လောကသိပ္ပံ

နူ ဝဳကဳပဳဒဳယာ

ပြကိုဟ် လောကသိပ္ပံ −−− အဲခမဳ နာဲပဏ္ဍိတထေရ်


(က) လၟေၚ်မာတိကာ[ပလေဝ်ဒါန် | ပလေဝ်ဒါန် တမ်ကၞက်]

(ခ) ကိုန်လံၚ်ဝေၚ်ဂွံဇၞးသဗ္ဗ[ပလေဝ်ဒါန် | ပလေဝ်ဒါန် တမ်ကၞက်]

 နူ၆နာဍဳ      ၊  နူ၈နာဍဳ၂၄မၞေတ်  ၁၀နာဍဳကဵု၄၈မၞေတ််  ၁နာဍဳ၁၂မၞေတ်ဂှ်   နူ၃နာဍဳကဵု၃၆မၞေတ်ဂှ်
စိုပ်၈နာဍဳ၂၄မၞေတ် ၊ စိုပ်၁၀နာဍဳကဵု၄၈ ၊ စိုပ်၁နာဍဳ၁၂မၞေတ် ၊ စိုပ်၃နာဍဳ၃၆မၞေတ် ၊ စိုပ်၆နာဍဳရောၚ်
  ဣ            အ           ဩ            ဨ              ဥ     
ဨ-ဩ-ဥ        ဥ-ဨ-ဣ      ဣ-ဥ-အ       အ-ဣ-ဩ       ဩ-အ-ဨ      သ္ၚိသွက်တ္ၚဲအဒိိုတ်ကဵုတ္ၚဲသိုက်
  အ            ဩ           ဨ             ဥ             ဣ
   ဨ              ဥ           ဣ           အ             ဩ    
အ-ဣ-ဩ       ဩ-အ-ဨ      ဨ-ဩ-ဥ        ဥ-ဨ-ဣ       ဣ-ဥ-အ      သ္ၚိသွက်တ္ၚဲစန်ကဵုဗုဒ္ဓဝါ
   ဥ             ဣ           အ           ဩ             ဨ
  အ             ဩ            ဨ            ဥ             ဣ    
ဥ-ဨ-ဣ         ဣ-ဥ-အ      အ-ဣ-ဩ      ဩ-အ-ဨ       ဨ-ဩ-ဥ      သ္ၚိသွက်တ္ၚဲအၚာ
  ဩ             ဨ            ဥ            ဣ             အ
   ဥ             ဣ           အ            ဩ              ဨ    
ဩ-အ-ဨ        ဨ-ဩ-ဥ       ဥ-ဨ-ဣ        ဣ-ဥ-အ       အ-ဣ-ဩ      သ္ၚိသွက်တ္ၚဲဗြဴဗတိ
   ဣ            အ           ဩ             ဨ              ဥ
  ဩ             ဨ             ဥ            ဣ            အ    
ဣ-ဥ-အ        အ-ဣ-ဩ      ဩ-အ-ဨ       ဨ-ဩ-ဥ        ဥ-ဨ-ဣ      သ္ၚိသွက်တ္ၚဲသ္ၚိသဝ်
   ဨ             ဥ             ဣ           အ            ဩ


အမ္ဂးဂှ် သာ်ဗု။ ဣမ္ဂးဂှ် သာ်လစံက်။ ဥမ္ဂးဂှ် သာ်တာ။ ဨမ္ဂးဂှ် သာ်ဗ္ကေတ်။ ဩမ္ဂးဂှ် သာ်ပတေၚ်။ ယြဴအခရ်မွဲဟွံဟီု နွံအဒေါဝ်မ္ဂး ချိုတ်ရ။ နွံသၠုၚ်ကျာမ္ဂး မတ်ကၠက်ရ၊ နွံသၟဝ်မ္ဂးဂြိပ်ရ၊ နွံသၟဝ်ကျာမ္ဂး မာန်ဇၞးရ၊ နွံလ္တူမ္ဂး ဗ္ၜူရ၊ ပေါဲသဘၚ်ပံၚ် လံၚ်ညိမၞးတံ၊ တၟံညးအဲရ၊ ဟွံဒးကျရောၚ််၊ အခိၚ်ကီု-တ္ၚဲကီု ရံၚ်ချိုတ်တ်ပၠိုတ်တ်တုဲ အတိုၚ်လ္တူဂှ် သမ္တီကေတ်ညိ။

ပဏာမ[ပလေဝ်ဒါန် | ပလေဝ်ဒါန် တမ်ကၞက်]

ပြကိုဟ်လောကသိပ္ပံ

နမော တဿ ဘဂဝတော အရဟတော သမ္မာ သမ္ဗုဒ္ဓဿ

တဲၜါပၚ်ယဵု ပ္ဍဵုလဝ်က္ၜံၚ်ၜါ၊ အဲလ္ၚောဝ်စိ ရတ်ပိပြကာ၊ မိမၜါကီု သီုကဵုအာစာ၊ လ္ၚောဝ်တုဲဒှ်ပၠန် ဂုဏ်အနန္တာ၊ သွက််ကောန်ဂကူမန် စိစောန််ပညာ၊ ဃောဂေတ်ဂေၚ်ပ္ညဳ ဒေါဝ်ၜဳသံသာ၊ ဃောသိုက်လှိၚ်ပြဲ ပ္ဍဲသၞိၚ်လောကာ၊ ညံၚ်ဂွံတီအာ ပညာလောက၊ ညံၚ်ဂွံစဳကၠး တၟးညာဏ်စိတ္တ၊ ကၠောန်ကမၠောန်သွံ ခိုဟ်ဟွံခိုဟ်ၜါ၊ ယဝ်တီလဝ်မ္ဂး ကၠောန်ဒုဟ်ဗၠးအာ၊ ယဝ်ဟွံတီမ္ဂး ကၠောန်ဒးလုတ်အာ၊ ဒးဟောမ်ဗြမ်သၠာ် လီုလာ်သဗ္ဗာ၊ ဒးဆဵုဒဒိုက် ပရီုက်သောကာ၊ ဟိုတ်သာ်ဂှ်ကၠာ ယွံမဟာဇန်၊ နယ်ကဲတြေံတြဟ် ဂၠါဲသၟဟ်စဳဇန်၊ အာစာတမၠာ ပညာနွံပၠန်၊ ပတံအာစာစွောံ ပတောံၜတ်ဟွံမာန်၊ ညးတံဇန်လဝ် လိက်ခဝ်နဂ္ဃန်၊ ပြကိုဟ်တံအဴ နွံတဴဂၠိုၚ်သန်၊ လိက်ပိုဲမန်သွံ ညံၚ်ဟွံကၠေံဗ္ဒန်၊ နဲကဲတြေံတြဟ် အဲလပှ်စဳဇန်၊ ဇြိုၚ်ဂွံဆဵုသန် ဒတန်လိက်အဴ၊ ခုတ်လဝ်ယၟုရော လောကသိပ္ပံ၊ ညံၚ်ပၞာၚ်တိုၚ်ထဝ် ပ္ဍေန်လဝ်ဒေါဝ်သၞံၚ်၊ ဒေါဝ်ရးမညံ ဟံသာဝတဳ၊ ညံၚ်ဂွံဂဵုဒၟံၚ် ဇဳဝံလအိတ်၊ အဲချူကှ်ေအဵု ကဵဵုဂွံစိုပ်သိတ်၊ ဓဝ်လၟောၚ်လၟိတ် လအိတ်လာဲလေၚ်ညိ။

ယၟုတ္ၚဲထပှ်[ပလေဝ်ဒါန် | ပလေဝ်ဒါန် တမ်ကၞက်]

ပ္တန်သုစရိုတ် စိုတ်ပကဵုယောၚ်၊ စၟတ်သမ္တီရောၚ် အခေါၚ်ဝါကျ၊ တၞံတ္ၚဲထပှ် ဒဒှ်ဟီုပၠ၊ အဒိုတ်စန္ဒြာ အၚာဗုဒ္ဓ၊ ဗြဴဗတိရ သိုက်ကြသ္ၚိသဝ်၊ ဝွံဝ္ၚဲထပှ် အာစာတွံလဝ်။

ယၟုဂိတုစှ်ၜါ[ပလေဝ်ဒါန် | ပလေဝ်ဒါန် တမ်ကၞက်]

ဂိတုဆတ္တဝ် ဟီုလဝ်စှ်ၜါ၊ စဲပသာ်ဇှ်ေ သၟေဟ်အသာတ်ကၠာ၊ သာဝဏ်ဘတ်ဝှ် ကထိုန်တွံအာ၊ မြေက္ကသဵုပုဟ်မာ် လုဟ်မွဲသာ၊ ဖဝ်ရဂိုန်မာ ပေၚ်စှ်ၜါ။

ကိုန်ယၟုဒွါစှ်ၜါ[ပလေဝ်ဒါန် | ပလေဝ်ဒါန် တမ်ကၞက်]

သီုလေမေၚ်ဒွါ စှ်ၜါနာမ၊ မိဟ်ဗြိုဟ်မေထုန် ကြကတ်တုန်ရ၊ သိၚ်ကန်တူကၠာ ဗိစ္ဆာခုဇ္ဇ၊ ဓနုမကဝ် ကုံလဝ်ပၠဂွု၊ ဝွံယၟုကၠာ ဒွါစှ်ၜါရ။


ဗွဲယမုဂှ် ဟီုတွံဂတ၊ မိဟ်ဂှ် ကၞိအဴဗြိုဟ်ဂၠဴမူလ၊ မေထုန်ကၠာ ကြကတ်ဗတာဲ၊ အာစာတွံဂၠါဲ ဒၞါဲဂွံအဆက်၊ သိၚ်နာဲကန်ဖက် စက်ကဝက်မာ၊ တူဗၜေံကၠာ ဗိစ္ဆာချေံလဝ်၊ ဓနုကၞုဲဓဝ် မကဝ်စာၚ်ဍာ်၊ ကုံကၠဵုလမာ် ကၠိက်ကွာ်ပ္ဍဲမိန်၊ ဂွံဒှ်လၟိုန် ပ္တိုန်လဝ်စိုတ်ညိ။

ဗီုဂွံရံၚ်စ ပ္ဍဲဒွါစှ်ၜါ[ပလေဝ်ဒါန် | ပလေဝ်ဒါန် တမ်ကၞက်]

ယြဴပူဂဵုမွဲ ယဝ်ရသၟိက်ရံၚ်စမ္ဂး သက္ကရာဇ်တန်၊ နုက်ထောံမွဲတုဲ သှ်ေဂှ်ဗှ်ရံၚ် လၟေၚ်ဂၞန်သၟဝ်တေံညိ။

(ဥပမာ) မၞိဟ်မွဲဂှ် ဂွံလဝ်သက္ကရာဇ် ၁၃၁၀-မ္ဂး နုက်ထောံမွဲ သှ်ေသက္ကရာဇ် ၁၃၀၉-စကဵု ၁၂ ဆၜိုတ်သှ်ေဂှ် ဗက်ဗှ်ကေတ်ပ္ဍဲမုက်ဂၞန်တေံ သ္ဂောံတီကေတ် ပရောဟိုတ်ဖဵုရ။


(၁) ယြဴပူဂဵုမွဲ က္တဵုဒှ်မၞိဟ်ပ္ဍဲမိဟ်မ္ဂး အဒိုတ်ဒှ်ပါၚ်တုဲ ဒေဝတဴတြုံမၚ်မွဲသၞာံရ၊ တၞံသတ်ဗြဴဒှ်ဒလာဲရ၊ ကၞိိဒှ်ပၟၚ်တိရ သၞာံဂှ် ဒးဇာတ်တေမဳရောၚ်၊ ပကၠေံညံၚ်ရဴ ညးက္ဍိုပ်ကၠဴတုဲ၊ သၟိၚ်မအံက်ဖအေဝ်ဏာသာရထိ စဝ်ကွဳကဵုအာတိုပ်ထောံ ပ္ဍဲအဒေါဝ်ဂြိိုပ်ဟေမဝန်ရ၊ ရန်ကဵုဇာတ်ဂှ်တုဲ ပူဂဵုဝွံ ခစသၟိၚ် ဒးရာဇာဝတ်ရ၊ နူဍောတ်တ်တေံ က္တဵုဒှ်ယဲမွဲဝါရ၊ ကာလဇၞော်တိုန််တုဲ ဒးချိုတ်ဂုန်ယဲဂၞဴရ၊။


ကၞောတ်သက္ကရာဇ် တဴပ္ဍဲမိဟ်တုဲ ကၞိမၚ်တိရ၊ အဒိုတ်ဒှ်ပါၚ်တုဲ ဟီုအရေဝ်ခိုဟ်ရ၊ ၜိုန်သာ်ဂှ်ကီုလေဝ် ဟွံဒးကဵုကတောဝ်ညးတၞဟ်သ္အာၚ်ရ၊ ပွမဒးစရိုတ်ကဵုမၞိဟ်တ္ၚဲအဒိုတ် တ္ၚဲသ္ၚိသဝ်ရ၊ ဗတောန်ကွတ်အာစာသဝ်ဟောရာပၠန် လေပ်ဆမဇ္ၛဟ််၊ အၚာဒှ်စိုတ်တုဲ စိုတ်ဂှ်ဒှ်ဒၟံၚ်စိုတ်ကျာ၊ လေပ်ပလီုကၠေံကောန်သမ္ဘာညး မဒှ်မာန်ရ၊ သိုက်ဒှ်သၞာဂဇံတုဲ ဂွံပတၠသမ္ဘာဂၠိုၚ်ရ၊ ဒြပ်ရတ်ထဝ်ဩန် ဟွံတန်ရ၊ ဒးဍောၚ်စိုတ်ဂၠိုၚ်ရ၊ ဗုဒ္ဓဝါကဵုစန်ဒှ်မွဲတဲတုဲ ဂုန်ကွတ်တဲ ဟွံခိုဟ်က္ဍၚ်ရ၊ လေပ်ဆမဇ္ၛဟ်ရ၊ ဗြဴဗတိကဵုသ္ၚိသဝ် ဒှ်ဇိုၚ််တုဲ အာကၠုၚ်စဟွံဒှ်က္ဍၚ်ရ၊ ယဲဗ္ၜူဒှ်ဂွံရ၊ အာယုက်စှ်ၜါသၞာံ ယဝ်ရစ္ဍးအာဌာန်သ္အာၚ်မ္ဂး ဟွံခိုဟ်စရ၊ ဒၟာနူကလောကောဒေံ ဒှ်ဒဒိုက်စိုတ်ဂၠိုၚ်ရ၊ ဂွံပသဟာဲကဵုညးဍုၚ်ကွာန် ပြောဲဇွာရ၊ ဇိက်ဗ္ၚသွံရာန် တဵုကၠံသွဝ်တုဲ ကလိဂွံပိုန်ဟာန်ရ၊ သမ္ဘာဇၞော်အာနူဇကု မၞုံကဵုပိုန်ဟာန် ဒြပ်ရတ်ဂၠိုၚ်ဂှ် ကလိဂွံမာန်ရ၊ ဂွံကောန်ဂၠိုၚ်လောန် ၁၂ ရ၊ စိုပ်အာယုက် ၂၅ ဒြပ်အိုတ်မွဲဝါရ၊ လောန်အာနူဂှ် ဂွံခိုဟ်စ စဵုကဵုအာယုက် ၆၃-သၞာံရ၊ ဂွံအာယုက် ၉၃ မ္ဂး ဒးအိုတ်ဆဂှ်ရ၊ ပတၠပြေၚ်ဂၠဴ(မ) ဍေံတန်ကဵုဇကုရ၊ (စုမ်) မ္ဂး ဍေံဟွံတန််ကဵုဇကုရ၊ ရဴဝွံ အာစာတမၠာတံ မဟီုတွံလဝ်ရောၚ်။


(၂) ယြဴပူဂဵုမွဲ က္တဵုဒှ်မၞိဟ်ပ္ဍဲဗြိုဟ်မ္ဂး စန်ဒှ်ပါၚ်တုဲ မၞိဟ်တြုံ မၚ်မွဲသၞာံရ၊ တၞံတယဒှ်ဓလာဲရ၊ ဂၠဴဒှ်ပၟၚ်ဒေဝတဴၜဳ မဏိမေခလာ ဟံၚ်ဖျဴဗစိုပ်ဏာတိရ၊ ဒးဇာတ်မှာဇနက်ဗြမ်က္ၜၚ်ရ၊ ဂွံက္လေၚ်စဴစိုပ်ဍုၚ်ကွာန်ဇကုပၠန်ရ၊ ပ္ဍဲလတူကလောကောဒေံ ပဂုန် ဟွံဒှ်ဂုန််ရ၊ ဂုန်ပညာရောၚ်ဂွံခိုဟ်စရ၊ ကလိဂွံသမ္ဘာမၞုံကဵုအာဲကၟာဲဗွဲမဂၠိုၚ်ရ၊ နူကဵုဍောတ်တ် ယဝ်ရခစရဲသၟိၚ်တံမ္ဂး ဂွံရာၚ်ဆာဲရ၊ အာယုက်မသုန်စှော်သၞာံလောန်အာတုဲ သွံရာန်လှာဲဂတးဗၞိိက် တဵုကၠံသွဝ်မ္ဂး ဂွံဇၞော််မောဝ်နူကလောဂမၠီုၚ်ရ၊ ဂွံခိုဟ်စဒဵုဗျု ဒယှ်ပြာကတ်ရ။


ကၞောတ်သက္ကရာဇ် တဴပ္ဍဲဗြိိုဟ်မ္ဂး ဂၠဴဒှ်ပၟၚ်သၞာံရ၊ တၞံတာဒှ်ဓလာဲရ စန်ဒှ်ပါၚ်တုဲ ဟီုအရေဝ်မာနသၠုၚ်ရ၊ ဍိုဟ်ကေတ်ဍိုန်ၜတ်ဇိပ်ဂၠိပ် ဒးကဵုဂၞပ်စိုတ်ရဲသၟိၚ်တံရ၊ ခမဳသၚ်အ္စာတံ ခါရဒှ်အမှုမ္ဂး ဒုၚ်ဖအိုတ်ထဝ်ဩန်မာန်ရ၊ သ္ဍိုက်ဆာန်ညးတၞဟ်သ္အာၚ် စဵုအိုတ်ကၞောတ်ရ၊ ၜိုန်သာ်ဂှ်ကီုလေဝ် ဟွံဂွံဒှ်ဂုန် စဵုကဵုအိုတ်ကၞောတ်ရ၊ ဂုန်ဒြပ်ဇကုဒှ်သၞသတြုပၠန်ရ၊ ဗုဒ္ဓဝါဒှ်စိုတ်တုဲ စိုတ်ဂှ်လ္ဂူတပ်တး လတူမိတ်သဟာဲတံရ၊ ကလောကောဒေံ ဒးဆာန်ဇကုရ၊ တွဳဝါရဂကောံပြဝါဂၠိုၚ်ရ၊ သ္ၚိသဝ်ဒှ်သၞာဂဇံတုဲ ကလိဂွံသမ္ဘာကၟာဲတုဲ ဟွံတန်ကဵုဇကုလံရ၊ နက်သတ်တဴပ္ဍဲသၞိၚ်ဇကုရ၊ အၚာကဵုဗြဴဗတိဒှ်တဲတုဲ တဲဂှ် ကၠောန်ကမၠောန်ကေၚ်ကာ ဆမဇ္ၛဟ်လေပ်ရ၊ ကမၠောန်ကေၚ်ကာလံတုဲ ဟွံခိုဟ်က္ဍၚ်ရ၊ စဵုကဵုလီုလာ်အာ ဒှ်ဂွံဒၟံၚ်ရ၊ သိုက်ကဵုအဒိုတ်ဒှ်ဇိုၚ်တုဲ ဒၟာနူကဵုဇိုၚ် အာကၠုၚ်စလေပ်ဟွံခိုဟ်က္ဍၚ်ရ၊ ပတၠကောန်ဂၠိုၚ်ထပှ်ရောၚ်၊ ဂွံစဂုန်ဆကောန်ၜါရ၊ ခစသၟိၚ် ကလိဂွံပိုန်ဟာန်တုဲ ဂွံဒှ်က္ဍိုပ်သ္ကိုပ်ညးရ၊ ကာလဂွံအာယုက်မွဲသၞာံဂှ် ဒှ်ယဲဇၞော် ကြပ်ချိုတ်မွဲဝါရ၊ ဂွံအာယုက် ၁၉ သၞာံ ဒးစာ်စ္ဍးအာနူဌာန်ဒၟံၚ်မွဲဝါရ၊ စိုပ်အာယုက် ၂၅ သၞာံ ဒးပြးဆာဲသာဲခြာနူကဵုဒၞါဲ မွဲဝါပၠန်ရ၊ အာယုက် ၄၀ လောန်တုဲ စဵုကဵုစိုပ်အာယုက် ၆၀ ဂွံခိုဟ်စရ၊ စိုပ်အာယုက် ၈၄- ဒးအိုတ်သ္ကန်ဆဂှ်ရောၚ်။


(၃) ယြဴပူဂဵုမွဲ က္တဵုဒှ်မၞိဟ်ပ္ဍဲမေထုန်မ္ဂး အၚာဒှ်ပါၚ် လကိုဟ်ဗြဴမၚ်မွဲသၞာံရ၊ ဆုသာန်ဒှ်ဓလာဲရ၊ ကၠဒှ်ပၟၚ်တိရ၊ ဒးဇာတ်သုဝဏ္ဏသာံတုဲ ဒဂကၠောန်လွဳပရာမိမဒမၠုမတ်ၜါ အဒေါဝ်ဂြိုပ်ဟေမဝန်ရ၊ ပူဂဵုဝွံ ခစသၟိၚ် ဂွံရာၚ်ဆာဲအာနူကလောဂမၠိုၚ်ရ၊ ပဂုန်ကဵုကလောကောဒေံ ဒှ်အာဒုဟ်ရ၊ ပြောဲဇွာ သၟိၚ်တၠ ခမဳသၚ်တံရောၚ်၊ ဂွံဒှ်မိဿဟာဲရ၊ ဂွံစဂုန်ပညာဇကုရ၊ ကလိဂွံသမ္ဘာ ပိဒှ်ဂွံရ၊ နူဌာန်ဇကုဒးစ္ဍးအာတုဲ ဂွံခိုဟ်စဌာန်တၞဟ်သ္အာက်ရောၚ်။


ကၞောတ်သက္ကရာဇ် တဴပ္ဍဲမေထုန်တုဲ ကၠဒှ်ပၟၚ်တိ ဆုသာန်ဒှ်ဓလာဲရ၊ လကိုဟ်ဗြဴမၚ်မွဲသၞာံရ၊ အၚာဒှ်ပါၚ်တုဲ ဟီုဂလာန်ကြံၚ်မ္ၚိုဟ်သ္ကာတ်တုဲ ဟွံဒးကတောဝ်သၟိၚ်တၠ ခမဳသၚ်တံရ၊ မၞိဟ်တ္ၚဲဗြဴဗတိကဵုတ္ၚဲသ္ၚိသဝ်ၜါဟေၚ် ဒးကဵုစရိုတ်ဇကုရ၊ ဟီုဓရီုကဵုသ္ကံရဲပြဝါ မိပ်စိုတ်ကွေံရ၊ ကလောကောဒေံ ၜိုန်ပဂုန်ကီုလေဝ် ဟွံဒှ်ဂုန်ရ၊ ဟွံထေဲပၞတ်စိုတ် သ္ဍိုက်ဆာန်ကောန်သမ္ဘာရ၊ သ္ဍိုက်ဆာန်စရၚ်ဓရ်ကုသဵုရ၊ ဖေက်ဗြဲဒှ်ဂွံဒၟံၚ်ရ၊ ယဝ်ရဒှ်အမှုမ္ဂး နကဵုပညာဇကု ဂွံဇၞးအမှုရ၊ သိုက်ဒှ်သၞာဂဇံတုဲ ၜိုန်ဂွံကောန်သမ္ဘာကီုလေဝ် ဟွံတုပ်ကဵုစိုတ် ဒှ်ဂွံဒၟံၚ်ရ၊ ပိုန်ဟာန်ဒြပ်ရတ် ဟွံတန်ဂၠိုၚ်ရ၊ ဂွံဗြဴပိတုဲ မရနုက်ပန်ဂှ် ဗြဴမတုပ်ကဵုစိုတ် ကလိဂွံရ၊ ဂၠိုၚ်ကဵုပိုန်ဟာန် ဒြပ်ရတ်ရ၊ ဗုဒ္ဓဝါဒှ်တဲတုဲ ကၠောန်ကမၠောန်ကေၚ်ကာ သိပ်ဂၠိပ်ဒၟံၚ်ရ၊ စန်ဒှ်ဇိုၚ်တုဲ အာကၠုၚ်ဝေၚ်ဂြိုၚ် ဒှ်ဂွံဒၟံၚ်ရ၊ ဂွံတၠကောန်ဂၠိုၚ်ဒစိတ်၊ ဂွံစဂုန် ကောန်ဂၠု ကောန်ခ္ဍဲ ၜါရ၊ ကာလဍောတ်တ် မိမကလိဂွံလာဘ်မွဲဝါရ၊ အာယုက် ၂၀ သၞာံလောန်တုဲ နကဵုညာဏ်ပညာဇကု ဂွံဟံၚ်ပြာ်ကလောဂမၠိုၚ် မွဲဝါရ၊ စိုပ်အာယုက် ၄၀ လောန်တုဲ ဂွံခိုဟ်စအာဒဵုဗျုရ၊ ပေၚ်အာယုက် ၇၆-ခါရဟွံချိုတ်ဏီမ္ဂး စိုပ်အာယုက် ၈၄ ဒးအိုတ်သ္ကန်ဆဂှ်ရောၚ်။


(၄) ယြဴပူဂဵုမွဲ က္တဵုဒှ်မၞိဟ် ပ္ဍဲကြကတ်မ္ဂး ဒေဝတဴဗြဴဒှ်ပါၚ်ရ၊ ဆုကြိက်ဒှ်ဓလာဲရ၊ ဗတာဲဒှ်ပၟၚ်တိရ၊ ဒးဇာတ်သၟိၚ်နေမိတုဲ သၟိၚ်အိန်ပ္တိုန်ဏာပ္ဍဲသွဝ် တာဝတိံတေံရ၊ ဒးစာ်စ္ဍးအာနူဌာန်ဇကုတုဲ ဂွံခိုဟ်စဌာန်တၞဟ်သ္အာၚ် မၞုံစိုတ်သမာဓိရ၊ ညံၚ်ရဴကလိဂွံပိုန်ဟာန်ဒြပ်ရတ်ဂှ် ဒးပံၚ်ဖက်ကဵုမၞိဟ်မဍောတ်နူဇကု ဒးဍောၚ်စိုတ်ဂၠိုၚ်ရ၊ ခစသၟိၚ်တၠခမဳသၚ် ညးမဇၞော်နူကဵုဇကု ဂွံရာၚ်ဆာဲရ၊ ယဝ်ရပအ္စာသဝ်ဟောရာမ္ဂး ကလိဂွံပိုန်ဟာန်လာဘ်ဗဇဴဂၠိုၚ်ရ၊ ဂွံပတၠသမ္ဘာပိလေဝ် ဒှ်ဂွံရ၊ သမ္ဘာဗွဲကြဴတန်ကဵုဇကုရ။


ကၞောတ်သက္ကရာဇ် တဴပ္ဍဲကြကတ်တုဲ ဗုဒ္ဓဝါဒှ်ပါၚ်တုဲ ဟီုဂလာန်ဍိုန်ၜတ်ဇိပ်ဂၠိပ် ဟွံမွဲကဵုဓဝ်မုသာရ၊ စိုတ်လ္ဂူတပ်တးကဵုမိဿဟာဲဂမၠိုၚ်ရ၊ ပဂုန်ကဵုညး ဒှ်အာဒုဟ်ရ၊ ဂုန်ဒြပ်ဇကု ဒှ်သၞသတြုဇကုပၠန်ရ၊ ကတ်ဗ္တောန်ပညာ လေပ်ဆမဇ္ၛဟ်ရ၊ စိုတ်ဒှ်တသိုက်တုဲ စိုတ်ဂှ် ဟွံဆာန်ဍူကလောကောဒေံက္ဍၚ်ရ၊ ပဂုန်လ္တူကလောကောဒေံ ဟွံဒှ်ဂုန်ရ၊ ပတှ်ေစဂုန်ညးမ္ဂး ဒးဍောၚ်စိုတ်လၟိုနိရ၊ အၚာဒှ်သၞာဂဇအ်တုဲ နကျတ်တဴပ္ဍဲသၞိၚ်ဇကုရ၊ သမ္ဘာမၞုံစိုတ်ဟွံလ္ဂူဂှ် လေပ်ဆဵုဒှ်ရ၊ ကလိဂွံဗြဴကၟာဲဇၞော်နူဇကုတုဲ ေဍေံတန်ကဵုဇကုရ၊ ဗြဴဗတိကဵုသိုက်ဒှ်တဲတုဲ တဲဂှ် ၜိုန်ကၠောန်ကမၠောန်ကေၚ်ကာပြဟ်ကီုလေဝ် ဟွံခိုဟ်က္ဍၚ်ရ၊ လပှ်ဂၠဟ်ဟေတ်စဝ်ဒြပ်ဂၠိုၚ်ရ၊ သီၜတ်ဒေပ်ဒြပ်ဗိုန်ရ၊ အဒိုတ်ကဵုအၚာဒှ်ဇိုၚ်တုဲ အကၠုၚ်သွံရာန်ဒှ်ရ၊ မၞုံစိုတ်ဓဇနိဂၠိုၚ်ရ၊ အာယုက် ၄၀ လောန်တုဲ စိုတ်သဒ္ဓါက္တဵုဒှ်ရ၊ ဂွံပတၠကောန်ဂၠိုၚ်ဒစိတ် ဂွံစဂုန်ဆကောန်ၜါကီုရ၊ အာယုက် ၄၅ လောန်တုဲ ဂွံစအာဂုန်ကောန် စဵုကဵုစိုပ်အာယုက် ၆၀ ရ၊ ပတၠပြေၚ်ဂၠဴပၠန် စုံရောၚ်တန်ကဵုဇကုရ၊ စိုပ်အာယုက် ၈၀ တုဲ ဒးအိုတ်သ္ကန် ဆဂှ်ရောၚ်။


(၅) ယြဴပူဂဵုမွဲ က္တဵုဒှ်မၞိဟ်ပ္ဍဲသိၚ်မ္ဂး ဗြဴဗတိဒှ်ပါၚ် ဒေဝတဴဗြဴမၚ်မွဲသၞာံရ၊ ဆုကွေံဒှ်ဓလာဲရ၊ နာ်ဒှ်ပၟၚ်တိရ၊ ဒးဇာတာမဟောသဓတုဲ ဂွံဒှ်အထိုၚ်သးမၞိဟ်ဒေဝတဴရ၊ ကလိဂွံလာဘ်ပိုန်ဟာန်နူကဵုဍောတ်တ်ရ၊ ခစသၟိၚ်ပၠန် ဂွံဒှ်က္ဍိုပ်သ္ကိုပ်ညးရ၊ ယဝ်ပအ္စာသဝ်ဟောရာမ္ဂး ဒယှ်ပြာထာရ၊ ကာလဍောတ်တ် မိမကလိဂွံပိုန်လာဘ်ဂုန််ဇကုမွဲဝါရ၊ ဇၞော်တိုန်တုဲ ကလိဂွံမွဲဝါပၠန်ရ၊ သ္ပဟိုတ်နူကဵုဇကုတုဲ မိမကလောကောဒေံဂမၠိုၚ် ကလိဂွံမိဿဟာဲဂၠိုၚ်ရ၊ ဂွံရာၚ်ဆာဲနူကဵုကလောဂမၠိုၚ်ရ၊ မၞိဟ်ဍောတ်နူကဵုဇကု ယဝ်ရပံၚ်ဖက်မ္ဂး ဒးဍောၚ်စိုတ် အိုတ်ဒြပ်ဂၠိုၚ်ရ။


ကၞောတ်သက္ကရာဇ် တဴပ္ဍဲသိၚ်တုဲ ဒေဝတဴဗြဴမၚ်မွဲသၞာံ ဗြဴဗတိဒှ်ပါၚ်တုဲ ဟီုအရဝ်ဍိုန်ဍောတ်ဇိပ်ဂၠိပ် ဒးကဵုကတောဝ်သၟိၚ်တၠခမဳသၚ်တံရ၊ ညးဒးဒ္ဂေတ်ဗက်စ ကသပ်ဇကုတုဲ ကလိဂွံပိုန်ဟာန်ဒြပ်ရတ်ရ၊ သ္ၚိသဝ်ဒှ်စိုတ်တုဲ စိုတ်ဂှ်ထေဲပၞတ်ပြဟ် ဟဲလေဝ်ပြဟ်ရ၊ ဒက်စိုတ်ဟွံလေပ်ရ၊ ဟံၚ်ပြာ်ဆာန်ဍူညးဒှ်ရ၊ ပဂုန်ကဵုညး ဟွံဒှ်ဂုန်ရ၊ ဂုန်ဟံၚ်ပြာ်ညး ဒးဍောၚ်စိုတ်လၟိုန်ရ၊ အၚာဒျ်သၞာဂဇံတုဲ နကျတ်တဴပ္ဍဲသၞိၚ်ဇကုရ၊ သ္ဍိုက်ဆာန်ကောန်သမ္ဘာဂၠိုၚ်ရ၊ ဒြပ်လေဝ်ဟွံတန်ရ၊ သိုက်ကဵုဗြဴဗတိဒှ်တဲတုဲ ကၠောန်စကလောန်ကေၚ်ကာ ဟွံခိုဟ်က္ဍၚ်ရ၊ သီၜတ်ဒြပ်ရတ်ဗိုန်ရ၊ စန်ကဵုအၚာဒှ်ဇိုၚ်တုဲ ဇိုၚ်ဂှ်ကွာ်တြဴအာကၠုၚ်ရ၊ ဒှ်ပၞေတ်သရသရေန်ဂၠိုၚ်ရ၊ မံၚ်လေဝ်စိုတ်ဟွံတန်ရ၊ ဂွံအာယုက် ၂၀ ဒးစ္ဍးအာနူဌာန်ဇကုမွဲဝါရ၊ အာယုက် ၂၇ ဒးစ္ဍးအာမွဲဝါပၠန်ရ၊ ဂွံအာယုက် ၃၁ ကလိဂွံကောန်သမ္ဘာရ၊ အာယုက် ၃၇ ကလိဂွံမွဲဝါပၠန်ရ၊ အာယုက် ၅၇ ဂွံခိုဟ်စမွဲဝါရ၊ ဂွံကောန်ဂၠိုၚ်စှ်ၜါရ၊ ကောန်ဂၠုကဵုကောန်ခ္ဍဲၜါဟေၚ် ဂွံစဂုန်ရ၊ ဂွံအာယုက် ၆၀ လောန်တုဲ ဂွံရာၚ်ဆာဲရ၊ ပတၠပြေၚ်ဂၠဴ-စုမ်-ရောၚ် ဍေံတန်ကဵုဇကုရ၊ ဒှ်အာ-မ-မ္ဂး ဍေံဟွံတန်ကဵုဇကုရ၊ ဂွံပတၠအာယုက်ဂၠိုၚ်လောန် ၉၅ ရောၚ်။


(၆) ယြဴပူဂဵုမွဲ က္တဵုဒှ်မၞိဟ်ပ္ဍဲကန်မ္ဂး သိုက်ဒှ်ပါၚ်ရ၊ မၞိဟ်တြုံမၚ်မွဲသၞာံရ၊ တၞံဇြဲလာန်ဒှ်ဓလာဲရ၊ ဇြုံဍာ်ဒှ်ပၟၚ်တိရ၊ သဝ်ရဝဏ်မၚ်တိလေဝ်ဂးရ၊ ဒးဇာတ်နာ် ဘူရိဒတ် တိုန်မၚ်သဳပ္ဍဲဍုၚ်လိုက်တုဲ လၟာဲတံရပ်ဂွံဏာတုဲ ဍေံပလှ်ေစ ဒှ်ဒဒိုက်ဗွဲမလောန်ရ၊ ပူဂဵုဝွံ ဒးရာဇာဝတ်တုဲ ဗွဲကြဴဂွံဗၠးစဴ ကလေၚ်စိုပ်ဍုၚ်ကွာန်ဇကုပၠန်ရ၊ ခစသၟိၚ်တၠ ဒးရာဇာဝတ်ရ၊ ခစအ္စာဂွံလာဘ်ရ၊ ပအ္စာသဝ်ဟောရာ ကလိဂွံပိုန်ဟာန်ဒြပ်ရတ်ရ၊ လတူကလောကောဒေံဂမၠိုၚ် ဟဂွံပတှ်ေစရ၊ ဂွံပတှ်ေစဂုန်ဗြဴကၟာဲမွဲရ။


ကၞောတ်သက္ကရာဇ် တဴပ္ဍဲကန်တုဲ သိုက်ဒှ်ပါၚ်တုဲ ဟီုအရေဝ်ကဵုမၞိဟ်ဗြဴ ညးဇၞော် သၟိၚ်တၠ ခမဳသၚ်တံခိုဟ်ရ၊ ဂွံခိုဟ်စဂုန်ပညာဇကုရ၊ အဒိုတ်ဒှ်စိုတ်တုဲ စိုတ်ဂှ် ထၞေန်စပ်ကဵုကောန်သမ္ဘာညးတၞဟ်သ္အာၚ်ရ၊ စိုတ်ဟွံလ္ဂူတပ်တးက္ဍၚ်ရ၊ ဒှ်မံၚ်စိုတ်ကျာရ၊ ဗုဒ္ဓဝါဂှ် ဒှ်သၞာဂဇံတုဲ သမ္ဘာဇၞော်နူဇကု ကလိဂွံတုဲ ဒှ်ပိုန်ဟာန်ဒြပ်ရတ်ရ၊ စန်ဒှ်တဲတုဲ တဲဂှ် ဟွံလေပ်ကမၠောန်က္ဍၚ်ရ၊ ဒြပ်လေဝ်ဟွံတန်ပ္ဍဲဇကုရ၊ အၚာကဵုဗြဴဗတိ ဒှ်ဇိုၚ်တုဲ ဇိုၚ်ဂှ်အာကၠုၚ်လန်ဇဳရ၊ ခစသၟိၚ် ကလိဂွံပိုန်ဟာန်ဒြပ်ရတ်ရ၊ စိုတ်ဂှ် ထၞေန်စိုပ်ကဵုကောန်သမ္ဘာဂၠိုၚ်တုဲ ဒးဍောၚ်ၜိုတ်လၟိုန်ရ၊ ဂွံအာယုက် ၁၃ သၞာံ ဂွံစဂုန်ပညာဇကုရ၊ အာယုက် ၁၅ မိမဇုဇဗဴလ ဒးပကာဂစိုတ်မွဲရ၊ အာယုက် ၂၅ သၞာံ ဒးစ္ဍးအာနူဌာန်ဇကုမွဲဝါရ၊ ဂွံအာယုက် ၂၇ ကလိဂွံကောန််သမ္ဘာရ၊ အာယုက် ၃၂ သၞာံ ဒးလီုလာ်မွဲဝါရ၊ ဂွံကောန်ဂၠိုၚ်ဒစိတ် ဂွံစဂုန်ကောန်ဂၠုကဵုကောန်ခ္ဍဲၜါရ၊ ဂွံအာယုက် ၆၀ သၞာံတုဲ ဂွံရာၚ်ဆာဲဒယှ်တှ် ဂုန်ကောန်မွဲရ၊ ပတၠပြေၚ်ဂၠဴ စုံ ရောၚ် ဍေံတန်ကဵုဇကုရ၊ ဒှ်အာ မ မ္ဂး ချိုတ်ဂၠိုၚ်ဂျိုၚ်အောန်ရ၊ အာယုက် ၈၀ သၞာံလောန်တုဲ ဒးအိုန်သ္ကန်ရောၚ်။


(၇) ယြဴပူဂဵုမွဲ တဴပ္ဍဲတူမ္ဂး ဒေဝတဴဗြဴမၚ်မွဲသၞာံရ၊ တၞံဗြာတ်ဒှ်ဓလာဲရ၊ ဗ္ၜေံမၚ်တိရ၊ ဒးဇာတ်စန္ဒကုမ္မာ အ္စာပြောဟိတ်ကဵုသၟိၚ်မအံက် စံၚ်ယတ်ပူဇဴရ၊ ဒေဝတဴဍုၚ်ရီုဗၚ်ဂွံဗၠး နူကဵုရာဇာဝတ်အမှုဂစိုတ်ရ၊ ပူဂဵုဝွံ ခစသၟိၚ်တၠဟွံဂွံရ၊ ခစခမဳသၚ် အ္စာဟောရာ လှာဲဂတးဗၞိက် ဇိိက်ဗ္ၚ ကလိဂွံပိုန်ဟာန်ဒြပ်ရတ်ရ၊ လတူကလောကောဒေံဂမၠိုၚ် ဟဂွံဒှ်မိဿဟာဲရ၊ ဂွံသဟာဲကဵုညးဍုၚ်ကွာန်ရ၊ ဒးဒဒိုက်မွဲဝါတုဲ ဂွံဒှ်တသိုက်ရ၊ စိုပ်အာယုက် ၄၀ သၞာံ ဂွံပကုသဵုကဵုဒါန် အတိုၚ်ပၟိက်စိုတ် ဗၞတ်ပိဝါရ၊ ကၞောတ်တဲ ဂွံခိုဟ်စ ညံၚ်ရဴဇာတ်စန္ဒကုမ္မာကီုရောၚ်။


ကၞောတ်သက္ကရာဇ် တဴပ္ဍဲတူတုဲ သ္ၚိသဝ်ဒှ်ပါၚ်တုဲ ဟီုအရေဝ်ကြံၚ်မ္ၚိုဟ် စိုတ်ဟွံညှာဒည ဒှ်ဂွံဒၟံၚ်ရ၊ ဂွံဗၠးဇကု ဂုန်ပါၚ်ဇကုရ၊ စန်ဒှ်စိုတ်တုဲ စိုတ်ဂှ် ဟီုဓရီုကဵုညးသ္အာၚ် ဗော်သွးဂၠိုၚ်ရ၊ ခမဳသၚ်တံ ဆာန်ဇကုဂၠိုၚ်ရ၊ ဗြဴဗတိဒှ်သၞာဂဇံတုဲ ကောန်သမ္ဘာမၞုံစိုတ်လ္ဂူတပ်တး ပ္ဍဲဇကုရ၊ သီၜတ်ဒြပ်ကသပ်ဗိုန် ဟဂွံတိတ်ဗၠးနူကဵုဇကုရ၊ အၚာဒှ်တဲတုဲ တဲဂှ် ဟွံလေပ်ကၠောန်ကမၠောန်က္ဍၚ်ရ၊ ဗုဒ္ဓဝါကဵုသိုက်ဒှ်ဇိုၚ်တုဲ ဇိုၚ်ဂှ် အာကၠုၚ်ဟွံဒှ်က္ဍၚ်ရ၊ နူကဵုဍေောတ်တ် ဒးဒဒိုက်ဂၠိုၚ်ရ၊ ဇၞော်ညိတုဲ ဂွံရာၚ်ဆာဲဂုန်မိမရ။


အာယုက် ၁၀ သၞာံ ဒးစာ်စ္ဍးအာနူဌာန် ဒှ်ဂွံဒၟံၚ်ရ၊ ဂွံအာယုက် ၂၀ သၞာံ ဒးဒဒိုက်လီုလာ်ရ၊ စိုပ်အာယုက် ၂၇ ဂွံမိတ်ပြဝါကောန်သမ္ဘာရ၊ အာယုက် ၃၀ သၞာံ ဒးစ္ဍးအာနူဌာန်ဇကုမွဲဝါရ၊ အာယုက် ၄၀ သၞာံ ဒးလီုလာ်ရ၊ အာယုက် ၄၂ သၞာံလောန်တုဲ ဂွံခိုဟ်စအာ ဒဵုကဵုစိုပ်အာယုက် ၆၀ သၞာံရ၊ ပတၠကောန်မွဲဟေၚ်ရ၊ ပတၠပြေၚ်ဂၠဴ စုံ ရောၚ် ဍေံခိုဟ်ကဵုဇကုရ၊ မ မ္ဂး ဍေံဟွံခိုဟ်ရ၊ ဂွံအာယုက် ၇၀ သၞာံလောန်တုဲ က္တဵုဒှ်ယဲဂစိုတ်ရ၊ ယဝ်ရဟဂွံချိုတ်ဏီမ္ဂး စိုပ်အာယုက် ၉၀ သၞာံတုဲ ဒးအိုတ်လမျီုရောၚ်။


(၈) ယြဴပူဂဵုမွဲ က္တဵုဒှ်မၞိဟ်ပ္ဍဲမိစ္ဆာမ္ဂး ဒေဝတဴဗြဴမၚ်မွဲသၞာံရ၊ ဆုကဝ်လဗဗြိုက် ဒှ်ဓလာဲရ၊ ချေံမၚ်တိရ၊ ဒးဇာတိရသိနာရဒ ဂၠေၚ်ဍာ်ပ္တုဲဒါန်ရ၊ ဒေဝတဴဗြဴပ္ညုၚ်ထ္ၜးတုဲ ကလိဂွံနုၚ်နိဓိထဝ် ညံၚ်ရဴပၟိက်စိုတ်ဇကုရ၊ ဂွံဒုၚ်ပူဇဴ ဒေဝတဴဂမၠိုၚ်ရ၊ ပူဂဵုဝွံ ဇိက်ဗ္ၚ တဵုကၠအ်သွဝ် လှာဲဂတးဗၞိက်သွံရာန် ကလိဂွံပိုန်ဟာန်ဒြပ်ရတ် ဍိက်သ္ကံဗွဲမဂၠိုၚ်ရ၊ ပိဝါဒှ်ဒဒိုက် ၜါဝါဒှ်တသိုက်ရ၊ ဂွံဟံၚ်ပြာ်ကလောကောဒေံဂမၠိုၚ်ရ၊ ဂွံပတၠသမ္ဘာဇၞော်နူကဵုဇကုရ၊ အာယုက် ၅၀ သၞာံပေၚ်တုဲ ဂွံခိုဟ်စဂုန်ကောန် ဒဵုကဵုဗျုရ။


ကၞောတ်သက္ကရာဇ် တဴပ္ဍဲမိစ္ဆာတုဲ အဒိုတ်ဒှ်ပါၚ်တုဲ ပါၚ်ဂှ်ဟီုအရေဝ် ဟွံဒးကတောဝ်သၟိၚ်တၠ စိုတ်မာနသၠုၚ်ရ၊ ဗြဴတံဒးဂမ်တဴရ၊ မၞိဟ်သဝ်နူဇကု ဒးစရိုတ်ဂၠိုၚ်ရ၊ ကွတ်သဝ်ဟောရာ လေပ်ဆမဇ္ၛဟ်ရ၊ အၚာဒှ်စိုတ်တုဲ စိုတ်ဂှ် ဟီုအရေဝ်မာနသၠုၚ် ဟွံဒးကတောဝ်ညးသ္အာၚ်ရ၊ စိုတ်ဝွံဒှ်မံၚ်စိုတ်ကျာ ကၠတ်ကောန်သမ္ဘာညး မဒှ်ဂွံရ၊ သိုက်ဒှ်သၞာဂဇံတုဲ သမ္ဘာဂၠိုၚ် ဒြပ်လေဝ်ဟွံတန် ဒးဍောၚ်စိုတ်လၟိုန်ရ၊ ဗုဒ္ဓဝါကဵုစန် ဒှ်တဲတုဲ ဟွံလေပ်ကၠောန်ကမၠောန််က္ဍၚ်ရ၊ သီၜတ်ဒေပ်ဒြပ်ရတ်ဗိုန်ရ၊ ဗြဴဗတိကဵုသ္ၚိသဝ် ဒှ်ဇိုၚ်တုဲ ဇိုၚ်ဂှ်အာကၠုၚ်လန်ဇဳရ၊ အာယုက် ၁၂ သၞာံ ဒးစ္ဍးအာနူဌာန်ဇကုရ၊ ဒၟာနူကလောကောဒေံမိမတံ ဒးဒိုက်ဗွဲမလောန်ရ၊ ဂွံပသဟာဲကဵုပြောဲဇွာညးဍုၚ်ကွာန်ရ၊ ဂုန်မိဿဟာဲ ကလိဂွံပိုန်ဟာန်ဒြပ်ရတ်ရ၊ ဂွံကောန်ဂၠိုၚ် ၁၂ ရ၊ ဂွံစဂုန်ကောန်ပိရ၊ အာယုက် ၁၅ မွဲဝါဒြပ်အိုတ်ရ၊ အာယုက် ၁၉ သၞာံ ဒးစ္ဍးအာနူဌာန်မွဲဝါရ၊ အာယုက် ၃၀ ပေၚ်တုဲ ဂွံခိုဟ်စ စဵုကဵုအာယုက် ၆၀ သၞာံရ၊ လောန်အာနူဂှ် စိုပ်အာယုက် ၉၃ သၞာံ အိုတ်လမျီုရ၊ ပတၠဍိက်ပြေၚ်ဂၠဴ မ ရောၚ် ဍေံတန်ကဵုဇကုရ၊ စုံ မ္ဂး ဍေံဟွံတန်ကဵုဇကုရောၚ်။


(၉) ယြဴပူဂဵူမွဲ က္တဵုဒှ်မၞိဟ်ပ္ဍဲဓနုမ္ဂး ဒေဝတဴတြုံမၚ်မွဲသၞာံရ၊ ကၞုဲမၚ်တိရ၊ တၞံသ ဒှ်ဓလာဲရ၊ (တၞံပၞဟ် ဒှ်ဓလာဲလေဝ်ဂးရ) ဒးဇာတ်ဝီဓူရတုဲ လကိုဟ်ပုဏ္ဏက ဍေံဒက််ဏာကဵုဗတဖျေံတုဲ ဖျေံဏာပ္ဍဲဍုၚ်နာ်တေံ ဂွံတွံဓရ်ကဵုဂၞကျာ်ဗြဴနာ် ဗၠးကာဂစိုတ်တုဲ သ္ဂောံဒုၚ်ပူဇဴမၞိက်ဗိုက်ဗၠဲ ဗွဲမဂၠိုၚ်ရ၊ လကိုဟ်ပုဏ္ဏက ဒးပလံၚ်ဖျဴနၚ်ပ္ဍဲဍုၚ်ဇကု ဂွံက္လေၚ်ဆဵုကောန်ဇာတ်သမ္ဘာပၠန်ရ၊ မွဲဝါဒှ်ဒဒိုက် ၜါဝါဒှ်တသိုက်ရ၊ က္တဵုဒှ်ယဲ ညောန်ကဵုချိုတ်မွဲဝါရ။


ကၞောတ်သက္ကရာဇ် တဴပ္ဍဲဓနုတုဲ ဗြဴဗတိဒှ်ပါၚ် ဟီုအရေဝ်ဍိုဟ်ကေတ် ဍိုန်ၜတ်ဇိပ်ဂၠိပ် ဒးကဵုကတောဝ်ညးဂမၠိုၚ်ရ၊ ဆာန်ညးဒဵုကဵုချိုတ် ဟွံဂိုဟ်ဒြပ်ရတ်ရ၊ ၜိုန််သာ်ဂှ်လေဝ် ဟွံဒှ်ဂုန်ရ၊ ဒှ်အာသၞသတြုံပၠန်ရ၊ ဟွံဒးကဵုကလောကောဒေံ ဝံသဂမၠိုၚ်ရ၊ ဗြဴဗတိကဵုသ္ၚိသဝ် ဒှ်သၞာဂဇံတုဲ ဂွံသမ္ဘာဂၠိုၚ်ရ၊ လေပ်လုတ်ကောန်သမ္ဘာညး ဒှ်ဂွံရ၊ နကျတ်နွံပ္ဍဲသၞိၚ်ဇကုရ၊ အၚာကဵုဗြဴဗတိဒှ်တဲတုဲ ချူကှ်ေစခိုဟ်ရ၊ သိုက်ကဵုအဒိုတ်ဒှ်ဇိုၚ်တုဲ အာကၠုၚ်စဟွံဒှ်က္ဍၚ်ရ၊ ပတၠကောန်ဂၠိုၚ်ဒစိတ် ဂွံစဂုန်ကောန်ၜါရ၊ ခစသၟိၚ်တၠ ဂွံဒှ်က္ဍိုပ်သ္ကိုပ်ရ၊ သွံရာန်လှာဲဂတးဗၞိက် ဇိက်ဗ္ၚခိုဟ်ရ၊ ဂွံအာယုက် ၅ သၞာံ က္တဵုဒှ်ယဲ ညောန်ကဵုချိုတ်မွဲဝါရ၊ ဂွံအာယုက် ၂၅ ဒးစာ်စ္ဍးအာ နူကဵုဌာန်ဒၟံၚ်မွဲဝါရ၊ ဂွံအာယုက် ၃၁ သၞာံ ဂွံခိုဟ်စမွဲဝါရ၊ အာယုက် ၄၀ သၞာံလောန်တုဲ စဵုကဵုစိုပ်အာယုက် ၆၀ သၞာံ ဂွံခိုဟ်စရ၊ အာယုက် ၇၅ သၞာံ ယဲဇၞော်ကဵုဇြဟတ် က္တဵုဒှ်ရ၊ လောန်အာနူဂှ်ဏီမ္ဂး စိုပ်အာယုက် ၈၄ သၞာံ ဒးအိုတ်လမျီုရောၚ်။


(၁၀) ယြဴပူဂဵူမွဲ က္တဵုဒှ်မၞိဟ်ပ္ဍဲမကဝ်မ္ဂး လကိုဟ်တြုံမၚ်မွဲသၞာံရ၊ တၞံဒုန်ကဠိ ဒှ်ဓလာဲရ၊ စာၚ်မၚ်တိရ၊ ဒးဇာတိသၟိၚ်ဝေဿန္တဝ် ညးဗက်ပတိတ်နူကဵုဍုၚ် သီုကောန်ဇာတ်သမ္ဘာ မအာစိုပ်ဒဒိုက်ဗွဲမလောန်ရ၊ ဗွဲကြဴ ဂွံကလေၚ်စဴဍုၚ်ဇကုပၠန်ရ၊ ပူဂဵူဝွံ ဟဂပ်ဝ်ခစအ္စာ ဟွံရာၚ်ဆာဲရ၊ သမ္ဘာတုပ်ကဵုစိုတ် ကလိဂွံရ၊ ပအ္စာသဝ်ဟောရာ လှာဲဂတးဗၞိက် ဇိက်ဗ္ၚ သွံရာန်ခိုဟ်ရ၊ ဂွံစဂုန်ကောန်မွဲအာယုက်ရ။


အၚာဒှ်ပါၚ်တုဲ ဟီုအရေဝ်ကြံၚ်မ္ၚိုဟ် ဟွံဒးကတောဝ်ညးရ၊ ဗုဒ္ဓဝါဒှ်စိုတ်တုဲ စိုတ်ဂှ် ဟီုဓရီုရေၚ်သ္ကံ မိဿဟာဲဂၠိုၚ်ရ၊ လေပ်ဟံၚ်ပြာ်ညးဂၠိုၚ်ရ၊ သုစရိုတ်စိုတ်မၞုံရ၊ ၜိုန်ထေဲပၞတ်ကဵုညးကီုလေဝ် ဟွံဒက်စိုတ်ရ၊ လောဘအောန် လဒမ်စိုတ်မာန်ရ၊ ဖေက်သမ္ဘာဒှ်ဂွံဒၟံၚ်ရ၊ နကဵုညာဏ်ဇကု ဂွံဗၠးအမှုဘဲအန္တရာဲရ၊ စန်ဒှ်သၞာဂဇံတုဲ ကောန်သမ္ဘာဟွံတန် ဒြပ််လေဝ်ဟွံတန်ရ၊ ဗုဒ္ဓဝါကဵုသိုက်ဒှ်တဲတုဲ တဲဂှ် လေပ်ကၠောန်ကမၠောန် လေပ်ချူကှ်ေပုတ်ဂၞတ်ရ၊ သီၜတ်ဒြပ်ရတ်ဗိုန်ရ၊ စန်ကဵုသ္ၚိသဝ်ဒှ်ဇိုၚ်တုဲ ဇိုၚ်ဂှ် အာကၠုၚ်လန်ဇဳရ၊ ဂွံကောန်ဂၠိုၚ်ရ၊ ဂွံစဂုန်ကောန်ဂၠုကဵုကောန်ခဒေံရ၊ ကာလဍောတ်တ် မိမ ဂွံလာဘ်မွဲဝါရ။


အာယုက် ၂၀ သၞာံလောန်တုဲ နကဵုညာဏ်ပညာဇကု ဂွံဟံၚ်ပြာ်ကလောကောဒေံဂမၠိုၚ်ရ၊ ပဂုန်ကဵုညး ဟွံဒှ်ဂုန်ရ၊ အာယုက် ၄၀ သၞာံလောန်တုဲ ဂွံလာဘ်မွဲဝါပၠန်ရ၊ မံၚ်မွဲဒၞာဲဟေၚ်ဟွံတန်ရ၊ ဂွံအာယုက် ၇၀ သၞာံ က္တဵုဒှ်ယဲဇၞော်ကဵုဇြဟတ်ရ၊ ယဝ်ရဟွံချိုတ်ဏီမ္ဂး စိုပ်အာယုက် ၈၀ သၞာံ ဒးအိုတ်လမျီုရ၊ ပတၠဍိက်ပြေၚ််ဂၠဴ မ ရောၚ် ဍေံတန်ကဵုဇကုရ။


(၁၁) ယြဴပူဂဵူမွဲ က္တဵုဒှ်မၞိဟ်ပ္ဍဲကုံမ္ဂး လကိုဟ်ဗြဴမၚ်မွဲသၞာံရ၊ ကၟာဒကှ် ဒှ်ဓလာဲရ၊ ကၠဵုဒှ်ပၟၚ်တိရ၊ ဒးဇာတ်ပူရိသာဒ-ရ၊ စဒးဖျုန်မၞိဟ် ဒှ်အာလကိုဟ်တုဲ ညးဗက်ဗဒဴထောံနူကဵုဍုၚ်ရ၊ ဂွံမိၚ်တွံဓရ် ဗောဓိသတ်ပိုဲ သၟိၚ်သုတသောမတုဲ ဂွံက္လေၚ်စဴပကၚ်ရၚ်ဍုၚ်ဇကုပၠန်ရ၊ ပူဂဵုဝွံ စဒးဖျုန်သတ်ဇိုၚ်ၜါတုဲ က္တဵုဒှ်ယဲမွဲဝါရ၊ ခစသၟိၚ်တၠ ဒးရာဇာဝတ်ရ၊ ခစအ္စာ ဂွံပိုန်လာဘ်ရ၊ လတူကောန်ဇာတ်သမ္ဘာ ကလောကောဒေံဂမၠိုၚ် ဟဂွံစဂုန်ရ၊ ပိဝါဒှ်ဒဒိုက် ၜါဝါဒှ်တသိုက်ရ၊ ဗုဒ္ဓဝါဒှ်ပါၚ်တုဲ ဟီုအရေဝ်လ္ဂူတပ်တး ဒးကဵုဂၞပ်စိုတ်သၟိၚ်တၠ ခမဳသၚ်မိဿဟာဲတံရ၊ ဂုန်ဒြပ်ဇကု ဒှ်အာဟ်ကဵုညးရ၊ ဒြပ်ဇကု ဒှ်သၞပၠန်ရ၊ ကတ်ဗ္တောန်ကွတ်ပညာခိုဟ်ရ၊ သိုက်ဒှ်စိုတ်တုဲ စိုတ်ဂှ် ဆာန်ကလောကောဒေံဂၠိုၚ်ရ၊ ဗြဴဗတိ ဒှ်သၞာဂဇံတုဲ ကောန်ဇာတ်သမ္ဘာ ဟွံလ္ဂူတပ်တးကဵုဇကုရ၊ ဗြဴကၟာဲရောၚ် မိတ်ဒါန်ဇကုရ၊ ဗြဴဗတိကဵုသိုက်ဒှ်တဲတုဲ တဲဂှ် ကၠောန်ကမၠောန်ကေၚ်ကာပြဟ် ဟွံခိုဟ်က္ဍၚ်ရ၊ သီၜတ်ဂိုၚ်ဒေပ်ဒြပ်ဗိုန်ရ၊ အဒိုတ်ကဵုအၚာဒှ်ဇိုၚ်တုဲ အာကၠုၚ်လန်ဇဳရ၊ ပတၠကောန်ဂၠိုၚ်ဒစိတ် ဆကောန်ၜါဟေၚ် ဂွံစဂုန်ရ။


အာယုက် ၂၅ သၞာံ မွဲဝါ ဒးအိုတ်ဩန်ရ၊ အာယုက် ၃၀ သၞာံ ဒးလီုလာ်ရ၊ အာယုက် ၄၅ သၞာံလောန်တုဲ စဵုကဵုစိုပ်အာယုက် ၆၅ သၞာံ ဂွံစဂုန်ကောန်ရ၊ ဂွံအာယုက် ၈၀ သၞာံတုဲ ဒးအိုတ်လမျီုရ၊ ပတၠဍိက်ပြေၚ််ဂၠဴ စုံ မ္ဂး ဍေံတန်ကဵုဇကုရောၚ်။


(၁၂) ယြဴပူဂဵူမွဲ က္တဵုဒှ်မၞိဟ်ပ္ဍဲမိန်မ္ဂး ဒေဝတဴဗြဴမၚ်မွဲသၞာံရ၊ ကၟာဒကှ် ဒှ်ဓလာဲရ၊ ကၠိက်မၚ်တိရ၊ ဒးဇာတ်သၟိၚ်သုံခမိတ် သမ္ဘာတိတ်ဒုၚ်ဖျဴနုဂြိုပ် ဒးစ္ဍးအာဌာန်သ္အာၚ်ရ၊ ဗွဲကြဴ ကလေၚ်စဴစိုပ်ဍုၚ်ပၠန်ရ၊ ပူဂဵုဝွံ ကလိဂွံလာဘ်မွဲဝါရ၊ ခစသၟိၚ် ဒးရာဇာဝတ်ရ၊ ခစခမဳသၚ် အ္စာ ဂွံရာၚ်ဆာဲရ၊ ကလောကောဒေံ ဒှ်သၞသတြုဇကုရ၊ ဗြဴဗတိဒှ်ပါၚ်တုဲ ဟီုအရေဝ်ဍိုန်ၜတ်ဇိပ်ဂၠိပ် နွံကဵုညာဏ်ပညာ ဒးဂၞပ်စိုတ်သၟိၚ်တၠတံရောၚ်၊ အၚာဒှ်သၞာဂဇံတုဲ နကျတ်တဴပ္ဍဲသၞိၚ်ဇကုရ၊ သ္ဍိုက်ဆာန်ကောန်သမ္ဘာဂၠိုၚ်ရ၊ သိုက်ကဵုဗြဴဗတိ ဒှ်တဲတုဲ ကၠောန်ကမၠောန်ကေၚ်ကာ ခိုဟ်ရ၊ အၚာကဵုစန်ဒှ်ဇိုၚ်တုဲ ဇိုၚ်ဂှ် အာကၠုၚ်လၞုဟ်ရ။


အာယုက် ၂၀ သၞာံ ဒးစ္ဍးအာနူဒၞာဲမွဲဝါရ၊ အာယုက် ၂၇ သၞာံ မွဲဝါ ဒးလီုလာ်ရ၊ အာယုက် ၃၇ သၞာံ ဂွံခိုဟ်စမွဲဝါရ၊ ဂွံအာယုက် ၅၀ သၞာံတုဲ ဂွံခိုဟ်စအာ ဒဵုကဵုဗျုရ၊ ပတၠကောန်ဂၠိုၚ်စှ်ၜါ ဂွံစဂုန်ကောန်ၜါရ၊ ပတၠပြေၚ်ဂၠဴ စုံ ရောၚ် ဍေံတန်ကဵုဇကုရ။

ဗီုဂွံရံၚ်စ ပ္ဍဲဒွါစှ်ၜါမွဲနဲပၠန်[ပလေဝ်ဒါန် | ပလေဝ်ဒါန် တမ်ကၞက်]

  • ဗီုဂွံရံၚ်စ ပ္ဍဲဒွါစှ်ၜါမွဲနဲပၠန်
သိၚ်    ဗြိုဟ်    မေထုန်
*၄ ---- ၆ ----- ၃*
ဗိိစ္ဆာ ၁ -------- ၇ ဓနု
*၉ ----၂ ------ ၅*
ကြကတ်  ကုံမိန်    မကပ်


ယဝ်ရညးကၠုၚ်ရံၚ်စဗွဲမံက်မ္ဂး = နူကဵုမုက်ဂၞန်ပိဂှ် သ္ပတမ်တုဲ ရိုဟ်စှ်ေအာ လ္ပာ်ဂၠံၚ်မုက်ဂၞန် (၇) တေံညိ။


ယဝ်ရညးကၠုၚ်ရံၚ်စဗွဲစွေက်မ္ဂး နူကဵုမုက်ဂၞန် (၉) သ္ပတမ်တုဲ ရိုဟ်တိုန်အာ လ္ပာ်ဂၠံၚ်မုက်ဂၞန်မွဲတေံညိ။


  • ယဝ်ရဒတုံ (၆) ပ္ဍဲဗြိုဟ်မ္ဂး ခါရညးကၠုၚ်သၟာန်ဂလာန်ကွာ်တရဴ စိုပ်ဟာ-ဟွံစိုပ်ဟာ ပိတ္ၚဲဂတနူဏံ ဍေံစိုပ်ရသ္ဂးညိ။

ယဝ်ရညးသၟာန် ကမၠတ်ကၠတ်ဏာမ္ဂး မၞိဟ်မကၠတ်ဏာဝွံ သာ်ဇကုဍေံဗကေတ်ဒၟံၚ်ရ၊ ဍေံကၠတ်ကေတ်ဏာ ဗွဲဒိုဟ်နေရတိတုဲ ဒြပ်ရတ်ဂှ် ဍေံစွံပၞုက်လဝ်ပ္ဍဲတိရ၊ ရဴသာ်ဝွံ သ္ဂးညိ။

ယဝ်ရညးကၠုၚ်သၟာန်ဂလာန်ကွာ်တရဴမ္ဂး ဂွံဆဵုကေတ်မၞိဟ်ပန် မၞိဟ်ဗြဴဂှ်မွဲ တၠကောန်တှ်ဂှ်မွဲ ဍေံပၞုက်လဝ်သြန်မွဲပသာ ဆၜိုတ်ဏံတွံကဵုညိ။


  • ယဝ်ဒတုံ (၃) ပ္ဍဲမေထုန်မ္ဂး ညးကၠုၚ်သၟာန်ကွာ်တရဴ စိုပ်ဟာ-ဟွံစိုပ်ဟာ ဟွံစိုပ်ဏီရ၊ ရဲသ္ကံဗဒေါံလဝ်ရ၊ တ္ၚဲယးဂတနူဏံ စိုပ်ရ၊ ယဝ်ရဟွံစိုပ်ဏီမ္ဂး ဂွံမိၚ်ပရိုၚ်ညးကၠုၚ်လဴရ။

ယဝ်ရညးကၠုၚ်သၟာန်ကမၠတ်ကၠတ်မ္ဂး ကမၠတ်ဂှ် ဒှ်မံၚ်မၞိဟ်တြုံ သာ်ဇကုဍေံ လမ်စံက်ဒၟံၚ်ရ၊ မၞိဟ်မံၚ်ပ္ဍဲသ္ၚိရ၊ အာဗက်ဂၠါဲဗွဲဒိုဟ်ဗာယပ်တုဲ ကလိဂွံရ။

ယဝ်ရညးသၟာန် ပ္ဍဲသ္ၚိဏံ ရတ်နွံမူစိရောမ္ဂး သြန်စှ်သုန်မၞုံရ၊ ဍေံစွံလဝ်ပ္ဍဲဂၞဳသတိက်ရ။


  • ယဝ်ရဒတုံ (၇) ပ္ဍဲဓနုမ္ဂး ညးမအာတရဴဂှ် ယဝ်ရညးကၠုၚ်သၟာန်မ္ဂး ဂိယဲအာဇိုၚ်တဲတုဲ လံအာညိ၊ ထပှ်တ္ၚဲဂတနူဏံ ဍေံစိုပ်ရ၊ ယဝ်ရဟွံစိုပ်ဏီမ္ဂး ညးကၠုၚ်ပရိုၚ် ဂွံမိၚ်ရ၊ ယဝ်ရညးကၠုၚ်သၟာန်ကမၠတ်ကၠတ်မ္ဂး မၞိဟ်တြုံမကၠတ်ဏာရ၊ ဒှ်ဒၟံၚ်ဒဒှ်ေဒယှ်ဇကု မိတ်ဆာန်ဇကုရ၊ ဍေံပဒတဴဒၟံၚ် ဗွဲဒိုဟ်ဨသာန်ရ၊ ဍေံစွံလဝ်ဗွဲဒိုဟ်သၟဝ်ကျာ အာဂၠာဲမ္ဂး ကလိဂွံရ။

ယဝ်ရညးကၠုၚ်သၟာန်ကွာ်တရဴမ္ဂး တ္ၚဲဏံဟွံဆဵုမွဲသာ်ရ၊ စဖျုန်ကဵုသုရာမွဲပလၚ်တုဲ တြုံကဵုဗြဴဂှ် ဒှ်သေက်ဇဵုရၚ်သ္ကံရ။


  • ယဝ်ရဒတုံ (၅) ပ္ဍဲမကဝ်မ္ဂး ညးမအာတရဴဂှ် ယဝ်ရညးကၠုၚ်သၟာန်မ္ဂး ဇိုၚ်ပုၚ်ဂိအာတုဲ ဍေံလံအာရ၊ မသုန်တ္ၚဲဂတနူဏံ ဍေံစိုပ်ရ၊ ယဝ်ရဟွံစိုပ်ဏီမ္ဂး ညးကၠုၚ်ကဵုပရိုၚ် သ္ဂောံမိၚ်ရောၚ်။

ယဝ်ရညးကၠုၚ်သၟာန်ကမၠတ်ကၠတ်မ္ဂး တြုံမရာမ်တၟိရ ညးၜါဍေံသ္ပလဝ်မွဲတဲတုဲ မကၠတ်ဏာရ၊ ဍေံအာစွံလဝ်လ္ပာ်ဒိုဟ်သၟဝ်ကျာ တိုပ်လဝ်ပ္ဍဲတိ အာဂၠါဲပ္ဍဲခြုံရာပ်တုဲ ကလိဂွံရောၚ်။

ညးသၟာန်ဒြပ်နွံပ္ဍဲသ္ၚိမူစိရော ဩန်ဍေံ နွံၜါပသာကဵုမသုန်ဒကေဝ် လန်ဍေံ နွံစှ်ဇြေဟ် စွံလဝ်ကဵုယာတ်ဗကေတ် ဂွဳစွံလဝ်ရောၚ်။


  • ယဝ်ရဒတုံ (၂) ပ္ဍဲကုံမ္ဂး ညးကၠုၚ်သၟာန်ကွာ်တရဴ စိုပ်-ဟွံစိုပ်ဟာ က္တဵုဒှ်ဒၟံၚ်ယဲဝေဒနာတုဲ ချိုတ်ဂျိုၚ်ဂှ် ဒှ်ဒၟံၚ်သၠဒကေဝ်ရ၊ ဍေံလံဒၟံၚ်ဏီ ပိတ္ၚဲ ကြဴတ္ၚဲဂတနူဏံ သ္ဂောံမိၚ်ပရိုၚ်ရောၚ်။

ညးကၠုၚ်သၟာန်ကမၠတ်ကၠတ်မ္ဂး မၞိဟ်သာ်ဗတာၚ်သၠုၚ်ကြဳဒၟံၚ်ရ၊ ဍေံဂိုၚ်ကၠတ်ဏာ ဗွဲဒိုဟ်သၟဝ်ကျာ စွံလဝ်ပ္ဍဲသ္ကဲဍာ်ရ၊ စှ်ေအာဂၠါဲမ္ဂး ကလိဂွံရ၊ ယဝ်ရဟွံဂွံမ္ဂး ညးကၠုၚ်ကဵုပရိုၚ်ဟီုလဴကဵုဇကု ဂွံမိၚ်ရ၊

ညးကၠုၚ်ၟာန်ကွာ်တရဴ မူဆဵုဒးကီုရော ပ္ဍဲကဵုတ္ၚဲဏံ ဆဵုဒးညးဇၞော်ဗျု သေက်ဇဵုဒၟံၚ်ကေုာံရေၚ်သ္ကံရ၊ ကွာ်တရဴဟွံခိုဟ် လ္ပအာညိဏီရ။


  • ယဝ်ရဒတုံ (၉) ပ္ဍဲကြကတ်မ္ဂး ညးကၠုၚ်သၟာန်ကွာ်တရဴ စိုပ်-ဟွံစိုပ်ဟာ ၝဲဒေံဍေံ ဒှ်အာအမှုဂဗုတ်ညးသ္ကံတုဲ ဗဒေါံလဝ်ရ၊ ဒစိတ်တ္ၚဲဂတနူဏံ ဍေံစိုပ်ရ၊ ယဝ်ရဟွံစိုပ်ဏီမ္ဂး လံဒၟံၚ်ဏီရ။

ညးကၠုၚ်သၟာန်ကမၠတ်ကၠတ်မ္ဂး မၞိဟ်နူကဵုသ္ၚောဲသ္ၚောဲဟေၚ် မကၠတ်ဏာရ၊ ဍေံပၞုက်စွံလဝ် ဗွဲဒိုဟ်အဂၞဲရ၊ ဍေံကလေံထောံလဝ်ဒၞာဲဇိုၚ်တုဲရ၊ ကော်ရဲသၟိၚ်တံ ကဵုညးသၟာန်ဟေၚ် သ္ဂောံတီတဴရောၚ်။


  • ယဝ်ရဒတုံ (၁) ပ္ဍဲဗိစ္ဆာမ္ဂး ညးကၠုၚ်သၟာန်ကွာ်တရဴ စိုပ်-ဟွံစိုပ်ဟာ တ္ၚဲဏံစိုပ်ရ။

ယဝ်ရညးကၠုၚ်သၟာန်ဒြပ်ကၠေံအာမ္ဂး လံညိတုဲဟေၚ် ညးကၠုၚ်ကဵုပရိုၚ်ဂွံမိၚ်ရ၊ ကမၠတ်မကၠတ်ဏာဂှ် သာ်ဇကုဍေံဗကေတ်ဒၟံၚ်ရ၊ ညးမွဲဂှ် လမ်စံက်ဒၟံၚ်ရ၊ ညးၜါဂှ် တီညာန်ဒှ်ဒၟံၚ်ရဲတုဲ ကၠတ်ဏာရ၊ ဒြပ်ဂှ်ဍေံအာစွံလဝ် ပ္ဍဲပါၚ်တြၚ်ဗွဲဒိုဟ်နေရတိရ၊ ဂြောပ်လဝ်ကဵုသၠဆုတုဲ အာဂၠာဲဂွံရောၚ်။


  • ယဝ်ရဒတုံ (၄) ပ္ဍဲသိၚ်မ္ဂး ညးကၠုၚ်သၟာန်ကွာ်တရဴမ္ဂး စိုပ်-ဟွံစိုပ်ဟာ ဍေံကၠုၚ်စိုပ်အဒေါဝ်ဘဘာ်တရဴတုဲ က္တဵုဒှ်ယဲပ္ဍဲဗုၚ်ဂၞဴရ၊ တ္ၚဲဏံဍေံကၠုၚ်စိုပ်ရောၚ်။

ညးသၟာန်ကမၠတ်ကၠတ်ဏာမ္ဂး ကမၠတ်ဂှ် ဒှ်မၞိဟ်မွဲရ၊ သာ်ဇကုဍေံဗုကြဳ သော်ဍေံထကာန်ဒၟံၚ် ဍေံကၠတ်ဏာ စွံလဝ်ဗွဲဒိုဟ်ဗၟံက်် အာဂၠာဲတုဲ ကလိဂွံရောၚ်။

ညးကွာ်တရဴ မူဆဵုဒးကီုရော ဆဵုဒးညးပိရ၊ မၞိဟ်ဗြဴတၠကောန်ဂှ်မွဲ ဩန်ဍေံနွံမွဲပသာရောၚ်။


ကိုန်ဒွါစှ်ၜါ တုဲဆဝွံရောၚ်။

ယၟုဒိုဟ်စှ်[ပလေဝ်ဒါန် | ပလေဝ်ဒါန် တမ်ကၞက်]

ဒိုဟ်ဒစာံဂှ် ဒိုဟ်စှ်နာမ ဗမံက်ပလိုတ် သၠုၚ်ကျာဂိုတ်ပၠ၊ သၟဝ်ကျာအဂၞဲ ဗွဲဒိုဟ်နေရ၊ ဗာယပ်ဨသာန် ဒစာံဌာန်ဂျ၊ ဒိုဟ်အာကာသကီု သီုကဵုဒိုဟ်သၟဝ်၊ သာ်ဝွံဆတ္တဝ် ဟီုလဝ်ဒိုဟ်စှ်။

ကိုန်ဒိုဟ်လာဘ်[ပလေဝ်ဒါန် | ပလေဝ်ဒါန် တမ်ကၞက်]

ဒိုဟ်မအာသွံ ဂွံလာဘ်ဟီုတွံ၊ အဒိုတ်သၠုၚ််ကျာ စန်ဗာယပ်သၟဝ်၊ အၚာမွဲဂှ် တွံဒိုဟ်ဗမံက်၊ ဗုဒ္ဓဝါစိ နေရတိဩံက်၊ ဗြဴဗတိလံက် စံက်ဨသာန်အာ၊ သိုက်အဂၞဲလဝ် သ္ၚိသဝ်သၟဝ်ကျာ၊ ဒိုဟ်ဝွံဂွံမြာ လာဘ်သကာဟေၚ်။

ကိုန်ဒိုဟ်ဝေၚ်[ပလေဝ်ဒါန် | ပလေဝ်ဒါန် တမ်ကၞက်]

ဒိုတ်ကဵုစှ်ေဝေၚ် လမေၚ်လက််သဏ်၊ အဒိုတ်သၟဝ်ကျာ အာဟွံဂွံပၠန် စန်နေရတိ သတြုထိထ္ၜန်၊ ဨသာန်အၚာ အာဒးဘဲဒဏ်၊ ဗုဒ္ဓပုဗ္ဗ လပပြာပ်ညောန််၊ ဗြဴဗတိပၠန် အဂၞဲခၠန်လဝ်၊ သိုက်သၠုၚ်ကျာသိုတ်် ပလိုတ်သ္ၚိသဝ်၊ ယာံအာဒဲအိုတ် ဟိုတ်နူတံကဝ် အ္စာတွံလဝ် သက်သ္ဍဝ်ရောၚ်။

ကိုန်ဒိုဟ်ဇၞး[ပလေဝ်ဒါန် | ပလေဝ်ဒါန် တမ်ကၞက်]

ဒိုဟ်ဇၞးဂှ် ဟီုတွံမွဲတောၚ်၊ တ္ၚဲအဒိိုတ်ရောၚ် ဂၠောၚ်အဂၞဲကၠာ၊ တ္ၚဲစန်ဆတ္တဝ် လဝ်သၠုၚ်ကျာ၊ အၚာပလိုတ် ၜိုတ်ပါၚ်အ္စာ၊ ဗုဒ္ဓဝါဂှ် တွံဒိုဟ်သၟဝ်ကျာ၊ တ္ၚဲဗြဴဗတိ နေရတိမာ၊ သိုက်ဨသာန်ဟေၚ် လၟေၚ်ဒိုဟ်လအာ၊ သ္ၚိသဝ်မွဲဗံက် ဗမံက်ယာကြာ၊ ဒိုဟ်ဇၞးကၠာ အ္စာတွံလဝ်ရောၚ်။

ကိုန်တ္ၚဲကဵုနကျတ်[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲကဵုနကျတ် ဟီုစၟတ်မွဲတောၚ်၊ တ္ၚဲအဒိုတ်ရောၚ် မွဲတောၚ်ဒှ်စိ၊ နက္ချတ်ဒှ်သ္ဍာံ စှ်ဒစာံဂ္ညိ၊ ဗွဲဒိုဟ်သၟဝ်ကျာ ယာံအာစုတိ၊ တ္ၚဲစန််ဟွံခိုဟ် ဒိုဟ်နေရတိ၊ နူမသုန်စိ ဒမၠိဒဵုစှ်၊ နက္ချတ်ဝွံကၠာ ပအာဒိုဟ်ဂှ်၊ တ္ၚဲအၚာသၟဟ် ဒိုဟ်ဂှ်ဨသာန်၊ နူစှ်ဒစိတ် နက္ချတ်ဂှ်ပ္ကာန်၊ ဒဵုၜါစှော်ပိ ဝေၚ်ဂ္ညိကွေံကြာန်၊ တ္ၚဲဗုဒ္ဓဝါ ၜါစှော်ပန်ပ္ကာန်၊ ဒိုဟ်ဗမံက်ကၠာ ပအာသာန်သာန်၊ ဗြဴဗတိဟာန် ဌာန်အဂၞဲ၊ မွဲၜါပိတန် ၜါဣသုန််သၟဟ်၊ ၜါစှော်တြဴ ၜါစှော်ထပှ်၊ တ္ၚဲနက္ချတ်သၟဟ် အဂၞဲဂှ်ဝေၚ်၊ တ္ၚဲသိုက်တန်ပၠန် နက္ချတ်ပေၚ်ဟေၚ်၊ ဒိုဟ်သမၠုၚ်ကျာ ပအာသၟဟ်ဝေၚ်၊ တ္ၚဲသ္ၚိသဝ်သိုက် ဒိုဟ်ပလိုတ်ဟေၚ်၊ နက္ချတ်စှ်မွဲ အာဒးဘဲတၟေၚ်၊ ရာဟုမွဲဟေၚ် ပြေၚ်ဒိုဟ်ဗာယပ်၊ နက္ချတ်ပ္တံကၠာ နူစှ်ၜါဗ္ဂပ်၊ ဒဵုစှ်ထပှ် ဒိုဟ်ဂှ်ဟွံအပ်၊ တ္ၚဲဂှ်ဒိုဟ်ဂှ် နက္ချတ်ဂှ်၊ ဗ္ဂပ်နညာဏ်သၟဳသၟပ် ချပ်ဗ္စာရဏာ၊ တ္ၚဲဂှ်ဒိုဟ်ဂှ် နက္ချတ်ဂှ်အာ၊ သ္ဒးချိုတ်လေၚ်ဟေၚ် ဟွံဆောတ်ဟေၚ််ဟာ၊ သၟိက်မၚ်မွဲဗိုန် ပိုန်အာယုက်ကၠာ၊ တလပညာ ဝေၚ်ပအာညိ၊ ဒိုဟ်ကဵုတ္ၚဲခုတ် အာလုတ်ထိမြိ ဒၞာဲအာတုန်စိ မြိတဍိရောၚ်။

ကိုန်တ္ၚဲဖျေံထဏီ[ပလေဝ်ဒါန် | ပလေဝ်ဒါန် တမ်ကၞက်]

အဒိုတ်ကၟတ်စိ ပိခဝ်က္ၜတ်သောၚ်၊ ၜါသၟဝ်ကျာရောၚ် မွဲဂၠောၚ်ဗာယပ်၊ စန်ဖျုန်ၜါခဝ် လဝ်ဗမံက််အပ်၊ မွဲနေရတိ ဒမၠိမွဲတၟပ်၊ အၚာဒးဝပ် ကၟပ်ထပ်ပကာန်၊ ၜါနေရတိ မွဲဂ္ညိဨသာန်၊ ဗုဒ္ဓဝါဟာန် ဖျုန်မာတ္တာန်စဲ၊ သၟဝ်ကျာဏာၜါ ဗမံက်ဏာမွဲ၊ ဗြဴဗတိအဴ ပ္ကဴချောဲဓရဲ၊ ၜါသၠုၚ်ကျာ မွဲဏာအဂၞဲ၊ သိုက်သစ္ဆုသိုတ် ပဠိုတ်ၜါထဲ၊ သမၠုၚ်ကျာမွဲ ဖျေံစုတ်မွဲခဝ်၊ ထဏီကၠေၚ်ဂှ် ဒှ်တ္ၚဲသ္ၚိသဝ်၊ ၜါိဒိုဟ်အဂၞဲ မွဲပဠိုတ်လဝ်၊ ဒှ်တ္ၚဲသ္ၚိသဝ် ဖျေံလဝ်ဗၠးယဲ၊ သတြုမၚ်ဘဲ သ္ဂောံဗၠးယဲရောၚ်။

ကိုန်ဗြိုဟ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

ဂတဝွံစိ ဒးမံၚ်သ္ၚိပြဲ၊ ပိုဲဟီုလဝ်ဒိုဟ် လမေၚ်ဗြိုဟ်နဲ၊ ဇမၠိၚ်ကၞဳကီု သီုဇမၠိၚ်ဝိုန်၊ ဟတ်ပ္ကောံလဝ်ဗိုန် ကဵုပိပၟဝ်၊ ဒစာံယိုက်စ ဆသၟေဟ်ဆတ္တဝ်၊ ပ္ဍဲသ္ၚိဗနိက် ၜါပမိိက်ဂြောပ်၊ ပိသ္ၚိသၟိၚ်ပၠန် ပန်လၟယံက်ယောဝ်၊ ဗြိုဟ်မသုန်ခဝ် တၞောဝ်ဂဟပ္ပတိ၊ ဗြိုဟ်တရဴသၟတ် သ္ၚိကမၠတ်စိ၊ ထပှ်အမာတ် ပိုၚ်ကၞာတ်ယုတ္တိ၊ သုညအာဒမၠိ သ္ၚိစရာဲဍုၚ်။

ကိုန်ဗြိုဟ်ဒယိုၚ်[ပလေဝ်ဒါန် | ပလေဝ်ဒါန် တမ်ကၞက်]

ဂတဟီုပ္ညုၚ် ကိုန်ဗြိုဟ်ဒယိုၚ်၊ ဇမၠိၚ်ဟတ်ဂိုၚ် ကဵုပိိပၟဝ်၊ ထပှ်ယိုက်စ ဆသၟေဟ်ဆတ္တဝ်၊ မွဲဟွံခိုဟ်ရ ၜါလာဘသွပ်၊ ဗြိုဟ််ပိဆတ္တဝ် ဗွဝ်ဒုက္ခ၊ ပန်ပြဲလောန်တုန် မသုန်ချိုတ်ရ၊ တရဴသုခိ သုည်ဝိနာသ၊ ဗြိုဟ်ဒယိုၚ်ရ ဟီုပၠလဝ်ရောၚ်။

ကိုန်ဒယိုၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

ဒယိုၚ်ဂၠေံဂှ် ဟီုတွံမွဲတောၚ်၊ ယဝ်ဂၠေံမွဲရောၚ် ယဲဂၠောၚ်ဥပါဒ်၊ ဂၠေံၜါဒှ်ဝါတ် ဂၠေံပိညာတ်ဂုဏ်၊ ဂၠေံပန်ခိုဟ်တန် ဂၠေံမသုန်လေဝ်၊ သီုတရဴဂှ် တုပ်သၟဟ်ဍိုက်ပေၚ်၊ ဟွံဂွံဒိုက်လေၚ် ဍိုက်ပေၚ်တဴရောၚ်။

ကိုန်ဗြိုဟ်ဗဝ်ဍုန်[ပလေဝ်ဒါန် | ပလေဝ်ဒါန် တမ်ကၞက်]

ဗြိုဟ်ပဝ်ဍုန်ဂၠောၚ် မွဲတောၚ်သၟိက်ဂွံ၊ ဒကုတ်ဒမံၚ် ပဒစာံစွံ၊ ပိတ်ဍေက်ထောံ မသုန််စွံကေတ်၊ ဂၠိုၚ်ပိုန်နာံသေတ် ဒှ်ကွေတ်အ္စာ။

ကိုန်ဗြိုဟ်တြၚ်[ပလေဝ်ဒါန် | ပလေဝ်ဒါန် တမ်ကၞက်]

ပိုဲဟီုလဝ်ဒိုဟ် ဗြိုဟ်တရၚ်ကၠာ၊ ပိစမဍ ဂွံဗြိုဟ်တရၚ်၊ မက္ဍၚ်အညာ၊ ပမိက်အာစာ တောဂုရု၊ ရပ်ဂတေက်ဂ၊ ဂၠါဲသ္ၚဳသတြု၊ ဗတံဒမၠု ရုရုပေက်အာ၊ ဗြိုဟ်တရၚ်သၟတ် ဒးသၞောတ်အာစာ ညးမၞုံပညာ ပြာကတ်လဝ်ရောၚ်။

ကိုန်ဒုဟ်ဂအာၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

ဒုဟ်ဂအာၚ်ဂှ် ဟီုတွံမွဲတောၚ်၊ သၟဝ်ကျာဨသာန် ဗမံက်ဍာန်ထောၚ်၊ ဌာန်ပိဝွံကၠာ သဝ်အာပြဲရောၚ်၊ သၠုၚ်ကျာပဠိုတ် ယဲချိုတ်ဟွံယောၚ်၊ ဗာယပ်အဂၞဲ ဒဒိုခ်မွဲတောၚ်၊ နေရတိသၟဟ် ဒှ်ကမၠတ်ဍောၚ်၊ သီုမသုန်ဒိုဟ် သဝ်ဟွံခိုဟ်ရောၚ်၊ ဂအာၚ်သ္ၚဳရံၚ် သတးညဴၚ်မုခ်ဖံ၊ ဂၠိုၚ်ယဿပတ် ရတ်မွဲကဵုကၠံ၊ စးကၞုဟ််ဍေံ ဒြပ်တံဒှ်လေၚ်၊ ညံၚ်ဂိတုပေၚ် ဂွံပူဇဴသၟိၚ်၊ ဂအာၚ်ဇဵုပၞောဟ် လယှ်တိၚ်တိၚ်၊ ညးဟီုပိုဲမိၚ် ဂအာၚ်စးချေံ၊ ယာံဒးမံၚ်ဍေံ တူပၟတ်ကွေံရ၊ ဂအာၚ်သ္ၚဳရံၚ် ဇိက်ညံၚ််တိဗ္ၚ၊ တုက်ဗရဲဍာ် သာ်ဝွံမၞးပ၊ အိုတ်ဒုဟ်သဗ္ဗ ဗၠးရဇၟာပ်တန်။

ကိုန်နၚ်ဒယိုၚ်[ပလေဝ်ဒါန် | ပလေဝ်ဒါန် တမ်ကၞက်]

                      * ကိုန်နၚ်ဒယိုၚ်သ္ၚိ ။
                         သမၠုၚ်ကျာ
                       မြေက္ကသဵု-ပုဟ်မာ်။
                           ၂၃ ၊ ၂၄
                           ၂၂ ၊ ၂၅
                           ၂၁ ၊ ၂၆
 ဗၟံက်          ၁၇ ၊ ၁၈ ၊ ၁၉ ၊ ၂၀ ၊ ၂၇ ၊ ၀ ၊ ၁ ၊ ၂ ၊ ပဠိုတ်
ဘဒ်-ဝှ်-ကထိုက်   ၁၆ ၊ ၁၅ ၊ ၁၄ ၊ ၁၃ ၊  ၆ ၊ ၅ ၊ ၄ ၊ ၃ ၊ ဖဝ်ရဂိုန်-စဲ-ပသာ်
                          ၊ ၁၂ ၊ ၇ ၊
                          ၊ ၁၁ ၊ ၈ ၊
                          ၊ ၁၀ ၊ ၈ ၊
                          ဇှ်ေ-အသာတ်-သွဏ်။
                             သၟဝ်ကျာ။                            


ဖဝ်ရဂိုန်စဲ ပသာ်ပြဲဖာ၊ က္ဍိုပ်ပဠိုတ်ရ ဗတဗုဗ္ဗာ၊ ဂၞဴသၟဝ်ကျာ ဒးစးသၠုၚ်ကျာထဲ၊ နၚ်ဒယိုၚ်ရ နူဒိုဟ်အဂၞဲ၊ ဇှ်ေအသာတ် ညောန်သဝဏ်မွဲတဲ၊ က္ဍိုပ််သၟဝ်ကျာ ဗ္တသမၠုၚ်ကျာ၊ ဂၞဴဗွဲဗမံက် စးဗွဲပဠိုတ်၊ နၚ်ဒယိုၚ်လေဝ် နူဒိိုဟ်နေရတိ၊ ဘတ်အသုတ်ကြိုက် ကထိုက််မံၚ်ကာန်၊ က္ဍိုပ်ဗွဲဗမံက်ရ ဗတပဠိုတ်၊ စးသၟဝ်ကျာ ဂၞဴသၠုၚ်ကျာသိုက်၊ နၚ်ဒယိုၚ်ရ နူဒိုဟ်ဗာယပ်၊ မြေက္ကသဵုပုဟ် မာ်လုဟ်မွဲသာ၊ က္ဍိုပ်သမၠုၚ်ကျာ ဗတသၟဝ်ကျာ၊ စးဗွဲဗၟံက် ဂၞဴဗွဲပဠိုတ်၊ နၚ်ဒယိုၚ်ရ နူဒိုဟ်ဨသာန်။

ကိုန်ဂိတုသိုၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

ဂိတုသိုၚ်သ္ၚိ ဟီုကဵုညိပၠန်၊ ပသာ်သဝဏ် ကထိုက်ညောန်အာ၊ ဖဝ်ရဂိုန်ပုဟ် ဒုဟ်ညိဟွံပါ၊ ဂိတုမသုန် နွံဂုန််ပြာထာ၊ သ္ဂောံသိုၚ်သ္ၚိကာန် ပိုန်ဟာန်သ္ဂောံမြာ၊ ဂိတုသၟေဟ်ဂှ် ဒုဟ််ဟေၚ်တွံအာ။

ကိုန်နာ်ဂေတ်[ပလေဝ်ဒါန် | ပလေဝ်ဒါန် တမ်ကၞက်]

က္ဍိုပ်နာ် ဂၞဴနာ် တွာ်ဗစာရဏာ၊ ဖဝ်ရဂိုဏ်စဲ ပသာ်ပြဲဖာ၊ က္ဍိုပ်ပဠိုတ်ရ ဗတပုဗ္ဗာ၊ ဂၞဴသၠုၚ်ကျာ စးသၟဝ်ကျာထဲ၊ နၚ်ဒယိုၚ်သ္ၚိရ နူဒိုဟ်အဂၞဲ၊ ဇှ်ေအသာတ်ညန် သဝဏ်မွဲတဲ၊ က္ဍိုပ်သၠုၚ်ကျာရ ဗတသၟဝ်ကျာပြဲ၊ စးပဠိုတ်သ္ကဲ ဂၞဴဗမံက်၊ နၚ်ဒယိုၚ်သံက် နူဒိုဟ်ဨသာန်၊ ဘတ်အသုတ်ကြိုတ် ကထိုက်မံက်ကာန်၊ က္ဍိုပ်ဗမံက်ဟာန် ဗတဌာန်ပဠိုတ်၊ ဂၞဴသၟဝ်ကျာဒး စးသၠုၚ်ကျာသိုတ်၊ နၚ်ဒယိုၚ်အိုတ် နူဒိုဟ်ဗာယပ်၊ မြေက္ကသဵုပုဟ် မာ်လုဟ်မွဲသာ၊ က္ဍိုပ်သၟဝ်ကျာရ ဗ္တသၠုၚ်ကျာ၊ ဂၞဴပဠိုတ်ဒး စးဗမံက်ဏာ၊ နၚ်ဒယိုၚ်ကၠာ နူဒိုဟ်နေရတိ၊ ယဝ်ညးမွဲစိ ဒှ်တ္ၚဲအဒိုတ်၊ ရပ်ကွဵုပဝိုတ် က္ဍိုပ်နာ်ပ္ဍဵုလဝ်၊ ဗုဒ္ဓဆတ္တဝ် ပ္ဍဵုလဝ်ဗတ၊ ဗြဴဗတိရ ခါဲပရိုက်ဂၞဴ၊ ခါဲက္ဍိုပ်ဗတ အိုတ်သ္ကန်ရအဴ၊ ခါဲဒးစးနာ် ဂၠိုၚ်သာ်ယဲတဴ၊ ဟိုတ်ဂှ်သဘဴ ဂၞဴနာ်ကဵုခါဲ၊ သ္ဂောံပိုန်စရာဲ ဂွံအာဲဗလ၊ တိဂွးပ္တိုန်ရ ဗတနာ်လဝ်၊ သာ်ဝွံပဒး ဗၠးဒုဟ်ဆတ္တဝ်၊ သၟိဟ်သက်သ္ဍဝ် သမ္တီလဝ်ဍေံ။

ကိုန်ဖျေံဒယိုၚ်[ပလေဝ်ဒါန် | ပလေဝ်ဒါန် တမ်ကၞက်]

ကာလဖျေံကတိုၚ် ဒယိုၚ်ဂှ်ကွေံ၊ ဒယိုၚ်ဂှ်မာ ခါဒတုံစှ်ေ၊ တၠသ္ၚိချိုတ် ကောန်စဴချိုတ်ကွေံ၊ ဟိုတ်ဂှ်ရ ဒယိုၚ်ပရိုၚ်ပတုံဖျေံ၊ ဒယိုၚ်ဂှ်ကွေံ ကဵုစှ်ေသာသာ၊ ဝွံ ဒှ်လမေတ်ကွေတ်ညးတမၠာ။

ကိုန်လွိၚ်ဒယိုၚ်[ပလေဝ်ဒါန် | ပလေဝ်ဒါန် တမ်ကၞက်]

ဒိုဟ်လဝိၚ်ဖျိုၚ် ဒယိုၚ်ဂှ်မှာ၊ ပိုဲဟီုကဵုစိ ပၚ်မှိၚ်ညိကၠာ၊ ဒိုဟ်ဗမံက်သွံ ဂွံလဝိၚ်ဏာ၊ ပြဲလောန်က္ဍၚ်သွံ ပိုန်ဘိုက်ဂွံမြာ၊ ဒိုဟ်အဂၞဲသၟတ် တူပၟတ်ကၠာ၊ နေရတိသၟတ် ကမၠတ်ဂွံဏာ၊ ဒိုဟ်သၟဝ်ကျာဟေၚ် ဒိုက်လေၚ်သေၚ်ဟာ၊ သၠုၚ်ကျာပဠိုတ် ခိုဟ်သတိုက်ပြဲဖာ၊ ဗာယပ်ဨသာန် ပိုန်ဟာန်သ္ဂောံမြာ၊ ဒိုဟ်လဝိၚ်ဟေၚ် ဒယိုၚ်သေၚ်ဟာ။

