ဗော်ကောန်ဂကူသကတ်

နူ ဝဳကဳပဳဒဳယာ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
ဗော်ကောန်ဂကူသကတ်
Scots National Pairty
Pàrtaidh Nàiseanta na h-Alba
Leader Nicola Sturgeon
Depute Leader Keith Brown
Leader in the House of Commons Ian Blackford
Deputy Leader in the House of Commons Kirsten Oswald
Chief Executive Peter Murrell
ဂမြဴ Stronger for Scotland
ဒွက် Scots Wha Hae
မဒက်ပတန် 7 April 1934
ပံင်ပကောံ
ဂဥုပ်ဌာန Gordon Lamb House
3 Jackson's Entry
Edinburgh
EH8 8PJ
Student wing SNP Students
Youth wing Young Scots for Independence
LGBT wing Out for Independence
ကောန်ဗော်  (2018) Increase 125,691[၁]
သဘဴဓရ် ပရေင်ဍုင်ကွာန်
တင်ဒတူလိုင် Centre-left[၁၃][၁၄][၁၅]
Big tent[၁၆][၁၇][၁၈]
European affiliation European Free Alliance
အသာ်      Yellow
     Black
House of Commons (Scottish seats)
၄၇ / ၅၉
Scottish Parliament[၁၉]
၆၁ / ၁၂၉
Local government in Scotland[၂၀]
၄၁၈ / ၁၂၂၇
ဝပ်သာ်
www.snp.org

ဗော်ကောန်ဂကူသကတ် (Scottish National Party) (SNP; ဘာသာသကတ်: Scots National Pairty, Scottish Gaelic: Pàrtaidh Nàiseanta na h-Alba)ဂှ် ဒှ်ဗော်ပရေင်ဍုင်ကွာန် ဂကူသကတ် မဒုင်သဇိုင် ကုဝါဒကောန်ဂကူ၊ ဝါဒဒေသ ကေုာံ ဝါဒဒဳမဝ်ကရေသဳပရေင်မၞိဟ် (သောသေဝ်ဒဳမဝ်ကရေတ်) ပ္ဍဲဍုင်သကတ်လာန် ရ။ နကဵု ဗော်ကောန်ဂကူသကတ်ဂှ် ထံက်ဂလာန် သီုကဵု ဂစာန်ဒၟံင် ညံင်သ္ဂောအ် ဍုင်ဗၠးၜး အပ္ဍဲဥရောပသမဂ္ဂ[၂၁][၂၂] နကဵု မဒုင်သဇိုင် ကုဝါဒဂကူသကတ်ရ။ အပ္ဍဲ ကၟိန်ဍုင်ပံင်ကောံဨကရာဇ် (ယူကေ) ဂှ် ဗော်ကောန်ဂကူသကတ်ဝွံ ဒှ်ဗော်ဇၞော်အိုတ် မရနုက်ကဵု တတိယ၊ ကြဴနူ ကဵု ကောန်သေဝတိဒ်ပါတဳ ကဵု လေဗောရ်ပါတဳ၊ တုဲပၠန် ပ္ဍဲသကတ်လာန်မ္ဂး ဒှ်ဗော်ဇၞော်အိုတ်၊ ပ္ဍဲစၠတ်ထဝ်သကတ်လာန် ဗော်ညးတအ် ကလိဂွံ ခုင်ဂၠိုင်အိုတ်၊ တုဲပၠန် ပ္ဍဲကဵု စၠတ်ထဝ်ကောမ်မောန် (House of Commons) ဂှ် ကလိဂွံလဝ် ၄၇ ခုင် ပၞောဝ်ကဵု ခုင်နွံသီုဖအိုတ် ၅၉။ က္ဍိုပ်သကိုပ် ဗော်ကောန်ဂကူသကတ် ပြဟ်ဟ်ဏအ်ဂှ် ဒှ် နိကောလာ သထုရ်ဂေယောန် (Nicola Sturgeon) တုဲ နကဵုဗော်ဝွံ မဂွံဒှ် ဝန်ဇၞော်ကိုပ်ကၠာအိုတ် ပ္ဍဲသကတ်လာန် စတမ်နူ နဝ်ဝေမ်ပါ သၞာံ ၂၀၁၄။

ဗော်ကောန်ဂကူသကတ်ဂှ် ဒက်ပ္တန်လဝ် နူသၞာံ ၁၉၃၄ ကြဴနူ ဗော်ပရေင်ဍုင်ကွာန် မဒုင်သဇိုင် ကုဂကူသကတ်ၜါဗော် မတွဟ်ဂး ဗော်ကောန်ဂကူ ဍုင်သကတ်လာန် (National Party of Scotland) ကေုာံ ဗော်ဂကူသကတ် (Scottish Party)တအ် ပံင်ကောံရ။ နကဵု ဗော်ဝွံ ၜိုန်ရ ဒက်ပ္တန်လဝ် နူသၞာံ ၁၉၃၄ ရကီုလေဝ် စိုပ်သၞာံ ၁၉၆၇ ဂှ် နကဵု မၞိဟ်စၞး နူဗော်ဏအ် မနွံယၟု ဝိန်နဳ ဣဳဝိန်ဂ် (Winnie Ewing) ကလိဂွံဇမၞးမာဲ နူကဵု ဟမိလ်တောန် (Hamilton) ကိုပ်ကၠာအိုတ်တုဲ မၞိဟ်စၞးညးတအ် ဂွံစိုပ်စၠတ်ထဝ် ကၟိန်ဍုင် ဝေတ်မိန်သတာ (Westminster) ကိုပ်ကၠာအိုတ်ရ။ စနူဂှ်တုဲ နကဵုဗော်ဝွံ ဂွံဒှ်ကၠုင် မၞိဟ်စၞး ပ္ဍဲစၠတ်ထဝ် စဵုကဵု တ္ၚဲဏအ်ရ။။[၂၃] စိုပ်သၞာံ ၁၉၉၉ ဂှ် နကဵု ဒေသ သကတ်လာန် ကလိဂွံ စၠတ်ထဝ်တၞဟ်ခြာ မကော်ဂး ပါလဳမာန်သကတ်လာန်တုဲ နကဵု ဗော်ကောန်ဂကူသကတ်ဂှ် ဒှ်ဗော်ဇၞော်အိုတ် မရနုက်ဒုတိယ တုဲ တန်တဴလဝ် နဒဒှ် ဗော်ဒစဵုဒစး လုကဴ ပွိုင်အာယုက်စၠတ်ထဝ် ၜါဝါ။ စိုပ်သဘင်မာဲ ၂၀၀၇ ဂှ် နကဵု ဗော်ကောန်ဂကူသကတ် ဂွံပံက်အလဵုအသဳ ကိုပ်ကၠာအိုတ် နကဵု အလဵုအသဳ မၞိဟ်လပါ်အောန် (ၜိုန်ရ ဇကုဟွံကလိဂွံမာဲ ဂၠိုင်အိုတ် ဟွံသေင်ကီုလေဝ် ဟိုတ်နူ ညးတၞဟ် ပံက်အလဵုအသဳဟွံမာန်တုဲ နကဵု ဗော်ဇကု ပံက်အလဵုအသဳ)၊ စိုပ်သၞာံ ၂၀၁၁ ဂှ် နကဵု ဗော်ကောန်ဂကူသကတ် ကလိဂွံမာဲ လပါ်ဂၠိုင်အိုတ်တုဲ ဂွံဒက်အလဵုအသဳ နကဵု အလဵုအသဳမၞိဟ်လပါ်ဂၠိုင်ရ။[၂၄] သဘင်မာဲ ၂၀၁၆ ဂှ် ကလေင်ဒှ် အလဵုအသဳ မၞိဟ်လပါ်အောန်ပၠန်ရ။

