဍုၚ်သာရဝှ်အိုတ်ရဂး၊ ယွံတဳလမၞုံပိုဉ် ပိုဲဍိက်ညးဂမၠိုၚ် ပသာ်ဂွံဒ္ဂေတ်သ္ပ ပ္ဍဲလတူခမဳဂမၠိုၚ်ဂှ်ရော?” ရဴဝွံ ဂရၚ်ပတီရ။ ယွံသေဌဳ ဒှ်သာ်ဂှ်မ္ဂး တၠအဲ ဩဝ်ကဵုဒါန် ပ္ဍဲသၚ်ၜါလပါ်ညိ၊ ကဵုဒါန် ပ္ဍဲသၚ်ၜါလပါ်တုဲမ္ဂး ဩဝ်ကလၚ်ပၚ်မှိၚ်ဓရ် ပ္ဍဲသၚ်ၜါလပါ်ညိ၊ ကလၚ်ပၚ်မှိၚ်ဓရ် ပ္ဍဲသၚ်ၜါလပါ်တုဲမ္ဂး ပၞောဝ်ကဵုသၚ်ၜါလပါ်ဂှ် ဩဝ်သ္ဍိုက်မၠိုက်ဒးဂၞပ် လညာတ်ကီု အလိုက်ပၟိက်ကီု ပွမသ္ဍိုက်မၠိုက်ဒးဂၞပ်ကီု ကွေတ်ကီု ခမဳမဟီုသ္ဂး ဓရ်ဂမၠိုၚ်ညိ ရဴဝွံ (သ္ဂးရ)။
၄၇၂။ ဝိသာခါမၞုံယၟုမိဂါရမာတာဂှ် “ခမဳပဒတဴပ္ဍဲဍုၚ်ကောသမ္ဗဳဂမၠိုၚ် မလေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေဂး လေပ်သ္ဂးဂလနာ်မဂၠိုၚ်တုဲ လေပ်သ္ပအဓိကိုရ်ပ္ဍဲသၚ်ဂှ် ကၠုၚ်ဍုၚ်သာရဝှ်အိုတ်ရဂး” ရဴဝွံ သ္ဂောံမိၚ်ရ။ ပ္ဍဲအခိၚ်ဂှ် ဝိသာခါမၞုံယၟုမိဂါရမာတာ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တုဲ သီုမဂဇအ်ဒၟံၚ်ပ္ဍဲဒၞါဲမွဲဂှ် “ယွံတဳလမၞုံပိုဉ် ခမဳပဒတဴပ္ဍဲဍုၚ်ကောသမ္ဗဳဂမၠိုၚ် မလေပ်သ္ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလာန်မဂၠိုၚ်တုဲ လေပ်သ္ပအဓိကိုရ်ပ္ဍဲသၚ်ဂှ် ကၠုၚ်ဍုၚ်သာရဝှ်အိုတ်ရဂး၊ ယွံတဳလမၞုံပိုဉ် ပ္ဍဲဍိက်တအ်ညးဂမၠိုၚ် ပသာ်ဂွံဒ္ဂေတ်သ္ပ ပ္ဍဲလတူခမဳဂမၠိုၚ်ဂှ်ရော?” ရဴဝွံ ဂရၚ်ပတီရ။ ယွံဝိသာခါ ဒှ်သာ်ဂှ်မ္ဂး တၠအဲ ဩဝ်ကဵုဒါန် ပ္ဍဲသၚ်ၜါလပါ်ညိ၊ ကဵုဒါန် ပ္ဍဲသၚ်ၜါလပါ်တုဲမ္ဂး ဩဝ်ကလၚ်ပၚ်မှိၚ်ဓရ် ပ္ဍဲသၚ်ၜါလပါ်ညိ၊ ကလၚ်ပၚ်မှိၚ်ဓရ် ပ္ဍဲသၚ်ၜါလပါ်တုဲမ္ဂး ပၞောဝ်ကဵုသၚ်ၜါလပါ်ဂှ် ဩဝ်သ္ဍိုက်မၠိုက်ဒးဂၞပ် လညာတ်ကီု အလိုက်ကီု အလိုက်ပၟိက်ကီု ပွမသ္ဍိုက်မၠိုက်ဒးဂၞပ်ကီု ကွေတ်ကီု ခမဳမဟီုသ္ဂးဓရ်ဂမၠိုၚ်ညိ ရဴဝွံ (သ္ဂးရ)။
၄၇၃။ ပ္ဍဲအခိၚ်ဂှ် ခမဳပဒတဴပ္ဍဲဍုၚ်ကောသမ္ဗဳဂမၠိုၚ် အတိုၚ်လၟေၚ်လၟေၚ် အာအိုတ်မ္ဂး စိုပ်ကၠုၚ် ဍုၚ်သာရဝှ်အိုတ်ရ။ ပ္ဍဲအခိၚ်ဂှ် တဳလပိဒဉ်သာရိပိုတ် ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တုဲ သီုမဂဇအ်ဒၟံၚ်ပ္ဍဲဒၞါဲမွဲဂှ် “ယွံတဳလပိုဉ် ခမဳပဒတဴပ္ဍဲဍုၚ်ကောသမ္ဗဳဂမၠိုၚ် မလေပ်သ်ပပွမကယျာန်ဓဝါတ်ကြဴမတ်, ဂတမတ် ပွမဟီုသ္ဂးစှ်ေစး