ပြာသာဒ်စၞံင်

သဘင်စံင်ဇွ ပ္ဍဲဍုင် ဥဗုဒ် (အေန်ဒဝ်နဳရှာ) အခိုက်ဟိန္ဒူ ပ္ဍဲသၞာံ ၂၀၀၅

ပြသာဒ်စၞံင် (အၚ်္ဂလိက်: pyre)ဂှ် ဒှ်စမြိုင် မသြိုင်လဝ် ဗွဲမဂၠိုင် နကဵုဆု သွက်ဂွံစံင်ဇွ မဒှ်အဝဲလစှ်ေ သဘင်ဖျဴသွဝ် (ဝါ) သဘင်ဖျေဟ်ကမ္မဌာန်မွဲရ။ ဟိုတ်မဒှ် အခိုက်ဖျေဟ်ကမ္မဌာန် နမစံင်ကေတ် နကဵုပၟတ်တုဲ ဇွဂှ် စွံလဝ် ပ္ဍဲပြသာဒ်စၞံင် မဂအုံလဝ် အှော်တုဲ စံင်ဇွရ။

မအရေဝ် အင်္ဂလိက် pyre မကၠုင်နူ ဂရိတ်ဝွံ သီုဂွံအဓိပ္ပါယ် ပၟတ်သ္ဍဴ သွက်ဂွံပူဇဴကျာ်ကီုရ။ တုဲပၠန် အခိုက်တမၠာ မစံင်ယဇ် တိရစ္ဆာန် သွက်ဂွံပူဇဴဗလိကျာ်ဂမၠိုင်လေဝ် ညးကော်စ pyre ကီုရ။

နိရုတ္တိ

ပြသာဒ်စၞံင် - စၞံင် ဂှ် ဒှ်မနာမ် မကၠုင်နူ ကြိယာတမ် "စံင်"။ ဗွဲမဂၠိုင် ပ္ဍဲလိက်တြေံ ဂွံဆဵုကေတ် သ္ၚိစၞံင် တုဲ ကၠောန်လဝ် နကဵုပြသာဒ်ဇၞော်ဇၞော်မ္ဂး ပြာသာဒ်စၞံင် ညးကော်စရ။ (မအရေဝ်အင်္ဂလိက် pyre ဂှ် ကၠုင် နူအရေဝ်ဂရိတ် πυρά; pyrá, နူတမ် πῦρ, pyr, မဂွံအဓိပ္ပါယ် "ပၟတ်"), လဆောဝ် ဗီုအင်္ဂလိက်ကော်စ funeral pyre (ပၟတ်ကမ္မဌာန်)ရ။

အခိုက်ဍုင်နာနာ

သဘင်စံင်ဇွသင် ပ္ဍဲကဵုဍုင်သေံ ရးလပါ်သၟဝ်ကျာ ဘာဝါတ်စေတဳလံင် Wat Chedi Luang, ဇင်မာဲ။

နကဵု အခိုက်ကၞာမ္ဂး ပွမစံင်ဇွ နကဵုပြသာဒ်ဝွံ ဒှ်အခိုက် ဟိန္ဒူ၊ သိက်ခ် ကေုာံ ဗုဒ္ဓဘာသာတအ် နူကဵု သၞာံမဂၠိုင်ကဵု လ္ၚီရ။ အခိုက်မစံင်ဇွဝွံ ပ္ဍဲကဵု အခိုက်ပြဝေဏဳ ဝါက်ခေန် (Viking) မဒှ်အခိုက်ကၞာ ရဲရးဒိုဟ်အဂၞဲ (ဒိန်မက်၊ နဝ်ဝေ၊ သွိဒေန်) ကေုာံ ရဝ်မတအ်လေဝ် ဂွံဆဵုကေတ်ကီုရ။