ကိုန်တ္ၚဲသိုၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

အဒိုတ်သိုၚ်သ္ၚိ သုခိလာဘာ၊ စန်ဒးဒိုခ်ကၠာ လာဘ်မြာဗွဲကြဴ၊ အၚာတူရ ဗုဒ္ဓဒိုခ်တဴ၊ ကၠာဒဒိုက်နှဴ ကြဴဂွံလာဘ်ပၠန်၊ ဂုရုလာဘ ကြဴသုခညောန်၊ တ္ၚဲသိုက်ဒိုက်ကၠာ ကြဴသုခါတန်၊ သ္ၚိသဝ်သိုၚ်သ္ၚိ မြိဒးဘဲဒဏ်၊ အ္စာဂကန် ဒုဟ်ပါဲခၠန်ညိ။

ဗီုဂွံရုဲစှ် ဒၞာဲတိဂအာၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲကဵုဒၞာဲဇကုသိုၚ်သ္ၚိဂှ် ဂြာတ်ပူဇဴဗကတုဲ နကဵုသမ်လောမ် ဂၠဟ်ခါဲကေတ်တိညိ၊ လ္ပကဵုပြးဒတုံစှ်ေတုဲ ကေဝ်ကေတ်လျိုၚ်ညိ။


ကလိဂွံလယိုၚ်မွဲဒကေဝ်မ္ဂး ဒှ်ဒဒိုက်ဂၠိၚ်သ္ၚောဲရ၊ ဂွံလယိုၚ်ၜါဒကေဝ်မ္ဂး ကလိဂွံပိုန်ဟာန်ဒြပ်ရတ် ပြေၚ်ဂၠဴဂၠိုၚ်ရ၊ ကလိဂွံလယိုၚ်ပိဒကေဝ် ပန်ဒကေဝ်မ္ဂး ဟွံခိုဟ်ရ၊ ကလိဂွံလယိုၚ်မသုန်ဒကေဝ်မ္ဂး ညးတၞဟ်သ္အာၚ် သ္ဍိုက်ဆာန်ဇကုဂၠိုၚ်ရ၊ ကလိဂွံလယိုၚ်တြဴဒကေဝ်မ္ဂး ဒြပ်ရတ်ထဝ်ဩန်ဂၠိုၚ်ရ၊ ကလိဂွံလယိုၚ်ထပှ်ဒကေဝ်မ္ဂး တိတ်တရဴဟွံဂွံ ဒးက္လေၚ်စဴသ္ၚိရ၊ ကလိဂွံလယိုၚ်ဒစာံဒကေဝ်မ္ဂး သ္ၚုဩောံ စိၚ်ချေံ ပြေၚ်ဂၠဴဂၠိုၚ်ရ၊ ကလိဂွံလယိုၚ်ဒစိတ်ဒကေဝ်မ္ဂး ချပ်ကသပ်အံၚ်ရ။


ကလိဂွံလယိုၚ်စှ်ဒကေဝ်မ္ဂး သၞသတြုဂၠိုၚ်ရ၊ ကလိဂွံလယိုၚ်စှ်မွဲဒကေဝ်မ္ဂး လမျီုဂၠေံရ၊ ကလိဂွံလယိုၚ်စှ်ၜါဒကေဝ်မ္ဂး ပိုန်ကျာ်ဩဳရာၚ်ဆာဲရ၊ ကလိဂွံလယိုၚ်စှ်ပန်ဒကေဝ်မ္ဂး ကလိဂွံစသိုၚ်အာဲကၟာဲတြေံရ၊ ကလိဂွံလယိုၚ်စှ်သုန်ဒကေဝ်မ္ဂး ညးဍုဟ်ဇကုဂၠိုၚ်ရ၊ ကလိဂွံလယိုၚ်စှ်တြဴဒကေဝ်မ္ဂး ဒြပ်ရတ်ထဝ်ဩန်ဂၠိုၚ်ရ၊ ကလိဂွံလယိုၚ်စှ်ထပှ်ဒကေဝ်မ္ဂး သ္ဂောံဒှ်မၞိဟ်အထောတ်ကၞောတ် မပြဲသၠုၚ်ရ . . . မိဂ္ဂး။

ကိုန်လက်သဏ်တိမၞုံဗၞတ်စှ်မွဲ[ပလေဝ်ဒါန် | ပလေဝ်ဒါန် တမ်ကၞက်]

တိသိုၚ်သ္ၚိ သွက်ဂွံပဒတဴ မၞုံစှ်မွဲသာ်ကွေံ ညးဍေံဂှ်ရော သန္ထာန်ဂၠိၚ် သန္ထာန်ပန်ကၠၚ် သန္ထာန်ခဍမ် သန္ထာန်ထး သန္ထာန်ဂိတု သန္ထာန်ဂၠုၚ် သန္ထာန်ဒဵုဂၠိၚ် သန္ထာန်ဖမ် သန္ထာန်စးအရုတ် သန္ထာန်သၠာကွဳ သန္ထာန်ဒဟောဝ်ရောၚ်။


ပၞောဝ်ကဵုသန္ထာန်တိဂမၠိုၚ်ဝွံ တိမၞုံကဵုအနာံ ဍောတ်ဇမၠိၚ်ဂၠိၚ်၊ တိမၞုံကဵုသန္ထာန်ပန်ကၠၚ်၊ တိမၞုံကဵုသန္ထာန်ထး၊ ဣဝွံ တိပိသာ် ပိပြကာ မမိက်ကဵုမွဲမွဲ၊ ရုဲစှ်ကေတ်တုဲ ယဝ်ရသိုၚ်သ္ၚိမ္ဂး ဂၠိုၚ်ကဵုပိုန်ဟာန်ကျာ်ဩဳ ရာၚ်ဆာဲကွေံရ၊ တိမၞုံကဵုသန္ထာန် ပွမသှ်ေတဴဒၟံၚ်ဝွံ လ္ပသိုၚ်စုတ်သ္ၚိအိုတ်ညိ ဝေၚ်ပါဲကၠေံအိုတ်ညိ။

ကိုန်ရုဲဂအာၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

ပထဝဳပုဏ္ဏဝဏ္ဏဉ္စ၊ ဟတ္ထိအဿဗဟူသိယာ။ သုဝဏ္ဏရဇတလာဘံ၊ ဗဟူဒါသော ဘဝိဿတိ။ ဘရိဝဏ္ဏ ဘဝရာဇာ၊ ဓနုဝဏ္ဏံ ဘူမိဟိတံ။ သိယာဟတ္ထိအဿဟိတံ၊ ဘူမိယဉ္စ မယူရောက။ ယက္ခဝဏ္ဏဓနုဝနာသံ ဘူမိဝဏ္ဏံ၊ ဝသေဓနဓညံ ဗဟူမာသိယာ။


ယြဴပူဂဵုမွဲ = ယဝ်ရပဒတဴ ပ္ဍဲဒၞါဲတိပပေၚ်သူမ္ဂး စိၚ်ချေံဂၠိုၚ်ရ၊ ကလိဂွံဒြပ်ရတ်ထဝ်ဩန် သီုကဵုဍိက်တြုံဍိက်ဗြဴဂၠိုၚ်ရ။


ယြဴပူဂဵုမွဲ = ယဝ်ရပဒတဴ ပ္ဍဲဂအာၚ်တိ ဒှ်ဒၟံၚ်ညံၚ်ရဴမုက်ဖမ်မ္ဂး သ္ဂောံဒှ်သၟိၚ်ရ၊ ယြဴပူဂဵုမွဲ အာၚ်တိမတုပ်ကေုာံဇဵုတ္ၚ ယဝ်ရဂွံပဒတဴမ္ဂး ကလိဂွံစိၚ်ချေံဂၠိုၚ်ရ၊ ယြဴပူဂဵုမွဲ တိမၞုံကဵုညံၚ်ရဴသာ် ဂစေမ်မြာ်ကီု၊ ဂအာၚ်တိညံၚ်ရဴသာ် သၞိၚ်လကိုဟ်ကီု၊ ယဝ်ရဂွံပဒတဴမ္ဂး ပိုန်ဟာန်ဒြပ်ရတ်ထဝ်ဩန် လာဲလေၚ်ရ၊ ပ္ဍဲဂအာၚ်တိ မၞုံကဵုညံၚ်ရဴသာ်ထဝ် ဂွံပဒတဴမ္ဂး ပိုန်ဟာန်ဒြပ်ရတ်ထဝ်ဩန် သ္ၚုဩောံဂၠိုၚ်ရ။


မယူရဘူမဉ္စဒါသဳ၊ ဣဿရောစ ရာဇာအသိ။ သဳဟောဓန ဝိနာသေန္တိ၊ ဂေါယက္ခေဝ ဝိဇာနေယျ။


ဂအာၚ်တိ မၞုံကဵုညံၚ်ရိဍုတ်ဂစေမ်မြာ် ဂွံပဒတဴမ္ဂး ကလိဂွံဍိက်ဗြဴကီု ဍေံမဂွံအလဵုအသဳ ညံၚ်ရဴသၟိၚ်လေဝ် ဂွံဒှ်ကီုရ၊ ဂအာၚ်တိမၞုံကဵုသာ် ညံၚ်ရဴဇာဒိသိုၚ် ဂွံပဒတဴမ္ဂး ပိုန်ဟာန်ဒြပ်ရတ်ထဝ်ဩန် လာဲလေၚ်ရ၊ ဂအာၚ်တိမၞုံကဵုညံၚ်ရဴသာ်ဂၞဴကီု ညံၚ်ရဴသာ်လကိုဟ်ကီု ဂွံပဒတဴမ္ဂး ပိုန်ဟာန်ဒြပ်ရတ်ထဝ်ဩန် လာဲလေၚ်ရ။

ကာလသိုၚ်သ္ၚိ ကိုန်ရုဲသၟူအမ်ရာဲတိ[ပလေဝ်ဒါန် | ပလေဝ်ဒါန် တမ်ကၞက်]

ကာလသိုၚ်သ္ၚိမ္ဂး သၟူအမ်မရာဲတိဂှ် စၟတ်ဂိုၚ်သမ္တီကေတ်ကၠာတုဲ ပွမ္ဒးသိုၚ်သ္ၚိရ၊ သာ်လဵုဂွံစၟတ်သမ္တီဂှ်ရော တိမခါဲပ္တိတ်နၚ်နူကတိုၚ်ဂှ် ပွမ္ဒးဆုၚ်ရ၊ ယဝ်ရဂွံသၟူ ညံၚ်ရဴသၟူချေံမ္ဂး မသုန်ဂိတု မသုန််သၞာံ ကလိဂွံချေံဗွဲမဂၠိုၚ်ရ၊ ယဝ်ရဂွံသၟူ ညံၚ်ရဴသၟူပြေၚ်မ္ဂး ပွိုၚ်စှ်ဂိတု စှ်ၜါဂိတု ကလိဂွံပြေၚ်ဗွဲမဂၠိုၚ်ရ၊ ယဝ်ရဂွံသၟူညံၚ်ရဴစိၚ်မ္ဂး ပ္ဍဲပွိုၚ်ပိဂိတု ကလိဂွံစိၚ်ရ၊ ယဝ်ရဂွံသၟူ ညံၚ်ရဴသၟူလှုဲဒရိုတ်မ္ဂး ပ္ဍဲဗၞတ်ပွိုၚ်စှ်သၞာံ ကလိဂွံဩန်လ္ၚီရ၊ ယဝ်ရဂွံသၟူ ညံၚ်သၟူဍာ်ပဠက်မ္ဂး ပ္ဍဲဗၞတ်ထပှ်သၞာံ ဂွံပတၠဒြပ်ရတ်ထဝ်ဩန်ရ၊ ယဝ်ရဂွံသၟူ ညံၚ်ရဴသၟူဩောံမ္ဂး ပ္ဍဲဗၞတ်ပွိုၚ်စှ်သၞာံ ဂွံပတၠဩောံဂၠိုၚ်ရ။


ယဝ်ရဂွံသၟူ ညံၚ််ရဴသၟူကၠဵုမ္ဂး ပ္ဍဲဗၞတ်ပွိုၚ်ထပှ်သၞာံ ပွမ္ဒးအာစိုပ်ဘဲဒဒိုက်ရ၊ ယဝ်ရဂွံသၟူ ညံၚ်ရဴသၟူဂစေံကၟာတ်မ္ဂး ပွမ္ဒးဆဵုဘဲရ၊ ယဝ်ရဂွံသၟူဖျးဒၟံၚ်မ္ဂး ပ္ဍဲဗၞတ်ပွိုၚ်စှ်သၞာံ တြုံတၠသ္ၚိ ဒးပကာဂစိုတ်ရ၊ ယဝ်ရဂွံသၟူယက်မ္ဂး ဗြဴသမ္ဘာပွမ္ဒးချိုတ်ရ၊ ယဝ်ရဂွံသၟူအမ်မ္ဂး ကောန််ဗြဴဒးပကာဂစိုတ်ရ၊ ယဝ်ရဂွံသၟူပၟတ်မ္ဂး ကောန်တြုံဒးချိုတ်ရ၊ ယဝ်ရဂွံသၟူလကိုဟ်မ္ဂး က္တဵုဒှ်ဘဲယဲဝေဒနာရ၊ ယဝ်ရဂွံသၟူကၠိက်မ္ဂး ဒးဆဵုဘဲၜုန်မြရ။


ယဝ်ရဂွံသၟူဗ္ၜေံမ္ဂး ဂွံပတၠဗ္ၜေံလ္ၚီရ၊ ယဝ်ရဂွံသၟူစာၚ်မ္ဂး ဂွံပတၠစာၚ်ဂၠိုၚ်ရ၊ စိုပ်ပ္ဍဲဒစာံသၞာံဂှ် သၟိၚ်တံဂြိုဟ်ပလီုရ၊ ယဝ်ရဂွံသၟူပ္ကဴ သ္ၚိတူမ္ဂး ဒးဒုၚ်ပူဇဴသၟိၚ်တံရ၊ သမ္ၚေဟ်သေဌဳလေဝ် သ္ဂောံဒှ်ရ၊ ယဝ်ရဂွံသၟူကၞိမ္ဂး ပွမ္ဒးက္တဵုဒှ်ယဲခါဲဒုတ်ရ၊ ယဝ်ရဂွံသၟူကလော်မ္ဂး စိုပ်ပ္ဍဲပွိုၚ်ထပှ်သၞာံ ဒးလာဲလေၚ်ရ။

ကာလခါဲကတိုၚ် ကိုန်ဒုဟ်ဖဵု ကလိဂွံဝတ္ထု[ပလေဝ်ဒါန် | ပလေဝ်ဒါန် တမ်ကၞက်]

သွက်ဂွံသိုၚ်သ္ၚိ ဃောခါဲဒၟံၚ်ကတိုၚ်ဂှ် ယဝ်ရကလိဂွံဝတ္ထု မမိက်ကဵုမွဲမွဲ ညံၚ်ရဴသာ်ဆီမ္ဂး ပွမ္ဒးချိုတ်လာဲလေၚ်ရ၊ ယဝ်ရကလိဂွံနော်ယံက်မ္ဂး သ္ဂောံဍိုက်ပေၚ်ကဵု ပိုန်ဟာန််ဒြပ်ရတ်ထဝ်ဩန်ရ၊ ယဝ်ရကလိဂွံချးမ္ဂး ဗြဴသမ္ဘာဒးချိုတ်ရ၊ ယဝ်ရကလိဂွံတၟံမ္ဂး သ္ဂောံပဒတဴအာကဵုကဠောဝံသ ဗွဲအဓါန််မဂၠိၚ်သ္ၚောဲရ၊ ယဝ်ရကလိဂွံနၚ်ထၟာဲမ္ဂး ဒးပြးဆာဲသာဲခြာကဵု ကဠောဝံသဂမၠိုၚ်ရ၊ ယဝ်ကလိဂွံဒရိုတ်မ္ဂး ကောန်တြုံဒးချိုတ်ရ။


  • ညံၚ်ရဴသ္ဂောံဗၠးအန္တရာဲဂှ် သာ်လဵုသ္ဂောံပရော . . . ။


ဍာ်ရတ်ထပှ်သာ် သတ်ဆုဂကူနာနာသာ် သီုကဵုဖျုန််၊ က၊ သ္ဂောံပူဇဴမ္ဂး အန္တရာဲအိုဿီု ပွမ္ဒးလာဲလေၚ်ရ၊ ကာလခါဲကတိုၚ် သွက်သ္ၚိကလော်မ္ဂး မူက္ဍိုက််သတိက်စတုဲ ခါဲညိ။


ယဝ်ခါဲကတိုၚ် သွက်ဂွံသိုၚ်သ္ၚိသၟိၚ်မ္ဂး စန်ချောဲတုဲခါဲညိ၊ ယဝ်ရခါဲကတိုၚ် သွက်သ္ၚိအမာတ်မ္ဂး ဟာပါၚ်တုဲ ခါဲညိ၊ ယဝ်ရသိုၚ်ဘာမ္ဂး ဗၞတ်ဒယိုဟ်ထပှ်ဟတ် ခါဲညိ၊ ယဝ်ရသိုၚ်သ္ၚိဗမၞးမ္ဂး စဵုစိုပ်ဂၞိၚ်ခါဲညိ၊ ယဝ်ရခါဲကတိုၚ် သွက်သ္ၚိညးဂမၠိုၚ်မ္ဂး မွဲဟတ်ကဵုပန်ၝောံတဲ ခါဲတဴဗွဲဗၞဳအဝန်မညဳသာမ္ဂး မုက်မတ်သ္ဂောံရာၚ်ဆာဲရ၊ ယဝ်ရခါဲဒယိုဟ်ပိဟတ်မ္ဂး သ္ဂောံပတၠပိုန်ဟာန်ဒြပ်ရတ်ရ၊ ဒယိုဟ်ပန်ဟတ်မ္ဂး ပွမ္ဒးက္တဵုဒှ်ယဲ ဘဲဝေဒနာရ၊ ဃောခါဲဒၟံၚ်ဂှ် ယဝ်ရကတိုၚ်လာ်စှ်ေမ္ဂး ပွမ္ဒးကၠောဝ်ဗျဵုတဟၚ်ရ။


ခါဲကတိုၚ်ဖျေံဒယိုၚ်တုဲ ကာလတိုပ်တိ ဗဝ်တိဂှ် ဗက်ကဵုအခိၚ် ကာလဂိတုသိုၚ်သ္ၚိတုဲ တိုပ်တိဗဝ်တိအိုတ်ညိ၊


  • ယဝ်ရသိုၚ်သ္ၚိ ဂိတုမာ် ဖဝ်ရဂိုန် စဲမ္ဂး သၟိၚ်အိန်ပဒတဴဒၟံၚ်ပ္ဍဲဂၠုၚ်တုဲ ပဒတဴလ္ပါ်ဒိုဟ်ပဠိုတ်တုဲ ဂတးဏာမုက်လ္ပါ်ဒိုဟ်ဗၟံက်တုဲ တိုပ်တိိဗဝ်တိညိ။


  • ယဝ်ရသိုၚ်သ္ၚိ ဂိတုပသာ် ဇှ်ေ ဒဂိုန်မ္ဂး သၟိၚ်အိန်ပဒတဴဒၟံၚ်ပ္ဍဲပၟတ်တုဲ ပဒတဴလ္ပါ်ဒိုဟ်သၟဝ်ကျာ ဂတးဏာမုက်လ္ပါ်ဒိုဟ်သၠုၚ်ကျာတုဲ တိုပ်တိိဗဝ်တိညိ။


  • ယဝ်ရသိုၚ်သ္ၚိ ဂိတုခ္ဍဲသဳ ဘတ် ဝှ်မ္ဂး သၟိၚ်အိန်ပဒတဴဒၟံၚ်ပ္ဍဲဂၠးတိဇၞော်တုဲ ပဒတဴလ္ပါ်ဒိုဟ်ဗၟံက်တုဲ ဂတစွံဏာမုက်လ္ပါ်ဒိုဟ်ပဠိုတ်တေံတုဲ တိုပ်တိိဗဝ်တိညိ။


  • ယဝ်ရသိုၚ်သ္ၚိ ဂိတုကထိုန် မြေက္ကသဵု ပုဟ်မ္ဂး သၟိၚ်အိန်ပဒတဴဒၟံၚ်ပ္ဍဲဟၚ်စာတ်တုဲ ပဒတဴလ္ပါ်ဒိုဟ်သၠုၚ်ကျာတုဲ စွံဂတဏာမုက်လ္ပါ်ဒိုဟ်သၟဝ်ကျာတေံတုဲ တိုပ်တိိဗဝ်တိညိ။

ကိုန်လၟေၚ်တ္ၚဲမသိုၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

(၁) သိုၚ်သ္ၚိတ္ၚဲအဒိုတ်မ္ဂး ပ္ဍဲဒယိုၚ်ကလော် သၟဝ်ရတ်ဗၞတ်မွဲစ္ဍ ယဝ်ရနွံကဵုမတ်လှာၚ်အုဲဒၟံၚ်ရောၚ် ယဝ်သဒှ်ဝေၚ်ပါဲကၠေံညိ၊ ယဝ်ရဟွံဝေၚ်ပါဲထောံကၠေံမ္ဂး ဒယိုၚ်ကလော်ဝွံ လှာဲဂတးကဵုဒယိုၚ်နွံဒၟံၚ် ဗွဲဒိုဟ်ဨသာန်တေံညိ၊ သ္ဂောံဍိုက်ပေၚ်ကဵုပိုန်ဟာန်ဒြပ်ရတ်ရောၚ်။


(၂) တ္ၚဲစန်သိုၚ်သ္ၚိမ္ဂး ဒယိုၚ်သွက်ဂွံပဒတဴ ဗွဲဒိုဟ်ဨသာန်သၟဝ်ရတ်ညိ၊ ယဝ်ရမတ်နွံမံၚ်ရောၚ်ယဝ်သဒှ် ဝေၚ်ပါဲထောံကၠေံညိ၊ ယဝ်ရဟွံဝေၚ်ပါဲထောံကၠေံမ္ဂး ဒယိုၚ်တၞဟ်သ္အာၚ် မမိက်ကဵုမွဲမွဲတၞုၚ် ယဝ်ရဂွံပြံၚ်လှာဲ ဂတးထောံကၠေံမ္ဂး ကလိဂွံလာဘ်ဍိိက်ပြေၚ်ဂၠဴဂၠိုၚ်ရောၚ်။


(၃) တ္ၚဲအၚာသိုၚ်သ္ၚိမ္ဂး ဒယိုၚ်အဒေါဝ်သၟဝ်ကျာ ယဝ်အုဲလှာၚ်နွံကဵုသီုကြုတ်ကီု၊ ပ္ဍဲလ္တူရတ်ညိပၠန် ယဝ်ရနွံကဵုပထောၚ် သွက်စၟခမောတ်မွဲ လုပ်ဂွံမ္ဂး ပြံၚ်လှာဲထောံကဵု ဒယိုၚ်တၞဟ်သ္အာၚ်ညိ။


(၄) ဗုဒ္ဓဝါသိုၚ်သ္ၚိမ္ဂး ဒယိုၚ်ဗွဲဒိုဟ်ဨသာန် နူကဵုတမ်ဒယိုၚ် ဟတ်တိုန်အာ ကလိဂွံမွဲဟတ်ကဵုဗၞတ်မွဲစ္ဍ ယဝ်ရနွံကဵုမတ်လှာၚ်ထောၚ်မ္ဂး ပြံၚ်လှာဲထောံညိ၊ ပြံၚ်လှာဲဂတးကဵု ဒယိုၚ်သွက်ဂွံလတဴ ဗွဲဒိုဟ်အဂၞဲတေံညိ၊ ယဝ်ရဟွံပြံၚ်လှာဲဂတးကၠေံမ္ဂး မပ္တံကဵုကောန်ဇာတ် မ္ဒးအာစိုပ်လလေၚ်ဖဵုရောၚ်။


(၅) တ္ၚဲဗြဴဗတိသိုၚ်သ္ၚိမ္ဂး ဒယိုၚ်လ္ပာ်ဒိုဟ်ဗာယပ် သၟဝ်ရတ် ယဝ်ရနွံကဵုပထောၚ်အုဲဒၟံၚ်ရောၚ် ယဝ်သဒှ် ဝေၚ်ပါဲထောံကၠေံညိ၊ ယဝ်ရသၟိက် ဟွံဝေၚ်ပါဲထောံကၠေံမ္ဂး ပြံၚ်လှာဲဂတးကဵုဒယိုၚ်လဒေါဝ် လ္ပာ်သၟဝ်ကျာတေံညိ၊ ဂၠိုၚ်ကဵုတွဳဝါရ ကလိဂွံရ၊ ဒယှ်ပြာကတ်တဴကွေံရ။


(၆) တ္ၚဲသိုက်သိုၚ်သ္ၚိမ္ဂး ပ္ဍဲက္ဍိုပ်ဒယိုၚ်စိၚ်လဒေါဝ် မၞုံကဵုပထောၚ်အုဲဒၟံၚ်ရောၚ် ယဝ်သဒှ် ပြံၚ်လှာဲကဵုဒယိုၚ် သွက်ဂွံပတဴလ္ပါ်ဒိုဟ်နေရတိတေံညိ၊ ယဝ်ဟွံပြံၚ်လှာဲမ္ဂး ပွမ္ဒးက္တဵုဒှ်ယဲဘဲဝေဒနာရ၊ ယဝ်ပြံၚ်လှာဲဂတးထောံကၠေံမ္ဂး ကယျိုၚ်ကယျဝ်မပြဲဂှ် ကလိဂွံရောၚ်။


(၇) တ္ၚဲသ္ၚိသဝ်သိုၚ်သ္ၚိမ္ဂး ဒယိုၚ်လ္ပါ်ဒိုဟ်နေရတိ နူတံစ္ဍတိုန်အာ ကလိဂွံမွဲစ္ဍတုဲ ယဝ်ရနွံဒၟံၚ်ကဵုမတ် ပၞောတ်ပထောၚ်ရောၚ် ယဝ်သဒှ် ဝေၚ်ပါဲထောံကၠေံညိ၊ ပြံၚ်လှာဲဂတးကဵုဒယိုၚ် လ္ပါ်ဒိုဟ်ဨသာန်တေံညိ၊ ယဝ်ဟွံပြံၚ်လှာဲဂတးကၠေံမ္ဂး ညးမဇၞော်ပ္ဍဲသ္ၚိဂှ် ပွမ္ဒးဆဵုဘဲအန္တရာဲရ၊ ယဝ်ရပြံၚ်လှာဲဂတးကၠေံမ္ဂး ကလိဂွံလာဘ် ပြေၚ်ဂၠဴဍိက်ရောၚ်။

ကိုန်မၞိဟ်ရပ်ဇုက် သွက်ဂွံဖျေံရိုဟ်ကၞက်ဂအာၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

  • သွက်မၞိဟ်တ္ၚဲအဒိုတ်

(၁) မၞိဟ်တ္ၚဲအဒိုတ် ယဝ်ရသိုၚ်သ္ၚိမ္ဂး မၞိဟ်တ္ၚဲဗြဴဗတိကဵုတ္ၚဲသိုက်ဂှ် ကဵုရပ်ဇုက်ပၞောန်ညိ၊ မၞိဟ်တ္ၚဲသ္ၚိသဝ် ကဵုတက်တိုၚ်ကၞက်မ္ဂး ကလိဂွံပိုန်ဟာန်ဒြပ်ဂၠိိုၚ်ရ၊ အာယုက်ဂၠိၚ်ရ၊ စဵုကဵုစိိုပ်ကောန်စဴ ကောန်စေက် သ္ဂောံခိုဟ်စရ၊ မၞိဟ်တ္ၚဲအၚာကဵုမၞိဟ်တ္ၚဲဗုဒ္ဓဝါ ကဵုရပ်ဇုက်ပၞောန်တုဲ မၞိဟ်တ္ၚဲစန် ယဝ်ရကဵုတက်တိုၚ်ကၞက်မ္ဂး ဂၠိုၚ်ကဵုယဲဘဲဝေဒနာရ၊ ပိုန်ဟာန်ဒြပ်ရတ်ထဝ်ဩန် မွဲဟာန်ကေုာံစိၚ်ချေံ ပြေၚ်ဂၠဴ၊ဍိက်သ္ကံ မ္ဒးလီုလာ်ရောၚ်။


  • သွက်မၞိဟ်တ္ၚဲစန်

(၂) မၞိဟ်တ္ၚဲစန် ယဝ်ရသိုၚ်သ္ၚိမ္ဂး ကာလၜတ်ဗၞတ်ဂအာၚ်သ္ၚိဂှ် မၞိဟ်တ္ၚဲသိုက်ကဵုမၞိဟ်တ္ၚဲသ္ၚိသဝ် ကဵုရပ်ဇုက်ပၞောန်ညိ၊ မၞိဟ်တ္ၚဲအဒိုတ်ဂှ် ကဵုတက်တိုၚ်ကၞက်မ္ဂး ကလိဂွံပိုန်ဟာန် ဒြပ်ရတ်ထဝ်ဩန်ဂၠိိုၚ်ရ၊ အာယုက်ဂၠိၚ်ရ၊ မၞိဟ်တ္ၚဲဗုဒ္ဓဝါကဵုမၞိဟ်တ္ၚဲဗြဴဗတိ ကဵုရပ်ဇုက်ပၞောန်တုဲ မၞိဟ်တ္ၚဲအၚာဂှ် ယဝ်ရကဵုတက်တိုၚ်ကၞက်မ္ဂး မ္ဒးစိုပ်လလေၚ်ဖဵုရောၚ်။


  • သွက်မၞိဟ်တ္ၚဲအၚာ

(၃) မၞိဟ်တ္ၚဲအၚာ ယဝ်ရသိုၚ်သ္ၚိမ္ဂး ကာလၜတ်ဗၞတ်ဂအာၚ်သ္ၚိဂှ် မၞိဟ်တ္ၚဲသ္ၚိသဝ်ကဵုမၞိဟ်တ္ၚဲအဒိုတ် ကဵုတံၚ်ရပ်ဇုက်ပၞောန်ညိ၊ မၞိဟ်တ္ၚဲဗုဒ္ဓဝါဂှ် ကဵုတက်တိုၚ်ကၞက်မ္ဂး ကလိဂွံပိုန်ဟာန်ဒြပ်ရတဗွဲမဂၠိိုၚ်ရ၊ အာယုက်လေဝ်ဂၠိၚ်ရ၊ မၞိဟ်တ္ၚဲဗြဴဗတိကဵုမၞိဟ်တ္ၚဲသိုက် ကဵုတံၚ်ရပ်ဇုက်ပၞောန်တုဲ မၞိဟ်တ္ၚဲဗြဴဗတိဂှ် ယဝ်ရကဵုတက်တိုၚ်ကၞက်မ္ဂး မ္ဒးဒှ်လလေၚ်ဖဵုရောၚ်။


  • သွက်မၞိဟ်တ္ၚဲဗုဒ္ဓဝါ

(၄) မၞိဟ်တ္ၚဲဗုဒ္ဓဝါ ယဝ်ရသိုၚ်သ္ၚိမ္ဂး ကာလၜတ်ဗၞတ်ဂအာၚ်သ္ၚိဂှ် မၞိဟ်တ္ၚဲအဒိုတ်ကဵုမၞိဟ်တ္ၚဲစန် ကဵုရပ်ဇုက်ပၞောန်ညိ မၞိဟ်တ္ၚဲအၚာဂှ် ကဵုတက်တိုၚ်ကၞက်မ္ဂး သ္ဂောံခိုဟ်စရ၊ သ္ဂောံဍိုက်ပေၚ်ကဵု ပိုန်ဟာန်ဒြပ်ရတ်ထဝ်ဩန်ရ၊ မၞိဟ်တ္ၚဲသိုက်ကဵုမၞိဟ်တ္ၚဲသ္ၚိသဝ် ကဵုတံၚ်ရပ်ဇုက်ပၞောန်တုဲ မၞိဟ်တ္ၚဲဗြဴဗတိဂှ် ယဝ်ရကဵုတက်တိုၚ်ကၞက်မ္ဂး မ္ဒးစိုပ်လလေၚ်ဖဵုရောၚ်။


  • သွက်မၞိဟ်တ္ၚဲဗြဴဗတိ

(၅) မၞိဟ်တ္ၚဲဗြဴဗတိ ယဝ်ရသိုၚ်သ္ၚိမ္ဂး ကာလၜတ်ဗၞတ်ဂအာၚ်သ္ၚိဂှ် မၞိဟ်တ္ၚဲစန်ကဵုမၞိဟ်တ္ၚဲအၚာ ကဵုတံၚ်ရပ်ဇုက်ပၞောန်ညိ၊ မၞိဟ်တ္ၚဲဗုဒ္ဓဝါဂှ် ကဵုတက်တိုၚ်ကၞက်ညိ၊ သ္ဂောံသိုက်လှိၚ်တဴ ပ္ဍဲသၞိၚ်ကျာ်ဩဳ ဂၠိုၚ်ကဵုပိုန်ဟာန်ဒြပ်ရတ် ကလိဂွံရ၊ မၞိဟ်တ္ၚဲအဒိုတ် ကဵုတံၚ်ရပ်ဇုက်ပၞောန်တုဲ မၞိဟ်သိုက်ဂှ် ယဝ်ရကဵုတက်တိုၚ်ကၞက်မ္ဂး မ္ဒးအာစိုပ်လလေၚ်ဖဵုရောၚ်။


  • သွက်မၞိဟ်တ္ၚဲသိုက်

(၆) မၞိဟ်တ္ၚဲသိုက် ယဝ်ရသၟိက်သိုၚ်သ္ၚိမ္ဂး ကာလၜတ်ဗၞတ်ဂအာၚ်သ္ၚိဂှ် မၞိဟ်တ္ၚဲအၚာကဵုမၞိဟ်တ္ၚဲဗုဒ္ဓဝါ ကဵုတံၚ်ရပ်ဇုက်ပၞောန်ညိ၊ မၞိဟ်တ္ၚဲဗြဴဗတိဂှ် ကဵုတက်တိုၚ်ကၞက်မ္ဂး စဵုကဵုစိုပ်မသ ထပှ်ဒတောဝ် သ္ဂောံသိုက်လှိၚ်တဴ ပ္ဍဲသၞိၚ်ကျာ်ဩဳရ၊ မၞိဟ်တ္ၚဲအဒိုတ်ကဵုမၞိဟ်တ္ၚဲစန် ကဵုတံၚ်ရပ်ဇုက်ပၞောန်တုဲ မၞိဟ်တ္ၚဲသ္ၚိသဝ်ဂှ် ယဝ်ရကဵုတက်တိုၚ်ကၞက်မ္ဂး မ္ဒးအာစိုပ်လလေၚ်ဖဵုရောၚ်။


  • သွက်မၞိဟ်တ္ၚဲသ္ၚိသဝ်


(၇) မၞိဟ်တ္ၚဲသ္ၚိသဝ် ယဝ်ရသၟိက်သိုၚ်သ္ၚိမ္ဂး ကာလၜတ်ဗၞတ်ဂအာၚ်သ္ၚိဂှ် မၞိဟ်တ္ၚဲဗုဒ္ဓဝါကဵုတ္ၚဲဗြဴဗတိ ကဵုတံၚ်ရပ်ဇုက်ပၞောန်ညိ၊ မၞိဟ်တ္ၚဲသိုက်ဂှ် ယဝ်ရကဵုတက်တိုၚ်ကၞက်မ္ဂး သ္ဂောံခိုဟ်စဗွဲမလောန်ရ၊ မၞိဟ်တ္ၚဲစန်ကဵုမၞိဟ်တ္ၚဲအၚာ ကဵုတံၚ်ရပ်ဇုက်ပၞောန်တုဲ မၞိဟ်တ္ၚဲအဒိုတ်ဂှ် ယဝ်ရကဵုတက်တိုၚ်ကၞက်မ္ဂး မ္ဒးအာစိုပ်လလေၚ်ဖဵုရောၚ်ဂှ် ဂပ်ဝ်သမ္တီလဝ်အိုတ်ညိ။


ခါဲကတိုၚ်တုဲ ကၠာဟွံဂွံဖျေံဒယိုၚ်သ္ၚိဏီ၊ ညံၚ်ရဴအန္တရာဲအိုဿီု သ္ဂောံလာဲလေၚ်အာဂှ် . . . ။


ဗုဒ္ဓ ဓမ္မ သံဃေနစ၊ သဗ္ဗဒေဝါနံ တေဇေန။ သဗ္ဗဝေရ မတိက္ကန္တော၊ နိဗ္ဗူတောစ မမဘဝ။ ဘဝတုသဗ္ဗမၚ်္ဂလံ၊ ရက္ခန္တု သဗ္ဗဒေဝတာ။ သဗ္ဗဝေရံ ဇယောဟောတု၊ ဇယဿု ဇယမၚ်္ဂလေ။

ဂါထာမြဴသာ်ဝွံ ဖဍောတ်မန်နကဵုဍာ် ထပှ်လတုန်တုဲ ဃောကိုဟ်စဝ်ဖျေံပ္ဍဲကတိုၚ်ဂှ်(တေံမၞိဟ်မွဲပၠန် အတိုၚ်မရာဒၞာမိက် ကဵုသ္ဂောံဍိုက်ပေၚ်ညိ) ရဴသာ်ဝွံ ဟီုတဴညိ။

သၠဆုပ္ကဴသွက်ဂွံကွက်ဒယိုၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

ကာလသိုၚ်သ္ၚိမ္ဂး ဇၟာပ်ပ်သၠဆုပ္ကဴတံဂှ် လ္ပကွက်စုတ်ပ္ဍဲဒယိုၚ်သ္ၚိညိ၊ သၠဆုပ္ကဴဟီုဂတဝွံ ယဝ်ရကွက်စုတ်ပ္ဍဲဒယိုၚ်သ္ၚိမ္ဂး သဗ္ဗအန္တရာဲလာဲလေၚ်တုဲ ဂွံသိုက်လှိၚ်ဒၟံၚ် ပ္ဍဲသၞိၚ်ကျာ်ဩဳဗွဲတသိုက်ရောၚ်။ ။ ယဝ်ရကွက်ဒးသၠပ္ကဴခိုဟ်မ္ဂး ယဲဘဲက္တဵုဒှ်အောန်ရ၊ ကွက်ဒးသၠပ္ကဴဗပုၚ်မ္ဂး သ္ဂောံဇၞးတဴသတြုအိုဿီုရ၊ ကွက်ဒးသၠထၞာဲဍုၚ်မ္ဂး ထဝ်ဩန်ဂၠိုၚ်ရ၊ ကွက်ဒးသၠကြေၚ််မ္ဂး ကောန်စဴစေက်ဂၠိုၚ်ရ၊ သ္ဂောံဒုၚ်ပူဇဴညးရ၊ ကွက်ဒးသၠကြုက်မ္ဂး သ္ဂောံသိုက်လှိၚ်ပ္ဍဲသၞိၚ်တသိိုက် အတိုၚ်ပၟိက်စိုတ်ရ၊ ကွက်ဒးသၠဝိဍာ်မ္ဂး သ္ဂောံပတၠတိရ၊ ကွက်ဒးသၠဝိဒဵုမ္ဂး ဂွံဇၞးအမှုရ၊ ကွက်ဒးသၠၚာန်ၚုဲမ္ဂး ယဲအောန်တုဲ အာယုက်ဂၠိၚ်ရောၚ်။


  • ဃောသိုၚ်သ္ၚိ ဗီုဆဵုနိမိတ်တုန်။
  • ဃောသိုၚ်သ္ၚိတၟိဂှ် . . .


(၁) ပ္ဍဲတ္ၚဲအဒိုတ် အခိၚ်သ္ဂာတ္ၚဲ ယဝ်ရဂွံမိၚ်ဗရု ကၚ်ခၞိၚ်ကၞုသၚ်မ္ဂး ညးပသၞသတြုကဵုဇကုဂၠိုၚ်ရ၊ ဒြပ်ရတ်ထဝ်ဩန်ပြေၚ်ဂၠဴလေဝ် ကလိဂွံရ။


(၂) သိုၚ်သ္ၚိတ္ၚဲစန် စိုပ်အခိၚ်သဝ်တ္ၚဲ ဂၠဴလုပ်ရုၚ် ယဝ်မိၚ်ရမျာၚ်ညးဒယှ်ေကၠုၚ်ဒွက်မ္ဂး သ္ၚုဩောံဍိက်ပြေၚ်ဂၠဴဂၠိုၚ်ရ။


(၃) သိုၚ်သ္ၚိတ္ၚဲအၚာ ယဝ်မိၚ်ဗရုဖမ်မ္ဂး သ္ဂောံရာၚ်ဆာဲရ။


(၄) သိုၚ်သ္ၚိတ္ၚဲဗုဒ္ဓဝါမ္ဂး အခိၚ်သ္ဂာတ္ၚဲ ယဝ်ဂွံမိၚ်ဗရုကၚ်ခၞိၚ်ရမျာၚ်ကၞုသၚ်မ္ဂး ဒြပ်ရတ်ထဝ်ဩန််ဍိက်ပြေၚ််ဂၠဴဂၠိုၚ်ရ။


(၅) သိုၚ်သ္ၚိတ္ၚဲဗြဴဗတိ ယဝ်ရမိၚ်ရမျာၚ်ညးတက်ကၠုၚ်ဗာတ်ကီု၊ ညးဒဂိုဟ်ကၠုၚ်ကၞသၚ်ကီုမ္ဂး ကလိဂွံဍိက်သ္ကံဂၠိုၚ်ရ၊ အာယုက်ဂၠိၚ်ရ။


(၆) သိုၚ်သ္ၚိတ္ၚဲသိုက် ပ္ဍဲအခိၚ်တ္ၚဲယိုက်မုက် ယဝ်ရမိၚ်ရမျာၚ်ညးဒဂိုဟ်ကၠုၚ် ကလောတ်ခၞဲခရာမ္ဂး သ္ဂောံဒှ်သေဌဳရ၊ အာယုက်ဂၠိၚ်ရ။


(၇) သိုၚ်သ္ၚိတ္ၚဲသ္ၚိသဝ် ပ္ဍဲအခိၚ်ဗ္တံပထမပယျာံ ယဝ်ရမိၚ်ရမျာၚ်ညးတွံဓရ်ကီု မိၚ်ရမျာၚ်ညးဒဂိုဟ်ကၠုၚ်ကလောတ်ခၞဲကီု၊ ညးတိၚ်တိုက်ကၠုၚ်စံၚ်ဂြဝ်ကီုမ္ဂး ကလိဂွံကောန်စဴစေက်ဂၠိုၚ်၊ အာယုက်ဂၠိၚ်ရ။

ကိုန်ဆုဒယိုၚ်သိုၚ်သ္ၚိဟွံခိုဟ်[ပလေဝ်ဒါန် | ပလေဝ်ဒါန် တမ်ကၞက်]

ဆုဒယိုၚ်သိုၚ်သ္ၚိဟွံခိုဟ်မ္ဂးဂှ်တုန် ဆုဍိုက်ဇွ၊ ဆုချိုတ်ဍိုက်ၜက်၊ ဆုကၠောံကြုၚ်၊ ဆုဇုက်ဂြဲ၊ ဆုလကိုဟ်၊ ဆုကၞုဲ၊ ဆုခမၞုဲတံ မဒှ်ရောၚ်။


  • ဆုဍိုက်ဇွမ္ဂးဂှ် သာ်လဵုရော ဇကုရေက်ဗာ်ဗဒေါမ်ဖျေံဏာ တၞုၚ်ဍေံယဝ်ရခက်ၜက်ဒၟံၚ် ပ္ဍဲလတူဂဂဵုဆုတၞဟ်သ္အာၚ်မ္ဂး ဆုဍိုက်ဇွ ညးမကော်ခဴရောၚ်။


  • ဆုချိုတ်ဍိုက်ၜက်မ္ဂး သာ်လဵုရော တမ်ပိုတ်သ္ကုတ်အာတုဲ ကၞောတ်ကၞာၚ်ခက်ဒၟံၚ်ဂှ် ဆုချိုတ်ဍိုက်ၜက်မ္ဂးယၟုရောၚ်။


  • ဆုကၠောံကြုၚ်မ္ဂးဂှ် သာ်လဵုရော ဇကုဗာ်ကုတ်ဗဒေါမ်ဖျေံဏာ ၜက်ကၠောံအာကြုၚ်လ္ပါ်တေံ လၞၚ်တဴဒၟံၚ်ဂှ် ဆုကၠောံကြုၚ်မ္ဂးယၟုရောၚ်။


  • ဆုဇုက်ဂြဲမ္ဂးဂှ် ဆုနာ်မဒှ်ရောၚ်။


  • ဆုလကိုဟ်မ္ဂးဂှ် တမ်ဍောတ်ကၞောတ်ဇၞော်မ္ဂး ဆုလကိုဟ်မ္ဂးယၟုရ။


  • ဆုကၞုဲမ္ဂးဂှ် တမ်ပိုတ်သ္ကုတ်အာတုဲ ဒေါမ်အာစဵုကဵုစိုပ် ဒၞာဲမသ္ၚောဲလောအာဂှ် ဆုကၞုဲမ္ဂးယၟုရောၚ်။


  • ဆုခမၞုဲမ္ဂးဂှ် တမ်ဇၞော် ဒေါဝ်ဇၞော် ကၞောတ်ဇၞော်ဂှ် ဆုခမၞုဲမ္ဂးယၟုရောၚ်။

စၞောန်ထ္ၜးကိုန်တ္ၚဲသွက်ဂွံသိုၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

မူဆမူလံဘဝေနာရဳ၊ စတူလမဇ္ၛေနပုံသကံ။ မူလဂ္ဂယော ပုရိသဿ၊ ယက္ခိနော မူလအဂ္ဂယော။


၁။ ဆုတမ်ဇၞော် ကၞုၚ်ထၞောတ်ဂှ် ဆုမၞိဟ်ဗြဴမ္ဂးယၟုရ။


၂။ ဆုဒေါဝ်ဇၞော်ဂှ် ဆုခမၞုဲမ္ဂးယၟုရ။


၃။ ဆုတမ်ကဵုကၞောတ် ဇၞော်ညဳသာဒၟံၚ်ဂှ် ဆုမၞိဟ်တြုံမ္ဂးယၟုရ။


၄။ ဆုတမ်ကဵုကၞောတ် ဇၞော်တဴဂှ် ဆုလကိုဟ်မ္ဂးယၟုရ။


  • (ပၞောဝ်ကဵုဆုပန်သာ်ဂှ် ဆုမၞိဟ်ဗြဴကဵု-ဆုမၞိဟ်တြုံၜါပြကာ ရုဲစှ်ကေတ်တုဲ သိုၚ်ခၞံညိ)


နာရဳသု သုခိတလာဘံ၊ ပုရိသေ ဝိဇယောသဒါ။ နပုံသကမ္ပိဒုက္ခိတံ၊ ယက္ခိနော မရဏံဘဝေ။


  • ယဝ်ရဂွံပဒတဴအာပ္ဍဲသ္ၚိ မၞုံကဵုဒယိုၚ်မၞိဟ်ဗြဴမ္ဂး ကလိဂွံလာဘ်ယဿပတ် ဇၞော်ကဵုဇြဟတ်ရ။


  • ယဝ်ရဂွံပဒတဴအာပ္ဍဲသ္ၚိ မၞုံကဵုဒယိုၚ်မၞိဟ်တြုံမ္ဂး ဂွံဇၞးသၞသတြုံဂမၠိုၚ်အိုဿီုရ။


  • ယဝ်ရဂွံပဒတဴအာပ္ဍဲသ္ၚိ မၞုံကဵုဆုဒယိုၚ်ခမၞုဲမ္ဂး ပွမဒးအာစိုပ်ဘဲဒဒိုက်ရ။


  • ယဝ်ရဂွံပဒတဴအာပ္ဍဲသ္ၚိ မၞုံကဵုဆုဒယိုၚ်လကိုဟ်မ္ဂး ပွမ္ဒးချိုတ်လာဲလေၚ်ရ။

ကိုန်တိရစ္ဆာန်လရိုအ်[ပလေဝ်ဒါန် | ပလေဝ်ဒါန် တမ်ကၞက်]

သိုၚ်သ္ၚိတၟိတုဲ တိုန်သ္ၚိရောၚ် ဃောချပ်တဴဒၟံၚ်ကီု ပ္ဍဲဒၞာဲမမိက်ကဵုမွဲမွဲ ယဝ်ရမိၚ်ရမျာၚ်ၚဴလရိုအ်မ္ဂး တၠသ္ၚိဒးလီုလာ်ရ၊ ယဝ်ရသ္ဂောံမိၚ်ကေတ်ရမျာၚ် ဂစေံစေတဳတောတ်လရိုအ်မ္ဂး တၠသ္ၚိက္တဵုဒှ်ယဲဝေဒနာဂၠိုၚ်ရ။

(ရန်ကဵုမိတ်သာ်ဂှ်တုဲ လ္ပတိုန်သ္ၚိတၟိညိဏီ ဗှ်ဖဍောတ်ဓရ်မ္ၚဵု ဓရ်မဟာသမယသုတ်တုဲ တိုန်ညိ၊ ဘဲအန္တရာဲဂမၠိုၚ် ပွမ္ဒးလာဲလေၚ်ရောၚ်)

ကာလဗာ်ဆုဗီုဆဵုနိမိတ်[ပလေဝ်ဒါန် | ပလေဝ်ဒါန် တမ်ကၞက်]

သွက်ဂွံဗာ်ဆုဒယိုၚ်သ္ၚိ ဃောကွာ်လုပ်အာပ္ဍဲဂြိုပ်ဂှ် ယဝ်ရသ္ဂောံဆဵုကေတ် ဂစေံကလော် ဂစေံလနေၚ် ဍေံပဝ်ယာန်တိတ်အာ နုကဵုခပေါဲဍေံမ္ဂး ဆူဒယိုၚ်သ္ၚိဝွံ ဟွံခိုဟ်ရ ဂြိုပ်ဂှ်ပၠန်လေဝ် ဟွံခိုဟ်တုဲ ကလေၚ်စဴညိ။


ယဝ်ရသ္ဂောံဆဵုကေတ် ဂစေံပံက် အကြေဲ မြာ် ခဍာ် စာၚ်ဍာ် ကၠဵုဂမၠိုၚ် ဃောဍေံလုပ်အာ ခပေါဲဍေံကီု ဃောဍေံနွံဒၟံၚ် ပ္ဍဲခပေါဲဍေံကီု ဂြိုပ်ဝွံ ပွမၞုံကဵုမ္ၚဵုရ၊ ဆုဒယိုၚ်ဝွံ ဗာ်ညိ သ္ဂောံခိုဟ်စရောၚ်။

ကိုန်ပြံၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

ဂိတုဖဝ်ရဂိုန် စဲ ပသာ် ပ္ဍဲဂိတုပိဏံဝွံ လ္ပာ်ဒိုဟ်ဗၟံက် ပြံၚ်အာဟွံခိုဟ်ရ၊ လ္ပာ်ဒိုဟ်ကဠိုတ် ပြံၚ်အာခိုဟ်ရ၊ ဂိတုဇှ်ေ ခ္ဍဲသဳ ပ္ဍဲဂိတုပိဏံဝွံ လ္ပာ်ဒိုဟ်သၠုၚ်ကျာ ပြံၚ်အာဟွံခိုဟ်ရ၊ လ္ပာ်ဒိုဟ်သၟဝ်ကျာ ပြံၚ်အာခိုဟ်ရ၊ ဂိတုဘတ် ဝှ် ကထိုန် ပ္ဍဲဂိတုပိဏံဝွံ လ္ပာ်ဒိုဟ်ပဠိုတ် ပြံၚ််အာဟွံခိုဟ်ရ၊ လ္ပာ်ဒိုဟ်ဗၟံက် ပြံၚ်အာခိုဟ်ရ၊ မြေက္ကသဵု ပုဟ် မာ် ပ္ဍဲဂိတုပိဏံဝွံ လ္ပာ်ဒိုဟ်သၟဝ်ကျာ ပြံၚ်အာဟွံခိုဟ်ရ၊ လ္ပာ်ဒိုဟ်သၠုၚ်ကျာ ပြံၚ်အာခိုဟ်ရ။

ကိုန်ဗီုသ္ၚိ ဘာဒစေၚ်[ပလေဝ်ဒါန် | ပလေဝ်ဒါန် တမ်ကၞက်]

သ္ၚိကဵုဒှ် ဘာကဵုဒှ် ယဝ်ရဒစေၚ်အာလ္ပာ်ဒိုဟ်ဗၟံက်မ္ဂး ကလိဂွံပိုန်ဟာန်ဒြပ်ရတ်ဂၠိုၚ်ရ၊ ကၠောန်စရၚ်ဓရ်ကုသဵုလေဝ်ဂၠိုၚ်ရ၊ ယဝ်ရဒစေၚ်အာလ္ပာ်ဒိုဟ်ဗာယပ်မ္ဂး ပၟတ်တူရ၊ ဒစေၚ်အာလ္ပာ်ဒိုဟ်သၠုၚ်ကျာမ္ဂး ချပ်ကသပ်အံၚ်ရ၊ ဒစေၚ်အာလ္ပာ်ဒိုဟ်နေရတိမ္ဂး သ္ဂောံဆဵုဘဲရ၊ သ္ဂောံဒုၚ်ပူဇဴသၟိၚ်ရ၊ ဒစေၚ်အာလ္ပာ်ဒိုဟ်ပဠိုတ်မ္ဂး ဒးဆဵုဘဲသၟိၚ်ရ၊ ဒစေၚ်အာလ္ပာ်ဒိုဟ်အဂၞဲမ္ဂး ကလိဂွံပိုန်ဟာန်ဒြပ်ရတ်ရ၊ ဒစေၚ်အာလ္ပာ်ဒိုဟ်သၟဝ်ကျာမ္ဂး ကလိဂွံဍိက်တြုံရ၊ ဒစေၚ်အာလ္ပာ်ဒိုဟ်ဨသာန်မ္ဂး သ္ဂောံပူဇဴရဲသၟိၚ်တံရောၚ်။ ။

ကိုန်ဍာ်ဇွောဝ်[ပလေဝ်ဒါန် | ပလေဝ်ဒါန် တမ်ကၞက်]

သိုၚ်သ္ၚိပ္ဍဲတိဟွံညဳတုဲကာလဗြဲဂူဖျေံနၚ်မ္ဂး နူပဠိုတ် ယဝ်ရဇွောဝ်အာလ္ပာ်ဗၟံက်မ္ဂး ဂုန်ဒုဟ်ဟွံမွဲရ နူသၟဝ်ကျာ ယဝ်ရဇွောဝ်အာလ္ပာ်သၠုၚ်ကျာမ္ဂး ဗၠးဘဲသၞသတြုရ နူသၠုၚ်ကျာ ဇွောဝ်အာလ္ပာ်သၟဝ်ကျာမ္ဂး မိဿဟာဲဂၠိုၚ်ရ၊ နူဒိုဟ်ဨသာန် ဇွောဝ်အာလ္ပာ်ဒိုဟ်ဗာယပ်မ္ဂး ပွမ္ဒးဆဵုဘဲဒဒိုက်ရ၊ နူဒိုဟ်နေရတိ ဇွောဝ်အာလ္ပာ်ဒိုဟ်ဨသာန််မ္ဂး ကလိဂွံပိုန်ဟာန် ဒြပ်ရတ်ထဝ်ဩန်ဂၠိုၚ်ရ၊ နူဒိုဟ်အဂၞဲ ယဝ်ရဇွောဝ်ဒိုဟ်ဗာယပ်မ္ဂး ဒြပ်ရတ်ကီု သတ်ဇိုၚ်ပန်ကီု ပွမ္ဒးကၠေံဗ္ဒန်ရ၊ နူဒိုဟ်နေရတိ ယဝ်ရဇွောဝ်အာလ္ပာ်ဒိုဟ်အဂၞဲမ္ဂး သ္ဂောံဒှ်သၟိၚ်ရ။

ကိုန်ပါၚ်တြၚ်ဗြု[ပလေဝ်ဒါန် | ပလေဝ်ဒါန် တမ်ကၞက်]

ပါၚ်တြၚ်ဗတၚ် နွံဒၟံၚ်ပ္ဍဲသ္ၚိ အလဵုလဵုဍေံဗြုတိုန် ညံၚ်ရဴကၞုသၚ်မ္ဂး သ္ဂောံဒုၚ်ပူဇဴသၟိၚ်ရ၊ ညံၚ်ရဴဂၠဴဂြုတ်ဗြုတိုန်မ္ဂး ကလိဂွံပိုန်ဟာန်ဒြပ်ရတ်ရ၊ ညံၚ်ရဴရမျာၚ်ဖမ် ဗြုတိုန်မ္ဂး ပွမ္ဒးဆဵုဘဲရ၊ ညံၚ်ရဴရမျာၚ်လပှ်တက်ဇိုၚ်သၚ် ဗြုတိုန်မ္ဂး အာယုက်ဂၠိၚ်ရ၊ ပါၚ်တြၚ်ပံက်လဟာ်တိတ်အလဵုလဵုဍေံမ္ဂး တၠသ္ၚိဒးလီုလာ်ရ၊ ပါၚ်တြၚ်ဍုၚ်ပံက် လဟာ်တိတ်အလဵုလဵုဍေံမ္ဂး ဍုၚ််လီုလာ်ရ။ ။ (ပၞာန်စိုပ်ရ)

ကိုန်နကျတ်ပေၚ်[ပလေဝ်ဒါန် | ပလေဝ်ဒါန် တမ်ကၞက်]

တဝှ်နက်ကျတ်တိုၚ်ဗၞတ်ယုတ္တိ၊ ဗွဲဖာစွေက် ပိုဲဟီုတွံကဵုညိ၊ ပသာ်စှ်ပိစိ ဇှ်ေစိစှ်ဗျာံ နကျတ်ပေၚ်ကၞာတ် အသာတ်ဒစာံ၊ သဝဏ်တြဴ ဘဒ်ပိစဴသ္ဍာံ၊ ဝှ်မွဲစွေက်ဗျာံ ပေၚ်သ္ဍာံနက်ကျတ် . . ။


ဗွဲမမံက်ဂှ် ပိုဲဟွံတွံပၠန်၊ ကထိုက်စှ်ပန် လက်သဏ်ဗွဲမံက်၊ မြေက္ကသဵုကၠာ စှ်ၜါဟီုလံက်၊ ပုဟ်ဂှ်စှ်မံက် မာ်လံက်ဒစာံ၊ ဖဝ်ရဂိုန်အဴ တြဴမံက်သ္ဍာံ၊ စဲပိမံက်သ္ကဲ ပသာ်မွဲဗျာံ၊ နကျတ်ပေၚ်သ္ဍာံံ ၜါစှော်ထပှ်။ ။

ကိုန်နကျတ် ဒၟပ် ကၟိတ်ကၟာတ်[ပလေဝ်ဒါန် | ပလေဝ်ဒါန် တမ်ကၞက်]

နကျတ်ခပ်သီ ဂွံတီတုဲသၟဟ်၊ ကၟိတ်ကၟာတ်ဂှ် ပိုဲဟွံတွံပၠန်၊ နကျတ်တ္ၚဲဂှ် ထပှ်စဗ္ဂန်၊ သုည်မွဲၜါတိတ် နကျတ်ကၟိတ်ပၠန်၊ ပိပန်မသုန် ဒၟပ်ပတန်ဆန််၊ တြဴသှ်ေညာတ် ဒှ်ကမာတ်ပၠန်၊ တီတုဲလက်သဏ် တန််ဗစာရဏာ . . ။ ။


နကျတ်ကၟိတ်ကွေံ စနေဟ်ဇၞးကၠာ သ္ၚေဝ်ပမိက််ပြဲ တဲညးဟွံတာ ဒြပ်ကဵုကုညး ဒးထပက်ကာ ယဝ်ကဵုညးသွံ ဒးထောံလသာ၊ နကျတ်ဝွံမာ ပကာဒြပ်ညိ ။


နကျတ်ဒၟပ်ဂှ် ပိုဲဟီုတွံအာ၊ ဂၠုၚ်က္ၜၚ်ဆတ္တဝ် သဍဝ်လှဴဂါ၊ ဂွံပ္တဵုမဂး ခိုဟ်ဂးသေၚ်ဟာ၊ ပၠောပ်စိၚ်ပ္ဍဲရုၚ် ဒက်စလိုၚ်ကၠာ၊ စၚ်ကတောဝ်ဟွံခြာ အာစာဂကန် နကျတ်ဂှ်ပၠန် အ္စာဗကန်ရောၚ်။


နကျတ်ကမာတ် ယဝ်ညာတ်မွဲတန်၊ ဂိုၚ်ဒေပ်ထဝ်သြန် တန်ပ္ဍဲဇကု၊ စေတဳပ္တန်ဓါတ် ကၞာတ်နန်ဒက်မြု၊ စိၚ်ပၠောပ်တိုက် တသိုက်ဇကု၊ ပတန်ဟွံလ္ၚု ဒဵုဗျုသေၚ်ဟာ၊ တၠပညာ ချပ်ပိုၚ်ခြာညိ။

ကိုန်နကျတ်အာကာသ[ပလေဝ်ဒါန် | ပလေဝ်ဒါန် တမ်ကၞက်]

နကျတ်မွဲသၟဟ် အဿဝဏဳ၊ ဂရုပ်ချေံသ္ဍာံ သၞံၚ်ဒစာံညဳ၊ တြဴလေဝ်ဂး ယးဖျဳဖျဳ၊ ဗမံက်ချေံညိ သၞံၚ်ပိတဝဳ၊ ၝောံစာၚ်ဟီုပျး ဂးဘိရဏဳ၊ ဗမံက်ဂှ်ပ္ညဳ ကောန်စာၚ်သ္အဳဗဂါ၊ သၞံၚ်တရဴညိ ဂးကြိတ္တိကာ၊ နူကောန်စာၚ်ခိုဟ် ဗွဲဒိုဟ်သၟဝ်ကျာ၊ ရောဟိဏဳ ဇြုံထပှ်ဘုံဗဂါ၊ ပျးမတ်လိုက်ဗာ တူဍာန််ကျာကဝ်၊ အဂၞဲကောန်စာၚ် ခၠၚ်သာၚ်ဂတဝ်၊ မိဂ္ဂသဳဟ သီုသၠယာထဝ်၊ က္ဍိုပ်ဒြာဲလေဝ်ဂး အာစာပျးလဝ်. .။


စာၚ်ပယျဵုဂၠိ ပိဂးမွဲဂဝ်၊ သၞံၚ်ဒ္စိတ်ဓဝ် လျးသဝဝ်ဟာန်၊ နူကောန်စာၚ်ကွေံ ဒစှ်ေဨသာန်၊ ဘဒြကျာံအဴ ၜိၚ်တဴကွာန်ကွာန်၊ နူကျာံထပ်ယာန် သန္ထာန်ပုဗ္ဗာ၊ ပုန္နပ္ပသု ယမုလှဴဂါ၊ သၞံၚ်တရဴဂၠေါဲ တူအၝဲကျာ၊ ဗၟံက်လှဴဂါဖုဿဂတာံ၊ သၞံၚ်မသုန်ဗျာၚ် ပြာၚာၚ်ဂဝါ၊ ဗမံက်ဂှ်အဵု နူကဵုဂတာံ၊ ရုပ်ဒမြံၚ် သၞံၚ်ပိလာံဂျ၊ ဒုၚ်ယၟုသၟတ် နကျတ်မှေမှ. .။


နူဒမြံကၠာ ဗွဲပါစိဏ၊ သၞံၚ်ကၟုဲပန်ကၠာ ယမုနာဃ၊ ဗမံက်ကၟုဲရ ဂၠဴကၟက်ပလွဳ၊ ယမုပုဗ္ဗ ပလ္လဂုန္နဳ၊ ဒှ်သ္ဇံၚ်ၜါရောၚ် ညိဟွံယောၚ်ချဳ၊ ဗမံက်ဂၠဴကၟက် သက္ကုကသဳ၊ ရုပ်ဂၠဴဗြဴကၠာ သၞံၚ်ၜါတဝဳ၊ နကျတ်ဥတြ ပလ္လဂုန္နဳ၊ နူဂၠဴဗြဴတွဳ တူဝိထဳဍာန်၊ ဂဵုဒစးတဴ ဒကဴဨသာန်၊ သၞံၚ်စိၚ်ဟတ္ထိ ဇက်ညိကာန်ကာန်၊ သၞံၚ်စှ်ပန်ဟာန် တူဍာန်ကာသ၊ က္ဍိုၚ်ဗတာၚ်ကီု ညးဟီုတဴရ၊ အဂၞဲစိၚ်ဂှ် စဴဒှ်ရုပ်ကၠ၊ ခုတ်ယမုသၟတ် နကျတ်စိတြ၊ သၞံၚ်အဇထဝ် တုပ်အက္ခဝ်ၜ၊ သွောတ္ထိရုပ်ကၠန် သၞံၚ်ပန်ရေၚ်ဂျ၊ လျးဂဵုတဏဟ် ဒှ်ဗမံက်ကၠ၊ ဒကဴဨသာန် ဌာန်ကၠန််ဂှ်ရ၊ သၞံၚ်ပြေၚ်ရေၚ်ဗ္ဂါ ဂးဗေသာခ၊ သၞံၚ်ဒ္စိတ်ဂျ သီုတေဇကၠာ၊ အဂၞဲပြေၚ်ဂှ် သ္ၚောဲညိဒှ်အာ၊ ညးပိဂေါဝ်သာ် တွာ်ဒက္ခိဏာ၊ အနုရာဓ မြာ်ရသေၚ်ဟာ၊ သၞံၚ်ထပှ်ဟေၚ် မံၚ်တရေၚ်ဗ္ဂါ၊ ဗ္ၜေံဇေဌ ဒုၚ်နာမကၠာ၊ ညံၚ်အခဝ်ခ ပ္တုပ်စသၞံၚ်ၜါ၊ မူလဗဂဲ ညိဟသ္ၚောဲခြာ၊ သၞံၚ်ဒ္စိတ်ဟေၚ် ရေၚ်ဆက်မွဲသာ၊ သီုညးပိဂှ် သွဟ်ရုပ်နာဂ၊ သိတ်ကၟက်သၞံၚ်ၜါ ပုဗ္ဗသာလ္လ၊ ဨသာန်မြာ်ဂှ် မြဟ်ခၠၚ်ခဏ၊ ဗမံက်သိတ်ကၟက် ဗက်ကဵုဒေသ၊ ဥတြသာန်အဴ ဂးသိတ်ဗြဴရ၊ သၞံၚ်ၜါခဏ ပၠလျးဗစဳ၊ ဗၟံက်သိတ်ဗြဴ ဂဵုတဴဖျဳဖျဳ၊ ဩဝဏ္ဏကၠာ ရုပ်မှာယောဂဳ၊ သၞံၚ်ဗ္ဒတဝဳ ဖျဳဖျဳဂဵုတဴ၊ ဨသာန်ယောဂဳ ခၠၚ်လလဳသ္ဍဴ၊ တနေဌကွေံ ရုပ်သမ္ၚေဟ်ဗြဴ၊ ရေၚ်တရေၚ်သၟတ် ဒှ်သၞံၚ်တြဴ၊ ပန်ဇၞော်ၜါဍောတ် လၜေါတ်ဖျဴဖျဴ ... ။


အဂၞဲဒစှ်ေ ရုပ်သမ္ၚေဟ်ဗြဴ၊ သတ္တဗိဿ ရုပ်ယက္ခအဴ၊ သၞဴၚ်ပိဒကဴ မွဲတဴဒေါဝ်ဂှ်၊ ဨသာန်ကလော် မွဲဗော်ဒဒှ်၊ ပုဗ္ဗာဘဒြာ ဇာဒိသိုၚ်မြဟ်၊ သၞံၚ်ၜါခဏဟ် သၟဟ်သၟန်သက်လက်၊ ဒိုဟ်ဗၟံက်ကၠာ ဇာဒိသိုၚ်ကၟက်၊ ဇာဒိသိုၚ်ဗြဴ ဂၠါဲတဴဖဝက်၊ ဥတြဘဒြာ နာမတွံဆက်၊ သၞံၚ်ၜါမွဲရေၚ် မံၚ်တရေၚ်ဂၠက်၊ ဗၟံက်အဆက် သဳဟကၠက်ဗြဴ၊ ဂးရေဝတဳ ကညာပ္ညဳနှဴ၊ သၞံၚ်ဂှ်ဂဵုတဴ ဖျဴဖျဴဖျဳဖျဳ၊ တူအာကာသ ခဏဗစဳ၊ ရံၚ်မွဲသ္ၚဳအာ တူဍာန်ကာသ၊ ဂွံညာတ်ကေတ်ကၠာ လမေၚ်နာမ၊ သုစရိုတ်သ္ၚံ လဒံစိတ္တ၊ သမ္တီလဝ်ရ ပဝိုတ်ညိတုဲ ... ။

ကိုန်နကျတ်ပျးဍုၚ်[ပလေဝ်ဒါန် | ပလေဝ်ဒါန် တမ်ကၞက်]

နကျတ်ဝွံဂှ် ပျးဍုၚ်ဂှ်ကၠာ၊ ပိုဲဟီုတွံဏာ နာမဂကောံ၊ နကျတ်ချေံမာ အာပျးဍုၚ်ကြောံ၊ ၜါၝောံစာၚ်ဗျောံ ပျးဗကာံကောံ၊ ပိကောန်စာၚ်ဗျောံ ထောံဍုၚ်တခိုၚ်၊ ပန်ဇြုံသိၚ်ဃဵု ပျးကဵုရိုၚ်ရိုၚ်၊ မသုန်က္ဍိုပ်ဒြာဲ နာဲဟံၚ်သာဂွိုၚ်၊ တြဴက္ၜၚ်ပ္ညုၚ် ဓဝါဲဂၠုၚ်အိုၚ်၊ ထပှ်ရုပ်ဂၠုၚ် ပျးလဂုၚ်ကျိုၚ်၊ ဒစာံဂတာံ လဗၚ်လာံဗိုၚ်၊ ဒစိတ်ဒမြံ သဓီုဒွံတိုၚ်၊ စှ်ရုပ်ကၞုဲဂွိုၚ် ပိုၚ်ဗာရဏသဳ၊ စှ်မွဲဂၠဴဗြဴ မိတ္ထဵုသဲပ္ညဳ၊ ဂၠဴကၟက်စှ်ၜါ စမ္ပာနဂဵု၊ စှ်ပိစိၚ်ပၠန် ဓညဝတဳ၊ စှ်ပန်က္ဍိုပ်တၠ ပၠဝေသာလဳ၊ စှ်သုန်ကၠန်ပ္ညဳ သ္ဇၚ်ထဲစဳပျး၊ စှ်တြဴပြေၚ် တၟေၚ်ဇံဘောဇ၊ စှ်ထပှ်မြာ် ဇေတတတရ၊ စှ်ဒစာံဂျ နာမဗ္ၜေံ၊ ပျးကဵုညိချေံ ကသဳကရး၊ စှ်ဒစိတ်ထဲ ရုပ်ဗ္ဂဲဒး၊ ပျးဍုၚ်မွဲရ၊ ဂးစလရး၊ ၜါစှော်သိတ်ကၟက် မတၟဖက်ဒး၊ ၜါစှော်မွဲအဴ သိတ်ဗြဴစဳပျး၊ ဍုၚ်မွဲနာမ မာဂဓရး၊ ၜါစှော်ၜါပ္ညဳ ရုပ်ဣသိဒး၊ ဍုၚ်သေံအာပျး ပၠကဵုလျးပၠန်၊ ၜါစှော်ပိပ္ညဳ ရုပ်သေဌဳပ္တန်၊ ပျးကောသမ္ဗဳ ဗစဳသရန်၊ ရာဇာဂြိုဟ်ထၟိက် ကၠိက်ၜါစှော်ပန်၊ ၜါဣသုန်ပၠန် ဇာဒိသိုၚ်ကၟက်၊ အိန္ဒနာဂိုရ် ပျးကဵုသက်လက်၊ ၜါစှော်တြဴ သဳလဗြဴဆက်၊ ကပ္ပိယဝှ် ဣၚုဟ်ပျးဗက်၊ ၜါစှော်ထပှ် ကညာဟွံဆက်၊ ခုဿနာရာံ ပျးသၞာံသက်လက်၊ ဗီုမဒှ်ကြက် တဝှ်နကျတ်၊ ယဝ်သၟိက်လေပ်ကွတ် လ္ၚတ်ညိပမာ။ ။

ကိုန်ဟုဲနကျတ်ကဵုတ္ၚဲ[ပလေဝ်ဒါန် | ပလေဝ်ဒါန် တမ်ကၞက်]

ယၟုနကျတ် ဟီုစၟတ်တုဲမာ၊ နကျတ်ကဵုတ္ၚဲ ဟီုသ္ကဲမွဲဝါ၊ အဒိုတ်တြဴ စန်နှဴစုတ်ၜါ၊ မသုန်အၚာ ဗုဒ္ဓဝါမွဲ၊ ပန်ဗြဴဗတိ သိုက်သန်ဂ္ညိထဲ၊ သ္ၚိသဝ်ပိသၟတ် နှဴနကျတ်တ္ၚဲ၊ စကဵုထပှ် သၟေဟ်တွံမွဲတဲ၊ ယဝ်ရသှ်ေမွဲ သ္ကဲဒှ်ဥပါဒ်၊ ၜါကၞောတ်စိိ ပိမြိုတ်တူဝါတ််၊ ပန်မြိုတ်ဓဇိုတ် မသုန်သိုက်ကၞာတ်၊ တြဴလာဘ်ညာတ် သုည်ကၞာတ်မ္ၚဵု၊ ဂုန်ဒုဟ်နကျတ် ပိုဲစၟတ်ဟီုကဵု။ ။

ကိုန်ကရိုဏ်ဒိတ္ထိ[ပလေဝ်ဒါန် | ပလေဝ်ဒါန် တမ်ကၞက်]

ဒိတ္ထဳတုန်အဵု ဒ္ၚဳတွံကဵုကၠာ၊ ဒိတ္ထဳတန်လဝ် ပမဝ်ကဵုၜါ၊ မံက်ပိုတ်ကၠေံမွဲ စွေက်လံၚ်မွဲကၠာ၊ စကဵုထပှ် သၟိက်တွံသေၚ်ဟာ၊ သှ်ေမွဲပါပ ဗာလာရဏ၊ တြဴလအိတ် ဂးဝါဏိဇ္ဇ၊ သုည်ယုတ်မာပၠ ကရိုန်ဒိတ္ထဳ၊ နဲသာ်ဝွံမာ သမ္တီကၠာပ္ညဳ ။


ကိုန်ပါပပၠန် ကးသော်ကၠောန်ကွဳ၊ ဗာလာဝပ္ညဳ တိုန်သ္ၚိလုပ်ဍုၚ်၊ ဒုၚ်မၚဵုခိုဟ် ဗၠိုပ်ဟုံခိုဟ်ပ္ညုၚ်၊ ကောလုဝတၟုဲ ဂဥုဲကၠောန်သုၚ်၊ ကၠောန်ဂဥုဲပ္ညုၚ် ခိုဟ်ကၠုၚ်ဇၟာပ်ရာ၊ တေဇတန်အဴ တ္ၚေတ်လ္ၚဴကၠာ၊ တ္ၚေတ်က္ၜဴလ္ၚဴ ခိုဟ်တဴသေၚ်ဟာ၊ သၠတရၚ်ခိုဟ် ပြကိုဟ်လှဴဂါ၊ ဂွံခဏံဟေၚ် ခိုဟ်သန်သေၚ်ဟာ၊ ကာရဏအဵု တဵုလွဳခိုဟ်ကၠာ၊ သိုၚ်သ္ၚိနန်ကၠတ် ဒးဗၞတ်ကၠောန်ကာ၊ ဝါဏိဇ္ဇသွံ ပဗၞိက်ဂွံမြာ၊ ပသေက်သၟိၚ်ပြဲ သၞက်ကရောဲကၠာ၊ ဒိတ္ထဳတန်ဟေၚ် ကရိုဏ်သေၚ်ဟာ၊ ဇၟာပ်ကာပကၠောန် ယာံကၠောန်လေၚ်အာ၊ ကေပန်သမ္ဘာချိုတ် ဒြပ်အိုတ်ဖြာဖြာ၊ ဝေၚ်သ္အးဗၠးအာ မြာပိုန်တဝဵု ။

ကိုန်တွာ်စန်[ပလေဝ်ဒါန် | ပလေဝ်ဒါန် တမ်ကၞက်]

တဝါ်စန်ကီု ဂတဟီုကဵု၊ မိဟ်သိၚ်ဓနု ဒွါပိဝွံအဵု၊ အာစာတွံကဵု တွဵုစန်သတိက်၊ မကဝ်ဗြိုဟ်ကန် စန်တွာ်ထမိက်၊ တူကုံလမိက် မေထုန်သၟိက်မြာ၊ စန်ဍုၚ်ဟေၚ်ရ ဒှ်ဗာလဝကၠာ၊ ဝွံဌာန်စန်ဟေၚ် ပန်စွံသေၚ်ဟာ၊ ကြကတ်ဗိစ္ဆာ မိန်ကၠာတုန်ရော၊ စန်လောလိန်ဂှ် တဝှ်အ္စာ ။


မိဟ်သိၚ်ရပ္တန် ယိုက်ဒြပ်နန်ထာ၊ ယိုက်ဒြပ်နန်ထာ ကြကတ်ဗိစ္ဆာ၊ ခါဲကမာရ တူကုံကတ်ကွတ် ဍိုက်ယာန်သၟတ်ပ၊ မကဝ်ဗြိုဟ်ပ္ညဳ ပ္တန်စေတဳပၠ၊ တဝှ်အ္စာ မဟာဂုဏ၊ စန်တိတ်လဝ်ဒိုဟ် ဒေပ်ဒြပ်ခိုဟ်ရ၊ ဇြပ်စေတဳပၠ ကၠောန်ဒြပ်ပမှာ၊ စန်တွာ်ခိုဟ်သ္အး ဂွံဇၞးယာတြာ၊ ပြေၚ်ဂအာၚ်သ္ၚိ ဝိဝါဟကၠာ၊ ဇၟာပ်ကာစဳရေၚ် ခိုဟ်သန်သေၚ်ဟာ၊ စန်လောလိန်ဓဝ် ဗဝ်မဇိက်ကၠာ၊ ပခမဳဂၠိ ကာတိဇၟာပ်ကာ၊ စန်ဍုန်ဗာလ ပဗၞိက်ဂွံမြာ၊ ဇၟာပ်ကာခိုဟ်ဇၟံ အိုတ်တမံကာ ။


မိဟ်မေထုန်ကန် ဓနုစန္ဒြာ၊ ဒွါပန်ဝွံကၞာတ် ယဝ်ညာတ်စန်ကၠာ၊ တဏုၚ်ဓါတ်သၟတ် နကျတ်သ္ကုတ်အာ၊ ပ္တုဲကာလေၚ်ဟေၚ် သၟတ်ဝေၚ်ဇၟာပ်ကာ၊ ယာံဒးပ္တုဲဟေၚ် လေၚ်ဇၞော်သေၚ်ဟာ၊ တဝှ်အ္စာ ပြာကတ်လဝ်ရောၚ် ။

ကိုန်ပၟၚ်တိ[ပလေဝ်ဒါန် | ပလေဝ်ဒါန် တမ်ကၞက်]

ပၟၚ်တိသွံ သၟိက်ဂွံမွဲတောၚ်၊ ဗွဲဗၟံက်ရောၚ် တန်ဂၠောၚ်စှ်သုန်၊ ဗွဲစွေက်ဂှ် တန်ၜါစှော်ပ္ဍုန်၊ ဇိုတ်ဒိတ္ထဳသၟတ် သၟေဟ်ဇိုတ်စှ်တန်၊ သၟေဟ်ပၟၚ်တိ ဒမၠိဟီုပ္ဍုန်၊ အဒိုတ်မၚ်တိ သိုၚ်သ္ၚိလေၚ်သုည်၊ စန်မၚ်နွံဂုဏ် အၚာသုန်အာ၊ ဗုဒ္ဓဂုရု ပြဂုပြဲဖာ၊ သ္ၚိသဝ်ရာဟု မြိုတ်တျုဒိဿာ၊ ပၟၚ်တိဟေၚ် ဟွံခိုဟ်သေၚ်ဟာ၊ ကိုတ်မၚ်ပြဲသန် စန်စွေက်ပါဲကၠာ၊ တ္ၚဲသိုက်ခိုဟ်ဂၠိ သိုၚ်သ္ၚိဘုတ်ဘာ၊ ပၟၚ်တိကၠာအ္စာ တွံလဝ်ရောၚ်။

ကိုန်ရေက််[ပလေဝ်ဒါန် | ပလေဝ်ဒါန် တမ်ကၞက်]

ရေက်သုန်ကာန်အဵု တွံကဵုမွဲတောၚ်၊ ဗွဲမမံက်ရောၚ် စှ်တ္ၚဲဂၠောၚ်အာ၊ ပိသၞောဝ်ရေၚ်သ္ကဲ ပိစှော်တ္ၚဲကၠာ၊ ဗက်ဒိတ္ထဳမွဲ ပန််ထပ်သ္ကဲအာ၊ ပၟဝ်ပိသၟဟ် ထပှ်စကၠာ၊ သၟေဟ်လက်သုန် ဓဝ်ပိပၟဝ်အာ၊ ထပှ်စဟာန် သၟေဟ်ရေက်ကာန်ကၠာ၊ အၟၚ်တိသၟဟ် ထပှ်စအာ၊ ဒှ်ရေက်ပုဂ္ညိ ပၟဝ်ပိကၠာ၊ ထပှ်စအာ ရေက်ဆိပ်ဏာပ္တုံ၊ ရေက်သုန်ကဝ်ဒ္ဂူ ရေက်ဏာန်နူသတုံ၊ ရေက်ပုပ်ဂၠိၚ်လုံ ရေက်ဆိပ်သတုံဇွိ၊ ဝွံရေက်ပန်စိ ဒမၠိပမှာ၊ ဒးရေက်သုန်ဟာန် ဒးရေက်ကာန်ကၠာ၊ လ္ၚုသုန်ပြဟ် သေက်ဇဵုဒှ်အာ၊ ဒးရေက်ပုပ်ရ တူပၟတ်ကၠာ၊ ဒးရေကက်ဆိပ်ပၠန် ဘဲဒဏ်နာနာ၊ ဝွံရေက်ပန်ကၠာ အ္စာတွံရောၚ်။

ကိုန်လဗၚ်ဒိုၚ်[ပလေဝ်ဒါန် | ပလေဝ်ဒါန် တမ်ကၞက်]

လဗၚ်ဒိုၚ်အဵု တွံကဵုမွဲတောၚ်၊ စန်ဗြဴဗတိ ဗုဒ္ဓဂ္ညိသောၚ်၊ သ္ၚိသဝ်အဒိုတ် စန်သ္တိုတ်သိုက်ရောၚ်၊ ဂုရုသောရဳ သိုက်ပ္ညဳမွဲတောၚ်၊ လဗၚ်ဒိုၚ်ရောၚ် ဝွံမွဲတောၚ်ကၠာ၊ အ္စာတွံရောၚ်။

ကိုန်ဂိတုတိုပ်သုက်[ပလေဝ်ဒါန် | ပလေဝ်ဒါန် တမ်ကၞက်]

ကောန်ၚာ်သက်သၟိဟ် ဒှ်မၞိဟ်မွဲတောၚ်၊ ဖဝ်ရဂိုန်ရောၚ် ဂၠောၚ်စဲပသာ်၊ တိုပ်သုက်သၟဝ်ကျာ မြာပိုၚ်လမာ်၊ ဇှ်ေအသာတ်ညောန် သဝဏ်ခပ်ပြာတ်၊ ပဠိုတ်တိုပ်သုက် အာယုက်ဂၠိၚ်ကၞာတ်၊ ဘဒ်ဝှ်ကထိုန် သၠုၚ်ကျာကိုန်ညာတ််၊ မြေက္ကသဵုပုဟ် မာ်လုဟ်ခပ်ပြာတ်၊ ဗၟံက်တိုပ်သုက် ပိုည်အာယုက်ညာတ်၊ တိုပ်သုက်သေသာတ် ဟီုကၞာတ်လဝ်ရောၚ်။

ကိုန်တွဟ်တ္ၚဲထပှ်[ပလေဝ်ဒါန် | ပလေဝ်ဒါန် တမ်ကၞက်]

၁။ တွဟ်တ္ၚဲအဒိုတ် ယြဴညးမွဲ ဒှ်တ္ၚဲအဒိုတ် နာံသပဝ်ကၞာတ် ဓါတ်တၟံပြဲသတိုတ်၊ ညဳသာညးအိုတ် စရိုတ်သာဓါ လေပ်အဲပရဲ ရတ်ပိပြဲဖာ၊ ပဂုဏ်ကဵုညး ဒှ်သမးကၠာ၊ တုက်ဍာ်ကြဴအှော် ဒှ်တဴပမာ၊ ပ္တေံပါၚ်ညးပြဟ် ဒှ်သၚောံကၠာ၊ ပရံပရာ မြာတသိုက်ကြဴ၊ ဒါန်ကုသဵုဂှ် ဟိုတ်ဂွံသှ်ပတဴ၊ အာယုက်စိုပ်ကၠာ ၜါစှော်မွဲအဴ၊ စိုတ်ဟွံတန်ကၠာ စံၚ်ဏှာဒှ်တဴ၊ ၜါဣသုန်စိ အမှုမြိပါ၊ ၜါစှော်ထပှ် ပန်စှော်တရဴ၊ မၚ်မွဲပါၚ်စိုတ် ပဝိုတ်သှ်ပတဴ၊ လောန်နူဂှ်အဴ လာဘစဴမြာ၊ တ္ၚဲအဒိုတ်ရ သမ္တီပမှာ။


ဗာယပ်မွဲဟာန် ဌာန်မူလကၠာ၊ စေတဳလမာ် လဝ်ကျာ်ဘုတ်ဘာ၊ ဗၟံက်ဍာ်ဒါန် ဌာန်ကမၠိုၚ်ကၠာ၊ အဂၞဲဂှ်ဟေၚ် ဇရာံသေၚ်ဟာ၊ ပြေၚ်ဂၠဴဗော်သွး လဝ်ဒိုဟ်သၠုၚ်ကျာ၊ နေရတိဟေၚ် လဝ်လွဟ်သေၚ်ဟာ၊ ပဠိုတ်ဖဴကာန် လဝ်သုသာန်ကၠာ၊ တ္ၚဲအဒိုတ်မှာ ပပြာကတ်ရောၚ်။


၂။ တွဟ်တ္ၚဲစန် ညးဒှ်တ္ၚဲစန် ဟီုပၠန်မွဲတောၚ်၊ နာံကၠဟွံယောၚ် မွဲတောၚ်ဓါတ်ဆု၊ မာန်စံၚ်ထေဲပြဟ် ဟဲပြဟ်မေခုတ်၊ ဟိုတ်ဂုဏ်ပါၚ်ရ ညးပသတြု၊ ဂုန်ပါၚ်ဟွံခိုဟ် ဇၟာပ်ဒိုဟ်မေခု၊ စှ်သုန်သၞာံအဴ စိုတ်ကတဴနရု၊ သမၠီုမေခု ဟုဲဒးဂၠုအာ၊ ဂွံဒြပ်ဟွံပိုတ် ဒြပ်အိုတ်ဖြာဖြာ၊ ၜါစှော်ပိကၠာ ထံၚ်ထာလၟိုန်၊ ပိစှော်လောန်ရ မှတ်ပဗိုန်ဗိုန်၊ မသုန်စှော်တွိုန် လိုန်လုပ်ထံၚ်ထာ၊ မၞိဟ်တ္ၚဲစန်ဟေၚ် ဟီုလဝ်သေၚ်ဟာ။


ကျာ်ဘုတ်ဘာလဝ် ဗၟံက်သၟဝ်ကျာ ဒိုဟ်ဨသာန်အဴ လဝ်ကၠံပ္ကဴကၠာ၊ အဂၞဲကမၠိုၚ် ဍာ်ဒါန်ပိုၚ်ခြာ၊ သမၠုၚ်ကျာဟေၚ် ဇရာံသေၚ်ဟာ နေရတိကၠာ ဏာလဝ်ပြေၚ်ဂၠဴ၊ ဗော်သွးတုန်သွံ လဝ်ဂွံသဘဴ၊ ဒိုဟ်ပဠိုတ်ဂှ် ဒေပ်လဝ်လွဟ်အဴ၊ ဗာယပ်လၚ်ဖဴ သွဴသုသာန်ကၠာ၊ ပြုပြေၚ်ဒးသွံ ပိုန်ဟာန်ဂွံမြာ၊ မၞိဟ်တ္ၚဲစန်ဟေၚ် ဟီုလဝ်သေၚ်ဟာ။


၃။ တွဟ်တ္ၚဲအၚာ မၞိဟ်တ္ၚဲအၚာ တွံအာမွဲတောၚ်၊ နာံသဳဟရောၚ် ဂၠောၚ်ဓါတ်ပသဲ၊ စှ်သုန်သၞာံထဲ ယဲကလော်ကၠာ၊ ၜါဣသုန်သ္ကဲ ဒှ်ယဲမွဲဝါ၊ ပိစှော်လောန်ဂှ် ဂမ်တဴဒှ်အာ၊ ပဏောတ်က္ဍိုပ်ကၞေၚ် နွံတဴသေၚ်ဟာ၊ ဂံၚ်သာဲသဘဴ နွံတဴသဒ္ဓါ၊ ဒးမံၚ်ဂၠိုၚ်ဒၞာဲ သဟာဲဂၠိုၚ်ရာ၊ ဒြပ်ဟွံတန်သွံ ဂွံညိအိုတ်အာ၊ ပဂုဏ်ကဵုညး ဒးထပက်ကာ၊ ကဠောဒညာတ်ကောံ ၜိုန်နွံဒြပ်ကၠာ၊ ညိဟွံစုတ်တဲ မွဲဟွံဍံၚ်သွာ၊ ခိုဟ်စမေခု ဗက်ဇကုကၠာ၊ အကြီုဒဒှ် တွံတ္ၚဲအၚာ ... ။


အဂၞဲဨသာန် ပ္ကာန်ကျာ်ဘုတ်ဘာ၊ ဒိုဟ်ဗၟံက်အဴ လဝ်ကၠံပ္ကဴကၠာ၊ နေရတိဟေၚ် ဇရာံသေၚ်ဟာ၊ ဗော်သွးပြေၚ်ဂၠဴ ပၠိုတ်ဖျဴဏာ၊ စွံလဝ်လါဟ်ဟေၚ် ဗာယပ်သေၚ်ဟာ၊ သၟဝ်ကျာဖဴပ္ကာန် လဝ်သုသာန်ကၠာ၊ မၞိဟ်တ္ၚဲအၚာ အ္စာဟီုတွံ။


၄။ တွဟ်တ္ၚဲဗုဒ္ဓဝါ တ္ၚဲဗုဒ္ဓဝါ ဒှ်မၞိဟ်ခါဂှ်၊ နာံကၠဵုဓါတ်ပ္တေၚ် ပေၚ်စှ်ထပှ်၊ ယဲဒိုက်တုန်အဵု အမှုက္တဵုဒှ်၊ ဂၠာဲဒြပ်ဂွံပြဟ် ဣၚုဟ်အိုတ်အာ၊ လေပ်ချူကှ်ေပ္ညဳ နွံလွဳပရာ၊ ထောံဌာန်ဒဒှ် ဌာန်တၞဟ်ခြာ၊ ပဂုဏ်ကဵုညး ဒှ်သမးကၠာ၊ လဟီုပါၚ်ဂံၚ် ဟွံချပ်ထံၚ်ထာ၊ ဇၞော်ဂွံပိုန်ဘိုက် ဂွံတသိုက်မြာ၊ မသုန်စှော်ဒစာံ ဂါံလုပ်ယဲကၠာ၊ ညးမဒှ်ခုတ် တ္ၚဲဗုဒ္ဓဝါ။


စေတဳဘာပ္ညုၚ် ဗၟံက်သၠုၚ်ကျာ၊ အဂၞဲကျာ်သြဳ တဵုလွဳပ္ကဴကၠာ၊ နေရတိဟေၚ် ကမၠိုၚ်သေၚ်ဟာ၊ ဒိုဟ်ပၠိုတ်ဗျာံလဝ် ဇရာံကၠာ၊ ဗော်သွးပြေၚ်ဂၠဴ ဗာယပ်ဖျဴဏာ၊ လဝ်လွဟ်ဆတ္တဝ် ဗွဲဒိုဟ်သၟဝ်ကျာ၊ ဨသာန်ဖဴဟေၚ် သုသာန်သေၚ်ဟာ၊ တ္ၚဲဗုဒ္ဓဝါ အ္စာဟီုတွံ ။


၅။ တွဟ်တ္ၚဲဗြဴဗတိ တ္ၚဲဗြဴဗတိ နာံကၞိဓါတ်ဍာ်၊ ဒေါသညံၚ်နာ် ရုပ်သာ်ပညာ၊ ပ္ဍေန်ပ္ဍဟ်ဂၠိုၚ်ရာ တီညာတ်ဝေါဟာ၊ ၜါစှော်သၞာံဆံၚ် စိုတ်ဂၠိုၚ်စံၚ်ဏှာ၊ ပဂုဏ်ကဵုညး ဒှ်သၟးကၠာ၊ ခမဳသၟိၚ်ဟေၚ် သီုဗြဴသေၚ်ဟာ၊ သ္ဂောံပဒိပ်ဒါဲ ရာၚ်ဆာဲမြိုက်ဖာ၊ ညးဒှ်တ္ၚဲစိ ဗြဴဗတိကၠာ ။


စေတဳဘာပ္ညုၚ် ပဠိုတ်သၠုၚ်ကျာ၊ နေရတိအဴ ကၠံပ္ကဴသာဓါ၊ ဗာယပ်ဍာ်ဒါန် ဌာန်ကမၠိုၚ်ကၠာ၊ ဇရာံလဝ်ခိုဟ် ဗွဲဒိုဟ်သၟဝ်ကျာ၊ ဗော်သွးပြေၚ်ဂၠဴ ဨသာန်ဖျဴဏာ၊ ဒိုဟ်ဗၟံက်ဂှ် လဝ်လွဟ်သေၚ်ဟာ၊ အဂၞဲလဝ်ဖဴ သွဴသုသာန်ကၠာ၊ တ္ၚဲဗြဴဗတိ ဒမၠိတွံအာ ။


၆။ တွဟ်တ္ၚဲသိုက် တ္ၚဲသိုက်သက်သၟိဟ် နာံမၞိဟ်ဓါတ်ကျာ၊ စိုပ်ၜါစှော်မွဲ ယဲဒိုက်နာနာ၊ စိုတ်စောန်ပြံက်ပ္ကာန် ဂလာန်ဟွံညှာ၊ ထေဲပြဟ်ပါၚ်ဂံၚ် ဟီုတွံထံၚ်ထာ၊ ကၠောန်နၚ်ဒြပ်သ္တိုတ် ဂွံညိအိုတ်အာ၊ ၜါဣသုန်သွံ ဂွံမိတ်ပြဝါ၊ ဒၟာနူညးအဴ ဒှ်ဂမ်တဴကၠာ၊ နူပန်စှော်အဴ တရဴစှော်မာ၊ သ္ဂေဟ်သွဟ်ပိုန်ဘိုက် မသက္ကုခြာ၊ မၞိဟ်တ္ၚဲသိုက်ဟေၚ် တွံလဝ်သေၚ်ဟာ ။


စေတဳဇြပ်လဝ် ပဠိုတ်သၟဝ်ကျာ၊ ဒိုဟ်ဗာယပ်အဴ တဵုကၠံပ္ကဴကၠာ၊ ကမၠိုၚ်ဍာ်ဒါန် ဨသာန်ပြဲဖာ၊ ဒိုဟ်ဗၟံက်သ္ဍာံ လဝ်ဇရာံကၠာ၊ ဗော်သွးပြေၚ်ဂၠဴ အဂၞဲဖျဴဏာ၊ သမၠုၚ်ကျာဂှ် လဝ်လွဟ်သေၚ်ဟာ၊ နေရတိဖဴ သွဴသုသာန်ကၠာ၊ တ္ၚဲသိုက်ဓါတ်ကျာ အ္စာတွံစၟတ် ။


၇။ တွဟ်တ္ၚဲသ္ၚိသဝ် နာံနာ်သ္ၚိသဝ် က္ဍဝ်ဓါတ်ပမတ်၊ ဒေါသလောန်ဗၞတ် ညံပၟတ်ကၠာ၊ ပၞောဝ်မိမသ္ကဲ ညးမွဲစာ်ခြာ၊ သာဓါလ္အိတ် ဂၠိုၚ်မိတ်ပြဝါ၊ စိုတ်ဝါတ်ဂါတ်သန် နွံပၠန်သဒ္ဓါ၊ ကၠဵုကိတ်လမာ် တဏီဍာ်ကၠာ နကျတ်သတုံဇွိ နွံညိသေၚ်ဟာ၊ ဒေပ်ဒြပ်ဗိုန်ဇၟံ ဟွံသ္ပံသာ၊ တြုံဒှ်ခမဳ အနဳဟွံခြာ၊ ဒှ်ဗြဴသ္ဍိုက်စိ တၠသ္ၚိကၠာ၊ ၜါဣသုန်သွံ ဂွံမိတ်ပြဝါ၊ ပိစှော်စိုပ်စိ အမှုမြိပါ၊ စိုပ်ပန်စှော်ပၠန် ပြဲသန်ထံၚ်ထာ၊ မၞိဟ်တ္ၚဲသ္ၚိသဝ် တွံလဝ်သေၚ်ဟာ ။


နေရတိသ္ကဲ အဂၞဲကျာ်ဘာ၊ သီုဌာန်ၜါဒိုဟ် လဝ်ခိုဟ်သေၚ်ဟာ၊ လဝ်ကၠံပ္ကဴပ္ညုၚ် ဒိုဟ်သမၠုၚ်ကျာ၊ ပလိုတ်ဒါန်ဍာ် ဌာန်ကမၠိုၚ်ကၠာ၊ ဗာယပ်လဝ်ဟေၚ်ဇရာံသေၚ်ဟာ၊ ဗော်သွးပြေၚ်ဂၠဴ ဖျဴလဝ်သၟဝ်ကျာ၊ ဒိုဟ်ဨသာန်ဟေၚ် လဝ်လွဟ်သေၚ်ဟာ၊ ဗၟံက်ဖဴပ္ကာန် လဝ်သုသာန်ကၠာ၊ တ္ၚဲသ္ၚိသဝ်ဟေၚ် ဟီုလဝ်သေၚ်ဟာ။

