ဗီုပြၚ်ပေဲါသၟာဒွက်

အပ္ဍဲပေဲါသၟာဒွက်ဝွံ လှ်ေ၊ ဒယှ်ေ၊ တိၚ်တိုက်တံပါလုပ်တုဲ ပါ်ကဵုအခန်မ္ဂး လ္ၚောဝ်ကျာ်၊ ပူဇဴဒေဝတဴ၊ လှ်ေဒိၚ်၊ လှ်ေညးမွဲ (တာလျိုၚ်မွဲ)၊ လှ်ေတောဲ (ညးဗြဴ၊ ညးတြုံ)၊ ကၠာံဒွက် (အုပ်နိဂီု) တံပါလုပ်ရ။ သၟာတိၚ်တိုက်၊ သၟာလှ်ေ သၟာဒယှ်ေ ကေုာံ ညးဟတဵုဟရိုၚ်တံပါလုပ်ရ။ အတိုၚ်မရှ်ေသှ်ေ စ္ၜုဲစ္ၜော်ကၠုၚ် ဗုဒ္ဓဘာသာဂှ် ဂကူမန်တံသ္ဂောံဇြုၚ်သ္ဍိုက်ကၠုၚ် ဘာသာရှ်ေသှ်ေဂှ် ညံၚ် ဟွံထောံကၠေံ ဝိုန်တၠိၚ်အာဂးတုဲ ကိုပ်ကၠာအိုတ်ဂှ် ညးမပါလုပ် ပ္ဍဲပေဲါသၟာ ဒွက်တံ ကလအ်လ္ၚောဝ်ဂုဏ်အနန္တ မသုန်ပြကာရ။ ဗီုပြၚ် မစွံလဝ် ၚုဟ်မး တိဍာ်ဒေသဌာန်ရး သ္ဇိုၚ်ဒၟံၚ်ဂှ်ဝွံ သ္ပသဇိုၚ်ကဵု ပူဇဴဒေဝတဴတုဲ ယိုက်ဂုဏ်တိဍာ်ပွဳပွူသဘာဝရ။ ဗီုပြၚ်ယေန်သၞာၚ် မံၚ်စံၚ်တန်တဴတံကီု ဒ္ဂေတ်ပဋိပတ်ညံၚ်ဂွံခိုဟ် ဆာဲကီု၊ ပရေၚ်ထိၚ်ဒဝ်ကၠိုဟ်ခၠၚ် ဝၚ်သ္ဂောံနွံကီု၊ ပွမဆာန်ကၟိန်ကၠောံဍ ဍုက်ကေဝ် ညးသကအ်ကီု၊ ပရေၚ်ဆာန်ဇြဟာန်မေတ္တာ ဂွံကၠိုဟ်ကၠးသၞေံသၞဴမာန်ကီု ခ္ဍုတ်ဓမက်ဆာန်သ္ဍိုက် မဒုၚ်ကေတ် ဓရ်လိုက်ဒ္စာံပြကာကီု ပ္ဍဲကဵုလှ်ေဒိၚ် လှ်ေတာလျိုၚ်မွဲ လှ်ေတောဲ (ညးဗြဴ၊ ညးတြုံ) ပေဲါသ္ဘၚ်၊ ပေဲါမသ္ပစၟတ်သမ္တီတံဂှ် လှ်ေလဟိၚ် ဍေံနွံကၠုၚ်ခေတ်အဆက်ဆက်ကီုလေဝ် လၟုဟ်မ္ဂး ဂွံဆဵုညာတ်အောန်ကွေံရ။