လေပ်သ္ဂးဂလနာ်မဂၠိုၚ်တုဲ လေပ်သ္ပအဓိကိုရ်ပ္ဍဲသၚ်ဂှ် ကၠုၚ်ဍုၚ်သာရဝှ်အိုတ်ရဂး၊ ယွံတဳလပိုဉ် စပ်ကဵုဘာသၞာသတိက်သၞာဒၟံၚ်တုဲ ပသာ်ဂွံဒ္ဂေတ်သ္ပ ပ္ဍဲလတူခမဳဂမၠိုၚ်ဂှ်ရော?” ရဴဝွံ ဂရၚ်ပတီရ။ ယွံကောန်သရိပိုတ် ဘာ သၞာသတိက်သၞာဒၟံၚ်မသ္ၚိတ်ဇြ ရ ရဴဝွံ သ္ဂးရ။ ယွံတဳလမၞုံပိုဉ် ဘာ သၞာသတိုက်သၞာဒမံၚ်မသ်ၚိတ်ဇြ ဟွံမွဲမ္ဂး ပသာ်ဂွံဒ္ဂေတ်သ္ပရော?” ရဴဝွံ (ဂရၚ်ပတီရ)။ ယွံကောန်သာရိပိုတ် ဒှ်သာ်ဂှ်မ္ဂး သ္ပညံၚ်ဂွံသ္ၚိတ်ဇြတုဲ ဒးကဵုရ၊ ယွံကောန်သာရိပိုတ် နဟိုတမမိက်ကဵုမွဲမွဲလေဝ် ဒးဆေဝ်ဒဝ် သၞာသတိက်သၞာဒၟံၚ် ခမဳဇၞော်ရ ရဴဝွံ အဲဟွံတွံရ၊ ကုခမဳ မဆေဝဒဝ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။ ယွံတဳလမၞုံပိဒဉ် စပ်က၆ုအာမိသမပ္တံပိဏ္ဍပါတ်တုဲ ပသာ်ဂွံဒ္ဂေတ်သ်ပရော?” ရဴဝွံ (ဂရၚ်ပတီရ)။ ယွံကောန်သာရိပိုတ် အာမိသမပ္တံပိဏ္ဍပါတ်ဂှ် ဒးပါ်ပရအ်ကေုာံခမဳဂမၠိုၚ်အိုတ်သီုရ ရဴဝွံ (သ္ဂးရ)။
၂၇၇။ ကဵုအခေါၚ်ပွမကော်ပၠုပ် ဇရေၚ်သၚ်
[ပလေဝ်ဒါန် | ပလေဝ်ဒါန် တမ်ကၞက်]၄၇၄။ ပ္ဍဲအခိၚ်ဂှ် ကုခမဳမဒးဒုၚ်ဗက်ပတိတ်ဂှ် ဗ္စာရဏာဓမ္မဝိနယမ္ဂး “အရာဝွံ ဒးအာပတ်ရ၊ အရာဝွံ ဟွံဒးအာပတ်ဟွံသေၚ်ရ၊ အဲ ဒးအာပတ်ရ၊ အဲ ညးဟွံဒးအာပတ် ဟွံသေၚ်ရ၊ မဗဗွဲဓရ် မဟဂပ်ဝ်ပလီုပလာ် မထေက်ကုသာသနာရ” ရဴဝွံ ကသပ်ဒှ်ရ။ ပ္ဍဲအခိၚ်ဂှ် ခမဳမဒးဒုက်ဗက်ပတိတ်ဂှ် ပြာပ်အာဇရေၚ် ခမဳဗက်လက်ကရဴ ခမဳမဒးဒုၚ်ဗက်ပတိတ်ထောံဂမၠိုၚ်တုဲ “ယွံကောန်တၠတအ် အရာဝွံ ဒးအာပတ်ရ၊ အရာဝွံ ဟွံဒးအာပတ်ဟွံသေၚ်ရ၊ အဲ ဒးအာပတ်ရ၊ အဲညးဟွံဒးအာပတ် ဟွံသေၚ်ရ၊ ဂပ်ဝ်ဗက်ပတိတ်အဲရ၊ အဲဂှ် ညးဟဂပ်ဝ်ပတိတ် ဟွံသေၚ်ရ၊ ဗက်ပတိတ် နကဵုကမ် မဗဗွဲဓရ် မဟဂပ်ဝ်ပလီုပလာ် မထေက်ကုသာသနာရ၊ ယွံတဳလပိုဉ်တအ် ဩဝ်ကၠုၚ်အိုတ်ညိ၊ ဩဝ်ကော်ပၠုပ် အဲဍိက် (ဇရေၚ်သၚ်) အိုတ် ညိ” ရဴဝွံ ဟီုသ္ဂးကဵု ခမဳဗက်လက်ကရဴ ခမဳမဒးဒုၚ်ဗက်ပတိတ်ထောံဂမၠိုၚ်ရ။ ပ္ဍဲအခိၚ်ဂှ် ခမဳဗက်လက်ကရဴ ခမဳမဒးဒုၚ်ဗက်ပတိတ်ထောံဂမၠိုၚ်ဂှ် ရၚ်တၠုၚ်ကော်ဏာခမဳမဒးဒုၚ်ဗက်ပတိတ်ဂှ်တုဲ ပြာပ်အာဇရေၚ်တဳလပိုဉ်ကျာ်တြဲတုဲမ္ဂး