ကိုန်တွဟ်နကျတ်ၜါစှော်ထပှ်[ပလေဝ်ဒါန် | ပလေဝ်ဒါန် တမ်ကၞက်]

၁။ နကျတ်သၟိဟ် ညးဒှ်မၞိဟ်ဂှ်၊ နကျတ်မွဲကွေံ ရုပ်ချေံဟီုတွံ၊ ဒလိဒ္ဒသၟတ် ပြာကတ်ဒယှ်၊ ပူဂဵုမွဲသၟဟ် ဒှ်နကျတ်ဂှ်၊ လေပ်ကွတ်နွံညာဏ် လေပ်ဆာန်ညးပြဟ်၊ လေပ်ဗၞိက်ကၠာ စၞအောန်သဒှ်၊ မာန်စံၚ်လောန်ဗၞတ် နူသွတ်ဒိုက်သၟတ်၊ ဇၞော်ခိုဟ်ပ္ဍဲသၟိၚ် အာယုက်ဂၠိုၚ်သဒှ်၊ ဒစာံစှော်ကဵု အာယုက်ဟီုတွံ၊ နကျတ်မွဲဂှ် ဒဒှ်လက်သဏ််... ။


၂။ ဘိရဏဳကၠာ နကျတ်ၜါဂှ်၊ နကျတ်သေဌဳ ဣန်ရဳဇၟံဇၟန်၊ စိုတ်ပြဲလောန််ရ ဖေက်ဂွလောန်သန်၊ လေပ်အရေဝ်ဓဝ် ဂၠိုၚ်ကဵုထဝ်ဩန်၊ က္ဍိုပ်က္ၜံၚ်မွဲတဲ နွံကဵုယဲပၠန်၊ စိုပ်ပန်စှော်သ္တိုတ် သၟိက်ချိုတ်မွဲတန်၊ တြဴစှော််ရောၚ် ချိုတ်ဟွံယောၚ်ခၠန်၊ ဂွံထပှ်ကၠာ နကျတ်ၜါပၠန် ...။


၃။ ကြိတ္တိကာဂ္ညိ နက်ကျတ်ပိပၠန်၊ စောရနကျတ် တွံလဝ်သၟတ်ဇန်၊ နကျတ်ဂှ်ပၠန် မၞိဟ်မွဲတန်ဒှ်၊ စိိုတ်ဂၠိုၚ်လုတ်လောန် ဟွံတန်ကြန်သၟဟ်၊ ထပှ်စှော်သ္တိုတ် ဒးချိုတ်လၚဟ်၊ နက်ကျတ်ပိကၠာ ဟီုတုဲခါဂှ် ...။


၄။ ရောဟိနဳပၠန်် နက်ကျတ်ပန်သၟဟ်၊ ဘူမိပါလ တလတိတွံ၊ မၚ်မွဲစိုတ်ဒှ် သ္ဂေဟ်သွဟ်ထဝ်ဩန်၊ တီဒဒိုက်ကၠာ သမ္ဘာဂၠိုၚ်သန်၊ ထပှ်စှော်သေတိုက် အာယုက်အိုတ်သ္ကန် ...။


၅။ မိဂ္ဂသဳတုန် ဒှ်မသုန်ပၠန်၊ သုန္ဓရဳကာဲ နက်ကျတ်ဆာဲသန်၊ နက်ကျတ်ဂှ် သ္ကဲမၞိဟ်မွဲတန်၊ စိုတ်လ္ဂူသၟတ်ကီု လဟီုဇၟံဇၟန်၊ နွံတဴဣန်ရဳ နွံသဳလပၠန်၊ ဒစာံစှော်သ္တိုတ် အာယုက်အိုတ်သန်၊ ဝွံနက်ကျတ်တုန် မသုန်တွံတန် .. ။


၆။ ဘဒြကျာံအဴ ဒှ်တရဴပၠန်၊ မဟာဒေဝဳ နက်ကျတ်ပ္ညီပ္တန်၊ မၞိဟ်ဂံၚ်သာဲသန် ဂလာန်အောန်တဴ၊ နွံကဵုပိုန်ဟာန် မၠေံဆာန်ညးအဴ၊ အာယုက်သဘဴ တြဴစှော်သၟဟ်၊ သ္ကန်အိုတ်ဒဲပၠိုတ် ဒးချိုတ်လၚုဟ် .. ။


၇။ ပုန္နပ္ပသုယၟုထပှ် ပ္ဍဲနက်ကျတ်ဂှ်၊ ယဝ်ဒှ်မၞိဟ်ရ နက်ကျတ်ဂှ်ကၞာတ်၊ ဗာဇ္ဇခါတ်ဂျ၊ စိုတ်မ္ၚိုဟ်ကြံၚ် လဟုက်ညံၚ်ကၠ၊ လေပ်ကွက်ဒမၠိ ကာတိကၠောန်စ၊ လေပ်ဗၞိက်ကၠာ မြာဇၟာပ်သဗ္ဗ၊ စိုပ်ပန်စှော်ချိုတ် ယဝ်ဟွံချိုတ်ရ၊ ဒစိတ်စှော်ပၠ ချိုတ်ရအဆတ် .. ။


၈။ ဖုဿဂတာံ ဒစာံနက်ကျတ်၊ နက်ကျတ်ဝွံမှာ ရာဇာအဆတ်၊ နွံတဴဒြပ်ရတ် ယဲသတ်တဴဂး၊ ၜါစှော်လောန်အဵု ဒှ်သေက်ဇဵုညး၊ ပန်ဣသုန်ထဲ ဒှ်ယဲဇၞော်ကၠာ၊ ယဲပါၚ်မ္ဂး မ္ဒးချိုတ်ရ...။


၉။ မှေမှဒစိတ် နက်ကျတ်တိတ်ပၠ၊ တြုံဒှ်ခမဳ ဗြဴနွံသဳလ၊ နက်ကျတ်ဝွံကၠာ နွံဓဝ်သစ္စ၊ လေပ်ဆာန်ရၚ်သ္ကံ ဖျီုဖအအ်မိမ၊ ထပှ်စှော်ပၠ မာရဏကၠာ ။


၁၀။ မာဃကၞုဲဟေၚ် စှ်ရောၚ်သေၚ်ဟာ၊ မလိဒ္ဒသၟတ် နက်ကျတ်ဂှ်မာ၊ ပ္ဍဲနက်ကျတ်ဂှ် ယဝ်ဒှ်မၞိဟ်ကၠာ၊ လေပ်ကေၚ်ကာ ဟွံခြာဒးလၚဟ်၊ စိုပ်ပိစှော်ပၠန် ညောန်မသုန်စှော်၊ သ္ဒးချိုတ်လၚုဟ် အ္စာတံဆက် ။


၁၁။ ပုဗ္ဗပလ္လ ဂုန္နဂၠဴကၟက်၊ နက်ကျတ်စှ်မွဲ ဟီုသ္ကဲထတ်မြက်၊ နက်ကျတ်သေဌဳ ဂၠာဲဟီုပ္ညဳဆက်၊ မၞိဟ်မဒှ်ဗက် နက်ကျတ်ဂှ်အဴ၊ ဒေပ်စိုတ်ဇၟံဇၟန် ဂလာန်အောန်တဴ၊ အာယုက်အထက် ဗက်မွဲသဘဴ၊ ထပှ်စှော်ရ မာရဏဇဴ ။


၁၂။ ဥတြာပလ္လ ဂုန္နဂၠဴဗြဴ၊ နက်သတ်စှ်ၜါ ပိုၚ်ခြာလဝ်အဴ၊ နက်ကျတ်စောရ ဟီုပၠသဘဴ၊ လေပ်ဆာန်ညးပၠန် ဟွံစောန်ဒမြဴ၊ ခိုဟ်သန်စရိုတ် စိုတ်ဍိုန်ဍောတ်တဴ၊ ဒစာံစှော်အဴ ယီုဖျဴအနိုၚ် ။


၁၃။ နက်ကျတ်စှ်ပိ ဟတ္ထိရုပ်စိၚ်၊ ဘူမိပါလ တလတိသၟိၚ်၊ ညးဒှ်မၞိဟ်သၟတ် ပ္ဍဲနက်ကျတ်စိၚ်၊ က္ဍိုပ်ဇၞော်တဴကီု ညးဟီုပိုဲမိၚ်၊ လုတ်ကဵုဂြိုပ်ဂၞိၚ် ကၞိၚ်ဒှ်အိက်ရုဲ၊ ထပှ်စှော်ကီု သၟိၚ်ယီုဒက်ဂၠုဲ ။


၁၄။ စိတြစှ်ပန် ရုပ်ကၠက္ၜန်ထုဲ၊ သုန္ဓရဳအဴ နက်ကျတ်ဗြဴလွုဲ၊ လုပ်ဂြိုပ်ဂၞိၚ်တုဲ ပေၚ်တၟုဲဟွံဒှ်၊ ဆာန်ကၟိန်ညးအောန် စိုတ်ပၠန်မဇ္ၛဟ်၊ ဇိုၚ်ဇွိဖဍဟ် မသုန်စှော်ယဲ၊ ဒစာံစှော်သတိုတ် ဒးပၠိုတ်သ္ကန်ဒဲ၊ အ္စာညာဏ်လှဲ တိတ်ဟီုသ္ကဲပျး ။


၁၅။ သွောတ္ထိရုပ်ကၠန် စှ်သုန်ရောၚ်ယး၊ ဒေဝဳနက်ကျတ် ပြာကတ်ကဵုညး၊ ပ္ဍဲနက်ကျတ်ဂှ် ဒှ်မၞိဟ်မ္ဂး၊ ပညာဇၞော်လှဲ ဂုဏ်ဇၞော်ပြဲသ္အး၊ ဍိုန်ဍောတ်ဒးရး စိုတ်ညးဂြၚ်တီ၊ ဇကုဇြာဲကြဳ ဣန်ရဳသဳရိ၊ ဝေါဟာကၠံလ္ၚီ ဂြၚ်တီလအိတ်၊ ညးဇၞော်တေဇ ရောၚ်မပမိတ်၊ စှ်သုန်သၞာံတိတ် ယဲလ္အိတ်ဟေၚ်၊ တြဴစှော်ပြဲ အိုတ်ဒဲသေၚ်လေၚ်..။


၁၆။ ဗေသာခအဴ စှ်တြဴပြေၚ်၊ နက်ကျတ်ဝွံကၞာတ် ဗာဇ္ဇခါတ်ဟေၚ်၊ ပ္ဍဲနက်ကျတ်ဂှ် ဒှ်မၞိဟ်သေၚ်လေၚ်၊ ဂြိုဟ်စာလောန်ဟေၚ် ဒျိုၚ်တုပ်ပြေၚ်ကီု၊ ပဏတ်ကဵုညး မုတ်ဒွဟွံဟီု၊ သမ္ဘာဂၠိုၚ်သန်် စိုတ်ဟွံတန်ကီု၊ ပိစှော်စိုပ်သ္ကန် လီုဇဳပိသၟဟ်..။


၁၇။ အနုရာဓ ပၠစှ်ထပှ်၊ နက်ကျတ်ကၟီကဵု ယဝ်မၞိဟ်က္တဵုဒှ်၊ နက်ကျတ်ရာဇာ အ္စာဟီုတွံ၊ လုပ်ဂြိုပ်ဂၞိၚ်ပ္ညုၚ် ဆုသၠုၚ်ဒဵုဇြဟ်၊ ဍာ်ဖျိုတ်ဖျးဂှ် စဒှ်လောန်တဲ၊ ဇကုဍေံထတ် ပဏတ်ဟွံမွဲ၊ စိုပ်ပိစှော်ဟေၚ် ဟွံသေၚ်ဒှ်ယဲ၊ ထပှ်စှော်သ္ကဲ မွဲတဲချိုတ်ကွေံ..။


၁၈။ စှ်ဒစာံဂျ နာမဗ္ၜေံ၊ နက်ကျတ်ခမဳ အိန်ရဳသမေံ၊ ရမျာၚ်စေံဏေံ ညေံစောန်ဒမြဴ၊ သာ်ဇကုဒမျိုၚ် လုတ်လောန်ကြိုၚ်တဴ၊ ထပှ်စှော်သ္ကဲ ဒှ်ယဲသဘဴ၊ ဒစာံစှော်အဴ ဇဴပၠိုတ်အိုတ်ဒဲ ..။


၁၉။ စှ်ဒ္စိတ်ရ မူလဗ္ဂဲ၊ ဒလိဒ္ဒသၟတ် နက်ကျတ်ဟီုသ္ကဲ၊ နက်ကျတ်ဂှ်ပြဲ ဒှ်မၞိဟ်မ္ဂး၊ ဂၠုဆၚ်စှ်ေတိ လန်အာသ္ၚိညး၊ သာ်ဇကုအဴ ဗကေတ်တဴဂး၊ ဌာန်သၠုၚ်မ္ဂး ဍေံဒးဂနပ်၊ စိုပ်ပိစှော်သ္ကဲ ယဲအိုတ်ကသပ်၊ မသုန်စှော်အဴ တြဴစှော်ထပ်၊ ချိုတ်အိုတ်ကသပ် ကၟက်ဒှ်သက်သက် .. ။


၂၀။ ပုဗ္ဗသာလ္လ ဟီုပၠသိတ်ကၟက်၊ နက်ကျတ်သေဌဳ ဂၠာဲဟီုပ္ညဳဆက်၊ နက်ကျတ်ၜါစှော် ဒှ်မၞိဟ်ထတ်မြက်၊ ဖေက်ညးဟွံကောံ ထတ်စောံသက်လက်၊ လုတ်ကဵုဂြိုဟ်ဂၞိၚ် အာယုက်ဂၠိၚ်ဆက်၊ ဒစိတ်ဗက် သက်ချိုတ်အာတဴ .. ။


၂၁။ ဥတြာသာလ္လ ပၠရုပ်သိတ်ဗြဴ၊ ၜါစှော်မွဲအဴ နက်ကျတ်စဴတန်၊ စောရနက်ကျတ် ဟီုလဝ်သၟတ်ဇန်၊ ပ္ဍဲနက်ကျတ်ဂှ် ယဝ်ဒှ်မၞိဟ်ပၠန်၊ စၞအိုတ်ကတၚ် လုတ်စာဍၚ်သန်၊ ပိစှော်ယဲကၞာတ် ဂွံကောန်ဇာတ်အောန်၊ ထပှ်စှော်သ္ကဲ လီုဒဲအိုတ်သ္ကန်၊ သာ်ဝွံလက်သဏ် သမ္တီပၠန်ညိ .. ။


၂၂။ ဩဝဏ္ဏကၠာ ၜါစှော်ၜါဗ္ဂန််၊ ကလော်ဗြဴသ္အး ဂးရသိပၠန်၊ ဘူမိပါလ အ္စာဟီုပ္ကန်၊ နက်ကျတ်ဂှ်သ္ကဲ ဒှ်မၞိဟ်မွဲတန်၊ ဣဿာလောန်သန် ဗိုန်ညောန်ခါတ်ပြာပ်၊ စိုတ်စောန်ဒှ်ရော ဆာန်ကလောဒညာတ်၊ မာန််စံၚ်ထေဲသ္ကာတ် ကၞာတ်မသုန်စှော်၊ သ္ကန််အိုတ်ဒဲပၠိုတ် ဟွံချိုတ်ပ္ဍဲဂှ်၊ ဒစာံစှော်သၟတ် ဒှ်ချိုတ်ကွေံရ .. ။


၂၃။ ဓနိဌဂ္ညိ ၜါစှော်ပိပၠ၊ ရုပ်သေဌဳခိုဟ် ရုပ်လကိုဟ်ဂျ၊ ယဝ်မၞိဟ်မွဲဒှ် နက်ကျတ်ဂှ်ရ၊ စိုတ်ဍေံဟွံခိုဟ် ဂြိုဟ်စာကြံကြ၊ ဂၠိုၚ်ကဵုဝါရ ဂၠာဲပၠေၚ်ညး၊ တြဴစှော်အိုတ် ယဲဟွံချိုတ်ဂး၊ ဒစာံစှော်သ္အး သ္ဒးချိုတ်ဟွံခၠန် .. ။


၂၄။ သတ္တဗိဿ ရုပ်ကၠိက်ပဗ္ဂန်၊ နက်ကျတ်ဂှ်မာ ဒှ်ၜါစှော်ပန်၊ နက်ကျတ်ဒေဝဳ ဟီုပ္ညဳလက်သဏ်၊ နက်ကျတ်ဂှ်သ္ကဲ ဒှ်မၞိဟ်မွဲတန်၊ မာတ်စံၚ်လောန်ဗၞတ် တူပၟတ်ပၠန်၊ ထပှ်စှော်ညောန် ယဲအိုတ်သ္ကန်ဗက် .. ။


၂၅။ ပုဗ္ဗဘဒြာ ဇာဒိသိုၚ်ကၟက်၊ ၜါဣသုန်သၟတ် နက်ကျတ်တွံဆက်၊ နက်ကျတ်ဝွံတၞာတ် ဗာဇ္ဇခါတ်ဗက်၊ ဂံၚ်သ္ကာတ်သက်လက် ထတ်စောန်မြက်စာ၊ လုတ်ဖျုန်သွကိုပ် လုတ်ကဵုဂြိုပ်ဝါ၊ ထပှ်စှော်ကၠာ မာရဏဇဴ .. ။


၂၆။ ဥတြာဘဒြာ ဇာဒိသိုၚ်ဗြဴ၊ နက်ကျတ်ဝွံကၠာ ၜါစှော်တြဴ၊ နက်ကျတ်ရာဇာ အာစာခုတ်ခဴ၊ ရုပ်သာ်ဂေါဝ်လောန် ကောန်ဇာတ်အောန်တဴ၊ မသုန််စှော်ချိုတ် ဟွံချိုတ်ဗွဲကြဴ၊ တြဴစှော်အဴ ချိုတ်တဴခါဂှ် .. ။


၂၇။ ရေဝတဳကၠာ ရုပ်ကညာသၟတ်၊ နက်ကျတ်ဂှ်ကၠာ ၜါစှော်ထပှ်၊ နက်ကျတ်ခမဳ အရဳဟီုတွံ၊ ရုပ်သာ်ဍိုန်ဒ္ၚဳ ခမဳဂွံဒှ်၊ သဒ္ဓါဇၞော်အဴ နွံတဴကြဳဇှ်၊ ဗၞတ်ပိဝါအိုတ် သၟိက်ချိုတ်ခါဂှ်၊ ဒစာံစှော်သ္တိုတ် (ဒၞာဲဏံထပ်ဗပေၚ်ညိလိက်အးမံၚ်) အိုတ်သၟတ်၊ နက်ကျတ်ဝွံကၠာ ၜါစှော်ထပှ်၊ ဗီုနက်ကျတ်ဂှ် ပိုဲဟီုတွံရောၚ် ..။

ကိုန်တ္ၚဲတၞီ[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲတဏီအဵု တွံကဵုမွဲတောၚ်၊ အဒိုတ်ပသာ် စန်တွာ်ဇှ်ေရောၚ်၊ အၚာမွဲတောၚ် ဂၠောၚ်အသာတ်စိ၊ ဗုဒ္ဓသဝဏ် ဘဒ်ပၠန်ဂုရု၊ သိုက်ဂှ်မေခု ဝွံတဏီအာ၊ သ္ၚိသဝ်ကထိုန် တဏီဗိုန်ကၠာ၊ တ္ၚဲအဒိုတ်အဵု မြေက္ကသဵုမာ၊ စန်ပ္ဍဲပုဟ်ကၠာ အၚာပ္ဍဲမာ်၊ ဗုဒ္ဓဝါဗိုန် ဖဝ်ရဂိုန်ဖျာ်၊ ဂုရုလမာ် စဲပါ်ပြဵုအာ၊ ဝွံတ္ၚဲတဏီ သမ္တီပမှာ ..။

ကိုန်တ္ၚဲဂတဝ်[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲဂတဝ်ကၠာ ဟီုအာဂတ တ္ၚဲအဒိုတ်သၟတ် စဲဘဒ်ဟီုပၠ၊ အသုက်စန္ဒြ ကထိုန်အၚာ၊ ပသာ်မြေက္ကသဵုရ ပၠဗုဒ္ဓဝါ၊ ဇှ်ေကဵုပုဟ်ဂ္ညိ ဗြဴဗတိကၠာ၊ အသာတ်မာ်လဝ် သိုက်ဂတဝ်အာ၊ သ္ၚိသဝ်သဝဏ် ဖဝ်ရဂိုန်နာ၊ ဣဝွံတ္ၚဲကၠာ ဂတဝ်အာတဴ ..။

ကိုန်တွဟ်တ္ၚဲတၞီ[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲတဏီဖျာ် ပကွာ်တရဴ ကၠးဍိက်ရာန်ပြေၚ် ပြဟ်ဍေံဝေၚ်ဒဴ၊ ဂိုၚ်ဒေပ်ထဝ်ဩန်် ဂွံတန်ကြန်တဴ၊ ကိုန်တ္ၚဲတဏီ သမ္တီလဝ်အဴ .. ။

ကိုန်တွဟ်တ္ၚဲဂတဝ်[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲဂတဝ်ဖျာ် မှတ်ကွာ်တရဴ၊ ကၠးဍိက်ရာန်ပြေၚ် ဟွံဂွံဝေၚ်ဒဴ၊ ဂိုၚ်ဒေပ်ထဝ်ဩန် ဂွံတန်ကြန်အဴ၊ ကိုန်ဝွံတုပ်တဴ ညံၚ်သ္ဍဴသေၚ်ဟာ။

ကိုန်ဒလုၚ်တုတ်[ပလေဝ်ဒါန် | ပလေဝ်ဒါန် တမ်ကၞက်]

အဒိုတ်ဗုဒ္ဓ ဟီုပၠၜါတ္ၚဲ၊ ဒလုၚ်တုတ်ခိိုဟ် စန်တုတ်ခိုဟ်ကၠာ၊ ဂုရုရေက်ကောံ သိုက်ဇိၚ်သၠောံအာ၊ ဗၠးဝေဒနာ လာပ်မြာဆတ္တဝ်။

ကိုန်ကၠေံဆီဗတိုဟ်စၟ[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲစန်ဗုဒ္ဓ သိုက်ကြသ္ၚိသဝ်၊ ဗတိုဟ်စၟ မရဏသ္ဂဝ်၊ ကၠေံဆီဆတ္တဝ် ယဲဇၞော်မောဝ်အာ၊ အဒိုတ်စန်ဂှ် တ္ၚဲဒဒှ်ကၠာ၊ ကၠေံဆီယဲဂၠိုၚ် ဇွက်ဂၞဴဇြိုၚ်အာ၊ ဟိုတ်ဂှ်ကဵုဝေၚ် တ္ၚဲဂှ်သေၚ်ဟာ .. ။

ကိုန်ရေက်သော််[ပလေဝ်ဒါန် | ပလေဝ်ဒါန် တမ်ကၞက်]

ယဝ်ရေက်သော်ပၠန် ဂကန်အ္စာ၊ စန်ဗုဒ္ဓသ္ကဲ ပါဲကၠေံတ္ၚဲၜါ၊ တ္ၚဲအဒိုတ်သ္ကဲ သီုတ္ၚဲအၚာ၊ ဗြဴဗတိရ သိုက်ကြသောရာ၊ သီုတ္ၚဲမသုန် ဇၞော်ဂုဏ်ပြာထာ၊ ယာံရေက်သော်သွံ ပိုန်ဟာန်ဂွံမြာ၊ တၠပညာ သမ္တီကၠာညိ .. ။

ကိုန်ရေက်သၞေံတဲ[ပလေဝ်ဒါန် | ပလေဝ်ဒါန် တမ်ကၞက်]

ရေက်သၞေံတဲ ဂးဗွဲလၚ်္ကာ၊ သ္ၚိသဝ်ဝေၚ်သ္တိုတ် အဒိုတ်အၚာ၊ ရေက်သၞေံတဲကီု ကျာ်ဩဳလီုအာ၊ စန််ဗုဒ္ဓဂၠိ ဗြဴဗတိကၠာ၊ သိုက််မွဲပြဲသန် တ္ၚဲပန်ဝွံမှာ၊ ရေက်သၞေံတဲ ကျာ်ဩဳပြဲဖာ၊ တၠပညာ သမ္တီကၠာညိ .. ။

ကိုန်ဒယိကၠေၚ်[ပလေဝ်ဒါန် | ပလေဝ်ဒါန် တမ်ကၞက်]

ဒယိကၠေၚ်အဵု ပိုဲတွံကဵုကၠာ၊ တ္ၚဲသ္ၚိသဝ်သိုက် အဒိုတ်အၚာ၊ တ္ၚဲပိဝွံဟေၚ် မၞးမှတ်ဝေၚ်အာ၊ စန်ဗုဒ္ဓဂၠိုက် ဂုရုသိုက်ကြာ၊ ဒယိကၠေၚ်ပၠန် တ္ၚဲပန်ဝွံမှာ၊ မြိုက်ဓဇိုက်ပ္ညဳ ကျာ်ဩဳဂေါဝ်ဂါ၊ ဒယိကၠေၚ်ကၠာ အ္စာတွံရောၚ်။

ကိုန်တ္ၚဲကတ်ဗ္တောန်[ပလေဝ်ဒါန် | ပလေဝ်ဒါန် တမ်ကၞက်]

ကတ်ဗ္တောန်ဂှ် ဟီုတွံဂတ၊ အဒိုတ်သိုက်ကတ် ဆမဇ္ၛဟ်ပၠ၊ ဗြဴဗတိမွဲ ကတ်ပြဲညာန၊ စန်အၚာလဝ် သ္ၚိသဝ်ဗုဒ္ဓ၊ ကတ်ဒှ်ဒိုက်ယဲ ခိုဟ်မွဲခဏ၊ ဒစာံမံက်စွေက် ဒုဟ်ဍေက်ဟီုပၠ၊ ယဝ်ကတ်ဂၞန်ကၠာ ဒးဒိုက်အာရ၊ မံက်စွေက်စှ်ပန် ကွးဒးဒဏ်ပၠ၊ စှ်မံက်စွေက်ရ ကတ်စမွဲတန််၊ အ္စာသီုကွး မ္ဒးဘဲဒဏ်၊ သဳဗပေၚ်ရ ဒးမိမပၠန်၊ ကဵုဝေၚ်ဇၟာပ်တန် ဒုဟ်ကတ်ဂၞန်ရောၚ်။

ကိုန်တ္ၚဲဇိက်ဗ္ၚ[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲဇိက်ဗ္ၚဂှ် ဟီုတွံမွဲတောၚ်၊ အဒိုတ်ဇိက်ဗ္ၚ သိုက်တုၚ်မရောၚ်၊ စန်ဒြာတ်မွဲတောၚ် ဗုဒ္ဓဂၠောၚ်ရတ်၊ တ္ၚဲအၚာဗိုန် မှတ်ပၠိုန််အဆတ်၊ တ္ၚဲသ္ၚိသဝ်ပ္ညဳ သီုဖရဳသၟတ်၊ ဗြဴဗတိနၚ် ပၠောတ်ဟၚ်ပေၚ်က္ဍတ်၊ ရံၚ်တ္ၚဲဒးဗၞတ် တဵုလွဳသၟတ်ပ .. ။

ကိုန်တ္ၚဲဟပ်ဝ်ပ္တိတ်ဒြပ်[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲအဒိုတ်ရ သွံပ္တိတ်ပၠောပ်၊ စန်ယိုက်ဂိုၚ်ပၠောပ် ပစောပ်ကဵုညး၊ ပသဲအၚာ ပဏာသမ္တီ၊ ဗြဴဗတိအဵု မတ်ကဵုညး၊ သိုက်ပ္တိတ်ပၠန် ထဝ်ဩန်ၜဲမး၊ သ္ၚိသဝ်ရာန်ပြေၚ် ဝေၚ်ပကဵုညး၊ သာ်ဝွံမ္ဂး မၞးဝေၚ်တူရူ၊ တ္ၚဲအဒိုတ်သွံ ပၠိုန်ဩောံသ္ၚိတူ၊ စန်ဗိုက်ယာတ်အူ ဒုဟ်ဂၠိုၚ်ပူဆာ၊ အၚာဒါတ်လွဟ် ဒှ်လေၚ်ပြာပြာ၊ ဝေၚ်ညိမၞးတံ ကသ္ပံသာ၊ သ္ဂောံဝေၚ်မ္ဂး ဂတခိုဟ်အာ၊ သာ်ဝွံတုန်ကၠာ ဟီုတွံအာရောၚ် .. ။

ကိုန်တ္ၚဲရာန်ဒြပ်[ပလေဝ်ဒါန် | ပလေဝ်ဒါန် တမ်ကၞက်]

အဒိုတ်ရာန်ဒြပ် စန်ရာန်ယာတ်ကၠာ၊ ရာန်တိအၚာ ဗုဒ္ဓဝါကၠးဍိက်၊ ဗြဴဗတိသၟတ် ရာန်မတ်မၞိက်၊ သိုက်သၟန်ရာန်ထဝ် ဟီုလဝ်ပမိက်၊ သ္ၚိသဝ်ရာန်ဂၠဴ ရာန််ဖျဴညံၚ်ပိက်၊ တ္ၚဲခိုဟ်ကဵုရာန် ဟီုပ္ကာန်လဝ်ရောၚ်။

ကိုန်မြိုတ်ကျု[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲမြိုတ်ကျုဂှ် ဟီုတွံမွဲတောၚ်၊ တ္ၚဲဒိတ္ထဳရောၚ် မွဲတောၚ်ဟီုအာ၊ တ္ၚဲအဒိုတ်ဂှ် ဒိတ္ထဳစှ်ၜါ၊ စန်စှ်မွဲညာတ် စှ်ကၞာတ်အၚာ၊ ဒစိတ်ဗုဒ္ဓ အဌဂုရု၊ တ္ၚဲသိုက်တုန်ဂှ် တဝှ်မေခု၊ သ္ၚိသဝ်တြဴ စဴဒှ်မြိုတ်ကျု၊ ကွာ်တိုက်ဍိုက်ဂၠုၚ် ၜက်လ္ဂုၚ်သတြု၊ ပြေၚ်ကောန်ဒးသာဲ ကၟာဲမွဲဇကု၊ ဒိတ္ထဳမြိုတ်ကျု ဇကုသ္ကန်မှာ .. ။

ကိုန်ဗဳလာ[ပလေဝ်ဒါန် | ပလေဝ်ဒါန် တမ်ကၞက်]

ဂတဝွံပ္ညဳ ဒိတ္ထဳဗဳလာ၊ အဒိုတ်တြဴ စန်သွဴပန်ကၠာ၊ ဒိတ္ထဳဒစာံ ဝေၚ်သ္ဍာံအၚာ၊ ဗုဒ္ဓထပှ် ဂုရုဂှ်ၜါ၊ သိုက်ဒစိတ်ဓဝ် သ္ၚိသဝ်စှ်ကၠာ၊ တ္ၚဲဒိတ္ထဳကၠာ ဗဳလာဝေၚ်ညိ၊ ယာံဒးဗဳလာ အ္စာဟီုဗျိ၊ သိုၚ်သ္ၚိယဲတဴ ကွာ်တရဴမြိ၊ လ္ပကၠောန်ညိ ဝေၚ်ညိဇၟာပ်ကာ .. ။

ကိုန်ကာကာပ်[ပလေဝ်ဒါန် | ပလေဝ်ဒါန် တမ်ကၞက်]

ဂတဝွံကီု ကာကာပ်ဟီုအာ၊ ဖဝ်ရဂိုန်စဲ မသုန်ထဲဏာ၊ ပသာ်ဇှ်ေအဴ တြဴသေၚ်ဟာ၊ အသာတ်သဝဏ် မွဲတန်ဝေၚ်ကၠာ၊ ဘဒ်အသုတ်ပ္ညဳ ဝေၚ်ဒိတ္ထဳၜါ၊ မြေက္ကသဵုဗိုန် ကထိုန်ပိကၠာ၊ ပုဟ်ကဵုမာ်ပၠန် ဒိတ္ထဳပန်မြာ၊ ကာကာပ်ဒွံဒး လေၚ်သ္အးဖြာဖြာ၊ တဵုက္ၜဴဟွံဍာတ် တဵုဗြာတ်သာဲအာ၊ ဇိက်ဗ္ၚဩောံသာဲ ပြေၚ်ကောန်ကၟာဲခြာ၊ လုပ်ဂြိုပ်ဆဵုတၟံ ကၠောံၜဳဗြံအာ၊ ဟိုတ်ဂှ်

ကိုန်ဒဿကြိုတ်[ပလေဝ်ဒါန် | ပလေဝ်ဒါန် တမ်ကၞက်]

ဒဿကြိုတ်ဂှ် ဂတတွံအာ၊ အဒိုတ်မွဲကၠာ စန်ပန်ဌာန၊ အၚာစှ်ပ္တိတ် ဒစိတ်ဗုဒ္ဓ၊ ဂုရုတရဴ သိုက်ပိစဴပၠ၊ သ္ၚိသဝ်ထပှ် ဒိိတ္ထဳဂှ်ရ၊ ဒဿကြိုတ်ဟေၚ် ဇၟာပ်ကာဝေၚ်ပၠ၊ ပ္တုဲကာလေၚ်ရ ဝေၚ်ညိပခၠန် .. ။

ကိုန်ဂၞဲရိုတ်[ပလေဝ်ဒါန် | ပလေဝ်ဒါန် တမ်ကၞက်]

ဒးဂၞဲရိုတ်ရ ဂတဟီုပၠန်၊ ဗွဲမမံက်မာ စှ်ၜါစှ်ပန်၊ ၜါပန်ဒစာံ ဂါံလုပ်တန်တန်၊ ဗွဲစွေက်ဂှ် ပိထပှ်ပၠန်၊ ဒစိတ်စှ်ပိ ဂၞဲရိုတ်ဂ္ညိပ္တန်၊ ဒိတ္ထဳဂၞဲရိုတ် ပြေၚ်ကောန်အိုတ်သ္ကန်၊ သိုၚ်သ္ၚိတူအာ ဇၟာပ်ကာဝေၚ်ခၠန်၊ အ္စာဂကန်် ဒုဟ်ဇၞော်သန်ရ။

၇၃။ ကိုန်တဒ္ဓိုတ်[ပလေဝ်ဒါန် | ပလေဝ်ဒါန် တမ်ကၞက်]

ဒိတ္ထဳတဒ္ဓိုတ် ၜိုတ်ဟီုဂတ၊ စဲသဝဏ်အဵု မြေက္ကသဵုပၠ၊ ဒိတ္ထဳထပှ် သၟဟ်ဝေၚ်ပြဟ်ရ၊ ပသာ်ဇှ်ေဗျာံ မာ်ဒစာံဂျ၊ အသာတ်ဘဒ်ပုဟ် ဒစိတ်ဒုဟ်ဟီုပၠ၊ အသုတ်ကထိုန် ဖဝ်ရဂိုန်ဂျ၊ ဒိတ္ထဳစှ်သိုတ် ဒးတဒ္ဓိုတ်ပၠ၊ ပကာအိုတ်ဒဲ ဂၠိုၚ်ကဵုဘဲလ္ၚ၊ ဘဲဂတးဗျာံ ညဲကျာံဘဲကၠ၊ ယဝ်ဟွံဝေၚ်ရ ဒုဟ်ဘဲပလေၚ်၊ စှ်ၜါစှ်ပန် တ္ၚဲစန်ဗပေၚ်၊ သိုၚ်သ္ၚိညးပၠေၚ် သိုၚ်ဇြပ်လေၚ်အာ၊ ဇိက်ဗ္ၚဩောံသာဲ ပြေၚ်ကောန်ကၟာဲကၠာ၊ လုပ်ဂြိုပ်ဆဵုတၟံ ကၠောံၜဳဗြံအာ၊ တ္ၚဲစန်ဗပေၚ် ကၠောန်ကာလေၚ်အာ၊ ဇၟာပ်တဝှ်ကာ ဝေၚ်အာတဝဵု .. ။

ကိုန်ပြာပ်ဗ္ဒါ[ပလေဝ်ဒါန် | ပလေဝ်ဒါန် တမ်ကၞက်]

ပြာပ်ဗဒါရ ဂတဟီုကဵု၊ စဲသဝဏ်ကီု သီုမြေက္ကသဵု၊ ဗြဴဗတိယး သ္ၚိသဝ်ဂးကဵု၊ ဒးပြာပ်ဗဒါ တ္ၚဲၜါဝွံအဵု၊ ပသာ်ဘဒ်အဵု ပုဟ်ဂးကဵုကၠာ၊ ဗုဒ္ဓသိုက်သ္ကဲ ဒှ်ဟုတ်တ္ၚဲၜါ၊ ဇှ်ေဝှ်မာ်ပၠန် အဒိုတ်စန္ဒြာ၊ အသာတ်ကထိုန် ဖဝ်ရဂိုန်နာ၊ ရာဟုဝေၚ်ထဲ သီုတ္ၚဲအၚာ၊ ယာံဒွံဒးဗိုန် ကိုန််ပြာပ်ဗဒါ၊ ကွာ်တိုက်ဍိုက်ဂၠုၚ် ဒက်ဍုၚ်သိုၚ်ဘာ၊ သိုၚ်သ္ၚိဇိက်ဗ္ၚ ဝိဝါဟကၠာ၊ ဒှ်လေၚ်စုတိ အမှုမြိပါ၊ ပြာပ်ဗ္ဒါဟေၚ် သၟတ်ဝေၚ်ဇၟာပ်ကာ၊ တၠပညာ သမ္တီကၠာညိ .. ။

ကိုန်မြိုတ်ဓဇိုက်[ပလေဝ်ဒါန် | ပလေဝ်ဒါန် တမ်ကၞက်]

မြိုတ်ဓဇိုက်ပ္ညဳ ဒိတ္ထဳဂးမာ၊ အဒိုတ်ဒစာံ စန်ဂါံပိကၠာ၊ အၚာထပှ် ဗုဒ္ဓဂှ်ၜါ၊ ဗြဴဗတိပန် သိုက်မွဲပ္တန်ကၠာ၊ သ္ၚိသဝ်မသုန် ဇၞော်ဂုဏ်ပြာထာ၊ မြိုတ်ဓဇိုက်ပ္ညဳ ဒိတ္ထဳဂးမာ၊ မၞးမှတ်ပ္တုဲကာ ပိုန််ဂွံမြာရောၚ်။

ကိုန်တ္ၚဲမိတ်[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲဒှ်မိတ်အဵု တွံကဵုမွဲတောၚ်၊ မိတ်အဒိုတ်စိ ဗြဴဗတိရောၚ်၊ စန်ဗုဒ္ဓဂၠောၚ် မိတ်ရောၚ်ဇာတိ၊ အၚာကဵုသိုက် ဍိုက်ဝေၚ်ဟဳရိ၊ ရာဟုသ္ၚိသဝ် မိတ်နူကဝ်ဂၠိ၊ တ္ၚဲဒှ်မိတ်စိ ဒမၠိတွံရောၚ်။

ကိုန်တ္ၚဲသတြု[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲသတြုဂှ် တွံကဵုမွဲတောၚ်၊ တ္ၚဲအဒိုတ်ရောၚ် ဂၠောၚ်တ္ၚဲအၚာ၊ စန်ဗြဴဗတိ သတြုမြိပါ၊ သိုက်သ္ၚိသဝ်ဟေၚ် သတြုသေၚ်ဟာ၊ ဗုဒ္ဓရာဟု သတြုပြာပြာ၊ ဝွံဒှ်တ္ၚဲသၟတ် သတြုသေၚ်ဟာ၊ တၠပညာ သမ္တီကၠာညိ .. ။

ကိုန်ဗြိုဟ်ဍုၚ်-ဗြိုဟ်ကွာန်[ပလေဝ်ဒါန် | ပလေဝ်ဒါန် တမ်ကၞက်]

ဗြိုဟ်ဍုၚ်ဗြိုဟ်ကွာန် ဗြိုဟ်ဒပ်ပၞာန်ကၠာ၊ ဇမၠိၚ်အနာံ ဟတ်ဗျာံတုဲမာ၊ ပိပၟဝ်ရ ဒစာံစအာ၊ စှ်ေမွဲယုတ်မာ သှ်ေၜါဇွောံသၠောဲလး၊ ပိပၞာန်လဟဲ ပန်ပြဲဇၞး၊ ဗြိုဟ်မသုန်သ္အး စိုတ်ဍိုန်ဒးသၞတ်၊ တြဴလာဘ ထပှ်ဆဗၞတ်၊ သုန်ဟွံခိုဟ်ဟေၚ် မၞးဝေၚ်အဆတ်၊ ပန်ကၠၚ်သၟဟ်သၟန်် ဒဒိုက်လောန်သၟတ်၊ ဒပ်ဂၠိၚ်လောန်ဗၞတ် ချိုတ်ဖတ်ဖတ်ဟေၚ်၊ သတုံဇၞော်စာန်စး စိုတ်တွံလးလေၚ်၊ ဇွိဇၞော်မ္ဂး ကျအာညးဟေၚ်၊ မုက်ဇၞော်ဇၞးဂၠိုၚ် စိုတ်ခိုၚ်သ္တးသ္တေၚ်၊ ဍုၚ်ဒပ်ဇၞော်ဟေၚ် စိုတ်ဍိုန်သေၚ်ဟာ၊ ဒပ်ဍုၚ်ကွာန်အဵု ဗြိုဟ်ပကဵုမှာ၊ တသိုက်ဂွံမြာ အစာဟီုပ္ညုၚ် .. ။

ကိုန်ဒ္ဂေတ်လိုက်[ပလေဝ်ဒါန် | ပလေဝ်ဒါန် တမ်ကၞက်]

ဒ္ဂေတ်လိုက်ကီု သွက်ပိုဲဟီုပ္ညုၚ်၊ ကာလတောံပုၚ် ပလဂၚ်ဂၞံက်၊ ဟာပ်ပုၚ်လၟံက် သၟေဟ်လှံက်မွဲတန်၊ ပဂိုၚ်စုတ်ဆာဲ ပ္ဍဲထမာဲပၠန်၊ ဆစရုံဂပ် စုတ်ပ္ညပ်မွဲတန်၊ ဇဗၠုဆတ်ဂၞဴ စတဴပိုန်အောန်၊ ဍာ်နုၚ်သွုၚ်ဂွိုၚ် ပကြာတ်ဇိုၚ်ပၠန််၊ ဍာ်သၟေဟ်ကြာတ်ဇိုၚ် ပဂိုၚ်ပဠန်၊ ဂၠိက်ယာတ်ပသၞဴ ဖဴယာတ်ဗြဴပၠန်၊ ထမိၚ်ဒက်တုဲ ကြဴထုဲပဠန်၊ ယာတ်ထၟိၚ်ပၠန်ဟတန်ဒက်ဂၞိၚ်၊ ပဂါံဇုက်တေၚ် ဒလေၚ်ပဂၠန်၊ ဗြဴဟာပ်ပုၚ်ကၠာ ပဆံၚ်လုပ်ပၠန်၊ ကမဵုဗြဴပၠန် စပိုန်အောန်ရောၚ်၊ တူထဝါဲဗြဴ သ္တိက်တဴမွဲတောၚ်၊ ယာတ်လသာလဝ် ဂပ်ဝ်သ္တိက်ရောၚ်၊ သၞုက်ဍာ်ပလဝ် ယာံလဝ်ဒှ်ဍောၚ်၊ ဍာ်နုၚ်သွုၚ်ရ ပကဵုဇတ်ရောၚ်၊ ဟီုအရေဝ်ညး ပိုန်စ္ဍးဒြပ်ယောၚ်၊ ဒးဂရိုဟ်ပ္ညဳ ညးမၞုံသဳရောၚ်၊ သ္ဒးက္ၜေံလက်ပ္ညဳ ခမဳဟွံယောၚ်၊ ပိုန်ဘိုက်ဟုတ်ပၠန် ဒုဟ်ဇၞော်သန်ရောၚ်၊ ပလဳပလန် ဟီုပၠန်မွဲတောၚ်၊ ကျာ်ဩဳဟုတ်သန် ပိုန်ဘိုက်အောန်ရောၚ်၊ ဇပုၚ်ဇဗ ဗြံက်ဗြဒးဍောၚ်၊ သ္တိက်ဟွံကြာတ်ဇိုၚ် ဒဒိုက်ဂၠိုၚ်တောၚ်၊ သ္တိက်က္ဍိုပ်သၟဝ်ကျာ ဏာဒှ်လမောၚ်၊ ဟွံက္ၜဴပါၚ်ပ္ညဳ ဟွံလာၚ်မုက််ရောၚ်၊ ကျာ်ဩဳပါၚ်ယုတ် ကွိုန်ဟုတ်မွဲတောၚ်၊ သော်ဂၠိၚ်ဓဇက် ဟရေက်ပိုန်ယောၚ်၊ ဩောံယာ်တောံပုၚ် ဒစုၚ်စဲရောၚ်၊ ဒဒိုခ်ဂၠိုၚ်တောၚ် ရောၚ်အ္စာဂး၊ မၞးတံပ္ဍဲလိုက် ဒဒိုက်သၟိက်ဗၠး၊ စှ်ေဝေၚ်အိုတ်သ္အး တုဲသ္ဂောံဗၠးရောၚ် .. ။

ကိုန်သုတ်ဇာတ် လၟေၚ်နက်သတ်ပိထပ်[ပလေဝ်ဒါန် | ပလေဝ်ဒါန် တမ်ကၞက်]

  • နက်ကျတ်မွဲကွေံ ဂစေံကဵုကၞုဲ စှ်ဖျိုန်ကောန်တုဲ ကၞုဲစကောန်ဍေံ စှ်ဒစိတ်ကွေံ ဣသိဂွံဇၞး .. ။


  • နက်ကျတ်ၜါပ္ညဳ သေဌဳပကောန််၊ စှ်မွဲပြဲလောန် ကောန်သေဌဳချိုတ်၊ ၜါစှော်ဒါတ်ဩိုဟ် ဒှ်မှာသေဌဳ .. ။


  • ပိမိမဒဳ ဒ္ၚဳပၞုက်ကောန််ကၠာ၊ နက်ကျတ်စှ်ၜါ ၜတ်ဒၞာဲဇိုၚ်မ၊ ၜါစှော်မွဲရ ဇၞးမဂွံဒၞာဲ .. ။


  • ပန်ဆဒ္ဒန်ဗၠာဲ ချာဲဒေါၚ်လစ၊ စှ်ပိဒးပၠန် သဝန်လမ၊ ၜါစှော်ၜါအဴ သ္ဂောံဖျဴဂြၚ်ရ .. ။


  • မသုန်ယက္ခ ဂွံရကေတ်ဏာ၊ စှ်ပန်ဒးကၠာ မှာဗောဓိသတ်၊ ၜါစှော်ပိသၟတ် ဒါန်ထတ်ဒှ်သၟိၚ်၊ တရဴတုန်ရ ပြဘာဝတဳ၊ စှ်သုန်အနဳ မိကျာ်သဳဒဴ၊ ၜါစှော်ပန်ဒး ဇၞးပၞာန်ဂွံဗြဴ .. ။


  • ထပှ်သၟဳသၟပ် ရုပ်အ္စာသွဴ၊ ဒးစှ်တြဴ ဒးစဴဌာန်ယီု၊ ၜါဣသုန်ကီု ဣန်ဂယိုၚ်ကဵုရ .. ။


  • နက်ကျတ်ဒစာံ ပြောဟိတ်ဗျာံဒဏ်၊ စှ်ထပှ်အဴ ဒဴစဴတၟံဩန်၊ ၜါစှော်တြဴ သၟိၚ်ဂွံဗြဴပၠန် .. ။


  • ဒစိတ်စဴညန် ဒဏ်သုဒ္ဒပြဵု၊ စှ်ဒစာံကီု ဒးဟီုဇိမ်သၟတ်၊ ဒးနက်ကျတ်ကၠာ ၜါစှော်ထပှ်၊ ဗောဓိသတ်ဂှ် သ္ဂောံတွံဓဝ်ရောၚ်။

ကိုန်စၞောန်ထ္ၜးလၟေၚ်ဌာန်ဒၟံၚ်နကျတ်ပိထပ်[ပလေဝ်ဒါန် | ပလေဝ်ဒါန် တမ်ကၞက်]

မွဲဒိုက်ဂတ်ကၠာ ၜါသေဌဳဂ္ညိ၊ ပိစောရပၠန် ပန်ဗၞိက်တုန်၊ မသုန်တုန်ရ ခစနာဲစာ၊ ဒေဝဂစ္ဆ သတ္တဝါတ်ဂါတ်၊ ဗာဇ္ဇခါတ်ကၠာ အဌရာဇာ၊ နဝဘိက္ခု သာ်ဝွံရောၚ်ဇန် .. ။


၁ ၂ ၃ ၄ ၅ ၆ ၇ ၈ ၉

၁၀ ၁၁ ၁၂ ၁၃ ၁၄ ၁၅ ၁၆ ၁၇ ၁၈ ၁၉

၂၀ ၂၁ ၂၂ ၂၃ ၂၄ ၂၅ ၂၆ ၂၇ ။

ကိုန်နကျတ်ယးမတ်ၜါ[ပလေဝ်ဒါန် | ပလေဝ်ဒါန် တမ်ကၞက်]

သုန်မွဲၜါဗျာံ ဒစာံဒစိတ်၊ စှ်တိတ်စှ်မွဲ စှ်ထပှ်ပြဲ၊ ပ္ဍဲစှ်ဒစာံဂါံစှ်ဒစိတ် ၜါစှော်ဟွံခြာ၊ ၜါစှော်တြဴ ခိုဟ်တဴလအိတ်၊ ဇၟာပ်ကာစိုပ်သိတ် လ္အိတ်နက်ကျတ် ယးမတ်ၜါပြဲ .. ။

ကိုန်နကျတ်ဂၠုမတ်မွဲ[ပလေဝ်ဒါန် | ပလေဝ်ဒါန် တမ်ကၞက်]

ပန်မသုန်အဴ တြဴစှ်ပိ၊ စှ်ပန်ဂ္ညိထဲ စှ်သုန်မွဲတဲ၊ ပ္ဍဲၜါစှော်ၜါ ၜါစှော်ပိရိုတ်၊ ၜါစှော်ပန်သၟတ် နက်ကျတ်ဝွံဆက်၊ ကၠက်မတ်မွဲဒိုဟ် ဇၟာပ်ကာဟွံခိုဟ်၊ သွိုဟ်ပကာသၟတ်် ဆဗၞတ်ကဵုပြဲ .. ။

ကိုန်နကျတ်ဂၠုမတ်ၜါ[ပလေဝ်ဒါန် | ပလေဝ်ဒါန် တမ်ကၞက်]

နက်ကျတ်ဝွံကၠာ စှ်ၜါတုန််ကီု၊ သီုၜါစှော်မွဲ စှ်တြဴပြဲ ပ္ဍဲထပှ်တုန်၊ ၜါဣသုန်ကီု ဒးနက်ကျတ်ဝွံ၊ ဒမၠုမတ်ၜါ အာအိုတ်လမျီု ဇၟာပ်ကာအိုဿီု ဗီုဂွံစှ်ေပါဲ ဂၠာဲအခါပြဲ .. ။

ကိုန်ရေက်သုန်သာသနာ[ပလေဝ်ဒါန် | ပလေဝ်ဒါန် တမ်ကၞက်]

ထပှ်ကဵုပိ ဒှ်တ္ၚဲအဒိုတ် လ္ပကဵုဝိုတ်မှာ၊ စန်တုန်မှာ မသုန်အဌာ အာစာံလဝ်ကိုန်၊ အၚာတုန်ဂှ် စှ်ကဵုစတု သာ်ဝွံလဝ်ကိုန်၊ ဗုဒ္ဓဝါဗိုန် ပ္တိုန်လဝ်စိုတ်တန် မသုန်ကဵုၜါ၊ ဂုရုတြဴနှဴ ဝလ္အိတ် ဒးတိတ်အ္စာ၊ သိုက်စတုတ္ထာ လအာထပှ် တိုၚ်တဝှ်ဂုန်၊ သောရဳအဌံ စတုလံၚ်ပ္တန် ကျာ်အရှန်ပ္ဍုန်၊ ယဝ်ဒးရေက်သုန် သုန်ဂြာံလ္ၚု မေခုအ္စာ၊ ၜိုန်သာသနာ ယဝ်ရပါမြိ ဒးစုတိဘၚ်၊ ခမဳဒးရာံ အရှာံဂြာံသိတ် လၚုသ္ၚိတ်က္ဍၚ်၊ ဓါတ်ကျာ်သၟိၚ်သၚ် ၜိုန်ခၠၚ်လဟီု ဒးလာ်ပြဵုအာ .. ။

ကိုန်ရေက်သုန်ကျာ်[ပလေဝ်ဒါန် | ပလေဝ်ဒါန် တမ်ကၞက်]

ဗွဲမမံက်မာ သိုက်ကဵုအၚာ ဇၟာပ်ကာပကၠောန််၊ စွေက်ပၠန် စန်ဗြဴဗတိ ဝေၚ်ညိဇၟာပ်ကာ၊ ယဝ်ရကၠောန် လေၚ်ပၠန်ဟွံပိုတ် ဒြပ်အိုတ်ပြာပြာ၊ ရေက်သုန်ကျာ်ကၠာ ခါဟွံဝေၚ်သွံ ဂွံဒြပ်အိုတ်ပၠန် .. ။

ကိုန်လုတ်စရိုတ်[ပလေဝ်ဒါန် | ပလေဝ်ဒါန် တမ်ကၞက်]

စာၚ်ခဍံက်ကၞဳ ကၠဵုကဳတၠ ဗဂဲစကောန်၊ ရိပကၞံၚ်ပၠန် မံၚ်ဗ္ဂန်ကဝ လပပညိ၊ ကြိက်ကဵုတောဝ်ပၠန် ဗဂန်သၞဴ လ္ပပတဴညိ၊ လုတ်အာစရိ ဒမၠိပပ မိမဂကန် .. ။

ကိုန်ဗြိုဟ်ဖဴ[ပလေဝ်ဒါန် | ပလေဝ်ဒါန် တမ်ကၞက်]

ဇမၠိၚ်ဖဴပြဲ ၜါဟတ်မွဲမိဟ် ပကဵုသှ်ေညိ၊ မုက်ၜါဟတ်ဂၠိ ဒမၠိသဘဴ ကၠောန်ဖဴဂွံပိုန်၊ စိုတ်ၜိုဟ်လ္ဂူ ဟွံတူပၟတ် ကမၠတ်ဟွံဂဂံၚ်တိုန်၊ ဗြိုဟ်မသုန်ဗိုန် နွံပိုန်သဘဴ မၞးကၠောန်ဖဴညိ။

ကိုန်ဗြိုဟ်ဖဴ မွဲနဲပၠန်[ပလေဝ်ဒါန် | ပလေဝ်ဒါန် တမ်ကၞက်]

ဇမၠိၚ်ဖဴပြဲ ၜါဟတ်မွဲမိဟ် သက်သၟေဟ်လုံတိ၊ မုက်ၜါဟတ်စိ မွဲမိဟ်ဂ္ညိတုန် ဗြိုဟ်မသုန်ဒး၊ သတြုပါဲဒဴ ဍိက်သ္ကံဗြဴဂၠိုၚ် နာံရိုၚ်သ္ကံသွး၊ ပိုန်ဟာန်လှဲလး သွးဒေဝတဴ မၞးကၠောန်ဖဴညိ .. ။

ကိုန်ဗြိုဟ်ဇံၚ်ဟာပ်ပုၚ်[ပလေဝ်ဒါန် | ပလေဝ်ဒါန် တမ်ကၞက်]

ဇမၠိၚ်ဇံၚ်ပုၚ် မွဲဟတ်ပ္ညုၚ်ဂ္ညိ ပိလပုဟ်ဂၠိ၊ မုက်ၜါမိဟ်စိ ဒမၠိပမှာ ၜါလပုဟ်သၟတ်၊ ဇံၚ်ဂှ်ဟာပ်ပုၚ် ပိုန်ဟာန်စိုပ်ကၠုၚ် ကြိုပ်ယဿပတ်၊ ဗြိုဟ်မသုန်သၟတ် သၞောဝ်ဇံၚ်ပုၚ်ဂွိုၚ်၊ ဂိုၚ်သမ္တီညိ .. ။

ကိုန်သၞေဝ်ဟွံဂပ်ဝ်တဵုဗွိုၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

ဗၟံက်သ္ၚိရ သၞေဝ်တောံသွ ပတဵုဒမၠိ၊ သမၠုၚ်ကျာသ္ၚိ ပတဵုညိသၟတ် သတ်ဇုက်ၜဲဟေၚ်၊ သၟတ်ကျာလှိုန် ကွိုန်ပဠိုတ်အဵု ဓဇိုက်ကဵုဝေၚ်၊ယဝ်ဟွံစှ်ေဝေၚ် ကသူကၞေၚ်သိုခ် တိုၚ်ဒးဒိုက်ရောၚ်။

ကိုန်လုတ်အာပွ[ပလေဝ်ဒါန် | ပလေဝ်ဒါန် တမ်ကၞက်]

ကြေၚ်ပကဝ တဏိန်ဇလ ဇဗတရၚ်၊ ထအိုတ်တသၚ် ဒမၚ်ၜဝ်ပ္ညဳ ကၞဳဒုန်ကဠိ၊ ဒယိုၚ်ခမောဝ် ကၠေံဆုလံက်ညိ ဇိုၚ်ကမဳစိ၊ ဒဇိုဟ်ပၠာံသ္ၚိ စိုတ်ညိဟွံသိုခ် သေဌဳဒိုက်အာ .. ။

ကိုန်လုတ်အာပွ မွဲနဲပၠန်[ပလေဝ်ဒါန် | ပလေဝ်ဒါန် တမ်ကၞက်]

လပိုဟ်ဗိုၚ်တိုန် ကဠိဒုန်တောဝ် ယဝ်ပသ္က၊ ဗြဴဥတုရ ပမွဲဂကောံ ဗန်က္ၜံၚ်ဗျောံဒေၚ်၊ သ္တိက်ဟွံကြာတ်ဇိုၚ် ဒၟံၚ်ဇိုၚ်ဓယူ ဇကုချူဝေၚ်၊ ဂဇံတရၚ် ခဍံၚ်ဝေၚ်ကၞဳ ဒှ်ခါခဏဳရ။

ကိုန်တၞံဆုဂပ်ဝ်တဵုဗွိုၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

ဗၟံက်ဗြာတ်ဗြဴ ဗဳတဴဨသာန် ပဃိုတ်ဌာန်ဗ္ဒဝ်၊ သၠုၚ်ကျာကြုက်ထဝ် သၟဝ်ကျာကလုဲ တဵုတုဲသိုၚ်သ္ၚိ၊ ဗာယပ်ၜုန္နရိက် သဘိက်အဂၞဲ နဲမ္ဂးညိ၊ ပၞဟ်နေရတိ ဒမၠိကဵုတဵု သိုက်တွဵုကဝ်ရောၚ် .. ။

ကိုန်တၞံဆုဟွံဂပ်ဝ်တဵုပ္ဍဲဍုၚ်ကွာန်[ပလေဝ်ဒါန် | ပလေဝ်ဒါန် တမ်ကၞက်]

ကြိက်အရံၚ်တ္ၚဲ ဇြဲအဓိတာန်ရ ဇဗကဵုကြေၚ်၊ ဗပုၚ်ဗပေၚ် လမေၚ်ဆုဂှ် ဒှ်သက္ကုဖဵု၊ တဵုပ္ဍဲဍုၚ်ကွာန် ဌာန်ဂှ်လ္ၚု ဇကုလေၚ်အဵု၊ ဟွံတီဒးတဵု ပူဂဵုပ္ဍဲလိုက် ဒးဒိုက်အာဟေၚ်။

ကိုန်လုတ်အာပွ မွဲနဲပၠန်[ပလေဝ်ဒါန် | ပလေဝ်ဒါန် တမ်ကၞက်]

သၞလံက်ညဳ ကၞဳဒုန်ဇဗ သၠကမောတ်ဂၠောန်၊ မုခ်စိၚ်တိတ်လောန် က္ဍိုပ်ဂၠောန်ဂၠိၚ်မဵု တိုန်ယဵုလဝ်သၠ၊ ကဝလတ်ကၞဳ ဒၞဳလံၚ်တၟိ တိလံၚ်ဖဴရ၊ လုတ်အာတုန်ရ ပွဝွံသွံ ပကဵုဂွံလောန်။

ကိုန်တ္ၚဲတိုန်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

အဒိုတ်တိုန်သ္ၚိသၟတ် ကျာ်ရတ်ကဵုပ္တိုန်သ္ၚိကၠာ၊ သ္ကဝ်ဂၞဳကဵုပ္တိုန်ကၠာ ခါဂှ်တ္ၚဲစန်၊ အၚာယဝ်တိုန်ပၠန် ထဝ်ဩန်ပ္တိုန်ကၠာရောၚ်၊ စဟာပ်တုဲဒှ်ရ ဗုဒ္ဓတွံဟွံယောၚ်၊ မြမောဝ်ဓုပ်သ္ဍဴရောၚ် ပ္ဍဲတောၚ်တ္ၚဲဗြဴဗတိ၊ တ္ၚဲသိုက်ယဝ်တိုန်သ္ၚိ မိမကဵုတိုန်ကၠာ၊ သ္ၚိသဝ်ယဝ်တိုန် တိုၚ်ကိုန်ဟောရာ၊ တိုန်သ္ၚိဒးတူ ဒးသာဲနူမိမၜါ၊ သေက်ဇဵုဒှ်ကယျာန် ဒးတိုန်သ္ၚိရုၚ် ဌာန်စာ ၊ လၟေၚ်ကိုန်တိုန်သ္ၚိပၠန် စဳဇန်ညံၚ်ဍောၚ်သွာ၊ မြိုက်ဓဇိုက်ဂွံမြာ နိမိတ်သၞဲဟွံပါမြိ၊ ဂွံရကိုန်တိုန်သ္ၚိ သမ္တီညိ လ္ပကဵုမှာ။

ကိုန်ပရေၚ်နူကၠာဟွံဂွံတိုန်သ္ၚိတၟိ[ပလေဝ်ဒါန် | ပလေဝ်ဒါန် တမ်ကၞက်]

နူကၠာဟွံတိုန်သ္ၚိတၟိ ဌာန်ဂလာန်အ္စာတံဗကန်၊ ချူဖဍုက်ဍာ်စၠန် ပိတန်ကဵုဒက်ၝောံတၞိန်၊ ပါၚ်တရၚ်မဟိန်ဗိန် မိန်ဇလထပှ်ကၞာၚ်၊ နုၚ်တၟိမဂေါဝ်သာၚ် ဍာ်လာၚ်ထီုမြမောဝ် ဖုန်သဍဳဂၞဳသ္ကဝ် လးလဝ်မခမူက္ဍဝ်၊ ဗွဲဒိုဟ်ဗၟံက်ဆတ္တဝ် ကဵုခၚောဝ်ကျာ်ဓရ်သၚ်၊ ဗွဲဒိုဟ်သၠုၚ်ကျာက္ဍၚ် ကဵုလၚောဝ်မိကဵုမ ဗွဲဒိုဟ်ပဠိုတ်ရ ကဵုလၚောဝ်ဘုမ္မဇဵု၊ ဗွဲဒိုဟ်သၟဝ်ကျာအဵု ကဵုလ္ၚောဝ်တၠသ္ၚိအဴ၊ ဒယိုၚ်ပန်ပ္ဍေန်ပၞာၚ်သ္ဍဴ ကာလဂှ် ဒြပ်စဴတန်၊ မိၚ်ဟာနာဲထဝ်ဝန် သွက်ဇန်ပ္ဍဲလောက၊ ကိုန်ဝွံ နူတမၠာအ္စာတံ တွံစွံလဝ်ရောၚ် ... ။

ကိုန်သ္ၚိတၟိ စၞောန်ထ္ၜးဒၞာဲစွံဒြပ်[ပလေဝ်ဒါန် | ပလေဝ်ဒါန် တမ်ကၞက်]

တိုန်သ္ၚိတၟိ အဂ္ဂိသ္ၚုဩောံ ဗၟံက်စွံကၠာ၊ ထဍိုၚ်တ္ၚမာ အဂၞဲဏာပ္ညုၚ် သၠုၚ်ကျာတၟံ၊ ဓရဳသ္ကဝ် ပဠိုတ်လဝ်ပၠန် ပညာသိပ်ဇၟံ၊ သ္ဂေဟ်ဍိက်သ္ကံ အိုတ်တၟဲညး ဟီုထိုၚ်သးတဴ။ ။ ဨသာန်ပ္ညုၚ် လဝ်ပုၚ်ကလောံ သၟဝ်ကျာကေတ်နၚ်ကဏုသၚ်စွံ ဗာယပ်တုန််သွံ ပ္ကဴဍာ်စွံလဝ် ပိုန်ဟာန်ဇၞော်မောဝ် စွံလဝ်ဒေါဝ်သ္ၚိ၊ ပြေၚ်ဂၠဴသက်လက် ဒက်လဝ်သၟဝ်သ္ၚိ၊ သ္ဂေဟ်ပိုန်ဣဓိ ရတ်ပိဂွံယိုက် သိုက်တွဵုကဝ်ရောၚ်။

ကိုန်ဂွံစွံဒယိုၚ်[ပလေဝ်ဒါန် | ပလေဝ်ဒါန် တမ်ကၞက်]

စွံဒယိုၚ်သၟတ် ဗၟံက်ယဝ်သွတ် ဒြပ်ရတ်လေၚ်စိ၊ အဂၞဲသွတ်စိ သ္ၚိကမၠတ်ကၠုၚ် သၠုၚ်ကျာချိုတ် နေရတိသၟတ် ဒြပ်ရတ်ဍိက်သ္ကံ သိုက်လံခိုဟ်အိုတ်၊ သွတ်စွံပဠိုတ် အိုတ်လာဘ်သကာ ဂွံဟေၚ်ဇာတိ .. ။

ကိုန်ကောန်ၚာ်ၚေက်တိုန််[ပလေဝ်ဒါန် | ပလေဝ်ဒါန် တမ်ကၞက်]

ကောန်ၚာ်ဝွံ ဂွုၚ်သၟဝ်ယဝ်ရၚေက်တိုန်ကၠာမ္ဂး မိမသ္ဂောံဒှ်တသိုက်ရ၊ ဂွုၚ်လတူယဝ်ရၚေက်တိုန်ကၠာမ္ဂး မိမဒြပ်လာဲလေၚ်ရ၊ ၜိုန်ခိုဟ်စဒၟံၚ်ကီုလေဝ် ဒးဝါတ်စှ်ေရ။

ကိုန်လွဳဂၠဴ[ပလေဝ်ဒါန် | ပလေဝ်ဒါန် တမ်ကၞက်]

ဂၠဴတ္ကံဂၠိၚ် ဂၠဴမုက်ဂၠိၚ် ဂၠဴဂြၚ်ဂၠိၚ် ဂၠဴတသော်ကဝေန် ဂၠဴဗ္တဂၠိၚ် ဂၠဴတသော်ကြံၚ်မ္ၚိုဟ် ဣဝွံ ဂၠဴဂမၠိုၚ် မဟီုကၠုၚ်တုဲဝွံ ကဵုဂုဏ်ကဵုတၠရောၚ်။


ဂၠဴဍံက်ဓဝါန်ကီု ဂၠဴဗကေတ် ဂၠဴဂြၚ်စဝ် ဂၠဴသၞေပ်ခရာ ဂၠဴၚေက်သိၚ် ကာလဗဂန်ဏာကွဳမ္ဂး ဂၠဴမဝေၚ်အာဇိုၚ်တဲကီု ဂၠဴက္ဍိုပ်ဂၠေံ ပ္ဍဲဒၞာဲဒဳမတ်စိၚ် ညံၚ်ရဴညးမကွက်လဝ်ပုၚ်ဂွဳကီု ဂၠဴဂမၠိုၚ်ဝွံ ယဝ်ရလွဳပရာမ္ဂး ဒှ်လလေၚ်ဖဵုကဵုတၠရောၚ်။


ဂၠဴမုက်ၜေဲ ဂၠဴဂြၚ်ၜေဲ ဂၠဴဗ္တဂၠေံ ဂၠဴတဲဂၠိၚ် ဂၠဴဂွေၚ်မတ်ၚေတ် ဂၠဴဍာ်ရမတ်ဓဇူ ဂၠဴမတ်ကၠက် ဂၠဴလတာ်ဂၠိၚ် ဂၠဴသၞေပ်ဂၠိၚ် ဂၠဴမၞုံဇိုၚ်တဲမေက်စာ်ဒၟံၚ် ဂၠဴမၞုံသာ်ညံၚ်တၞးဒကှ် ဂၠဴတၞုၚ်ဇိုၚ်ဂၠိၚ် ဂၠဴမၞုံသာ်လ္ပာ်သ္ကဲပါဲ ဂၠဴမုဟ်ဂၠေံ ဂၠဴဂွေၚ်မတ်လ္စံက် ဣဝွံ ဂၠဴဂမၠိုၚ် မဟီုကၠုၚ်တုဲဝွံ ပွမဂြိုဟ်ပလီုကဵု အာယုက်တၠသ္ၚိဇကုရ .. ။


ဂၠဴသၚ်နွံပ္ဍဲတ္ကံ ပ္ဍဲကဵုက္ဍဟ် နွံဒၟံၚ်ညံၚ်ရဴဒဟောဝ်ဂၠဴ မၞုံကဵုသာ်ဗု ပ္ဍဲဒၞာဲဇိုၚ်ပန်ကီု ပ္ဍဲကဵုဗ္တကီု ဂၠဴဂမၠိုၚ်ဝွံ ကဵုဂုဏ်ဖဵုကဵုပ္ဍဲတၠရောၚ်။ ။ ဂၠဴတိတ်ကၠုၚ်နူခရိုၚ်တုဲ ဂြုတ်တဴဒၟံၚ် ဟဂွံသ္ကုတ်ကီု ကာလလုပ်တဴခရိုၚ်ပၠန် ဂြုတ်တဴဒၟံၚ် ဟဂွံသ္ကုတ်ကီု ဂၠဴတၞုၚ်ဇိုၚ်ဗုဒၟံၚ်ကီု ဂၠဴဂမၠိုၚ် မဟီုကၠုၚ်တုဲဝွံ ယဝ်ဂွံလွဳပရာမ္ဂး ၜိုန်ဒှ်ဒၟံၚ်ဍိက်ညးကီုလေဝ် သ္ဂောံဒှ်တၠညးရောၚ် .. ။


ဂၠဴမၞုံသၚ်လတူစးမ္ဂး သ္ဂောံဒှ်တသိုက်ရ သၚ်မၞုံပ္ဍဲဗ္တမ္ဂး ကလိဂွံသ္ၚုဩောံဂၠိုၚ်ရ ကတောဝ်ဂၠေံ သၞေပ်ဂၠိၚ် မတ်ဇၞော် ဣဝွံဂၠဴဂမၠိုၚ် ကဵုဂုဏ်ကဵုတၠရောၚ် .. ။

ကိုန််ဂအာၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

  • ဂအာၚ်သ္ၚိ ညံၚ်ရဴစၞိန်စးချေံဂှ် ယဝ်ရပဒတဴမ္ဂး တူပၟတ်ဒြပ်လေၚ်ရ ဒှ်ဂအာၚ်ကမၠတ်ရောၚ်။


  • ဂအာၚ်သ္ၚိ အဒေါဝ်ခလံက်ဂှ် ယဝ်ရပဒတဴမ္ဂး ယဲဂၠိုၚ်ချိုတ်ပြဟ်ရ ဒှ်ဂအာၚ်လကိုဟ်ရောၚ်။


  • ဂအာၚ်သ္ၚိဗၟံက်သဝ် ယဝ်ရပဒတဴမ္ဂး ဒးတူစာ်ခြာရ ဒှ်ဂအာၚ်မာရောၚ်။


  • ဂအာၚ်သ္ၚိဗွဲဒိုဟ်အဂၞဲသဝ် ယဝ်ရပဒတဴမ္ဂး ဒှ်အမှုကဵုရဲသၟိၚ်ရ ဒးဂအာၚ်သ္ၚိ သၟိၚ်ဗန္ဓုလရောၚ် သၟိၚ်ဗန္ဓုလကဵုကောန်ပိစှော်ၜါ ညးဂစိုတ်ကၠေံရောၚ်။


  • ဂအာၚ်သ္ၚိဗွဲဒိုဟ်သၠုၚ်ကျာသဝ် ယဝ်ရပဒတဴမ္ဂး ယဲဂၠိုၚ်ရ ဒှ်ဂအာၚ်အဆေဝ်သွဝ်ရောၚ်။


  • ဂအာၚ်သ္ၚိဗွဲဒိုဟ်နေရတိသဝ် ယဝ်ရပဒတဴမ္ဂး မ္ဒးဒိုက်ဒိန်ရ ဒးဂအာၚ်ဗၠာဲအတိဒုက္ခရောၚ်။


  • ဂအာၚ်သ္ၚိဗွဲဒိုဟ်ပဠိုတ်သဝ် ယဝ်ရပဒတဴမ္ဂး မ္ဒးစာ်စ္ဍးအာနူကောန်သမ္ဘာရ ဒှ်ဂအာၚ်ဨကရာဇ်ရောၚ်။


  • ဂအာၚ်သ္ၚိဗာယပ်သဝ် ယဝ်ရပဒတဴမ္ဂး မ္ဒးသေက်ဇဵုကဵုတၠပိုန်တုဲ ညးဗက်ထောံကၠေံနူကဵုဂအာၚ်ရ ဒှ်ဂအာၚ်သေဌဳရောၚ်။


  • ဂအာၚ်သ္ၚိသၟဝ်ကျာသဝ် ယဝ်ရပဒတဴမ္ဂး ဒးဘဲကံတ္ၚရ ဒှ်ဂအာၚ်စိၚ်ဆဒ္ဒန််ရောၚ်။


  • ဂအာၚ်သ္ၚိရာဟုသဝ် ယဝ်ရပဒတဴမ္ဂး တၠဂအာၚ်ဂှ် စိုတ်ဂြိုဟ်သ္ကာတ်လောန်ရ ဟွံအပ်ကဵုညး ပန်ဒိုဟ်ဒ္စာံဒိုဟ်သက်သက်ရ ဒှ်ဂအာၚ်အဟံပုရိသာတ်ရောၚ်။


  • ဂအာၚ်အဒေါဝ်သ္ၚိ ညံၚ်ရဴစးကၞုဟ် ယဝ်ရပဒတဴမ္ဂး ဒးလေၚ်ရ။


  • ဂအာၚ်သ္ၚိတးညံၚ်ရဴမုခ်ဖမ် ခဍမ်ညံၚ်ရဴစက်ဂိတုမပေၚ်ဂှ် ယဝ်ရပဒတဴမ္ဂး ပြဲလောန်ရ သ္ဂောံဒုၚ်ပူဇဴညးအိုဿီုရ။

ကိုန်ရုဲဂအာၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

  • ကိုန်ရုဲဂအာၚ်သ္ၚိ ဖျေံစှ်တြဴခန်။ ဒၞာဲခိုဟ်ဂှ်ဂွံသိုၚ် ဒၞာဲဟွံခိုဟ်ဂှ် ဂွံဝေၚ်ပါဲရ။


                                  ဒိုဟ်ဗၟံက်

                  ခန်သကိုပ်ပၞာန််  ခန်ကောန်ပၞာန်  ခန်ကောန်ဗ္ၚဒဒိုက်  ခန်ကော်ဒြပ် 

                  ခန်ဘဲဒဏ်     ခန်ယဲဘဲ     ခန်ဨကရာဇ်      ခန်ဒြပ်တန် 
   ဒိုဟ်သၟဝ်ကျာ                                                  ဒိုဟ်သၠုၚ်ကျာ
                  ခန်ညးဒိုက်     ခန်ဂစိုတ်     ခန်အမာတ်      ခန်ဂွံဒြပ်
                 
                  ခန်သွံဖျာ      ခန်ဒးကမၠတ်    ခန်ကၠောန်ဗ္ၚ     ခန််မၞိဟ်ဇၞော်ဗ္ၚ

                                 ဒိုဟ်ပလိုတ်

ကိုန်ရံၚ်စမွဲနဲပၠန်[ပလေဝ်ဒါန် | ပလေဝ်ဒါန် တမ်ကၞက်]

  • သုၚ် - - - ၆
  • စ - - - - ၃
  • ဒှ် - - - - ၀
  • လောဲ - - - ၄
  • အေၚ် - - - ၁
  • မာန် - - - ၅
  • ခိုဟ် - - - ၂


  • တန််အာယုက် စကဵုထပှ်၊ နာံသှ်ေဂှ် ဗှ်ရံၚ်ကေတ်ရ။ ( ၆-၄-၂ ) ယဝ်ရဒတုံပ္ဍဲသိုက် ဗုဒ္ဓဝါ စန်မ္ဂး သတ်ဇိုၚ်ၜါလုပ်ရ၊ ကလိဂွံလာပ်ဗဇဴဒြပ်ရတ်ထဝ်ဩန်ရ။


  • (၃) ယဝ်ရဒတုံပ္ဍဲအၚာမ္ဂး မံၚ်စဟွံမိပ်ဇြိပ်ရ၊ ဇကုဒှ်ပၞေတ်သရ ဆီတိတ်ဒှ်ဂွံရောၚ်။


  • (၀) ယဝ်ရဒတုံပ္ဍဲသ္ၚိသဝ်မ္ဂး သ္ပဟိုတ်နူကဵုညးတၞဟ်သ္အာၚ်တုဲ စိုတ်ထုဲကြာန်ရ၊ မၚ်မွဲမုဟ်ပါၚ်ညိိ။


  • (၁) ယဝ်ရဒတုံပ္ဍဲအဒိုတ်မ္ဂး သရတြေံက္တဵုဒှ်ရ ဒြပ်ရတ်လေၚ်ရ ဒးဂွရ ယဝ်ရဒှ်ထပိုဲ ခမဳမ္ဂး ဗြဴပလီုတုဲ ဒးရာံရောၚ်။


  • (၅) ယဝ်ရဒတုံပ္ဍဲဗြဴဗတိမ္ဂး ညာဏ်ပညာတဴရ ဒြပ်ရတ်လုပ်ဂၠိုၚ်ရ ကလိဂွံစိၚ်ချေံပြေၚ်ဂၠဴရောၚ်။

ကိုန်က္ၜၚ်[ပလေဝ်ဒါန် | ပလေဝ်ဒါန် တမ်ကၞက်]

            ၆၁၂

      ၅             ၃

          ၀      ၄


သက္ကရာဇ်ဇကုဒှ်မၞိဟ်ဂှ်တန်၊ စကဵုထပှ်၊ သှ်ေနူဂှ် နူတ္ၚဲဇကုသ္ပတံတုဲ ရိုဟ်ဂေတ်ဗက်အာ လ္ပါ်တဲပုၚ် ဒၞာဲစိုပ်ဂှ်သမ္တီလဝ်ညိ။


အာယုက်ဇကုကလိဂွံလဝ်ဂှ်တန်၊ စကဵုထပှ် နူကဵုမူလသက္ကရာဇ် ဒၞာဲရိုဟ်စိုပ်လဝ်ဂှ် သ္ပတံတုဲ ထပ်ရိုဟ်ဂေတ်အာလ္ပာ်ပုၚ်ပၠန် ဒၞာဲမစိုပ်နာံတ္ၚဲဂှ် ဗှ်ကေတ်ဗွဲသၟဝ်တေံညိ။


  • (၁) ယဝ်ရဒတုံအဒိုတ်မ္ဂး က္တဵုဒှ်ယဲရ၊ ဒြပ်ရတ်တိတ်ဒှ်ဂွံရ၊


  • (၂) ယဝ်ရဒတုံစန်မ္ဂး ဒြပ်ရတ်လီုလာ်ရ၊ ကောန်ဇာတ်သမ္ဘာ က္တဵုဒှ်ယဲ ဇၞော်ကဵုဇြဟတ်ရောၚ်။


  • (၃) ယဝ်ရဒတုံပ္ဍဲအၚာမ္ဂး ဇကုက္တဵုဒှ်ယဲ သဏော်သရရောၚ်၊ ဒြပ်ရတ်လေဝ် ကၠေံဗ္ဒန်ဒှ်ဂွံရောၚ်။


  • ယဝ်ရဒတုံပ္ဍဲဗုဒ္ဓါမ္ဂး ကလိဂွံလာပ်ဗဇဴ ဒြပ်ရတ်မၞုံကဵုသာ်ဗုဗ္တာၚ်ရ၊ သတ်ဇိုၚ်ၜါလုပ်ရ၊ ယဝ်ရဒှ်ဝုတ်ဗၠာဲမ္ဂး ကလိဂွံသမ္ဘာတၠသ္ၚိရ။


  • ယဝ်ရဒတုံပ္ဍဲဗြဴဗတိမ္ဂး ညာဏ်ပညာကေတ်သ္ကာနူကဵုကလောဂမၠိုၚ်ရ၊ ကလိဂွံဒြပ်ရတ်ထဝ်ဩန် သ္ၚုဩောံပြေၚ်ဂၠဴရ၊ ဂွံဒှ်ရဲသၟိၚ်တံလေဝ် ဒှ်ဂွံရ။


  • (၆) ယဝ်ရဒတုံပ္ဍဲသ္ၚိသဝ်မ္ဂး သ္ပဟိုတ်ကဵုသမၠီုတံတုဲ ဒးက္တဵုဒှ်ဒဒိုက်စိုတ်ရောၚ်။

ကိုန်မာကရာကောန်ၚာ်[ပလေဝ်ဒါန် | ပလေဝ်ဒါန် တမ်ကၞက်]

ကောန်ၚာ်သၠးတိတ်ကၠုၚ် နူဂဝ်ဂၞဴမိတုဲ ဂွံအာယုက်ပန်တ္ၚဲ ပန်ဂိတု ပန်သၞာံတုဲ ယဝ််ရက္တဵုဒှ်ယဲမ္ဂး ဟိုတ်နူအာဒးဒိုဟ်အဂၞဲတုဲ ဒေဝတဴနာဂဒေဝ ရပ်စလဝ်ရ၊ သာ်လဵုက္တဵုဒှ်ယဲဂှ်ရော လ္တေၚ်ဗုၚ်ဂဝ်တဴရ၊ ဇအအ်ရ၊ ဇိုၚ်တဲဂံက်ရ၊ ယဲဂှ် သၟိိက်မိက်ဂွံဗၠးမ္ဂး ကၠောန်ခဝ်မွဲတုဲ ကွာၚ်ပန််ကရေက်၊ ကပန်ဒကုတ်၊ ပ္ကဴပန်ဍောၚ်၊ ပုၚ်ပန်ထမောတ်၊ ဝိုဟ်ဂှ် ကၠောန်ရုပ်လကိုဟ်မွဲ၊ စုတ်ပ္ဍဲခဝ်တုဲ ပ္ဍဲအခိၚ်ကောန်ၚာ်ကတဵုဒှ်မၞိဟ်ဂှ် ပလံၚ်ဏာဗွဲဒိုဟ်အဂၞဲတုဲ ဂွံဖာပ်ဗစထောံမ္ဂး ယဲဗၠးရောၚ်။


ကောန်ၚာ်သၠးတိတ်ကၠုၚ် နူဂဝ်ဂၞဴမိတုဲ ဂွံအာယုက်မသုန်တ္ၚဲ မသုန်ဂိတု မသုန်သၞာံတုဲ ယဝ်ရက္တဵုဒှ်ယဲမ္ဂး ဟိုတ်နူအာဒးဒိုဟ်သၠုၚ်ကျာတုဲ ဒေဝတဴနာလိတ ရပ်စလဝ်ရ၊ သာ်လဵုက္တဵုဒှ်ယဲဂှ်ရော ဇကုဂမ်တဴရ၊ ဇကုၜိုဟ်ရ၊ မံၚ်ဂဇံကွိုၚ်ကွုဲ ဇိုၚ်ဇြိုၚ်ရ၊ စပုၚ်သွဟွံမာန်ရ၊ ယဲဂှ် သၟိိက်မိက်ဂွံဗၠးမ္ဂး ကၠောန်ခဝ်မွဲတုဲ ပုၚ်မသုန််ထမောတ်၊ ကွာၚ်မသုန်ကရေက်၊ ကဍတ်ပရာၚ်မသုန်၊ ပ္ကဴမသုန်ဍောၚ်၊ ပၞာၚ်မသုန်တၞုၚ်၊ ဇၞောဝ်မသုန်တၞုၚ်၊ စုတ်ပ္ဍဲခဝ်တုဲ ပ္ဍဲတ္ၚဲအခိၚ်ကောန်ၚာ်ကတဵုဒှ်မၞိဟ်ဂှ် ပလံၚ်ဏာဒိုဟ်သၠုၚ်ကျာတုဲ ဂွံဖာပ်ဗစထောံမ္ဂး ယဲဗၠးရောၚ်။


ကောန်ၚာ်သၠးတိတ်ကၠုၚ် နူဂဝ်ဂၞဴမိတုဲ ဂွံအာယုက်တြဴတ္ၚဲ တြဴဂိတု တြဴသၞာံတုဲ က္တဵုဒှ်ယဲမ္ဂး ဟိုတ်နူအာဒးဒိုဟ်ဗာယပ်တုဲ ဒေဝတဴကာလဒေဝ ရပ်စလဝ်ရ၊ သာ်လဵုကတဵုဒှ်ယဲဂှ်ရော ဇကုဂမ်တဴ၊ မုဟ်ဂြိုဟ်ထအံၚ်၊ လရိုအ်ဂၠိုၚ်၊ ဂြိုၚ်ဂၠိုၚ်ညံၚ်ရဴပရအ်ရ၊ ယဲဂှ်သၟိက်မိက်ဂွံဗၠးမ္ဂး ကၠောန်ခဝ်မွဲတုဲ ပုၚ်တြဴထမောတ်၊ ကွာၚ်တြဴကရေက်၊ သတ်ဆုတြဴသာ်၊ ဇတ်ဍောၚ်ပ္ကဴၜတ်ကဵုသၠုၚ်ဗၞတ်မၞိဟ်၊ ဗကတြဴဍောၚ်၊ ဍာ်စၠန်လၟုဟ်စုတ်တုဲ၊ စုတ်ပ္ဍဲခဝ်ညိ၊ အခိၚ်တ္ၚဲကောန်ၚာ်က္တဵုဒှ်မၞိဟ်ဂှ် ပလံၚ်ဏာဗွဲဒိုဟ်ဗာယပ်တုဲ ဂွံဖာပ်ဗစမ္ဂး ယဲဗၠးရောၚ်။


ကောန်ၚာ်သၠးတိတ်ကၠုၚ် နူဂဝ်ဂၞဴမိတုဲ ဂွံအာယုက်ထပှ်တ္ၚဲ ထပှ်ဂိတု ထပှ်သၞာံတုဲ၊ က္တဵုဒှ်ယဲမ္ဂး ဒေဝတဴသူရတ်ဂန္ဓ ရပ်စလဝ်ရ၊ ဗီုတၟေၚ်လက်သဏ်ယဲတုန် ဇကုဂမ်တဴၜိုဟ်၊ ဇိုၚ်ဂံက်ဇအအ်ရ၊ ယဲဂှ်သၟိက်မိက်ဂွံဗၠးမ္ဂး ကၠောန်ခဝ်မွဲတုဲ ဝိုဟ်ရုပ်မၞိဟ်ဂှ် ကၠောန်ကေတ်မွဲ၊ စုတ်ကွာၚ်ၜဲယိုဟ်ၜန်ပ္ကဴတုဲ၊ ပလံၚ်ဏာဒိုဟ်နေရတိတုဲ ဖာပ်ဗစထောံမ္ဂး ယဲဗၠးရောၚ်။


ကောန်ၚာ်သၠးတိတ်ကၠုၚ် နူဂဝ်ဂၞဴမိတုဲ ဂွံအာယုက်ဒစာံတ္ၚဲ ဒစာံဂိတု ဒစာံသၞာံတုဲ က္တဵုဒှ်ယဲမ္ဂး ဟိုတ်နူအာဒးဒိုဟ်ဗာယပ်တုဲ ဒေဝတဴမဟာဂိရိ ရပ်စလဝ်ရ၊ သာ်လဵုက္တဵုဒှ်ယဲဂှ်ရော ဇကုဂမ်တဴဒၟံၚ် ဗ္တံတ္ၚဲဟွံတီရ၊ တိက်ဟွံသၠိၚ်ထ္ၜေက်လဝ်မတ်၊ ဇြိပ်ဇြေၚ်ဒၟံၚ်ရ၊ လရိုအ်ဂၠိုၚ်ရ၊ စိုတ်ကြမ်ကြထေဲပၞတ်ဂၠိုၚ်ရ၊ တရဴဇၞော် တရဴသၟတ် ဟွံညဳသာရ၊ ပါၚ်လတာ်ဂၠဟ် ဇြိုၚ်ဒၟံၚ်ရ၊ ယဝ်ရသၟိက်မိက်ဂွံဗၠးမ္ဂး ကၠောန်ခဝ်မွဲတုဲ ပုၚ်ဗအုံစုတ်၊ ဍောၚ်ပ္ကဴဗကစုတ်၊ ပၞာၚ်ၜါတၞုၚ်၊ က္ဍိုၚ်ဇၞောဝ်ၜါတၞုၚ်၊ စုတ်ပ္ဍဲဍောၚ်ပ္ကဴဂှ်၊ လၟုဟ်စုတ်ဍာ်စၠန်တုဲ၊ အခိၚ်ကောန်ၚာ်မကတဵုဒှ်မၞိဟ်ဂှ်၊ ပလံၚ်ဏာဒိုဟ်ဗာယပ်တုဲ ဂွံဖာပ်ဗစမ္ဂး ယဲဗၠးရောၚ်။


ကောန်ၚာ်သၠးတိတ်ကၠုၚ် နူဂဝ်ဂၞဴမိတုဲ ဂွံအာယုက်ဒ္စိတ်တ္ၚဲ ဒ္စိတ်ဂိတု ဒ္စိတ်သၞာံတုဲ က္တဵုဒှ်ယဲမ္ဂး ဟိုတ်နူအာဒးဒိုဟ်သၟဝ်ကျာတုဲ ဒေဝတဴအာကဝသဒေဝ ရပ်စလဝ်ရ၊ ဗီုတၟေၚ်လက်သဏ်ယဲတုန် လ္တေၚ်ဗုၚ်ဂမ်တဴရ၊ ၜိုဟ်ဒတဝ်ရ၊ မတ်ကၚ် ရံၚ်ဒၟံၚ်ဗွဲလတူရ၊ မတ်ဒှ်ဒၟံၚ်သာ်ဗကေတ်ရ၊ ယဝ်ရသၟိက်မိက်ဂွံဗၠးမ္ဂး ကၠောန်ခဝ်မွဲ လးလသာလဝ်သၠဗြာတ်တုဲ ပုၚ်ဗအုံစုတ်၊ ကွာၚ်ထပှ်ကရေက်၊ ကသၞာထပှ်၊ ဗကစုတ်ဍာ်စၠန်၊ လၟုဟ်စုတ်ညိ။ တ္ၚဲပၠိုတ်တုဲ ပတိုန်ဏာလတူကၟဳသ္ၚိညိ၊ ကၠာခဍာ်ဟွံၚုဟ်ဏီဂှ် ပလံၚ်ဏာဒိုဟ်သၟဝ်ကျာ၊ ဖာပ်ဗစထောံမ္ဂး ယဲဗၠးရောၚ်။


ကောန်ၚာ်သၠးတိတ်ကၠုၚ် နူဂဝ်ဂၞဴမိတုဲ ဂွံအာယုက်စှ်တ္ၚဲ စှ်ဂိတု စှ်သၞာံတုဲ က္တဵုဒှ်ယဲမ္ဂး ဒေဝတဴရုက္ခဒေဝ ရပ်စလဝ်ရ၊ ဗီုတၟေၚ်လက်သဏ်ယဲတုန််၊ က္ဍိုပ်ဂိ ကိတ်ဒၟံၚ်ၚေက်၊ လရိုအ်ဂၠိုၚ်၊ ဇိုၚ်တဲဒတဝ် ကဝေန်ဒၟံၚ်ရ၊ မတ်ဂြိုဟ်ချဳဇတဝ်ဂၠိုၚ်ရ၊ ဂၞဴလီုရ၊ ယဝ်ရသၟိက်မိက်ဂွံဗၠးမ္ဂး ကၠောန်ခဝ်မွဲတုဲ၊ ဝိုဟ်ဂှ် ကၠောန်ရုပ်ဒေဝတဴမွဲ၊ ပ္ကဴဒ္စိတ်ဍောၚ်၊ ပုၚ်ဒ္စိတ်ထမောတ်၊ ဍာ်စၠန်ကၠေၚ်သွဟ်၊ လၟုဟ်စုတ်တုဲ၊ ပလံၚ်ဏာဗွဲဒိုဟ် ဂြိုဟ်နာံကောန်ၚာ်ဂှ်တုဲ ဖာပ်ဗစထောံမ္ဂး ယဲဗၠးရောၚ်။


ကောန်ၚာ်သၠးတိတ်ကၠုၚ် နူဂဝ်ဂၞဴမိတုဲ ဂွံအာယုက်စှ်မွဲတ္ၚဲ စှ်မွဲဂိတု စှ်မွဲသၞာံတုဲ က္တဵုဒှ်ယဲမ္ဂး ဒေဝတဴသရဒေဝ ရပ်စလဝ်ရ၊ ဗီုတၟေၚ်လက်သဏ်ယဲတုန်၊ လရိုအ်ဂၠိုၚ်၊ မတ်ဂြိုဟ်ချဳ၊ ဇကုဂမ်တဴၜိုဟ်၊ ဖေက်လကိုတ်၊ ထၚ်ဍာ်ကံကှ်ရ၊ ယဝ်ရသၟိက်မိက်ဂွံဗၠးမ္ဂး ကၠောန်ခဝ်မွဲတုဲ၊ လးလသာလဝ်သၠဗပုၚ်တုဲ ပုၚ်စှ်ထမောတ်၊ ကွာၚ်စှ်ကရေက်၊ ကသၞာစှ်ကလောံ၊ ပၟတ်ပၞာၚ်မသုန်တၞုၚ်၊ က္ဍိုၚ်ဇၞောဝ်မသုန်တၞုၚ်၊ လမုဟ်စုတ်ဍာ်စလန်တုဲ ခဝ်ဂှ် တိုန်စွံလတူကၟဳသ္ၚိညိ၊ ကၠာခဍာ်ဟွံၚုဟ်ဏီဂှ် ပလံၚ်ဏာစွံလဝ်လ္တူတၞံဆုမ္ဂး ယဲဗၠးရောၚ်။


ကောန်ၚာ်သၠးတိတ်ကၠုၚ် နူဂဝ်ဂၞဴမိတုဲ ဂွံအာယုက်စှ်ၜါတ္ၚဲ စှ်ၜါဂိတု စှ်ၜါသၞာံတုဲ က္တဵုဒှ်ယဲမ္ဂး ဒေဝတဴစန္ဒဳ ရပ်စလဝ်ရ၊ ဗီုတၟေၚ်လက်သဏ်ယဲတုန်၊ ဇကုၜိုဟ်ဂမ်တဴရ၊ ယဝ်ရသၟိိိက်မိက်ဂွံဗၠးမ္ဂး ခၠအ်ကေတ်သၠဗြာတ်မွဲတုဲ ပုၚ်စှ်ထမောတ်၊ ကွာၚ်မၞုံရှ်သာဍာတ်ဖျးဖျးစုတ်တုဲ၊ လၟုဟ်စလန်ညိ၊ ပၞာၚ်မွဲတၞုၚ်၊ က္ဍိုၚ်ဇၞောဝ်သာ်ဗ္တာၚ်မွဲတၞုၚ်၊ သံက်စုတ်ခဝ်သၠဗြာတ်ဂှ်တုဲ၊ ပလံၚ်ဏာဒိုဟ် ဒးကဵုနာံတ္ၚဲကောန်ၚာ် ပ္ဍဲတၞံဆုဂှ်တုဲ ဖာပ်ဗစထောံမ္ဂး ယဲဗၠးရောၚ်။

ကိုန်တွဟ်အၚ်္ဂဝိဇ္ဇာ[ပလေဝ်ဒါန် | ပလေဝ်ဒါန် တမ်ကၞက်]

         ၅ ၊ ၃ ၊ ၁
         ၄ ၊   ၊ ၂
         ၆ ၊ ၇ ၊ ၈

ကိုန်ဝွံ ဒှ်ကိုန်တွာ်ရ၊ ပိုဲသတ်တံနွံဒၟံၚ် ပ္ဍဲဘုံလောကဏံ၊ မွဲသၞာံကဵုမွဲသၞာံ ခိုဟ်ကီုဟွံခိုဟ်ကီု၊ ယဝ်ရသၟိက်တီမ္ဂး (ဥပမာ) ယြဴပူဂဵုမွဲ ဒှ်တ္ၚဲအဒိုတ်ရ၊ ကလိဂွံလဝ်အာယုက် (၂၇)သၞာံတုဲ သၟိက်မိက်ဂွံရံၚ်စမ္ဂး နူတ္ၚဲအဒိုတ်သ္ပတံတုဲ ရိုဟ်ဂေတ်အာလ္ပါ်ပုၚ်တုဲ ဗွဲလၟေၚ်စဵုကဵုပေၚ်လၟိဟ်အာယုက် - ၂၇ သၞာံဇကုညိ၊ ဒၞာဲအာယုက်ဇကုမပေၚ် ဒတုံတ္ၚဲဗြဴဗတိမ္ဂး သရက်ဗတပ်ဏာကဵုတ္ၚဲရာဟုတေံညိ၊ ပူဂဵုဝွံ ပ္ဍဲအာယုက် ၂၇ သၞာံဏံ ကိုန်ဒတုံဗြဴဗတိကဵုရာဟုရ ဟွံသေၚ်ဟာ၊ တ္ၚဲတၞဟ်သ္အာၚ် အာယုက်တၞဟ်သ္အာၚ်တံလေဝ် တော်ဆကေတ်ဗီုတ္ၚဲဗြဴဗတိဏံတုဲ ဂၞန်တးကဵုညးညိ၊ အတိုၚ်ကိုန်မတိတ်ဂှ် ရံၚ်ဗှ်ကေတ်ပ္ဍဲဒၞာဲတွဟ်ဍေံတေံညိ။