အခိင်လၟုဟ်မ္ဂး ပ္ဍဲကဵုသကတ်လာန်ဂှ် ဗော်ကောန်ဂကူသကတ်ဂှ် ဒှ်ဗော်ဒြဟတ်ဇၞော်အိုတ်၊ ပ္ဍဲကဵု စၠတ်ထဝ် ဝေတ်မိန်သတာကီု သီုကဵု ဟဝ်လဳရောဒ် (Holyrood parliament)ဂှ်လေဝ် အမာတ်စၞး နူကဵုဗော်ဇကု နွံကီုရ။ ဗော်ဝွံ အတိုင်စရင် နူကဵုသၞာံ ၂၀၁၉ ဂိတုဒဳသေမ်ပါဂှ်မ္ဂး ကောန်ဗော် နွံစဵုကဵု ၁၂၅,၄၈၂ တၠ၊ အမာတ်ပ္ဍဲပါလဳမာန် နွံ ၄၇၊ အမာတ် ပ္ဍဲပါလဳမာန်သကတ်လာန် နွံ ၆၁ တၠ၊ မၞိဟ်ဇမၞော်ဒေသဂှ် နွံ ၄၀၀ ပြင်င်ရ။[၂၅] ဗော်ကောန်ဂကူသကတ်ဂှ် ဒှ်ကောန်ဂကောံ မဟာမိတ်ဗၠးၜးဥရောပ (European Free Alliance - EFA)။ ပ္ဍဲစၠတ်ထဝ်လတူ မကော်ဂး စၠတ်ထဝ်သၟိင်တၠ (House of Lords) ဂှ် နကဵုဗော်ဏအ် ဟွံကလိဂွံလဝ် ဒၞာဲတုဲ ဒစဵုဒစး သၞောတ်ဝါဒ မပစၞး မသက်ကုရုဲစှ်နကဵုမာဲရ။[၂၆][၂၇]

ဝင်[ပလေဝ်ဒါန် | ပလေဝ်ဒါန် တမ်ကၞက်]

လဒက်ပ္တန် ကေုာံ တင်ခက်ခုဲဂမၠိုင် (၁၉၃၄-၁၉၇၀)[ပလေဝ်ဒါန် | ပလေဝ်ဒါန် တမ်ကၞက်]

ဗော်ကောန်ဂကူသကတ်ဂှ် ဒက်ပ္တန်လဝ် ပ္ဍဲသၞာံ ၁၉၃၄ နကဵု ဗော်ပရေင်ဍုင်ကွာန်ၜါ ဗော်ကောန်ဂကူ ဍုင်သကတ်လာန် ကေုာံ ဗော်သကတ် မပံင်ကောံတုဲ၊ ဥက္ကဋ္ဌဗော်ၜါဂှ် The Duke of Montrose ကဵု Robert Bontine Cunninghame Graham ညးမွဲ ဂွံဒှ်ဥက္ကဋ္ဌတုဲ ညးမွဲဂှ် ဒှ် ဒုဥက္ကဋ္ဌ။[၂၈] သာ အလေက်သေန်ဒါ မက်ဣဳဝေန် (Sir Alexander MacEwen) ဂှ် ဒှ်သကိုပ်ကောန်ဂကူ ကိုပ်ကၠာအိုတ်။[၂၉] ပါမောက္ခ ဒံက်ဂလာသ် ယောင် (Professor Douglas Young) မဒှ် က္ဍိုပ်သကိုပ် ဗော်ကောန်ဂကူသကတ် နူကဵုသၞာံ ၁၉၄၂ စဵုကဵု ၁၉၄၅ဂှ် ဗက်စန်ဒက် ကောန်ဂကူသကတ် သွက်ဂွံတးပါဲ သၞောဝ်ဟွံလုပ်ပၞာန်မံင်ဟွံဂွံတုဲ ပရေင်ချဳဓရာင်ညးဂှ် ညးဍုင်ကွာန်တအ် ဒးဂၞပ်စိုတ် ထံက်ဂလာန်ဂၠိုင်ကၠုင်တုဲ ပရေင်စန်ဒက်ဂှ် အာခ္ဍဳလျတ် ဒးအဝဵုသြဇာဗြိတိန် ပ္ဍဲဍုင်သအာင်ဂမၠိုင်ရ။ ယောင်ဂှ် ဒးဒုင်ရပ်ဖျေဟ်ထံင် ဟိုတ်နူ ဒစဵုဒစး ဟွံလုပ်ပၞာန်ရ။

ဗော်ဂှ် ဒးဒုင်ထကး ကိုပ်ကၠာအိုတ် ပ္ဍဲခေတ်ကာလ ဂျောန် မက်ကဝ်မိက် (John MacCormick) မတိတ်ထောအ် နူဗော် ပ္ဍဲသၞာံ ၁၉၄၂၊ ပြံင်လှာဲထောအ် ဂၠံင်တရဴဗော် နူကဵု မဂစာန် သွက်ဗၠးၜးဂှ် ဂစာန်သွက် ဟုမ္မရူ (အခေါင်ပကင်ရင်ဇကုအပိုင်)တုဲ လညာတ်ဂှ် ဂွံဒှ်အာဒတန် ပ္ဍဲကဵု ပ္ဍဲကောံဓရီုဇၞော် မကၠောန် ဗဒှ် ပ္ဍဲ ဂလသ်ဂေါဝ် (Glasgow) ရ။ မက်ကဝ်မိက် ဆက်ဂစာန် သွက်ဂွံဒက်ပ္တန် ဂကောံပဋိညာန်သကတ် (Scottish Covenant Association) မဒှ်ဂကောံ သွက်ဂွံကၠောန်ဗဒှ် အသေမ်ဗလဳသကတ် (Scottish Assembly)ရ။

နကဵုဗော်ကောန်ဂကူသကတ်ဂှ် ဟိုတ်နူမဒှ်အခိင်ပၞာန်တုဲ ကလိဂွံမၞိဟ်ထံက်ဂလာန်ညိညတုဲ ဂွံဇမၞးကေတ် သဘင်မာဲ စၠတ်ထဝ်ကၟိန်ဍုင် ကိုပ်ကၠာအိုတ် ပ္ဍဲသဘင်မာဲသၞာံ ၁၉၄၅ နူကဵု ဒေသမောတာဝေလ် (Motherwell)၊ ဆဂး ကြဴနူ မဂွံဒုင်ရုဲစှ် ပွိုင် ပိဂိတုတုဲ ရောဗေတ် မက်အိန်တုရ် (Robert McIntyre) ဒးဒုင်ဆောံလေင် ခုင်ပါလဳမာန်ညးရ။ သၞာံ ၁၉၅၀တအ်ဂှ် မၞိဟ်ထံက်ဂလာန်အောန်တုဲ ဇၟာပ်သဘင်မာဲ ဟွံကလိဂွံဇမၞးမာဲတုဲ နကဵုဗော်လေဝ် ဂွံဆက်တန်တဴဂှ် ဒှ်တင်ဝါတ်ဂါတ်တုဲ ဇၟာပ်သဘင်ရုဲမာဲလေဝ် နကဵုဗော် ဆမၞိဟ်ညိညဟေင် လုပ်ဒုင်ပြိုင်နွံကီုရ။

သၞာံ ၁၉၆၀တအ်ဂှ် အလံင်အမာတ် မလုပ်ပြိုင်တအ် ကလိဂွံ လၟိဟ်မာဲဂၠိုင်ကၠုင် သၞာံ ၁၉၆၁ ဒေသ ဂၠသ်ဂေါဝ် ဗြိဒ်ဂေတောန် (Glasgow Bridgeton)၊ သၞာံ ၁၉၆၂ ဝေတ်လောထိန် (West Lothian) ကေုာံ ဂၠသ်ဂေါဝ် ပေါလ္လောက် (Glasgow Pollok) သၞာံ ၁၉၆၇ ဂှ် လၟိဟ်မၞိဟ် မစုတ်မာဲ ကုဗော်ကောန်ဂကူသကတ် စဂၠိုင်ကၠုင်တုဲ သဘင်မာဲ သၞာံ ၁၉၆၇ ဂှ် နကဵုနိမိတ်ခိုဟ် နကဵုအလံင်အမာတ် ဗော်ကောန်ဂကူသကတ် ဝိန်နဳ ဣဳဝိန်ဂ် (Winnie Ewing) ဂွံဇၞးကေတ်မာဲ ကိုပ်ကၠာအိုတ် နူကဵုဒေသ ဟမိလ်တောန် (Hamilton)။ ဒေသဂှ် ကိုပ်ကၠာတေအ် မဒှ်ဒၞာဲ ဗော်လေဗောရ် မကေင်ဇၞးကၠုင်လဝ်ရ။ ဇမၞးဏအ်ဂှ် ပလံင်ဗစိုပ်ကဵု သွက်ပရေင်ဍုင်ကွာန် ဂကူသကတ် ဂွံစိုပ်တရဴတုဲ ဖန်ကဵု သီုညံင် နကဵုဗြိတိန် သ္ဒးဒက်ပ္တန် ကမ္မရှေန်ကိလ်ဗြန်ဒေါန် (Kilbrandon Commission) မဒှ်ကမ္မရှေန် သွက်ဂွံသ္ၚေဝ်ဂၠေပ် သဇိုင်သၞောဝ်ဥပဒေဗြိတိန်ရ။

