လွဳအံင်၊ နာဲ

နူ ဝဳကဳပဳဒဳယာ
နာဲလွဳအံင်
ဥက္ကဌဇၞော် ဗော်ညဳသၟဟ်ဂကူမန်
သၠးဂၠံဂဝ် (1949-00-00) နဝ်ဝေမ်ဗါ ၃၀၊ ၁၉၄၈ (အာယုက် ၇၅)
ဂကူ  Monမန်
မဒယှ်တဴ ဥက္ကဌဇၞော် ဗော်ညဳသၟဟ်ဂကူမန်
ညးလျိုင်ကိုပ်ကၠာ နာဲတၠနန်
ဗော် ဗော်ညဳသၟဟ်မန်
ချဳဓရာင် သွက်အခေါင် ဂကူမန်
လာပ် လူမှုထူးချွန်တံဆိပ် (ပထမ အဆင့်)

နာဲလွဳအံင် (ယၟုဗၟာ နာဲမြင့်ဆွေ Nai Lawee Ong) ဥက္ကဋ္ဌ ဗော်ညဳသၟဟ်မန် (၁၀/မလမ(နိုင်)၁၆၂၅၀၀) ဝွံ နူဘဝသၟတ် ကၠောန်ကၠုင် ပရေင်ဂကူမန်တုဲ ကြဴနူ မကလိဂွံ ဗြနာမ် နူတက္ကသိုလ်တုဲ တိတ်အာ တိဗၠးၜး ဇရေင် ဗော်ဍုင်မန် သွက်ဂွံလုပ် ပေါဲဗတိုက် သွက်အခေါင်ဗၠးၜးဂကူမန် စဵုကဵု စိုပ်သၞာံ ၂၀၀၈ ရ။ သၞာံ ၂၀၀၉ ကာလ သၟာပရေင်ဍုင်ကွာန်မန်တအ် ဒက်ပ္တန် ဗော််ပရေင်ဍုင်ကွာန် ဗော်ဒဳမဵုကရေဇြဳအလုံဒေသရးမန်ဂှ် ပါလုပ် နဒဒှ် ပ္ဍဲဂကောံမၞိဟ်မဒက်ပ္တန်ဗော်မွဲတုဲ ပ္ဍဲသဘင်မာဲ သၞာံ ၂၀၁၀ ဂှ် ဒုင်ရုဲမာဲ သွက်စၠတ်ဓရ် တွဵုရးဍုင်မန် ပွိုင်ဆန္ဒမာဲ ၁ ပွိုင်ဍုင်ရေဝ်တုဲ ဂွံဇၞးမာဲ၊ တုဲ ဂွံဒုင် ခပတိုန် နဒဒှ် ဝန်ဇၞော် ဌာနဝန်ဇၞော် ဓာတ်လလဳ ကေုာံ ကွတ်တဲကွတ်စက် တွဵုရးဍုင်မန်ရ။ အခိင်ဗော်မန် မဒှ်ဒၟံင် ၜါဗော်ဂှ် ညံင်ဂွံဒှ် ပံင်ကောံရေင်သကအ်ဂှ် နာဲလွဳအံင် ပါလုပ် ပ္ဍဲဂကောံပညဳပညပ်၊ ကာလဗော်မန်ၜါ ပံင်ကောံ ဒက်ပ္တန် ဗော်ညဳသၟဟ်မန်ဂှ် ဆက်ကေတ်တာလျိုင် ပ္ဍဲဂကောံကေင်ကာတုဲ ပ္ဍဲသဘင်သဳကၠဳဗော် အလန်ပထမ သၞာံ ၂၀၂၂ ဂှ် ဂွံဒုင်ရုဲစှ် ဥက္ကဋ္ဌဗော်ညဳသၟဟ်မန်ရ။

ဘဝသၟတ် ကေုာံ ဘဝသၟာပၠန်ဂတး သွက်ဗၠးၜးဂကူမန်[ပလေဝ်ဒါန် | ပလေဝ်ဒါန် တမ်ကၞက်]

