ဗီုကဝ်တူ သ္ကုတ်(၂) "ဒေဝတဴလောကဗျူဟ"
ဗီုကဝ်တူ သ္ကုတ်(၂) "ဒေဝတဴ လောကဗျူဟ"[ပလေဝ်ဒါန် | ပလေဝ်ဒါန် တမ်ကၞက်]
ကာလကၠာကဝ်ဟွံဂွံတူက္ဍင် ဗၞတ်မွဲကိုတ်သၞာံဂှ် ဒေဝတဴလောကဗျူဟတအ် စှ်ေကၠုင်လၟိင်လၟဟ် ကုမၞိဟ်ဂမၠိုင် 'ကောလဟလ' က္တဵုဒှ်ကၠုင်ရ။
ဒေဝတဴနူဍုင်သွဝ် စတုမဟာရာဇ် လောကပါလ မမင်မွဲလိုက်တအ်ဂှ် ဆာန်ဍူသတ်မၞိဟ်တအ်တုဲ လတက်ကေတ်ဗွိုက်လတက် သာ်ဗကေတ်ကြံင်င် ဗလာဲလဝ်သော်က္ဍိုပ် ဖလိုပ်လဝ်ဍာ် ဍေက်က် နကဵုဍာ်ရမတ်ဇွောဝ်ဍေင်မံင်ဂှ် ရပ်နင်ကၠဵုဒေဝတဴမဇၞော် ဂပ်ဝ်လ္ၚုလ္ၚန်ဖေက်ဂၟံက် စှ်ေကၠုင်ထ္ၜးဇကု ကုမၞိဟ်တအ်တုဲ လၟိင်လၟဟ် ကညာင်ကရေဲတဴ နကဵုရမျာင် အောန်စိုတ်ရ။
" ယွံသဟာဲတအ် ဟွံလအ်မ္ဂး ကဝ်ပိုဲတန်တဴဒၟံင်ဏအ် ဒးတူအာရရောင် စနူအခိင်လၟုဟ်တုဲ အာစိုပ်မွဲကိုတ်သၞာံပၠန်မ္ဂး ကဝ်ဏအ် တူရဏောင်၊ ကာလကဝ်တူဂှ်မ္ဂး ဘုံမၞိဟ်မၞးတအ်ကီု ဘုံသွဝ်(၆)ဘုံကီု စဵုကဵုဘုံဗြီု ပထမဇျှာန်ပိဘုံ ဒးတူဆောံလေင်အာ နူကဵုဘဲပၟတ်အိုတ်ရောင်
ဟိုတ်ဂှ်ရ မၞးတအ်လ္ပဝိဝိင် လ္ပဟိုတ်မာဲမံင်အိုတ်တုဲ ကၠောန်လဝ်ကေင်ကာကုသဵုအိုတ်ညိ၊ ကၠောန်ၜတ်ဗ္စဖျုင် လွဳပရာ မိမ-အစာညိ၊ ရှ်ေသှ်ေရဴဂဴ ညးဇၞော် အာယုဝဍ္ဎိတအ်အိုတ်ညိ "
မပ္တံသာ်ဏအ် နကဵုရမျာင်ဂပ်ဝ်အောန်စိုတ် နွံမဟာကရုဏာ ဂွိင်ကဵုသတ်မၞိဟ်တအ်ကီု ဇကုဇကုလေဝ် ဟွံဗၠးနူဘဲပၟတ်ကဝ်တူကီုတုဲ စံင်တူ ဒှ်တဴသောကဗွဲမလောန်တုဲ ဒေဝတဴလောကဗျုဟ လၟိင်လၟဟ် လဴပၟိင်တဴကဵု ကုမၞိဟ်တအ်ရ။
မၞိဟ်ဂမၠိုင်လေဝ် ဂွံမိင် ဂွံညာတ်ကေတ်ဒေဝတဴတအ် မကညာင်ကရေဲကဵုသတိဂှ်တုဲ ဖေက်ဂၟံက်ကၠုင် က္တဵုဒှ်သံဝေဂအိုတ်တုဲ ကောံကၠုင်ဇရေင် ဒေဝတဴဂှ်အိုတ်ရ၊ ဟိုတ်နူမၞိဟ်ဂမၠိုင် ကောံကၠုင်ဒၟံင်အိုတ်ဂှ်ရ ညးကော်စ ' လောက ဗျူဟ ' ရ။