မဒှ်ကၠုင် ဒြဟတ်ဇမၞော် (၁၉၇၀တအ်)[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲအံက်တဝ်ပါ ၁၉၇၄ ဗော်ကောန်ဂကူသကတ် ဇၞးလဝ် ၁၁ ပွိုင်ဆန္ဒမာဲ၊ စဵုကဵု နိကောလာ သတုရ်ဂေယန် (Nicola Sturgeon) မရုဲစှ် နဒဒှ် သကိုပ်ကောန်ဂကူမ္ဂး ဒှ်အရာမဂၠိုင်အိုတ်။

သဘင်မာဲနာနာ သၞာံ ၁၉၇၀ ဂှ် ဟိုတ်နူ ဗော်ဂှ် ထကးအာၜါကရေက်တုဲ ဗွဲမအောန်စိုတ်၊ မမာဲပြးတုဲ ဟွံကလိဂွံဇမၞးရ။ ဣဳဝိန်ဂ် ဒၞာဲဇကုမကေင်ဇၞးလဝ် ပ္ဍဲဟမိလ်တောန်ဂှ်လေဝ် ဆက်ထိင်ဟွံမာန် ဒးကျ။ နကဵုဗော်ဂှ် ဆ ဒၞာဲတကအ်ဝေတ်သတာန်ဣသ်လေသ် (Western Isles) ဟေင် ဂွံဒုင်ရုဲစှ်တုဲ၊ ညးမဂွံဒုင်ရုဲစှ် နူဒၞာဲဂှ် ဒေါနလ်ဒ် သတေဝါတ် (Donald Stewart) မွဲဟေင် ဂွံဒှ် အမာတ်စၠတ်ထဝ် ပ္ဍဲကဵု စၠတ်ထဝ်ကၟိန်ဍုင်။ အကာဲအရာဗီုဏအ်ဂှ် ဆက်ဒှ်အာဒၟံင်တုဲ သဘင်မာဲအကြာ သၞာံ ၁၉၇၃ ဂှ်လေဝ် ပ္ဍဲဂၠသ်ဂေါဝ်ဂေါဝန် (Glasgow Govan)ဂှ် နကဵုဗော်လေဗောရ် ဂွံဇၞးဏာကီုရ။

သၞာံ ၁၉၇၄ ဂှ် ဒှ်သၞာံခိုဟ် သွက်ဗော်ကောန်ဂကူသကတ်၊ မုဟိုတ်ရောမ္ဂး နကဵုဗော်ဂှ် လုပ်ပေါဲဗတိုက် ကိစ္စကၠေင်ဍေန် မတိတ်နူ သကတ်လာန် မဒှ်ပေါဲဗတိုက် မဟီုတွဟ် ဒဒှ်ရ ကၠေင်နူကဵု ၜဳသကတ်လာန်ဂှ် ဟွံဒှ်ဂုန်ဖိုလ် သွက်ကောန်ဂကူသကတ်လာန်တုဲ ပေါဲဗတိုက်ဏအ် မၞိဟ်ထံက်ဂလာန်ဂၠိုင်ရ။[၃၀] အသိင်ပေါဲဗတိုက်ဂှ် ကဵုသွဟ် သဘင်မာဲနာနာသၞာံ ၁၉၇၄ နကဵုဗော်ကောန်ဂကူသကတ် ဂွံဇၞးကေတ် ၆ ခုင်၊ ဂိတုအံက်တဝ်ပါ ကလေင်ကၠောန်မွဲဝါပၠန်ဂှ် ဂွံအာ အမာတ် ၁၁ တၠ သွက် စၠတ်ထဝ်ကၟိန်ဍုင်။ ပ္ဍဲသၞာံဂှ်ရ သဘင်မာဲဒေသဂှ် နကဵုဗော် ကလိဂွံဇမၞး အလုံမွဲဒေသ Cumbernauld ကဵု Kilsyth တအ်ရ။

ပရေင်အံင်ဇၞးဂှ် ဆက်အာ စဵုကဵု ဗွဝ်စှ်ဂှ်ရ၊ သဘင်မာဲခရိုင် သၞာံ ၁၉၇၇ ဂှ် ဗော်ကောန်ဂကူသကတ် ဂွံဇၞးကေတ် အလဵုအသဳခရိုင် သီုကဵု ခရိုင်အိတ်ကိလ်ဗြိဒ် (East Kilbride) ကေုာံ ခရိုင်ဖလ်ကိရ်က် (Falkirk) တုဲ ခရိုင်ဂၠသ်ဂေါဝ်ဂှ်လေဝ် ကလိဂွံ ၜိုတ်ဒးရးကီုရ။[၃၁] ဆဂး ပရေင်အံင်ဇၞးဏအ်ဂှ် ဂွံထိင်လဝ် ဟွံလောဲသွာတုဲ သၞာံ ၁၉၇၈ ဂှ် နကဵုဗော်လေဗောရ် ကလိဂွံအာဇမၞး ပ္ဍဲကဵု သဘင်မာဲအကြာ သွက်ခရိုင်ကီု သီုကဵု သဘင်ဒေသရ။

သဘင်မာဲနာနာသၞာံ ၁၉၇၉ ဂှ် နကဵုဗော်ကောန်ဂကူသကတ် ကလိဂွံ မၞိဟ်အထံက်ဂလာန် အောန်စှ်ေအာကွေဟ်ဟ်တုဲ ကလိဂွံ အမာတ်စၠတ်ထဝ်ကၟိန်ဍုင် ဆ ၂ တၠဓဝ်ရ။

ထကးပြး ကေုာံ သၞဝဲ အကြာဇကု (၁၉၈၀တအ်)[ပလေဝ်ဒါန် | ပလေဝ်ဒါန် တမ်ကၞက်]

ဂကောံ ၇၉ ပ္ဍဲဗော် မဒှ်ဂကောံရဲဝါဒတဲပါဲ

ကြဴနူမကျဇၞော်ကဵုဒြဟတ်တုဲ ပေါဲဗတိုက် (ဝါ) သၞဝဲ အကြာအပ္ဍဲဗော်ဂှ် ကတဵုဒှ်တုဲ ပ္ဍဲဗော်ဂှ် ပါ်ဒၟံင် ၜါဂကောံ၊ ဂကောံမထံက်ဂလာန်ဝါဒဖက်သေတ် မကော်ဂး (Siol nan Gaidheal)[၃၂] ကဵု ရဲဝါဒတဲပါဲ မကော်ဂး ဂကောံ ၇၉ တအ်ရ။ တင်အဓိက မထကးဇၞော်အိုတ်ဂှ် ညးမွဲလပါ်ဂှ် မိက်ဂွံဂစာန် သွက်ဍုင်ဗၠးၜးတုဲ မွဲလပါ်ဂှ် သွက်ဂွံပံင်ကောံအာ အပ္ဍဲကၟိန်ဍုင်ဨကရာဇ် နကဵုသၞောဝ်ပကင်ရင်ဇကု အပိုင်ရ။

ပ္ဍဲ ကောံဓရီုဗော် လၟေင်သၞာံ ၁၉၈၂ ဂှ် ၜိုန်ရ ရဲဝါဒသၟာကမၠောန်တအ် ဒစဵုဒစး ဗွဲမဇၞော် ကဵုဒြဟတ်ကီုလေဝ် ညးဝါဒအခိုက်တြေံ ဂေါရ်ဒေါန် ဝိလ်သောန် (Gordon Wilson)ဂှ် ဆက်ဒှ်အာ မၞိဟ်ဇၞော်ဗော် စဵုကဵုသဘင်မာဲ ၁၉၈၃ ကေုာံ သဘင်မာဲ သၞာံ ၁၉၈၇ မဒှ်သဘင်မာဲ ညးတေအ် ဒးကျအာမာဲ ပ္ဍဲကဵုဒၞာဲညးမကေင်ဇၞးကၠုင်လဝ် ပွိုင် ၁၃ သၞာံရ။

ပ္ဍဲမွဲဒမြိပ်ကာလဏအ်မ္ဂး နကဵုက္ဍိုပ်ဝါဒသၟာကမၠောန် သိလ္လာရ် (Sillar) အဝဵုဇၞော်ကၠုင် ပ္ဍဲဗော်တုဲ လညာတ်ပရေင်ဍုင်ကွာန် ကေုာံ ပရေင်ပိုန်ဒြပ် ဗော်ဂှ်လေဝ် ဒှ်အာလပါ် ပရေင်ပိုန်ဒြပ်-ညးဍုင်ကွာန်၊ နွံပၟိက် ဍုင်ဗၠးၜး အပ္ဍဲအဳယူ။ ဒၞာဲဝိလ်သောန် မကျလဝ်မာဲဂှ် ပ္ဍဲကဵုသဘင်မာဲအကြာ သၞာံ ၁၉၈၈ ဂှ် သိလ္လာရ် ကလေင်ဇၞးကေတ်ပၠန်ရ။

နကဵု ဗော်ဂှ် ၜိုန်ရ နကဵုပရေင်ဍုင်ကွာန် တုပ်ဒၟံင် ကုဗော်လေဗောရ် မဒှ်ဗော်ဇၞော် အလုံမွဲကၟိန်ဍုင်ပံင်ကောံဨကရာဇ် (ယူကေ)ကီုလေဝ် နကဵုဗော်ကောန်ဂကူသကတ်ဂှ် ဟွံပံင် ကုဗော်လေဗောရ်ရ။ နကဵုသကတ်လာန် ကလိဂွံအာ ပါလဳမာန်သကတ်လာန်။[၃၃]

ပထမ ခေတ် သလ်မောန်ဒ် (၁၉၉၀တအ်)[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲသၞာံ ၁၉၉၄ ဗော်ကောန်ဂကူသကတ် ကလိဂွံဇမၞး ဒေသတေသိဒ် (Tayside) ပ္ဍဲအခိင်ဂှ် နကဵုဗော်ဂှ် ဂွံထိင်ကေတ် အလုံဒေသမာန်၊ ဆဂး ဟွံဒှ်မၞိဟ်လပါ်ဂၠိုင်အိုတ်၊

အလေက် သလ်မောန်ဒ် (Alex Salmond) ဂွံဒုင်ရုဲစှ် နဒဒှ်အမာတ် သွက်စၠတ်ထဝ်ကၟိန်ဍုင် နူကဵု ဗာန်ဖ် ကေုာံ ဗူဆာန် (Banff and Buchan) ပ္ဍဲသၞာံ ၁၉၈၇၊ ကြဴနူ ဂကောံ၇၉ တအ် ကလေင်ပံင်ကောံကၠုင်တုဲရ။ တုဲပၠန် သၞာံ ၁၉၉၀ ကာလမကလေင်ရုဲစှ် က္ဍိုပ်သကိုပ်တၟိဂှ် နကဵုဝိလ်သောန်လေဝ် ဒေါအ်ဇူ တုဲ စၞးဂှ် ခပတိုန် မာဂရေတ် ဣဳဝိန်ဂ် (Margaret Ewing)ရ။ ဣဳဝိန်ဂ် ကလိဂွံ အထံက်ဂလာန် နူကဵုမၞိဟ်ဂမၠိုင် သီုကဵု က္ဍိုပ်သကိုပ်တြေံ သိလ္လာရ် ကီုရ။[၃၄]ၜိုန်ဂှ်လေဝ် နကဵုဗော်ဂှ် ပ္ဍဲသဘင်မာဲ ၁၉၉၂ ဂှ် နူကဵု မကလိဂွံလဝ်အမာတ် ၅ တၠဂှ် သှ်ေဆ ၃ တၠဓဝ်ရ။

လဒေါဝ်-၉၀တအ်ဂှ် နကဵုဗော် ကလိဂွံဇမၞးရ။ သဘင်မာဲသွက်စၠတ်ထဝ်ကၟိန်ဍုင် သၞာံ ၁၉၉၄ဂှ် နကဵုဗော် ဂွံဇၞးကေတ် ဒေသဨသာန်သကတ်လာန်၊ သဘင်ရုဲမာဲအကြာ သၞာံ ၁၉၉၅ ဂှ် ဂွံဇၞးမာဲ နူကဵု ပေရ် ကေုာံ ကိန်ရောသ်။

The party was part of the successful devolution campaign in 1997.

သၞာံ ၁၉၉၇ ဂှ် နကဵုဗော်ဂှ် ကလိဂွံဇမၞးဂၠိုင်အိုတ် ကြဴနူ ပွိုင် ၂၃ သၞာံရ။

နဒဒှ် ဗော်ဒစဵုဒစး ကု အလဵုအသဳပံင်ကောံ လေဗောရ်-လိဗေရလ် ဒဳမဝ်ကရေတ် (၁၉၉၉-၂၀၀၇)[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲကဵု ပါလဳမာန်သကတ်လာန်ဂှ် နကဵု ဗော်လေဗောရ် ကဵု လိဗေရလယ်ဒဳမဝ်ကရေတ် ပံင်ကောံတုဲ မဒက်အလဵုအသဳပံင်ကောံဂှ် ဗော်ကောန်ဂကူသကတ် ဒှ်ဗော်ဒစဵုဒစး။ နကဵုသလ်မောန်ဒ် ဟိုတ်နူဟွံကလိဂွံဇမၞးတုဲ သၞာံ ၂၀၀၀ ဂှ် ဒေါအ်ဇူထောအ် နူကဵု သကိုပ်ကောန်ဂကူတုဲ စၞးဂှ် ဂျောန် သွိန်နေ (John Swinney) မဂွံဒုင်ရုဲစှ်[၃၅][၃၆] နကဵု ပရေင်အာက္ဍိုပ် သွိန်နေလေဝ် ဟွံစိုပ်တရဴ သဘင်မာဲနာနာ သၞာံ ၂၀၀၁ သွက်စၠတ်ထဝ်ကၟိန်ဍုင်ဂှ် ဒးကျအာ အမာတ်မွဲ၊ သဘင်မာဲ သွက်ပါလဳမာန်သကတ်လာန် သၞာံ ၂၀၀၃ ဂှ် အမာတ်အောန်စှ်ေအာ ဂွံဆ ၂၇ တၠ၊[၃၇]ဆဂး ပ္ဍဲကဵု ပါလဳမာန်သကတ်လာန်ဂှ် ဂွံဒုင်ရုဲလဝ် ဆဗော်ဒေသဂမၠိုင် ဗော်သၚေက်သကတ် (Scottish Greens) ကေုာံ ဗော်သဵုသေလ်လေတ်သကတ် (Scottish Socialist Party) မဒှ်ဗော် မထံက်ဂလာန် သွက်ဗၠးၜးတအ်ဟေင်ရ။

အခိင်ကာလမရုဲစှ် ညးတာလျိုင်တၟိ ပ္ဍဲသၞာံ ၂၀၀၃ ဂှ် သွိန်နေ ဟွံဂွံဒုင်ရုဲစှ်တုဲ[၃၈]စၞးဂှ် သလ်မောဒ် ဂွံဒုင်ရုဲစှ်[၃၉]တုဲ နိကောလာ သတုရ်ဂေယောန် (Nicola Sturgeon) ဂွံဒုင်ရုဲစှ် နဒဒှ် ဒုသကိုပ်ကောန်ဂကူရ။

အလဵုအသဳ သလ်မောန်ဒ် (၂၀၀၇ - ၂၀၁၄)[ပလေဝ်ဒါန် | ပလေဝ်ဒါန် တမ်ကၞက်]

အလဵုအသဳဗော်ကောန်ဂကူသကတ် ကိုပ်ကၠာအိုတ် ပ္ဍဲကဵု ခန်ကပဳနေတ်

ပ္ဍဲသဘင်မာဲ ၂၀၀၇ သွက် ပါလဳမာန်သကတ်လာန်ဂှ် နကဵု ဗော်ကောန်ဂကူသကတ် ကလိဂွံဇမၞးဂၠိုင်အိုတ် နကဵု ခုင်သီုဖအိုတ် ၁၂၉ ဂှ် ကလိဂွံ ၄၇ ခုင်ရ။ ဗော်လေဗောရ်သကတ်ဂှ် ကလိဂွံ ၄၆တုဲ နကဵု ဗော်ကောန်ဂကူသကတ် အာလေက် သလ်မောန်ဒ် ဂွံဒှ် ဝန်ဇၞော်သကတ်လာန် ကိုပ်ကၠာအိုတ်ရ။ နကဵု ဗော်သၚေက်သကတ် ဂှ် ထံက်ဂလာန် ဗော်ကောန်ဂကူသကတ် နဒဒှ် အလဵုအသဳတုဲ သွက်ဗော်သၚေက်သကတ်ဂှ် ညးကဵု ဒၞာဲဥက္ကဋ္ဌ စၠတ်ထဝ်ရ။[၄၀]

သဘင်မာဲ ၂၀၁၁ သွက်ပါလဳမာန်သကတ်လာန်ဂှ် နကဵုဗော်ကောန်ဂကူသကတ် ကလိဂွံဇမၞးလပါ်ဂၠိုင် ဂွံသီုဖအိုတ် ၆၉ ခုင်ရ။ နကဵုသွဟ်မာဲဏအ်ဂှ် ဂွံဒက်အလဵုအသဳ နကဵုဇကုမွဲဓဝ်ရ။[၄၁][၄၂]

အလဵုအသဳဗဟုဝစ် ဗော်ကောန်ဂကူသကတ်ဂှ် ကၠောန်ဗဒှ် ညံင်သ္ဂောအ်ကၠောန်ပ သဘင်ဆန္ဒညးဍုင်ကွာန် သွက်ဂွံပါ်တိတ် နူကဵု ကၟိန်ဍုင်ပံင်ကောံ (ဝါ) ကေတ်ဍုင်ဗၠးၜး ပ္ဍဲသၞာံ ၂၀၁၄ ရ။ ဆဂး သဘင်ဆန္ဒညးဍုင်ကွာန်ဂှ် ဆန္ဒလပါ် "ဟအှ်ေ" ဂွံအာဇမၞး၊ နကဵု မၞိဟ် ၄၅ က္ဍိုပ်ကၠံ ကဵုဆန္ဒ တုပ်စိုတ် ကေတ်ဗၠးၜးရ။[၄၃] ဟိုတ်နူ ကျအာ သဘင်ဆန္ဒညးဍုင်ကွာန်တုဲ သလ်မောန်ဒ်ဂှ် ပ္ဍဲဗော် မၞိဟ်ဒးစိုတ် အောန်စှ်ေအာတုဲ[၄၄] ကာလရုဲသကိုပ်ကောန်ဂကူ သၞာံ ၂၀၁၄ ဂှ် ညးဗြဴ နိကောလာ သတုရ်ဂေယောန် ဂွံဒှ် သကိုပ်ကောန်ဂကူ၊ မသက်ကု မၞိဟ်ပြိုင်ပကာန်ရ။

သၞောဝ်သဇိုင် ကေုာံ လဒက်ပတန်ဗော်[၄၅][ပလေဝ်ဒါန် | ပလေဝ်ဒါန် တမ်ကၞက်]

ဗော်ကောန်ဂကူသကတ်ဂှ် ဒက်ပ္တန်လဝ် နကဵု ဂကောံဒေသဂမၠိုင်ရ။ ဂကောံဒေသဂှ် ညးတအ်ကော်စ brance မဂွံအဓိပ္ပါယ် လပါ်။ အတိုင်သၞောဝ်သဇိုင် ပိုဒ် ၅ မ္ဂး ဂကောံဒေသ မကော်ဂး လပါ်ဂှ် ဒှ်ဂကောံ မဒက််ပ္တန်လဝ် မဒုင်သဇိုင် ကုဒေသ သွက်ဂွံချဳဓရာင် ကမၠောန်ဗော်တုဲ ဂွံစၟတ်သမ္တီ ဂကောံဒေသမွဲဂှ် ကောန်ဂကောံ နွံအောန်နူ ၜါစှ်ော ဟွံဂွံ။ တုဲပၠန် သၞောဝ်ဂကောံဒေသတအ်ဂှ်လေဝ် အောန်အိုတ် သ္ဒးနွံဗီုလဵု ချူဗၟံက်ထ္ၜးလဝ်ကဵု ပ္ဍဲသဇိုင်သၞောဝ်တုဲ တၞဟ်နဂွံဝေင်ပါဲ မွဲဒေသ ညံင်ဟွံဂွံဒှ် ဗော်ၜါတုဲ ဂကောံဒေသမွဲကုမွဲ တိဍာ်မဒုင်သဇိုင် ဍိုက်ဒၟံင်ရေင်သကအ် ဟွံဂွံ။ ပွိုင်တိဍာ် ဂကောံဒေသတအ်ဂှ် နကဵု ကမ္မတဳစၟိန်ပြမာန် ဒုင်သဇိုင် ကုပွိုင်ဆန္ဒမာဲ အခိင်မရုဲမာဲတုဲ စၟတ်သမ္တီအာရ။ အလုံမွဲ ပွိုင်ဆန္ဒမာဲဂှ် ယဝ်ရ နွံ ဂကောံဒေသမွဲဓဝ်မ္ဂး ညးကော်စ ဂကောံဒေသပွိုင်ဆန္ဒမာဲ (Constituency Brance)၊ ယဝ်ရ ပ္ဍဲပွိုင်ဆန္ဒမာဲမွဲဂှ် နွံကဵု ဂကောံဒေသ ဂၠိုင်နူမွဲ ဟွံသေင်မ္ဂး နွံကဵု ဂကောံဒေသလစှ်ေ (sub-Branches) မ္ဂး သွက်ဂွံပံင်တောဲကၠောန် အကြာဂကောံတအ် အပ္ဍဲပွိုင်ဆန္ဒမာဲဂှ်တုဲ ကလေင် ဒက်ပ္တန် ဂကောံပွိုင်ဆန္ဒမာဲမွဲ (Constituency Association)ရ။ [၄၆] ဇၟာပ်ပ် ဂကောံဒေသတအ်ဂှ် အောန်အိုတ် သ္ဒးနွံကဵု သကိုပ်မွဲတၠ၊ ညးအုပ်ကာ၊ သကိုပ်ဘဏ္ဍာ၊ သကိုပ်စန်ဒက်တအ်တုဲ ဂကောံဒေသတအ်ဂှ် ဂစာန်ညံင်ဂွံဒုင်ရုဲစှ် အလဵုအသဳဒေသ (အုပ်ဓုပ်ဒေသ)တအ်၊ တုဲပၠန် ပလံင်မၞိဟ်စၞးဂကောံဗဟဵု သွက်ဂွံဖျေဟ်ဂၠံင်တရဴဗော်၊ ပ္ဍဲမပ္တံကဵု အသေမ်ဗလဳကောန်ဂကူ၊ ကံင်သဳကောန်ဂကူ၊ ကေုာံ ကောန်ဖရေန်ကောန်ဂကူလၟေင်သၞာံ။ ကံင်သဳကောန်ဂကူဂှ် ဒှ်ဒတန်ပကင်ရင်ဗော် ပ္ဍဲအခိင်ကာလအကြာကောန်ဖရေန်ဂမၠိုင် မပ္တံ ကလင် ပကောံ လိက်ဒုင်စဳရေင် နူကဵု ဒေသနာနာ ကေုာံ ဖျေဟ်ဂၠံင်တရဴဗော်။ အသေမ်ဗလဳကောန်ဂကူဂှ် ဒှ်ဒတန်ကောံဓရီု သွက်ဂွံ ဇၞော်မောဝ်ပတိုန် ဂၠံင်တရဴဗော်တုဲ မဒှ်ဒၞာဲ သွက်ဂွံပါ်ပါဲ သ္ၚေဝ်ဂၠေပ် ဂၠံင်တရဴဗော်မကၠောန်လဝ်တုဲ ကေုာံ သွက်ဂွံချပ်ဂၠံင်တရဴတၟိ ကိုပ်ကၠာ ဟွံဂွံ ပတိုန်ထ္ၜး ကုကံင်သဳကောန်ဂကူ ဟွံသေင်မ္ဂး ကောန်ဖရေန်ကောန်ဂကူလၟေင်သၞာံ သွက်ဂွံပဒတန်။[၄၆]