နာဲလွဳအံင် ကတဵုဒှ်မၞိဟ် ပ္ဍဲသၞာံ ၁၉၄၉၊ အကြာသၞာံ ၁၉၆၉-၁၉၇၃ တိုန်တက္ကသိုလ်ဂဥုဲပရေင်တဵုလွဳ (မွေးမြူရေးဆိုင်ရာဆေးတက္ကသိုလ်) Faculty of Veterinary Medicine, Rangoon (B.V.S)။ ပ္ဍဲဘဝကွးဘာတက္ကသိုလ်ဂှ် ပ္ဍဲကမ္မတဳလိက်ပတ်ယေန်သၞာင်မန် တက္ကသိုလ်ဂမၠိုင်လ္ဂုင်ဂှ် နူသၞာံ ၁၉၇၀ စဵုကဵု သၞာံ ၁၉၇၂ ဂှ် ယိုက်ဂၠေင်လဝ် နဒဒှ် ညးအုပ်ကာနာနာ။ တိတ်နူ တက္ကသိုလ်တုဲ သၞာံ ၁၉၇၃ ဂှ် တိတ်အာ တိဗၠးၜး သွက်လုပ်ပေါဲဗတိုက် သွက်ဗၠးၜးဂကူမန် ပ္ဍဲဇရေင် ဗော်ဍုင်မန်တၟိ။ ပ္ဍဲကဵုဗော်ဍုင်မန်တၟိဂှ် ကြဴနူ ဗော်ဍုင်မန်တၟိ ကလေင်ပံင်ကောံ ရေင်သကအ်တုဲ ပ္ဍဲသၞာံ ၁၉၈၇ ဂှ် ဂွံဒှ် ညးတာလျိုင်ဗဟဵုမွဲတၠတုဲ ယိုက်ဂၠေင်လဝ် ပ္ဍဲသွာင်ပရေင်ပညာ ကဵု ထတ်ယုက်။ မွဲလပါ်ဂှ် ပ္ဍဲကဵု တမ်ဒပ် ၃၃၃ ဂှ် နဒဒှ်ညးတာလျိုင် သွာင်ပရေင်ဍုင်ကွာန်၊ တုဲပၠန် နဒဒှ် ကဆံင်ဂဥုပ်ဗိုလ်ဇၞော် (ဗိုလ်မှူးကြီး)၊ စစ်ထောက်ချုပ်၊ စစ်ရေးချုပ်၊ ကမ္မတဳပၞာန်(ဗဟဵု) မြဴသာ်ဝွံ ယိုက်ဂၠေင် ကေတ်ကၠုင်တာလျိုင်နာနာသာ်ရ။ သၞာံ ၁၉၉၅ ဂှ် ပ္ဍဲမၞိဟ်စၞး ပရေင်ၜိုဟ်လလံ ဗော်ဍုင်မန်တၟိဂှ် ပါလုပ်လဝ်ကီု၊ တုဲပၠန် သၞာံ ၂၀၀၄ အခိင် အလဵုအသဳ မကော် သဘင်သဳကၠဳကောန်ဂကူ (ဇြဲၜါတၞံ) ဂှ် နဒဒှ် မၞိဟ်စၞး ဗော်ဍုင်မန်တၟိဂှ် တိုန်စိုပ်လဝ်ကီု။ သၞာံ ၂၀၀၈ ဂှ် ကေတ်အခိင်ဇူ (ပေန်ဇြေန်) နူဗော် နူကဵု တာလျိုင် ကမ္မတဳဗဟဵု ကေုာံ ကဆံင်ဂဥုပ်ဗိုလ်ဇၞော်ရ။

ပရေင်ဍုင်ကွာန်မန် အပ္ဍဲဍုင်[ပလေဝ်ဒါန် | ပလေဝ်ဒါန် တမ်ကၞက်]

