ရုဲ
ရုဲ
ရုဲ(အၚ်္ဂလိက်: fly)ဂှ် ဒှ်စၟအေန်သိတ်ဂးရ၊ ဂပ်ဝ်ဖေက်ဂၟံက် ခိုဟ်ညိဟွံသေၚ်၊ ပ္ဍဲဇကုရုဲဂှ် သ္ကုတ်က္ဍိုပ်၊သ္ကုတ်သြိုဟ်၊ သ္ကုတ်ဗုၚ် သာ်ဝွံ ပါ်ခြာလဝ်ပိသ္ကုတ်ရ၊ ပ္ဍဲသ္ကုတ်က္ဍိုပ်ဂှ် မတ် ပါၚ် သော်ပါၚ်ၜါတၞုၚ် နွံတဴရ၊ ပ္ဍဲသ္ကုတ်သြိုဟ်ဂှ် သၞေၚ်မွဲစုမ် ဇိုၚ်ပိစုမ် နွံတဴရ၊ ပ္ဍဲသ္ကုတ်ဗုၚ်ဂှ် ကသော်မ္ၚိုဟ် နွံတဴရ။
ရုဲဂှ် ဒၞဲါမပ္တံကဵုဗွဝ်ချောံချးသ္ၚိဝတ် ကၠိုက်လ္ၚေၚ် ပပ်ပဳတံဂှ် ဍတ်ပါ်လေပ်ရ၊ ရုဲၝောံမွဲမွဲ ခၟာဲမွဲၜါလ္ၚီပြၚ်ရ၊ ခၟာဲတအ်ဂှ် ပ္ဍဲပွိုၚ်စှ်တ္ၚဲ ဍတ်ပါ်က္တဵုဒှ် ရုဲဇၞော်ရ၊ ရုဲဂှ် ဒၞဲါပပ်ပ်ပဳပဳ သမ်အီသမ်အေဟ်တအ်ဂှ် နွံသဘဴ ကၠုၚ်ဗဗဵုအိုတ်ရ၊ ပဝ်ကၠုၚ်ဍုန်လတူစၞစမၞိဟ်တအ်တုဲ စသုၚ်လေပ်ရ။
ရုဲဂှ် ကသော်ဇိုၚ်နွံရ၊ ပ္ဍဲကသော်ဇိုၚ်တအ်ဂှ် ကၠိုက်လ္ၚေၚ်ဗာန်လေပ်ရ၊ ကာလကၠုၚ်ဍုန်လ္တူစၞစမ္ဂး ကၠိုက်လ္ၚေၚ်တအ်ဂှ် သှ်ေခက်ဗာန် ပ္ဍဲစၞစတအ်ဂှ်ရ၊ သ္အာၚ်နူဂှ် ရုဲဂှ် ကာလဍေံစစၞဍေံပ္တိတ်ဍာ်ပါၚ် နူခၟဴဍေံတုဲ နကဵုဍာ်ပါၚ် စၞညံၚ်ဂွံလာဲဍုက်ကယျဳအာ ဍေံသ္ပတုဲ ဍာ်စၞတအ်ဂှ် ဍေံဇြောတ်စရ၊ ဍာ်ပါၚ်ရုဲတိတ်နူခၟဴရုဲဂှ် စၟယဲ ပါလေပ်ဒၟံၚ်ရ၊ ဟိုတ်ဂှ်ရ စၟယဲသှ်ေၜက်ခက်ဗာန်ပ္ဍဲစၞတအ်ဂှ် ယဝ်ပိုယ်စဒးမ္ဂး စၟယဲတအ်ဂှ် လုပ်စိုပ်ဗုၚ်တုဲ က္တဵုဒှ်ယဲဂၞဴလေပ်ရ။
ပဟိုတ်ကဵုရုဲတုဲ ယဲဂၞဴက္တဵုဒှ်ပြးဇးအာမာန်ရ၊ ဟိုတ်ဂှ်ရ ဒၞာဲရုဲဍတ်ပါ်လေပ်တအ်ဂှ် ဒးသ္အးဇ္ၚးရောၚ်၊ စၞစသုၚ်တအ်ဂှ် ဒးဂိုၚ်လဝ်ရောၚ်၊ ညံၚ်ဂွံစ္ဍးဗၠးနူယဲဘဲဂှ် စၞရုဲဍုန်ဂှ်လ္ပစညိ မံၚ်စံၚ်သ္အးသ္အးဇ္ၚးဇ္ၚးညိ။