ရာမည၊ ဘာဂိုဏ်ရာမညနိကာယ ဍုင်လၟိုင်

တိုက်ပရိယတ္တိမန်ဘာမရာညဍုင်လၟိုင်ဘာရာမည ဝွံ နွံပ္ဍဲဍုင်လၟိုင် ပွိုင်ဍုင်ရေဝ် ဗဒါဲကျာ်စေတဳကေလာသ၊၊ ဘာရာမညဝွံ စဒက်ပ္တန်လဝ် နူသက္ကရာဇ်ဍုင် ၁၃၁၅ တေအ်တုဲ နွံပိုန်ကၠာအိုတ်ဂှ် ဒှ်ကျာ်ဇၞော်ဝံသဒိပ္ပ ဇာတိကွာန်တံင်ပရင် ရ၊၊ နူတမ်တေအ်ရ စပံက်ကၠုင် လိက်ပရိယတ် ကေုာံ ကွတ်ဂၞန်သင်္ချာတုဲ ကောန်ကတ်လိက် နွံဒၟံင် မွဲမွဲသၞာံ အကြာ ၁၅၀ ကဵု ၂၀၀ ဇကုရ၊၊

ဘာရာမည၊ ဍုၚ်လၟိုၚ်

ပ္ဍဲဗုဒ္ဓသာသနာ ၂၄၉၇-သၞာံ၊ သက္ကရာဇ်ဍုၚ် ၁၃၁၅-သၞာံ၊ ဂိတုကထိုန် ၅ မံက်၊ တ္ၚဲဗုဒ္ဓဝါ အခိၚ်မၞုံကဵုမ္ၚဵု နူဂယးထပှ်နာဍဳ ဖျေံပၞက်သေဝ် သြိုင်ခၞံလဝ် ဘာရာမညနိကာယ ဝွံရ။

ကျာ်ဇၞော်အ္စာ ဘဒ္ဒန္တဝံသဒိပ္ပ မဟာထေရ်ဇာတိကွာန်တံၚ်ပရၚ် (ပရိယတ္တိဘာဇၞော်)ဂှ် က္ညပြာပ်ကၠုၚ် ဘာရာမညနိကာယဏအ်တုဲ ဒှ်ကျာ်ဇၞော် နွံပိုန်ဂ္ဇအ်ဘာ ပထမအာဒိကိုပ်ကၠာအိုတ်ရ။

ကျာ်ဇၞော်အ္စာကဵု ဒကာဂမၠိုၚ် ညဳသာသၟဟ်န်အိုတ်တုဲ ပံက်သဇိုၚ်ပရိယတ္တိ ကေုာံ ကွတ်ဂၞန်သၚ်္ချာရ။ ခမဳသာမဏဳ က္ညပြာပ်ကၠုၚ်ကတ်ဗ္တောန် ပညာတအ်ဂှ် ဗၞတ်ကၠံဇကု ၜါကၠံဇကုပြၚ်ၚ်နွံတဴရ။

ဗွဲကြဴ ကျာ်ဇၞော်အ္စာ ကေုာံ ဒကာဂမၠိုၚ်နိမန်က္ညဖျဴနၚ် တၠဂုဏ်အ္စာဝိသုဒ္ဓတုဲ ပ္ဍဲသက္ကရာဇ်ဍုၚ် ၁၃၆၆ သၞာံ ၁၉၇၄ ဂှ်စပံက်တိုက်လိက်၊ဖျေံဗ္တောန်လိက်ပရိယတ်ရ။

ပ္ဍဲသက္ကရာဇ်ဍုၚ် ၁၃၄၉ သၞာံ၊ ဂိတုပုဟ် ၈-မံက်ဂှ် ကျာ်ဇၞော်အ္စာ ဘဒ္ဒန္တဝံသဒိပ္ပမဟာထေရ် စုတိစဴအာသွတ်တုဲ ဘဒ္ဒန္တဝိသုဒ္ဓမဟာထေရ် ဒှ်ကျာ်ဇၞော် နွံပိုန်ဂ္ဇအ်ဘာရ။ ပ္ဍဲကာလလၟုဟ်ဝွံ အလဵုဇကု ကျာ်ဇၞော်အ္စာ အာဂတပၠတရဴတုဲ မွဲဟာန်ကေုာံ အ္စာလိက်ပန်ဇကု ဖျေံပတိုန်ဒၟံၚ်လိက် ပရိယတ် ကုကောန်ကွးဂမၠိုၚ် ဗၞတ်ကၠံဇကုပြၚ်ၚ် မတိုန်ဒၟံၚ်တန်ဓမ္မာစရိယ၊ တန်ဇၞော် တန်ဒေါဝ် တန်ဍောတ် တန်မူလ လၟေၚ်သၞာံဟွံဂွံသ္ကုတ်ခြာရ။