ကောန်ဖရေန်ကောန်ဂကူ လၟေင်သၞာံ (annual National Conference) ဂှ် ဒှ်ဒတန်အဝဵုသၠုင်အိုတ် ဗော်ကောန်ဂကူသကတ်၊ တုဲပၠန် ဒှ်ဒၞာဲ မဖျေဟ်သ္ဂုတ်သွာတ် ဂၠံင်တရဴ(ပဝ်လသဳ)ဗော် ကေုာံ ရုဲစှ် ကမ္မတဳစၟိန်ပြမာန်ကောန်ဂကူ (National Executive Committee)။ ပ္ဍဲကဵု ကောန်ဖရေန်ကောန်ဂကူလၟေင်သၞာံဂှ် ဇၟာပ်ကောန်ဂကောံ နွံအခေါင် သွက်ဂွံတိုန်စိုပ်မာန်၊ ဆဂး ဆမၞိဟ်စၞးတအ်ဟေင် ဂွံအခေါင်ဟီုဂး ပတိုန်ဂလာန် ကေုာံ စုတ်မာဲ။ ကောန်ဖရေန်ကောန်ဂကူဂှ် ဒက်ပ္တန်လဝ် နကဵု မၞိဟ်စၞး အတိုင်ဗွဲသၟဝ်ဝွံ -

  • မၞိဟ်စၞး နူကဵု ဇၟာပ်ပ်ဂကောံဒေသ ကေုာံ ဂကောံပွိုင်ဆန္ဒမာဲ။
  • ကောန်ဂကောံ ကမ္မတဳစၟိန်ပြမာန်ကောန်ဂကူ။
  • မၞိဟ်စၞး ၁၅ တၠ မရုဲစှ်လဝ် နကဵု ကောန်ဖရေန်ကောန်ဂကူ။
  • ဇၟာပ်အမာတ်စၠတ်ထဝ် နူကဵုဗော်ကောန်ဂကူသကတ် မနွံပ္ဍဲ ပါလဳမာန်သကတ်၊ စၠတ်ထဝ်ကၟိန်ဍုင် (ကိုပ်ကၠာ ဗြိတိန် ဟွံတိတ်နူ အဳယူမ္ဂး အမာတ်ပါလဳမာန်အဳယူ)
  • ကောန်ဂကောံဒေသ ဗော်ကောန်ဂကူသကတ် ဗွဲမဂၠိုင်၊ ကေုာံ
  • မၞိဟ်စၞး နူကဵု ဂကောံမပံင်ကောံ ကုဗော်ကောန်ဂကူသကတ် မကော်ဂး (the SNP's Affiliated Organisations)၊ ဂကောံမပံင်ကောံ ကုဗော်ကောန်ဂကူသကတ်တအ်ဂှ် သၟတ်သကတ် သွက်ဗၠးၜး (Young Scots for Independence)၊ ဂကောံကွးဘာတက္ကသိုလ်ဂမၠိုင် ဗော်ကောန်ဂကူသကတ် (SNP Students)၊ ဂကောံသၟာကမၠောန် ဗော်ကောန်ဂကူသကတ် (SNP Trade Union Group)၊ ကေုာံ ဂကောံညးမဆာန်ဂကူဂမၠိုင် (Association of Nationalist Councillors)။

ကံင်သဳကောန်ဂကူ (National Council) ဂှ် ဒှ်ဒတန်ပကင်ရင် ဗော်ကောန်ဂကူသကတ် ပ္ဍဲအခိင်ကာလအကြာ ကောန်ဖရေန်ကောန်ဂကူဂမၠိုင်၊ တုဲပၠန် တင်သ္ဂုတ်သွာတ် နူကဵု ကံင်သဳကောန်ဂကူဂှ် ဒှ်ဒၟံင်ဒတန်တုဲ တင်သ္ဂုတ်သွာတ်တအ်ဂှ် ကလေင်ရုပ်သီ နကဵု ကောန်ဖရေန်ကောန်ဂကူဟေင်ဂွံရ။ ပါဲနူဂှ်တုဲ ကောံဓရီု အသေမ်ပလဳကောန်ဂကူ (National Assembly) လေဝ် ကၠောန်ဒၟံင်ဆက်ဆက် သွက်ဂွံ ချပ်ဂၞန် ဂၠံင်တရဴ ကေုာံ ကမၠောန်ဗော်သောဲသောဲဗြောဲဗြောဲ နကဵု ကောန်ဗော်ဂမၠိုင်ရ။

နကဵု ဗော်ဂှ် နွံကဵု သွာင်သၟတ် မဒက်ပ္တန်လဝ် နကဵု ဂကောံသၟတ်သကတ် သွက်ဗၠးၜး (Young Scots for Independence) ကေုာံ ဂကောံပံင်ကောံ ကွးဘာတက္ကသိုလ် ညးမဆာန်ဂကူဂမၠိုင် (Federation of Student Nationalists)။ ပါဲနူဂှ်တုဲ ဂကောံသၟာကမၠောန် ဗော်ကောန်ဂကူသကတ် လေဝ် နွံကီုရ။ နကဵုဗော်ဂှ် ပ္တိတ်ဒၟံင် လိက်ပရိုင်လၟေင်ဂိတု နကဵုယၟု သကတ် မဗၠးၜး The Scots Independent

ကမ္မတဳစၟိန်ပြမာန် ကောန်ဂကူ[ပလေဝ်ဒါန် | ပလေဝ်ဒါန် တမ်ကၞက်]

က္ဍိုပ်သကိုပ် ဗော်ကောန်ဂကူသကတ်ဂှ် ရုဲစှ်ကေတ် နူကဵု ကမ္မတဳစၟိန်ပြမာန်ဗော်၊ ကမ္မတဳဂှ် ဒက်ပ္တန်လဝ် နကဵု မၞိဟ် နူကဵုဗော် မရုဲစှ်လဝ်ဂမၠိုင် ကဵု မၞိဟ်တြဴတၠ နူကဵု ကောန်ဖရေန် မရုဲစှ်လဝ် နကဵုမာဲရ။ မၞိဟ်ဇၞော် ဂကောံပါလဳမာန်ဂမၠိုင် နူကဵု ဗော် ကေုာံ ညးစၞးကောန်ဗော်ဂမၠိုင်တအ် ဂွံဒှ် မၞိဟ်စၞး ပ္ဍဲကဵု ကမ္မတဳစၟိန်ပြမာန်ကောန်ဂကူ၊ ညံင်ရဴဂှ်ကီု မၞိဟ်စၞး နူဂကောံသၟာကမၠောန် ကေုာံ မၞိဟ်စၞးနူသွာင်သၟတ် ကေုာံ ကွးဘာတက္ကသိုလ်တအ်လေဝ် ဂွံပတိုန် ပ္ဍဲကဵု ဂကောံစၟိန်ပြမာန်ကောန်ဂကူကီုရ။ ကမ္မတဳစၟိန်ပြမာန်ကောန်ဂကူဂှ် ဒှ်ဒတန် မနွံတာလျိုင် နကဵုပံင်ကောံ သွက်ဂွံဗၟံက်ရုပ်ရဴ ဂၠံင်တရဴဗော် မဖျေဟ်လဝ် အကြာကာလ ကောန်ဖရေန်ကောန်ဂကူ၊ သွက်ဂွံပကင်ရင်ဗော်ကီုရ။ ပ္ဍဲကဵု ကမ္မတဳစၟိန်ပြမာန်ကောန်ဂကူဂှ် နွံကဵု ဥက္ကဋ္ဌ ကေုာံ ဒု-ဥက္ကဋ္ဌပိတၠ၊ (ဥက္ကဋ္ဌတအ်ဂှ် ရုဲစှ်ကေတ် နကဵု အသဝ်ဂုဏ်)၊ သကိုပ်ကောန်ဂကူ (National Convener/the Leader)၊ ဒုသကိုပ်ကောန်ဂကူ (Senior Vice Convener/Deputy Leader) တုဲ သကိုပ်မဆေင်ကဵုနာနာ - ဘဏ္ဍာ၊ အလဵုအသဳဒေသ၊ ဂကောံ၊ ဗျူဟာ၊ ပရေင်ဂကောံ၊ ကေင်ကာသၟတ်၊ ဂီုကၠီုကောန်ဂကူ၊ ဘဏ္ဍာကောန်ဂကူတအ်ရ။ ပါဲနူဂှ်တုဲ မၞိဟ်စၞးဒေသဂမၠိုင်၊ အမာတ်မနွံပ္ဍဲစၠတ်ထဝ်နာနာဂမၠိုင်၊ ဂကောံမပံင်ကောံကုဗော် မကော်ဂး (Affiliated Organisations) တအ်လေဝ် ပါလုပ်ကီုရ။ ဂကောံမပံင်ကောံကုဗော်ဂှ် နွံဂကောံဗွဲမဂၠိုင် သီုဖအိုတ် နွံ ဒစိတ်ဂကောံ။ နကဵု ကမ္မတဳစၟဳပြမာန် ကောန်ဂကူဂှ် နကဵု သကိုပ်ကောန်ဂကူ ကော်ကောံဓရီု မွဲဂိတုမွဲဝါရ။ [၄၆]