သၞာံ ၂၀၀၉ ပ္ဍဲအခိင် မဒက်ပ္တန် ဗော်ဒဳမဵုကရေဇြဳအလုံဒေသရးမန်ဂှ် ပ္ဍဲကဵု စရင်မၞိဟ် မစဒက်ပ္တန်ဗော် သီုဖအိုတ် ၁၅ တၠဂှ် နာဲလွဳအံင် ပါလုပ်မွဲတၠ။ ပ္ဍဲကဵုဗော်ဂှ် နဒဒှ် ကေင်ကာဗဟဵုမွဲတၠဂှ် ယိုက်ဂၠေင်လဝ်တာလျိုင်ရ။ ၂၀၁၀ ဂိတုဂျူလာင် ၁၁ ဗော်ဒဳမဵုကရေဇြဳအလုံဒေသရးမန် ကၠောန်ဗဒှ် သဘင်ကောံဓရီုဗဟဵု ပ္ဍဲရုင်ဗဟဵုမတ်မလီုတုဲ ရုဲစှ် ဂကောံကေင်ကာဗဟဵု ၂၁ တၠဂှ် နာဲလွဳအံင် ဂွံဒုင်ရုဲစှ် နဒဒှ် ဂကောံကေင်ကာမွဲတၠရ။ ဂကောံကေင်ကာဗဟဵု ၂၁ တၠဂှ် နာဲင္ၚိုယ်သိင် (ဥက္ကဋ္ဌ)၊ နာဲလှအောင် (ဒု-ဥက္ကဋ္ဌ)၊ နာဲသိုက် (ဒု-ဥက္ကဋ္ဌ ၂)၊ ဒေါက်တာမာံနဲသဵု (ညးအုပ်ကာနာနာ)၊ နာဲစံတင် (ညးအုပ်ကာ ၁)၊ နာဲခေန်အံင် (ညးအုပ်ကာ ၂) ဂကောံကေင်ကာဂမၠိုင်ဂှ် နာဲကျာန်ယျေတ်၊ နာဲချမ်းမြေ့၊ နာဲသိန်းဟန်၊ နာဲစိုးသိန်၊ နာဲလွဳအံင်၊ နာဲအောင်ဘ၊ နာဲဗညာအံင်မဵု၊ နာဲဆာန်အံင် (နာဲစိန်ထွန်း)၊ နာဲစိန်အောင်၊ နာဲချစ်ဦး၊ နာဲသန်းရွှေ၊ နာဲသစ်လွင်၊ နာဲထွန်းအုန်၊ နာဲအောင်စိုး၊ နာဲဟံင်ဆာန်တအ်ရ။[၁] သဘင်မာဲ ၂၀၁၀ဂှ် နာဲလွဳအံင် ဒုင်ရုဲစှ် နဒဒှ် အလံင်အမာတ် ဗော်ဒဳမဵုကရေဇြဳအလုံဒေသရးမန် သွက်စၠတ်ထဝ်တွဵုရးဍုင်မန် နူပွိုင်ဍုင်ရေဝ်၊ ပွိုင်ဆန္ဒမာဲ စၟတ် (၁)တုဲ ဂွံဇၞးကေတ်မာဲရ။[၂] ပ္ဍဲအလဵုအသဳတွဵုရးဍုင်မန်ဂှ် ညးဂွံ ဒုင်ခပတိုန် နဒဒှ် ဝန်ဇၞော်မဆေင်ကု ဓာတ်လလဳ ကေုာံ ကွတ်စက်ကွတ်တဲရ။

နကဵုအမိင်ဂၞန် (၄၃/၂၀၁၁) နူသမ္မတ ကၟိန်ဍုင်ပံင်ကောံရးနိဂီုဗၟာ သမ္မတသိန်းစိန် နူရုင်သမ္မတကၟိန်ဍုင် ကၟိန်ဍုင်ပံင်ကောံသမ္မတရးနိဂီုဗၟာ မပ္တိတ်လလောင်တြးလဝ် ပ္ဍဲဂိတုဂျူလာင် ၈၊ ၂၀၁၁ ဂှ် နာဲလွဳအံင် ဂွံခပတိုန် နဒဒှ် ဝန်ဇၞော် ဌာနဝန်ဇၞော်ဓာတ်လလဳ ကေုာံ ကွတ်တဲကွတ်စက် တွဵုရးဍုင်မန်ရ။[၃] တာလျိုင်ဝန်ဇၞော်ဂှ် ယိုက်ဂၠေင်လဝ် ပွိုင် ၅ သၞာံ။

