လ္ပဖအိုတ်အခိၚ်အရာဟွံမွယ်ကဵုဖဵုခိုဟ်တံဂှ်ညိ

နူ ဝဳကဳပဳဒဳယာ

လ္ပဖအိုတ်အခိၚ်ကဵုအရာဟွံမွယ်ကဵုဖဵုခိုဟ်ဂှ်ညိ


လုပ်ဗှ်ဖျုန်လိက်အိုတ်စိုအ်၊

ပ္ဍဲကဵုအခိၚ်ပိုဲတံဆဵုညာတ်ကေတ်တိုၚ်ပ္ကဴပိုဲတံကၠးဍာံစၟတ်ဏောၚ်တှ်ေ တာလျိုၚ်ပိုဲဒးကၠောန်ကၠာအိုတ်ဟီုဂှ် ဒးပတဝ်ကွာ်အာတိုၚ်ပ္ကဴတေံရ၊ အရာလဵုကၠောန်ဗဒှ်ကဵုပိုဲဟွံဆဵုတိုၚ်ပ္ကဴတံဂှ်ပိုဲတံကော်စဍေံ(အရာဖဵုဟွံမွယ်)အဝုလေဝ်ကော်ဂးရ၊ အရာဟွံဒှ်ကၠုၚ်ဖဵုခိုဟ်သွက်ဘဝပိုဲဏံဂှ်ဟေၚ်ရ ဍေံတံဖအိုတ်မံၚ်အခိၚ်ပိုဲ ဍေံတံပလီုမံၚ်သမာဓိသတိပိုဲတုဲ သီုအခိၚ်အိုတ်သီုမသြန်လေဝ်အိုတ်အာကီုရ၊ ဟိုတ်ဖဵုသွက်ညးလ္ၚဵုတံဂွံစိုပ်အာတိုၚ်ပ္ကဴတေံမာန်ဟီုဂှ် ညးကော်စအရာတံဏံဂှ်တှ်ေ (အရာနွံကဵုဖဵုခိုဟ်)မွဲဟေၚ်တုဲ အခိၚ်မအိုတ်ကၠုၚ်လဝ်သီုဖ္အိုတ်တံဂှ်ဟွံဒှ်အာမးမးရ။


ဟိုတ်ဒှ်သာ်ဂှ်တုဲ အရာလဵုပိုဲတံဒးကဵုအခိၚ်ဒးဖအိုတ်အခိၚ်ဂှ်တှ်ေကဵုဖျုန်အိုတ်ညိ၊ အရာလဵုဖဵုခိုဟ်သွက်ဘဝအောန်တံဂှ်တှ်ေ လ္ပကဵုဖျုန်တုဲ သီုလ္ပကဵုအခိၚ်ဂှ်အိုတ်အာသွက်အရာတံဂှ်မးမးအိုတ်တွဵုညိ၊ အခိၚ်ဟီုဂှ်ဒှ်ၚုဟ်မးရာန်ကေတ်နကဵုသြန်ဟွံလောဲတုဲ ကၠာအခိၚ်တံဏံဟွံအိုတ်အာမးမးဂှ် နွံပ္ဍဲပိုဲဏံရုဲစှ်ပါ်ပါဲကေတ်ကေတ်ရ၊ ညံၚ်ရဴသွက်မၞိဟ်ဂၠဟ်ဂၠဟ်တံဂှ်ကီု ၊ ညံၚ်ရဴမၞိဟ်ဟွံကေတ်ဂၠံၚ်တံဂှ်ကီု၊ ညံၚ်ရဴမၞိဟ်ဟွံမွယ်ကဵုအရာပြံၚ်သၠာဲဂှ်ကီု၊ ညံၚ်ရဴမၞိဟ်တီဆဇကုမွဲဓဝ်အတ္တတံဂှ်ကီု သီုကဵုသွက်မၞိဟ်ဂွံမံၚ်လ္တူညးတၞဟ်တုဲမှကၠောန်ကမၠောန်တံဂှ်လေဝ် ထေက်ကဵုပိုဲတံလ္ပဖ္အိုတ်အခိၚ်တွဵုညိ၊ သာ်ဏံဟွံသေၚ်မ္ဂးတှ်ေ အိုတ်ကၞောတ်ဟေၚ် ပိုဲဏံသီုအခိၚ်အိုတ် သီုမသြန်လေဝ်အိုတ် အဓိကမွဲဂှ်တှ်ေ ဓဝ်ပတေဟ်ကေုာံစေတနာပိုဲဏံနွံမံၚ်လ္တူဍေံတံဂှ် ကူချပ်ဂွံတှ်ေဂိတ္ၚဲဝိုတ်အာဟွံမွယ်ကီုရ၊ ဟိုတ်ဒှ်သာ်တုဲ အရာလဵုညးလဵုပိုဲဏံထေက်ကဵုဒးကဵုဖျုန်ဒးကဵုအခိၚ်ဂှ်တှ်ေ ကဵုဖျုန်ကဵုအခိၚ်အိုတ်ညိ၊ သာ်ဂှ်ဟွံသေၚ်မ္ဂးတှ်ေ ကုသဵုအဲပရေံဒးဟီုဒၟံၚ်တွဵုရ။