ကောန်ဂကောံ ကမ္မတဳစၟိန်ပြမာန်ကောန်ဂကူ ၄၂ တၠ မနွံလၟုဟ် -

  • ဥက္ကဋ္ဌ (President): Ian Hudghton
  • သကိုပ်ဗော် (Leader): Nicola Sturgeon MSP (Glasgow Southside)
  • ဒုသကိုပ်ဗော် (Depute Leader): Keith Brown MSP (Clackmannanshire and Dunblane)
  • သကိုပ်ဘဏ္ဍာကောန်ဂကူ (National Treasurer): Colin Beattie MSP (Midlothian North and Musselburgh)
  • ညးအုပ်ကာနာနာ ကောန်ဂကူ (National Secretary): Dr Angus MacLeod
  • သကိုပ်ပရေင်ပိုန်ဒြပ် (Business Convener): Kirsten Oswald MP (East Renfrewshire)
  • သကိုပ်ပရေင်ဂကောံ (Organisation Convener): Stacy Bradley
  • သကိုပ်သၟိင်တၠဒေသ (Local Government Convener): Cllr Ellen Forson (Clackmannanshire South)
  • သကိုပ်ညးဗြဴ (Women's Convener): Cllr Rhiannon Spear (Greater Pollok)
  • သကိုပ် တၟုပ်သမဟ် (Equalities Convener): Fiona Robertson
  • သကိုပ် ကေင်ကာကောန်ဂကူလအောန် (Black, Asian and Minority Ethnic Convener): Cllr Graham Campbell (Springburn/Robroyston)
  • သကိုပ်ကောန်ဂကောံဒုက္ခိတ (Disabled Members' Convener): Morag Fulton
  • သကိုပ်ရီုဗင်ကောန်ဂကောံ (Member Support Convener): Douglas Daniel
  • သကိုပ်ဌာနဇၞော်မောဝ်ဂၠံင်တရဴ (Policy Development Convener): Alyn Smith MP (Stirling)
  • Tommy Sheppard MP (Edinburgh East) (မၞိဟ်ဇၞော်ဂကောံပါလဳမာန် Scottish Parliament and House of Commons parliamentary groups)
  • Alison Thewliss MP (Glasgow Central) (မၞိဟ်ဇၞော်ဂကောံပါလဳမာန် Scottish Parliament and House of Commons parliamentary groups)
  • Cllr Lynne Anderson (Stepps, Chryston and Muirhead) (မၞိဟ်စၞးဒေသ Central Scotland Regional Association)
  • Cllr Cameron McManus (Murdostoun) (မၞိဟ်စၞးဒေသ Central Scotland Regional Association)
  • Cllr Christina Cannon (Springburn/Robroyston) (မၞိဟ်စၞးဒေသ Glasgow Regional Association)
  • Alexander Kerr (မၞိဟ်စၞးဒေသ Glasgow Regional Association)
  • Munro Ross (မၞိဟ်စၞးဒေသ Highlands and Islands Regional Association)
  • Laura Mitchell (မၞိဟ်စၞးဒေသ Highlands and Islands Regional Association)
  • Roz Currie (မၞိဟ်စၞးဒေသ Lothian Regional Association)
  • Andrew Diack (မၞိဟ်စၞးဒေသ Lothian Regional Association)
  • Rhuaraidh Fleming (မၞိဟ်စၞးဒေသ Mid Scotland and Fife Regional Association)
  • Mireille Pouget (မၞိဟ်စၞးဒေသ Mid Scotland and Fife Regional Association)
  • Cllr Christian Allard (Torry/Ferryhill) (မၞိဟ်စၞးဒေသ North East Scotland Regional Association)
  • Dorothy Jessiman (မၞိဟ်စၞးဒေသ North East Scotland Regional Association)
  • Cllr Heather Anderson (Tweeddale West) (မၞိဟ်စၞးဒေသ South Scotland Regional Association)
  • Cllr Rob Davidson (Abbey) (မၞိဟ်စၞးဒေသ South Scotland Regional Association)
  • Emma Hendrie (မၞိဟ်စၞးဒေသ West Scotland Regional Association)
  • Robert Innes (မၞိဟ်စၞးဒေသ West Scotland Regional Association)
  • Ruth Maguire MSP (Cunninghame South) (မၞိဟ်ဇၞော်ဂကောံပါလဳမာန် Scottish Parliament parliamentary group)
  • Chris Law MP (Dundee West) (မၞိဟ်ဇၞော်ဂကောံပါလဳမာန် House of Commons parliamentary group)
  • Bailie Norman MacLeod (Pollokshields) (မၞိဟ်စၞးဂကောံပံင်ကောံ Association of Nationalist Councillors)
  • Greg McCarra (မၞိဟ်စၞး ဂကောံသၟာကမၠောန် SNP Trade Union Group)
  • Jamie Szymkowiaka (မၞိဟ်စၞး ဂကောံပံင်ကောံ Disabled Members Group)
  • Cailyn McMahon (မၞိဟ်စၞးဂကောံသၟတ် Young Scots for Independence)
  • a member representing the SNP BAME Network
  • Abdul Majida (မၞိဟ်စၞးဂကောံပံင်ကောံ Scots Asians for Independence)
  • Julia Stachurska (မၞိဟ်စၞး ဂကောံကွးဘာတက္ကသိုလ် SNP Students)
  • Josh Mennie (မၞိဟ်စၞး ဂကောံပံင်ကောံ Out for Independence)

မဒှ်ကောန်ဗော်[ပလေဝ်ဒါန် | ပလေဝ်ဒါန် တမ်ကၞက်]

စနူ ၁၈ သေပ်တေမ်ပါ ၂၀၁၄ (မဒှ် စၟတ်တ္ၚဲ ပေါဲကေတ်ဆန္ဒ သွက်ဗၠးၜးသကတ်) လၟိဟ်ကောန်ဗော် ဂၠိုင်တိုန် (နူ ၂၄,၆၄၂) မဒှ်ဗော်ပရေင်ဍုင်ကွာန် ဒြဟတ်ဇၞော်အိုတ် မရနုက်ကဵု ဒုတိယ ပ္ဍဲကဵု ကၟိန်ဍုင်ပံင်ကောံဨကရာဇ် (ယူကေ)။[၄၇] ဒဳဇြေန်ပါ ၂၀၁၈ ဂှ် ကောန်ဗော်ဒှ်အာ ၁၂၅,၄၈၂ တၠ။[၁]

မဟာမိတ် ကုဥရောပ[ပလေဝ်ဒါန် | ပလေဝ်ဒါန် တမ်ကၞက်]