သၞာံ ၂၀၁၈ သွက်ဗော်မန် ပရေင်ဍုင်ကွာန်မန်ၜါ ဂွံပံင်ဒှ်မွဲဂှ် နာဲလွဳအံင် ပါလုပ် ပ္ဍဲဂကောံပ္ညဳပ္ညပ်ဂှ်မွဲတၠကီုရ။ ဗွဲကြဴ ဗော်ၜါ ပံင်ကောံတုဲ ဒက်ပ္တန် ဗော်ညဳသၟဟ်မန်ဂှ် ဂွံပါလုပ် ပ္ဍဲဂကောံကေင်ကာမွဲ။ သွက်ဂွံလုပ်ပြိုင် သဘင်မာဲ သၞာံ ၂၀၂၀ဂှ် ဒက်ပ္တန်လဝ် ကမ္မတဳဇမၞးမာဲမွဲ ပ္ဍဲဂိတုအဝ်ဂေတ် ၂၂၊ ၂၀၂၀ဂှ်ရ။ ကမ္မတဳဇမၞးမာဲဂှ် ဒက်ပ္တန်လဝ် နကဵု မၞိဟ်စၞး သီုဖအိုတ် ၂၂ တၠ၊ နာဲလွဳအံင်ဂှ် ဒှ်မၞိဟ် သကိုပ်သကကမ္မတဳဂှ်ရ။[၄]

သၞာံ ၂၀၂၂ ဂိတုမာတ် ၁၈ - ၂၀ နကဵု ဗော်ညဳသၟဟ်မန် ကၠောန်ဗဒှ် သဘင်သဳကၠဳဗော် (ဗဟဵု) ပ္ဍဲဟဝ်တေဝ်ရာမည ဍုင်မတ်မလီုဂှ် နာဲလွဳအံင် ဂွံဒုင်ရုဲစှ် နဒဒှ် ဥက္ကဋ္ဌ ဗော်ညဳသၟဟ်မန်ရ။[၅]

တဆိပ်တြာ[ပလေဝ်ဒါန် | ပလေဝ်ဒါန် တမ်ကၞက်]

သၞာံ ၂၀၂၄ ဂိတုဇာန္နဝါရဳ ၄ မဒှ် တ္ၚဲသၠးပွးရးနိဂီုဗၟာ မရနုက်ကဵု ၇၆ ဝါဂှ် နကဵု အလဵုအသဳပၞာန် ဇိုန်နှင်ကဵု တဆိပ်ပရေင်မၞိဟ်သကေက်သကာ (ကဆံင်ပထမ) "လူမှုထူးချွန်တံဆိပ် (ပထမ အဆင့်)" ရ။ နကဵု အလဵုအသဳပၞာန် မဂွံဇိုန်ကဵု တဆိပ်ဏအ်ဂှ် ဟိုတ်နူ အခိင်မကေတ်လဝ် တာလျိုင် ပ္ဍဲ ဗော်ဍုင်မန်တၟိ တိုန်လဝ် သဘင်သဳကၠဳကောန်ဂကူ (အမျိုးသားညီလာခံ) အလဵုအသဳပၞာန် ဒှ်မာန်ရ။ ဟိုတ်ဂှ်ရ ကရောမ်ညးဂှ် နူကဵု ဗော်ဍုင်မန်တၟိ မတိုန်လဝ် သဘင်သဳကၠဳကောန်ဂကူ ဖက်ဆောညးအုပ်နာနာ (တြေံ) နာဲဆာန်တိ၊ သကိုပ်က္ဍိုက်ပ်ပၞာန် (တြေံ) နာဲအံင်နာင် (စုတိ)၊ ကေင်ကာဗဟဵု (တြေံ) နာဲတၠညး၊ ကမ္မတဳဗဟဵု နာဲတေန်လှ တအ်လေဝ် က္လိဂွံ တဆိပ်ဂှ်ကီုရ။[၆]

နိဿဲ[ပလေဝ်ဒါန် | ပလေဝ်ဒါန် တမ်ကၞက်]