  • တွဟ်ဗြဴဗတိကဵုရာဟု။ ယဝ်ရဒတုံဗြဴဗတိကဵုရာဟုမ္ဂး ဒးကွာ်တရဴဒှ်ဂွံရ၊ ယဝ်ဟွံအာမ္ဂး ဘဲအန္တရာဲဂၠိုၚ်ဂၠေၚ်ရ၊ ဂွံအာမ္ဂး ခိုဟ်ရ၊ မိဿဟာဲနာံမြိုၚ်အောန်ရ၊ ဂိယဲဂၠိုၚ်ရ၊ တိဗ္ၚကၠံသွဝ်ဍိက်သ္ကံဂၠိုၚ်ရ၊ လာဘ်ကၠုၚ်နူဒိုဟ်ပဠိုတ်ဂှ် ဒှ်ဂဗုတ်ထုဲကြာန်ရ၊ ပ္ဍဲပွိုၚ်ပန်ဂိတု ပသတိညိ၊ ဒှ်အမှုဂွံရ၊ ပ္ဍဲသၞာံဏံဝွံ ထဝ်လုပ်ကၠုၚ်ဟွံခိုဟ်က္ဍၚ်ရ၊ ကၠေံဗ္ဒန်လာဲလေၚ်အာ ဒှ်ဂွံဒၟံၚ်ရ၊ ဒးဘဲကမၠတ်ဒှ်ဂွံရ၊ စိုတ်ဖေက်လကိုတ်ဂၠိုၚ်ရ၊ ယဲဘဲအန္တရာဲ ဂွံလာဲလေၚ်အာနူဇကုဂှ် နူဂယး ပလံၚ်ပူဇဴပိဏ္ဍပါတ် အာဟာရဘောဇိုန်ညိ၊ သဝ်တ္ၚဲပူဇဴဍာ်ပ္ကဴဩဴ ပစ္ၜုဲစ္ၜော်ကဵုကျာ်ဓရ်သၚ်ညိ။


  • တွဟ်တ္ၚဲအၚာကဵုသ္ၚိသဝ်။ ယဝ်ရဒတုံပ္ဍဲအၚာကဵုသ္ၚိသဝ်မ္ဂး ပ္ဍဲသၞာံဏံဝွံ ဒှ်တသိုက်ကာယဖဲလဲ ဍိုက်ပေၚ်ပိုန်ဟာန်ဒြပ်ရတ်ရ၊ လာဘ်မဇၞော်လုပ်ကၠုၚ်ဒှ်ဂွံဒၟံၚ်ရ၊ ချပ်ဏာအတိုၚ်ကသပ် ဍိုက်ပေၚ်ရ။


  • တွဟ်သိုက်ကဵုအဒိုတ်။ ယဝ်ရဒတုံသိုက်ကဵုအဒိုတ်မ္ဂး ပ္ဍဲသၞာံဏံဝွံ ဟွံခိုဟ်က္ဍၚ်ရ၊ ဒှ်ဓရ်စံၚ်တူ သောကပရိဒေဝဂၠိုၚ်ရ၊ မၞိဟ်နူကဵုဒိုဟ်ဨသာန်ဂှ် ဒးဒုၚ်လီစၞာဲ ဒှ်ဂွံရ၊ သွံရာန်စမ္ဂး ဂွံပရဲအောန် ကျဂၠိုၚ်ရ၊ ပ္ဍဲကဵုပွိုၚ်မွဲသၞာံဏံ မူရဴကသပ်လဵုမွဲဟွံဟီု ချပ်ကေတ်ဗွဲမဗိုန်ဗတ်ခိုၚ်ကၠိုက်တုဲ ကၠောန်ညိ။


  • တွဟ်စန်ကဵုဗုဒ္ဓဝါ။ ယဝ်ရဒတုံစန်ကဵုဗုဒ္ဓဝါမ္ဂး ပ္ဍဲသၞာံဏံ ပိုန်ဟာန်ကျာ်ဩဳ ဇၞော်မောဝ်တိုန်ရ၊ ညးတၞဟ်သ္အာၚ်သ္ဍိုက်ဆာန်ဇကုရ၊ မုက်မတ်ရာၚ်ဆာဲရ၊ နူဒိုဟ်ဗမံက် ညးမေတ္တာသ္ဍိုက်ဆာန်ဇကုဂှ် နွံဂွံဒၟံၚ်ရ၊ ယဝ်ရပံၚ်ဖက်ထပ်တဲမ္ဂး ဂွံခိုဟ်စ စဵုကဵုစိုပ်လအိတ်လမျီုရ၊ ပ္ဍဲသၞာံဏံ လာပ်ဗဇဴဟွံလုပ်မ္ဂး မံၚ်စဟွံမိပ်လေဝ် ဒှ်ဂွံဒၟံၚ်ရ။

ကိုန်မုက်ကလော်ဇၞော်[ပလေဝ်ဒါန် | ပလေဝ်ဒါန် တမ်ကၞက်]

ဗွဲဒိုဟ်ပုဗ္ဗေၜါဥတ္တရေ၊ အဂၞဲယေပိပန်နေရတိ၊ မသုန်တုန်စိ ဒက္ခိဏေယျ၊ တရဴပဠိုတ် ထပှ်သိိုက်တုပ်၊ ဗာယပ်ဝါကေ ဒစာံဨသော၊ ဌာန်ဇိုၚ်ဂၞေဟ်စက် ဗက်ယဲပါမြိ၊ ဒစိတ်မံက် သၟဝ်ကျာသံက်စှ်၊ အဂၞဲစှ်မွဲ နေရတိပြဲ၊ စှ်ၜါထဲကၠုၚ် သၠုၚ်ကျာစှ်ပိ၊ စှ်ပန်ပဠိုတ် အိုဿီုစှ်သုန်၊ ဗာယပ်ပ္ဍုန်ဂ္ညိ ဇိုၚ်ဂၞေဟ်စက်စိ၊ ဒမၠိစှ်ေပါဲ ဂၠာဲစှ်ေအရိုဟ်တ္ၚဲ၊ ဇိုၚ်ဂၞေဟ်စက်အဴ ယဝ်တဴဂတ၊ ယာဲဒးအာဘဲ ယဝ်တဴထပ်တဲ ဇဲယဘာဘိ ညိဟဂွံၚုဟ်၊ တဴဇွိမ္ဂး ကၠံကဵုစဳကၠး ဟွံဗၠးအမှု၊ ထဴကြဴဇကု သတြုကဵုဂၠိုၚ် ဍေံဂံၚ်ပြိုၚ်ဟာ .. ။

ကိုန်ဌာန်ဒၟံၚ် မုက်ကလော်ဇၞော်ဇိုၚ်ဂၞေဟ််စက် ဝါသောလၟေၚ်ထပှ်တ္ၚဲ[ပလေဝ်ဒါန် | ပလေဝ်ဒါန် တမ်ကၞက်]

အဒိုတ်ဂးမာ ဝါသောတံရေၚ် လၟေၚ်ဗာယပ်၊ ကလော်ဇၞော်တၟပ်တဴ ပ္ညပ်ဨသာန် ဌာန်ဂှ်နိဿဲ၊ ဇိုၚ်ဂၞေဟ်စက်ကီု စိုန်သကီုအနုဘဴ တဴဒိုဟ်အဂၞဲ၊ အိုတ်သီီုဝိနဲ နိဿဲဝေါဟာ ကၠုၚ်အာကဵုချပ် .. ။


တ္ၚဲစန်ဂးမာ ဝါသောဒိုဟ်မံၚ် ဂၠဲၚ်ပုဗ္ဗဂ္ညိ၊ ကလော်ဇၞော်စိ နေရတိဟေၚ် မံၚ်တရေၚ်ကၞပ်၊ ဇိုၚ်ဂၞေဟ်စက်ကီု စိုန်သ္ကီုအနုဘဴ တဴဒိုဟ်ဗာယပ်၊ အိိုဿီုပိထပ် ပ္ညဳပ္ညပ်ချပ်ဒး ဇၞးသတြုရ .. ။


တ္ၚဲအၚာစိ နေရတိကၠာ ဝါသောအာမံၚ်၊ ကလော်ဇၞော်မံၚ် ပြံၚ်အာအဂၞဲ နိဿဲသဏာန်၊ ဇိုၚ်ဂၞေဟ်စက်ကီု စိုန်သ္ကီုအနုဘဴ တဴဒိုဟ်ဨသာန်၊ ရာညးပြိုၚ်ပ္ကာန် ပိဌာန်ဝွံဂှ် ကဵုတီပြဟ်ညိ .. ။


ဗွဲဒိုဟ်သၟဝ်ကျာ ဝါသောမံၚ်ပြဲ တ္ၚဲဗုဒ္ဓဝါ၊ ကလော်ဇၞော်ကၠာ သၠုၚ်ကျာမံၚ် သီုဂံၚ်သ္ဍိုက်၊ ဇိုၚ်ဂၞေဟ်စက်ကီု စိုန်သ္ကီုအနုဘဴ တဴဒိုဟ်ပဠိုတ်၊ ရာညးပဝိုတ် အိုတ်အန္တရာဲ ကဵုလာဲလေၚ်အာ . . ။


ဂုရုသၠုၚ်ကျာ ဝါသောဝွံစိ နေရတိရေၚ်၊ သၟဝ်ကျာဝွံဟေၚ် ဟွံဂွံဝေၚ်ကၠာ ဌာန်မှာယက္ခ၊ ဗာယပ်သံက်သၟိဟ် ဇိုၚ်ဂၞေဟ်စက်ဂှ် အ္စာတွံရ အိုတ်ဇၟာပ်ကိစ္စ တော်ဆတုဲ အာဟွံဂွံမှာရ .. ။


တ္ၚဲသိုက်ဝွံဟေၚ် လၟေၚ်ဝါသောဒ္ဂူ ပဠိုတ်မူလ၊ ဣဓိက္ဍၚ်ပြ ပုဗ္ဗဆဗၞတ် မုခ်ကလော်ဇၞော်၊ ဇိုၚ်ဂၞေဟ်စက်သွံ ဂွံဒိုဟ်အဂၞဲ နိဿဲမွဲဗော် ဒကိုပ်ကဠော် တော်ဆတုဲအာ ဟွံဂွံမှာရ။


သ္ၚိသဝ်ဨသာန် ဌာန်ဝါသောကီု ဟီုဂ္ညိကေတ်ရ၊ ဗာယပ်မူလ ကလော်ဇၞော်ရ ဂွံဒမံၚ်ပၠန်၊ ဇိုၚ်ဂၞေဟ်စက်ဂ္ညိ နေရတိကွေံ ဍေံမဒၟံၚ်တန်၊ ချပ်ကဵုဗိုန်က္ညန် လက်သဏ်သဒှ် တ္ၚဲထပှ်ရ။

ကိုန််ဒိုဟ်ဟွံဂပ်ဝ်ကွာ်တရဴ[ပလေဝ်ဒါန် | ပလေဝ်ဒါန် တမ်ကၞက်]

မွဲကဵုဒစိတ် တိက်ဒိုဟ်ပုဗ္ဗ မရဏဒဲ၊ ပိကဵုစှ်မွဲ အဂၞဲခဝ်ပြာတ် ဝါတ်ဂါတ်ပြိုက်ဖာ၊ မသုန်စှ်ပိ ဒက္ခိဏသ္အး မၞးလ္ပအာ၊ ပန်ကဵုစှ်ၜါ လ္ပအာညိ နေရတိထဲ တရဴစှ်ပန် လက်သန်ပဠိုတ် အာချိုတ်ဒးဝပ်၊ ထပှ်ဗာယပ် စှ်သုန်ပညပ်လဝ် တာဒဝ်ကဵုမာန်၊ ၜါဟေၚ်ကဵုစှ် ဒိုဟ်သၟဝ်ကျာ ပအာဒှ်ပၞာန်၊ ဒစာံဨသာန် အာပြိုၚ်ပ္ကာန်ညး မၞးလ္ပချပ်

ကိုန်ကွာ်တရဴစၞောန်ဇၞး[ပလေဝ်ဒါန် | ပလေဝ်ဒါန် တမ်ကၞက်]

အဒိုတ်သိုက်စန် ဒစိတ်စဍောန် ဂၠောန်မွဲဓနေၚ်၊ ဒစာံပြဲက္ဍၚ် ခြၚ်ဗုဒ္ဓဝါ အၚာဒစိတ်၊ ဂုရုထပှ် သောရဳစှ်မွဲ နဲဝွံပ္တိတ်၊ သာ်ဝွံကျာ်ပ္တိတ် ယဝ်ကွာ်စၞောန်ဒး ဗၠးဒုဟ်လၚ်လၚ်။

ကိုန်ညာတ်နိမိတ်ဟွံခိုဟ်[ပလေဝ်ဒါန် | ပလေဝ်ဒါန် တမ်ကၞက်]

ဆမကွာ်တိတ်ညာတ်နိမိတ်ကၞာတ် ညာတ်ညးမချိုတ် ညာတ်သၟိၚ်က္ဍိုပ်ပိုတ် ဟိုတ်ဇၞော်လအိတ် ညာတ်မိတ် ညာတ်ကၠေၚ်၊ ဇြုံဂမာကြတ်ညာတ်သၟတ်လ္ပအာ ယာံအာလေၚ် ဟွံဒေါအ်ဟွံအေၚ် လေၚ်ရောၚ်သေၚ်ဟာ ပါဲဘဲဂစိုတ်။

ကိုန်ညာတ်နိမိတ်ခိုဟ်[ပလေဝ်ဒါန် | ပလေဝ်ဒါန် တမ်ကၞက်]

တိတ်နူသ္ၚိတုန် ညာတ်ဖျုန်ကဠောံ ဂွံလာပ်မပြဲ၊ ညာတ်ပြေၚ်ဇၞးဝဲ ကွာ်သတိတ်ကၠုၚ် ညာတ်နုၚ် ညာတ်ဍာ် ညာတ်ကခတဴ ဂၠဴဗမဴကောန် တ္ေၚ်လောန်သေသာတ် ယာံအာဂွံညာတ် ကွာ်တရဴသွံ ဂွံလာပ်မပြဲ။

ကိုန်တွာ်စၞောန် တွာ်တရဴမွဲနဲပၠန်[ပလေဝ်ဒါန် | ပလေဝ်ဒါန် တမ်ကၞက်]

အဒိုတ်တုန်ဂှ် စှ်စဍောန်တွာ် နာ်ဇၞးသပဝ်၊ စန်စှ်သုန်ဓဝ် စဍောန်လဝ်ဒၞာဲ ဒြာဲဂွံဇၞးကၠ ဒစာံအၚာ ဟတ္ထိရာဇာ အာဇၞးသဳဟ၊ ပန်လိုန်ဗုဒ္ဓ သၟိၚ်သူရိယ ရာဟုကျအာ၊ တ္ၚဲဗြဴဗတိ ၜါစဍောန်စိ ကၞိဇၞးဗဂဲ၊ သိုက်တရဴပြဲ ပ္ဍဲဗေဒၚ်ရတ် အဇ္ဇဇၞးကၠဵု၊ သ္ၚိသဝ်ဒစိတ် တိတ်ကွာ်တရဴ ၚဴဇၞးဇြုံအဵု သၟိက်တီဟိုတ်ဖဵု စဍောန်ကဵုဓဝ် ဇၞော်မောဝ်ဣဓိ

ကိုန်စၞောန်ထ္ၜးကွာ်တရဴ မွဲနဲပၠန်[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲအဒိုတ်ပၠန် စှ်စဍောန်ကၠာ နာ်ဇၞးသပဝ်၊ စန်စှ်သုန်ဓဝ် သမ္တီလဝ်ဆာဲ ဒြာဲဇၞးကၠ အၚာဒစာံ စိၚ်ဂါံကၠောံကၠာ ဇာဒိသိုၚ်ကျ၊ ပန်လိုန်ဗုဒ္ဓ သၟိၚ်သူရိယျ ရာဟုကျကျဝ် ဗြဴဗတိပိ ကၞိဇၞးဗဂဲ ပ္ဍဲဂတမတ်၊ သိုက်ထပှ်သၟတ် အဇ္ဇဇၞးကၠဵု ဟိုတ်ဖဵုတီတဴ သ္ၚိသဝ်ၜါဟေၚ် လမေၚ်အလုံ ဇြုံလုပ်ပါၚ်ၚဴ ယဝ်ကွာ်တရဴ စဴဇၞးသတြုအနုဒိုဟ်ဟေၚ်။

ကိုန်ဂတဝ်သာဲဍောတ်[ပလေဝ်ဒါန် | ပလေဝ်ဒါန် တမ်ကၞက်]

(သုဇ္ဇ-သိုက်ကြ-ဗုဒ္ဓ၊ ဣဏဴ-သောရဳ-ဂုရု၊ ဘဴမ-သုဇ္ဇ)


၁။ (ကာတ္ၚဲအဒိုတ်) အဒိုတ်မယး ဒးကာကၞုဲဗၠာဲ၊ ညိဟွံခိုဟ်တောံ ပ္ဍဲစိုတ်လောံလာဲ၊ တ္ၚဲအဒိုတ်ယး သလးဗြဴချာဲ။ ကာသိုက်ကြဗၠာဲ သၟိက်ကွာဲဂစေံ၊ ခိုဟ်သန်ပေၚ်လေံ သ္ကေံတဲဂျ၊ တတိယပြဲ ပ္ဍဲကာဗုဒ္ဓ၊ ကၞုဲဂစေံရ ဖျိုန်ကောန်ပမိတ်၊ ကာဂှ်နူကိုဝ် ခိုဟ်စိုပ်လအိတ်၊ အဒိုတတ်ကွာ်တိတ် စရိတ်ဂှ်အဴ၊ စတုတ္ထကွေံ ဒးကာဣဏဴ၊ ကၞုဲစကၠေံဗ္ၜေံ ကောန်ဂစေံဗြဴ၊ ဟွံခိုဟ်သန်အဴ လေၚ််တဴဆတ္တဝ် ဝေၚ်ညိမွဲဝါ ဒးကာသ္ၚိသဝ်၊ ကၞုဲဂစေံဗက် ဒှ်ဂါတ်ဆက်ၜဝ် ဟွံခိုဟ်ဟီုလဝ် ကာဲကဝ်ဝါတ်ဂါတ်၊ ကၠာဟွံတက်ပိ ဗြဴဗတိကၞာတ်၊ သီုၜခပ်ပြာတ် ကၞာတ်စိုပ်ဣသိအဴ၊ တက်ပိလောန်အာ ကၠာဂၞဴဟွံစဴ၊ ဒးကာဘဴမ ကၞုဲကျသဘဴ၊ ဟွံခိုဟ်သန်အဴ ကၞုဲစဴဒးဂွက်၊ နူဂၠဴစဴအဵု ဒဵုကဵုပၠိုတ်ဗက််၊ ခိုဟ်သန်သက်လက် မသက္ကုခြာ ... ။


၂။ (ကာတ္ၚဲစန်) တ္ၚဲစန်မယး ဒးကာစန်ကၠာ၊ ဃောသကုမ္မာ ခါဂှ်ဒှ်မၞိဟ်၊ ခိုဟ်သန်သက်သၟိဟ် လမိဟ်လက်သဏ်၊ သၠးဗြဴပၠန် ပ္တန်ကာသ္ၚိသဝ်၊ ဃောသကုမ္မာ မိဏာထောံလဝ်၊ ဟွံခိုဟ်ဆတ္တဝ် သၟဝ်သရိုၚ်ဂၠဴ၊ တက်မွဲသဘဴ ကာဗြဴဗတိ၊ သေဌဳပကောန် ပြဲလောန်ဣဓိ၊ လပှ်ဖျဴသ္ၚိမိ သ္ဍိုက်လောန်ထောန်၊ ဘဴမဒွံကွေံ သၟိက်သွံဍေံပၠန် တ္ၚဲစန်စေၚ်လောန် ဒးပၠန်သုဇ္ဇ၊ ဒးကာစဏာဲ ဂၠိုၚ်ဥပါဲယျ၊ လောန်နူဂှ်မာ ဒးကာသိုက်ကြ၊ ကောန်သေဌဳရ၊ ပကာဂစိုတ်၊ တက်ပိလောန်သ္ကဲ သေဌဳယဲသ္တိုတ်၊ စိုပ်ကာဗုဒ္ဓ ပကာဂစိုတ်၊ နူဂၠဴစဴအဵု ဒဵုကဵုတ္ၚဲပၠိုတ်၊ ဒးကာစန္ဒြာ ဃောသအဵုဇိုတ်၊ ပ္ဍဲတ္ၚဲစန်သ္တိုတ် အိူတ်အာတုဲရ ... ။


၃။ (ကာတ္ၚဲအၚာ) အၚာယးကွေံ ဒကာဘဴမ၊ မိဗဒဳရ ပဏုက်ကောန်ကၠာ၊ သလးဗြဴကၠာ ဒးကအေဒိုတ်၊ ဂွံယဿပတ် သၟတ်ညံၚ်ကဵုစိုတ်၊ တက်မွဲလောန်သတိုတ် ကာသိုက်ဇိုတ်ပၠ၊ ဂွံကောန်ဗဒဳ ကြဳဇှ်က္ဍၚ်ပြ၊ ဆိုက်တ္ၚဲကတဴကၠာ ဒးကာဗုဒ္ဓ၊ ဗဒဳပၠန် အောပ်ဗ္ဒန်ဂျ၊ ကာစန်စေၚ်သၟတ် ၜတ်ဒၞာဲဇိုၚ်မ၊ ဇိုၚ်သွတ်အာရ ကျကလေၚ်စဴ၊ ကၠာဟွံတက်ပိ ကာသ္ၚိသဝ်အဴ၊ ဗဒဳစဏေဟ် ကဵုမဍေံအဴ၊ တက်ပိလောန်အာ ကာဗြဴဗတိ၊ ဗဒဳတုန်ချာဲ ဂွံဒၞာဲမစိ၊ တက်ပိလောန်ညိ ဒမၠိဒဵုပၠိုတ်၊ ဗဒဳတုန်သွံ ဂွံဒၞာဲမသ္တိုတ်၊ သမ္တီဒဵုချိုတ် ပဝိုတ်ညိပၠန်။


၄။ (ကာတ္ၚဲဗုဒ္ဓဝါ) ဗုဒ္ဓဝါယး သၟတ်ဒးကာဆဒ္ဒန်၊ သလးဝၚ်ဗက် ခိုဟ်ဂးလက််သဏ်၊ ဂွံပါဝါဏ ဟွံကကၠံပၠန်၊ တက်ပိလောန်ပၠန် ပ္တန်ကာသ္ၚိသဝ်၊ ဆဒ္ဒန်ကၠေံဌာန် ဥဒျာန်ထောံလဝ်၊ ဗြဴဗတိဍိုက် ဆိုက်ကတဴဓဝ်၊ ဝဲဗက်စိုပ်ပၠန် ဆဒ္ဒန်ဂြၚ်ကဝ်၊ တ္ၚဲစေၚ်ဆတ္တဝ် သက်သ္ဍဝ်သ္တိုတ်၊ ဘဴမဒးကာ ဟွံခြာတသိုက်၊ သၟိၚ်ဆဒ္ဒန္တ ပကာဂစိုတ်၊ ကၠာဟွံတက်ပိ ကာညိအဒိုတ်၊ သပေါတ်ဒါပ္ညဳ ဒှ်ဒေဝဳသိုတ်၊ တက်ပိလောန်အိုတ် ကာသိုက်သိုက်ဒး၊ သၟိၚ်စိၚ်မ္ဂးချိုတ် ဒးဘဲဒဏ်၊ နူတက်ပိအဵု ဒဵုတ္ၚဲပၠိုတ်ပၠန်၊ ဒးကာဗုဒ္ဓ ညိဟွံယောၚ်ခၠန်၊ ဂၞကျာ်ညာတ်ဂြၚ် ချိုတ်ဘၚ်အိိုတ်သ္ကန်၊ ဒေပ်စိုတ်ဓဇန် သမ္တီပၠန်ညိ ... ။


၅။ (ကာတ္ၚဲဗြဴဗတိ) ဗြဴဗတိယး ဒးကာဂုရု၊ ကုသဒှ်မၞိဟ် ဒှ်ညးခမိဟ်၊ သက်သၟေဟ်ဟွံချာဲ သလးဗြဴရ၊ ဒးဘဴကာမ သၟိၚ်ကုသပၠန်၊ ပိုၚ်ခြာခန်လွာ စိုပ်တက်မွဲကၠာ၊ ကာသုဇ္ဇပ္ညဳ၊ ပြဘာဝတဳ အနိဒဴစဴ၊ တ္ၚဲစေၚ်ညိရ ကာဗုဒ္ဓအဴ သၟိၚ်ကုသသွံ၊ ဗက်အာဂွံဗြဴ စိုပ်တက်ပိပၠန််၊ ဒးကာစန်အဴ ပၞာန်ထပှ်ဒပ်၊ ဇက်ထပ်ကၠုၚ်တဴ၊ နူတက်ပိအဵု ဒဵုကဵုဂၠဴစဴ၊ ကာသ္ၚိသဝ်သိုက် ဒဒိုက်စိုတ်ကတဴ၊ နူဂှ်တုန်အဴ သဘဴဒဵုပၠိုတ်၊ ဒးကာဗြဴဗတိ မဂ္ညိတသိုက်၊ ခါသဳဇိုန်ပအပ် ဗြဴအၚပ်စိုတ်၊ ကာဂုရုဗိုတ် အိုတ်အာတုဲရ ... ။


၆။ (ကာတ္ၚဲသိုက်) တ္ၚဲသိုက်မယး ဒးကာသိုက်ကြ၊ သုဓနလွုဲ ဒှ်မၞိဟ်တုဲရ၊ သလးဗြဴခုတ် ဒးကာဗုဒ္ဓ၊ ဂွံဏှံၚ်ဟရဳ ကျာ်ဩဳဒေံမ၊ စိုပ်တက်မွဲဂျ ဒးကာဣဏဴ၊ ဏှံၚ်ဟရဳဗြဴ ဒဴစဴတၟံထဝ်၊ ဆိုက်တ္ၚဲကတဴညိ၊ ဒးကာသ္ၚိသဝ် သုဓနုအဴ၊ သၟတ်ဗက်ဗြဴသွဝ်၊ ကာတက်ပိအဴ ကာဘဴမဓဝ်၊ ဍိုက်ဟဝ်ကၠိုၚ်ကျဝ် ကလာၚ်ဟဝ်ဇ၊ ခါံသဳစံၜတ် ခိုဟ်သၟတ်ကွေံရ၊ နူဂၠဴစဴအဵု ဒဵုပၠိုတ်မူလ၊ ဂွံဗြဴသွဝ်ရ သုဓနုပ္ညဳ ... ။


၇။ (ကာတ္ၚဲသ္ၚိသဝ်) တ္ၚဲသ္ၚိသဝ်ကၠာ ယးကာသောရဳ၊ ကောန်ဗြဴသၟိၚ်ပ္ညဳ အနဳမုက်ချေံ၊ ညးထောံကၠေံကွေံ ဍေံဟွံခိုဟ်အဴ၊ ယးသလးဗြဴ ကာသွဴဂုရု၊ အဿမုက္ခဳ ခုတ်ပ္ညဳယမု၊ ဂွံဗနးရ ပတြုံ၊ဇကု၊ တက်ပိလောန်စု ယမုဘဴမ၊ အဿမုက္ခဳ ဂွံကောန်စဳကၠး၊ စိုပ်တ္ၚဲကတဴကၠာ ဒးကာသုဇ္ဇ၊ ဗနးဒဴရ ယက္ခဗက်ဂွံ၊ တ္ၚဲစေၚ်ညိသွံ ဂွံကောန်သိုက်သ္အး၊ ဗနးဗြဴရ ဂွံတြုံဗနး၊ စိုပ်တက်ပိကွေံ ဒးကာဗုဒ္ဓ၊ ဗနးဗြဴအဴ ကလေၚ်စဴရ၊ တက်ပိလောန်သ္အာ် ဒးကာစန္ဒြ၊ စိုပ်သ္ၚိတုဲအဴ ဒှ်တဴၚုၚ်ၚ၊ တ္ၚဲပၠိုတ်တုဲရ ဒးကာဂှ်အဴ၊ ဒးကာသ္ၚိသဝ် မှောဝ်ဇာကြီုတဴ၊ ကာသ္ၚိသဝ်အဴ သဘဴဒဵုပၠိုတ်၊ သမ္တီပဝိုတ် ပ္တိုန်လဝ်စိုတ်ညိ ... ။

ကိုန်တ္ၚဲညးကၠုၚ်ကဵုပရိုၚ်ဂၠုၚ်[ပလေဝ်ဒါန် | ပလေဝ်ဒါန် တမ်ကၞက်]

၁။ (တွဟ်တ္ၚဲအဒိုတ်) အဒိုတ်ညးပ္ညုၚ် ဂၠုၚ်ဂှ်ထမိက် ညးဗနိက်ရာန်၊ က္ဍိုက်ဍေံကွေံကြာန် သွံရာန်ဟောံဗၠိုက် ညးဍိုက်ဍေံဂံၚ်၊ ဍိက်သၟိၚ်ဗၠာဲသၟိၚ် ပိုန်သၟိၚ်ဟွံခြာ လာဘ်သကာကၠံၚ်၊ ပိုန်ဟာတ်ဗြံၚ်ဗြံၚ်ညံၚ်ဇွိုန်လပှ် ဍိက်သၟိၚ်ပြဟ်ရာန် ... ။

၂။ (တွဟ်တ္ၚဲစန်) တ္ၚဲစန်ညးပ္ညုၚ် ဂၠုၚ်ဂှ်ကွေံကြာန်၊ ရာန်ရဴပညာ ယဝ်ဍိုက်ဍေံကၠာ၊ လာဘ်သကာအဵု သီုကဵုတသိုက်၊ သ္ဂောံရာန်ခိုဟ်ကဍၚ် နၚ်ကဵုပရဲ၊ ပိုန်ဟာန်ပ္ဍဲလိုက် ဍိုက်ဂွံတသိုက်၊ ပ္ဍဲလိုက်ကၠံၚ်မံၚ် ညးဟွံဂံၚ်ပါ ... ။


၃။ (တွဟ်တ္ၚဲအၚာ) အၚာညးပ္ညုၚ် ဂၠုၚ်ဂှ်သၞေဝ်အုဲ ရုဲစှ်ပဝိုတ်၊ ဍိုက်ဍေံကောန်ချိုတ် ဒြပ်အိုတ်သက်သၞေဟ် သၟေဟ်ပကဵုဍုန်၊ ဒးတၚ်ပန်သၞောတ် ယုတ်မတ်လအိတ် မိတ်ခြာဍိက်ဒဴ၊ ဒုဟ်ဍေံနွံတဴ တြုံဗြဴခပ်သီ သမ္တီလဝ်ညိ ... ။


၄။ (တွဟ်တ္ၚဲဗုဒ္ဓဝါ) ဗုဒ္ဓဝါညးပ္ညုၚ် ဂၠုၚ်ဂှ်ထမိက် ကၠိက်တုက်တံဍေံ၊ ယဝ်ရာန်ဍေံကွေံ ဍိုက်ဍေံမ္ဂး ညးလက်ကရောဲ၊ ကဏောတ်ဒဂါတ် ကမာတ်ဒက်ရံ ခဏံခပေါဲ၊ ရိုဟ်ဒဒှ်တ္ၚဲ ခပေါဲဒဒိုက် ပရာန်ဍိုက်ဍေံ ... ။


၅။ (တွဟ်တ္ၚဲဗြဴဗတိ) ဂုရုညးပ္ညုၚ် ဂၠုၚ်ဂှ်ပြဲသ္အး ဇၞးသတြုရ၊ ပိုန်ဟာန်အနန္တ ဒၞာဲဂတအာ လာဘ်သကာဂွံ၊ ဍိုက်အာယုက်ဂၠိၚ် သၟဟ်ပိုန်သၟိၚ်သွံ သ္ဂောံပတဠ၊ ပိုန်ဟာန်ယဿ ဒၞာဲဂတအာ လာဘ်မြာစဴရောၚ် ... ။


၆။ (တွဟ်တ္ၚဲသိုက််) တ္ၚဲသိုက်ညးပ္ညုၚ် ဂၠုၚ်ဝွံတုန်ဂှ် ရာန်ပြဟ်ပဝိုတ်၊ ဇၟာပ်ညးသီုဖအိုတ် ပြဲသိုက်စိုတ်သ္အး ညးဒးရဴဂဴ၊ သ္ဂောံဍိုက်ဍေံအဴ နုဘဴပိုန်ဘဂ် ဂၠိုၚ်ကဵုကြက်ဒြပ်၊ သဒှ်ညံၚ်ကသပ် ဒြပ်တန်ဒမၠိ ရာန််ဍိုက်ညိရ ... ။


၇။ (တွဟ်တ္ၚဲသ္ၚိသဝ်) သ္ၚိသဝ်ညးပ္ညုၚ် ဂၠုၚ်ဂှ်သဘဴ တၚ်တဴပ္ဍဲက္ဍိုပ်၊ ဍိုက်ဍေံသကိုပ် ဒြပ်စိုပ်လအိတ် မိတ်ပြဝါဂၠိုၚ်၊ ဒၞာဲဂတအာ ညံၚ်သွာပၠထာၚ် ရာၚ်မံၚ်တဝိုၚ်၊ ညံၚ်ရာသဳဂွိုၚ် အတိုၚ်စိုတ်ဂှ် ဒှ်ဟွံဆောတ်ရ ... ။

ကိုန်ရုဲတၚ်ဂၠုၚ်[ပလေဝ်ဒါန် | ပလေဝ်ဒါန် တမ်ကၞက်]

ဂၠုၚ်မွဲတုန်ဂှ် ပစှ်သၞောတ်တုဲ ရုဲစှ်ဂၠဟ်တၚ်၊ မွဲၜါခိုဟ်က္ဍၚ် ပိဍေံနၚ်ဂုဏ် ပန်မသုန်ချိုတ်၊ တရဴထပှ်ဂှ် ထံၚ်ထာဗျာံ ဒ္စာံဒြပ်အိုတ်၊ ဒစိတ်ပြဲသတိတ် အိုဿီုတၚ်စှ် ဒယှ်ကၠံၚ်တဴ ... ။

ကိုန်လၟေၚ်တၚ်ဂၠုၚ်[ပလေဝ်ဒါန် | ပလေဝ်ဒါန် တမ်ကၞက်]

လၟေၚ်တၚ်ဂၠုၚ်ဂှ် အာစာတွံလဝ် နူကဝ်အာဒိ၊ ဂုဏ်ဒုဟ်နွံစိ ဗယိတံဂှ် အာစာတွံရောၚ်၊ နူက္ဍိုပ်ရတဝ်ကၠုၚ် တၚ်ဂၠုၚ်စှ်သၟတ် ဟွံဆောဝ််လဝ်ကိုန်၊ သမ္တီကဵုဗိုန် ပိုန်သီုယဿ သ္ဂောံစသိုၚ်ရောၚ်။

ကိုန်ဖ္ဍုန်ရတ်ပ္ဍဲဂၠုၚ်[ပလေဝ်ဒါန် | ပလေဝ်ဒါန် တမ်ကၞက်]

မနိက်က္ဍိုပ်တုန် ဗိုတ်ပ္ဍုန်သၞေဝ်ကၠာ နဳလာဟံၚ်သတုံ၊ ဟံၚ်ဇွိအလုံ စောန်မြသာံပြာ ဗတဗ္ဂဲ၊ သီုရတ်မသုန် ယဝ်ပ္ဍုန််ဒး ပိုန်ညံၚ်လျးတ္ၚဲ ပိုန််ဟာတ်ဇၞော်ပြဲ၊ နဲဇောတိက ယဿဇဴကောံ .. ။

ဗီုဂွံဗစမိန်ဂၠုၚ်[ပလေဝ်ဒါန် | ပလေဝ်ဒါန် တမ်ကၞက်]

ဗစဗဴမိန်ဂၠုၚ်် ဟီုပ္ညုၚ်မွဲတောၚ်၊ ဝန္ဒေတွာ ပာစရိယံ၊ သဗ္ဗအန္တရာယာ ဝိနာသနံ သဗ္ဗကိစ္စံ ကတ္တဗ္ဗံဟောတု၊ ဗုဒ္ဓဂုန္နော ဓမ္မဂုန္နော၊ သံဃဂုန္နော မာတာပိတုဂုန္နော ဒိတ္ထဳစန္ဒြံ၊ သဗ္ဗကိစ္စံ ကတ္တဗ္ဗံဟောတု။


(ပ္တိုန်ခါန်အ္စာ ပိလတုန်တုဲ သာ်ဝွံ ဟီုစိုပ်ဂုဏ်ကျာ်ဓရ်သၚ်ဂမြၚ် ၝောံကိုတ်လိုက်ဗာညိ) ။


  • ဖဵုအဲယိုက်လဝ်တုန် ဂုဏ်ကျာ်ဇၞးမာ၊ စရိစရဲစှ်လ္ၚီလက်ကိုတ် ကဵုအိုတ်လၚ်ဂတာ၊ ကမ္မကဵုစိ သီုပိစှော်ၜါ စိုပ်ဂုဏ်ဒေဝတဴဆု ယၟုအက္ခရာ၊ နာတ်ဗဳလာနာတ်စမ္မာ၊ ဂွံပိုၚ်ခြာဒၟံၚ်ပ္ဍဲလိုက် နာတ်ၜါနွံတသိုက် ဗဴမိန်ထဝ် ဂွံသိုက်လှိၚ်၊ နာတ်ဗဳလာဂွံမိၚ် ပရိုၚ်ကောန်သၟိၚ်ၜါ၊ ပ္ဍဲဂြိုပ်ဆုကၠာ ဂွံပိုန်ခြာဇၟာပ်တၞံဆု၊ နာတ်ဗဳလာကြီုလဒု ဇၟာပ်ဆုဂၠာဲဗက်အာ၊ ဆဵုဒးဗြဴမိန်ထဝ်ကၠာ ညးၜါဂဵုမြဟ်၊ ညံၚ်အတှ်ထဝ်ရောက ဗြဴၜါတြုံမွဲစိ ညးပိဒှ်မွဲဘာဝ၊ ဂွံပိုန်ဇၟာပ်ဂၠုၚ်က္ၜၚ်ရ ဒၞာဲအာညးကော်ထကၠံၚ်၊ ဒၞာဲအာညးကော် ညံၚ်ဇၟာပ်ဂၠံၚ်ဍုၚ်ကွာန်ရ၊ ဂၠုၚ်ထဝ်လှဴဂါယာန် ဒၞာဲအာညးကော်ဆာန်ဂၠောဲ။


  • အာစာဒစိတ်စှော်ပြဲ ပ္ဍဲတ္ၚဲဝွံစိ၊ က္ညကၠုၚ်သီုဒေဝတဴဆုပိ က္ညကၠုၚ်ပိုဲသာတ်ဗစ၊ ယိုဟ်ကွာၚ်ပိခါန်ရ သဗ္ဗၚုဲကကၠာ ဗဴမိန်တဠဘက် ဆက်ကၠုၚ်နူတမၠာ၊ စက်ချူချူကဵုသာ တံၚ်ယာယာကဵုစ၊ ဂိုၚ်ကၠေံတွံလတ သဗ္ဗဇၟာပ်ဇၟာပ်စွံ၊ အမာဲကဖျုန်အဵု သီုကဵုဖျုန်ကလောံ ယိုဟ်ကွာၚ်ဗြာတ်က္ၜဴသွံ ပိိုဲပ္တိတ်စွံလဝ်ကၠာ၊ ဗြာတဝရးသတ်ဗြဴ ထ္ၜောံကွာၚ်မၞုံကဵုရှ်သာ။


  • ဂစေံစၠန်ဓုပ်သဍဴ ဥတဴပၠးဂၠးကၠာ၊ ဂၞိန်ပါန်ယာတ်ဍောတ်သာစာဲဂရး သီုကဵုဒ္ၚေါဝ်ဓုဲထပူကယျံၚ် တုန်အဴပၞုတ်ဗၞာ် နွံတဴသီုဖအိိုတ်၊ ဒၞာဲအာဂှ်ကဵုဒှ် ညံၚ်စိုတ်ပဠိုတ် ကၠေံဘဲယဲ၊ ယွံဒေဝတဴဆုမပြဲ မၚ်မွဲလဝ်ညိရလေဝ်အဴ။


  • ကဵုသိုခ်ဘိုက်သီုကောန်စဴ ရဴဇောတိကသေဌဳ၊ တၚ်မွဲတၚ်ၜါပိ တၚ်ပိသီုခါဂှ်၊ တၚ်ပန်တၚ်မသုန်သၟဟ် တၚ်ထပှ် သီုတၚ်တြဴ၊ တၚ်ဒစာံဒစိတ်အဴဴ ရဴဝွံဒဵုစိုပ်စှ်၊ ပိုဲသာတ်ဗစဝွံဂှ် ကဵုဂဵုမြဟ်ဒၟံၚ်ညိရလေဝ်အဴ။


  • ဂစေံခဍာ် ယဝ်နွံပ္ညဳ ကဵုညဳသာ ညံၚ်ပၞာၚ်သ္ဍဴ ပၞုက်သ္ကောဝ်သၞေဝ်သမ်အုဲရ တြုံဗြဴသီုခမဳ ကမၠတ်ဒမၠမယိဟ််အလဇ္ဇဳ ကဵုဒးဖျေံက္ဍိုပ်ဒဵုတိ မၞိဟ်သၟာ်ပကဵုပါမြိ ဒိတ္ထိကဵုစဍးဒဴ၊ ဍိက်သ္ကံသီုပြေၚ်ဂၠဴ ကောန်စဴကဵုသိုက်ဂၠိိ၊ ဗၞတ်ပိုဲပဍိုက်ဏာဂှ် သၟဟ်မကဵုမိ၊ ကောန်ဍာ်သီုဗေဒၚ် ပိုဲက္ညနၚ်သီုညးပိ ယွံဒေဝတဴဆုပိ က္ညကပုၚ်ဗိုန်ဖျိုက်တဠဂၠုၚ်ညိရလေဝ်အဴ။


  • ဂၠုၚ်မွဲတၚ်ထပှ် တၚ်စှ်မၞုံသေသာတ်၊ ပုၚ်မွဲထမောတ်ကၞာတ် ကကၠာတ်သာတ်ဗစ၊ ဗြာတ်မွဲခရးရ ပၞာၚ်ဗကသီုသတ်ဗြဴ၊ တၚ်မွဲတၚ်ၜါအဴ ကက္ဍတ်စဴဟီုသ္ကဲ၊ ဒးတၚ်တြဴပြဲ ဇာဩဲသိပ်ဇၟံ၊ သာတ်ဗစကသ္ကံ မၞိဟ်ညာတ်ဒးကြံဘိုၚ်၊ တၚ်ပန်မသုန် ကဗၞာံပ္ဍုန်ဒဝိုၚ်၊ တၚ်ပိကပကိုၚ် တၚ်ဒစာံကသိုၚ်ကဵုစ၊ ဒးတၚ်ဒစိတ်ရ သာတ်ဗစကဣဗီု။


  • ယဝ်ဂွံသာတ်ဗစကဵု အိုဿီုညံၚ်ရာဲဩဳ သွံစဗနိက် ဇိက်ပ္ညဳညဳ သာလောန်အိုဿီု၊ ပရဲကဵုစှ်ကီု စိုန်သ္ကီုကဵုဍိိုက်ပေၚ်၊ ဂွံဗၠးဒုဟ်သဗ္ဗ ပူဂဵုသာတ်ဗစတၚ်၊ က္ဍိုပ်ဂၠုၚ်ကီုချပ်ဂြၚ် ကဵုသာတ်ဗစတၚ်ဂၠုၚ်ညိ၊ ကာလသာတ်ဗစအဵု သာ်ဝွံထ္ၜးကဵုနယ်၊ ဗြာတ်မွဲဂရးပြဲ သတ်ဗြဴမွဲမကီု သီုကဵုပ္ကဴခၠံ၊ ဩန်မွဲဒကေဝ်ဇၟံ ပ္ကဴခၠံကဵုစုတ်လဝ်၊ ခါန််ပ္တိုန်က္ဍိုပ်ဂၠုၚ်ထဝ် ဩံက်လဝ်သီုကၞာၚ်ဆု ပသၞးဂၠုၚ်ဝွံ သာ်ဝွံကော်ဟီု၊ အိုတ်ဒေဝတဴတံကီု အိုဿီုဒေဝတဴဆု၊ ယွံမိအက္ခရာ ညးၜါၝဲကဵုဒေံ၊ နာတ်ဗဳလာ နာတ်စမ္ပာ ဂွံပိုၚ်ခြာဒၟံၚ်ပ္ဍဲတိ ယွံဒေဝတဴပိ ဨဟိဨတု က္ညကၠုၚ်ဖျိုက်တၠဂၠုၚ်ညိရလေဝ်အဴ။ (ပိလတုန်ဟီုရ)

ကိုန်တန်အာယုက် တန်နကျတ်တၞဟ်ဟ်[ပလေဝ်ဒါန် | ပလေဝ်ဒါန် တမ်ကၞက်]

အာယုက်တန်တုဲ ဟုဲကဵုဓါတ်ပန် ဒစာံစဗဂန်၊ သှ်ေမွဲဟေၚ်ရ ပဝသ္ၚိၜါဂြိုပ်မၞးသ္ၚိ၊ ပိဂှ်အနဳ အဿမုက္ခဳ ပန်ပ္ညဳလဝ်စဲ၊ မသုန်မွဲတဲ ပ္ဍဲဂှ်လအိတ် မိတ်တမၠာပ၊ တရဴသှ်ေရ မၞးပဒးယဲ ဆီပ္ဍဲဇကု၊ ထပှ်သှ်ေဝွံ ပ္ဍဲဇကုမၞးဂြိုဟ်မ္ဂးကဵု။


(မွဲနဲပၠန်) ။ ။ အာယုက်တန်လဝ် ပၟဝ်ကဵုတြဴ တြဴပစှ်ၜါ၊ ဗြဴဗတိစန္ဒြာ ဗုဒ္ဓဝါသိုက် ဇိုက်ဝွံကိုန်တိတ်၊ ခမဳဂွံဘာ ခရှ်ခြာဍုၚ် စိၚ်ဂၠုၚ်လအိတ်၊ တြုံဗြဴဂွံမိတ် ကိုန်တိတ်ဗိုန်က္ညန် ဗကန်အာစာ၊ အဒိုတ် အၚာ သ္ၚိသဝ်လေၚ်သေၚ်ဟာ အာစာဟီုပၠ၊ ဒးဘဲကၟဳကၠ သ္ၚိတူရသွံ ဒြပ်ညးဂွံဏာ၊ တသိၚ်ညးစုတ် ဒှ်လဟုတ်ဒြပ် အရပ်အရာ၊ ဟွံသေၚ်ကၟာကၠာ ကောန်သမ္ဘာချိုတ် လပဝိုတ်ညိ။


(မွဲနဲပၠန်) ။ ။ အာယုက်တိတ်တန် ဟုဲကဵုတ္ၚဲဗဂန် ပမၚ်စန္ဒြာ၊ ထပှ်ယိုက်စ နာမတ္ၚဲတိတ် လအိတ်ဒဒှ်၊ ဂွံကွာန်ဂွံဍုၚ် ဒုၚ်ယၟုဒစာံ စဗာံသ္ဍာံဂှ်၊ ခမဳယဝ်ဒှ် ဘာထဝ်ဂွံပၠန် ဗစဲပန်ရ ... ။


(မွဲနဲပၠန်) ။ ။ သက္ကရာဇ်ဒဒှ် ဣၚုဟ်တိတ်တန် ပန်ပနၚ်ဂၠိ၊ ဟုဲဂိတုစိ ပိပမဝ်ရ လ္ပကဵုမှာ၊ ဟုဲတ္ၚဲဒဒှ် စကဵုထပှ် တွံကဵုညးကၠာ၊ ဒိုခ်သိုက်ဂးမှာ ဇာတာညးကီု ၜိုတ်ဟီုကဵုညး၊ မွဲဗာ်ဂၠုၚ်အှော် ၜါဂှ်တဵုလွဳ ပိတခဳညန်၊ ပန်ဗနိက်တုန် မသုန်ပၠန်ရ စဂုဏ်နာဲစာ၊ တြဴသေၚ်ဟာ ဍိက်သ္ကံပြေၚ်ဂၠဴ ညံၚ်ဒဴဗညာ၊ ယဝ်ရသုန်အာ ဒှ်အာစာညးထိုၚ်သး ဒိုဟ်စှ် ... ။


(မွဲနဲပၠန်) ။ ။ သက္ကရာဇ်ဒဒှ် ၜါပမဝ်၊ ဂိတုဟုဲလဝ် ပမၚ်ပိစှော်၊ ဒိတ္ထဳဟုဲပြဟ် ထပှ်ယိုက်စ၊ ဆမသှ်ေဂှ် တွံကဵုပမှာ၊ သှ်ေမွဲသိုက်ကၠာ သှ်ေၜါဒိုက်ယဲ၊ ယဝ်ရသှ်ေပိ ဣဓိလောန်တဴ၊ ပန်ဒးကၠေံသ္ကန် မသုန်ဒန်ဘဲ၊ တရဴခိုဟ်တုန် သုန်အာမွဲတဲ၊ ဒယှ်ကမြဴ ပူဇဴရိုဟ်တ္ၚဲ၊ တိုၚ်တဝှ်နဲ ပ္ဍဲကိုန်အ္စာ၊ လာဘ်လတူပၠန် တိတ်တန်မွဲဝါ၊ ပမဝ်ၜါဂၠိ စကဵုပိကၠာ၊ သှ်ေမွဲဗဳသ္ကဝ် ယဝ်သုန်ဟောရာ၊ ယဝ်ရသှ်ေၜါ ဒကာစဴဒး၊ ဟွံခိုဟ်မ္ဂး ပၞောဝ်ပိဒးမွဲ၊ ယဝ်ရခိုဟ်ပြဲ မွဲဟွံဒရိတ်၊ အ္စာတွံပ္တိတ် လ္အိတ်က္ဍၚ်သန်။


(မွဲနဲပၠန်) ။ ။ အာယုက်တိတ်တန် ပပန်ထဝ်ဟေၚ် စွံတရေၚ်ဂ္ညိ၊ ပထဝဳစိ နကြိၜါစှော် တေဇောဂှ်ပန်၊ အာဂေါစှ်ၜါ ဝါယောတရဴ သီုဖအိုတ်နှဴပၠန်၊ ကဵုပန်စဗဂန် သုန်ပၠန်ဓါတ်ပြီု၊ ညာတ်ဟီုကဵုညိ၊ ပထဝဳဓါတ် ယဝ်ညာတ်လီုရ ကဗလးညိ၊ တေဇောဓါတ်စိ ဒမၠိရဴဂဴ ပူဇဴကျာ်ကၠာ၊ အာပေါဓါတ်လီု ပုၚ်ကွာန်ကဵုဒါန် မှာဒေဝါန်ရ၊ ဝါယောလီုရ ပဝလှောဲဂြိုဟ် ဂှ်ရောၚ်ခိုဟ်ညိ ... ။


(မွဲနဲပၠန်) ။ ။ အာယုက်ပိထပ် ဗ္ဂက်ပၟဝ်အာကြေန်စာပဉ္စ၊ လတူသတ္တ ဒေါဝ်အဌအဴ သၟဝ်နဴစသိုၚ်၊ သုန်တံဒှ်က္ဍိုပ် သုန်ဒေါဝ်ဗလိုပ် သုန်သၟဝ်တံဇိုၚ်၊ သီုပိသုန်ပြိုၚ် ဟွံဂွံဂျိုၚ်ရ လ္ပပလွဳ ... ။


(မွဲနဲပၠန်) ။ ။ ညးသဇိုၚ်ဂဝ် ယဝ်သၟိက်တီတ္ၚဲ ပ္ဍဲဂှ်သဘဴ၊ တန်ဂိတုအဴ မသုန်နှဴစုတ် ကေဝ်ထၜုတ်လဝ်၊ စကဵုထပှ် ဆမသှ်ေဂှ် ဒှ်တ္ၚဲတန်ဂဝ်၊ သီသန်ဂိုၚ်လဝ် အက္ခရ်ဗေဒၚ် ဂမြၚ်တ္ၚဲကြဴ ... ။


(မွဲနဲပၠန်) ။ ။ မူယရဴတ္ၚဲ တိုၚ်နဲလမာ် သာ်ဝွံပျးဂုဏ်၊ ပ္တိတ်အာယုက်တန် ဟုဲကုမသုန် ပ္ဍုန်လေဝ်သဘဴ၊ တြဴဂိုၚ်ခြာအဴ စတဴထပှ် သၟေဟ်မစဂှ် ဒှ်တ္ၚဲသေၚ်ဟာ၊ ပညပ်အ္စာ ဝေါဟဆန္ဒ သှ်ကီုရနာဲ ... ။


(မွဲနဲပၠန်) ။ ။ ဂိတုဇာတိ မိမတန်ဂဝ် မၞးတန်လဝ်မွဲ တိုၚ်တရဴနဲ ပဆိတ်လှောဲစိ အာယုက်ပိဟုဲ၊ ၜါဟေၚ်ယိုက်စ သှ်ေတြုံမွဲရ မူလဒတုဲ၊ သုဉ်အာဂှ်ကၞုဲ တုဲဒှ်ကောန်ဗြဴ တိုၚ်သဘဴနယ် .. ။


(မွဲနဲပၠန်) ။ ။ တန်သက္ကရာဇ် ကၞာတ်စမသုန် တိုၚ်ကိုန်အာစာ၊ မွဲဇမိက်ကၠာ ၜါဗနိက်စိ ပိခမဳဂ္ညိ၊ စန်ရာဲဩဳစိ သုဉ်အာညိဂှ် ဒှ်အာစာသၟိၚ် .. ။


(မွဲနဲပၠန်) ။ ။ အာယုက်တန်ပြဟ် ထပှ်စရ လ္ပကဵုမှာ၊ မွဲဍိက်စာ်ခြာ ၜါဂွံလာဘ်စိ ပိဘယ်ကမၠတ်၊ ယဝ်သှ်ေပန်ပ္ကာန် ဂွံဌာန်ဒၟံၚ် ညံၚ်သေဌဳသၟတ်၊ မသုန်တုန်သွံ ဒးထောံဒၟံၚ် မွဲဂၠံၚ်အဆတ်၊ တရဴတုန်သၟတ် ဟွံဆောတ်ဂွံဟုဲ ကုညးမပြဲ ... ။


(မွဲနဲပၠန်) ။ ။ နက်သတ်တြုံပၠန် တၚ်လဝ်ဒမၠိ ကဵုပိစအာ၊ နက်သတ်ဗြဴကၠာ ခါဂှ်တိတ်တန် စပၠန်ဗွဲကြဴ၊ သှ်ေမွဲမၞိဟ်တန် သုဉ်လကိုဟ်ကၠာ ၜါဒေဝတဴ၊ နက်သတ်ဝွံအဴ တြုံကဵုဗြဴဟေၚ် မှတ်စဳရေၚ်ညိ၊ မၞိဟ်ကဵုမၞိဟ်ဟေၚ် ဒှ်မိတ်သေၚ်ဟာ အာစာဂကန်၊ မၞိဟ်လကိုဟ်ပၠန် ဟတန်ဒက်မိတ် ပါၚ်သိတ်အာစာ၊ မၞိဟ်ဒေတတဴသှ်ပ္ကဴမိတ်ဟေၚ် ခိုဟ်သန်သေၚ်ဟာ၊ ဍေံကဵုဍေံမာ ခါဂှ်ဒက်မိတ် ပြဲလအိတ်သန်။


(မွဲနဲပၠန်) ။ ။ တ္ၚဲတြုံတ္ၚဲဗြဴ နှဴပမွဲတုဲ တ္ၚဲပိစှော်ပန် ထပှ်စဗ္ဂန် သုဉ်အာသ္ကန်ပၠိုတ် ကိုန်ဂစိုတ်ရောၚ်၊ သှ်ေမွဲသှ်ေၜါ စာ်ခြာလၚတ် ပိပှ်လှ်သၟတ်၊ ပန်မသုန်သၟတ် တြဴဆတ္တဝ် ပိုန်ဇၞော်မောဝ်အာ ... ။


(မွဲနဲပၠန်) ။ ။ ချူရုပ်တုန်ရ မနုဿကၠာ ပမှာတန်လဝ်၊ တ္ၚဲဗြဴဆတ္တဝ် တူက္ဍိုပ်ရုပ်ထဝ် တုဲခဝ်ရိုဟ်အာ၊ တ္ၚဲတြုံကဵုဗြဴ ရဴမဒတုံ ပ္ဍဲဘုံဇာတာ၊ ဒိုက်သိုက်ဂးမာ ပ္ဍဲဇာတာဂှ် ဟီုတွံကဵုဓဝ်၊ တ္ၚဲတြုံတ္ၚဲဗြဴ သေက်ဇဵုဒှ်အောန်ဒြပ်တန်ကောန်တ္ၜတ်၊ တဲပုၚ်ဇိုၚ်သၟတ် ဆဗၞတ်ကီုရ စဟွံဒးဒွိၚ်၊ အၚ်္ဂလီုစိုတ် ဒိုက်စိုတ်ဂျိလောန် ဇိုၚ်ပါဲဒန်သၟိၚ်၊ တဲပါဲလဗိၚ် ဒှ်သၟိၚ်ဟွံဆောတ် ပဒၟသေဌဳ ...။

ကိုန်ကွာ်တရဴ[ပလေဝ်ဒါန် | ပလေဝ်ဒါန် တမ်ကၞက်]

တရဴမွဲသွံ ယဝ််သၟိက်ဂွံအာ၊ တ္ၚဲအဒိုတ်ဂှ် တန်လဝ်စှ်ၜါ၊ စှ်ပိတန်သ္ကဲ တ္ၚဲစန်သေၚ်ဟာ၊ အၚာစှ်ပန် လက်သန်ပမာ၊ ဗုဒ္ဓစှ်ပန် တန်လဝ်ကိုပ်ကၠာ၊ ဗြဴဗတိဂှ် စှ်ထပှ်မာ၊ သိုက်ၜါစှော်မွဲ ဗဗွဲမသွာ၊ သ္ၚိသဝ်ၜါစှော် သာ်ဂှ်တန်ကၠာ၊ ပယျာံအခါ ကာလသ္အာဂှ်၊ ဟုဲနှဴစုတ်ပြဟ် ကဵုထပှ်စ၊ သှ်ေမွဲခိုဟ်ရ လာဘတသိုက်၊ သှ်ေၜါမ္ဂး အာဒးဒဒိုက်၊ သှ်ေပိခိုဟ်ပြဟ် ဒယှ်တသိုက်၊ သှ်ေပန်ဒးဝပ် အိုတ်ဒြပ်လေၚ်ဒိုက်၊ သှ်ေမသုန်ဗျာပ် ဂွံလာဘ်ဓဇိုက်၊ သှ်ေတြဴသိုက် ပိုန်ဘိုက်မပြဲ၊ သုဉ်အာမ္ဂး အာဒးဒိုက်ယဲ၊ နယ်ဝွံတမၠာ အာစာဟီုသ္ကဲ၊ တော်ဆရံၚ်မွဲ ဂွံအာကြဲရောၚ် .. ။


(မွဲနဲပၠန်) ။ ။ အာယုက်တန်တုဲ ဟုဲဒိုဟ်မအာ၊ စကၠာအဌ သှ်ေဂှ်ခိုဟ်ရ၊ သုန်အာယဝ်သဒှ် ဒိုဟ်ဂှ်ပအာ တသိၚ်ညးစုတ် လဟုတ်ပိုန်ဒြပ် အရပ်အရာ၊ လပယာကြာ အာဒးမံၚ်ဘဲ ယဲဒးစုတိ၊ ယဝ်သှ်ေမွဲဂှ် တဝှ်အ္စာ ခိုဟ်စၟတ်ဇာတိ၊ သှ်ေၜါခိုဟ်ညိ ပိစသိုၚ်ပၠန် ပန်ဂွံဒၞာဲဝါဲ၊ မသုန်လာၚ်ပြဲ တရဴယဲသ္ဒဟ် ထပှ်ဘဲကမၠတ်၊ မိဂွိုၚ်ဂနပ် အိုဿီုဒးကွာဲ ဒၞာဲအာဂွံလာပ် ...။

ကိုန်ဗြဲဂူ[ပလေဝ်ဒါန် | ပလေဝ်ဒါန် တမ်ကၞက်]

တန်သက္ကရာဇ် ညာတ်ဇိုတ်ကၠေံပိ စကဵုကိသၟတ် သှ်ေမွဲယဝ်သဒှ် စှ်နာဂဟေၚ် ဟသေၚ်မသုန် သေဟ်ၜါပန်န ပိနဂးလဝ် ကိုန်ဗွဝ်ဂုဏ် ယဝ်ရဍေံသုန် ဝုန်ကဒါတ််ကွာဲ ပ္ဍဲကဵုသၞာံဂှ် ပြဟ်ဂၠာဲလဝ်ညိ ... ။


(မွဲနဲပၠန်) ။ ။ အာယုက်ဆတ္တဝ် တိတ်တန်လဝ်ပၠန် ဒစိတ်စှော်တြဴ ဟုဲနှဴပခၠန်၊ ကဵုပိဆတ္တဝ် မၞးပၟဝ်ပၠန်၊ ဒ္စာံဗ္ဂန် ယဝ်သုန်အာစိ၊ ဒှ်အနိစ္စ ခန္ဓဇဳဝိ၊ ပြိုက်ဥပဒြဴ စှ်တြဴဂ္ညိ၊ အာယုက်ဟုဲစိ စညိဒ္စာံ၊ ယဝ်သုန်အာကွေံ ဍေံဒှ်ယဲဂၞဴ၊ ဟွံသေၚ်မွဲတဲ ယဲပရိုက်သဘဴ၊ အနိစ္စအဴ စိုပ်တဴဇဳဝိ၊ ဝေဒနာတုန် ၜါဣသုန်ဂ္ညိ၊ ဟုဲအာယုက်စိ ကဵုပိပမဝ်၊ ထပှ်စသွဝ် သုန်လဝ်ဒုက္ခာ၊ ကမ္မကဵုစိ ဂးပိစှော်ၜါ၊ အာယုက်တန်တုဲ ဟုဲလဝ်ပမှာ၊ ပမဝ်ပန်စိ ကဵုပိစအာ၊ ယဝ်သုန်အာပၠန် ဂကန်အ္စာ၊ ဒှ်ယဲဂုဟ်ဟေၚ် ဩေၚ်ပ္ဍဵုနာနာ၊ ဒှ်အနတ္တ ရောဂဟွံမှာ၊ ဟုဲအာယုက်စိ ကဵုပိပမှာ၊ ပမဝ်ကဵုၜါ စအာဒစာံ၊ ယဝ်သုန်အာရ မၞးတံပယာံ၊ ၜိုန်ကျာ်တုန်သွံ ဒးထောံအရှာံ၊ ကိုန်အနိစ္စ မၞးပပတ္တာံ၊ ကိုန်သေံသေခါံ ပပတ္တာံညိ ... ။


(မွဲနဲပၠန်) ။ ။ အဒိုတ်သ္ၚိသဝ် ယီုလဝ်ဓါတ်သွတ် ပၟတ်တေဇော၊ ဗုဒ္ဓသိုက်ရော အာပေါဓါတ်ဍာ် ဟီုဖျာ်လဝ်ညိ၊ ဗြဴဗတိစန် ဗ္ဂန်ပထဝဳ အနဳဓါတ်တိ၊ ရာဟုဘဴမိ ဒမၠိဓါတ်ကျာ၊ အာစာတံတွံ၊ အဒိုတ်ဂှ်ယျောန် စန်ဂှ်ပြၚ်ဂဳ အၚာမန်ပ္ညဳ၊ သိန်လှူဗုဒ္ဓ ဂုရုဗၟာရ သိုက်ကြသေံသ္ဍာံ၊ သ္ၚိသဝ်ဂလာ ရာဟုကြုက်ရော ဝေါဟာဒ္စာံ၊ ဝွံအက္ခရ်နာံ တေဝ်ဗျာံလတ်သၟတ် ဟွံဆောတ်ရနာဲ... ။


(မွဲနဲပၠန်) ။ ။ မသုန်စှော်ပန် တိတ်တန်ဍုက်ဍုက် အာယုက်လံၚ်ပြီု၊ လပဒယီု စကဵုထပှ် သှ်ေဂှ်ဒှ်တ္ၚဲလၟေၚ်၊ ကွာ်တိုက်ဍိုက်ဂၠုၚ် ကၠုၚ်အာဟွံစိုပ် ထၜိုပ်ကမ်ဘဲ၊ တ္ၚဲကီုမွဲတဴ တ္ၚဲထပှ်ကီု လီုအာအာယုက်...။

ကိုန်ကာတ္ၚဲထပှ်[ပလေဝ်ဒါန် | ပလေဝ်ဒါန် တမ်ကၞက်]

ဇြုံဗ္ဂဲစိၚ် သၟိၚ်ကၠလနေၚ် ကၞိဟေၚ်သဘဴ၊ ဇာဒိသိုၚ်အဴ ဂၠဴဥဿဘ မူလဇာတိ၊ နူဗမံက်ခိုဟ် ဒက္ခိဏဟေၚ် စုတ်ပြေၚ်လဝ်ညိ၊ နူလဇာတိ နူဗမံက်ခိုဟ် ဒက္ခိဏဟေၚ် စုတ်ပြေၚ်လဝ်ညိ၊ တြုံဂေါနစိ ဗျဂ္ညိဂ္ညိဂၠိၚ် ပသၟိၚ်ပ္ဍဲဗြဴ၊ အာယုက်ဒွံဇြုံ ဒတုံဒိုဟ်လၟေၚ် ဝေၚ်ညိပအာ၊ ဒွံဂၠဴသေၚ်ဟာ ဌာန်ဗျဂ္ဃါဂှ် ဒှ်ဌာန်သတြု၊ ဒတုံကၞိသ္ကဲ ဌာန်ဗ္ဂဲကၠာ အာဒှ်အမှု၊ စိၚ်ဆဒ္ဒန်ဝွံ သတြုဒဝိုၚ် ဇာဒိသိုၚ်ကၠာ၊ သာ်ဝွံတုန်မာ ညးနွံပညာ သမ္တီကၠာရောၚ်၊ ယဝ်ဒွံလနေၚ် ဇြုံဟေၚ်ဒှ်လာဘ် သွာပ်ပါၚ်အာစာ၊ ယဝ်ဒွံဗျဂ္ဃါ ဌာန််ဂေါနာဂှ် ဒှ်လာဘ်ဒမၠိ၊ ယဝ်ဒွံဗ္ဂဲ ဒှ်လာဘ်ပြဲရ ဒေသသၟိၚ်ကၞိ၊ သဳဟောဟတ္ထိ ဒမၠိဒှ်လာဘ် ဇၟာပ်ပါၚ်အာစာ တၠပညာ သန္တီကၠာညိ ဒမၠိပဝိုတ်...။

ကိုန်ဆုနာံတ္ၚဲထပှ်[ပလေဝ်ဒါန် | ပလေဝ်ဒါန် တမ်ကၞက်]

အဒိုတ်အၚ်ပၠန် စန်ကြိက်အနဳ လစေဝ်အၚာ ဗုဒ္ဓဝါတာ အာစာဟီုပ္ညုၚ် ဂမုၚ်ဂုရု၊ သိုက်ဂှ်လာံဩဴ နုဘဴဆတ္တဝ် သ္ၚိသဝ်ဇုက်အဂၞု၊ ကိုန်ဗလိုပ်ဝွံ ဆုနာံမိတ်အဴ နုဘဴဇၞော်သန်...။

ကိုန်အက္ခရ်နာံတ္ၚဲထပှ်[ပလေဝ်ဒါန် | ပလေဝ်ဒါန် တမ်ကၞက်]

  • က ခ ဂ ဃ ၚမူလပွိုၚ်စန် စ ဆ ဇ ၛ ညပၠန်အၚာ ပ္တန်လဝ်ဟေၚ် ဋ ဌ ဍ ဎ ဏဗုဒ္ဓတွံလၟေၚ်၊ တ ထ ဒ ဓ နဟေၚ် သ္ၚိသဝ်ပြေၚ်လဝ်အိုတ် ပ ဖ ဗ ဘ မအဴ ဗြဴဗတိပဝိုတ် ယ ရ လ ဝအိုတ် ရာဟုသိုတ်မူလ၊ သ ဟသိုက်ဗိုန်ရ အံၚ်မွဲကအဒိုတ် အက္ခရ်ပိစှော်ပိပြဲ ညံၚ်နယ်ဇၟန်ဗိုတ်၊ လၟေၚ်ဝဝ်တ္ၚဲထပှ် တွံလဝ်သီုဖအိုတ်၊ တီတုဲပဝိိုတ် ပ္ဍေန်ပ္တိုန်လဝ်စိုတ်ညိ...။


  • နွဲနဲကၠာ နဲဗမာရ က ခ ဂ ဃ ၚဟီုပၠတ္ၚဲစန် စ ဆ ဇ ၛ ညပၠန် အၚာပ္တန်လဝ်၊ ဋ ဌ ဍ ဎ ဏ တ ထ ဒ ဓ နဟီုပၠတ္ၚဲသ္ၚိသဝ် ပ ဖ ဗ ဘ မအဴ ဗြဴဗတိစဴတွံလဝ်၊ ယ ရရာဟုကျဝ် လ ဝလဝ်ဗုဒ္ဓဝါ၊ သ ဟတ္ၚဲသိုက်ပြဲ အံၚ်မွဲဒှ်တ္ၚဲအဒိုတ်၊ သမ္တီပဝိုတ် ပ္ဍေန်ပ္တိုန်လဝ်စိုတ်ညိ...။

ကိုန်ဂဂဵုဗြု[ပလေဝ်ဒါန် | ပလေဝ်ဒါန် တမ်ကၞက်]

အတးတိုန်တုဲစိ နကြိသမ္တီလဝ်ကၠာ၊ ဂဂဵုဗြုဗမံက် အဵုဩောံသ္ၚုဂၠိုၚ်ကဵုယဲဒိုက်၊ ဂဂဵုဗြုအဂၞဲ ဆုဒုတိိအိုတ်ဒဲစိ၊ သၠုၚ်ကျာဗြုဂၠိုၚ် စိနေရတိ ပၞာန်စိုပ်ဟွံဝိုတ်၊ ဂဂဵုဗြုပဠိိုတ် ဂစိုတ်ရေၚ်သ္ကံရ...။

ကိုန်ဂြၚ်ဂိတု[ပလေဝ်ဒါန် | ပလေဝ်ဒါန် တမ်ကၞက်]

  • ဖဝ်ရဂိုန်ပသာ်ဂှ် သၟဟ်န်ဒမၠိ၊ မာ်စဲတုန်စိ နကြိသမ္တီလဝ်ကၠာ၊ ဗွဲဒက္ခိဏတုန် ခိုဟ်ကိုန်ဟွံတွံ၊ ဒစာံမှာသ ဥတ္တရသၠုၚ် ဍုၚ်ကွာန််သ္ဂေဟ်သွဟ်၊ မာသတိုန်ဂှ် စၟတ်ကာလသ္ၚဳစန္ဒြာညိ...။


  • ဂိတုမံက်သာၚ် တိုၚ်ပါၚ်အ္စာ ရဲၚ်မွဲခါဂှ်၊ ဂြၚ်ၜါဒိုဟ်သၟဟ် ဒှ်ကဏောဝ်ဟေၚ် ပၞာန်ရေၚ်ဒှ်ကီု ဥတ္တရသၠုၚ် ဍုၚ်ကွာန်ၜိုဟ်စိုတ်၊ အိုတ်ရးနိဂီု ဒက္ခိဏသၠုၚ်ကီု၊ ပၞာန်ဥပါဒ် ဝါတ်ဂါတ်က္တဵုဒှ်...။

ကိုန်ထအဟ်[ပလေဝ်ဒါန် | ပလေဝ်ဒါန် တမ်ကၞက်]

ထအဟ်ဗမံက် စံက်ဂါံအာသွံ ဂွံလာဘ်မပြဲ၊ ထအဟ်အဂၞဲ ဒွံဘဲပမတ် တူထဍတ်သ္အး ထအဟ်ဂးမာ ဒိုဟ်သမၠုၚ်ကျာ ဝွံမှာဇနး၊ နေရတိသ္အး ညးထအဟ်သၟတ် မၞုံသတြုဝဲ၊ ထအဟ်မခိုဟ် ဒိုဟ်ပဠိုတ်အဴ လာဘ်ဗြဴစိုပ်တဲ ဗာယပ်မပြဲ ညးမွဲထအဟ် လာဘ်က္တဵုဒှ်ကၠာ၊ ဗွဲဒိုဟ်သၟဝ်ကျာ ထအဟ်တုန်မာ လာဘ်သကာဂွံ၊ ဒိုဟ်ဨသာန်သွံ ထအဟ်ဂွံမိၚ် လာဘ်သၟိၚ်စိုပ်တဲ၊ ထအဟ်သၟဝ်ပၠန် ဓါတ်လီုပြဵုသ္ဂုတ် သိုက်ပဠုတ်ဒဲ၊ လတူအမှဲ ညးမွဲထအဟ် လာဘ်က္တဵုဒှ်ကၠာ၊ ထအဟ်ဂှ်သွံ ယဝ်သ္ဂောံဝေၚ်ပါဲ ဖၟာပ်ဒၞာဲအရာ၊ ကၠံကဵုဂၞန်အာ အိုတ်ဟောရာစှ် ကျထအဟ်မွဲ...။

ကိုန်ဖျေံပုၚ်ခဝ်ကၠံဒစာံ[ပလေဝ်ဒါန် | ပလေဝ်ဒါန် တမ်ကၞက်]

ဨသာန်တရဴ စဴဗမံက်တုန် စှ်သုန်ခပ်ဗျာံ၊ အဂၞဲဒစာံ ဂါံသမၠုၚ်ကျာ ဏာစှ်ထပှ်၊ နေရတိစှ် ပဠိုတ်ဂှ်ပ္တိတ် စှ်ဒစိတ်ကၠာ ဗာယပ်စှ်ၜါ ဒိုဟ်သၟဝ်ကျာအဴ စဴၜါစှော်မွဲ...။

ကိုန်ဖျေံပုၚ်ခဝ်ၜါစှော်သုန််[ပလေဝ်ဒါန် | ပလေဝ်ဒါန် တမ်ကၞက်]

ဗမံက်ပိဗျာံ ဒစာံအဂၞဲ မွဲသမၠုၚ်ကျာ၊ နေရတိကၠာ တရဴခါဂှ် ထပှ်ပဠိုတ်၊ ဗာယပ်ၜါပ္တိတ် ဒစိတ်သၟဝ်ကျာ ဨသာန်စာဂိုတ်၊ ဒေါဝ်သ္ၚိသဝ်သတိုက် ၜိုတ်စုတ်မသုန် နွံဂုဏ်သေၚ်ဟာ ...။

ကိုန်ပုၚ်ခဝ်ပိစှော်ပိ[ပလေဝ်ဒါန် | ပလေဝ်ဒါန် တမ်ကၞက်]

မသုန်အဂၞဲ မွဲသမၠုၚ်ကျာ ၜါနေရတိ၊ ပဠိုတ်ဒှ်ပိ ဒမၠိဗာယပ် ပန်ခဝ်ရပ်ဏာ၊ သၟဝ်ကျာမသုန် ဗွဲဒိုဟ်ဨသာန်တုန် ပ္ဍုန်တဴမာ၊ ဗမံက်သေၚ်ဟာ ကေတ်ဏာထပှ် ကြဳဇှ်ဣဓိ၊ သာ်ဝွံဒမၠိ ပိစှော်ပိဓဝ် ပုၚ်ခဝ်သေၚ်ဟာ... ။

ကိုန်ပုၚ်ခဝ်တြဴစှော်မသုန်[ပလေဝ်ဒါန် | ပလေဝ်ဒါန် တမ်ကၞက်]

စှ်သုန်စှ်သုန် ဒစာံဒိုဟ်တုန် ပ္ဍုန်ဒၟံၚ်ဒမၠိ၊ ဒေါဝ်မုခ်စိၚ်သ္ၚိ ဒမၠိဖျေံပၠန် ပန်စှော်ဒစိတ်၊ တိုၚ်ဒေါဝ်ဓါတ်ပြဵု ဇာတာပြဵုလီု သီုဂြိုဟ်ဒစိတ်၊ ပုၚ်ခဝ်နာံမိတ် ယဝ်တိတ်ထောံဒး ဂွံဗၠးသၟိၚ်ယီု...။


တြဴစှော်တြဴဂ္ညိ ဒမၠိတေဝ်သမၠုၚ်ကျာ၊ ဗမံက်ပိစှော်ၜါ ပမှာမၞးစုတ်နှဴ၊ သၟဝ်ကျာတုန်အဴ တြဴဣသုန်ဓဝ်၊ ကၠံတြဴစှော်ပိ သမ္တီလဝ်လ္ပဝိုတ်၊ အမှုညောန်ကဵုဂစိုတ်အိုတ် ကဵုဒုဟ်သဗ္ဗ၊ အိုတ်ပုၚ်ဗြာတ်က္ၜဴရ သဗ္ဗသီုဖအိုတ်၊ အမှုဟွံသေၚ်ကဵုလေၚ် သၟိၚ်မပၠေၚ်ဇကု၊ အာယုက်စိုပ်မစ္စု ဇကုဂၠိုၚ်ပြိုက်ဖာ၊ လၟေၚ်ပိဒိုဟ်ကၠာ ဖျေံဏာပရံဆ၊ ပုၚ်ခဝ်ဆက်ဒဲရ သ္ဂောံပပူဇဴကၠာ ယဝ်သ္ဂောံပူဇဴ အာယုက်လုကဴကဝ်။

ကိုန်ပုၚ်ခဝ်ကၠံဒစာံ သီုသၠဆုနာံမိတ်[ပလေဝ်ဒါန် | ပလေဝ်ဒါန် တမ်ကၞက်]

ဗွဲဒိုဟ်သာန်အဴ သၠအၚ်တြဴခဝ်၊ ဗၟံက်စှ်သုန်ခပ် သၠကေဟ်လဝ်ဂ္ညိ၊ အဂၞဲဒစာံစိ သၠကြေၚ်ပ္ဍုန်ဂ္ညိလဝ်၊ ဒက္ခိဏစှ်ထပှ် သၠကြုက်ခ္ဍးထဝ်၊ ပၞဟ်နွံကဵုဂုဏ် နေရတိပ္ဍုန်စှ်ခဝ်၊ ပဠိုတ်သၠစမ္ပါထဝ် စှ်ဒစိတ်မောဝ်ဖ္ဍး၊ ဗာယပ်စှ်ၜါသ္အး သၠယာပ်ဝးပ္ကဝ်၊ သၟဝ်ကိာၜါစှော်မွဲ သၠဇြဲသုမ်ပကဵုမှာ၊ လုံခန္ဓလသာ သမ္တီလဝ်လ္ပကဵုမှာဝိုတ်၊ မြာပိုန်ယဿပတ် မှတ်စရာဲကျာ်သြဳ၊ ပိုန်ဟာန်ကၠံၚ်ဗစိ သီုကဵုတွဳဝါရ၊ ယဝ်သပပူဇဴလဝ် သ္ဂောံကျိုၚ်ကျဝ်ဂတ၊ ပုၚ်ခဝ်ကၠံဒစာံရ၊ ဟီုပၠအစဳရေၚ်ကၠာ၊ ပုၚ်ဗ္ကလ္ၚဴဗြာတ် က္ၜဴသီုသာဲတာ၊ ဨတေဟိဒေဝါ ဂါထာဝွံနိမန်နၚ်။


ဒိုဟ်ဨသာန်အဴ ဒေဝတဴဗြဴမွဲ ရုပ်သာ်ပြဲက္ဍၚ်၊ ဗွဲဒိုဟ်ဂှ်ကၠာ ကဵုအာနိမန်နၚ်၊ ဗမံက်ပြဲက္ဍၚ် ဒေဝတဴပၚ်လာဲ၊ ဒေဝတဴယက္ခတာဲ ဒဆာဲဒိုဟ်အဂၞဲ၊ ဒေဝတဴလက် သိုက်မွဲသမၠုၚ််ကျာ မပြဲဂ္ညိ၊ ဒေဝတဴနေရတိ ဇိဝိတမပြဲက္ဍၚ်၊ ဒေဝတဴလိုက် ဩဳဗိုန်မန္တပိုန်ဘိုဂ်ကၠာ၊ ဒေဝတဴအဇိနာ ပဒတဴဗာယပ်၊ ဒေဝတဴမွဲသၟဳသၟဝ် ပုၚ်ခဝ်မွဲဗ္ဂပ်လဝ်၊ ပုၚ်ခဝ်ကၠံဒစာံခိုဟ်လှောဲဂြိုဟ် နာဲရုပ်ထဝ် သ္ဂောံတိုန်ကျိုၚ်ကျဝ် ဍုၚ်သွဝ်တာဝတိံ၊ ချိုတ်အာဟွံဒးဂွိၚ် ဂွံတိုန်ခၠေဝ်ကဵုကောသၟိၚ်ယီု။

ကိုန်တၞီမွဲဗီုပၠန်[ပလေဝ်ဒါန် | ပလေဝ်ဒါန် တမ်ကၞက်]

၁။ (တွံတ္ၚဲအဒိုတ်) ။ ။ ဒၞာဲအာခပ်သီ တဏီမွဲတောၚ်၊ တိုၚ်ဒဒှ်ရောၚ် မွဲတောၚ်ဟီုပ္ညပ်၊ တ္ၚဲအဒိုတ်ကၠာ ဒးအာဗာယပ်၊ ကၠဵုမွဲသမြပ် တဏီစပ်ဒး၊ စေၚ်တုဲမ္ဂး ဒးအာသၟဝ်ကျာ၊ ကဵုစဏကၠာ ခမ်ၜါခဏံ၊ ပုၚ်သွစုတ်ကောံ ကဵုခမ်တေဝ်ဏာ၊ ပုၚ်သွတုန်သၟတ် ပိထမတ်ကၠာ၊ သၞေဝ်ပကဴသၟတ် သစ္ဆုရေၚ်ဗ္ဂါ၊ မသုန်မတ်ရ စုတ်ဏာကဵုမှာ၊ မာန်ရုပ်ကဠော်ဇၞော် ဖျေံဒိုဟ်သၟဝ်ကျာ၊ ခမ်မွဲဂှ်မာ ဏာဒိုဟ်ဗာယပ်၊ ၜါတ္ၚဲလံအပ် ဗၠးသမြပ်ရောၚ်...။


၂။ (တွံတ္ၚဲစန််) ။ ။ တ္ၚဲစန်ဂးမာ ဒးအာဗမံက်၊ ဓဂဵုဆုဇၞော် ကဠော်မၚ်တဴ၊ နေရတိအဴ ကဠော်ဗြဴမွဲ ခဝ်ၜါမွဲတဲ ကၠောန်တုဲအဆတ်၊ သၞေဝ်ပကဴကၠာ သစ္ဆုၜါမတ်၊ ပုၚ်ၜါသာ်အဵု ပ္ဍဲခမ်ကဵုစုတ်၊ ကၠေၚ်ဍာ်တှ်ဗျာၚ် ဖျုန်စာၚ်ကဏောတ်၊ ခမ်တၚ်မွဲသၟတ် ဗၞတ်ဗၟံက်ဒး၊ နေရတိကၠာ ဏာခမ်ပဠး၊ ၜါတ္ၚဲမ္ဂး ယဲဂှ်ဗၠးရောၚ်...။


၃။ (တွံတ္ၚဲအၚာ) ။ ။ အၚာဨသာန် ဌာန်နေရတိ၊ မၞးဒးအာစိ ဒမၠိဒးယဲ၊ ကဠော်ဗြဴမွဲ ပဝဲအဆတ်၊ သစ္ဆုပ္ကဴတုန် ဗၞတ်မသုန်မတ်၊ ကဖျုန်လမာ် ပုၚ်ပိသာ်သၟတ်၊ ရုပ်တဠယဲ ပ္ဍဲခမ်ကဵုစုတ်၊ ခမ်ကဝ်ဂှ်သၟတ် စုတ်သီုသုရာ၊ ခမ်တဝ်မွဲကၠာ ဏာနေရတိ၊ ခမ်ပဠးစိ ဒမၠိဨသာန််၊ ပိတ္ၚဲကွေံကြာန် ဗၠးနူဌာန်ယဲ၊ ဟိုတ်ဍေံပဝဲ မဒးယဲရောၚ်။


၄။ (တွံတ္ၚဲဗုဒ္ဓဝါ) ။ ။ တီညးဒှ်ယဲ တ္ၚဲဗုဒ္ဓဝါ၊ ဗမံက်သၟဝ်ကျာ ဒးအာအဆတ်၊ မၞးတဏီအာ ပါရောဂသၟတ်၊ သၞေဝ်ပ္ကဴသၟတ် ပိမတ်လမာ်၊ ဗတာၚ်ဗကေတ် ပူရေတ်ဂၠိုၚ်သာ်၊ ပုၚ်စုတ်ၜါသာ် လမာ်အဆတ်၊ ရုပ်ကဠော်ရ တဠယဲသၟတ်၊ ကဂှ်ၜိုဟ်တုန် ဖျုန်ပိကဏောတ်၊ ခမ်တဝ်မွဲသၟတ် ဗၞတ်ဒိုဟ်သၟဝ်ကျာ၊ ခမ်ပဠးကၠာဏာဒိုဟ်ဗမံက်၊ ဇၟာပ်သော်ရော် ဇမၞော်ကာယ၊ ၜါတ္ၚဲဂတ မဂွံဗၠးရောၚ်။


၅။ (တွံတ္ၚဲဗြဴဗတိ) ။ ။ တ္ၚဲဗြဴဗတိ ဒမၠိယဲကၠာ၊ ဒိုဟ်အဂၞဲပ္ညုၚ် ဒိုဟ်သမၠုၚ်ကျာ၊ အိုတ်သီုဒိုဟ်ၜါ မၞးအာဒးရောၚ်၊ ဒေဝတဴမွဲ ပဝဲအဆတ်၊ သၞေဝ်ပကဴတုန် ဗၞတ်မသုန်မတ်၊ ပုၚ်ကၠေၚ်ဗဝုတ် စုတ်ဗြာတ်က္ၜဴသ္ကဝ်၊ ကစရံၚ်တုန် ဖျုန်လေဝ်ကဵုအောဝ်၊ ခမ်ၜါကၠောန်လဝ် ခမ်တဝ်အဂၞဲ၊ ခမ်ပဠးမွဲ ဗွဲသမၠုၚ်ကျာ၊ ပိတ္ၚဲဟွံခြာ ယဲဂွံသွာရောၚ်။


၆။ (တွံတ္ၚဲသိုက်) ။ ။ တ္ၚဲသိုက်မွဲတဲ ညးဒှ်ယဲကၠာ၊ ဟိုတ်အာဒးပ္ညုၚ် ဒိုဟ်သမၠုၚ်ကျာ၊ မၞးထဏီအာ တာဲဗြာဲခါဂှ်၊ ခမ်ၜါကၠောန်ဗ္ဒက် ဗွဲမပြဟ်သၟတ်၊ သစ္ဆုပ္ကဴဂှ် ဗၞတ်ထပှ်မတ်၊ ကဖျုန်လေဝ်စုတ် ဗၞတ်ဂှ်သဘဴ၊ ပုၚ်ကွာၚ်တုန်ရ ဗကလ္ၚဴ၊ သီုဗြာတ်သီုက္ၜဴ စုတ်တဴပမှာ၊ ရုပ်ကဠော်မွဲ ကၠောန်တုဲစုတ်ဏာ၊ ကဵုအာထောံပ္ညုၚ် ဒိုဟ်သမၠုၚ်ကျာ၊ ဒိုဟ်ပဠိုတ်ဟေၚ် ခမ်မွဲသေၚ်ဟာ၊ မၞးမှတ်ထောံရ လပကဵုမှာ၊ ပိတ္ၚဲဟွံခြာ ယဲဂွံသွာရောၚ်...။


၇။ (တွံတ္ၚဲသ္ၚိသဝ်) ။ ။ တ္ၚဲသ္ၚိသဝ်သိုတ် ပဠိုတ်အဂၞဲ၊ ထဏီမွဲတဲ ကဠော်မွဲရ၊ စဝ်ကဵုကၠေၚ်ပၠန်် ဟသေၚ်ဖျုန်က၊ မွဲသာ်တုန်သၟတ် သစ္ဆုစဏ၊ စိုပ်သ္ၚဳမၞးသၟတ် မဒှ်ရောဂ၊ သၞေဝ်ပ္ကဴသၟတ် သစ္ဆုစဏ၊ မသုန်မတ်ပေၚ် ကၠေၚ်သီုတိရ၊ စာံဂရးသၟတ် သီုမိတ်စုတ်ပၠ၊ ကဖျုန်ဗြာတ်က္ၜဴ သ္ကဝ်နှဴဗကပ်၊ ရုပ်ကဠော်မွဲ စုတ်ပ္ဍဲခမ်ရ၊ ပဠိုတ်လေဝ်မွဲ နဲဨသာန်ဂျ၊ ဖျေံကဵုဒးရး သွိၚ်တဠယဲ၊ ဍိုက်ပေၚ်ပိတ္ၚဲ ယဲဂွံဗၠးရောၚ်။

ကိုန်ညးသၟာန်ယဲ ပ္ဍဲမပ္တံတ္ၚဲအဒိုတ်[ပလေဝ်ဒါန် | ပလေဝ်ဒါန် တမ်ကၞက်]

၁။ (တွံတ္ၚဲအဒိုတ်) ။ ။ ယဝ်ညးသၟာန်ယဲ ပ္ဍဲတ္ၚဲအဒိုတ် ကဠော်သ္ၚိဝိုတ် ချိုတ်ပရိုတ်နွံ၊ တၟံလစံက်ကောံ နွံစရံက်လစဝ်၊ ဒယိုၚ်ခရံၚ် မွဲဂၠံၚ်ဆတ္တဝ်၊ ပ္ဍဲဌာန်ရနုက် ပဏုက်သကောဝ်၊ ဒြပ်တရေံသၟတ် ပ္ဍဲတဲဆတ္တဝ်၊ အပေါတ်ဗကေတ် ပၠေဝ်ပၠေတ်ဒေပ်လဝ်၊ လီုလာ်မ္ဂး ကဵုညးဆတ္တဝ်၊ မိမတုန်သၟတ် ပဏောတ်ထေဲလဝ်၊ မှတ်လေဲကၠေံရ ပပါန်တသဝ်၊ သ္ဂောံဗၠးဆတ္တဝ် မတွံလဝ်ရောၚ်။


၂။ (တွံတ္ၚဲစန််) ။ ။ ယဝ်ညးသၟာန်ပၠန် တ္ၚဲစန်ဆတ္တဝ် လစိန်မွဲသၟတ် မတ်စရံက်လစဝ်၊ ဗကေတ်ဆတ္တဝ် အၚဝ်သတ်ကြေၚ်၊ နွံပ္ဍဲသ္ၚိသၟတ် ဟွံဆောတ်လမေၚ်၊ ဂၠိက်ယာတ်တုန််သၟတ် တူပမတ်ဟေၚ်၊ ကၞိကိတ်ကၠိုဟ်စာ် လမာ်တမေၚ်၊ ကဠော်ဗြဴဟေၚ် တၟေၚ်စိုတ်ဟွံဟဲ၊ ဟိုတ်ဂှ်တုန်အဵု မက္တဵုဒှ်ယဲ၊ ကဠော်ဗြဴမွဲ မပဝဲရောၚ်။


၃။ (တွံတ္ၚဲအၚာ) ။ ။ အၚာဆတ္တဝ် ယဝ်သၟာန်မ္ဂး ဂအာၚ်သ္ၚိဂှ် စးကၞုဇၞော်ကၠး၊ ဒြပ်တရေံမ္ဂး မဒးရပ်စပ်၊ ဒယိုၚ်သ္ၚိသၟတ် ဒးစပ်တံဇိုၚ်၊ ကၠိုဟ်မံၚ်ဒဝိုၚ် တံဒယိုၚ်ဂှ်၊ ထောံကၠေံတုဲစိ ဗွဲနူသ္ၚိသၟတ်၊ ဒြပ်တံဂှ်ဟေၚ် လေဲပြဟ်သေၚ်ဟာ၊ ယဲဘဲဂှ်သွံ ဂွံလလံသွာ၊ တဝှ်အၚာ အ္စာတွံရောၚ်...။


၄။ (တွံတ္ၚဲဗုဒ္ဓဝါ) ။ ။ ယဝ်ညးသၟာန်ယဲ တ္ၚဲဗုဒ္ဓဝါ၊ တိုၚ်ဝေဒနာ မြိပ်ရောၚ်ဂံၚ်၊ ဒယိုၚ်သ္ၚိဂွိုၚ် ဒယိုၚ်သ္ၚိခရံၚ်၊ စရံက်လစဝ်ဒၟံၚ် ရံၚ်နဲပန်စွံ၊ ဟွံသေၚ်တုန်သွံ ၝောံတၟံကောန်တၟံ၊ မတ်ဓါတ်ကမံ ဟွံဂွံလံဗာံ၊ ဟွံသေၚ်မွဲသၞာံ ပယျာံလုပ်သ္ၚိ၊ ရောဂဖိဖိ ဒမၠိယဲရောၚ်။


၅။ (တွံတ္ၚဲဗြဴဗတိ) ။ ။ တ္ၚဲဗြဴဗတိ ဒယိုၚ်သ္ၚိအိုတ်၊ ဟွံသေၚ်ဨသာန် သန်ဌာန်ပဠိုတ်၊ ဒှ်ကမံက်အိုတ် ဟိုတ်ပရဴစာၚ်၊ အပေါတ်ကဠော် ဇၞော်သန်ဩုတ်ဩာၚ်၊ မတ်ဗကေတ်သာၚ် ဗတာၚ်လစံက်၊ ဒြပ်ညးဇမၞော် သော်ရော်ဒမၠိ၊ အပေါတ်ဂှ်ကၠာ တိတ်အာနူသ္ၚိ၊ လေဲကဵုဒမၠိ ယဲဗၠးညိရောၚ်...။


၆။ (တွံတ္ၚဲသိုက်) ။ ။ တ္ၚဲသိုက်တုန်ဂှ် တွံကဵုသဘဴ၊ သမၠုၚ်ကျာအဴ ဒေဝတဴမွဲ၊ ဍေံဂှ်ပဝဲ ပျဲပျာံဒမၠိ၊ ဖေၚ်ယာတ်တုန်စိ ကၞိကိတ်ဒးကုတ်၊ ဟိုတ်မလီုလာ် လမာ်တူယဲ၊ ကဠော်ပဝဲ ပျဲပျာံသရ၊ က္ဍိုၚ်ဇၞော်မွဲမွဲ သမုဲလဝ်ပၠ၊ လေဲပဒည မဂွံဗၠးရောၚ်...။


၇။ (တွံတ္ၚဲသ္ၚိသဝ်) ။ ။ သ္ၚိသဝ်အနဳ ဂအဳကၠိုဟ်ပါ၊ ဂၠိက်ယာတ်မၞးစိ ကၞိကိတ်လီုလာ်၊ ဟွံသေၚ်မွဲသာ် ကဠော််သၟာ်နွံ၊ ဒးဒုၚ်စကောံ နွံဒၟံၚ်တဴသွံ၊ မၞးဒှ်ဝဲ ယဲဂၠိုၚ်ကဵုစွံ၊ ညးမချိူတ်သွံ ဟွံဂွံကျာ်ဘာ၊ ဒိုဟ်အဂၞဲကၠာ မဟာနုဘဴ၊ ဒှ်ဒမံၚ်ပၠေ ဒေဝတဴဗြဴ၊ ပကၠေံပူဇဴ ဗွဲကြဴဗၠးရောၚ်...။


  • အဒိုတ်မၞိဟ်ကွိုပ် စန်ဂြိုပ်ကၠစ၊ အၚာမွဲရ ဗမုဲရပ်ဖျာ်၊ ဗုဒ္ဓဝါဩံၚ် စရံၚ်ညးဗာ်၊ ဗြဴဗတိတွာ် လမာ်တာဲဗြာဲ၊ တ္ၚဲသိုက်တွံဆာဲ ဂၠာဲဟီုဂဂဵု၊ သ္ၚိသဝ်မွဲသာ် လၟာ်က္တဵုအဵု၊ မဒှ်ယဲအဵု ဟီုတွံကဵုရ။

ကိုန်ကာပိ[ပလေဝ်ဒါန် | ပလေဝ်ဒါန် တမ်ကၞက်]

ဗွဲမမံက်မာ နူအဒိုတ်ကၠာ ရိုဟ်ကၠောံအာစန် ၊ဗွဲစဝေက်ပၠန် နုစန်တုန်သွံ ရိုဟ်ကၠောံအၚာ၊ လဟီုဝွံရ ဒေသဒဒှ် တဝှ်ပိကာ၊ ချပ်ဗစာရဏာ လအာကိုန်ရ ဒိုဟ်ပကဵုခၠန် တြုံဟာဗြဴဟာ ခါညးသၟာန်ကီု ဟီုကဵုမွဲတန်၊ အဒိုတ်တြုံပၠန် လက်သဏ်ကောန်ၚာ် စန်ဂှ်သာ်ဗြဴ၊ အၚာတြုံရောၚ် ညိဟွံဟောၚ်ခြာ၊ လအာသဘဴ ကာပိညံၚ်သ္ဍဴ သှ်ပ္ကဴစိတ္တ ဒိုဟ်ပကဵုခၠန်...။


သတ်ဇိုၚ်ပန်ကၠာ သတ်ဇိုၚ်ၜါကီု ညးသၟာန်ကီုရ၊ ဒးအဒိုတ်ရ ဂွံရလၟုဟ် သာ်ဝွံသှ်ကဵု၊ စန်မွဲလံဂွံ အၚာတုန်သွံ ဟွံဂွံဂးကဵု၊ ပိကာဝွံအဵု တဝဵုပ္ဍဲကိုန် ချပ်ဗိုန်ဟီုရ၊ ညးသၟာန်ဒိုဟ်ပန် တိုၚ်ဂကန်ကၠာ အာစာတံရ၊ အဒိုတ်ရေၚ်ဂျ ဒေသသၟဝ်ကျာ ဍေံအာဨသာန်၊ စန်ဗၟံက်ကၠာ ကဵုသမၠုၚ်ကျာ၊ ဍေံအာကွေံကြာန်၊ အၚာမွဲဟာန် ဌာန်ပဠိုတ်ဟေၚ် ဗာယပ်ရေၚ်ဂျ...။


မၞိဟ်မကၠတ်ဏာ ဒျိုၚ်ဟာဗတာၚ်ဟာ တွံပ္တိတ်နာမ၊ ဒးအဒိုတ်ရ ဒေသပ္ဍဲသ္ၚိ သမြီညိသှ်၊ စန်ဂှ်ဗြဴသာၚ် ဗတာၚ်မံၚ်သၟတ် မကၠတ်ဒြပ်ဂှ်၊ အၚာညးတွံ ဒှ်ညးဇမၞော် မကၠတ်ဂၠံက်ဏာ၊ ညးသၟာန်ယဲကၠာ ချိုတ်ဟာဂျိူၚ်ဟာ ရံၚ်မွဲကာလ၊ အဒိုတ်ချိုတ်ရ ကာလဂှ်မွဲ စန်ဂၠိၚ်သ္ၚောဲညိ၊ ယဝ်ဒးအၚာ ဗၠးဗွဲသွာရ ကာလဂှ်စိ၊ အိုတ်ဇၟာပ်ဗျာဓိ ဗ္ဂန်လဝ်ပိကာ ဟီုပညှာရ...။


ဝါတ်ဟာလောဲဟာ ယဲဗြဴဂှ်ကၠာ ရံၚ်မွဲကာလ၊ အဒိုတ်လောဲရ ဒေသဒဒှ် တိတ်ဟီုတွံကဵု၊ စန်မွဲလံညိ ဗျာဓိဗြဴဂှ် ပိုဲဟီုတွံကဵု၊ ဒးအၚာအဵု ဝါတ်ဂါတ်က္တဵုဒှ် ဟီုတွံကဵုရ၊ ကောန်ပ္ဍဲဂတ်ဝ်ဂၞဴ တြုံဟာဗြဟာ ညးသၟာန်အာရ၊ အဒိုတ်တြုံရ ဒေသဝွံအဴ စန်ဗြဴဟွံမှာ၊ အၚာကြံၚ်က္ဍုဟ် ကောန်တြုံဟေၚ်ရ လ္ပသၚ်္ကာ၊ တိုၚ်ကိုန်အာစာ ပညှာဒယဵု ဟီုတွံကဵုရ...။


ညးသၟာန်တုန်အဴ တဠိၚ်တရဴ ဗွဲကြဴဂတ၊ အဒိုတ်သတုံရ ဆဵုမဂ္ဂအဴ စန်တဴဒ္ဂူမုခ်၊ အၚာဒွိထဲ ကိုန်သေံပြဲရ လ္ပပဏှက်၊ ဂၞန်လဝ်ဍုက်က် လ္ပပၞက်ကီု ချပ်ဗိုန်ဟီုရ၊ ညးသ္ကီုဒုဟ်ရော နာဲပိုဲဟောရာ ဟီုပညှာရ၊ အဒိုတ်တုန်ရ ပါပဂှ်ဇၞော် စန်ကဠော်သ္ၚိ၊ မၞိဟ်ဒးဗာ်ရောၚ် မၞိဟ်ရံၚ်စကၠာ တွဟ်အ္စာစိ၊ ပါပမၞိဟ်စိ ဇၟာပ်ဒုဟ်ထိထံၚ် စၟတ်ရံၚ်ညိ။


အဒိုတ်ကထိုန် ကမၠိၚ်တန်အဵု မကဵုဒိုဟ်ရ၊ စန်ဂှ်ပါပ နာမသၚ်သၟတ် သီုတၟံပန်ကၞာတ်၊ အၚာတုန်အဵု ဒဂဵုဆုတုန် ကဏောတ်ဒုန်ကီု၊ တဴသၟဝ်ကျာကီု လဟီုကိုန်ခန် မဆန်လဝ်ရ...။


သ္ၚေဝ်ပမိက်ကၠာ ဂွံဟွံဂွံဟာ ဟောရာဟီုရ၊ ဒးရသုဇ္ဇ ညိဟွံဂွံခၠန် စန်မွဲဝါတ်ဂါတ်၊ ဒးအၚာပြဲ ဗွဲမသွာကီု အာစာဟီုကၞာတ်၊ ဆဝွံပိုဲညာတ် ကၞာတ်ပါၚ်အာစာ ဟွံဂွံမှာရ...။


ဆဵဵုဟွံဆဵုဟာ ရာညးသၟာန်ကီု ၜိုဟ်ဟီုကဵုရ၊ အဒိုတ်ဆဵုရ စန်ဍောၚ်ဂျဂေါဝ် ဆဵုဒေါဝ်တရဴ၊ ဒးအၚာစိ ဆဵုပ္ဍဲသ္ၚိသၟတ် ဟွံဆောတ်သဘဴ၊ ပိကာညံၚ်သ္ဍဴ တိုၚ်သဘဴကီု ချပ်ဗိုန်ဟီုရ...။


စိုပ်ဟွံစိုပ်ဟာ ခါညးသၟာန်ကီု ၜိုတ်ဟီုကဵုရ၊ အဒိုတ်မံၚ်ဂျ ဒေသနူကိုပ် ဟွံစိုပ်ဟီုပ္ညုၚ်၊ စန်ဒးတုန်အဴ ဆဒေါဝ်တရဴ ကလေၚ်စဴကၠုၚ်၊ အၚာဂေါဝ်ဇြုၚ် ဒၞာဲပ္ညုၚ်သၟတ် ဟွံဆောတ်သဘဴ...။


ပိုဲအာဂၠာဲသၟိၚ် ဆဵုသၟိၚ်ကီုဟာ ဟောရာကီုရ၊ ယဝ်ရဒးသုဇ္ဇ ဆဵုရတုန်ဟေၚ် လမေၚ်ကိုန်ခန်၊ ကောန်သၟိၚ်ဗၠာဲသၟိၚ် ဂမြိၚ်ကၠုၚ်ရ ဒးဒေသစန်၊ အၚာမွဲဒွန် သၟိၚ်ဟေၚ်တန်ကၠုၚ် ဟီုပ္ညုၚ်ကဵုရ...။


ကွာ်တရဴဂြိုပ် မူစိလံစိုပ် သော်က္ဍိုပ်ဟီုရ၊ အဒိုတ်တုန်ရ ဆယာယဳတဴ ဟွံစဴစိုပ်ဏီ၊ စန်ရတိတ်ရံၚ် ချဳဒမံၚ်ဌာန် ဟာန်စဴရဳရဳ၊ အၚာခပ်သီ သမ္တီလမှတ် စိုပ်ကၠုၚ်ပြဟ်ရ။


ပိုဲဍိက်တုန်အဴ ကွာ်တရဴကီု ဟီုကဵုညိရ၊ အဒိုတ်တုန်ရ ဆဵုသတြုသၞ ဆဂှ်ထံၚ်ထာ၊ စန်ယဲဆဵုကွေံ ဍေံဟမာန်က္ဍၚ် ကဏၚ်ဝေါဟာ ၊ ဒးရအၚာ လအာဝါတ်ဂါတ် ဟီုကၞာတ်လဝ်ရ။


ယဝ်ညးသၟာန်အဵု ဆဵုပၞာန်ဟွံဆဵု ဟီုကဵုပမှာ၊ ဒးအဒိုတ်တုန်ကၠာ ယဝ်အာတုန်ဂှ် ဟွံဆဵုဒှ်ရ၊ ဒးစန်တုန်အဴ ဆဵုဒေါဝ်တရဴ သဘဴမူလ၊ ဒးအၚာရ ကာလဂှ်တုန် ဣၚုဟ်ဆဵုကၠာ။


ပၞာန်ဇၞးပၞာန်ကျ ဣၚုဟ်ရဂး ယဝ်ညးသၟာန်ကၠာ၊ ဒးအဒိုတ်မာ ယဝ်အာတုန်ကွေံ ပိုဲကျဍေံရ၊ ဗိုလ်ဍေံဂၠိုၚ်ကွေံ စဏေဟ်ဟမာန် ဌာန်စန်မူလ၊ ဒးအၚာရ ဍေံကျပိုဲဟေၚ် ပရေၚ်အာစာ...။


ပိုဲအာသၟာန်ဗြဴ တိုၚ်သဘဴကီု ဟီုညိဟောရာ၊ ဒးအဒိုတ်ကၠာ လအာဣၚုဟ် ဗြဴဂှ်ဟွံခိုဟ်၊ ဒးစန်တုန်အဴ ဗြဴသေက်ဇဵုဂံၚ် ပမံၚ်ဍေံမြိုဟ်၊ အၚာမွဲဒိုဟ် ဗြဴဂှ်ခိုဟ်ရ လပသၚ်္ကာ။


စိုပ်ဟွံစိုပ်ဟာ ညးအာသၟာန်ကီု ဟီုညိဟောရာ၊ ဒးအဒိုတ်ကၠာ တိုၚ်လအာဍေံကွေံ ဍေံဟွံဂွံစဴ၊ စန်မွဲဣၚုဟ် သာ်ဝွံမ္ဂး ညးရပ်လဝ်တဴ အၚာသဘဴ စဴဟွံစိုပ်ဟေၚ် ညးဟသေၚ်သာ...။


ချိုတ်ဟာဂျိုၚ်ဟာ သာ်လွာသဘဴ ယွံအဴဟောရာ၊ ဒးအဒိုတ်ကၠာ အခါဂှ်ချိုတ် လပဝိုတ်ညိ၊ သၚ်ဂစိုတ်ကၠာ သာ်လွာသဘဴ ဒတဴစန်ဂၠိ၊ အၚာဒမၠိ ဂစိုတ်ကၠေံရ လပသၚ်္ကာ။


ယဲအာညးဟီု တိုၚ်တဝှ်ဗီု ဟီုညိဟောရာ၊ ဒးအဒိုတ်ကၠာ လအာယောဂဳ ညးဝဳလဝ်ဟေၚ်၊ ဒးစန်ဒဝိုၚ် ဗြဴဂိုၚ်လဝ်ကၠာ ဝဳပရာဗၠေၚ်၊ အၚာမွဲရေၚ် ဍောၚ်စိုတ်ဟေၚ်ရ ဟီုပသၚ်္ကာ...ၑ


ကဵုဒြပ်ကုညး သၟးသာ်ဒဒှ် ဣၚုဟ်သၟာန်ကၠာ၊ ဒးအဒိုတ်မာ ခါသ္ကဵုမွဲတဲ မွဲကဵုကၠံဂွံ၊ ဒးစန်တုန်ကၠာ မကဵုပါဒ သၟးဒးဒှ်ကွေံ၊ ဒးအၚာသွံ ညံၚ်ကဵုထောံဍာ် သာ်ဂှ်သေၚ်ဟာ။


သိုၚ်သ္ၚိတုန်ကီု တိုၚ်တဝှ်ဗီု ဟီုညိဟောရာ၊ ဒးအဒိုတ်ကၠာ သာ်လွာဒေသ ပသိုၚ်ဟွံခိုဟ်၊ ဒးစန်တုန်ကၠာ တိုၚ်ကိုန်ဟောရာ အာစာဂးခိုဟ်၊ ဒးအၚာခိုဟ် ထဝှ်လမေၚ် ပရေၚ်သံသာ...။


ရပ်ဟွံရပ်ဟာ သာ်လွာသဘဴ ယွံအဴဟောရာ၊ ဒးအဒိုတ်ကၠာ သာ်လွာမ္ဂး ညးရပ်လဝ်သွံ၊ ဒးစန်မွဲတၟပ် ညးရပ်မ္ဂး ဗၠးအာရသွံ၊ အၚာတုန်သွံ ဗလးထောံရ ဟီုပသၚ်္ကာ။


ဒးဂၠုဲညးအဴ သဘဴနူကိုပ် စိုပ်ဟွံစိုပ်ဟာ၊ အဒိုတ်တုန်မာ ကၠုၚ်တုဲပၠန်အာ သာ်လွာသဘဴ၊ ဒးစန်နူကိုပ် စိုပ်ကၠုၚ်တုဲရ ဆဘာ်တရဴ၊ ဒးအၚာအဴ သဘဴနူကိုပ် ပိတ္ၚဲစိုပ်ကၠာ။


ဍာ်နွံဟွံမွဲ ညးမွဲသၟာန်ရ ဟီုလ္ပညှာ၊ အဒိုတ်တုန်ကၠာ သာ်လွာဣၚုဟ် ဍာ်ဂှ်ဟမွဲ၊ ဒးစန်လမာ် ဍာ်ဂှ်နွံသွံ ဂွံသုၚ်ဖဲလဲ၊ အၚာမွဲတဲ ပ္ဍဲဍာ်မ္ဂး ညးစုတ်ဂျိကၠာ...။


ဂၠုၚ်မွဲညးနၚ် တၚ်ဒးဟဒး ဂးညိဟောရာ၊ ဒးအဒိုတ်မာ က္ဍိုပ်ပါ်အာဟေၚ် ဟွံသေၚ်တူဒၟံၚ်၊ ဒးစန်တုန်အဴ သဘဴဣၚုဟ် ဂၠုၚ်ဂှ်သၠာၚ်ဒၟံၚ်၊ အၚာမွဲတောၚ် တၚ်ကံနွံဒၟံၚ် ပရာန်ဟွံခိုဟ်...။


ဗျာဓိဗြဴတံ မူစိလံသၠး ဂးညိဟောရာ၊ ဒးအဒိုတ်ကၠာ သာ်လွာမ္ဂး နူယးဒဵုကတဴ၊ ယဝ်ရဒးစန် နူကတဴပၠန်အဵု ဒဵုသဝ်တ္ၚဲအဴ၊ အၚာသဘဴ နူတ္ၚဲသဝ်အဴ စဴစိုပ်ယးကၠာ...