ဗော်ကောန်ဂကူသကတ် နွံအဆက် ကုဂကောံဥရောပဂမၠိုင် နကဵုဗော်ကီု သီုကဵု နကဵုပူဂိုလ်ရ။ နကဵု ဗော်ကောန်ဂကူသကတ် ဒှ်ကောန်ဂကောံ မဟာမိတ်ဗၠးၜးဥရောပ (European Free Alliance - EFA) မဒှ်ဂကောံ မဒက်ပ္တန်လဝ် နကဵု ဗော်ပရေင်ဍုင်ကွာန် မနွံ ပ္ဍဲရးဥရောပ။ နကဵုဂကောံဏအ် ဆက်ပံင်ကောံဒက်ပ္တန်လဝ် ဗော်သၚေက်ဥရောပ (European Green Party) တုဲ ဒက်ပ္တန်လဝ် ဂကောံသၚေက်မဟာမိတ်ဗၠးၜးဥရောပ (The Greens–European Free Alliance -Greens/EFA) မဒှ်ဂကောံ မနွံပ္ဍဲ ပါလဳမာန်အဳယူရ။

ကိုပ်ကၠာ ဟွံဒက်မဟာမိတ် ကုဂကောံသၚေက်မဟာမိတ်ဗၠးၜးဥရောပဂှ် နကဵု ဗော်ကောန်ဂကူသကတ် ကေင်ဒှ်လဝ် မဟာမိတ် ကု ဂကောံသၠုင်ပတိုန်ဂကောံမၞိဟ်ဒဳမဝ်ကရေတ်ဥရောပ (European Progressive Democrats) အကြာသၞာံ 1979–1984၊ ဂကောံ ဓမင်ဍာ် (Rainbow Group) အကြာသၞာံ 1989–1994၊ ကေုာံ ဂကောံမဟာမိတ်ဥရောပဇေတ်တ် (European Radical Alliance အကြာ သၞာံ 1994–1999 တအ်ရ။

ဟိုတ်နူကဵု ယူကေ တိတ်ထောအ် နူကဵု အဳယူတုဲ မၞိဟ်စၞးဗော်ကောန်ဂကူသကတ် ပ္ဍဲကဵု ပါလဳမာန်အဳယူဂှ် ဟွံမဲရ။

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. ၁.၀ ၁.၁ Membership of UK Political Parties. Parliament of the United Kingdom (3 September 2018). “The SNP membership rose from 118,162 in April 2018 to 125,482 in August 2018, according to information from the Party’s Central Office.”
  2. Hassan, Gerry (2009). The Modern SNP: From Protest to Power. Edinburgh University Press, 5, 9။ 
  3. Christopher Harvie (2004). Scotland and Nationalism: Scottish Society and Politics, 1707 to the Present. Psychology Press. ISBN 978-0-415-32724-4 
  4. Scottish National Party | History, Policy, & Leader (in en).
  5. Will there be another independence referendum?. Retrieved on 25 September 2020
  6. The, SNP. How can the SNP support membership of the EU alongside independence?။ 26 October 2020 တင်နိဿဲဏအ် ကလေင်စၟဳစၟတ်တုဲ 
  7. About Us. Archived from the original on 13 September 2015
  8. Eve Hepburn (18 October 2013). New Challenges for Stateless Nationalist and Regionalist Parties. Routledge, 9. ISBN 978-1-317-96596-1 
  9. Bob Lingard (24 July 2013). Politics, Policies and Pedagogies in Education: The Selected Works of Bob Lingard. Routledge, 120. ISBN 978-1-135-01998-3 
  10. Frans Schrijver (2006). Regionalism After Regionalisation: Spain, France and the United Kingdom. Amsterdam University Press, 261–290. ISBN 978-90-5629-428-1 
  11. Lynn Bennie (2017). "The Scottish National Party: Nationalism for the many", Regionalist Parties in Western Europe: Dimensions of Success. Taylor & Francis, 22–41. ISBN 978-1-317-06895-2 
  12. You must specify archiveurl = and archivedate = when using {{cite web}}.Anti-Brexit feeling expected to help SNP in European elections. Archived from the original on 15 May 2019
  13. (2007) Encyclopedia of Digital Government. Idea Group Inc (IGI), 398. ISBN 978-1-59140-790-4။ 18 July 2013 တင်နိဿဲဏအ် ကလေင်စၟဳစၟတ်တုဲ 
  14. Josep M. Colomer (25 July 2008). Political Institutions in Europe. Routledge, 26. ISBN 978-1-134-07354-2 
  15. (1 January 2012) Scotland Business Law Handbook: Strategic Information and Laws. Int'l Business Publications, 29. ISBN 978-1-4387-7095-6 
  16. A Nation Changed?: The SNP and Scotland Ten Years On Archived ၁ မေ ၂၀၁၈ at the Wayback Machine. Edited by Gerry Hassan and Simon Barrow. Chapter author - Joyce McMillan. Published in 2017, in Glasgow, Scotland. Published by Bell and Bain Ltd. Retrieved via Google Books.
  17. The Scottish National Party Is Embracing A Multicultural Brand Of Nationalism. Retrieved on 25 September 2020
  18. Mr Scotland, chauvinism and the SNP's big-tent nationalism. Retrieved on 25 September 2020
  19. Scotland Parliament election 2016 (2016). Retrieved on 16 November 2017
  20. Local Council Political Compositions. Open Council Date UK (24 October 2019). Retrieved on 24 October 2019
  21. Michael O'Neill (22 May 2014). Devolution and British Politics 
  22. Gallardo၊ Cristina။ "Scottish National Party's manifesto explained"၊ Politico၊ 27 November 2019။ "The SNP wants Scotland to become an independent country and stay in the European Union." 
  23. Making the case for an "aye" in Scotland. Queen's University. Archived from the original on 5 May 2015။ Retrieved on 4 April 2015
  24. "MSPs sworn in at Holyrood after SNP landslide"။ 12 July 2011 တင်နိဿဲဏအ် စၟဳစၟတ်တုဲ။ Archived from the original on 19 February 2014။ 
  25. Scotland local elections 2017. BBC News.
  26. "SNP maintains peerage opposition"၊ BBC News၊ 22 September 2005။ 
  27. "House of Lords should be scrapped, says SNP"၊ BBC News၊ 28 July 2015။ 
  28. Dinwoodie, Robbie (7 April 2014). "From radicals and Tartan Tories to the party of government". The Herald. Retrieved on 10 July 2019. 
  29. Mitchell, James. Scottish National Party Leaders 
  30. Dilemmas of Over-Development: Scottish Nationalism and the Future of the Union.
  31. Faux၊ Ronald။ "Labour lose control of Glasgow"၊ The Times, p. 1၊ 4 May 1977။ 
  32. Devine, T. M. (Thomas Martin) (5 July 2012). The Scottish nation : a modern history. ISBN 978-0-7181-9673-8. OCLC 1004568536 
  33. Ex-MP: Scotland 'in trouble' if lax on constitution - The Targe.
  34. "Former MP Dick Douglas dies aged 82" (in en-GB)၊ BBC News၊ 2014-05-13။ 
  35. Correspondent၊ Nick Britten, Scotland Political။ "Scramble to lead SNP as Salmond quits" (in en-GB)၊ 2000-07-17။ 
  36. BBC NEWS | In Depth | Conferences | SNP | Emphatic SNP win for Swinney. BBC.
  37. "McLeish steps down" (in en-GB)၊ 2001-11-08။ 
  38. Euro poll was breaking point for Swinney (in en).
  39. "Salmond named as new SNP leader" (in en-GB)၊ 2004-09-03။ 
  40. "SNP and Greens sign working deal"၊ BBC News Scotland၊ 11 May 2007။ 
  41. SNP wins majority in Scottish elections. Channel 4.
  42. "Our Party" (in en)၊ The SNP 
  43. "Alex Salmond resigns as first minister after Scotland rejects independence"၊ The Guardian၊ 19 September 2014။ 
  44. Goldhill၊ Olivia။ "Alex Salmond's 'female problem' - or why most Scottish women wouldn't trust him to run a tea party" (in en-GB)၊ 2014-09-11။ 
  45. Constitution of the Scottish National Party. SNP.
  46. ၄၆.၀ ၄၆.၁ ၄၆.၂ SNP-Dingwall SNP Structure. Open Publishing.
  47. New figures show our party is now powered by 125,482 members - making @theSNP the second biggest party in the UK..ထာမ်ပလိက်:Primary source inline