  1. "[မြန္ေဒသလုံးဆိုင္ရာဒီမိုကေရစီပါတီအလုပ္အမွဳေဆာင္စာရင္းမ်ား မွန်ဒေသလုံးဆိုင်ရာ ဒီမိုကရေစီပါတီ အလုပ်အမှုဆောင် စာရင်းများ]"၊ မြန်မာ့အလင်း၊ 2010-07-30။ 
  2. "တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် ကိုယ်စားလှယ်အမည်စာရင်း ကြေညာခြင်း"၊ မြန်မာ့အလင်း သတင်းစာ၊ 2010-11-11။ 
  3. "မွန်ပြည်နယ် ဝန်ကြီးများ ပြောင်းလဲတာဝန်ပေးအပ်"၊ မြန်မာ့အလင်း၊ 2011-07-09။ 
  4. ထွဋ်၊ ဇော်လွင်။ "မွန်ညီညွတ်ရေးပါတီ ရွေးကောက်ပွဲ အောင်နိုင်ရေးကော်မတီဖွဲ့စည်း"၊ ဒီမိုကရက်တစ် မြန်မာ့အသံ၊ 31 August, 2010။ 
  5. မွန်တမျိုးသားလုံးနှင့် ဒေသခံပြည်သူတို့၏ အကျိုးစီးပွားကို ရှေ့ရှုပြီး လူထုသွေးထွက်သံယို မဖြစ်စေသည့်နည်းလမ်းကို ရွေးချယ်ခဲ့သည်ဟု MUP ဆို. Open (21 March 2022).
  6. အမျိုးသားညီလာခံတက်ရောက်ခဲ့သူ NMSP ခေါင်းဆောင်ဟောင်း ၅ ဦးတို့အား လူမှုထူးချွန်တံဆိပ်(ပထမအဆင့်) ချီးမြှင့်. Open (4 Jan. 2024). “အမျိုးသားညီလာခံတက်ရောက်ခဲ့သည့် မွန်ပြည်သစ်ပါတီခေါင်းဆောင်ဟောင်း ၅ ဦးတို့အား ယနေ့တွင်ကျရောက်သော ၇၆ နှစ်မြောက်လွတ်လပ်ရေးနေ့တွင် နစကကောင်စီမှ လူမှုထူးချွန်တံဆိပ်(ပထမအဆင့်) ချီးမြှင့်ကြောင်း နိုင်ငံတော်အမိန့်ကျေငြာစာအမှတ် ၃/၂၀၂၄ အရ သိရသည်။ မွန်ပြည်သစ်ပါတီ တွဲဖက်အတွင်းရေးမှူးဟောင်း နိုင်ချမ်းတွဲ့၊ စစ်ဦးစီးချုပ်ဟောင်း နိုင်အောင်နိုင် (ဗိုလ်ချုပ်-ကွယ်လွန်)၊ ဗဟိုအလုပ်အမှုဆောင်ဝင်ဟောင်း နိုင်တလညီ၊ ဗဟိုကော်မတီဝင်ဟောင်းများ ဖြစ်ကြသည့် နိုင်လဝီအောင် (ဗိုလ်မှူးကြီး) နှင့် နိုင်တင်လှ (ဗိုလ်မှူး) ၅ ဦးတို့အား လူမှုထူးချွန်တံဆိပ်(ပထမအဆင့်) ချီးမြှင့်ခဲ့ကြောင်း သိရှိရသည်။ “အတိတ်ကသူတို့ ဆောင်ရွက်ခဲ့တဲ့ တိုင်းပြုပြည်ပြုလုပ်ငန်းများအကျိုးဆက်ရဲ့ အသီးအပွင့်အဖြစ် မြန့်မာ့လွတ်လပ်ရေးနေ့မှာ နိုင်ငံတော်ကနေ ချီးမြှင့်ပေးတာပေါ့၊ လက်ရှိမှာ မွန်ညီညွတ်ရေးပါတီ MUP ရဲ့ CEC ၄ ယောက်ပါဝင်တယ်၊ ဥက္ကဌ နိုင်လဝီအောင်၊ ဒုဥက္ကဌ နိုင်ချမ်းတွဲ့နဲ့ နိုင်တလညီတို့ CEC အဖွဲ့ဝင် နိုင်တင်လှတို့ပေါ့၊ ဗိုလ်ချုပ်အောင်နိုင်က နောက်ပိုင်းမှ မွန်ငြိမ်းချမ်းရေးကာကွယ်ရေး တပ်ဖွဲ့ ခေါင်းဆောင်တစ်ယောက်အနေနဲ့ ရပ်တည်ခဲ့တယ် သူကွယ်လွန်ခဲ့တာကြာပါပြီ” ဟု အမည်မဖော်ပြလိုသော မွန်ညီညွတ်ရေးပါတီ ဗဟိုကော်မတီဝင်တစ်ဦးက ပြောသည်။”