ဗဳ၊ တၞံ

နူ ဝဳကဳပဳဒဳယာ

တၞံဗဳ
မပါ်ဂကူ အတိုင်နဲသိပ္ပံ
လောက: Plantae
(unranked): Angiosperms
(unranked): Eudicots
(unranked): Rosids
လၟေင်ဂကူ: Sapindales
ဇာတ်ဂကူ: Rutaceae
လစှ်ေဇာတ်ဂကူ: Aurantioideae
Tribe: Aurantieae
Subtribe: Balsamocitrinae
ဗဳဇဂကူ: ''Aegle''
Corrêa[၁]
လစှ်ေဂကူ: ''A. marmelos''
ယၟုရုက္ခဗေဒ
Aegle marmelos
ယၟုတၞဟ်[၂]
  • Belou marmelos (L.) A.Lyons
  • Crateva marmelos L.

တၞံဗဳ (အၚ်္ဂလိက်: Bael or bili or bhel) နကဵုယၟုသိပ္ပံ (Aegle marmelos) ဂှ် ဒှ်ဂကူတၞံဆု မဂွံဆဵုကေတ် ပ္ဍဲဒေသအာရှအဂၞဲ ကေုာံ လစှ်ေဒေသ အိန္ဒိယရ၊၊ [၃] တၞံဗဳဂှ် တၞးဍေဟ်ကီု သတ်ဍေဟ်ကီု စဂွံဒၟံင်ရ၊၊

ဗမံက်ထ္ၜး[ပလေဝ်ဒါန် | ပလေဝ်ဒါန် တမ်ကၞက်]

A ripe bael fruit in India

တၞံဗဳဂှ် ဒှ်ဂကူတၞံဆု တၟာလဒေါဝ်တုဲ သၠုင်စဵုကဵု ၁၅ မဳတာဒှ်မာန်တုဲ နွံဗွိုက်ဂၠံင်လၞင် ၅၀ ဇြေန်ဒဳမဳတာ၊ ဇလ ပ္ဍဲကၞာင်ကြံင်င်တအ်ဂှ် ဇမၠိင် နွံအကြာ ၁-၂ ရ၊၊ တၞံၝောအ်ဍေဟ်ဂှ် မလေပ်ဍာပ်ဗကဒၟံင်တုဲ ခၞေက်ဍေဟ် ဒှ်အသာ်ပတေင်တုဲ နွံဗီုပြင် မဒကးကရောန်ဒၟံင်ရ၊၊ တၞးဍေဟ်ဂှ် ဒှ်ဗီုပြင် တြိသၠတၞး (trifoliate) နကဵုဇမၠိင် ၂-၄ ဇြေန်ဒဳမဳတာတုဲ ၜါတၞးသၟဝ်ဂှ် ထၜါဲညံင်ခၟာဲ (ovate ) မကြပ်ညောန် ဗီုကဵု(elliptic) ဇမၠိင်နွံ စဵုကဵု ၇ ဇြေန်ဒဳမဳတာတုဲ အနာံ နွံ ၄ ဇြေန်ဒဳမဳတာရ၊၊ တဝ်တၞး (terminal leaflet) ဍေဟ်ဂှ် ကဝိုင်တိတ်ဒၟံင်တုဲ ကၠးသောင်ဇၞော်ဒၟံင်ရ၊၊ ပ္ကဴဍေဟ်ဂှ် နွံကဵုဇမၠိင် ၄-၅ ဇြေန်ဒဳမဳတာ မတိတ်ကၠုင် ပ္ဍဲဒၞာဲတဝ်တၞး ဒှ်အသာ် သ္ၚေက်ဗုဗုရ၊၊ ဗွိုက်လၞင် နွံစၜိုတ် ၂ ဇြေန်ဒဳမဳတာ၊၊ သတ်ဍေဟ်ဂှ် နကဵုခၞော်ကၠံင်င် နွံစဗွိုက်လၞင် အကြာ ၅-၁၂ ဇြေန်ဒဳမဳတာရ၊၊ သတ်ဍေဟ်ဂှ် ဒှ်အသာ်သ္ၚေက် ကာလဍေဟ်ဍုဟ် ဒှ်အသာ် ဍာ်မိတ်၊၊ နူစခတောဲ စဵုကဵုဍုဟ် သီုဖအိုတ် ဒးကေတ်အခိင် ၜိုတ် ၁၁ ဂိတုရ၊၊ ဂၞာသတ်ဍေဟ်ဂှ် ကြံင်ဗွဲမလောန်ရ၊၊

လွပ်[ပလေဝ်ဒါန် | ပလေဝ်ဒါန် တမ်ကၞက်]

သတ်ဗဳ Bael fruit
တၞံဗဳဍောတ်တ် Aegle marmelos plant

သတ်ဍေဟ်ဍုဟ်ဟ်ဂှ် စဂျိုင်င်လေဝ်ဂွံ ကၠောန်ဍုန်ဍာ်တုဲသုင်လေဝ်ဂွံ၊၊ တၞးဍေဟ်ၜတ်တ်ဂှ် ကၠပ်စ၊၊ ခၞော်ဗဳကီု၊ ဂၞာသတ်ဗဳကီုဂှ် စကာဒၟံင် ပ္ဍဲဂဥုဲနာနာသာ်ရ၊၊ ပ္ဍဲဘာသာဟိန္ဒူမ္ဂး တၞံဗဳဂှ် ဒှ်တၞံပရဲတုဲ စကာပ္ဍဲသဘင်မဆေင်ကဵုဘာသာ ဗွဲမဂၠိုင်ကဵုဒၞာဲရ၊၊

နိဿဲ[ပလေဝ်ဒါန် | ပလေဝ်ဒါန် တမ်ကၞက်]


  1. ထာမ်ပလိက်:GRIN genus
  2. ၂.၀ ၂.၁ Taxon: Aegle marmelos (L.) Corrêa. GRIN Global, National Plant Germplasm System, US Department of Agriculture (19 September 2017). Retrieved on 16 March 2018
  3. "Taxon: Aegle marmelos (L.) Corrêa". GRIN Global, National Plant Germplasm System, US Department of Agriculture. 19 September 2017. Retrieved 16 March 2018.
ကလေၚ်သီကေတ်လဝ် နူ "https://mnw.wikipedia.org/w/index.php?title=ဗဳ၊_တၞံ&oldid=17737"