လိက်လလောၚ်တြး အစဳအဇန်လှာဲဂတးလညာတ် သၚ်သၟတ်မန် သၞာံ ၂၀၁၇
လိက်လလောၚ်တြး
ဒုၚ်သဇိုၚ်ကဵု တၚ်ရန်တၟအ်အဓိက “သွက်ဂွံသၠုၚ်ပတိုန် ပရေၚ်ချဳဒရာၚ်ကမၠောန် နကဵုပရၚ်ပံၚ်တောဲက္ဍိုက်ပ်” အြကာသၚ် ကေုာံ သၟတ်တအ်ကီု ဗွဲအသိၚ်ပရေၚ်ပံၚ်တောဲဂှ် သ္ဂောံရေၚ်တၠုၚ်ဒတုဲဖိုလ်ဂကူ သာသနာမန်မာန်ကီုတုဲ ကၠောန်ဗဒှ်လဝ် အစဳအဇန်လှာဲဂတး လညာတ်သၚ်သၟတ်မန်ဝွံရ။ အစဳအဇန်လှာဲဂတးလညာတ်ဏအ် ဂွံစဒှ်ကၠုၚ်မာန်ဂှ် နူကဵုပရေၚ်ထံက်ပၚ်သြန် “ဌာန်သဇိုၚ်အဲနာဲ” ကေုာံ “ဌာန်သဇိုၚ်ထံက်ပၚ်မန်” ကီု နူကဵုပရၚ်ကောပ်ကာဲ “ဇာနှိက်သၚ်သၟတ်မန်” ကီုဂှ် ဖန်ဗဒှ်လဝ်ရ။
ပ္ဍဲအစဳအဇန် လှာဲဂတးလညာတ်သၚ်သၟတ်မန်ဝွံ သၚ်မန် (၃၃) ဇကု၊ ခရှ် (၁၈) တၠ နူဒေသစုၚ် သွာၚ်ဂကောံစုၚ်တအ် တိုန်စိုပ်အိုတ်တုဲ ဗွဲမအံၚ်ဇၞး ကၠောန်ဗဒှ်အာ ပ္ဍဲစၟတ်တ္ၚဲ ၁၃၇၉ သၞာံ ဂိတုကထိုန် ၁၀ မံက် ဒၞဲါဌာန်ဇၞူရာမည ဍုၚ်မတ်မလီုရ။
ညးတိုန်စိုပ်ဂမၠိုၚ် သဳကၠဳလှာဲဂတးလညာတ် လတူက္ဍိုပ်လိက်
၁။ သ္ဂောံသၠုၚ်ပတိုန် ပရေၚ်ပံၚ်တောဲသၚ်သၟတ်မန်
၂။ ပရေၚ်ကတ်ပညာတက္ကသိုလ် သၚ်သၟတ်မန်
၃။ ပရေၚ်ပံၚ်တောဲသၟတ်မန် ကဵုသၚ်သၟတ်မန် ဂမၠိုၚ်တုဲ တၚ်နၚ်ဗွဲမဂၠိုၚ်တအ်လေဝ် ကလိဂွံကီုရ။ တၚ်နမကလိဂွံ ဗွဲမသောဲဗြောဲ သီုဖအိုတ်ဂှ် ထၟံက်ထ္ၜးအာ နကဵုလိက်စၟတ်သမ္တီအစဳအဇန်လှာဲဂတးလညာတ် တၞဟ်ခြာရောၚ်။
ဒုၚ်သဇိုၚ်ကဵု တၚ်နၚ်မကလိဂွံလဝ် ဗွဲလ္တူဂမၠိုၚ်ဝွံတုဲ နူကဵုအစဳအဇန်လှာဲဂတးလညာတ်သၚ်သၟတ်ဏအ် ကလိဂွံကေတ်တၚ်တုပ်စိုတ် ညးတိုန်စိုပ်ဂမၠိုၚ် ဗွဲသၟဝ်ဝွံရ။
၁။ လ္ၚတ်ဂၠိုက်ဂၠာဲပကောံစရၚ် လၟိဟ်ဂကောံသၚ်သၟတ်မန်နာနာဂမၠိုၚ်
၂။ ဒုၚ်သဇိုၚ်ကဵု လ္တူစရၚ် လၟိဟ်ဂကောံသၚ်သၟတ်တအ်ဂှ်တုဲ ကၠောန်အာပေဲါဆဵုဂဗပါ်ပရအ်တၚ်နၚ် ညးသ္ကအ်လၟေၚ်ၚ်
၃။ ကလိဂွံကေတ်တၚ်တုပ်စိုပ် နူပေဲါဆဵုဂဗပါ်ပရအ်တၚ်နၚ်ဏအ်တုဲ ကၠောန်ဗဒှ်အာ ပေဲါကောံဓရီုဇၞော်သၚ်သၟတ်မန်မာန်ရောၚ်။
သၚ်သၟတ် ကေုာံ သၟတ် ဂွံသၠုၚ်ပတိုန် ပရေၚ်ပံၚ်တောဲမာန်ကီု ဂွံပါ်ပရအ်ဒုၚ်စသိုၚ် ပရေၚ်အာက္ဍိုပ်မာန်ကီု လဝ်စိုတ်တုဲ ကာလကၠောန် ပေဲါဆဵုဂဗပါ်ပရအ်တၚ်နၚ်မ္ဂး ကော်ဘိက်အာသၟတ်တအ်ကီုရောၚ်။