ဘာကောန်ဂကူမန် တန်ဒေါဝ် တံၚ်ပိုအ်

ဝၚ်ဘာကောန်ဂကူမန် တန်ဒေါဝ် တံၚ်ပိုအ်

ဘာကောန်ဂကူမန်တန်ဒေါဝ် ကွာန်တံၚ်ပိုအ်ဝွံ နွံဒၟံၚ်အပ္ဍဲပွိုၚ်ဍုၚ်မုဟ်ဍုၚ်၊ တွဵုရးဍုၚ်မန်ရ။ နူလတူဂၠံၚ်ဍာ် ဇြပ်ဗု မတ်မလီု တတ်အာမ္ဂး ဂွံဆဵုကေတ်ဂတဵုမုက် ကွာန်ကၠတ်သတ်တုဲ နူပါၚ်ဂၠံၚ်ပ္ရောံတပ်စှ်ေကၠုၚ်ၚ်တဝ်ဝ်မ္ဂး စိုပ်ကွာန်တံၚ်ပိုအ်ရ။ ဘာကောန်ဂကူမန် တန်ဒေါဝ်ကွာန်တံၚ်ပိုအ်ဝွံ နွံဒၟံၚ်ဗ္ဒာဲ ဘာလကျာ် (ဘာတၟိ ကွာန်တံၚ်ပိုအ်) မဒှ်ရ။ သက္ကရာဇ်ခရေတ် (၂၀၂၃) ကောန်ကွးဘာမကတ်လ္ရတ်မံၚ်တအ်ဝွံ နွံလၟိဟ် (၂၁၂) တၠမဒှ်ရ။

ပ္ဍဲသက္ကရာဇ်ခရေတ် (၁၉၉၆-၉၇)ဂှ် စပံက်ဘာတန်မူလကောန်ဂကူမန် ဒၞာဲဇြပ်သဘၚ်ဓရ်လဒေါဝ် ကွာန်တံၚ်ပိုအ် မဒှ်ရ။ စိုပ်ပ္ဍဲသက္ကရာဇာ်ခရေတ် (၁၉၉၇-၉၈)ဂှ် ပြံၚ်ဆုဲအာဘုတ်ကျာ် ကွာန်တံၚ်ပိုအ်။ စိုပ်သက္ကရာဇ်(၂၀၀၇-၂၀၁၂)ဂှ် ဒှ်ကၠုၚ်ဘာတန်မူလလောန်တုဲ စသိုၚ်ခၞံဘာဇမၠိၚ် -၁၅၁ ပေ၊ အနာံ ၃၁ ပေတုဲ လၟိဟ်ဗ္ဒမ် (၅)၊ လၟိဟ်အ္စာ (၆)တၠ၊ လၟိဟ်ကွးဘာ (၁၃၈)တၠ ကတ်လ္ရတ်ပညာ အပ္ဍဲတန်မူလလောန်ရ။

ပ္ဍဲသက္ကရာဇ်ဍုၚ် (၁၃၇၈)သၞာံ ဂိတုပသာ် (၆)မံက်၊ တ္ရဲစန် (၁၊ ၅၊ ၁၇) ဂှ်ကျာ်ဇၞော်ဝဇဳရ က္ဍိုက်ပ်တုဲ ကလေၚ်ပတန် ဗဒှ်ဘာတန်ဒေါဝ်ပၠန်ရ။ ဇမၠိၚ် ၃၄.၅ ပေ၊ အနာံ - ၂၉.၅ ပေ ထပ်သိုၚ်ခၞံဘာတန်ဒေါဝ်တုဲ ပွိုၚ် (၄)ဂိတု။ စိုပ်သက္ကရာဇ်ဍုၚ်(၁၃၇၈)၊ ဂိတုဒဂိုန် (၁၄)စွေက် တ္ရဲသ္ရိသဝ် (၂၂.၇.၁၇)ဂှ် အာစိုပ်ဒတုဲရ။ ကဵုဒါန်ဖာပ်သၚ်စရိုဟ်ဍာ် မ္ရဵုတိုန်ဘာတၟိ မဒှ်ရ။ အပ္ဍဲဘာတန်ဒေါဝ်ဂှ်ဝွံ လၟိဟ်အာစာ (၉)တၠ၊ လၟိဟ်ကွးဘာ (၁၆၉)တၠရ။ ပ္ဍဲသက္ကရာဇ် (၁၃၇၉)သၞာံ၊ ဂိတုမာ် (၆)စွေက်၊ တ္ရဲအၚာ (၆.၇.၁၈) ကျာ်ဇၞော်ဝဇဳရ အာစိုပ် အနိစ္စဓရ်တုဲ အတိုၚ်ညးရန်တၟံလဝ်၊ တၠဂုဏ်အာစာဝေပုလ္လဆက်တုဲ ကေတ်အာတာလျိုၚ် သွက်ဂွံ သိုၚ်ဘာထိၚ်ဒဝ်ကောန်ၚာ် (မူကြိုကျောၚ်း) ပၠန်ရ။ သက္ကရာဇ် (၁၃၈၀)သၞာံ၊ ဂိတုပသာ် (၈)မံက် တ္ရဲအဒိုတ်(၂၄.၄.၁၈)ဂှ် စသိုၚ်ဘာထိၚ်ဒဝ် ကောန်ၚာ်တုဲ ပ္ဍဲသက္ကရာဇ် (၁၃၈၀)သၞာံ ဂိတုဒ္ဂိုန် (၁၃)စွေက် (၉.၈.၁၈)၊ ပွိုၚ် (၂)ဂိတုပြၚ်ၚ် သၞိၚ်ခၞံဘာထိၚ်ဒဝ် ကောန်ၚာ်တုဲဒှ်အာစိုပ်ဒတုဲရ။ ကဵုဒါန်ဖာပ်သၚ် စရိုဟ်ဍာ် မ္ရဵုတိုန်ဘာတၟိမွဲဝါပၠန်ရ။

နိဿဲ

၁။ နူတၞးဗာန်စွံလဝ်လိက် အပ္ဍဲဘာကောန်ဂကူတန်ဒေါဝ် ကွာန်တံၚ်ပိုအ် ပွိုၚ်ဍုၚ်မုဟ်ဍုၚ်