မုဉ္စလိန္ဒ

မုဉ္စလိန္ဒာ (အၚ်္ဂလိက်: Mucalinda or Muchalinda or Mucilinda) ဂှ် ဒှ်ယၟု သၟိၚ်နာ် ညးမစဵုဒၞာ ကျာ်တြဲဂေါတမ နကဵုဘဲဒဏ်သဘာဝ ဗြဲကျာ ကြဴနူ ကျာ်တြဲကလိဂွံဓရ်တုဲ၊၊

အတိုၚ်ဗုဒ္ဓဝၚ်မ္ဂး ကြဴနူ ဗောဓိသတ်ပိုယ် မကလိဂွံဓရ် ပ္ဍဲသၟဝ် တၞံဇြဲဗောဓိတုဲ ပန်သတ္တဟ အလုံမွဲအကာသမွဲ ဂၠုဓီုဒၟံၚ် လုကဴထပှ်တ္ၚဲတုဲ ဗြဲဇၞော်မဂူဖျေဟ်ရ၊၊ ၜိုန်ဂှ်လေဝ် သၟိၚ်နာ်မုဉ္စလိန္ဒ တိုန်ကၠုၚ် နူသၟဝ်တိတုဲ ကၠုၚ်စဵုဒၞာကျာ်တြဲ နကဵုနောက်ဇကုရ၊၊ ကာလ လဗိုတ်ကျာ ကေုာံ ဗြဲဍးသ္ၚဲအာတုဲ သၟိၚ်နာ် ပၠေၚ်ကၠေအ် ရုပ်ဇကု နဒဒှ် မၚ်ဗၠာဲ မွဲတုဲ ခဒုၚ်သဳကၠဳ လ္ၚောဝ်ကျာ်တြဲတုဲ ကလေၚ်စဴအာ ဒၞာဲဇကု ပၠန်ရ၊၊

ရုပ်အနုသုခုမ

ဗီုရုပ် တၠဳမၞုံကုပိုန် ကျာ်တြဲဂေါတမ မထဝါဲဒၟံၚ် လတူကဝးနာ်တုဲ နာ်မဓလဝ်လဝ် ကျာ်တြဲ နကဵုနောက်ဂှ် ဂွံဆဵုကေတ် ဂၠိုၚ်ကွေဟ်ဟ်ရ၊၊

စကာ နဒဒှ်လိက်ပတ်

ဝၚ်နာ်မုဉ္စလိန္ဒ ဂှ် အစာချူလိက်အၚ်္ဂလိက် Aldous Huxley စကာလဝ် ပ္ဍဲဝတ္ထုဇၞော်ညး Island နဒဒှ် ဥပစာလၚ်္ကာ ဒဒှ်ရ ဗီုသဘာဝ ကေုာံ မၞိဟ်ဗီုမဆက်စပ် စ္ၜုဲစ္ၜော် ရေၚ်သကအ်၊၊ ဒဒှ် မတၞဟ်ခြာ ကုလညာတ်ရးပလိုတ် ဇြုံဂှ် ဒှ်မၞိဟ်မယုတ်မာရ၊၊ ပ္ဍဲကဵု လိက်သၠပတ်သမ္မာ (ပထမကဝ်)ဂှ် ဒဒှ်ရ ကလော်မာဂှ် လုပ်အာ ပ္ဍဲဇြုံတုဲ မလီလှေအ်လှန် အာဒါန် ကဵု ဨဝါန်၊၊ ပ္ဍဲကဵု ဗုဒ္ဓဝၚ်ဂှ် ဇြုံ ကၠုၚ်ဗိုၚ်စဵုဒၞာ ကုကျာ်၊၊

ဗုဒ္ဓဂါယာ

ပ္ဍဲဗုဒ္ဓဂါယာ ဒၞာဲကျာ်မဒှ် တွဵုရး ဗိဟာရ် ဍုၚ်အိန္ဒိယ ဂှ် ညးကၠောန်လဝ် ကၟာဍာ်မွဲ၊ ကၟာဂှ် ညးကော် ကၟာမုစလိန္ဒ ပ္ဍဲကၟာဂှ် ရုပ်ကျာ် မထဝါဲဒၟံၚ် လတူပွူနာ်တုဲ နာ်ဂှ် ကဵုဒၟံၚ်အစဵုဒၞာ ကုကျာ် နကဵုနောက်ညးရ၊၊

ပ္ဍဲဍုၚ်မန် ခေတ်သၟိၚ်ဓမ္မစေတဳ ဗလးဏာ အစာသြိုၚ်ခၞံ အစာဓဇဲ ဇရေၚ်ဗုဒ္ဓဂါယာတုဲ အတိုၚ်ဗီုပြၚ် မၞုံ ပ္ဍဲဗုဒ္ဓဂါယာဂှ် ကၠုၚ်ကၠောန်လဝ် ရာမည ဗုဒ္ဓဂါယာကီုရ၊၊ ပ္ဍဲဒၞာဲ မုဉ္စလိန္ဒ ဂှ် ဂွံဆဵု လိက်တၟအ် အတိုၚ်ဗွဲသၟဝ်ဏအ်ရ၊၊

