ဗှ်လိက်ဂှ်ဒှ်ၚုဟ်မးသွက်ဘဝ

နူ ဝဳကဳပဳဒဳယာ

(ဗှ်လိက်ဂှ်ဒှ်ၚုဟ်မးသွက်ဘဝ)


လုပ်ဗှ်ဖျုန်လိက်အိုတ်စိုအ်

ဂွံဒုၚ်ကေတ်ယၟု(မၞိဟ်နွံကဵုဗဟုသုတ)မွဲမာန်ဂှ်ဟွံလောဲသွာတုဲ ပ္ဍဲကဵုဂကူမွဲမွဲဟီုဂှ်ရိုဟ်ဒးမံၚ်လၟိဟ်မၞိဟ်နွံကဵုဗဟုသုတီဂၠိုၚ်မိၚ်ဂၠိုၚ်ညာတ်ဂၠိုၚ်ကီုရ၊ ညးတၠပညာညးမၞုံကဵုဗဟုသုတတံဏံဂှ်လေဝ်ညးတံတုပ်တဴမွဲသာ်ဟီုဂှ်တှ်ေ ပွမဗှ်လိက်ဂၠိုၚ်ဂၠိုၚ်မဒှ်ရ။


ပိုဲမၞိဟ်တအ်ဗွဲမဂၠိုၚ်ဂှ်တှ်ေ တီကေတ်ကောန်မှိၚ်ဗဳဒဳယိုဝ်လဵုမြဟ် ဗြဴလဵုဗုၚ်ကဵုညးဂှ် ၝဏံပြးအာကဵုဗြဴဏံသာ်ဏံတီဂၠိုၚ်ကွေံကွေံရ၊ တီတဴဇၟာပ်ပရေၚ်ပရောညးတၞဟ်ကီုတုဲ ဆဂးပရေၚ်ဘဝဇကုမုဟွံတီတဴမွဲသာ်ကီုရ၊ မၞိဟ်လ္ၚဵုဗွဲမဂၠိုၚ်တအ်လေဝ် ဆဂး ညးတံဒှ်သၟာဗှ်လိက်ဟွံသေၚ်ကီုလေဝ် ညးတံဂှ်ဂွံစိုပ်အာတိုၚ်ပ္ကဴပ္ဍဲဘဝညးတံမာန်ကီုဂှ်တှ်ေ ယဝ်သရောပ်ထောံတုဲညးတံဆာန်မံၚ်ပွမဗှ်လိက်ဖအိုတ်ရ၊ လိက်ခိုဟ်ခိုဟ်မွဲအုပ်ဟီုဂှ်ဒှ်ကၠုၚ်ပ္ဍဲကဵုပိုဲဏံပွမကူချပ်ပါ်ပါဲကၠိုဟ်စိုတ်ခိုဟ်အိုတ်မွဲတုဲ ဟွံသေၚ်လိက်ဂှ်ကျေဝ်စက်ကၠောန်လိက်ခိုဟ်။


နဲကဲနာနာပြသၞာနာနာဗီုလဵုဂွံသှ်ပလးပ္တိတ်မာန်ဂှ်လေဝ် ယဝ်ရပိုဲတံကေၚ်ဗှ်လိက်ဂၠိုၚ်မံၚ်ကီုတုဲ အောန်အိုတ်ပိုဲဏံဂွံဆဵုကေတ်နဲကဲသွက်ဂွံပြိုၚ်ကဵုပြသၞာပိုဲတ္ၚဲဏံနွံတွဵုဟေၚ်အောန်ကဵုဂၠိုၚ်ရ၊ ဟိုတ်ဒှ်သာ်ဂှ်တုဲ ပွမချူလိက်ဗှ်လိက်ဏံဂှ်ဒှ်ဒၟံၚ်စၞစကၠေၚ်က္ဍဟ်ဂဥုဲကၠေၚ်က္ဍဟ်မွဲခိုဟ်အိုတ်တုဲ ဗီုကဵုဍုၚ်တဴတက်တံဂှ်လေဝ် ညးတံဗဂဵုလဟဵုသွာၚ်ဗှ်လိက်ဏံလၟေၚ်မွဲဟီုဂွံအိုတ်ရ၊ ပွမဗှ်လိက်ဏံဂှ်ဒှ်မံၚ်ဗဂဵုလဟဵုကၠေၚ်က္ဍဟ်ပိုဲဂွံကၠောန်ဒၟံၚ်ကမၠောန်တွဵုတုဲ ဣဏံဟေၚ်ဒှ်နဲကဲခိုဟ်အိုတ်သွက်ကၠေၚ်က္ဍဟ်ပိုဲဂွံသ္ဂုတ်သွာတ်ကမၠောန်ပြသၞာနာနာလၟေၚ်လၟေၚ်တ္ၚဲမာန်ရ။