ပိုဲအာသွံစ တိုၚ်ဒေသဗီု ဟီုညိဟောရာ၊ ဒးအဒိုတ်ကၠာ သာ်လွာနုူတၞံ တမ်ဍေံဟောံတဴ၊ ဒးစန်တုန်အဴ သာ်လွာသဘဴ ဆတမ်စဴဂွံ၊ အၚာတုန်သွံ ပရဲဂွံဟေၚ် တိုၚ်ကိုန်သေၚ်ဟာ၊ စၟတ်ဟွံစၟတ်ကွေံ ညးနၚ်ပရိုၚ် တိုၚ်ဟီုအာစာ၊ အဒိုတ်တုန်မာ ယဝ်ရအာဒး ဟွံစၟတ်ဂးကဵု၊ တ္ၚဲစန်တုန်သွံ ဍေံဟွံစၟတ်က္ဍၚ် နၚ်ပရိုၚ်အဵု၊ ဒးအၚာအဵု တိုၚ်တဝှ်ဗီု ဟီုစၟတ်သေၚ်ဟာ...။


ကၠးဍိက်တြုံဗြဴ ရာန်ပြေၚ်ဂၠဴစိ ဟီုညိဟောရာ၊ ဒးအဒိုတ်မာ လအာမွဲရ ပရာန်ခိုဟ်ဂး၊ ဒးစန်တုန်သၟတ် ဆဗၞတ်လီုကၠာ ကိုန်အာစာဂး အၚာမ္ဂး ဒြပ်ဒးဟောံရ လပသၚ်္ကာ။


မံၚ်မွဲသနာ ညးရံၚ်ကာကီု ဟီုရအာစာ၊ ဒးအဒိုတ်မာ တြုံဒးချိုတ်ကၠာ ကိုန်အာစာဂး၊ ဗြဴဒးချိုတ်ကၠာ လအာလက်သဏ် ကာစန်မ္ဂး၊ အၚာမ္ဂး ဒးမံၚ်ဒဵုဗျု သာ်ဝွံသီုၜါ။


ခိုဟ်ဟွံခိုဟ်ကီု တိုၚ်တဝှ်ဗီု ညးဟီုသေၚ်ဟာ၊ ဒးအဒိုတ်မာ ယဝ်ပ္ကီုကေၚ်ကာ ခိုဟ်အာစာဂး၊ ဒးစန်တုန်ကၠာ ကေၚ်ကာဆဗၞတ် မှတ်ဟေၚ်ယဝ်ဒး၊ အၚာမ္ဂး ဒးဟွံခိုဟ်ရောၚ် ဟီုပသၚ်္ကာ...။


ပၞာန်ကၠုၚ်ဟွံကၠုၚ် ပ္ညုၚ်ခန်ကိုန်ကီု ဟီုညိဟောရာ၊ ဒးအဒိုတ်မာ ယဝ်ညးသၟာန်ကီု ဟွံကၠုၚ်ရဟီု၊ ဒးစန်တုန်အဴ စိုပ်ဘာ်တရဴပၠန် စဴအာရ၊ ယဝ်ဒးဘဴမ ကၠုၚ်စိုပ်တုဲရ လပသၚ်္ကာ...။


ညးဂှ်ကၠုၚ်အဴ သာ်လွာသဘဴ ယွံအဴဟောရာ၊ ဒးအဒိုတ်ကၠာ သာ်လွာတုန်အဵု ဗိုလ်ဍေံကၠုၚ်ရ၊ ဒးစန်တုန်အဴ ဆဒဴဗညာ လအာဒေသ၊ ယဝ်ဒးဘဴမ တလညးဟေၚ် ဟွံသေၚ်သေဏာ...။


ခိုဟ်ဟွံခိုဟ်ဂး ညးနၚ်ပရိုၚ် အတိုၚ်သေၚ်ဟာ၊ ဒးအဒိုတ်ကၠာ လအာဝွံဂှ် ဒှ်ဆတန်ဒေါဝ်၊ ဟွံခိုဟ်မ္ဂး ညးကၠုၚ်ရံၚ်ပၠန် စန်လှေံလှန်လဝ်၊ အၚာဆတ္တဝ် ဗဝဝ်သတြု သာ်ဝွံသေၚ်ဟာ၊ ကာပိညံၚ်သ္ဍဴ သှ်ပ္ကဴစိတ္တ ပဝိုတ်ညိတုဲ...။


ပၞာန်မကၠုၚ်စိုပ် မူဂိတုရော ဟီုညိဟောရာ၊ အဒိုတ်တုန်ပြဲ စဲပသာ်ဇှ်ေ အသာတ်သၟိဟ်ကီု၊ စန်သွန်တက် အသုတ်တၞံအဵု ကဵုကထိုက်ကီု၊ အၚာတိုန်ဗိုန် မြေက္ကသဵုပုဟ်မာ် တွာ်ဖဝ်ရဂိုန်ကၠာ...။


မူတ္ၚဲမ္ဂး ပၞာန်ညးစိုပ်ကီု ဟီုညိဟောရာ၊ ဒးအဒိုတ်မာ ဗုဒ္ဓဝါဝွံ ဂုရုသိုက်ကြ၊ ဒးစန်တုန်ကၠာ စန်အၚာကီု လဟီုမူလ၊ အၚာမွဲရ သုဇ္ဇသ္ၚိသဝ် ဟီုလဝ်သေၚ်ဟာ...။


ဂြးစညးဂး ဂြးဟဂြးကီု ဟီုညိဟောရာ၊ အဒိုတ်အၚာ သာ်လွာဂှ်ရ သူရိယဂြး၊ ဒးစန်တုန်ကီု ညးဟီုလဝ်ရ ဒးစန္ဒဂြး၊ သာ်ဝွံမ္ဂး သၟာန်ညးကီု ဟီုညိဟောရာ။


သဝ်တ္ၚဲဂယး ဂြးသပ်တုန်ကီု ဟီုညိဟောရာ၊ ဒးအဒိုတ်ကၠာ သာ်လွာဂယး သာ်ဝွံညးဟီု၊ ဒးစန်ကတဴဒ္ဂူ ဒဒှ်မူလ တိုၚ်ဒေသဗီု၊ အၚာမွဲဟီု သ္ဂာတ္ၚဲလောန် ဂကန်အာစာ။


ဂြးစပ်ဒိုဟ်ဏာ ခါရညးသၟာန် နိဒါန်ဝေါဟာ၊ ဒးအဒိုတ်မာ ရပ်ဨသာန်ကီု ဗီုဨသာန်ညိ၊ ဒးစန်တုန်ရ ဒိုဟ်ပုဗ္ဗကီု သီုအဂၞဲစိ၊ အၚာဒမၠိ နေရတိကီု ဟီုပျးလဝ်ကၠာ။


အိုတ်ဟွံအိုတ်ဟာ ခါညးသၟာန်ကီု ဗီုဂွံဟီုကၠာ၊ ဒးအဒိုတ်မာ စန်မွဲဆကၠာ ၜါဆသှ်ေတဴ၊ ဒးအၚာအဴ စဴသှ်ဂရီု ညးဟီုသေၚ်ဟာ။


ပိက်ယာကၠာတ်ဟာ သာ်လွာဂှ်စိ ဟီုညိဟောရာ၊ အဒိုတ်တုန်မာ အာစာဂးဗက် အိက်လက်သကဲ၊ ဒးစန်တုန်ကၠာ ကၠာတ်ရောၚ်သေၚ်ဟာ လအာဂၠိၚ်သ္ၚောဲ၊ အၚာမွဲတဲ ပ္ဍဲဂှ်အိက်ဟေၚ် တိုၚ်ကိုန်သေၚ်ဟာ တလပညာ သမ္တီကာပိ ပဝိုတ်ညိတုဲ...။

ကိုန်ကာထပှ်[ပလေဝ်ဒါန် | ပလေဝ်ဒါန် တမ်ကၞက်]

ဒြပ်ကၠေံညးသၟာန် ဒိုဟ်ဌာန်သ္ဍဩာဲ ပိုဲဍိက်ဂၠာဲညိ၊ အဒိုတ်ပ္ဍဲတိ စန်နကြိအဴ ဒကဴတြၚ်၊ အၚာပ္ဍဲဍာ် ဗုဒ္ဓပ္ဍဲနုၚ် ကၠုၚ်နူဗေဒၚ်၊ ချပ်ဗိုန်စၚ်ခြၚ် ဒိုဟ်ကၠၚ်သ္ဍးဩာဲ မှတ်ဂၠာဲမွဲညိ၊ ဗြဴဗတိသွံ ဟွံဂွံတဴသ္ၚောဲ ကဵုကၠံဍေံလဝ်၊ တ္ၚဲသိုက်ဆတ္တဝ် ဟီုလဝ်သ္အာၚ်အဴ တဴအာကာသ၊ သ္ၚိသဝ်ဂှ် တိုၚ်တဝှ်ဗီု ဟီုဂးကဵုဂတ၊ ဟွံဂွံကၠောံသ္ဍ ဆမွဲသ္ၚိကွေံ ဍေံမဒေပ်လဝ်၊ အဒိုတ်တြုံပၠန် စန်ဝုတ်ရနာဲ အၚာဗၠာဲအဴ၊ ဗုဒ္ဓဂှ်ဗြဴ ဗြဴဗတိဂှ် ဒှ်အဝဲခမဳ၊ သိုက်ဂှ်တြုံဇၞော် သော်သ္ကံပ္ညဳ ဩဴရဳဣတ္ထိ၊ ကိုန်အိန်တက္ခဳ ပ္ညဳဒိုဟ်ဟဆောတ် တီမှတ်တြုံဗြဴ။

ကိုန်စိၚ်[ပလေဝ်ဒါန် | ပလေဝ်ဒါန် တမ်ကၞက်]

ဗီုရုပ်စိၚ်ဂှ် ဟွံဂွံစုတ်ဏီ စုတ်ကဵုမွဲဝါညိအဴ


က္ဍိုပ်စးဗ္တဇိုၚ်ဗုၚ်တဲပါၚ်ဂြၚ်


ချူရုပ်ဟတ္ထိဟေၚ် လၟေၚ်အာယုက်ရ ရိုဟ်ပကဵုခၠန်၊ နူတ္ၚဲဒဒှ် ပြဟ်ပပတမ် ရိုဟ်စမ်အာပၠန်၊ သာ်ဝွံသက်သဏ် ဂကန်အာစာ ရိုဟ်ပမှာညိ...။


၁။ အဒိုတ်ဒတုံက္ဍိုပ်ပၠန် ကသပ်ဂၞန်ဍိုက်ပေၚ်တဴ ခစသၟိၚ်အဴ ဒှ်တဴဇမၞော်ညး၊ ကၠောန်ၜိုတ်စမ္ဂး ဇၞော်ကၠးကဵုဂုဏ်သၟတ် ဒှ်ညိဟွံခြာကီု၊ အာစာဗေဒၚ်ဟီုတွံမှာ ညးဗက်စဂၠိုၚ်ကၠာ သာ်ဝွံအာစာဂး၊ ဇိုက်မၞးဇၞော်ကၠး ဇၟာပ်ညးဒးအဲပရဲ သတြုံဒးသ္ဍးဟဲ၊ ဝဳဝဲဒးခြာဩာဲ အဲဒှ်ကဝိဗၠာဲ ဒၞာဲဝွံအာစာဝွံလဝ်၊ ကိုန်ဝွံညံၚ်အသဝ် တွံလဝ်ကဵုမှာဇန်။


၂။ စန်ဒတုံစးပြဲ ကလောနူဇမ္ၚောဲစိုပ် ကဠောဟွံစိုပ်မွဲတန် သာ်ဝွံဟခၠန်သၟတ်၊ ခစသၟိၚ်အဆတ် ရတ်သၟိၚ်ဒးဇိုန်ကဵု ဂွံယာဉ်ဖ္ဍိုက်အဵု၊ တွဵုတဲဟွံခြာဩာဲ ခါဂှ်ဒှ်ပယျၚ် ပြဲက္ဍၚ်ဇၟာပ်ကေၚ်ကာ၊ တြုံဗြဴယဝ်ဒှ်ကၠာ သၟဟ်န်ဝိိဝါဟ ကိုန်စိၚ်ညံၚ်အတှ်၊ တွံလဝ်ဟွံဂွံခၠန် မိၚ်တုဲစိုတ်ဟွံတန် ဇၟာန်ဇန်တွံကဵုရောၚ်၊ ကိုန်တဝှ်ပါၚ်အာစာ တွံလဝ်ပမှာယောၚ်။


၃။ အၚာဒတုံဗ္တရောၚ် တွံလဝ်ဟွံယောၚ်မှာ ဍိက်သ္ကံဒြပ်ပြေၚ်ဂၠဴ နူဇမ္ၚောဲဒဴတဴပၠန်၊ ခစသၟိၚ်မွဲတန် ဒးရာဇာဝတ်၊ ကဵုပၠေန်ကၠေံအန္တရာဲ သ္ဂောံရာၚ်ဆာဲဂတသၟတ်၊ ဗလးစာၚ် ဗလးကကၠာ၊ လှောဲဂြိုဟ်ဟွံခြာခၠန် သ္ဂောံပၠေၚ်ကၠေံအန္တရာဲပၠန် ရာၚ်ဆာဲတန်ဂတညိ။


၄။ ဗုဒ္ဓဝါဒတုံဇိုၚ်ရောၚ် တွံကဵုဟွံယောၚ်မှာ၊ ဂွံလာဘ်ရသေၚ်ဟာ ဟွံမှာဂွံပတလ၊ ခစသၟိၚ်ဂွံလာပ်စိ ဒဒိုခ်ဟမြိပါ၊ ယဝ်သဒှ်ဗြဴကၠာ ဗွဲသာ်မဂွံတြုံ၊ ယဝ်သဒှ်တြုံဟေၚ် ဂွံအာဲဟွံသေၚ်ဟာ၊ တိုၚ်တွံပါၚ်အာစာ တွံလဝ်ပမှာယောၚ်...။


၅။ ဗြဴဗတိဒတုံဂၞဴပၠန် နာံမြိုၚ်ဂၠိုၚ်သန်ဒးကွာဲ မၞးဟွံဒးသ္ၚေဝ်ဂၠာဲ အမာဲဘောဇိုန်ပၠန်၊ ဆဝွံဒှ်ဟွံခၠန် ယဲဂၞဴတန်နွံညိ၊ ခမဳယဝ်သဒှ်တုန် နွံဂုဏ်အာစာတွံ၊ ခရှ်ယဝ်သဒှ်ကၠာ မိမဟွံဒးအာဂၠာဲ၊ အာစာဗေဒၚ်ဗၠာဲ တွံဆာဲလဝ်ယုတ္တိ၊ သမ္တီပ္ဍဲစိုတ်ညိ ကဝိဗၠာဲမတွံရောၚ်...။


၆။ သိုက်ဒတုံတဲကၠာ ယာယဳနွံတဴ ညးညာတ်ဒးအာဝေၚ်ဒုၚ် ဟွံဒးဂွိၚ်ကဵုပုၚ်သွ၊ ပဒကာပယျၚ်စိ ညိဟွံဂွံရသေၚ်ဟာ ခါရကွာ်တရဴသၟတ် ဂတညးထတ်နုဘဴ၊ ကျာ်အပ်ကဵုနာံအဴ ပၞာၚ်သ္ဍဴဇဗၠုသၠ၊ က္ဍိုၚ်ဇၞောဝ်ပၞာၚ်ဗ္က သဗ္ဗပ္ကဴဩဴ၊ သဗ္ဗဂွံပူဇဴ ကြဴတဲဂွံခိုဟ်ညိ။


၇။ သ္ၚိသဝ်ဒတုံပါၚ် ဒးဇၞော်ကၠးပိုဉ်ကျာ်ဩဳ၊ တိဗ္ၚကၠံသွဝ်ဇဳ ကွဳဍိက်သ္ကံပြေၚ်ဂၠဴ၊ မၞးဂွံပတၠအဴ မၚ်တဴမုဟ်ပါၚ်ညိ၊ ဍောၚ်စိုတ်နူအာစိ ကြဴညိဟွံခိုဟ်ရောၚ်...။


၈။ ရာဟုဇၞော်ကၠး ဒးမုဟ်ဂြၚ်ကျဝ်၊ ဇကုသၟတ်ဒေပ်လဝ် ဖျဝ်လဝ်စိုတ်ညိ၊ ပ္ဍဲစိုတ်နာဲတံစိ ဒမၠိဝေၚ်ကဵုမာန်၊ အတိုၚ်တဝှ်နိဒါန် ဝေၚ်ဟွံမာန်ဒြပ်ဒးတိတ်၊ ညးဂြိုဟ်ကဵုဇကုဂၠိုၚ် တိုၚ်ပါၚ်အာစာသိတ်၊ လၟေၚ်ဒုဟ်တၚ်လၟိတ် အာစာဟီုပ္တိတ်လဝ်ရောၚ်၊ ညးဂြိုဟ်ဟွံမာန်မွဲတောၚ် လာဘ်ရောၚ်မၞးမသ္ဂောံ၊ ဟွံသေၚ်ဗ္ကေတ်ဗ္တာၚ်သွံ ဟသေၚ်မၞးသ္ဂောံပၠန် စိုတ်နာဲတံပ္တန် နရုပ်ပၠန်ဟွံဂွံခြာ၊ အတိုၚ်စိုတ်နာဲကြုတ်ဏာ ၜါစွံမဒှ်ဒၟံၚ် ဂၠိုၚ်ကဵုဖံၚ်ဖနံၚ် ရောၚ်သွံဂွိုၚ်ပဳတိ၊ ခါရဒှ်သၟိၚ်စိ စိုတ်ဟွံလ္ဂူမိမ၊ စိုတ်ၜါဒှ်ဒၟံၚ်ဆတ္တဝ် ဗွဝ်ဒှ်ဒၟံၚ်လောံလာဲ၊ မိမမှတ်စှ်ေပါဲ သီုအာစာဥပ္ပဇ္ၛာဲသၟတ် ကလၚ်ရနာဲပဳတိ ကောမိမတိတ်ကီု၊ အကြီုကိုန်စိၚ်ကီု မဟီုကဵုနာဲတံရောၚ်...။

ကိုန်စေတဳ[ပလေဝ်ဒါန် | ပလေဝ်ဒါန် တမ်ကၞက်]

ဂိတုဒဒှ်ပြဟ် မပ္တံ ရိုဟ်စမ်လၟေၚ်အာယုက်


 နာ်-၁၂     ဂိတုစဲ-၁  က္ဍိုၚ်ဩန်-၂
 ဒေါၚ်-၁၁    စေတဳ    ဗၞိဟ်ဒးဘဲ-၃
 အ္စာသဝ်     ဂိတု-၁၂   ပြာသာဒ်
                    ဩန်-၄
 မၞိဟ်ဒးဂါ-၉  က္ဍိုၚ်ထဝ်ရ   ကြာသာဒ်ထဝ်-၅
 ဒေဝတဴ-၈             ရာဟု-၆


(၁) အာယုက်စိုပ်ပြဲ ပ္ဍဲစေတဳဂှ် ဒယှ်ပြာထာ၊ ညးရှ်ေသှ်ေကၠာ ရဴဂဴခါဂှ် သ္ဂေဟ်သွဟ်ရာၚ်ဆာဲ၊ ကလိဂွံထဝ်ဩန် ကောန်သမ္ဘာသွံ ဂွံသီုဒၞာဲဝါဲ၊ ဍိက်သ္ကံအိုတ်အာဲ ဇၞော်နဲညး လုတ်ဒထံက်ပၚ်...။


(၂) အာယုက် ဒတုံက္ဍိုၚ်ဩန် ထဝ်ဩန်လေဝ်ကီု သီုတိဗ္ၚကၠာ၊ ဇကုဂွံမြာ သီုအရာဒၞာဲ ဆာဲပ္ဍဲတသိုက်၊ ၜိုဟ်သိုဟ်လောန်ကၠာ ဒၞာဲအာမံၚ်ကီု အိုတ်သီုပိုဉ်ဘိုဂ်၊ သတြုဟွံဆိုက် ပရိုက်ဂမ္တဴ ဒးပါဲဒဴအာ။


(၃) ဒးမၞိဟ်ဘဲဒဏ် ထဝ်ဩန်အိုတ်တုန် ဂုန်ဗြဴမွဲကၠာ၊ ဆဂှ်ဟွံသေၚ်ဟာ ဒၟာနူကဠော ကောဒေံလီုကီု၊ ဇကုလေဝ်ကတဴ စိုတ်ကတဴကီု ညးဟွံရီုမွဲ၊ ဟိုတ်က္ဍိုပ်မလီု သီုယဲပူမှတ် ဒးဒှ်သေၚ်ဟာ...။


(၄) ဒတုံပြာသာဒ်ဩန် လာဘတ္ၜန်တ္ၜောဲ မၞိဟ်ဗၠဲဒွါ၊ သီုသတ်ဇိုၚ်ၜါ မြာသတ်ဇိိုၚ်ပန် တန်ပ္ဍဲတသိုက်၊ ဒှ်ဇမၞော်ညး အလုံရးကီု သီုကဵုပိုဉ်ဘိုဂ်၊ ပိုန်ဟာန်တသိုက် ဘိုဂ်ဘဂ်ရာၚ်ဆာဲ ဇၟာပ်ဒၞာဲအရာ...။


(၅) ဒတုံပြာသာဒ်ထဝ် ဗွဝ်ပိုန်ဟာန် ညးတုပ်မာန်ဟာ၊ သီုကောန်သမ္ဘာ မြာဍိက်သ္ကံအဴ ညးရဴဂဴဟေၚ်၊ တိဗ္ၚကၠံသွဝ် ဗဝ်သ္အဝ်ဂမြိၚ် သိၚ်ချေံဂၠဴပြေၚ်၊ ဖဵုမဟီုပြေၚ် လၟေၚ်ပြာသာဒ်ထဝ် သမ္တီလဝ်ကၠာ...။


(၆) ဒတုံရာဟု အနုဒွံစိုတ် ဒးအိုတ်လမျီု၊ ဂိသိုဟ်ဂၞိၚ်ကီု သီုဇိုၚ်တဲဂှ် ကၠုၚ်က္တဵုဒှ်ယဲ၊ စရိုၚ်ဇလ ၜုန်မြဗၞုဟ်ဇြၚ် ကဵုဒးမၚ်မွဲ ဂုန်ရဲဇွာပြောဲ၊ ပ္ဍဲညးတံဂှ် ကၠုၚ်အမှုကၠာ...။


(၇) ဒတုံက္ဍိုၚ်ထဝ်မ္ဂး ထိုၚ်သးဇၟာပ်ညး လုံရးပြာထာ၊ လၞုဟ်စိုပ်ကၠာ အရာဒၞာဲကီု သီုကဵုပိုန်ဟာန် ယဝ်ဒှ်ဂဗုတ် လုတ်အာမ္ဂး ညးထံက်ရီုပ္ကာန်၊ ၜိုဟ်သိုန်လောန်လောန် က္ဍိုၚ်ဗ္တာၚ်ထဝ် သမ္တီလဝ်ကၠာ...။


(၈) ယဝ်ဒတုံအဴ ဒေဝတဴရ မက္ဍိုပ်ကၞုဟ်ကၠာ၊ ဒြပ်ဗကေတ်မာ ဗတာၚ်ခါဂှ် ပြဟ်ကလိဂွံ၊ ဌာန်ဒၟံၚ်အဵု ဇၞော်ကဵုတၚ်ဃဵု တွဵုဇၟာပ်စွံ၊ ဟွံဒတုံသွံ ဂွံတဴလၟုဟ် ဒှ်ညံၚ်ကဵုစိုတ်။


(၉) ယဝ်ဒတုံမာ မၞိဟ်ဝုတ်ဂါအဴ တြုံဗြဴတံကၠာ၊ ဒးတသိၚ်ဂါ အမှုခါဂှ် ဒှ်ဂုန်ဗြဴမွဲ၊ ကဵုပမာန အိုတ်ရထဝ်ဩန် ဟွံဂွံတ္ၜန်တ္ၜောဲ၊ ရိုဟ်ဒဒှ်တ္ၚဲ မၚ်မွဲဒမၠိ ပသတိကၠာ...။


(၁၀) ယဝ်ဒတုံကၠာ အာစာသဝ်ပၠန် ထဝ်ဩန်ဂွံမြာ၊ လာဘ်ပဿကာ မြာဟေၚ်ခါဂှ် ပြဟ်ကလိဂွံ၊ ဂုန်ပညာခိုဟ် ခါဂှ်ဂွံညန် ထဝ်ဩန်ဇၟာပ်ရာ...။


(၁၁) ယဝ်ဒတုံဒေါၚ် ခိုဟ်ရောၚ်သေသာတ် ဂၠိုၚ်တီညာတ်အာ၊ ဂွံလာဘ်သကာ ဗၠဲဒွါထဝ်ဩန် တ္ၜန်တ္ၜောဲဒးရး၊ ဒၞာဲမဟီုဂး ညးဒးသ္ဍိုက်ဆာန် ဇြဟာန်နွံတဴ၊ တၟံတြုံဗြဴ ဒးရဴဂဴရ ဒၞာဲဂတအာ...။


(၁၂) ယဝ်ဒတုံနာ် ဂၠိုၚ်သာ်ဥပ္ပါတ် သ္ကာတ်ဂြာတ်ဒမၠိ၊ က္တဵုဒှ်ဂလာန် ပ္ဍဲဇြဟာန်ဂှ် ဒှ်ကယျာန်ညိ၊ ပသတိညိ ဒမၠိသာ်ဝွံ သတြုသ္ကာတ်ဂြာတ်၊ ကိုန်ဝွံသေသာတ် ကၞာတ်သမ္တီရ ဟီုပၠဇၟာပ်ဌာန်...။

ကိုန်ဂြိုဟ်ဒီု[ပလေဝ်ဒါန် | ပလေဝ်ဒါန် တမ်ကၞက်]

ဗီုတိုၚ်တၟံဂြိုဟ်ဒီုဂှ် စုတ်ကဵုမွဲဝါညိအဴ


ဖျေံလဝ်ဂြိုဟ်ဒစာံ တေဝ်ဗျာံလဝ်ကၠာ ဇိုတ်ကၠေံအာယုက်သၟဝ်၊ ဟွံဆောတ်ပမှာ ဆမသှ်ေဂှ် တွံကဵုညိကၠာ၊ သာ်ဝွံလအာ ချပ်ပိုၚ်ခြာညိ...။


၁။ အဒိုတ်တဴပ္ဍဲ ဒေါဝ် မ္ၚး အဒိုတ်တဴပ္ဍဲကွေံ ဘဳဘေတ်စ္ဍးနူဌာန် ကၠုၚ်ခစသၟိၚ်ရာံ ဿ္ၚိတ်ဂြာံလောန်လာန်၊ နာဲစာပအမှု ဇကုဒးစ္ဍးနူဌာန်၊ ကဠောဒှ်အာညးကွာန် ဆာန်တုဲဒးသ္ဍးဩာဲ၊ ၜါသၞာံဒးက္တဵုဒှ်ကၟာဲ ဒၞာဲဝွံဟီုအဆတ်၊ ယဲဂၞဴနွံညိသၟတ် ဍာ်ရမတ်ဒးတိတ်ဒဇူ စိုတ်ကတူဒၟံၚ်ဟူဟူ သ္ၚိမၞးညံၚ်ဒးတူအာ၊ ကောန်သမ္ဘာဒးစ္ဍးခြာ ကာယရောဟွံသိုက်၊ က္ဍိုက်ဂၠုၚ်သီုကွာ်တိုက် ဒးဒဒိုက်ဗွဲမလောန်၊ တွံပါၚ်ဗေဒၚ် ဟောရာပြာကတ်လဝ်ရောၚ်...။


  • အဒိုတ်တဴဒေါဝ် ယဝ်ရစိုပ် သၟိၚ်ရာံလုပ်ဂြိုပ်ကၠာ၊ အဒဿဂြဳကၠတ်သဳဒါ ဍုၚ်လၚ်ကာဍေံမဖျဴ၊ ဗက်မွဲပုံသဘဴ ဇာတာကောန်ဗြဴသ္ဍး၊ ဗှ်ဒ္ၚေါဝ်ဂွံလေၚ်လး ညးမပလီုအကြာပၠန်၊ အိုတ်ဇၟာပ်ပတူဇန် ဖန်လဝ်စက်ဇာတာ၊ ဒြပ်အိုတ်သ္ၚိတူကၠာ အာစာတံဟီုလဝ်ညိ၊ သၟဝ်ကျာနေရတိ သတြုနွံညိပၠန်၊ ဂွံဒြပ်သီုထဝ်ဩန် ဍေံဟွံတန်ပ္ဍဲဇကု၊ ညးဂၠာဲနၚ်ကဵုအမှု ပ္ဍဲကဵုဂိတုမာ်၊ ဗက်ကဵုဂြိုဟ်တွာ် မာ်လောန်ခိုဟ်ညိ၊ သမ္တီလဝ်ရ ဂွိုၚ်အမြိုတ် ပ္ဍဲစိုတ်ဂိုၚ်တော်ဆ၊ ဂြိုဟ်အဒိုတ်မၚ်စရ ချပ်တော်ဆ ကဵုဗိုန်သ္အး...။


  • အဒိုတ်တဴမ္ၚး ဘိမ္မသာဒးပၟၚ်၊ ဒဒိုခ်သၞာက္ဍၚ် ကောန်ဂၠာဲနၚ်အမှု၊ ၜိုန်ကောန်ဇကုသၟတ် ကၠတ်ကေတ်ဏာဒြပ်မ၊ ဗက်မွဲပုံတမၠာ ဇာတာမဒှ်ရ၊ မာတ်ဇကုဂွံခိုဟ်စ ညးပမံၚ်သၞသတြုမၞးစိ ပ္ဍဲသ္ၚိစက်ဇာတာ၊ ဍိက်ဒြပ်ဒဴလေၚ်အာ သာ်ဝွံအာစာဂကန်၊ သမ္ဘာဒေပ်စိုတ်ၜါ ကၠတ်ဏာဒြပ်ထဝ်ဩန်၊ ဗွဲဒိုဟ်ဨသာန်သတိုက် ဟိုတ်နူသတ်ဇိုၚ်ပန်၊ ဒြပ်လေၚ်က္တဵုဒှ်ပၠန် သာ်ဝွံအာစာဂကန်ပ္ညဳ...။


(၂) စန်တဴပ္ဍဲဒေါဝ် မ္ၚး စန်တဴပ္ဍဲရနုက် သၟိၚ်ရာံသၟုက်နန်ထဝ်၊ သၟိၚ်ကၞုဲကၠုၚ်ဇံသဝ် ကွာဲလဝ်အနုမာန်၊ ဗက်မွဲပုံတမၠာ ဇာတာသီုနိဒါန်၊ ဂွံလာဘ်စၟတ်ကွေံကြာန် ညးဗက်ဆာန်ဇကု၊ ဂွံလာဘ်သာ်ကၟု သာ်ဝွံအာစာဂး ဒဵုမသုန်သၞာံသ္အး ညးဒးသ္ဍိုက်ဆာန်ပြဟ်၊ ဒိုဟ်သမၠုၚ်ကျာ ဗမံက်ဂှ် ဒှ်မိတ်သေၚ်ဟာ၊ ယာံမဂွံမြာ သတ်ဇိုၚ်ၜါမပြဲသန်၊ ဟွံသေၚ်မေတၠ ညးနွံဂကူဩန်၊ ဒဒှ်ကြီုဂြိုဟ်စန် ဒဵုမသုန်သၞာံ သာ်ဝွံပ္ဍဲနိဒါန်...။


  • စန်တဴဒေါဝ်မေခု သတြုဒးသ္ဍိုက်ဆာန်၊ ဂွံအာဲသီုပိုန်ဟာန် က္တဵုဒှ်ဂလာန်ညိ၊ ဒိုဟ်သၠုၚ်ကျာစိ ကလိဂွံသီုလာဘ၊ သတြုဇၞးကွေံရ ကာယဍေံရောသိုက်၊ က္ဍိုက်ဂၠုၚ်သီုကွာ်တိုက် ဒဒိုခ်ဗွဲမလောန်၊ ၜါသၞာံဒစာံဂိတု သာ်ဝွံမဟီုလဝ်၊ မၞးဂွံတသိုက်ကျဝ် ဂွံမောဝ်မွဲခၞ၊ ဗွဲဒိုဟ်အဂၞဲဟေၚ် သတြုဍေံဂြၚ်သၟ၊ ကလောၜိုန်ခစ ပညံၚ်ညးကွာန် ဗက်ကဵုပုံနိဒါန် ပ္ကာန်စန်တဴဒေါဝ်၊ ဟောရာဗေဒၚ် တွံလဝ်နူပထမ...။


  • စန်တဴမ္ၚး ဒးဒၞာဲအနုမာန်၊ လုပ်ကေတ်ဂဥုဲကၠာ ဖေက်ခန္ဓမှာသ္ကန်၊ ဟွံဂွံဂဥုဲကၠာ ဖေက်လက္ခဏမှာသ္ကန်၊ ဒေပ်လဝ်စိုတ်ဓဇန် ဟွံတန်ဒၟံၚ်ပိုန်ဟာန်၊ လၟေၚ်ညးတံဂှ် ဒှ်ဒၟံၚ်ပုံအဓာန်၊ ဗုဒ္ဓကဵုစန်သိုက် ခိုဟ်သ္ဍိုက်လောန်လာန်၊ တ္ၚဲသၟေဟ်နူဂှ် ပဗ္ဒဟ်ဂလာန်၊ ဒဵုမသုန်သၞာံဒစာံဂိတု သာ်ဝွံပ္ဍဲနိဒါန်...။


(၃) အၚာတဴပ္ဍဲဒေါဝ် မ္ၚး အၚာတဴပ္ဍဲ ဒိုဟ်အဂၞဲလ္ပအာ၊ ဒးသၟိၚ်ဘိမ္မသာ ကလိဂွံကောန်ပါပ၊ တသိုၚ်ကေတ်ပိုန်ဒၞာဲမ ညးနၚ်ပဂလာန်၊ ၜါသၞာံဒစာံဂိတု လၞီဝွံကွေံကြာန်၊ မ္ၚးနူဂလာန်ဒးမိၚ် ဂွိၚ်မံၚ်ဂိကတာန်၊ ပ္ဍဲသ္ၚိတိက်မံၚ်ရ သတြုဍေံကၠုၚ်ပမာန်၊ သမ္ဘာၜိုန်မဆာန် တုပ်ညံၚ်ညးကွာန်ရ၊ ကမၠတ်သီုဒမၠ ဘဲလ္ၚဂၠိုၚ်ကဵုတောၚ်၊ ဂုန်ဍိက်ဒြပ်ဒးဍောၚ် လၟောၚ်ဍေံဂှ်ပၠန်၊ ၜါသၞာံဂှ်တုန်ပၠန် သာ်ဝွံဟွံခၠန်ဓဝ်၊ အမှုဘဲလ္ၚီ ဆီဇကုဒးတိတ်ဇွောဝ်၊ သမ္တီလဝ်ရဂွိုၚ်အမြိုတ် ပ္ဍဲစိုတ်ဂြၚ်ချပ်ဓဝ်၊ လဟီုမွဲကဵုဓဝ် ချပ်လဝ်ပ္ဍဲဇကု...။


  • အၚာတဴဒေါဝ်သက်လက် ဘဒြလက်ညးပၞာန်၊ ယဲဘဲဂၠိုၚ်ကွေံကြာန် က္တဵုဒှ်ဂလာန်နာနာ၊ ဒၟာနူပါၚ်ကၠာ ဒှ်ဒုဟ်ဗွာဆက်၊ ဒိုဟ်ပဠိုတ်ယာံအာဒးဗက် သက်ဆဵုဒးသတြု၊ ညးဂၠာဲနၚ်အမှု ကဵုဇကုသေၚ်ဟာ၊ မၚ်မွဲလဝ်မုဟ်ပါၚ်ဟေၚ် ဝေၚ်ညိလပအာ ဟိိုတ်နူကောန်သမ္ဘာ ဒးလီုစိုတ်ခါဂှ်၊ ဍောၚ်စိုတ်ဒှ်သှ်သှ် ဂုဏ်ဟွံဗှ်သၞာ၊ သမ္တီလဝ်ပကဵုဝိုတ် ပ္ဍဲစိုတ်ဗစာရဏာ၊ တွဟ်ဂြိုဟ်အၚာ ပျးလဝ်ဒဵုပဓာန်...။


  • အၚာတဴမ္ၚး ဒဿဂြဳဒးကံရာံ၊ ဒးတူပၟတ်သ္ဍာံ အာစာဗျာံတိုန်ခန်၊ ဒၟာနူဗြဴပၠန် ထဝ်ဩန်ဒးတိတ်အာ၊ သာ်ဝွံဟီုတုဲဟေၚ် လၟေၚ်ညးတမၠာ၊ ဒိုဟ်လပကဵုမှာ လအာဂြိုဟ်ပြက်စ၊ နူဝွံအာဂတ တွံကဵုရမွဲတောၚ်၊ ဗွဲဒိုဟ်အဂၞဲရောၚ် ဟွံယောၚ်မၞးဒးအာ၊ လီုလာ်ဒးမှာရာ သာ်ဝွံအာစာဂကန်၊ ခါရယဲ ဒးအိုတ်သ္ကန် မွဲတန်စၟတ်ကွေံရ၊ ကိုန်တၟေၚ်ဝိသေသ သမ္တီလဝ်လ္ပကဵုမှာ...။


(၄) ဗုဒ္ဓဝါတဴပ္ဍဲ ဒေါဝ် မ္ၚး ဗုဒ္ဓဝါတဴပ္ဍဲသၟတ် ဘဒြလက်တိတ်မၚ်သဳ၊ ထဝ်ဩန်ဍိက်သ္ကံပ္ညဳ မိတ်ကျာ်ဩဳဂွံညန်၊ နာဲစာဆာန်ကၟိန်သန် တန်မံၚ်ပ္ဍဲပိုန်ဟာန်၊ မသုန်သၞာံဒစာံဂိတုရ မူလပ္ဍဲနိဒါန်၊ သတြုဟွံဂံၚ်ပ္ကာန် မိတ်ဆာန်ဂွံဒ္ၚောဝ်သ္ဍာံ၊ ဒိုဟ်သမၠုၚ်ကျာဗျာံ မသုန်သၞာံဒစာံဂိတုကၠာ၊ ဍိက်ဒြပ်ပိုန်ဂွံမြာ ဝေဒနာသီုအန္တရာဲ၊ ညံၚ်ဗီုရာဩဳ ကျာ်ဩဳမဂေါဝ်ဆာဲ၊ ဒၞာဲညးညာတ်ဒးဗ္ဒာဲ ဒၞာဲအာဟွံဒးဂွိၚ်...။


  • ဗုဒ္ဓဝါတဴဒေါဝ်သွံ ဒဿဂြဳဂွံဗြဴယာန်၊ သၟဟ်သၟန်ဂွံရေၚ်ကာန် သဳဒါဇြဟာန်ရာံ၊ ဒှ်မံၚ်ပုံအဓာန် ဨလာံဍုၚ်လၚ်္ကာ၊ ဗက်မွဲပုံတမၠာ မိတ်သမ္ဘာဇကု၊ ယဝ်ခစသၟိၚ်သွံ ဗွဲသွာဂွံလာဘ်ရ၊ အိုတ်ဇၟာပ်သၟိၚ်တၠ ညာတ်မုက်ဒးဆာန်ရအဴ၊ ဒှ်ဂလာန်မ္ဂး ဒၞာဲဟီုဂွံဇၞးစဴ၊ ပညာညံၚ်ဗိုန်သ္ဍဴ ညံၚ်ရဴဗီုဍာ်ကွိုန် စၚ်ခြၚ်သ္ၚေဝ်ကဵုဗိုန်၊ ပ္ဍဲကိုန်တွံလဝ်သ္ဍာံ...။


  • ဗုဒ္ဓဝါတဴမ္ၚး သဳဒါဗၠးကလေၚ်၊ ဆာန်ကၟိန်ဂွံလာဲလေၚ် လၟေၚ်ကုသဵုတၞံ၊ သာမျကၠုၚ်ဆဵုမံၚ်ဌာန် တၞံဂွံဟာန်ဇာ၊ အသဝ်သၟတ်သ္ဍာံ အဂီုပုံရာံသဳဒါ၊ ဂွံလာဘ်သတ်ဇိုၚ်ၜါ မြာဂွံလာဘ်သတ်ဇိုၚ်ပန်၊ ကလိဂွံလာဘ်ထဝ်ဩန် တန်ဒၟံၚ်ပ္ဍဲတသိုခ်၊ ဂြိုဟ်ဗုဒ္ဓဝါဇိုက် သိုက်စိုတ်ဟေၚ်ဆတ္တဝ်၊ ခယျဂွံကျိုၚ်ကျဝ် သီုကောန်ကလောရ၊ ဒဵုတြဴသၞာံပန်ဂိတုဂျ တေဇပြဲလောန်တုန်၊ ကိုန်ဝွံနွံကဵုဂုဏ် တိတ်ဟီုပ္ဍုန်လဝ်ကၠာ၊ ဗီုပြၚ်ညးတမၠာ ဗစာရဏာသာ်ဝွံရ...။


(၅) ဗြဴဗတိတဴပ္ဍဲ ဒေါဝ် မ္ၚး ဗြဴဗတိတဴပ္ဍဲသ္ဍာံ သၟိၚ်ရာံဂွံသဳဒါ၊ ဂွံလာဘ်ထဝ်ဩန်ကၠာ လအာဒိုဟ်နေရတိ ဂွံခိုဟ်စဒမၠိ နကြိညးသ္ဍိုက်ဆာန်၊ ဂွံကောန်သမ္ဘာကွေံကြာန် ဒြပ်ရတ်ဂွံဟာန်ဇာ၊ ဒဵုကဵုတြဴသၞာံ ပန်ဂိတုဟေၚ် ဂွံခိုဟ်စသေၚ်ဟာ၊ သ္ဍိုက်မၠိုက်ပြဝါ သာဓါဂွံနှဴဂၠိန်၊ တုပ်ဗီုသၟိၚ်အိန် ကၟိန်ဍုၚ်သွဝ်ၜါ၊ တူယဲလေၚ်အိုတ် မိပ်စိုတ်တုဲဂွံကြဵုဇာ တွံဗေဒၚ်ဟောရာ တိတ်ဟီုလဝ်ကၠာရောၚ်...။


  • ဗြဴဗတိတဴဒေါဝ်သွံ ခဍာယျုဂွံဟာန်ဇာ ဒှ်သၟိၚ်ရာံရသေၚ်ဟာ ဂွံဍုၚ်လၚ်္ကာဂှ်၊ ခဍာယျုကြီုလတှ် ညးဂှ်တုပ်အဲရော၊ ဇာတာဒွံဂြိူဟ်ရော ပ္ဍဲကဵုကောလဳရ ဇၟာပ်ညးဒးခစ နွံကဵုသဳလပြဲ၊ လ္ၚဵုဂှ်ဆာန်ဇံသဝ် လ္ၚဵုဂှ်ဒက်လဝ်ဝဲ၊ ဒဵုကဵုပန်သၞာံရ ဂွံခိုဟ်စဂုဏ်မပြဲ၊ ကဠောနူဇမ္ၚောဲ ကၠုၚ်စိုပ်တဲဇကု၊ ဟီုဂလာန်ဇၞးအမှု သာ်ဝွံသမ္တီလဝ်၊ ဍိက်ပိကဵုဗဵုဒ္ၚောဝ် တွဵုလဝ်ပ္ဍဲဗေဒၚ်၊ တွံအာစာသၚ် ဂြၚ်လဝ်ရအဴ။


  • ဗြဴဗတိတဴမ္ၚး ရာံဇၞးဒဿဂြဳ ဗိုၚ်ဟုပ်ကၠံၚ်တမှဳ မိပ်စိုတ်ဖဳဒွါတဴ၊ ရာံဂွံကလေၚ်စဴ မိတ်ဆာန်ကြဴဂွံဒ္ၚောဝ်၊ ဗက်မွဲပုံတမၠာ ဇာတာညးဆတ္တဝ်၊ ဒၞာဲအသက်သ္ဍဝ် ဂွံဇၞးဗွဝ်ပိုဉ်၊ မိတ်ဆာန်ဂွံဒ္ၚောဝ်ဗဵု စိုတ်သကီုတဴလောန်လာန်၊ ယဝ်ဂွံပ္ကီုကွေံကြာန် ဂွံဇၞးပၞာန်ရသေၚ်ဟာ၊ သ္ဍိုက်မၠိုက်မိတ်သမ္ဘာ ကာယျဂွံသိုက်လှိၚ်၊ ဒဵုကဵုထပှ်သၞာံဗျိၚ် ဟွံဒ:ဂွိၚ်စံၚ်တူ။


(၆) သိုက်တဴပ္ဍဲ ဒေါဝ် မ္ၚး သိုက်တဴပ္ဍဲကၠာ ရာံစိုပ်လၚ်ကာဌာန် အနုမာန်ဒှ်သဟာဲ မိတ်သ္ကာတ်ဩာဲတဴ၊ ဍေံဂွံဇၞော်အနုဘဴ ဒယှ်တဴလောန်လာန်၊ ဗက်အဲပ္ကီုပၞာန် ညးဒုၚ်မာန်ကီုဟာ၊ သၟိၚ်ရာံတေံကြဵုဇာ သဳဒါဒးဂွံရ၊ အဒဿဂြဳတေံပၠန် ဒဵုကဵုအိုတ်ခန္ဓ၊ ဂုဏ်အနုမာန်ရ ဒဿဂြဳကျစဴပၞာန်၊ မိတ်ဆာန်ဂွံရေၚ်ကာန် မွဲဟာန်ရသေၚ်ဟာ...။


  • သိုက်ဒှ်တဴဒေါဝ်ကွေံကြာန် ဘဳဘေတ်လောန်လာန်သဒှ်၊ ဒှ်သၟိၚ်ကာလဂှ် ဗွဲပြဟ်ဟွံယောၚ်သိတ်၊ နွံကညာလၟိတ် လအိတ်ဂွံဟာန်ဇာ၊ နူကဠောဒညာတ်ကၠာ မြာဂွံလာဘ်သၠုၚ်၊ ဂြိုဟ်မဂေါဝ်သ္ဇုၚ် ပ္ညုၚ်လဝ်ပ္ဍဲဟောရာ...။


  • ရာံဇၞးဒဿဂြဳ သိုက်ပ္ညဳမ္ၚး ဒးဍောၚ်စိုတ်ဇၞော်ကၠး ဂတးဂွံလာဘ်ဗွဲကြဴ၊ ပဟိုတ်နူကောန်အဴ စဴဒှ်ဒဒိုက်စိုတ်၊ ဗာယပ်ကဵုပလိုတ် ဝေၚ်စိုတ်လ္ပအာ၊ ဂွံလာဘ်ဟေၚ်ကွေံရ လာဘညးပလီုအကြာ၊ သွံရာန်စသေၚ်ဟာ ပဗၞိက်ပၠန်ခါဂှ်၊ ကဠိဂွံဗွဲပြဟ် ဒှ်တဴဍောၚ်စိုတ်ညိ၊ ဗွဲဒိုဟ်နေရတိ တြုံမွဲညိသေၚ်ဟာ၊ ဒှ်မၞိဟ်ထပက်ကာ ကေတ်ဏာဒြပ်ဇကု၊ ဟီုဂၠိုၚ်ဒှ်အမှု ဒၞာဲဝွံသမ္တီကဵုဗိုန်၊ သောမျဍေံဒုၚ်တိုန် ပိုန်နွံဒၟံၚ်ကွေံရ...။


(၇) သ္ၚိသဝ်တဴပ္ဍဲ ဒေါဝ် မ္ၚး သ္ၚိသဝ်တဴပ္ဍဲပ္ညဳ ဒဿဂြဳက္ဍိုပ်လ္ၚီသဒှ်၊ ဗွဲဒိုဟ်အဂၞဲဂှ် ယာံအာဒှ်အမှု၊ ဒှ်မံၚ်ဌာန်သတြု ဇကုညးဟွံဆာန် ဍာ်ရမတ်ဒးတိတ်ဟာန် နူဌာန်စက္ခုဒွါ၊ ဒြပ်အိုတ်ယဲဒိုက်ပြဲ ဇိုၚ်တဲမတ်သ္ပာ၊ က္တဵုဒှ်ဂလာန်ကၠာ နာနာဂၠိုၚ်ကဵုသာ်၊ ဍိုက်ဂၠုၚ်ဒးဗြံဍာ် သာ်ဝွံအာစာဂကန်၊ သ္ၚိတူဒြပ်အိုတ်ပၠန် ဒးခြာနူကောန်သမ္ဘာ၊ ဒဵုပိသၞာံပန်ဂိတုဟေၚ် အဂၞဲဝေၚ်လ္ပအာ၊ ဂြိုဟ်သ္ၚိသဝ်မၚ်စကၠာ ဗစာရဏာကဵုဗိုန်ညိ...။


  • သ္ၚိသဝ်တဴဒေါဝ်သွံ ဒဿဂြဳထောံဗြဴယာန်၊ လီုဒယိုၚ်သ္ၚိသေၚ်ဟာ လသာနူဍုၚ်ကွာန်၊ မိတ်အာဲဒၞာဲမဆာန် နူဌာန်ဒးစာ်ခြာ၊ တူပၟတ်ဒးဗြံဍာ် ဂၠိုၚ်သာ်ဒးမှာရာ၊ ဝွံဂြိုဟ်ဟောရာ အာစာတံဂကန်လဝ် ဒဵုတြဴသၞာံပန်ဂိတုဓဝ် လေၚ်ဇွောဝ်ဒးဥူမတ် မိဿဟာဲဒှ်ကမၠတ် ကၠတ်ဒြပ်ဇကု၊ ခိုၚ်ကဵုဂြိုဟ်မေခု သာ်ဝွံဒှ်သေၚ်ဟာ၊ ဂဝံဂြိုဟ်ဟောရာ ဗစာရဏာကဵုဗိုန်သ္အး...။


  • သ္ၚိသဝ်တဴမ္ၚးသိုတ် ခ္ဍာယျုအိုတ်သ္ကန်အဴ၊ အဒဿဂြဳစောန်စိုတ်တဴ နုဘဴလစိန်ဂှ်၊ ဆာန်တုဲဖျိုန်ဟုဲဟှ် ကြဴတဲစဴဒှ်ပၞာန်၊ မၞးတံဒှ်ဂလာန် နိဒါန်ပ္ဍဲဂြိုဟ်ဝွံ၊ ဟိုတ်နုကဵုထဝ်ဩန် ဂၠိုၚ်တန်ကဵုအမှု၊ အာဲဒၞာဲဟွံဂွံပရံ နာဲတံစဴဒှ်ဗိုန်၊ ပ္ဍဲကဵုတွံကိုန် သမ္တီကဵုဗိုန်ညိ...။


(၈) ရာဟုတဴပ္ဍဲ ဒေါဝ် မ္ၚး ရာဟုတဴပ္ဍဲကၠာ ဒးသၟိၚ်ခ္ဍာယျု၊ ကေုာံသၟိၚ်ရာံရ ညးၜါပသဟာဲ၊ ဆာန်တုဲဒးစ္ဍးသာဲ ဒၞာဲဝွံတၚ်ဂလာန်၊ နာဲစာပအမှု ဇကုဒးစ္ဍးနူဌာန်၊ ဟီုအာဂိကတာန် လောန်လာန်ကဵုဇြဟတ်၊ ဟွံသေၚ်တူပၟတ် ဒြပ်ကမၠန်ဂွံဏာ၊ ဗာယပ်ကဵုသမၠုၚ်ကျာ ပါဒးမုက်သတြု၊ က္တဵုဒှ်ယဲပ္ဍဲဇကု ပ္ဍဲသ္ၚိဇကုဟေၚ်၊ သမ္ဘာဍေံဗၠိန်ဖျေၚ် ဟွံသေၚ်ဒှ်ယဲဂၞဴ၊ ဒဵုကဵုပန်သၞာံအဴ ကတဴစိုတ်ညံၚ်တူ၊ သဗ္ဗကေၚ်ကာရ ကၠောန်ဗ္ၚသီုကၠောန်ဂူ၊ ကတဴမံၚ်စိုတ်ဟူဟူ နူကဵုမူလဟေၚ်၊ ဍိက်သ္ကံသီုပြေၚ်ဂၠဴ ဗွဲလၟေၚ်ဍေံကၠေံအာ၊ ဂဝံဂြိုဟ်ရာဟု နူစိုတ်ဒးသိၚ်သာ၊ တိုၚ်ကိုန်အာစာ တွံလဝ်ဟွံခြာယောၚ်။


  • ရာဟုတဴဒေါဝ်ဟာနဳ အနုမာန်လုပ်စံၚ်ဍုၚ်၊ သၞပြဟ်ဗဝ်သၠုၚ် ကၠၚ်ဒယာၚ်သ္ဍဴဖျုၚ်ကၠာ၊ စိုတ်ကတဴမံၚ်ဟူဟူ သ္ၚိမၞးဒးတူအာ၊ သမ္ဘာဒးစ္ဍးခြာ ကာယဍေံဟွံတန်၊ ဒြပ်အိုတ်သၟတ်ပၠန် သာ်ဝွံဂကန်အာစာ၊ ဒဵုထပှ်သၞာံကၠာ အာစာတံဂကန်လဝ်၊ ဒိုဟ်ဗာယပ်ဆတ္တဝ် ယဝ်အာဒှ်အမှု၊ ဒၟံၚ်ဌာန်သတြု ဇကုညးဟွံဆာန်ဟေၚ်၊ တီတုဲကဵုစှ်ေဝေၚ် ပ္ဍဲပရေၚ်ဂြိုဟ်၊ သ္ၚေဝ်ဗိုန်တုဲကဵုဒိုဟ် ပ္ဍဲကဵုဂြိုဟ်ရာဟု...။


  • ရာဟုတဴမ္ၚး ဘဳလေတ်ဗၠးတိတ်နူဍုၚ်၊ နာဲစာပၞတ်ပ္ညုၚ် ဒးဗာယပ်ဒးကၠုၚ်အာ၊ ဒြပ်လေၚ်သက္ကုခြာ ဟောံအာဂိကတာန်၊ သတြုလေဝ်ဂြိုဟ်မာန် ဌာန်ဇကုဟွံဂွံမံၚ်၊ ယာယဳဒးပြံၚ် နူကဵုဒၟံၚ်ဂှ်ပြဟ်၊ ဒဵုကဵုၜါသၞာံဂှ် ဒှ်တဴရသေၚ်ဟာ၊ ယဲဘဲဂၠိုၚ်ကဵုသာ် က္ဍိုက်ဂၠုၚ်ဗြံဍာ်ကၠာ၊ အိုတ်သ္ကန်ဟွံဂွံမှာ စုံသၟတ်အာစာတွံ၊ ဗေဒၚ်ဗိုတ်ဒယှ် ညံၚ်ဗီုအတှ်ထဝ်၊ စဳပျးမတ်ဇန်အဵု ဒဵုကဵုအဓာန်ကဝ်၊ ဗေဒၚ်တြုံအသဝ် သမ္တီလဝ်ပ္ဍဲအက္ခရ၊ တွံရာဟုမၚ်စ တိတ်ဟီုပၠလဝ်ရောၚ်...။

ကိုန်ဂြိုဟ်မၚ်စ[ပလေဝ်ဒါန် | ပလေဝ်ဒါန် တမ်ကၞက်]

  • အဒိုတ်မၚ်စ မၞးပသတိ၊ ဒှ်ဟိုတ်ဒမၠိ ဇာတိအဒိုတ်၊ စန်လာဘ်ဟွံပိုတ် ဂွံအိုတ်သဗ္ဗ၊ ဒှ်ဂြိုဟ်စန္ဒြ ဒါနကၠုၚ်ဒုၚ်ကဵု၊ အၚာမၚ်အဵု ဟိုတ်ဖဵုဇၞော်ဒမၠိ၊ မၚ်မွဲဇကုညိ ဒမၠိဟွံဂွံခြာ၊ ဗုဒ္ဓမၚ်ကၠာ မြာဂွံသမ္ပတ္တိ၊ ဒှ်သုခစိ သမာဓိတန်၊ သ္ၚိသဝ်မၚ်ပၠန် ဟိုတ်ဇၞော်တန်ဒှ်၊ စိုတ်ဒှ်မဇ္ၛဟ် တွံကဵုဒမၠိ၊ ဗြဴဗတိမၚ်စ သ္ဇက်ဗျိဟွံမွဲ၊ ဇိုၚ်ဂှ်ဇၞော်ပြဲ တွံပ္ဍဲဗေဒၚ်၊ ရာဟုယဝ်မၚ် ဒုက္ခသေၚ်ဒွံဇကု၊ ကဵုမၚ်မွဲဇကု သာ်ဝွံအာစာဟီု၊ သိုက်မၚ်ဇိုက်ဇၞော်ကီု သ္ဇက်ဟီုဟွံမွဲ၊ ဂြိုဟ်ဒစာံဝွံပြဲ သိုက်မွဲဇၞော်လောန်လာန်၊ ဣဝွံရဒှ်နိဒါန် ပဗဓာန်လဝ်ကဵုပုံရာံ၊ ဒှ်ကိုန်ဂြိုဟ်ဒစာံ အာစာတံဗျာံလဝ်ရောၚ်...။


၁။ အဒိုတ်မၚ်ဟေၚ် ပြေၚ်တက်ကၠစ မိတ်လီုခန္ဓ၊ ယဲတရေံမြိ နူမိမၜါ သမ္ဘာစာ်ခြာ၊ စစၞကၠာဒး မံၚ်တဲယဲဂှ် ဥုမတ်မှတ်ဟေၚ်ဒဒှ်၊ ဂြိုဟ်အဒိုတ်ဂှ် တွံလဝ်မွဲတောၚ် ဟွံဂွံယောၚ်ခြာ...။


၂။ စန်ယဝ်မၚ် လာဘဂွံမြာ ဂွံအာဲညးကၠာ မြာဂွံသမ္ပတ္တိ၊ ဂွံတသိုက်စိ ဇာတိစန္ဒြ တွံအာစာ ပြာကတ်လဝ်ရောၚ်။


၃။ အၚာဆတ္တဝ် ယဝ်မၚ်စကၠာ၊ အိုတ်မိမၜါ အ္စာဒှ်ကီု၊ ကောဒေံၝဲဗြဴ မွဲဂၞဴကီုသၟတ်၊ ကောန်သမ္ဘာဂှ် ဒှ်သတြုသၞ၊ မိတ်သဟာဲယဲ ပမွဲသွတ်သွာ၊ ဒစာံဂိုန်ကၠာ အာစာတွံလဝ်၊ အၚာဆတ္တဝ် ဟီုလဝ်ရောၚ်...။


၄။ ဂြိုဟ်ဗုဒ္ဓဝါ အာယုက်အာစိုပ် ကြိုပ်လာဘ်သ္ကာ၊ ဒှ်ဇိုက်ဇၞော်ကၠာ လာဘဟွံဇတ် ဟွံသ္ကုတ်ခြာ၊ မၚ်မွဲသဳလ လအာလက်သန် ဗစန်အာစာ၊ ဂြိုဟ်ဗုဒ္ဓဝါ ပြာကတ်လဝ်ရောၚ်...။


၅။ ဂြိုဟ်ဗြဴဗတိ ညိဟွံဂွံယောၚ်၊ အာယုက်ဆတ္တဝ် ယဝ်စိုပ်မွဲတောၚ်၊ ဇၞးသတြုရောၚ် အခေါၚ်ဂွံလာဘ်၊ စွံစိုတ်ဗျဳဗျာပ် လာဘ်ဂှ်စိုပ်ရောၚ်၊ ဗြဴဗတိရောၚ် အခေါၚ်တွံလဝ်၊ ဒဵုတွဵုကဝ် သမ္တီလဝ်ညိ...။


၆။ ဂြိုဟ်သိုက်ဆတ္တဝ် ယဝ်ကၠုၚ်စိုပ်စိ၊ ဂွံပိုန်ဒမၠိ နကြိညးကဵု၊ ဇိုက်ဇၞော်လောန်ကၠာ လာဘက္တဵုဒှ်၊ ဇိုၚ်ၜါဇိုၚ်ပန် ထဝ်ဩန်တံဂှ်၊ ညးဇိုန်ကဵုပြဟ် တွံလဝ်သေၚ်ဟာ၊ ဂြိုဟ်သိုက်တုန်ကၠာ ပြာကတ်လဝ်ရောၚ်...။


၇။ ဂြိုဟ်ဇၞော်တွံလဝ် သ္ၚိသဝ်ဂးမာ၊ အာယုက်တုန်ကိုပ် ကၠုၚ်စိုပ်သေၚ်ဟာ၊ ဒှ်ဒုဟ်ဇၞော်ကၠာ အာစာဟီုလဝ်၊ ဒိုဟ်အဂၞဲဓဝ် ပလဝ်မာန၊ ယဝ်ပ္တုဲဒါန ဗၠးရဂးကဵု၊ ဂြိုဟ်သ္ၚိသဝ်အဵု တွံကဵုမွဲတောၚ်...။


၈။ ဂြိူဟ်ပါပဇၞော် ကော်ဂးရာဟု၊ အာယုက်မေခု ဒွံဇကုကၠာ၊ ကသက်ကသာ ကာယဇကု၊ ယဝ်ပအမှု ဇကုကျညး၊ ယဝ်ယဲမ္ဂး မၞးတံမှတ်လွဳ၊ သဝ်ဇမ္ၚောဲပ္ညဳ ပလွဳညိ၊ သတြုစိုပ်သ္ၚိ ယုတ္တိမၚ်မွဲ၊ ဘဲပၟတ်ပြဲ မၞးမၚ်မွဲညိ၊ မှတ်ပသတိ ဇာတိရာဟု...။

ကိုန်ဂြိုဟ်တွာ်[ပလေဝ်ဒါန် | ပလေဝ်ဒါန် တမ်ကၞက်]

၁။ အာယုက်ညးကိုပ် စိုပ်အဒိုတ်ကၠာ၊ ပန်ဂိတုရ ဒိုဟ်ဂှ်ပမှာ၊ သီုကဵုစိတြ မာဃဟွံခြာ၊ ဂိတုစဲဟေၚ် ရဟွံသေၚ်ဟာ၊ ကထိုန်ပုဟ်ကီု ဟဒးယီုမှာ၊ ပ္ဍဲပန်ဂိတု အနုသန်ခြာ၊ နူညးဇမ္ၚောဲ ဗွဲဝစဳဒွါ၊ ဗစုတ်နၚ်ဏာ မၞးမိၚ်ကၠာရ၊ မိၚ်ဂလာန်ဂှ် ဒှ်သံဝေဂ၊ နူကောန်သမ္ဘာ ခြာဒၚ်စာ်သၠ၊ ဍိက်သ္ကံပြေၚ်ဂၠဴ ဗွဲလၟေၚ်ဒဴအာ၊ ထဝ်ဩန်ဒတုံ ဒးဟုံမှာရာ၊ ဗြဴရုပ်ဟွံမွဲ ဗွဲဝစဳဒွါ၊ ဒိုဟ်ဨသာန်ဂှ် ဒှ်သေက်သေၚ်ဟာ၊ သ္ၚံဝစဳဒွါ ဟွံဂွံမှာရ၊ ဂြိုဟ်အဒိုတ်ရ ပလဝ်သမ္တီ...။


၂။ နာဲလျးစက်ဩန် ဗ္ဂန်ဨရာဝိုန်၊ ညိဟွံမွဲသ္ဇိုန် လိုန်ယုဂ္ဂန္ဓဝ်၊ အာယုက်သတုံ ပ္ဍဲဘုံဂှ်ပၠန်၊ ဂိတုပသာ် တိုၚ်လၟာ်ခန်၊ ကထိုက်မွဲဒွန် ဇၞးပၠန်သတြု၊ လာဘ်သာ်ကၟု ဇကုဂွံရ၊ ကလေၚ်ဒေသ မုလတၞံ၊ ဒှ်ဂမ္တဴစိုတ် စရိုတ်ပဟံ၊ သာ်ဝွံဒှ်တံ တၞံမူလစိန်...။


၃။ သတ်လိုက်ဗာတံ ဒွံဂြိုဟ်အၚာ၊ အာယုက်ဒွံရ လဟီုဂးကၠာ၊ ပိဂိတုရ ဒိုဟ်ပကဵုမှာ၊ ပသာ်ပုဟ်ဗိုန် ဖဝ်ရဂိုန်ကၠာ၊ ယာယဳနွံဟေၚ် လၟေၚ်လအာ၊ ဍိုက်ဂၠုၚ်ကွာ်တိုက် ဒဒိုက်ပြာပြာ၊ အမှုဂလာန် ဒးဂွါရုၚ်စာ၊ ထၞေန်ဂွိၚ်ဆက် တသိၚ်ဒွက်ကၠာ၊ ဒိုဟ်အဂၞဲဂှ် တဝှ်ကိုန်ဒြာ၊ မၞိဟ်အလဇ္ဇဳကီု ပလီုအကြာ၊ သီုကလော်သ္ၚိ ဒိတ္ထိသေၚ်ဟာ၊ ဗဒှ်ကဵုဒိုက်ယဲ မွဲတဲဟွံမှာ၊ တဝှ်အ္စာ ဒှ်ဟောရာဗၠာဲ...။


၄။ ပဳတိလျုၚ် ဖျုၚ်ဗစတၞာ၊ အာယုက်ဒွံရ ပဂွိၚ်စံၚ်ဏှာ၊ ဂြိုဟ်ဗုဒ္ဓကၠာ အာစိုပ်လၟာ်၊ ဂိတုပသာ် ကျာ်ဇၞးမာ၊ ကၠေဝ်မက်ဂမၠိုၚ် က္ဍိုက်ပေၚ်တဴကၠာ၊ စိၚ်ဂၠုၚ်ဂၠဴပြေၚ် ထဝ်ဩန်ရေၚ်ဗ္ဂာ၊ ဗြဴဝုတ်ကညာ သ္အဳဗ္ဂာကျာ်ဩဳ၊ သတ်ဇိုၚ်ၜါပ္ညဳ အနဳဇိုၚ်ပန်၊ ဍိက်သ္ကံဂွံပၠန် ဗစန်အာစာ၊ ဂၠိက်ယာတ်ကြိယာ မြာဂွံမွဲတဲ၊ ဂိတုပုဟ်ပြဲ ပ္ဍဲဂိတုမာ်၊ စိုတ်ဟွံတန်ကၠာ စံၚ်ဏှာသ္အဵုသ္အာ်၊ ညံၚ်ဗတေၚ်ကၠာဒွံ ကျာသ္ကောတ်ဒြာတ်၊ အမှုဒှ်ရ ဒးကျရာဲသာတ်၊ အ္စာတွံကၞာတ် ညာတ်ဂြိုဟ်ဗုဒ္ဓ...။


၅။ ဂြိုဟ်ဗြဴဗတိ ဂ္ညိဌာန်တဴ၊ အာယုက်ညးရ ယဝ်ပဇနူ၊ ဖဝ်ရဂိုန်စိ ဂ္ညိပသာ်က္ဍဝ်၊ လညဘဆတ္တဝ် ဗွဝ်ယဿ၊ ကသပ်စိုတ်သ္ကီု က္ဍိုက်ပေၚ်ကီုရ၊ အလုံဇမ္ဗုဒိပ် ဒးတိတ်ခစ၊ ဍိက်တြုံဍိက်ဗြဴ ကောန်ဂၞဴမသ၊ ဗွဲယၟုကီု သီုဍုၚ်ကွာန်ရ၊ နူသၟိၚ်တၠ လာဘနၚ်ကဵု၊ ညးနၚ်ကဵုအဵု တွဵုဘောဂ၊ ဒိုဟ်ပလိုတ်ဟေၚ် လၟေၚ်ကိုန်ဒြ၊ ဆဗွဲယုတ္တိ ပဝိုန်ညိတုဲ...။


၆။ ဂြိုဟ်သိုက်ဆတ္တဝ် ဗွဝ်ယဿ၊ လန်ပျးတ္ကံပန် စၟတ်ဨကန္တ၊ အယုက်မူလ ယဝ်ဒွံကြကတ်၊ ဖဝ်ရဂိုန်စိ ဒမၠိအဆတ်၊ ယဝ်ဒှ်ကောန်သၟိၚ် သမၞိၚ်က္ဍိုၚ်ရတ်၊ ဗြဴဝုတ်ကညာ လာဘဂွံသၟတ်၊ ယဝ်ညးဒိုက်ကၠာ ဒမၠိပြာကတ်၊ ဩောံသ္ၚုပြေၚ်ဂၠဴ ဂွံဟေၚ်အဆတ်၊ မၞးဂွံစသိုၚ် ကျိုၚ်တွဵုဗၞတ်၊ ဣသိမဂြၚ် ဗိုတ်ဗေဒၚ်သၟတ်၊ မၞးတံမကတ် မှတ်ပလဝ်စိုတ်၊ လ္ပကဵုဝိုတ် ပ္တိုန်လဝ်စိုတ်ညိ...။


၇။ ဂြိုဟ်မွဲဆတ္တဝ် သ္ၚိသဝ်ဂးမာ၊ အာယုက်ဖလုတ် ဒွံစုတ်သေၚ်ဟာ၊ ဂိတုပသာ်ဗိုန် ဒးတိုန်ရုၚ်စာ၊ ဒြပ်ဒးဟောံဗိုန် ဟွံဂွံဇြိုၚ်ညှာ၊ ထဝ်ဩန်ဗၠဲဒွါ လေၚ်အာသေၚ်ဟာ၊ မၞိဟ်ယုတ်အဟိုတ် စိုတ်ဒၟိက်ပါပ၊ ဗၟုဲဘုတ်ပြိုတ် ဒက်စိုတ်ပသၞ၊ ဆီပတိုဟ်ရ နူကာယဒွါ၊ ဇိုၚ်တဲကဵုဩ ကာယျဝွံဂှ်၊ ဂိတုပုဟ်ဂှ် ဟီုတွံကဵုရ၊ ဟိုတ်သမ္ဘာညး ဒးဒတဴရ၊ နူဌာန်ဒေသ ကာယျဒးချဳ၊ သံၚ်သာအနဳ သ္ၚဳဒှ်သတြု၊ ကမၠတ်ဒမၠ ဘဲလ္ၚမေခု၊ နေရတိဝွံ ဒှ်ဌာန်အမှု၊ ဂြိုဟ်သ္ၚိသဝ်ဝွံ ယၟုပြာထာ...။


၈။ အသူတုန်ရ အလိန္ဒကၠာ၊ ဒုၚ်ယၟုမှာ အသူရာရ၊ ကဵုဂိတုတ္ၚဲ ဍေံဒက်ဝဲသၞ၊ ဒွံဂြိုဟ်ရာဟု စဏုမူလ၊ ဘတ်ဟွံယောၚ်က္ဍဝ် ဖဝ်ရဂိုန်ဂျ၊ ဒးကၠေံဒၟံၚ် ဒှ်သံဝေဂ၊ ဍိက်ဒြပ် သ္ဒးဩာဲနူနာဲတၠ၊ မၞိဟ်ယုတ်လၟုဟ် လုတ်စရိတ၊ ဒဵုလမျီုကွေံ ဍေံပ္ကီုဟေၚ်ရ၊ ဗွဲဒိုဟ်ဗာယပ် ဒှ်တၟပ်သေၚ်ဟာ၊ ခမ်သဳဗြဴကီု ဒှ်လမျီုရ၊ ဍေံဟီုပၠောပ်ကတောဝ် ဗ္ဂေါဝ်အရေဝ်ရ၊ ဂလာန်လုတ်ဂှ် ဒှ်ဨကန္တ၊ ဂိတုမာ်ရ လာဘက္တဵုဒှ်၊ ဝွံက္တဵုဒဒှ် တဝှ်ရာဟု...။


  • တြုံကွာ်တရဴ ဗြဴဗက်ကရောံ မူပယာံစိုပ်၊ ရပ်ဗုၚ်ရပ်က္ဍိုပ် စိုပ်ရအာရံၚ် ကလေၚ်ဒၟံၚ်ဌာန်၊ ရပ်ကတောဝ်ကံစိ ညိဟွံဂွံစဴ တရဴအဓာန်၊ ကံတဲမွဲဟာန် ဌာန်ဒေါဝ်တရဴ လံညိစဴစိုပ်၊ ရပ်ဗုၚ်ဂၞဴဂှ် ပြဟ်ထောံလဝ်ပုၚ် စိုပ်ကၠုၚ်တုဲရ၊ ယဝ်ရပ်အၚ်္ဂ စိုပ်ကၠုၚ်တုဲရ လ္ပဒိုက်စိုတ်၊ ရပ်က္ၜံၚ်ဇိုၚ်ပ္ကာန် ဌာန်ဒေါဝ်တရဴ လံညိစဴစိုပ်၊ ဗဳလာကာဗိုတ် ဆဍေံၜိုတ်ရပ် ချပ်ဟိုကဵုရ...။


  • သက္ကရာဇာ ဇိုတ်ကၠေံဨကာ စှ်ၜါစဗ္ဂန်၊ ကတိုၚ်ထဝ်ဩန် စုတ်ပ္တိုန်လဝ်ဂွိုၚ် မွဲကတိုၚ်ထဝ်၊ ၜါကတိုၚ်ဩန် ပိတန်သွံဗျာံ ပန်ကာံဆတ္တဝ်၊ တြုံနူတံက္ဍဝ် ဗြဴရိုဟ်လဝ်ကၞောတ် ဟွံဆောတ်မှာပၠန်...။

ကိုန်ဆုမဒှ်သၟိၚ် ဗွဲလၟေၚ်ဂိတုစှ်ၜါ[ပလေဝ်ဒါန် | ပလေဝ်ဒါန် တမ်ကၞက်]

ဖဝ်ရဂိုန်စဲပသာ် ဆုကြေၚ်လၟာ်ပသၟိၚ်၊ ဇှ်ေအသာတ်သွန် ဇိုန်ပၠန်မပသၟိၚ်၊ ဘတ်အသုတ် ကထိုက်ဓဝ်တျောဝ် မပသၟိၚ်၊ မြေက္ကသဵုပုဟ်မာ်စိ ဆုမယိမပသၟိၚ်၊ ဂုဏ်ဍေံဇၞော်ဂၠိၚ် ဂွံဒှ်သၟိၚ်မ္ၚဵု၊ ကွက်ဒယိုၚ်အဵု ဇၞော်တၚ်ဃဵုရောၚ်...။

ကိုန်ဆုမဒှ်သၟိၚ် ဗွဲလၟေၚ်တ္ၚဲထပှ်[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲအဒိုတ်ဂှ် ဒကှ်ပသၟိၚ်၊ တ္ၚဲစန်ဂးမာ တၞံတာပသၟိၚ်၊ တ္ၚဲအၚာဂှ် ဆုကှ်ေဒှ်သၟိၚ်၊ ဗုဒ္ဓဝါက္ဍၚ် ဆုအၚ်ပသၟိၚ်၊ တ္ၚဲဗြဴဗတိ ကြုက်ဂ္ညိဒှ်သၟိၚ်၊ တ္ၚဲသိုက်ဇၞော်ဂၠိၚ် ကြိက်ဒှ်သၟိၚ်ရ၊ တ္ၚဲသ္ၚိသဝ်ပၠ ခ္ဍးပသၟိၚ်၊ ဆုခဍီုကွေံ ဍေံဂွံဒှ်သၟိၚ်၊ ဂုဏ်ဍေံဇၞော်ဂၠိၚ် ဒှ်သၟိၚ်မ္ၚဵု၊ ကွက်ဒယိုၚ်အဵု ဇၞော်တၚ်ဃဵုရောၚ်...။

ကိုန်ဒ္ဂေတ်လိုက်[ပလေဝ်ဒါန် | ပလေဝ်ဒါန် တမ်ကၞက်]

  • ဒ္ဂေတ်လိုက်ကီု ပိုဲဟီုကဵုပ္ညုၚ်၊ ကာလတောံပုၚ် ပလ္ဂၚ်ဒၞံက်၊ ပုၚ်ဟာပ်လၞံက် လှံက်ပစုတ်ပၠန်၊ ဇဗၠုဆတ်ဂၞဴ စတဴပိုန်အောန်၊ ဍာ်နုၚ်သွုၚ်ပၠန် ဟွံတန်ကြာတ်ဇိုၚ်၊ ဍာ်သၟိဟ်ကြာတ်ဇိုၚ် ပဂိုၚ်ပလန်၊ ဂၠိက်ယာတ်ပနှဴ ဖဴယာတ်ဗြဴပၠန်၊ ထၟိၚ်ဒက်တုဲ ပထုဲပလန်၊ ယာတ်ထၟိၚ်ပၠန် ဟတန်ဒက်ဂၞိၚ်၊ ဇုက်သတေၚ်ပၠန် ဟွံတန်ဂၠောန်သွိၚ်၊ ဒလေၚ်တုဲသ္ဍာံ ပဂါံပိုဲမိၚ်၊ ဗြဴဟာပ်မံၚ်ပုၚ် ပကၠုၚ်လုပ်ပၠန်၊ ကၟုဲဗြဴပၠန် စပိုန်အောန်ရောၚ်၊ သၞုက်ဍာ်ပလဝ် ယာံလဝ်ဒးဍောၚ်၊ ဍာ်နုၚ်သွုၚ်ရ ပကဵုဇတ်ရောၚ်၊ သော်ဂၠိၚ်ဓဇက် ဟွံရေက်ပိုန်ယောၚ်၊ အရေဝ်ပါဠိပၠန် ဟွံတန်ဟီုရောၚ်၊ တိက်ဟွံကြာတ်ဇိုၚ် ဒဒိုက်ဂၠိုၚ်တောၚ်၊ ဟီုဂရိုဟ်ညး ပိုန်သ္ဍးဒြပ်ယောၚ်၊ ဗပုၚ်ဇဗ ဗြံဗြဒးဍောၚ်၊ သ္တိက်က္ဍိုပ်သၟဝ်ကျာ ဏာဒှ်လမောၚ်၊ က္ၜဴပါၚ်လာၚ်မုက် အာယုက်ဂၠိၚ်ရောၚ်၊ ယာ်ဩောံတောံပုၚ် ဒးစုၚ်စဲရောၚ်၊ ဒဒိုက်ဂၠိုၚ်တောၚ် ရောၚ်အာစာဂး၊ သ္ဂောံဝေၚ်မ္ဂး တုဲဂွံဗၠးရောၚ်။


  • ဇဗၠုယဝ်ရစ တဝ်ဍေံဟွံဂိုၚ် ဂၠိုၚ်ဒိုတ်ယဲသန်၊ သီုတၞုၚ်ပၠန် ပညာဟွံတၟး ဟီုထ္ၜးကဵု၊ ယဝ်တၠေတ်စ နလ္ပုဟ်တဲ ပ္ဍဲဗဳဂပဵု၊ ကျာ်ဩဳယုတ်အဵု ပိုန်ဟာန်ပြဵုအာ အ္စာဂကန်၊ ယဝ်စသ္က ဂတသၟဝ်ကျာ ပြာကတ်ဣဓိ၊ ဒိုဟ်ပဠိုတ်စိ တဲဇွိၜးကၠေံ ကလေံလတာ်၊ သၠုၚ်ကျာအဴ က္ၜဴပါၚ်လာၚ်မုက် အာယုက်ညံၚ်ဗၞာ်၊ ဗၟံက်မွဲသာ် လၟာ်ကျာ်ဘာ ပြာကတ်ဣဓိ၊ တြုံမွဲတုန်မှာ ဗြဴၜါပြေၚ်မွဲ ဗဂဲမသုန်၊ ဍိက်ထပှ်တုန် ချေံပ္ဍုန်တြဴ ဂၠဴပိဂၠုၚ်ပန် ၊ စိၚ်ဒစိတ်ဟေၚ် ကွာန်တရေၚ်ဂ္ညိ သ္ၚိဒစာံပၠန်၊ အာစာဂကန် ဒုဟ်ဇၞော်သန်ဟေၚ် စှ်ေဝေၚ်ပါဲညိ။

ကိုန်ကာတ္ၚဲတ္ကံပန်[ပလေဝ်ဒါန် | ပလေဝ်ဒါန် တမ်ကၞက်]

မ  ရ
ဝ  ဍ


တ္ကံပန်ကၠောန်လဝ် ဖျေံအခဝ်ပန်၊ အခဝ်ဂှ်ပၠန် တန်မ ရ ဍ ဝ ညးဗက်ကာတ္ၚဲ ကဵုရပ်မွဲရ။

  • ယဝ်ရရပ်ဒး ဒးအခဝ် သၟိၚ်စောရဏိ ကျမှောသဓ၊ ဝေၚ်ပၞာန်ဒမၠ ဒးကျဇၟာပ်စွံ၊ ယဝ်ရမိက်ဂတှ် ဂှ်လေဝ်ဟွံဂွံ၊ ညးသၟာန်ယဲသွံ ဍေံဟွံဂွံချိုတ်၊ ဒြပ်လေဝ်ညးသၟာန် တဴဌာန်ပဠိုတ်၊ သၟာန်သိုၚ်သ္ၚိကၠာ ခါမံၚ်ဒးချိုတ်၊ ဒြပ်အရာအိုတ် ၜိုတ်အခဝ်၊ ပါတိမောက္ခ ဟီုပၠလဝ်ရောၚ်။


  • ညးရပ်မ္ဂး ဒးအခဝ် ဒးသၟိၚ်ကီုရ ကလိၚ်ကရး ညးဝေၚ်ပၞာန်ကီု ဟီုအမှုဇၞး၊ တွာ်တရဴသ္ၚောဲ မသုန်တ္ၚဲဂး၊ သတ်ဇိုၚ်ပန်ကၠာ သတ်ဇိုၚ်ၜါဒး၊ ပဖျေံဂတှ် မိက်ဒြပ်ကဵုညး၊ ဍိက်ဒဴဂၠဴဗၠး ဟွံဂွံဂးကဵု၊ ပိသၞာံတွဵု က္တဵုဒှ်သၟိၚ်ရ၊ ယဝ်စိုပ်ရပ်ဂှ် ဒှ်အခဝ်၊ ပါတိမောက္ခ ဟီုပၠလဝ်ရောၚ်။


  • ညးရပ်မ္ဂး ဒးအခဝ် ဝဏ္ဏဣသိ ဒ္ဂိုန်ဂြိုပ်ရ၊ ဆဵုဂၞကျာ်ကၠာ ဒေဝဳပါလ၊ ၛာန်သရိုဟ်အာ တူအာကာသ၊ သတ်ဇိုၚ်ပန်ကၠာ သတ်ဇိုၚ်ၜါရ၊ ဟွံချိုတ်သ္ဒးချိုတ် အိုတ်ဇၟာပ်သဗ္ဗ၊ ညးသၟာန်တြုံဗြဴ ရဴဝွံဟီုရ၊ ညးမွဲပလီု အာစာဟီုပၠ၊ ဍိက်သ္ကံဒဴစိ နေရတိရ၊ ဒြပ်လေၚ်ဟီုပၠ တဴသ္ၚိဇကု၊ ညးသၟာန်သာ်ဝွံ ချိုတ်ဟာဂျိုၚ်ဟာ၊ ဒှ်ဗြဴချိုတ်ကီု တြုံဟီုထံၚ်ထာ၊ ရဴနဲဝွံသွံ ဟွံဂွံစးအာ၊ သာ်ဝွံအာစာ ဇိုတ်အာကာလ၊ ပါတိမောက္ခ ဟီုပၠလဝ်ရောၚ်။


  • ညးရပ်မ္ဂး ဒးအခဝ် ဒှ်ဍိက်ညးရ ဂွံဂၠဴဂွံပြေၚ်၊ ဒှ်ကောန်သၟိၚ်ဟေၚ် သရေၚ်စိၚ်ချေံ၊ ဍေံဒှ်ဍိက်ညး ဂွံဗၠးကဵုဍေံ၊ ဍိက်သ္ကံညးအဵု ဗၠးဒဵုချိုတ်ကွေံ၊ နဲဥပ္ပဒှ်ေ လွေဟ်မဟီုပ္ညုၚ်၊ ကိုန်ဝွံမကၠုၚ် နူဍုၚ်ဗကာံ၊ သၚ်ဟာန်ဂၚ်ကၠာ ဝေါဟာသ္ဍာံ၊ ပ္ဍဲဍုၚ်သိၚ်ဃဵု ဟိုတ်ဖဵုသုန်ဂြာံ၊ ကိုန်ဝွံသ္ဍာံ ဟီုဗျာံလဝ်ရောၚ်...။

ကိုန်တ္ၚဲရာဇာ[ပလေဝ်ဒါန် | ပလေဝ်ဒါန် တမ်ကၞက်]

တ္ၚဲဒှ်သၟိၚ်ပြဲ နဲတမၠာကီု အဲဟီုတွံကဵု၊ စဲသန်အဵု မြေက္ကသဵုဆိုက် သိုက်ကဵုဗုဒ္ဓ၊ ပသာ်ဘတ်အဴ ဗြဴဗတိကဵု သီုသ္ၚိသဝ်ပၠ၊ ဇှ်ေကဵုဝှ်ပြဲ တ္ၚဲအၚာသၟဟ် ဒှ်တ္ၚဲရာဇ၊ အဒိုတ်ဗုဒ္ဓ ပၠပ္ဍဲအသာတ် ဟီုကၞာတ်လဝ်ရ၊ ကထိုက်သ္ၚိသဝ် ဟီုလဝ်သွက်ဇန် ဘာသာမည၊ ဂိတုပုဟ်စိ ဗြဴဗတိကီု သီုသ္ၚိသဝ်ရ၊ ဂုရုအၚာ မာတ်မာသာဂှ် ဒှ်တ္ၚဲရာဇ၊ သ္ၚိသဝ်ဗုဒ္ဓ ပၠဖဝ်ရဂိုန် သမ္တီဗိုန်ညိ၊ ရံၚ်တ္ၚဲတုဲစိ ဒမၠိကၠောန်ကာ မြာဂွံပိုန်ရောၚ်...။

