လိက်စၞောန်

လိက်စၞောန်

တင်ရန်တၟအ်၊၊ ချူဗၟံက်ထ္ၜး ဗီုလဵုဂွံကၠောန်၊ ဗီုလဵုဂွံဖန်၊ ဗီုလဵုဂွံသုင်စောဲ၊၊

လိက်စၞောန်ဏအ်ဂှ် သွက်ဘဝရိုဟ်ဒဒှ်တ္ၚဲပိုယ်မ္ဂး ကိစ္စဇၞော်ကွေဟ်ရ၊၊ လိက်စၞောန်ဏအ်ဂှ် ဂွံဆဵုကေတ် လိက်ဂြန်ဂဥုဲ၊ လိက်နဲဍုန်ပုင်သွ၊ လိက်မချူဗၟံက်ထ္ၜးလဝ် ဗီုဂွံဗဂပ်ကပေါဝ်မွဲမွဲ၊ လိက်မချူဗၟံက်ထ္ၜးလဝ် ဗီုဂွံသုင်စောဲ ကပေါတ်စက်မွဲမွဲ၊ လိက်နဲဗီုဂွံ ဝေင်ဓတ် မပ္တံ မြဴသာ်ဝွံ ဒှ်တမ်ရ၊၊ ဟီုမွဲနဲပၠန်မ္ဂး လိက်မချူထ္ၜးလဝ် ဗီုညးတၞဟ် ဂွံကၠောန်ဗက်ဒးရ၊၊

လဒက်ပတန်

ဂကူလိက်စၞောန်ဏအ်ဂှ် ဒှ်လိက်စၞောန်ပညုင် (ဗီုလဵုမဂွံကၠောန်ပ)ရ၊၊ တုဲပၠန် ဗၟံက်ထ္ၜး မဒးကၠောန် /မဒးပ စနူလဵု၊ အရာဏအ်တုဲမ္ဂး ဆက်ကၠောန် ဒၞာဲလဵု အတိုင်လၟေင်င်ရ၊၊ ဟိုတ်ဂှ်ရ လဒက်ပတန် လိက်စၞောန်ဂှ် ဗွဲမဂၠိုင် အတိုင်ဗွဲသၟဝ်ဝွံရ၊၊

၁၊ ရန်တၟအ်၊ ပ္ဍဲဒၞာဲဏအ် ဗၟံက်ထ္ၜးဍန်န် ရန်တၟအ် သွဟ်ဗီုလဵုတုဲ မၞုံပၟိက် ပ္ဍဲဒၞာဲဏအ်၊၊

၂၊ ကပေါတ်၊ ချူဗၟံက်ထ္ၜး ကပေါတ်လဵု မဒးကေတ် သွက်ဂွံဂွံ ကလိဂွံ အတိုင်မရန်တၟအ်လဝ်မာန်၊၊

၃၊ လဂံါမွဲတုဲမွဲ၊ ဗီုမသုင်စောဲ၊ မုဒးကေတ်၊ ဗီုလဵုမဒးကၠောန် အတိုင်လၟေင်အစဳအဇန်၊၊

ဗွဲမဂၠိုင် ဗၟံက်ထ္ၜး ဗီုမဂွံဒးကၠောန် နကဵုလၟေင်မဂၞန် ကဆံင်မွဲတုဲ ကဆံင်ၜါ၊၊

လိက်တအ်ဂှ် နကဵုအရီုအဗင် ဓဇက်ထ္ၜးဗီုရုပ် သ္ၚိအင် စၞောန်ရုပ်တုဲ မပသောင်ကလး နွံစမာန်ရ၊၊

အရေဝ်မသုင်စောဲ

လိက်စၞောန် ဗွဲမဂၠိုင်မ္ဂး အရေဝ် မသုင်စောဲ အတိုင် ဗွဲသၟဝ်ဏအ် ဂွံဆဵုဂၠိုင်ရ၊၊

၁၊ လိက်တအ်ဂှ် မလေပ်စကာစ

-      နကဵုပူဂိုလ် ဒုတိယမ္ဂး (မၞး ကေတ် ခၟာဲစာင် မွဲမတုဲ ပတိတ်ထောအ် လှာဲဍေဟ်)၊

-      နကဵုပူဂိုလ် တတိယမ္ဂး (ညးတအ် ကေတ်ခၟာဲစာင် မွဲမတုဲ ပတိတ်ထောအ် လှာဲဍေဟ်)

-      ဟွံသေင်မ္ဂး နကဵု သက္ကုကတ္တာ (imperative) (ကေတ် ခၟာဲစာင် မွဲမတုဲ ပတိတ်ထောအ် လှာဲဍေဟ်)၊၊

၂၊ စကာ မကြိယာဝိသေသန သွက်ဂွံကၠောန် ဗွဲအတိုင်လၟေင် ဥပမာ (ဗွဲကိုပ်ကၠာ မၞးကေတ် ခၟာဲစာင်မွဲမ၊ တုဲဂှ် မၞးပတိတ်ထောအ် လှာဲဍေဟ်၊)

၃၊ ဟိုတ်နူမဒှ်လိက် မစၞောန်ပညုင် ညံင်ကဵု မၞိဟ်မဗှ်လိက်တအ် ဂွံဗက်တုဲ မကြိယာ ဗီုကဵုမကဵုအမိင် ဥပမာ၊ ချာဲ၊ ကေတ်၊ ရေက်၊ ဗာန်၊ ထ္ဍက် မပ္တံ မြဴသာ်ဝွံဒှ်တမ် မဂွံဆဵုကေတ်ဂၠိုင်ရ၊၊

၄၊ အရာမၞုံပၟိက်တအ် ဗၟံက်ထ္ၜးလဝ် ပေင်င်၊၊

၅၊ လၟေင်မဒးကၠောန်တအ်ဂှ် ဗၟံက်ထ္ၜးလဝ် ပေင်င်၊၊

၆၊ တင်မကဵုသတိတအ် မလေပ် ချူစနွံရ၊၊ ဥပမာ ရပ်ခၟာဲစာင်တုဲ ကြာတ်တဲအးအး တွဵုညိ၊၊ ပ္ဍဲခၞော်ခၟာဲစာင်ဂှ် စၟသမောန်နာ (salmonel) မလေပ်နွံစ ဒှ်ရ၊၊

တင်ရန်တၟအ်	ဂကူ	ဗီုလဒက်ပ္တန်	အရေဝ်မသုင်စောဲ
မလဴထ္ၜး ဗီုလဵု မဂွံကၠောန်၊	စၞောန်ဗီုမသုင်စောဲ လိက်ဂြန်(ဂဥုဲ) လိက်ဗီုဍုန်တောမ် သၞောတ်ဗီုဂွံဒ္ဂေတ်ဗက်	၁၊ ချူဗၟံက်ထ္ၜးလဝ် တင်ရန်တၟအ်၊ ၂၊ ချူဗၟံက်ထ္ၜးလဝ် အရာမဒးကေတ် ၃၊ ချူဗၟံက်ထ္ၜးလဝ် ဗီုမဒးကၠောန် အတိုင်လၟေင်င်၊၊