လ္ၚောဝ်သ္ပဝတ်တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ်ပ္ဍဲဒၞါဲမွဲအိုတ်ဂှ် “ယွံတဳလမၞုံပိုဉ် ခမဳမဒးဒုၚ်ဗက်ပတိတ်ဝွံ ‘ယွံကောန်တၠတအ် အရာဝွံ ဒးအာပတ်ရ၊ အရာဝွံ ဟွံဒးအာပတ် ဟွံသေၚ်ရ၊ အဲ ဒးအာပတ်ရ၊ အဲ ညးဟွံဒးအာပတ် ဟွံသေၚ်ရ၊ ဂပ်ဝ်ဗက်ပတိတ် အဲရ၊ အဲဂှ် ညးဟဂပ်ဝ်ဗက်ပတိတ် ဟွံသေၚ်ရ၊ ဗက်ပတိတ် နကဵုကမ်မဗဗွဲဓရ် မဟဂပ်ဝ်ပလီုပလာ် မထေက်ကုသာသနာရ၊ ယွံတဳလပိုဉ်တအ် ဩဝ်ကၠုၚ်အိုတ်ညိ၊ ဩဝ်ကော်ပၠုပ်အဲဍိက် (ဇရေၚ်သၚ်) အိုတ်ညိ’ ရဴဝွံ ဟီုသ္ဂးရ၊ ယွံတဳလမၞုံပိုဉ် (ပိုဲဍိက်တအ်ညးဂမၠိုၚ်) ပသာ်ဂွံဒ္ဂေတ်သ္ပရော?” ရဴဝွံ ဂရၚ်ပတီအိုတ်ရ။ ယွံခမဳတအ် အရာဝွံ ဒးအာပတ်ရ၊ အရာဝွံ ဟွံဒးအာပတ် ဟွသေၚ်ရ၊ ခမဳဝွံ ဒးအာပတ်ရ၊ ခမဳဝွံ ညးဟွံဒးအာပတ် ဟွံသေၚ်ရ၊ ဂပ်ဝ်ဗက်ပတိတ် ခမဳဂှ်ရ၊ ခမဳဂှ် ညးဟဂပ်ဝ်ဗက်ပတိတ် ဟွံသေၚ်ရ၊ ဗက်ပတိတ် နကဵုကမ်မဗဗွဲဓရ် မဟပ်ဝ်ပလီုပလာ် မထေက်ကုသာသနာရ၊ ယွံခမဳတအ် ခမဳဂှ် အာပတ်လေဝ်ဒးရ၊ ညးဂပ်ဝ်ဗက်ပတိတ်လေဝ်ဒှ်ရ၊ အာပတ်လေဝ် မၠာ်သ္ၚေဝ်ရ၊ ဟိုတ်ဒှ်သာ်ဂှ်ရ ဩဝ်ကောပ်ပၠုပ်ခမဳဂှ် (ဇရေၚ်သၚ်) အိုတ်ညိ ရဴဝွံ (သ္ဂးရ)။
၂၇၈။ စၞောန်ထ္ၜးကဵုသၚ်ညဳသာသၟဟ်သၟန်
[ပလေဝ်ဒါန် | ပလေဝ်ဒါန် တမ်ကၞက်]၄၇၅။ ပ္ဍဲအခိၚ် ခမဳဗက်လက်ကရဴ ခမဳမဒးဒုၚ်ဗက်ပတိတ်ထောံဂမၠိုၚ်ဂှ် ကော်ပၠုပ်ခမဳမဒးဒုၚ်ဗက်ပတိတ်ဂှ် (ဇရေၚ်သၚ်) တုဲ ပြာပ်အာဇရေၚ်ခမဳမဗက်ပတိတ်ဂမၠိုၚ်တုဲမ္ဂး “ယွံကောန်တၠတအ် ယြဴဟိုတ်နူပွမဟွံမၠာ်သ္ၚေဝ်အာပတ်မွဲ ပွမကယျာန်ဓဝါတ်သေက်ဇဵုကြဴမတ်, ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကတဵုဒှ်ကၠုၚ်တုဲရ၊ ခမဳဂှ် အာပတ်လေဝ်ဒးရ၊ ညးဂပ်ဝ်ဗက်ပတိတ်လေဝ်ဒှ်ရ၊ အာပတ်လေဝ် မၠာ်သ္ၚေဝ်ရ၊ ညးဂပ်ဝ်ကော်ပၠုပ်တုဲလေဝ်ဒှ်ရ၊ ယွံကောန်တၠတအ် ပ္ဍဲအခိၚ်လၟုဟ် ပိုဲညးဂမၠိုၚ် တၞဟ်နသွက်ဂွံလလမ်ကၠေံ ဟိုတ် (မတွံဂး ပွမဟွံမၠာ်သ္ၚေဝ်အာပတ်) ဂှ် သ္ပပွမညဳသာသၟဟ်သၟန်သၚ်အိုတ်စိုအ်” ရဴဝွံ ဟီုသ္ဂးအိုတ်ရ။ ပ္ဍဲအခိၚ်ဂှ် ခမဳမဗက်ပတိတ်ဂမၠိုၚ် ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ်ပ္ဍဲဒၞါဲမွဲအိုတ်ဂှ် “ယွံတဳလမၞုံပိုဉ် ခမဳဗက်လက်ကရဴ ခမဳမဒးဒုၚ်ဗက်ပတိတ်ထောံဂမၠိုၚ်ဂှ် ‘ယွံကောန်တၠတအ် ယြဴဟိုတ်နူပွမဟွံမၠာ်သ္ၚေဝ်အာပတ်မွဲ ပွမကယျာန်ဓဝါတ် သေက်ဇဵုကြဴမတ်, ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကတဵုဒှ်ကၠုၚ်တုဲရ၊ ခမဳဂှ် အာပတ်လေဝ်ဒးရ၊ ညးဂပ်ဝ်ဗက်ပတိတ်တၞဟ်လေဝ်ဒှ်ရ၊ အာပတ်လေဝ်မၠာ်သ္ၚေဝ်ရ၊ ညးဂပ်ဝ်ကော်ပၠုပ်တုဲလေဝ်ဒှ်ရ၊ ယွံကောန်တၠတအ် ပ္ဍဲအခိၚ်လၟုဟ် ပိုဲညးဂမၠိုၚ် တၞဟ်နသွက်ဂွံလလမ်ကၠေံ ဟိုတ် (မတွံဂးပွမဟွံမၠာ်သ္ၚေဝ်အာပတ်) ဂှ် သ္ပပွမညဳသာသၟဟ်သၟန်သၚ်အိုတ်စိုအ်” ရဴဝွံ ဟီုသ္ဂးရ၊ ယွံတဳလမၞုံပိုဉ် (ပိုဲဍိက်တအ်ညးဂမၠိုၚ်) ပသာ်ဂွံဒ္ဂေတ်သ္ပရော?” ရဴဝွံ ဂရၚ်ပတီအိုတ်ရ။ ယွံခမဳတအ် ခမဳဂှ် အာပတ်လေဝ်ဒးရ၊ ညးဂပ်ဝ်ဗက်ပတိတ်လေဝ်ဒှ်ရ၊ အာပတ်လေဝ် မၠာ်သ္ၚေဝ်ရ၊ ညးဂပ်ဝ်ကော်ပၠုပ်တုဲလေဝ်ဒှ်ရ၊ ဟိုတ်ဒှ်သာ်ဂှ်ရ သၚ် တၞဟ်နသွက်ဂွံလလမ်ကၠေံဟိုတ် (မတွံဂးပွမဟွံမၠာ်သ္ၚေဝ်အာပတ်) ဂှ် ဩဝ်သ္ပပွမညဳသာသၟဟ်သၟန်သၚ်ညိ။ ယွံခမဳတအ် ရဴဝွံ ဒးသ္ပရ၊ ခမဳညးဂိယဲ ညးဟွံဂိယဲဂမၠိုၚ်အိုတ်သီု ဒးကောံဓရီု မွဲဂကောံဓဝ်ရ၊ ခမဳမမိက်ကဵုမွဲမွဲ ဟဂပ်ဝ်ကဵုဆန်ရ၊ ကော်ဓရီုတုဲမ္ဂး ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ− “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ယြဴဟိုတ်နူပွမဟွံမၠာ်သ္ၚေဝ်အာပတ်မွဲ ပွမကယျာန်ဓဝါတ်သေက်ဇဵုကြဴမတ်, ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကတဵုဒှ်ကၠုၚ်တုဲရ၊ ခမဳဂှ် အာပတ်လေဝ်ဒးရ၊ ညးဂပ်ဝ်ဗက်ပတိတ်လေဝ်ဒှ်ရ၊ အာပတ်လေဝ်မၠာ်သ္ၚေဝ်ရ၊ ညးဂပ်ဝ်ကော်ပၠုပ်တုဲလေဝ်ဒှ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် တၞဟ်နသွက်ဂွံလလမ်ကၠေံ ဟိုတ် (မတွံဂးပွမဟွံမၠာ်သ္ၚေဝ်အာပတ်) ဂှ် သ္ပပွမညဳသာသၟဟ်သၟန်သၚ်ရ၊ ဣဝွံတုန် ပွမကဵုတီရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ယြဴဟိုတ်နူပွမဟွံမၠာ်သ္ၚေဝ်အာပတ်မွဲ ပွမကယျာန်ဓဝါတ်သေက်ဇဵုကြဴမတ်, ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကတဵုဒှ်ကၠုၚ်တုဲရ၊ ခမဳဂှ် အာပတ်လေဝ်ဒးရ၊ ညးဂပ်ဝ်ဗက်ပတိတ်လေဝ်ဒှ်ရ၊ အာပတ်လေဝ်မၠာ်သ္ၚေဝ်ရ၊ ညးဂပ်ဝ်ကော်ပၠုပ်တုဲလေဝ်ဒှ်ရ၊ သၚ် တၞဟ်နသွက်ဂွံလလမ်ကၠေံ ဟိုတ် (မတွံဂးပွမဟွံမၠာ်သ္ၚေဝ်အာပတ်) ဂှ် ပွမသ္ပပွမညဳသာသၟဟ်သၟန်သၚ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ တၞဟ်နသွက်ဂွံလလမ်ကၠေံ ဟိုတ် (မတွံဂးပွဟွံမၠာ်သ္ၚေဝ်အာပတ်) ဂှ် ပွမသ္ပပွမညဳသာသၟဟ်သၟန်သၚ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိဒဉ်ဂှ် သ္ဒးဟီုတိုန်ရ။ သၚ် တၞဟ်နသွက်ဂွံလလမ်ကၠေံ ဟိုတ် (မတွံဂးပွမဟွံမၠာ်သ္ၚေဝ်အာပတ်) ဂှ် ဂပ်ဝ်သ္ပပွမညဳသာသၟဟ်သၟန်တုဲရ၊ ဂပ်ဝ်ပါဲကၠေံ ပွမသၚ်ပါ်ဒကးတုဲရ၊ ဂပ်ဝ်ပါဲကၠေံ စရိတ်သၚ်ကြက်ပ်ဒကးတုဲရ၊ ဂပ်ဝ်ပါဲကၠေံ ပွမသၚ်ပါ်ခြာအာတၞဟ်တၞဟ်တုဲရ၊ ဂပ်ဝ်ပါဲကၠေံ ပွမသ္ပပါ်ခြာတၞဟ်တၞဟ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။ မွဲခဏဂှ်ဟေၚ် ဒးသ္ပဥပေါသ်ရ၊ ဒးစၞောန်ထ္ၜးပါတိမုက်ရ ရဴဝွံ (သ္ဂးရ)။
၂၇၉။ သၟာန်စပ်ကဵုသၚ်ညဳသာသၟဟ်သၟန် တဳလပိုဉ်ဥပါလိ
[ပလေဝ်ဒါန် | ပလေဝ်ဒါန် တမ်ကၞက်]၄၇၆။ ပ္ဍဲအခိၚ်ဂှ် တဳလပိုဉ်ဥပါလိ ပြာပ်အာဇရေၚ် တဳလမၞုံပိုဉ်ကျာ်တြဲတုဲမ္ဂး လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သီုမဂဇအ်ဒၟံၚ်ပ္ဍဲဒၞါဲမွဲဂှ် “ယွံတဳလမၞုံပိုဉ် ယြဴဟိုတ်နူဟိုတ်ဝတ္ထုမွဲ ပွမကယျာန်ဓဝါတ်သေက်ဇဵုကြဴမတ်, ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကတဵုဒှ်ကၠုၚ်ရ၊ သၚ် သီုဟွံသ္ဂုတ်သွတ်ဟိုတ်နူ နူတမ် သီုဟွံအာတမ်တုဲ သ္ပပွမညဳသာသၟဟ်သၟန်သၚ်ရ၊ ယွံတဳလမၞုံပိုဉ် ပွမညဳသာသၟဟ်သၟန်သၚ်ဂှ် ဗဗွဲကဵုဓရ်ဟာ” ရဴဝွံ ဂရၚ်ပတီရ။ “ယွံကောန်ဥပါလိ ယြဴဟိုတ်နူဟိုတ်ဝတ္ထုမွဲ ပွမကယျာန်ဓဝါတ်သေက်ဇဵုကြဴမတ်, ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီုသၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကတဵုဒှ်ကၠုၚ်မ္ဂး၊ သၚ် သီုဟွံသ္ဂုတ် သွာတ်ဟီုဂှ် နူတမ် သီုဟွံအာတ်တုဲ သ္ပပွမညဳသာ်သၟဟ်သၟန်သၚ်မ္ဂး၊ ယွံကောန်ဥပါလိ ပွမညဳသာသၟဟ်သၟန်သၚ်ဂှ် ဟွံဗဗွဲကဵုဓရ်ရ” ရဴဝွံ (သ္ဂးရ)။ “ယွံတဳလမၞုံပိုဉ် ယြဴဟိုတ်နူဟိုတ်ဝတ္ထုမွဲ ပွမကယျာန်ဓဝါတ်သေက်ဇဵုကြဴမတ်, ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကတဵုဒှ်ကၠုၚ်ရ၊ သၚ် သီုမသ္ဂုတ်သွာတ်ဟိုတ်ဂှ် နူတမ် အာတမ်တုဲ သ္ပပွမညဳသာသၟဟ်သၟန်သၚ်ရ၊ ယွံတဳလမၞုံပိုဉ် ပွမညဳသာသၟဟ်သၟန် သၚ်ဂှ် ဗဗွဲကဵုဓရ်ဟာ” ရဴဝွံ ဂရၚ်ပတီရ။ “ယွံကောန်ဥပါလိ ယြဴဟိုတ်နူဟိုတ်ဝတ္ထုမွဲ ပွမကယျာန်ဓဝါတ်သေက်ဇဵုကြဴမတ်, ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကတဵုဒှ်ကၠုၚ်မ္ဂး၊ သၚ် သီုမသ္ဂုတ်သွာတ်ဟိုတ်ဂှ် နူတမ် အာတမ်တုဲ သ္ပပွမညဳသာသၟဟ်သၟန်သၚ်ရ၊ ယွံတဳလမၞုံပိုဉ် ပွမညဳသာ သၟဟ်သၟန်သၚ်ဂှ် ဗဗွဲကဵုဓရ်ရ” ရဴဝွံ ဂရၚ်ပတီရ။ ယွံတဳလမၞုံပိုဉ် ပွမညဳသာသၟဟ်သၟန်သၚ်ဂမၠိုၚ် မၞုံဗၞတ်မုစိအိုတ်ရော? ရဴဝွံ (ဂရၚ်ပတီရ)။ ယွံကောန်ဥပါလိ ပွမညဳသာသၟဟ်သၟန်သၚ်ဂမၠိုၚ် မၞုံၜါပြကာအိုတ်ရ။ ယွံဥပါလိ ပွမညဳသာသၟဟ်သၟန်သၚ် မစာ်စ္ဍးနူအဓိပ္ပါယ် မဍိုက်ပေၚ်တဴကေုာံသဒ္ဒါဟေၚ်ဂှ် နွံရ၊ ယွံဥပါလိ ပွမညဳသာသၟဟ်သၟန်သၚ် ကေုာံအဓိပ္ပါယ်လေဝ် ဍိုက်ေၚ်တဴကေုာံသဒ္ဒါလေဝ် ဍိုက်ပေၚ်တဴဂှ် နွံရ။ ယွံဥပါလိ ပွမညဳသာသၟဟ်သၟန် မစာ်စ္ဍးနူအဓိပ္ပါယ် မဍိုက်ပေၚ်တဴကေုာံသဒ္ဒါဟေၚ်ဂှ် ညးဍေံရော? ယွံကောန်ဥပါလိ ယြဴဟိုတ်နူဟိုတ်ဝတ္ထုမွဲ ပွမကယျာန်ဓဝါတ်သေက်ဇဵုကြဴမတ်, ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကတဵုဒှ်ကၠုၚ်မ္ဂး၊ သၚ်သီုဟွံသ္ဂုတ်သွာတ်ဟိုတ်ဂှ် နူတမ် သီုဟွံအာတမ်တုဲ သ္ပပွမညဳသာသၟဟ်သၟန်သၚ်မ္ဂး၊ ယွံကောန်ဥပါလိ ပွမညဳသာသၟဟ်သၟန်သၚ်ဝွံ ကော်ခဴဂး ပွမညဳသာသၟဟ်သၟန်သၚ် မစာ်စ္ဍးနူအဓိပ္ပါယ် မဍိုက်ပေၚ်တဴကေုာံသဒ္ဒါဟေၚ်ရ။ ယွံဥပါလိ ပွမညဳသာသၟဟ်သၟန်သၚ် ကေုာံအဓိပ္ပါယ်လေဝ် ဍိုက်ပေၚ်တဴကေုာံသဒ္ဒါလေဝ်ဍိုက်ပေၚ်တဴဂှ် ညးဍေံရေော? ယွံကောန်ဥပါလိ ယြဴဟိုတ်နူဟိုတ်ဝတ္ထုမွဲ ပွမကယျာန်ဓဝါတ်သေၚ်ဇဵုကြဴမတ်, ဂတမတ် ပွမဟီုသ္ဂးစှ်ေစး စဵုကဵုဇိုၚ်တဲပါ ဒဒက်တဴသၚ်ကီု သၚ်ပါ်ဒကးကီု စရိတ်သၚ်ကြက်ပါ်ဒကးကီု သၚ်ပါ်ခြာအာတၞဟ်တၞဟ်ကီု သ္ပပါ်ခြာတၞဟ်တၞဟ်ကီု ကတဵုဒှ်ကၠုၚ်မ္ဂး၊ သၚ် သီုမသ္ဂုတ်သွာတ်ဟိုတ်ဂှ် နူတမ် အာတမ်တုဲ သ္ပပွမညဳသာသၟဟ်သၟန်သၚ်မ္ဂး၊ ယွံကောန်ဥပါလိ ပွမညဳသာသၟဟ်သၟန်သၚ်ဝွံ ကော်ခဴဂး ပွမညဳသာသၟဟ်သၟန်သၚ် ကေုာံအဓိပ္ပါယ်လေဝ် ဍိုက်ပေၚ်တဴကေုာံသဒ္ဒါလေဝ်ဍိုက်တဴရ၊ ရဴဝွံ (သ္ဂးရ)။