ကိုန်ဂွံတီ ဂစေံကၟက်-ဂစေံၝောံ[ပလေဝ်ဒါန် | ပလေဝ်ဒါန် တမ်ကၞက်]

  • ဗရုရမျာၚ်ထတ်မ္ဂး ဂစေံကၟက်ရ၊ ဗရုရမျာၚ်ဍိုန်ၜတ်ဇိပ်ဂၠိပ်မ္ဂး ဂစေံၝောံရ၊ ဗရုရမျာၚ် ဟွံကၠးဖဍးမ္ဂး ဂစေံဝုတ်ရ၊ ဗရုရမျာၚ် ဟွံထတ်ဟွံသာမ္ဂး ဂစေံနပုံရောၚ်...။


  • ဂစေံကၟက်ကဵုဗရုရမျာၚ်မ္ဂး အံၚ််ဇၞးရ၊ ဂစေံၝောံကဵုဗရုမ္ဂး ညးသ္ဍိုက်ဆာန်ဂၠိုၚ်ရ၊ ဂစေံဝုတ်ကဵုဗရုရမျာၚ်မ္ဂး က္တဵုဒှ်ဝါတ်ရ၊ ဂစေံနပုံ ကဵုဗရုရမျာၚ်မ္ဂး ဍေံဟွံကဵုဖဵုရ။


  • ကဵုဗရုရမျာၚ်မွဲဝါမ္ဂး ဒတဴတုဲကဵုဗရုရ၊ ၜါဝါကဵုဗရုမ္ဂး သ္ပဟိုတ်ကဵုစၞအာဟာရတုဲ ကဵုဗရုရမျာၚ်ရ၊ ဗြုတိုန်ပိဝါမ္ဂး ဖေက်တုဲကဵုဗရုရမျာၚ်ရ၊ ဗြုတိုန်ပန်ဝါမ္ဂး ဂစေံမၞုံကဵုဓရ်ရောၚ်...။


  • ကဵုဗရုမွဲဝါမ္ဂး ပွမ္ဒးအာစိုပ်ဘဲဒဒိုက်ရ၊ ကဵုဗရုၜါဝါမ္ဂး ပွမ္ဒးက္တဵုဒှ်ဓရ်စံၚ်တူ သောကပရိဒေဝရ၊ ပိဝါဗြုမ္ဂး ကလိဂွံလာဘ်ဗဇဴမပြဲရ၊ ပန်ဝါဗြုမ္ဂး ဒယှ်တှ်ပြာကတ်ရ၊ မသုန်ဝါဗြုမ္ဂး သ္ဂောံအာစိုပ်တသိုက်ရ၊ တြဴဝါမ္ဂး ပွမ္ဒးဂွိၚ်စံၚ်တူရ၊ ထပှ်ဝါဗြုမ္ဂး ဟွံကလိဂွံလာဘ်ရ၊ ဒစာံဝါဗြုမ္ဂး ချပ်ကသပ်ဟွံအံၚ်ရ။


  • ကဵုဗရုရမျာၚ်တုဲ နူကဵုဒိုဟ်ဗၟံက် ယဝ်ရပဝ်အာလ္ပာ်ဒိုဟ်ပလိုတ်တေံမ္ဂး သ္ဂောံဒှ်သၞသတြုရ၊ နူကဵုဒိုဟ်ပလိုတ် ယဝ်ရပဝ်အာလ္ပာ်ဒိုဟ်ဗၟံက်တေံမ္ဂး ကလိဂွံလာပ်ရ၊ နူဒိုဟ်သၟဝ်ကျာ ယဝ်ရပဝ်အာလ္ပာ်ဒိုဟ်သၠုၚ်ကျာတေံမ္ဂး က္တဵုဒှ်သေက်ဇဵုရ၊ နူကဵုဒိုဟ်သၠုၚ်ကျာ ပဝ်အာလ္ပာ်ဒိုဟ်သၟဝ်ကျာတေံမ္ဂး ကလိဂွံလာဘ်ဗဇဴရ။


  • နူဒိုဟ်နေရတိ ပဝ်အာလ္ပာ်ဒိုဟ်ဨသာန်တေံမ္ဂး ဂွံဒုၚ်ပူဇဴသၟိၚ်ရ၊ နူကဵုဒိုဟ်ဨသာန် ပဝ်အာလ္ပာ်ဒိုဟ်နေရတိတေံမ္ဂး လာဘ်ကလိဂွံလဝ်တုဲဂှ် ပွမ္ဒးလီုလာ်ရ၊ နူဒိုဟ်သၟဝ်ကျာ ပဝ်အာလ္ပာ်ဒိုဟ်ဗာယပ်တေံမ္ဂး ကလိဂွံလာဘ်ရ၊ နူကဵုဒိုဟ်ဗာယပ် ပဝ်အာလ္ပာ်ဒိုဟ်အဂၞဲတေံမ္ဂး က္တဵုဒှ်ဓရ်စံၚ်တူကီု သီုက္တဵုဒှ်ယဲဝေဒနာရောၚ်။

ကိုန်ဒဇဵုစာၚ်[ပလေဝ်ဒါန် | ပလေဝ်ဒါန် တမ်ကၞက်]

  • သွက်ဂွံဒဇဵုစာၚ် ဃောမိန်ဏာစာၚ်ဂှ် ဗွဲလ္ပာ်ပါဲ ဂြဴတိုန်မွဲဝါမ္ဂး ဂွံဇၞးရ၊ ၜါဝါဂြဴတိုန်မ္ဂး ဇၞးၜါဝါရ၊ စွံမုက်လ္ပာ်ပုၚ် ဂြဴတိုန်မ္ဂး မ္ဒးကျရ။
  • ဃောမိန်ဏာစာၚ်ဂှ် ဗွဲလ္ပာ်ပုၚ် မိၚ်ဗရုကောန်ၚာ်လရိုအ်ယာံမ္ဂး ကျရ၊ ၜိုန်ဒှ်အမှုကီုလေဝ် အမှုကျရ၊ ဗွဲလ္ပာ်ပါဲ မိၚ်ဗရုရမျာၚ်ကောန်ၚာ်လရိုအ်မ္ဂး ဇၞးရ၊ ဗ္တိုက်ပၞာန်လေဝ် ဂွံဇၞးရောၚ်။

ကိုန်ကွာ်တရဴ[ပလေဝ်ဒါန် | ပလေဝ်ဒါန် တမ်ကၞက်]

  • ယြဴညးမွဲ တိတ်နူသ္ၚိတုဲ ဃောကွာ်အာတရဴဂှ် သ္ဂောံမိၚ်ကေတ်ရမျာၚ်ဂစေံဂမၠိုၚ် ဗြုလရိုအ်ပဝ်ယာန်ဒၟံၚ်မ္ဂး ပရိုၚ်ဟွံခိုဟ်ဂှ် ဒးမိၚ်ရ၊ ဇကုလေဝ် က္တဵုဒှ်ယဲရ၊ ဟွံသေၚ်သာ်ဂှ်မ္ဂး ကောန်ဇာတ်သမ္ဘာ ကလောဝံသ ဒးဂိယဲရ။
  • ယြဴညးမွဲ ယဝ်ရအာပ္ဍဲကဵုသ္ၚိရုၚ်သၟိၚ်တေံမ္ဂး ဗွဲလ္ပာ်ပါဲ ဂွံဆဵုကေတ်ကၠဵုမာဒၟံၚ်ကီု၊ ဃောစဒၟံၚ်စၞကီုမ္ဂး ကလိဂွံလာပ်ဗဇဴရ၊ ၜိုန်နွံဒၟံၚ်ပ္ဍဲသ္ၚိကီုလေဝ် ညးဒးကၠုၚ်ပလံၚ်နၚ်ရ။

ကိုန်ညးမအာဒၟံၚ်တရဴ[ပလေဝ်ဒါန် | ပလေဝ်ဒါန် တမ်ကၞက်]

  • ယြဴညးမွဲ မၞိဟ်နူကဵုသ္ၚိဇကုကီု မၞိဟ်နူကဵုကွာန်ဇကုကီု၊ ဃောတိတ်မံၚ်တရဴဂှ် ဂျိုၚ်ဟာ ချိုတ်ဟာ၊ ကလေၚ်စဴစိုပ်သ္ၚိဏီဟာ၊ ဟွံစဴစိုပ်ဏီဟာ သၟိက်မိက်ဂွံတီမ္ဂး ပစၟတ်သမ္တီကဵုဂစေံညိ။
  • ပသာ်ရော ဇကုအာပ္ဍဲဒၞာဲဂစေံဂမၠိုၚ် ဍုန်ဇူဒၟံၚ်ရ၊ ဂစေံဂမၠိုၚ်ညာတ်ဒးဇကုတုဲ ပဝ်ယာန်အာအိုတ်ရ၊ ပၞောဝ်ဂစေံဂမၠိုၚ် ပဝ်ယာန်အာဂှ် ဂစေံလဇုဲအိုတ်မွဲ ယဝ်ရပဝ်ယာန်ဗက်အာလက်ကရဴ ဂစေံဂမၠိုၚ်တေံမ္ဂး ပဂွိၚ်ညိ၊ မၞိဟ်အာတရဴတေံဝွံ ဟွံချိုတ်ရ၊ ဟွံလံကလေၚ်စဴကၠုၚ်ပၠန်ရ၊ ဂစေံလဇုဲအိုတ်ဂှ် ဟွံပဝ်ယာန်ဗက်အာလက်ကရဴ ဂစေံဂမၠိုၚ်ရ၊ ဇကုမွဲဟေၚ် ပဝ်ဂေတ်ကလေၚ်တိတ်အာ လ္ပာ်ဒိုဟ်ပလိုတ်တေံမ္ဂး မၞိဟ်အာတရဴဝွံ ဟွံစိုပ်ရ၊ ပွမ္ဒးအိုတ်လမျီုဂှ် ဒှ်ဂွံဒၟံၚ်ရ။

ပူဂဵုမၞုံကဵုဣဓိ ဟဂပ်ဝ်သ္ပ[ပလေဝ်ဒါန် | ပလေဝ်ဒါန် တမ်ကၞက်]

ပူဂိုလ်မၞုံကဵုဣဓိ ညံၚ်ရဴမပ္တံကဵုသၟိၚ်အမာတ် သ္ၚေဟ်သေဌဳဂမၠိုၚ်ဝွံ ပ္ဍဲဇိုၚ်သၚ်ကြုၚ်ၜဳကီု၊ ပ္ဍဲဇိုၚ်သၚ်ဍာ်ကၟာကီုဟဂပ်ဝ်သုၚ်စစၞဗ္ၜူ သုရာမေရဲရ၊ ဗြဴမၞုံကဵုပဋိသန္ဓိတံဂှ်လေဝ် ဟဂပ်ဝ်သိပ်ဂၠိပ် ဓဝ်သံဝါသရ၊ ပ္ဍဲတိရိစ္ဆာန်ဗြဴလေဝ် ဟဂပ်ဝ်သိပ်ဂၠိပ် ဓဝ်သံဝါသရ၊ ယဝ်ရသုၚ်စ သိပ်ဂၠိပ်ဒးမ္ဂး ဣဓိဍိုန်စှ်ေတုဲ မဒှ်လလေၚ်ဖဵုရ။

  • ညံၚ်ရဴသၟိၚ်ဨကရာဇ်တံဝွံ တိတ်စိုပ်ပ္ဍဲကွာန်ရးတုဲ ပ္ဍဲဇြပ်ကီု၊ ပ္ဍဲသ္ၚိဒိုက်ဂတ်ကီု ယဝ်ရပဒတဴမ္ဂး ဖဍာန်ကၠေံယာတ်ဖ္ဍာန်တုဲ ပဒတဴအိုတ်ညိ၊ ယဝ်ရဟွံဖဍာန်ကၠေံ ယာတ်ဖ္ဍာန်မ္ဂး ဣဓိဍိုန်စှ်ေတုဲ မဒှ်လလေၚ်ဖဵုရ၊ ညံၚ်ရဴမပ္တံရဲသၟိၚ်အမာတ် သ္ၚေဟ်သေဌဳတံ ဒးကာလစပြဘိုက် စၞအာဟာရဘောဇိုန်မ္ဂး စွံဏာမုက် လ္ပာ်ဒိုဟ်သၟဝ်ကျာတုဲ လ္ပစပြဘိုက်ညိ၊ ယဝ်စဒးမ္ဂး ဣဓိဍိုန်စှ်ေဒၟံၚ် လၟိုန်တ္ၚဲရ၊ ယဝ်ရတိက်ပၠန်မ္ဂး ပ္ဍဲအကြာပထောၚ်ဏဳၜါလ္ပာ်ဂှ် ဖျေံအဒေါဝ်စးတုဲ လ္ပတိက်ညိ ယဝ်တိတ်ဒးမ္ဂး နိမိတ်သၞုဲဟွံခိုဟ်ဂှ် လ္ပံညာတ်ရ။

ကိုန်မၞိဟ်ဗြဴ ဇၞးမၞိဟ်တြုံ[ပလေဝ်ဒါန် | ပလေဝ်ဒါန် တမ်ကၞက်]

  • စာၚ်ၝောံဂြဴတိုန်မ္ဂး မၞိဟ်ဗြဴဇၞးတြုံတၠသ္ၚိရ၊ မၞိဟ်ဗြဴပဇၞော်ဍုၚ်ကွာန်မ္ဂး သတ္တံလီုလာ်ရ၊ ၜိုန်ဒှ်စာၚ်ၝောံကီုလေဝ် ဒုၚ်ဇဵုကဵုစာၚ်အုက်မ္ဂး ကောန်ဍုၚ်ကောန်ကွာန်ဒှ်ဒဒိုက်ရ၊ ပ္ဍဲကဵုဍုၚ်ကွာန် မၞိဟ်ဗြဴဂၠိုၚ်တုဲ မၞိဟ်တြုံအောန်ရ၊ မၞိဟ်တြုံမွဲမွဲ ကေတ်လဝ်ဗြဴၜါပိပန်မ္ဂး ဟိုတ်နူဟၟဲကဵုဓဝ်တုဲ ဂကူဒးလီုလာ်ရ၊ မၞိဟ်ဗြဴဟၟဲကဵုဓဝ်ဂဝဂလိကီု၊ ခမဳဂမၠိုၚ်ပၠန် ဟွံမၚ်မွဲသိက္ခာပိုဒ်တုဲ ညံၚ်ရဴခရှ်တံ မဒ္ဂေတ်တဴဂှ် ယဝ်ရ ------ဒၞာဲဏအ်လိခ်အးမံၚ် ထပ်ဗကေၚ်ကဵုညိအဴဒှ်ယဲကၠောဝ်ဗိဵုကီု၊ ညးမအာစိုပ်ဒဒိုက်ဂၠိုၚ်ကီု၊ ဟွံမွဲကဵုဓဝ် ဟီုပလီုဂကူကီု၊ အာယုက်ဂၠေံကီု၊ ညးမွဲကဵုမွဲ ဟွံမွဲကဵုဓဝ်မေတ္တာကရုဏာကီုတုဲ၊ သတ္တံဂမၠိုၚ် မ္ဒးက္တဵုဒှ်ဓရ်စံၚ်တူ သောကပရိဒေဝဂၠိုၚ်ရ။


  • မၞိဟ်ဗြဴသၠးတိတ်ကောန်မွဲဝါ ဂွံကောန်ကၠာကဵုဒှ်၊ တိတ်ကၠုၚ်က္ဍိုပ်ၜါကီု မၞုံကဵုဇိုၚ်တဲဂၠိုၚ်ကီုမ္ဂး ပ္ဍဲဍုၚ်ကွာန်မ္ဒးဆဵုကေတ် ကပ်ဇၞော်ပိရောၚ်။

ကိုန်မၞိဟ်ဗြဴသၠးကောန်ၚာ်[ပလေဝ်ဒါန် | ပလေဝ်ဒါန် တမ်ကၞက်]

  • မၞိဟ်ဗြဴမၞုံကဵုပဋိသန္ဓိ စိုပ်ဂိတုတ္ၚဲတုဲ သၠးဗတိတ်နၚ်ကောန်ၚာ်ရ၊ ကောန်ၚာ်ဂှ် တသော်ပါၚ် တသော်ပါၚ်မုၚ် က္တဵုဒှ်တိတ်ကၠုၚ်မ္ဂး ခမဳ ဗၞး သၟိၚ် အမာတ်တံ ဒးရာဇာဝတ်ရ၊ ကောန်ၚာ်သၠးကၠုၚ်နူဂဝ်ဂၞဴမိ ဒှ်ဒၟံၚ်လတာ်ၜါမ္ဂး သၟိၚ်မွဲကဵုမွဲ ၜိုန်ဒှ်ဒၟံၚ်မိဿဟာဲကီုလေဝ် ဒှ်အာသၞသတြုရ၊ ကောန်ၚာ်သၠးတိတ်ကၠုၚ်နူဂဝ်ဂၞဴ ပါၚ်ကေက်ဒၟံၚ် ညံၚ်ရဴပါၚ်ဂစေံမ္ဂး ကောန်ဍုၚ်ကောန်ကွာန် ဒှ်ဒဒိုက်ရ၊ ကောန်ၚာ်သၠးတိတ်ကၠုၚ်နူဂဝ်ဂၞဴမိ ပထောၚ်အာသ္ၚိဝတ် ဒှ်ဒၟံၚ်ၜါပထောၚ်မ္ဂး မၞိဟ်ဂမၠိုၚ် ဒးကၠောဝ်ဗျဵုဒှ်ကၞောဝ်ရ။

ကိုန်နိမိတ်ဍုၚ်ကွာန်လီုလာ်[ပလေဝ်ဒါန် | ပလေဝ်ဒါန် တမ်ကၞက်]

  • ဒၞာဲတိမၞုံကဵုသာ်ဗုဂှ် ယဝ်ဗကေတ်တိုန်ကီု၊ လမ်စံက်တိုန်ကီု၊ သာ်ဍာ်မိတ်ဒှ်တိုန်ကီုမ္ဂး ဍုၚ်ကွာန်လီုလာ်ရ။
  • ဒၞာဲတိမၞုံကဵုသာ်ဗကေတ်ဂှ် ယဝ်ရဗုတိန်မ္ဂး ဍုၚ်ကွာန်ရာၚ်ဆာဲရ၊ သၟိၚ်ဓရ်က္တဵုဒှ်ရ။
  • နုၚ်ထၟာဲဗၠိုက်ဒၟံၚ်ပ္ဍဲတိ ဗၞတ်ၜါပိသၞာံဂှ် ယဝ်ရမံက်တိုန်နူတိမ္ဂး ဍုၚ်ကွာန်ကလိုက်ကၟဵုရ၊ ပူဂဵုတၠပညာတံ ဗၠိုက်နက်စှ်ေတုဲ ပုဂဵုသမၠီုတံ မံက်ဂတဝ်တိုန်တုဲ အုပ်လဒမ်ဍုၚ်ကွာန်ရ။
  • စေတဳဒဵုဇၞော် ဗၠိုက်စှ်ေပ္ဍဲတိမ္ဂး သၟိၚ်ဓဝ်က္တဵုဒှ်ရ၊ ဒဵုဇၞော်စေတဳလီုလာ် ကယျာတိတ်ကီု၊ ဒဵုဇၞော်စေတဳ ဆုဒုန်ဍာ်ရမတ်ဒဇူတိတ်မ္ဂး ဍုၚ်ကွာန်လီုလာ်ရ၊ တၞံဆုတၞံဒုန်ဆုဲတိတ်ကီု၊ ဍာ်ကၟာမံက်တိုန်ကီု၊ ပူဂဵုသမၠီုတံ အုပ်လဒမ်လဝ် ပူဂဵုတၠပညာတံရောၚ်။
  • ပ္ဍဲအဒေါဝ်ဂၠံၚ် နိဂအုန်ဂြုန်မံက်တိုန်မ္ဂး စၟိၚ်စိုတ်ပၠန်ဂတးရ၊ ပ္ဍဲကဵုဍာ်ကြုၚ် ကၟာအၚ်လှာ ကၚုဲဂၠိုၚ်တုဲ မၞိဟ်ဂမၠိုၚ် လပှ်ကေတ်ဟွံအိုတ်မ္ဂး ဍုၚ်ကွာန်သုန်ဂြာံရ၊ ဟွံသေၚ်ကဵုအခိၚ် လတိုပ်လမ်လာၚ်စှ်ေမ္ဂး ပၞာန်စိုပ်ရ၊ ဟွံသေၚ်ကဵုအခိၚ်ဗြဲဂူမ္ဂး ပၞာန်စိုပ်ရ၊ ပ္ဍဲကျာ်စေတဳ ဒးဂဂဵုတးမ္ဂး ပၞာန်စိုပ်ရ။
  • ကျာ်စေတဳ ဘုတ်ဘာ နန်ပြာသာဒ် တာန်ဆံၚ်ဍာ်နုၚ် ထၟာဲပုၚ် ထၟာဲသွ ချဳဇတဝ်တိုန်အလဵုလဵုဍေံမ္ဂး ဍုၚ်ကွာန်လ္ၚုသုန်ဂြာံရ၊ ပ္ဍဲကျာ်စေတဳ ရုပ်ကလော် ဗယိတံ ဍာ်ရမတ်ဒဇူမ္ဂး ဍုၚ်ကွာန်သုန်ဂြာံရ။

ကိုန်ဟဂပ်ဝ်ကၠောန်ကမၠောန်[ပလေဝ်ဒါန် | ပလေဝ်ဒါန် တမ်ကၞက်]

၁။ တ္ၚဲအဒိုတ် သၟိၚ်ရာဟုနွံပ္ဍဲတိတုဲ ဟဂပ်ဝ်ကၠောန်ကမၠောန်ရ။

၂။ တ္ၚဲစန် သၟိၚ်ရာဟုနွံပ္ဍဲတိဗ္ၚတုဲ ဟဂပ်ဝ်ဇိက်ဗ္ၚ ဟဂပ်ဝ်ဂြာတ်မ ဟဂပ်ဝ်ပ္တံမရ၊ ယဝ်ရကၠောန်ဒးမ္ဂး ဒှ်လလေၚ်ဖဵုရောၚ်။

၃။ တ္ၚဲအၚာ သၟိၚ်ရာဟုမွံပ္ဍဲဖဴတုဲ ဟဂပ်ဝ်ပဠေဝ်ဖဴရ။

၄။ တ္ၚဲဗုဒ္ဓဝါ သၟိၚ်ရာဟုနွံပ္ဍဲသ္ၚိတုဲ ဟဂပ်ဝ်ပဠေဝ်သ္ၚိရ။

၅။ တ္ၚဲဗြဴဗတိ သၟိၚ်ရာဟုနွံပ္ဍဲဟၚ်စာတ်တုဲ ဟဂပ်ဝ်ပဠေဝ်စာတ်ကီု၊ ဟဂပ်ဝ်ပၠောပ်ဩောံ ပ္တိတ်ဩောံကီုရ၊ ယဝ်ရကၠောန်ဒးမ္ဂး ပၟတ်တုဒှ်ဂွံဒၟံၚ်ရောၚ်။

၆။ တ္ၚဲသိုက် သၟိၚ်ရာဟုနွံပ္ဍဲဍာ်တုဲ ဟဂပ်ဝ်ခါဲၜံက်ဍာ်ကၟာရ။

၇။ တ္ၚဲသ္ၚိသဝ် သၟိၚ်ရာဟုနွံပ္ဍဲဂၠံၚ်တရဴတုဲ ဟဂပ်ဝ်တိတ်တရဴရ။

ကိုန်နိမိတ်ဒှ်ပရိုက်ဘဲ[ပလေဝ်ဒါန် | ပလေဝ်ဒါန် တမ်ကၞက်]

  • မပ္တံကဵုဂစေံလနေၚ် ခဍာ်ဂမၠိုၚ် ပဝ်လုပ်ကၠုၚ်ပ္ဍဲဍုၚ်ကွာန်မ္ဂး ဒှ်ကလိုက်ကၟဵုရ၊ က္တဵုဒှ်ယဲဝေဒနာရ၊ သာဲဇၞော် သာဲသၟတ် ပဝ်လုပ်ပ္ဍဲဍုၚ်ကွာန်မ္ဂး ပၟတ်တူရ၊ ပ္ဍဲကၠံသွဝ် ကၠဵုဂြိုပ်လုပ်မ္ဂး ဒးလီုလာ်ရ၊ သ္ၚုဩောံဂမၠိုၚ် ဒံၚ်တိတ်နူကဵုကၞာဲကီု၊ ဍာ်ပုၚ်သွ ဒှ်အာသာ်ဆီမ္ဂး ဍုၚ်ကွာန်က္တဵုဒှ်ဘဲကပ်ရ၊ ဍာ်သုၚ် ဍာ်ပူဇဴကျာ် ပါၚ်တြၚ်သ္ၚိ ပါၚ်တြၚ်ဘာ ပံက်လဟာ်တိတ်အလဵုလဵုဍေံမ္ဂး ညးတၠပညာ ဒးဆဵုကေတ်ဘဲဒဒိုက်ရ။


  • တၞံဆုတၞံဝိ ပ္ကဴတိတ်မ္ဂး ဍုၚ်ကွာန်ပၠန်ဂတးရ၊ ညးမဂွံညာတ်ကေတ် ပ္ကဴဇြဲ ပ္ကဴဝိတံဝွံ သ္ဂောံဒှ်သေဌဳရ၊ စိၚ်လမ်စံက် ဗုတိုန်မ္ဂး ဍုၚ်ကွာန်ရာၚ်ဆာဲရ၊ စိၚ်ဗ္တာၚ် ဒှ်အာသာ်လမ်စံက်မ္ဂး ရဲညးဍုၚ်ကွာန် သ္ဂောံဆဵုကေတ်ကပ်ပိရ၊ ခဍာ်လမ်စံက် ဗုဗ္တာၚ်တိုန်မ္ဂး ဍုၚ်ကွာန်ရာၚ်ဆာဲရ၊ ညးမညာတ်ဂှ်ပၠန် မ္ဒးချိုတ်ရ၊ ကၟေၚ်ထၞသ္ၚိ ကဝ်အာအလဵုလဵုဍေံမ္ဂး ညးတၠသ္ၚိဒှ်ဒဒိုက်ရ၊ စှ်ေအာနူကဵုသ္ၚိဂှ် ဗွဲမပြဟ်ညိ၊ ယာတ်ဗွိုက်လတက် ကျာညိရောဟွံမွဲတုဲ ယဝ်ရသွဝ်အာမ္ဂး ညးတၠဂၠိက်ယာတ် မ္ဒးချိုတ်ရ၊ ၜိုန်ဒှ်သာ်ဂှ်ကီုလေဝ် ယာတ်ဗွိုက်မသွဝ်အာဂှ် ဟဂွံစာ်ထောၚ်တုဲ ကလေၚ်စိုပ်ကၠုၚ်ဒၞာဲဂှ်ပၠန်မ္ဂး ညးတၠဂၠိက်ယာတ် သ္ဂောံဒှ်သေဌဳရ။

ကိုန်ဂအဳရိ[ပလေဝ်ဒါန် | ပလေဝ်ဒါန် တမ်ကၞက်]

  • ယြဴညးမွဲ သၟိက်ထၞက်သၟိက်ထၞက်ဩောံသ္ၚု စွံလဝ်ဂအဳ လ္ပာ်သတိက်ကီု လ္ပာ်သၠုၚ်ကျာသ္ၚိကီု ထၞက်ဟွံခိုဟ်ရ၊ ယဝ်ရထၞက်မ္ဂး ညးမဒှ်တၠသ္ၚိ ဒးလီုလာ်ရ၊ ဗၟံက်သ္ၚိကဵုသၟဝ်ကျာသ္ၚိထၞက်မ္ဂး ခိုဟ်ရ၊ ကာလစွံဂအဳပၠန် ဗၠးနူကဵုဇိုၚ်ဒယူသ္ၚိတုဲ ထၞက်ညိ၊ ယဝ်ရစွံလဝ်သၟဝ်ဇိုၚ်ဒယူသ္ၚိမ္ဂး ညးတၠသ္ၚိ မ္ဒးစံၚ်တူပူမှ် ဒးလီုလာ်ရောၚ်။


  • ကာလကၠောန်ရိဂအဳရိၜိုက်မ္ဂး ဆုဇြဲဂှ် လ္ပကၠောန်ညိ၊ ကၠောန်ဒးတုဲ ယဝ်ရထၞက်စုတ်ပ္ဍဲဂအဳၜိုက်မ္ဂး ညးတၠရိဂှ်လ္ပဟီုဏီရ၊ ညးမမိၚ်ရမျာၚ်ဂအဳတံဂှ်လေဝ် ဒးက္တဵုဒှ်ဓရ်သောကပရိဒေဝရ၊ ဟီုအာမွဲနဲပၠန် ဗ္ၜေံချိုတ်သီုထၜေါမ် ပတိုန်ဏာလ္တူသ္ၚိတုဲ လ္ပကၠောန်ညိ၊ ယဝ်ရကၠောန်ဗာ်ဒန်ဒးမ္ဂး ညးမဒှ်တၠသ္ၚိ ဒးလီုလာ်ရောၚ်။

ကိုန်ဂၠိက်ယာတ်[ပလေဝ်ဒါန် | ပလေဝ်ဒါန် တမ်ကၞက်]

  • ရန်တၟံကဵုမၞိဟ်ဗြဴတုဲ ဂၠိက်ယာတ်မတုတ်လဝ်ဂှ် မၞိဟ်တြုံဗိုက်လတက်ဟွံဂပ်ဝ်ရ၊ ယဝ်ရဗိုက်လတက်ဒးမ္ဂး ၜိုန်ဒှ်မံၚ်သၟိၚ်စက္ကဝဝ်ကီုလေဝ် ဣဓိဗလဍိုန်စှ်ေရ။
  • ရန်တၟံကဵုမၞိဟ်တြုံတုဲ ဂၠိက်ယာတ်မတုတ်လဝ်ဂှ် မၞိဟ်ဗြဴဟဵု ဗိုက်လတက်ဟွံဂပ်ဝ်ရ၊ ယဝ်ရဟဵုဗိုက်လတက်ဒးမ္ဂး ၜိုန်ဒှ်ဒၟံၚ်ဂၞကျာ်သၟိၚ်စက္ကဝဝ်ကီုလေဝ် ဣဓိဗလဍိုန်စှ်ေရ။

ကိုန်ဂစေံကၟာတ်[ပလေဝ်ဒါန် | ပလေဝ်ဒါန် တမ်ကၞက်]

  • ကၟာတ်မွဲ ၜံက်ဂိုၚ်လဝ်စၞ မမိက်ကဵုမွဲမွဲတုဲ နူကဵုဒိုဟ်သၟဝ်ကျာကီု၊ နူကဵုဒိုဟ်ပဠိုတ်ကီု၊ နူကဵုဒိုဟ်ဗၟံက်ကီု၊ ပဝ်လုပ်ကၠာၚ်ပ္ဍဲသ္ၚိမ္ဂး ၜိုန်ဝါတ်ဒၟံၚ်ကီုလေဝ် ဂွံဒှ်သေဌဳရ၊ ၜိုန်ဒှ်ဒၟံၚ်ကောန်သၟိၚ်ကီုလေဝ် ဂွံဒှ်ဨကရာဇ်ရ၊ ဒိုဟ်ပဝ်လုပ်ကၠုၚ်ဂှ် ကလေၚ်ပဝ်တိတ်အာပၠန်မ္ဂး သ္ဂောံခိုဟ်စရ၊ ပဝ်လုပ်ကၠုၚ်ဒိုဟ်ဗၟံက် ပဝ်တိတ်အာဒိုဟ်ပဠိုတ်မ္ဂး ဒးလီုလာ်ရ။


  • ဃောကွာ်ဒၟံၚ်တရဴဂှ် ကၟာတ်ကၠုၚ်ဍုန်လတူတၞံဆုမ္ဂး ဟွံခိုဟ်ရ၊ ယဝ်ရနွံဒၟံၚ်သၟဝ်တၞံဆုမ္ဂး က္တဵုတိတ်အာကဵုပြဟ်ညိ၊ ဃောကွာ်မံၚ်တရဴဂှ် ကၟာတ်ပဝ်ယာန်မံၚ်လတူဇကုမ္ဂး ဘပဠထဍေၚ်ထောံညိ၊ ဍေံပဝ်ယာန်အာဌာန်တၞဟ်သ္အာၚ်မ္ဂး ခိုဟ်ရ၊ ယဝ်ရဍေံဟွံပဝ်ယာန်အာမ္ဂး ကလေၚ်စဴထောံညိ။


  • ကၟာတ်ပဝ်ကၠုၚ်နူလ္ပာ်ဒိုဟ်သၟဝ်ကျာတုဲ လုပ်ဍုန်ဂတမုက်သ္ၚိမ္ဂး ခိုဟ်စရ၊ သမ္ဘာဟၟဲ ကလိဂွံသမ္ဘာရ၊ တၠသ္ၚိဟၟဲ ကလိဂွံတြုံတၠသ္ၚိရ၊ ယဝ်ရပဝ်တိတ်အာ လ္ပာ်ဒိုဟ်သၠုၚ်ကျာ ဒိုဟ်ဗၟံက် ဒိုဟ်ပလိုတ်မ္ဂး ဟွံခိုဟ်ရ။

ကိုန်ကလော်သ္ပ[ပလေဝ်ဒါန် | ပလေဝ်ဒါန် တမ်ကၞက်]

  • ကၟာတ်ကလော်သ္ပလဝ် ပဝ်ကၠုၚ်နူဒိုဟ်ဗၟံက် လုပ်ဍုန်ပ္ဍဲသ္ၚိ ပဝ်တိတ်အာလ္ပာ်ဒိုဟ်အဂၞဲမ္ဂး ကၠာဟွံကၠောံသၞာံ ဒးလီုလာ်ရ၊ ပဝ်ကၠုၚ်နူဒိုဟ်သၟဝ်ကျာ နူကဵုဒိုဟ်ပလိုတ်တုဲ လုပ်ဍုန်ပ္ဍဲသ္ၚိမ္ဂး ခိုဟ်စရ။ ပဝ်ကၠုၚ်နူဒိုဟ်ဗၟံက်တုဲ ဍုန်လ္တူကၟဳစိၚ်မ္ဂး ဟွံခိုဟ်ရ၊ လ္ပမံၚ်ပ္ဍဲသ္ၚိဂှ်ညိ၊ ယဝ်ရမံၚ်အာမ္ဂး ဒးလီုလာ်ရ၊ ၜိုန်ရဒှ်ဒၟံၚ်အမှုလေဝ် ဒးကျရ၊ ပဝ်ကၠုၚ်နူဒိုဟ်ပလိုတ် ဍုန်လ္တူကၟဳစိၚ်တုဲ က္ဍိုပ်လေဝ်ကသဳဒၟံၚ်ရ၊ တက်မံၚ်သၞေၚ်ရ၊ ပဝ်တိတ်အာလ္ပာ်ဒိုဟ်သၟဝ်ကျာရ၊ ဟွံခိုဟ် ဒးဆဵုဘဲဒဒိုက်ရ၊ ဍုၚ်ကွာန်လီုလာ်ရ၊ ပဝ်ကၠုၚ်နူဒိုဟ်ပလိုတ် ဟဂွံဍုန် ဇူလ္တူကၟဳစိၚ် ပဝ်တိတ်အာဒိုဟ်တၞဟ်သ္အာၚ်ပၠန်မ္ဂး ရတ်မပြဲ ညးဒးပလံၚ်နၚ်ကဵုရ၊ ပဝ်ကၠုၚ်နူဒိုဟ်နေရတိကီု၊ ပဝ်ကၠုၚ်နူဒိုဟ်ဨသာန်ကီု၊ သ္ဂောံဒုၚ်ပူဇဴညးရ။
  • အခိၚ်သဝ်တ္ၚဲ ကၟာတ်ကၠုၚ်ဍုန်မ္ဂး ကလိဂွံလာပ်ရ၊ အခိၚ်ကောန်ၚာ်တိက် ကၠုၚ်ဍုန်မ္ဂး က္တဵုဒှ်ယဲပူမှ်ရ၊ အခိၚ်သ္ဂာတ္ၚဲကၠုၚ်ဍုန်မ္ဂး ကလိဂွံလာပ်ရ၊ အခိၚ်ဗၟံက်ဗု ကၠုၚ်ဍုန်မ္ဂး ဒှ်သၞသတြုရ၊ အခိၚ်နူဂယး ကၠုၚ်ဍုန်မ္ဂး ကလိဂွံလာပ်ထဝ်ဩန်ရ၊ ဒးက္တဵုဒှ်ယဲလေဝ် ညးဟီုလဝ်ရ၊ အခိၚ်တ္ၚဲမွဲသၠုၚ်တာ ကၠုၚ်ဍုန်မ္ဂး ကလိဂွံလာပ်ထဝ်ဩန်ရ၊ အခိၚ်ၜါနာဍဳကၠုၚ်ဍုန်မ္ဂး ကလိဂွံဍိက်တြုံ ဍိက်ဗြဴရ၊ အခိၚ်ပိနာဍဳကၠုၚ်ဍုန်မ္ဂး ကလိဂွံလာပ်ရ။
  • ကၟာတ်ဍုန်ဒၟံၚ်လ္တူသ္ၚိ စွံဏာမုက်လ္ပာ်ဒိုဟ်ဗၟံက်မ္ဂး တၠသ္ၚိလီုလာ်ရ၊ စွံဏာမုက်လ္ပာ်ဒိုဟ်အဂၞဲမ္ဂး ဒှ်သၞသတြုရ၊ စွံဏာမုက်လ္ပာ်ဒိုဟ်သၠုၚ်ကျာမ္ဂး က္တဵုဒှ်ယဲရ၊ စွံဏာမုက်လ္ပာ်ဒိုဟ်နေရတိမ္ဂး ကလိဂွံလာပ်ပရဲရ၊ စွံဏာမုက်လ္ပာ်ဒိုဟ်ပလိုတ်မ္ဂး ကလိဂွံလာပ်ထဝ်ဩန်ရ၊ စွံဏာမုက်လ္ပာ်ဒိုဟ်ဗာယပ်မ္ဂး ကလိဂွံလာပ်ရ၊ စွံဏာမုက်လ္ပာ်ဒိုဟ်သၟဝ်ကျာမ္ဂး ကလိဂွံလာပ်ရ၊ စွံဏာမုက်လ္ပာ်ဒိုဟ်ဨသာန်မ္ဂး သ္ဂောံဒုၚ်ပူဇဴသၟိၚ်ရ။
  • ကၟာတ်ဍုန်လ္တူသ္ၚိ လရိုအ်မွဲဝါမ္ဂး သၟိက်မိက်ဂွံစစၞတုဲ လရိုအ်ရ၊ တၠသ္ၚိဒှ်ဓဝ်စံၚ်တူဂၠိုၚ်ရ၊ ၜါဝါလရိုအ်မ္ဂး ကလိဂွံလာပ်ရ၊ ပိဝါပန်ဝါလရိုအ်မ္ဂး ညာတ်သ္ကံရဲတုဲ လရိုအ်ရ၊ တၠသ္ၚိဒှ်ဓဝ်စံၚ်တူဂၠိုၚ်ရ၊ မသုန်ဝါလရိုအ်မ္ဂး တၠသ္ၚိဒှ်တသိုက်ရ၊ တြဴဝါလရိုအ်မ္ဂး ကလိဂွံဍိက်ရ၊ ထပှ်ဝါလရိုအ်မ္ဂး တၠသ္ၚိဒှ်ဓဝ်စံၚ်တူဂၠိုၚ်ရ၊ ဒစာံဝါလရိုအ်မ္ဂး ဂုန်ဒုဟ်ဟၟဲရ။


  • မွဲနဲပၠန်။


  • မွဲဝါလရိုအ်မ္ဂး တၠသ္ၚိလီုလာ်ရ၊ ၜါဝါလရိုအ်မ္ဂး ဒးဆဵုဘဲကမၠတ်ရ၊ ပိဝါလရိုအ်မ္ဂး ချပ်ကသပ်အံၚ်ဇၞးရ၊ ပန်ဝါလရိုအ်မ္ဂး ဟွံဂွံဒုၚ်စဂုန်ဖဵုရ၊ မသုန်ဝါလရိုအ်မ္ဂး ဂွံဒှ်တသိုက်ရ၊ တြဴဝါလရိုအ်မ္ဂး ဒးလီုလာ်ရ၊ ထပှ်ဝါလရိုအ်မ္ဂး ကလိဂွံလာပ်ထဝ်ဩန်ပြေၚ်ဂၠဴရ၊ ဒစာံဝါလရိုအ်မ္ဂး ဒှ်ဂုန် ဒှ်ဒုဟ်ဟွံမွဲရ။
  • ကၟာတ်လရိုအ်ဂၠိုၚ်အာ နူကဵုဒစာံဝါတုဲ ရမျာၚ်လရိုအ်လဝ်ဂှ်တန် စကဵုမသုန် သှ်ေမွဲ ဒှ်ကဵုဇကု၊ သှ်ေၜါ ဒှ်ကဵုကောန်ဇာတ်သမ္ဘာ ကလောကောဒေံ၊ စှ်ေပိ ဒှ်ကဵုပြေၚ်ဂၠဴ၊ သှ်ေပန် ဒှ်ကဵုဒြပ်ရတ်၊ သှ်ေမသုန် ဒှ်ကဵုညးသ္အာၚ်ရ။
  • ကၟာတ်ဍုန်ပ္ဍဲဂတဵုသ္ၚိမ္ဂး တၠသ္ၚိလီုလာ်ရ၊ ဟွံမိက်ကဵုလီုလာ်မ္ဂး ပူဇဴစၞဖျုန်တုဲ အာထောံနူသ္ၚိဂှ်ညိ၊ ကၟာတ်ဍုန်မ္ၚးသ္ၚိမ္ဂး ကလိဂွံလာပ်ဂၠိုၚ်ရ၊ ဍုန်ဂၞၚ်တၞုၚ်သ္ၚိ ဒိုက်ဝါတ်ရ၊ ကၟာတ်ဍုန်ဇိုၚ်ဒယူသ္ၚိမ္ဂး လီုလာ်ရ၊ ကၟာတ်ဍုန်ဗၟံက်သ္ၚိမ္ဂး ဒှ်ဍိက်ညးရ။ စၞဖျုန်မမိက်ကဵုမွဲမွဲ ပူဇဴမ္ဂး ခိုဟ်ရ၊ ကၟာတ်ဍုန်ပါၚ်တြၚ်သ္ၚိမ္ဂး ဘဒသၟိၚ်လာဲလေၚ်ရ။
  • ကၟာတ်ဍုန်ပ္ဍဲသ္ၚိမ္ဂး ကဵုဒါန်ဖျုန်ဂၠဴ ဂစေံအကုဟ်ကၠၚ် ဟိုတ်ဍုန်မ္ဂး ကဵုဒါန်ပုၚ်၊ ဗကောတ်လုပ်သ္ၚိမ္ဂး ကဵုဒါန်ထဝ်၊ သာဲလုပ်ဍုန်ပ္ဍဲသ္ၚိမ္ဂး ကဵုဒါန်ကဝ်ၜဴ၊ ရုဲဂွေၚ်လုပ်ဍုန်မ္ဂး ကဵုဒါန်က၊ ကျာံလုပ်သ္ၚိ ဗဂဲလုပ်သ္ၚိမ္ဂး ဂြာတ်မကြေဟ်ညိ၊ ဗ္တာဲလုပ်သ္ၚိမ္ဂး ဂြာတ်ချောဲညိ၊ အန္တရာဲလာဲလေၚ်ရ။

ကိုန်ပၠေၚ်ကၠေံနိမိတ်သၞဲဟွံခိုဟ်[ပလေဝ်ဒါန် | ပလေဝ်ဒါန် တမ်ကၞက်]

  • ယြဴပူဂဵုမွဲ ပ္ဍဲကဵုသ္ၚိဇကု မပ္တံကၟာတ်ဍုန်ကီု၊ လ္ပံညာတ်ဟွံခိုဟ်ကီုမ္ဂး၊ ရိုဟ်သတ်ဂမောဝ် ရိုဟ်ကြုက် ရိုဟ်ဗဳ ရိုဟ်ပ္ကဴလဵု ကေတ်လျိုၚ်တုပ်ပ်ရ၊ ကဝိၚ်ကၞုဲ စံက်ဗြဴ ကပေါဝ် ကေတ်လျိုၚ်တုပ်ပ် ပၠါဲကဵုဍာ်မြမောဝ်တုဲ ကြဴကြာတ်က္ဍိုပ်ညိ၊ သဗ္ဗအန္တရာဲ လာဲလေၚ်ရောၚ်။

ကိုန်သာဲလုပ်ဇူပ္ဍဲသ္ၚိ[ပလေဝ်ဒါန် | ပလေဝ်ဒါန် တမ်ကၞက်]

  • လတူကၟဳစိၚ် သာဲလုပ်ဇူမ္ဂး သ္ဂောံဒုၚ်ပူဇဴသၟိၚ်ရ၊ ထၞဒမၚ်လ္ပာ်ဒိုဟ်ဗာယပ် လုပ်ဇူမ္ဂး ဂွံလာဘ်ပ္ဍဲကဵုကလောဂမၠိုၚ်ရ၊ ဗွဲဒိုဟ်အဂၞဲ လုပ်ဇူမ္ဂး ကလိဂွံထဝ်သြန်ရ၊ ဗွဲဒိုဟ်သၟဝ်ကျာ လုပ်ဇူမ္ဂး ကလိဂွံကောန်ဗြဴပရဲ ဍိက်ဗြဴရ၊ လ္ပာ်ဒိုဟ်နေရတိ လုပ်ဇူမ္ဂး ဒြပ်ရတ်ဂၠိုၚ်တိုန်ရ၊ သၟဝ်ဒၞာဲသတိက် လုပ်ဇူမ္ဂး ချပ်ကသပ်အံၚ်ရ၊ လုပ်ဇူပ္ဍဲယာတ်ဗွိုက်လတက်မ္ဂး ပြဲနူညးဂမၠိုၚ်ရ၊ ကလိဂွံလာဘ်ရ၊ လုပ်ဇူပ္ဍဲဇိုၚ်တၞိန်မ္ဂး ဒးလီုလာ်ရောၚ်။

ကိုန်နိမိတ်သာဲလုပ်ပ္ဍဲသ္ၚိ[ပလေဝ်ဒါန် | ပလေဝ်ဒါန် တမ်ကၞက်]

  • သာဲလုပ်ဇူပ္ဍဲသ္ၚိမ္ဂး ပက်ကဵုဍာ်ညိ ဗၠးအန္တရာဲရ၊ ကၞုဲလုပ်ပ္ဍဲသ္ၚိမ္ဂး ကဵုသတ်ဝိညိ ဗၠးအန္တရာဲရ၊ စိၚ်လုပ်ပ္ဍဲသ္ၚိမ္ဂး ကဵုချောဲညိ ဗၠးအန္တရာဲရ၊ ၜိုၚ်ပှ်ဒြာဲမၚ် လုပ်ပ္ဍဲသ္ၚိမ္ဂး ကဵုသၠဆုချောဲညိ ဗၠးအန္တရာဲရ၊ ကၠ ကၠဵု ကၠန် ဗဂဲ ဇြုံ လုပ်ပ္ဍဲသ္ၚိမ္ဂး ကဵုဖျုန်ညိ ဗၠးအန္တရာဲရ၊ ပူ ပံက် ဂစေံ ကၠၚ်ဟိုက် ကၠိက်ဂြိုပ် လုပ်ပ္ဍဲသ္ၚိမ္ဂး ဂြာတ်ကဵုဩောံညိ ဗၠးအန္တရာဲရ၊ ကၟာတ်လုပ်ဍုန်ပ္ဍဲသ္ၚိမ္ဂး (ဥုံဖုဌဿ လောကဓမ္မေဟိစိတ္တံ ယဿန ကမ္ပတိ သောကံ) မန်ဍာ်ထပှ်လတုန်တုဲ ပက်ပတိုန်ဏာ လတူကၟဳစိၚ်ညိ ဗၠးအန္တရာဲရ။

ကိုန်ကၞအ်ဂြုန်[ပလေဝ်ဒါန် | ပလေဝ်ဒါန် တမ်ကၞက်]

  • သၟဝ်သ္ၚိ ကၞအ်ဂြုန်တိုန်စိုပ်ကၠုၚ်ကၞဳမ္ဂး ကြဴကြာတ်ပြံၚ်ကၠေံ ဌာန်တၞဟ်သ္အာၚ်ညိ နိမိတ်ဟွံခိုဟ်ရ၊ ဗၟံက်သ္ၚိ ကၞအ်ဂြုန်တိုန်မ္ဂး ဂွံဇၞးသတြုရ၊ ကလိဂွံလာပ်ဗဇဴရ၊ ဗွဲဒိုဟ်နေရတိ ကၞုဂြုန်တိုန်မ္ဂး က္တဵုဒှ်ယဲရ၊ ဗွဲဒိုဟ်သၠုၚ်ကျာသ္ၚိ ကၞုဂြုန်တိုန်မ္ဂး သ္ဂောံဒှ်သေဌဳရ၊ သမ္ဘာလေဝ်ဒးလီုလာ်ရ ညးမဟီုလဝ်၊ ဗွဲဒိုဟ်နေရတိ ကၞအ်ဂြုန်တိုန်မ္ဂး ပဒတဴပ္ဍဲသ္ၚိ ဟွံဂပ်ဝ်ရ၊ ဒြပ်ရတ်လာဲလေၚ်ရ၊ ဗွဲဒိုဟ်ပလိုတ်သ္ၚိ ကၞုဂြုန်တိုန်မ္ဂး ကောန်စဴ စေက် ဍိက်တြုံဍိက်ဗြဴ က္တဵုဒှ်ယဲရ၊ ဗွဲဒိုဟ်ဗာယပ် ကၞုဂြုန်တိုန်မ္ဂး ဒြပ်ရတ်ဂၠိုၚ်ရ၊ ဗွဲဒိုဟ်သၟဝ်ကျာသ္ၚိ ကၞုဂြုန်တိုန်မ္ဂး ကလိဂွံဩောံဂၠိုၚ်ရ ဗွဲဒိုဟ်ဨသာန် ကၞုဂြုန်တိုန်မ္ဂး သ္ဂောံဒုၚ်ပူဇဴရ။

ကိုန်ဗ္ဂဲလရိုအ်[ပလေဝ်ဒါန် | ပလေဝ်ဒါန် တမ်ကၞက်]

  • တ္ၚဲစေၚ် ဗဂဲလရိုအ်မ္ဂး တၠသ္ၚိဒှ်အမှုရ၊ သဝ်တ္ၚဲလရိုအ်မ္ဂး ကဵုသတိကဵုတၠသ္ၚိရ၊ ကလိဂွံဩောံရ၊ တ္ၚဲပၠိုတ်လရိုအ်မ္ဂး တၠသ္ၚိဒးဆဵုဘဲရ၊ တ္ၚဲဖလာၚ်ယး လရိုအ်မ္ဂး ဍိက်တြုံဍိက်ဗြဴ ဂြိပ်ဒဴရ၊ တ္ၚဲတိုန်တုဲလရိုအ် ဗဂဲမွဲကဵုမွဲ ကိတ်ဒၟံၚ်ကီုမ္ဂး ဒးဆဵုဘဲကမၠတ်ရ၊ ဗဂဲညးတၞဟ် လုပ်ဆၚ်ကောန်ပ္ဍဲသ္ၚိမ္ဂး ကလိဂွံဩောံရ၊ ဗဂဲညးတၞဟ် ဂိုၚ်နၚ်ကောန်ဍေံတုဲ လုပ်ပ္ဍဲသ္ၚိမ္ဂး သ္ဂောံဒှ်သေဌဳရ။

ကိုန်ဇြုံတိုန်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

  • ဇြုံတိုန်သ္ၚိ အောပ်ဒၟံၚ်ပ္ဍဲၝောံသ္ၚိမ္ဂး တၠသ္ၚိလီုလာ်ရ၊ ဇြုံဇာတ်တၚ် လုပ်အောပ်ဒၟံၚ်ပ္ဍဲသ္ၚိမ္ဂး က္တဵုဒှ်ယဲရ၊ ဇြုံဗၠောဝ် လုပ်အောပ်ဒၟံၚ်ပ္ဍဲသ္ၚိမ္ဂး ဒြပ်ရတ်လာဲလေၚ်ရ၊ ကၠန်တိုန်သ္ၚိဂှ် လ္ပဟီုဏီကၠာရ ဆၜိုတ်လုပ်နွံသၟဝ်သ္ၚိညိကဵုဒှ် တၠသ္ၚိဒးဆဵုကေတ်ဘဲဇၞော်ရ။
  • တ္ၚဲယိုက်မုက်ဇြုံတိုန်သ္ၚိမ္ဂး သ္ဂောံဒှ်သေဌဳရ၊ ယဝ်ရတက်ဂစိုတ်ဇြုံဂှ်မ္ဂး ဒြပ်ရတ်လာဲလေၚ်ရ၊ သဂါတ္ၚဲတိုန်မ္ဂး သ္ဂောံဒှ်ကလောရ၊ သဂါတ္ၚဲလောန်တိုန်မ္ဂး ကလိဂွံလာဘ်ရ၊ ဖလာၚ်ယးတိုန်မ္ဂး ပၟတ်တူရ၊ ဃောလာၚ်မုက်တိုန်မ္ဂး သ္ဂောံဒှ်တသိုက်ရ။

ကိုန်ဂစေံဍုန်[ပလေဝ်ဒါန် | ပလေဝ်ဒါန် တမ်ကၞက်]

  • လနေၚ်အသိမ် ဍုန်လ္တူသ္ၚိမ္ဂး တၠသ္ၚိလီုလာ်ရ၊ မြာ်ကြေဲပံက် ဍုန်လ္တူသ္ၚိမ္ဂး သ္ဂောံဒုၚ်ပူဇဴသၟိၚ်ရ၊ ကာပ်ကေဝ်တိုန်သ္ၚိမ္ဂး သ္ဂောံခိုဟ်စရ၊ ဂၠဴကၠိက်တိုန်သ္ၚိမ္ဂး ဒြပ်ရတ်ဂၠိုၚ်ရ၊ ဗ္ၜေံပြေၚ် တိုန်သ္ၚိမ္ဂး ဒှ်ဒဒိုက်ရ၊ ဂစေံတေဝ်တေတ် ဍုန်လ္တူသ္ၚိမ္ဂး တၠသ္ၚိလီုလာ်ရ၊ ပံက်ဍုန်လ္တူမၞိဟ်မ္ဂး သ္ဂောံဒှ်သေဌဳရ။
  • ခ္ဍာ်ဍုန်ပ္ဍဲရိၜိုက်မ္ဂး ညးဇၞော်တၠသ္ၚိလီုလာ်ရ၊ ခ္ဍာ်လုပ်သ္ၚိမဂး တၠသ္ၚိဒှ်ဒဒိုက်ရ၊ ပူလုပ်ဍုန်ပ္ဍဲဍာ်ဗြံက်မ္ဂး ကလိဂွံလာဘ်ရ၊ ပူဍုန်ဗၟံက်သ္ၚိမ္ဂး ဒြပ်ကၠေံရ၊ ဍုန်ဒိုဟ်အဂၞဲမ္ဂး က္တဵုဒှ်ယဲရ၊ ဍုန်ဒိုဟ်သၠုၚ်ကျာမ္ဂး မၞိဟ်ဇကုသ္ဍိုက်ဆာန်ချိုတ်ရ၊ ဍုန်ဒိုဟ်နေရတိမ္ဂး ကလိဂွံလာဘ်ရ၊ ဍုန်ဒိုဟ်ပလိုတ်မ္ဂး ဍိက်ချိုတ်ရ၊ ဍုန်ဒိုဟ်ဗာယပ်မ္ဂး ပြေၚ်ဂၠဴချိုတ်ရ၊ ဍုန်ဒိုဟ်သၟဝ်ကျာမ္ဂး တၠသ္ၚိလီုလာ်ရ၊ ဍုန်လ္တူကွဳစိၚ်မ္ဂး မိမကလောလီုလာ်ရ၊
  • လ္ပာ်ဒိုဟ်အဂၞဲ ပူဂြဴမွဲဝါမ္ဂး တၠသ္ၚိလ္ပတိတ်တရဴ ဒိုဟ်သၠုၚ်ကျာညိ၊ ဒှ်ဒဒိုက်ရ၊ ၜါဝါဂြဴမ္ဂး ဇၞးသတြုရ၊ ပိဝ်ဂြဴမ္ဂး ကလိဂွံလာဘ်ရ၊ ပန်ဝါ မသုန်ဝါ တြဴဝါဂြဴမ္ဂး ချပ်ကသပ်အံၚ်ရ၊ ထပှ်ဝါ ဒစာံဝါဂြဴမ္ဂး ဂုန်ဒုဟ်ဟၟဲရ။
  • ဃောကွာ်ဒၟံၚ်တရဴဂှ် ပံက်ပဝ်အာဂတမုက်ဇကုမ္ဂး ဟွံဒးဆဵုဘဲရ၊ ပဝ်စှ်ေအာလ္ပာ်ဒိုဟ်ပလိုတ်မ္ဂး ဂွံလာဘ်ရ၊ ပဝ်အာလ္ပာ်တဲပုၚ်မ္ဂး မၞိဟ်ဇကုဆာန်ဂှ် သ္ဂောံဆဵုရ၊ ပဝ်အာလ္ပာ်ပါဲမ္ဂး ဂွံမိၚ်ပရိုၚ်ခိုဟ်ရ။

ကိုန်ကၞိ-ဂစက်ဇြုံ-ဇာဖိုၚ်ဒတုံ[ပလေဝ်ဒါန် | ပလေဝ်ဒါန် တမ်ကၞက်]

  • တ္ၚဲစေၚ်လောန်တုဲ ကၞိ ဂစက် ဇြုံ ဇာဖိုၚ် ဒကုဲစာၚ် ဖရာပ် ဒတုံဂတမုက်ဇကုမ္ဂး ကလိဂွံလာဘ်ရ၊ လက်ကရဴဒတုံမ္ဂး ကမၠတ်ကၠတ်ရ၊ လ္ပာ်ပုၚ်ဒတုံမ္ဂး ဂွံစသွခိုဟ်ရ၊ လ္ပာ်ပါဲဒတုံမ္ဂး သ္ဂောံဆဵုဘဲရ။
  • ဂစက်ဒတုံလ္တူက္ဍိုပ် လ္တူပၞး လ္တူတဲမ္ဂး ဒးပြးသာဲနူကဵုမိမအ္စာရ၊ ကြဴကြာတ်က္ဍိုပ်ညိ၊ လ္တူမုက် ကတောဝ် ဒဳ ဒတုံစှ်ေမ္ဂး ဒှ်ဂွဵုဂွိုက်ရ၊ ဒတုံစှ်ေလ္တူစးမ္ဂး က္တဵုဒှ်ယဲရ၊ ဒတုံစှ်ေလ္တူဗုၚ်ဂၞဴမ္ဂး ဒးလီုလာ်ရ၊ ဒတုံစှ်ေဒဳပုၚ်မ္ဂး ဂတဏာမုခ် လ္ပာ်ဒိုဟ်သၠုၚ်ကျာမ္ဂး ဂွံလာဘ်ရ၊ ဒတုံစှ်ေဒဳပါဲမ္ဂး ဂွံဍိက်ရ၊ ဒတုံစှ်ေလ္တူမတ်စိၚ်မ္ဂး သ္ဂောံဒုၚ်ပူဇဴညးရ၊ ဒတုံစှ်ေလ္ပာ်စးဇိုၚ်ပါဲမ္ဂး ဒှ်သၞသတြုရ၊ ဒတုံစှ်ေလ္ပာ်စးဇိုၚ်ပုၚ်မ္ဂး ကလိဂွံဍိက်ဗြဴရ ဒတုံစှ်ေသၟန်ပါၚ်သၟဝ်မ္ဂး သမ္ဘာစိုတ်စၞာဲရ၊ ညးတၞဟ်သ္ဍိုက်ဆာန်ရ၊ ဒတုံစှ်ေဒးဂၞိၚ်မ္ဂး ဂွံဗွိုက်လလတက်ရ၊ ဒတုံလ္တူပံၚ်လုတ်မ္ဂး ဇွောံမဂၠိုၚ်ရ၊ ဒတုံလ္တူဩိုဟ်မ္ဂး ကလိဂွံလာဘ်ထဝ်ဩန်ရ၊ နူဌာန်တၞဟ်သ္အာၚ် ညးကၠုၚ်ကဵုလာဘ်ဂၠိက်ယာတ်ရ၊ ဒတုံစှ်ေပ္ဍဲတှ်မ္ဂး ကလိဂွံကောန်ဗြဴရ၊ ဒတုံစှ်ေလ္တူကအ်မ္ဂး ဂွံကျိုၚ်ကယျိုၚ်မထေက်ကဵုၚုဟ်မးရ၊ ဒတုံစှ်ေလ္တူက္ဍိုပ်မ္ဂး သ္ဂောံဒှ်သေဌဳရ။


  • (မွဲနဲပၠန်)


  • ဒတုံစှ်ေလ္တူက္ဍိုပ်မ္ဂး မိမ အ္စာ လီုလာ်ရ၊ ဒတုံစှ်ေလ္တူက္ဍဟ်မ္ဂး ဂိယဲရ၊ ဒတုံစှ်ေလ္တူစးမ္ဂး မိဿဟာဲလီုလာ်ရ၊ ဒတုံစှ်ေလ္ပာ်ပုၚ်မ္ဂး ကောဇၞော်လီုလာ်ရ၊ ဒတုံစှ်ေလ္ပာ်ပါဲမ္ဂး ဒေံလီုလာ်ရ၊ ဒတုံစှ်ေဒးဂၞိၚ်မ္ဂး ကယျိုၚ်ကယျဝ်ကၠေံရ၊ ကၠောဝ်ဗျဵုရ၊ ဒှ်သတြုရ၊ ဒတုံစှ်ေဒးဒဳပုၚ်မ္ဂး ကောန်တြုံလီုလာ်ရ၊ ဒတုံစှ်ေဒးဒဳပါဲမ္ဂး ဍိက်ကောန်စဴ လီုလာ်ရ၊ ဒတုံစှ်ေဒးတၚပ်က္ၜံၚ်မ္ဂး ဇၞးသတြုရ၊ ဒတုံစှ်ေဒးတၚပ်က္ၜံၚ်ပါဲမ္ဂး သၞသတြုဂြိပ်ဒဴရ၊ ဒတုံစှ်ေဒးမတ်စိၚ်ပါဲမ္ဂး ဍိက်ဗြဴဂြိပ်ဒဴရ၊ ဒတုံစှ်ေဒးစးဇိုၚ်ပါဲမ္ဂး ဍိက်ဗြဴ ပြေၚ်ဂၠဴဂြိပ်ဒဴရ၊ ဒးစးဇိုၚ်ပုၚ်မ္ဂး ဍိက်တြုံဂြိပ်ဒဴရ။

ကိိုန်ဂစက်ဂြိပ်တိုန်အာ[ပလေဝ်ဒါန် | ပလေဝ်ဒါန် တမ်ကၞက်]

  • ဒတုံစှ်ေတုဲ ဂြိပ်တိုန်အာစိုပ်စးဇိုၚ်မ္ဂး ကလိဂွံဍိက်ဗြဴရ၊ ဂွံဒုၚ်ပူဇဴညးရ၊ ဒတုံစှ်ေတုဲ ဂြိပ်တိုန်စိုပ်မတ်စိၚ်မ္ဂး ဍိက်ဒဴအာဂှ် ကလေၚ်စိုပ်ရ၊ တိုန်စိုပ်စးဇိုၚ်ပုၚ်မ္ဂး သမ္ဘာစိုတ်ဟွံတပ်ရ၊ တိုန်စိုပ်ဩိုဟ်မ္ဂး ကလိဂွံလာဘ်ရ၊ တိုန်စိုပ်ကအ်မ္ဂး ဂွံထဝ်ဩန်ရ၊ တိုန်စိုပ်ကၞေၚ်မ္ဂး အာယုက်ဂၠိၚ်ရ၊ တိုန်စိုပ်စးမ္ဂး သေဌဳတံပူဇဴဇကုရ၊ တိုန်စိုပ်ပၞးမ္ဂး ညးကၠုၚ်ကဵုလာဘ်ဂၠိက်ယာတ်ရ၊ တိုန်စိုပ်တမ်ကအ်မ္ဂး ကလိဂွံကယျိုၚ်က္ဍိုပ်ရ။

ကိုန်ဂစက်-ဂစေံ-ဂစောတ်[ပလေဝ်ဒါန် | ပလေဝ်ဒါန် တမ်ကၞက်]

  • ဗွဲဒိုဟ်ဗၟံက် ဂစေံစောတ်မ္ဂး သ္ဂောံဒၚ်ပူဇဴညးရ၊ ဗွဲဒိုဟ်အဂၞဲ ဂစေံစောတ်မ္ဂး ဒှ်သတြုရ၊ ပၟတ်တူလေဝ်ဂးရ၊ ဒိုဟ်သၠုၚ်ကျာ ဂစေံစောတ်မ္ဂး သ္ဂောံစသွမၞုံကဵုရှ်သာရ၊ ဒိုဟ်နေရတိ ဂစေံစောတ်မ္ဂး ပြေၚ်ဂၠဴဒှ်ဂွဵုဂွိုက်ရ၊ ဒိုဟ်ပလိုတ် ဂစေံစောတ်မ္ဂး ဂွံသမ္ဘာရ၊ ဒိုဟ်ဗာယပ် ဂစေံစောတ်မ္ဂး ဂွံပြေၚ်ဂၠဴရ၊ ဒိုဟ်သၟဝ်ကျာ ဂစေံစောတ်မ္ဂး ဂွံလာဘ်ရ၊ ဒိုဟ်ဨသာန် ဂစေံစောတ်မ္ဂး ကလိဂွံလာဘ်ပရဲရ၊ သၟဝ်ဇကုတိက် ဂစေံစောတ်မ္ဂး လီုလာ်ရ၊ လ္တူက္ဍိုပ် ဂစေံစောတ်မ္ဂး ဂွံလာဘ်ရ၊ ပ္ဍဲပါၚ်တြၚ် ဂစေံစောတ်မ္ဂး ဆဵုဘဲရ၊ ဍေံဂိုၚ်နၚ်စၞထောံတုဲ ဂြိပ်ဒဴအာမ္ဂး ၜိုန်ဒှ်မံၚ်သေဌဳကီုလေဝ် ဒိုက်ဝါတ်ရ။

ကိုန်ကၞိလရိုအ်-ကၞိဒတုံစှ်ေ[ပလေဝ်ဒါန် | ပလေဝ်ဒါန် တမ်ကၞက်]

  • ကၞိမွဲဃိုၚ်လဝ်စၞ လရိုအ်ဂြိပ်အာမ္ဂး ဒှ်ယဲရ၊ ပၟတ်တူလေဝ်ဂးရ၊ ဃိုၚ်လဝ်ကောန်တုဲ လရိုအ်ဂြိပ်အာမ္ဂး ဒးဒဒိုက်ရ၊ ဒတုံစှ်ေဒးဇကုကီု ဗၟံက်ဇကုလရိုအ်တိုန်ကီု၊ သ္ၚိဇကုဒှ်တိုန်ကျာ်ဩဳရ၊ ဂတမုက်သ္ၚိ လရိုအ်တိုန်မ္ဂး ဒးသာဲနူကဵုသ္ၚိရ၊ အောတ်အောတ်လရိုအ်မ္ဂး ညးကၠုၚ်ကဵုလာဘ်ရ၊ သိန်သိန်လရိုအ်မ္ဂး ဒးဆဵုဘဲရ၊ သုတ်သုတ်လရိုအ်မ္ဂး ရဲသၟိၚ်တံဒးဆဵုဘဲရ။
  • ကၞိုတုံစှ်ေဒးက္ဍိုပ်မ္ဂး ကလောဝံသ ဒးဘဲရ၊ ဒတုံစှ်ေလ္တူမုက်မ္ဂး ကောန်လီုလာ်ရ၊ ဒးဩိုဟ်မ္ဂး ဒှ်သၞသတြုရ၊ ဒးဗုၚ်ဂၞဴမ္ဂး ဒြပ်ရတ်ကၠေံရ၊ ကၠောဝ်ဗျဵုရ၊ ဒးတဲမ္ဂး ဂွံစစၞခိုဟ်ခိုဟ်ရ၊ ဒတုံစှ်ေဂတမုက်ဇကုမ္ဂး ဂွံလာဘ်ရ၊ လက်ကရဴဇကုမ္ဂး ပဟိုတ်ကဵုကလောဝံသတုဲ ဍာ်ရမတ်ဒးဓဇူရ၊ ညးစောဲအမှုကဵုဇကုရ၊ ဒတုံစှ်ေလ္ပာ်ပုၚ်မ္ဂး ဂွံလာဘ်ရ၊ လ္ပာ်ပါဲမ္ဂး ဒှ်သေက်ဇဵုရ။

ကိုန်ကၞိဂြိပ်တိုန်အာလတူဇကု[ပလေဝ်ဒါန် | ပလေဝ်ဒါန် တမ်ကၞက်]

  • ကၞိဂြိပ်တိုန်အာစိုပ်စးဇိုၚ်မ္ဂး ဂွံဍိက်ရ၊ စိုပ်တၚ်က္ၜံၚ်မ္ဂး သ္ဂောံဒုၚ်ပူဇဴညးရ၊ စိုပ်ဒဳမ္ဂး ဂွံလာဘ်ရ၊ စိုပ်ပံၚ်လုတ်မ္ဂး ကလိဂွံဂၠိက်ယာတ်ရ၊ စိုပ်ဗုၚ်ဂၞဴမ္ဂး ဂွံလာဘ်ဗွဲမဂၠိုၚ်ရ၊ စိုပ်တှ်မဂး ဂွံကောန်ဗြဴရ၊ စိုပ်ဩိုဟ်မ္ဂး ဂွံထဝ်ဩန်ရ၊ စိုပ်ကံမ္ဂး ချပ်ကသပ်အံၚ်ရ၊ စိုပ်က္ဍိုပ်မ္ဂး ဂွံဒြပ်ရ။

ကိုန်ကၞိကိတ်ဇကု[ပလေဝ်ဒါန် | ပလေဝ်ဒါန် တမ်ကၞက်]

ကၞိကိတ်တၞုၚ်ဇိုၚ်တၞုၚ်တဲမ္ဂး ကလိဂွံဍိက်ရ၊ ကိတ်ၝောံဇိုၚ်မ္ဂး ဂွံဒြပ်ရ၊ ကိတ်တၚ်က္ၜံၚ်မ္ဂး ယဲရ၊ ကိတ်တ္ၚပ်က္ၜံၚ်မ္ဂး လီုလာ်ရ၊ ကိတ်ဇိုၚ်တဲမ္ဂး ဂွံသ္ၚုဩောံရ၊ ကိတ်တမ်ကအ်မ္ဂး ဂွံဍိက်ရ၊ ကိတ်က္ဍိုပ်မ္ဂး ဂွံဒြပ်ရ၊ ကိတ်သ္ကဲပုၚ်မ္ဂး ဂွံလာဘ်ရ၊ ကိတ်သ္ကဲပါဲမ္ဂး လီုလာ်ရ၊ ညံၚ်ရဴဂွံဗၠးအန္တရာဲဂှ် ကေတ်ပၟတ်ပၞာၚ် က္ဍိုၚ်ဇၞောဝ်ဇဗၠုသွတ် ဒကတုဲ ပူဇဴပ္ဍဲကျာ်ညိ ဂွံဗၠးရ။

ကိုန်ကၞိကိတ်ဂၠိက်ယာတ်[ပလေဝ်ဒါန် | ပလေဝ်ဒါန် တမ်ကၞက်]

  • ကၞိကိတ်ဂၠိက်ယာတ် ဗၞဳအဝန်ခ္ဍမ်ဒၟံၚ်မ္ဂး ဂွံလာဘ်ရ၊ ဒဗ်ဒၟံၚ်ၜါကလၚ် ပိကလၚ်မ္ဂး သ္ဂောံဒှ်သေဌဳရ၊ ကိတ်မွဲပထောၚ်မ္ဂး ကလိဂွံထဝ်ဩန်ရ၊ ၜါပထောၚ်မ္ဂး ကလိဂွံလာဘ်ပရဲရ၊ ထပှ်ဒစာံပထောၚ်မ္ဂး သမ္ဘာလီုလာ်ရ၊ ဂွံဟီုဂလာန်ကဵုညးမသ္ဍိုက်ဆာန်လေဝ်ဂးရ၊ ကိတ်ဒစိတ်ပထောၚ်မ္ဂး မိမလီုလာ်ရ၊ စှ်ပထောၚ်မ္ဂး ဂွံရတ်ထပှ်သာ်ရ၊ စှ်မွဲ စှ်ၜါပထောၚ်မ္ဂး သ္ၚုဩောံဂၠိုၚ်ရ၊ စှ်ပိပထောၚ်ကိတ်မ္ဂး ဂွံဒုၚ်ပူဇဴသၟိၚ်ရ၊ ကၞိကိတ်အဒေါဝ်ဂၠိက်ယာတ်မ္ဂး လီုလာ်ရ၊ ဒှ်သၞသတြုကဵုညးရ၊ ဒြပ်ကၠေံရ၊ ကိတ်ခ္ဍမ်ဒၟံၚ်မ္ဂး ဂွံလာပ်ရ၊ ကိတ်လဝ်ဒှ်ဒၟံၚ်ညံၚ်ရဴတၞးဆုမ္ဂး ဂွံလာပ်ရ၊ ကိတ်လဝ်ညံၚ်ရဴထ္ၜံက်စိၚ်မ္ဂး ဂွံကောန်ရ၊ ကိတ်လဝ်ညံၚ်ရဴဇဵုတ္ၚမ္ဂး ဂွံသ္ၚိရ၊ ကိတ်လဝ်ညံၚ်ရဴဇန်မ္ဂး ဒးပြးသာဲနူကဵုမိဿဟာဲရ၊ ညဲၚ်ရဴခၟဴခ္ဍာ်မ္ဂး ဒးဘဲရ၊ ညံၚ်ရဴပ္ကဴဒကှ် ညးသ္ဍိုက်ဆာန်ရ၊ ကိတ်ဗအုံလဝ်မ္ဂး ဂွံကောန်ပရဲရ။

ကိုန်ကၞိဂြိပ်ဂွါန်တိုန်အာ[ပလေဝ်ဒါန် | ပလေဝ်ဒါန် တမ်ကၞက်]

  • ကၞိဂြိပ်အာလ္တူစးဇိုၚ်မ္ဂး ဂွံဒှ်သေဌဳရ၊ စိုပ်မတ်စိၚ်မ္ဂး ဂွံဍိက်ရ၊ စိုပ်က္ၜံၚ်မ္ဂး ဂွံဒုၚ်ပူဇဴညးရ၊ စိုပ်ဒဳမ္ဂး ဂွံလာပ်ရ၊ စိုပ်တဝ်သုက်မ္ဂး ဂွံဂၠိက်ယာတ်ရ၊ စိုပ်ဗုၚ်ဂၞဴမ္ဂး ဂွံလာပ်မဂၠိုၚ်ရ၊ စိုပ်တှ်မ္ဂး ဂွံကောန်ဝုတ်ရ၊ စိုပ်ဩိုဟ်စိုပ်ကံမ္ဂး အံၚ်ဇၞးရ၊ စိုပ်က္ဍိုပ်မ္ဂး ဂွံလာပ်ရ။

ကိုန််လွဳစာၚ်မၞုံကဵုမ္ၚဵု[ပလေဝ်ဒါန် | ပလေဝ်ဒါန် တမ်ကၞက်]

ယဝ်ရသၟိက်လွဳစာၚ်မ္ဂး စာၚ်မၞုံကဵုဩိုဟ်ဒက တသော်ဂၠိၚ် တၞုၚ်ဇိုၚ်ဗကေတ် စာၚ်မုခ်ဂၠိၚ် ပ္ဍဲမတ်မၞုံကဵုညံၚ်ရဴအိက်ရုဲ၊ ခၟဴကေက်၊ တၞုၚ်ဂၞဲဗုဒၟံၚ်၊ က္တဵုနူဂယးဖဒတ်ဒၟံၚ်၊ တီကေတ်အခိၚ်ပိပြကာတုဲ ဂြဴဒၟံၚ်၊ ဣဝွံ ဂကူစာၚ်မဟီုကၠုၚ်တုဲတေံ ယဝ်ရလွဳပရာမ္ဂး စိၚ်ချေံပြေၚ်ဂၠဴ သ္ၚုဩောံ ဒြပ်ရတ်ဂၠိုၚ်ရ။

ကိုန်ကၠဵုတိုန်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

  • ကၠဵုမွဲ နူဒိုဟ်သၟဝ်ကျာ တိုန်စိုပ်အာလ္တူကွဳစိၚ်တုဲ စွံဏာမုက် လ္ပာ်ဒိုဟ်သၟဝ်ကျာပၠန်တုဲ ကျူဒၟံၚ်မ္ဂး ကလိဂွံဒြပ်ရတ်ဒယှ်တှ်ရ၊ စွံဏာမုက်လ္ပာ်ဒိုဟ်ပလိုတ်မ္ဂး ဂွံဒှ်သေဌဳရ၊ စွံဏာမုက်လ္ပာ်ဒိုဟ်ဗၟံက်မ္ဂး တၠသ္ၚိလီုလာ်ရ၊ ကဵုဒါန်ညိ ဗၠးအန္တရာဲရ၊ ကၠဵုဇကုကီု ကၠဵုညးတၞဟ်ကီု တိုန်စအသုဘလ္တူသ္ၚိတုဲ အာထောံမ္ဂး တၠသ္ၚိဒှ်သေဌဳရ။

ကိုန်ကၠဵုအာပဿဴ[ပလေဝ်ဒါန် | ပလေဝ်ဒါန် တမ်ကၞက်]

  • ကၠဵုအာစုတ်ပဿဴ ပ္ဍဲခရော်သၠိုၚ်ဩန် ဗျာတ်ထးမ္ဂး တၠသ္ၚိဒြပ်ရတ်လီုလာ်ရ၊ လ္တူဇိုၚ်ပုၚ် ကၠဵုအာစုတ်ပဿဴမ္ဂး ဒှ်သၞသတြုကဵုညးတၞဟ်ရ၊ အာစုတ်ပဿဴဇိုၚ်ပါဲမ္ဂး ဒှ်သၞသတြုကဵုပူဂဵုသမၠီုရ။

ကိုန်ကၠဵုသၠးကောန်[ပလေဝ်ဒါန် | ပလေဝ်ဒါန် တမ်ကၞက်]

  • ပွိုၚ်မွဲသၞာံ သၠးကောန်ၜါဝါပိဝါမ္ဂး ဍုၚ်ကွာန်လ္ၚုသုန်ဂြာံရ၊ သၠးတိတ်ကောန်ကၠဵုမွဲဓဝ်မ္ဂး တၠကၠဵုတွဳဝါရ လီုလာ်ရ၊ ကၠဵုညးတၞဟ်ကဵုဒှ် ကၠဵုဇကုကဵုဒှ် လုပ်ဆၚ်ကောန်ပ္ဍဲသ္ၚိမ္ဂး ဂွံလာပ်ရ၊ ဗွဲကြဴလီုလာ်ရ၊ ကၠဵုဂမၠိုၚ် ပလံၚ်စွံလဝ်ပ္ဍဲဘာညိ၊ တၞုၚ်ကၟေၚ်သ္ၚိ ယဝ်ဆၚ်မ္ဂး ကၟုဲကၠုၚ်ဂၠိုၚ်ရ၊ တၠသ္ၚိလီုလာ်ရ၊ လုပ်ဆၚ်က္ဍိုပ်သတိက်မ္ဂး ကြဴကြာတ်က္ဍိုပ်ညိ၊ ဆၚ်တံဇိုၚ်ကောန်ဇာတ် ဍိက်လီုလာ်ရ၊ ဆၚ်တမ်ဒယိုၚ်ကလော်မ္ဂး ညးမတုပ်ကဵုဇကုချိုတ်ရ၊ ဆၚ်လ္တူကွဳမ္ဂး တြုံကဵုဗြဴ ဒှ်ဂွဵုဂွိုက်ရ၊ ဆၚ်ပ္ဍဲဖဴမ္ဂး ဂွံလာပ်ထဝ်ဩန် ကောန်ဇာတ် ဍိက်ရ၊ ဆၚ်သၟဝ်တမ်ဇိုၚ်တၞိန်မ္ဂး ဗ္စဖျူၚ်ဖျုၚ်ဍေံကဵုဖဲညိ၊ ဒြပ်ရတ်ထဝ်ဩန်လုပ်ဂၠိုၚ်ရ။

ကိုန်ကၠဵုမလုပ်ခိုဟ်စ[ပလေဝ်ဒါန် | ပလေဝ်ဒါန် တမ်ကၞက်]

  • ယဝ်ရလွဳကၠဵု မၞုံဇကုသာ်ဗု ဇိုၚ်လမ်စံက်မ္ဂး ဂွံလာပ်ထဝ်ဩန်ရ၊ မၞုံဇကုသာ်ဗကေတ် ဇိုၚ်ဗု ခၟဴဗု ဗ္တဗု တၞုၚ်ဇိုၚ်ၜါစှော်မ္ဂး ကၠဵုပရဲရ၊ ကလိဂွံလာပ်ထဝ်ဩန်ရ၊ ကၠဵုကတောဝ်ဂၠိၚ် ဗ္တညံၚ်ရဴဗက မတ်ညံၚ်ရဴပ္ကဴစာၚ် မတ်ညံၚ်ရဴပ္ကဴစာၚ် ဇကု ဗ္တဍံက်ဒဝါန်ဒၟံၚ်မ္ဂး ဒှ်ကၠဵုပရဲရ။

ကိုန်ဂၠုၚ်ဇိုၚ်တၞိန်တ္ၚဓာတ်မၞုံကဵုမတ်[ပလေဝ်ဒါန် | ပလေဝ်ဒါန် တမ်ကၞက်]

  • ပ္ဍဲဂၠုၚ်ဇိုၚ်တၞိန်တ္ၚ ဇံၚ်ခါတ်တံဝွံ ၜတ်ဇမၠိၚ်တုဲ ဝးဖ္ဍပ်ကေတ်စှ်ဖ္ဍဝ်တုဲ ပ္ဍဲအထမဖ္ဍဝ် မတ်နွံမ္ဂး သ္ဂောံဒုၚ်ပူဇဴသၟိၚ်ရ၊ ဒုတိယဖ္ဍပ်မတ်နွံမ္ဂး ညးတၞဟ်သ္အာၚ် သ္ဍိုက်ဆာန်ဇကုရ၊ တတိယဖ္ဍပ်မတ်နွံမ္ဂး ဍိုက်ပေၚ်ကဵုပုၚ်သွ စၞအာဟာရရ၊ စတုတ္ထဖ္ဍပ်မတ်နွံမ္ဂး သမ္ဘာလီုလာ်ရ၊ ဆဌမဖ္ဍပ် ကလိဂွံတိဗ္ၚကၠံသွဝ် ပြေၚ်ဂၠဴရ၊ သတ္တမဖ္ဍပ်မတ်နွံမ္ဂး ကလိဂွံသမ္ဘာဍောတ်ဍောတ်ရ၊ အဌမဖ္ဍပ်မတ်နွံမ္ဂး ဒှ်သၞသတြုကဵုညးတၞဟ်တုဲ လီုလာ်ရ၊ နဝမဖ္ဍပ်မတ်နွံမ္ဂး ကလိဂွံဒြပ်ရတ်ထဝ်ဩန် တိဗ္ၚကၠံသွဝ်ရ၊ ဒသမဖ္ဍပ်မတ်နွံမ္ဂး သ္ဂောံဒုၚ််ပူဇဴညးဂမၠိုၚ်ရအိုဿီုရ။

ကိုန်တ္ၚဲကဵုဒြပ် ဒလေံဒြပ် ဟွံဂပ်ဝ်သ္ပ[ပလေဝ်ဒါန် | ပလေဝ်ဒါန် တမ်ကၞက်]

  • တ္ၚဲအဒိုတ် ကဵုဂၠိက်ယာတ် ဒလေံဂၠိက်ယာတ် ဟွံခိုဟ်၊ တ္ၚဲစန် ကဵုဒလေံကယျိုၚ်ကယျဝ် ဟွံခိုဟ်၊ ယဝ်ရကဵုဒး ဒလေံဒးမ္ဂး ပြေၚ်ဂၠဴလီုလာ်ရ၊ တ္ၚဲအၚာ မူရဴဝတ္ထုမွဲ ကဵုဒလေံဟွံခိုဟ်၊ တ္ၚဲဗုဒ္ဓဝါ ကဵုဩောံဟွံခိုဟ်၊ တ္ၚဲဗြဴဗတိ ထဝ်ဩန်ကဵုဟွံခိုဟ်၊ ဒလေံဟွံခိုဟ်၊ တ္ၚဲသိုက် ပြေၚ်ဂၠဴကဵုဒလေံဟွံခိုဟ်၊ တ္ၚဲသ္ၚိသဝ် မပ္တံဍိက် မူရဴဝတ္ထုမွဲဟွံဟီု ကဵုဒလေံဟွံခိုဟ်။

ကိုန်တၞံဆုတိုန်[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲလ္တူသ္ၚိကီု ဗ္ဒါဲဇရေၚ်သ္ၚိကီု တၞံဇြဲ တၞံကြေၚ် တၞံပ္ကဴ ထိုက်ဂၞုတိုန်မ္ဂး သၞိၚ်ဍေံဂှ် လ္ပကဵုဓလီုသ္ၚိညိ၊ ပလီုထောံညိ၊ ယဝ်ရသၞိၚ်ဍေံ ဓလီုဒးသ္ၚိမ္ဂး တၠသ္ၚိလီုလာ်ရ။

  • မွဲနဲပၠန် ။ ။ ဗၟံက်သ္ၚိတၞံဇြဲ သၠုၚ်ကျာသ္ၚိတၞံဗြာတ် ပလိုတ်သ္ၚိတၞံကြိက် သၟဝ်ကျာသ္ၚိတၞံဝိ ဟဂပ်ဝ်တဵုရ။
  • မွဲနဲပၠန် ။ ။ ဗၟံက်သ္ၚိတၞံမၚ်ဂၠန် ဟွံခိုဟ်၊ ပြေၚ်ဂၠဴပၠန် စွံဟွံခိုဟ်၊ ဇိုၚ်တၞိန်ပၠန် ပလိုတ်သ္ၚိ စွံဟွံခိုဟ်၊ ဩောံဟၚ်စာတ်ပၠန် သၠုၚ်ကျာသ္ၚိ စွံဟွံခိုဟ်၊ လ္တူကောန်ဇာတ်သမ္ဘာ ဍိက်တြုံဍိက်ဗြဴပၠန် ဒဵုကဵုဆီတိတ်် ၜုၚ်တက်ဟွံခိုဟ်ရ၊ ပြေၚ်ဂၠဴစိၚ်ချေံ မၞုံကဵုမတ်မကၠက်ဒၟံၚ်တံဂှ်လေဝ် စကာဟွံခိုဟ် ဍိုက်ဟွံခိုဟ်ရ၊ ဝေၚ်ပါဲကၠေံညိ၊ ယဝ်ရဟွံဝေၚ်ပါဲမ္ဂး ဂၠာဲပကောံဒြပ်ရတ်ဟွံဒှ်ရ၊ ဒးလီုလာ် ဒှ်ဒဒိုခ်ရ။

ကိုန်ပ္ဍဲသ္ၚိမၞိဟ်ချိုတ် ဒှ်သၞသတြုဟွံခိုဟ်[ပလေဝ်ဒါန် | ပလေဝ်ဒါန် တမ်ကၞက်]

ပ္ဍဲကဵုသ္ၚိမၞိဟ်ချိုတ် ဃောဇွနွံဒၟံၚ်ဂှ် ကယျာန်ဒဝါတ်သေက်ဇဵု ဟဂပ်ဝ်ရ၊ ယဝ်ရကယျာန်ဒဝါတ်သေက်ဇဵုမ္ဂး ဘုတ် ပြိုတ် ကလော် လကိုဟ်ရပ်စဒှ်ဂွံရ၊ တၠသ္ၚိလေဝ် က္တဵုဒှ်ဓဝ်စံၚ်တူပူမှ် လီုလာ်ဒှ်ဂွံရ၊ ဃောဇွနွံဒၟံၚ်ဂှ် ယဝ်ရကယျာန်ဒဝါတ်သေက်ဇဵုဒးမ္ဂး တ္ၚဲစေၚ်လောန်တုဲ ဇွဂှ်ပ္တိတ်ဏာသုသာန်တေံ စံၚ်တိုပ်ဂြဇုတ်ထောံညိ။

ကိုန်ဇိၚ်ဂၠိက်ယာတ်[ပလေဝ်ဒါန် | ပလေဝ်ဒါန် တမ်ကၞက်]

  • မွဲမံက်ဇိၚ်ဂၠိက်ယာတ်မ္ဂး မုက်မတ်ရာၚ်ဆာဲရ၊ သ္ဂောံဒုၚ်လ္ၚောဝ်ညးတၞဟ်ရ၊ ၜါမံက်ဇိၚ်ဂၠိက်ယာတ်မ္ဂး အာယုက်ဂၠိၚ်ရ၊ ကလိဂွံလာပ်ရ၊ ပိမံက်ဇိၚ်မ္ဂး ဂွံသမ္ဘာရ၊ ဂွံဒြပ်ရ၊ ပန်မံက်ဇိၚ်မ္ဂး ဂွံလာပ်ရ၊ မသုန်မံက်ဇိၚ်မ္ဂး စၞအာဟာရဂၠိုၚ်ရ၊ တြဴမံက်ဇိၚ်မ္ဂး ကၠောဝ်ဗျဵုရ၊ ထပှ်မံက်ဇိၚ်မ္ဂး ဂွံဒြပ်ရ၊ ဒစာံမံက်ဇိၚ်မ္ဂး ပၟတ်တူရ၊ ဒစိတ်မံက်ဇိၚ်မ္ဂး က္တဵုဒှ်ယဲရ၊ စှ်မံက်ဇိၚ်မ္ဂး ဂွံလာပ်ရ၊ စှ်မွဲမံက်ဇိၚ်မ္ဂး စိုတ်ဒးစံၚ်တူရ၊ စှ်ၜါမံက်ဇိၚ်မ္ဂး ဂွံဒှ်တသိုက်ရ၊ စှ်ပိမံက်ဇိၚ်မ္ဂး ဒးဘဲရ၊ စှ်ပန်မံက်ဇိၚ်မ္ဂး ဒှ်တသိုက်ရ၊ စှ်သုန်မံက်ဇိၚ်မ္ဂး ဒှ်ယဲရ။
  • မွဲစွေက်ဇိၚ်ဂၠိက်ယာတ်မ္ဂး ဒှ်ယဲရ၊ ၜါစွေက်လီုလာ်ရ၊ ပိစွေက် ညးတၞဟ်ပ္ဍဵုပ္ဍိုက်ဇကုရ၊ ပန်စွေက် ကလောကောဒေံ ဟွံခိုဟ်ရ၊ မသုန်စွေက် ကလိဂွံယာတ်တၟိရ၊ တြဴစွေက် ဂွံလာပ်ရ၊ ထပှ်စွေက် ဂွံဒြပ်ရ၊ ဒစာံစွေက် ဂွံဍိက်ရ၊ ဒစိတ်စွေက်ဇိၚ်မ္ဂး ကလိဂွံလာပ်ပရဲရ၊ စှ်စွေက် ကၞိကိတ်ရ၊ စှ်မွဲစွေက် လီုလာ်ရ၊ စှ်ၜါစွေက် ဂွံဒြပ်ရ၊ စှ်ပိစွေက် လီုလာ်ရ၊ စှ်ပန်စွေက်ဇိၚ်မ္ဂး ဖေက်လကိုတ်ရ၊ စှ်သုန်စွေက် ကသပ်အိုဿီု ဍိုက်ပေၚ်ရ၊ ဂွံဒြပ်ရ၊ ဒှ်တသိုက်ရ။

ကိုန်တၞုၚ်တဲကဴ[ပလေဝ်ဒါန် | ပလေဝ်ဒါန် တမ်ကၞက်]

  • လပုဟ်တဲခ္ဍဲကဴမ္ဂး ဒှ်ဝဳဝဲကဵုအ္စာရ၊ တဲအဒေါဝ်ကဴမ္ဂး ညးကၠုၚ်ကဵုလာပ်ရ၊ ၝောံတဲကဴမ္ဂး အံၚ်ဇၞးအိုဿီုရ၊ သ္ကေမ်တဲကဴမ္ဂး ကလိဂွံပြေၚ်ဂၠဴ ဍိက်တြုံဍိက်ဗြဴရ၊ စၞောန်တဲကဴမ္ဂး သ္ဂောံဒုၚ်ပူဇဴသၟိၚ်တံရ။

ကိုန်နိမိတ်ဂစေံၜံက်ဆုလရိုအ်[ပလေဝ်ဒါန် | ပလေဝ်ဒါန် တမ်ကၞက်]

  • ယြဴညးမွဲ ဃောကွာ်ဂၠံၚ်တရဴဂှ် ဂစေမ်ၜံက်ဆု လရိုအ်ဂတမုခ်ဇကုမ္ဂး ညးဇကုမသ္ဍိုက်ဆာန်ချိုတ်ရ၊ ကလိဂွံလာပ်လေဝ်ဟီုရ၊ လရိုအ်ကၠုၚ်ဗွဲဒိုဟ်အဂၞဲမ္ဂး ဂွံဆဵုမိမအ္စာရ၊ လရိုအ်ကၠုၚ်လ္ပာ်ဒိုဟ်သၠုၚ်ကျာမ္ဂး ဂွံစစၞခိုဟ်ရ၊ လရိုအ်ကၠုၚ်လ္ပာ်တဲပုၚ်မ္ဂး သ္ဂောံဆဵုကေတ်မိဿဟာဲသ္ဍိုက်ဆာန်ရ၊ လရိုအ်ကၠုၚ်လက်ကရဴဇကုမ္ဂး ကလိဂွံဂၠိက်ယာတ်မပြဲရ။

ကိုန်နိမိတ်ပှ်လရိုအ်[ပလေဝ်ဒါန် | ပလေဝ်ဒါန် တမ်ကၞက်]

  • ယြဴညးမွဲ ဃောကွာ်ဂၠံၚ်တရဴဂှ် ပှ်လရိုအ်ဂတမုခ်ဇကုမ္ဂး ညးဇကုမသ္ဍိုက်ဆာန်ချိုတ်ရ၊ ကလိဂွံလာပ်လေဝ်ဟီုရ၊ လရိုအ်ကၠုၚ်ဗွဲဒိုဟ်အဂၞဲမ္ဂး ဂွံဆဵုမိမအ္စာရ၊ လရိုအ်ကၠုၚ်လ္ပာ်ဒိုဟ်သၠုၚ်ကျာမ္ဂး ဂွံစစၞခိုဟ်ရ၊ လရိုအ်ကၠုၚ်လ္ပာ်တဲပုၚ်မ္ဂး သ္ဂောံဆဵုကေတ်မိဿဟာဲသ္ဍိုက်ဆာန်ရ၊ လရိုအ်ကၠုၚ်လက်ကရဴဇကုမ္ဂး ကလိဂွံဂၠိက်ယာတ်မပြဲရ။

ကိုန်နိမိတ်ဂစေံအကၠဟ်[ပလေဝ်ဒါန် | ပလေဝ်ဒါန် တမ်ကၞက်]

  • ဃောကွာ်အာဂၠံၚ်တရဴဂှ် သ္ဂောံဆဵုကေတ်ဂစေံအကၠဟ် ဗၠိုပ်မံက်တိုန်နူကဵုဍာ်မ္ဂး ဒးဂိယဲရ၊ သၟိၚ်မၞုံစိုတ်ယုတ်မာဂှ် သ္ဂောံဆဵုကေတ်ရ၊ လက်ကရဴဇကုဗၠိုပ်မံက်တိုန်မ္ဂး သ္ဂောံဆဵုကေတ်မိဿဟာဲပြဲသၠုၚ်ရ၊ လ္ပာ်တဲပုၚ်ဇကု ဂစေံအကၠဟ် ဗၠိုပ်စှ်ေအာမ္ဂး ဂွံခိုဟ်စရ၊ လ္ပာ်တဲပါဲ ဗၠိုပ်စှ်ေအာမ္ဂး စိုတ်ဒှ်ၜါလွးရောၚ်။

ကိုန်နိမိတ်ကျာံ ကဗံၚ်ဗှ်[ပလေဝ်ဒါန် | ပလေဝ်ဒါန် တမ်ကၞက်]

  • ဃောတိတ်တရဴ ဍိုက်အာဂၠုၚ်က္ၜၚ်ဂှ် ဂတမုက်ဇကု ကျာံ ကဗံၚ်ဗှ်မံက်ဂတဝ်တိုန်မ္ဂး လ္ပအာညိ၊ ဒေါံမံၚ်ညိကၠာ၊ ယဝ်ရသၟိက်အာမ္ဂး ဂတးထောံက္ဍိုပ်သၞေဝ်တုဲအာညိ၊ လက်ကရဴဇကုမံက်ဂတဝ်တိုန်မ္ဂး အာညိ ဂွံခိုဟ်စရ၊ ဂွံလာပ်ဇၞော်ရ၊ ကျာံနွံဒၟံၚ်လ္တူသၚ်လ္ပာ်တဲပုၚ်မ္ဂး ကလိဂွံလာပ်မပြဲရ၊ ပ္ဍဲဇိုၚ်သၚ် ညံၚ်ရဴတကံနတ်မ္ဂး လ္ပအာညိ ဆဵုဘဲရ၊ လ္ပာ်တဲပုၚ်မံက်တိုန်မ္ဂး အာညိ ညးဇကုမသ္ဍိုက်ဆာန်ဂှ် သ္ဂောံဆဵုရ၊ လ္ပာ်တဲပါဲမံက်တိုန်မ္ဂး ဒေါံကၠာညိ ယဝ်ရဟွံဒေါံမ္ဂး ဂွံဆဵုသၞသတြုရ၊ နူကဵုလ္ပာ်ပုၚ် ၜိၚ်အာလ္ပာ်ပါဲမ္ဂး အာဟွံခိုဟ်ရ၊ နူကဵုလ္ပာ်ပါဲ ၜိၚ်အာလ္ပာ်ပုၚ်မ္ဂး ဇၞးသၞသတြုရ၊ ကလိဂွံလာပ်ပရဲရ၊ လ္တူသၚ်ဗ္တဳ မံက်ဟာလဝ်ပါၚ် သ္ဂောံဆဵုကေတ်မ္ဂး ကလိဂွံလာပ်ရ၊ ကျာံလရိုအ်မိၚ်မ္ဂး ဝေၚ်ပါဲညိ၊ ယဝ်ရဟွံဝေၚ်ပါဲမ္ဂး ဒးဆဵုဘဲရ။

ကိုန်နိမိတ်ကဒံၚ်[ပလေဝ်ဒါန် | ပလေဝ်ဒါန် တမ်ကၞက်]

  • ဃောအာတဝ်စၞေဟ်ပၞာန်ကီု ဃောကူဗၞိက်သွံရာန်ကီု၊ ကဒံၚ်တိုန်ပိပန်ဝါမ္ဂး ကလိဂွံလာပ်ရ၊ အံၚ်ဇၞးသၞသတြုရ၊ ဂတမုက်ဇကု ကဒံၚ်တိုန်မ္ဂး ကလိဂွံလာပ်ရ၊ ဗၟံက်ဇကု ကဒံၚ်တိုန်မ္ဂး ကူဗၞိက်ဟွံခိုဟ်ရ၊ ၜိုန်ဆဵုသၞကီုလေဝ် ဟွံအံၚ်ဇၞးရ၊ ၜိုန်ကလေၚ်စဴကၠုၚ်ကီုလေဝ် သၞသတြုဗက်ကၠုၚ်ရ၊ ဟွံဂစိုတ်ဍေံတုဲ ၜိုန်ဝေၚ်ပါဲတိတ်အာကီုလေဝ် ဒးဟီုဂလာန်ညးမွဲကဵုမွဲ ဇၞော်ကဵုဒြဟတ်ရ၊ ပ္ဍဲလ္တူက္ဍိုပ်ဂၠုၚ် ကဒံၚ်တိုန်မ္ဂး လာပ်ကလိဂွံလဝ်တုဲဂှ် ဒးဗိုတ်ကၠဟ်ထောံရ၊ ညးမွဲကဵုမွဲ ဒးဟီုဂလာန် ဇၞော်ကဵုဒြဟတ်ရ၊ လက်ကရဴဂၠုၚ် ကဒံၚ်တိုန်မ္ဂး သ္ဂောံဆဵုကေတ် ညးမသ္ဍိုက်ဆာန်ရ၊ ကလိဂွံလာပ်ရ၊ လ္ပာ်တဲပုၚ် ကဒံၚ်တိုန်မ္ဂး ကလိဂွံလာပ်ရ၊ လ္ပာ်တဲပါဲ ကဒံၚ်တိုန်မ္ဂး သ္ဂောံဆဵုကေတ်သၞသတြုရ။

ကိုန်နိမိတ်သၚ်ၜဳလာ်[ပလေဝ်ဒါန် | ပလေဝ်ဒါန် တမ်ကၞက်]

  • ဃောကွာ်တရဴ ဍိုက်အာဂၠုၚ်ကီု ဃောကွာ်အာလ္တူဒဵုကီု၊ စိုပ်သၟန်ဩၚ်ၜဳမ္ဂး ဂတမုက်ဇကု ဩၚ်ၜဳလာ်စှ်ေမ္ဂး ညးမၞုံကဵုဣဓိဒးဆဵုဘဲရ၊ လက်ကရဴဇကု ဩၚ်ၜဳလာ်မ္ဂး ဒးဆဵုဘဲသၟိၚ်ရ၊ လ္ပာ်တဲပုၚ်ဩၚ်ၜဳလာ်စှ်ေမ္ဂး ကလိဂွံလာပ်ရ၊ လ္ပာ်တဲပါဲဩၚ်ၜဳလာ်စှ်ေမ္ဂး က္တဵုဒှ်ယဲရ။

ကိုန်ကွာ်တရဴ[ပလေဝ်ဒါန် | ပလေဝ်ဒါန် တမ်ကၞက်]

  • ယြဴညးမွဲ တိတ်အာနူသ္ၚိတုဲ ဃောကွာ်တရဴဂှ် ဂတမုက်ဇကု သ္ဂောံဆဵုညးအာဒၟံၚ်အာတရဴဇၞော်မ္ဂး ကလိဂွံစၞအာဟာရဘောဇိုန်ရ၊ ဃောဇကုဇူဒၟံၚ် ပ္ဍဲသၟဝ်တၞံဆုဂှ် ကၞာၚ်ဆုသၞေက်ကဝ်စှ်ေမ္ဂး ကလောဝံသချိုတ်ရ၊ ကၞာၚ်ဆုကှ်ကှ်ကဝ်စှ်ေမ္ဂး ပၞောဝ်ကဵုကလောဂမၠိုၚ် ကလောဇၞော်အိုတ်ဂှ် ဒးချိုတ်ရ၊ လ္တူဇကုသၠဆုဍုက်ဍုက် ပြဟ်ဒတုံစှ်ေမ္ဂး သၞသတြုဍဵုဍိုက်ရ၊ လက်ကရဴဇကု သၠဆုဍုက်ဍုက် ကဝ်ဒတုံစှ်ေမ္ဂး ကၠာတ္ၚဲဟွံပၠိုတ် ဒးဆဵုဘဲရ၊ လ္ပာ်တဲပါဲ သၠဆုဍုက်ဍုက်ကဝ်စှ်ေမ္ဂး ကလိဂွံလာပ်ရ။

ကိုန်နိမိတ်ပ္တိုဟ်တိုန်[ပလေဝ်ဒါန် | ပလေဝ်ဒါန် တမ်ကၞက်]

  • သၟဝ်သ္ၚိ ပတိုဟ်တိုန်မ္ဂး ကဵုဒါန်ပ္ဍဲဌာန်ရတ်ပိပြကာညိ၊ ပူဇဴဒေဝတဴညိ၊ ဖ္ဍောတ်ဓရ်မ္ၚဵုညိ၊ ဍာ်မ္ၚဵုဂှ် စုတ်မိတ်ကပေါဝ်တုဲ ကြဴကြာတ်က္ဍိုပ်ညိ၊ ဘဲဂမၠိုၚ်လာဲလေၚ်ရ၊ ဂွံဒှ်တသိုက်ရ၊ ယဝ်ရဟွံဒှ်သာ်ဂှ်မ္ဂး ထောံကၠေံသ္ၚိတုဲ အာထောံညိ၊ ဗၠးအန္တရာဲရ။

ကိုန်ရေက်သၞေံဇိုၚ်တဲ[ပလေဝ်ဒါန် | ပလေဝ်ဒါန် တမ်ကၞက်]

  • တ္ၚဲအဒိုတ် ရေက်သၞေမ်ဇိုၚ်တဲမ္ဂး ဒြပ်ရတ်ကၠေံရ၊ တ္ၚဲစန် ရေက်သၞေမ်ဇိုၚ်တဲမ္ဂး ကလိဂွံဒြပ်ရတ်ရ၊ တ္ၚဲအၚာ ရေက်သၞေမ်ဇိုၚ်တဲမ္ဂး အာယုက်ဂၠိၚ်ရ၊ တ္ၚဲသ္ၚိသဝ် ရေက်သၞေမ်ဇိုၚ်တဲမ္ဂး ဇၞးအမှုအိုဿီုရ။

ကိုန်ကြာတ်က္ဍိုပ်[ပလေဝ်ဒါန် | ပလေဝ်ဒါန် တမ်ကၞက်]

  • ဂိတုစဲၜါမံက် ကြဴကြာတ်က္ဍိုပ်မ္ဂး ယဲဘဲလာဲလေၚ်ရ၊ ဒဵုကဵုဗျု ဂွံဒှ်တသိုက်ရ၊ ဂိတုပသာ် ၜါမံက်ပိမံက် ကြဴကြာတ်က္ဍိုပ်မ္ဂး ဘဲဂမၠိုၚ်အိုဿီု လာဲလေၚ်ရ၊ ဂိတုဇှ်ေပိမံက် ကြဴကြာတ်က္ဍိုပ်မ္ဂး အာယုက်ဂၠိၚ်ရ၊ ဂိတုဒ္ဂိုန်ပိမံက် တြဴမံက် ထပှ်မံက် ဒစာံမံက် ကြဴကြာတ်က္ဍိုပ်မ္ဂး အာယုက်ဂၠိၚ်ရ၊ သ္ဂောံဒှ်တသိုက်ရ၊ ပညာဇၞော်ရ၊ ဂိတုခ္ဍဲသဳၜါမံက် ပိမံက် မသုန်မံက် ထပှ်မံက် ကြဴကြာတ်က္ဍိုပ်မ္ဂး ဒေဝတဴတံသ္ဍိုက်ဆာန်ရ၊ ဂိတုဘတ်ပိမံက် ပန်မံက် မသုန်မံက် ကြဴကြာတ်က္ဍိုပ်မ္ဂး အာယုက်ဂၠိၚ်ရ၊ ဂိတုဝှ်ပိမံက် ပန်မံက် မသုန်မံက် တြဴမံက် ကြဴကြာတ်က္ဍိုပ်မ္ဂး ဗၠးယဲဘဲရ၊ ဂိတုကထိုန်ၜါမံက် ပိမံက် ပန်မံက် မသုန်မံက် တြဴမံက် ကြဴကြာတ်က္ဍိုပ်မ္ဂး ဂွံဒှ်ဇၞော်ညးရ၊ ဂိတုမြေက္ကသဵုပိမံက် မသုန်မံက် တြဴမံက် ဒစိတ်မံက် ကြဴကြာတ်က္ဍိုပ်မ္ဂး အာယုက်ဂၠိၚ်ရ၊ ဒြပ်ရတ်ဂၠိုၚ်ရ၊ ပညာဇၞော်ရ၊ ဂိတုပုဟ်ပန်မံက် တြဴမံက် ထပှ်မံက် ဒစိတ်မံက် ကြဴကြာတ်က္ဍိုပ်မ္ဂး ဣဓိဇၞော်ရ၊ ဒြပ်ရတ်ဂၠိုၚ်ရ၊ ဂိတုမာ်ပိမံက် တြဴမံက် ထပှ်မံက် ကြဴကြာတ်က္ဍိုပ်မ္ဂး ပညာဇၞော်မောဝ်ရ၊ ချပ်ကသပ်အံၚ်ရ၊ ဂိတုဖဝ်ရဂိုန် မသုန်မံက် တြဴမံက် ဒစာံမံက် ကြဴကြာတ်က္ဍိုပ်မ္ဂး အာယုက်ဂၠိၚ်ရ၊ ကလိဂွံဒြပ်ရတ်ထဝ်ဩန်ရ။

ကိုန်ဒတုံစှ်ေၜါသာ် စှ်ၜါရာသဳ[ပလေဝ်ဒါန် | ပလေဝ်ဒါန် တမ်ကၞက်]

  • တန်အာယုက် စကဵု-၁၂ မုက်ဂၞန်သှ်ေဂှ် ဗှ်ကေတ်ဗွဲလၟေၚ်သၟဝ်တေံညိ


  • သှ်ေ-၁ဒတုံပ္ဍဲတၞံဇြဲဗောဓိမ္ဂး . . .

