ပုပ္ဖရမ္မ၊ ကျာ်ဇၞော်ဘာတြေံ ကွာန်သၞေဟ်ဍုင်
ထေရုပ္ပတိ ဗွဲခမၞောန် [၁]
ဘဒ္ဒန္တ ပုပ္ဖရမ္မ
(ဒု-ဥက္ကဌ ဂကောံရာမညဓမ္မာစရိယ အလုံဒေသရးမန်)
ကွာန်နှေဟ်ဍုင် ဘာတြေံ၊ ပွိုင်ဍုင်ကျာ်မြဟ်
ထေရုပ္ပတိ ဗွဲခမၞောန်
[ပလေဝ်ဒါန် | ပလေဝ်ဒါန် တမ်ကၞက်]ဘဒ္ဒန္တပုပ္ဖရမ္မဝွံ ပ္ဍဲသက္ကရာဇ် ၁၂၈၆ သၞာံ၊ ဂိတုဒ္ဂိုန် (၂) စွေက်တ္ၚဲဗြဴဗတိ သၠးတိတ်နူဂၠံဂဝ်ဂၞဴမိပေယ် မဒှ်သၞိင်မအံက်နာဲဒေံ ကွာန်နှေဟ်ဍုင် ပွိုင်ဍုင်ကျာ်မြဟ်ရောင်။ ကျာ်ဇၞော်အ္စာဝွံ နူဘဝကောန်ၚာ် မိမၜါကဝါ်ဏာဇရေင်တမ်ဇိုင်အ္စာ ကွာန်နှေဟ်ဍုင်ဂှ်တုဲ ၁၃၀၁ သၞာံ အဝယ်စိုပ်ကၠုင် သၠုင်ပတိုန်စွံပ္တန် ပ္ဍဲဘဝသာမဏီ မၞုံကဵုပညာကြဳ ကတ်လ္ၚတ်အာလိက်ပတ် ဗုဒ္ဓကျာ်သြဳမပြဲရ။ နူဒဒှ်ဘဝသာမဏီမၞုံကဵုအိန်ရဳဂှ် သ္ၚဳလလံလဝ်ဓရ်ပရိယတ်တုဲ ပ္ဍဲသက္ကရာဇ် ၁၃၀၇ သၞာံ မိကဵုမၜါမိက်ဒုင်စအာဲကၟာဲသာသနာတုဲ နူဘဝထပိုယ်သာမဏီဂှ် ထ္ၜင်စွံပ္တန်ပၠန် ပ္ဍဲခဏ္ဍသိမ်ဘာ ပ္ဍဲဍုင်ကျာ်မြဟ် နူအ္စာဥပ္ပဇ္ဇျာယ် တမ်မူလ ကျာ်ဇၞော်အ္စာတၠ အဂ္ဂဒဳပမှာထေရ်တုဲ အာစိုပ်ဒဒှ်ဘဝခမဳမသၠုင်မပြဲရ။
ဌာန်မကတ်လ္ၚတ်ပညာဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]- ကွာန်နှေဟ်ဍုင်ဘာတြေံ
- ကျာ်မြဟ်ဘာပ္ဍဲ
- ခလံက်ခပြုဘာတၟိ
- မုဟ်ဒဵုဘာသဒ္ဓမ္မဓဇ
- ဍုင်လ္ဂုင်
- ဍုင်အင်ဝ
ဂမၠိုင်တုဲ ဂွံအံင်ဇၞးကေတ် ပေဲါသၟာန်လိက်နူ အလဵုအသဳဂမၠိုင်
- တန်ဍောတ်
- တန်ဒေါဝ်
- တန်ဇၞော်
ပ္ဍဲသက္ကရာဇ် ၁၃၁၆ သၞာံ ကလိဂွံတဆိပ်ကြာ "သာသနာဓဇဓမ္မစရိယ" နူသၟိင်အလဵုအသဳမန် ဗၟာတံရောင်။
သ္ဇိုင်ဝန်သာသနာ
[ပလေဝ်ဒါန် | ပလေဝ်ဒါန် တမ်ကၞက်]ကျာ်ဇၞော်အ္စာဝွံ မၞုံကဵုစိုတ်ဂွုဆာဲ ပ္ဍဲသာသနာလောန်တုဲ ဒတုဲဖိုလ်သာသနာ သ္ဇိုင်ဝန်သင်ဗဟိုရ် အလဵုအသဳကီု သီုကဵုသ္ဇိုင်ဝန် ဒု-ဥက္ကဌ ဂကောံရာမညဓမ္မာစရိယ အလုံဒေသရးမန် ယိုက်ဂၠေင်အာကီုရောင်။ သ္အာင်နူဂှ်ပၠန် ပ္တန်အာသာသနာ သွက်ဍုင်၊ကွာန်မန်တံ နွံတဴဗွဲမဂၠိုင်ဂၠင်။ စဵုကဵုလၟုဟ်အာယုက် (၇၃) သိက္ခာ (၅၂) ကီုရ။
ဒုင်လျိုင်ဇြုင်သ္ဍိုက်ဇန်ဂမၠိုင်
[ပလေဝ်ဒါန် | ပလေဝ်ဒါန် တမ်ကၞက်]ကေင်ကာအတ္တၜိုန်ထုဲ ဒ္တုဲဖိုလ်ပရဂကူဘာသာ သာသနာမ္ဂး ဟွံဟီုဂးဗ္တံတ္ၚဲ မၞုံကဵုစိုတ်ပ္ဍဲမဆာဲ ဟွံတးပဲါကၠေံရ။ အခိင်ဟေင်ဒှ်ၚုဟ်မး သွက်ဘဝတုဲ အတိုင်အခိင် မချိင်ဟွံကလိင်ကၠေအ်တုဲ ဒ္တုဲဖိုလ် သွက်ဂကူ ဘာသာ သာသနာလၟိုန်ကာလရ။