၄၇၇။ ပ္ဍဲအခိၚ်ဂှ် တဳလပိုဉ်ဥပါလိ ဒၠိုက်ကတဵုနူဒၞါဲတုဲ လ္ၜက်ကၠေဟ်ပတိုန် သၞာကၞေဟ်ပ္ဍဲလတူပၞးပါဲမွဲလပါ်တုဲ ပၚ်တဲလၟောဝ်ဏာ ဌာန်တဳလမၞုံပိုဉ်ကျာ်တြဲနွံတုဲ− ပ္ဍဲကိစ္စကေၚ်ကာသၚ်ဂမၠိုၚ်ကီု ပ္ဍဲအရာဓရီုသဳကၠဳ (ဝိနယ်) ဂမၠိုၚ်ကီု ပ္ဍဲအရာသ္ဂုတ်သွာတ် ဟိုတ်ကိစ္စမကတဵုဒှ်ကၠုၚ်ဂမၠိုၚ်ကီု ညးမၞုံသဘဴသာ်လဵုဂှ် မၞုံကဵုဂုဏ်ဂၠိုၚ် ပ္ဍဲသာသနာရော? ပ္ဍဲသာသနာဝွံ ခမဳမၞုံသဘဴသာ်လဵုဂှ် ထေက်ကဵုတၞဟ်နယိုက်ဒိုက်ထံက်ပၚ်ရော? ရဴဝွံ ဖ္ဍောတ်ဂရၚ်ပတီ တဳလမၞုံပိုဉ်ကျာ်တြဲ နကဵုဂါထာဝွံရ။ (ယွံဥပါလိ) ယြဴခမဳမွဲ ပ္ဍဲတမ် မၞုံကဵုသဳလမဟွံထေက်ကဵုစောတ်စောဲရ၊ ဒ္ဂေတ်မၠာ်သ္ၚေဝ်ဗ္စာရဏာလေဝ် မၞုံရ၊ ဣန္ဒြဳလေဝ် မၚ်မွဲလဝ်ဗွဲမ္ဒးရးရ၊ သၞသတြုဂမၠိုၚ် ဟွံစောတ်စောဲ နဗဗွဲဓရ်အိုတ်ရ၊ သဘဴဒုဟ်မစောတ်စောဲလဝ် ခမဳဂှ်လေဝ် ဟွံဒှ်အတိုၚ်မစောတ်စောဲလဝ် ခမဳဂှ်ရ။ ခမဳ မတန်တဴပ္ဍဲသဳလမသအးဇ္ၚး မၞုံသဘဴသာ်ဂှ် အာစိုပ်လဒေါဝ်ပရိသာတ်မ္ဂး ဂံၚ်သကာရ၊ လၞိန်ဗပိန်ပ္ဍဵုကၠေံ (သၞသတြု) တုဲ ဟီုသ္ဂးရ၊ ဟွံမွဲကဵုဇကုကြံၚ်မ္ၚိုဟ်ရ၊ ဟွံချဳဇတဝ်ရ၊ ညးမဟီုသ္ဂးဂလာန် မဟွံစာ်စ္ဍးကေုာံဟိုတ်ဂှ် သၟဟ်ညံၚ်ဟွံကဵုဖဵုဟုတ်ယုတ်အာကီု တုပ်သၟဟ်သာ်ဂှ် အခိၚ်မသၟာန်ပြဒ္ဒညာ ပ္ဍဲပရိသာတ်ဂမၠိုၚ် ဟွံမွဲကဵုချပ်ၚုၚ်မုက်မတ်ဟွံကျေဝ်ရ၊ ခမဳမၞုံကဵုပညာဂှ် အခေါၚ်ဟီုသ္ဂးစိုပ်တုဲ သီုမဟီုသ္ဂးတဴ ဂလာန်မထေက်ကဵုဟီုသှ်ဟေၚ်ဂှ် ကဵုပရိသာတ်မၞုံကဵုပညာသ္ဍိုက်မၠိုက်ရ။ မၞုံကဵုပွမရှ်ေသှ်ေရဴဂဴ ပ္ဍဲခမဳဂမၠိုၚ်မဒှ်ထေရ်ဇၞော်ရ၊ ပ္ဍဲကွေတ်အ္စာဇကုလေဝ် ဂံၚ်သကာရ၊ သၟဟ်ရထ တၞဟ်နစမ်ၜတ် ၜတ်ဗၞတ်ရ၊ ဆိုက်ဗ္ဒက် ပ္ဍဲတၚ်ဆောတ်ယောၚ် ဂလာန်သၞသတြုဂမၠိုၚ် ဟီုသ္ဂးရ။ ယြဴနပွမဟီုဂလာန်ဗၞတ်မွဲ သၞသတြုဂမၠိုၚ် အာစိုပ်ပွမဒးဒုၚ်ပ္ဍဵုပ္ဍိုက်အိုတ်ရ၊ မၞိဟ်မဂၠိုၚ်လေဝ် အာစိုပ်ပွမတီရ၊ ခမဳဝွံ ကွေတ်အ္စာဇကုဂှ်လေဝ် ဟွံကဵုဟုတ်ယုတ်ရ၊ သီုဟွံသ္ပပွမပြိုက်ပျဲ ခမဳမလေပ်ဟီုသှ်ပြဒ္ဒညာဂှ် လ္ၚတ်လဝ်မ္ဂးရ။ သၟဟ်ရထ ပ္ဍဲကမၠောန်ကေၚ်ကာ ကလုတ်ဂမၠိုၚ်ရ၊ သၟဟ်ညံၚ်ရဴ ခမဳဂမၠိုၚ် ဒုၚ်ဂိုၚ်ကေတ်ပိဏ္ဍပါတ်မကဵုဒါန်ကီု ပ္ဍဲကိစ္စကေၚ်သၚ် ဒုၚ်ဂိုၚ်ကေတ် ဗွဲမ္ဒးရးရ၊ ဂကောံခမဳဂှ် ဂပ်ဝ်ဖအောဝ်စကာမ္ဂး (ကဵုလျိုၚ်မ္ဂး) ကလၚ်ဒ္ဂေတ်ဗက်ဂလာန်ရ၊ နမကလၚ်ဗက်ဂလာန်ဂှ် “အဲသ္ပရ” ရဴဝွံ ဟွံသ္ပထေၚ်သောဲရ။ ယြဴပ္ဍဲဝတ္ထုဂမၠိုၚ်မၞုံဗၞတ်မွဲ အာစိုပ်အာပတ်ရ၊ ယြဴနအကာဲအရာမွဲလေဝ် ဒၠိုက်ကတဵုနူအာပတ်ရ၊ ဝိဘၚ်ဂမၠိုၚ်ၜါဝွံ ခမဳဂှ် ဂွံပတိုန်လဝ်ပါၚ်ရ၊ စဳကၠးဆိုက်ဗ္ဒက် ပ္ဍဲဟိုတ်ပွမဒၠိုက်ကတဵုနူအာပတ်ရ။ ညးဒ္ဂေတ်တဴ ယြဴဟိုတ်ဂမၠိုၚ်မပ္တံပွမကယျာန်ဓဝါတ်မွဲ ဂပ်ဝ်ဗက်ပတိတ်ရ၊ အာစိုပ်ပွမဗက်ပတိတ်ရ၊ ယြဴနပွမဒ္ဂေတ်ဗွဲမ္ဒးရးမွဲ ပွမကော်ပၠုပ် (ဇရေၚ်သၚ်) ကုခမဳမဒ္ဂေတ်ဗွဲမ္ဒးရးဂှ်လေဝ် ညးစဳကၠးဆိုက်ဗ္ဒက် ပ္ဍဲဝိဘၚ်ဂှ် တီရ။ ပ္ဍဲခမဳထေရ်ဇၞော်ဂမၠိုၚ်ကီု ပ္ဍဲခမဳသၟတ်ဂမၠိုၚ်ကီု ပ္ဍဲခမဳလဒေါဝ်ဂမၠိုၚ်ကီု မၞုံကဵုပွမရှ်ေသှ်ေရဴဂဴရ၊ ပ္ဍဲလောကဝွံ ဒ္ဂေတ်တဴဒတုဲဖဵု ဂကောံမၞိဟ်ရ၊ မၞုံကဵုပညာရ၊ ပ္ဍဲသာသနာဝွံ ထေက်ကဵု တၞဟ်နယိုက်ဒိုက်ထံက်ပၚ် ခမဳမၞုံသဘဴရဴဝွံရ ရဴဝွံ (သ္ဂးရ)။ ကောသမ္ဗကက္ခန္ဓကဒသမတုဲရ။
၂၈၀။ ကောသမ္ဗကက္ခန္ဓက ဗွဲခမ္ဍန်
[ပလေဝ်ဒါန် | ပလေဝ်ဒါန် တမ်ကၞက်]တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ကောသမ္ဗဳရ။ သ္ပကယျာန်ဓဝါတ်အိုတ်ရ၊ ဟိုတ်နူပွမဟွံမၠာ်သ္ၚေဝ်အာပတ် ဗက်ပတိတ်ထောံရ၊ ပ္ဍဲဝတ္ထုမမိက်ကဵုမွဲမွဲ ဟိုတ်နူအာပတ်ဂှ် ဂပ်ဝ်ဗက်ပတိတ်ရ ရဴဝွံ လ္ပစၟတ်သမ္တီအိုတ်ညိ၊ ဟီုလၟိၚ်ဒေသနာအာပတ်ရ။ ပ္ဍဲဘာဂှ်ဟေၚ် ပ္ဍဲအပ္ဍဲသိမ် သ္ပဥပေါသ်အိုတ်ရ၊ ခမဳမၞုံကဵုပညာဂမၠိုၚ် တီအိုတ်ရ၊ ညးမွဲဓဝ် က္ညအာရ၊ သ္ပဒတဴဒၟံၚ် ပ္ဍဲကွာန်ပါလိလေယျကရ၊ ကလေၚ်စိုပ်ဍုၚ်သာရဝှ်ရ၊ သာရိပိုတ် ကောလိတ မဟာကဿပ ကစ္စာယ် ကောဋ္ဌိက ကပ္ပိန မဟာစုန္ဒ အနုရုဒ္ဓ ရေဝတ ဥပါလိ အာနန္ဒၜါ ရာဟုလ ဂေါတမဳ အနာထပိဏ္ဍိကသေဌဳ (ညးဂမၠိုၚ်စှ်ပန်တၠဝွံ ဂရၚ်ပတီအိုတ်ရ)။ ဘာမလ္ၚိသ္ၚိတ်ဇြဂှ်လေဝ် ဂပ်ဝ်ဒးကဵုရ၊ ဂပ်ဝ်ဒးကဵုအာမိသ မပ္တံပိဏ္ဍပါတ် မသၟဟ်သၟန်ရ။ ခမဳမမိက်ကဵုမွဲလေဝ် ဟပ်ဝ်ကဵုဆန်ရ၊ ဂလာန်သၟာန်တဳလပိုဉ်ဥပါလိ၊ မဟွံမွဲကဵုပွမစောတ်စောဲ နဒ္ဂေတ်သဳလရ၊ ပွမညဳသာသၟဟ်သၟန် ပ္ဍဲသာသနာကျာ်။ ဣဝွံစိုပ်ဒတုဲရ။ ကောသမ္ဗကက္ခန္ဓကတုဲရ။ ပါဠိမဟာဝဂ် ဘာသာမန်တုဲရ။