(၁) ယြဴပူဂဵုမွဲ ယဝ်ရဒတုံပ္ဍဲတၞံဇြဲဗောဓိကဵုပၞၚ်ရတ်မ္ဂး ကလိဂွံလာပ်ဇၞော်ကဵုဒြဟတ်ရ၊ ယဝ်ရဒှ်ကောန်သၟိၚ်မ္ဂး ကလိဂွံနန်ရ၊ သၟိၚ်တၠ ကလောကောဒေံဂမၠိုၚ် ယိုက်ဒိုခ်ထံက်ပၚ်ရ၊ ကလိဂွံက္ဍိုၚ်မြ၊ ကလိဂွံထိုၚ်လေဝ်ဒှ်ရ၊ ယဝ်ရဒှ်ဒၟံၚ်ဗၠာဲမ္ဂး သၟတ်ဝုတ်ကညာ မၞုံကဵုဂကူပရဲ ညးဒးပလံၚ်နၚ် နူကဵုဒိုဟ်ပလိုတ် ဒိုဟ်သၟဝ်ကျာ မမိက်ကဵုမွဲမွဲရ၊ ယဝ်ဒှ်မၞိဟ်ဗြဴမ္ဂး ညာဏ်ကညာဇၞော်ကဵုဒြဟတ်ရ၊ ကလိဂွံဒြပ်ရတ် နူကဵုဒိုဟ်နေရတိရ၊ ဒှ်ဂဗုတ်ကဵုမၞိဟ်တ္ၚဲအၚာကဵု မၞိဟ်တ္ၚဲဗုဒ္ဓဝါရ၊ ဝေၚ်ပါဲကၠေံညိ၊ ဟွံဒှ်တသိုက်က္ဍၚ်ရ၊ ဝေၚ်ပါဲမ္ဂး ခိုဟ်ရ။


  • သှ်ေ-၂ဒတုံပ္ဍဲနာ်စမ္ပေယျမ္ဂး . . .

(၂) ယြဴပူဂဵုမွဲ ယဝ်ရဒတုံပ္ဍဲနာ်စမ္ပေယျမ္ဂး ဃောမၚ်ဒၟံၚ်သဳ ပ္ဍဲဍုၚ်လိုက်ဂှ် လၟာဲရပ်ကၠေၚ်ဒက်ဂွံတုဲ သွက်ကလိဂွံဩန်ထဝ် ဖအောဝ်ကဵုလှ်ေရ၊ ၜိုန်သာ်ဂှ်ကီုလေဝ် ဒေါသစိုတ်ဟွံက္တဵုဒှ် အေၚ်ဒုၚ်ဓရ်ခန္တဳရ၊ နွံကာလနွဲတ္ၚဲ ဃောလှ်ေဒၟံၚ်ဂတမုက် သၟိၚ်ဍုၚ်ဗာရာဏသဳဂှ် ဂၞကျာ်ဗြဴနာ် ဗက်တိုန်ကၠုၚ်နူကဵုဍုၚ်နာ် စိုပ်ကၠုၚ်ပ္ဍဲနန် သၟိၚ်နာ်ဃောလှ်ေဒၟံၚ်ဂှ် သ္ဂောံဆဵုကေတ်ဂၞကျာ်ဇကု ဂွတိုန်ပ္ဍဲစိုတ် ဍာ်ရမတ်ဒတုံတုဲ လုပ်အာပ္ဍဲကလာရ၊ ကာလဂှ် ဂၞကျာ်ဗြဴနာ် ဟီုလဴကဵုပရောဒဒှ်ကဵုသၟိၚ်ရ၊ သၟိၚ်ဂွံမိၚ်ကေတ် ဆာန်ဍူဗွဲမလောန်တုဲ ရာန်ကေတ်နူကဵုတဲလၟာဲ ဖအပ်ကဵုဗြဴနာ် စှ်ေအာဍုၚ်နာ်တေံ ဒှ်တဴတသိုက်ရ။

  • ပူဂဵုဝွံ ဗွဲကိုပ်ကၠာ ဒှ်ဒဒိုက်၊ ဗွဲကြဴဒှ်တသိုက်ဇၞော်ကဵုဒြဟတ် ညံၚ်ရဴသၟိၚ်နာ်ကီုရ၊ ယဝ်ရဒှ်ဒၟံၚ်ရဲသၟိၚ်တံမ္ဂး အယျာတိုန်ရ၊ ဍိုက်ပေၚ်ကဵုဍိက်တြုံ ဍိက်ဗြဴရ၊ ယဝ်ရဒှ်ဒၟံၚ်ဗၠာံမ္ဂး ဝုတ်ကညာမၞုံကဵုသာ်ဗ္တာၚ် အိက်ရုဲမၞုံဒၟံၚ်ပ္ဍဲကၞိၚ် လ္ပာ်ပုၚ်၊ နူကဵုဒိုဟ်သၠုၚ်ကျာ ကလိဂွံနၚ်ရ၊ မၞိဟ်မၞုံဒၟံၚ်လ္ပာ်ဒိုဟ်အဂၞဲ မၞုံကဵုမတ်ဒၠန် ပါၚ်ထဍမ် ဒှ်ဒၟံၚ်မတ်စာၚ် သ္ပဟိုတ်ကဵု ကၠေၚ် မြေက် သ္ၚု ၜဵုတုဲ ဒှ်အမှုဂွံရ၊ မၞိဟ်နူကဵုဒိုဟ်သၟဝ်ကျာ လုပ်တိတ်ဒၟံၚ်ပ္ဍဲသ္ၚိဇကုဂှ် ဝေၚ်ပါဲကၠေံညိ၊ ယဝ်ရသမ္ဘာကၠေံ ပြေၚ် ဂၠဴ စိၚ် ချေံကၠေံမ္ဂး နွံဒၟံၚ်ဒိုဟ်ပလိုတ်ရ၊ ထပှ်တ္ၚဲဂတနူဏံ ကလိဂွံလာပ်ဒှ်ရ၊ ချပ်ကသပ်လံအာခိုဟ်အာရောၚ်။


  • သှ်ေ-၃ကိုန်မဟာဇနက်က္ၜၚ်ဗြမ်မ္ဂး . . .

(၃) ယြဴပူဂဵုမွဲ ယဝ်ကိုန်ဒတုံပ္ဍဲမဟာဇနက်ဗြမ်က္ၜၚ်မ္ဂး ဒှ်အမှုဂွံရ၊ ကူဗၞိက်သွံရာန် ဟွံဒးသၞောတ်ရ၊ ပဂုဏ်ကဵုညး ဟွံဒှ်ဂုဏ်ရ၊ ယိုက်ဗ္ဒက်ရဲသၟိၚ်တံ ဟွံခိုဟ်ရ၊ က္တဵုဒှ်ယဲဝေဒနာတံမ္ဂး ချိုတ်ဒှ်ဂွံဒၟံၚ်ရ၊ ဒြပ်ကၠေံရ၊ က္တဵုဒှ်ဓရ်သောကပရိဒေဝရ၊ မၞိဟ်ဇကုသ္ဍိုက်ဆာန်ဂှ် ဒးပြးသာဲရ၊ နာံအၚာကဵုသိုက် တိတ်နူဇကုရ၊ ဒြပ်ရတ် ထဝ် ဩန် ပြေၚ်ဂၠဴကၠေံမ္ဂး ဟွံကလိဂွံရ၊ ပံၚ်ဖက်ကဵုမၞိဟ်တ္ၚဲသ္ၚိသဝ်ညိ၊ ပုၚ်ကလောံလၟိဟ်အာယုက်ဇကုကေတ် ပ္ကဴတရဴဍောၚ် ပၞာၚ်ပၞိက် ကွာၚ်ၜဲယိုဟ်ၜန်ကၠောန်ကေတ်တုဲ လ္ပာ်ဒိုဟ်သၟဝ်ကျာ ယဝ်ရဂွံဖာပ်ဗစထောံမ္ဂး အန္တရာဲလာဲလေၚ်ရ။


  • သှ်ေ-၄ဒတုံပ္ဍဲနုၚ်ထဝ်မ္ဂး . . .

(၄) ယြဴပူဂဵုမွဲ ယဝ်ရကိုန်ဒတုံပ္ဍဲနုၚ်ထဝ်မ္ဂး ဒယှ်ပြကတ်ရ၊ မူရဴကိစ္စမွဲမွဲက္တဵုဒှ်မ္ဂး လ္ပဖေက်ညိ၊ ဂွံဇၞးဍာံဍာံရ၊ ယဝ်ရကူဗၞိက်သွံရာန်မ္ဂး ဂွံဒှ်သေဌဳရ၊ ယဝ်ရဒှ်ကောန်ပၞာန်မ္ဂး ဂွံဒှ်သ္ကိုပ်ပၞာန်ရ၊ ယဝ်ရဒှ်ဒၟံၚ်ကောန်သၟိၚ်မ္ဂး ဂွံဒှ်ဨကရာဇ်ရ၊ ချပ်ကသပ်အံၚ် ဇၟာပ်အရာအိုဿီုရ၊ လ္တူကောန်ဇာတ်သမ္ဘာ စွံစိုတ်ကဵုခိုဟ်ညိ၊ ယဝ်ရစွံစိုန်ဟွံခိုဟ်မ္ဂး ညံၚ်ရဴအမာတ်ဝိဓူရ ဒးဘဲပုဏ္ဏက ဒှ်ဂွံဒၟံၚ်ရ၊ ယဝ်ရဒြပ်ရတ်ထဝ်ဩန်ပြေၚ်ဂၠဴကၠေံအာမ္ဂး ညးဒးပလံၚ်နၚ် ဒဵုကဵုစိုပ်သ္ၚိရ၊ လ္တူမိမအ္စာ ကလောဝံသဂမၠိုၚ် မၞုံစိုတ်ရှ်ေသှ်ေရဴဂဴညိ၊ မၞိဟ်တ္ၚဲအဒိုတ်ကဵုတ္ၚဲဗုဒ္ဓဝါဂွံဆိုက်ဗ္ဒက်သၞေံသၞဴမ္ဂး ဂွံခိုဟ်စရောၚ်။


  • သှ်ေ-၅ဒတုံအ္စာခါဲသိုက်မ္ဂး . . .

(၅) ယြဴပူဂဵုမွဲ ယဝ်ရဒတုံ ပ္ဍဲအ္စာခါဲသိုက်မ္ဂး ၜိုန်ဂၠာဲဒြပ်ကီုလေဝ် ဟွံဒှ်ဒြပ်ရ၊ ဒးပြံၚ်ဒၞာဲ ဒးသာဲနူကဵုဍုၚ်ကွာန်ရ၊ ကၠောန်ကာပၠန်လေဝ် ဆၜိုတ်မဇ္ၛီုရ၊ ယဲဘဲဒှ်ဂွံရ၊ ဒှ်အမှုဂွံရ၊ ညံၚ်ရဴဂွံဗၠးအန္တရာဲဂှ် ဗဝ်သၟုတ်ပုၚ်ပ္ဍဲကျာ်ညိ၊ မၞိဟ်တ္ၚဲဗုဒ္ဓဝါကဵုမၞိဟ်တ္ၚဲသိုက်ပံၚ်ဖက်ဆိုက်ဗ္ဒက်ညိ၊ မၞိဟ်တ္ၚဲဗြဴဗတိကဵုမၞိဟ်တ္ၚဲသ္ၚိသဝ်ဝေၚ်ပါဲမ္ဂး ခိုဟ်ရ၊ ဩန်ထဝ်ဟလေံလဝ်ညးတုဲ ၜိုန်အာတ်ကီုလေဝ် သွက်ဂွံကလေၚ်ဂွံပၠန်ဂှ် ဝါတ်ဂါတ်ကွေံရ၊ တြုံတၠသ္ၚိ သမ္ဘာလီုလာ်ရ၊ ညးဂြိုဟ်ကဵုဇကုဂှ်လေဝ် နွံဂၠိုၚ်ဒၟံၚ်တုဲ ဆိုက်ဗ္ဒက်ကဵုဌာန်ရတ်ပိပြကာလၟိုန်ညိ။


  • သှ်ေ-၆ဒတုံပ္ဍဲအရုတ်သံက်အလာံမ္ဂး . . .

(၆) ယြဴပူဂဵုမွဲ ယဝ်ရကိုန်ဒတုံ ပ္ဍဲအရုတ်သံက်အလာံမ္ဂး သ္ပဟိုတ်ကဵုဒြပ်ရတ်ထဝ်ဩန်တုဲ ဒှ်အမှုဂွံရ၊ ဒြပ်ရတ်ၜိုန်ရပၞုက်စွံလဝ် ပ္ဍဲဗုၚ်ဂၞဴကီုလေဝ် ညးကၠတ်ဂၠံက်ဏာ ဂွံမာန်ရ၊ ဒးလီုလာ်ရ၊ မၞိဟ်တ္ၚဲဗုဒ္ဓဝါကဵုမၞိဟ်တ္ၚဲသိုက်ဂှ် ယဝ်ရဝေၚ်ပါဲကၠေံမ္ဂး ဂွံဒှ်တသိုက်ရ၊ မၞိဟ်တ္ၚဲသ္ၚိသဝ်ကဵုမၞိဟ်တ္ၚဲဗြဴဗတိပံၚ်ဖက်မ္ဂး ခိုဟ်ရ၊ ဒိုဟ်သၠုၚ်ကျာကဵုဒိုဟ်သၟဝ်ကျာၜါဂှ် လ္ပကွာ်တိတ်တရဴညိဏီ၊ သ္ပဟိုတ်ကဵုကောန်ဇာတ်သမ္ဘာတုဲ ဒှ်ဒဒိုက်စိုတ်ဂွံရ။


  • သှ်ေ-၇ဒတုံပ္ဍဲက္ဍိုၚ်ဗ္တာၚ်မ္ဂး . . .

(၇) ယြဴပူဂဵုမွဲ ယဝ်ရကိုန်ဒတုံ ပ္ဍဲက္ဍိုၚ်ဗ္တာၚ်မ္ဂး ညံၚ်ရဴသၟိၚ်စက္ကဝဝ် ပိုၚ်ပြဳလဝ်သီုတ္ကံပန် မုက်မတ်ရာၚ်ဆာဲကွေံရ၊ ပိုန်ဟာန်ဒြပ်ရတ်က္တဵုဒှ်ရ၊ ညးတၞဟ်သ္အာၚ် ဒးကၠုၚ်ခကွာဲ သဳကၠဳတံဇိုၚ်ဇကုရ၊ အရာမချပ်ဏာ ကသပ်အံၚ်ရ၊ သမ္ဘာနူကဵုဒိုဟ်အၚာဂှ် ညးဒးပလံၚ်နၚ်ရ၊ အန္တရာဲအိုဿီု သ္ဂောံလာဲလေၚ်ရ၊ အံၚ်ဇၞးသတြုရ၊ ညးတၞဟ်သ္အာၚ် ဗိုၚ်ရီုဗၚ်ထံက်ပၚ်တုဲ ဒှ်သၟိၚ်ဂွံရ။


  • သှ်ေ-၈ဒတုံပ္ဍဲရုပ်ကမၠတ်မ္ဂး . . .

(၈) ယြဴပူဂဵုမွဲ ယဝ်ရကိုန်ဒတုံ ပ္ဍဲရုပ်ကမၠတ်မ္ဂး ၜိုန်ရပ္ကောံဒြပ်ရတ်ကီုလေဝ် ဟွံဒှ်ရ၊ ညံၚ်ရဴမကြေဟ် ထောံဖျေံပ္ဍဲၜဳကီုရ၊ သ္ပဟိုတ်ကဵုကမၠတ်ကၠတ်တုဲ ဒးလီုလာ် လာဲလေၚ်တုဲ ဍာ်ရမတ်ဒးဒဇူရ၊ ဒှ်ဓဝ်စံၚ်တူ သောကပရိဒေဝရ၊ ၜိုန်ဒှ်အမှုကီုလေဝ် ဒးကျရ၊ ဒးအဆုက်ထံၚ်ဒှ်ဂွံရ၊ ယဝ်က္တဵုဒှ်ယဲဝေဒနာမ္ဂး ကဵုဒါန်သ္ၚာ ပူဇဴပုၚ်သၟုတ် ပၟတ်ပၞာၚ်သ္ဍဴလၟိဟ်အာယုက်တုဲ အန္တရာဲလာဲလေၚ်ရ၊ မၞိဟ်ဗြဴမၞုံကဵုယဲဒိုက်ဂှ် လ္ပဒုၚ်တဲညိ၊ က္ဍိုၚ်ဇၞောဝ်လၟိဟ်အာယုက် ထံက်ဇြဲ လးဒဒန် ဗလးကမ္ဂး ခိုဟ်သန်ရ၊ ဍောၚ်ဓရ်သဳလပၠန်လေဝ် မၚ်မွဲလဝ်ကဵုဗိုန်ညိ။


  • သှ်ေ-၉ဒတုံပ္ဍဲရုပ်အ္စာသဝ်မ္ဂး . . .

(၉) ယြဴပူဂဵုမွဲ ယဝ်ရကိုန်ဒတုံပ္ဍဲရုပ်အ္စာသဝ်မ္ဂး စိုတ်သၠုၚ်တုဲ ဒးကြအ်ဆီရ၊ ၜိုန်ညးတၞဟ်သ္အာၚ် ဟီုခိုဟ်ကီုလေဝ် ဟွံဒးကတောဝ်ရ၊ ကတဵုဒှ်ယဲဂွံရ၊ ဒိုဟ်ဗၟံက် ယဝ်ရကၠောန်စကမၠောန်မ္ဂး ကလိဂွံလာပ်ရ၊ ဒိုဟ်သ္ၚိသဝ်မွဲ ဝေၚ်ပါဲကၠေံညိ၊ ပြေၚ်ဂၠဴကၠေံတုဲ ကလိဂွံဂှ် ဇြိုၚ်သန်ကွေံရ၊ ဒးပြးသာဲနူကဵုသမ္ဘာဒှ်ဂွံရ၊ နူဂယးပြဟ် ပူဇဴပၟတ်သ္ဍဴလၟိဟ်အာယုက်ညိ ဂွံခိုဟ်စရ။


  • သှ်ေ-၁၀ဒတုံပ္ဍဲရုပ်သၟိၚ်ရာဟုမ္ဂး . . .

(၁၀) ယြဴပူဂဵုမွဲ ယဝ်ရကိုန်ဒတုံ ပ္ဍဲရုပ်သၟိၚ်ရာဟုမ္ဂး ဒးပြးဆာဲသာဲနူကဵုသ္ၚိရ၊ က္တဵုဒှ်ဓဝ်စံၚ်တူ ပူမှ်ရ၊ ယဲကျာလေဝ်ဒှ်ရ၊ ဟုံဍာ်လေဝ်မှာဂွံရ၊ စစၞလေဝ်မှာဂွံရ၊ ကူဗၞိက်သွံရာန်ပၠန် ဒးအလီဂွံရ၊ ယဝ်ရဆိုက်ဗ္ဒက် ကျာ်ဓရ်သၚ်မ္ဂး အန္တရာဲလာဲလေၚ်ရ၊ ပြေၚ်ဂၠဴကၠေံမ္ဂး ကလိဂွံပၠန်ဂှ် လံကွေံရ၊ ယဝ်ရဒှ်အမှုမ္ဂး ဒြပ်ရတ်လာဲလေၚ် ဒးကျရ၊ ပူဇဴက္ဍိုၚ်ဇၞောဝ် ပၟတ်ပၞာၚ်သ္ဍဴ ဗွဲဒိုဟ်ရာဟုညိ၊ ဂွံခိုဟ်စရောၚ်။


  • သှ်ေ-၁၁ဒတုံပ္ဍဲနုၚ်ဩန်မ္ဂး . . .

(၁၁) ယြဴပူဂဵုမွဲ ယဝ်ရကိုန်ဒတုံ ပ္ဍဲနုၚ်ဩန်မ္ဂး ဒှ်ဇၞော်ညးတုဲ မုက်မတ်ရာၚ်ဆာဲရ၊ ကတ်ကွတ်ပညာအံၚ်ဇၞးရ၊ ရဲသၟိၚ်တံဒးရီုဗၚ်ထံက်ပၚ်ရ၊ ကူဗၞိက်သွံရာန်လေဝ်ခိုဟ်ရ၊ သမ္ဘာမၞုံကဵုစိုတ်စရိုတ်တပ်တးဂှ် ကလိဂွံရ၊ ယဝ်ရပံၚ်ဖက်ကဵု နာံအၚာကဵုနာံဗြဴဗတိမ္ဂး အံၚ်ဇၞးအမှုရ၊ ယဝ်ရပံၚ်ဖက်ကဵု နာံအဒိုတ်ကဵုနာံစန်မ္ဂး ဒးလီုလာ်ရ၊ ဝေၚ်ပါဲကၠေံညိ။


  • သှ်ေ-၀ဒတုံပ္ဍဲမၞိဟ်ဒးကၠေၚ်မ္ဂး . . .

(၁၂) ယြဴပူဂဵုမွဲ ယဝ်ရကိုန်ဒတုံ ပ္ဍဲကိုန်မၞိဟ်ဒးကၠေၚ်မ္ဂး ုးဆဵုဘဲဇၞော်ကဵုဒြဟတ် ဒှ်ဂွံရ၊ ဒှ်အမှု စိုပ်ရုၚ်သၟိၚ်တံ ဒှ်ဂွံရ၊ က္တဵုဒှ်ယဲဝေဒနာတုဲ ၜိုန်ကော်နၚ်အ္စာသဝ်ဂၠိုၚ်ကီုလေဝ် လွဳပရာဝါတ်ဂါတ်ကွေံရ၊ မၞိဟ်နူကဵုဒိုဟ်ဗၟံက် ကၠတ်ဒြပ်ဇကုဒှ်ဂွံရ၊ နာံဗုဒ္ဓဝါကဵုနာံသ္ၚိသဝ် ယဝ်ရရီုဗၚ်ဇကုမ္ဂး ဂွံဗၠးအန္တရာဲရ၊ ပြေၚ်ဂၠဴကၠေံတုဲ ဟွံကလိဂွံရ၊ ပူဇဴက္ဍိုၚ်ဇၞောဝ် ပၞာၚ်သ္ဍဴပ္ဍဲကျာ်မ္ဂး ခိုဟ်သန်ရ။


  • ကိုန်စှ်ၜါရာသဳ တုဲဆဝွံရ။

ကိုန်နကျတ်ဂိတုစှ်ၜါ[ပလေဝ်ဒါန် | ပလေဝ်ဒါန် တမ်ကၞက်]

  • (ဂိတုဖဝ်ရဂိုန်)
  • ဖဝ်ရဂိုန် ၁ မံက် ။ နက်သတ် ၂၂ - ယးမတ်မွဲ ဒိုဟ်မၞိဟ် ။
  • ဖဝ်ရဂိုန် ၂ မံက် ။ နက်သတ် ၂၃ - ယးမတ်မွဲ ဒိုဟ်ဒေဝတဴ ။
  • ဖဝ်ရဂိုန် ၃ မံက် ။ နက်သတ် ၂၄ - ယးမတ်ၜါ ဒိုဟ်ကလော် ။
  • ဖဝ်ရဂိုန် ၄ မံက် ။ နက်သတ် ၂၅ - ဂၠုမတ်ၜါ ဒိုဟ်မၞိဟ် ။
  • ဖဝ်ရဂိုန် ၅ မံက် ။ နက်သတ် ၂၆ - ယးမတ်ၜါ ဒိုဟ်ဒေဝတဴ ။
  • ဖဝ်ရဂိုန် ၆ မံက် ။ နက်သတ် ၂၇ - ယးမတ်ၜါ ဒိုဟ်ကလော် ။
  • ဖဝ်ရဂိုန် ၇ မံက် ။ နက်သတ် ၁ - ယးမတ်ၜါ မၞိဟ် ။
  • ဖဝ်ရဂိုန် ၈ မံက် ။ နက်သတ် ၂ - ယးမတ်ၜါ ဒေတတဴ ။
  • ဖဝ်ရဂိုန် ၉ မံက် ။ နက်သတ် ၃ - ဂၠုမတ်ၜါ ကလော် ။
  • ဖဝ်ရဂိုန် ၁၀ မံက် ။ နက်သတ် ၄ - ဂၠုမတ်ၜါ မၞိဟ် ။
  • ဖဝ်ရဂိုန် ၁၁ မံက် ။ နက်သတ် ၅ - ဂၠုမတ်မွဲ ဒေဝတဴ ။
  • ဖဝ်ရဂိုန် ၁၂ မံက် ။ နက်သတ် ၆ - ဂၠုမတ်မွဲ ကလော် ။
  • ဖဝ်ရဂိုန် ၁၃ မံက် ။ နက်သတ် ၇ - ဂၠုမတ်ၜါ မၞိဟ် ။
  • ဖဝ်ရဂိုန် ၁၄ မံက် ။ နက်သတ် ၈ - ယးမတ်ၜါ ဒေဝတဴ ။
  • ဖဝ်ရဂိုန် ၁၅ မံက် ။ နက်သတ် ၉ - ယးမတ်ၜါ ကလော် ။
  • ဖဝ်ရဂိုန် ၁ စွေက် ။ နက်သတ် ၁၀ - ယးမတ်ၜါ မၞိဟ် ။
  • ဖဝ်ရဂိုန် ၂ စွေက် ။ နက်သတ် ၁၁ - ယးမတ်ၜါ ဒေဝတဴ ။
  • ဖဝ်ရဂိုန် ၃ စွေက် ။ နက်သတ် ၁၂ - ဂၠုမတ်ၜါ ကလော် ။
  • ဖဝ်ရဂိုန် ၄ စွေက် ။ နက်သတ် ၁၃ - ဂၠုမတ်မွဲ မၞိဟ် ။
  • ဖဝ်ရဂိုန် ၅ စွေက် ။ နက်သတ် ၁၄ - ဂၠုမတ်မွဲ ဒေဝတဴ ။
  • ဖဝ်ရဂိုန် ၆ စွေက် ။ နက်သတ် ၁၅ - ဂၠုမတ်မွဲ ကလော် ။
  • ဖဝ်ရဂိုန် ၇ စွေက် ။ နက်သတ် ၁၆ - ဂၠုမတ်ၜါ မၞိဟ် ။
  • ဖဝ်ရဂိုန် ၈ စွေက် ။ နက်သတ် ၁၇ - ယးမတ်ၜါ ဒေဝတဴ ။
  • ဖဝ်ရဂိုန် ၉ စွေက် ။ နက်သတ် ၁၈ - ယးမတ်ၜါ ကလော် ။
  • ဖဝ်ရဂိုန် ၁၀ စွေက် ။ နက်သတ် ၁၉ - ယးမတ်ၜါ မၞိဟ် ။
  • ဖဝ်ရဂိုန် ၁၁ စွေက် ။ နက်သတ် ၂၀ - ယးမတ်ၜါ ဒေဝတဴ ။
  • ဖဝ်ရဂိုန် ၁၂ စွေက် ။ နက်သတ် ၂၁ - ဂၠုမတ်ၜါ ကလော် ။
  • ဖဝ်ရဂိုန် ၁၃ စွေက် ။ နက်သတ် ၂၂ - ဂၠုမတ်မွဲ မၞိဟ် ။
  • ဖဝ်ရဂိုန် ၁၄ စွေက် ။ နက်သတ် ၂၃ - ဂၠုမတ်မွဲ ဒေဝတဴ ။
  • ဖဝ်ရဂိုန် ၁၅ စွေက် ။ နက်သတ် ၂၄ - ဂၠုမတ်မွဲ ကလော် ။


  • (ဂိတုစဲ)
  • ဂိတုစဲ ၁ မံက် ။ နက်သတ် ၂၅ - ဂၠုမတ်ၜါ မၞိဟ် ။
  • ဂိတုစဲ ၂ မံက် ။ နက်သတ် ၂၆ - ယးမတ်ၜါ ဒေဝတဴ ။
  • ဂိတုစဲ ၃ မံက် ။ နက်သတ် ၂၇ - ယးမတ်ၜါ ကလော် ။
  • ဂိတုစဲ ၄ မံက် ။ နက်သတ် ၁ - ယးမတ်ၜါ မၞိဟ် ။
  • ဂိတုစဲ ၅ မံက် ။ နက်သတ် ၂ - ယးမတ်ၜါ ဒေဝတဴ ။
  • ဂိတုစဲ ၆ မံက် ။ နက်သတ် ၃ - ဂၠုမတ်ၜါ ကလော် ။
  • ဂိတုစဲ ၇ မံက် ။ နက်သတ် ၄ - ဂၠုမတ်မွဲ မၞိဟ် ။
  • ဂိတုစဲ ၈ မံက် ။ နက်သတ် ၅ - ဂၠုမတ်မွဲ ဒေဝတဴ ။
  • ဂိတုစဲ ၉ မံက် ။ နက်သတ် ၆ - ဂၠုမတ်ၜါ ကလော် ။
  • ဂိတုစဲ ၁၀ မံက် ။ နက်သတ် ၇ - ဂၠုမတ်ၜါ မၞိဟ် ။
  • ဂိတုစဲ ၁၁ မံက် ။ နက်သတ် ၈ - ယးမတ်ၜါ ဒေဝတဴ ။
  • ဂိတုစဲ ၁၂ မံက် ။ နက်သတ် ၉ - ယးမတ်ၜါ ကလော် ။
  • ဂိတုစဲ ၁၃ မံက် ။ နက်သတ် ၁၀ - ယးမတ်ၜါ မၞိဟ် ။
  • ဂိတုစဲ ၁၄ မံက် ။ နက်သတ် ၁၁ - ယးမတ်ၜါ ဒေဝတဴ ။
  • ဂိတုစဲ ၁၅ မံက် ။ နက်သတ် ၁၂ - ဂၠုမတ်ၜါ ကလော် ။
  • ဂိတုစဲ ၁ စွေက် ။ နက်သတ် ၁၃ - ဂၠုမတ်ၜါ မၞိဟ် ။
  • ဂိတုစဲ ၂ စွေက် ။ နက်သတ် ၁၄ - ဂၠုမတ်မွဲ ဒေဝတဴ ။
  • ဂိတုစဲ ၃ စွေက် ။ နက်သတ် ၁၅ - ဂၠုမတ်မွဲ ကလော် ။
  • ဂိတုစဲ ၄ စွေက် ။ နက်သတ် ၁၆ - ဂၠုမတ်ၜါ မၞိဟ် ။
  • ဂိတုစဲ ၅ စွေက် ။ နက်သတ် ၁၇ - ယးမတ်ၜါ ဒေဝတဴ ။
  • ဂိတုစဲ ၆ စွေက် ။ နက်သတ် ၁၈ - ယးမတ်ၜါ ကလော် ။
  • ဂိတုစဲ ၇ စွေက် ။ နက်သတ် ၁၉ - ယးမတ်ၜါ မၞိဟ် ။
  • ဂိတုစဲ ၈ စွေက် ။ နက်သတ် ၂၀ - ယးမတ်ၜါ ဒေဝတဴ ။
  • ဂိတုစဲ ၉ စွေက် ။ နက်သတ် ၂၁ - ဂၠုမတ်ၜါ ကလော် ။
  • ဂိတုစဲ ၁၀ စွေက် ။ နက်သတ် ၂၂ - ဂၠုမတ်မွဲ မၞိဟ် ။
  • ဂိတုစဲ ၁၁ စွေက် ။ နက်သတ် ၂၃ - ဂၠုမတ်မွဲ ဒေဝတဴ ။
  • ဂိတုစဲ ၁၂ စွေက် ။ နက်သတ် ၂၄ - ဂၠုမတ်မွဲ ကလော် ။
  • ဂိတုစဲ ၁၃ စွေက် ။ နက်သတ် ၂၅ - ဂၠုမတ်ၜါ မၞိဟ် ။
  • ဂိတုစဲ ၁၄ စွေက် ။ နက်သတ် ၂၆ - ယးမတ်ၜါ ဒေဝတဴ ။


  • (ဂိတုပသာ်)
  • ဂိတုပသာ် ၁ မံက် ။ နက်သတ် ၂၇ - ယးမတ်ၜါ ကလော် ။
  • ဂိတုပသာ် ၂ မံက် ။ နက်သတ် ၁ - ယးမတ်ၜါ မၞိဟ် ။
  • ဂိတုပသာ် ၃ မံက် ။ နက်သတ် ၂ - ယးမတ်ၜါ ဒေဝတဴ ။
  • ဂိတုပသာ် ၄ မံက် ။ နက်သတ် ၃ - ဂၠုမတ်ၜါ ကလော် ။
  • ဂိတုပသာ် ၅ မံက် ။ နက်သတ် ၄ - ဂၠုမတ်မွဲ မၞိဟ် ။
  • ဂိတုပသာ် ၆ မံက် ။ နက်သတ် ၅ - ဂၠုမတ်မွဲ ဒေဝတဴ ။
  • ဂိတုပသာ် ၇ မံက် ။ နက်သတ် ၆ - ဂၠုမတ်မွဲ ကလော် ။
  • ဂိတုပသာ် ၈ မံက် ။ နက်သတ် ၇ - ဂၠုမတ်ၜါ မၞိဟ် ။
  • ဂိတုပသာ် ၉ မံက် ။ နက်သတ် ၈ - ယးမတ်ၜါ ဒေဝတဴ ။
  • ဂိတုပသာ် ၁၀ မံက် ။ နက်သတ် ၉ - ယးမတ်ၜါ ကလော် ။
  • ဂိတုပသာ် ၁၁ မံက် ။ နက်သတ် ၁၀ - ယးမတ်ၜါ မၞိဟ် ။
  • ဂိတုပသာ် ၁၂ မံက် ။ နက်သတ် ၁၁ - ယးမတ်ၜါ ဒေဝတဴ ။
  • ဂိတုပသာ် ၁၃ မံက် ။ နက်သတ် ၁၂ - ဂၠုမတ်ၜါ ကလော် ။
  • ဂိတုပသာ် ၁၄ မံက် ။ နက်သတ် ၁၃ - ဂၠုမတ်မွဲ မၞိဟ် ။
  • ဂိတုပသာ် ၁၅ မံက် ။ နက်သတ် ၁၄ - ဂၠုမတ်မွဲ ဒေဝတဴ ။
  • ဂိတုပသာ် ၁ စွေက် ။ နက်သတ် ၁၅ - ဂၠုမတ်မွဲ ကလော် ။
  • ဂိတုပသာ် ၂ စွေက် ။ နက်သတ် ၁၆ - ဂၠုမတ်ၜါ မၞိဟ် ။
  • ဂိတုပသာ် ၃ စွေက် ။ နက်သတ် ၁၇ - ယးမတ်ၜါ ဒေဝတဴ ။
  • ဂိတုပသာ် ၄ စွေက် ။ နက်သတ် ၁၈ - ယးမတ်ၜါ ကလော် ။
  • ဂိတုပသာ် ၅ စွေက် ။ နက်သတ် ၁၉ - ယးမတ်ၜါ မၞိဟ် ။
  • ဂိတုပသာ် ၆ စွေက် ။ နက်သတ် ၂၀ - ယးမတ်ၜါ ဒေဝတဴ ။
  • ဂိတုပသာ် ၇ စွေက် ။ နက်သတ် ၂၁ - ဂၠုမတ်ၜါ ကလော် ။
  • ဂိတုပသာ် ၈ စွေက် ။ နက်သတ် ၂၂ - ဂၠုမတ်မွဲ မၞိဟ် ။
  • ဂိတုပသာ် ၉ စွေက် ။ နက်သတ် ၂၃ - ဂၠုမတ်မွဲ ဒေဝတဴ ။
  • ဂိတုပသာ် ၁၀ စွေက် ။ နက်သတ် ၂၄ - ဂၠုမတ်မွဲ ကလော် ။
  • ဂိတုပသာ် ၁၁ စွေက် ။ နက်သတ် ၂၅ - ဂၠုမတ်ၜါ မၞိဟ် ။
  • ဂိတုပသာ် ၁၂ စွေက် ။ နက်သတ် ၂၆ - ယးမတ်ၜါ ဒေဝတဴ ။
  • ဂိတုပသာ် ၁၃ စွေက် ။ နက်သတ် ၂၇ - ယးမတ်ၜါ ကလော် ။
  • ဂိတုပသာ် ၁၄ စွေက် ။ နက်သတ် ၁ - ယးမတ်ၜါ မၞိဟ် ။
  • ဂိတုပသာ် ၁၅ စွေက် ။ နက်သတ် ၂ - ယးမတ်ၜါ ဒေဝတဴ ။


  • (ဂိတုဇှ်ေ)
  • ဂိတုဇှ်ေ ၁ မံက် ။ နက်သတ် ၃ - ဂၠုမတ်ၜါ ကလော် ။
  • ဂိတုဇှ်ေ ၂ မံက် ။ နက်သတ် ၄ - ဂၠုမတ်မွဲ မၞိဟ် ။
  • ဂိတုဇှ်ေ ၃ မံက် ။ နက်သတ် ၅ - ဂၠုမတ်မွဲ ဒေဝတဴ ။
  • ဂိတုဇှ်ေ ၄ မံက် ။ နက်သတ် ၆ - ဂၠုမတ်မွဲ ကလော် ။
  • ဂိတုဇှ်ေ ၅ မံက် ။ နက်သတ် ၇ - ဂၠုမတ်ၜါ မၞိဟ် ။
  • ဂိတုဇှ်ေ ၆ မံက် ။ နက်သတ် ၈ - ယးမတ်ၜါ ဒေဝတဴ ။
  • ဂိတုဇှ်ေ ၇ မံက် ။ နက်သတ် ၉ - ယးမတ်ၜါ ကလော် ။
  • ဂိတုဇှ်ေ ၈ မံက် ။ နက်သတ် ၁၀ - ယးမတ်ၜါ မၞိဟ် ။
  • ဂိတုဇှ်ေ ၉ မံက် ။ နက်သတ် ၁၁ - ယးမတ်ၜါ ဒေဝတဴ ။
  • ဂိတုဇှ်ေ ၁၀ မံက် ။ နက်သတ် ၁၂ - ဂၠုမတ်ၜါ ကလော် ။
  • ဂိတုဇှ်ေ ၁၁ မံက် ။ နက်သတ် ၁၃ - ဂၠုမတ်မွဲ မၞိဟ် ။
  • ဂိတုဇှ်ေ ၁၂ မံက် ။ နက်သတ် ၁၄ - ဂၠုမတ်မွဲ ဒေဝတဴ ။
  • ဂိတုဇှ်ေ ၁၃ မံက် ။ နက်သတ် ၁၅ - ဂၠုမတ်မွဲ ကလော် ။
  • ဂိတုဇှ်ေ ၁၄ မံက် ။ နက်သတ် ၁၆ - ဂၠုမတ်ၜါ မၞိဟ် ။
  • ဂိတုဇှ်ေ ၁၅ မံက် ။ နက်သတ် ၁၇ - ယးမတ်ၜါ ဒေဝတဴ ။
  • ဂိတုဇှ်ေ ၁ စွေက် ။ နက်သတ် ၁၈ - ယးမတ်ၜါ ကလော် ။
  • ဂိတုဇှ်ေ ၂ စွေက် ။ နက်သတ် ၁၉ - ယးမတ်ၜါ မၞိဟ် ။
  • ဂိတုဇှ်ေ ၃ စွေက် ။ နက်သတ် ၂၀ - ယးမတ်ၜါ ဒေဝတဴ ။
  • ဂိတုဇှ်ေ ၄ စွေက် ။ နက်သတ် ၂၁ - ဂၠုမတ်ၜါ ကလော် ။
  • ဂိတုဇှ်ေ ၅ စွေက် ။ နက်သတ် ၂၂ - ယးမတ်မွဲ မၞိဟ် ။
  • ဂိတုဇှ်ေ ၆ စွေက် ။ နက်သတ် ၂၃ - ယးမတ်မွဲ ဒေဝတဴ ။
  • ဂိတုဇှ်ေ ၇ စွေက် ။ နက်သတ် ၂၄ - ဂၠုမတ်မွဲ ကလော် ။
  • ဂိတုဇှ်ေ ၈ စွေက် ။ နက်သတ် ၂၅ - ဂၠုမတ်ၜါ မၞိဟ် ။
  • ဂိတုဇှ်ေ ၉ စွေက် ။ နက်သတ် ၂၆ - ယးမတ်ၜါ ဒေဝတဴ ။
  • ဂိတုဇှ်ေ ၁၀ စွေက် ။ နက်သတ် ၂၇ - ယးမတ်ၜါ ကလော် ။
  • ဂိတုဇှ်ေ ၁၁ စွေက် ။ နက်သတ် ၁ - ယးမတ်ၜါ မၞိဟ် ။
  • ဂိတုဇှ်ေ ၁၂ စွေက် ။ နက်သတ် ၂ - ယးမတ်ၜါ ဒေဝတဴ ။
  • ဂိတုဇှ်ေ ၁၃ စွေက် ။ နက်သတ် ၃ - ဂၠုမတ်ၜါ ကလော် ။
  • ဂိတုဇှ်ေ ၁၄ စွေက် ။ နက်သတ် ၄ - ယးမတ်မွဲ မၞိဟ် ။


  • (ဂိတုဒ္ဂိုန်)


  • ဂိတုဒ္ဂိုန် ၁ မံက် ။ နက်သတ် ၅ - ယးမတ်မွဲ ဒေဝတဴ ။
  • ဂိတုဒ္ဂိုန် ၂ မံက် ။ နက်သတ် ၆ - ယးမတ်မွဲ ကလော် ။
  • ဂိတုဒ္ဂိုန် ၃ မံက် ။ နက်သတ် ၇ - ဂၠုမတ်ၜါ မၞိဟ် ။
  • ဂိတုဒ္ဂိုန် ၄ မံက် ။ နက်သတ် ၈ - ယးမတ်ၜါ ဒေဝတဴ ။
  • ဂိတုဒ္ဂိုန် ၅ မံက် ။ နက်သတ် ၉ - ယးမတ်ၜါ ကလော် ။
  • ဂိတုဒ္ဂိုန် ၆ မံက် ။ နက်သတ် ၁၀ - ယးမတ်ၜါ မၞိဟ် ။
  • ဂိတုဒ္ဂိုန် ၇ မံက် ။ နက်သတ် ၁၁ - ယးမတ်ၜါ ဒေဝတဴ ။
  • ဂိတုဒ္ဂိုန် ၈ မံက် ။ နက်သတ် ၁၂ - ဂၠုမတ်ၜါ ကလော် ။
  • ဂိတုဒ္ဂိုန် ၉ မံက် ။ နက်သတ် ၁၃ - ယးမတ်မွဲ မၞိဟ် ။
  • ဂိတုဒ္ဂိုန် ၁၀ မံက် ။ နက်သတ် ၁၄ - ယးမတ်မွဲ ဒေဝတဴ ။
  • ဂိတုဒ္ဂိုန် ၁၁ မံက် ။ နက်သတ် ၁၅ - ယးမတ်မွဲ ကလော် ။
  • ဂိတုဒ္ဂိုန် ၁၂ မံက် ။ နက်သတ် ၁၆ - ဂၠုမတ်ၜါ မၞိဟ် ။
  • ဂိတုဒ္ဂိုန် ၁၃ မံက် ။ နက်သတ် ၁၇ - ယးမတ်ၜါ ဒေဝတဴ ။
  • ဂိတုဒ္ဂိုန် ၁၄ မံက် ။ နက်သတ် ၁၈ - ယးမတ်ၜါ ကလော် ။
  • ဂိတုဒ္ဂိုန် ၁၅ မံက် ။ နက်သတ် ၁၉ - ယးမတ်ၜါ မၞိဟ် ။
  • ဂိတုဒ္ဂိုန် ၁ စွေက် ။ နက်သတ် ၂၀ - ယးမတ်ၜါ ဒေဝတဴ ။
  • ဂိတုဒ္ဂိုန် ၂ စွေက် ။ နက်သတ် ၂၁ - ဂၠုမတ်ၜါ ကလော် ။
  • ဂိတုဒ္ဂိုန် ၃ စွေက် ။ နက်သတ် ၂၂ - ယးမတ်မွဲ မၞိဟ် ။
  • ဂိတုဒ္ဂိုန် ၄ စွေက် ။ နက်သတ် ၂၃ - ယးမတ်မွဲ ဒေဝတဴ ။
  • ဂိတုဒ္ဂိုန် ၅ စွေက် ။ နက်သတ် ၂၄ - ယးမတ်မွဲ ကလော် ။
  • ဂိတုဒ္ဂိုန် ၆ စွေက် ။ နက်သတ် ၂၅ - ယးမတ်ၜါ ဒေဝတဴ ။
  • ဂိတုဒ္ဂိုန် ၇ စွေက် ။ နက်သတ် ၂၆ - ယးမတ်ၜါ ဒေဝတဴ ။
  • ဂိတုဒ္ဂိုန် ၈ စွေက် ။ နက်သတ် ၂၇ - ယးမတ်ၜါ ကလော် ။
  • ဂိတုဒ္ဂိုန် ၉ စွေက် ။ နက်သတ် ၁ - ယးမတ်ၜါ မၞိဟ် ။
  • ဂိတုဒ္ဂိုန် ၁၀ စွေက် ။ နက်သတ် ၂ - ယးမတ်ၜါ ဒေဝတဴ ။
  • ဂိတုဒ္ဂိုန် ၁၁ စွေက် ။ နက်သတ် ၃ - ဂၠုမတ်ၜါ ကလော် ။
  • ဂိတုဒ္ဂိုန် ၁၂ စွေက် ။ နက်သတ် ၄ - ယးမတ်မွဲ မၞိဟ် ။
  • ဂိတုဒ္ဂိုန် ၁၃ စွေက် ။ နက်သတ် ၅ - ယးမတ်မွဲ ဒေဝတဴ ။
  • ဂိတုဒ္ဂိုန် ၁၄ စွေက် ။ နက်သတ် ၆ - ယးမတ်မွဲ ကလော် ။
  • ဂိတုဒ္ဂိုန် ၁၅ စွေက် ။ နက်သတ် ၇ - ဂၠုမတ်ၜါ မၞိဟ် ။


  • (ဂိတုခ္ဍဲသဳ)
  • ဂိတုခ္ဍဲသဳ ၁ မံက် ။ နက်သတ် ၈ - ယးမတ်ၜါ ဒေဝတဴ ။
  • ဂိတုခ္ဍဲသဳ ၂ မံက် ။ နက်သတ် ၉ - ယးမတ်ၜါ ကလော် ။
  • ဂိတုခ္ဍဲသဳ ၃ မံက် ။ နက်သတ် ၁၀ - ယးမတ်ၜါ မၞိဟ် ။
  • ဂိတုခ္ဍဲသဳ ၄ မံက် ။ နက်သတ် ၁၁ - ယးမတ်ၜါ ဒေဝတဴ ။
  • ဂိတုခ္ဍဲသဳ ၅ မံက် ။ နက်သတ် ၁၂ - ဂၠုမတ်ၜါ ကလော် ။
  • ဂိတုခ္ဍဲသဳ ၆ မံက် ။ နက်သတ် ၁၃ - ယးမတ်မွဲ မၞိဟ် ။
  • ဂိတုခ္ဍဲသဳ ၇ မံက် ။ နက်သတ် ၁၄ - ယးမတ်မွဲ ဒေဝတဴ ။
  • ဂိတုခ္ဍဲသဳ ၈ မံက် ။ နက်သတ် ၁၅ - ယးမတ်မွဲ ကလော် ။
  • ဂိတုခ္ဍဲသဳ ၉ မံက် ။ နက်သတ် ၁၆ - ဂၠုမတ်ၜါ မၞိဟ် ။
  • ဂိတုခ္ဍဲသဳ ၁၀ မံက် ။ နက်သတ် ၁၇ - ယးမတ်ၜါ ဒေဝတဴ ။
  • ဂိတုခ္ဍဲသဳ ၁၁ မံက် ။ နက်သတ် ၁၈ - ယးမတ်ၜါ ကလော် ။
  • ဂိတုခ္ဍဲသဳ ၁၂ မံက် ။ နက်သတ် ၁၉ - ယးမတ်ၜါ မၞိဟ် ။
  • ဂိတုခ္ဍဲသဳ ၁၃ မံက် ။ နက်သတ် ၂၀ - ယးမတ်ၜါ ဒေဝတဴ ။
  • ဂိတုခ္ဍဲသဳ ၁၄ မံက် ။ နက်သတ် ၂၁ - ဂၠုမတ်ၜါ ကလော် ။
  • ဂိတုခ္ဍဲသဳ ၁၅ မံက် ။ နက်သတ် ၂၂ - ဂၠုမတ်မွဲ မၞိဟ် ။
  • ဂိတုခ္ဍဲသဳ ၁ စွေက် ။ နက်သတ် ၂၃ - ယးမတ်မွဲ ဒေဝတဴ ။
  • ဂိတုခ္ဍဲသဳ ၂ စွေက် ။ နက်သတ် ၂၄ - ယးမတ်မွဲ ကလော် ။
  • ဂိတုခ္ဍဲသဳ ၃ စွေက် ။ နက်သတ် ၂၅ - ဂၠုမတ်ၜါ မၞိဟ် ။
  • ဂိတုခ္ဍဲသဳ ၄ စွေက် ။ နက်သတ် ၂၆ - ယးမတ်ၜါ ဒေဝတဴ ။
  • ဂိတုခ္ဍဲသဳ ၅ စွေက် ။ နက်သတ် ၂၇ - ယးမတ်ၜါ ကလော် ။
  • ဂိတုခ္ဍဲသဳ ၆ စွေက် ။ နက်သတ် ၂၈ - ဂၠုမတ်ၜါ မၞိဟ် ။
  • ဂိတုခ္ဍဲသဳ ၇ စွေက် ။ နက်သတ် ၁ - ယးမတ်ၜါ ဒေဝတဴ ။
  • ဂိတုခ္ဍဲသဳ ၈ စွေက် ။ နက်သတ် ၂ - ယးမတ်ၜါ ကလော် ။
  • ဂိတုခ္ဍဲသဳ ၉ စွေက် ။ နက်သတ် ၃ - ဂၠုမတ်မွဲ မၞိဟ် ။
  • ဂိတုခ္ဍဲသဳ ၁၀ စွေက် ။ နက်သတ် ၄ - ယးမတ်မွဲ ဒေဝတဴ ။
  • ဂိတုခ္ဍဲသဳ ၁၁ စွေက် ။ နက်သတ် ၅ - ယးမတ်ၜါ ကလော် ။
  • ဂိတုခ္ဍဲသဳ ၁၂ စွေက် ။ နက်သတ် ၆ - ယးမတ်မွဲ မၞိဟ် ။
  • ဂိတုခ္ဍဲသဳ ၁၃ စွေက် ။ နက်သတ် ၇ - ဂၠုမတ်ၜါ ဒေဝတဴ ။
  • ဂိတုခ္ဍဲသဳ ၁၄ စွေက် ။ နက်သတ် ၈ - ယးမတ်ၜါ ကလော် ။


  • (ဂိတုဘတ်)
  • ဂိတုဘတ် ၁ မံက် ။ နက်သတ် ၉ - ယးမတ်ၜါ မၞိဟ် ။
  • ဂိတုဘတ် ၂ မံက် ။ နက်သတ် ၁၀ - ယးမတ်ၜါ ဒေဝတဴ ။
  • ဂိတုဘတ် ၃ မံက် ။ နက်သတ် ၁၁ - ယးမတ်ၜါ ကလော် ။
  • ဂိတုဘတ် ၄ မံက် ။ နက်သတ် ၁၂ - ဂၠုမတ်ၜါ မၞိဟ် ။
  • ဂိတုဘတ် ၅ မံက် ။ နက်သတ် ၁၃ - ယးမတ်မွဲ ဒေဝတဴ ။
  • ဂိတုဘတ် ၆ မံက် ။ နက်သတ် ၁၄ - ယးမတ်မွဲ ကလော် ။
  • ဂိတုဘတ် ၇ မံက် ။ နက်သတ် ၁၅ - ယးမတ်မွဲ မၞိဟ် ။
  • ဂိတုဘတ် ၈ မံက် ။ နက်သတ် ၁၆ - ဂၠုမတ်ၜါ ဒေဝတဴ ။
  • ဂိတုဘတ် ၉ မံက် ။ နက်သတ် ၁၇ - ယးမတ်ၜါ ကလော် ။
  • ဂိတုဘတ် ၁၀ မံက် ။ နက်သတ် ၁၈ - ယးမတ်ၜါ မၞိဟ် ။
  • ဂိတုဘတ် ၁၁ မံက် ။ နက်သတ် ၁၉ - ယးမတ်ၜါ ဒေဝတဴ ။
  • ဂိတုဘတ် ၁၂ မံက် ။ နက်သတ် ၂၀ - ယးမတ်ၜါ ကလော် ။
  • ဂိတုဘတ် ၁၃ မံက် ။ နက်သတ် ၂၁ - ဂၠုမတ်ၜါ မၞိိဟ် ။
  • ဂိတုဘတ် ၁၄ မံက် ။ နက်သတ် ၂၂ - ယးမတ်မွဲ ဒေဝတဴ ။
  • ဂိတုဘတ် ၁၅ မံက် ။ နက်သတ် ၂၃ - ယးမတ်မွဲ ကလော် ။
  • ဂိတုဘတ် ၁ စွေက် ။ နက်သတ် ၂၄ - ယးမတ်မွဲ မၞိဟ် ။
  • ဂိတုဘတ် ၂ စွေက် ။ နက်သတ် ၂၅ - ဂၠုမတ်ၜါ ဒေဝတဴ ။
  • ဂိတုဘတ် ၃ စွေက် ။ နက်သတ် ၂၆ - ယးမတ်ၜါ ကလော် ။
                        ၂၇ - (နက်သတ်ထဲရ)
  • ဂိတုဘတ် ၄ စွေက် ။ နက်သတ် ၁ - ယးမတ်ၜါ မၞိိဟ် ။
  • ဂိတုဘတ် ၅ စွေက် ။ နက်သတ် ၂ - ယးမတ်ၜါ ဒေဝတဴ ။
  • ဂိတုဘတ် ၆ စွေက် ။ နက်သတ် ၃ - ဂၠုမတ်ၜါ ကလော် ။
  • ဂိတုဘတ် ၇ စွေက် ။ နက်သတ် ၄ - ယးမတ်မွဲ မၞိဟ် ။
  • ဂိတုဘတ် ၈ စွေက် ။ နက်သတ် ၅ - ယးမတ်မွဲ ဒေဝတဴ ။
  • ဂိတုဘတ် ၉ စွေက် ။ နက်သတ် ၆ - ယးမတ်မွဲ ကလော် ။
  • ဂိတုဘတ် ၁၀ စွေက် ။ နက်သတ် ၇ - ဂၠုမတ်ၜါ မၞိဟ် ။
  • ဂိတုဘတ် ၁၁ စွေက် ။ နက်သတ် ၈ - ယးမတ်ၜါ ဒေဝတဴ ။
  • ဂိတုဘတ် ၁၂ စွေက် ။ နက်သတ် ၉ - ယးမတ်ၜါ ကလော် ။
  • ဂိတုဘတ် ၁၃ စွေက် ။ နက်သတ် ၁၀ - ယးမတ်ၜါ မၞိဟ် ။
  • ဂိတုဘတ် ၁၄ စွေက် ။ နက်သတ် ၁၁ - ယးမတ်ၜါ ဒေဝတဴ ။
  • ဂိတုဘတ် ၁၅ စွေက် ။ နက်သတ် ၁၂ - ဂၠုမတ်ၜါ ကလော် ။


  • (ဂိတုဝှ်)
  • ဂိတုဝှ် ၁ မံက် ။ နက်သတ် ၁၃ - ယးမတ်မွဲ မၞိဟ် ။
  • ဂိတုဝှ် ၂ မံက် ။ နက်သတ် ၁၄ - ယးမတ်မွဲ ဒေဝတဴ ။
  • ဂိတုဝှ် ၃ မံက် ။ နက်သတ် ၁၅ - ယးမတ်မွဲ ကလော် ။
  • ဂိတုဝှ် ၄ မံက် ။ နက်သတ် ၁၆ - ဂၠုမတ်ၜါ မၞိဟ် ။
  • ဂိတုဝှ် ၅ မံက် ။ နက်သတ် ၁၇ - ယးမတ်ၜါ ဒေဝတဴ ။
  • ဂိတုဝှ် ၆ မံက် ။ နက်သတ် ၁၈ - ယးမတ်ၜါ ကလော် ။
  • ဂိတုဝှ် ၇ မံက် ။ နက်သတ် ၁၉ - ယးမတ်ၜါ မၞိဟ် ။
  • ဂိတုဝှ် ၈ မံက် ။ နက်သတ် ၂၀ - ယးမတ်ၜါ ဒေဝတဴ ။
  • ဂိတုဝှ် ၉ မံက် ။ နက်သတ် ၂၁ - ဂၠုမတ်ၜါ ကလော် ။
  • ဂိတုဝှ် ၁၀ မံက် ။ နက်သတ် ၂၂ - ယးမတ်မွဲ မၞိဟ် ။
  • ဂိတုဝှ် ၁၁ မံက် ။ နက်သတ် ၂၃ - ယးမတ်မွဲ ဒေဝတဴ ။
  • ဂိတုဝှ် ၁၂ မံက် ။ နက်သတ် ၂၄ - ယးမတ်မွဲ ကလော် ။
  • ဂိတုဝှ် ၁၃ မံက် ။ နက်သတ် ၂၅ - ဂၠုမတ်ၜါ မၞိိဟ် ။
  • ဂိတုဝှ် ၁၄ မံက် ။ နက်သတ် ၂၆ - ယးမတ်ၜါ ဒေဝတဴ ။
  • ဂိတုဝှ် ၁၅ မံက် ။ နက်သတ် ၂၇ - ယးမတ်ၜါ ကလော် ။
  • ဂိတုဝှ် ၁ စွေက် ။ နက်သတ် ၂၈ - ယးမတ်ၜါ မၞိဟ် ။
                         (နက်သတ်သောဝ်)
  • ဂိတုဝှ် ၂ စွေက် ။ နက်သတ် ၁ - ယးမတ်ၜါ ဒေဝတဴ ။
  • ဂိတုဝှ် ၃ စွေက် ။ နက်သတ် ၂ - ယးမတ်ၜါ ကလော် ။
  • ဂိတုဝှ် ၄ စွေက် ။ နက်သတ် ၃ - ဂၠုမတ်ၜါ မၞိိဟ် ။
  • ဂိတုဝှ် ၅ စွေက် ။ နက်သတ် ၄ - ယးမတ်မွဲ ဒေဝတဴ ။
  • ဂိတုဝှ် ၆ စွေက် ။ နက်သတ် ၅ - ယးမတ်ၜါ ကလော် ။
  • ဂိတုဝှ် ၇ စွေက် ။ နက်သတ် ၆ - ယးမတ်မွဲ မၞိဟ် ။
  • ဂိတုဝှ် ၈ စွေက် ။ နက်သတ် ၇ - ယးမတ်ၜါ ဒေဝတဴ ။
  • ဂိတုဝှ် ၉ စွေက် ။ နက်သတ် ၈ - ယးမတ်ၜါ ကလော် ။
  • ဂိတုဝှ် ၁၀ စွေက် ။ နက်သတ် ၉ - ယးမတ်ၜါ မၞိဟ် ။
  • ဂိတုဝှ် ၁၁ စွေက် ။ နက်သတ် ၁၀ - ယးမတ်ၜါ ဒေဝတဴ ။
  • ဂိတုဝှ် ၁၂ စွေက် ။ နက်သတ် ၁၁ - ယးမတ်ၜါ ကလော် ။
  • ဂိတုဝှ် ၁၃ စွေက် ။ နက်သတ် ၁၂ - ဂၠုမတ်ၜါ မၞိဟ် ။
  • ဂိတုဝှ် ၁၄ စွေက် ။ နက်သတ် ၁၃ - ယးမတ်မွဲ ဒေဝတဴ ။


  • (ဂိတုကထိုန်)
  • ဂိတုကထိုန် ၁ မံက် ။ နက်သတ် ၁၄ - ယးမတ်မွဲ ကလော် ။
  • ဂိတုကထိုန် ၂ မံက် ။ နက်သတ် ၁၅ - ယးမတ်မွဲ မၞိဟ် ။
  • ဂိတုကထိုန် ၃ မံက် ။ နက်သတ် ၁၆ - ဂၠုမတ်ၜါ ဒေဝတဴ ။
  • ဂိတုကထိုန် ၄ မံက် ။ နက်သတ် ၁၇ - ယးမတ်ၜါ ကလော် ။
  • ဂိတုကထိုန် ၅ မံက် ။ နက်သတ် ၁၈ - ယးမတ်ၜါ မၞိဟ် ။
  • ဂိတုကထိုန် ၆ မံက် ။ နက်သတ် ၁၉ - ယးမတ်ၜါ ဒေဝတဴ ။
  • ဂိတုကထိုန် ၇ မံက် ။ နက်သတ် ၂၀ - ယးမတ်ၜါ ကလော် ။
  • ဂိတုကထိုန် ၈ မံက် ။ နက်သတ် ၂၁ - ဂၠုမတ်ၜါ မၞိဟ် ။
  • ဂိတုကထိုန် ၉ မံက် ။ နက်သတ် ၂၂ - ယးမတ်မွဲ ဒေဝတဴ ။
  • ဂိတုကထိုန် ၁၀ မံက် ။ နက်သတ် ၂၃ - ယးမတ်မွဲ ကလော် ။
  • ဂိတုကထိုန် ၁၁ မံက် ။ နက်သတ် ၂၄ - ယးမတ်မွဲ မၞိဟ် ။
  • ဂိတုကထိုန် ၁၂ မံက် ။ နက်သတ် ၂၅ - ဂၠုမတ်ၜါ ဒေဝတဴ ။
  • ဂိတုကထိုန် ၁၃ မံက် ။ နက်သတ် ၂၆ - ဂၠုမတ်ၜါ ကလော် ။
  • ဂိတုကထိုန် ၁၄ မံက် ။ နက်သတ် ၂၇ - ယးမတ်ၜါ မၞိဟ် ။
  • ဂိတုကထိုန် ၁၅ မံက် ။ နက်သတ် ၁ - ယးမတ်ၜါ ဒေဝတဴ ။
  • ဂိတုကထိုန် ၁ စွေက် ။ နက်သတ် ၂ - ယးမတ်ၜါ ကလော် ။
  • ဂိတုကထိုန် ၂ စွေက် ။ နက်သတ် ၃ - ဂၠုမတ်ၜါ မၞိဟ် ။
  • ဂိတုကထိုန် ၃ စွေက် ။ နက်သတ် ၄ - ယးမတ်မွဲ ဒေဝတဴ ။
  • ဂိတုကထိုန် ၄ စွေက် ။ နက်သတ် ၅ - ယးမတ်မွဲ ကလော် ။
  • ဂိတုကထိုန် ၅ စွေက် ။ နက်သတ် ၆ - ယးမတ်မွဲ မၞိဟ် ။
  • ဂိတုကထိုန် ၆ စွေက် ။ နက်သတ် ၇ - ဂၠုမတ်ၜါ ဒေဝတဴ ။
  • ဂိတုကထိုန် ၇ စွေက် ။ နက်သတ် ၈ - ယးမတ်ၜါ ကလော် ။
  • ဂိတုကထိုန် ၈ စွေက် ။ နက်သတ် ၉ - ယးမတ်ၜါ မၞိဟ် ။
  • ဂိတုကထိုန် ၉ စွေက် ။ နက်သတ် ၁၀ - ယးမတ်ၜါ ဒေဝတဴ ။
  • ဂိတုကထိုန် ၁၀ စွေက် ။ နက်သတ် ၁၁ - ယးမတ်ၜါ ကလော် ။
  • ဂိတုကထိုန် ၁၁ စွေက် ။ နက်သတ် ၁၂ - ဂၠုမတ်ၜါ မၞိဟ် ။
  • ဂိတုကထိုန် ၁၂ စွေက် ။ နက်သတ် ၁၃ - ယးမတ်မွဲ ဒေဝတဴ ။
  • ဂိတုကထိုန် ၁၃ စွေက် ။ နက်သတ် ၁၄ - ယးမတ်မွဲ ကလော် ။
  • ဂိတုကထိုန် ၁၄ စွေက် ။ နက်သတ် ၁၅ - ယးမတ်မွဲ မၞိဟ် ။
  • ဂိတုကထိုန် ၁၅ စွေက် ။ နက်သတ် ၁၆ - ဂၠုမတ်ၜါ ဒေဝတဴ ။


  • (ဂိတုမြေက္ကသဵု)
  • ဂိတုမြေက္ကသဵု ၁ မံက် ။ နက်သတ် ၁၇ - ယးမတ်ၜါ ကလော် ။
  • ဂိတုမြေက္ကသဵု ၂ မံက် ။ နက်သတ် ၁၈ - ယးမတ်ၜါ မၞိဟ် ။
  • ဂိတုမြေက္ကသဵု ၃ မံက် ။ နက်သတ် ၁၉ - ဂၠုမတ်မွဲ ဒေဝတဴ ။
  • ဂိတုမြေက္ကသဵု ၄ မံက် ။ နက်သတ် ၂၀ - ယးမတ်ၜါ ကလော် ။
  • ဂိတုမြေက္ကသဵု ၅ မံက် ။ နက်သတ် ၂၁ - ဂၠုမတ်ၜါ မၞိဟ် ။
  • ဂိတုမြေက္ကသဵု ၆ မံက် ။ နက်သတ် ၂၂ - ယးမတ်မွဲ ဒေဝတဴ ။
  • ဂိတုမြေက္ကသဵု ၇ မံက် ။ နက်သတ် ၂၃ - ယးမတ်မွဲ ကလော် ။
  • ဂိတုမြေက္ကသဵု ၈ မံက် ။ နက်သတ် ၂၄ - ယးမတ်ၜါ မၞိဟ် ။
  • ဂိတုမြေက္ကသဵု ၉ မံက် ။ နက်သတ် ၂၅ - ဂၠုမတ်မွဲ ဒေဝတဴ ။
  • ဂိတုမြေက္ကသဵု ၁၀ မံက် ။ နက်သတ် ၂၆ - ယးမတ်ၜါ ကလော် ။
  • ဂိတုမြေက္ကသဵု ၁၁ မံက် ။ နက်သတ် ၂၇ - ယးမတ်ၜါ မၞိဟ် ။
  • ဂိတုမြေက္ကသဵု ၁၂ မံက် ။ နက်သတ် ၂၈ - ယးမတ်ၜါ ဒေဝတဴ ။
  • ဂိတုမြေက္ကသဵု ၁၃ မံက် ။ နက်သတ် ၁ - ယးမတ်ၜါ ကလော် ။
  • ဂိတုမြေက္ကသဵု ၁၄ မံက် ။ နက်သတ် ၂ - ယးမတ်ၜါ မၞိဟ် ။
  • ဂိတုမြေက္ကသဵု ၁၅ မံက် ။ နက်သတ် ၃ - ဂၠုမတ်ၜါ ဒေဝတဴ ။
  • ဂိတုမြေက္ကသဵု ၁ စွေက် ။ နက်သတ် ၄ - ယးမတ်မွဲ ကလော် ။
  • ဂိတုမြေက္ကသဵု ၂ စွေက် ။ နက်သတ် ၅ - ယးမတ်ၜါ မၞိဟ် ။
  • ဂိတုမြေက္ကသဵု ၃ စွေက် ။ နက်သတ် ၆ - ယးမတ်မွဲ ဒေဝတဴ ။
  • ဂိတုမြေက္ကသဵု ၄ စွေက် ။ နက်သတ် ၇ - ဂၠုမတ်ၜါ ကလော် ။
  • ဂိတုမြေက္ကသဵု ၅ စွေက် ။ နက်သတ် ၈ - ယးမတ်ၜါ မၞိဟ် ။
  • ဂိတုမြေက္ကသဵု ၆ စွေက် ။ နက်သတ် ၉ - ယးမတ်ၜါ ဒေဝတဴ ။
  • ဂိတုမြေက္ကသဵု ၇ စွေက် ။ နက်သတ် ၁၀ - ယးမတ်မွဲ ကလော် ။
  • ဂိတုမြေက္ကသဵု ၈ စွေက် ။ နက်သတ် ၁၁ - ယးမတ်မွဲ မၞိဟ် ။
  • ဂိတုမြေက္ကသဵု ၉ စွေက် ။ နက်သတ် ၁၂ - ဂၠုမတ်ၜါ ဒေဝတဴ ။
  • ဂိတုမြေက္ကသဵု ၁၀ စွေက် ။ နက်သတ် ၁၃ - ယးမတ်မွဲ ကလော် ။
  • ဂိတုမြေက္ကသဵု ၁၁ စွေက် ။ နက်သတ် ၁၄ - ယးမတ်မွဲ မၞိဟ် ။
  • ဂိတုမြေက္ကသဵု ၁၂ စွေက် ။ နက်သတ် ၁၅ - ယးမတ်မွဲ ဒေဝတဴ ။
  • ဂိတုမြေက္ကသဵု ၁၃ စွေက် ။ နက်သတ် ၁၆ - ဂၠုမတ်ၜါ ကလော် ။
  • ဂိတုမြေက္ကသဵု ၁၄ စွေက် ။ နက်သတ် ၁၇ - ယးမတ်ၜါ မၞိဟ် ။


  • (ဂိတုပုဟ်)
  • ဂိတုပုဟ် ၁ မံက် ။ နက်သတ် ၁၈ - ယးမတ်ၜါ ဒေဝတဴ ။
  • ဂိတုပုဟ် ၂ မံက် ။ နက်သတ် ၁၉ - ယးမတ်ၜါ ကလော် ။
  • ဂိတုပုဟ် ၃ မံက် ။ နက်သတ် ၂၀ - ယးမတ်ၜါ မၞိဟ် ။
  • ဂိတုပုဟ် ၄ မံက် ။ နက်သတ် ၂၁ - ဂၠုမတ်ၜါ ဒေဝတဴ ။
  • ဂိတုပုဟ် ၅ မံက် ။ နက်သတ် ၂၂ - ယးမတ်မွဲ ကလော် ။
  • ဂိတုပုဟ် ၆ မံက် ။ နက်သတ် ၂၃ - ယးမတ်မွဲ မၞိဟ် ။
  • ဂိတုပုဟ် ၇ မံက် ။ နက်သတ် ၂၄ - ယးမတ်မွဲ ဒေဝတဴ ။
  • ဂိတုပုဟ် ၈ မံက် ။ နက်သတ် ၂၅ - ဂၠုမတ်ၜါ ကလော် ။
  • ဂိတုပုဟ် ၉ မံက် ။ နက်သတ် ၂၆ - ယးမတ်ၜါ မၞိဟ် ။
  • ဂိတုပုဟ် ၁၀ မံက် ။ နက်သတ် ၂၇ - ယးမတ်ၜါ ဒေဝတဴ ။
  • ဂိတုပုဟ် ၁၁ မံက် ။ နက်သတ် ၁ - ယးမတ်ၜါ ကလော် ။
  • ဂိတုပုဟ် ၁၂ မံက် ။ နက်သတ် ၂ - ယးမတ်ၜါ မၞိဟ် ။
  • ဂိတုပုဟ် ၁၃ မံက် ။ နက်သတ် ၃ - ဂၠုမတ်ၜါ ဒေဝတဴ ။
  • ဂိတုပုဟ် ၁၄ မံက် ။ နက်သတ် ၄ - ယးမတ်မွဲ ကလော် ။
  • ဂိတုပုဟ် ၁၅ မံက် ။ နက်သတ် ၅ - ယးမတ်မွဲ မၞိဟ် ။
  • ဂိတုပုဟ် ၁ စွေက် ။ နက်သတ် ၆ - ယးမတ်မွဲ ဒေဝတဴ ။
  • ဂိတုပုဟ် ၂ စွေက် ။ နက်သတ် ၇ - ဂၠုမတ်ၜါ ကလော် ။
  • ဂိတုပုဟ် ၃ စွေက် ။ နက်သတ် ၈ - ယးမတ်ၜါ မၞိဟ် ။
  • ဂိတုပုဟ် ၄ စွေက် ။ နက်သတ် ၉ - ယးမတ်ၜါ ဒေဝတဴ ။
  • ဂိတုပုဟ် ၅ စွေက် ။ နက်သတ် ၁၀ - ယးမတ်ၜါ ကလော် ။
  • ဂိတုပုဟ် ၆ စွေက် ။ နက်သတ် ၁၁ - ယးမတ်ၜါ မၞိဟ် ။
  • ဂိတုပုဟ် ၇ စွေက် ။ နက်သတ် ၁၂ - ဂၠုမတ်ၜါ ဒေဝတဴ ။
  • ဂိတုပုဟ် ၈ စွေက် ။ နက်သတ် ၁၃ - ယးမတ်မွဲ ကလော် ။
  • ဂိတုပုဟ် ၉ စွေက် ။ နက်သတ် ၁၄ - ယးမတ်မွဲ မၞိဟ် ။
  • ဂိတုပုဟ် ၁၀ စွေက် ။ နက်သတ် ၁၅ - ယးမတ်မွဲ ဒေဝတဴ ။
  • ဂိတုပုဟ် ၁၁ စွေက် ။ နက်သတ် ၁၆ - ဂၠုမတ်ၜါ ကလော် ။
  • ဂိတုပုဟ် ၁၂ စွေက် ။ နက်သတ် ၁၇ - ယးမတ်ၜါ မၞိဟ် ။
  • ဂိတုပုဟ် ၁၃ စွေက် ။ နက်သတ် ၁၈ - ယးမတ်ၜါ ဒေဝတဴ ။
  • ဂိတုပုဟ် ၁၄ စွေက် ။ နက်သတ် ၁၉ - ယးမတ်ၜါ ကလော် ။
  • ဂိတုပုဟ် ၁၅ စွေက် ။ နက်သတ် ၂၀ - ယးမတ်ၜါ မၞိဟ် ။


  • (ဂိတုမာ်)
  • ဂိတုမာ် ၁ မံက် ။ နက်သတ် ၂၁ - ဂၠုမတ်ၜါ ဒေဝတဴ ။
  • ဂိတုမာ် ၂ မံက် ။ နက်သတ် ၂၂ - ယးမတ်မွဲ ကလော် ။
  • ဂိတုမာ် ၃ မံက် ။ နက်သတ် ၂၃ - ယးမတ်မွဲ မၞိဟ် ။
  • ဂိတုမာ် ၄ မံက် ။ နက်သတ် ၂၄ - ယးမတ်မွဲ ဒေဝတဴ ။
  • ဂိတုမာ် ၅ မံက် ။ နက်သတ် ၂၅ - ဂၠုမတ်ၜါ ကလော် ။
  • ဂိတုမာ် ၆ မံက် ။ နက်သတ် ၂၆ - ယးမတ်ၜါ မၞိဟ် ။
  • ဂိတုမာ် ၇ မံက် ။ နက်သတ် ၂၇ - ယးမတ်ၜါ ဒေဝတဴ ။
  • ဂိတုမာ် ၈ မံက် ။ နက်သတ် ၂၈ - ယးမတ်ၜါ ကလော် ။
                           (နက်သတ်သောဝ်)
  • ဂိတုမာ် ၉ မံက် ။ နက်သတ် ၁ - ယးမတ်ၜါ မၞိဟ် ။
  • ဂိတုမာ် ၁၀ မံက် ။ နက်သတ် ၂ - ယးမတ်ၜါ ဒေဝတဴ ။
  • ဂိတုမာ် ၁၁ မံက် ။ နက်သတ် ၃ - ဂၠုမတ်ၜါ ကလော် ။
  • ဂိတုမာ် ၁၂ မံက် ။ နက်သတ် ၄ - ယးမတ်မွဲ မၞိဟ် ။
  • ဂိတုမာ် ၁၃ မံက် ။ နက်သတ် ၅ - ယးမတ်မွဲ ဒေဝတဴ ။
  • ဂိတုမာ် ၁၄ မံက် ။ နက်သတ် ၆ - ယးမတ်မွဲ ကလော် ။
  • ဂိတုမာ် ၁၅ မံက် ။ နက်သတ် ၇ - ယးမတ်ၜါ မၞိဟ် ။
  • ဂိတုမာ် ၁ စွေက် ။ နက်သတ် ၈ - ယးမတ်ၜါ ဒေဝတဴ ။
  • ဂိတုမာ် ၂ စွေက် ။ နက်သတ် ၉ - ယးမတ်ၜါ ကလော် ။
  • ဂိတုမာ် ၃ စွေက် ။ နက်သတ် ၁၀ - ယးမတ်ၜါ မၞိဟ် ။
  • ဂိတုမာ် ၄ စွေက် ။ နက်သတ် ၁၁ - ယးမတ်ၜါ ဒေဝတဴ ။
  • ဂိတုမာ် ၅ စွေက် ။ နက်သတ် ၁၂ - ဂၠုမတ်ၜါ ကလော် ။
  • ဂိတုမာ် ၆ စွေက် ။ နက်သတ် ၁၃ - ယးမတ်မွဲ မၞိဟ် ။
  • ဂိတုမာ် ၇ စွေက် ။ နက်သတ် ၁၄ - ယးမတ်ၜါ ဒေဝတဴ ။
  • ဂိတုမာ် ၈ စွေက် ။ နက်သတ် ၁၅ - ယးမတ်မွဲ ကလော် ။
  • ဂိတုမာ် ၉ စွေက် ။ နက်သတ် ၁၆ - ဂၠုမတ်ၜါ မၞိဟ် ။
  • ဂိတုမာ် ၁၀ စွေက် ။ နက်သတ် ၁၇ - ယးမတ်ၜါ ဒေဝတဴ ။
  • ဂိတုမာ် ၁၁ စွေက် ။ နက်သတ် ၁၈ - ယးမတ်ၜါ ကလော် ။
  • ဂိတုမာ် ၁၂ စွေက် ။ နက်သတ် ၁၉ - ယးမတ်ၜါ မၞိဟ် ။
  • ဂိတုမာ် ၁၃ စွေက် ။ နက်သတ် ၂၀ - ယးမတ်ၜါ ဒေဝတဴ ။
  • ဂိတုမာ် ၁၄ စွေက် ။ နက်သတ် ၂၁ - ဂၠုမတ်ၜါ ကလော် ။

ကိုန်က္ၜၚ်[ပလေဝ်ဒါန် | ပလေဝ်ဒါန် တမ်ကၞက်]

           ၅       ၁၄       ၂၃
         ၄   ၆   ၁၃  ၁၅   ၂၂  ၂၄
         -----------------------
       × ၃   ၇   ၁၂  ၁၆   ၂၁  ၂၅  +
         ၂   ၈   ၁၁  ၁၇   ၂၀  ၂၆
         ၁   ၉   ၁၀  ၁၈   ၁၉  ၂၇


နူကဵုနက်သတ်မွဲ ရိုဟ်ဗက်အာလၟေၚ်ၚ်တုဲ ဒၞာဲမစိုပ်နက်သတ်ဇကု က္တဵုဒှ်မၞိဟ်ဂှ် ဂၞန်တးကေတ်ရ။


  • ယဝ်ဒတုံ ပ္ဍဲသၠယာက္ၜၚ်မ္ဂး ၜိုန်ရပိုန်ဟာန်ဒြပ်ရတ် ဍိုက်ပေၚ်ဒၟံၚ်ကီုလေဝ် လောဘဇၞော်လောန်တုဲ စိုတ်ချဳဇတဝ် သၟိက်မိက်ကလိဂွံ ဒြပ်ဂၠိုၚ်ပၠန်လေဝ် ဒှ်ဒၟံၚ်ဓဝိၚ် ဒးဂွိၚ်ဒၟံၚ်ပ္ဍဲစိုတ် ညံၚ်ရဴသၠယာက္ၜၚ် ချဳအာချဳကၠုၚ်ဒၟံၚ်လၟိုန်တုဲ ဒြပ်ရတ်လီုလာ်ဒှ်ဂွံရ။
  • ယဝ်ရနက်သတ် ဒတုံပ္ဍဲက္ဍိုပ်က္ၜၚ်မ္ဂး သွက်ကလိဂွံပိုန်ဟာန်ဒြပ်ရတ်ဂှ် ဒးဆဵုဘဲဂၠိုၚ်ဒှ်ဂွံရ။
  • ယဝ်ရနက်သတ် ဒတုံပ္ဍဲဗုၚ်က္ၜၚ်မ္ဂး စိုတ်တန်ကြန်တုဲ ဒှ်ပိုန်ဟာန်ဒြပ်ရတ် လောဲသွာရ။
  • ယဝ်ရနက်သတ် ဒတုံပ္ဍဲဍုတ်က္ၜၚ်မ္ဂး သွက်ကလိဂွံပိုန်ဟာန်ဒြပ်ရတ်ဂှ် ဇကုဒှ်ဇၞော် ဇကုဒးပ္တဝ်ကဵုသၠသၞေဝ် ဇကုဒးကဵုကသပ်တုဲ ညးတၞဟ်သ္အာၚ် ဒးဂၠာဲနၚ်ကဵုတုဲ ကလိဂွံပိုန်ဟာန်ဒြပ်ရတ်ရ။
  • ယဝ်ရနက်သတ် ဒတုံပ္ဍဲဂၞဴက္ၜၚ်မ္ဂး သီဒက်ပိုန်ဟာန်ဒြပ်ရတ် တန်ရ၊ စိုတ်လေဝ်ခိုဟ် ကၠောန်စကမၠောန် ကလိဂွံပိုန်ဟာန်ဒြပ်ရတ် လောဲသွာရ။

ကိုန်တၟံသိန္နရာဇ်[ပလေဝ်ဒါန် | ပလေဝ်ဒါန် တမ်ကၞက်]

            * ဗီုတၟံသိန္နရာဇ်
              ၁၀ ၊  ၉
              ၁၁ ၊  ၈
              ၁၂ ၊  ၇
 ၁၆ ၊ ၁၅ ၊ ၁၄ ၊ ၁၃ ၊  ၆ ၊ ၅ ၊ ၄ ၊ ၃ ၊
 ၁၇ ၊ ၁၈ ၊ ၁၉ ၊ ၂၀ ၊ ၂၇ ၊ ၀ ၊ ၁ ၊ ၂ ၊
             ၊ ၂၁ ၊ ၂၆ ၊
             ၊ ၂၂ ၊ ၂၅ ၊
             ၊ ၂၃ ၊ ၂၄ ၊


  • ယြဴပူဂဵူမွဲ မူလဇာတာဇကု ဒှ်ဒၟံၚ်နက်သတ်တိတ်မ္ဂး ပိုန်ဟာန်ဒြပ်ရတ် သွက်ဂွံတန်ပ္ဍဲဇကုဂှ် ဒးကၠေံစိုတ်လွဳပရာ မၚ်မွဲကွေံရ။
  • ယြဴပူဂဵူမွဲ မူလဇာတာဇကု ဒှ်ဒၟံၚ်နက်သတ်လုပ်မ္ဂး ပိုန်ဟာန်ဒြပ်ရတ် တန်ပ္ဍဲဇကုတုဲဂှ် သွက်ဂွံတိတ်အာ ဇြိုၚ်သန်ကွေံရ။
  • နက်သတ်တြုံ.ဗြဴညးၜါ ယဝ်ရတန်တဴဒၟံၚ် ပ္ဍဲမွဲတ္ကံမ္ဂး ညးမွဲကဵုမွဲ ပံၚ်ဖက်ညဳသာတပ်တး ကောန်စဴစးဂၠိုၚ် ဗီုဝိသာခါရ၊ က္တဵုဒှ်ပိုန်ဟာန် ဒြပ်ရတ်ဂၠိုၚ်တုဲ စိုတ်တန်ကြန် ဌဳတိကွေံရ။
  • တြုံ.ဗြဴညးၜါ တန်တဴဒၟံၚ် ပ္ဍဲတ္ကံတၞဟ်ခြာ ညးမွဲမွဲတ္ကံ ယဝ်ရစၟဳညာတ်ဒၟံၚ်မ္ဂး ဆၜိုတ်မဇ္ၛီုဟေၚ် ဂွံခိုဟ်စရ။
  • တြုံ.ဗြဴညးၜါ ယဝ်တ္ကံမွဲကဵုမွဲ ဗ္ဒန်ဒၟံၚ် ဟဂွံဆဵုကေတ်တုဲ ပံၚ်ဖက်ထုဲနှဴမ္ဂး ချိုတ်ဂၠိုၚ် ဂျိုၚ်အောန် ဒးလီုလာ်မှာရာရ၊ ယဝ်ပြုပြေၚ်ဝိဝါဟမ္ဂး ဒးချိုတ် ပြးဇးဒှ်ဂွံတုဲ ဝေၚ်ပါဲကၠေံအိုတ်ညိ။

ကိုန််ရံၚ်ဂၠဴ ဍာ်ဂၠိုၚ်-ဍာ်အောန်[ပလေဝ်ဒါန် | ပလေဝ်ဒါန် တမ်ကၞက်]

  • ဗီုရုပ်ဂၠဴဂှ် စုတ်ကဵုညိအဴ


  • အ္စာပေါရဏ ကိုပ်ကၠာတေံ သွက်ကောန်ဗွဲကြဴ စဴဗွဲဂတဂွံတီအာ ဗွဲဟိုတ်ဖဵုဍေံဂှ် သာ်လဵုညးတံ ဟီုတွံလဝ်ဂှ်ရော၊ ဂိတုပသာ်မံက်ဂှ် သမ္တီလဝ်ညိ သာ်လဵုဂွံသမ္တီဂှ်ရော ... ။

၁။ ယဝ်ရတ္ၚဲအဒိုတ်မံက်မ္ဂး ဒးမုက်ဂၞန်မွဲတုဲ ဍာ်ပ္ဍဲဂတာဇိုၚ်ဂၠဴရ ပ္ဍဲသၞာံဂှ် ဍာ်အောန်ရ။

၂။ တ္ၚဲစန်မံက်မ္ဂး ဒးဂၞန်ၜါတုဲ ဍာ်ပ္ဍဲဂဒေါအ်ဗြာတ်ဂၠဴရ၊ ပ္ဍဲသၞာံဂှ် ဍာ်အောန်ရ။

၃။ တ္ၚဲအၚာမံက်မ္ဂး ဒးဂၞန်ပိတုဲ ဍာ်ပ္ဍဲသၟဝ်ဗုၚ်ဂၠဴရ၊ ဍာ်ပ္ဍဲသၞာံဂှ် ဍာ်ဆၜိုတ်ဗၞတ်ရ။

၄။ ဗုဒ္ဓဝါမံက်မ္ဂး ဒးဂၞန်ပန်တုဲ ဍာ်ပ္ဍဲသၟဝ်ကံဂၠဴရ၊ သၞာံဂှ် ဍာ်ဒးသၞောတ်ရ။

၅။ တ္ၚဲဗြဴဗတိမံက်မ္ဂး ဒးဂၞန်မသုန်တုဲ ဍာ်ပ္ဍဲသၟဝ်ထၟၚ်ဂၠဴရ၊ ဗၞတ်ဍာ်ဂၠိုၚ်ညိရ။

၆။ တ္ၚဲသိုက်မံက်မ္ဂး ဒးဂၞန်တြဴတုဲ ဍာ်ပ္ဍဲလတူစးဂၠဴရ သၞာံဂှ် ဍာ်ဂၠိုၚ်ရ။

၇။ တ္ၚဲသ္ၚိသဝ်မံက်မ္ဂး ဒးဂၞန်ထပှ်တုဲ ဍာ်ပ္ဍဲတၞုၚ်ဂြၚ်ဂၠဴရ၊ သၞာံဂှ်ဍာ်ဇၞော်လောန် ဗၠိုက်အိုတ်ရ။

ကိုန်အရုတ်[ပလေဝ်ဒါန် | ပလေဝ်ဒါန် တမ်ကၞက်]