လိက်တၟအ် မုဉ္စလိန္ဒ ဍုၚ်ဗဂေါ

(၁) ၊ ၊ ခါတိလပိုယ် ကျာက်တြယ် မတဴတဴ သၟဝ် တၞံဇြယ်သုံ အဇပါလ မဍောက် ဒပါဟ်တ္ငယ် တုယ်ဂဟ်၊ နူတၞံဇြယ်သုံဂဟ် ကျာက်တြယ် ဒလောဟ်က္တိုဝ်တွာက်အာ ဂ(၂)တကေတ် ဗွဲဒိုဟ်သမ္လုၚ်ကျာ အာစိုပ်စြာၚ်ကမာ မူစလိန်တုယ် ပ္ဍယ်သၟရ်တၞံဆု မူစလိန် မတဴတဴလတူစြၚ်ကမာ ဗွယ်ဗြမက်၊ မသနုယ်အာ ကုဒိုဟ်သမ္လိုၚ်ကျာညိ၊ မး(၃)စိုန်ဒဟ် ဗွယ်ဒိုဟ်အဂၞယ် မဟာဗောဓိဂဟ် ကျာက်တြယ်ဂဇောအ်ဒၟံတုယ်၊ လုကဴဒပေါဟ်တ္ငယ် စသိုၚ်ကေတ် ဝိမုတ္တိသုခုတုယ် ကျာက်တြယ်ဒၟံတဴရ၊ ၊

(၄) ပ္ဍယ်ကာလဂဟ် ဗြယ်ဇၞောက်မဂူ မဟဂေါအ်သ္ဂုတ် လုကဴဒပေါဟ်တ္ငယ် မနွံမ်တဴ ကုကျာလမ္အုဟ် မပိုက်ဗလိုက်တဴ တဝိဝူဂဟ် က္တိုလ်ဒဟ်ရ၊၊ ခါဂဟ် သၟိၚ်နား(၅)က် မူစလိန်ဂဟ် ဟေတ်မဟမိက်ကိုလ် ကျာက်တြယ်ဒးဗြယ် ဟေတ်ဒးမှောၚ် မဟမိက် ကုဒးကျာလမ္ဆုဟ်ဂဟ်၊ နဇြကုဟေၚ် ပူဗိုက်အာဝူဒိုဟ် ကျာက်တြယ်ဒပေါ(၆)ဟ်လတုန် ဒမှံၚ်ဗဝိုက်အကြာဂဟ် မနွံမ်ဗၞတ်တမ္အာ သ္ငိစ္လတ်ဟေၚ် ဍေဟ်ဂတိုလ်ပ္ဒဟ်တုယ် နဒၟံက်ဍေဟ်ဂဟ် ဍေဟ်ဂြောပ်လရ် ကျာက်တြယ်ရ၊ ခါမဍောက်ဒပေါဟ်တ္င(၇)ယ်တုယ်ဂဟ်၊ ဍေဟ်လောဟ်ပ္လေၚ်က္လေအ် ဇကုနာက် ပကေတ်ရုပ် မာၚ်ဗ္လာၚ်မွယ်တုယ် ဍေဟ်တ္လုယ် သီက္လီတဴ ကျာက်တြယ်ရ၊

ပ္ဍယ်ထာန်တၞံဆု မူစလိန်ဂဟ်တု(၈)ယ် မစိုန်ဒဟ်တဴ ထာန် ပရိဘောက် ကျာက်တြယ်ဂဟ်၊ သၟိၚ်မနွောမ် ကုပိုန်တမ္လာ မသဓာမလာ မသ္ဇုၚ်သ္ဍိုက် ပ္ဍယ်သာသနာ မပတံ ကုသၟိၚ်အသောကဓမၟရာတ် တဂဟ် (၉) ဒက်လောရ် စေတီမွယ် မုစလိန္ဒစေတီဂးတုယ် ပတ္လုၚ်တဴ ပုဇဴသကာ၊

ပ္ဍယ်ထာန်ပိုယ်ရာမည ဒေသဝေါအ်တုယ်လေရ်၊ ပ္တုပ်စကိုလ် ထာန်မုစလိန္ဒစေတီဝေါအ်ဂး(၁၀)တုယ်၊ အတိုၚ်ဒိုဟ်တ္လာၚ် အတိုၚ်စဍးဇငယ်ထာန်တေအ် ကုမဟာဗောဓိဟေၚ်၊၊ တ္လညးတ္လစိၚ်ဗတာၚ် ပ္အောရ် သၟိၚ်မွယ် မဟိမု ယောဂရာတ် မစိုန်ဒဟ်တဴ ဒး(၁၁)ကိုပ် ဍုၚ်ဟံၚ်သဝတီတုယ် မညးဂးစ ပဂေါဂဟ် ပ္ဍယ်သက္ကရာတ် ၈၄၁ ကိတုအသာတ် မသုန်စြဝေက် တ္ငယ်ဗြဗ္ဗဟသျတိ လက်မိန်ဟေၚ် မကိုလ်ကနံလော(၁၂)ရ် မူစလိန္ဒစေတီဝေါအ် ၊ ၊ ၊ ၊ ၊၊ ဗာန်ကွေဝ် မစူလိက်

A statue of Mucalinda protecting the Buddha in Mucalinda Lake, Mahabodhi Temple, Bodh Gaya, Bihar, India
Sculpture in Nong Khai , Northeastern Thailand
Mucalinda Sheltering Buddha - BouddhaSimuong
Chinese Temple
Mucalinda protecting Buddha in painting

နိဿဲ

ဦးချစ်သိန်း၊ မွန်ကျောက်စာပေါင်းချုပ်
https://en.wikipedia.org/wiki/Mucalinda