               သၟိၚ်
 သေဌဳ ----------၊---------- အ္စာ
             တၠအဒိုက်


နူတၠအဒိုက်သ္ပတမ် ရိုဟ်တိုန်အာ လ္ပာ်အ္စာတုဲ ဒၞာဲအာယုက်ဇကုစိုပ်ဂှ် ဂၞန်တးကေတ်ရ၊ ဂိတုလေဝ်ဂွံရ၊ တ္ၚဲလေတ်ဂွံရ။


  • ဗီုအရုတ်ဂှ်စုတ်ကဵုညိအဴ


 ၆   ၁   ၂
     ၇
 ၅   ၄   ၃


ယြဴညးမွဲ ယဝ်ရသၟိက်ရံၚ်စ ပ္ဍဲကိုန်အရုတ်ဏံမ္ဂး တန်အာယုက် စကဵုထပှ် မုက်ဂၞန်သှ်ေဂှ် ဗှ်ရံၚ်ကေတ်ဗွဲသၟဝ်တေံညိ။


(၁) သှ်ေမွဲမ္ဂး ကိုန်ဒတုံပ္ဍဲက္ဍိုပ်အရုတ်တုဲ ကသပ်ဇကုချပ်လဝ်ဂှ် အံၚ်ဇၞးရ၊ လ္ပယှအ်ထောံ လွဳပရာညိ ဂွံဒှ်တသိုက်ရ၊ သတ်ဇိုၚ်ပန် သတ်ဇိုၚ်ၜါ လာပ်လုပ်ကၠုၚ်ဂှ် ယဝ်ရ ဇကုဒုၚ်တဲမ္ဂး ပိုန်ဟာန်ဒြပ်ရတ်တၞဟ်သ္အာၚ် သွက်မလုပ်ကၠုၚ်ဂှ် ဟၟဲရ၊ ဍေံပြေဟဲအာရ ဒးကွာ်တရဴဒှ်ဂွံရ ဒးပြံၚ်ဂအာၚ်ဒှ်ဂွံရ ကူဗၞိက်သွံရာန်ပၠန် ဒးအာဌာန်သ္ၚောဲဒှ်ဂွံရ၊ ယဝ်ရဃောကၠောန်ဒၟံၚ်ကမၠောန် သၟိၚ်တံမ္ဂး မွဲတ္ၚဲကဵုမွဲတ္ၚဲ ဍေံဟွံညဳသာဒှ်ဂွံရ၊ ပ္ဍဲကဵုဇကု က္တဵုဒှ်ယဲဂွံရ။

(၂) သှ်ေၜါမ္ဂး ကိုန်ဒတုံလ္ပာ်တဲပုၚ်တုဲ စိုတ်ဟွံတန်ကြန်ရ၊ လဆောဝ်စိုတ်ကေဝ်သ္ဇုၚ် လဆောဝ်ဟွံကေဝ်သ္ဇုၚ် ဒှ်တဴဒၟံၚ်လၟိုန်ရ၊ ကၠောန်မာန်မ္ဂး ကလိဂွံပိုန်ဟာန်ဒြပ်ရတ် ဆၜိုတ်ဗၞတ်ရ၊ ဟီုဂလာန်ပၠန် အာဏာပါၚ်ဟွံမွဲရ၊ ညးတၞဟ်သ္အာၚ်ဟွံယိုက်ဒိုက်စရ၊ သွက်ဂွံဒှ်အမှုဂှ် ဟွံမွဲရ၊ ၜိုန်ဒှ်အမှုပၠန်လေဝ် အိန်ရဳဟွံလီုရ၊ လတူကလောကောဒေံဂမၠိုၚ် က္တဵုဒှ်သေက်ဇဵုဂွံရ၊ ပြေဟဲပြဟ်ရ၊ နူကဵုဇကုမံၚ်ဂှ် ဗွဲဒိုဟ်သၟဝ်ကျာကီု၊ ဗွဲဒိုဟ်ပလိုတ်ကီု၊ ၜိုန်ရဒးအာကီုလေဝ် ချပ်စၚ်ခြၚ်တုဲ အာညိ၊ က္တဵုဒှ်ယဲဂွံရ။

(၃) သှ်ေပိမ္ဂး ကိုန်ဒတုံဇိုၚ်ပုၚ်တုဲ ကောန်ဇာတ် ဍိက်တြုံ ဍိက်ဗြဴဂမၠိုၚ် ဂြိုဟ်ကဵုဇကုရ၊ သမ္ဘာဇကု ၜိုန်ဆာန်ဒၟံၚ်ဇကုလေဝ် ဟဂွံဆာန် က္ဍုဟ်မၠေံတိုန်ရ၊ လစိန်ပြေၚ်ဂၠဴ ဂၠိက်ယာတ်ကၠေံဒှ်ဂွံရ၊ ၜိုန်ကလိဂွံပၠန်လေဝ် ပ္ဍဲကဵုဇကု က္တဵုဒှ်ယဲဝေဒနာရ၊ ဗွဲဒိုဟ်သ္ၚိသဝ် ဗွဲဒိုဟ်သိုက် မၞိဟ်ဒှ်သၞသတြုကဵု မၞိဟ်ဗၟံက်ထပှ်သ္ၚိဇကုရ၊ သွက်ဂွံတိတ်တရဴဂှ် ဇကုဒးချပ်ရ၊ မပ္တံ နူကဵုဂိတုဇကုက္တဵုဒှ်မၞိဟ်တုဲ ဗၞတ်မသုန်ဂိတုလောန်တုဲမ္ဂး ကသပ်အံၚ်ရ၊ ယဲဗ္ၜူက္တဵုဒှ်ရ၊ ဓဝ်သတိဝိုတ်ဂွံရ၊ မုဟ်ဂြိုဟ်ဂိဒှ်ဂွံရောၚ်။

(၄) သှ်ေပန်မ္ဂး ကိုန်ဒတုံပ္ဍဲဍုတ်ဗတတုဲ ဟီုဂလာန်ပၠန် ချပ်စၚ်ခြၚ်တုဲ ဟီုညိ၊ ဟီုဂလာန်ပၠန် အာဏာပါၚ်ညိရောဟွံမွဲရ၊ ၜိုန်ချပ်လဝ်ကသပ် ဇၞော်ဗွဲမလောန်ကီုလေဝ် ဟွံဗၠးဒုဟ်ရ၊ ရာန်ဂၠိက်ယာတ်ဗၠေတ်မှာရာ ဒှ်ဂွံဒၟံၚ်ရ၊ မၞိဟ်သမၠီုဂှ် ထေၚ်ဂးပူဂဵုတၠပညာတုဲ ဒုၚ်ဒးတဲဒှ်ဂွံကီုရ၊ မၞိဟ်ဒှ်ဒၟံၚ်သၟဝ်ဇကုဂှ် ဂြိုဟ်ကဵုဇကုဒှ်ဂွံရ၊ ပ္ဍဲပိုန်ဟာန်ဒြပ်ရတ်ပၠန် ဟွံဗၠးဘဲပၟတ် ဘဲကမၠတ်ဒှ်ဂွံရ၊ သၞသတြုပ္ဍဲ ဇၞော်ကဵုဒြဟတ်ရ၊ မၞိဟ်တ္ၚဲသ္ၚိသဝ်ကဵုမၞိဟ်တ္ၚဲဗုဒ္ဓဝါ သ္ပသၞသတြုကဵုဇကုတုဲ ဟွံချိုတ်က္ဍၚ်ရောၚ်၊ ဂျိုၚ်ဒၟံၚ်ညိဏီရ၊ က္တဵုဒှ်ယဲပဿဴ ကၠဵုပရအ်ကိတ် ဂဂဳအယဴကိတ် ဒှ်ဂွံရောၚ်။

(၅) သှ်ေမသုန်မ္ဂး ကိုန်ဒတုံပ္ဍဲဇိုၚ်ပါဲတုဲ ဗီုကိုန်ဒတုံပိ ပ္ဍဲဇိုၚ်ပုၚ်တေံကီုရ။

(၆) သှ်ေတရဴမ္ဂး ကိုန်ဒတုံပ္ဍဲပါဲတုဲ ဗီုကိုန်ဒတုံၜါ ပ္ဍဲတဲပုၚ်ကီုရ။

(၇) သှ်ေသုညမ္ဂး ကိုန်ဒတုံပ္ဍဲဗုၚ်ဂၞဴတုဲ ဂၞဴလီုဒှ်ဂွံရ၊ ဗုၚ်ဂိဒှ်ဂွံရ၊ ဗွဲဒိုဟ်ပလိုတ်ဂှ် လ္ပအာညိ၊ ဒှ်အမှုကဵုမၞိဟ်ဗြဴကီု ဒှ်အမှုဗ္ၚကီု ဒှ်အမှုချေံကီု ယဝ်ရဒှ်အမှုမ္ဂး မၞိဟ်တ္ၚဲအဒိုတ်ကဵုမၞိဟ်တ္ၚဲသိုက်ၜါဂှ် ကဵုအာဂတပၠတရဴမ္ဂး ခိုဟ်သန်ရ။

ကိုန်သၞဲလ္ၚီ[ပလေဝ်ဒါန် | ပလေဝ်ဒါန် တမ်ကၞက်]

  • ပ္ဍဲဇကု ခန္ဓကာယ ပိုဲသတ္တံညးဂမၠိုၚ် ဖျုန်စၞာံ ပွမချဳဇတဝ်ဝွံ မၞုံအၚ်္ဂၜါသာ်ကွေံ ညးဍေံဂှ်ရော။

(က) သ္ပဟိုတ်ကဵုဆီကျာတုဲ မချဳဇတဝ်ဂှ် မၞုံမွဲသာ်။

(ခ) သ္ပဟိုတ်ကဵုနိမိတ်ခိုဟ် ဟွံခိုဟ်တုဲ မချဳဇတဝ်ဂှ် မၞုံမွဲသာ်။

  • ပၞောဝ်မချဳဖတဝ်ၜါသာ်ဂှ် ပွမချဳဇတဝ် ဆီကျာမွဲပါဲကၠေံတုဲ ပရောမချဳဇတဝ်ဖျုန်စၞာံ နိမိတ်ဍာံ ၜါသာ်ၜါပြကာ အ္စာလောကဳတံညးဂမၠိုၚ် သာ်လဵုညးမဟီုတွံလဝ်ဂှ်ရော။

၁။ က္ဍဟ်ချဳမ္ဂး သ္ဂောံဒုၚ်ပူဇဴသၟိၚ်ရ၊ မိတ်သဟာဲဆာန်ဂှ်လေဝ် မဂွံဆဵုရ။

၂။ ဂၞေၚ်.က္ဍိုပ်လ္ပာ်ပါဲချဳမ္ဂး သ္ဂောံမိၚ်ပရိုၚ် သ္ဇိုၚ်ခိုဟ်ရ၊ ချပ်ကသပ်လေဝ်ဍိုက်ပေၚ်ရ။

၃။ ဂၞေၚ်.က္ဍိုပ်လ္ပာ်ပုၚ်ချဳမ္ဂး ကလိဂွံလာဘ်ဗဇဴရ။

၄။ ကၞေၚ်မတ်လ္ပာ်ပုၚ် (ဗွဲလ္တူ)ချဳမ္ဂး ကလိဂွံလာဘ်ရ၊ မိတ်သဟာဲဆာန်လေဝ် သ္ဂောံဆဵုရ။

၅။ သော်ကၞေၚ်မတ်လ္ပာ်ပုၚ် (ဗွဲသၟဝ်)ချဳမ္ဂး ဒှ်သၞသတြုကဵုညးသ္အာၚ်ရ၊ မၞိဟ်သ္ဍိုက်ဆာန်လေဝ် သ္ဂောံဆဵုရ၊ ဗြဴလေဝ်ကလိဂွံရ။

၆။ ကၞေၚ်မတ်လ္ပာ်ပါဲ (ဗွဲလ္တူ)ချဳမ္ဂး ချပ်ကသပ်အံၚ်ရ မိတ်သဟာဲပြဲလေဝ် သ္ဂောံဆဵုရ။

၇။ သော်ဂတာပ်မတ် (ဗွဲသၟဝ်) လ္ပာ်ပါဲချဳမ္ဂး ပွမ္ဒးဘဲရ။

၈။ ကတောဝ်လ္ပာ်ပုၚ်ချဳမ္ဂး သ္ဂောံဒှ်တသိုက်ရ။

၉။ ကတောဝ်လ္ပာ်ပါဲချဳမ္ဂး ပွမဒှ်သၞသတြုကဵုညးတၞဟ်သ္အာၚ်ရ၊ ပိုန်ဟာန်ဒြပ်ရတ်လေဝ် ကလိဂွံရ။

၁၀။ မုဟ်လ္ပာ်ပုၚ်ချဳမ္ဂး ညးသ္ဍိုက်ဆာန်ရ၊ ကလိဂွံမိတ်သဟာဲပြဲရ။

၁၁။ မုဟ်လ္ပာ်ပါဲချဳမ္ဂး သ္ဂောံဒှ်တသိုက်ရ။

၁၂။ က္ဍိုပ်ချဳမ္ဂး ယဝ်ရဒှ်ဒၟံၚ်ဗၠာဲမ္ဂး ကလိဂွံဗြဴရ၊ ယဝ်ရဒှ်ဒၟံၚ်မၞိဟ်ဇၞော်မ္ဂး ကလိဂွံလာဘ်ရ။

၁၃။ သၟန်ပါၚ်သၟဝ်ဗွဲလ္ပာ်ပုၚ်ချဳမ္ဂး ပွမဟီုဂလာန်သေက်ဇဵုရ၊ သၞသတြုလေဝ်သ္ဂောံဒှ်ရ။

၁၄။ သၟန်ပါၚ်လ္ပာ်ပါဲဗွဲသၟဝ်ချဳမ္ဂး ပွမဂွံဟီုဂလာန်ကဵုညး ဇကုမသ္ဍိုက်ဆာန်ရ။

၁၅။ သၟန်ပါၚ်လ္ပာ်ပုၚ် ဗွဲလ္တူချဳမ္ဂး သ္ဂောံမိၚ်ပရိုၚ်သ္ဇိုၚ်နူဇမ္ၚောဲရ။

၁၆။ သၟန်ပါၚ်လ္ပာ်ပါဲ ဗွဲလ္တူချဳမ္ဂး ပွမ္ဒးကယျာန်ဒွါတ် ပွမဒှ်သၞသတြုကဵုညးသ္အာၚ်ရ။

၁၇။ ထၟၚ်ချဳမ္ဂး သ္ပဟိုတ်ကဵုဂလာန်ဇကုတုဲ ပွမ္ဒးဒှ်အမှုရ။

၁၈။ ကအ်ချဳမ္ဂး ဂွံကျိုၚ်ကယျိုၚ်ကယျဝ်ရ၊ ထဝ်ဩန်လေဝ်ကလိဂွံရ၊ သ္ဂောံပြာကတ်ရ၊ သ္ဂောံထေက်ဒုၚ်ပူဇဴကဵုညးတၞဟ်သ္အာၚ်ရ။

၁၉။ ပၞးပုၚ်ချဳမ္ဂး ကလိဂွံဗြဴရ၊ ပြေၚ်ဂၠဴချေံလေဝ် ကလိဂွံရ၊ ပွမ္ဒးကယျာန်ဒွါတ် ကဵုဗြဴဇကုလေဝ်ဒှ်ဂွံရ။

၂၀။ ပၞးပါဲချဳမ္ဂး ကလိဂွံလာဘ်ဗဇဴရ၊ ပွမဒှ်သၞသတြုကဵုညးသ္အာၚ်ရ။

၂၁။ ဂၞဴဍောတ်လ္ပာ်ပုၚ်ချဳမ္ဂး သ္ဂောံဒယှ်ပြာကတ်ရ။

၂၂။ ဂၞဴဍောတ်လ္ပာ်ပါဲချဳမ္ဂး ညးတၞဟ်လီၜန်ဇကုတုဲ ပွမ္ဒးလာဲလေၚ်ရ၊ (ဘဲအန္တရာဲလေဝ် ပွမ္ဒးဆဵုရ)။

၂၃။ စးချဳမ္ဂး ကလိဂွံဂၠိက်ယာတ်ရ။

၂၄။ တဲလ္ပာ်ပုၚ်ချဳမ္ဂး ကလိဂွံမိတ်သဟာဲရ၊ စၞခိုဟ်လေဝ်ဂွံစရ၊ ကလိဂွံဒြပ်ရတ် နုကဵုသ္ဍိုက်ဆာန်ဇကုရ။

၂၅။ တဲပါဲချဳမ္ဂး ညးတၞဟ်သ္အာၚ် ကၠုၚ်ကဵုဒြပ်ရတ်ကဵုဇကုရ၊ ဒြပ်ရတ်နူညး မသ္ဍိုက်ဆာန်ဇကုဂှ်လေဝ် ကလိဂွံရ။

၂၆။ သ္ပာတဲပုၚ်ချဳမ္ဂး ဂွံစစၞအာဟာရခိုဟ်ရ။

၂၇။ သ္ပာတဲပါဲချဳမ္ဂး ဟွံခိုဟ်ရ၊ ကြဴကြာတ်ထောံက္ဍိုပ်ညိ။

၂၈။ ဩိုဟ်လ္ပာ်ပုၚ်ချဳမ္ဂး သ္ဂောံခိုဟ်စရ၊ စိုတ်လေဝ်သ္ဂောံဒှ်တသိုက်ရ။

၂၉။ ဩိုဟ်လ္ပာ်ပါဲချဳမ္ဂး စိုတ်ဒးစံၚ်တူရ။

၃၀။ ပေါၚ်လိုတ်ချဳမ္ဂး ကလိဂွံဒြပ်ရတ်ရ၊ မိတ်သဟာဲပြဲလေဝ်ကလိဂွံရ။

၃၁။ ဗုၚ်ဂၞဴလ္ပာ်ပုၚ်ချဳမ္ဂး ဂွံစစၞအာဟာရခိုဟ်ရောၚ်။

၃၂။ ဗုၚ်ဂၞဴလ္ပာ်ပါဲချဳမ္ဂး ကလိဂွံလာဘ်ရ။

၃၃။ ကောန်ဂြိုဟ်ချဳမ္ဂး ကလိဂွံမိတ်သဟာဲပြဲရ၊ ဒြပ်ရတ်လေဝ် ကလိဂွံရ။

၃၄။ ကၞိၚ်လ္ပာ်ပုၚ်ချဳမ္ဂး သ္ဂောံစစၞအာဟာရခိုဟ်ရောၚ်။

၃၅။ ကၞိၚ်လ္ပာ်ပါဲချဳမ္ဂး ပွမ္ဒးဟီုတွံကဵုညးတၞဟ်သ္အာၚ်ရ။

၃၆။ ကၞေၚ်လ္ပာ်ပုၚ်ချဳမ္ဂး ကလိဂွံတွဳဝါရဂၠိုၚ်ရောၚ်။

၃၇။ ကၞေၚ်လ္ပာ်ပါဲချဳမ္ဂး ပွမ္ဒးကယျာန်ဒွါတ် သေက်ဇဵုတၞဟ်သ္အာၚ်ရ။

၃၈။ ဣိန်ရဳဇကုချဳမ္ဂး ကလိဂွံဗြဴပြဲရ၊ ပွမ္ဒးဟီုဂလာန်ကဵုညးတၞဟ်သ္အာၚ်ရ။

၃၉။ တၚပ်ဇိုၚ်တဲချဳမ္ဂး ဒြပ်ရတ်ကၠေံရ။

၄၀။ စၞာံစးလ္ပာ်ပုၚ်ချဳမ္ဂး ကလိဂွံဒြပ်ဂၠိုၚ်ရ။

၄၁။ စၞာံစးလ္ပာ်ပါဲချဳမ္ဂး ဒြပ်ရတ်ကၠေံရ။

၄၂။ တမ်လ္တက်လ္ပာ်ပုၚ်ချဳမ္ဂး ကလိဂွံဒြပ်ရတ်ရ။

၄၃။ တမ်လ္တက်လ္ပာ်ပါဲချဳမ္ဂး သ္ဂောံဒုၚ်ပူဇဴသၟိၚ်တံရောၚ်။

၄၄။ တၚ်ပုတ်လ္ပာ်ပုၚ်ချဳမ္ဂး ဂွံဍိုက်စိၚ်ချေံရောၚ်။

၄၅။ တၚ်ပုတ်လ္ပာ်ပါဲချဳမ္ဂး သ္ဂောံဒှ်တသိုက်ရ၊ (သ္ပဟိုတ်ကဵုသမ္ဘာတုဲ ပွမ္ဒးဆဵုဘဲအန္တရာဲရောၚ်)။

၄၆။ ဂၞိၚ်ချဳမ္ဂး ဒြပ်ရတ်ကၠေံရ။

၄၇။ ဒဳလ္ပာ်ပုၚ်ချဳမ္ဂး ခိုဟ်စရ။

၄၈။ ဒဳလ္ပာ်ပါဲချဳမ္ဂး ဂွံဟီုဂလာန်ကဵုညးမသ္ဍိုက်ဆာန်ရ။

၄၉။ တၚပ်တၚ်က္ၜံၚ်လ္ပာ်ပုၚ်ချဳမ္ဂး ကလိဂွံလာဘ်ရ။

၅၀။ တၚပ်တၚ်က္ၜံၚ်လ္ပာ်ပါဲချဳမ္ဂး ဒှ်သၞသတြုပွမသေက်ဇဵုရ။

၅၁။ ဂဒအ်ဗြာတ်လ္ပာ်ပုၚ်ချဳမ္ဂး ကလိဂွံလာဘ်ဇၞော်ရ။

၅၂။ ဂဒအ်ဗြာတ်လ္ပာ်ပါဲချဳမ္ဂး ဒှ်သေက်ဇဵုကဵုဗြဴသမ္ဘာရ၊(ဗြဴသမ္ဘာသ္ပအန္တရာဲကဵုဇကုရ)။

၅၃။ မတ်စိၚ်လ္ပာ်ပုၚ်ချဳမ္ဂး သ္ဂောံခိုဟ်စရောၚ်။

၅၄။ မတ်စိၚ်လ္ပာ်ပါဲချဳမ္ဂး ကလိဂွံဍိက်ရ၊ ညးဂြိုဟ်ကဵုဇကုရ။

၅၅။ သ္ပာတဲလ္ပာ်ပုၚ်ချဳမ္ဂး သ္ဂောံခိုဟ်စရ၊ သ္ဂောံအာစိုပ်ပ္ဍဲဇရေၚ်မိတ်သဟာဲရ။

၅၆။ သ္ပာတဲလ္ပာ်ပါဲချဳမ္ဂး က္တဵုဒှ်ဂွိၚ်စိုတ် ပ္ဍဲလ္တူမၞိဟ်ဇၞော်တံရ၊ ဌာန်ဟၟဲကဵုဂၠံၚ်တရဴဂှ် ပွမ္ဒးအာရ။

၅၇။ ဇိုၚ်လ္ပာ်ပုၚ်ချဳမ္ဂး ပွမဂွံဗိုက်ဗဝိုက်လတက်ရ။

၅၈။ ဇိုၚ်လ္ပာ်ပါဲချဳမ္ဂး ပွမဒှ်သေက်ဇဵုကဵုဗြဴသမ္ဘာရ။

၅၉။ တှ်လ္ပာ်ပုၚ်ချဳမ္ဂး ဒြပ်ရတ်ကၠေံဗဒန်ရ။

၆၀။ တှ်လ္ပာ်ပါဲချဳမ္ဂး ကလိဂွံလာဘ်ဗဇဴရောၚ်။

၆၁။ တဲလ္ပာ်ပုၚ်ချဳမ္ဂး သ္ဂောံဒုၚ်ပူဇဴသၟိၚ်တံရ။

၆၂။ တဲလ္ပာ်ပါဲချဳမ္ဂး ကလိဂွံလာဘ်ဗဇဴရောၚ်။

ပရောလ္ပံညာတ်[ပလေဝ်ဒါန် | ပလေဝ်ဒါန် တမ်ကၞက်]

  • လပံညာတ် ဂွံသုၚ်ဍာ်ၜဳမဂး ဒှ်တသိုက်ရ။

၁။ လပံညာတ်ဂွံသုၚ်ဍာ်ပဿဴမ္ဂး ကလိဂွံလာဘ်နူဇသ္ၚောဲရ။

၂။ လပံညာတ်ဂွံသုၚ်ဍာ်ကြုၚ်မ္ဂး ဒယှ်ပြာကတ်ရ။

၃။ လပံညာတ်ဂွံသုၚ်ဍာ်တှ်မ္ဂး ကလိဂွံဒြပ်ရတ်ရ၊ ဒယှ်ပြာကတ်ရ။

၄။ လပံညာတ်ဂွံသုၚ်ဍာ်သာဲမ္ဂး ချပ်ကသပ်အံၚ်ရ၊ ကလိဂွံလာဘ်ဗဇဴရ။

၅။ လပံညာတ်ဂွံသုၚ်ဍာ်နုၚ်ထဝ်မ္ဂး သ္ဂောံဒှ်သၟိၚ်ရ။

၆။ လပံညာတ်ဂွံသုၚ်ကၠေၚ်လ္ၚဴမ္ဂး ဓဝိၚ်စိုတ်လာဲလေၚ်တုဲ သ္ဂောံအာစိုပ်ဒဒှ်တသိုက်ရ။

၇။ လပံညာတ်ဂွံသုၚ်ဍာ်တှ် ညးစုတ်ကဵုပ္ဍဲခရော်ထဝ်မ္ဂး ကလိဂွံလာဘ်ဇၞော်ရ။

၈။ လပံညာတ်ဂွံသုၚ်အရက်သုရာမ္ဂး ဒးက္တဵဒှ်ဓဝ်စံၚ်တူသောက ပရိဒေဝရောၚ်။

၉။ လပံညာတ်ညးတၞဟ်သ္အာၚ် သုၚ်ဆီဇကုမ္ဂး ဂဗုတ်တြေံ ဍေံကၠုၚ်စိုပ်ဇကုရ။

ပရောလ္ပံညာတ်ဍိုက်တၞဟ်ဟ်[ပလေဝ်ဒါန် | ပလေဝ်ဒါန် တမ်ကၞက်]

၁။ လပံညာတ်ဍိုက်ဝဝ် ဍိုက်ပြာသာဒ်မ္ဂး ကလိဂွံလာဘ်ဇၞော်ရ။

၂။ လပံညာတ်ဂွံဍိုက်ချေံမ္ဂး ဂွံဒှ်ညးမၞုံကဵုကြက်ဒြပ် ဗွဲမဂၠိုၚ်ရ။

၃။ လပံညာတ်ဂွံဍိုက်ကျာံမ္ဂး ဇၞးသတြုရ။

၄။ လပံညာတ်ဂွံဍိုက်က္ၜၚ်ဂၠုၚ်မ္ဂး ဂွံဒှ်ညးဇၞော်သၠုၚ်ပြဲရ။

၅။ လပံညာတ်ဂွံဍိုက်စိၚ်ဗ္တာၚ်မ္ဂး ယဝ်ရဒှ်ဒၟံၚ်ကောန်သၟိၚ်မ္ဂး ဂွံအာစိုပ်ဒဒှ်ဨကရာဇ်ရ၊ ယဝ်ဒှ်ဒၟံၚ်ကောန်မၞိဟ်ဇၞော်မ္ဂး သ္ဂောံအာစိုပ်ဒဒှ်အမာတ်ရ၊ ယဝ်ရကောန်ဒိုက်ဂတ်မ္ဂး သ္ဂောံအာစိုပ်ဒဒှ်ပူဂဵုတၠပညာရ။

၆။ လပံညာတ်ဂွံဍိုက်ကွဳချေံမ္ဂး ကလိဂွံသမ္ဘာပြဲရ။

၇။ လပံညာတ်ဂွံဍိုက်ကံဂၠဴမ္ဂး သ္ဂောံခိုဟ်စရ။

၈။ လပံညာတ်ဂွံဍိုက်ဂၠုၚ်ဗၠိုက်မ္ဂး ဟွံခိုဟ်ရ။

၉။ လပံညာတ်ဂွံဍိုက်အုဲသရေၚ်မ္ဂး ဒယှ်ပြာကတ်ရ။

၁၀။ လပံညာတ်ဂွံလိုန်ဒၞပ်မ္ဂး ဒးက္တဵုဒှ်ယဲဒုက္ခဝေဒနာရ။

၁၁။ လပံညာတ်ဂွံဍိုက်ဇြုံဇာတ်မ္ဂး ကလိဂွံကောန်ဗြဴရ။

၁၂။ လပံညာတ်ဂွံဍိုက်ပြေၚ်မ္ဂး ကလိဂွံဍိက်ရ။

၁၃။ လပံညာတ်ဂွံဍိုက်စိၚ် ဂၠဴမ္ဂး ကလိဂွံလာဘ်ဗဇဴရ။

၁၄။ လပံညာတ်ညးတၞဟ်ဍိုက်စိၚ်မ္ဂး ကလိဂွံဒြပ်ရတ်ထဝ်ဩန်ဂၠိုၚ်ရ။

၁၅။ လပံညာတ်ဂွံဍိုက်ကွဳမ္ဂး သ္ဂောံဒှ်သေဌဳရ။

၁၆။ လပံညာတ်ဂွံဍိုက်ကၠမ္ဂး ညးတၞဟ်သ္အာၚ်ယိုက်ဒိုက်ထံက်ပၚ်ဇကုရ။

၁၇။ လပံညာတ်ဂွံဍိုက်ကၠိက်မ္ဂး ဒးက္တဵုဒှ်ယဲဒုက္ခဝေဒနာရ။

၁၈။ လပံညာတ်ဇိက်ဗ္ၚကဵုပြေၚ်ဂၠဴမ္ဂး ကလိဂွံလာဘ်ဗဇဴရ။

ပရောလ္ပံညာတ်စ[ပလေဝ်ဒါန် | ပလေဝ်ဒါန် တမ်ကၞက်]

၁။ လပံညာတ်သုၚ်ဍာ်ကြုၚ်ကီု သုၚ်ဍာ်တှ်ကီု ကလိဂွံဒြပ်ရတ်ရ။

၂။ လပံညာတ်သုၚ်ဍာ်သာဲကီု သုၚ်ဍာ်ကၠေၚ်လ္ၚဴကီု ချပ်ကသပ်အံၚ်တုဲ သဂွံဒှ်တသိုက်ရ။

၃။ လပံညာတ်သုၚ်အရက်သုရာမ္ဂး ဒးဂွိၚ်စံၚ်တူရ။

ပရောလ္ပံညာတ်ဍိုက်ယာန်တၞဟ်ဟ်[ပလေဝ်ဒါန် | ပလေဝ်ဒါန် တမ်ကၞက်]

၁။ လပံညာတ်ဍိုက်ဝဝ် ဍိုက်ပြာသာဒ်မ္ဂး ကလိဂွံလာဘ်ဗဇဴဇၞော်ရ။

၂။ လပံညာတ်ဍိုက်ချေံမ္ဂး သဂွံပတၠပိုန် ပိုန်ဟာန်ဒြပ်ရတ်ရ။

၃။ လပံညာတ်ဍိုက်ကျာံမ္ဂး ဇၞးသတြုရ။

၄။ လပံညာတ်ဍိုက်ဂၠုၚ်က္ၜၚ်မ္ဂး သဂွံဒှ်ညးမပြဲသၠုၚ်ရ။

၅။ လပံညာတ်ဍိုက်ကွဳချေံမ္ဂး ကလိဂွံသမ္ဘာမပြဲကီု၊ ကလိဂွံဍိက်သ္ကံကီု၊ ချပ်ကသပ်အံၚ်ကီု၊ ကလိဂွံပိုန်ဟာန်ဒြပ်ရတ်ကီုရ။

၆။ လပံညာတ်ဍိုက်ဂၠဴမ္ဂး သဂွံဒှ်တသိုက်ရ။

၇။ လပံညာတ်ဍိုက်ဂၠုၚ်ဗၠိုက်မ္ဂး ဟွံခိုဟ်ရ။

၈။ လပံညာတ်ဍိုက်နုၚ်ထၟာဲမ္ဂး သဂွံဒှ်မၞိဟ်မပြဲသၠုၚ်ရ၊ ဒယှ်ပြာကတ်ရ။

၉။ လပံညာတ်ဍိုက်သရေၚ်မ္ဂး ဂွံဒယှ်ပြာကတ်ရ။

၁၀။ လပံညာတ်ဍိုက်လိုန်ဒၞပ်မ္ဂး ပွမ္ဒးက္တဵုဒှ်ယဲရ။

၁၁။ လပံညာတ်ဍိုက်ဇြုံဇာတ်မ္ဂး ကလိဂွံကောန်မပြဲသၠုၚ်ရ။

၁၂။ လပံညာတ်ဍိုက်အုဲသရေၚ်မ္ဂး ဂွံဒယှ်ပြာကတ်ရ။

၁၃။ လပံညာတ်ဍိုက်လိုန်ဒၞပ်မ္ဂး ပွမ္ဒးက္တဵုဒှ်ယဲရ။

၁၄။ လပံညာတ်ဍိုက်ဇြုံဇာတ်မ္ဂး ကလိဂွံကောန်မပြဲသၠုၚ်ရ။

၁၅။ လပံညာတ်ဍိုက်ပြေၚ်မ္ဂး ကလိဂွံဍိက်သ္ကံရ။

၁၆။ လပံညာတ်ညးတၞဟ်သ္အာၚ်ဍိုက်စိၚ်မ္ဂး ကလိဂွံပိုန်ဟာန်ဒြပ်ရတ်ရ။

၁၇။ လပံညာတ်ဍိုက်စိၚ်မ္ဂး ကလိဂွံလာဘ်ဗဇဴရ။

၁၈။ လပံညာတ်ဍိုက်ကွဳမ္ဂး ကလိဂွံလာဘ်ဗဇဴရ။

၁၉။ လပံညာတ်ဍိုက်ကၠမ္ဂး ညးတၞဟ်သ္အာၚ် ယိုက်ဒိုက်ထံက်ပၚ်ဇကုရ။

၂၀။ လပံညာတ်ဍိုက်ကၠိက်မ္ဂး က္တဵုဒှ်ယဲဝေဒနာရ။

၂၁။ လပံညာတ်ဇိက်ဗ္ၚကဵုပြေၚ်ဂၠဴမ္ဂး ကလိဂွံလာဘ်ရ။

ပရောလ္ပံညာတ်စစၞတၞဟ်ဟ်[ပလေဝ်ဒါန် | ပလေဝ်ဒါန် တမ်ကၞက်]

၁။ လပံညာတ်စသတ်ဆုမမိက်ကဵုမွဲမွဲမ္ဂး ကလိဂွံလာဘ်ရ။

၂။ လပံညာတ်စမြေက် လ္ဂဝ် မကၞိမ္ဂး ဂွံဒှ်အ္စာညးရ။

၃။ လပံညာတ်သ္ဂောံစသွစာၚ်.သွဂစေံကီု သ္ဂောံစသၠဆုမမိက်ကဵုမွဲမွဲကီု ကလိဂွံလာဘ်ရ။

၄။ လပံညာတ်သ္ဂောံစသွက သွအရုတ်မ္ဂး ကလိဂွံသ္ၚုဩောံဂၠိုၚ်ရ။

၅။ လပံညာတ်သ္ဂောံစ မပ္တံကဵုခၟာဲအရုတ် ခၟာဲဒကောတ် အိုဿီုခၟာဲ မမိက်ကဵုမွဲမွဲမ္ဂး ကလိဂွံထဝ်ဩန်ဂၠိုၚ်ရ။

၆။ လပံညာတ်သ္ဂောံစဇွမၞိဟ်မ္ဂး ဒှ်ဒကိုပ်ပၞာန်ရ။

၇။ လပံညာတ်သ္ဂောံစပုၚ်မ္ဂး ကလိဂွံလာဘ်ရ။

၈။ လပံညာတ်သ္ဂောံစဖျုန်ကျာံ ဖျုန်အရုတ် ဖျုန်ၜိုၚ်ပှ်ကၞုဲၚုဲမ္ဂး ကလိဂွံလာဘ်ရ။

၉။ လပံညာတ်သ္ဂောံစကထၞေက်မ္ဂး သမ္ဘာဇကု မ္ဒးအာစိုပ်သ္ၚိညးရ။

၁၀။ လပံညာတ်သ္ဂောံစဇွအုဲအုဲမ္ဂးကီု ကပရာၚ် ဖျုန်ပရာၚ်ကီု၊ ကလိဂွံလာဘ်ရ။

၁၁။ လပံညာတ်သ္ဂောံစဍာ်တှ် တၚ်လာဲဍာ်သာဲမ္ဂး စိုတ်ၜိုဟ်လလံရ။

၁၂။ လပံညာတ်သ္ဂောံစပုၚ်ကဵုတၚ်လာဲမ္ဂး ဟွံခိုဟ်ရ။

၁၃။ လပံညာတ်သ္ဂောံစက္ဍိုပ်ညးမ္ဂး ဂွံဒှ်သေဌဳရ။

၁၄။ လပံညာတ်ဂွံစကြုတ်ဂြိုပ်မ္ဂး ဂွံဒှ်သၟိၚ်ရ။

၁၅။ လပံညာတ်ဂွံစစၞရိၚ်ဂမ္တၚ်မ္ဂး ဟွံခိုဟ်ရ။

၁၆။ လပံညာတ်ဂွံစစၞဍာတ်ဖျးမ္ဂး ဂွံခိုဟ်စရ။

၁၇။ လပံညာတ်ဂွံစဖျုန်ဂျိုၚ်ၚ် ဖျုန်စိန်န်မ္ဂး ဂွံဒှ်သၟိၚ် သ္ကိုပ်ပၞာန်ရ။

၁၈။ လပံညာတ်ဂွံစဖျုန်မၞိဟ် စဖျုန်စိၚ်မ္ဂး ဂွံဒှ်တသိုက်ရ။

၁၉။ လပံညာတ်ဂွံစက္ဍိုပ်မ္ဂး ဂွံဒှ်တသိုက် ဗၞတ်တွဵုရ။

၂၀။ လပံညာတ်ဂွံစပုၚ်လၟုဟ်မ္ဂး ဂွံလာဘ်ရ။

၂၁။ လပံညာတ်ဂွံစဗြာတ်က္ၜဴမ္ဂး ဒှ်တသိုက်ရ။

၂၂။ လပံညာတ်တိုန်စသတ်ဆုဗ္ဒဝ် စသတ်ဇြဲမ္ဂး ဂွံဒှ်ဇၞော်နူကဵုကလောဝံသဂမၠိုၚ်ရ။

၂၃။ လပံညာတ်ဂွံစစာၚ်ပရာၚ် ကၠိက်ပရာၚ် အဒါၜိုဟ်မ္ဂးဂွံဒှ်သၟိၚ်ရ။

၂၄။ လပံညာတ်ဂွံစပ္တိုဟ်မ္ဂး ဣဓိဇၞော်ရ။

၂၅။ လပံညာတ်ဂွံစတိ ဂွံစဇဗၠုသၠမ္ဂး ဂွံပတၠပိုန်ဟာန်ဒြပ်ရတ် ထဝ်ဩန်ဂၠိုၚ်ရ။

ပရောလ္ပံညာတ်ရပ်အပေါတ်တၞဟ်ဟ်[ပလေဝ်ဒါန် | ပလေဝ်ဒါန် တမ်ကၞက်]

၁။ လပံညာတ်ကမၠတ်ဒမၠရပ်ကၠေၚ်ဇကုမ္ဂး ဒးပြံၚ်ကွာန်ရ။

၂။ လပံညာတ်ဂစေံကလော်ပဝ်အာ ရပ်ဂွံမ္ဂး ကလိဂွံပြေၚ်ဂၠဴဂၠိုၚ်ရ။

၃။ လပံညာတ်ရပ်နာ်မ္ဂး သဗ္ဗအန္တရာဲဂမၠိုၚ် လာဲလေၚ်ရ။

၄။ လပံညာတ်ရပ်သၟိၚ်တ္ၚဲ သၟိၚ်ဂိတု သၟိၚ်ကျာမ္ဂး ဂွံဒုၚ်ပူဇဴလာဘ်သၟိၚ်တံရ။

၅။ လပံညာတ်ရပ်ဂၠဴမ္ဂး ဂွံဒှ်ဇၞော်ညးရ။

၆။ လပံညာတ်ရပ်စၟကယျုမ္ဂး ကလိဂွံသ္ၚုဩောံဂၠိုၚ်ရ။

၇။ လပံညာတ်ရပ်ကမ္ဂး ဂွံခိုဟ်စရ။

၈။ လပံညာတ်ရပ်ဂစေံမြာ် အကြေဲ စာၚ်မ္ဂး ကလိဂွံပိုန်ဟာန်ဒြပ်ရတ်ဂၠိုၚ်ရ။

၉။ လပံညာတ်ရပ်ကၠ ကျာံ ဗ္ၜေံမ္ဂး ကလိဂွံလာဘ်ဗဇဴရ။

၁၀။ လပံညာတ်ရပ်ပါံဒၞပ်ပြေၚ်ဂၠဴမ္ဂး ဂွံဒှ်ဇၞော်ညးရ။

၁၁။ လပံညာတ်တြုံမွဲ ဍေံရပ်တံၚ်ဂြဲဏာဇကု လ္ပာ်ဒိုဟ်သၟဝ်ကျာမ္ဂး ဒှ်လလေၚ်ဖဵုရ။

၁၂။ လပံညာတ်ဗြဴမၞုံကဵုနတ်ဗ္ကေတ် သၞေံတဲကေက် ဍေံကၠုၚ်မိန်ဗန်ဇကုမ္ဂး က္တဵုဒှ်ယဲရ။

၁၃။ လပံညာတ်ရပ်ဒတဲဏာမိမမ္ဂး ကလိဂွံဗြဴသမ္ဘာမပြဲရ။

၁၄။ လပံညာတ်ရပ်စန်ဇိုၚ်တဲဇကုမ္ဂး ဂွံဒှ်တသိုက်ရ။

၁၅။ လပံညာတ်ရပ်သၞာ် ဇၞောဝ်အလာံမ္ဂး ကလိဂွံလာဘ်မပြဲရ။

၁၆။ လပံညာတ်ဂွံဩံက်လစိန်မ္ဂး ကလိဂွံကောန်တြုံမပြဲရ။

၁၇။ လပံညာတ်ဂွံရပ်ယိုက်မိန်ကောန်ၚာ်မ္ဂး ဂွံစဂုန်ညးရ။

၁၈။ လပံညာတ်ညးရပ်နၚ်ဂၠဴမ္ဂး ကလိဂွံလာဘ်ရ။

ပရောလ္ပံညာတ်တိုန်ဒၞာဲတၞဟ်ဟ်[ပလေဝ်ဒါန် | ပလေဝ်ဒါန် တမ်ကၞက်]

၁။ လပံညာတ်တိုန်စဇဗၠုမ္ဂး ဒှ်သၟိၚ်ရ။

၂။ လပံညာတ်တိုန်ဂဇံတၚ်ထွာဲဒၟံၚ် ပ္ဍဲလ္တူက္ဍဟ်ဒဵုမ္ဂး ဂွံဒှ်သၟိၚ်ရ။

၃။ လပံညာတ်တိုန်စိုပ်လ္ဒေါဝ်ဒဵုမ္ဂး ဂွံဒှ်သ္ကိုပ်ပၞာန်ရ။

၄။ လပံညာတ်တိုန်ကျာ်မ္ဂး လာဘ်ဗဇဴနူဒိုဟ်ပန် ကလိဂွံရ။

၅။ လပံညာတ်တိုန်တိဂအုဲဂြုန်မ္ဂး က္တဵုဒှ်ယဲရ။

၆။ လပံညာတ်တိုန်ဂ္ဇံဒၟံၚ် ပ္ဍဲလ္တူတၟံလးမ္ဂး ဂွံဒှ်သၟိၚ်ရ။

၇။ လပံညာတ်တိုန်သ္ၚိကွဳစိၚ် ကွာ်အာကၠုၚ်ဒၟံၚ်မ္ဂး ဒှ်သၟိၚ်ရ။

၈။ လပံညာတ်တိုန်ဆုမ္ဂး ဣဓိဇၞော်ရ။

၉။ လပံညာတ်ဂွာန်တိုန်သၟန်ဩၚ်ၜဳမ္ဂး ဂွံဒှ်ဇၞော်ညးရ။

၁၀။ လပံညာတ်တိုန်ဍိုက်ဂၠုၚ်က္ၜၚ် တိုန်နန်ပြာသာဒ်မ္ဂး ဣဓိဇၞော်ရ။

၁၁။ လပံညာတ်တိုန်ဍိုက်စိၚ်ဂြၚ်မ္ဂး ဂွံဒှ်သၟိၚ်ရ။

၁၂။ လပံညာတ်ဂစက်ဂမာတိုန်ဇကုမ္ဂး ကလိဂွံလာဘ်ဗဇဴရ။

၁၃။ လပံညာတ်ဇြုံပူဂေတ်တိုန်ဇကုမ္ဂး ကလိဂွံသမ္ဘာမပြဲရ။

၁၄။ လပံညာတ်တိုန်တၞံဇြဲမ္ဂး ဂွံဗ္ဒါဲကဵုမိတ်သဟာဲမပြဲသၠုၚ်ရ။

၁၅။ လပံညာတ်တိုန်ၜှ်ပ္ကဴမ္ဂး သွက်ဂွံပူဇဴကျာ်မ္ဂး ဣဓိဇၞော်နူကဵုကလောဂမၠိုၚ်ရ။

၁၆။ လပံညာတ်ပၟတ်ဂဵုတိုန်မ္ဂး ကလိဂွံလာဘ်ဗဖဴရ။

၁၇။ လပံညာတ်တိုန်ၜှ်သတ်ဆုမ္ဂး ဣဓိဇၞော်နူကဵုကလောဂမၠိုၚ်ရ။

၁၈။ လပံညာတ်တိုန်ဍိုက်ပြေၚ်ဂၠဴ ချေံမ္ဂး ဂွံဇၞးသတြုရ။

၁၉။ လပံညာတ်ကလာၚ်တိုန်အာလ္တူအာကာသမ္ဂး ညးဟွံတုပ်ကဵုဇကု ဣဒိဇၞော်ကွေံရ။

ပရောလ္ပံညာတ်တ္ၚဲ ဂိတု-သၟန်သၞံၚ်တၞဟ်ဟ်[ပလေဝ်ဒါန် | ပလေဝ်ဒါန် တမ်ကၞက်]

၁။ လပံညာတ်သၟိၚ်တ္ၚဲ သၟိၚ်ဂိတု သၟန်သၞံၚ်နက်သတ်တံမ္ဂး ကလိဂွံကောန် မတုပ်ကဵုကောန်သၟိၚ်ရ၊ ဒယှ်ပြာကတ်ရ၊ ပိုန်ဟာန်ဒြပ်ရတ်လေဝ် ဂၠိုၚ်တိုန်ရ။

၂။ လပံညာတ်သၟိၚ်တ္ၚဲ သၟိၚ်ဂိတု သၟန်သၞံၚ်နက်သတ်လုပ်အာပ္ဍဲဍာ်နုၚ်မ္ဂး ဂွံဒှ်ဥပရာဇာရ။

၃။ လပံညာတ်ဂွံၚိတ်သၟန်သၞံၚ်မ္ဂး ဒှ်သ္ကိုပ်ပၞာန်ရ။

၄။ လပံညာတ်သၟိၚ်တ္ၚဲဂေတ်ဓဝ် သၟိၚ်ဂိတုဂေတ်ဒဝ်မ္ဂး ဂွံဒှ်ဒၟံၚ်သၟိၚ်မပြဲရ၊ ဍုၚ်ကွာန်လေဝ် ၜိုဟ်ရာၚ်ဆာဲရ။

၅။ လပံညာတ်သၟိၚ်တ္ၚဲ သၟိၚ်ဂိတု သၟန်သၞံၚ်လုပ်အမှဲနက်သတ်မ္ဂး ကလိဂွံကောန်ပရဲရ။

၆။ လပံညာတ်ဂွံမိၚ်သၟိၚ်တ္ၚဲ သၟိၚ်ဂိတု ဒးပၠောပ်ဏာပ္ဍဲသ္ၚိမ္ဂး ကလိဂွံဒြပ်ရတ်ထဝ်ဩန်ဂၠိုၚ်ရ။

၇။ လပံညာတ်သၟိၚ်တ္ၚဲဂြးစပ် သၟိၚ်ဂိတုဂြးစပ်မ္ဂး ၜိုန်ဒိုက်ဝါတ်ကီုလေဝ် ဂွံဒှ်ဥပရာဇာရ။

၈။ လပံညာတ်သၟိၚ်တ္ၚဲ သၟိၚ်ဂိတု ပြဟ်ဒတုံစှ်ေပ္ဍဲသ္ၚိဇကုမ္ဂး ဂွံဒှ်ဥပရာဇာရ။

၉။ လပံညာတ်ကွာ်အာလ္တူကျာ လ္တူစက်ဂိတုတ္ၚဲ သၟန်နက်သတ်မ္ဂး ဂွံဒှ်တြုံမပြဲရ။

ပရောလ္ပံညာတ်တၞဟ်ဟ်သာ်[ပလေဝ်ဒါန် | ပလေဝ်ဒါန် တမ်ကၞက်]

၁။ လပံညာတ်ဂွံမိၚ်ရမျာၚ်က္ဍိုၚ်သၞိၚ် ဒဗိုန်ဗာတ်ဆေၚ်မံၚ်ကၚ်ဂြဝ်မ္ဂး စိုတ်ဒှ်တသိုက်ရ၊ ပရိုၚ်ခိုဟ်လေဝ်ဂွံမိၚ်ရ။

၂။ လပံညာတ်ဂွံမိၚ်ရမျာၚ်ဂဂဵုတးဖမ်ခရာမ္ဂး ဂွံဒှ်အမာတ်သၟိၚ်ရ။

၃။ လပံညာတ်ဂွံမိၚ်ရမျာၚ်ညးတၞဟ်ကရေဲက္ညာၚ်သ္ကာတ်မ္ဂး ဒယှ်ပြာကတ်ရ၊ ဒြပ်ရတ်လေဝ် ဂၠိုၚ်ပ္ဍဲဇကုရ။

၄။ လပံညာတ်ဂွံမိၚ်ရမျာၚ်ဂစေံကလော် ဒူဒူလရိုအ်မ္ဂး က္တဵုဒှ်ယဲရ။

၅။ လပံညာတ်ဂွံမိၚ်ရမျာၚ်ဂစေံမြာ်ဂြဴမ္ဂး စိုတ်ၜိုဟ်လလံ ဒှ်တသိုက်ရ။

၆။ လပံညာတ်ဍာ်ကမၠိုၚ် က္တဵုဒှ်မိဟ်အိက်ၚာ်မ္ဂး ကောန်ဗြဴဒးကၟာဲရ။

၇။ လပံညာတ်ဂွံမိၚ်ရမျာၚ်ကွိၚ်ဒိပ်ဒေဝတဴမ္ဂး ချပ်ကသပ်အံၚ်ရ၊ ဒယှ်ပြာကတ်ရ၊ ပိုန်ဟာန်ဒြပ်ရတ်ဂၠိုၚ်ရ။

၈။ လပံညာတ်လ္တာက်ဂၠိၚ် တိတ်အုပ်လဝ်ဍုၚ်ကွာန်မ္ဂး ဂွံဒှ်ပူဂဵုတၠပညာရ။

၉။ လပံညာတ်ကြုတ်ဇကု ပူဂေတ်လဝ်ဍုၚ်မ္ဂး ဂွံဒှ်သၟိၚ်ရ။

၁၀။ လပံညာတ်ဒေဝတဴမ္ဂး နွံကဵုဣဓိရ။

၁၁။ လပံညာတ်ကလော်မိစ္ဆာမ္ဂး ဒးစ္ဍးအာဌာန်သ္ၚောဲရ။

၁၂။ လပံညာတ်ကြုတ်ဇကု ပူဂေတ်လဝ်ဍုၚ်မ္ဂး ဂွံဒှ်မၞိဟ်ဇၞော်ရ

၁၃။ လပံညာတ်ဗၠိုက်ဍာ်မ္ဂး က္တဵုဒှ်ယဲရ။

၁၄။ လပံညာတ်ပူဇဴပၞာၚ်ဗကပ္ဍဲကျာ်မ္ဂး မၞုံကဵုဣဓိရ။

၁၅။ လပံညာတ်ဇကုဇကုဇၞော်တဴမ္ဂး ကလိဂွံပိုန်ဟာန် ဇၞော်ကဵုဒြဟတ်ရ။

၁၆။ လပံညာတ်ခမဳသၚ် ဗဗၞး ဂွံဒှ်တသိုက်ရ။

၁၇။ လပံညာတ်တၞံဆုမၞုံကဵုသတ်ကီု ဒှ်အမှုကီု ဇကုချိုတ်ကီုမ္ဂး ဂွံသိုက်လှိၚ်ပ္ဍဲသၞိၚ်တသိုက်ရ။

၁၈။ လပံညာတ်ဂွံဒၠဝ်က္ဍိုၚ်ဗ္တာၚ်မ္ဂး ဣဓိဇၞော်ရ။

၁၉။ လပံညာတ်ပြာသာဒ် သိုၚ်သ္ၚိမ္ဂး ဂုန်ဇၞော်ရ။

၂၀။ လပံညာတ်ဂွံဟုံစၠန်မြမောဝ်မ္ဂး ကလိဂွံလာဘ်ရ။

၂၁။ လပံညာတ်ဇူသၞိၚ်ဆုမ္ဂး အာယုက်ဂၠိၚ်ရ၊ ဂၠိုၚ်ကဵုတွဳဝါရကလိဂွံရ။

၂၂။ လပံညာတ်တၟံလးမ္ဂး ဂွံဒှ်တသိုက်ရ။

၂၃။ လပံညာတ်ဂွံဟီုဂလာန်ကဵုခမဳ ဗဗၞးတံမ္ဂး ကလိဂွံလာဘ်ဇၞော်ရ။

၂၄။ လပံညာတ်ချေံသိန္ဓဴမ္ဂး အာယုက်ဂၠိၚ်ရ။

၂၅။ လပံညာတ်ဂွံဗိုက်ဂၠိက်ဗုမ္ဂး ဂွံဒှ်ဇၞော်ညးရ။

၂၆။ လပံညာတ်ကျာ်မ္ဂး ဂွံဗၠးဘဲဒဒိုက်တုဲ သီုကလိဂွံလာဘ်ရ။

၂၇။ လပံညာတ်ဗယုဟ်ဇြၚ်ဂဵုမ္ဂး ဂွံဒှ်အမာတ်သၟိၚ်ရ။

၂၈။ လပံညာတ်ပ္ဍဲကဵုဇကုစၟတယျု ဂမာတိုန်မ္ဂး ကလိဂွံလာဘ်ဗဇဴပြေၚ်ဂၠဴရ။

၂၉။ လပံညာတ်ဇိုၚ်တဲကဝ်မ္ဂး ပွမ္ဒးကၠောန်စၜါဝါ၊ ချပ်ကသပ်အံၚ်ရ။

၃၀။ လပံညာတ်ဂွံပတၠအိန်ထံၚ်ကီု၊ ဂွံတိက်မွဲစွံ မွဲကရောံဝုတ်ကညာတံမ္ဂး ကလိဂွံလာဘ်ဗဇဴရ။

၃၂။ လပံညာတ်က္ဍိုၚ်ဇၞောဝ်အလာံမ္ဂး ဒယှ်ပြာကတ်ရ။

၃၃။ လပံညာတ်ဂွံဂြၚ်စိၚ်ၜါတၞုၚ်မ္ဂး ဂွံသမ္ဘာရ။

၃၄။ လပံညာတ်ဝက်စရှ်ပ္ကဴမ္ဂး ဂွံသမ္ဘာရ။

၃၅။ လပံညာတ်တိုန်ဒဵု၊ လပံညာတ်စပုၚ်မ္ဂး ကလိဂွံလာဘ်ရ။

၃၆။ လပံညာတ်တိချဳမ္ဂး ဂွံဒှ်အမာတ်သၟိၚ်ရ။

၃၇။ လပံညာတ်တၟံသိန္နရာဇ် ဂွံတိက်သ္ပဂၞဳကီု၊ ဂွံလးသကဝ်ပ္ဍဲလ္တူၜဳမှာသၟိတ်ကီု၊ ဂွံတွဳဗွိုၚ်လဝ်မၞိဟ်ဗြဴဂမၠိုၚ်တုဲ ဂွံသိုက်လှိၚ်ဒၟံၚ် ပ္ဍဲသၞိၚ်လောကဳကီုမ္ဂး ယဝ်ရဒှ်ခရှ် ဂွံဒှ်သၟိၚ်ရ၊ ယဝ်ရဒှ်ခမဳ ဂွံဒှ်အ္စာတၠရောၚ် ဂွံဒုၚ်ပူဇဴညးရ။

၃၈။ လပံညာတ်ဂိုဟ်ထီုစေတဳကီု၊ လပံညာတ်ကၠောန်ကၟာၚ်က္ၜိုၚ်ကီု၊ လပံညာတ်တဵုတၞံဗြာတ်ကီုမ္ဂး ယဝ်ဒှ်ဒၟံၚ်ကောန်သၟိၚ် ဂွံဒှ်ဨကရာဇ်ရ၊ ယဝ်ဒှ်ဒၟံၚ်ကောန်ၝောံမၞိဟ်ဇၞော်မ္ဂး ဂွံဒှ်အမာတ်ရ၊ ယဝ်ရဒှ်ဒၟံၚ်ကောန်ဒိုက်ဂတ်မ္ဂး ဂွံဒှ်ပူဂဵုပရဲရောၚ်။

၃၉။ လပံညာတ်ဗိုဟ်ကၠဟ်ဝေၚ် တၟံကလောံကီု၊ ကျိုၚ်ကယျိုၚ်ကယျဝ်ကီု၊ လပံညာတ်အိက်အသုဘ ပၠေတ်လေတ်ဒၟံၚ်ပ္ဍဲဇကုမ္ဂး ဂွံဒှ်သေဌဳရ။

၄၀။ လပံညာတ်လျးဇကုဂဵုတိတ်ကီု၊ လပံညာတ်ဇကုကီု၊ ဣဓိဇၞော်ရ။

၄၁။ လပံညာတ်ဒၠဝ်က္ဍိုၚ်ကီု လပံညာတ်ဒၠဝ်ၝောံကိုဋ်ကီုမ္ဂး ဂွံဒှ်ဇၞော်ညးရ။

၄၂။ လပံညာတ်ကးက္ဍိုပ်ကီု၊ လပံညာတ်ကအ်ပိုတ်ကီု၊ ရေက်ပအ်ကီုမ္ဂး က္တဵုဒှ်ယဲရ။

၄၃။ လပံညာတ်ဂစေံခ္ဍာ်ဍုန်ဒၟံၚ် ပ္ဍဲလ္တူဝၚ်မ္ဂး ပွမ္ဒးချိုတ်ရ။

၄၄။ လပံညာတ်ဗၞုဟ်ဇြၚ်မ္ဂး ဒးကွာ်တရဴရ။

၄၅။ လပံညာတ်ယိုက်ကောန်ၚာ်မ္ဂး ကလိဂွံလာဘ်ရ။

၄၆။ လပံညာတ်ရိုဟ်ပလီုသ္ၚိမ္ဂး ဒြပ်ရတ်လာဲလေၚ်ရ။

၄၇။ လပံညာတ်ဂြိၚ်ထၟာဲလေတ်ဒၟံၚ် ပ္ဍဲဇကုမ္ဂး ဟွံခိုဟ်ရ။

၄၈။ လပံညာတ်ၚေက်ပြဟ်မ္ဂး က္တဵုဒှ်ယဲရ။

၄၉။ လပံညာတ်ၚေက်လ္တူပြဟ်မ္ဂး ကောန်တြုံက္တဵုဒှ်အန္တရာဲရ။

၅၀။ လပံညာတ်ၚေက်သၟဝ်ပြဟ်မ္ဂး ကောန်ဗြဴက္တဵုဒှ်အန္တရာဲရ။

၅၁။ လပံညာတ်တ္ၚပ်ပြဟ်မ္ဂး ကလောဝံသ က္တဵုဒှ်အန္တရာဲရ။

၅၂။ လပံညာတ်ဗိုက်ဗွိုက်လ္တက်မ္ဂး ဂၞပ်စိုတ်ဍိုက်ပေၚ်ရ။

၅၃။ လပံညာတ်ရေက်သၞေံဇိုၚ်တဲမ္ဂး ဟွံခိုဟ်ရ။

၅၄။ လပံညာတ်ၜိၚ်ကၠောံၜဳကီု၊ လပံညာတ်ကွာ်အာလတူဒဒန်ကီုမ္ဂး ဂၞပ်စိုတ်ဍိုက်ပေၚ်ရ။

၅၅။ လပံညာတ်သၟူဒကဝ်ကီု၊ လပံညာတ်ဇကုကြအ်ကီု၊ ကလိဂွံလာဘ်ဗဇဴရ။

၅၆။ လပံညာတ်ရပ်ဗၞုဟ်ဇြၚ်ကီု၊ လပံညာတ်တသော်ဂၠိၚ်တိုန်ကီုမ္ဂး အာယုက်ဂၠိၚ်ရ။

၅၇။ လပံညာတ်ကွဳကၠေံအာကီု၊ လပံညာတ်ဒဂိုဟ်ကလောတ်ခရာမ္ဂး ဂွံဒှ်မၞိဟ်ပြဲနူညးတၞဟ်သ္အာၚ်ရ။

၅၈။ လပံညာတ်ဗာ်ထပက်ညးမ္ဂး ဂွံဇၞးသတြုရ။

၅၉။ လပံညာတ်အှော်ဗအုံမ္ဂး ဟွံခိုဟ်ရ။

၆၀။ လပံညာတ်ဗြဲဂူဒးဇကုမ္ဂး စိုတ်ၜိုဟ်လလံရ။

၆၁။ လပံညာတ်ဗဝ်တၞံဆုကီု၊ လပံညာတ်မိန်လဝ်ဂြၚ်စိၚ်ကၞုသၚ်မ္ဂး ဂွံဒှ်အမာတ်ရ။

၆၂။ လပံညာတ်ညးဖေက်ဇကုမ္ဂး ညးတၞဟ်ဒးကဵုဒြပ်ရတ်ရ။

၆၃။ လပံညာတ်ဆီဇွောဝ်တိတ်ကီု၊ လပံညာတ်ဇိုၚ်တဲဂၠေံကီုမ္ဂး ဣဓိဇၞော်ကွေံရ။

၆၄။ လပံညာတ်ကြုတ်ပူ ပါတ်လဝ်တ္ကံဇကုကီု၊ လပံညာတ်တိၚ်ထၞစံၚ်ဂြဝ်ကီုမ္ဂး ဒၞာဲမအာစိုပ် ကလိဂွံလာဘ်ရ။

၆၅။ လပံညာတ်ကတ်ဗ္တောန် ကွာ်တရဴ ရပ်ဇၞောဝ်မ္ဂး ကလိဂွံလာဘ်ဇၞော်ရ။

၆၆။ လပံညာတ်ကၠဵုပရအ်ထဍေၚ်ကိတ်ဇကုမ္ဂး ညးဂြိုဟ်ကဵုဇကုရ။

၆၇။ လပံညာတ်စဴၚ်ဍေန်ပၟတ်ပၞာၚ်သ္ဍဴမ္ဂး ဂွံဒယှ်ပြာကတ်ရ။

၆၈။ လပံညာတ်ကလၚ်ပၚ်မှိၚ်ဓရ်မ္ဂး သ္ဂောံဒှ်သၞသတြုကဵုညးတၞဟ်သအာၚ်ရ။

၆၉။ လပံညာတ်တသော်လာဲမ္ဂး ဒြပ်ရတ်ဟုတ်စှ်ေရ။

၇၀။ လပံညာတ်သ္ၚိဇကု စဵုဗိုၚ်လဝ်ဇလမ္ဂး ဒးပ္ဍဵုပ္ဍိုက်ပျဲပျာံကဵုရဲကမၠတ်တံရ။

၇၁။ လပံညာတ်ဂွံကလံညးမ္ဂး ကလိဂွံကောန်မၞုံကဵုဣဓိရ။

၇၂။ လပံညာတ်ကာန်ၚာ်ဂါံအာလ္တူဇကုမ္ဂး ဒြပ်ရတ်ဟုတ်စှ်ေရ။

၇၃။ လပံညာတ်ကလိဂွံဂၠဴမ္ဂး ကလိဂွံဒြပ်ရတ်ရ။

၇၄။ လပံညာတ်တဲပုၚ် ကလှ်တိတ်မ္ဂး ဂွံဒှ်သေဌဳရ။

၇၅။ လပံညာတ်ကွာ်တရဴမ္ဂး ချပ်ကသပ်အံၚ်ရ။

၇၆။ လပံညာတ်ကၞုသၚ်မ္ဂး သၞသတြုလာဲလေၚ်ရ။

၇၇။ လပံညာတ်သ္ဂောံညာတ်ဗိုလ်ပၞာန်စိၚ်ချေံမ္ဂး သ္ဂောံခိုဟ်စရ။

၇၈။ လပံညာတ်စသတ်ဆုမ္ဂး ဒြပ်နူဇမ္ၚောဲ ညးပလံၚ်နၚ်ကဵုဇကုရ။

၇၉။ လပံညာတ်ကၞုဲမ္ဂး ဟွံခိုဟ်ရ။

၈၀။ လပံညာတ် ဒဳပၠောပ်ဂၠဴပ္ဍဲခရိုၚ်မ္ဂး ဂွံဒှ်ဇၞော်ညးရ။

၈၁။ လပံညာတ်တုက်ကၟံက်ဍာ်ၜဳ ဍာ်ကၟာမ္ဂး ဂွံဒှ်သ္ကိုပ်ပၞာန်ရ။

၈၂။ လပံညာတ်ကၠအ်ဥဒျာန်မ္ဂး ကလိဂွံလာဘ်ရ။

၈၃။ လပံညာတ်ဇကုဂဵုတၟးတဴမ္ဂး ကလိဂွံလာဘ်ဗဇဴ ဇၞော်ကဵုဒြဟတ်ရ။

၈၄။ လပံညာတ်ဂွံသုၚ်ဍာ်ပဿဴမ္ဂး ကလိဂွံလာဘ်နူသ္ၚောဲရ။

၈၅။ လပံညာတ်စိၚ်ဗ္တာၚ်ပြေၚ်ဗ္တာၚ်မ္ဂး သ္ဂောံဒှ်ပူဂဵုတၠပညာရ။

၈၆။ လပံညာတ်ကရေက်အှော်ပ္ဍဲသ္ၚိမ္ဂး ဒဂဵုဂတးပန်ရ။

၈၇။ လပံညာတ်ခမဳနွံဒၟံၚ်ပ္ဍဲသ္ၚိဇကုမ္ဂး ဣဓိဇၞော်ရ၊ ဒယှ်ပြာကတ်ရ။

၈၈။ လပံညာတ်ဆီမုဟ်တိတ်မ္ဂး ညးဂမၠိုၚ်ဒးနိဿဲကဵုဇကုရ။

၈၉။ လပံညာတ်ဆဵုဇြုံမ္ဂး ဍိက်တြုံဗြဴ ဒှ်သေက်ဇဵုရ။

၉၀။ လပံညာတ်ညးဂၠံက်ပ္တိတ်မတ်ဇကုကီု၊ လပံညာတ်ကတောဝ်ဇကုပိုတ်အာကီု၊ လပံညာတ်က္ဍိုပ်ဇကုပိုတ်အာမ္ဂး ကလိဂွံပိုန်ဟာန်ဒြပ်ရတ်ဂၠိုၚ်ရ။

၉၁။ လပံညာတ်ဗြဴဂမၠိုၚ် သ္ပအမှုကဵုဇကုမ္ဂး သ္ဂောံဒှ်တသိုက်ရ။

၉၂။ လပံညာတ်ဒတုံစှ်ေနူတၞံဆုမ္ဂး ဒှ်အမှုရ။

၉၃။ လပံညာတ်ပတ်ဍာ်တှ်မ္ဂး ကလိဂွံလာဘ်ရ။

၉၄။ လပံညာတ်ပြေၚ်ဒိမ္ဂး သၞသတြုကၠုၚ်စိုပ်ရ။

၉၅။ လပံညာတ်ဇြုံကိတ်ဒးမ္ဂး ဒှ်အမှုရ။

၉၆။ လပံညာတ်ဩောံမ္ဂး ဂလာန်တြေံ မံက်ဂတဝ်တိုန်ရ။

၉၇။ လပံညာတ်စာၚ်ဇဵုဒၟံၚ်မ္ဂး ဒှ်အမှုရ။

၉၈။ လပံညာတ်ယက်ကာမ်ဂဵုဒဂုဲဒၟံၚ်မ္ဂး ဒးက္တဵုဒှ်စိုတ်စံၚ်တူပူမှ်ရ။

၉၉။ လပံညာတ်သ္ဂောံဆဵုဂီုတိုန်မ္ဂး က္တဵုဒှ်ဓဝိၚ်စိုတ် ဗွဲမလောန်ရ။

၁၀၀။ လပံညာတ်ဂွံလိုန်ကွာ်အာ ပ္ဍဲလ္တူသရီုလမက်မ္ဂး ကျာ်ဩဳဇကု ဟုတ်ယုတ်စှ်ေရ။

၁၀၁။ လပံညာတ်ဗွိုက်လ္တက်ဒးသရီုလမက်မ္ဂး ပရိုၚ်ဟွံခိုဟ်ဂှ် မ္ဒးမိၚ်ရ။

၁၀၂။ လပံညာတ်ဂွံဆဵုမၞိဟ်ချိုတ်မ္ဂး ချပ်ကသပ်ဍိုက်ပေၚ်ရ။

၁၀၃။ လပံညာတ်ဆဵုမၞိဟ်ကတဵုတိုန်မ္ဂး အမှုတြေံမံက်တိုန်ရ။

၁၀၄။ လပံညာတ်လဗိုတ်ကျာမ္ဂး ပွမ္ဒးစံၚ်တူပူမှ်ရ။

၁၀၅။ လပံညာတ်သာဲဟိုၚ်ကိတ်ဇကုမ္ဂး ညးဆာန်ဇကုရ။

၁၀၆။ လပံညာတ်ဇိုၚ်ဂၠေံ တသော်ဇကုဂၠိၚ်တိုန်မ္ဂး ဣဓိဇၞော်ရ။

၁၀၇။ လပံညာတ်ညးတၞဟ်ကၠဟ်တၟံပ္ဍဲဇကုမ္ဂး ဒြပ်ရတ်ဟုတ်ယုတ်စှ်ေရ။

၁၀၈။ လပံညာတ်ညးတၞဟ်ကၠဟ်မ္ဂး ဂွံလာဘ်ရ။

၁၀၉။ လပံညာတ်ဂွံဒုၚ်လာဘ်ဗဇဴ ရဲရးမ္ဂး အာယုက်ဂၠိၚ်ရ။

၁၁၀။ လပံညာတ်ဂၠိက်ယာတ်မ္ဂး ကလိဂွံမိတ်သဟာဲပြဲရ။

၁၁၁။ လပံညာတ်သၞေံဇိုၚ်တဲဂၠိၚ်မ္ဂး အာယုက်ဂၠိၚ်ရ။

၁၁၂။ လပံညာတ်ရပ်ဇွအုဲအုဲမ္ဂး ကလိဂွံလာဘ်ရ။

၁၁၃။ လပံညာတ်ဂွံတိက်ပ္ဍဲကရောံဗြဴမ္ဂး ကလိဂွံလာဘ်ရ။

၁၁၄။ လပံညာတ်ဇြုံဗုဲ ဇြုံဇာတ်မ္ဂး သၞသတြုလာဲလေၚ်ရ။

၁၁၅။ လပံညာတ်လ္ၚောဝ်ကျာ်မ္ဂး ဂွံဒှ်တသိုက်ရ။

၁၁၆။ လပံညာတ်တိုန်တၞံဇြဲမ္ဂး ကလိဂွံမိတ်သဟာဲပြဲရ။

၁၁၇။ လပံညာတ်လ္တက်ယာတ်ဗ္တာၚ်မ္ဂး ဂွံဗၠးဒဒိုက်ရ။

၁၁၈။ လပံညာတ်သၟဝ်သ္ၚိပတိုဟ်တိုန်မ္ဂး ဂဂဵုတးပန်ဒှ်ဂွံရ။

၁၁၉။ လပံညာတ်လံက်မိတ်မြမောဝ်စၠန်မ္ဂး ဒးက္တဵုဒှ်ယဲရ။

၁၂၀။ လပံညာတ်ဂြးသော်မ္ဂး ဂွံဗၠးဒဒိုက်ရ။

၁၂၁။ လပံညာတ်သ္ဂောံဆဵုပ္ကဴဒကှ်မ္ဂး သ္ဂောံဒှ်ဇၞော်ညးရ။

၁၂၂။ လပံညာတ်ဂွိၚ်စံၚ်တူမ္ဂး ချပ်ကသပ်ဍိုက်ပေၚ်ရ။

၁၂၃။ လပံညာတ်ဍာ်ပဠက်ဇွောဝ်တိတ်မ္ဂး ဣဓိဇၞော်ရ။

၁၂၄။ လပံညာတ်ဂွံကျိုၚ်လစိန် ကံက်တဲမ္ဂး ကလိဂွံကောန်ပရဲရ။

၁၂၅။ လပံညာတ်အီဂြိုၚ်မ္ဂး စိုတ်ၜိုဟ်လလံရ။

၁၂၆။ လပံညာတ်စုတ်ကံက်တဲမ္ဂး ဂွံဒုၚ်ထိုၚ်သးညးရ။

၁၂၇။ လပံညာတ်ဍာ်ခန်မ္ဂး ဒှ်သၞသတြုဇၞော်ရ။

၁၂၈။ လပံညာတ်ဍာ်ကေဝ်ဇြုၚ်မ္ဂး သၞသတြုလာဲလေၚ်ရ။

၁၂၉။ လပံညာတ်ဍိုက်ဂၠုၚ်မ္ဂး ကလိဂွံလာပ်ဗဇဴရ။

၁၃၀။ လပံညာတ်ညးယဲမ္ဂး ကလိဂွံကောန်ဗြဴပရဲရ။

၁၃၁။ လပံညာတ်ဗၞုဟ်ဇြၚ်ဂဵုတၟးမ္ဂး ဣဓိဇၞော်ရ။

၁၃၂။ လပံညာတ်ဟုံကၠေၚ်မ္ဂး ကလိဂွံလာဘ်ရ။

၁၃၃။ လပံညာတ်တက်ဒဗိုန်ဗာတ်မ္ဂး ဣဓိဇၞော်ရ။

၁၃၄။ လပံညာတ်ဒၟံၚ်ပ္ဍဲခရိုၚ်ဂၠဴမ္ဂး ဂွံဒှ်ဇၞော်ညးရ။

၁၃၅။ လပံညာတ်ပ္ဍဲဇိုၚ်ဇကုဆီဇွောဝ်မ္ဂး ဣဓိဇၞော်ရ။

၁၃၆။ လပံညာတ်ကလိဂွံဍိက်မ္ဂး ပြေၚ်ဂၠဴဂၠိုၚ်ရ။

၁၃၇။ လပံညာတ်မၚ်ဂၠဴမ္ဂး ဂွံဒှ်ဇၞော်ညးရ။

၁၃၈။ လပံညာတ်ညးပူဇဴဇကု နကဵုပ္ကဴဗကမ္ဂး ဂွံဒှ်သၟိၚ်ရ။

၁၃၉။ လပံညာတ်ဗိုက်ဂၠိက်ဗွိုက် ညံၚ်ရဴသာ်ထဝ်မ္ဂး ဒှ်သၟိၚ်ရ။

၁၄၀။ လပံညာတ်သိုၚ်သ္ၚိဇရေၚ်ၜဳကြုၚ်မ္ဂး ကလိဂွံလာဘ်ရ။

၁၄၁။ လပံညာတ်ဇြုံ ဂဂဳ အယဴ ၚဴမ္ဂး ဂွံဇၞးသတြုရ။

၁၄၂။ လပံညာတ်ကလိဂွံဓါတ်ကျာ်မ္ဂး ဂွံကောန်ပရဲမွဲရ။

၁၄၃။ လပံညာတ်ကြုတ်ဇကု ပူပါတ်သ္ၚိမ္ဂး ဂွံဒှ်သၟိၚ်ရ။

၁၄၄။ လပံညာတ်ရပ်ကၠမ္ဂး ကလိဂွံမိတ်သဟာဲမပြဲရ။

၁၄၅။ လပံညာတ်ရေက်သၞေံဇိုၚ်တဲမ္ဂး ဂွံဒုၚ်လ္ၚောဝ်ညးရ။

၁၄၆။ လပံညာတ်ချူလိက် ဗှ်လိက်မ္ဂး ကလိဂွံလာဘ်ရ။

၁၄၇။ လပံညာတ်ဇြောတ်ဆီပ္တိုဟ်မ္ဂး ကလိဂွံလာဘ်ရ။

၁၄၈။ လပံညာတ်ဒြပ်ကၠေံကီု ဟဵုဗိုက်နိန်မၞိဟ်ဗြဴမ္ဂး က္တဵုဒှ်ယဲရ။

၁၄၉။ လပံညာတ်ဖာပ်သၚ်ကဵုဒါန်မ္ဂး က္တဵုဒှ်ယဲရ။

၁၅၀။ လပံညာတ်ညးပသၞကဵုဇကုကီု၊ က္ဍိုပ်ပိုတ်အာကီု၊ ဒးဂြိပ်ကီုမ္ဂး က္တဵုဒှ်ယဲရ၊ ညံၚ်ရဴသ္ဂောံဗၠးအန္တရာဲဂှ် ကြာတ်က္ဍိုပ်ဖ္ဍောတ်ဓဝ်မ္ၚဵုညိ။

၁၅၁။ လပံညာတ်ဇုတ်ဖျုန်ကကီု သော်သကံကီုမ္ဂး ဒှ်ယဲရ။

၁၅၂။ လပံညာတ်မတ်ကၠက်အာကီု လပံညာတ်သၟန်ပါၚ် ကတောဝ်မေက်အာကီုမ္ဂး မ္ဒးဒဒိုက်ရ။

၁၅၃။ လပံညာတ်တၞံဆုဇၞော်ဒေါမ်စှ်ေမ္ဂး မၞိဟ်ဇၞော် မိမ အ္စာ ပွမ္ဒးချိုတ်ရ။

၁၅၄။ လပံညာတ်ကလိဂွံဒၞပ်မ္ဂး ဒးကွာ်တရဴသ္ၚောဲရ။

၁၅၅။ လပံညာတ်မပဒတဴဒၟံၚ်ပ္ဍဲသ္ၚိတၟိမ္ဂး ဂွံဒှ်ဇၞော်ညးရ။

၁၅၆။ လပံညာတ်မပဒတဴပ္ဍဲသ္ၚိတြေံကီု လပံညာတ်ဂၠေၚ်ထၟာဲ ဂၠေၚ်က္ဍိုပ်ပြေၚ်မ္ဂး က္တဵုဒှ်ယဲရ၊ ပွမ္ဒးပြံၚ်ကွာန်လေဝ် ဂးရ။

၁၅၇။ လပံညာတ်ဂအအ်ကီု အုဲအသုဘကီု က္တဵုဒှ်ယဲရ။

၁၅၈။ လပံညာတ်ဆဵုကလော်သ္ၚိမ္ဂး ကၠောဝ်ဗျဵုရ။

၁၅၉။ လပံညာတ်ဗၠိုပ်ဍာ် အုဲသရီုလမက်မ္ဂး ပွမ္ဒးဆဵုဘဲရ။

၁၆၀။ လပံညာတ်ရပ်တှ်သၟတ်ဗြဴမ္ဂး ကလိဂွံလာဘ်ဇၞော်ရ။

၁၆၁။ လပံညာတ်ဂွံကြုတ်ဆီညးမ္ဂး ဂွံဒှ်သေဌဳရ။

၁၆၂။ လပံညာတ်မိန်ပၟတ်မ္ဂး ဒးကတဵုဒှ်ဓဝ်စံၚ်တူပူမှ်ရ။

၁၆၃။ လပံညာတ်ယိုက်လဝ်ကောန်ၚာ်မ္ဂး ချပ်ကသပ်အံၚ်ရ။

၁၆၄။ လပံညာတ်ၜန်သော်မ္ဂး ဒှ်ယဲရ၊ ဒှ်ဒၟံၚ်ခမဳ ဗြဴတံဂြိုဟ်ပလီုရ။

၁၆၅။ လပံညာတ်အၚ်္ဂဇာတ်မၞိဟ်တြုံ အၚ်္ဂဇာတ်မၞိဟ်ဗြဴဝွံ အာဓဝ်မေထုန်မ္ဂး ကလိဂွံလာဘ်ရ။

၁၆၆။ လပံညာတ်သ္ၚုဩောံပေၚ်ဟၚ်မ္ဂး သ္ဂောံခိုဟ်စရ။

၁၆၇။ လပံညာတ်ဇကုကြိုအ် ဇကုဗ္တာၚ်မ္ဂး ဒှ်ယဲရ။

၁၆၈။ လပံညာတ်ဂွံမဴတှ်ညးမ္ဂး သဂွံဍိုပ်ဒြပ်ရတ်ရ။

၁၆၉။ လပံညာတ်သၠးကောန်ၚာ်မ္ဂး ဒးကၠောဝ်ဗျဵုရ။

၁၇၀။ လပံညာတ်မၞိဟ်တြုံမ္ဂး အမှုအာစိုပ်ဒတုဲရ။

၁၇၁။ လပံညာတ်မၞိဟ်ဗြဴမ္ဂး အမှုဝါတ်ရ။

၁၇၂။ လပံညာတ်ညးယိုက်ဒလိၚ်ဏာဇွမ္ဂး ကလိဂွံလာဘ်ရ။

၁၇၃။ လပံညာတ်ဂွံထဝ်ဩန်မ္ဂး ကလိဂွံလာဘ်ရ။

၁၇၄။ လပံညာတ်ပၟတ်မ္ဂး ဣဒိဇၞော်ရ။

၁၇၅။ လပံညာတ်ပဒတဴဒၟံၚ်ပ္ဍဲလ္တူစးစိၚ်မ္ဂး ဣဒိဇၞော်ရ။

၁၇၆။ လပံညာတ်ဇကုတူမ္ဂး ဂွံဒှ်ပူဂဵုတၠပညာရ။

၁၇၇။ လပံညာတ်စဖျုန်စိၚ်ချေံမ္ဂး ပညာဇၞော်ရ။

၁၇၈။ လပံညာတ်ၚေက်အၚပ်ဂၠိၚ်တိတ်မ္ဂး ဣဓိဇၞော်ရ။

၁၇၉။ လပံညာတ်ဂွံကံက်တဲခရးမ္ဂး ကလိဂွံကောန်ပရဲရ။

၁၈၀။ လပံညာတ်ပဒတဴဒၟံၚ်ပ္ဍဲလ္တူပြာသာဒ်မ္ဂး ဂွံဒှ်တသိုက်ရ။

၁၈၁။ လပံညာတ်ပူဇဴဒေဝတဴမ္ဂး ချပ်ကသပ်အံၚ်ရ။

၁၈၂။ လပံညာတ်ညးၜါဆာန်မ္ဂး က္တဵုဒှ်ယဲရ။

၁၈၃။ လပံညာတ်ဟုံဍာ်မ္ဂး ပြဲနူညးတၞဟ်သ္အာၚ်ရ။

၁၈၄။ လပံညာတ်ပိုက်လွိၚ်မၞိဟ်မ္ဂး ဂွံဒှ်ဇၞော်ညးရ။

၁၈၅။ လပံညာတ်ပၟတ်တူပ္ဍဲဗဒၚ်သ္ၚိမ္ဂး ဂွံဒှ်သၟိၚ်ရ။

၁၈၆။ လပံညာတ်ဝေက်သၞေက်မ္ဂး ကသပ်ဍိုက်ပေၚ်ရ။

သွက်ဂွံစၟတ်သမ္တီ ပ္ဍဲဃရာဝါသသ္ၚိကၟိန်[ပလေဝ်ဒါန် | ပလေဝ်ဒါန် တမ်ကၞက်]

၁။ ပ္ဍဲလ္တူသ္ၚိ ပတဴအလာံ ဟွံခိုဟ်ရ။

၂။ ဂၠိက်ဝွံ ပတဴအလာံ ဟွံခိုဟ်ရ။

၃။ ဗ္ဒၚ်ဂတမုက်သ္ၚိ ဂါံကၠောံအာ ဟွံခိုဟ်ရ။

ဒလဝ်ဟွံထေက်-မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ပ္ကဴဇၟန်ဝွံ ဒလဝ်ဟွံထေက်ရ။

၂။ ဇံၚ်ထၟာဲပုၚ် ဒလဝ်ဟွံထေက်ရ။ ၃။ က္ဍိုၚ်ဗ္တာၚ် ဒလဝ်ဟွံထေက်ရ။

၄။ ပ္ဍဲဒယိုၚ်သ္ၚိ တၞံဆုလ္ပကဵုတိုန်။

၅။ ပ္ဍဲသ္ၚိတိဂအုံဂြုန် လ္ပကဵုတိုန်။

၆။ သ္ၚုဩောံ ဟွံမွဲပ္ဍဲကဵုဂအဳ လ္ပပတဴလဝ်ရိညိ။

၇။ လ္တူက္ဍိုပ်ဖဴ ပုၚ်ဟၟဲ လ္ပစွံထၟာဲညိ။

၈။ ပ္ဍဲဗ္ဒၚ်ဂတမုက်သ္ၚိ လ္ပပတဴလဝ်တ္ၚဗၞုဟ်ဇြၚ်ညိ။

၉။ ဃောစမံၚ်ပုၚ်ဂှ် လ္ပကဵုဗြုစာပ်စာပ်ညိ။

၁၀။ ပ္ၚာန်မွဲကဵုမွဲ လ္ပကဵုစုက်ဗြုညိ။

ဟွံကဵုဇတ်-မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ဍာ်ကြဴဇိုၚ် ဟွံကဵုဇတ်ရ။

၂။ ဍာ်နုၚ်သွုၚ် ဟွံကဵုဇတ်ရ။

၃။ ဍာ်နုၚ်ကလော် ဟွံကဵုဇတ်ရ။

ဟဂပ်ဝ်စဲ-မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ဝရာန်တာဂတမုက်သ္ၚိ ဟဂပ်ဝ် စဲဖုန်ရ။

၂။ ပ္ဍဲသ္ၚိစဲဗွိုက်လ္တက်မၞိဟ်ဗြဴ ဟွံဂပ်ဝ်ရ။

၃။ ကြဴကြာတ်က္ဍိုပ်တုဲ စဲတ္ၚဲဟွံဂပ်ဝ်ရ။

ဟွံဂပ်ဝ်ကြဴကြာတ်-မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ဗျာတ်ထးပ္ၚာန်ပုၚ် ပ္ၚာန်သွညးပလံၚ်နၚ်ကဵုဇကုဂှ် ကြဴကြာတ်ဟွံခိုဟ်ရ။

၂။ ပ္ၚာန်ပုၚ် ဗြဴမၞုံကဵုဂဝ်ဂၞဴစလဝ်တုဲဂှ် ဇကုကြဴကြာတ်ဟွံခိုဟ်ရ။

၃။ ဍာ်နုၚ်သွုၚ် ကြဴကြာတ်ဇိုၚ် ဟွံခိုဟ်ရ။

ဟဂပ်ဝ်လတိုၚ်ဝေၚ်-မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ကောန်ၚာ်သၟတ် ဗိုတ်လတိုၚ်ဝေၚ် ဟွံခိုဟ်ရ။

၂။ ၜုန်မြမုဲ ဗိုတ်လတိုၚ်ဝေၚ် ဟွံခိုဟ်ရ။

၃။ ထၟာဲနုၚ်ခရော် ပ္ၚာန်ပုၚ်ပ္ၚာန်သွ ဗိုတ်လတိုၚ်ဝေၚ် ဟွံခိုဟ်ရ။

ဟဂပ်ဝ်စၟဳဒၟံၚ်-မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ဘဲဇၞော် ကၠာဟွံစိုပ်ဇကုဏီဂှ် ဂပ်ဝ်ဒးစၟဳဒၟံၚ် မၞုံမွဲသာ်။

၂။ ဒြပ်ရတ်ထေက်ကဵုကလိဂွံဂှ် ဂပ်ဝ်ဒးစၟဳဒၟံၚ် မၞုံမွဲသာ်။

၃။ ညးမလေပ်ဟီုတွံဓဝ်မပြဲသၠုၚ်ဂှ် ဂပ်ဝ်ဒးစၟဳဒၟံၚ် မၞုံမွဲသာ်။

ဒ္ဂေတ်ပူဂဵူတၠပညာတံ မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ဂုန်ပူဂဵုတၠပညာတံ ဂရိုဟ်ဟွံခိုဟ်ရ။

၂။ ၜိုန်ဒှ်ဒၟံၚ်သၞသတြုကီုလေဝ် ဟဂပ်ဝ်ဂၠာဲဒုဟ်ရ။

၃။ ၜိုန်ပိုန်ဟာန်ဇကု ဆုတ်ယုတ်အာကီုလေဝ် ပိုန်ဟာန်ညးတၞဟ်သ္အာၚ် ညံၚ်ရဴဂွံလာဲလေၚ်အာကီုဂှ် ဟဂပ်ဝ်ချပ်ရ။

ဟဂပ်ဝ်ပ္တိတ်ဒြဟတ် မၞုံပန်သာ်[ပလေဝ်ဒါန် | ပလေဝ်ဒါန် တမ်ကၞက်]

၁။ သွက်ဂွံအာစိုပ်အပါဲပန်ဂှ် ဟွံဂပ်ဝ်ပ္တိတ်ဇြဟတ်။

၂။ ပွမသုၚ်စ စၞဗ္ၜူသုရာမေရဲဂှ် ဟွံဂပ်ဝ်ပ္တိတ်ဇြဟတ်။

၃။ ပွမကြေဝ်ဝေၚ် သ္ၚိညးတၞဟ်သ္အာၚ်ဂှ် ဟွံဂပ်ဝ်ပ္တိတ်ဇြဟတ်။

၄။ ပွမလီၜန် စၞာဲကေတ်ပိုန်ဟာန်ညးသ္အာၚ်ဂှ် ဟွံဂပ်ဝ်ပ္တိတ်ဇြဟတ်။

ဟဂပ်ဝ်ထေဲပၞတ် မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ညာတ်ဒးပိုန်ဟာန်ညးတၞဟ်ဂၠိုၚ်တုဲ ဟဂပ်ဝ်ထေဲပၞတ်ဂှ်မွဲသာ်။

၂။ ညာတ်ဒးသ္ၚိညးတၞဟ်သ္အာၚ်ခိုဟ်အာနူသ္ၚိဇကုဂှ် ဟဂပ်ဝ်ထေဲပၞတ်ဂှ်မွဲသာ်။

၃။ ညာတ်ညးသ္အာၚ်ခိုဟ်အာနူဇကုတုဲ ဟဂပ်ဝ်ထေဲပၞတ်ဂှ်မွဲသာ်။

ဟဂပ်ဝ်မံၚ် မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ဒၞာဲမိမအစာ ဟွံဂပ်ဝ်မံၚ်ဂှ် မွဲသာ်။

၂။ ပ္ဍဲအဒေါဝ်ဂၠံၚ် ဟွံဂပ်ဝ်မံၚ်ဂှ် မွဲသာ်။

၃။ ဒၞာဲဌာန်ဟွံသ္အးဇ္ၚးဂှ် ဟွံဂပ်ဝ်မံၚ်ဂှ် မွဲသာ်။

ဟဂပ်ဝ်ဒက် မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ဟဂပ်ဝ်ဒက်ဝေၚ်ဇိုၚ်တဲဂှ်မွဲ။

၂။ နော်ယံက်ကဵုပ္ၚာန်ခြော် ဟဂပ်ဝ်ဒက်လဝ်မွဲစွံဂှ်မွဲ။

၃။ ဗြဴမၞုံကဵုပဋိသန္ဓိဂှ် ဟဂပ်ဝ်ဒက်ဂှ်မွဲ။

ဟဂပ်ဝ်စမွဲစွံ မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ မၞိဟ်ဒှ်လဝ်အမှုဂှ် ဟဂပ်ဝ်စမွဲစွံရ။

၂။ ပုၚ်ရဲခါဲဒုတ်တံစလဝ် သှ်ေဒၟံၚ်ဂှ် ဟဂပ်ဝ်စမွဲစွံရ။

၃။ ကရောံခါဲဒုတ်တံ ဟဂပ်ဝ်ပပြဘိုက်မွဲစွံရ။

ဟဂပ်ဝ်ပကာ မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ကျာ် ဓရ် သၚ် မိ မ အ္စာ ဟွံပကာမ္ဂး ဟွံခိုဟ်ရ။

၂။ အမှုမွဲ ဍေံကၠုၚ်စိုပ်ဇကုတုဲ ၜိုန်ဍောတ်သွတ်ဒၟံၚ်ကီုလေဝ် ဟွံပကာမ္ဂး ဟွံခိုဟ်ရ။

၃။ ပၟတ်ဍာ်တံဂှ် ဟွံပကာမ္ဂး ဟွံခိုဟ်ရ။

ဟဂပ်ဝ်ရိုဟ်ပလီု မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ တိဂအုံဂြုန် ဟွံဂပ်ဝ်ရိုဟ်ပလီုရ။

၂။ သ္ၚိသာဲမၞုံတဴပ္ဍဲသ္ၚိဇကုဂှ် ဟွံဂပ်ဝ်ရိုဟ်ပလီုရ။

၃။ ကျာ်စေတဳ ဘုတ်ဘာ ဟွံဂပ်ဝ်ရိုဟ်ပလီုရ။

ဟဂပ်ဝ်ပဒတဴ မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ပ္ဍဲဇြပ်မအိုဟ်တြေံဂှ် ဟွံဂပ်ဝ် ပဒတဴရ။

၂။ ပ္ဍဲသိမ် ဟွံဂပ်ဝ် ပဒတဴရ။

၃။ ပ္ဍဲအဒေါဝ်ဖျာ ဟွံဂပ်ဝ် ပဒတဴရ။

ဟဂပ်ဝ်ဆုၚ် မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ပ္ကဴညးမပူဇဴကျာ်ဂှ် ဟဂပ်ဝ်ဆုၚ်ရ။

၂။ ပ္ကဴမၞိဟ်ဗြဴ ဝက်စရှ်လဝ်တုဲဂှ် ဟဂပ်ဝ်ဆုၚ်ရ။

၃။ ကောန်တြုံ ကောန်ဗြဴ သၠးတိတ်ကၠုၚ်နူဂၠံဂဝ်ဂၞဴမိကၠာအိုတ်ဂှ် ဟဂပ်ဝ်ဆုၚ်ရ။

ဟဂပ်ဝ်ဒက်ဝဲ မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ပ္ဍဲကလောကောဒေံဂှ် ဟဂပ်ဝ်ဒက်ဝဲဂှ်မွဲ။

၂။ ပ္ဍဲရဲသၟိၚ်တၠတံဂှ် ဟဂပ်ဝ်ဒက်ဝဲဂှ်မွဲ။

၃။ ပ္ဍဲညးမၞုံကဵုပိုန်ဟာန်ဒြပ်ရတ်တံဂှ်မွဲ။

ဟဂပ်ဝ်သုၚ် မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ ဟွံက္ၜဴပါၚ်ဏီတုဲ ဟဂပ်ဝ်စသုၚ်စၞရ။

၂။ ဍာ်ပ္ဍဲမွဲခရော်ဂှ် ဟွံဆာဲထောံညိညမ္ဂး ဟဂပ်ဝ်သုၚ်ရ။

၃။ ဍာ်သွက်ဍုန်ပုၚ်သွဂှ် ဟဂပ်ဝ်သုၚ်ရ။

ဟဂပ်ဝ်ခါဲ မၞုံပိသာ်[ပလေဝ်ဒါန် | ပလေဝ်ဒါန် တမ်ကၞက်]

၁။ တိမၞုံသၟဝ်သ္ၚိဂှ် ဟဂပ်ဝ်ခါဲဝေၚ်ရ။

၂။ တိမၞုံသၟဝ်ဇိုၚ်တၞိန်ဂှ် ဟဂပ်ဝ်ခါဲဝေၚ်ရ။

၃။ ပုၚ်မၞုံပ္ဍဲထၟာဲဂှ် ဟဂပ်ဝ်ခါဲဝေၚ်ရ။

ကိုန်သိုၚ်သ္ၚိ ခိုဟ်-ဟွံခိုဟ်[ပလေဝ်ဒါန် | ပလေဝ်ဒါန် တမ်ကၞက်]

  • ယြဴပူဂဵုမွဲ ပ္ဍဲကဵုသၞာံဏံ သၟိက်သိုၚ်သ္ၚိမ္ဂး တော်ဂၞန်တးရံၚ်အာယုက်တုဲ သိုၚ်ညိ၊ ဇကုၜိုန်သိုၚ်ဟွံဂွံကီုလေဝ် မၞိဟ်ပ္ဍဲသ္ၚိဇကုမွဲမွဲ ဒးဂွံရ၊ မၞိဟ်ဂွံဂှ်ဟေၚ် ကဵုဒုၚ်ယၟုတုဲ သိုၚ်လေဝ်ဂွံရ။

ဗီုကိုန်သိုၚ်သ္ၚိ[ပလေဝ်ဒါန် | ပလေဝ်ဒါန် တမ်ကၞက်]

တန်အာယုက် စကဵုဒ္စာံ၊ သှ်ေမွဲထံၚ်ထာ ဆၜိုတ်ဒးရး၊ သှ်ေၜါတုန်ဂှ် ဒှ်နိဂြောဓ၊ ပိလၟကိုပ် က္ဍိုပ်ဒယိုၚ်ကဝ်၊ ပန်ကၞိန်ထဝ်၊ မသုန်ပြာသာဒ်၊ သှ်ေတြဴမာ ယဲဒိုက်နာနာ၊ ထပှ်မုက်ဗြမ်၊ ဒ္စာံကမ္မဌာန်၊ သမ္တီကဵုမာန်၊ အဓာန်သိုၚ်သ္ၚိ။

(ယဝ်ရသၟိက်သိုၚ်သ္ၚိမ္ဂး သှ်ေပန်ခိုဟ်အိုတ်ရ မၞးတံ)

  • ပြကိုဟ်လောသိပ္ပံ တုဲဆဝွံရောၚ် မိဂ္ဂး။

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

https://drive.google.com/file/d/1Dc5VFfZsg2B0SjKsA71OdUpcJtH-hC-4/view?usp=sharing